المساعد الشخصي الرقمي

مشاهدة النسخة كاملة : أول محاضرة في الفسيولوجي لأولى


قطرة ندى
09-01-2009, 09:51 PM
السلام عليكم ورحمة الله وبركاته


وأنا بدور في بعض الحاجات عندي


لقيت المحاضرة دي


كانت مقدمة في الفسيولوجي


العام الماضي


مش فاكرة من اللي كان عامله بالظبط


فقلت أجبهالكم


لأن الفسيولوجي المادة الوحيدة


اللي ملقتشي فيه شرح


أول محاضرة



عشان كده اتفضلوا مقدمة بسيطة



زى ما عرفنا إنالفسيولوجى


أو علم وظائف الأعضاء


عبارة عن علم بيهتم بدراسة الوظائف الطبيعيةلأجهزة الجسم ،
والخواص المميزة ليها واللى جعلته كائن حى راقى


...


وزى ما اخدنا قبل كدهإن جسم الانسان


بيتكون من مجموعة أجهزة


وكل جهاز من مجموعة أعضاءorgans


وكل عضو من مجموعة أنسجةtissues


وكل نسيج من مجموعة خلاياcells



وكمان عارفين إن الجسم


بيحتاج الغذاء لاستمرار حيوية الخلايا ،


وبيحتاج الأكسجين عشانتنتج الطاقة ...


وطبعاالخلية هى الوحدة الوظيفية والتركيبية و الحيوية فى الجسم ،


وكل خلية بتؤدى وظيفةمحددة ،


وعشان كده فكل خلية بتختلف عن الأخرى تبعا لوظيفتها
وده اللى بنسميهcell specification أو تخصص الخلية ،،


لكن تظل هناك خصائص ثابتة موجودة فى أى خلية ،،



يعنى أى خلية لازم تبقى محاطة بغشاءcell membrane،
وبيوجد فيها من الداخلcytoplasmونواةnucleus ...


والسيتوبلازم بيبقىفيه مجموعة من العضيات الصغيرةorganells،


زىالميتوكوندريا ، والشبكة الإندوبلازمية ، جهاز جولجى ، والجسم المركزى ... الخ



وكمان بيقى فيهcell inclusionsبتوجد فى السيتوبلازم
بكميات مختلفة تبعا لوظيفة الخلية
، زى الجليكوجينglycogen، وقطرات الدهونfat droplets،


والأصباغpigments


واللى بتدى الخلية لونها المميز ، وهكذا ...



طيب دلوقتى عندنا سؤال...


هى كل خلية كده بتشتغل معنفسها ؟؟


ويا ترى كل جهاز شغاللوحده


ومالهوش علاقة بالأجهزة الأخرى ؟؟


طبعا لأ


بيقولولنا إن فيه تكامل وظيفى


بين أجهزة الجسم المختلفة،،



وأحسن مثال نقدر نفهم بيهالجزئية ديه


هو النشاط العضلى


لو حد مثلا بذل مجهود عضلى ،


أو كان بيجرى مثلا ...إيهاللى بيحصل ؟؟



بتحصلتغيرات فى كثير من أجهزة الجسم ،،


بالنسبة للجهاز الدورىcardiovascular system


بنلاقى إن عدد ضربات القلب زادت ،


وتدفق الدم زاد ، وكمية الدم اللىبتخرج من القلب فى الدقيقة
بتزيدcardiac output increaseوبيرتفع ضغط الدم الشريانى ،
والدم اللى بيوصل للعضلات بيزيد معدله،
وبتوسع الأوعية الدموية فى العضلات ...طيب ليه كل ده ؟؟



عشان احنا عايزين دم كتير يوصل للعضلات ،


يحملها الغذاء والأكسجين اللازم استهلاكه عشان
تقدر تقوم بالمجهود الكبير ده


ومش بس كده ، الجهازالتنفسى كمان بيتأثر ،
بيزيد معدل وعمق التنفس ، برده عشان ناخد اكسجين كتير ،


ونطلع الـ CO2 ...


وأثناءالنشاط العضلى بترتفع درجة الحرارة ،


وبيزيد انتاجها ،،
وطبعا الحرارة لما بتزيدفيها خطر علينا ،
فبالتالى ارتفاع دجة الحرارة بينشط جزء من المخ
اسمهhypothalamus أو زى ما كانوا بيقولولنا فى ثانوى ( تحتالمهاد ) ،،


وتحت المهاد ده بيعمل على زيادة
معدل التخلص من الحرارة الزايدة ،،


طيب ازاى ؟؟


بكذا طريقة ،،


ممكنعن طريق اتساع الأوعية الدموية


بتاعت الجلد ، فبالتالى يحصلirradiationلخارج الجسم ،،


أو ممكن عن طريق زيادة العرق
وتبخره مما يؤدى لخفض درجةالحرارة ،،


أو عن طريق هواء الزفيرexpired air ...



وكمان لازم حركة العضلات


يبقى فيها نوع من الانسيابية ،،


واللى بيتحكم فى كده أجزاء معينة من المخ ،
المخيخcerebellum، والـmotor cortix ..



يبقى زى ماشفنا ،


الأجهزة اشتغلت مع بعضها عشان تعمل تكامل integration ،
وكل ده عشان العضلةتقوم بوظيفتها لأطول فترة ممكنة
من غير ما يحصلها إجهادfatigue .




= = = = = = = =




عندنا موضوع تانى بيتكلم عن الآليات الرئيسية لانتقال المواد خلالالخلايا


Major Mechanisms of Transport of Substanses Across Cell Membranes




فى خمس طرق ،،


(1) - الانتشار البسيط Simple diffusion


(2) - الانتشار باستخدام ناقلات Facilitated diffusion


(3) - النقل النشطالأولى Primary active transport


(4) - النقل النشط الثانوى Secondary active transport


(5) - البلعمة Pinocytosis


ودول مهمين جدا حاولوا تحفظوا
الأسامي
هتنفعكم في الفسيولوجي والهستولوجي
إن شاء الله
ياااااااااااااارب تنفعكم
إن شاء الله

smile
09-01-2009, 10:00 PM
:mghoud:
:gzak:

قطرة ندى
09-01-2009, 10:08 PM
:mghoud:
:gzak:

جزانا وإياكم يا جميل

The ambitious Doc
09-01-2009, 10:16 PM
:gzak:
مجهود طيب
المحاضره دى موجوده عندى أيضا على الجهاز
وكنت نسختها العام الماضى
لو باقى المحاضره مش موجود عند حضرتك انا ممكن أنزله
ودا طبعا بعد اذن حضرتك
وشكرا
,

,
,
,

قطرة ندى
09-01-2009, 10:21 PM
آه طبعاً يا دكتور ياريت
لأن أنا دورت على الباقي
بس مش لاقياه
ممكن حضرتك تضيفة أكيد
عشان طلبة أولى أكيد
وبعدين هي طالما كانت عندك
متضفتهاش ليه من زمان
ده أنا لاقتيها بالصدفة
احنا طبعاً
في خدمة طلبة أولى

The ambitious Doc
09-02-2009, 06:03 AM
ان شاء الله أنزلها عن قريب
لان معنديش برنامج الــ
Office
حاليـــا على الجهاز

سحر ابو العلا
09-02-2009, 06:20 AM
جزاكى الله خيرا يا دكتوره
اسلوبك جميل بجد انا استفت جدا
ياريت تكونى معانا فى نحو القمه للفرقه الاولى
فى انتظااااااااار مساعدتكم

dr/shimo
09-13-2009, 11:35 AM
شـكــ وبارك الله فيك ـــرا لك ... لك مني أجمل تحية .

muslem rewesh
09-28-2009, 12:17 AM
شـكــ وبارك الله فيك ـــرا لك ... لك مني أجمل تحية .

قطرة ندى
09-28-2009, 11:53 AM
جزاكى الله خيرا يا دكتوره
اسلوبك جميل بجد انا استفت جدا
ياريت تكونى معانا فى نحو القمه للفرقه الاولى
فى انتظااااااااار مساعدتكم

جزانا وإياكم بس ده مش أسلوبي والله
ده كان ممن السنة اللي فاتت
وأنا إن شاء الله معاكم في معاً نحو القمة

قطرة ندى
09-28-2009, 11:54 AM
[QUOTE=dr/shimo;90405]شـكــ وبارك الله فيك ـــرا لك ... لك مني أجمل تحية .[/QUOTE
الشكر لله يا دكتورة يارب تكوني استفدتي

قطرة ندى
09-28-2009, 11:55 AM
شـكــ وبارك الله فيك ـــرا لك ... لك مني أجمل تحية .
الشكر لله يا دكتور يارب تكون استفدت من الموضوع

The ambitious Doc
09-29-2009, 08:51 PM
بسم الله الرحمن الرحيـــــــم
كما وعدنا
ان شاء الله نكمل المحاضره هنـــا
لكن صراحة لا أعرف صاحبهــــا لانهــــا طبعا كانت موجوده على المنتدى العام الماضى
على العموم
جزى الله صاحبها خير الجزاء
له منا جميعا جزيل الشكر
والان مع تكملـــة المحاضره

&
&









عندنا موضوع تانى بيتكلم عن الآليات الرئيسية لانتقال المواد خلال الخلايا
Major Mechanisms of Transport of Substanses Across Cell Membranes


فى خمس طرق ،،
(1) - الانتشار البسيط Simple diffusion
(2) - الانتشار باستخدام ناقلات Facilitated diffusion
(3) - النقل النشط الأولى Primary active transport
(4) - النقل النشط الثانوى Secondary active transport
(5) - البلعمة Pinocytosis


بإذن الله هنتكلم عنهم بالتفصيل ،،

وأتمنى أنكم تستفيدوا،،

وربنا يوفقكم جميعا





(1) - Simple diffusion :

وده معناه انتقال المواد خلال غشاء الخلية عن طريق تدرج
electrochemical محكوم بالقوانين الـ
physiochemical



ازاى يعنى ؟
يعنى المواد بتنتقل من التركيز العالى أو الشحنة الموجبة إلى التركيز المنخفض أو الشحنة السالبة ...
وده اللى كانوا بيشبهوه بنقطة الحبر وانتشارها فى كوب الماء ...


طيب ازاى الـ
simple diffusion
ده بيحصل ؟
بيحصل عن طريق طاقة الحركة
kinetic energy
للمادة المنتشرة
diffusing substance
خلال طبقة
الدهون المزدوجة فى غشاء الخلية
lipid bilayer
أو عن طريق قنوات خاصة بين جزيئات البروتين وبنسميها
channel protein



طيب ايه أنواع الانتشار البسيط ده ؟؟

عندنا نوعين رئيسيين زى ما قلنا من شوية ...


(1)- simple diffusion through the lipid bilayer :
بيقولولنا إن أى مادة تستطيع الذوبان فى الدهون
lipid soluble substance
بتقدر تعدى بالطريقة ديه ..
زى الفيتامينات اللى بتذوب فى الدهون

fat soluble vitamins

وكمان الـ
O2 & CO2
Water
بتعدى بسهولة نظرا لصغر جزيئاتها وكبر طاقة الحركة بتاعتها




(2)- simple diffusion through protein channels :
وديه مختصة لانتشار الجزيئات الكبيرة للمواد التى تذوب فى الماء
water
وكمان الـ
- soluble molecules،
وكل قناة متخصصة لمرور أيون معين
ions
...
يعنى فى قنوات متخصصة لنقل الـ
Na+ ،K



طيب ايه أنواع القنوات ديه ؟؟

فيه قنوات مفتوحة باستمرار
continously open
وديه بنسميها
leak channels

وفيه قنوات تانية بتبقى ليها بوابات أو
gates
وبتفتح وتقفل حسب الحاجة وبنسميها
gated channels



والنوع ده من القنوات ليه نوعين فرعين :



(1) - بوابات بتفتح استجابة لفرق الجهد
Voltage gated ion channel
بمعنى إن البوابات بتفتح أو تقفل تبعا للتغيرات فى جهد غشاء الخلية زى قنوات الصوديوم ...


(2) - بوابات بتفتح استجابة للمواد الكيميائية
Ligand gated ion channels :
القنوات ديه بتفتح أو تقفل فى حالة انها يحصلها ارتباط بمادة كيميائية سواء من خارج الخلية زى الناقلات العصبية أو الهورمونات ...
أو مواد من داخل الخلية زى الـ
cyclic AMP ...

طيب بعد ما عرفنا تعريف النقل البسيط وأنواعه وازاى بيحصل ...

يا ترى إيه العوامل اللى بتأثر على معدل الانتشار ؟؟؟


أول حاجة : مساحة سطح غشاء الخلية


(1) - Surface area of the membrane :
طبيعى جدا إن كل ما تزيد المساحة كل ما هيبقى معدل الانتشار أسرع وأسهل ..
يعنى العلاقة طردية ...


تانى حاجة : تدرج التركيز
(2) - Concentration gradient :
كل ما يزيد فرق تركيز المادة على جانبى الغشاء هيزيد معدل الانتشار من الجانب اللى تركيزه أعلى إلى الجانب اللى تركيزه أقل ،،


تالت حاجة : نفاذية الغشاء
(3) - Permeability of the membrane :
وطبعا كل ما تزيد نفاذية الغشاء كل ما هيزيد معدل الانتشار ...


رابع حاجة : تدرج الضغط
(4) - Pressure gradient :
لو مثلا عندنا ضغط عالى على المادة اللى المفروض يحصلها انتشار وده على احدى جوانب الغشاء ، فهيبقى انتشارها سريع ،،
وكل ما يزيد فرق الضغط كل ما هيزيد المعدل ...


(5) - Electrical gradient :
بيقولوا إن الأيونات بتنتقل من الوسط اللى الشحنة اللى فيه موجبة إلى الوسط اللى الشحنة فيه سالبة ...
بس ده فى حالة لو مفيش فرق فى التركيز بين المواد فى الوسطين ...


= = = = = = = = = = = = = = = = = = =



(2) - FACILITED DIFFUSION :

النوع ده شبه النوع اللى قبله نوعا ما ،، المواد اللى بتنتقل عن طريقه مواد لا تذوب فى الدهون وحجمها كبير زى الجلوكوز والجلاكتوز وبعض الأحماض الأمينية ...


طيب ازاى هتعدى ؟؟
اللى بيحصل انها بتتحد أو بتمسك مع حامل
Carrier
والحامل ده هيعدى خلال الغشاء ،،


المادة بتمسك فيه خارج الغشاء وبتنفصل عنه لما تدخل الخلية ،،
وبتتجه ناحية السيتوبلازم ،
أما الـ
carrier
بيطلع خارج الخلية خالص عشان يمسك جزىء تانى ، وهكذا تتكرر العملية ،،


والنوع ده من الانتشار بيعتمد على الـ
carrier
وبرده على فرق تدرج التركيز خارج وداخل الخلية ،،
ومدى سرعة اتحاد وانفصال المادة المنتشرة بالحامل بتاعها ،،


= = = = = = = = = = = = = = = = = = = =




(3) - Primary active transport :

النوع ده من الانتقال بيحصل فقط خلال طبقة الدهون ،،

بس النوع ده مميز ونشط ،،

ليه ؟؟

لأنه بيحصل ضد تدرج التركيز ..


ازاى يعنى ؟؟
يعنى المادة بتنتقل من التركيز المنخفض إلى التركيز العالى ..


اممممم
عكس الانتشار يعنى فى الميكانيزم ،،
تماااام


وبما ان المواد بتنتقل ضد تدرج التركيز يبقى ده معناه اننا محتاجين طاقة تنقل المواد وكمان محتاجين إنزيمات ونواقل ...


طيب بنجيب الطاقة ديه منين ؟؟؟
بنجيبها من عملة الطاقة فى الخلية ،،
أكيد طبعا فاكرينها
ATP (Adenosine TriPhosphate)


مثال على كده أيونات الصوديوم والبوتاسيوم ،،
أى كمية من الصوديوم تدخل للخلية لازم تطلع تانى ،، برغم ان تركيزها بره أعلى من جوه ،،
وبرده البوتاسيوم ،،
أى كمية تطلع بره لازم ندخلها ...
والعملية ديه بتحصل بواسطة مضخة الصوديوم والبوتاسيوم اللى سمعنا عنها قبل كده ...


= = = = = = = = = = = = = = = = = =



(4) - Secondary active transport :
النوع ده يشبه اللى قبله بس يختلف عنه فى نقطتين مهمتين ،،
أول حاجة إن الـ
Carrier
بيشيل جزيئين مختلفين ،،
يعنى مثلا يشيل الصوديوم على مكان معين ، وفى مكان تانى جنبه بيشيل جزىء جلوكوز أو جلاكتوز ،،
وبالتالى فاحنا بنوفر الطاقة وبنزود معدل النقل ،،


لكن طبعا النقل مش بيحصل إلا لما تتحد المادتين فى نفس الوق على الحامل بتاعهم ،،


وتانى حاجة بيختلف فيها إن الطاقة مش بناخدها من الـ ATP
طيب بناخدها منين ؟؟

بناخدها من حركة مادة تانية بتدرج تركيزها الطبيعى ،،


مثال :
الجلوكوز والأحماض الأمينية والفوسفات وجزيئات أخرى بينتقلوا من تجويف الأنابيب الكلوية
renal tubular lumen
إلى الخلايا نفسها ضد تدرج التركيز طبعا بمساعدة
الـcarrier
والطاقة بناخدها من الانتشار البسيط للصوديوم خلال تدرج التركيز الطبيعى ...



طيب بما اننا اتكلمنا عن الـ
Carriers
نتكلم بسرعة عن أنواعهم :

( أ ) - ممكن نلاقى نوع بيشيل مادة واحدة بس وبنسميه
Uniports
( ب ) - النوع التانى بيشيل مادتين فى نفس الوقت وبيوديهم لنفس الاتجاه واسمه
Symports
(جـ ) - النوع التالت والأخير بيشيل مادتين فى نفس الوقت لكن فى اتجاهين مختلفين وبنسميه
Antiports


= = = = = = = = = = = = = = = = = = = =




(5) - Pinocytosis :


اللى بيحصل إن لو عندنا مادة جزيئاتها كبيرة الحجم زى البروتين مثلا ،،
بييجى جزىء البروتين يقف على غشاء الخلية وينغمس فيه ،،
فيقوم جزء من الغشاء يحيط بالجزىء ويدخل بيه لداخل الخلية ،،

وبالتالى فإن فيه جزء من الغشاء يعتبر انفصل عنه ودخل بالبروتين إلى الداخل ...
والعملية ديه بنسميها
endocytosis
أما لو الجزىء هيطلع للخارج فالعكس هو اللى هيحصل وهنسميها فى الحالة ديه exocytosis

وطبعا بنحتاج طاقة بناخدها من الـ
ATP


= = = = = = = = = = = = = = = = = = = =




آخر حاجة هنتكلم عليها النهاردة نفاذية الغشاء
Membrane Permeability


ديه عبارة عن معدل انتقال مادة ما خلال وحدة المساحة لغشاء الخلية فى وجود اختلاف معين فى تركيز المادة داخل وخارج الغشاء ...



إيه العوامل اللى بتأثر على نفاذية الغشاء :


ـــ عدد القنوات اللى بتستطيع الجزيئات الانتشار خلالها ، كل ما زاد كل ما النفاذية زادت ..

ـــ مدى مقاومة القنوات لمرور المواد خلالها ، وطبعا العلاقة عكسية ..

ـــ الوزن الجزيئى للمادة ، كل ما زاد كل ما النفاذية قلت ...

ـــ الحرارة ،،
كل ما زادت الحرارة كل ما زادت سرعة حركة الأيونات وزاد معدل النفاذية ...

ـــ وأخيرا سمك الغشاء ،،
فكل ما زاد سمكه كل ما النفاذية وانتقال المواد قل ...

= = =



ربنا يوفقكم ويعينكم


**************
ختاما
جزاك الله خيــرا د. قطرة ندى
على طرح هذا الموضوع مره ثانيه
وأعتذر عن التأخير
وشكـــرا
,
,

قطرة ندى
09-29-2009, 11:10 PM
جزاكم الله خيراً يادكتور

فاطمةالجندي
02-08-2010, 01:50 PM
thanxxxxxxxxxxxxxxxxxx

soma93
12-01-2011, 08:36 AM
شكرا كتير ع هذه المخاضرة واتمنى لو في كمان محاضرات بتقدري تنزليها من فضلك وشكرا مرة تانية