წღ ҈۩இ۩ਝ»مقدمه تمهيديه عن الميكرو« ਝ۩இ۩҈ღწ

[رنــــا]

http://www.kazamiza.com/lopez/admin/8.gif


مادة الميكروبيولوجي


الموضوع الأساسي للمادة دي البكتريا

و الفيروسات و الفطريات و المناعة

وقبل دراسة كل حاجة فيهم برضه

بيكون في جزء جنرال

بيشرح الخصائص العامة لكل فئة فيهم

و اللي بيتم تطبيقه بعد كدة على كل بكتريا او فيرس او فطر بندرسه...



http://img36.imageshack.us/img36/7357/83059074.gif



نبدأ بالمناعة

Immunology



و ده جزء مهم بيدرس وسائل الدفاع المختلفة اللي بيستخدمها الجسم في الدفاع عن نفسه


و ايه انواع الخلل اللي ممكن تصيب الجهاز المناعي


ده سمات كل واحد ايه و بيؤدي إلى إيه...



طبعا كل الكلام ده حتاخدوه بالتفصيل

لكن اللي احب اركز عليه هنا

ان المناعة قاسم مشترك تقريبا في كل المواد اللي بندرسها...

يعنى موجودة في الجنرال باثولوجي

و الميكروبيولوجى و في جزء الحساسية في الفارماكولوجي

و نبذة في التشخيص المعملي في الطفيليات...

طبعا التركيز عليها بيكون اكبر في الباثولوجى و الميكروبيولوجي...

وده بيشكل ميزة و عيب في نفس الوقت...

ليه لانك ممكن تفتكر انك مش حتضطر تذاكرها غير مرة واحدة لكل المواد...

لكن للاسف كل مادة بيتم فيها طرح الموضوع بطريقة مختلفة

و ساعات حتى بيكون في تضارب في المعلومات


و ده اللي بيخلي موضوع المناعة ده من اغلس الموضوعات على قلب طالب ثالثة ...


كمان لانه موضوع دسم ومليان بالتفاصيل الصغيرة...

عشان نتغلب عالمشكلة دي قدامنا حل من حلين...

يإمة من الاول تقرا جزء المناعة في المادتين

و تقرر اي واحد منهم بتفهمه اكتر

و ده يكون المصدر الاساسي لمذاكرتك للمناعة

و تعمل مثلا ورقة صغيرة فيها الاضافات اللي مطلوبة في المادة التانية ...

يإمة لو الاتنين مش عاجبينك


تعمل ملخص بنفسك لموضوع المناعة تكتب فيه الاول كل الحاجات المشتركة في الموضوع ده بين المادتين


و في الاخر جزء خاص بكل مادة فيه الحاجات الزيادة الخاصة بيها...

انا عارفة ان الموضوع مكلكع شوية

لكن دي افضل طريقة للتعامل معاه بدل ما نفضل نشتكي منه لحد الامتحانات.



http://img36.imageshack.us/img36/7357/83059074.gif



البكتريولوجي

Bacteriology



وده زي ما قلنا بيدرس البكتريا...

في الاول بندرس الخصائص العامة للبكتريا و انواعهم ...

البكتريا دي بتتكون من ايه..

ايه العمليات الحيوية اللي بتحصل جواها..

المادة الوراثية بتاعتها بتتكون من ايه

وازاي استخدمناها في الهندسة الوراثية..

والمضادات الحيوية.

.انواعها ايه و بتشتغل ازاي و ازاي البكتريا بتطور مقاومة ضدها

و ازاي نمنع المقاومة دي...

عايزة اقوللكم ان من الطبيعي جدا ان اول ما تبدأوا البكتريولوجي

تحسوا بتعقيد و انكم مش فاهمين حاجة..

لكن بعد كدة مع دراسة السيستمك و دراسة المضادات الحيوية في الفارما الموضوع حيبقى اسهل ان شاء الله...

خصوصا ان مفيش تناقض بين الفارما والميكرو في الجزء ده..




http://img36.imageshack.us/img36/7357/83059074.gif

يتبع ان شاء الله

[رنــــا]

السيستمك بقى بيقسم البكتريا لمجموعات مشتركة في صفات معينة

لكن كل عضو من المجموعة ليه صفات تميزه عن باقي افراده.


النقاط المشتركة في دراسة كل بكتريا:

Morphology

شكلها عامل ازاي ممكن مثلا تكون مكورة او عصوية ..

مرتبة على هيئة سبحة او عنقود عنب ...

بتحيط بيها غلاف ولا لا...

و غيره... كمان في حاجة اساسية بنقسم على اساسها كل البكتريا

وهي قابليتها للصبغة المعروفة باسم جرام ودي الصبغة الاساسية في البكتريولوجي

في صبغات خاصة لكل بكتريا بتذكر في حينها.

Cultural characters

يعنى ايه الظروف المثالية لنموها...

و لما بنتكلم عن نمو البكتريا بنقصد نموها في اطباق خاصة على وسط
خاص..

الظروف دي مثلا بتنمو افضل في وجود اكسجين ولا ثاني اكسيد الكربون ولا من غير هوا...

ايه درجة الحرارة المثالية لنموها..ايه الوسط المثالي...



كمان النقطة دي بتهتم بشكل المستعمرات اللي بتعملها البكتريا دي لو شفناها بمجرد النظر..


لان دي من الحاجات اللي بتساعدنا في تشخيص البكتريا.

Resistance to physical and chemical agents

يعني تأثير عوامل زي الحرارة والرطوبة والغليان و المواد الكيميائية عليها

Biochemical reaction

التفاعلات اللي بتعملها البكتريا دي ايه..

تفاعلات شبيهة باللي كنا بناخدها في البيوكمستري لكن اسهل و مختلفة عنها

و دي كمان بتساعد في التشخيص

Antigenic structure

يعني ببساطة ايه الاشياء الموجودة في تركيب البكتريا دي

واللي بتثير جهاز المناعة عند الانسان في حال تعرضه لها

Virulence factors

العوامل اللي بتخلي البكتريا دي تسبب الامراض و دي بتنقسم ل

سموم:Toxins

انزيمات:enzymes

Clinical findings


يعني ايه الامراض اللي ممكن تسببها واعراضها ايه

Epidemiology

اذا كانت بتسبب وباء

Lab diagnosis

التشخيص المعملي و ده شئ مهم جدا بنتعلم فيه ايه العينة المناسبة لكل بكتريا

و ازاي نشخصها عن طريق الميكروسكوب

و شكل المزرعة و التفاعلات الخاصة بالبكتريا و غيره

Treatment

بتستجيب لاي نوع من المضادات الحيوية

وكتير من النقط دي بنهتم بيها في دراسة الفيروسات و الفطريات

مع الاختلاف طبعا بس انا حبيت نشرح البكتريولوجي بالتفصيل عشان ده اكبر جزء.


http://img36.imageshack.us/img36/7357/83059074.gif


ملاحظات:


1-لان مادة الميكرو بتدرس السيستمك بتاعها على اساس تقسيمة خاصة بالبكتريا و الفيروسات و الفطريات

و مش حسب اجهزة الجسم زي ما شفنا في الباثولوجي

ولان نفس النقط بتتكرر في كل درس من الطبيعي جدا ان كله يدخل على بعضه...

بس ممكن نستغل الموضوع ده لصالحنا باننا نذاكر الخصائص العامة لكل مجموعة و نعرف ايه المختلف بين كل بكتريا والتانية...

ايه الاشياء اللي بتنفرد بيها...

ولو اتعمل الموضوع ده على شكل جداول حيبقى احسن و حيثبت اكتر.



2- مادة الميكرو من اكتر المواد اللي مينفعش تتذاكر مرة و تتساب لمراجعة اخر السنة...

لازم يتم مراجعتها باستمرار عشان تثبت و متتنساش.


3-التشخيص المعملي متشابه جدا و ده بيخلي كل الطلبة بتشتكي منه..

ده ممكن يقل بالالتزام بحضور السكاشن و الحرص على حفظ شكل الاطباق كويس و الفروق بينها ايه و الوسط المستخدم

و كمان الحرص على ابراز الفروقات الاساسية مع الالمام بالخصائص العامة و التسلسل الطبيعى للتشخيص اللي ممكن يكون صعب شوية في الاول بس بيتحفظ مع التكرار.


الخلاصة مفتاح التفوق في مادة الميكرو التكرار و المراجعة و الالمام بالخصائص العامة والفروقات اللي بتميز كل حاجة عن التانية.



يارب تكونوا استفدتم من الكلام ده و صدقوني لو اقتنعتم انكم ممكن تنجحوا و تتفوقوا و مسمعتوش الكلام المحبط اللي دايما بيتقال باذن الله ربنا مش حيضيع تعبكم ابدا...


منقول

[stayin' alive]

شـكــ وبارك الله فيك ـــرا لك ... لك مني أجمل تحية .

موفق بإذن الله

[dr.medica]

شـكــ وبارك الله فيك ـــرا لك ... بجد موضوع كويس
كل عام وانتم بخير

[nour2]

شـكــ وبارك الله فيك ـــرا لك ... لك مني أجمل تحية .

[رنــــا]

جزاكم الله خيرا

بوركتم المرور

[*محمد نصر*]

جزاكم الله خيرا على المعلومات القيمة جدا عن المادة
فعلا كم كنت محتاجا إليها
في ميزان حسناتكم إن شاء الله


في حفظ الله
.
.
.
تحياتي

[عائد لله]

جزاكم الله خيرا
جعله الله فى ميزان حسناتكم

[هاجر]

جزاكِ الله خيرا يا بطوطة

[رنــــا]

جزانا واياكم

[badwi]

شـكــ وبارك الله فيك ـــرا لك ... لك مني أجمل تحية .

[نوفا50]

شكرا جزيلا يا دكتوره علي المعلومات القيمه دي بجد افدتينا جدا يا رب تكوني بخير دايما مره تانيه شكرا

[admiral]

شـكــ وبارك الله فيك ـــرا لك ... لك مني أجمل تحية .

[المرابط]

بارك الله فيكم

[رنــــا]

جزانا الله واياكم خيرا

وفقكم الله

[maherabd11]

thanks

[ماهر محمد عبدالرحيم]

بسم الله ماشاء الله منتدي راااااااااائع وربنا يجازيكم خييييير

[راضي]

ثااااااااااانكس