المساعد الشخصي الرقمي

مشاهدة النسخة كاملة : طب المظاليم ادخل واحكم بنفسك --طب الازهر

lucky doctor
02-13-2010, 10:17 AM
بسم الله الرحمن الرحيم


انا عملت الموضوع دة ونفسي اعمله من زمان اوي بس استنيت لغاية ما الجراح زادت اوي ومعادش في مفر والواحد خلاص مبقاش قادر يستحمل يعني من الاخر انفجرت
الموضوع دة هنتكلم فيه عن مميزات طب الازهر وهقول فيه غرائب وطرائف يمكن مبتحصلش في اي مكان تاني بسم الله نبدا:
البداية من قبل ما ندخل الكلية لما الكلية اخدت من مجموع خيالي 99.23% ودي محصلتش في اي مكان ومعتقدش ممكن تحصل تاني والطامة الكبرى كانت تنسيق المدينة الجامعية اللي اخدت من 100.3%
بعد ماعرفنا الكلية وعرفنا انها نصيبنا اتفاجئنا بان دفعة سنة اولى اللي هما اكبر مننا بسنة ماشاء الله اكتر من نصهم نازلين في الاناتومي قلنا عادي اكيد مبيذاكروش والكلام دة بس لما دخلنا الكلية وذاكرنا وطلع عينينا عرفنا اننا ظلمناهم لاننا ببساطة اتعرفنا على الكلية اكتر

تيجي بعد كدة مهزلة الاناتومي في سنة اولى السيد المحترم رئيس القسم دخل وقاللنا على كام سؤال كدة وقال الاسئلة دي مهمة وكانت اسئلة لا تمت للاناتومي بصلة ما علينا احنا ذاكرنا الاسئلة دي وعرفناها ودخلنا الامتحان ولقيناالامتحان مفيهوش ولا سؤال من اللي الحاج قالهم وبعد ما كنا بنذاكر اسئلة معينة لقينا الامتحان شيت عادي خالص
الحمد لله حلينا كويس وفي ناس جابت امتيازات ماشاء الله حوالي 11 واحد [طبع بسبب حركة التمويه اللي عملها البيه]
نسيت اقوللكم انه في امتحان ال 20% قاللنا مفيش جنرال امبريولوجي في الامتحان ولكن الحمد لله اتفاجئنا باسئلة منها في الامتحان

نيجي بعد كدة لمهزلة البايو ودي حاجة عادية في البيو ان التقديرات تكون وحشة اوي لان القسم طول عمره كدة اللي حل كويس اوي هينجح واللي حل بنسبة مثلا 75% دة ينزل دور تاني
يعني تكون حالل امتياز تلاقي نفسك جايب مقبول زي ما حصل معايا
ومننساش ان اي قاعدة وليها شواذ في ناس جابت امتيازات في البيو ماشاء الله وهما حوالي 3 او اربعة نقدر نسميهم supermen or men of miracles


بعد كدة مهزلة الهستولوجي وطبعا دي شفنا فيها عجب العجاب امتحان طويل جداجداجدا واسئلة كتير اوي وطبعا الرسم مطلوب مع كل سؤال وتلاقي الاسئلة نفسها طويلة يعني مثلا modifications of cell membrane
وغيرها كتر وكتيرودة كله في ساعتين بس

ثم كانت المصيبة الكبيرة وامتحان العقيدة اللي كان اشبه بامتحان فيزيا
عاوز اقوللكم ان اكثر المتفائلين ممكن يقول ان الامتحان كان قاسي جداجدا


بعد كدة الحاسب الالي وياسلام على الامتحان وجماله الراجل جايب سؤال نظري [واخدين بالكم من كلمة نظري دي؟] بيقول اذكر الخطوات العملية لاعداد وتثبيت ويندوز xp
وطبعا غير باقي الاسئلة -ورغم كدة الحمد لله الكل حل كويس اوي وفي الاخر تلاقي التقديرات كلها مقبول الا من رحم ربي كان في واحد جايب امتياز واتنين او تلاتة على حدود موريتانيا كانوا جايبين جيد جدا



كدة خلصت سنة اولى يا شباب والحمد لله الامور كانت طبيعية في الفسيولوجي والفقه والقران والانجلش ههههههههه

لسة استنوا سنة تانية وتالتة قريب ان شاء الله انا خلاص فتحت النار على الكلية عقبالكم كلكم لما تكونوا معايا
*محمد نصر*
02-13-2010, 10:49 AM
أضحكتي في ذروة الهم يا محمد والله
معلش بقى طالما اتفتحت النار فأنا معااك
بقالنا سنين عمالين نقول معلش نحافظ على صورة الكلية نستحمل
لكن اللي بيحصل ده كتير اوي والله
الموضوع يطول والكلام كتير
لكني لن اتكلم سأجعل شواهد الأحداث تتكلم
بما اننا جيبنا سيرة أولى بجد لاازم اشارك بالموضوعين دول كتبتهم في خضم أحداثهم وانا في أولى
وظلا حبيسا منتدى الأزهر ولم اشأ يوما نشرهما في منتدى غيره حفاظا على صورة الكلية !!!
الموضوعين فعلا غاليين عليا اوي

دا موضوع بعنوان

مهزلة جدول الأمتحانات

أخواني أعضاء المنتدى الغاليين كم اشتقت إليكم اتمنى ان تكونوا بخير
عدت إليكم من جديد وبإسم جديد
عدت إليكم لأنفث عن آلامي المبرحه التي ألاقيها وإخواني بطب الأزهر هذا العام
ودونا عن أي عام سبق لإخواننا بهذه الكليه المباركة!!
بسبب القياده الرشيدة لفخامة الاستاذ الدكتور اسماعيل شبايك عميد الكليه
وجلاله الاستاذ الدكتور حمدي امام وكيل الكليه
لن اتكلم سوى عن النكته المضحكة المبكية وهي نكته جدول الامتحانات للفرقة الأولى نظرا لضيق الوقت

الجدول يبدأ من 11/5 وينتهي في 20/6
وإن كان الوقت قصيرا بالنسبه لامنتحانات ومواد الطب
وفي العام الماضي كانت المتحانات شهرين ولكن لا مشكله

يسبق ماده الكيمياء الحيوية حوالي 7 ايام في الجدول
اما الفقه 5 أيام
اما الإنجليزي فحوالي 4 ايام
وهكذا الحاسب
(رائع صح)

هل يصدق احد في الكون انه يسبق التشريح يوم واحد!!!!!؟؟؟!!!
أجل والله قبل التشريح أكبر ماده في المناهج يوم واحد
وهو الفرق بين امتحان تحريري الهيستولوجي وامتحان تحريري التشريح هذا الثلاثاء وذاك الأحد ثم يبدأ العملي والشفوي من الاربعاء مباشرة؟؟؟؟؟!!!!
من يراجع 500 صفحه في يوم
وكيف يوضع الجدول بهذه الطريقه !!؟؟
وللعلم يسبق التشريح للفرقه الثانية 4 ايام ويشتكون مر الاشتكاء
فما بالكم بطلاب الفرقة الأولى والله هذا حرام
في الجدول سلبيات كثيره لكن هذه الابرز
مع العلم ان التشريح اصعب امتحانات الكليه على الإطلاق بسبب رئيس القسم
وان نسبه النجاح من الدور الاول في العام الماضي به لم تتعدى 30%
وهذه فضيحه ان لم تكن كارثه
واعترضنا فكان نصيبنا الاهانه والطرد التي لم يسلم منها اتحاد الطلاب أيضا!!!؟؟؟؟
وكان الرد الذي اعجبني (الجدع يبقى يخش الامتحان!!)
كما نقلها لي احد الزملاء على لسان المسؤلين والعهده على القائل
لن اطيل عليكم نظرا لضيق وقتي ووقتكم وإلى لقاء قريب بإذن الله

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

ودا موضوع لذيذ جدا

والله لأعذّبنكم في الامتحانات!!!؟؟؟؟؟؟؟؟!!!!

إخواني الأحبة أعود إليكم وقد شرفت الامتحانات ان تشد رحالها ولم يعد في الجعبه سوى الحاسب الآليhttp://alazhar.gov.eg/images/emoticons/eusa_pray.gif
بالأمس !!!!!!؟؟؟؟؟
كان امتحان العقيدة (لا اراكم الله مكروها)http://alazhar.gov.eg/images/emoticons/eusa_wall.gif

وبعد ان مرت الامتحانات هادئة نسبيا ولله الحمد
وفي المستوى الجيد في جميع المواد العلمية
فجعنا بالأمس بامتحان العقيدة الذي خرج عن المألوف وتناهى عن كل معروف
وكان أصدق فعل لقول واضعه لنا
(والله لأعذبنكم في الإمتحانات)!!؟؟؟
والله إنها مهزله....... بدأت فصولها مع هذا الدكتور (عافاكم الله) عندما وجد قله من يحضرون له فقال مقولته الشهيرة

هل تعلمون أن الكتاب بأكمله مقرر علينا
ورضينا
مع العلم ان اي كليه اخرى يحدد لها منهج وكل كليات الطب الأخرى أخذت منهج
أما نحن...
سألنا الدكتور فكان رده المقنعhttp://alazhar.gov.eg/images/emoticons/eusa_snooty.gif
((لن أحذف شيئا من عقيدتي!!!!))http://alazhar.gov.eg/images/emoticons/eusa_clap.gif http://alazhar.gov.eg/images/emoticons/eusa_clap.gif
وفي روايه أخرى نقلها لي الزملاء((والله الذي لا اله غيره لن احذف صفحة واحده))http://alazhar.gov.eg/images/emoticons/eusa_hand.gif

وأرى وان كان هذا اجحافا بطالب بالفرقة الاولى بكلية الطب يدرس التشريح(وما ادراك ما التشريح) والفيسيولوجي والهستولوجي والكيمياء الحيوية
لأول مره وبلغه اخرى ان هذا حق الدكتور http://alazhar.gov.eg/images/emoticons/eusa_silenced.gif http://alazhar.gov.eg/images/emoticons/eusa_silenced.gif http://alazhar.gov.eg/images/emoticons/eusa_silenced.gif

لكن...
تخيلوا ان يقول لنا الدكتور الفاضل معلم الأجيال من يحفظ الكتاب سيحصل على مقبول ومن يذاكر المحاضرات مع الكتاب سيحصل على امتياز
وهذه حقيقة لان امتحاناته تخرج في الغالب عن الكتاب لما يزده فى المحاضرات
وكأن المفترض بنا ان نذاكر 360 صفحه +المحاضرات مع العلم ان الوقت الذي يفرقها عن الماده السابقة يوم واحد!!!!!!
وطبعا ليس لنا حق الاعتراضhttp://alazhar.gov.eg/images/emoticons/eusa_pray.gif (مرحبا بكم في كلية طب الازهر الديموقراطيةhttp://alazhar.gov.eg/images/emoticons/eusa_wall.gif http://alazhar.gov.eg/images/emoticons/eusa_wall.gif )

وكان الامتحان...... والله يستحيل ان يضعه شخص عاقل يخشى الله

لن اعلق على الامتحان واترك لك الحكم والتعليق بما ان كتاب العقيدة واحد في معظم الكليات
بل إذا حتى لا تعرف شئ عن العلم ارجو منك قرائة الامتحان

هذه هي ورقة الامتحان

http://i46.tinypic.com/1z2pv5x.jpg


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

وهذي احد التعليقات التي أتتني من أخي الثغر الباسم


"اشتمل هذا الامتحان على اسئلة غريبة فجاء اشبه بامتحان في الفلسفة وليس في العقيدة



ولقدرأيت زملائي يجلسون ينظر بعضهم الى بعض متعجبا من اسئلة الامتحان هذا لاول وهله


وبعد خمس دقائق بدأت الصيحات


منها


قال احدهم "احنا في امتحان فيزياء ولا امتحان عقيدة علشان يقولنا اذكر تجربة بسكال"


الى غيرها من الهتافات

اما الدكتور فببساطة قال وهو خارج "في اي حاجة مش واضحة يا شباب"


بالله عليكم قولو لنا ماذا نفعل؟" أ.هـ.

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

عذرا فعلا والله مش قادر اكتب ومصدوم لابعد الحدود
فأكتفي بهذا ولي عوده إن شاء الله

في حفظ الله
.
.
.
تحياتي
dr alaa
02-13-2010, 11:48 AM
السلام عليكم ورحمة الله وبركاته

اولا انا مش ازهر بس مشكلة الامتحانات دى نفسها

السنه دى كان امتحان الاناتومى بس كويس

اما بقية الامتحانات ..........كان اللى حاطط الامتحان بينتقم

والوقت مش مكفى وقدام امتحان البيو يوم !!!!!!!!!

كأنها حمله للانتقام من كل طلبة الطب فى مصر

بس احنا معندناش مواد كتير زيكم

بس عندنا فى الكليه بيحسسونا انهم متعاطفين (بدون فعل طبعا)

وانا طبعا مش فاهمه اى حاجه فى امتحان العقيده ده

المهم ربنا معاكم ,,,,,,,,,ومعانا كلنا
سيف الدين قطز
02-13-2010, 12:30 PM
هى كلمة واحدة ياجماعه لازم نتفق عليها
حسبنا الله ونعم الوكيل بجد مايرضيش ربنا اللى بيحصل دا ...
دا حاجة استغفر الله العظيم يارب الواحد مش لاقى ليها تعبير يقوله ..
dooody
02-13-2010, 12:32 PM
انا اسفة على تدخلى فى الموضوع
بس هو بصراحة شدنى جدا حسيت انكوا بتتكلموا على جامعتى العزيزة (طب المنصورة)
من غير كلام معروفة الجامعتين العريقتين دول فى حرق دم الطلبة
انا الحمدلله اتخرجت من جامعة المنصورة مش هقول بأقل الخساير بس بأكبر الخساير وهى ان التكليف هيبقى على مستوى مصر فوصل الحال ان بدعى الحق شمال سينا بمجموعى
:CryOutLoud:
اكيد انا شاركت فى مجموعى دة بس كليتى برضة ساعدتى جامد على ا لوصول للنتيجة دى
انا لما قريت كلامكوا افتكرت مواقف كتير حصلت فى ا لكلية
انا مش هبوظ الموضوع واحول الكلام على ا لمنصورة بس هطلع حبة كبت صغيرين واسيبكم تكملوا انتم
وكمان هتعرفوا انكم فى نعيم وانكوا لسة مشوفتوش حاجة برضة وتحسوا انكم فى لوحدكوا وان الله مع
الصابرين
انا مش هقول كلام منا لى كانوا الدكاترة بيقولهولنا عشان متتعبوش نفسيا حرامممممم ولا هحكى على صعوبة الامتحانات انا هقول بس حاجات تعتبر فيتل ميستيك زى ما بيقولولنا فى ا لشفوى


1_ عندنا فى المنصورة كانت الدفعة 1200 ماشاءالله 930 دور تانى اناتومى( ولا تعليق)

2_الفسيلولوجى والبيو كان فيهم دكاترة معروفة بتدى للطالب القلبم يحط لنفسة صفر لو مجاوبش عليهم (الحمدلله انا دخلت لدكتور بيدى الصفر هو من نفسة مكتبتوش بايدى)

3_ابتسم لما تدخل امتحان الرمد اخر السنة وتخرج تلاقى زملاتك بيسألوك حليت اية فى سؤال كذا تكتشف انة مكنش فى ورقتك اساسا وان كان فى نموزجين امتحان لمادة الرمد دور اول اخر السنة ودة ممنوع فى لوائح الجامعات ولما نشتكى نقعد اسبوعين مش مححدين مصير المادة ويقولوا هتعيدوا الامتحان وفى الاخر ادوا الكل درجات سؤالين وخلاص (ولا تعليق)


4_لما يبقى عندك امتحان باطنة وميت بقالك ايام وتخلصة يبقى تانى يوم عندك ام سى كيو فطبعا تضطر

متنمش وتواصل يومين تطبيق عشان الام سى كيو تدخل اللجنة من الساعة 10 الاربع لحد الساعة 2 الظهر الامتحانات مجاش وكل شوية يقوللنا حبة كدة طب انزلوا حبة وارجعوا كمان ساعة

والمفجــــــــــــــــــــــــــــــــــــــــــــ ــاة بعد واحدة ونص يقولنا اتجمعوا وخلاص وهنمتحن يقولنا بس هتمتحنوا امتحان الى المفروض تمتحنوة بعد بكرة مش امتحان انهاردة ههههههههههههه اصل دة ورقة اتصور

يعنى تروح على انك هتمتحن امتحان تمتحن امتحان تانى الله الله (مع العلم ان كل امتحان لسة كتاب لوحدة يتزاكر منة يعنى مش نفس الكلام )

وفى الاخر يقولولك فوت علينا بكرة الامتحان بكرة يا جماعة (ولا تعليق)
اولا واخيرا ربنا معاكم بس هو حبة كبت خرجوا ميعبروش عن نقطة فى بحر الى جوا الواحد والى حصلة
بس بصراحة انا استسلمت من بدرى فى ا لكلية وندمانة على دة والحمدلله على كل شيىء

بس انا كتبة الكلام دة عشان اقولكم بجد متستلموش فى الاخر بتتساوا بكل الكلياتوالى بيحكم المجموع ومبيبصوش انت خريج اية فركز فى مجموعك مهما كانت صعوبة الكلية
lucky doctor
02-13-2010, 01:08 PM
السلام عليكم ورحمة الله وبركاته

اولا انا مش ازهر بس مشكلة الامتحانات دى نفسها

السنه دى كان امتحان الاناتومى بس كويس

اما بقية الامتحانات ..........كان اللى حاطط الامتحان بينتقم

والوقت مش مكفى وقدام امتحان البيو يوم !!!!!!!!!

كأنها حمله للانتقام من كل طلبة الطب فى مصر

بس احنا معندناش مواد كتير زيكم

بس عندنا فى الكليه بيحسسونا انهم متعاطفين (بدون فعل طبعا)

وانا طبعا مش فاهمه اى حاجه فى امتحان العقيده ده

المهم ربنا معاكم ,,,,,,,,,ومعانا كلنا

تمام يا دكتورة بس انتو ان شاء الله تقديراتكم تكون كويسة
انما احنا امتحان صعب جدا وحلينا حل ممتاز وبرده مجبناش تقديرات
الدكتور قايلها والله قبل كدة دي سياسة جامعة
شكرا لمرورك
lucky doctor
02-13-2010, 01:14 PM
أضحكتي في ذروة الهم يا محمد والله
معلش بقى طالما اتفتحت النار فأنا معااك
بقالنا سنين عمالين نقول معلش نحافظ على صورة الكلية نستحمل
لكن اللي بيحصل ده كتير اوي والله
الموضوع يطول والكلام كتير
لكني لن اتكلم سأجعل شواهد الأحداث تتكلم
بما اننا جيبنا سيرة أولى بجد لاازم اشارك بالموضوعين دول كتبتهم في خضم أحداثهم وانا في أولى
وظلا حبيسا منتدى الأزهر ولم اشأ يوما نشرهما في منتدى غيره حفاظا على صورة الكلية !!!
الموضوعين فعلا غاليين عليا اوي

دا موضوع بعنوان

مهزلة جدول الأمتحانات

أخواني أعضاء المنتدى الغاليين كم اشتقت إليكم اتمنى ان تكونوا بخير
عدت إليكم من جديد وبإسم جديد
عدت إليكم لأنفث عن آلامي المبرحه التي ألاقيها وإخواني بطب الأزهر هذا العام
ودونا عن أي عام سبق لإخواننا بهذه الكليه المباركة!!
بسبب القياده الرشيدة لفخامة الاستاذ الدكتور اسماعيل شبايك عميد الكليه
وجلاله الاستاذ الدكتور حمدي امام وكيل الكليه
لن اتكلم سوى عن النكته المضحكة المبكية وهي نكته جدول الامتحانات للفرقة الأولى نظرا لضيق الوقت

الجدول يبدأ من 11/5 وينتهي في 20/6
وإن كان الوقت قصيرا بالنسبه لامنتحانات ومواد الطب
وفي العام الماضي كانت المتحانات شهرين ولكن لا مشكله

يسبق ماده الكيمياء الحيوية حوالي 7 ايام في الجدول
اما الفقه 5 أيام
اما الإنجليزي فحوالي 4 ايام
وهكذا الحاسب
(رائع صح)

هل يصدق احد في الكون انه يسبق التشريح يوم واحد!!!!!؟؟؟!!!
أجل والله قبل التشريح أكبر ماده في المناهج يوم واحد
وهو الفرق بين امتحان تحريري الهيستولوجي وامتحان تحريري التشريح هذا الثلاثاء وذاك الأحد ثم يبدأ العملي والشفوي من الاربعاء مباشرة؟؟؟؟؟!!!!
من يراجع 500 صفحه في يوم
وكيف يوضع الجدول بهذه الطريقه !!؟؟
وللعلم يسبق التشريح للفرقه الثانية 4 ايام ويشتكون مر الاشتكاء
فما بالكم بطلاب الفرقة الأولى والله هذا حرام
في الجدول سلبيات كثيره لكن هذه الابرز
مع العلم ان التشريح اصعب امتحانات الكليه على الإطلاق بسبب رئيس القسم
وان نسبه النجاح من الدور الاول في العام الماضي به لم تتعدى 30%
وهذه فضيحه ان لم تكن كارثه
واعترضنا فكان نصيبنا الاهانه والطرد التي لم يسلم منها اتحاد الطلاب أيضا!!!؟؟؟؟
وكان الرد الذي اعجبني (الجدع يبقى يخش الامتحان!!)
كما نقلها لي احد الزملاء على لسان المسؤلين والعهده على القائل
لن اطيل عليكم نظرا لضيق وقتي ووقتكم وإلى لقاء قريب بإذن الله

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

ودا موضوع لذيذ جدا

والله لأعذّبنكم في الامتحانات!!!؟؟؟؟؟؟؟؟!!!!

إخواني الأحبة أعود إليكم وقد شرفت الامتحانات ان تشد رحالها ولم يعد في الجعبه سوى الحاسب الآليhttp://alazhar.gov.eg/images/emoticons/eusa_pray.gif
بالأمس !!!!!!؟؟؟؟؟
كان امتحان العقيدة (لا اراكم الله مكروها)http://alazhar.gov.eg/images/emoticons/eusa_wall.gif

وبعد ان مرت الامتحانات هادئة نسبيا ولله الحمد
وفي المستوى الجيد في جميع المواد العلمية
فجعنا بالأمس بامتحان العقيدة الذي خرج عن المألوف وتناهى عن كل معروف
وكان أصدق فعل لقول واضعه لنا
(والله لأعذبنكم في الإمتحانات)!!؟؟؟
والله إنها مهزله....... بدأت فصولها مع هذا الدكتور (عافاكم الله) عندما وجد قله من يحضرون له فقال مقولته الشهيرة

هل تعلمون أن الكتاب بأكمله مقرر علينا
ورضينا
مع العلم ان اي كليه اخرى يحدد لها منهج وكل كليات الطب الأخرى أخذت منهج
أما نحن...
سألنا الدكتور فكان رده المقنعhttp://alazhar.gov.eg/images/emoticons/eusa_snooty.gif
((لن أحذف شيئا من عقيدتي!!!!))http://alazhar.gov.eg/images/emoticons/eusa_clap.gif http://alazhar.gov.eg/images/emoticons/eusa_clap.gif
وفي روايه أخرى نقلها لي الزملاء((والله الذي لا اله غيره لن احذف صفحة واحده))http://alazhar.gov.eg/images/emoticons/eusa_hand.gif

وأرى وان كان هذا اجحافا بطالب بالفرقة الاولى بكلية الطب يدرس التشريح(وما ادراك ما التشريح) والفيسيولوجي والهستولوجي والكيمياء الحيوية
لأول مره وبلغه اخرى ان هذا حق الدكتور http://alazhar.gov.eg/images/emoticons/eusa_silenced.gif http://alazhar.gov.eg/images/emoticons/eusa_silenced.gif http://alazhar.gov.eg/images/emoticons/eusa_silenced.gif

لكن...
تخيلوا ان يقول لنا الدكتور الفاضل معلم الأجيال من يحفظ الكتاب سيحصل على مقبول ومن يذاكر المحاضرات مع الكتاب سيحصل على امتياز
وهذه حقيقة لان امتحاناته تخرج في الغالب عن الكتاب لما يزده فى المحاضرات
وكأن المفترض بنا ان نذاكر 360 صفحه +المحاضرات مع العلم ان الوقت الذي يفرقها عن الماده السابقة يوم واحد!!!!!!
وطبعا ليس لنا حق الاعتراضhttp://alazhar.gov.eg/images/emoticons/eusa_pray.gif (مرحبا بكم في كلية طب الازهر الديموقراطيةhttp://alazhar.gov.eg/images/emoticons/eusa_wall.gif http://alazhar.gov.eg/images/emoticons/eusa_wall.gif )

وكان الامتحان...... والله يستحيل ان يضعه شخص عاقل يخشى الله

لن اعلق على الامتحان واترك لك الحكم والتعليق بما ان كتاب العقيدة واحد في معظم الكليات
بل إذا حتى لا تعرف شئ عن العلم ارجو منك قرائة الامتحان

هذه هي ورقة الامتحان

http://i46.tinypic.com/1z2pv5x.jpg


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

وهذي احد التعليقات التي أتتني من أخي الثغر الباسم


"اشتمل هذا الامتحان على اسئلة غريبة فجاء اشبه بامتحان في الفلسفة وليس في العقيدة



ولقدرأيت زملائي يجلسون ينظر بعضهم الى بعض متعجبا من اسئلة الامتحان هذا لاول وهله


وبعد خمس دقائق بدأت الصيحات


منها


قال احدهم "احنا في امتحان فيزياء ولا امتحان عقيدة علشان يقولنا اذكر تجربة بسكال"


الى غيرها من الهتافات

اما الدكتور فببساطة قال وهو خارج "في اي حاجة مش واضحة يا شباب"


بالله عليكم قولو لنا ماذا نفعل؟" أ.هـ.

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

عذرا فعلا والله مش قادر اكتب ومصدوم لابعد الحدود
فأكتفي بهذا ولي عوده إن شاء الله

في حفظ الله
.
.
.
تحياتي







ماشاء الله يا عم محمد دة انت ذاكرتك شغالة والله انا نسيت الحجات دي
اعذرونا يا جماعة دة المصايب اللي في الكلية كتير اوي وعاوزة مذاكرة لوحده
هههههههه انت لسة معاك ورقة العقيدة يا محمد؟؟؟؟؟؟
جزاكم الله خيرا
lucky doctor
02-13-2010, 01:28 PM
انا اسفة على تدخلى فى الموضوع
بس هو بصراحة شدنى جدا حسيت انكوا بتتكلموا على جامعتى العزيزة (طب المنصورة)
من غير كلام معروفة الجامعتين العريقتين دول فى حرق دم الطلبة
انا الحمدلله اتخرجت من جامعة المنصورة مش هقول بأقل الخساير بس بأكبر الخساير وهى ان التكليف هيبقى على مستوى مصر فوصل الحال ان بدعى الحق شمال سينا بمجموعى
:cryoutloud:
اكيد انا شاركت فى مجموعى دة بس كليتى برضة ساعدتى جامد على ا لوصول للنتيجة دى
انا لما قريت كلامكوا افتكرت مواقف كتير حصلت فى ا لكلية
انا مش هبوظ الموضوع واحول الكلام على ا لمنصورة بس هطلع حبة كبت صغيرين واسيبكم تكملوا انتم
وكمان هتعرفوا انكم فى نعيم وانكوا لسة مشوفتوش حاجة برضة وتحسوا انكم فى لوحدكوا وان الله مع
الصابرين
انا مش هقول كلام منا لى كانوا الدكاترة بيقولهولنا عشان متتعبوش نفسيا حرامممممم ولا هحكى على صعوبة الامتحانات انا هقول بس حاجات تعتبر فيتل ميستيك زى ما بيقولولنا فى ا لشفوى


1_ عندنا فى المنصورة كانت الدفعة 1200 ماشاءالله 930 دور تانى اناتومى( ولا تعليق)

2_الفسيلولوجى والبيو كان فيهم دكاترة معروفة بتدى للطالب القلبم يحط لنفسة صفر لو مجاوبش عليهم (الحمدلله انا دخلت لدكتور بيدى الصفر هو من نفسة مكتبتوش بايدى)

3_ابتسم لما تدخل امتحان الرمد اخر السنة وتخرج تلاقى زملاتك بيسألوك حليت اية فى سؤال كذا تكتشف انة مكنش فى ورقتك اساسا وان كان فى نموزجين امتحان لمادة الرمد دور اول اخر السنة ودة ممنوع فى لوائح الجامعات ولما نشتكى نقعد اسبوعين مش مححدين مصير المادة ويقولوا هتعيدوا الامتحان وفى الاخر ادوا الكل درجات سؤالين وخلاص (ولا تعليق)


4_لما يبقى عندك امتحان باطنة وميت بقالك ايام وتخلصة يبقى تانى يوم عندك ام سى كيو فطبعا تضطر

متنمش وتواصل يومين تطبيق عشان الام سى كيو تدخل اللجنة من الساعة 10 الاربع لحد الساعة 2 الظهر الامتحانات مجاش وكل شوية يقوللنا حبة كدة طب انزلوا حبة وارجعوا كمان ساعة

والمفجــــــــــــــــــــــــــــــــــــــــــــ ــاة بعد واحدة ونص يقولنا اتجمعوا وخلاص وهنمتحن يقولنا بس هتمتحنوا امتحان الى المفروض تمتحنوة بعد بكرة مش امتحان انهاردة ههههههههههههه اصل دة ورقة اتصور

يعنى تروح على انك هتمتحن امتحان تمتحن امتحان تانى الله الله (مع العلم ان كل امتحان لسة كتاب لوحدة يتزاكر منة يعنى مش نفس الكلام )

وفى الاخر يقولولك فوت علينا بكرة الامتحان بكرة يا جماعة (ولا تعليق)
اولا واخيرا ربنا معاكم بس هو حبة كبت خرجوا ميعبروش عن نقطة فى بحر الى جوا الواحد والى حصلة
بس بصراحة انا استسلمت من بدرى فى ا لكلية وندمانة على دة والحمدلله على كل شيىء

بس انا كتبة الكلام دة عشان اقولكم بجد متستلموش فى الاخر بتتساوا بكل الكلياتوالى بيحكم المجموع ومبيبصوش انت خريج اية فركز فى مجموعك مهما كانت صعوبة الكلية

جزاكم الله خيرا يا دكتورة على مرورك الكريم
انا عارف يا دكتورة ان المنصورة صعبة زينا والله ويمكن الكليتين دول هما اللي طلبتهم بيصعبوا عليا ومتقلقيش الازهر والمنصورة رفقاء التكليف فعلا ماشاء الله معظمنا بيتفسحوا في الصعيد وسينا
وعجبني تعليق قبل كدة لدكتور بيقول الدكاترة بيقولولنا احنا بنديكم شهادة من دهب الناس بتحترمها وتقدرها بس للاسف حاولت اقنع الراجل بتاع مكتب التكليف ان الشهادة فيها دهب مقتنعش
ما علينا خلينا نحلم بالدهب
makarona
02-13-2010, 02:07 PM
السلام عليكم ورحمة الله وبركاته
ولسه الأتي أعظم فتمسكوا بالصبر
لسه بعد كده في امتحانات الكلينيكال هتشوفوا في الامتحان نفسه حالات أول مرة تشوفوها
يعني الحالات الجديدة دي مش بتظهر غير يوم الامتحان وانت وشطارتك بقى في التأليف
ده مش تخويف بس عشان تستعدوا لما ستلاقونه في المستقبل ان شاء الله

مظــــــــــاليم طـــــــــــب الأزهــــــــــــــر
lucky doctor
02-13-2010, 02:18 PM
السلام عليكم ورحمة الله وبركاته
ولسه الأتي أعظم فتمسكوا بالصبر
لسه بعد كده في امتحانات الكلينيكال هتشوفوا في الامتحان نفسه حالات أول مرة تشوفوها
يعني الحالات الجديدة دي مش بتظهر غير يوم الامتحان وانت وشطارتك بقى في التأليف
ده مش تخويف بس عشان تستعدوا لما ستلاقونه في المستقبل ان شاء الله

مظــــــــــاليم طـــــــــــب الأزهــــــــــــــر
خلاااااااااااااااااااااااااااااااااص يا دكتورة احنا اخدنا مناعة ومعادش الكلام دة بياثر فينا كل يوم بتحصل حاجة زي دي وبقينا عادي خالص معرفش بقة دي لا مبالاة ولا adaptation ولا ايه
جزاكم الله خيرا يا دكتورة على النصيحة الغالية ومرورك الكريم
a.nasser.a
02-13-2010, 03:49 PM
انا مش عارف والله لحد امتى هنفضل ناخد على قفانا لما قفانا سود وبرضه الطلبة ايدك والارض مفيش اى responseللاسف الطلبة بقت زى الدواجن والدكاترة زى الجزارين مفيش كرامة ولا ادمية قلة ادب بكل المقاييس انا زمان كنت احد انصار نظرية مانتكلمش على كليتنا وماننشرش غسيلنا ال .... قدام الناس لكن خلاص جبت اخرى مفيش حاجة نبكى عليها مفيش راجل يعمل خطوة ايجابية والاتحاد تعيش انت كبر عليه اربعا لوفاته بل والله لا تكبر ولاتصلى عليه ولايدفن فى مقابر المسلمين كلية لا تعترف بالطالب ولايسوى عندهم الحبر الى ورقته بتتصحح بيه لا والسنة الى فاتت هنحسن المجاميع تليها سقفة حارة للعميد هنكيف المدرجات تليها سقفة حارة تيجى للجد يقولك اصل دول طلبة جايين من اقاليم وبيتعبوا من التكييف على اساس ان احنا جايين من ورا الجاموسة والله هما بيعاملونا كدة على ان احنا طلبة غلابة ومالناش حقوق غير بتاع القصر ولاعين شمس ربعهم ولاد اساتذة ومعرفش مين ابن محافظ وبن رئيس مجلس الشعب وابن الوزير الفلانى لكن الازهر درجة تالتة وخامسة وعاشرة مفيش ضمير ولا اخلاق وعلى طول الخط هتلاقى انهم بيبصولك نظرة دونية جامعة مدمرة مفيش حتى كافيتريا عدلة من ابسط الحقوق طبعا دة الكليات التانية تسمع والعياذ بالله عن انتخابات اتحاد طلبة ولاننا فى الازهر والديموقراطية كفر فمفيش منه عندنا طبعا لا ولا الدلع بقى رئيس القسم يخش يشطب تلات اربع المادة عشان النظرى ومذكرة ام سى كيو والحمد لله على كدة ونظام بقى الجراحة اربعتاشر سؤال هيجيلكو منها عشرة لكن عندنا مثلا سؤال زى free radicles اقل عيل يفهم ان الكلام دة مايتذاكرش فى الباثولوجى لكن اصبح عندنا الناقص انه يجيلك سؤال اين طبع كتاب الباثولوجى لفضيلة الدكتور ....... الجامعة تسير نحو الهاوية كانت ايام الدكتور احمد عمر هاشم احسن جامعة فى مصر بعد الامريكية والقاهرة دلوقت لقيت انها مش ضمن العشرة الاوائل اصلا (هما اصلا كام جامعة) خلاص الجامعة نسيت التعليم بقى المهم امسك اخوانى امسك سلفى امسك شيوعى هذا هو حال جامعة الازهر العريقة اصبحت اثرا بعد عين ولا اقولك عالمجارى الطافحة فيها ولا الملاعب المكسرة مدرجات السكاشن الى ماتكنستش من ايام مانابليون دخلها بخيوله:CryOutLoud: تروح عشان المحاضرة العامل البيه ماجاش ويفضل الطلبة بالدكتور برة المدرج فى مشهد لا يحدث فى اسوا مدرسة ابتدائى حكومى فى حوارى كفر ابو معزة جداول مايحطاش عيل من الشارع عنده اربع سنين فضلا عن واحد بيقولولنا انه دكتور بس صراحة واضح من الجداول انه مايعرفش الفرق بين التشريح والهستولوجى ودة واضح جدا من الجدول معلش طولت عليكو كل الى فى قلبى طلعته ودة مش حال الازهر بس وان كان حاله هو الاشد سوءا بس دة حال بلد كاملة تغط فى نوم عميق انا حزين بشدة على الحال الى وصلناله كرهونا فى الازهر ودة مخطط له قتلو فينا الانتماء ليه وفعلا البلد دى انا هبيعها فى اول طيارة وبلاش بقى شغل الافلام الهندى ماشربتش من نيلها وجربت اغنيلها والكلام الحمضان دة قدر الله وماشاء فعل بس انا كدة استريحت وفرغت شحنة جوايا فى الكتابة وماحدش يزعل بس عايز ابشركو بايام سودة سووووووووووووودة على دماغنا ودماغ ...... وعمر مالوضع هيبقى احسن فكيفو نفسكو على كدةودى مش اخر الاحزان ولن تكون اخرهاit is just the beginning:patch_rir:(ليه كدة بس ياوديع )
Fisal Mokhtar
02-13-2010, 09:04 PM
جزاك الله خيرا يا د/ محمد صبحي علي الموضوع
بجد الواحد فاض بيه
ولو حبينا نتكلم عن كليتنا المبجلة مش حيكفينا فيها عشر مواضيع
متفق معاكم في كل كلمة بتقولوها
ومعتقدش ان في حاجة حتتعدل وسيبقي الحال كما هو عليه الي ان يشاء الله
وعجبتني كلمة احمد ناصر( وعمر مالوضع هيبقى احسن فكيفو نفسكو على كدةودى مش اخر الاحزان ولن تكون اخرهاit is just the beginning )
وكل يوم من ده
:faces1671:
وان كان عاجبنا
وسمعني سلام " اشوف فيك يوم "
ومتقوليش يا صبحي ان انا نورت الموضوع ............لاني عارف كده من غير ما تقول ( منفوخ بقي...اقول اللي ان عاوزه ) ههههههههههههههههه
lucky doctor
02-14-2010, 05:37 AM
:faces1671:
وان كان عاجبنا
وسمعني سلام " اشوف فيك يوم "
ومتقوليش يا صبحي ان انا نورت الموضوع ههههههههههههههههه
لا يا فيصل باشا متقولش كدة عيب عليك الموضوع منور باصحابه هههههههههه

اقولك شرفتنا يا دكتور فيصل وان شاء الله تكون اخر الاحزان لينا كلنا
prof1
02-17-2010, 03:03 AM
فعلا الأزهر فيه شغل مش حلو بالمره لكن أحب أقولك إنه لك الشرف أنك من طب الأزهر ومش هاتحس بده إلا بعد ما تخلص مع إن الواحد زهقان جدا لكن لازم الواحد يصبر نفسه هانعمل إيه؟؟؟؟؟؟؟؟؟؟؟؟؟؟؟؟؟:5831.imgcache:
صمت القلوب
02-17-2010, 04:07 AM
طيب وعين شمس كيف ؟؟؟؟؟؟؟؟ والله أصعب
صمت القلوب
02-17-2010, 04:09 AM
:5831.imgcache:هيك حالنا في عين شمس :CryOutLoud:
Dr_Hasan_Elmasry
02-17-2010, 03:32 PM
السلام عليكم ورحمة الله وبركاته

والله عندك حق يادكتور محمد صبحي في كل اللي قولتو

بس عايز اقولك احمد ربنا ان بعض الدكاترة في basic ( اولي وتانية) اتغيرو علي الاقل لحقتو سنة كويسة وكان في تقديرات كويسة لحد ما عندكو في سنة تانية ولحقتو الحاج بتاع الاناتومي سنة واحدة كفاية
اما احنا فهو كان محطوط رئيس قسم علشانا احنا بس.

وعجبني اوي موضوع التمويه عندنا وافتكرت شوية حاجات كدة ........ياللا بلاش نغلط في الناس اذكر منها

في سنة اولي

1-طبعا الحاج بتاع التمويه قصدي الاناتومي دخل وقال شوية حاجات غريبة Lymph nodes وكلام فاضي وطبعا مجاش حاجة خالص
2-كان في كتاب عقيدة بتاع الجامعة قام الدكتور احمد الطيب منزل كتاب احترنا دكتور العقيدة قال الامتحان من الكتاب الجديد بتاع الدكتور الطيب المهم جاب الامتحان من الكتاب القديم وطبعا سكتون بوكتون
3-دكتور الفقة جاب اسئلة من برة الكتاب ولما سالناه قال:" انا شرحتها في محاضراتي "شلاها يامحضاتراتو وافتكر سؤال منها ما حكم الزكاة في حلي المراة ,وضح راي الفقهاء؟


في سنة تانية
1-جايب سؤال في السلوكية مش في الكتاب بيقولك ما اثر التدخين علي الفرد والمجتمع؟ ولما سالنا الدكتور حمودة (مع اني بحبه اوي)قال انا قاصد عشان اختبر الناحية الخيالية والفكرية والابتكارية بتاعتكو هو موضوع انشا دة تقدير ومجموع ونيابة وتعيين وتكليف و....


في سنة تالتة

1-قالو في امتحان بارا عملي 22 ابريل بتاع اخر السنة في محاولة يعملو زي كليات العام ونمتحن العملي الاول ونخلص منو المهم قعدنا نراجع اسبوعين في المعمل وبعدين روحنا الامتحان الدفعة كلها في يوم واحد بقدرة قادر الامتحان اتلغي يومها الصبح الساعة 9 بعد ما لمو مننا الموبيلات وشوفنا الويل علي ما خدناها تاني من الزحمة.

2-الميكرو (اعوذبالله) دخل الدكتور المبجل احمد الكفراوي رئيس القسم وقال امتحان الفيرولوجي تجميعات وفي سؤال تجميعات بكتريولوجي وفي سؤال كامل ربع الامتحان حاجة اسمها Nosocomial infection (عدوى المستشفيات) المهم جبنا الورق دة وذاكرناه والوقت كان مزنوق دخلنا الامتحان لقناه عادي ولا اي حاجة من اللي البية قال عليها اة ونسيت قالو هييجي نقطة عن انفلونزا الخنتازير جابو في الامتحان انفلونزا الطيور.... تمويه

3-جدول اخر السنة كان نازل امتحان الباثولوجي التحريري قبلو 3 ايام وبعدو القران بيوم طيب انا هذاكر باثولوجي ولا هراجع قران مش عارف المهم بعد ما قعدت احفظ واذاكر والواحد مكنش بينام افوجئ في امتحان الباثولجي ان امتحان القران اتاجل ل2 -7 يعني ضيعو الباثولوجي وخلاص


في سنة رابعة

1-امتحان الرمد 20% جاب نص الامتحان من المواضيع لسة مخدنهاش وبيقولك انتو شوفتوها في الكلينيكال قال احنا شوفنا Glaucoma ولا Iridocyclitis ولا Blue sclera وحتي لو شفناه تيجلنا في امتحان النظري من غير ما نعرف



مش بقولكو (((تموية هم معرفينش احنا بنعملو اية ))) فيلم صعيدي رايح جاي لما حطو هاني رمزي في صندوق ازاز مضاد للرصاص ولا هو مضاد ولا حاجة وبعدين جة عم عوض كسرو وقالو كدة .........


في حاجة مدايقاني اوي جدول الامتحان عندنا بيبقي صعب اوي ومزنوق واللي بيحطوة ناس متخلفين وبيضيعو تعبنا علي الفاضي انا هاوريكو جداول طب الزقازيق وانت تحكحمو بنفسكو

http://www.alltebfamily.com/vb/t1126.html

وياريت تشوفو تاريخ كتابة الموضوع وتشوفو الجداول بتنزل من امتي
فوووووووقو يابتوع الازهر بتنزلو الجدول قبل الامتحان ب 15 يوم حرااااام
rain_man87
02-25-2010, 05:56 AM
اجمد يا دكتور انت وهو .... انت ف كلية طب ، ومش اى طب ، ده طب الأزهر ... يعنى لازم تتذل عشان تطلع راجل :patch_rir:
وبعدين يعنى ماهى نسبة النجاح عندنا طول عمرها مبتعديش 45 % ، انا بس ملاحظ ان معظم الناس ف الموضوع ده تقريبا ف سنة اولى وتالتة ، ودى اعراض طبيعية جدا للسنتين دول :CryOutLoud:
انا بس عاوز اعرف مين رئيس قسم الأناتومى دلوقتى ؟ على ايامى كان الهادى زهران ... ياترى بقى مين دلوقتى ؟؟؟؟
المهم ربنا يكون فى عوننا كلنا
lucky doctor
02-28-2010, 09:36 PM
انا بس عاوز اعرف مين رئيس قسم الأناتومى دلوقتى ؟ على ايامى كان الهادى زهران ... ياترى بقى مين دلوقتى ؟؟؟؟

للاسف يا دكتور هوة كان الهادي زهران واحنا في سنة اولى
انما اللي مسك دلوقتي راجل زي اللوز
الدكتور وحيد يسري عبد العزيز
ahmed khater10
03-14-2010, 04:30 AM
انما اللي مسك دلوقتي راجل زي اللوز
الدكتور وحيد يسري عبد العزيز


دا كتب الدكتور ده نازله عندنا فى القسم فى ازهر اسيوط كتب شكلها مش لطيف خالص
ربنا يصبرنا عليهم
dr_abdelr7man
03-18-2010, 09:34 AM
انا من غير ما اكمل قراءه الموضوع الحال من بعضه فى طب ازهر دمياط ..

الواحد بجد اتعقد .. نتنيل نذاكر وندخل الامتحان نلاقى اسئله لاتمت للامتحانات بصله ..

واخر الاحداث امتحان البارا العجيب من نوعه . الى لا يمت للبارا بصله تماما

واعلى واحد يجيب واحد وعشرين من تلاتين والباقى صفار وحاجات تكسف ..

ربنا يخربيت الكفره ..

اسف انى اقول طب الازهر محمل بالعاهات من اول اكبر لاصغر راس..

انا بجد بتكسف لما بلاقى حد يقول طب الازهر بلا طب النيله ..

هتعمل ايه لما تتخرج وانت اتطحنت وجبت تقدير زى الزفت وتترمى تشيل تكليف الحدود ..

انا هنقول ايه ولا ايه ..

مش عارف ديه مشكله ازهريه ولا الازهر اصل الى بيمسك هم الازهر يه برضو ..

حسبى الله ونعم الوكيل
heba im
04-01-2010, 09:23 AM
بغض النظر عن كل اللى الدكاترة قالوه انا مازلت بحاول مكرهش الكليه بس بالله عليكم ايه رهيكم فى تكريم اوائل الدفعة طب بنات مفيش حتى شهادة تقدير ولا اى حاجة تدل حتى ان انت جبيت امتياز مش الاول كمان
a.nasser.a
04-01-2010, 12:41 PM
على فكرة يادكتورة السنادى عندنا ماكرموهمش اصلا احمدى ربنا
*محمد نصر*
04-01-2010, 01:32 PM
على فكرة يادكتورة السنادى عندنا ماكرموهمش اصلا احمدى ربنا
ههه
تقريبا ميزانية الاتحاد خلصت من كثر الانشطة والخدمات اللي ربنا يكرمهم بيعملوهنا !!!!!
فمعدش فيه ميزانيه يكرموا الاتنين الأوائل زي كل سنه !!!!!!!!
وبرضو انشغال العميد -بالعامل اللي بيتولى حاليا بناء وتشطيب وتجهيز المستشفى من 22 سنه بمفرده تقريبا-
أنساه يكافئنا بحضور مؤتمر الكلية مجانا
دا حتى عاملينه في شهر مايو علشان يقولولنا والله ما انتوا معتبينه :))))

العزاء الوحيد بل والله الكفاية التامة إن ربنا يكرمنا بنعمة الترتيب وخلاص ومش عاوزين من وشهم حاجة بس ربنا يديم علينا النعمة

وفائق الشكر والله والتقدير لجيل النصر أنه كرمنا وبيكرم الأوائل كل سنه بلفته راائعة
وإن كان في حفله سرية لأسباب أمنيه !!!!

لنا الله !!

في حفظ الله
.
.
.
تحياتي
Dr Zizo
07-16-2010, 04:11 AM
بيقولوا إن الدنيا محدش واخد منها حاجه

ونسيوا يقولوا إن الطب محدش طالع منه بحاجه