المساعد الشخصي الرقمي

مشاهدة النسخة كاملة : تحويلات الأزهر


رحمة
08-15-2009, 04:28 PM
أصدر الدكتور احمد محمد الطيب رئيس جامعة الازهر قرارا بشأن تحويل ونقل القيد للطلاب والطالبات الباقين للاعادة بالفرقة الاولى او الاعدادية او التمهيدية بكليات الجامعة للبنين والبنات بالقاهرة والاقاليم فى العام الجامعى
2010/2009 المنتظمين والمنتسبين على النحو التالى.
يجوز بمقتضى القرار تحويل ونقل القيد بين كليات الجامعة للطلاب والطالبات الباقين للاعادة بالفرقة الاولى او الاعدادية او التمهيدية داخل النطاق الجغرافى بشرط استيفاء شروط القبول والحد الادنى لمجموع الدرجات والذى قبلته الكلية المحول اليها عام الحصول على الشهادة الثانوية الازهرية.
كما يجوز نقل قيد الطلاب والطالبات من منطقة جغرافية الى منطقة جغرافية اخرى مع ضرورة توافر الشرطين الاتيين معا، على ان يكون نقل القيد لكلية او لشعبة ليس لها نظير فى المنطقة الجغرافية للطالب الطالبة واستيفاء شروط القبول والحد الادنى لمجموع الدرجات قبلته الكلية عام حصول الطالب-الطالبة على الشهادة الثانوية الازهرية.
واشار القرار الى تحويل الطالب المقيد بالفرقة الاولى الراغبين فى التحاق بالجامعات والمعاهد والمؤسسات التعليمية الحكومية او الخاصة سواء داخل جمهورية مصر العربية او خارجها.
ويشترط ان تتم جميع حالات التحويل او نقل القيد فى المدة من يوم السبت 15 أغسطس 2009 حتى يوم الثلاثاء 15 سبتمبر 2009 ولايجوز النظر فى اى طلب التحويل او نقل القيد بعد ذلك مهما كانت الاسباب..

محمود عماد
08-15-2009, 04:50 PM
انا مش فاهم حاجة
طيب أنا هسأل سؤال انا لسة مخلص ثانوية أزهرية السنة دى
وجبت 99.7 % ينفع أدخل مثلا طب القاهرة
ولو منفعش ينفع أدخل سنة طب الأزهر وبعدين أحول النة الجاية ولا ايه
ارجوا التوضيح

رحمة
08-15-2009, 05:08 PM
انا مش فاهم حاجة
طيب أنا هسأل سؤال انا لسة مخلص ثانوية أزهرية السنة دى
وجبت 99.7 % ينفع أدخل مثلا طب القاهرة
ولو منفعش ينفع أدخل سنة طب الأزهر وبعدين أحول النة الجاية ولا ايه
ارجوا التوضيح

القرار ده تقريبا ينفع للمقيدين بالفرقة الأولى بس وحابين إنهم ينقلو من الأزهر لجامعة حكومية أو خاصة....واللي عاوز ينقل هيكون حسب التوزيع الجغرافي يعني حسب أقرب جامعة لمحافظتك وحسب مجموعك كمان...
أنا قريت الخبر ده في الأهرام المسائي ولو عرفت أي جديد إن شاء الله هضيفه هنا أو أي حد عرف حاجة تانية ياريت يبلغنا...

د /محمود الاسيوطى
08-15-2009, 06:29 PM
مغلش يا دكتوره همسة القرار مش واضح هل دا للمقيدين بالكلية ولا اللى لسه هيدخلوها وانا مثلا جيب 98.5 % وكتبت طب اسيوط ممكن احول القاهرة لو كنت اقبل فيها ولا لا

رحمة
08-15-2009, 09:14 PM
مغلش يا همسة القرار مش واضح هل دا للمقيدين بالكلية ولا اللى لسه هيدخلوها وانا مثلا جيب 98.5 % وكتبت طب اسيوط ممكن احول القاهرة لو كنت اقبل فيها ولا لا
القرار للمقيدين بالفرقة الأولى.....يعني بالنسبة لنا بعد نتيجة التنسيق ما تظهر وكل واحد يعرف هيدخل كلية ايه ....يقدر إن شاء الله يحول لجامعة حكومية لو مجموعه يدخله فيها يعني ......
واسفة لأن معلوماتي عن الموضوع ده مش كتير...

BL@cK
08-16-2009, 04:05 AM
طب انا عايزانقل اسكندريه ينفع ولا لا
انا مفهمتش حاجه من المقاله دى
شـكــ وبارك الله فيك ـــرا لك ... لك مني أجمل تحية .

إسماعيل
08-16-2009, 12:51 PM
السلام عليكم ورحمة الله وبركاته
يجوز بمقتضى القرار تحويل ونقل القيد بين كليات الجامعة للطلاب والطالبات الباقين للاعادة بالفرقة الاولى او الاعدادية او التمهيدية داخل النطاق الجغرافى بشرط استيفاء شروط القبول والحد الادنى لمجموع الدرجات والذى قبلته الكلية المحول اليها عام الحصول على الشهادة الثانوية الازهرية.


ياجماعة الموضوع سهل وبسيط
دلوقتي واحد مثلا جاب مجموع الطب في سنته ودخل صيدلة أو أسنان وبعدين رجع سقط وعاد السنة
في الحالة دي ممكن يحول مثلا طب بس بشرط يكون كان جايب مجموع الطب على تنسيق السنة اللي خد فيها الثانوية



كما يجوز نقل قيد الطلاب والطالبات من منطقة جغرافية الى منطقة جغرافية اخرى مع ضرورة توافر الشرطين الاتيين معا، على ان يكون نقل القيد لكلية او لشعبة ليس لها نظير فى المنطقة الجغرافية للطالب الطالبة واستيفاء شروط القبول والحد الادنى لمجموع الدرجات قبلته الكلية عام حصول الطالب-الطالبة على الشهادة الثانوية الازهرية.


الكلام برضه سهل وبسيط
يعني مثلا لو واحد من الصعيد جاب مجموع هندسة القاهرة بس دخل هندسة قنا يجوز له انه يحول بعد كدة بس بشرط يدخل قسم موجود في القاهرة ومش موجود في قنا

أما بالنسبة لجزئية استيفاؤه لمجموع الدرجات اللي قبلته الكلية سنة حصوله على الثانوية فدي غريبة شوية
لأن فيه واحد صاحبي ماجابش مجموع هندسة القاهرة وراح هندسة قنا وبعد سنة أولى دخل قسم مش موجود في قنا قتم تحويله إلى القاهرة مع إنه ماكانش جايب مجموع هندسة القاهرة سنة حصوله على الثانوية

أمـ عـبـد الـرحـمـن
08-20-2009, 11:12 AM
دا أنا كنت همــوت وأحــول المنصــوره في سنه أولي

جايين يفتحــوها بعدها بــ تلت سنيــن

ياللا نصيب

الحمــدلله,,

مبــروك لكــل اللي شمـلهم القــرار

BL@cK
08-20-2009, 11:15 AM
يعنى ينفع احول اسكندريه ولا لا
انا داخل تانيه طب دمياط ازهر يعنى
وعايز احول اسكندريه
التقدير جيد جدا

أمـ عـبـد الـرحـمـن
08-20-2009, 11:20 AM
يعنى ينفع احول اسكندريه ولا لا
انا داخل تانيه طب دمياط ازهر يعنى
وعايز احول اسكندريه
التقدير جيد جدا

الكــلام للي داخل أولي يا دكتــور
حضــرتك داخل تانيــه
عمــوما حضــرتك إسئل في الجــامعه

الله أعــلم ممكن يكون فيه أمــل!
بالتوفيق ان شاء الله

وأنا شخصيا لو كنت في سنتي وقالوا عيدي أولي كنت هوافق

محمود عماد
08-20-2009, 06:41 PM
الكــلام للي داخل أولي يا دكتــور

حضــرتك داخل تانيــه
عمــوما حضــرتك إسئل في الجــامعه

الله أعــلم ممكن يكون فيه أمــل!
بالتوفيق ان شاء الله


وأنا شخصيا لو كنت في سنتي وقالوا عيدي أولي كنت هوافق



طيب انا لسة مخلص ثانوية وداخل أولى ينفع أروح جامعة القاهرة او عين شمس ولا ايه
انا شايف ان معنى الكلام ان اللى داخل تانية هو اللى ينفع يحول

أمـ عـبـد الـرحـمـن
08-20-2009, 07:13 PM
طيب انا لسة مخلص ثانوية وداخل أولى ينفع أروح جامعة القاهرة او عين شمس ولا ايه
انا شايف ان معنى الكلام ان اللى داخل تانية هو اللى ينفع يحول

لأ يا دكتــور
الكــلام معناه اللي داخل أولي أو اعدادي أو تمهيدي
أو اللي هيعيدوهــا
السنه دي 2009 _2010
لو كان يقصد سنه تانيه
كان قال 2008_2009

حضــرتك كده فهمتنــي

عمــوما الأولي حضــرتك تسأل في الجــامعه
أو في المشيخــه علي ما أظن


وإن شاء الله بالتوفيق

أحمد منصور الطنطاوي
08-29-2009, 12:04 AM
أناداخل تانية طب أزهر القاهرة ينفع أحول طب المنصورة مع العلم ان انا سالت في المنصورة قالولي ممنوع اطلاقا

أحمد منصور الطنطاوي
08-29-2009, 12:07 AM
يا ريت الاقي رد سريع

أمـ عـبـد الـرحـمـن
08-29-2009, 01:07 AM
أناداخل تانية طب أزهر القاهرة ينفع أحول طب المنصورة مع العلم ان انا سالت في المنصورة قالولي ممنوع اطلاقا

نفس اللي حصل معايا بالظبط يا دكتور

وانا داخله تانيه كنت هحول المنصــوره

وقاولوا الأزهر كيان خاص مينفعش التحويل منه أو إليه

بس والله مقدرش ولا حد هنا يقدر يفيد حضــرتك

كل الكــلام توقعات لا أكتر

وأنا ساعتها كسـلت وتراجعت عن قراري

حضــرتك ممكن تسأل في إدارة الجــامعه

أكيد هما اللي هيفيدوك إن شاء الله

BL@cK
08-31-2009, 12:40 AM
اناعايز انا كمان احول تانيه المنصوره

إسماعيل
08-31-2009, 03:08 AM
السلام عليكم ورحمة الله
ياجماعة الظاهر انكم ماقرأتوش مشاركتي اللي شرحت فيها القرار على حسب فهمي
على العموم هي المشاركة رقم (7)
والقرار بيشمل التحويل بين كليات الأزهر وبعضها وماذكرشي أي شئ عن التحويل من الأزهر للعام
والتوزيع الجغرافي اللي بيتكلم عنه يقصد بيه برضه كليات الأزهر

BL@cK
08-31-2009, 09:27 AM
اصدمنى يا سمعه
يعنى ينفع اى حد عندنا فى الكليه يحول القاهره ولا ايه؟

حبيب محمدعبدالباسط
09-20-2009, 09:52 AM
ياجماعه انا حاولت فى الموضوع ده كتييييييييييييييييييراقلك نو نو نو قرارى وزارى انكم لم تضموا للتعليم العالى للجامعات بس احسن حاجه فى الشئون انهم ناس محترمه وتقدر الشخصيه اللى قدمها انما عندنا اكيد الكل عارف

عبدالرحمن محمد
10-19-2009, 12:11 AM
يا جماعه من الاخر كدا
مفيش تحويل من الازهر للعـــــــــــــام لان القانون د اتلغى خلاص
اما تحويل من فرع لفرع تانى فى جامعة الازهر د موجود وصدقونى فى اى سنه انت عايزها حتى لو فى سته بس المهم يكون معاك واسطه تبدأ من عميد كليه الى رئاسة الجامعه اقل من كدا مش هيعملك حاجه والله ياجماعه الكلام د حصل مع ناس اعرفها شخصيا
كان فى القاهره وحول دمياط ورجع حول القاهره تانى فى خامسه

عبد الرحمن عبد الملك
03-12-2010, 12:51 PM
يا إخوانا الكلام مفيش فيه جامعات حكومية، ده بيقول: يجوز بمقتضى القرار تحويل ونقل القيد بين كليات الجامعة للطلاب والطالبات الباقين للاعادة بالفرقة الاولى او الاعدادية او التمهيدية
يعني داخل الجامعة الأزهرية العريقة فقط
وكمان ده يخص الباقين للإعادة مش المستجدين.
يعني لا ينفع منصورة ولا إسكندرية.
وأنا آسف على إني صدمتكم بس ده نص القرار.
كان زماني حولت المنصورة أنا كمان.

زهرة 92
03-12-2010, 08:49 PM
بصراحة يا جماعة في جديد في الموضوع,,
بس مش عارفة دا ساري على كل الجامعات ولا جامعة قناة السويس بس...
في قضية تحويل بتترفع وفي ناس زمايلي رفعوها وكسبوها فعلا..بس لسه في خطوات قانونيه تانيه هتتعمل تقريبا حاجة اسمها نقض بس المحامي قال انها مضمونة ان شاء الله..
بس اللي اعرفه ان لازم نبدا من اولى..يعني لو متثبتش في جامعة قناة السويس من سنة اولى بتعيد تاني..
ولو في جديد في القضية عرفته هقوله لحضراتكم ان شاء الله..
ربنا يوفقنا جميعا...

محمود عماد
03-13-2010, 10:56 AM
بالنسبة لموضوع رفع قضية والكلام ده
فده شىء عادى
فى ناس رفعت قبل كده قضايا وكسبتها
كل الحكاية ان الواحد بيشترى دماغه وخلاص

blackhorse_86
03-20-2010, 11:07 AM
هذا الكلام للكليات للنظرية فقط وهو قرار قديم

زهرة 92
03-20-2010, 05:50 PM
وللعمليه كمان يا دكتور..
انا زميلتي رفعتها وحولت هنا في كلية علوم..
الكلام دا السنة دي...