المساعد الشخصي الرقمي

مشاهدة النسخة كاملة : الاقامة الدورية في العراق ...

5stars doctor
08-24-2009, 03:44 PM
السلام عليكم اخوتي اطباء العراق ..

اتمنى ان نقوم بهذا الموضوع بمناقشة وضع الاقامة في العراق لأن اني اتخرجت السنة اللي راحت و ان شاء الله اداوم مقيمة بس ما عندي تفاصيل عن التعيينات يعني شلون نقدم للتعيين و الاقامة شنحتاج بيها و ياريت اللي عندة معلومات يخبرنة بيها حتى نتناقش بالموضوع وتعم الفائدة على الجميع..

تحياتي للجميع
مقيم دوري
08-26-2009, 04:50 AM
اهلا دكتورة و نورتي .. اني هم مثلج خريج هاي السنة بس لحد الان مبين شي عن الاقامة و التعيينات .. احنا اخر شي انطونه تاييد التخرج و كالونه تودوا لمديرية الصحة الموجودة بالمحافظة و رحنا عليهم كالونه بعد مو هسه انتظرو لحين متجينا الدرجات الوظيفية من الوزارة يعني بالقليل ورا رمضان .. و ما اعرف دننتظر مستقبلنا المبهم و الله كريم .. واي تطورات تصير يمي ان شاء الله انطيج خبر
سلامي
مقيم دوري
5stars doctor
08-26-2009, 02:30 PM
شكراَ جزيلاَ دكتور و ننتتظر منكم الاخبار ...
تمنياتي للجميع بالموفقية ..
تحياتي
ali-beskit
09-07-2009, 06:11 PM
اي والله موضوع جدا مفيد
اني راح اكمل اقامتي هالشهر بس متخرج من ليبيا
وماعرف راح يقبلوها لو يخلوني اعيدها من جديد
5stars doctor
09-07-2009, 08:04 PM
الله كريم دكتور علي ان شاء الله يسهل امورك رب العالمين ...

تحياتي
xyon1985
10-07-2009, 06:10 PM
السلام عليكم جميعا
اني طبيب مقيم دوري خريج هالسنة اسأل هل انه اكو اخبار جديدة عن التعيينات وهل صحيح ان التعيين مركزي واحب اخبركم انه بموقع وزارة الصحة اكو استمارة تقديم اختيارات الاطباء للمكان اللي يحب يتعين بيه والموقع هو www.moh.gov.iq (http://www.moh.gov.iq) اتأكدو منها حاولت اتصل بيهم بس مجاي يتحصلون .
وهل صحيح ان الوزارة فتحت باب العقود بالمستشفيات لان بالوقت الحاضر مستشفيات العمارة والناصرية قاتحة عقود من زمان وهسة حتى بالسماوة والبصرة سمعت انها فتحت عقود بس مو اكيد الخبر
ومعا معا نحو التعيين:S18SoundAsleep:
5stars doctor
10-10-2009, 11:47 AM
شكراً جزيلاً على المعلومات دكتور و اعتقد التعيين مركزي هذه السنة حسب ما سمعنا و ما عرفت يعني شلون ماحصلت الوزارة (مليتها الاستمارة ودزيتها لو لا ؟؟؟؟؟؟)اكرر شكري و نتمنى ان ترفدنا بكل جديد

تحياتي
xyon1985
10-11-2009, 11:26 AM
اهلا بيج دكتورة
مليت الاستمارة ودزيتها عالموقع المذكور واخر شي سمعته ان الكوت هم فتحت عقود
5stars doctor
10-11-2009, 12:36 PM
كل الشكر لكم دكتور على هذه المعلومات الجديدة و القيمة وننتظر منكم المزيد ....و ارجو ان تعذرونا اذا كنا نثقل عليكم بطلباتنا و لكن نحن بأمس الحاجة لهذه المعلومات

تقبلوا تحياتي
xyon1985
10-11-2009, 11:06 PM
السلام عليكم مجددا
اني حاليا متواجد بالعمارة مسوي عقد لأن ضجت من الكعدة يعني هم فائدة وهم تغيير جو بس هنا اكو ازمة بالاطباء المقيمين والكولات كلش هواية ومتعبة .
ماادري اكو اطباء من بغداد يدخلون عالمنتدى علمود بلكي نسمع منهم كلشي جديد
هسة سمعت ان الاقامة رجعت سنتين ماادري هاي المعلومة صحيحة لو لا
5stars doctor
10-13-2009, 01:49 AM
و عليكم السلام اهلا دكتور
سمعت من اهل بغداد انه همة قدموا نفس هذي الاستمارة للوزارة مباشرة (يعني باليد )والوزارة خلت الاستمارة على موقعها لأهل المحافظات و اللي ميكدر يروح لبغداد و التقديم مفتوح خلال الشهر العاشر كله ....
على فكرة اعرف هواية اطباء من دفعتنا وياكم حالياً عقود بالعمارة ...الله يساعدكم صحيح تعب بس رح تستفادون خبرة كبيرة ..
تقبلوا احترامي
xyon1985
10-14-2009, 08:35 AM
اهلا بيج دكتورة وشكرا على هذا التواصل اكو حاليا مجموعة من الاطباء من الديوانية والحلة والبصرة ويانة ولو همة مموجودين جا انسدت المستشفى لان عدد الاطباء هنا كلش كلش قليل يعني الطابق بالاكثر جانو يلزموه 3 اطباء علة طول الشهر وهسة بين 5-6 اطباء بس لحد الان الدوام متعب والخفارات كثيرة بس اهم شي الفائدة يعني وين جنة وين هسة صرنا (يعني من الجانب العملي ) والا المعلومات النظرية صعب الحصول عليها وتحتاج قراية كتب وهنا ممتوفرة هاي الاشياء الا تشتريها من بغداد او البصرة . ياريت تصير دعوة للاطباء علمود نسولف ونتواصل وماادري دكتورة اكو منتدى ثاني لاطباء العراق؟
مقيم دوري
10-23-2009, 03:35 AM
يابة اسمحولنا نشارككم بالنقاش .. طبعا تحية للاخوة جميعا اطباء العراق الجدد و القدماء .. شخبار التعيين و الله ملينا من الكعدة هههههه.. اني حاليا دا اداوم طوارئ بس (training) و عالواهس يعني الكول اللي اريده اروحلة بين قوسين دوام كلاوات اذا مو جدول و غير امور ... اما بالنسبة للتعيين مسمعت شي لحد الان و هاي الاستمارة دزيتها على الموقع والله كريم. من ناحية العقود احنا بالانبار ما صارت عدنه على اساس بالمستشفيات الاهليه بس مصار شي .. اتمنى اسمع اخباركم و دمتم للنضال الطبي
سلامي
مقيم دوري
برشلوني
11-09-2009, 12:03 AM
السلام عليكم على كل الاطاء...................................
بالنسبة الموضوع الاقامة الدورية فالتعيين الفعلي كل سنة ايصير بشهر الواحد او الثاني لكن قبل هذه الفترة اكو استمارة مال النقابة واستمارة الاختيارات للتوزيع وعادة تملا في دائرة الصحة قبل شهر من التعيين الفعلي ................وان شاء الله الكل تتعين باقرب وقت..................
أخوكم
مقيم دوري
Dr_Khalid83
11-19-2009, 11:25 PM
موفقين يا جماعة بالتعيينات ..

والله هي كلسنة شكل .. وتواريخ التقديمات هم مو سوة .. على العموم ان شاء الله الكل يتعين .. وميصير تأخير معتاد ..

الاقامة الدورية فترة مهمة حيل .. ولازم نستعدلهه بصورة جيدة ..
5stars doctor
11-21-2009, 11:42 AM
اشكر لكم تفاعلكم المستمر مع الموضوع
شكراً دكتور (مقيم دوري و xyon ,برشلوني و دكتور خالد )

دكتور خالد بما ان حضرتك مجرب قبلنا الاقامة الدورية ...و تعرف انه احنة خلصنة فترة الدراسة و على ابواب الاقامة الدورية
نطلب من حضرتك ان تسويلنا موضوع متجدد عن الاقامة الدورية من اول يوم لأخر يوم لأن بصراحة ينتابنة نوع من الخوف من المجهول و منعرف شنو الاشياء اللي رح نحتاجها خلال فترة الاقامة و شنو هي مسؤولياتنا وساعات العمل كيف تقسم ؟و ما هو افضل اختصاص يبدي بي المقيم ببداية حياته العملية ؟.......و أسئلة كثيرة اخرى .........و ان شاء الله تعم الفائدة على الجميع ...و لكم منا كل الشكر و التقدير
Dr_Khalid83
11-22-2009, 12:13 AM
اشكر لكم تفاعلكم المستمر مع الموضوع

شكراً دكتور (مقيم دوري و xyon ,برشلوني و دكتور خالد )

دكتور خالد بما ان حضرتك مجرب قبلنا الاقامة الدورية ...و تعرف انه احنة خلصنة فترة الدراسة و على ابواب الاقامة الدورية

نطلب من حضرتك ان تسويلنا موضوع متجدد عن الاقامة الدورية من اول يوم لأخر يوم لأن بصراحة ينتابنة نوع من الخوف من المجهول و منعرف شنو الاشياء اللي رح نحتاجها خلال فترة الاقامة و شنو هي مسؤولياتنا وساعات العمل كيف تقسم ؟و ما هو افضل اختصاص يبدي بي المقيم ببداية حياته العملية ؟.......و أسئلة كثيرة اخرى .........و ان شاء الله تعم الفائدة على الجميع ...و لكم منا كل الشكر و التقدير





تددلين دكتورة ويدلل الجميع .. الله ايسّر ان شاء الله



موضوع الاقامة ما لها وما عليها .. رح ينزل قريبا .. نذكر بيهه تفاصيل الاقامة الدورية وتبعاتهه ..

تحياتي
5stars doctor
11-23-2009, 02:19 PM
تددلين دكتورة ويدلل الجميع .. الله ايسّر ان شاء الله



موضوع الاقامة ما لها وما عليها .. رح ينزل قريبا .. نذكر بيهه تفاصيل الاقامة الدورية وتبعاتهه ..

تحياتي
الف شكر دكتور خالد و لو احنة دنتعبك و ناخذ من وقتك ....بس ان شاء الله كلهة بميزان حسناتك .

تقبلوا احترامي
dr.queen
07-25-2010, 01:24 AM
السلام عليكم
والله سمعت من هالسنه بعد تعيين الاطباء بعقود يعني ما كو تعيين مركزي بس بعدين كلهم يثبتون والله كريم
mezeron
11-28-2010, 01:06 AM
السلام عليكم عندي مشكله وياريت تكدرون تفيدوني اني سافرت بعد التخرج بسبب الاوضاع الامنيه ب2006 وهسه رجعت للوطن عدكم فكره عن وضعي بالنسبه للاقامه والتعيين؟وصحيح صارت 4سنين بدل 2؟ارجو الرد وجزاكم الله خيرا
mezeron
11-29-2010, 01:37 AM
:I04IFeelSoSad:شنو يا شباب كانو ماكو احدلان اخر المشاركات من سنه
Dr Mohammad Barakat
11-29-2010, 01:48 AM
:i04ifeelsosad:شنو يا شباب كانو ماكو احدلان اخر المشاركات من سنه
أهلا بكل أهل العراق الشقيق
ياريت تدعوا زملائك للمشاركة
بالتوفيق
وأي استفسار تحت أمرك
mezeron
12-01-2010, 11:50 PM
شكرا دكتور على ترحيبك بس اريد اعرف الشباب الي كانو يناقشون مشاكل الاقامه الدوريه بالصفحه الاولى وين راحو اني رجعت للوطن من كم شهرعلما اني سافرت بعد التخرج لاربع سنوات واريد اعرف وضعي بالنسبه للاقامه والتعيين وشكرا سلفا