المساعد الشخصي الرقمي

مشاهدة النسخة كاملة : استفسار بخصوص المدينة الجامعية

dr_afifi
09-16-2009, 10:43 AM
السلام عليكم ورحمة الله وبركاته

اخواتى واخواتى فى الله

كنت عاوز استفسر بس عن المدينة الجامعية فى الزقازيق

انا سحبت المظروف وقدمتة من زمان من شهر 8

ولما سألت الموظف انا هسكن امتى ولا هعرف قبلت ازاى

قالى ابقى تابعنا على اول الدراسة

يا ترى انا مفروض اروح أسأل الايام دى ولا اروح اول يوم فى الدراسة

3 / 10 / 209

ارجو الرد ممن لة خبرة بذلك

:gzak:
dr_afifi
09-17-2009, 04:05 PM
مفيش حد عارف ؟؟؟

لية كدة بس
mohamed mosad foda
09-18-2009, 06:51 AM
الافضل اول يوم في الدراسه لانك لو رحت دلوقتي هتدفع شهر سبتمبر من غير ما تقعد فيه ولا يوم
عملتها قبلك
dr_afifi
09-18-2009, 03:13 PM
طب هوة انا مش لازم اروح بدرى عشان احجز الاوضة ولا اية

مش ممكن لو رحت فى اول الدراسة الاقى الاوض الحلوة اتوزعت

او يوزعونى مع ناس معرفهمش خالص مش مع صحابى يعنى

ولا اية النظام بالظبط ؟؟
mohamed mosad foda
09-21-2009, 06:20 AM
عشان تاخد اوضه لازم تدفع
يبقي هتدفع شهر زياده عالفاضي
لان الاوض متوزعه امتياز وجيد جدا لوحده ودول اوض كويسه اوي
وجيد ومقبول لوحده ودول برده الي حد ما كويسه
بمعني اصح اوض طب كويسه
اما عن اصحابك فتروحوا سوا يوم الاستلام وتقعدوا مع بعض
يعني لو رحت دلوقتي وهما راحوا اول الشهر يبقي كل واحد لوحده
muslem rewesh
09-27-2009, 04:24 AM
هو انا عندى سؤال ممكن حد يقدم تانى ولا خلاص ؟
muslem rewesh
09-27-2009, 04:26 AM
كيف حالك إن شاء الله دائما بخير ؟
هو انت رايح الفرقة الأولى
انا رايح ممكن نتعرف
mohamed mosad foda
09-28-2009, 01:51 AM
هو انا عندى سؤال ممكن حد يقدم تانى ولا خلاص ؟

ممكن تقدم طول ما في مكان
بس انجز عشان اسمك ميتاخرش وتسكن بسرعه
dr_afifi
10-16-2009, 07:19 AM
شفت يا دكتور محمد على حظى

لسة لحد دلوقتى مفيش حد من الشرقية سكن

يا مسهل يا رب
dr_afifi
10-16-2009, 07:19 AM
كيف حالك إن شاء الله دائما بخير ؟
هو انت رايح الفرقة الأولى
انا رايح ممكن نتعرف

لا والله يا دكتور

انا فى سنة تالتة

بس أول مرة أجرب اسكن مدينة

(( وشكلها مش هتنفع ))
mohamed mosad foda
10-16-2009, 11:01 AM
في مشاكل بسبب تقليل اعداد الطلبه في الاوض
واحتمال مش قليل ان المدينه تبقي للمغتربين بس
يعني الشرقيه لا
ربنا يسهل
dr_afifi
10-24-2009, 09:44 AM
سألتلى يا دكتور محمد

اى حد من زمايلك اللى راحو سألو فى المدينة ؟