المدينة الجامعية .....

[محمد القاضي]

بسم الله الرحمن الرحيم

كل عام وانتم بخير

رمــــــضــــــــان كـــــــــــــريـــــــــــــــــم

انهارده الحمدلله

خلصت تقديم المدينة

كان الموضوع سريع وسهل

والجو كان حلو

**************************************************

المطلوب :


80 جنيه المظروف شاملة الطوابع

190 مصاريف الكلية

ربع جنيه علشان تصوير حافظة دفع المصاريف ^_^

جنيه ونص علشان المشوار من الكلية للمدينة والعكس

فلوس المرواح بقى

دباسة

12 صورة شخصية

قلم ازرق جاف

صورة بطاقة الوالد

صورة بطاقتنا

الضامن في ورقة خارجية ......... اللي عايز ينزل نسخة قابلة للطبع من المرفقات

*****************************************

الخطوات:

هنروح المدينة

الصبيان .....مدينة سموحة

البنات......مدينة الشاطبي

نشتري المظروف بــ 80 جنيه

نشوف مكان نقعد فيه في المدينة ونملى الورق عندنا:

الاستمارة الكبيرة

واستمارات البيانات 4 استمارات

بطاقة تعارف

ورقة الهوايات

ورقة التعهد



المهم كل دا المفروض يتملى

ويتحط فيه صور ما عدا ورقة الهوايات والتعهد

طبعا هنمضي ونظبط كل حاجة بنفسنا يعني نمضى لولي الامر ونكتب عدد افراد الاسرة والاسامي ونمضي كل دا بنفسنا عادي

********************************

نروح الكلية بسرعة

نروح على مدام سمية او البنت الجديدة مش عارف اسمها
هانقولها عايزين ندفع المصاريف ونعمل مدينة هاتقولكم روحوا اكدولي التقدير من مدام قاعدة جمبها كده تقريبا اسمها منى

وتعملنا الحافظة

هانروح ندفع تحت الاكاديمي الغرفة بتاعة الاستعلامات اللي بيتحط جمبها الجدول والتقسيمة واماكن الامتحانات بتاعتنا

نسأل اي حد تحت الاكاديمي

قبل ما نروح ندفع نروح التصوير الطبي ندي الحافظة صورة

وبعدين ندفع

هاتدينا وصل هانرجع تاني الشئون ومدام سمية

هاتخلصلنا الاستمارة البيضا بتاعة المدينة

وتكتب التقدير وتمضى ومدام المنقبة اللي قصادها تمضي هي كمان

وبعدين تروحوا لمدام تانية اسمها منى برضه دي في اول اوضه في الشئون ونتوا داخلين كاتبين على الباب بتاعها الاسم

تروحوا تختموا

ختم على الصورة وختم على التقدير

تمااااااااااااام

******************************************

كده بقى تطيروا على المدينة تروحوا تقدموا وكده يبقى خلاص

بياخدوا المظروف يراجعوه

وبعدين يلزقوا الضامن على الاستمارة البيضا

وبعدين ياخدوا المظروف وبعدين يدوكوا وصل و ورقة كشف طبي

لو دكتور المدينة موجود تروحوا تخلصوها بسرعة عبارة عن ختم وامضا

ورقة الكشف الطبي والوصل هايفضلوا معاكم وكده يبقى فاضل الاستلام وده يوم 10 /9

للفرقة الخامسة

ونسال هانستلم فين وامتى للفرق التانية

**************************************

هانستلم بإيه؟؟

بالوصل وبورقة الكشف الطبي المختومة والممضية



بس كده


:wfk:

[mony]

gazak allah 5yraa ya dr bs ya reet t2ol elmasareef kam lw sm7t

[قطرة ندى]

إيه ده كله ده قولت كل حاجة
بالتفصيل الممل
باسم الله ماشاء الله
جزاكم الله خيراً

["إيمان"]

ما تصدقيهوش ^ _ ^

لا لا هناك خطأ كبييييييييييييييييير جدا ^ _ ^

وهو ..................


كان الموضوع سريع وسهل

والجو كان حلو
الموضوع كان متعب بالنسبة لى
والجو كان حر اوى

بالنسبة لبناتيت الموضوع مختلف شوية

الاول بنروح المدينة , ونسحب استمارة ببلاش وبعدين بنملاها ونسيب المكان بتاع الشئون علشان حيكملوه ويمضوا فيه
بنروح الشئون نسحب الحافظة ونروح نصورها صورتين وبعدين ندفعها زى ما د.محمد قال
ونرجع الشئون نسلم الحافظة بنديلهم صورة من اللى احنا صورناها وورقه البامبى اللى هيدهالكم لما تدفعوا المصاريف
بتمضوا مرتين وبعدين ترحوا تختموا فى اول اوضة فى الشئون بيكونوا ختمين .

تمام خلصنا الكلية كده , نروح على المدينة تانى
نسحب المظروف من المبنى القديم الدور الاول ( او حسب ما يقلولكم يعنى )
بيشوفوا الاستمارة وبعدين يدوكم المظروف ب80 جنيه وخلى معاكى فكة علشان ما يتلككوش

بتملى المظروف وبعدين تسلميه ...

وربنا يوفقكم .


هانستلم بإيه؟؟

بالوصل وبورقة الكشف الطبي المختومة والممضية

ايه ورقة الكشف دى ؟

وبنستلم يوم الخميس اللى قبل بدء الدراسة
وبناخد معانا حاجاتنا كلها بقى يومها ؟

[محمد القاضي]

ما تصدقيهوش ^ _ ^

لا لا هناك خطأ كبييييييييييييييييير جدا ^ _ ^

وهو ..................


............




اه انا اكتشفت فعلا انه هايكون صعب جدا لحضرتك مخصوص يا دكتورة ايمان انهارده

لأن واحد زي حالتك زبطوه

بس التظبيط عموما معروف جدا عن مدينة البنات

انا مرضتش اقول بس

البنات اللي كانوا بيقدموا ونا هناك كانوا مرجعنهم من المدينة تاني علشان الختم مش واضح وفيه كلمة زيادة

بتوع الكلية كانوا مش مصدقين التعنت

ولما قلت للست طيب اعمل انا ايه

صوتت في وشي

جيت واخد الورق زي الشطور وماشي من سكات

طبعا انا رحت في المدينة انا عارف بتوع المبنى كلهم

كنت بكتبلهم لوحات وطبعا فيهم واحد قريبي فاكيد بيظبطوني غير انهم محترمين اصلا

بس يا جماعة الموضوع مهما كان سهل

لان الطوابع والقرف دا كان متعب

بس هل الضامن اشتغل؟؟
و ايه اخبار التامين؟؟ هل دفعتوا تاني ولا رحتوا للمدينة اللي كنتوا فيها في اولى تجيبوا رقمه؟؟


اما بالنسبة للكشف

احنا بقى في الصبيان بيتعملنا كشف طبي يعني بنروح للدكتور بتاع المدينة ونكشف

علشان الناس اللي بتعدي متدخلش وكده

الورقة دي اللي بنستلم بيها هي والايصال

كل سنة ونتو طيبين

["إيمان"]

اه بالنسبة للضامن

ماما قالتلى ازود فيه اسم الطالب وزودته ونفع الحمد لله

وعلى فكرة كانوا عاوزين يرجعوا واحدة صاحبتى الكلية تانى علشان كانت شاطبة شطبة واحدة بس فى الاستمارة

خلو بالكم بقى .

بالنسبة للتامين سالت قالوا لسه محددوش بالنسبة للمستجدين .

ربنا يسهل ويقوى اهالينا على المصاريف دى .

جزاكم الله خيرا .

[قطرة ندى]

أنا عارفة إن يوم التقديم بيبقى وحش جداً
وده من المسات بتوعنا ربنا يجازيهم بقة
أنا جربته العام الماضي
بس اترحمت السنادي
أخو واحدة صاحبتي خد ورقي ورقها وقدمه هو
يا عيني بيقول إنه اتعذب كتير قوي
يلا بأه عقبال العام القادم

[dr_semsemaaa]

مفيش اخبار عن مدينة اولى قاعدوا يقولوا انها بعد الكشف الطبى والكشف الطبى بتاعنا يوم 29 يعنى يوم السبت بعد بكرة
وانا حاسة انى تايهة ولا عارفة هعمل ايه

[قطرة ندى]

بصي بعد ما تعملوا الكشف الطبي

يوم 29اللي هوة بعد بكرة

هتمضوا الملف من الكلية

وتتوجهوا على طول للمدينة

هناك هتسلموا المظروف

بس والموضوع يخلص

بس خل بالك اليوم ده بيبقي

يوم رخم جداً
وكمان في صيام السنادي :CryOutLoud:

حيبقى زحمة موت
والادارين.........:C20ColdHands:

السنة اللي فاتت

أنا روحت ميتة من التعب

[محمد القاضي]

بصي بعد ما تعملوا الكشف الطبي

يوم 29اللي هوة بعد بكرة

هتمضوا الملف من الكلية

وتتوجهوا على طول للمدينة

هناك هتسلموا المظروف

بس والموضوع يخلص

بس خل بالك اليوم ده بيبقي

يوم رخم جداً
وكمان في صيام السنادي

حيبقى زحمة موت
والادارين.........

السنة اللي فاتت

أنا روحت ميتة من التعب



ربنا يقويكم

بس صورة البحر اللي في التوقيع دي رهيبة انا رجعت لورا اول مشفتها خفت اتبل

[dr_semsemaaa]

دى صورة متصورا بكاميرا ديجتال بس طالعة حلوة شكرا لزوقك ...بس هى طالعة شكلها كبيرة اوى فعلشان كدا شلتها علشان مش تتبل يا دكتور ههههههههههههه

[smile]

طيب لو ما قدمتش يوم السبت اللى هو 29 فيها مشكلة ولا عادى