المساعد الشخصي الرقمي

مشاهدة النسخة كاملة : استشارة عاجلة بخصوص السموم السرع بالله عليكم

dr_afifi
12-23-2009, 05:44 AM
بسم الله الرحمن الرحيم

السلام عليكم يا دكاترة

لو سمحتم ممكن اى طبيب بيطرى يرد عليا بسرعة

عندنا فى البيت قطة ( مش مربينها بس هى على طول فى بيتنا ) ( اليفة جدا )

المهم

النهاردة طول النهار شفتها قاعدة ساكتة خالص مبتتحركش

وبتهز راسها وبطنها بيعلى وبينخفض

وصوتها اصبح مبحوح

تقريبا كدة واحد مجرم ربنا ينتقم منة اكلها سم ولا حاجة

مش ممكن الحقها بأى حاجة ولا خلاص كدة

بالله عليكم بسرعة

ممكن الناس تضحك عليا او تاخد الموضوع بهزار

انما بجد القطة دى عزيزة عليا فعلا
dr_afifi
12-24-2009, 05:43 AM
خلاص يا جماعة

متشكر جدا

القطة ماتت
د/محمد عزت
12-24-2009, 06:05 AM
البقاء لله يا عفيفى

و متزعلش نفسك واللى خلف مامتش يا بنى أكيد ليها أولاد اتبنى واحد فيهم

والله فكرتنى بالقط بتاعى من كتر ما كنت مدلعة القطط التانية غارت منه وقعدت تضرب فيه لحد ما مات

وكان عزيز عليا برضه ده حتى صورة لسه على الكمبيوتر بتاعى
dr_2mh
12-24-2009, 06:35 AM
أنا مقدر شعورك جدا و الله يا دكتور عفيفى
لأن الموقف ده حصل معايا وفعلا وديتها لدكتور بيطرى جنبنا واداها حقنتين كده بس مش عارف اسمهم ايه و بقت كويسة و عايشة لحد دلوقتى
و اقعدوا يتريقوا عليا شويه فى البيت مع أنى اصلا ضد تربية الحيوانات فى البيت لكن هى على طول متردده على البيت
و على فكرة ده شعور جميل جدا خصوصا لما يكون من دكتور
و متنساش ..(( في كل ذات كبد رطبة أجر ))
Dr.hemaToma
12-24-2009, 06:50 AM
قبل أيـّام ،
دمعَت عينايَ ، و بكي قلبي لـ موت " قطة " صديقٍ لي
كنّا نداعبُها سويّا بعد صلاة القيام في رمضانَ الفائتِ هذا


قلبي معكَ أخي
عظّمَ اللهُ أجرَك

و هذه رحمةٌ يجعلُها اللهُ في قلوب مَن يشــاءُ من عباده
و سبحان الله العظيم
dr_afifi
12-25-2009, 12:03 AM
جزاكم الله خيرا ً أيها الاخوة الفضلاء

لا استطيع أبدا نسيان تلك اللحظة وانا اراها تحتضر أمامى وتنازع الموت

وأفق عاجزا بلا حراك

وأرى ابنة لها لا زالت رضيعة تأتى لكى ترضع من أمها

فتأبى الأم وتبعد ابنتها لكى لا تنقل اليها تلك السموم

سبحان من القى تلك الرحمة فى قلبها ومن علمها ذلك

جزاكم الله خيرا ً
dr meme
12-25-2009, 10:39 AM
احنا اسفين يا دكتور عفيفي علشان مقدرناش نساعد قطتك


بصراحه دخولنا متقطع

موسم امتحانات ادعولنا

البقاء لله
MARMER
12-30-2009, 12:43 PM
السلام عليكم ورحمة الله وبركاته

البقاء لله

بنعتذر لحضرتكـ جــــــدا يا دكتور علي اللي حصل

لان فعلا دخولنا متقطع وعلي فترات بعيدة

وده بسبب المدينة والامتحانات كمان ابتدت عندنا ( نسألكم خالص الدعاء )

فمعذرة لهذا التأخير

وحضرتك تعلم ان" لكل أجل كتاب"

_______

واذا قدر الله وصادف حضرتكـ حالة أخري مثلها

هيكون العلاج باذن الله ( حضرتك هتديها 1/2 سم اتروبين بسرعه تحت الجلد )

______

بنعتذر لحضرتك يا دكتور مرة أخري


" قدر الله وما شاء فعل "