المساعد الشخصي الرقمي

مشاهدة النسخة كاملة : أجيب كتاب باطنة clinical ايييه ؟؟


نور
10-05-2009, 10:43 PM
السلام عليكم ورحمة الله وبركاته


انا سنة رابعة وبدأت ميسد باطنة مع انه مش ميسد ولا حاجه

ممكن قصدهم ميسد من المحاضرات

المهم

الدكتورة كانت قالت لنا فى الرواند لاااااازم نجيب كتاب كلينكال نزاكر منه

كنا بنحسبها بتقول كده وخلاص

سألت صحابى فى سنة خامسه قالوا لى متجبيش حاجه محدش بيجيب حاجه
بنزاكر من ورق وخلاص والى جاب كتاب معملش بيه حاجه


قلنا خلاص طالما الموضوع كده مش جايبين

رحنا انهرده الدكتورة قالت لنا لاااازم يكون لينا سورس نزاكر منه
وهيكون الغياب بيه من المرة الى جايه يعنى الى معهوش كانه محضرش

وقالت لنا 3 اسماء

عبد القادر
صلاح إبراهيم
مجدى إسحاق

ياااريت الى يعرف أحسنهم يقولى

أكيد إحنا السنة دى مش هنحتاج تفاصيل خاالص يعنى التلاتة بالنسبة لنا سواء والله أعلم
لكن بالمره يفضل عندنا لبعد كده


وعلى فكرة يا جماعه الميسد مش فراغ ولا حاجه خاااالص
بالعكس الدكترة بيشرحووووا

والغياب بيتأخد مرتين مرة فى الاول ومرة فى الاخر علشان يشوفوا مين الى مشى

وعليه 50 درجة

بس لحد دلوقتى مفيش حاجة تتزاكر وقاعدين فى فراااغ
:patch_rir:


وجزاكم الله خيرا ً

Dreamy Doctor
10-05-2009, 11:15 PM
عارفة ليه عمله معاكم كدة بسببنا :) عشان النهاردة طلعنا برة الروند وعملنا احتجاج اننا عايزين يتعاد لينا اللى خدناه فى رابعة وماكنووش راضيين قولنللهم رئيس الاقسام قالنا كله هيتعاد وهما شكلهم صدقوا وهيدونا كل مرة جزء من رابعة وجزء من خامسة
وقالوا احنا هنخلى رابعة تذاكر من سورس معين وهى الاسماء دى عشان مايعملوش فينا كدة تانى
ونصيحة ماتجيبيش حاجة لو شفتى شكل الكتب هتتخضى اكتبى ورا الداكترة وذاكرى دة بس وماانتيش محتاجة حاجة تانية وبالذات فى الشهر التانى وبالذات الكارديو
انا حضرت فى كل شهر 5 مرات بالظبط لانى عندى عداء ضد الحضور...كنت بروح اخد غياب يومين من اللى فاتو واخلى بنت تشرحلى اللى خادوه فى كل الايام واصور منها الورق اللى كاتبته وهاتى ورق من الشروق وفى الامتحان الكارديو الدكتورة قالتلى انتى شاطرة قوى:)
يابنتى دول احلى شهرين فى رابعة (خلينى ساكتة عشان لما شفت كتب الكومينيتى صغرت كدة وانا متغاظة منكم قوى)
انا بقى عايزة حد يقوللى اذاكر كلينيكال خامسة منيـــــــــــــــــــــــــــــــــــــــــــــــ ن لانى تائهة من ساعة مابدأنا

هو الشهر الواحد عليه 50 ولا الشهرين؟؟اصل لو الشهر يبقى كتيير قوى وشكلهم عايزينكم تذاكروا بجد بس فعلا الداكترة بيقولوا كل اللى مطلوب فى رابعة

heba samir
10-05-2009, 11:19 PM
بسم الله الرحمن الرحيم اولا مبارك دخولكم عماره الباطنه ثانيا احب اقولك ان الكل بيذاكر من الورق بس انا كنت جايبه صلاح ابراهيم و هو كويس والله بس بيطول شويه اصحابي كان معاهم عبد القادر بس كله تجميعات قد تكون غير مفيده في رابعه اما مجدي ده مسمعتش عنه بس احب اقولك ان بعض الدكاتره بيحبوا كتاب macloed وده كتاب كويس بس نصيحه لازم نذاكر clinical من كتاب عربي لانه بيبقي موضح بعض الحاجات بالعربي وده بيحس الفهم شويه وفي النهايه ارجو انك تكوني استفدتي وربنا يوفق الجميع

نور
10-06-2009, 12:10 AM
عارفة ليه عمله معاكم كدة بسببنا :) عشان النهاردة طلعنا برة الروند وعملنا احتجاج اننا عايزين يتعاد لينا اللى خدناه فى رابعة وماكنووش راضيين قولنللهم رئيس الاقسام قالنا كله هيتعاد وهما شكلهم صدقوا وهيدونا كل مرة جزء من رابعة وجزء من خامسة
وقالوا احنا هنخلى رابعة تذاكر من سورس معين وهى الاسماء دى عشان مايعملوش فينا كدة تانى
ااهااا الدكتورة قالت لنا
السنين الى قبلينا محدش بيهتم بالميسد ويطلعوا خامسه يكونوا عاوزين حاجات رابعه تانى وبيتأخروا
فالسنة دى مشددين علينا جااامد
ونصيحة ماتجيبيش حاجة لو شفتى شكل الكتب هتتخضى
اتخضيت لما شفت عيانين الكبد
صعبانين عليا
ربنا يشفيهم
اكتبى ورا الداكترة وذاكرى دة بس وماانتيش محتاجة حاجة تانية وبالذات فى الشهر التانى وبالذات الكارديو
انا حضرت فى كل شهر 5 مرات بالظبط لانى عندى عداء ضد الحضور...كنت بروح اخد غياب يومين من اللى فاتو واخلى بنت تشرحلى اللى خادوه فى كل الايام واصور منها الورق اللى كاتبته وهاتى ورق من الشروق
قالوا مفييييش ورق هينزل

وفى الامتحان الكارديو الدكتورة قالتلى انتى شاطرة قوى:)
يارب ديما
وعقبالنا ياااارب نفسى اسمع الكلمة دى من ساعة مدخلت الكلية تقريبا سمعتها مرة فى شفوى هستولوجى اولى بس كان قبلها ( على فكرة انت ِ لمضة :cryoutloud:وفى الآخر بس شاطرة )
يابنتى دول احلى شهرين فى رابعة (خلينى ساكتة عشان لما شفت كتب الكومينيتى صغرت كدة وانا متغاظة منكم قوى)

ههههههههههه
وحدة صحبتى بادئة بييه
وياا عينى بيشتكوا جداااااااا منه بيقولوا عليه صعب ودخلتلهم دكتورة مفهموش منها حاجة وعندهم homework تقريبا لقبل الفجر قاعدبن
لقيتها محتاسة كده يا عينى
فعملت نفسى بفهم وقلت لها هاتى الكتاب كده اقرى لعل وعسى افهم
022":
كنت بحسبها هتجبيلى الكتاب الصغير لقتتيها بتجبلى كتااب كبببير قلت لها لاااااااااا انا مش بفهم أوووى كده
وقريت والحمد لله مفهمتش أى حاجة حسيتها ماده ادبية تسميع أفتكرت علم الإجتماع بتاع الثانوى

دى ماده لييها لازمة دى ولا اييه؟

انا بقى عايزة حد يقوللى اذاكر كلينيكال خامسة منيـــــــــــــــــــــــــــــــــــــــــــــــ ن لانى تائهة من ساعة مابدأنا
ااه بيقولوا مفيش كتاب محدد
إن شاء الله حد هيقولك



جزااااك ِ الله خيرا ً

خلينا نشوفك بقى فى الباطنة العزيزة

نور
10-06-2009, 12:22 AM
بسم الله الرحمن الرحيم اولا مبارك دخولكم عماره الباطنه

الله يبارك فيك ِ
^__^
بس سلالمها متعبة خااااااااااالص
قلنا أخييييراً هنرتاح شويه من الاكاديمى مكناش آخديين بالنا من الباطنة وسلالمها
والسلالم ماشاء الله عليها حاسه اننا بنطلع لتحت

ممكن يوم الاربع إن شاء الله لحد موصل للروماتيزم ينزلونى تاااانى للكارديو
:E16Exhausted:

مش عارفة عيااان اييه ده عنده روماتيزم يعرف يطلع ده كلللله


ثانيا احب اقولك ان الكل بيذاكر من الورق بس انا كنت جايبه صلاح ابراهيم و هو كويس والله بس بيطول شويه اصحابي كان معاهم عبد القادر بس كله تجميعات قد تكون غير مفيده في رابعه اما مجدي ده مسمعتش عنه بس احب اقولك ان بعض الدكاتره بيحبوا كتاب macloed وده كتاب كويس بس نصيحه لازم نذاكر clinical من كتاب عربي لانه بيبقي موضح بعض الحاجات بالعربي وده بيحس الفهم شويه وفي النهايه ارجو انك تكوني استفدتي وربنا يوفق الجميع

يا سلاااام هى الكتب دى بالعربى

سمعنا ان عبد القادر أحسنهم والله أعلم إحنا بنسمع كتيير


جزاااااك ِ الله خيرا ً يا هبة
أكيييييييييييييد أفدتينى


لك ِ منى أجمل تحية
:faces705:

Dreamy Doctor
10-06-2009, 12:22 AM
انتم درجة الشهر الواحد 50 ولا الشهرين على بعض؟؟لو كل شهر ابقوا اهتموا شوية عشان ماتضيعوش درجات
وبعدين حرام عليكم دة كتب الكومينيتى قلت خالص دااحنا كانت فيها دش كبيير
انا مش شاطرة ولا حاجة انا جايبة فى رابعة امتياز على الحركرك مع ان مافيش ولا كلمة بتعدى من تحت ايدى فى المنهج بس بذاكر عشان افهم مش امتحن ودة غلط بيجى على دماغى فى اخر السنة وبعدين مش عارفة اوهب حياتى للعلم والكلام دة يعنى لما يجيلى مزاج بذاكر غير كدة بضيع وقت كتييرر قوى
ربنا معاكم وفى هنا على فكرة كتب عملى للباطنة الجزء اللى بتاخدوه دورى عليه وهتلاقيه

انتى بتاخدى فى اى قسم؟؟

نور
10-06-2009, 12:40 AM
انتم درجة الشهر الواحد 50 ولا الشهرين على بعض؟؟
الشهرين على بعض

لو كل شهر ابقوا اهتموا شوية عشان ماتضيعوش درجات
وبعدين حرام عليكم دة كتب الكومينيتى قلت خالص دااحنا كانت فيها دش كبيير

الحمد لله ربنا عليم بحالنا وأعلم ان مخنا ميستحملللللش
هنيجى جمبكم اييييه
عارفه وتلاقفينا بعد كده برده بنشتكى
والله لو شالوها خااالص
شوية هيشتكوا يقولوا طييب ليييه ده احنا سمعنا انها كانت حلوة

^_^

انا مش شاطرة ولا حاجة
أيييوة إحنا شبطنا فى الكلمة وبنعيش على زكراها :nga7:


انا جايبة فى رابعة امتياز على الحركرك
إن شاء الله فى خمسة تجيبى إمتييييييياز كبييير حاجة كده حولين ال 95
ويااارب أنا كمان وصحابنا وحبايبنا
^_^

مع ان مافيش ولا كلمة بتعدى من تحت ايدى فى المنهج بس بذاكر عشان افهم مش امتحن ودة غلط بيجى على دماغى فى اخر السنة
انا شايفه هوووة ده الصح
أبينعم برده بيجى على دمااغى فى الأخر
لو مفهمناش بررده هيجى يوم وندى نفسنا فيه على دماغنا
:5831.imgcache:
بس فى بعض اوقاات المزكرة بتكون علشان الامتحان 100 % خصوصا فى امتحانات العملى قبل كده ونطلع من الامتحان ولاااااا الهوا

وبعدين مش عارفة اوهب حياتى للعلم والكلام دة يعنى لما يجيلى مزاج بذاكر غير كدة بضيع وقت كتييرر قوى
ههههههههه
وأنا كمااان مش عارفه أعمل فى مزاجى ده اييه
أوقات بيتحكم ليلة الامتحان

ربنا معاكم وفى هنا على فكرة كتب عملى للباطنة الجزء اللى بتاخدوه دورى عليه وهتلاقيه

إن شاء الله

انتى بتاخدى فى اى قسم؟؟

الاحد والاتنين والتلت كبد

الاربع روماتيزم

الفجـ الآتى ــرُ
10-06-2009, 12:53 AM
وعليكم السلام ورحمة الله وبركاته ،،

عاملة ايه يا نور ؟؟

بقولك ايه ...
تعالى مرة احضرى محاضرات الكميونتى معانا عشان أشوفك
وأوريكى اللى بيعملوه فينا
^__^

نور
10-06-2009, 01:19 AM
وعليكم السلام ورحمة الله وبركاته ،،

عاملة ايه يا نور ؟؟

بقولك ايه ...
تعالى مرة احضرى محاضرات الكميونتى معانا عشان أشوفك
وأوريكى اللى بيعملوه فينا
^__^


انا تماااام الحمد لله
انت ِ عامله ايييه وحشاااااانى خااالص ونفسى اشوووفك

بحضر محاضرات رمد قدامكم
لقيتهم بيقولوا كومينتى ده ساعتيين
قات لااا
ساعتين ايييه ميبقوش طماعييين اوووى كده
كفايه علينا محاضرات ام ساعة دى
^_^

بس عرفت انهم محاضرتين منفصلين
كنت بحسب المحاضرة من اولها
يعنى الى جه يفضضضل قاعد


انهرده بعد مدخلت المدرج وقعدت افتكرت انك كومينتى كنت عايزة اققوم اسلم عليك ِ
بس كان فييه كتيييير جمبى
لو كنت قلتلهم أقووم كانوا يضربوننننى

بس إن شاء الله هااااااجى ِ يا قمر
مش عارفه أحضرولا اييييه
بس مش عايزة اشووف الى بيتعمل فييكم ميسرررى اشوفه

اهم حاجه

أخدتى كااام فى الهوم ورررك انهرده ؟
^__*
والى كان عنده exercise ده احنا سمعنا حاجات غريبة
وعلى رأى وحده بتتريئ بتقول وانا عندى تسميع بكرة
:patch_rir:

ببعتلك السلام على فكرة لكن صاحبتنا بتقولى مش بتشوفك

:faces705:

د أحمد سمير
10-06-2009, 09:47 AM
وعليكم السلام ورحمة الله وبركاته

أهلا بيكم فى عمارة الباطنة
منورين و الله

أنا فرحت أوى إن الدراسة بدأت
على الأقل تعملوا زحمة فى القسم عشان لما نزوغ
ميبقاش باين أوى

أنا أنصح حضرتك تذاكرى من عبد القادر
لو عايزة تجاوبى كويس و تجيبى درجات

على فكرة مفيش دكتور اسمه عبد القادر و لا حاجة
الكتاب ده أصلا عبارة عن ناس كانت بتكتب ورا الدكاترة كده

أما Macleod فده لمجرد القراءة
لإن أغلب الكلام اللى بتاخدوه فى الكلينكال ده خلاص بقه obsolete
عشان كده مش هتلاقوه مكتوب أصلا

و فيه كمان كتاب الدكتور أسامة محمود
أنا كنت بحب أذاكر منه برده
مع عبد القادر
و ربنا يوفقكم

baby doc
10-06-2009, 10:53 AM
وعليكم السلام ورحمه الله وبركاته يانور

بدأتى ميسد وانا كميونتى

كله احصاء حاجات كدا

بس هو ميسد الباطنه عليه 50 ولا 30 درجه؟؟

نور
10-06-2009, 09:30 PM
وعليكم السلام ورحمة الله وبركاته

أهلا بيكم فى عمارة الباطنة
منورين و الله

جزاكم الله خيراً


أنا فرحت أوى إن الدراسة بدأت
على الأقل تعملوا زحمة فى القسم عشان لما نزوغ
ميبقاش باين أوى

فعلا عملنا زحمة احنا وخمسة
ومش عارفين الى بنشوفهم دوول خمسة ولا إمتياز ولا نواب ولا معيدين



أنا أنصح حضرتك تذاكرى من عبد القادر
لو عايزة تجاوبى كويس و تجيبى درجات

على فكرة مفيش دكتور اسمه عبد القادر و لا حاجة
الكتاب ده أصلا عبارة عن ناس كانت بتكتب ورا الدكاترة كده

أما macleod فده لمجرد القراءة
لإن أغلب الكلام اللى بتاخدوه فى الكلينكال ده خلاص بقه obsolete
عشان كده مش هتلاقوه مكتوب أصلا

و فيه كمان كتاب الدكتور أسامة محمود
أنا كنت بحب أذاكر منه برده
مع عبد القادر

خلاص إن شاء الله هجيب عبد القادر
وإذا لقيت أسامة محمود كمان ابقى اجيبه لو منفعش السنة دى يكون للسنة الى جية إن شاء الله

و ربنا يوفقكم

وإياكم






جزاكم الله خيرا ً

نور
10-06-2009, 09:45 PM
وعليكم السلام ورحمه الله وبركاته يانور

بدأتى ميسد وانا كميونتى

ربنا يقويك ِ
عااامله ايييه ؟؟
إن شاء الله يكون بقى سهل وعرفتى تزاكريه

إن شاء الله تكونوا فهمتوا

كله احصاء حاجات كدا

اااااه
:CryOutLoud:

هربت من إحصاء الثانوية ولقيتها مستنيانى هناااااا

بس هو ميسد الباطنه عليه 50 ولا 30 درجه؟





50 إن شاء الله
الى انا فكراه 20 منهم سيمنار
والامتحان MCQ ده النظرى


ربنا يوفقك يا جميييل

كلنا لهاا

:faces705:

نور
10-07-2009, 09:44 PM
ملقتش كتاب عبد القادر

:I04IFeelSoSad:

مش موجود فى

دار العلم

ولا

الشروق

ولا

الهداية

ولا

مكتبة كلية الطب



ومعرفش حد كان عنده استلفه منه 2120:



ربنا يسهل وأسأل على أسامة محمود لإنى كنت نسيت اسمه

وصلاح إبراهيم هوة كام موجود بس مش عارفة ليه مجبتوش وقتها :tfk:

وانهرده صحابى قالولى ان فيه ورق فى الشروووق
هيجنونااااا
نفسى اسمع خبر أكييييد من اول مرة فى كليتنا العزيزة

manona
10-08-2009, 12:21 AM
كتاب عبد القادر نزل

هو كبير شوية بس بيتهيالى كويس

نازل ب 40 جنيه فى مكتبه صغيرة اوى كده قصاد طب الاسنان

بس الورق اللى فى الشروق ده كويس برضه

مش عارفه ايه احسن بقى

نور
10-08-2009, 01:28 AM
كتاب عبد القادر نزل



هو كبير شوية بس بيتهيالى كويس

نازل ب 40 جنيه فى مكتبه صغيرة اوى كده قصاد طب الاسنان

الى فى شارع شامبليون قبل السوبر ماركت ؟؟؟

بس الورق اللى فى الشروق ده كويس برضه


مش عارفه ايه احسن بقى

ايييوة اكييد الورق محدد الى مطلوب مننا والى همنتحن فيه







جزااااااك ِ الله خيرا ً

متشكرة جداااااااااااااا

:faces222:

manona
10-08-2009, 02:03 AM
لا الورق ده كتاب برضه بس متصور

بتاع دكتور اسمه مجدى اسحاق تقريبا

انا شفته بس مجبتهوش هو ترتيبه مخنتلف عن اللى بناخده

انا معايا كتاب عبد القادر ولقيته كويس

ولو حد بيتابع ويكتب فى الراوندات هيبقى بالنسباله الاتنين تمام جدا مع بعض

ده من وجهه نظرى يعنى

بالتوفيق

نور
10-08-2009, 02:09 AM
لا الورق ده كتاب برضه بس متصور

بتاع دكتور اسمه مجدى اسحاق تقريبا

انا شفته بس مجبتهوش هو ترتيبه مخنتلف عن اللى بناخده

انا معايا كتاب عبد القادر ولقيته كويس

ولو حد بيتابع ويكتب فى الراوندات هيبقى بالنسباله الاتنين تمام جدا مع بعض

ده من وجهه نظرى يعنى


بالتوفيق



اهااااااا شفته فعلا

الله المستعان

ربنا يسهل واروح الحق اجيب عبد القادر وميكنش خلص

:faces705:

"إيمان"
10-08-2009, 04:43 PM
ازيك يا نور

انا لما حد بيجيب سيرة الباطنة بتخنق وببقى عاوزة اعيط

منهم لله

بصى يا بنتى اهم حاجة اكتبى ورا الروند
الكتب دى كبيرة اوى
لو عاوزة تجيبى كتاب زاكرى الاساسيات اللى بتاخدوه فى الروند بس متتعبيش نفسك انتى عندك 4 مواد تانيين
بالنسبة للكتب
هاتى اى حاجة لان كل واحد هيرشحلك كتاب شكل
عندك صلاح ابراهيم
عبد القادر
اسحاق
ماكلويد
انا جبت صلاح ابراهيم وشكلى هجيب اسحاق كمان .. رحمتك يا رب

اى كتاب هيبقى كويس بالنسبة ليكى لانك مطلوب منك حاجات بسيطة بس اهم حاجة ركزى فى الروند واكتبى وراهم

وادعيلى يا نور بالله عليكى الا انا خلاص استويت بجد ولسه فى اول اسبوع
حسبى الله ونعم الوكيل .

hana
10-08-2009, 07:18 PM
السلام عليكم ورحمة الله وبركاته
ازيكوا يا سنه رابعه انا كمان عندى قال اللى كان بيقولوا عليه ميسد:C06Condolence:لكن الحمد لله على كل حال عادى دايما بيجربوا فينا المهم بالنسبه للباطنه الدكتوره شرحت لنا وخلتنا نكتب وراها وقالت لنا انه هو ده المطلوب مننا والاسئله مش هتخرج عنه ومن وجهة نظرى كده احسن لان الكتب هتوسع علينا فى المعلومات فليه نصعبها على نفسنا واحنا عندنا مواد تانيه صعبه و رابعه مطلعتش سهله زى ما كنت فاكره


وربنا معاكى يادكتوره ايمان ويسهلك كل عسير ان شاء الله

dr-amira
10-08-2009, 08:57 PM
السلام عليكم ورحمة الله وبركاته

ألى د/ احمد سمير

على فكرة مفيش دكتور اسمه عبد القادر و لا حاجة
الكتاب ده أصلا عبارة عن ناس كانت بتكتب ورا الدكاترة كده

هم الكلام ده حقيقى؟
وبعدين الدكاترة قالولنا على كتاب صلاح ومش طيقن عبد القادر رغم انه منظم احسن؟
وبعدين المراجع اللى حددوها صعب نذاكر منها
نعمل ايه دلوقتى؟

نور
10-08-2009, 09:10 PM
ازيك يا نور

الحمد لله تمااااام

انت ِ عامله اييه يا مونى

مشفتكيش الأيام الاخرانية ولا حتى طلعتيلى
2120:





انا لما حد بيجيب سيرة الباطنة بتخنق وببقى عاوزة اعيط

منهم لله

معلش يا مون مون متعمليش فى نفسك ده كله بالراحة سمى بالله وابدأى
كلكم بتشتكوا
الكل فى مركب وحدة
ربنا يسهل لكم يااااااااااارب

بصى يا بنتى اهم حاجة اكتبى ورا الروند
الكتب دى كبيرة اوى
لو عاوزة تجيبى كتاب زاكرى الاساسيات اللى بتاخدوه فى الروند بس متتعبيش نفسك انتى عندك 4 مواد تانيين
بالنسبة للكتب
هاتى اى حاجة لان كل واحد هيرشحلك كتاب شكل
عندك صلاح ابراهيم
عبد القادر
اسحاق
ماكلويد

إن شاء الله هجيب عبد القادر
يااارب ألاقيه
انا جبت صلاح ابراهيم وشكلى هجيب اسحاق كمان .. رحمتك يا رب

اى كتاب هيبقى كويس بالنسبة ليكى لانك مطلوب منك حاجات بسيطة بس اهم حاجة ركزى فى الروند واكتبى وراهم
أيوة إن شاء الله
بسأل علشان يبقى كتاب كويس لخامسة بالمرة إن شاء الله طالما هنجيب كتاب


وادعيلى يا نور بالله عليكى الا انا خلاص استويت بجد ولسه فى اول اسبوع
حسبى الله ونعم الوكيل .


ربنا يقوييييييكِ يا حبيبتى

ربنا يسهل لك كل صعب

ربنا يشرح صدرك

اللهم لا سهلا إلا ما جعلته سهلا فأنت تجعل الحزن إن شئت سهلا

وجزااااك ِ الله خيراً يا قمر
وخلينى اشوفك بقى

:faces705:

نور
10-08-2009, 09:21 PM
[QUOTE=hana;105181]السلام عليكم ورحمة الله وبركاته

وعليكم السلام ورحمة الله وبركاته

ازيكوا يا سنه رابعه

الحمد لله رب العالمين
:5823.imgcache:

انا كمان عندى قال اللى كان بيقولوا عليه ميسد:C06Condolence:لكن الحمد لله على كل حال عادى دايما بيجربوا فينا المهم بالنسبه للباطنه الدكتوره شرحت لنا وخلتنا نكتب وراها وقالت لنا انه هو ده المطلوب مننا والاسئله مش هتخرج عنه

أييييوة تمام وفى نفس الوقت دكتورة قالت لنا هتاخد الغياب بالسورس الى بنزاكر منه جايز ده فى الجروب بتاعى بس مش عارفه

ومن وجهة نظرى كده احسن لان الكتب هتوسع علينا فى المعلومات فليه نصعبها على نفسنا واحنا عندنا مواد تانيه صعبه و رابعه مطلعتش سهله زى ما كنت فاكره




وربنا معاكى يادكتوره ايمان ويسهلك كل عسير ان شاء الله

اللهم آميييييين
QUOTE]


http://www6.0zz0.com/2009/10/08/19/330782883.gif

و كأنه حلم
10-09-2009, 12:39 AM
انا عن نفسى كنت بذاكر من صلاح ابراهيم ومكلويد و الاتنين كويسين

نور
10-09-2009, 12:57 AM
انا عن نفسى كنت بذاكر من صلاح ابراهيم ومكلويد و الاتنين كويسين


كتاب صلاح ابراهيم موجود من أكتر من 35 سنة من على ايام والدى فأكييد كتاب كويس
أغلب الناس شكرت لى فى عبد القادر أكتر من صلاح إبراهيم علشان كده حاباه أكتر


الله المستعان

بالنسبة لمكلويد مش لسنة رابعه خاالص والله أعلم


وجزاكم الله خيرا ً

د أحمد سمير
10-09-2009, 01:18 PM
السلام عليكم ورحمة الله وبركاته

ألى د/ احمد سمير

على فكرة مفيش دكتور اسمه عبد القادر و لا حاجة
الكتاب ده أصلا عبارة عن ناس كانت بتكتب ورا الدكاترة كده

هم الكلام ده حقيقى؟

و عليكم السلام و رحمة الله و بركاته
و الله احنا اللى قالنا كده معيد فى ال Diabetes أيام ما كنت فى خامسة
و بصراحة كلامه مقنع
أولا مكتوب على الكتاب إن عبد القادر ده neurosurgery
يبقه ماله بالباطنة
ثانيا مين عبد القادر ده
مفيش دكتور عندنا اسمه كده خاااالص
و حتى فى الجامعات التانية !!
و بعدين لو كان فى جامعة تانية كان معقول كتابه هينتشر عندنا بالشكل ده
أكتر من الجامعة اللى هوا فيها
وبعدين الدكاترة قالولنا على كتاب صلاح ومش طيقن عبد القادر رغم انه منظم احسن؟

طب ما أنا عارف
ما هما عشان كده بقه بيكرهوا عبد القادر
و لو فى امتحان كلينكال حد قال إنه بيذاكر منه
هيتوصوا بيه خالص
إنما صلاح إبراهيم بيقولوا كان دكتور كبير و معروف
عشان كده بيحترموه

إنما كله بيذاكر من عبد القادر برده
أنا النايب بتاعى بيذاكر منه عشان امتحانات الماستر
و ده لسبب واحد إن هوا الكتاب الوحيد اللى فيه الكلام المتخلف
اللى بيقولوه فى الراوندات و بيحبوا يسمعوه فى الامتحانات
وبعدين المراجع اللى حددوها صعب نذاكر منها
نعمل ايه دلوقتى؟
و الله يا دكتورة انتوا صعبانين عليا
انتوا طيبين أوى

ما هما يقولوا اللى هما عايزينه
انتوا بتصدقوا الكلام ده بجد و لا ايه ؟؟
ياما الواحد سمع كلام من ده

و بعدين بالعكس شوفى أى موضوع فى ماكلويد و شوفيه فى عبد القادر
هتتمنوا إن ماكلويد ده كان هوا اللى عليكم

إحنا أيام ما كنا فى خامسة كنا بنقول يا ريت يحددولنا أى مرجع
و احنا نذاكره أهون من اللى كنا بناخده ده

Mohammed Alshoura
01-06-2012, 04:28 PM
يعني كتاب عبد القادر متخلف يا دكتور أحمد سمير :d

"إيمان"
01-07-2012, 05:24 AM
يا خبراشين الموضوع ده من سنتين ، اييييه دنيا ، بص يا دكتور كتاب عبد القادر زى الفل خليك معاه و اكتب وراهم فى الروند وظبطه وحيبقى جميل ان شاء الله ، و متتعبش نفسك بين السورسات زاكر بس عبد القادر و ان شاء الله ربنا يوفقك

بنت الأزهر
01-07-2012, 02:22 PM
كتاب د.أشرف زكى - القصر العينى

كتاب رائع مكتوب من اكثر من مرجع و الفحص كله بالصور الملونة

كتبه اللى بيذاكر منها كل اوائل القصر العينى من سنوات

شوفيها على النت ولو عاجبك اشتريه