المساعد الشخصي الرقمي

مشاهدة النسخة كاملة : طــــــــــــب الأســـــــــــرة


Dr\White Angel
01-31-2009, 04:18 PM
السلام عليكــم ورحمـة الله وبركاتــة ،
أولا : التخصص ده زي ما كل الناس عارفه لسه جديد ومش متطبق في مصر بشكل واقعي الا في الوحدات ريفيه لكن ( وناخد بالنا اوي من كلمة لكن دي ) الي شغالين في الوحدات الريفيه دي حاليا مش اطباء أسره
دول دكاتره تكليف عاديين سواء جداد او من الكبار الي خدوا البكالوريوس وكبروا دماغهم على كده في التكليف ومش حضروا اي حاجه و كملوا حياتهم كده في التكليف و خلاص فدول الي ماسكين طب الاسره حاليا لان اصلا
مفيش لسه حد اتخصص طب اسره في مصر انما النظام ده هيتطبق في مصر كليا من سنه 2012 او 2014 بشكل كامل في المدن و الريف و كل الاماكن بس لسة الله اعلم
هاتقولي ياااااه لسه 2012 او 2014 هاقولك شوف
انت اصلا هتخلص نيابتك امتى و لسه ال 6 شهور بتاع مساعد الاخصائي يعمي مش هتخلص قبل 2012 اصلا
و دي ميزة اننا هنكون اول ناس تتعين و طبعا الاوائل في الموضوع يكون لهم الاولويه في كل شيء و انتوا
عارفين كده كويس , و غير كده ان مرتب الحكومه هيكون عالي و الشغل مريح يعني اخره اوي لحد
الساعه 2 الظهر + بعض نبطشيات في الوحدة و لو معندكش نبطشية يبقى كده انت حر في يومك تفتح عيادتك و تعيش حياتك ز هتقولي هفتح عياده ايه ؟ هاقولك انت
اولا من حقك تفتح عياده و تكتب عليها باطني و أطفال او تكتب مثلا دكتور فلان باطني أخصائي طب الأسره او
اطفال زي ما انت عاوز و محدش عارف حاجه و خصوصا اذا كنت فاتح في منطقه شعبيه و اعتقد ان معظمنا لو
مكنش كلنا لازم يفتح عيادته في منطقه شعبيه اذ من غير المعقوا ان تبقى لسه في اول الطريق و تفتح في مصر
الجديده مثلا حتى لو انت مدرس في الجامعه يعني مفيش مشكله .
و شغل الاطفال مش صعب و خصوصا انك
هتشتغله كويس في النيابه مش هيفضلك غير النيونيت و ده انت مش محتاجه في عيادتك
اما بقه الي خايف من انه
يفضل في وحده ريفيه فده بصراحة الواقع دلوقتي

اما الكلام المستقبلي ( غير معروف توقيته ) انه هيتطبق في مصر كلها و هتشتغل في اي مكان و حتى لو وحده او العفريت حتى متنساش انك أخصائي و هتبقه المدير يعني الحضور و
الانصراف ده بمزاجك تروح متروحش هتتزبط و اذا كان التكليف بيتزبط وانت عندك مدير غلس فما بالك بقه و
انت المدير نفسه و بعدين مرتبها حلو خصوصا لي مش ورا التزامات ( بنت او شاب عازب ) مرتب النايب بيعدي الألف جنيه
ولو قفلت معاك أجازه و اتفرغ لعيادتك
و للبرايفيت




----------------------------


ثانيا بقه و هو ده المهم جداااااااااااااااا احنا كل ده بنتكلم و انت في مصر
و طب الاسره اصلا مش عشان مصر
دلوقتي السعوديه و الخليج مطبقين طب الاسره كويس اوي و عاوزين اطباء اسره
باعداد رهيبه لدرجه انهم بياخدوا اي واحد مخلص زمالة طب اسرة من غير خبرة بعدها



و بيسافروا علطول و بمرتبات خياليه يعني تخيل الجي بي بيسافر ب من 3,500 الى 4000 و دول بيسافروا بعد الزمالة على الاقل ب 7000 و كذلك لو معاك ماستر انا ناس قالولي ان السفر بتاع الماستر بتاع طب الاسره
ب 9000 وطبعا دا اول سفرك و بعد كده هتزيد غير ان اقامتك و اكلك و شربك وكل حاجه انت ومراتك
عليهم يعني دخل ممتاز و كمان الشغل مريح جدا اقصاه 8 ساعات و سمعت كمان انهم 6 ساعات بس و شغل
مريح اوي حتى في اثناء ساعات العمل و باقي اليوم فاضي هتقدر تستغله كويس اوي , هتقولي هاعمل فيه اي
يعني هاقولك تعمل كتير اوي ابسط حاجه ممكن تعملها تخيل ايه ؟ زماله بريطانيه اطفال او باطني الوقت موجود
للمذاكره الفلوس موجوده عشان الكتب و الامتحانات و كل حاجه و التعليم برده في شغلك لان شغلك معظمه
باطني و اطفال و كده يبقه بعد كم سنه لو مش عاجبك طب الاسره اشتغل التخصص الي يعجبك بالزماله البريطانيه
هتقولي ولما ارجع مصر هاعمل ايه ؟ هاقولك و ايه الي هيرجعك اصلا , مرتب زي
الفل و بلد زي الفل عاوز ترجع ليه ؟!!!! و عموما يا عم لو رجعت افتح عياده
بقه زي ما قولنا جنب شغلك الصبح بتاع الحكومه وممكن كمان تكون اخدت الزماله
البريطانيه و ترجع تشتغل استشاري باطني او اطفال
بصراحه هو تخصص كويس و خصوصا انه لسه جديد احنا بسه الي دايما عندنا خوف من اي حاجه جديده
و عاوزين نمشي جنب الحيط و سياسه الي نعرفه احسن من الي منعرفهوش زي كلنا ما سيبين مصر كلها
و عايشين في 4 % بس مع اني شايف ان الصح دلوقتي انك تعمل حاجه ميكونش كل الناس بتعملها عشان تبقه
متميز و مفيش زيك كتير فتعرف تاخد فرصتك كويس مش اخد عظام مثلا وفي مليون دكتور عظام في مصر
, طيب وبعدين هاطلع اعمل ايه يعني اولا مش هتعلم كويس و بلاش نضحك على بعض لان مصر اصلا محدش بيتعلم فيها صح

و الناس الي بيقولو ان بتاع طب الاسره في باقي التخصصات ميعرفش حاجة .. بتاع طب
الاسره عارف الي يلزمه و محدش في الدنيا يقدر يعرف كل حاجه و بعدين مننساش ان معظم الحالات الي
بنشوفها و نقابلها حالات كلها جينرال وفين وفين لما بتكون في حالات كبيره و برده بتكون سهله اوي تتعلمها دا
بالنسبه للباطنات و الاطفال
فتعالوا نقيس الموضوع ونوزنه كله هتلاقي كل حاجه موجوده
و اذا كان الواحد خايف على صورته و هيتكسف يقول انه طب اسره عشان الناس مش عارفه يعني ايه طب اسرة
و هتفكره جي بي فبرده حلها يا عم انك تقول اخصائي اطفال او باطني و بلاش
سيرة طب الاسرة دا خالص على ما الناس تفهم
مش بيبقه متعلم كويس اقوله كفايه انه عارف في كل فروع الطب مش زي بتاع الباطني الي لو ابنه الصغير اتكسر
يجري بيه في الشارع زييه زي اي واحد مش دكتور اصلا و بتاع الجراحه لو جاله التهاب في عنيه لا يعرف
ياخد قطره و لا يعرف يعمل حاجه صحيح كل واحد منهم عارف في تخصصه احسن من بتاع طب
1- شغل مريح سواء في مصر ( بإستثناء نبتشيات الوحدات ) و في الدول العربية مريح طبعا و مجزي
2- فرصه سفر مضمونه بإذن الله وباعلى مرتب في التخصصات كلها

4-دراسه و ماستر سهل ( اسهل من اي حاجه تانيه )
6- هتتعلم كويس الحاجات البازيك

dr/sindrella
02-10-2009, 02:19 AM
اسال حاجه ؟ وبجد ارجوا الاممكن فاده ضروري جدااااااااااااااااااااااااااااااااا؟؟؟؟؟؟؟؟؟؟؟؟؟؟؟ ؟؟؟ لو فيه حد بعد مايخلص الامتياز اذا شاء الرحمن وضروري يسافر للخارج المفروض عليه يعمل ايه؟ وايه الخطوات اللي المفروض عليه يعملها ضروري؟ وخصوصا لو عاوز يشتغل بره يعمل ايه؟ ارجوا الرد والافاده الموضوع في غليه الاهميه ؟؟؟؟؟؟؟؟؟؟؟؟؟؟؟؟ وله جزيل الشكر............................

Dr\White Angel
02-10-2009, 03:12 PM
اسال حاجه ؟ وبجد ارجوا الاممكن فاده ضروري جدااااااااااااااااااااااااااااااااا؟؟؟؟؟؟؟؟؟؟؟؟؟؟؟ ؟؟؟ لو فيه حد بعد مايخلص الامتياز اذا شاء الرحمن وضروري يسافر للخارج المفروض عليه يعمل ايه؟ وايه الخطوات اللي المفروض عليه يعملها ضروري؟ وخصوصا لو عاوز يشتغل بره يعمل ايه؟ ارجوا الرد والافاده الموضوع في غليه الاهميه ؟؟؟؟؟؟؟؟؟؟؟؟؟؟؟؟ وله جزيل الشكر............................

اهلا دكتورة سندريلا

للاسف انا معنديش اجابة لاستفسارك

لواحد الاطباء الكبار شاف استفسارك ان شاء الله يرد علية


نورتي الموضوع

manga
02-12-2009, 02:09 AM
طب وايه اللي مطلوب عشان آخد التخصص ده؟
يعني هل هو مقتصر علي اصحاب المجاميع العالية فقط؟؟؟؟؟؟؟؟؟؟؟؟؟؟؟
ارجو الافادة
وشكرا علي الرد مقدما

NAMOUSA
02-16-2009, 12:59 AM
سبحان الله
علي العكس تماما
مافيش اي علاقه مابين المجاميع العاليه وطب الاسره
دا حتي الحكومه نفسها ومنى عينها اي حد يقدم عليه (ان شالله حتي الدفعه كلها)
عندهم اماكن كتير تستوعب الناس........وبالتالي مافيش داعي لرفع المجاميع
ده غير ان الاقبال عله قليل

Dr.Nada
02-21-2009, 05:36 PM
انا شايفة ان افضل حاجة التخدير والعناية المركزة

elekhtyar
03-08-2009, 06:39 PM
طب الاسره من النيابات الملحه
المفروض بتستلموها بعد الحركه ماتنزل على طول
بس طبعا بعد القانون مااتغير هاتقعدوا حوالى سنه لحد ماتستلموا
بس حاليا شغلها فى مصر لسه مش اوى
بس بره فى دول الخليج ناااااااااااار

hanno
03-29-2009, 09:23 PM
طب الاسرة دة بيشمل تخصصات ايه؟ اطفال وباطنة بس؟ ولا اطفال وباطنة ونسا؟
انا شايفة ان طب الاسرة صعب بالنسبة للبنات لانه عايز مداكرة كتير ومحتاجين وقت كتير عشان نقدر نقرا فى كل التخصصات بتاعته

Dr Ramy
04-19-2009, 10:33 AM
بسم الله

كنت عاوز اعرف رايكم فى تخصص طب الاسرة
اللى يعرف اى معلومة عنه ياريت يكتبها بس يايت تكون معلومة اكيدة

:la7aramak:
تحياتى

اسلام محمد محمود
04-20-2009, 08:30 AM
كل منطقة سكنية ستتبع طبيب اسرة يقوم بتقديم الخدمات الاولية الصحية لكافة افراد الاسرة

waitting
05-12-2009, 04:31 PM
السلام عليكم
من المعلومات التي قرأتها عن طب الاسرة
من مشاركات الاطباء في المنتديات الاخري
انك لوعاوزه يبقي تاخده زمالة مصرية مش نياية وماستر
لان لونياية عادية مالكش اي فرصة تعليم وهتشتغل زيك زي التكليف بالزبط فمش هتفرق كتير
والله اعلم

waitting
05-12-2009, 04:42 PM
طب الاسرة دة بيشمل تخصصات ايه؟ اطفال وباطنة بس؟ ولا اطفال وباطنة ونسا؟
انا شايفة ان طب الاسرة صعب بالنسبة للبنات لانه عايز مداكرة كتير ومحتاجين وقت كتير عشان نقدر نقرا فى كل التخصصات بتاعته


ايوه يا دكتورة مشتملة علي اساسيات الرعاية الاساسية في كافة التخصصات.........وخدي شوقي اللينك ده بتاع المنهج بتاع الزمالة
http://www.mohp.gov.eg/egyfellow/news/Manhge.aspx

وما اعتقدتش انه صعب اوي كده
بس من نصايح الدكاترة اللي خدوا قالوا بلاش منه نيابة.......لان موقفك مش هيبقي محدد مفيش تدريب لو عاوزه هيبقي الزمالة افضل............والكلام ده مش بتاعي ده كلام الدكاترة في مواقع تانية

وهو تبع الطب الوقائي

waitting
05-12-2009, 04:51 PM
اسال حاجه ؟ وبجد ارجوا الاممكن فاده ضروري جدااااااااااااااااااااااااااااااااا؟؟؟؟؟؟؟؟؟؟؟؟؟؟؟ ؟؟؟ لو فيه حد بعد مايخلص الامتياز اذا شاء الرحمن وضروري يسافر للخارج المفروض عليه يعمل ايه؟ وايه الخطوات اللي المفروض عليه يعملها ضروري؟ وخصوصا لو عاوز يشتغل بره يعمل ايه؟ ارجوا الرد والافاده الموضوع في غليه الاهميه ؟؟؟؟؟؟؟؟؟؟؟؟؟؟؟؟ وله جزيل الشكر............................

طيب يا دكتورة .........ما حضرتك توضحي ميولك ايه
يعني البلد اللي هتسافري فيها ممكن تشتغلي هناك ممارس عام ........؟؟؟؟؟

يعني ممكن مثلا .......
تاخدي دبلومه طب الاسرة وتسافري تشتغلي بيها وهي مطلوبة في الدول العربية......ولو السعودية هي كانت عاملة قبل كده دبلومة مهنية لطب الاسرة واللي نجح فيه سافر علطول ....
ولو بتفكري في تخصص معين ممكن تذداكري الزمالة منه ممكن حتي تبدأي دلوقتي في البحث عن الموضوع .......وربنا يوفقك


سبحان الله
علي العكس تماما
مافيش اي علاقه مابين المجاميع العاليه وطب الاسره
دا حتي الحكومه نفسها ومنى عينها اي حد يقدم عليه (ان شالله حتي الدفعه كلها)
عندهم اماكن كتير تستوعب الناس........وبالتالي مافيش داعي لرفع المجاميع
ده غير ان الاقبال عله قليل
تمام ..........لدرجة ان نقيب الاطباء في محاضرة WHAT'S NEXT اللي كانت في عين شمس
قعد يقول خدوا طب اسرة هو اللي انا انصحكم بيه
بس كلامكم غير الكلام اللي الدكاترة قالوه لما دخلوه نيابة

moni
05-14-2009, 12:00 PM
السلام عليكم ورحمة الله وبركاته
لو عايزة اتخصص طب أسرة تنصحوني بايه؟

moni
05-14-2009, 12:02 PM
وايه أفضل الزمالات اللي ممكن اخدهاأو الدراسات اللي اذاكرها؟

د أحمد سمير
05-14-2009, 02:32 PM
أنا عن نفسى مش مقتنع بيه خالص
بحس إنه زى شغل ال GP
يعنى الحالات البسيطة تعالجها
و الحالات الصعبة تحولها

إنما الناس اللى بتفكر فيه
عشان مطلوب بره
و بيجيب فلوس

مجموعة انسان
08-20-2009, 10:08 AM
إنما الناس اللى بتفكر فيه
عشان مطلوب بره
و بيجيب فلوس


و هذا هو المفيد

د/محمد عزت
08-20-2009, 02:10 PM
إنما الناس اللى بتفكر فيه
عشان مطلوب بره
و بيجيب فلوس


و هذا هو المفيد
أسرع حاجة فى السفر هو طب الأسرة
ممكن تاخد 6 شهور بس من الزمالة المصرية فى طب الأسرة وتسافر السعودية مثلا ( كلام سمعته معرفش مدى صحته )

لوكملت الزمالة تسافر على 10 ألاف ريال
ده كلام وكيل وزراة الصحة فى الزقازيق فى مؤتمر الامتياز عندنا
بالأضافة المذاكرة قليلة جدا
أنا معايا كتب الزمالة صغيرة ولطيفة جدا
وممكن توصلك لتشخيص لو ذاكرتها كويس
التخصص ده لو واحد فى الصحة وبيفكر فى السفر يبقى غلطان لو مخدهوش
بالأضاقة الشغل فى السعودية فيه خفيف جدا جدا
يعنى فلوس وراحة

د أحمد سمير
08-20-2009, 07:54 PM
أسرع حاجة فى السفر هو طب الأسرة
ممكن تاخد 6 شهور بس من الزمالة المصرية فى طب الأسرة وتسافر السعودية مثلا على 15 ألف ريال طبعا مش جنيه
لوكملت الزمالة تسافر على 25 ألف برضه ريال
ده كلام وكيل وزراة الصحة فى الزقازيق فى مؤتمر الامتياز عندنا
بالأضافة المذاكرة قليلة جدا
أنا معايا كتب الزمالة صغيرة ولطيفة جدا
وممكن توصلك لتشخيص لو ذاكرتها كويس
التخصص ده لو واحد فى الصحة وبيفكر فى السفر يبقى غلطان لو مخدهوش
بالأضاقة الشغل فى السعودية فيه خفيف جدا جدا
يعنى فلوس وراحة
كل ده كلام جميل
بس مش من أهدافى
عموما أكيد فيه فروق بين الناس
و ربنا يوفق الناس اللى خدته

dr_emyyy
08-26-2009, 11:34 AM
المشكله في التخصص دا ان الواحد ممكن يقضي عمره في الوحده مش في مستشفي
وسمعت ان كان قبل كده ممكن نعمل دبلومه اطفال او باطنه في فتره النيابه
لكن دلوقتي تحضر طب اسرة فقـــــــــــــــــــــط
و ممكن ناخد زماله بريطانيه مثلا في الاطفال او الباطنه ( لك طبعا شهادة صعبة جدا ) وبكده تقدر تقدر تستفيد من التخصص دا انه شغله مريح في الحكومه وكمان تقدر تفتح عياده تكتب عليها اخصائي أطفال او باطنه بالبونت العريض
دا غير فرص السفر اللي كتير مننا بيفكر فيها
دا كل اللي سمعته عن التخصص دا مش عارفه صح ولا غلط واللي يعرف حاجه تانيه يقول

Dreamy Doctor
08-26-2009, 12:20 PM
والله احنا كلمونا عنه كتيير فى الكومينتى وروحنا زيارة فى المستشفى اللى جنب سانستيفانو لسه جديدة لطب الاسرة بس ومستشفى حلوة قوى والدكتورة قالتلنا فلوسه كتييير وهينطلب فى مصر بعد كدة قوى
كل طبيب بيبقى مسئول عن 250 اسرة وليهم ملفات كاملة من اول مايتولدوا لغاية مايموتوا ودة بيقلل الضغط قوى على الداكترة التانيين وبيوفر اماكن فى المستشفيات الحكومية للى الناس محتاجها اولى
وانا بصراحة بفكر فيه لانهم بيقولوا حلو قوى للبنات ومريح وبقى ليه نيابة وماستر كمان دلوقتى

الهرم
02-07-2010, 09:22 PM
كلامك جميل جدا ود0whit انا لذلك حبيت التخصص وفكرت فيه بجديه ولكن في مواقع اخري لقيت انهم بيقولو ان هذا التخصص كويس للسفر فقط0 وليس فيه تحضير لا اطفال ولا باطنه 0 ياريت تعرفيني الكلام الأكيد لاني بجد بفكر في الموضوع بجدية 0واذاكان التخصص هياخد وضعه بعد سنتين فبسيطه0 وهل له اي عيوب اخري 0ارجو ان تفيديني لاني بصراحة محتارة ججججججججججججججججججججججججججدا0:www.1aim.netf060bdb

Dr_Same7Almata3ny
02-07-2010, 11:21 PM
أيوة يا دكتورة ما ينفعش تحضري من خلاله ماستر أطفال أو باطنة

لكن ممكن تفتحي عيادة وتكتبي عليها أطفال أو باطنة من غير أخصائي

لو تقدمي في الزمالة يبقى كويس جدا

هذا ما عندي من معلومات والله أعلم

وفقكم الله

الهرم
02-11-2010, 01:29 PM
اناسمعت انه مينفعش اتخصص اطفال من خلال هذا التخصص ,,,,,,,,,, طيب لو انا اخدت دبلومة اطفال فكيف هتدرب عملي علي الحالات واين لان مشكلة الدباومة والماستير نظري فقط فياريت لوحد عنده معلومات اكيدة يتفضل بالرد وشكرا:la7aramak:

الهرم
02-11-2010, 01:38 PM
انا سمعت انه ماينفعش اتخصص اطفال من خلال هذا التخصص ,,,,,,,,,,, طيب لو انا اخدت دبلومة او ماجستير اطفال فكيف هتعلم الحالات العملي واين لان الدبلومة اوالماجستير فهي نظري فقط فيلريت اي حد عنده معلومات اكيدة يتفضل بالرد ,,,,,,,,,,,,,,,,, وماهي عيوب هذا التخصص وشكرااااااااااااااااااااااااااااااااااااااا:algann a::5831.imgcache:

drnoha
02-14-2010, 08:30 PM
السلام عليكم
قال تعالى
"و قل ربى زدنى علما"
بفضل الله لقد اتممت الزمالة المصرية لطب الاسرة بنجاح و كمان شهرين هناخد الشهادة البريطانية لانه تمت معادلتها بالزمالة البريطانية و عليه فان الحاصل على زمالة طب الاسرة المصرية يحصل معها على الزمالة البريطانية الدولية و بكدة تكون القيمة العلمية زادت للشهادة ....و اى استفسار انا فى الخدمة

فى انتظار استفساركم و عقبال الجميع

Doctor SAS
02-14-2010, 11:50 PM
ربنا يكرمك يادكتور نها تمدينا بكل المعلومات لاننا خلاص حنستلم تكليف اهو،،،وانا حضرتك بفكر جامد انى اخد طب اسرة بس مااعرفش عنه حاجات كتيرة اوى،،،فياريت حضرتك تفدينا لو تكرمتى،،،،وربنا يجزيكم كل خير.

Doctor SAS
02-15-2010, 12:10 AM
يعنى مثلا ايه مزايا طبيب الاسرة فى مدن كبيرة زى اسكندريه مثلا عنها فى المدن النائيه(بخصوص المرتب ومكان العمل وطريقه العمل مثلا)....دة سؤال الاول.

ياترى طبيب الاسرة مسموحلوا يفتح عياده كاخصائى(اطفال او نسا او باطنه)،،،اقصد يعنى ان ممكن يعمل دبلومه فى حاجة من التلاته دول ومن خلالهم يقدر يفتح عيادة بالتخصص اللى حيخدوا منهم....دة سؤال تانى.

بامانه كدة وبدون اى مجامله(ايه رائ حضرتك فى التخصص ده للرجال زى حلاتى مثلا)....دة سؤال ثالث.

ايه الافضل فى التخصص ده(نيابه طب الاسرة وبعدين ماجستير او دكتوراه ولا زماله طب اسرة افضل)...ودة سؤال مهم اوى...دة سؤال رابع.

ايه التخصصات اللى بيتحها طب الاسرة لاشخاص اللى اخدوة انهم يحضروا فيها(باطنة واطفال ونسا) بس يارترى فى تخصصات تانيه،،،وهل ياترى ممكن نكتفى بالدبلومة فى احد هذه التخصصات ولا ممكن نكمل ماجستير فيها،،،وهل ينفع ده ولا لاء اصلا...دة سؤال خامس.

اسئلتى كتيرة بس صدقينى حضرتك هى ده الاسئله اللى فى دماغ معظم الاطباء الجدد امثالى،،،لو تكرمتى حضرتك بالرد عليها حاكون ممنون اوى اوى اوى،،،وربنا يجزيكى كل خير.

drnoha
02-15-2010, 01:16 AM
السلام عليكم
اولا بالنسبة للسؤال الاول:
مفيش فرق بين طب الاسرة فى المدن الكبيرة او النائية فانا مثلا اعمل فى الاسماعيلية و مع بداية التدريب لم يكن هناك سوى مركزين طبيين فقط يعملون بنظام طب الاسرة
و الان و بعد مرور 3 سنوات بع ان انهيت التدريب كان قد انتشر النظام فى معظم المراكز الطبية التابعة للوزارة حتى تعمل بنظام طب الاسرة و هذا يعنى ان المجال مفتوح ان شاء الله لهذا التخصص اى انه فى الزيادة و التطور حتى تعمل الصحة كلها بنفس النظام تمهيدا للتامين الصحى الشامل الذى يستوجب وجود اطباء اسرة فقط فى المراكز الطبية وباقى التخصصات فى المستشفيات فقط
حتى يخفف العبء على المستشفيات لان طبيب الاسرة يعالج اكثر من 80 % من الحالات لما يكون شاطر و دا اللى بيخلى التخصصات التانية بدأت تغير مننا و افتكروا ان احنا هنغطى عليهم بالفعل
و كمان زمياتى فى بورسعيد مدير الادارة بتاعها بدأ يخاف منها لحسن تاخد منه منصبه
و عليه فالمفروض اللى عايز يشتغل فى مصر سواء دلوقتى او حتى لو هيسافر و يرجع لازم يكون يعرف كل حاجة عن طب الاسرة عشان يعرف يدخل فى نظام العمل اللى هيكون اساس العمل بعد كام سنة بسيطة
و البنسبة للمرتب و الحاجات دى لسه مش قادرة احكم عليها عشان انا حاليا فى اجازة و لسه مش عارفة الامور المالية هتمشى ازاى
بس مبدأيا انا سمعت ان فى علاوة 150 جنية للحاصل على الزمالة غير 30%لشهادة الاخصائى ....دبعا دى مش فلوس بالنسبة للعروض بتاعة السفر بس انا كمان سمعت ان التامين الصحى عامل تعاقدات لطبيب الاسرة بحافز 500% فوق المرتب يعنى المرتب بتاع الصحة +تعاقد التامين مثلا ممكن يقرب من 2000حاليا و كل دا قبل تعميم النظام لانهم المفروض على حد علمى ان هيكون فى تعاقد مع اطباء الاسرة بالذات للاشراف على تطبيق النظام الجديد فى الامكان التى تحتاج لانشاؤه من الاصل و طبعا هيكون اكتر لو فى مناطق نائية عن المدن

Doctor SAS
02-15-2010, 01:31 AM
متابع يادكتورة نهاااااا وكل اذان صاغيه،،،واترقب الرد على بقيه الاسئله،،،انا عارف انها كتيرة شويه بس اعتبرينى حضرتك زي اخوكى
الصغير ومحتاج مساعدتك،،،وجزاك الله كل خير.

drnoha
02-15-2010, 01:38 AM
السؤال التانى:
طبعا ممكن بعد ما تخلص تحضير طب الاسرة ( تخلص زمالة مثلا ) ممكن بعدها تحضر فى اى تخصص تانى لو تحب وتفتح عيادة بيهم و ممكن تفتح عيادة و تكتب اخصائى طب اسرة و تكتب تحتها
نسا باطنة اطفال

السؤال الثالث:
بامانة التخصص دا حلو جدا للرجال اذا كان عايز يسافر بسرعة لان احنا كان بيجيلنا عروض ب 8000و 9000 ريال من بعد الجزء الاول و بدون شروط خبرة بس انا رأيى انك تخلص الاول هتوفر سنين تعب برا كتير لما تسافر و معاك وضع محترم اخصائى احسن من نايب
و كمان التخصص دا بيخليك تدرس كل الامراض المهمة فى كل التخصصات و عشان كدة بتكون شاطر فى كل الحالات حتى لو حبيت تاخد حاجة زيادة هتكون سهلة ان شاء الله بعد طب الاسرة
و الميزة ان المرضى هيحبوك اكتر من اى تخصص تانى بيكتب روشتة و خلاص لكن طبيب الاسرة بيكون اقرب للناس لما يسال عن الحالة الصحية و النفسية و الاجتماعية فالناس تحس انه مهتم بيهم اكتر من اى دكتور تانى و انت عارف الباقى خلاص هتبقى دكتور العيلة كلها سواء عملت عيادة خاصة هيجولك و لو في اخر الدنيا...الناس محتاجة اللى يطبطب عليهم و يديهم امل

السؤال الرابع :
اذا سألتنى عن الافضل فانا صحيح تعبت على ما خلصت الزمالة بس هى طبعا احسن كتييييير من الماجستير على الاقل هتخلص من تكاليف الرسالة و تحكم الدكتور الجامعى و خاصة لو كنت برا الجامعة هيعاملك اقل بكتير من المعيدين لان ازاى مثلا ينجحك من اول مرة زى زميلك المعيد لازم يسقطك كذا مرة الاول
اما الزمالة صحيح لسه فى عيوب فى التدريب بس مقدور عليها على الاقل الاشراف الجامعى صورى بس للتاكد من سير التدريب و لكن لايتحكم فيك الا اذا كنت غير ملتزم فمن حقه الانذار او الغاء التدريب اذا احس انك مستهين بالتدريب او لا تحضر فى اماكن التدريب
و الميزة التانية للزمالة انك فى لو في مستشفى مش بتشتغل زى النايب اللى بيكون مسئول عن القسم لكن انت متدرب تعمل تحت اشراف اخصائى و غير مسئول عن اى حاجة فى القسم و ليك عدد محدد من النوبتشياط .. طبعا ده غير انك بتقضي فترة من الزمالة في وحدة

و الميزة التالتة و الاهم انها خلاص تم اعتمادها من الزمالة البريطانية و بكدة بتاخد شهادة مصرية و شهادة اجنبية محترمة تعللى المرتب اوى برا مصر بالذات فى الخليج

السؤال الخامس:
مفيش اى حاجة تمنع انك تحضر فى اى تخصص تانى اعمل اللى انت عايزة فى اى تخصص لو حبيت لان كل شهادة منفصلة حتى لو عايز توصل للدكتوراة فى اللى تحبه


يارب اكون رديت على كل اسئلتك و ربنا معاكم جميعا ان شاء الله

Doctor SAS
02-15-2010, 01:58 AM
:gzak::wfk::alganna:

semsem240705
02-17-2010, 05:39 PM
طيب يل دكتوره نها

أولا مشكوره على ردك على الاستفسارات

ثانياً بخصوص الزماله

هو الواحد بيتدرب في مستشفى والا ايه بالظبط

وايه هي تكاليف الزماله ونظام الامتحانات؟؟؟

والواحد بيروح كام يوم

وكده يعني

ياريت تقولي لنا كل اللي تعرفيه

ياااااااااااااااااااريت

د\مونى
02-19-2010, 12:06 PM
فى البدايه اشكرك
لانى محتاره جدا وحاسه بالتخبط
لكن اريد اعرف الشهاده المضروبه بتاعة الطبيب الحر بتتعمل ازاى وهل ده امن ولا فيه مشكله ممكن اتحرم بسببها من دراسه وثانيا
الدبلومه تاخد اد ايه سنين واعملها فى اىجامعه انا نفسى فى عين شمس لكن ياريت تقترح عليه
انا شغاله طب اسره تقريبا داخله فسنهوعاوزه اخد زماله ولكن الان مابقاش فيه مكان للتكليف عاوزين نواب وكمان بعد 6شهور وياعالم بعد شويه حيطلبو ايه وبليز
دول ايه تانى عاوزه طب اسره غير السعوديه
من فضلك تجاوبنى فى اسرع وقت وشكرا جزيلا

hanno
02-28-2010, 10:26 PM
شكرا يا دكتورة نها . انا عايزة اعرف ازاى اعمل الزمالة دى؟ وهل انا باقدم فعلا فى حركة النيابات ولا لأ؟

د / مادح محمد
03-01-2010, 07:02 AM
شكرا دكتوره على الموضوع الجميل

لكن
حضتك قلتى " ناس قالولي ان السفر بتاع الماستر بتاع طب الاسره
ب 13000 وطبعا دا اول سفرك و بعد كده هتزيد "

ازاى واصلا مفيش حد اتخصص التخصص ده فى مصر ؟؟ هو مين اللى سافر بالمرتب ده ؟؟

ثانيا حضرتك بتقولى اننا ممكن ناخد دبلومه اطفال واكتب على العياده بالبنط العريض اخصائى اطفال ...
بنط العريض ليه انا لسه مبقتش اخصائى
ولو حضرتك افترضتى اننا نفتح فى ريف طيب واللى عايش فى المدينه يعمل ايه ؟؟

د/رواء احمد
04-10-2010, 06:58 PM
انا في ناس كتير قوي خوفتني من تخصص طب الاسره وقالوا لي هتبقي مجرد كاتبه وغرقانه وسط ملفات طب الاسره الكتير قوى
اعمل اييييييييييييييييييييييه؟؟؟؟؟؟؟؟؟؟؟؟؟؟؟؟؟؟؟؟
واصدق ميييييييييييييييييييييييييين؟؟؟؟؟؟؟؟؟؟؟؟؟؟؟؟؟؟

drnoha
04-10-2010, 10:14 PM
السلام عليكم جميعا و اسفة على التاخير
بصوا يا جماعة التخصص بتاعى دا اولا مش اى حد ينفع يشتغل فيه لانه لازم يعرف اقل حاجة عن كل حاجة يعنى ماينفعش يكون فى اى مرض مثلا ميعرفش يرد لو المريض سأله و فى ناس مش بت:wfk:حب الحكاية دىو يحبوا يركزوا فى موضوع واحد و اعتقد ان دى هى الصعوبة الوحيدة فى التخصص و الباقى المهارات الشخصية للتواصل الجيد مع المريض حتى يثق فيك و هو المطلوب لنعيد الثقة فى طبيب العائلة و ياخذ وضعه هنا
ثانيا بالنسبة للتدريب : فيه تدريب فى المراكز و المستشفيات حسب التخصصات اللى بنعمل الروند فيها و طبعا فى نوبتجيات بس المفروض لا تزيد عن مرة فى الاسبوع بس ساعات لو فيه عجز فى المكان بيستعينوا بيك بشرط انك تعمل كمتدرب و ليس نايب يعنى بدون مسئولية النايب يعنى لازم تشتغل تحت اشراف الاخصائى المسئول و المتعاقدين معاه داخل كل قسم و انت و شطارتك عشان تتعلم صح محدش هيعلمك من نفسه بالعكس دول بيحسوا انك احسن منهم عشان جتلك فرصة اعلى بكتير من الباقيين و بالذات الكبار اللى مش معاهم غير دبلومة

ثالثا : بالنسبة لحكاية الكتابة دى عشان احنا مش متعودين عليها هنا فةى شغلنا و يدوب بنكتب الدوا و ننسى الدوا و العيان بعد شوية و لكن انا شايفة انها ميزة هايلة و بتوفر الوقت جامد لانك بتكتبى كل التاريخ بتاع العيان اول مرة بس و بعد كدة بتكتبى سطر واحد اللى هو الزيارة الحالية فبتوفر الوقت و المجهود و بتفكرك لو نسيتى اى تفاصيل عن العيان من غير ما اسال تانى و كمان بيحس العيان انك فكراه رغم الحالات الكتيروكمان تسهيل الاحصائيات اللى بتنطلب منك بعد فترة للامراضو التحاليل و غيره و لو المركزفيه كمبيوتر بيسهل الحكاية دى خالص
لانهم برة مصر كمان مش بيشغلوا غير كدة عشان التسجيل دا بيحميك لو حصل اى مشكلة لا قدر الله

رابعا: بالنسبة للزميل الفاضل انا زميلتى معروض عليها 14000 فى مركزخاص فى السعودية فى الاحساء و زميلة اخرى تعمل فى الحرس ب 10000 اساسى و بتوصل ل 13000 بالبدلات
و التخصص بتاعنا مطلوب فى كل الخليج و بالذات قطر و البحرين اما الكويت و الامارات صعب لان الشغل موجود بس المعيشة غالية اوى هناك و العقد بيتحدد من مستواك فى المقابلة الشخصية

خامسا: بالنسبة للعمل فى مصر ممكن تعمل عيادة طب اسرة طبعا و تتابع حالات امراض مزمنة و ممكن لو حبيت و عندك مهارات اخرى زى الجراحات الصغيرة او انف و اذن او تغذية بيزود الشغل طبعا لو الناس عرفت و كمان ولادة لو بتحبها مع متابعة حمل او اطفال و كله تحت اسم طب الاسرة على العيادة

يا رب اكون افدتكم جميعا

د/رواء احمد
04-10-2010, 11:50 PM
جزاكي الله كل خير دكتوره نها على هذه المعلومات لاني بجد بافكر اخد نيابة طب اسره اول لما تنزل النيابات الملحه لاني عاوزه شغل مريح في البدايه وبعد كده ممكن اشتغل نساء براحتي عن طريق طب الاسره.............
مش برده انا ممكن احضر ماستر نساء وانا واخده نيابة طب اسره او بعد ما اكون اخدت الماستر او الزماله بتاعت طب الاسره؟؟؟؟؟؟؟؟؟؟؟؟؟؟؟؟؟؟

د/ أحـمـد سـليمان
09-20-2010, 11:12 PM
جزاكم الله خيرا

الصديقة
09-29-2010, 12:37 AM
الكلام اللي سمعته ده كله رائع ويشجع جدااااااااااااااااااا بس عندي استفسار لو سمحتم
انا تكليف 2010 وهقدم نيابات ملحة والمفروض اني هسافر بعد التقديم مباشرة لزوجي السعودية واتفقت معاه اني هشتغل هناك طب اسرة بأذن الله عاوزة اعرف هل من الممكن اني اسافر قبل ماتعدي عليا سنة تكليف وابقي انزل استلم عادي مع اللي هيستلم كده هيكون عدي عليا تسع شهور تكليف ويا تري وضعي هيكون ايه وياتري اقدر اخد ايه يفيدني وانا مسافرة ااقصد طبعا زمالات زي البريطانية ممكن اخدها وانا مسافرة ولا لا ووضعي ماديا هيكون عامل ازاي
وهل ممكن اسافر ولا الافضل اني استني

♥TOOTA♥
10-03-2010, 08:23 PM
انا جاتلى طب اسره بس السؤال بقا اللى محتاره فيه انى ممكن اسافر بعد ما استلم النيابه بكام شهر

هل ده هيفرق فى زياده المرتب لو سافرت لاى بلد عربى على اساس انى مقيمه طب اسره ولا لازم اقضى سنه فى النيابه على الاقل

Sonata
10-07-2010, 02:48 AM
السلام عليكم ورحمة الله وبركاته
هل ممكن حد من النواب او اطباء التكليف يدينا معلومات عن تخصص طب الاسرة
وخصوصا انه نازل ضمن التخصصات السبعة اللي هتتلغي التكليف بتاعهم
وانا بفكر فيه بس قريت عنه حاجات كويسة جدا وتطمن هنا على الموقع
وفي مواقع تانية بيشتكو منه جدا وان نواب طب الاسرة اقل من اطباء التكليف في كل شيء يعني الوضع والمرتب والدورات
وجزاكم الله خيرا

أبو أسامة المصري
10-07-2010, 03:13 AM
من ناحية الماديات ماعرفش
لكن اللي اعرفه إن طب الأسرة=نفاق وفبركة وكذب
وللأسف إن اللي بيطالبونا إننا نفبرك ونزور هم دكاترة كبار من المديرية كل همهم إن الوحدة تعتمد طب أسرة وخلاص حتي لو اضطررنا للتزوير ولو كان هذا التزوير في دفتر الحضور والانصراف
أنا عارف أنه ممكن الكلام ده مايفدش حضرتك..لكن صراحة الواحد جاب اخره من موضوع طب الأسرة ده..والحمد لله إن الجيش هيخطف الواحد من جحيم طب الأسرة أو الأكذوبة المسماه بمعايير الجودة والاعتماد..وسلملي علي الرشاوي والوسطات

طبيبة مسلمة
10-07-2010, 07:38 PM
أنا عايزا اسألكم عن حقيقة طب الأسرة دلوقت ..

قالوا إنك ممكن تحضر منه نسا أو باطنة أو اطفال .. دلوقت قالوا لأ مش ممكن !!

قالوا مرتباته كويسة .. دلوقت بيقولوا لأ ..

طيب أنا فى النيابة بتاعتى مثلاً .. هابقى فى مستشفى ........ العام ..

هابقى نايب فى قسم إيه يعنى ؟ هو فيه قسم اسمه طب الأسرة ؟

طيب لما اخلص النيابة .. هاشتغل فين ؟ فى وحدة صحية يعنى ولا فيها اخصائى واستشارى وهاكبر فى نفس المستشفى .

وهى مافيهاش نباتشيات مش كدا ؟

ياريت أى حد عنده معلومات اكيدة عنها يقوللى ..

جزاكم الله خيراً .

:la7aramak:

Sonata
10-07-2010, 08:44 PM
السلام عليكم ورحمة الله
انا كمان يا دكتورة عندي نفس الاسئلة
عايزة اعرف اكتر عن طب الاسرة من حد يكون فعلا اخد التخصص
يعني عايزة معلومات مش وجهة نظر يعني هل من الافضل اني اختاره في التخصصات اللي لغو التكليف بتاعها ولا اخد التكليف واستنى اي تخصص تاني افضل؟؟
ياريت حد يفيدنا وجزاكم الله خيرا

طبيبة مسلمة
10-07-2010, 08:47 PM
وعليكم السلام ورحمة الله وبركاته ..

Waiiiiiiiiiting

dr_shehab
10-08-2010, 01:52 AM
وانا نفسى اعرف اى حاجه فى اى حاجه اعمل ايه بس استلم تكليفى واتنفى ولا اخد ملحه ولا اقدم زماله حد يفهمنا الله يكرمكو

طبيبة مسلمة
10-08-2010, 02:48 PM
أنا عايزا اسألكم عن حقيقة طب الأسرة دلوقت ..

قالوا إنك ممكن تحضر منه نسا أو باطنة أو اطفال .. دلوقت قالوا لأ مش ممكن !!

قالوا مرتباته كويسة .. دلوقت بيقولوا لأ ..

طيب أنا فى النيابة بتاعتى مثلاً .. هابقى فى مستشفى ........ العام ..

هابقى نايب فى قسم إيه يعنى ؟ هو فيه قسم اسمه طب الأسرة ؟

طيب لما اخلص النيابة .. هاشتغل فين ؟ فى وحدة صحية يعنى ولا فيها اخصائى واستشارى وهاكبر فى نفس المستشفى .

وهى مافيهاش نباتشيات مش كدا ؟

ياريت أى حد عنده معلومات اكيدة عنها يقوللى ..

جزاكم الله خيراً .

:la7aramak:

د/رواء احمد
10-08-2010, 05:24 PM
بلاش يادكتوره طب اسره

انا شفت كذا حد اخد نيابة طب اسره وبعدين لغاها

دى اسوا من التكليف مليون مره


يعنى تكليف بس بمسمى تانى خالص

انا ليا واحدة صاحبتى كانت نايب طب اسره فى الوحده اللى جنبي

كانت تعتبر طبيب تانى وشافت يام سودا وبعد سنه ونصف لغت النيابه ورجعت تكليف تانى

طبيبة مسلمة
10-08-2010, 05:40 PM
شكراً يادكتورة رواء على ردك .. جزاكِ الله كل خير .

الميزة اللى قدامى فى طب الأسرة .. هى اللى سمعته عنها من حيث عدم وجود نباتشيات وسترس فى شغلها .

وانها بتديكى فرصة انك تحضرى منها حاجة تانية لو معجبكيش طبيعة شغلها الـ gp

وأهم حاجة الحركة اللى نزلت بدرى دى .. هتخلينى اقدم ماجستير بدرى بدل ماادخل تكليف ودماغى تصدى ..

لأنى بصراحة مش بذاكر من غير امتحانات .

لكن بالنسبة لميزة السفر لا تعنينى فى شئ .. وكمان الحوافز والمرتب لايهمنى .

بس ساعدينى يعنى إيه اللى معجبهاش فيها وخلاها تلغى ؟

Dr\White Angel
10-08-2010, 06:09 PM
وانا نفسى اعرف اى حاجه فى اى حاجه اعمل ايه بس استلم تكليفى واتنفى ولا اخد ملحه ولا اقدم زماله حد يفهمنا الله يكرمكو

هو احنا مش فضلنا نرغي ساعة في الموضوع دا

د/رواء احمد
10-08-2010, 06:40 PM
وانها بتديكى فرصة انك تحضرى منها حاجة تانية لو معجبكيش طبيعة شغلها الـ gp




لا لا لا


مين اللى قالك الكلام ده


روحى اقراي القرار وهتعرفى ان اللى بياخد طب اسره ممنوع يحضر اى حاجه تانيه زى النساء والاطفال

بس بتحضري ماجيستير او دبلوم طب اسره فقط


هو من الاخر طب الاسره ميزتها الوحيده ف السفر




بس صاحبتى كانت مدايقه لانها مكانتش عاوزه تشتغل تنظيم اسره زى تركيب اللوالب كانت عاوزه تشتغل اطفال وباطنه فقط
بس طبعا مدير الاداره رفض ففضلت انها ترجع التكليف تانى على امل انها تاخد اى نيابه تانيه ميكونش فيها تنظيم اسره

د/ أحـمـد سـليمان
10-08-2010, 06:59 PM
أنا عايزا اسألكم عن حقيقة طب الأسرة دلوقت ..

قالوا إنك ممكن تحضر منه نسا أو باطنة أو اطفال .. دلوقت قالوا لأ مش ممكن !!
لا مينفعش
قالوا مرتباته كويسة .. دلوقت بيقولوا لأ ..
يعني يعتبر كويس في مصر .. و هما اكيد يقصدوا اكتر السفر
طيب أنا فى النيابة بتاعتى مثلاً .. هابقى فى مستشفى ........ العام ..
هابقى نايب فى قسم إيه يعنى ؟ هو فيه قسم اسمه طب الأسرة ؟
لالالا النيابة في وحدة صحية ( وحدة طب اسرة ) اذا كان هما اخترعوا اصلا طب الاسرة علشان الناس تقعد في الوحدات تحت مسمى نايب
طيب لما اخلص النيابة .. هاشتغل فين ؟ فى وحدة صحية يعنى ولا فيها اخصائى واستشارى وهاكبر فى نفس المستشفى .
في وحدة صحية للأبد مع اختلاف المسمى حسب الترقية
وهى مافيهاش نباتشيات مش كدا ؟
لأ في نباتشيات في الوحدات
ياريت أى حد عنده معلومات اكيدة عنها يقوللى .



ربنا يوفقك ..

طبيبة مسلمة
10-08-2010, 08:17 PM
لا لا لا


مين اللى قالك الكلام ده


روحى اقراي القرار وهتعرفى ان اللى بياخد طب اسره ممنوع يحضر اى حاجه تانيه زى النساء والاطفال

بس بتحضري ماجيستير او دبلوم طب اسره فقط


هو من الاخر طب الاسره ميزتها الوحيده ف السفر




بس صاحبتى كانت مدايقه لانها مكانتش عاوزه تشتغل تنظيم اسره زى تركيب اللوالب كانت عاوزه تشتغل اطفال وباطنه فقط
بس طبعا مدير الاداره رفض ففضلت انها ترجع التكليف تانى على امل انها تاخد اى نيابه تانيه ميكونش فيها تنظيم اسره

جزاكِ الله كل خير يادكتورة رواء .

ربنا يوفقك ..

وإياكم .. آمين .. جزاك الله كل خير .


اجاباتكم كافية يادكاترة .

ام امير
10-08-2010, 10:36 PM
لو سمحتى يادكتوره نها انا عدى علي استلامى 6 شهور هل نيباتنا الملحه هتنزل بعد سنه من استلامنا؟
انا نويت علي طب الاسره باذن المولي وهقدم في زمالة طب الاسره بس عاوزه اخلصها واسافر علي طول هل لازم ادفع عن 3 سنين 15الف علشان اقدر اسافر ؟
وهل فيها نوبتجيات ولامتى من كام لكام ؟

د.هاله
10-10-2010, 07:41 PM
انا جاتلي نيابه طب اسره..بعد ماستلمها واخد اجازه ممكن اعمل دبلومه بس بره مصر وهل هي كفايه يعني نيابتي ماتتلغيش لو ماخدتش ماستر او زماله واكتفيت بالدبلومه؟ وبعدين انا عرفت ان اقصي اجازه خلال النيابه سنتين وبعد كده تتلغي طيب اعمل ايه وانا حاليا بره مصر وممكن اغيب مده طويله..ياريت لو حد يعرف اي حاجه في الموضوع ده يقولي..:barak:

dr.honeycomb
10-11-2010, 01:43 PM
السلام عليكم ورحمة الله وبركاته


انا قرأت الموضوع من أوله لآخره وفيه كلام كتير حلو اتقال عن طب الاسرة كلام يشجع على انى اكمل فيه بس مازال فيه من الدكاتره اللى بيشككوا فيه وانه مش حلو.

انا دفعة 2009 يعنى تكليف السنه اللى جايه بإذن الله يعنى بعد 6شهور بالكتير والوقتى النيابات الملحه بقت بعد الامتياز مباشرة يعنى مش هاخد تكليف واستنى لما تنزل النيابه ودى ميزه حلوه للى عايز ياخد نيابه ملحه.

وانا كان نفسى اشتغل أطفال بس الوقتى اتلغى تسجيل دراسات فى الاطفال بس هنا قولتوا انى ممكن آخد دبلومة أطفال من طب الاسره واشتغل بيها طفال ،


سؤالى ، ممكن اعمل دبلومة اطفال من طب الاسره رغم الغاء تسجيل الدرسات فى الاطفال ولا دى كمان اتلغت ؟ ارجو الفائدة وجزاكم الله خيرا .

ام امير
10-15-2010, 10:42 PM
[QUOTE=ام امير;239236]لو سمحتى يادكتوره نها انا عدى علي استلامى 6 شهور هل نيباتنا الملحه هتنزل بعد سنه من استلامنا؟
انا نويت علي طب الاسره باذن المولي وهقدم في زمالة طب الاسره بس عاوزه اخلصها واسافر علي طول هل لازم ادفع عن 3 سنين 15الف علشان اقدر اسافر ؟
وهل فيها نوبتجيات ولامتى من كام لكام ؟ ليه مش بتردى علي كل الاسئله دى يادكتوره نهي:la7aramak::S18SoundAsleep:

dr_shehab
10-16-2010, 08:29 PM
انا سامعه خبر ماشاء الله

ان الباطنه كمان اتوقف 3سنين فهل ده صحيح ولا ايه؟

وعلى فكره يا طبيبه كان فيه دكتور جه عمل اجتماع معانا واتكلم عن طب الاسره قال ده حلو لو سافرت بره لان مرتباته جامده جداااااااااااااااا لانه معترف بيه لكن هنا ولا ليه اى لازمه

د/ أحـمـد سـليمان
10-16-2010, 09:01 PM
ان الباطنه كمان اتوقف 3سنين فهل ده صحيح ولا ايه

لا مفيش اي كلام عن كده خالص .. الحمد لله الباطة مطلوبة و بتنزل منها تخصصات ملّحة كمان

د/ أحـمـد سـليمان
10-16-2010, 09:03 PM
هنا قولتوا انى ممكن آخد دبلومة أطفال من طب الاسره واشتغل بيها طفال
لا معدش دلوقتي كده
طب الاسرة يحضر طب اسرة فقط

dr_shehab
10-16-2010, 09:08 PM
طيب ايه من الخاصات بينزل ملحه يا دكتور من فضلك وبتنزل بعد اد ايه

طبيبة مسلمة
10-16-2010, 09:26 PM
وعلى فكره يا طبيبه كان فيه دكتور جه عمل اجتماع معانا واتكلم عن طب الاسره قال ده حلو لو سافرت بره لان مرتباته جامده جداااااااااااااااا لانه معترف بيه لكن هنا ولا ليه اى لازمه

ليه ياشهاب ملوش لازمة ليه ؟ مش هابقى gp ودارس كويس ..

مش هاساعد الناس اللى حواليا ..

وأنا وشطارتى .. أعلى الليفيل اللى باشتغل عليه .. ماقعدش احول الحالات وخلاص .

أنا مازلت شايفاه تخصص مناسب للبنات .

د/ أحـمـد سـليمان
10-16-2010, 11:14 PM
اخلصها واسافر علي طول هل لازم ادفع عن 3 سنين 15الف
أه لازم تدفعي عن كل سنة 5 آلاف .. او تقضي فترة ممالثة داخل مصر قبل السفر .. هو ده النظام

وهل هي كفايه يعني نيابتي ماتتلغيش لو ماخدتش ماستر او زماله واكتفيت بالدبلومه؟
مش هيعترفوا بالدبلومة الخارجية .. لو عدى 4 سنين النيابة من غير ما تاخدي شهادة من مصر ييبقى هتتلغي

سؤالى ، ممكن اعمل دبلومة اطفال من طب الاسره رغم الغاء تسجيل الدرسات فى الاطفال ولا دى كمان اتلغت
اتلغت
مفيش تسجيل اطفال و لا باطنة ولا نساء م داخل طب الاسرة
طب الاسرة يسجل ماجستير او دبلومة او زمالة طب اسرة

د/ أحـمـد سـليمان
10-16-2010, 11:20 PM
طيب ايه من الخاصات بينزل ملحه يا دكتور من فضلك وبتنزل بعد اد ايه

آخر حركة .. في مايو اللي فات .. كانوا طالبين ( أمراض كلى ) و ( عناية مركزة ) و ( حميات = متوطنة ) و ( قلب ) و ( نفسية و عصبية ) .. كان كل اللي مر عليه 6 شهور ممكن يقدم فيهم ... النيابات الملحة بتتغير من مرة للتانية .. بس اللي متعودين ينزلوا ملحة هما العناية المركزة و النفسية و عصبية

ان شاء الله الحركة الجاية هتكون نوفمبر
و دي بإذن الله هيكون عدى عليا 6 شهور
لأننا مستلمين في 4 - 2010
و من حقنا أقدم فيها على الملحة فيها
ربنا يسهل

د/ أحـمـد سـليمان
10-16-2010, 11:35 PM
ليه ياشهاب ملوش لازمة ليه ؟ مش هابقى gp ودارس كويس ..

مش هاساعد الناس اللى حواليا ..

وأنا وشطارتى .. أعلى الليفيل اللى باشتغل عليه .. ماقعدش احول الحالات وخلاص .

أنا مازلت شايفاه تخصص مناسب للبنات
و الله العظيم طب الاسرة ده = خدعوك فقالوا
صدقوني و الله .. انا مش متعود اجرح او اعيب في اي تخصص
بس ده بالذات مش تخصص .. ده عبارة عن نظـــــــــــــــــــــــام طب الأسرة
و الكلمة دي مهمة جدا .. هو مجرد فرق نظام الشغل
و هو ده مربط الفرس .. ان مصر مفيهاش نظام بالمرة
ده في مصر عبارة عن اختراع جديد جبناه و مش عارفين نشغله
عامل بالظبط زي شعار ( مدرستنا نظيفة و جميلة و متطورة ) عارفينة
كلام في كلام و صب في نصب و كله فبركة
البنات بتاخده علشان بتبعد عن المذاكرة و ضغط الشغل .. فقط لا غير
و اللي تقول غير كده تبقى حاجة من 2 ..
يا إما مخدوعة و مشافتش الدنيا على حقيقتها
يا إما بتكابر و مش عايزة تقول الحقيقة
انا قابلت ناس كتير على جميع المستويات
من اول دكتور تكليف مرورا بالنواب و وصولا لمديري الإدارات
هل يعقل ان مدير ادارة اللي هو المفروض يتابع و يسد الخلل
يروح بنفسه يستلف شوية سرنجات و انابيب اكسجين و مستلزمات
ياخدهم من وحدة علشان يحطهم منظر في وحدة تانية لغاية ما المرور بتاع الوزارة يجي يعتمد الوحدة طب اسرة !!!!!!!! و أول ما يمشوا ياخد المسترمات يرجعها تاني الوحدة الاصلية ؟؟؟؟؟؟ فين بقى التجهيزات .. ومدير ادارة تانية بيبعت لجنة الدعم الفني ( اللي المفروض تساعد و تشرف على الوحدة قبل ما الوزارة تيجي ) بيبعتهم يفبركوا مع الدكاترة علشان يلحقوا يخلصوا .. احنا اتهرينا كلام عقيييييم من المكتوب على الورق و مفيش حاجة بتتنفذ .. و كل الناس اللس فس الوزارة خيالييين فاكرين نفسهم هيشغلوا الوحدات بدال المستشفيات و بيصرفوا مصاريف هابلة في حاجات تافهه .. كفاية ان الوحدات بيتصرف على شكلها و تشجيرها في حين ا المستشفيات المركزية مفيهاش دواء .........ز واحد زميلي شغله في قرية فقيرة جدا جدا .. بيحلف ان كل البيوت بالطين و مفيش و لا بيت فيه مروحة .. و الوحدة جاي لها 7 كمبيوتر و 7 طابعة ليزر الوان و 7 طابعة ابيض و اسود ؟؟؟؟؟ ده بيقولي الناس بتيجي الوحدة علشان تقعد تحت المروحة اللي في الاستراحة و بعدين يمشوا ؟؟؟

اصل انا اساسا مشحون من اللي بنشوفه
واحد صاحبي جايله مفروششات + أجهزة طبية في الوحدة بـ 600.000 جنيه
اكتر من نص مليون جنيه .. في حين انه بيخدم بلد واحدة و المستشفى المركزي بتاع المدينة اللي هو تبعها في عرض نص المبلغ ده

صدقوني على رأي واحد زميلنا .. ( الموضوع ده بدعة )
في مصر لم و لن يطبق طب الاسرة بمعناه المقصود

اللي ياخد طب اسرة ياخده لسبب من 3

1 بنت و عايزة تكبر دماغها من الطب
2 واحد مجموعة مش جايب غير كده لأه بياخد مجموع قليل وصل 60 % في الصعيد
3 واحد او اوحده عايز يسافر و بس






آآآآآآآآآآآآآآآآسف جدا على جرعة الاحباط
بس المستشار مؤتمن زي ما بيقولوا
كان لازم اقول الحقيقة الكاملة و ابصركم بيها

لو حد له استفسار

dr_shehab
10-17-2010, 12:50 AM
طيب دكتور سليمان ايه راى حضرتك فى الزماله البريطانيه وايه معلومات حضرتك عنها لو انا عاوزه اخدها فى الاطفال ايه المطلوب منىوايه مميزاتها وايه عيوبها

د/ أحـمـد سـليمان
10-17-2010, 11:31 PM
طيب دكتور سليمان ايه راى حضرتك فى الزماله البريطانيه وايه معلومات حضرتك عنها لو انا عاوزه اخدها فى الاطفال ايه المطلوب منىوايه مميزاتها وايه عيوبها
معلش هجاوب في عجالة

الزمالة البريطانية شهادة قوية و محترمة من ناحية العلم و من ناحية فرص العمل
مطلوبة في الدول العربية .. بمرتب استشاري
عيوبها اولا صعوبتها .. يعني محتاجة مذاكرة بجد و كتب كتير و علم ( طبعا شغل بريطانيا يبقى لازم كل حاجة بنظام ) محدش بيعدي غير اللي عارف و مذاكر .. ( مش زي عندنا )

ثانيا مكلفة .. الجزء الأول مصاريف 4500 و التاني 4500 و التالت 9000 و اعتقد كلها دلوقتي متاحة من داخل مصر بدون سفر .. لكن المبلغ مجموعه بباقي المستلزمات هيوصل حوالي 20 الف جنيه او اكتر شوية .. طبعا مبلغ مش سهل على ناس كتير خصوصا في بداية حياتهم

ثالثا : انها متحددة بمدة .. يعني بعد اجتياز الجزء الأول هتاخد مهلة عدد سنوات تخلص فيه التاني و التالت .. و إلا يتلغي الأول .. و ده مش سهل لأن انت مش هتبقى متفرغ لها تماما و متضمن ظروفك من الشغل او البيت سواء راجل او ست

رابعا الاطفال بالذات زمالتها من اقوى الزمالات و عدد قليل اللي حصل عليها مقارنة بالتخصصات التانية حتى انها اصعب من زمالة الباطنة

لكن اجمالا هي حاجة محترمة و مرموقة جدا و كل اللي شفتهم خدوها هما دكاترة الجامعة بعد ما يبقى مدرس او استاذ مساعد بيبتدي يفكر فيها علشان يتميز عن الباقيين .. لكن ده ميمنعش ان في شباب صغيرين بيدرسوها و بيجتهدوا .. انا ركزت أكتر على عيوبها لأنها مش محتاجة حد يشكر فيها لكن محتاجة حد يوضح حدود صعوبتها علشان محدش يدخلها من غير ما يحسب لها كويس .. و في المجمل هي حلم محترم .. محتاج شخص طموح و مجتهد و مساعدة الظروف المحيطة

ام امير
10-21-2010, 02:13 PM
هل النيابات الملحه هتنزل في نومبر لتكليف مارس 2010 اللي هم هيكونوا عدي عليهم 6شهور او اكتر وهل الزماله المصريه هتتلغي وهيتعمل حاجه اسمها المجلس القومى المهنى ؟؟؟؟؟؟؟؟؟؟ردوا علينا الله يكرمكم الواحد عايز يعرف راسه من رجليه:CryOutLoud:

dr_hero85
10-21-2010, 03:35 PM
هل النيابات الملحه هتنزل في نومبر لتكليف مارس 2010 اللي هم هيكونوا عدي عليهم 6شهور او اكتر وهل الزماله المصريه هتتلغي وهيتعمل حاجه اسمها المجلس القومى المهنى ؟؟؟؟؟؟؟؟؟؟ردوا علينا الله يكرمكم الواحد عايز يعرف راسه من رجليه:cryoutloud:

ان شاء الله .. نأمل ذلك .. لسبب ان التخصصات الملحة لسه ملحة .. ولسه محتاجة نواب

ياجماعة من قال ان الزمالة هتتلغي ؟؟!! .. الزمالة كل يوم مصاريف وتطوير مناهج واعترافات في دول عربية ومعادلات بزمالة بريطانية .. ازاي هيلغي كل ده ؟!!

كمان احنا داخلين على تعليم طبي مستمر ودي الميزة الوحيدة في الزمالة .. يمكن انا سمعت العكس ان النيابات احتمال انها تتلغي اكبر من الزمالة

dr_shehab
10-21-2010, 11:32 PM
طيب انا عاوزه اسال عن حاجه هل لو انا قدمت على الزماله باخد اجازه من التكليف ولا ايه؟

وكمان نظام الدراسه الحضور كام يوم؟

وبتبقى فى مستشفيات ايه؟ انا استفسارى للزمالتين مصريه وبريطانيه وانا سمعت عن الزماله الايرلنديه هلى هى موجوده فعلا؟

ام امير
10-23-2010, 02:18 PM
هل انا ممكن اقدم في الزماله المصريه لطب الاسره في شهر3 اللي جاي وانا هيكون مر عليه سنه تكليف ده في حالة عدم نزول النيابات الملحه في شهر 11؟؟؟؟؟؟؟

د-انجى
11-07-2010, 11:26 AM
ماذا تعرفون عن طب الاسره ؟ وباْى مجموع يمكن الحصول عليه ؟لانه فى حركة مايو الماضية كان المجموع من79%افيدونى بالله عليكم :barak:

dr voltaren
11-08-2010, 11:01 AM
طب الاسرة هو تخصص جديد نسبيا في مصر
تخصص شامل لانك بتقري في عدة تخصصات اهمها الباطنة والاطفال والنسا
بياخد من مجموع معقول نسبيا وخصوصا للفيميل
مطلوب جدا برة مصر بالذات ف السعودية والامارات
نيابته متعبة الي حد ما لان فيها نوبتجيات وبتبقي زيك زي دكتور الجي بي
واي اساله تانية انا ف الخدمة

nany abdo
11-08-2010, 08:43 PM
ارجو لو عارف معلومات اكتر عن طب الاسرة من اللى استلمواها يفيدنى لانى احترت فى امرها وانا ناويه اقدم فى اللملحه

Doctor_Sindbad
11-09-2010, 03:02 AM
الجميل فى طب الاسرة .....ان الطبيبة بيبقى شغلها من 8 الى 2 ......ونادرا ما حتمسك نباتشة فى الاسبوع الى الساعة 5 او 8 مساءاً فقط بدون سهر
وده تخصص مافيهوش اى stress لان اى حاجة فيها قلق حتبعتيها على الاخصائى بتاعها بدون وجع دماغ.

وانا شايفة احسن تخصص للطبيبات علشان مناسب جدا للحياة ما بعد الزواج

dr voltaren
11-13-2010, 04:11 PM
اتفق مع دكتورة ندا تماما
اشكرك شكرا جزيلا

الصديقة
04-24-2011, 06:33 AM
انا قررت خلاص يجماعة هستعين بالله وهقوي قلبي واستلم واعتقد ان طب الاسرة في مصر قبل الثورة هيكون غير طب الاسرة بعد الثورة يعني ان شاء الله يطبق ويبقي حاجة جميلة كلنا نفخر بيها ونتسارع عليها

دكتور مودى
04-24-2011, 11:50 AM
سؤال مهم هو لازم اخد نيابة طب اسرة واستنى 6 شهور علشان اخد الزمالة ولا ممكن بعد 6 شهور تكليف؟ ارجو الرد للأهميه

dr_lam7a
11-30-2012, 10:12 AM
لو سمحتوا يا دكاتره
دلوقتي بعد ما مكملتوا في التخصص ... يا تري فيه تقدم فعلا .. والا برده هيفضل محصور في الريف ؟؟؟

dr.loba
02-14-2013, 03:17 PM
لو سمحتم يا دكاترة
الموضوع ده بادئ من 2009 هل لما وصلنا 2013 ف تغيير
ولو سمحتم عايزة رأيكم
انا هسافر بعد الامتياز على طول هل ممكن اخد طب الأسرة كنيابة ملحة واقدم للزمالة المصرةي واخدها وبعد كدا اخد نيابة تانية اطفال مثلا او حاجة من الباطنة واشغتل فيها ولا مينفعش
لان الدكاترة قالو مينفعش اقدم لماجيستر اطفال من طب اسرة بس هل ينع اخد نيابة اطفال مثلا بعد زمالة طب الاسرة ؟؟