المساعد الشخصي الرقمي

مشاهدة النسخة كاملة : ما المقصود بهذا العرض من شركة تي داتا ؟


د.أحمد السنوسي
02-13-2010, 08:49 AM
السلام عليكم

على صفحة تي داتا وجدت هذا العرض ، ولم أفهم المراد منه

وحركات تلاعب الشركات المصرية أكثر من أن يأمن المشترك الاستمرار معهم

اقرأ العرض على الرابط ، وقل لي رأيك

http://www.tedata.net/web/eg/ar/ICTOffer.aspx

Fares Al Muslm
02-13-2010, 12:06 PM
بارك الله فيك

إتفاق بين المصرية للإتصالات و تي إيه داتا

مبدأه :

سرعة 1 ميجا بايت إنترنت + كلام مباشر محلي و محافظات ( بلا حدود )

و دا لإن فيه ناس كتيرة جدا إتخلوا عن المباشر للمحافظات لحساب الموبايل

فقامت شركة المصرية للإتصالات بعمل شراكة مع التي إيه داتا عشان تحفز الناس إنها ترجع تاني للمباشر و مكالمات المحافظات ..

لكن برضه فيه مشكلة .. تحت كاتبين ( هذا السعر يشمل الضريبة و الإشتراك الشهري و تطبق سياسة الإستخدام العادل )

يعني بيفرغوا كلمة ( بلا حدود ) من مضمونها أصلا

الخلاصة :

إشترك بخط 1 ميجا بايت من تي إيه داتا ... بس حتزود على الإشتراك الأصلي بتاع تي إيه داتا 50 جنيه حق المباشر الخاص بالمصرية للإتصالات ..

و جملة الإستخدام العادل معناها لو أنك تجاوزت في مكالمات المحافظات أو تجاوزت مساحة التحميل المقررة .. حتدفع أكتر

كله شغل دعاية للمصرية للإتصالات عشان المباشر .. و في نفس الوقت عشان يوفر على التي إيه داتا سعة التحميل و يحدد عدد الجيجا بايت ( إستخدام عادل ) ..

دا اللي فهمته بارك الله فيك

و بالتأكيد ممكن أكون غلطان في اللي بقوله ..

أحبك في الله

Fares Al Muslm
02-13-2010, 12:13 PM
شوف كدة ..

http://www.shorouknews.com/ContentData.aspx?id=179866

أعلن المهندس طارق طنطاوي الرئيس التنفيذي والعضو المنتدب للشركة المصرية للاتصالات عن أول عرض ثنائي "دويتو" يجمع بين الخدمات الصوتية وخدمات الانترنت، بمبلغ 199 جنيها شهريا بعد استحواذ المصرية للاتصالات بالكامل على الشركة المصرية لنقل البيانات "تى إى داتا" في ديسمبر الماضي.

جاء ذلك خلال مؤتمر صحفي عقدته الشركة الليلة الماضية على هامش مشاركتها في معرض القاهرة للاتصالات وتكنولوجيا المعلومات "كايرو آى سى تى 2010"، بالتعاون مع "تى إى داتا"، وبحضور المهندسة عزة تركي رئيس مجلس إدارة "تى إى داتا" والمهندس عماد الأزهري نائب الرئيس التنفيذي للمصرية للاتصالات للشئون التجارية والمهندس أحمد أسامة العضو المنتدب لشركة "تى إى داتا".

وفى توضيحه لمزايا العرض وتفاصيل الحصول عليه من خلال منافذ شركة "تى إى داتا"، قال المهندس طارق طنطاوي إن العرض الجديد يتيح لمشتركي الشركتين الحصول على الانترنت فائق السرعة غير محدود بسرعة 1 ميجا، إضافة إلي مكالمات أرضية محلية ومحافظات بلا حدود على شبكة المصرية للاتصالات الأرضية مقابل 199 جنيها فقط في الشهر.

وأضاف أن المصرية للاتصالات تعتمد في إستراتيجيتها التسويقية على تلبية
احتياجات السوق المصري وكسب رضاء المشتركين، ولذلك فقد أعلنت عن عرض "الدويتو" الذي يعد مفاجأة معرض "كايرو آى سى تى" لهذا العام.

وتحدث طنطاوي عن مشروع توصيل الألياف الضوئية إلي المنازل في منطقة القطامية بالقاهرة، والذي يوفر أسرع خدمة برودباند تصل إلى 70 ميجابت في الثانية، والذي بدأ في سبتمبر الماضي من خلال "تى إى داتا"، مما اعتبره الخبراء انجازا كبيرا وانطلاقة جديدة لتقديم خدمات وتطبيقات تعمل على تلبية الاحتياجات المستقبلية لاتصال الأفراد والشركات عبر الانترنت لسرعات هائلة.

وأوضح أن العروض المشتركة بين المصرية للاتصالات و"تى إى داتا" بدأت تأخذ بعدا جديدا أكثر قوة، ويعد عرض الدويتو أول تجسيد لهذا البعد، وتوقع أن تزيد هذه العروض في الفترة القادمة بسبب الاستحواذ الكامل من المصرية للاتصالات على "تى إى داتا".

تعليق :

1- الشركة المحتكرة للإتصالات المصرية إستحوذت على تي إيه داتا بالكامل ( إحتكار عيني عينك )


2 - بيقولوا في التعليق ( غير محدود ) سواء مكالمات أو إنترنت

لكن بيقولوا في الإعلان ( سياسة الإستخدام العادل )

فكر و شوف

Fares Al Muslm
02-13-2010, 12:23 PM
أحد التعليقات :

غريبه، أنا كلمتهم قالولي بـ 199 جنيه أخد 1 ميجا سياسة أستخدام 40 جيجا و 4000 دقيقة محلي و محافظات "مش موبايل" و مفيش راوتر... طيب ماهو ال 1 ميجا بـ 140 جنيه و فاتورتي (كل 4 أشهر مابيتعاديش 40 جنيه من غير الموبايل، يعني 10 جنيه فالشهر... أدفع ليه 60 جنيه؟؟؟ مش شايف إنو عرض جامد الصراحة

تعليق تاني :

الاشتراك 200 جنيه

سرعه 1 ميجا = 140

المكالمات = 60 جنيه

60 جنيه * 3 شهور = 180 جنيه

+

تطبق سياسه الاستخدام العادل

اذن : هذا العرض كله نصب ف نصب وملوش لازمه

تعليق تالت :

هيطبق عليك سياسة الاستخدام العادل للنت يعنى لو شغلة النت فى التحميل كتير هبطئ لك السرعة وبعدين انت اش عرفك انه هيحسبك بما يرضى الله 40 جيجا ؟ و كذلك التليفون 4000 دقيقة ؟
يعنى ممكن من الاخر ال 40 جيجا يبقم 15 و 4000 دقيقة يبقم 800 وانت اش عرفك انت هتحسب الاستهلاك اذاى ؟

تعليق رابع :

انا فى اعتقادى النظام دة لترويج الاستخدام العادل
وبعدين لما تشتركة هوة مديك مساحة تحميل 40 جيجا صح ولو خلصم ينزل الى 64 كيلو
و طبعا لا يجوز توصيل اكتر من جهاز على نفس الخط يعنى لو وصلة لاب توب مع كمبيوتر بى سى
ينزلم لك السرعة
وكذلك لو حصل ضغط على الشبكة و انت محملتش ال 40 جيجا بتوعك كملين ينزلم لك السرعة بمذاجهم ويبقى كل شى ظاهر على انة قانونى
وتيجى تشتكى يقولك ال 40 جيجا شامل upload + download و تصفح

د.أحمد السنوسي
02-13-2010, 12:51 PM
يعني ملهوش لازمة من الآخر .. دا حتى الاشتراك الشهري اللي بيندفع للتليفون مش بينزل أصلاً ، اللي هوا كل فاتورة 30 جنيه ، غير الخدمات من إظهار وخلافه

جزاك الله خيراً يا دكتور نيروز ، وفيت بصراحة

Fares Al Muslm
02-19-2010, 12:11 PM
فيه ناس عاجباها العرض

لإنهم بيتكلموا محافظات كتير و إستخدامهم للنت قليل إلى حد ما ..

بالتالي يكون العرض مناسب ليهم لو إعتبرنا ( 4000 دقيقة * 10 قرش مثلا = 40000 قرش ) يعني 400 جنيه مصري تقريبا ..

و العرض داحيفيدهم مش لينا كشباب ..

بارك الله فيك