الارشاد الاكاديمى _ لجميع الفرق من اولى لساته _

[رنــــا]

يعنى ايه ارشاد اكاديمى؟؟؟؟؟؟؟؟؟


ببساطه كل طالب هيكون فى استاذ من اساتذه الجامعه


مسئول عن تدعيمه فى مجالات مختلفه زى المجالات النفسيه والمعنويه


وكل طالب من الفرقه الاولى للسادسه يقدر يعرف مين الاستاذ اللى متوزع معاه ووسيله الاتصال بيه من مركز الجوده بالدور الرابع


ولمزيد من المعلومات التوجه لمركز ضمان الجوده


ده خبر يمكن يكون جديد على معظمنا ولكنها خطوه ايجابيه من الكليه


وياريت يكون فيه فايده فعلا من النظام الجديد ده

[dr_shehab]

لا والله طيب كده مش هلحق ارزل على حد يا بطوط اعمل ايه
يا دوب شهرين مش هلحق انقى حد بس ممكن ارزل على دكتور من دكاترة النسا بقى
ايه التطورات النار دى

[رنــــا]

لا يا حبيبتى مش انتى اللى بتنقى الدكتور

هما موزعين كل طالبين على دكتور بمزاجهم

وانتى يادوب بتشوفى اسمك مع مين وتاخدى رقم موبايل الدكتور اللى طلعتى معاه وتقدرى بعد كده تتواصلى معاه

ولو على انك ترزلى على حد تعالى رزلى عليه

^_^

[dr_shehab]

ايه ده يعنى كمان مش هنقى الدكتور انا كنت عاوزه حد اقرفه فى عيشته زى ما قرفنى بس مش هلحق يا بطوط ابقى شوفى كده الامتياز ليهم حد مسئول عنهم ولا هنبقى تبع العفش ده لو ربنا كتبنا من اهل الامتياز

[رنــــا]

لا هتبقى تبع العفش الامتياز ملهوش ^_*

[حبيبة الطب]

اخبار حلوه يا بطوط
ويارب فعلا نقدر نستفيد من النظام ده
انتي طلعتي مع مين ؟

[dr_boody]

اخيرا بدأت احس انهم بدأوا يحسوا بالطلبة

[محبة القراّن]

انا سمعت الكلام ده من واحده فى اولى

كويس والله فكره حلوة

يا ريت اطلع مع حد من اللى بحبهم يا ريت

[sad smile]

واستفدنا ايه من النظام ده؟؟؟؟

[رنــــا]

ولا حاجه

_على الاقل بالنسبالى _

لكن ممكن تكون فيه ناس استفادت الله اعلم

[asl_nahl]

والله فكرة حلوة بجد بس للى ينفذ ممكن تطلعى مع دكتور مش من الكلية او من اقسام البكالوريوس
أنا طلعت مع دكتور ent ومعايا بنت أعرفها وطبعا ما فيش تشجيع خالص وصعبة فعلا ومعايا رقم موبايله كمان بس هعمل بيه ايه ؟؟؟؟؟؟؟؟
الموضوع حلو اوى بس لو اتنفذ حتى المفروض حسب التعليمات انه فى اجتماع بالمجموعة مع الدكتور مرة فى الاسبوع
بس مش هيحصل ولا مرة فى السنة حتى . ربنا يعمل اللى فيه الخير اعتقد لو من اول السنة هيحقق نجاح أكبر . والله أعلم .
( على فكرة احب اتعرف عليكوا يا بنات . انا مشاركاتى قليلة بس اتمنى تقبلونى بينكم " أخت جديدة " )

[رنــــا]

اهلا بيكى وان شاء الله تستفيدى وتقدمى افاده للمنتدى

وربنا يعينك فى سنه تالته


والله فكرة حلوة بجد بس للى ينفذ ممكن تطلعى مع دكتور مش من الكلية او من اقسام البكالوريوس
أنا طلعت مع دكتور ent ومعايا بنت أعرفها وطبعا ما فيش تشجيع خالص وصعبة فعلا ومعايا رقم موبايله كمان بس هعمل بيه ايه ؟؟؟؟؟؟؟؟


هو يمكن صعب شويه عشان انتى متعرفيش اماكن الكلينيكال بس لو انتى عاوزة تتواصلى مع الدكتور ممكن تكلميه

وانا اكتشفت ان فيه دكاترة عارفين اسماء الطلاب اللى معاهم ومستعدين يقدمو اى حاجه ليهم

بس يمكن يكون العيب عندنا احنا بقى

نورتى المنتدى مرة تانيه

[2heba]

كنت ماشية مع واحدة صاحبتى قالتلى تعالى بس وخادتنى ودخلنا شافت اسمها وقالتلى شوفى اسمك مع مين وبعدين بقولها ايه ده ؟؟ هنعمل ايه يعنى قالتلى موضوع الارشاد ده ولو عندك مشكلة او اى حاجة بس معتقدش هيكون فى تفاعل اووى مع حاجة زى كداا انا مع دكتورة سحر الصاوى وهى من الناس اللى بحترمها ... ان شاء الله تجيب نتايج كويسة السنين الجايه
اهلا بيكى asl nahlنورتى المنتدى اكيد وان شاء الله نتعرف بيكى اكتر الفترة الجاية

[همســــــــــــة امل]

حد استفاد من الكلام دا ؟؟؟؟

[dr_haitham]

سمعت عن الموضوع ده
بس بصراحه لسه مروحتش ولا شفت اانا مع مين
خايف اطلع مع الدكتور خليل ولا الدكتور رزق ولا حاجه
انا نحس من يومى


انا شايف انه حاجه كويسه جدا بجد
ياريت نقدر نستفيد منها
ازاى معرفش
بس مش هنغلب
هنلاقى طريقه
انا شخصيا هعرف انا مع مين وهكلمه
ان شاء الله حتى مكنش عاوز منه حاجه
اتعرف عليه
واقوله انا اسمى كذا وفى كذا
مانا يمكن احتاجه فى اى حاجه جوه ولا بره الكليه