ليه مشاركات سوهاج قليلة

[Honada]

السلام عليكم
انا هونا رايحه خامسه طب
بس ليه كده المشاركات قليله قوى
عايزين مشاركات اكتر
ونبقى فعالين
يعنى مثلا اللى رايح سنه رابعه يسأل اللى خلص رابعه فى اى حاجه عايز يستفسر عنها فى السنه دى
وانا تحت امركم فى اى حاجه

[فاطمة خالد]

معاكي حق يادكتورة طلبة قنا وسوهاج ما كانوش كده في المنتدى القديم ومرة واحدة نامووووووووا
يارب يصحوا بأى ويرجعوا للمنتدى روحه القديمة

[Honada]

شكرا دكتورة فاطمه على الرد

[*محمد نصر*]

ربنا يعينكم يا دكاترة وبإذن الله المنتدى بيكم هيكون اقوى وأقوى
مشوار الألف ميل يبدأ بــ خطوة !!
وأنتم من سيكون هذه الخطوة إن شاء الله تعالى
ومعكم وبكم يزدهر القسم ومن ثم المنتدى,,
فقط توكلوا على الله وابدأوا في تفعيل القسم ومواضيه وإثرائه بما يهمكم ويمس كليتكم
ومن ثم دعوة إخوانكم ونشر المنتدى
وبإذن الله سيتغير الوضع لما تتمنون
بالتوفيق ان شاء الله

في حفظ الله
.
.
.
تحياتي

[Honada]

شكرا للمرور والرد يا دكتور

[توتو]

مش عارف اتفوق

[osamadahab]

السلام عليكم
انا اسامة طبيب امتياز سوهاجي
وتحت امركم في اي طلب
وربنا يكرمكم ويوفقكم

[Honada]

السلام عليكم
انا اسامة طبيب امتياز سوهاجي
وتحت امركم في اي طلب
وربنا يكرمكم ويوفقكم
بارك الله فيك دكتور اسامه
ياريت تقول لنا ازاى نتفوق فى طب سوهاج
انا عندى امتحان شفوى وعملى الاطفال بعد العيد ان شاء الله:barak:

[القلب البرئ]

انا رايحة ان شاء الله سنة سادسة
يا ريت لوحد يساعدنى ويقولى شويه عن سنة سادسة المواد كام روند فترة الدراسة لكل روند الكتب اللى اجبها ولوفى تسجيلات اسمعها تكون لمين

وانا مستعدة اساعد اى حد فى خامسة لو ليه اى استفسار

[القلب البرئ]

:wfk:

[فتي ضوء القمر]

انا في سنة اولي طب مش عارف اتعامل مع المواد حد يرد عليا ويقولي اعمل ايه في المواد

[فتي ضوء القمر]

:wfk:

[القلب البرئ]

السلام عليكم
الاول انت خليك واثق فى نفسك وان شاء الله كل مشكلة هتتحل
بالنسبة للمواد فى سنة اولى فى البداية هتحس انها صعبة علشان موضوع اللغة وكمان ده نظام جديد مش زى الثانوية العامة
انت عندك اربع مواد مهمين
الاول التشريح حاول انك تركز فيها وتذاكرها اكتر لانها تقريبا بتتبخر بس بالتكرار هتلاقى نفسك اتحسنت وطبعا الروندات حاول تكون فعال فيها تسال تجاوب خليك ليك وجود وانت وحدك هتلاقى نفسك مركز
وفى مذكرة امتحانات السنين اللى فاتت ممكن تساعدك فىجميع المواد
البيو اعرف اللى عليك ذاكر من كتاب القسم وهى عايزة حفظ شويه لو صعب عليك الحفظ اعتقد التكرار بردو هيفيد
الهستولوجى مادة الى حد ما جميلة
المهم انك لما تذاكر حاجة وتحس انك نسيته بسرعة ما تتضايقش اقراها تانى وتالت وفى الامتحان بجد هتفتكر كل حاجة
هتقول الوقت هتجيبه من فين؟ نظم وقتك ولوفى يوم طلعت فاهم ومذاكر ولوحتى صفحتين ده كويس
والمشكلة اللى عندك فى المذاكرة كانت عندنا كلنا ى سنة اولى وبمرور الوقت هتحس انك اندمجت فى المواد
وده والله مش مجرد كلام ده عن تجربة
وربنا يوفقك

[القلب البرئ]

وفى مواضيع فى هذا القسم للمساعدةعلى المذاكرة

[emw2013]

:barak:

نحن متواجدون

[سلوى]

السلام عليكم
معكم سلوى سنة رابعة ، اريد ان ارفع معكم راية تنشيط منتدي طب سوهاج
والبداية سؤال عن نظام راوند الرمد الغريب اللي شغال في الكلية بتعتنا من اول ما بدأ واحنا بنتكلم عن الcataract وكأن مفيش حاجة غيره وكمان كل دكتور عايز يقول اللي علي مزاجه ومش مهم الترتيب ولا رأينا
انا موجودة للسؤال عن اي شئ يخص سنة 3:G01GreatIdea1:

[king5]

على فكرة ياسلوى انتو طول الروند هتاخدوا cataract ,glucoma بس

[سلوى]

شكرا للرد ياking5 والله يبشرك بالخير

[ahmed khairy]

السلام عليكم ورحمه الله وبركاته

اولا اعرفكم بنفسى
انا احمد الفرقه الربعه _طب قنا
وكمان بأرفع معاكم الرايه بالمشاركه وتنشيط طب سوهاج وقنا
انا الحمد لله خلصت اغلس رواند وهو الرمد
ودلوقت شغال صحه عايمه(قصدى عامه) ومش عارف اذاكر الماده ازاى او تقريبا مش عارف فيها حاجه خالص
يللا بقى يا جماعه عاوزين نصايحكم لطلاب قنا الغلبانين اللى مش لاقييين حد اكبر منهم ينصحهم
:faces222:

[تائه تائه يا ولدي]

أنا في الفرقة الثالثة بكلية طب سوهاج
مشكلتي الحالية إني مش قادر أذاكر الفارما
المشكلة عندي إني مش قادر ألمها
لو حد يقدر يساعدني ياريت يقوللي إيه الحل
ولكم جزيل الشكر

[القلب البرئ]

اهلا بيل دكتور احمد خيرى
بالنسبة للصحة العامة هى فعلا عايمة زى ما بتقول المهم احنا هنا فى سوهاج كنا بنذاكر من مذاكرات القسم يعنى كنا بنحفظها المهم كان فى مسائل فى الروندات فى البداية ممكن تحس انك مش فاهم قوى المهم انك تحل مسائل اكتر احنا كان فى عندنا كتاب عملى فيه مسائل فى كليتنا
بالنسبة للنظرى احضر المحاضرات وضيف الزيادات غير كده تذكر حاجات القسم الامراض حاول تجمعها وتعمل تلخيص لنفسك وبجد هتحس المواضيع احسن
وربنا يوفقك

[القلب البرئ]

اهلا بيك دكتور تائه
بالنسبة للفارما انا كان عندى نفس مشكلتك وتقريبا دى كانت مشكلة طلبة كتير ان الفارما بتتبخر حتى الدكاترة كانوا يقولوا نفس الكلام
المهم تغلبنا على هذه المشكلة بالمذاكرة اليومية للفارما يعنى خليها هى المادة الاساسية اللى لازم تذاكرها كل يوم وما تزعلش لما تنساها اكيد هتراجعها تانى وهتفتكرها
كمان فى هنا فى المنتدى تسجيلات لدكاترة كبار الحقيقة انا ماكنتش بسمع تسجلات لما كنت فى تالتة بس هى بجد مفيدة
وربنا يوفقك

[تائه تائه يا ولدي]

شكرا ليكي يا دكتورة على الرد
طيب بالنسبة للتسجيلات مين أحسن واحد ممكن أسمعه وفي نفس الوقت ميضيعش الوقت
لإني سمعت إن الدكتور محسن بيأخد وقت طويل جدا

[إيماني حياتي]

إمتي سوهاج تكون جامعة بجد :(

الله المستعـــان

كل حاجة مجهود شخصي :((

نفسي أبقي دكتورة بحق وحقيقي

كل حاجة نبحث عنها وندور ونشوف والمحاضرات مفيش فايدة والروندات ربنا يسترها علينا :((


يـــــارب

ربنا يكون في عونا

انا في تالتة يا جماعة اللي محتاج حاجة يقول وانا تحت أمره سواء في تالتة أو قبل كده

وبإذن الله ربنا يفتحها علينا حتي لو بمجهودنا الشخصي :)