ممكن تسلفينى هدومك!!!!!!!!!!!!!!!!!!!!!!!!!!!!!!!!!!!!!!

[امة الله]

السلام عليكم ورحمة الله وبركاته
قبل مااحكى القصة دى هقولكم انا كنت ازاى واكيد فى ناس زيى كده بس ياريت نستفيد كلنا من الموقف ده ويكون لينا دور فعال
القصة!!!!!!!!!!!!!!!
بدات بان واحدة صحبتى جاتلى البيت وقالتلى لو عندك هدوم قديمة هاتيها قلتلها لمين قالت هيا بنت غلبانة محتجاهم
طبعا كنا فى وقت الامتحانات
استغربت لانى اعرف ان الهدوم دى لما بتروح للناس الفقيرة علشان العيد مثلا
قلتلها اشمعنى فى الوقت ده
قالت اصلها عايزة تروح الامتحان ومش لاقية هدوم تروح بيها
والله اتفزعت قلتلها مش فاهمة ؟؟؟؟؟؟؟؟؟؟؟؟؟؟
قالت اصلها مش عندها ولا طقم تروح بيه ؟؟؟؟؟؟؟؟؟؟؟؟
قلتلها طيب كانت بتروح ازاى قالت هيا عمرها ما طلبت من حد الا منى لانى اقرب صديقة ليها بس لما ادتها من هدومى البنات لاحظوا وعلقو على كده فهيا اتكسفتومش راضية تاخد منى تانى
قلت مش معقولة اسيبها تسقط فى الامتحانات وهيا مزاكرة ومجتهدة جدااااااا حرام تعبها يروح علشان سبب مش باديها انها فقيرة!!!!!!!!!!!!!!!!!
قلتلها طيب كانت بتروح الكلية ازاى قالت كان عندها (عباية) بتروح بيها ولما اتقطعت ودابت مش عارفة تصلحها حتى
قلتلها فين والدها قالت متوفى ومامتها ست بيت يدوب بتبيع حاجات فى السوق واللى جاى على قد الاكل
والله والله مكنتش مصدقة ان فى ناس كده
اتكسفت من نفسى اوى دولابى مليان هدوم وفى هدوم مش اتلبست الا مرة او اتنين عندى وركنتها وجبت غيرها
وواحدة تانية مش لافية اى حاجة تخرج بيها تروح امتحانها
بالله عليكم مش ربنا هيسالنا على الناس دى
البنت دى رغم فقرها الشديدكانت بتعف نفسها عن السوال وكمان عن الحرام
على النقيييييييييييييض
بنت تانية سلوكها مش كويس اسال الله لها الهداية ولانى بلقى دروس بسيطة كده فى المسجد البنات اللى بيحضرو معايا قالولى كلمى البنت دى لعل وعسى ربنا يهديها
اتعرفت عليها وحببتها فيا لحد ما باحت ليا باسرارها نها تعرف ولاد وبتخرج معاهم ومفيش صلاة ولا ولا ولا
المهم سالتها لية بتعملى كده قالتلى الفقر؟؟؟؟؟؟؟؟؟؟؟؟؟
قالت والدى ووالدتى ماتو فى حادثة وليا اخوحيد بس مش متعلم ومتجوز ومش عارف يكفينا احنا ناس غلااااااااابة!!!!
قلتلها طيب وده يخليكى تغضبى ربنا قالتلى الولاداللى بخرج معاهم بيجيبولى هودم وبيخرجونى وكل اللى عايزاه
قلتلها واخوكى فين من ده كله قالت اخوياااااااااااااا!!!!!!!!
اخويا من التعب اللى فيه طول النهار علشان ياكلنا مش حاسس بحاجة ومفيش حد فى الدنيا دى بيساعدنا
والناس اللى بتتكلم عنى وعن اخلاقى وانى مش كويسة
يسالو نفسهم انا بقيت كده ليه
دول قصتين بس السبب فيهم الفقر
بس بالله عليكم يابنات مش ربنا هيسال المقتدر منا على الناس دى
يعنى البنت الاولى علشان ايمانها قوى صبرت على فقرها
والتانيةضاعت بسبب مفيش رعاية صحبة سيئة مفيش توعية
والله انا بكتبلكم ونا قلبى بيتقطع على البنات دى:CryOutLoud: وبقول لنفسى لو كان والدى فقير ومكنتش لاقية كده ياترى كنت هبقى زى مين من البنتين دول!!!!!!!!!!!!!!!!!!!!!!!!!!!!
والله احنا بادينا نساعد البنات دى ونعفهم عن الحرام
اولا بالكلمة الطيبة واللى تاثيرها تاثير السحر والله نحسسهم بالامان والدف اللى مش لاقينه
وكمان المقتدرة مننا نساعدهم ماديا
انا فكرت فى فكرة يارب يقوينى عليها
وياريت كلكم تفكرو فيها وتنفذوها معايا
نحاول نعرف فين البيوت الفقيرة فى المنطقةاللى عايشين فيها ونشوف هدوم من عندنا ونوزعها عليهم ولو نقدر بحاجات تانية
ياريت تكونو اتاثرتو بالقصة دى
وعجبتكم فكرتى ولوواحدة عندها فكرة تانية ياريت تقولها
والله كل همى احمى البنات دول زى ما ربنا عافانى ده حقهم علينا والله
واخيرا وليس اخرا لان من القصص دى فى كتيييييييييييروافظع كمان
اسال الله العظيم رب العرش الكريم ان يهدينا الى مافيه الخير وان يحمى ويستر اعراض بنات المسلمين وان يجعلنا خناجر تدق فى اعناق اعداء الدين
****************اسالكم الدعـــــــــــــــــــــــــــــــــــــاء*******

[dr_shehab]

انا حزنت جامد لما قريت التوبيك بجد يا امه الواحد لازم يحمد ربنا على اللى هو فيه ولازم نساعد الناس فعلا الفلوس مش كل حاجه بس اوقات بتكون سبب فى ضياع الناس

[استبرق]

الفكرة اكثر من رائعة
بس هو انت معلمة علم شرعى :427515:
وايه حكم ايهام الناس بالحب بغرض الدعوة :faces705::5831.imgcache:
وايه المشكلة لوندعي الناس بالحكمة والموعظة الحسنة بغرض النصح لا معرفة الاسرار واعتقد بتنفع اكث:tsk::tsk:ر:K04KeepQuiet2: _ولانى بلقى دروس بسيطة كده فى المسجد البنات اللى بيحضرو معايا قالولى كلمى البنت دى لعل وعسى ربنا يهديها
اتعرفت عليها وحببتها فيا لحد ما باحت ليا باسرارها _

وانا اسفة علي تدخلي
اصلي بزعل اوي من اسلوب بعض الاخوات وليه نعلق الناس باشخاصنا
2120:2120:2120:
:alganna:

[امة الله]

انا حزنت جامد لما قريت التوبيك بجد يا امه الواحد لازم يحمد ربنا على اللى هو فيه ولازم نساعد الناس فعلا الفلوس مش كل حاجه بس اوقات بتكون سبب فى ضياع الناس
:barak:

[امة الله]

[QUOTE=استبرق;65841]الفكرة اكثر من رائعة الاروع مرورك وربنا يقويكى وتنفذيها
بس هو انت معلمة علم شرعى :427515:لا بس يااااااريت دى امنية حياتى وباذن الله هوصلها انا يدوب لسة بادئة بس بدات بالسيرة النبوية ده موضوع دروسى اما الفقة ده مش اختصاصى فى ناس فى المسجد مختصة بكده ربنا يساعدنى وابقى زيهم
وايه حكم ايهام الناس بالحب بغرض الدعوة :faces705::5831.imgcache:
ايهام ايه اللى يكون فى الدعوة الايهام ده بيكون لاجل مصالح دنيوية بحيث تخدى مصلحتك وتجرى اما الدعوة اساسها الحب فى الله وانتى شكلك فهمتى اسلوب كلامى غلط
بصى هفهمك من الاسلوب السيى فى الدعوة انك تروحى لحد عارفة انه ضايع وتقوليله انت بتعمل كذا وكذا وسلوكك غلط وحرام وعيب عمرها ما هتستجيب معاكى ولو شافتك فى مكان هتستخبى منك
لا وممكن وانتى بتكلميها تديكى شوية كلام معتبر زى وانتى مالك انا حرة
لكن لو اتقربتى منها مش بغرض ايهامها بالحب لا بغرض الحب فى الله وانك عايزة تحميها من اللى ربنا حماكى منه وتعوضيها الحب اللى مش لاقياه فى الصحبة السيئة اللى حواليها وتنصحيها لله بالحكمة والموعظة الحسنة هتستجيب معاكى مش استجابة كاملة طبعا لكن واحدة واحدة وحتى لو رجعت للمعاصى تانى
عارفة العاصى ده رغم انه بيعمل اللى عايزة بس والله فرحها بيكون مؤقت والذنوب بتحسسها بالاكتئاب والوحدة حتى لو وسط اصحابها دول ومش هتلاقى غيرك انتى ايد تمتد لمساعدتها وعارفة انها فى اى وقت هتلاقيكى
انا بجد شوفت كتييييييييييييييييييييييييير ولاقيت احسن الطرق اللى مبنية على الحب فى الله وليه مش احب البنت دى رغم انها بتعصى ربنا مين فينا مش بيعصى ربنا وكفاية ان ربنا اختارها تكون مسلمة وكمان ربنا وصلنى ليها وغيرى علشان نساعدها
ده دليل ان ربنا بيحبها وانا اللى ربنا بيحبه بحبه
سبحان الله ومحدش عارف نهايته وخاتمته هتكون ايه ربنا يكتب لنا حسن الخاتمة

[امة الله]

وايه المشكلة لوندعي الناس بالحكمة والموعظة الحسنة بغرض النصح لا معرفة الاسرار واعتقد بتنفع

مهو ده اساس الدعوة ولا رايك ان فى اسلوب تانى؟؟؟؟؟؟؟؟؟؟؟؟؟
طبغا الغرض النصح والحماية لان ممكن البنت دى تكون اختى صديقة عمرى انا نفسى
هتنصحيها ازاى وانتى متعرفيش عنها حاجة ولو قلتلها انك عرفتى عنها من كلام الناس كذا وكذا عمرها ماهتقولك اه صح اقلها هتقولك الكلام ده كذب هتقوليلها لا انتى اللى كذااااابة
ولا تسيبيها هيا اللى تقولك على فكرة ده هيسهل عليكى خاااااااالص لان ده دليل انها بدات تحس بغلطها
وبدات تثق فيكى وفى كلامك وهتستجيب معاكى
تمام لو اختك اللى غلطت كده هتروحيلها وتقوليلها انتى بتعملى كذا وكذا ولا هتتصرفى ازاى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هسيبلك الرد

[امة الله]

وانا اسفة علي تدخلي
اصلي بزعل اوي من اسلوب بعض الاخوات وليه نعلق الناس باشخاصنا
2120:2120:2120:
:alganna:[/QUOTE]

وجزاكى الله الجنة
مفيش اسف ولا حاجة ده انا اللى اسفة انى ضايقتك اوى كده وخليتك تفهمى غلط
ومتزعليش ولاحاجة
انتى لو جربتى تمشى فى طريق الدعوة والنصح للناس هتعرفى ان كلامى صح
الكلام اللى قلته ده مش افترضات او راى شخصى
بس ده والله من واقع التجربةوالتعامل مع كتييييييييييييييييييير من البنات
والحمد لله اسلوبى ده بينجح مع بنات كتير جدا وبنفضل اصحاب مش بنصحها وخلاص لا
بفضل جنبها وفى بنات مش استجابت ليا ع طول بس فى الاخر ربنا الهادى
واذا شاء الهداية لاحد فبى او بدونى تكون
عايزاكى بس تدعيلى ربنا يقوينى ويثبتنى ويرزقنى الاخلاص

:faces705::faces705::faces705:

[امة الله]

ايه يابنات مفيش واحدة عجبتها الفكرة غير الدكتورة shehab ,والدكتورة استبرق
مستنية مشاركتكم معانا
انا ان شاء الله هبدا فى تنفيذها فى رمضان

[moon_whisper]

فكرة جميلة طبعا يا امة الله وفى ناس كتير بتنفذها

ان شاء الله ربنا يعينا على تنفيذها والاستمرار فيها

[زهـــ الندى ـــرة]

فعـلا الموضوع ده يحــزن فعــلا

ربنا يغني الجميع ياااااااااااااااارب بحلاله ويكف كل محتاج عن سؤال الناس

شوفي احنا نقدر نعمل أيه واحنا معاكي ان شاء الله

جزاكم الله خيـرا أمة الله

[امة الله]

فكرة جميلة طبعا يا امة الله وفى ناس كتير بتنفذها

ان شاء الله ربنا يعينا على تنفيذها والاستمرار فيها
اه فعلا واعرف انها بتتنفذ فى الجمعيات الخيرية بعد غسلها وكويها وتظبيطها
اللهم اميييييييييييييييييييين

[امة الله]

فعـلا الموضوع ده يحــزن فعــلا


ربنا يغني الجميع ياااااااااااااااارب بحلاله ويكف كل محتاج عن سؤال الناس

شوفي احنا نقدر نعمل أيه واحنا معاكي ان شاء الله


جزاكم الله خيـرا أمة الله


جزانا واياكى
اللهم امين ربنا يغنينا جميعابالحلال
ان شاء الله انا قدامى حلين
ممكن الهدوم دى نوصلها لاى جمعية خيرية ونساعد فى تظبيتها فى فترة الاجازة ورمضان وبكده الثواب يكون اكبر
او ممكن زى ما قلت اللى تقدر تظبطهم هيا فى البيت لان طبعا مش هنبعتلهم هدوم متبهدلة
ونعرف مين البنات اللى يستحقوها ونبعتهلهم عن طريق اصحابهم المقربين بحث نمنع الاحراج

[امة الله]

مستنية تعليقاتكم وافكاركم

[محمد القاضي]

انا اكتر حاجة بتزعلني اني اشوف اخ ليا مش لاقي ياكل او يلبس

الحمد لله انا بعمل كده علطول من زمان وبتبقى هدوم كويسة

بس انا علشان متعود اجيب لبس جديد في فترات محددة حتى لو كان اللبس القديم كويس

[زهـــ الندى ـــرة]

جزانا واياكى
اللهم امين ربنا يغنينا جميعابالحلال
ان شاء الله انا قدامى حلين
ممكن الهدوم دى نوصلها لاى جمعية خيرية ونساعد فى تظبيتها فى فترة الاجازة ورمضان وبكده الثواب يكون اكبر
او ممكن زى ما قلت اللى تقدر تظبطهم هيا فى البيت لان طبعا مش هنبعتلهم هدوم متبهدلة
ونعرف مين البنات اللى يستحقوها ونبعتهلهم عن طريق اصحابهم المقربين بحث نمنع الاحراج

بصي انتي بتقولي في بنات من دول معانا في الجامعه

يبقي أحسن لينا في المدينه الجامعيه

وفعلا ممكن نظبط اللبس

أنا شخصيا لبسي معظمه جديد ومش بقيت بلبسه عشان الحمدلله انتقبت قريب

وكان عندي لبس كان لسه في شنطه فأعتقد إنه من الأسهل نتجمع ان شاء الله في المدينه

ونحاول نخلي الموضوع توب سيكرت ونخلي اللبس بردو اللي تديه لهم أصحابهم

أما من ناحية البيت فــ ماما بتعمل الموضوع ده وهيا اللي بتدي لأن معندناش في البلد لا جمعيات خيريه ولا كلام من ده

شوفي رأيي كده ومستنيه رأيك

وان شاء الله نلاقي حل مناسب

[dr.pedi]

ياااااااااااااه الواحد من حين لاخر بينسي غيرة من المحتاجين :I04IFeelSoSad:
الحمد لله الذي عافانا مما ابتلي بة اخرين وفضلنا علي كثير ممن خلق تفضيلا
الصراحة الواحد صعب يجزم اية هو التصرف الي ممكن يعملو لو اتحط في الموقف دة
بجد صعب فكتير من الناس انحرفو بسبب الفقر للاسف
والاسواء اننا ممكن نساعد وبقدر كبير في الحد من الصورة الماساوية دي فكم من شخص ممكن بس بلمسة حنان :C06Condolence: نبعدهم عن طرق الشيطان.
وطبعا المؤسسات الخيرية بتقوم بدور رائع واحنا برضة ممكن نسأل جيرانا ا زمايلنا عن كل محتاج ومحتاجة.
وانا شايف الصراحة يادكتورة انك خانك التعبير لما قولتي انك بتتحببي ليها علشان تعرفي اسرارها دة بيدل انك بتمثلي الحب علشان تعرفي الاسرار وانا متاكد انك مقصديش كدة
شكرا علي الموضوع :alganna:

[امة الله]

انا اكتر حاجة بتزعلني اني اشوف اخ ليا مش لاقي ياكل او يلبس

الحمد لله انا بعمل كده علطول من زمان وبتبقى هدوم كويسة

بس انا علشان متعود اجيب لبس جديد في فترات محددة حتى لو كان اللبس القديم كويس



:barak:

[امة الله]

بصي انتي بتقولي في بنات من دول معانا في الجامعه

لا البنات اللى اعرفهم مش معنا فى الجامعة بس اكيد فى بنات محتاجين هناك برده



يبقي أحسن لينا في المدينه الجامعية

وفعلا ممكن نظبط اللبس

أنا شخصيا لبسي معظمه جديد ومش بقيت بلبسه عشان الحمدلله انتقبت قريب
ماشاء الله ربنا يبركلك ويثبتك اللهم امييييييييييييييين واوعى تتنازلى عنه لاى سبب كان ربنا اداكى نعمة كبييييييييييييييييرة جدااااااااااااااااااااااااا



وكان عندي لبس كان لسه في شنطه فأعتقد إنه من الأسهل نتجمع ان شاء الله في المدينه
ان شاء الله هيكون ده اشمل واحسن


ونحاول نخلي الموضوع توب سيكرت ونخلي اللبس بردو اللي تديه لهم أصحابهم

أما من ناحية البيت فــ ماما بتعمل الموضوع ده وهيا اللي بتدي لأن معندناش في البلد لا جمعيات خيريه ولا كلام من ده

شوفي رأيي كده ومستنيه رأيك


وان شاء الله نلاقي حل مناسب

انشاء الله بس اكيد مامتك تعرف مين البنات المحتاجة فى بلدكم وتقدر توصلة فى سرية وان شاء الله الفائض نجمعة فى المدينة وفى الكلية كل سنة بيتعمل معرض للغرض ده نبقى نشارك فيه بالهدوم دى لانه صعب فى المدينة تعرفى مين محتاج ومين لا
ولا ايه رايك؟؟؟؟؟؟؟؟؟؟؟؟؟؟؟؟
:mghoud:

[امة الله]

ياااااااااااااه الواحد من حين لاخر بينسي غيرة من المحتاجين :I04IFeelSoSad:
الحمد لله الذي عافانا مما ابتلي بة اخرين وفضلنا علي كثير ممن خلق تفضيلا
الصراحة الواحد صعب يجزم اية هو التصرف الي ممكن يعملو لو اتحط في الموقف دة
بجد صعب فكتير من الناس انحرفو بسبب الفقر للاسف
والاسواء اننا ممكن نساعد وبقدر كبير في الحد من الصورة الماساوية دي فكم من شخص ممكن بس بلمسة حنان :C06Condolence: نبعدهم عن طرق الشيطان.
وطبعا المؤسسات الخيرية بتقوم بدور رائع واحنا برضة ممكن نسأل جيرانا ا زمايلنا عن كل محتاج ومحتاجة.
وانا شايف الصراحة يادكتورة انك خانك التعبير لما قولتي انك بتتحببي ليها علشان تعرفي اسرارها دة بيدل انك بتمثلي الحب علشان تعرفي الاسرار وانا متاكد انك مقصديش كدة
شكرا علي الموضوع :alganna:



مش المقصود انى اعرف اسرارها المقصود اخليها تثق فيا لدرجة تقولى اسرارها ومن هنا اقدر انصحها واقولها صح وغلط
حضرتك لو كنت قريت تعليقى كنت هتعرف ان ده قصدى
وشكرااااااا على مرورك
:la7aramak:

[مشرقة]

فعلا كلما سمعت من حكايات من حولى عرفت قدر نعمة الله عليكى
جزاك الله خيرا
ووفقكى فى طريق الدعوة دائما
وهداكى وهدى بك
وفكرتك رائعة جعلها الله فى ميزان حسناتك
للأمام دائما باذن الله.

[امة الله]

فعلا كلما سمعت من حكايات من حولى عرفت قدر نعمة الله عليكى
جزاك الله خيرا
ووفقكى فى طريق الدعوة دائما
وهداكى وهدى بك
وفكرتك رائعة جعلها الله فى ميزان حسناتك
للأمام دائما باذن الله.



فعلا والله وفى اكتر من كده كمان فى ناس مش لاقية مكان تبات فيه وبتبات فى الشارع جنب المساجد والله شفت بعينى فى القاهرة
وفى ناس مرتباتهم لوبصيتيلها متكفيش فرد واحد وسبحان الله بتكفيهم وبيبقو راضيييييين جداااااا
وبيرفضوا المساعدة ودايما حاسين انهم احسن من غيرهم بجد دول ربنا هيجازيهم خييييييييييير
وجزاكى كل الخير يارب ونورتى الموضوع اللهم امين وربنا يهدينى انا كمان ويثبتنى :faces705:
:gzak:

[ea4islam]

أنا للأسف لم أقرا الموضوع
لكن بإذن الله حأقراه
المهم أحد أصحابى قرا الموضوع يريد ان ساعد هذه الأخت
وطلب منى أبلغه
كيف التواصل
يا ريت تدلونا بسرعة

[عائد لله]

الحمد لله
إحنا فى نعمة
وبالرغم من ذلك فى غاية التقصير
>>رحماك ربى<<

[NERVE]

القصه فعلا محزنه جدا
ومش عارفه بجد لو كانت ظروفي غير كده كنت هعمل ايه

لكن الفقر مش عيب . ومش عذر للخطأ
بدليل ان فيه ناس أغنياء جدا وبرضه بغلطوا والعكس صحيح زي البنت الاولي في قصه حضرتك

والفكره اللي حضرتك قلتيها دي كويسه جدا وفيه ناس كتير بتعملها

جزاكي الله خيرا علي القصه والعظه
بالتوفيق

[ea4islam]

جزاكم الله خيرا
فكرة رائعة

لكن إذا كان حضرتك تعرفى الأخت دى

صاحبى ممكن يقدم مبلغ من المال أو ملابس
يسيبهم فين أو يو صلهم إزاى
نرجو الرد لأنه للأسف مستنى منى رد
وقالى لازم أرد عليه

[امة الله]

جزاكم الله خيرا

فكرة رائعة

لكن إذا كان حضرتك تعرفى الأخت دى

صاحبى ممكن يقدم مبلغ من المال أو ملابس
يسيبهم فين أو يو صلهم إزاى
نرجو الرد لأنه للأسف مستنى منى رد

وقالى لازم أرد عليه

وجزاك كل الخير
ان شاء الله هرد على حضرتك قريب لو تيسر وسيلة مناسبة للتواصل
:mghoud:

[ea4islam]

وجزاك كل الخير
ان شاء الله هرد على حضرتك قريب لو تيسر وسيلة مناسبة للتواصل
:mghoud:

وجزاكم مثله
شكرا لحضرتك
حأبلغ صاحبى بالكلام الى حضرتك كتبتيه
ومستنى الرد

[زهـــ الندى ـــرة]

ماشاء الله ربنا يبركلك ويثبتك اللهم امييييييييييييييين واوعى تتنازلى عنه لاى سبب كان ربنا اداكى نعمة كبييييييييييييييييرة جدااااااااااااااااااااااااا
اللهم آآآآآمين
ثبتنا الله وإياكم يا حبيبتي علي طاعته
وعقبي لجميع بنات المسلمين ان شاء الله


ان شاء الله بس اكيد مامتك تعرف مين البنات المحتاجة فى بلدكم وتقدر توصلة فى سرية وان شاء الله الفائض نجمعة فى المدينة وفى الكلية كل سنة بيتعمل معرض للغرض ده نبقى نشارك فيه بالهدوم دى لانه صعب فى المدينة تعرفى مين محتاج ومين لا
ولا ايه رايك؟؟؟؟؟؟؟؟؟؟؟؟؟؟؟؟
:mghoud:

والله انا كنت أقصد مساعده الأخت اللي انتي ذكرتيها في الموضوع لأنها بحكم إنك تعرفيها تبقي سهل الوصول ليهــا

أما من ناحية الموضوع في البـلد فأنا عايشه فيهــا فقط إسمــا :)
وأي حــاجه تانيه مــاما ربنا يباركلها هي اللي بتتولاهــا


أمــا عن معرض الكليه معرفوش صــراحه أو يمكن شفته بس مأخدتش بالي
بس أنا شفت واحده في مكتب رئيس الجامعه وأنا في سنه أولي
كانت اسمها مدام فيفي من جمعيه نسائيه خيريه مش فاكره اسمها

وقالت لي انهم بيعملوا معارض خيريه في كليات إسلامي

وعلي فكــره معايا رقمهــا ممكن حد يكلمها تيجي الكليه عندنا

بس حد غيري أكيد مهيش فكراني لسه :)

[امة الله]

[QUOTE=زهـــ الندى ـــرة;69071]
اللهم آآآآآمين
ثبتنا الله وإياكم يا حبيبتي علي طاعته
وعقبي لجميع بنات المسلمين ان شاء الله




والله انا كنت أقصد مساعده الأخت اللي انتي ذكرتيها في الموضوع لأنها بحكم إنك تعرفيها تبقي سهل الوصول ليهــا
لا مش اعرفها لللاسف هيا زميلة واحدة صحبتى بس هقولك بقة عنها خبر جميل فى اخر رد ليا



أما من ناحية الموضوع في البـلد فأنا عايشه فيهــا فقط إسمــا :)
وأي حــاجه تانيه مــاما ربنا يباركلها هي اللي بتتولاهــا
انا كنت زيك كده بس لما روحت المسجدعرفت ناس كتيييييييييييييير اوى وحسيت انى عايشة بجد بيشجعونى ع الخير والله واشجعهم

أمــا عن معرض الكليه معرفوش صــراحه أو يمكن شفته بس مأخدتش بالي
بس أنا شفت واحده في مكتب رئيس الجامعه وأنا في سنه أولي
كانت اسمها مدام فيفي من جمعيه نسائيه خيريه مش فاكره اسمها

وقالت لي انهم بيعملوا معارض خيريه في كليات إسلامي

وعلي فكــره معايا رقمهــا ممكن حد يكلمها تيجي الكليه عندنا


بس حد غيري أكيد مهيش فكراني لسه :)

لا بيعملوه كتير عندنا فى الكلية فى الكافيتريا
:barak:

[امة الله]

وجزاكم مثله
شكرا لحضرتك
حأبلغ صاحبى بالكلام الى حضرتك كتبتيه

ومستنى الرد



اسفة ع التاخير فى الرد بس مكنتش عارفة اخرج لاسباب صحية
بس الحمد لله ربنا شفانى ورحت اسال عنها الاول لانى حسيت حاجة دعيتلها بيها كتيييييييييييير والله قلت اتاكد بعدين ارد على حضرتك
رحت سالت لقيتها تزوجت وزوجها الحمد لله الحمد لله ميسور الحال وربنا غناها عن السؤال
بس لقيت حاجة تانية برده من ضمن الاسر الفقيرة اللى كانت موجودة 3 نساء كبار فى السن مفيش حد يعولهم ولا ليهم اهل ومحتاجين لهدوم ولاكل ولفلوس
ممكن تبلغ صاحب حضرتك ولو عايز يبعتلهم فلوس ممكن يبعتلى على الفيزا وانا اديهم الفلوس دى
بس انا طلبت الاول اساميهم علشان اتاكد انهم محتاجين فعلا
واول مااتاكد هبلغ حضرتك علشان لو هتبعت حاجة
:alganna:

[ea4islam]

اسفة ع التاخير فى الرد بس مكنتش عارفة
انا اليوم قلت اشوف حضرتك رديت يمكن انا مش أخدت بالى من الرد
فسبحان الله وجدت رد حضرتك صباحا
اخرج لاسباب صحية
بس الحمد لله ربنا شفانى
الحمد لله لابأس طهور إن شاء الله
أسال الله العظيم رب العرش العظيم أن يتم شفاءكم

ورحت اسال عنها الاول لانى حسيت حاجة دعيتلها بيها كتيييييييييييير والله قلت اتاكد بعدين ارد على حضرتك
رحت سالت لقيتها تزوجت وزوجها الحمد لله الحمد لله ميسور الحال وربنا غناها عن السؤال
الحمد لله يسر الله لك ولها ولزوجها
بس لقيت حاجة تانية برده من ضمن الاسر الفقيرة اللى كانت موجودة 3 نساء كبار فى السن مفيش حد يعولهم ولا ليهم اهل ومحتاجين لهدوم ولاكل ولفلوس
ممكن تبلغ صاحب حضرتك ولو عايز يبعتلهم فلوس ممكن يبعتلى على الفيزا وانا اديهم الفلوس دى
بس انا طلبت الاول اساميهم علشان اتاكد انهم محتاجين فعلا
واول مااتاكد هبلغ حضرتك علشان لو هتبعت حاجة
:alganna:

جزاكم الله خيرا
أنا أرسلت لصاحبى رسالة
ومنتظر رده