ايه رايكم يا بتوع سنه تالته فى الامتحانات؟

[دكتور المنصورة]

السلام عليكم ورحمه الله وبركاته

بدايه وقبل كل شى احب ان نعتذر لاعضاءنا الكرام عن غياب المنتدى فى الفترة الماضيه و مدى تاثيرة خصوصا انها كانت فترة الامتحانات واكيد كتير منا كنا نحتاج المنتدى فى الفترة دى
ولكن هذا لظروف خارجه عن الارادة ليس لادارة المنتدى دخل بها وانما هى مشاكل بالسيرفر الخاص بالمنتدى

وبعد عودة كل الطب بشكله الجديد (مؤقتا) واطمن حضرتكم انه سوف يتم دمج الموقع القديم بجميع مواضيع بالمنتدى الجديد
ونرجو من الجميع التعاون والتكاتف والصبر ونشر الدومين الجديد للمنتدى WWW.ALLTEB.ORG حتى يعود كل الطب كما كان وافضل مما كان



ونبدا اول مواضيع المنتدى بالشكل الجديد


باستطلاع اراء الناس عن الامتحانات وعن مدى الصعوبه اللى كانت موجود فى الامتحانات ورايهم ايه فى اللى حصل فى امتحانات الفارما والباثولجى وبردة يا ريت الناس تطمنا عملوا ايه فى الامتحانات

وبجد الناس راضيه عن االلى حصل دة ونفسى اعرف بجد هو المطلوب مننا ايه لان عن نفسى بجد والله انا بقيت محبط اوى من اللى حصل ومش عارف نعمل ايه عشنا نجاوب كويس


فياريت نسمع اراء الناس فى اللى حصل فى الامتحانات

[محب الدين]

السلام عليكم

كيف حالك يا وليد

والله المسأله في الفارما أعتقد انها مش محتاجه أراء

تخيل امتحان مفيهوش ولا سوءال من الكتاب(الام سي كيو طبعا)

والنظري من صعب وأضيق النطافات الي ممكن حد يختار منها أسئله

الباثولوجي

أعتقد أنه كان أحسن من الفارما بس ده ميمنعش أنه كان صعب برضه
ومكمن صعوبته أن مكانش فيه كتاب يتذاكر منه اصلا الام سي كيو

البارا طبعا الام سي كيو كان كويس

النظري كان صعب أيضا وجه من الجداول الي مينفعش اصلا تيجي شورت نوتس

والحمد لله كان ختام الامتحانات مسك بامتحان الميكرو الجميل

والحمد لله علي كل حال

ولكن لو حبيت اعبر عن مستوي الامتحانات

سئ وصعب ومعقد والله المستعان

[اية خيرى]

السلام عليكم
طبعا انا عديت مرحلة الشكوى من صعوبة الامتحانات
انا فى مرحلة ترقب النتيجة
هييييييييييييييييييييه
والله ما عارفة اقول ايه!!!!!!!!!!!!!!!!!!!!

[NERVE]

اولا المفروض اننا نكون عدينا مرحله الشكوي من الامتحانات بس فعلا الامتحانات كانت صعبه
بدأوها بالفارما والامتحان كان تحفه وكان مركز علي حاجات صعب قوي انك تاخد باللك منها والشكله الكبري ان الغلطه بدرجه :207: وامتحان الباثولوجي كان احسن بس للاسف انا غلطت ف حاجات انا عارفاها جدا وبرضه الغلطه بدرجه
اما يا جماعه (مش قصدي يبقي دمي تقيل في الاجازه) امتحان الميكرو علي الرغم من انه من الكتاب بالنص الا ان الاجزاء اللي مفروض يكون فيها except د فؤاد مصر علي اجابه واحده بس
لأ وكمان فيه سؤال مجاوبه حاجه تانيه خالص غير الاجابتين اللي موجودين في الكتاب:ill:
بصراحه احنا اتظبطنا التيرم ده:d2ccf6e579es6:

[اية خيرى]

بصى يا دوك Nerve اللى حصل فى امتحان الميكرو
ميتحكاش نهائى
لو كنتى فى اللجنة اللى فوق
من الهيصة والدوشة واللغبطة
ودوك يدخل يقول حاجة ودوك تانى يدخل يقول حاجة
والوقت ساعة الاربع
اكيد مش هتكونى عارفة عملتى ايه اصلا فى الامتحان
انا عن نفسى اسوأ امتحان عندى كان امتحان الميكرو

[banned]

ممممممم ... اظن ان امتحان الفارما اللى كان خرافه ... يعنى مفروض يحطوه فى متحف ويسيبو الطلبه اللى بعدنا يتفرجو عليه ..

مممم البارا ... كانت عاوزه واحد مذاكر نظرى شويه عشان الشورت نوت او يكون ذاكر التجميعات ... انما الام سى كيو اهو كان كويس...

الباثولوجى .... انا قريت شويه وعلى حسب اللى قريته حليت وحسيت ان الكلام علينا يعنى مش زى الفارما مش عارف اقرا السوال ؟؟ ..... بس اهو برضو عدى ..

الميكرو جاى حرفيا من الكتاب وتمام الحمد لله مع انى غلطان فى شويه بس اسمه كان سهل ومتعقدناش فيه .....

يا رب النتيجه ما تطلع السنه دى خالص وطريقه التصحيح بالكمبيوتر دى تفشل ويتهدوا من التصحيح اليدوى ...

[mans.doctor]

حسبي الله و نعم الوكيل الواحد كان نفسه يرفع من روحه المعنوية شوية بس مفيش فايدة
الكارثة اني كنت مذاكرة كويس هو دا اللي تاعبني
و بصراحة حاسة ان السنة دي اكبر مقلب اخدته ف حياتي اكبر من مقلب دخولي تلك الكلية المحترمة:ill:
و بالمناسبة مبروك التجديدات بس متمسحوش التسجيل بتاعي تاني لحسن ازعل:220:

[كيفو]

الامتحانات جميلة ومعقولة

[دكتور المنصورة]

دى سنه 3 يا دكتور حضرتك فى اولى

[banned]

الامتحانات جميلة ومعقولة
ايه ؟ .. قول تانى كدا ... مين ....
امتحانات ايه اللى معقوله يا دوك؟؟51310::