ঔღঔ خبــرات الــراونـدات نجمعهـا سوا ღ خــاص برابعـه بنات الأزهــر ঔღঔ

[زهـــ الندى ـــرة]

السـلام عليكمـ ورحمة الله وبركـاته

حياكمـ الله طبيبات الأزهــر

كيفكمـ ؟؟!!

وازيكمـ ؟؟

وحشتوني والله من يوم واحد سبتكمـ

^ـــ^

ندخـل في موضوعنــا بقي

المـواد ده لسنه رابعــه !

طبعا كلنا عارفين إن الدفعه تلات مجموعات

وأنا المجموعه التالته " كميونتي حـاليا "

وطبعا الأنفصـال مش في الراوندات بس

ده في المحاضـرات كمان !!

جدير بالذكر إن فيه ناس أصحابي من مجموعات تانيه مش بشفهم تقريبا

المهم إن شاء الله ..موضوعنـا هنا هنجمع فيه خبرات الراوندات

يعني أنا مثـلا أخدت كميونتي أفك لكم طـلاسم الراوند ده

وأقولكمـ غلطاتنا ونصايح شان متتكرر معاكمـ

وعلي المنـوال كل واحده في راوند تاني تقولنـا أيه خبراتها عن الراوند دي

وازاي نعديه بســلام

وبكـده تبقي الأستفاده عـامه للجميـع إن شاء الله

ولازم تاخدوا في بالكم إني أنا و مجموعتي عمـوما

المجوعه الوحيده في الكليه اللي هتستفتح راوندين غير الكــل

يعني دعــواتكمـ عشان عندي الشهر الجا راوند لسه جديد خلص e n t

في النهـايه

عاوزه أرحب بكل بنات دفعتـي القدام والجداد

والي ما شاء الله ملوا المنتدي

لدرحة إن كل ما أشوف حد يقولي أنا سجلت في كل الطب

مش إنتي زهرة الندي بردو ^ـــ^

منورين يا بنات من أول لآآآآآخر واحده

ومش هأقول أسمـاء عشان مانساش حد

ياللا بقي عاوزه أشوف مشاركـاتكم !!

[زهـــ الندى ـــرة]

السـلامـ عليكمـ ,,

بمــا إن مفيش حد بيبدأ

و ناوي يبدأ

أبدأ أنا وأمـري للـه

أيه يا بنــات هو أنا بكـلم نفسي !!

عارفه أن كلكم عليكم إمتحان الاسبوع الجاي

وأنا كمان والله عندي إمتحـان

عموما الموضوع مفتوح لأي حد عاوز يضيف أي حاجه في أي وقت!!

بس متحسسونـيش إن دايمـا كلم نفسي في القسم ده

نرجع بقي لموضوعنـا

أنا طبعا للي يعـرفني وما أكثرهــن

واللي متعرفنيش ,, ازاي بس دي تيجـي

عشرة اربع سنين من غير ما نتعــرف ؟!!

إن شاء الله أنا المجموعة التالته راوند الكميونتي

راوند الكميونتي طبعا مش زي أي راوند تاني

يعني اللي فاكر إنه هيتشرحلوا كميونتي في الراوند يشيل الفكره دي من دماغه من دلوقتي

بالظبط أيه اللي بيحصـل فيه !

إن المجموعه اللي هيا 80 بنت

بتنقسم لمجموعتين أ و ب

كل مجموعه بتنقسم لأتنين

يعني المحصــله ف الأخر بتبقي 20 بنت مع دكتوره

المجموعه( أ) بتبدأ إبديمولوجـي

الدكاتره هيقعدوا معاهم كام مره يشرحولهم نقط بسيطه في الجينرال ابديمولوجي

وبعد كده هيقضوهــا زيارات

أول زياره هتبقي لمستشفي حميات العباسيه

( بتركبوا اي حاجه رايحه العباسيه أو رمسيس وهما بينزلكوا أدام المستشـفي إن شاء الله
3جـ كمان بيعدي من أدامهـا )

هتروحوا هناك هتتجمعوا في قاعه إسمها 7 ابحاث لحد ما" الدكتور عصام" أو غيره بقي

يجي وياخكم تتفرجوا عي المستشـفي وتشوفوا الحـالات

** ملحوظه الزياره الوحيده اللي هتشوفو فيها حالات وتحسسوا انكوا دكاتره بجد

طبعا الهدف منها إننا نعرف الحالات المعديـه وكده والدكتور بيشرح كويس أووي

نصيحتي بقي بالنسبه للزيار دي ؟!

تكتبوا الحالات اللي هتشفوها أسامي فقط

وحاله واحده تكتبوها بالتفصييييييييييييييل

وتكتبوا ورا الدكتور أسامي التيستات اللي بعملوها للحـالات

وتاخدوا معاكم كراسة العملي بحيث لو لقيتوا سؤال في الربورت مش عارفين تحلوه " وما أكثرهم "

تسألوا الكتور اللي معاكم فيه

بعد كده زيارة مستشـفي صر العباسيه

( تركبوا أي حاجه راحه نادي السكـه وتنزلوا ادامه هتمشوا حته صغيره هتلاقوهـا

أو تركبوا 3 جـ عشان ساعات بيمشي من أدامهـا

أو تتفقوا مع عمكوا سيد بتاع أتوبيس الكليه وهو يوديكـوا )

الزياره دي هتاخدوها علي رجليكم لف يعني في المستشـفي

ومش هتشوفوا ولا حــاله بس هيتشرحلكم مرض الدرن Tb بالتفصيل الممل

وبردو تاخدو الربورت معاكم عشان تكملوه هناك هيسهل كتير

الزياره التالته

قسم الجلديه مستشـفي الزهراءالدولي العالمي الجامعي ههههههه (علي رأي الدكتور فوزي)

هيقعدكوا في مدرج ويشرحلكوا نظري ويويكوا صـور

زهراء بقي هتقولوا ايه ؟؟

ونفسها زيارة الانفكشين كنترول في مستشفنا الجميل

كمثــله

الزياره الأخيره والمتعه الوحيده في الموضوع

محطـة مياه الأميريه

هنروح المصيف ((هيييييييه))

بالظبط هو ده كان احساسنا هناك لأننا كنا هناك في عز الشمس

بجد هتستمتعوا بيها إن شاء الله

التجمع بتاعها هيبقي في الكليه الباص هياخدكم ليها ويرجعكمـ إن شاء الله


وجه الأستفاده منها معرفش هما شرحوا لنا ازاي بيتم تنقية المياه وشفنا كل الخطوات كده بعنينا

وبعد كده شفنا المعمل بتاعهم وشرحولناازاي المايه تخرج من عندهم والتجارب اللي بيعملوها عليها

وبعد كده روحنـــا

ودي كانت أخر زياره لنا في الجموعه الأولي

طبعا هيطلبوا منكم بحـث وده غني عن التعريف

وإحصاء survey وده محتاج كلام كتيييييييير أووي

هاكلكم عليه مع الجزء التاني من الراوند إن شاء الله الأسبوع الجاي

عشان اقوم اسافر بقي

أستودعكمـ الله الذي لا تضيع ودائـعه

[غصن الدعوة]

السـلامـ عليكمـ ,,

بمــا إن مفيش حد بيبدأ

و ناوي يبدأ

أبدأ أنا وأمـري للـه

أيه يا بنــات هو أنا بكـلم نفسي !!



وعليكم السلام ورحمة الله وبركاته
تكلمى نفسك وأنا موجودة ازاى ؟؟!
أكيد كلامك هيفيدنى وأنا فى رابعة ان شاء الله



بس متحسسونـيش إن دايمـا كلم نفسي في القسم ده



وأنا روحت فين !!
أنا عارفة انى اتشغلت عنكم فترة بس لظروف خارج ارادتى

أنا طبعا للي يعـرفني وما أكثرهــن

واللي متعرفنيش ,, ازاي بس دي تيجـي

عشرة اربع سنين من غير ما نتعــرف ؟!!

إن شاء الله أنا المجموعة التالته راوند الكميونتي

راوند الكميونتي طبعا مش زي أي راوند تاني

يعني اللي فاكر إنه هيتشرحلوا كميونتي في الراوند يشيل الفكره دي من دماغه من دلوقتي

بالظبط أيه اللي بيحصـل فيه !

إن المجموعه اللي هيا 80 بنت

بتنقسم لمجموعتين أ و ب

كل مجموعه بتنقسم لأتنين

يعني المحصــله ف الأخر بتبقي 20 بنت مع دكتوره

المجموعه( أ) بتبدأ إبديمولوجـي

الدكاتره هيقعدوا معاهم كام مره يشرحولهم نقط بسيطه في الجينرال ابديمولوجي

وبعد كده هيقضوهــا زيارات

أول زياره هتبقي لمستشفي حميات العباسيه

( بتركبوا اي حاجه رايحه العباسيه أو رمسيس وهما بينزلكوا أدام المستشـفي إن شاء الله
3جـ كمان بيعدي من أدامهـا )

هتروحوا هناك هتتجمعوا في قاعه إسمها 7 ابحاث لحد ما" الدكتور عصام" أو غيره بقي

يجي وياخكم تتفرجوا عي المستشـفي وتشوفوا الحـالات

** ملحوظه الزياره الوحيده اللي هتشوفو فيها حالات وتحسسوا انكوا دكاتره بجد

طبعا الهدف منها إننا نعرف الحالات المعديـه وكده والدكتور بيشرح كويس أووي

نصيحتي بقي بالنسبه للزيار دي ؟!

تكتبوا الحالات اللي هتشفوها أسامي فقط

وحاله واحده تكتبوها بالتفصييييييييييييييل

وتكتبوا ورا الدكتور أسامي التيستات اللي بعملوها للحـالات

وتاخدوا معاكم كراسة العملي بحيث لو لقيتوا سؤال في الربورت مش عارفين تحلوه " وما أكثرهم "

تسألوا الكتور اللي معاكم فيه

بعد كده زيارة مستشـفي صر العباسيه

( تركبوا أي حاجه راحه نادي السكـه وتنزلوا ادامه هتمشوا حته صغيره هتلاقوهـا

أو تركبوا 3 جـ عشان ساعات بيمشي من أدامهـا

أو تتفقوا مع عمكوا سيد بتاع أتوبيس الكليه وهو يوديكـوا )

الزياره دي هتاخدوها علي رجليكم لف يعني في المستشـفي

ومش هتشوفوا ولا حــاله بس هيتشرحلكم مرض الدرن tb بالتفصيل الممل

وبردو تاخدو الربورت معاكم عشان تكملوه هناك هيسهل كتير

الزياره التالته

قسم الجلديه مستشـفي الزهراءالدولي العالمي الجامعي ههههههه (علي رأي الدكتور فوزي)

هيقعدكوا في مدرج ويشرحلكوا نظري ويويكوا صـور

زهراء بقي هتقولوا ايه ؟؟

ونفسها زيارة الانفكشين كنترول في مستشفنا الجميل

كمثــله

الزياره الأخيره والمتعه الوحيده في الموضوع

محطـة مياه الأميريه

هنروح المصيف ((هيييييييه))

بالظبط هو ده كان احساسنا هناك لأننا كنا هناك في عز الشمس

بجد هتستمتعوا بيها إن شاء الله

التجمع بتاعها هيبقي في الكليه الباص هياخدكم ليها ويرجعكمـ إن شاء الله


وجه الأستفاده منها معرفش هما شرحوا لنا ازاي بيتم تنقية المياه وشفنا كل الخطوات كده بعنينا

وبعد كده شفنا المعمل بتاعهم وشرحولناازاي المايه تخرج من عندهم والتجارب اللي بيعملوها عليها

وبعد كده روحنـــا

ودي كانت أخر زياره لنا في الجموعه الأولي

طبعا هيطلبوا منكم بحـث وده غني عن التعريف

وإحصاء survey وده محتاج كلام كتيييييييير أووي

هاكلكم عليه مع الجزء التاني من الراوند إن شاء الله الأسبوع الجاي



ماشاء الله
كل ده فى أسهل سنة فى الكلية ؟!
ربنا ييسر لكم

عشان اقوم اسافر بقي

أستودعكمـ الله الذي لا تضيع ودائـعه

نستودعكِ الله على دينك وأمانتك وخواتيم عملك زودك الله التقوى وغفر لكِ ذنبكِ ويسر لكِ الخير حيثما كنتِ
لاتنسينا من دعائك عند السفر

فى رعاية الله

[زهـــ الاسلام ـــرة]

السلام عليكم
ازيك يازهورة شو اخبارك انتى دايما تكلمى نفسك كده ياحبيبتى لما تحبى تتكلمى عرفينى انا لولا شوفت الموضوع عند غرس الجنة مش كنت هاعرف عنه حاجة على العموم مش وقت عتاب بس كان المفروض تعرفينى
المهم انا ان شاء هشارك برأيى فى الموضوع بس بعد ما ارتاح من السفر انتى عارفة اول حاجة بعملها فى البيت هى المنتدى :S18SoundAsleep:
ان شاء راوند الشرعى جميل خالص وهتحبيه وهترتاحو فيه الى حد ما وحتحسى فيه بمتعة دا من وجهة نظرى وان شاء الله التفاصيل عن قريب

[استبرق]

السلام عليكم ورحمة الله وبركاته
اذيكم يا بنات وحشتوني
اذيك يازهرة فكرة جميلة جدا
انا خدت رمد والراوند الجاي شرعي يارب زهرة الاسلام تفيدني -اذيك وحشتيني -
واحاول اديكوا فكرة عن راوند الرمد
اول حاجة الراوند متقسم 3 مجموعات 1 و2 بيخدوا في القسم و3 بياخدوا في السابع مكان المحاضرات
الرمد ثلاث ايام احد واثنين وثلاثاء
الميعاد الرسمي للراوند من 8.5 -11ص
الاول معيدة بتدخل تعرض الصور واول كام راوند بتشرح ازاي ناخد شيت من المريض
والساعة 9.5 ولا 10 تدخل الدكتورة تشرح عادة بيخلصوا البرانش في راوندين طبعا عشان احنا عباقرة وبنذاكر اول باول
وبعدين المعيدة تجيب حالات نشوفها ولازم يكون معانا torch كشاف يعني
في دكاترة بيشرحوا كويس بس الحقيقة بسرعة اووووووووي
وفي نهاية الراوند امتحاننا كان سلايدز غير اللي شوفناها طول الراوند وال mcq غير الورق وحالات بس الحمد لله
وووو بس

[غرس الجنه]

السلام عليكم ورحمة الله وبركاته


اذيك يازهرتى كيف حالك؟ أرجوا أن تكونى بصحه جيده

أخيرا انتهيتم من راوند الكومينتى كان هذه الراوند من الراوندات المحببه إلى لأننى أحب الزيارات

ولكن بعد قرائتى لما يحدث فى هذا الراوند كرهته قبل مأذهب إليه لأننى كنت احسب أن الذى لانفهمه

فى المحاضرات سوف نفهمه فى الراوند وهذا لايحححححححححححححدث تماما

صدقا أفادك الله لأننا سوف ندخل هذا الراوند ونحن نعلم مالذى يحدث فيه من كراسات العملى الخ :www.1aim.netf060bdb (http://www.1aim.netf060bdb)



أنا طبعا من الذين بدئوا طب شرعى

الطب الشرعى راوند سهل جدا ولذيذ بس مشكلته جارات كثير أكيد أخذتم عنه فكره فى المحاضرات

دكاترة الطب الشرعى طيبين ومتفاهمين وخصوصا المعيدات

الراوند مقسم إلى ثلاث مجاميع أ-ب-ج مجموعه فى المتحف ومجموعه فى المعمل ومجموعه فى المدرج

يبدأ الساعه التاسعه ويمتد إلى التاسعه والثلث

أولا هذه المواضيع /identifcation .wounds. firearm . asphyxia .infantiside .

rape .head injury .blood ,hair and fibers under microscope .pregnancy .BURNا

يطلب الدكاتره منكم ثلاث تقارير وعمل بحث علمى أولوحه على حسب مالدكتوره تطلب عليهم 10درجات

وتسليم الكتاب عليه خمس درجات وكلنا بنخدهم إن شاء الله فاهتمو... بعد ما تخلصوا الجروح ابدئو فى

عمل التقارير فى مستشفى الحسين فى يوم واحد وخلصوا نفسكم هناك بعض من الدكاتره متعونين

هيملوكوا الرأى النهائى فى التقرير بلغه عربيه وبطريقه صحيحه ولا مانع من أن تتابعوامع الدكتوره

المسئوله عنكم وأهم حاجه فى التقرير وصف الإصابه ومضاعفاتها عند الدكاتره جميعهم

أما بالنسبه للجارات فهى على اسطوانه ولها اسطمبه معينه فى كل الجارات سهله بإذن الله

وفى وقت كثير للمراجعه فى آخر الراوند اسهل راوند

أرجوا أن أكون قد وفقت فى سداد بعض المعلومات عن الطب الشرعى

بالتوفيق إن شاء الله

[استبرق]

جزاك الله خيرااااااااااااااااااااااااااااااااااااااااااااااا اااا
افدتيني صدقا:barak:
بس استفسار يعني ايه الراوند من 9 - 9وثلث الراوند ثلث ساعة بس :5831.imgcache:
وهو كام يوم في الاسبوع

[زهـــ الاسلام ـــرة]

:CryOutLoud: السلام عليكم
طبعا انا قمت من النوم متأخر وغرس الجنة سبقتنى بس مش مشكلة هى حسابى معاها بعدين :P17Punch:
بس بجد هى قامت بالواجب وزيادة وشرحت كل حاجةزى ما كنت عاوزةبالظبط
انا كنت عاوزة بس اضيف حاجة الراوند مش تلت ساعة ولا حاجة دا هو على حسب ما الدكتورة بتخلص شرح والطلبة يشوفوا كل حاجة فى العملى يعنى ساعات يكون العملى BONEاو شرائح او جارات على حسب ماهتخلصو امتى بس المعاد الرسمى انه يخلص من9الى11
وتقريبا هيبقى الشرح عبارة عن مراجعة للنظرى يعنى اللى ملحقش يزاكر ورا المحاضرات قدامه فرصة يبدأ مزاكرة مع العملى وعلى فكرة راوند الشرعى دا لذيذ جدا وهتعيشو حياتكم فيه بصراحة كان نفسى يبقى لاخر السنة كدة يلاكفاية اكيد طولت عليكم واى استفسار انا موجودة ان شاء الله
منورة ياستبرق ووحشانى خااالص:faces705:

[زهـــ الاسلام ـــرة]

بالنسبة لايام الشرعى هو اربعة ايام فى الاسبوع الاحد والاتنين والاربعاء والخميس الساعة 9 وزى ماقالت غرس الجنة هتكونوا ثلاثة مجموعات فى المتحف والمدرج والمعمل ودا هيكون على حسب الجدول يعنى لو مجموعتك هتاخد شرائح اوSEEDSهتكونوا فى المعمل ولو جارات هتكونوا فى المتحف ولو BONEهيبقى المدرج:wfk:

[زهـــ الاسلام ـــرة]

بما انى هبدأرحلة الكوميونتى بعدالعيد ان شاء الله كنت عاوزة اعرف مواعيد الراوند امتىوكام مرة فى الاسبوع
علشان مش هتفسح فى العيد واستنى فسحة الكوميونتى احسن

وازاى بتعملو survyوايه اللى بيطلب منكم فى الراوند ده وهنحضره فى الكلية ولا فين اكيداسئلة غبية بس انا فعلا مش عارفة هنحضره فين

[غرس الجنه]

السلام عليكم ورحمة الله وبركاته

رد على استبرق

معذرة كان قصدى إن الراوند بيبدأ الساعه 9 أو 9:20

الراوند كل أيام الأسبوع ماعدا السبت والثلاثاء

[نبراس الحياة]

اذيكم يابنات والله وحشتونى كلكم حتى الكلية ماعدناش نشوف حد فيها بسبب التقسيم
فى البداية كل سنة وانتم طيبين ويارب السنة الجاية نبقى كلنا على جبل عرفات
طبعا انا بدات رمد نع استبرق والله الواحد حب الرمد خالص وزى ماقالت استبرق على ميعاد الراوند
والدكاترة شرحهم جميييييييييييييييل وقلة قليلة اللى مش هاتفهموا منهم والنواب فيهم ناس ممتازة وماتترددوش ولو لمرة انكم تسالوهم عن حاجة مش فاهمينها فى الدكتورة هند ممتازة ود زهرة ود مروة ود سحر وهاتخدوا عليهم خالص كلهم زى العسل وممكن لو واحدة ماوصلتشى المعلومة اسالى التانية كنت بحس ان كل واحدة لها مواضعها انترستيد بيها بس الدكتوورة هند ان شاء الله هاتلاقوها ملمة بكل حاجة وماتتنازلوش انكم تشوفوا ال سلايد ورا كل درس وزى ماقالتاستبرق هى السلايد كانت مختلفة فى الامتحان بس اعملوا اللى عليكم اصل سمعت ان ده كان عقاب لنا وهايطلب منكم بحث عن موضوع معين وهايقسموكم كل 5 بنات مع بعض والحمد الله انا وقعت مع الدكتورة وفاء وكانت زى السكر والله كانت واقفة واحنا بنمتحن سلايد هاين عليها تقولنا السلايد كلها والحالات اللى بتيجى بتبقى من اللى شفتوها طول الراوند وبتبقى سهلة خالص اما ال ام سى كيو طبعا البنات قالونا ذاكروا من جامعة عين شمش مش هايخرج عنه وطبعا الامتحانات السابقة كانت اكبر دليل على كلامهم وكلها متشابهة لكن والحمد لله الامتحان كله جه cases وطبعا احنا كنا مصدومين اصلا من اللى سلايد وبعد مابدانا نحل الدكتورة دخلت وقالت الامتحان نصف ساعة وبعدين قامت واحدة داخلة وقالت هما بقالهم اد ايه قالت لها من 5 دقايق فقالت خلاص الامتحان ربع ساعة والله وخرجت وبعدين دخلت لمت الورق وقالت 10 دقايق وقامت شد الورق قمت انا قلت لها حسبى الله ونعم الوكيل فيكم يعنى مش كفاية ان السلايد ماشفنهاش والامتحان متغير لا وكمان الوقت مافيش وياريت معرفنا من الاول الوقت اد ايه
بس ماتقلقوش يابنات والله هو كويس خالص بس انا سمعت ان ده عقاب لنا علشان ماحضرناش محاضرة يوم السبت ورئيسىة القسم هى اللى كانت هاتشرحها
عارفة انى طولت عليكم وان الكلام كله كان على الامتحان عموما اللى عاوز يستفسر عن حاجة معينة يقول
وشكرا لزهرة الاسلام وغرس الجنة على الطب الشرعى اصلى هابدا شرعى وشكرا لزهرة الندى انها جمعتنا هنا بدال مش عارفين نتجمع فى الكلية

[زهـــ الندى ـــرة]

السلامـ عليكمـ ورحمـة الله وبركــاته

إذيكــن يا بنـــات

وحشتوني كلكمـ والله

كــل سنه وإنتمـ طيبيـن

وعيد سعيد عليكمـ وعلي كل حبايبكمـ يارب

متشكـره ليكم إنكـوا نورتــوا المـوضوع

وبجد أنـا فرحـانه جداا بيكمـ

إن شاء لله أكمــل الكميونتـي قريب

لأنــي للأسف الدنيا ملغبطه شويـه قصدي شويتين تـلات أربعــه

ودعــواتكمـ معــايـا لأنــ والله الحمــد "إنــي سقيــــــــم"

كـلـ سنه وإنتمـ جميعا بخيــر

وعيدكمـ مبــارك

ليا عـوده مع بقية الكميونتي إن شـاء الله

[حوار مع النفس]

ايه ده الحبايب كلهم هنا
:faces705::faces705::faces705:


كل سنه وانتن طيبات
ويارب عيد سعيد وسنه سعيده علينا كلنا ان شاء الله
ودعــواتكمـ معــايـا لأنــ والله الحمــد "إنــي سقيــــــــم"

شفاكِ الله وعفاكِ يازهره
وحشانى كتيير

[نبراس الحياة]

شفاك الله وعفاك يازهرة ويارب تكونى احسن النهاردة علشان ماتسبيش حقك فى اللحمة
منورة ياحوار مافيش كلمتين على الرمد ولا انت ماكنتيش رمد؟

[حوار مع النفس]

هو انا كنت لرمد
:C20ColdHands::C20ColdHands:

وبعدين ازاى اتكلم فى حضور(استبرق)و نبراس
ده انتوا الخير والبركه

انا قلت اسيب الناس تعيد الاول وبعدين الرمد آت لامحاله ان شاء الله

[غرس الجنه]

السلام عليكم ورحمة الله وبركاته

رد على استبرق

معذرة كان قصدى إن الراوند بيبدأ9 أو 9:20 يعنى متأخر

الراوند كل أيام الآسبوع ماعدا السبت والثلاثاء

أعانكم الله ووفقكم

[استبرق]

جزاكن الله خيرا كلكن :faces705:بصدق انا بحبكن فى ربى
وتقبل الله منا ومنكم
ومالك يازهرة لا بأس طهور ان شاء الله
حد يتعب فى العيد ايه انت مااكلتيش لحمة ولاايه

[غرس الجنه]

السلام عليكم ورحمة الله وبركاته

رد على استبرق

معذرة كان قصدى إن الراوند بيبدأ الساعه 9 أو 9:20 يعنى متأخر

الراوند كل أيام الاسبوع ماعدا السبت والثلاثاء

[زهـــ الندى ـــرة]

وعليكم السلام ورحمة الله وبركاته
تكلمى نفسك وأنا موجودة ازاى ؟؟!
أكيد كلامك هيفيدنى وأنا فى رابعة ان شاء الله

^ـــ^
طبعا يا جميل
ربنا يخليكِ ليا منوره يا قمر





وأنا روحت فين !!
أنا عارفة انى اتشغلت عنكم فترة بس لظروف خارج ارادتى

ربنا معاكي ياااااااارب ياحبيبتي ويوفقك
منورانا طبعااااا




ماشاء الله
كل ده فى أسهل سنة فى الكلية ؟!
ربنا ييسر لكم

لألألأ دي سنه جميله والله إن شاء الله
خصلي بس سنه تالته ونورينا في رابعه
وان شاء الله تبقي جميله




نستودعكِ الله على دينك وأمانتك وخواتيم عملك زودك الله التقوى وغفر لكِ ذنبكِ ويسر لكِ الخير حيثما كنتِ
لاتنسينا من دعائك عند السفر

فى رعاية الله

اللهمـ ااامين

جزاكم الله خيرا يا حبيبتي

شكرا علي المرور والمؤازره

[زهـــ الندى ـــرة]

السلام عليكم
وعليكم السلام ورحمة الله وبركاته



ازيك يازهورة شو اخبارك انتى دايما تكلمى نفسك كده ياحبيبتى لما تحبى تتكلمى عرفينى انا لولا شوفت الموضوع عند غرس الجنة مش كنت هاعرف عنه حاجة على العموم مش وقت عتاب بس كان المفروض تعرفينى

الحمدلله يا حبيبتي
واكلم نفسي ايه بس
دا انتوا نورتوني والله ربنا يخليكوا ليا
ومن ناحية ملف غرس الجنـه فوالله جت صدفـه
أنا عادة مبحطش المواضيع في الملفـات
لـكـن غرس جديده وكده فقلت تـلاقيها لسه معرفتش المنتدي
أما انتي يا جميــل فانتي من زمـان والمنتدي بالنسبه لك صفحه مفتوحـه

نورتي يا زهـوره



المهم انا ان شاء هشارك برأيى فى الموضوع بس بعد ما ارتاح من السفر انتى عارفة اول حاجة بعملها فى البيت هى المنتدى :s18soundasleep:
ان شاء راوند الشرعى جميل خالص وهتحبيه وهترتاحو فيه الى حد ما وحتحسى فيه بمتعة دا من وجهة نظرى وان شاء الله التفاصيل عن قريب

ان شاء الله يا حبيبتي ربنا يكرمك ياااااااااااااارب

[زهـــ الاسلام ـــرة]

السلام عليكم
كل عام واتنم بخير تقبل الله منا ومنكم
انا كنت عاوزة اعرف مواعيد راوند الكوميونتى الايام والساعة كام وهل فيه دراسة السبت ولا مفيش
:wfk:

[زهـــ الندى ـــرة]

السلام عليكم ورحمة الله وبركاته
وعليكم السـلام ورحمة الله وبركاته

اذيكم يا بنات وحشتوني
وإنتي كمان
كل سنه وانتي طيبه يا حبيبتي
ابقي خليني أشوفك

اذيك يازهرة فكرة جميلة جدا
مرورك الأجمل يا جميل
أنا الحمدلله تمام


انا خدت رمد والراوند الجاي شرعي يارب زهرة الاسلام تفيدني -اذيك وحشتيني -
واحاول اديكوا فكرة عن راوند الرمد
اول حاجة الراوند متقسم 3 مجموعات 1 و2 بيخدوا في القسم و3 بياخدوا في السابع مكان المحاضرات
الرمد ثلاث ايام احد واثنين وثلاثاء
الميعاد الرسمي للراوند من 8.5 -11ص
الاول معيدة بتدخل تعرض الصور واول كام راوند بتشرح ازاي ناخد شيت من المريض
والساعة 9.5 ولا 10 تدخل الدكتورة تشرح عادة بيخلصوا البرانش في راوندين طبعا عشان احنا عباقرة وبنذاكر اول باول
وبعدين المعيدة تجيب حالات نشوفها ولازم يكون معانا torch كشاف يعني
في دكاترة بيشرحوا كويس بس الحقيقة بسرعة اووووووووي
وفي نهاية الراوند امتحاننا كان سلايدز غير اللي شوفناها طول الراوند وال mcq غير الورق وحالات بس الحمد لله
وووو بس


بسسس !!
ربنا يستر من البس دي انا عندي رمد الشهر الجاي
دعــواتك يا استبرق

جزاكِ الله خيرا علي المشاركه والأفاده

[زهـــ الندى ـــرة]

السلام عليكم ورحمة الله وبركاته



اذيك يازهرتى كيف حالك؟ أرجوا أن تكونى بصحه جيده

وعليكمـ السلام ورحمة الله وبركاته
إذيك يا غـرستــي ( علي وزن زهرتي :))

الحمـدلله تـمام إن شاء الله تكوني تمام بردو



أخيرا انتهيتم من راوند الكومينتى كان هذه الراوند من الراوندات المحببه إلى لأننى أحب الزيارات

ولكن بعد قرائتى لما يحدث فى هذا الراوند كرهته قبل مأذهب إليه لأننى كنت احسب أن الذى لانفهمه

فى المحاضرات سوف نفهمه فى الراوند وهذا لايحححححححححححححدث تماما

صدقا أفادك الله لأننا سوف ندخل هذا الراوند ونحن نعلم مالذى يحدث فيه من كراسات العملى الخ :


الكميونتي ده أفضي راوند هتقابلوه في حياتكمـ
ولكــن المحصـله منه لا تساوي شيئا علي الأطـلاق
وخصوصا إحنا لأننا كنا بدأينه مش عارفين حـاجه فيه أصـلا !!
وفقكمـ الله






أنا طبعا من الذين بدئوا طب شرعى

الطب الشرعى راوند سهل جدا ولذيذ بس مشكلته جارات كثير أكيد أخذتم عنه فكره فى المحاضرات

دكاترة الطب الشرعى طيبين ومتفاهمين وخصوصا المعيدات

الراوند مقسم إلى ثلاث مجاميع أ-ب-ج مجموعه فى المتحف ومجموعه فى المعمل ومجموعه فى المدرج

يبدأ الساعه التاسعه ويمتد إلى التاسعه والثلث

أولا هذه المواضيع /identifcation .wounds. Firearm . Asphyxia .infantiside .

rape .head injury .blood ,hair and fibers under microscope .pregnancy .burnا

يطلب الدكاتره منكم ثلاث تقارير وعمل بحث علمى أولوحه على حسب مالدكتوره تطلب عليهم 10درجات

وتسليم الكتاب عليه خمس درجات وكلنا بنخدهم إن شاء الله فاهتمو... بعد ما تخلصوا الجروح ابدئو فى

عمل التقارير فى مستشفى الحسين فى يوم واحد وخلصوا نفسكم هناك بعض من الدكاتره متعونين

هيملوكوا الرأى النهائى فى التقرير بلغه عربيه وبطريقه صحيحه ولا مانع من أن تتابعوامع الدكتوره

المسئوله عنكم وأهم حاجه فى التقرير وصف الإصابه ومضاعفاتها عند الدكاتره جميعهم

أما بالنسبه للجارات فهى على اسطوانه ولها اسطمبه معينه فى كل الجارات سهله بإذن الله

وفى وقت كثير للمراجعه فى آخر الراوند اسهل راوند

أرجوا أن أكون قد وفقت فى سداد بعض المعلومات عن الطب الشرعى


بالتوفيق إن شاء الله



جزاكِ الله خيرا يا حبيبتي

متشكـره علي المعـلومات المفيده

أفادكمـ الله ووفقكمـ

[زهـــ الندى ـــرة]

السـلام عليكم ورحمة الله وبركاته

كل سنه وانتن طيبات يا بنـات

إن شاء الله أكمـل الأول عن الكميونتي

وبعد كده هرد عليكن

فعـذرا علي التأخير بس عشان اللي هيبدأوا الكميونتي

كنا وقفنـا عنـد الـ survey

طبعا كلنا عارفين سيرفاي يعني إحصـاء

ده بالظبط شغلتنا في الكميونتـي

إننا نعمل إحصاء معينه عن مرض معينه في جروب من البشر معينين

إزاي بردو ؟؟!!

مثـلا إنتوا بتبقوا مجمـوعه تلاته مثـلا أو اتنين أو واحده عـلي حسب طلب الدكتـوره

هتقولكمـ إعملوا سيرفـاي بتختلف من ناحية الابديمولوجي عن السيرفسس طبعا

هنتكلم في الأبديمولوجـي الأول

هتختاروا مرض معيـن وليكن زي ما أن اخترت السكـر

هتشوفوا المرض ده وأيه الـ risk factors بتاعته

والمضاعفات بتاعتـه ازاي ندي للنــاس في الأخر رساله طبيه نوصلها ليهم

هتسألوا المريض أسـأله لها عـلاقه بمرضه هو بس مش سؤال من الغرب وسؤال من الشرق يعني

والأسأله دي هتعملوها بصيغة هـل يعني الأجابه بنعم أم لا

عشان المريض ميبقاش أدامه فرضـه إنه يزوغ من الأجابه يا أها يا لا

طبا السيرفـاي ده عـلي حسـب إنتي هتعمليه عن مـرض معين هتنزلي تمليه من مكان تجمع المرضي بتوعه

يعني بات بينزلوا الـزهراء مثــلا

وفيه ناس تانيه تعمـل عن التدخين وأثاره وكـده وده في بنـات لهم أخوات في بنين خلصوا لهم السيرفاي

وفيه دكاتره بيدوكي الأسله جاهزه وبيبقي سيرفاي موحد ويادوب انتي تصوري الورق وتخلصيه

ودول بصـ{احه كتر ألف خيرهمـ يعني بيوفروا كتيييييييييير أووي

وربنا ما يويكوا اللي شناه في سيرفاي الابديمولوجي بجد .................................لا تعليق

طبعا لسه البحـث هيتقدم مع السيرفاي أخر الشهر علي امتان الميد بتاع الراوند

وده قتل بحث إحنا من سنه أولي واحنا بنعمل أبحاث وعارفينها كويس


بكـده خلصنــا الأبديمـولوجي

hane fun بقي

هنتكـلم عن النص التاني في المشاركه الجـايه بس بعد ما أعمل كوباية شاي

أعمل حساب حد معايــــــا ^ــــ^

[زهـــ الاسلام ـــرة]

السلام عليكم
ازيك يا يازهرتى
ياريت تعرفينى المواعيد لانى قلقانة خالص عاوزة اعرف فيه راوند الاحد ولا لا والدراسة الرسمى السبت ولا الاحد ياريت تعرفينى بسرعة :gzak:

[زهـــ الندى ـــرة]

السلام عليكم
ازيك يا يازهرتى
ياريت تعرفينى المواعيد لانى قلقانة خالص عاوزة اعرف فيه راوند الاحد ولا لا والدراسة الرسمى السبت ولا الاحد ياريت تعرفينى بسرعة :gzak:

وعليكمـ السلام ورحمة الله وبركاته

بصي يا زهوره

الكميونتي ملوش مواعيد ولا جدول

الا الزيارات بس هيا الي بمواعيدهتلاقي الجدول في أول القسم

غير كده الراوندات في الكليه الدكاتره بيحددوا معاكم تيجوا أمتي وتحضري أمتي

يعني إنتي وظروفكـ ممكن يكون عندك الأسبوع كله راوند وزيارات

وممكن تلاقي نفسك أسبوع كامل معندكيش فيه حـاجه خـالص

وغالبا السبت محدش بيدي فيه راوند

وأول راوند ملوش لازمه أووي الدكتوره هتقعد تحط الجدول معاكمـ

يعني لو مش هتعرفي تسافري الصبح عشان المدينه قـافله أو حاجه

[زهـــ الاسلام ـــرة]

جزاكم الله خيرا
كده انا اطمنت الحمدلله:www.1aim.netf060bdb

[زهـــ الندى ـــرة]

السـلام عليكمـ ورحمة الله وبركاته

كيفكمـ يا بنــات ,,

متأسفه إتأخرتـ عليكمـ

نكمـل بقي النص التاني من راوند الكميونتي

services

وبيبدأ من يوم 1 في تاني شهـر في الراونـد

ونفس التقسيمــه ونفس نظـام الدكاتره بالظبط

كـل 20 مع دكتــوره والكـلام ده



الراوند ده بيشـوف أيه هيا الخدمـات اللي بنقدمهـا للبابلك علي حسب اختلاف انواعهم

الرواند ماهو لا عباره عن تفتيح للحاجات اللي هتشوفوها في الزيارات

والزيارات هتبقـي لفئـات معينه

من أول زيارة مستشـفي التأمين في السـابع

دي طبعا محدش ميعرفهـاش ,, الدخـول هيكون من الباب الرئيسي اللي في شارع

يوسـف عباس علي امتداد التــرام

وينفع تدخـلوا من الباب اللي في الطيران بس دي العيادات الداخـليه تدخـلوا منها علي المستشـفي جوه

وهتبقي عباره عن محاضره عن التأمين ونشأته والخدمات اللي بيقدمه للشعـب وبيخدم اي فئـه في المكتبه بتاعت المستشـفي

في الدور العــاشر

الأم ولطفــل M C H وهتزوروا مركز طب الأسره في السادس

قريب من مدينة البنين ورا مدرسة صفيه زغـلول جمب مستشـفي جراحات اليوم الواحد

كلنا نعرفهـا طبعا :)

وهتعــرفوا الخدمات الصحيه اللي بيقدموها للأم والطـفل

وبعده كده هنشـوف الخدمــات اللي بيقدموها للـمعاقين

وهتـروحوا زيارتين بالخصـوص ده

لجمعية النـور والأمــل لرعاية وتأهيل المكفوفين

ومدرسة الصمـ والبكمـ لضعاف السمـع

والأتنين في مصـر الجديده ولتجمع بتاعهم بأتوبيس الكليـه

" طبعـا من باب إدخــال السـرور علي قلب مسـلم وخصـوصا انهم بيفرحوا بأي حاجه

فكنـا بنجمع من بعض وناخد معـانا زياره ليهمــ وطبعا كنا بنتعــامل معاهم علي إنها زياره إجتماعيه

وليست زياره تعليمــيه في الراونـد وده شيء كان يفرحهمـ جداااا :)

جدير بالذكر أجمل زياره في كل ده مدرسة الصم والبكم بجد الأطفال حاجه سبحان الله قمة الجمــال ربنا يعافيهم ياااااارب


لسه زيـارة مدرسة المستقبـل في مدينة نصـر "تجربيه للغات " دي عشان نشوف الخدمات اللي بيقدموها لأطفال المدارس

هتطلعوا من هناك متقعدين والكومت بتاعكم كلكم هتقولوا ناس عايشه دا أحنا مكناش في مدارس:patch_rir:

لو اتكلمت عن الزياره دي هعقدكم بس أكيد انتوا هتفهموا اللي أنا أقصده أما تروحوا ان شاء الله

بس الكومنت اللي أنا قولتله للدكتوره ساعتهــا " معهـد السنبلاوين كان أحلي طبعـا يا دكتـوره "

ولا أيه رأي بنات السنبــلاوين :d

لســه زياره واحده اللي هيا بتاعت شـركة النيل للأدويــه

ودي كانت إتأجلت ليوم الأربع اللي قبل الوقفه وطبعا محدش حضـرها فينا وكنسلناها مع الدكاتره

لو حد كان كميونتي وحضـرها يبقي يحكيلنا بقي

طبعا أخر الراوند مطلوب مننا أربع حاجات

اللي همــا

الربورتات تكون كامله ويتسلم للقسم نهائيا (مش بناخده تاني )

البحث اللي الدكتوره تطلبه منكمـ

الشيت أو السيرفاي علي حسب الدكتوره بتاعتكمـ فيه بيدينا شيت نكمله

وفيه بيخلينا نعمل سيرفــاي عن الخدمات وغالبا في المناطق المحيطه

المدينه ,, الجامعه ,, طلاب الكليات,, وكلام من ده

وإمتحان طبعا علي الجزء اللي انتوا أخدتوه في الكتاب التاني بتاع السيرفسز

أشوفكمـ علي خير بقي لأني خلاص مسـافره

ودعواتكم ألحق اوصـل المستشفي علي 8

لأن راوند الاي ان تي بيبدأ 8

الي يحتاج أي سؤال يا بنات في الكميونتي أنا تحت أمره أما أرجع إن شاء الله

ومتشكـره جداااااااااااااااا لكل اللي شاركوا وأفادونا

ربنا يكرمكم ويوفقكم ياااااااااااارب

وان شاء الله أكمل رد لمـا أرجع بقي

وانتوا كمان ترجعوا انتوا مش ناوين ولا أيه ؟؟ :))

سـلام عليكمـ

[زهـــ الاسلام ـــرة]

السلام عليكم
كيف حالكن ياطبيبات الازهر اسأل الله ان ينفع بنا الاسلام والمسلمين
انا الحمدلله بدأت معركة زيارات الكوميونتى (انا بقول معركة من اللى شوفته اول زيارة )
وكانت اول زيارة هى لمدرسة المستقبل التجريبية طبعا هى الزيارة دى قريبة من المدينة دا كلامهم لكن من وجهة نظرى لا لا مش قريبة فمفيش ليها مواصلات اتفقنا مع بعض نتقابل عند باب المدينة علشان نتوه سوا واحنا رايحين المدرسة وقلنا نصحى بدرى علشان نلحق طابور الصباح :tsk::tsk:طبعا قمنا فى غير المعاد المعتاد ونزلنا بدرى وصلنا هناك 9 الاعشرة وانتظرنا الدكتورة على امل انها تيجى فى المعاد التاسعة ولكن الشعب المصرى يحترم المواعيد بدقة متناهيه فبيجى بعد المعاد بساعة انتظرنا الدكتورة كتييييير وبصراحة فرحت وقلت خلاص مفيش زيارة وهروح انام شوية قبل المحاضرات وغير كدة مش عارفين مين هى الدكتورة بتاعتنا وشكلها ايه فكانت فرصة اننا نروح وعندما هممنا بالانصراف جاءت الدكتورة وقفشتنا واحنا خارجين من البوابة فرجعنا تانى علشان نكمل الزيارة وطبعا ما استفادناش منها حاجة لان احنا بداناmaternal health فكنا بصراحة مش عارفين هنعمل ايه لكن الدكتورة عرفتنا ودخلنا نتجول فى المدرسة وكان اول حاجة لفتت انتباهى هى شكل المبانى والى كانت على شكل حرفuودا اختصار الولايات المتحدة الامريكية united stateكان زمان مدرس بيكلمنا عن الاستعمار الامريكى وقال اننا اصلا مستعمرين وان من ضمن المخططات دى ان المبانى التعليمية تكون على شكل اول حرف من امريكامكنتش مصدقة لانى مش شوفت حاجات تانية كتير اكدت كلام المدرس دا من ناحية اللغة وطرق التدريس والمناهج
المهم اننا مشينا مع الدكتورة واحد المسئولين من المدرسة وشوفنا الجزء الخاص بتقديم الخدمات الصحية ولوح التوعية الصحية والكلام دا وبعدين شوفنا الفصول وخلصنا الساعة 11 وتلت بعد ما رجلينا خلاص اتكسرت انهينا الزيارة من غير مانفهم حاجة بس انا شايفة ان مفيش حاجة حلوة غير الملعب لكن غير كدة عادى معهدى كان احسن منها بكتيرغير كدة دورات المياة مش نظيفة خلص وعددها تقريبا مايكفيش لكن الماعب واسع جدا ويشجع بصراحة على انا كان نفسى العب خالص وغرفة العاب الحضانة كانت جميلة وبس خلصت اول زيارة
والمحصلة تورمت قدماى وخلونا نتبطر على مدارسنا
اسفة طولت عليكم والى زيارة اخرى ان شاء الله

[زهـــ الندى ـــرة]

يا عيني يا زهوره

انتوا توهتوا ؟؟

أنا قلت تمشي شارع يوسف عباس
علي امتداد الترام

هتلاقي كافيه جمبه سينما مدينة نصر المدرسه وراها

وبعد شكل حرف u ‎
هتعرفي السبب لما تذاكري ال
school health
دي من المعايير الواجب تطبيقها في شكل المبني مش اليونايتد استيتس خالص
وبعدين معهدنا الابتدائي كان كده
والثانوي كان نصفين متوازين بينهم زاويه قايمه
قريب من ال z ‎‏ بس الزوايا قايمه مش حاده
وده المفروض
هتلاقي الكلام ده ف الكتاب

وبعدين الماجيك لاند روعه يا بنتي
انا كان نفسي ارجع كي جي تاني

الله يرحم حضانتنا كان اخرنا المكعبات والبلالين وشوية مراجيح كده

وبعدين انتوا كان عندكوا في معهدكوا جيم وحديقة حيوان ولا أيه؟

وتخيلي اكتر حاجه عجبتك انا علقت عليها وقلت صغير

لأن معهدنا كان ميجيش عدد الطلاب ربع المدرسه
وكان عندنا ملعبين كل واحد اد اللي شفتيه
افتكر اننا كنا بنتمشي ف الفسحه
الفسحه تخلص ولسه مخلصناش حدود معهدنا

كانت ايام ياللا ربنا عوضنا بكليه ملهاش حرم اصلا نتمشي فيه

ياللا تعيشي وتاخدي غيرها يا شوشو

عقبال ما تخلصي من باقي الراوند ده

وحمدلله علي سلامة رجوعك البيت

دعواتك ليا معاكي

[زهـــ الاسلام ـــرة]

حاجة واحدة نفسى اعرفها هى فين
حديقة الحيوان دى
احنا ماشوفناش غير الفصول
والملعب
ودورات المياة
حجرة الماجيك فين
بقى الحيوانات
والحاجات اللى انت بتقولو عليها دى ليه ماشوفنهاش:A02Annoyed:كان نفسى اشوفها وبعدينالملعب بالنسبة لملعب المدينة وحجم الطلبة اللى فى المدينة عندنا كبير عن بتاعنا اما المعهد بتاعى فمكنش فيه ملعب اصلا:patch_rir: لكن كان احلى برده اما حكاية الحرف دى انا قراتها بس مش عارفة ماهما بردو اللى حاطين المنهج بتاعنا وعاوزين يقنعونا بافكارهم:427515:

[زهـــ الندى ـــرة]

معلشي يا حبيبتي

انتوا بس عشان بدأتوا متأخر

متفرجتوش كويس

الحديقة ورا المبني اللي علي ايدك اليمين

احنا شفناها من فوق عشان مقفوله عن الطلبه عشان انفلونزا الطيور

والجيم في دور تحت الأرضي في نفس المبني ده وبجد جميل فعلا

كأنه نادي تقريبا ومجهز باجهزه كامله

والماجيك هاوس ده بتاع الأطفال بجد رائع

ويكفي انهم عندهم تعليم بالشاشه الذكيه

اعترفي يا زهره مدرستهم احلي من معهدكوا ومعهدنا

ملحوقه ان شاء الله لما تدخلي اولادك هناك ابقي اتفرجي علي راحتك