المساعد الشخصي الرقمي

مشاهدة النسخة كاملة : الاستفسارات عن قواعد التكليف - خطوة بخطوة


الصفحات : 1 [2] 3

Red Heart
03-07-2011, 01:45 AM
ا تكليفي في البحيره..ايه اخبار النقل اليومين دول و وكيل الوزاره مشى ولا لسه؟
و مين ممكن يساعدني هناك و لو حد نقل يقوللي هو عمل ايه

و شكرا

elsapagh
03-08-2011, 06:31 PM
upppppppppp

shaoshao
03-14-2011, 12:27 PM
السلام عليكم

معلش ياجماعة عندى سؤال
انا كنت اجلت 4 شهور من الامتياز بتاعى
دلوقتى انا لسة هاخلص الامتياز 30/6/2011 ومقدمتش التكليف مع دفعتى (دفعة 2009)
االسؤال بقى انا كده هاقدم امتى للتكليف ؟ وصحيح انا المفروض اقدم للتكليف فى شهر 7 الجاى والا استنى للدفعة الجاية 2012؟
ياريت حد يفيدنى ومنتظرة ردكم
:gzak:

د/ أحـمـد سـليمان
03-15-2011, 10:11 AM
حركة التكليف بتكون كل 6 شهور
يعني حركة في شهر 3 ( اللي هما هيستملوا دلوقتي ) و حركة في شهر 9 ( علشان اللي اتاخروا في البكالورويس او الامتياز )
فحضرتك من حقك تقدم في حركة 9 إن شاء الله .. اللي هي التقديم بتاعها بيبدأ من شهر 7 تقريبا

دزهرةالخريف
03-15-2011, 12:28 PM
لو سمحتم انا كنت عايزة اسأل عن النقابة الفرعية التقديم بيكون ازاي وهل ليها ميعاد معين وانا تكليفي في الاسماعيلية وانا تبع الشرقية يبقي النقابة الفرعية ايه
واحنا لازم نقدم فيها ولا ايه

د/ أحـمـد سـليمان
03-15-2011, 02:45 PM
بتقدمي في النقابة الاقرب لكي .. ملوش علاقة بمكان التكليف
لو وقت التقديم في النقابة الفرعية خلص .. يبقى تقدمي مباشرة في النقابة العامة في القاهرة

دزهرةالخريف
03-15-2011, 04:38 PM
بتقدمي في النقابة الاقرب لكي .. ملوش علاقة بمكان التكليف
لو وقت التقديم في النقابة الفرعية خلص .. يبقى تقدمي مباشرة في النقابة العامة في القاهرة







جزاكم الله خيرا يادكتور

انا قدمت في النقابة في القاهرة وان شاء الله ناخد الكارنيه يوم 25 االمشكلة ان في واحدة زميلتي بتقولي ان الواحد بيقدم في النقابة الرئيسية وكمان في الفرعية وان الاتنين مالهمش علاقة ببعض
عشان كده انا بسأل حضرتك ايه النقابة الفرعية لاني مافهمتش منها
سالت زمايلي بتوع الزقازيق قالو لي احنا دفعنا 200 جنيه فقولت لهم احنا دفعنا 150 فقط فقالو لي احنا اشتركنا في اللاساسية وكمان في الفرعية

د/ أحـمـد سـليمان
03-15-2011, 06:58 PM
لو تقصدي ان زمايلك قدموا ورقهم في الزقازيق بدل ما يروحوا القاهرة .. في الحالة دي النقابة اللي في الزقازيق ( النقابة الفرعية ) بتاخد فلوس اكترشوية من الرسوم .. ده بيبقى مقابل انهم وفروا عليكي المشوار و الاجراءات .. هو ده تفسير الـ 50 جنيه الفرق

الواحد بيقدم في النقابة الرئيسية وكمان في الفرعية وان الاتنين مالهمش علاقة ببعض المعلومة دي مسمعتهاش قبل كده .. و اللي بيحصل فعلا ان كل الخدمات في النقابة بتبقى على اساس الاشتراك في النقابة العامة

دزهرةالخريف
03-15-2011, 11:02 PM
جزاكم الله خيرااااا يا د احمد ونفع الله بكم واثابكم وفقكم للخير حيث كان

يعني انا كده قدمت وخلاص مافيش حاجة تانية
طيب البطاقة العلاجية والحاجات دي تبع ايه
معلش طولت عليكم وتعبتكم

the doctor maha
03-16-2011, 02:31 AM
السلام عليكم...لو سمحتم عايزه اسال هل بعد استلامى التكليف باسبوع استطيع اخد اجازه مرافقه زوج واسافر واشتغل خارج مصر؟ ولا لازم انتظر فى التكليف 6 شهور؟وارجو اللى يعرف معلومه بس تكون موكده يرد عليا :gzak::gzak:

د/ أحـمـد سـليمان
03-16-2011, 08:52 PM
من حقك اجازة مرافقة زوج
و من حقك اجازة وضع
هما دول الاجازتين اللي مسموح بيهم من اول التكليف
- - -
أما الـ 6 شهور دي علشان لو عايزة اجازة بدون مرتب للعمل

shimaa magd
03-19-2011, 03:55 AM
السلام عليكم
كنت عايزه اسال انا تكليفى فى دمياط وعايزه اعمل انتداب لمستشفى صحه فى بورسعيد وانا تككليف مارس 2011
هل ينفع اعمل الانتداب لمستشفى مركزى ولالا
وينفع من اول منستلم ولا لازم بعد مده معينه

د/ أحـمـد سـليمان
03-19-2011, 09:20 AM
تكليف مارس 2011
هل ينفع اعمل الانتداب لمستشفى مركزى ولا

النظام الحالي ان التكليف كله في الوحدات الصحية ( يعني قطاع الرعاية الأساسية ) و ليس في المستشفيات ( اللي هو قطاع الطب العلاجي ) و مينفعش حد ينتدب من هنا لهنا أثناء التكليف ... هما بيقولوا لو خلص سنتين تكليف ممكن ينقل لمستشفى ( و يبقى هناك ممارس عام ) .. بس طبعا ملوش لازمة لأن قبل السنتين دول بنكون احنا قدمنا في النيابات ورحت مستشفى كطبيب مقيم ... يعني من الآخر هما عايزين كل الناس تقضي فترة تكليفها في الوحدات الصحية .. و في حاجة كمان ان مفيش نقل و لا انتداب بين محافظتين الا بعد سنة ... على العموم ربنا يسهل و تطلع قرارات جديدة في صالح اطباء التكليف .. خصوصا ان الوزير الجديد وعد بمجموعة تطورات تخص اطباء التكليف .. و ربنا ييسر الامور

أمنية
03-19-2011, 10:10 PM
معنى كلام حضرتك يا د احمد انه لم يعد هناك تكليف فى مستشفيات مركزية خالص اصل انا عندما قرأت عن اماكن التكليف كان من ضمنها المستشفيات المركزية!!!!!!!!!!!!!!!!!!!!!!!!!!!!! وجزاكم الله كل الخير على هذا المجهود الرائع

shimaa magd
03-20-2011, 12:48 AM
شكرا على الرد يا دكتور احمد
جزاك الله كل خير

قلب اخضر
03-21-2011, 06:19 PM
ازيكم يارب تكونوا بخير
انا هستلم التكليف بتاعى فى اول اربعه
بس معرفش حاجه غير انى هستلم فى ادارة المنتزه,بس فين انا مش عارفة المفروض هسأل عن مكانى ولا انا بختار مكانى الى هروحه فين مش عارفه والله حاسه انى ضايعه وانه افضلى لانى متزوجه
وهحتاج اخذ اجازة وضع ان شاء الله عز وجل من نص اربعة فى ناس بتقولى متروحيش وناس بتقولى استلمى الاول وبعد كده اخد اجازه مش عارفه يارب الاقى حد يساعدنى
وشكررااااااااااا

pure spirit
03-21-2011, 08:33 PM
انا من رأيى تستلمى كدة كدة أجازة الوضع بتتحسب بشهادة ميلاد الطفل فمفيش قلق من ناحية الأجازة
لكن الفكرة فى الأماكن بعد 3 شهور مش ضامنة ايه الوحدات اللى هتكون فاضية او قريبة منك
ومن ناحية السؤال عن المكان لو عارفة حد تكليف قديم فى الادارة دى اسأليه عن أفضل الأماكن وأقربها ليكى
لو مش عارفة روحى الادارة نفسها واسألى عن الوحدات بيبقى عندهم علم بالحاجات دى وانهى افضل وانهى لأ وهكذا وربنا يقدرلك الخير
واتمنى لو حد تكليف قديم يقدر يفيدك بخصوص ادارة المنتزه

قلب اخضر
03-22-2011, 04:58 PM
متشكرة يادكتورة ترانيم على اهتمامك ويارب لو حد عنده معلومه تانيه يفدنى
الف شكر ليكى:G01GreatIdea1:

د/ أحـمـد سـليمان
03-22-2011, 05:40 PM
معنى كلام حضرتك يا د احمد انه لم يعد هناك تكليف فى مستشفيات مركزية خالص
ايوة بالضبط كده .. التكليف مبقاش فيه مستشفيات مركزية



هحتاج اخذ اجازة وضع ان شاء الله عز وجل من نص اربعة
الأفضل انك تستلمي و بعدين تاخدي اجازة وضع
كده الـ 3 شهور دي هتبقى محسوبة من مدة عملك و مرتبك شغال

battot
03-26-2011, 12:32 AM
الحمد لله
بس هم لسه مصرين ان اللي له postلازم يستلم تكليف الاول و لا الكلام ده هيتلغي

koky
03-27-2011, 07:49 PM
هل اجازة مرافقة الزوج تحسب من التكليف ولا بعد ماارجع اكمل الباقى من سنتين التكليف؟

د/ أحـمـد سـليمان
03-27-2011, 09:18 PM
هل اجازة مرافقة الزوج تحسب من التكليف ولا بعد ماارجع اكمل الباقى من سنتين التكليف؟
اجازة مرافقة الزوج مش محسوبة من التكليف .. لأنها اجازة بدون مرتب

و دلوقتي التكليف سنة واحدة ... من حقك بعد ما تخلصي سنة انك تقدمي في النيابات

koky
03-28-2011, 04:05 PM
انا قضيت 6شهور فى التكليف وبعدين عملت اجازة مرافقة الزوج فهل من حقى ادخل نيابات نوفمبر2011؟

د/ أحـمـد سـليمان
03-28-2011, 04:53 PM
انا قضيت 6شهور فى التكليف وبعدين عملت اجازة مرافقة الزوج فهل من حقى ادخل نيابات نوفمبر2011؟
طالما قضيتي 6 شهور بس
يبقى من حقك تقدمي في النيابات الملحة بس ( اما باقي التخصصات بتشترط سنة كاملة )
التخصصات الملحة بيعلن عنها كل مرة .. لكن غالب بيكون من ضمنها .. عناية مركزة - طوارئ - طب اسرة - تحاليل - اشعة - نفسية و عصبية - اورام - تخدير

ده النظام المتبع حتى الآن

قلب اخضر
03-28-2011, 10:58 PM
شكرا يادكتور احمد
بس ياريت تقولى اروح اسأل فى الادارة بعد ما اقدم ورق التكليف واستلم كارنيه النقابة ولا ممكن قبلها
الحاجة التانيه هم طالبين اربع ملفات
بس مش محددين بتوع ايه (فاضيين يعنى ولا بتوع حاجة معينة)
ارجو الافادة
شكرا

د/ أحـمـد سـليمان
03-28-2011, 11:25 PM
اسأل فى الادارة بعد ما اقدم ورق التكليف واستلم كارنيه النقابة ولا ممكن قبلها
لو عايزة تسألي عن الواحدت اللي في الإدارة .. فده هيكون بشكل ودي و الأفضل يكون قبل ما تخلصي إجراءات الإستلام بحيث يبقى قدامك فرصة كافية

م طالبين اربع ملفات
بس مش محددين بتوع ايه (فاضيين يعنى ولا بتوع حاجة معينة)
4 ملفات فاضيين

moonmisr
03-29-2011, 05:36 PM
ممكن اعرف مرتب الطبيب الثانى فى الوحدة الصحيه وبيقبض من بعد كام شهرمن استلام العمل.وهل عليه مسئولية كبيرة؟

د/ أحـمـد سـليمان
03-29-2011, 06:16 PM
ممكن اعرف مرتب الطبيب الثانى فى الوحدة الصحيه وبيقبض من بعد كام شهرمن استلام العمل.وهل عليه مسئولية كبيرة؟
الأجر بتاع الطبيب التاني بيبقى زي الأول ..

المرتب = 270
الحوافز = 250
التقييم = 400

مع ملاحظة ان التقييم ممكن ميكونش ثابت كل شهر .. لأنه مرتبط بشغلنا و الدرجة اللي بناخدها عليه

المرتب بيكون من اول شهر ... الحوافز من تاني شهر ... التقييم ممكن يتأخر عنهم شوية

المسؤلية على الطبيب التاني مش كبيرة .. كشوفات عادي + لو مفيش صيديلي يبقى هو الي بيمسك الصيدلية
اما المسؤلية الادارية بتبقى على الطبيب الاول .. بس نخلي بالنا ان الاول ده لو هيمشي يبقى انا اللي همسك مكانه بعده

moonmisr
03-30-2011, 06:32 PM
معلش سؤال تانى الوحده اللى انا استلمت فيها لسه شغالة من 3 شهور والطبيب الاول بيقولى ان كل الفلوس اللى بياخدها390جنيه بس وان الوحده مفيش تقييم لها وبياخد مرتبه من وحده تانيه هل هو دا كل الفلوس ولا الاداره مبتصرفش للوحدات الجديده حوافز وتقييم. شكرا مقدما

د/ أحـمـد سـليمان
03-30-2011, 07:07 PM
معلش سؤال تانى الوحده اللى انا استلمت فيها لسه شغالة من 3 شهور

والطبيب الاول بيقولى ان كل الفلوس اللى بياخدها390جنيه بس

وان الوحده مفيش تقييم لها وبياخد مرتبه من وحده تانيه هل هو دا كل الفلوس
ولا الاداره مبتصرفش للوحدات الجديده حوافز وتقييم. شكرا مقدما


كده يبقى لسة مفيش تقييم لأن الوحدة جديدة
بس لازم يكون بياخد مرتب و حوافز .. دي ملهاش دعوة بأي حاجة
390 ممكن يبقوا مرتبه بس لو هو اقدم مننا بكام سنة كده
يمكن هو بياخد حوافزه من هناك بردو
.. لأن 390 مش ممكن يبقوا مرتب + حوافز
إلا إذا كان بيتخصم منه لأي سبب ( عليه جزاءات او واخد قرض مثلا )

هو بياخد مرتبة من وحدة تانية ممكن علشان هو منتدب من هناك
او علشان الوحدة دي لسة مفيهاش إداري يعمل المرتبات

moonmisr
03-30-2011, 08:16 PM
جزاك الله خير الجزاء

elesmeralda
04-02-2011, 12:48 AM
جزاكم الله خيرا بجد انتوا افادكم الله :alganna:

ezzaltekrety
04-09-2011, 01:21 PM
انا طبيب تكليف وعاوز افتح عيادة ممارس عام وارخصها بس قالولى فى الإدارة ان حيخصموا منى الحوافز وكده هل دا صحيح؟ ولو فيه اى خصومات بتبقى تحت بند ايه وكام؟؟

د/ أحـمـد سـليمان
04-09-2011, 02:37 PM
لو فتحت عيادة و رخصتها هيبقى مش من حقك تاخد التقييم لأنك مش متفرغ ..
التقييم = حوالي 400 جنيه
الباقي هيبقى مرتب + حوافز = 250+ 270

الافضل انك تشتغل في مستوصف او عيادة بس بدون ما تعمل الاجراءات .. لأنها هتتطلب منك تعب و في نفس الوقت انت مش ضامن تستمر في العيادة دي .. لأن ظروف شغلك الحكومي و مكانه بيختلف من وقت لآخر

Dr.MohamedA
04-11-2011, 06:09 PM
اتعينت في مركز طبي وانا اول طبيب تكليف اروح مش المفروض ابقي طبيب اول ؟
بس المركز فيها مدير مش المفروض كده معلياش اي اداريات ؟؟
و بعدين فيه هناك 2 دكاتره كبار ييجي 50 سنه كده و المركز اساسا كان ماشي من غير تكليف و كانو بيشيلو النبطشيات
سالتهم قالولي الشغل من 8 ل 2 و هنقسم النبطشيات علينا
فدلوقتي ايه الوضع انا كده ايه بالظبط
طبيب اول من غير صلاحيات :)
وايه اللي ليا و اللي عليا

dr seham
04-11-2011, 06:50 PM
لا مش اعتقد انك طبيب اول لان لا معاك ختم تانى ولا معاك صيدليه ولا اى حاجه

Dr.MohamedA
04-11-2011, 07:12 PM
انا لسه بكره هستلم العمل هناك رسمي
الفكره اني رحتها النهارده و شفت الدنيا هناك
بس الفكره ان كل اللي هناك دول مش تكليف دي ناس كبيره
انا اول واحد تكليف هروح ايه موقفي ؟

dr seham
04-11-2011, 08:21 PM
لا هم خلاص كملو حياتهم ف الوحده يعنى المدير هو الطبيب الاول وبيبقى غاليا ملوش علاقه بالحلات وكده وممكن يشيلوك الصيدليه والله مش عارفه بقى بكره مش بعيد

Dr.MohamedA
04-11-2011, 11:49 PM
طيب مش انا من حقي ارفض لان كده هتبقي مسئوليه بايخه
المفروض اني مستني جواب الاخلاء علشان جايلي مستشفيات سجون و مبلغ الاداره بكده و قالولي هنخليلك اول ماييجي الجواب

pure spirit
04-12-2011, 12:32 AM
طيب مش انا من حقي ارفض لان كده هتبقي مسئوليه بايخه
المفروض اني مستني جواب الاخلاء علشان جايلي مستشفيات سجون و مبلغ الاداره بكده و قالولي هنخليلك اول ماييجي الجواب
حضرتك مش هيكون عليك مسئولية ادارية خالص وممكن كمان ترفض النبطشيات لو مش عايز تشاركهم فى التقييم
وده هيسهلك كمان فى الاخلاء لانهم ساعتها مش هيتحججوا بحاجة العمل

Dr.MohamedA
04-12-2011, 01:46 PM
شاكر جدا رد حضرتك
انا رحت النهارده و هما مقتنعين الحمد لله اني موجود بشكل مؤقت و الصيدليه فيها صيادله كمان !!!!
الفكره بس اني هشيل نبطشيات معاهم بالتساوي

د/ أحـمـد سـليمان
04-18-2011, 07:22 PM
سؤال :
هل أجازة رعاية الطفل بتتحسب من التكليف ؟

الإجابة ( نقلا عن دكتورة في أحد المنتديات )
بتتحسب من مده التكليف ومتصدقيش حد يقول غير كده اولا لان اجازه رعايه الطفل بثلث مرتب ولكن انتي مش بتاخدي ثلث المرتب لانه بيتحول تامينات ومعاشات اتوماتيك اما الاجازه بدون مرتب انتي بتدفعي لها تامينات ومعاشات زي مرافقه الزوج وتحسين الدخل ودي طبعا مبتتحسبش من التكليف
وثانيا لاني اخدت رعايه طفل اثناء تكليفي واتحسبلي من مده التكليف

سيسيليا
04-18-2011, 08:30 PM
في اوضاع زي النيابات الملحه مثلا بيشترطوا انك تكوني امضيتي 6 شهور عمل فعلي يعني بيتحسب صافي الايام اللي اشتغلتيها

dr.bahr
04-24-2011, 01:19 AM
معلش يا دكاتره عندي سؤال هو لو واحده جالها التكليف في مكان واستلمت
وبعدها اتجوزت بس في محافظه اخرى عن مكان التكليف
ماذا تفعل؟

مؤمن عز الدين
04-24-2011, 01:46 AM
تروح الوزارة تقدم طلب نقل
و معاها القسيمة و بطاقتها هي و الزوج
و هتتنقل لمكان اقامة الزوج

dr misho
04-24-2011, 04:13 AM
انا محتر والله اشد الحيره....انا اسمي محمد وفي امتياز طب الزقازيق بس للاسف كنت مؤجل جراحة وابنديت الامتياز في شهر 9...ارجو منكم ازا سمحت ان ترسموا لي خارطة طريق..يعني امتي التكليف والنيابه والتسجيل لان مفيش حد يتطرق للناس الماجلين مع الاعتبار ان في جيش في شهر 10......الف شكر

pure spirit
04-24-2011, 11:13 AM
السلام عليكم
ان شاء الله حضرتك هتخلص امتيازك 30/ 8 / 2011
هينزل اعلان التكليف على موقع الوزارة فى اواخر شهر 7 او اول شهر 8 لعام 2011 هتسجل بياناتك وبعدها هتبدأ تسجل رغباتك
ثم تنتظر فترة حتى تظهر النتيجة بحيث يكون استلامك او بالأدق تاريخ تعيينك هيكون 1 / 9 / 2011
والاستلام بيكون فى خلال فترة معينة من ظهور النتيجة

بعد الاستلام هيعدى عليك الحركات التالية للنيابات
نوفمبر 2011 : لايحق لك التقدم فيها
مايو 2012 : تقدر تقدم فى النيابات الملحة
نوفمبر 2012 : تقدر تقدم فى كل التخصصات بشرط مرور عام فعلى فى التكليف يعنى ماتكونش أخدت أجازات بدون مرتب مثلا

التسجيل طبقا للقرار الجديد بعد ماتستلم النيابة وبعد نزول الترشيحات الوزارية هتكتب 3 رغبات ل 3 جامعات والوزارة هترشحك لواحدة معينه تقدر تقدم فيها

ينطبق على حضرتك كل قواعد التكليف والنيابات والماجيستير وهتلاقيهم فى القسم هنا
بالنسبة للجيش عادى خالص بتروح وبيتحسب من فترة تكليفك وكمان تقدر تقدم على النيابات وانت فى الجيش

تطرقنا من قبل للمؤجلين
•● حركة تكليف أطباء سبتمبر 2010 ●• (http://www.alltebfamily.com/vb/showthread.php?t=28081)
بالتوفيق

dr.bahr
04-24-2011, 06:00 PM
شكرا جزاك الله خير

m3sh2003
04-25-2011, 10:19 PM
اصدقائى الاعزاء السلام عيكم ورحمة الله و بركاته
ارجو المساعدة من اهل الخبرة ف الاجابة على هذه الاسئلة


ما هى أقل فترة يجب قضاءها ف التكليف قبل الانتقال للنيابة ؟
وما هى الطرق المتاحة لتجنب التكليف و الدخول مباشرة ف النيابة ؟
و هل البريفت ف الوحدة الصحية اثناء التكليف حرام ام حلال؟
و هل الالتحاق بالزمالة المصرية او العربية يديك الحق ف اختيار التخصص اللى انت عاوزه ولا ايه النظام و ايه هى اهم مميزات و عيوب الزمالة؟


عذرا ع الاطالة و لكم جزيل الشكر والتقدير
:wfk:

:pbuh-allteb

a.adel
04-26-2011, 04:56 PM
اقل فترة فى التكليف رسميا 6 شهور فعليا سنة
الزمالة المصرية لازم تكون نايب علشان تقدم والعربية ملحقة بالمصرية

m3sh2003
04-26-2011, 05:25 PM
شكرا جزيلا دكتور عادل وياريت لو اى حد عنده اضافة يتفضل

pure spirit
04-26-2011, 07:27 PM
وعليكم السلام ورحمة الله
زى ماقال د.عادل
بعد 6 شهور من التكليف تقدر تقدم فى النيابات وعند الاستلام بيكون مر عليك حوالى سنة
لكنك تقدر بعد 6 شهور تعمل اجازة بدون مرتب لأى سبب(تحسين دخل او رعاية والدين) وممكن خلال فترة الاجازة تقدم فى النيابات عادى وترجع على الاستلام
بمعنى مش لازم تكون على رأس العمل

حتى الأن لازم تاخد تكليفك الطريقة الوحيدة ان الوزارة تلغى التكليف نهائيا وده غير متاح حاليا

بخصوص البرايفت فى الوحدات الصحية يرجى مراجعة الموضع التالى للدكتور ياسر برهامى
فتاوى حول عمل الأطباء بالوحدات الصحية (http://www.alltebfamily.com/vb/showthread.php?t=36055)

الزمالة المصرية لازم تكون طبيب مقيم فى التخصص علشان تقدر تقدم فيها
لكن هناك بعض التخصصات تقدر تقدم فيها وانت فى التكليف يتم الاعلان عنها سنويا فى دليل الزمالة المصرية
بالتوفيق

m3sh2003
04-26-2011, 09:12 PM
شكرا جزيلا د. ترانيم و بارك الله فيكى
بس ياترى التقديم ع النيابة بعد 6 شهور مقتصر ع النيابات الملحة فقط ولا ممكن اى نيابة عادى؟
وياترى ايه حكاية الاستقالة دى؟ انا سمعت انه ممكن الواحد يستقيل من وزارة الصحة و يرجع تانى ف خلال سنتين ياترى الحكاية دى مضمونة؟ ياريت لو حد يقدر يوضحلى التفاصيل بارك الله فيكم

pure spirit
04-27-2011, 08:07 PM
بس ياترى التقديم ع النيابة بعد 6 شهور مقتصر ع النيابات الملحة فقط ولا ممكن اى نيابة عادى؟ايوة نيابات ملحة فقط
التخصصات الأخرى مش قبل مرور عام فعلى
وياترى ايه حكاية الاستقالة دى؟ انا سمعت انه ممكن الواحد يستقيل من وزارة الصحة و يرجع تانى ف خلال سنتين ياترى الحكاية دى مضمونة؟ دى احدى الطرق علشان تقدر تسجل بدرى لأنك بتكون طبيب حر لكن علشان تاخد نيابة لازم تقضى المدة الفعلية فى التكليف وده نص القرار

مادة(14):يجوز الغاء التكليف للأطباء الراغبين فى ذلك، كما يجوز اعادة تكليفهم مرةأخرى بعد العرض على لجنة التكليف، وبشرط أن يقدم طلب اعادة التكليف خلالالمدة المقررة للتكليــف طبقـــا لأحكام القانــــون رقــــم 29 لسنة 1974بشأن تكليف الأطباء ومن فى حكمهم.

وحكاية مضمونة دى مانقدرش نُجزم بيها لأن الظروف بتتغير لكن انا شفت حالات عملوا كدة فعلا ونجحت معاهم

gihad
04-28-2011, 04:40 PM
السلام عليكم ورحمة الله وبركاته

عندى استفسار من حضراتكم انا استلمت تكليفى من يومين والدكتور اللى معايا فى الوحدة بيقولى اننا بعد الساعة 2 ظهرا بنكشف برايفت والدخل يكون لينا وان ده قانونى والوزارة سمحت بيه

علشان تخلى الاطباء يقعدوا فى الوحدات وان اللى بيحدد سعر الكشف هو احنا طبعا مع مراعاة ظروف المريض فهل هذا صح ام خطأ

تانى حاجة هو ايراد التذاكر اللى بجنيه المفروض يروح الادارة ولا فين

وهل احنا علينا نبطشيات فى التكليف اصلهم بيقولوا ان النبطشية 24 ساعة وان يوم الجمعة شغل

اخر حاجة هو انا امتى يكون من حقى اخد اجازة بدون مرتب

ارجوكم حد يجاوبنى :gzak:

عذرا لكثرة الاسئلة بس انا مش عارفة اى حاجة

dr_hero85
04-28-2011, 09:38 PM
وعليكم السلام ورحمة الله وبركاته ...

ناس كتير بتقول ان ده قانوني وان البرايفت في التكليف حاجة الكل عارفها ... بس اعتقد ان التذاكر دي المفروض تكون تذاكر اقتصادي اللي هي تقريبا ب 5 جنيه .. وتتورد الادارة والدكتور ياخد نسبة منها بس محدش بيعمل كده ..

ايراد التذاكر بيروح الادارة .. ودي مش مسئوليتكم .. وكل 3 شهور الادارة بتدي الوحدة عموما والدكاترة نسبة من التذاكر ..

لو دكتور واحد .. بيشتغل من السبت للخميس الساعة 12 والجمعة اجازة .. لو اكتر من دكتور المفروض بيقسموا النوبتجيات علشان الشغل كل يوم ..

الاجازات بتبدأ بعد 6 شهور تكليف .. عدا المرضي والوضع ومرافقة الزوج

د/ أحـمـد سـليمان
05-06-2011, 10:45 PM
up up

dr.moony
05-10-2011, 10:05 PM
السلام عليكم ازيكم يا دكاترة
كنت عايزة اسالكم على حاجة ممكن تكون غريبه شويه
انا دلوقتى كل ما اروح اعمل اى حاجه فى الادارة او فى المديريه او حتى التقديم فى اى مكان
يقولولى اكتبى طلب
طيب اكتب ايه بالظبط يقولولى طلب باللى انتى عايزاه
فانا بصراحة مش عارفه ايه اللى اكتبه وايه اللى مكتبوش
بمعنى ادق انا مش عارفه ايه الصيغه اللى بتتكتب الصيغه الرسميه
والمشكله انى حاسه ان انا بس اللى مش عارفه لان كل الناس بتقوم قايلالى الكلمه وفول ستوب
طيب اكتب ايه الصيغه ازاى انا مش عارفه
فياريت لو حد له خبرة فى الموضوع ده يقوللى اكتب ايه بالظبط
انا عارفه انه طلب عبيط شويه بس فعلا انا معنديش اى معلومات عن الكلام ده

pure spirit
05-11-2011, 12:43 AM
وعليكم السلام ورحمة الله وبركاته
فيه جهات معينة بتكون عاملة صيغ للطلبات فى لوحة للاعلانات ودى زى مثلا وزارة الصحة تقدرى تستعينى بيها
جهات أخرى زى الوحدات الصحية غالبا الطلبات فيها لاتتعدى الاذن أو طلب أجازة ودى بتكون عندهم نسخ منهم ممكن تصوريها
اما اللى انتى تقصديهم الادارة أو المديرية الموضوع عادى جدا اكتبى اى صيغة تبين طلبك ونوعه
مثال للادارة :
السيد الدكتور / مدير الادارة الصحية بـ ....
الرجاء التكرم من سيادتكم بالموافقة على .... حيث انى ..... وتذكرى أسبابك لو فيه ولو مفيش خلاص
وفى الآخر بتكتبى
مقدمه لسيادتكم
الاسم:
الوظيفة :
وحدة طب الاسر بـ.....
وهكذا المهم يكون الطلب بخط واضح ومضمونه مفهوم وبأى صيغة
ولو تعذر عليكى الأمر اى موظف فى الجهات دى روحيله وخليه يكتبهولك ومليه انتى اسبابك وهو هيظبطه
الموضوع بسيط
بالتوفيق

dr_smily
05-19-2011, 04:37 PM
بعد اذنكم ...انا ليا استفسار صغير
انا مستلم تكليف بقالي شهرين ....وربنا كرم بعرض شغل كويس جدا برة مصر في مكان كويس ومرتب كويس
هل الواحد يقدر ياخد اجازة من وزارة الصحة ويعرف يسافر ...واذا ما كانش ممكن هل فية بديل الواحد يقدر ياخد بية اجازة ويسافر
افيـــــــــــــــــــــدونا اثابكم الله
:gzak:

د/ أحـمـد سـليمان
05-19-2011, 05:04 PM
للأسف مش هينفع
الاجازة بتكون بعد 6 شهور
ده غير الجيش لو لك جيش
الاجازات اللي من اول التكليف هي استثنائية للبنات ( مرافقة زوج - رعاية طفل )
و معرفش بصراحة حل غير انك تنتظر لما تكمل 6 شهور

dr_smily
05-21-2011, 02:48 AM
السلام عليكم ورحمة الله وبركاتة
العبد لله طبيب تكليف ومستلم التكليف من اول شهر 4
ويشاء العليم القدير ان يتعرض عليا فرصة عمل كويسة بمرتب كويس برة مصر
فهل يا تري هل ممكن اخد اجازة من التكليف ولا لا ؟؟؟؟
وهيبقي ايه موقفي من التكليف والنيابات اللي هتنزل بعد كده ؟؟؟؟
واية رايكم اصلا في موضوع السفر ولا استنا شوية ؟؟؟
اسالة محيرة ارجو من حضراتكم الاهتمام ...ربنا يكرمكم ويجازيكم عننا كل خير ان شاء الله

د/ أحـمـد سـليمان
05-21-2011, 01:59 PM
للأسف مش هينفع
الاجازة بتكون بعد 6 شهور
ده غير الجيش لو لك جيش
الاجازات اللي من اول التكليف هي استثنائية للبنات ( مرافقة زوج - رعاية طفل )
و معرفش بصراحة حل غير انك تنتظر لما تكمل 6 شهور

طبيبة مسلمة
05-21-2011, 06:28 PM
تسجيل متابعة ..

دكتوره براءه
05-21-2011, 09:49 PM
:pbuh-allteb

دكتوره براءه
05-21-2011, 09:57 PM
بعد الصلاه علي سيد المرسلين
نصيحه مني بلاش يا دكتور لان انا سافرت وانا في التكليف وعلي الرغم اني امتحنت امتحانات الهيئه السعوديه ونجحت الحمد لله من اول مره الا انني لم اوفق في الالتحاق بالعمل ولو في المستوصفات وذلك لسبب بسيط وهي جمله(يعمل تحت اشراف مختص لحين انتهاء سنوات الخبره)الموجوده في نهايه ورقه شهاده الهيئه
وياريت ما تستعجلش للسفر لان بعد كده فرصتك هتكون احسن ان شاء الله وربنا معاك

د/رواء احمد
05-22-2011, 12:01 AM
السلام عليكم ورحمة الله وبركاتة
العبد لله طبيب تكليف ومستلم التكليف من اول شهر 4
ويشاء العليم القدير ان يتعرض عليا فرصة عمل كويسة بمرتب كويس برة مصر
فهل يا تري هل ممكن اخد اجازة من التكليف ولا لا ؟؟؟؟
وهيبقي ايه موقفي من التكليف والنيابات اللي هتنزل بعد كده ؟؟؟؟
واية رايكم اصلا في موضوع السفر ولا استنا شوية ؟؟؟
اسالة محيرة ارجو من حضراتكم الاهتمام ...ربنا يكرمكم ويجازيكم عننا كل خير ان شاء الله




انا برده اللى اعرفه انه مش ممكن تاخد اجازه قبل 6 شهور من التكليف

ودلوقتى بصراحه الجى بى لما بيسافر بره بيتبهدل فحاول حضرتك تكمل هنا وتاخد نيابتك ولو عاوز تسافر جى بي

ممكن تاخد طب اسره بيتطلب بره كتير

والله الموفق

drfirefox
05-22-2011, 12:05 AM
وكيلة الوزارة في محافظة كفر الشيخ مطلعة قرار كل الوحدات 24 ساعة
يا تري ده من دماغها
ولا في قرار من الوزارة
و احنا ماشيين بانهي قانون حاليا
و هل ليها الحق انها تطلع قانون زي ده لوحدها

د/رواء احمد
05-22-2011, 12:19 AM
وكيلة الوزارة في محافظة كفر الشيخ مطلعة قرار كل الوحدات 24 ساعة
يا تري ده من دماغها
ولا في قرار من الوزارة
و احنا ماشيين بانهي قانون حاليا
و هل ليها الحق انها تطلع قانون زي ده لوحدها

لا انا اول مره اسمع الكلام ده

ازاى تعمل كده دا اصلا هيخلو الطبيب يشتغل 35 ساعه اسبوعيا فقط

د/ أحـمـد سـليمان
05-22-2011, 12:32 AM
هو النظام اللي ماشي اصلا ان كل الوحدات 24 ساعة
ده المفروض يعني .. و نبطشيات كل يوم و كده
كان في اقتراح في اللايحة اللي كانت بتتناقش قبل الثورة ان الوحدات تبقى مجموعات و واحدة بس هي اللي تشتغل بعد 8 مساءا و الباقيين من 8 ص الى 8 م بس .. و دي كانت الحسنة الوحيدة في اللايحة الغبية دي .. لكن اللايحة كلها اترمت في الزبالة بعد الثورة و بعد تغيير الجبلي ربنا يسامحة لأنها كانت كلها مساوئ علينا و على المرضى
اما موضوع 35 ساعة ده لسة مش مطبق و لما يطبق هيتحط له ضوابط .. يعني ممكن يخلي النبطشيات موجودة بس لها مقابل .. الله اعلم

طبيبة مسلمة
05-22-2011, 05:17 PM
وكيلة الوزارة في محافظة كفر الشيخ مطلعة قرار كل الوحدات 24 ساعة
يا تري ده من دماغها
ولا في قرار من الوزارة
و احنا ماشيين بانهي قانون حاليا
و هل ليها الحق انها تطلع قانون زي ده لوحدها

الكلام دا اتقال عندنا فى البحيرة ..
لكن احنا عملنا نفسنا مش سامعين .. بس محدش اجبرنا لسة .

tamtam55
05-22-2011, 05:31 PM
ارجوا الافاده سريعا اذا كان احد يريد البدل في التكليف من المنيا ويرغب ان يذهب الي اسيوط لان بعد التظلم جالي اسيوط وانا من المنيا

drfirefox
05-22-2011, 06:31 PM
ياريت فعلا يعدلوا القانون المتخلف ده
طيب سؤال تاني
مدير الاداره باعتلي اخلاء طرف من الوحده علما باني الطبيب الاول و فيه طبيب تاني
هل من حقي اني ارفض الاخلاء؟
و هو ممكن يعمل ايه ؟ و اخد حقي ازاي

مؤمن عز الدين
05-22-2011, 06:37 PM
مدير الاداره باعتلي اخلاء طرف من الوحده
عايز ينقلك وحدة تانية ؟
و هل الوحدة دي فاضية ؟
و لا مجرد رخامة ؟

drfirefox
05-22-2011, 07:05 PM
هي الوحده فاضية مؤقتا لان الدكتورة اللي فيها في تدريب
و الدكتورة التانيه اخلالها لانها مسافرة
انا اللي مضايقني انه نقلني انا لان وحدتي قريبة من بيت الطبيب التاني و له واسطه

مؤمن عز الدين
05-22-2011, 07:14 PM
هي الوحده فاضية مؤقتا لان الدكتورة اللي فيها في تدريب
و الدكتورة التانيه اخلالها لانها مسافرة
انا اللي مضايقني انه نقلني انا لان وحدتي قريبة من بيت الطبيب التاني و له واسطه
مممممممم
مفيش فايده .. قدامنا 30 سنة كمان علشان الشعب يبطل وسايط .. للأسف هو كده موقفه قوي .. عنده وحدة فاضية و عايز يشغلها .. المفروض ان الطبيب التاني هو الي يروح .. لأنه استلم بعدك يبقى هو اللي يتنقل .. لكن مش هتعرف تدينه بالنقطة دي لأنها نقطة فرعية مش اساسية و بترجع لتقدير مدير الإدارة .. أنا بقول على الاقل تطلب منه ان يوديك انتداب بدل النقل .. لغاية ما الدكتور اللي في التدريب يرجع و انت ترجع وحدتك .. بيتهيألي هو ده اقرب الحلول .. متزعلش نفسك .. كله محصل بعضه و بيكون فرقها بسيط لأن كل مكان فيه مزايا و عيوب

drfirefox
05-22-2011, 07:26 PM
لعلم حضرتك انا مش زعلان
الوحده الجديدة اللي انا المفروض لروحها قريبة من بيتي عن التانيه بس هي 24 ساعة و حكون لوحدي
يعني اساسا مش حشوف البيت اللي انا قريب منه
بس انا حاسس بظلم فظيع لاني مستلم من شهر و اتنقلت 3 مرات
و عشان مدير اداره و مدير مستشفي يتفقوا عليا عشان يريحوا البيه
فعلا الظلم ده احساس فظيع
ده غير اني مش عايز اسكت لانه كده حيخليني المرمطون في الاداره كل مكان فيه مشكله يوديني فيه لاني الوحيد اللي مليش جيش

د/ أحـمـد سـليمان
05-22-2011, 07:33 PM
يعني اساسا مش حشوف البيت اللي انا قريب منه
لا مش للدرجادي .. 24 ساعة دي كانت اختراع من حاتم الجبلي علشان يبقى كل الوحدات بتستقبل طوارئ ( اللي هي مبتجيش ) .. و بتشتغل بنظام طب الاسرة .. و كل ده علشان الكلام ده جزء من البرنامج الانتخابي للرئيس سنة 2005 .. و علشان كده كنا بنحس انهم عارفين ان طب الاسرة اشتغالة و مع ذلك مصرين عليه .. و ده على كل المستويات ..

على العموم لو عايز اي حاجة كلنا معاك
احنا دلوقتي دخلنا الشهر الـ 14 في التكليف
يعني بقينا خبرة في المرحلة دي
و ربنا يوفقك

د/ أحـمـد سـليمان
05-25-2011, 01:12 PM
للرفع

Dr.MohamedA
05-25-2011, 02:11 PM
اهمهم عندي absent corneal reflex with fixed dilated not reactive pupil
زود عليهم الحاجات العاديه مفيش نبض لا central ولا في الاطراف و مفيش نفس

الجنة رجائى
05-25-2011, 02:17 PM
السلام عليكم ورحمة الله وبركاته كنت عاوزة استفسر عن شويه حاجات ياريت اللى يعرفها يقول لانى مش عاوزة اسال الموظفين لانهم مش بيفيدونى فى حاجة

التشطيب دا ايه اللى مترتب عليه يعنى مش هوا زى الامتياز كدا هيخصموا اليوم وخلاص ولا ايه

تانى حاجة عاوزة اعرف هوا ينفع اغير الوحدة اللى انا فيها يعنى دا حقى ولا لا؟؟؟؟؟ انا غيرتها قبل كدا بس فى محافظة تانية ومدير الادارة كان طيب بس الادارة اللى انا فيها الوقتى مش طيبه اوى؟؟؟؟؟

تالت حاجة العمل بنصف اجر دا لو انا فى مركز طب اسرة وليا تقييم اما اعمله مش هاخد تقييم ولا هاخد؟؟؟؟؟؟

د/ أحـمـد سـليمان
05-25-2011, 03:14 PM
التشطيب دا ايه اللى مترتب عليه يعنى مش هوا زى الامتياز كدا هيخصموا اليوم وخلاص ولا ايه
هيتحقق معاكي علشان ( غياب بدون اذن ) .. لو قدمتي اجازة عارضة و قبلوها يبقى خلاص اليوم ده اجازة عارضة .. لو متقبلتش لأي سبب يبقى هيتخصم لك اليوم ده ( جزاء يعني ) و ده خصم من المرتب + الجزاء نفسه بيتسجل في ملفك .. و بيأثر على التقرير السنوي .. ( احنا محتاجين انه يبقى امتياز كل سنة ) لأنه التقرير السنوي بيترتب عليه التسجيل في الدارسات العليا و الموافقه على اجازة تفرغ اثناء النصف الثاني من الماجستير

تانى حاجة عاوزة اعرف هوا ينفع اغير الوحدة اللى انا فيها يعنى دا حقى ولا لأ
من حقط تقدمي طلب لمدير الادارة و يكون فيه سبب للنقل ( يعني مثلا هتبدلي مع دكتور في وحدة تانية .. او انتم كذا طبيب في الوحدة و عايزة تروحي وحدة تانية علشان فاضية ) .. و هو يوافق او يرفض حسب حاجة العمل عنده

تالت حاجة العمل بنصف اجر دا لو انا فى مركز طب اسرة وليا تقييم اما اعمله مش هاخد تقييم ولا هاخد؟؟؟؟؟؟
تقريبا مش هتاخدي تقييم .. لأن لازم عدد ايام العمل لا تقل عن 22 يوم في الشهر علشان تاخديه

الجنة رجائى
05-25-2011, 06:48 PM
جزاك الله خيرا

طيب الدكاترة البشرى كلهم اتشطب عليهم هل فعلا كدا خلاص مش هينفع اعمل اجازة ؟؟؟

مؤمن عز الدين
05-25-2011, 06:58 PM
لو الطبيب الاول اتشطب عليه يبقى فعلا مش هينفع تعملي اجازة لأنه هو اللي بيمضيهاك

و لو انتي الطبيب الاول يبقى مدير الادارة هو اللي بيمضيهالك

الجنة رجائى
05-25-2011, 09:03 PM
هوا مركز طب اسرة ومديرة المركز واخدة اجازة وكلنا بما فينا الاخصائين اتشطب علينا

جزاكم الله خيرا على الردود

Dr\White Angel
05-26-2011, 06:04 PM
بعد اد اية يكون لطبيب التكليف الحق في الانتداب او النقل للعمل بمستشفي

وهل لو رئيس الادارة هو الي طالب كدا هيتوافق عليها من المدرية بسهولة ولا هيوقفوها

د/ أحـمـد سـليمان
05-26-2011, 06:55 PM
كان في قانون بيسمح بالعمل في مستشفى بعد مرور سنة
و ده كان موجود في دليل التكليف بتاعنا

مادة(8): يتم تكليف الأطباء الجدد فى السنة الأولى للعمل فى مجال الرعاية الصحية الأولية – مراكز الاسعاف - مكاتب الصحة - مراكز الأمومة والطفولة وتنظيم الأسرة وفى السنة الثانية للعمل بالمستشفيات ( المركزية – النوعية – العامة) وذلك بناء على تنسيق داخلى بالمديريات حسب حاجة المديريات والمجموع ورغبات الأطباء.

لكن حاتم الجبلي كان طلع قرار في شهر 6 - 2010 ان التكليف يبقى سنتين في الرعاية الاساسية .. بس مش عارف دلوقتي موقف القرار ده إيه

لو مدير الادارة موافق يبقى هيرفع الطلب لـلرعاية الاساسية في المديرية و هي تحدد .. بس غالب ظني انهم مش هيوافقوا .. خصوصا ان حاجة العمل هي الفيصل .. و دي في اديهم .. يعني ممكن يرفضوا حتى لو القرار القديم هو اللي شغال

بس الموضوع يستاهل المحاولة على الاقل

Dr\White Angel
05-26-2011, 07:20 PM
دا مدير الادارة هو الي طالب

كان بيدور علي اطباء يروحوا الحميات واظاهر ما صدق ان فية حد وافق

وقال تعالوا اكتبوا طلب فورا روحت انا وواحدة زميلتي وكتبناة وقال هيجيب الموافقة من المدرية

وابلغكم

مش عارفة بقي اية الي هيحصل لو هتيجي من مدير العلاجي ممكن يوافق

اما وكيل الوزارة الله اعلم جايلنا واحد سعتة بشعة ومكنش حد عاوزة ربنا يستر

د/ أحـمـد سـليمان
05-26-2011, 07:40 PM
اسألي قبل ما تروحي
الموضوع شكله فيه حاجة

drfirefox
05-26-2011, 08:45 PM
ياريت حد من اخوانا الافاضل يشرحلنا قصة الجزاءات و التقرير السري و علاقتها بالنيابة و الاجازة و التسجيل
مع رجاء و ضع الحل جنب المشكلة :G01GreatIdea1:

د/ أحـمـد سـليمان
05-26-2011, 09:18 PM
بالنسبة للجزاءات
بيتطلب منك بيان بيها و انت جاي تسجل للماجستير
و ممكن يترفض التسجيل بسببها او يتأجل
اي جزاء بتاخده ( و ليكن يوم جزاء مثلا )
بيبقى عبارة عن خصم مادي من مرتبك
بالإضافة إلى جزاء مسجل في ملفك
و هو ده المهم .. الجزاء المسجل في الملف
و ده اللي بياثر على التسجيل بعد كده
الحل
من حقك تقدم تظلم لمحو الجزاء من الملف
يعني يترفع من الملف بتاعك و يكتفوا بالجزاء المادي
تقريبا بعد مرور 6 شهور من تاريخ توقيع الجزاء
و التظلم ده بيكون في المديرية و بيتقبل

بالنسبة للتقارير السرية
في آخر كل سنة بيتعمل عنك تقرير
بيكتبه رئيسك المباشر و ده بالتقديرات
مقبول - جيد - جيد جدا - امتياز
اهمية التقارير
انك بعد ما تمتحن الفرست بتاع الماجستير و تنجح فيه .. من حقك تاخد سنة اجازة تفرغ للدراسة .. لو كانت تقاريرك في آخر سنتين امتياز .. يبقى من حقك تاخد الاجازة دي بمترتب .. اما لو كانت اقل من امتياز يبقى الاجازة هتبقى بدون مرتب

لو انت طبيب اول يبقى تقريرك هيحطه مدير الادارة و الطبيعي انك بتاخده امتياز طالما مش عليك جزاءات كتير ( مش عارف بيقل عن امتياز امتى بالظبط ) و لو انت مش طبيب اول .. يبقى الطبيب الاول هو اللي هيحط لك التقرير و هيعمله لك امتياز بردو

Dr\White Angel
05-26-2011, 09:56 PM
اسألي قبل ما تروحي
الموضوع شكله فيه حاجة

انا كدا قلقت

هيكون فية اية يعني غير انهم عاوزين حد يشتغل

ودا معروف وعادي مش هتفرق انا تقريبا الي شايلة الوحدة

وبقيت مش قادرة استحمل مللها ولا الي فيها

ربنا يسهل اما اشوف هيوافق ولالا

frasha alhya
05-26-2011, 10:45 PM
اللي انا اعرفه انك فعلا ممكن تروح مستشفي وانت في التكليف لان ده اتعرض عليا من مدير الاداره اللي انا فيها
بس ده بيكون انتداب من الوحده(الرعايه الاساسيه)الي مستشفي عام فيها عجز ومحتاجين دكاتره ومش نقل تكليف
بواقع شغل 36 ساعه عمل في الاسبوع واللي يحدد هتشتغل ال36 ساعه دول في المستشفي ازاي هو مدير المستشفي اللي هتروحها حسب احتياج المستشفي ..ممكن يقسمهم شيفتات 12 او 24 او يقسمهم علي العيادات الصبح
طبعا انت رايح المستشفي ممارس عام يعني هتاخد المرتب الاساسي والحوافز 150 %بس لان التقييم بيكون بس في الوحدات والمراكز الطبيه..
بس ممكن مدير المستشفي لو هيعملك زي النايب وهيديك نبطشيات ممكن يطلعلك بدل نبطشيه ؟ ودي حاجه مش مؤكده
علي فكره المديريه هي اللي بتبعت الطلب ده للادرات والطبيب اللي يرغب بيقدم لمدير الاداره وهو بيبعت للمديريه.

frasha alhya
05-26-2011, 10:55 PM
مدام كل الدكاتره متشطب عليهم ممكن مايقبلوش الاجازه لان مش معقول هيدوا اجازات لكل الدكاتره ويسيبوا الوحده من غير دكاتره علي الاقل واحد يكون موجود عشان يشتغل والباقي يعملوا اجازات

د/ أحـمـد سـليمان
05-26-2011, 11:02 PM
مدام كل الدكاتره متشطب عليهم ممكن مايقبلوش الاجازه لان مش معقول هيدوا اجازات لكل الدكاتره ويسيبوا الوحده من غير دكاتره علي الاقل واحد يكون موجود عشان يشتغل والباقي يعملوا اجازات
بالظبط كده
و كمان طالما الطبيب الاول ( المدير ) متشطب عليه يبقى مينفعش حد من الباقيين ينفع يعمل أجازة لأن الطبيب الاول هو اللي بيوافق عليها و يمضيها .. و لازم تتعمل بتاريخ نفس اليوم .. يبقى مضاها ازاي و هو غايب ؟؟

frasha alhya
05-26-2011, 11:18 PM
طيب هو مش ممكن الاجازه العرضه تتقدم بعدها مش لازم في نفس اليوم

مؤمن عز الدين
05-26-2011, 11:53 PM
الاجازة العارضة بتتقدم بعدها
لكن بتاريخ يوم الغياب
و لازم الرئيس المباشر ( المدير )
يكون موافق عليها و ماضيها بتاريخ نفس اليوم
ازاي هيحصل ده و هو كان غايب

pure spirit
05-27-2011, 03:00 PM
هنقسم الموضوع شقين
اولا التشخيص :
DIAGNOSIS OF DEATH
Diagnosis of death is not easy when it is performed immediately after death, specially by a inexperienced person. Rarely, some difficulty can be raised due to suspended animation, excessive doses of sedatives and hypnotics, hypothermia, alcohol intoxication etc. When you are asked to do the death diagnosis, the situation should be handled skillfully. The room where the victim is resting should not be overcrowded. Allow only a few people to be present at the site. There should be proper light, air entry and free from noises and other disturbances.

Inspection: The inspection should be finished in a few seconds without wasting much time. Look at the victim from head to foot and look for any body movements of chest, abdomen, wings of nose etc. Then feel the radial pulse. If it is not felt, go for carotid pulse lateral to the thyroid cartilage (never press both carotids at the same time, feel only one side without much pressing). Then take the stethoscope and auscultate the chest for heart sounds and respiratory sounds. If there is sings of cardiorespiratory failure, give mouth to mouth or mouth to nose respiration along with external cardiac massaging to resuscitate the cardio-respiratory function.

If no response even after the cardiac resuscitation, it is the doctors duty to confirm death of the victim. Once again confirm the cessation of respiration by keeping the stethoscope on chest/larynx for 5 minutes and also cessation of cardiac activity by keeping stethoscope on the precordium for 5 minutes. Feather test can be done to see for any current of air through the nose. Open the eyelids and move the head from side to side. If the eyeball is fixed and moves along with the head, it is a sign of death.

Take a clinical torch and check the eye for pupillary constriction when the light enters the eye. When the body dies, the pupil dilates and the cornea looses its glossy appearance. But this may not be clear immediately after death. And in those who are having eye lesions specially the aged with diabetes, the findings may be confusing. When a person dies, the pallor appear in a few minutes. Look for the capillary filling after blanching the victim's nails. In a dead body, the capillary refilling is not seen.

In case of doubt ECG and EEG monitoring can be done. A flat ECG for 5 minutes is an accepted evidence of death. Absence of EEG waves for five minutes confirms death. However, EEG and ECG are not required to give a death certificate since death diagnosis is possible by clinical examination in majority of cases. However, these tests are having a confirmatory value.

وياريت نشوف الموضوع ده
هو مات ولا في غيبوبة (http://www.alltebfamily.com/vb/showthread.php?t=10928)

ثانيا موقفك كمدير للوحدة الصحة
فى المشاركة القادمة

pure spirit
05-27-2011, 03:23 PM
اسئلة واستفسارات منقولة حول موقفك كمدير للوحدة الصحية

بالنسبه للحالات اللي ممكن تشوفها ممكن تقسمها اللي 4 اصناف
اولا : وفاه طبيعيه مثلا شخصكبير في السن عنده فوق السبعين ودي بعد فحص الجثه والتأكد من عدم وجودكدمات مثلا (ماتطمنش انه كبير وتقول ادفنوا من غير ما تشوفه ممكن يكونولاده او احفاده مموتينه علشان يورثوه حصلت معايا بس ربنا سترها معاياوالخبر وصلني من ناس كنت مقدملهم خدمه قبل كده وقالولي قبل ما اديهمالتصريح ومن ساعتها اتعلمت اني اشوف كل جثه مهما كانت)
ثانيا : وفاه طبيعيه مقلقه واهمهاوفيات الاطفال والشباب والزوجات الصغيرات نسبيادي بقيلازم لازم تشوف الجثه وتتأكد من سبب الوفاهفيالاطفال مثلا ممكن يكون الطفل مضروب او ممكن تكون الوفاه نتيجه نزله شعبيهاو نزله معويه حاده
ثالثا : وفيات مطلوب تحديد وجود شبه جنائيه ام لا فيها وهي مثلالحريق والغرق والصعق الكهربيجميعالحالات السابقه لا تعطي التصريح من نفسك يجب ابلاغ الشرطه وهما يستدعوككما سبق شرحه

1 - حالات الحريق : يحب تحديد نوع الحرق هل هو من الدرجه الاولي او الثانيه اوالثالثهثم تحديداماكن الحرق ثم تحديد نسبته ثم تحديد سبب الوفاه وهو في حاله الحريق بيكوناحد سببين إما تقول الوفاه نتيجه التأثر بالحريق اوتقول الوفاه نتيجةالاختناق من الغازات والعوادم التانجه من الحرق ودي الاكثر شيوعا وبتقولهالو نسبه الحرق مش كبيره وحدثت الوفاه إذاً فالسبب هو الاختناق

2 - حالات الغرق : يحب استبعاد وجود كدمات بالجثه لو الجثه لسه طازه لانه ممكنيكون مقتول وبعد كده مرمي في الترعه مثلا وسبب الوفاه هنا كالاتي (اسفيكسياالاختناق نتيجة الغرق) ماتستغربش وتقول اكتب اسفيكسيا!!!! ايوه اكتبها كل وكلاء النيابه عارفينمعناهااما لوالجثه قديمه اخلع طبعا واكتب لا يمكن الجزم بسبب الوفاه نظرا للتحلل الجزئيللجثه

3 - حالات الصعق الكهربائي :الصعقالكهربائي اما جاف او رطب ..الجاف قديتكرك اثر حرق مكان مدخل الكهرباء للجسم وده لازم اذا وجدته تذكره فيالتقرير وتذكر شكله .. اماالرطب مثل المياه المكهربه فده غالبا لا يترك اثر .. وغالباحالات الصعق انت بتبقي عارف من الهيستوري قبل ما تروح
تنويه : بعض الزملاء ممكن يقولو لي ايه ياعم الهيصه اللي انت عمال تقولها دي الموضوع مش مستاهل
بقولهم اعملو بالمثل اللي بيقول امشي عدليحتار عدوك فيك فعلا ممكن الامور دي تعدي بالساهل لكن ما تنسوش ان لو حدثتمشكله واحده فقط (فالغلطه فيها بـ جون) زي مابيقولوا يعني نيابه وممكنتلاقي نفسك متهم بالتستر علي جريمه قتل والرشوه
ممكن ولا لأ ؟؟؟ ولوحتي كانت النسبهضئيله فالحذر واجب.

وقبل كل ده انت بتعامل ربنا في نقطهحساسه
يعني ماذا تقول لربنا يوم الحساب اذاقالك فلان اللي انت صرحتلهم يدفنوه كان مقتول وانت ضيعت حقه لانك كسلتتشوفه؟ ساعتها حسابك هيبقي عامل ازاي
أسأل الله الرحمه وان يتجاوز عنخطايانا
رابعا : حالات وفاه جنائيه مؤكده : زي طلق ناري – طعن – شنق .. طبعا نتوضع تحت تصرف النيابة و لازم يجيلها الطبيب الشرعي



هنتكلم دلوقتي عن تقارير الوفاه التي تكتبها عندما تكون فيالوحده الصحيه بتاعتك ويجيلك استدعاء من الشرطه لوجود حادثه في القريه الليانت فيها
اولا :استعن بالله
ثانيا :لا تظهر امام الاخرين الخوف او عدم الثقه اوالارتباك خصوصا اذا كانت اول مره ليك
ثالثا :لا تتحرك من مكان عملك الا لما يجيلك استدعاءرسمي من النقطه او المركز وده غالبا بيكون صيغته كالاتي( السيد الطبيب مفتشصحة .................. نرجو من سيادتكم توقيع الكشف الطبي علي المتوفيالي رحمة الله ................ والموجود بـ............. وتحديد وجود شبهجنائيه من عدمه)... وموقععلي هذا الاستدعاء
رابعا :قم بتسجيل خروجك وسببه في دفتر خط سير الاطباء (ماحدش هاينفعك لما يجيلك مرور وانت بره ويلبك جزاء )
خامسا :ممكن تعمل لنفسك بريستيج وتتلطب البوكس يوصلك (طبعا تركب قدام مش ورا) وهما مش هيتأخروا عن تنفيذ طلباتك
سادسا :لاتكشف علي الجثه الا في وجود عامل معك منالوحده وواحد فقط من الاقارب الرجال للمتوفي (يستحسن ان لا يكون شديدالقرابه بالمتوفي)سابعا:قم بفحص الجثه بكاملها من اصابع قدميها حتيرأسها ولاحظ اي علامات غير طبيعيه مثل الجروح بأنواعها والكدمات او وجودعلامات خنق (حز علي الرقبه) او وجود حرق كل هذا طبعا بالنظر ثم افحص بيدككل الجسم للتأكد من عدم وجود اي عظام مكسورهسابعا :كتابة التقرير الطبييكتب مناصل وصوره بالكربون ويختم الاصل بختم النسر بالوحده (يستحسن تكون واخدهمعاك) ويسلم الاصل الي الضابط الذي يقوم بالتوقيع علي الصوره (استلمتالاصل) وتخلي الصوره الموقعه منه معاك

صيغةالتقرير الطبي قد تختلفالصيغ قليلا ولكن الصيغه التي سوف اذكرها تعلمتها من مستشار قريب لي وهيكالآتي

تقرير طبي اولي
حيث تبلغلنا نحن طبيب/..................... اثناء تواجدنا بمقر عملنا بالوحدهالصحيه بقريه ........... اليوم / / في تمام الساعه ..... صباحا/مساء) من (مركز/نقطة) شرطة ............ بوجود حالة وفاة (بمنزلها / بجوار ترعه ....... / بقطعة ارض)وعليهوبالتوجه وتوقيع الكشف الطبىالاوليتبين ان الجثه لذكر في العقد..... من العمر (لاتحدد العمر بالضبط) يرتدي ........................ويوجد جرح قطعي بيسار الجبهة طولهحوالي ... سم ..................الخويرجحان سبب الوفاه هو ............... ولا يوجد شبهة جنائيهظاهرهوالجثهتحت تصرفالنيابهتحريرافي (التاريخ كتابتا) مفتش صحة .................التوقيعثامنا :خلي بالك من الكلمات اللي تحتها خط بالذاتعبارة شبه جنائيه ظاهره لانك غير مسئول مثلا عن تحديد الوفاه بالسم مثلاوكذلك عبارة والجثه تحت تصرف النيابه هو وكيل النيابه حر ياخد بتقريرك عليمسئوليته لعدم وجود ملابسات تدل علي وجود شبهة جنائيه او يحولها للطبيبالشرعي وماتنساش تحوّط حول التقرير بالقلم من جميع النواحي لعدم اضافة شيئاليهتاسعا :بعد ما خلصت زي الشاطر كده خليهم يرجعوك فينفس البوكس اللي جابك مش بعد ما خدوا فايدتهم يسبوك ترجع علي رجلك

ايه الصيغه اللى تتكتب لو الوفاه مفيهاش أىشك وكمان مكنش فيه مرض معين يعنى أجله لحد كده وهل كل حاله بيجيلى استدعاءرسمى من مركز الشرطه حتى لو مفيش أى شك فيها أصل ده محصلش فى الحالهالوحيده اللى شفتها لحد دلوقت
لا طبعا مش كل حالات الوفاه بتتبلغ من قسم الشرطه..بل العكس تماما..اغلبحالات الوفاه الطبيعيه بيبلغ بيها اقارب المتوفي..ويجب انه يكون المبلغ هوقريب من الدرجه الاولي او الثانيه..
هحكي لحضرتك تسلسل الاحداث (في الغالب) وكنت بعمل ايه..والله اعلم..
بيجي قريب المتوفي..يبلغ حضرتك ان عنده حاله وفاه ومحتاجين من حضرتك تصريحبالدفن..فأنتي بتعزيهم طبعا وبتعرفي مين بالظبط اللي هيكون المبلغ بحالهالوفاه ف الاوراق الرسميه..لان غالبا بيكون جايلك ف الوحده اكتر منشخص..تشوفي اقربهم للمتوفي وتاخدي منه بطاقته وبطاقه المتوفي..او شهادهميلاده والبطاقه الصحيه لو كان طفل..وتسيبي البطايق دي في الوحده..وتشوفيحد من الموظفين يروح معاكي ويفضل يكون شخص ثقه ويكون مش صغير في السن ويفضلانه يكون يعرف اهل المتوفي..
بتروحي حضرتك لبيتهموتدخلي تشوفي الحاله كويس جدا جدا جدا..ولو كان بيشكيمن امراض مزمنه وبياخد علاج يبقي تشوفي الروشتات وتواريخها والاسم المكتوبعليها وتشوفي العلاج المكتوب يمشي مع المرض اللي كان بيشكي منه زي ما اهلههيقولولك ولا لا..

في اللحظه دي..رد فعلك هينقسم ل 3 احتمالات....

اول احتمال..ان الوفاه طبيعيه تماما ومش شايفه اي شبهه جنائيه من اينوع..واخدتي قرارك انك هتمضي علي تصريح الدفن وشهاده الوفاه..وفي الاحتمالده بيكون مفيش اي مشاكل وبترجعي الوحده تاني وبتمضي عادي..
تاني احتمال..ان الوفاه غير طبيعيه ومتأكده ان فيه شبهه جنائيه..واخدتيقرارك بينك وبين نفسك انك مستحيل تمضي علي اي حاجه..وهنا بقي لازم تتصرفيبحكمه ..اولا وانتي بتكشفي ولقيتي اثار جروح او خنق او ماشابه..متحاوليشتقفي عندها كتير واعملي نفسك انك مش واخده بالك..ومتظهريش انك لقيتيكارثه..بل بالعكس..اسألي عليها بطريقه عاديه جدا واي اجابه هيقولهالك اعملينفسك انك مقتنعه تماما ومصدقاهم مليون في الميه..وبعد كده قوليلهم انكهتمضي علي تصريح الدفن وعايزه اللي هيخلص الورق يروح معاكي الوحده عشاندفتر الورق هناك وكمان البطايق هنااااااك..واول ما توصلي الوحده وتطمنيكويس جدا ابدئي في اجراءات الابلاغ بالاشتباه..اتصلي اولا بمدير الادارهبلغيه..واحيانا ممكن تتصلي بالشرطه..

ثالث احتمال..ان الوفاه غير محدده السبب..يعني مش قادره تحكميبالظبط..والافضل هنا انك متمضيش وتتعاملي معاها بنفس الطريقه السابقه ولكنمتتصليش بالشرطه وخلي مدير الاداره يبعت حد يشوفها..


......ملحوظه مهمه..متاخديش معاكي اي ورق ولا متكتبيش تصريح الدفن في منزلالمتوفي..استني لغايه لما ترجعي الوحده وتكوني مطمنه كويس واتصرفي كما يحلولك..
بالنسبه للحالات اللي بتيجي عن طريق الشرطه او النيابه..دي بتكون حالاتقليله..وحسب هدوء البلد وخلوها من المشاكل من عدمه..
وفي الحالات دي يبقي لازم تكشفي علي الحاله في مكان وقوع الحادثه..يعني لوغريق مثلا يبقي حضرتك تكشفي عليه في المكان اللي خرجوه من الميه عليهمباشره..في الشارع يعني..الا لو النيابه هيه اللي قررت ان الجثه تتحرك منمكانها..وكذلك كل الحوادث..

ممنووووع ان حضرتك تروحي تشوفي اي حاله وفاه نتيجه اي حادثه الا بأذن منالنيابه..يعني لو حد من اهل البلد جه قالك فيه واحد قريبي غرق وعايزينكتكشفي عليه..متتحركيش من مكانك خالص الا لما تجيلك اشاره من الشرطه..
كل اللي كتبته ده نتيجه تجربه شخصيه مريره مع مايقرب من 500 حالهوفاه..وكانوا متنوعين بصراحه..وربنا وحده هو اللي بيستر..

انا نزلت مره واحده بس في حالة وفاة ......واول ماشيلت الملايهالبيضاء ....ارتبكت وكنت هقع من طولى ......واى حاله وفاه بجيب حد كبيروبثق فى من الوحده ....واساله تعرف الناس دى كويسين تضمنهم ......واتكل على الله واقولهم ادفنو .........بس مش بديهم لا تصريح بالدفن ولا شهاده قبلاسبوع ......علشان لو بلاغ او شكوى ابقى مش مسئوله ........وربنا يستر

طبعا الصح انك تعايني بنفسك و على اساس المعاينة هتطلعي او متطلعيش تصريح الدفن .. و انتي ممكن تأخريه التقرير والتصريح بشكل ودي في الحالات العاديه
لكن هاتعملي ايه لما يجيليك استدعاء من الشرطه لمعاينه جثه مثلا

و ياريت بلاش مسألة الـ ( ودي ) لأن الوفاة مفيهاش هزار و محدش هيسكت لو فيها شك واحد في المية و هيبقى الدفن تم بدون تصريح .. و ساعتها انتي هتنكري و تقولي انك محدش جالك ... بس هما اكيد هيحققوا معاكي .. يبقى لازمته ايه من الاول


يعني الواحد ما يعملش شهادة وفاه لحد شاكك فيه الا بعد شهر علشان يبقي مطمن ولا ايه؟؟؟؟؟؟؟ وهل اهله حيصبروا ويسكتوا

اولا..خطر جدا لو حضرتك أخرت بلاغ الوفاه (شهادهالوفاه) لمده اكتر من اسبوع..لان شهاده الوفاه بتتبلغ بيها الاداره ثمالمديريه ثم الوزاره اسبوعيا...واي حاله تتأخر اكتر من اسبوع بيكون اسمهساقط قيد وفاه..وده عايز لفه جامده علي اهل المتوفي عشان يطلعوه ده غير انياسمع انه مكلف شويه..

فلو حضرتك اصريت تأخر شهاده الوفاه وحد اشتكاك من اهل المتوفي هتبقي مشكلهجامده عليك..ده غير ان لها ابعاد تانيه..لان ممكن لما حضرتك تأخر شهادهالوفاه حد من اهل المتوفي يسحب فلوس المتوفي من البنك(خلي بالك ان البنك لميتم اخطاره بالوفاه لان حضرتك مطلعتش الشهاده)وبالتالي اي توكيل مثلاهيبقي ساري..كمان لو كان المتوفي موظف حكومه هتبقي فيه مشكله تانيه فيالتأخير انه بيطلعله مرتب او انه بيتاخد غياب وممكن يترفد ومياخدشمعاش......حاجات كتير جدا مترتبه علي موضوع التاخير ده..مش حاجه سهلهيعني..وكمان فيه ما هو اصعب ولكنه قليل جدا..ان يكون المتوفي مثلا مراتهحامل وولدت ف الفتره اللي حضرتك أخرت فيها شهاده الوفاه..يعني حسبه برمهوشك وخناقات علي الميراث...

ده لا يمنع ان احيانا الواحد بيأخر شهادات الوفاه لكن عن نفسي مكنتش بأخرهااكتر من اسبوع..الموضوع ده مفيهوش هزار........
والله اعلم..

هو مش ممكن اتصل وقتها بالاداره وهما يبعتو حد من عندهم مكانى .....متهيالىكانو قالولنا كده مره فى اجتماع .... و هل ينفع اقولهم ادفنوا كده من تصريح ولاشهاده وبعدين ابقى أعملهلهم براحتى


لو البلد هاديه وانت ضامن الناس خلاص ...والحاله كبيره سنا ...يعنى انا شوف بطاقته الشخصيه الاول والسن وورقه و احدث اشعهوتحاليل عملها .....واحتفظ بيهم او روشته ليه فيها حاجه تثبت انه بيتعالجمن حاجه مزمنه او مرض كبير ......حسيت ان الموضوع امان خلاص قوله ادفن .......انا عارفه انه غلط طبعا والحاله الوحيده الى كانت صغيره دى رميتهاعلى الطبيب التانى يومها .....ربنا يستر بقى

ارجو الافاده :
يا جماعه مش موضوع شهاده الوفاه و تصريح الدفن دا ......شغل مكتب الصحه مششغلالوحده الصحيه او طب الاسره .؟؟؟؟؟؟؟؟؟؟؟؟؟؟؟؟

هو فعلا شغل مكتب الصحه...لكن فيه وحدات كتير جدا ومنها وحدات طب الاسرهبيكون من مهامها القيام باعمال مكتب الصحه..يعني بتكون وحده ومكتب صحه معبعض وبتكون مسئول عن تسجيل المواليد والوفيات..لكن مش كل الوحدات كده..

انا كنت فاكر انها تعتبر جريمه ان الدفن يتم بدون تصريح دفن . هو الكلام دهصح ولا ايه ؟؟؟؟؟؟؟؟؟

هي فعلا جريمه وبتتعمل قضيه وبتكون مشكله بجد..لكن فيه ناس بتعدي منها..

لكن في القري الناس بتثق ف بعض شويه فممكن بتليفون منك للراجل اللي بيدفنتبلغه فيه انه يدفن هتلاقي الامور ماشيه عادي وفيه ناس لازم تشوف تصريحالدفن ممضي ومختوم..كل حاجه علي حسب المكان اللي انت فيه..والله اعلم..

توثيق المواليد والوفيات مسؤلية مدير الوحدة ولامسؤلية اللي بيطلع حالة الوفاة
المواليد اي حد يوثقها
لكن الوفيات .. اللي طلع الحالة هو اللي يمضي عليها
اللي طلع شاف الحاله بس .. لانه هو المسؤول قانونا عنها


وكثير من المواقف اللى هتقابلك فى التكليف هتلاقى الاجابة عنها فى الموضوع ده فى المشاركات الأولى فى الموضوع
الاستفسارات عن التكليف خطوة بخطوة (http://www.alltebfamily.com/vb/showthread.php?t=23242)

drfirefox
05-27-2011, 07:28 PM
بالنسبة للجزاءات
بيتطلب منك بيان بيها و انت جاي تسجل للماجستير
و ممكن يترفض التسجيل بسببها او يتأجل
اي جزاء بتاخده ( و ليكن يوم جزاء مثلا )
بيبقى عبارة عن خصم مادي من مرتبك
بالإضافة إلى جزاء مسجل في ملفك
و هو ده المهم .. الجزاء المسجل في الملف
و ده اللي بياثر على التسجيل بعد كده
الحل
من حقك تقدم تظلم لمحو الجزاء من الملف
يعني يترفع من الملف بتاعك و يكتفوا بالجزاء المادي
تقريبا بعد مرور 6 شهور من تاريخ توقيع الجزاء
و التظلم ده بيكون في المديرية و بيتقبل

بالنسبة للتقارير السرية
في آخر كل سنة بيتعمل عنك تقرير
بيكتبه رئيسك المباشر و ده بالتقديرات
مقبول - جيد - جيد جدا - امتياز
اهمية التقارير
انك بعد ما تمتحن الفرست بتاع الماجستير و تنجح فيه .. من حقك تاخد سنة اجازة تفرغ للدراسة .. لو كانت تقاريرك في آخر سنتين امتياز .. يبقى من حقك تاخد الاجازة دي بمترتب .. اما لو كانت اقل من امتياز يبقى الاجازة هتبقى بدون مرتب

لو انت طبيب اول يبقى تقريرك هيحطه مدير الادارة و الطبيعي انك بتاخده امتياز طالما مش عليك جزاءات كتير ( مش عارف بيقل عن امتياز امتى بالظبط ) و لو انت مش طبيب اول .. يبقى الطبيب الاول هو اللي هيحط لك التقرير و هيعمله لك امتياز بردو

اييييييييييييييه الذل ده
و الله حرام
يعني عشان غبت يوم ماجيستيري يتأجل
و ايه علاقة الاداريات دي بالعلم و التسجيل
و كمان مدير الاداره هو اللي يعمل التقرير يعني ماسكك من رقبتك
ربنا يهدي

مؤمن عز الدين
05-27-2011, 08:33 PM
متزعلش نفسك يا دكتور
خد الامور ببساطة
و كل ده بنطالب انه يتصلح
و مش هيستمر ان شاء الله

الجنة رجائى
05-29-2011, 09:31 PM
معلش اسئلتى كتير بس للاسف عالم الوحدة دا مش فاهمه فيه حاجة

انا استلمت فى مركز طب اسرة من حوالى 17 يوم وما غبتش وشيلت فى النبطشيات عادى مع انى ماكانش ليا تقيم فى الشهر دا والاطباء اللى هناك ما كانش حد فيهم بينزل اكتر من يومين فى الاسبوع فطلبت منهم عمل جدول قالوا لى احنا ماشين كدا وقت ما تحبى تغيبى غيبى

فالحيت عليهم فى عمل جدول والجدول دا وضعناه امبارح جيت انهاردة عرفت ان جه مرور واتشطب عليا انا ودكتور تانى بس والباقى تقريبا اتصلوا بيه ينزل ومديرة المركز كانت مكلمانى الصبح عادى وماقالتش

ولسه برضو متشطب عليا الاسبوع اللى فات رغم ان المركز كله كان يعرف ان فى مرور جاى بس محدش قالى حاجة


الحل الوقتى ايه انزل كل يوم ولو نزلت كل يوم هحس انى مظلومة لان محدش هناك بينزل اكتر من يومين وبيجوا على الساعه 10 ونص ولا 11

طيب انا عاوزة احسسهم انى مش ساذجة ولا ضعيفه هل انزل واخد الدفتر واللى ميجيش اشطب عليه ولا كدا حرام عليا هما كانوا ممكن يعملوا لى اجازة اواذن بس محدش حط الموضوع فى دماغه

موضوع الدفتر دا من حقى ولا لا؟؟؟؟؟؟ ولو فى حل تانى ممكن حد يعرفنى ؟؟

د/ أحـمـد سـليمان
05-29-2011, 10:31 PM
اول حاجة .. الايام اللي اتشطب عليكي فيها هتعملي بيها عارضة علشان لما يطلبوكي للتحقيق تقدمي العارضة و يبقى كده خلاص هيتحسب من الايام دي من رصيد العارضة و مش هتاخدي جزاء .. ( مع ملاحظة انك في اول 6 شهور من التعيين بيكون لكي 3 ايام عارضة بس و مفيش اعتيادي )

تاني حاجة
التقسيم بينكم لازم يكون محدد بالايام .. علشان تبقى عارفة هتروحي امتي و اليوم اللي مش هتروحي فيه يكون في حد هناك .. و ده لازم يكون بمعرفة الكل علشان لو جه تفتيش ملقاش حد من الدكاترة هيشطب على الكل .. اما لو حد من الدكاترة موجود ممكن يتصرف في الباقي و في نفس الوقت هيكون الشغل مش متعطل ..

تالت حاجة
الايام اللي هتغيبي فيها .. لازم تبقى عارفة هما هيتصرفوا ازاي ؟ .. لأن كده واضح انك بتغيبي على مسؤليتك .. يعني محدش بيحميكي .. يعني ههل هيمضولك و يعملوا خط سير .. و لا هيسيبوا الامضة فاضية ؟ .. لو عملوا خط سير يبقى موقفك سليم . اما لو سابوها فاضية يبقى التفتيش اللي هيجي هيشطب عليكي .. و الاسوأ من كده لو مضولك و معملوش خط سير .. لو تفتيش جه هياخدك ترك عمل ( 3 ايام جزاء ) .. فإنتي لازم تشوفي وضعهم إيه و خصوصا المديرة لأن هي اللي بتتحكم في كل ده .. لأن لو حسيتي انهم بيقولوك غيبي براحتك لكن ساعة الجد محدش بيحميكي .. يبقى الافضل انك تروحي كل يوم علشان تحافظي على نفسك من التشطيبات و الجزاءات لأنها بتفرق بعد كده في التسجيل في الماجستير و حاجات تانية .. يعني الموضوع مهم.

آخر حاجة
بالنسبة للدفتر .. المديرة هي اللي من حقها تشطب او تمسك الدفتر .. اما غير كده محدش من سلطته التحكم في الدفتر

الخلاصة
لو هما متعاونين و هيساعدوكي و هتبقوا متساويين و لو غبتي هيحموكي .. يبقى خلاص قسمي معاهم

اما لو هما مظبطين مع بعض و انتي خارج حساباتهم و محدش حريص عليكي .. يبقى احمي نفسك و التزمي

الجنة رجائى
05-30-2011, 12:09 AM
احنا كنا عملنا جدول ودا كان اول يوم فى الجدول وهناك اصلا مفيش حد ملتزم اطلاقا والكاتب بيزور شهادات وبيفتخر بكدا


وهما هناك مظبطين نفسهم فعلا لانهم مع بعض من زمان والدكاترة بقالهم كتير تكليف
وعموما يا دكتور يعنى مفيش حل الا انى انزل كل يوم ؟؟؟
ولو عاوزة اقدم شكوى فى حد زى مدير المخزن مثلا اللى مبيجيش خالص الا يوم القبض والمركز مفيهاش اى خافض لسان ولا جوانتيات اقدمها فين؟؟؟؟ ولا اسكت وخلاص وهوا دا العادى فى كل الاماكن؟؟؟؟؟

مؤمن عز الدين
05-30-2011, 12:55 AM
ولو عاوزة اقدم شكوى فى حد زى مدير المخزن مثلا اللى مبيجيش خالص الا يوم القبض والمركز مفيهاش اى خافض لسان ولا جوانتيات اقدمها فين؟؟؟؟ ولا اسكت وخلاص وهوا دا العادى فى كل الاماكن؟؟؟؟؟
انت تعاملك مع المديرة و هي تطلب منه او تحاسبه .. انما ملكيش دعوة بيه .. علشان متحطيش نفسك في مضايقات ملهاش داعي .. اي حاجة عايزها من اي موظف .. خلي المديرة هي اللي تطلبها منه و متعرضيش نفسك للموظفين في اي مشكلة .. دي نصيحة مهمة .. حتى لو كانت المديرة سلبية او مش متعاونة .. بلاش تحتكي بيهم طالما هما مش مظبوطين

الجنة رجائى
05-30-2011, 04:08 PM
جزاكم الله خيرا

Dr.VanTroy
05-31-2011, 05:37 AM
السلام عليكم ورحمة الله وبركاته

انا تكليفى فى مستشفى تكامل .. مقسمين الايام مع بعض

المهم فى مرور من لمديرية جه وشطب على احد الموجودين فى النبطشية ( جه الساعة 4 عصرا )

فهل التشطيب دا يمنع التقييم بتاع الشهر دا عن الموجودين بالمستشفى جميعا

الكلام دا اللى قاله كاتب المستشفى - انا مش مقتنع بيه نهائيا - فقلت اسأل قبل ما اسن اسنانى

والتشطيب فى النبطشيةايه اللى بيحصل فيه؟

د/ أحـمـد سـليمان
05-31-2011, 08:22 AM
لا ميمنعش عن الكل
هو بس اللي هيتحقق معاه

Dr.VanTroy
05-31-2011, 04:41 PM
لا ميمنعش عن الكل
هو بس اللي هيتحقق معاه

طيب والتحقيق دا اخره ايه وهل يوم تشطيب فى النبطشية يشيل معاه تقييم الشهر

مؤمن عز الدين
05-31-2011, 04:56 PM
هياخد جزاء .. تقريبا يوم واحد جزاء
و لو خد خلال الشهر أكتر من يوم جزاء .. بيتخم من نص الحوافز .. بس مش عارف له علاقة بالتقييم و لا لأ .. لأن التقييم بيكون للوحدة كلها .. مش كل شخص لوحده .. يعني الوحدة خدت مثلا 80 % يبقى كل اللي له تقييم هياخده .. لو خدت اقل من 75 % يبقى هياخدول نص التقييم ( كل الوحدة ) و لو الوحدة خدت اقل من 60 % في التقييم .. يبقى هيتخصم كله التقييم للوحدة كلها .. إنما ده مش متعلق بتشطيب يوم او غياب نبطشية .. الوحدة بيجيلها مشرف يقيمها كل اول شهر و بناء على الدرجة بتاعته بيتعمل مبلغ التقييم

drfirefox
05-31-2011, 07:49 PM
معلش يا دكاتره حتقل عليكم
بالنسبة للفلوس في التكليف غير المرتب و الحوافز في حاجه تانيه
سمعت ناس بتتكلم عن الحصيلة و الصندوق و التأمين بس انا لسه رايح مش عارف ليا في الكلام ده و لا ايه
و امتي يبقي ليا
ولو بتنقل من وحده لوحده هل يبقي ليا فلوس في مين فيهم
و جزاكم الله خير

Dr.VanTroy
06-01-2011, 08:46 AM
هياخد جزاء .. تقريبا يوم واحد جزاء
و لو خد خلال الشهر أكتر من يوم جزاء .. بيتخم من نص الحوافز .. بس مش عارف له علاقة بالتقييم و لا لأ .. لأن التقييم بيكون للوحدة كلها .. مش كل شخص لوحده .. يعني الوحدة خدت مثلا 80 % يبقى كل اللي له تقييم هياخده .. لو خدت اقل من 75 % يبقى هياخدول نص التقييم ( كل الوحدة ) و لو الوحدة خدت اقل من 60 % في التقييم .. يبقى هيتخصم كله التقييم للوحدة كلها .. إنما ده مش متعلق بتشطيب يوم او غياب نبطشية .. الوحدة بيجيلها مشرف يقيمها كل اول شهر و بناء على الدرجة بتاعته بيتعمل مبلغ التقييم
متشكر جدا د.مؤمن على التوضيح ....

dr_hanoty
06-03-2011, 12:20 PM
السلام عليكم
اهم حاجة يبقي معاك تورش او كشاف قوى ومراية صغيرة وسماعة
التورش عشان انعكاس الحدقة واحتمال كبير تبقيconstictedبس المهم مش reactive
والسماعة للقلب والتنفس
والمراية قدام انف المتوفي حوالي عشر ثواني عشان لو ف نفس
واحساس النبض ف الwrist&carotid
دا عشان تتاكد ان الانسان متوفي مش غيبوبة يعني تتاكد من الوفاة ايا كان السبب
و برده لو لقيته بارد وتبص ع flanksتلاقي فيها stagnant bloodكانه لون نبيتي غامق او بنفسجي
كل ده ياكدلك ان المتوفي ميت وليس ف غيبوبة

dr.moony
06-13-2011, 12:51 AM
السلام عليكم
لو سمحتم يا دكاترة كنت عايزة اسأل عن التكليف فى الادارات الطبيه والعيادات الشامله
هى دى الحاجات اللى كنا بنقدم فيها تبع الجهات الخارجيه
هل هما الاتنين واحد ولا دى حاجة ودى حاجة
و كنت عايزة اعرف ايه مميزاتها وعيوبها و طبيعه الشغل فيها
وهل فعلا بقدر اسجل على طول لو شغاله فيها
وهل ده يعتبر انتداب ولا نقل تكليف
يا ريت الى يعرف اى حاجه عن الموضوع ده او يعرف حد استلم فى الاماكن دى يفيدنى

د/ أحـمـد سـليمان
06-13-2011, 09:59 PM
نقل للموضوع الاساسي
و في انتظار رد من الزملاء اللي عندهم فكرة

شيماء عبد الحميد
06-14-2011, 09:32 PM
جزاكم الله خيرا على المجهود وجعله الله فى ميزان حسناتكم
انا تكليفى فى مركز طبى فيه 10 دكاترة
بقالى دلوقت شهرين بشيل نبطشيات من غير تقييم
اتصرف ازاى مع المديرة هى تقريبا بتحط الناس اللى بتحطهم كل مرة لانهم دكاترة كبار وشكلها بتخاف منهم
وهل ممكن لو طالبتها تطلب انتدابى لوحدة تانية؟

د/ أحـمـد سـليمان
06-14-2011, 09:51 PM
للأسف هي كده بتجاملهم
بس حاولي معاها و اطلبي منها
لأن موقفها رسميا سليم
ان التقييم لـ 6 اطباء و طبعا انتي احدث منهم
و هتقولك النبطشيات دي جزء من عملك
الوزارة نفسها مش بتربط التقييم بالنبطشيات
بس المتعارف عليه بيننا ان التقييم مقابل النبطشيات
اطلبي منها و قوليلها ان كل الناس كده

شيماء عبد الحميد
06-14-2011, 10:12 PM
جزاكم الله خيرا على الرد
انا بقول استنى لما اشوف نظام الاجور حيبقى عامل ازاى فى شهر 7
ولو لقيت الموضوع حيستمر ابقى اكلمها
انا بحاول بقدر الامكان اتجنبها

رينان
06-15-2011, 05:13 AM
عندى استفسار بس
احنا تابعين للادارة الصحيه بشربين محافظه الدقهليه

فيه مجموعه من الاطباء التكليف استلام جديد ذهبوا لمدير الادارة للشكوى ان قبض مرتباتهم لايتم الابعد 6اشهر

وبعد ان بحثوا المشكله قام بسبهم والقاء الشتائم عليهم ثم الويلات اللى نزلت علينا من ساعتها

كل يوم مرور على الوحدات وسالوا السكيرتير قال لهم دى توصيه من الوزارة بالمرور لمدة شهر

وكمان هنظبطلكم السكن وهتباتوا ف الوحدات من الشهر الجاى

ماالحل الان


كل يوم تشطيب لما الاجازات خلصت


بنذهب لوحداتنا بس مقسمين الشغل عليناعشان المريض يلاقى دكتور كل وقت ينزل فيه الوحدةنفع الله بك

د ابوعبدالرحمن البدرى
06-15-2011, 08:56 AM
الاخت الفاضلة يحق لك بالطبع الشكوى من تاخر الراتب ولكن تقسيم العمل والحضور بينكم فالادارة لها حق فى الشطب واحتساب الغياب ومن الناحية الشرعية هده فتوى حول تقسيم العمل بين الموظفين
حكم تقسيم الموظفين أيام الدوام والعمل بينهم
الأربعاء 6 شوال 1428 - 18-10-2007

رقم الفتوى: 100040
التصنيف: الوظائف والأعمال المحرمة والمباحة (http://www.islamweb.net/fatwa/index.php?page=FatwaCategory&CatId=2194)
http://www.islamweb.net/fatwa/images/print_send.jpg http://www.islamweb.net/fatwa/images/rating/star-empty.gifhttp://www.islamweb.net/fatwa/images/rating/star-empty.gifhttp://www.islamweb.net/fatwa/images/rating/star-empty.gifhttp://www.islamweb.net/fatwa/images/rating/star-empty.gifhttp://www.islamweb.net/fatwa/images/rating/star-empty.gif
[ قراءة: 35 | طباعة: 0 | إرسال لصديق: 0 ]
السؤال

أعمل دكتورة فى الحكومة وأردت أنا وزملائي تقسيم أيام الحضور والعمل، علما بأن هذا لا يؤذي المرضى فسألت أحد الشيوخ فقال لا مانع إن وافقت رئيسة القسم، ولكنها قالت لا أشارك فى الحرام وولت علينا دكتورا آخر وهو لا مانع لديه، فهل هذا يجوز؟ جزاكم الله خيراً.




الإجابــة



خلاصة الفتوى:
لا يحق للموظف تغيير أوقات حضوره وانصرافه إلا بإذن الجهة المسؤولة قانونياً عن ذلك، سواء كانت تلك الجهة هي رئيس القسم أو من يخول بذلك.
الحمد لله والصلاة والسلام على رسول الله وعلى آله وصحبه، أما بعـد:
فإن الموظف في جهة من الجهات حكومية كانت أو غيرها ملزم شرعاً ببنود عقد عمله مع هذه الجهة، لقول الله تعالى: يَا أَيُّهَا الَّذِينَ آمَنُواْ أَوْفُواْ بِالْعُقُودِ {المائدة:1}، ولحديث: المسلمون على شروطهم. رواه أحمد.
وعليه، فيجب عليك الالتزام بأوقات الحضور والانصراف المعروفة، ولا يحق لك ولا لزملائك تغيير هذه الأوقات إلا بإذن صريح من شخص مخول بالإذن، وأما من هو هذا الشخص وهل هو رئيسة القسم أم غيرها فهذا شيء تعرفونه أنتم، فعليكم أن تقصدوا من يحق له قانوناً أن يسمح بذلك فإن رضي فلا مانع.
والله أعلم.
المصدر : موقع اسلام ويب (http://www.islamweb.net/fatwa/index.php?page=showfatwa&Option=FatwaId&lang=A&Id=100040)

pure spirit
06-15-2011, 02:58 PM
تقسيم ايام الحضور والانصراف الادارة مش معترفة بيه دى حاجة وديه بينكم ومن حق مدير الادارة او من ينوب عنه يقفل على اللى مش موجود
مفيش قدامكوا غير الالتزام بالحضور والانصراف
...
موضوع المرتبات ده ماتكلموش مدير الادارة اطلعوا مباشرة على الدكتورة عزة الدسوقى مدير الرعاية الاساسة فى الوزارة هيا شخصية محترمة جدا وبتتقبل اى شكاوى من أطباء التكليف وخصوصا الجدد
فى بداية تكليفنا السنة اللى فاتت كان فيه مؤتمر فى ادارة التدريب بحضور الدكتورة عزة وقلنا لها على موضوع المرتبات ده ونزلت لنا المرتبات على طول الشهر اللى بعده
هيا كانت اديتنا الايميل بتاعها هادور عليه واحطه هنا لو احتاجتوه

pure spirit
06-15-2011, 03:04 PM
ايميل الدكتورة عزة :
azza_dosoky
على الهوت ميل
الفاكس : 027921093

رينان
06-15-2011, 05:13 PM
جزاكم الله خيرا

رينان
06-15-2011, 05:17 PM
بس موضوع الفتوى
هو مدير الوحدة اللى سامحلنا بالتقسيم
هل ممكن يكون من ولاة الامر المسموح لهم قانونا باننا ناخ منهم اذن؟؟؟

الجنة رجائى
06-16-2011, 08:47 PM
السلام عليكم ورحمة الله وبركاته

عاوزة استفسر عن النبطشيات يوم الجمعه لو رحت لقيت المركز مقفول المفروض اعمل ايه لان فى ممرضه قالت لى ان العامل اللى معايا فى اليوم دا مش بيجى الا الساعه 12 ولو جه تفتيش هعمل ايه هما قالوا لى تعالى براحتك على الساعه 1 او ما تجيش بس لوجه تفيش ملناش دعوة

المفروض ان لو لقيت المركز مقفول امشى ولا اقعد فى الشارع ولا اعمل ايه وهعمل مذكرة مثلا ياريت حد يوضح ليا ؟؟؟؟؟؟؟؟

ولو ما رحتش مثلا وجه تفتيش هيتخصم التقييم كله فعلا؟؟؟

جزاكم الله خيرا

د/رواء احمد
06-17-2011, 08:54 AM
السلام عليكم ورحمة الله وبركاته

عاوزة استفسر عن النبطشيات يوم الجمعه لو رحت لقيت المركز مقفول المفروض اعمل ايه لان فى ممرضه قالت لى ان العامل اللى معايا فى اليوم دا مش بيجى الا الساعه 12 ولو جه تفتيش هعمل ايه هما قالوا لى تعالى براحتك على الساعه 1 او ما تجيش بس لوجه تفيش ملناش دعوة

المفروض ان لو لقيت المركز مقفول امشى ولا اقعد فى الشارع ولا اعمل ايه وهعمل مذكرة مثلا ياريت حد يوضح ليا ؟؟؟؟؟؟؟؟

ولو ما رحتش مثلا وجه تفتيش هيتخصم التقييم كله فعلا؟؟؟

جزاكم الله خيرا

هو المفروض يكون مع حضرتك نسخه من مفتاح الوحده لانه لو اتاخر العامل يبقى حضرتك ع الاقلموجود وهتعرف تتصرف

لانه دايما بيبقى فى نسخه مع طبيب اول الوحده ونسخه تانيه مع العامل

وبعدين لوجه تفتيش والوحده مقفوله فى النوبتجيه فده بخصم 5 ايام جزاء وطبعا بيتشال التقييم

مؤمن عز الدين
06-17-2011, 09:42 AM
و الله نبطشية الجمعة دي كلام فارغ
و ملهاش اي معنى
و حاجة في منتهى البهدلة لما دكتورة تروح تقف في الشارع علشان العامل مجاش ... و كونه بيتأخر لغاية 12 يبقى ده معناه ان مفيش تفتيش بيروح يوم الجمعة .. لأن هو اكيد هيخاف على نفسه .. انا رأيي سبيك منهم .. لو عايزة تروحي يبقى تروحي في وقت متأكده ان الوحدة مفتوحة و في حد هيبقى معاكي و ممرضة كمان .. علشان متقعديش لوحدك مع العامل .. اصل احنا مش شغالين غفر علشان نحرس الوحدات لوزارة الصحة .. و من غير كتابة مذكرات و لا حاجة .. الشغل اللي تلاقيه مش مناسب متعمليهوش و بس .. اصل الدنيا عندنا لسة روتين على الورق بس .. محدش من مديرين الادارت بينصف الداكاترة و يساعدهم في ظبط الشغل .. كل همه ان مفيش مشاكل تحصل و خلاص .. و احيانا بتكون الممرضة الفلانية و جوزها يعرف مدير الادارة و لا حاجة يبقى هي زي الهانم مرتاحة و محدش يقدر يكلمها بينما احنا الاطباء نتبهدل و ملناش حد

الجنة رجائى
06-17-2011, 03:50 PM
جزاكم الله خيرا

انا مش طبيب اول وبالتالى مفيش معايا مفتاح واتصلت بمديرة المركز امبارح وسالتها اعمل ايه لو لقيت المكان مقفول لانى اول مرة اروح الجمعة قالت لى اتصلى بالمدير المالى والادارى وهوا هيجى يفتح لك

ورحت وطبعا لقيته مقفول والناس اللى معديه بتقولى ما بيفتحوش انهاردة واتصلت بالموظف دا مش عشان يفتحهولى لانى ما كنتش هقعد لوحدى من غير ممرضة بس عشان يشهد انى رحت قالى امشى واعملى مذكرة بكرة

النبطشيه دى ملهاش اى اهميه اطلاقا وانا كنت رايحة عشان بيقولوا لو وكيل الوزارة جه وملقناش هينقلنى لادارة تانية ومحدش بيجى يكشف اصلا فى النبطشيات دى بيروحوا المستشفى

انا مش عاوزة اعمل مذكرة عشان ما اذيش العامل وكدا بس برضو هوا قايل انه هيفتح المركز من الصبح يعنى لو كان جه تفتيش كان هيلاقى المركز مغلق

طيب لو كان جه تفتيش هاعرف ازاى ؟؟؟ يعنى ممكن اعدى موضوع المذكرة دا لو مجاش تفتيش

د/ أحـمـد سـليمان
06-17-2011, 07:27 PM
طيب لو كان جه تفتيش هاعرف ازاى ؟؟؟
مش هتعرفي الا اذا بعتولك اشارة لما يجي معاد التحقيق
او تسألي في الشؤن القانونية في الادارة بعد كام يوم لما يكون التقرير وصلهم ( ده إذا كان جه تفتيش ) ... انا رأيي انه حسب نظام ادارتكم .. لو نظام صارم .. و كل القوانين بتطبق .. يبقى احمي نفسك و اكتبي مذكرة .. لو محدش بيسال عن حد و الدنيا بايظة .. يبقى خلاص عديها و سيبك منهم

منمون
06-19-2011, 01:32 AM
عندي استفسار عاجل من فضلكم اللي عنده المعلومه يفيدني جزاكم الله خيرا

انا عايزه اعمل اجازه مرافقه زوج و عايزه اعرف ايه بالضبط الاوراق اللي اخدها و انا رايحه المديريه .. و تكون اصل وللا صوره ؟

من فضلكم اهتموا بسؤالي

د/رواء احمد
06-19-2011, 02:29 AM
_صورة من القرار التنفيذى لاجازة الزوج او جواب يفيد بانه اخد اجازة من جهة
عمله موجه لجهت عملك

2_صوره من عقد العمل


3_صوره من قسيمه الزواج


4_طلب اجازة مرافقه زوج من جهة عملك

منمون
06-19-2011, 03:18 AM
شكرا د. رواء على الرد و الاهتمام جزاك الله خيرا

بس أول حاجه انا مش فاهماها >>>> (_صورة من القرار التنفيذى لاجازة الزوج او جواب يفيد بانه اخد اجازة من جهة
عمله موجه لجهت عملك )

ممكن تفهميني معناها ايه و بتتعمل ازاي وانا اللي باعملها وللا هو بيعملها في شغله ؟

-- كمان طلب الاجازه بتبقى صيغته ايه ؟ و اختمه من الوحده وللا الاداره الصحيه ؟

-- بيقولوا مطلوب شهاده ممضيه من 2 موظفين اني لسه على ذمه زوجي !! مش عارفه اعملها ازاي ؟ و صوره القسيمه مش هاتغني عنها ؟

و هو مش مطلوب اي ورق اصل خالص ؟ ولا عقد العمل ؟

اسفه على كثره الاسئله

pure spirit
06-19-2011, 07:01 PM
بس أول حاجه انا مش فاهماها >>>> (_صورة من القرار التنفيذى لاجازة الزوج او جواب يفيد بانه اخد اجازة من جهة
عمله موجه لجهت عملك )
ممكن تفهميني معناها ايه و بتتعمل ازاي وانا اللي باعملها وللا هو بيعملها في شغله ؟

يعنى ورقة تفيد ان زوجك حاليا فى أجازة من شغله .. طبعا ده لو موظف حكومى
الورق اللى من النوع ده بتبقى بين المديريات يعنى تروحى المديرية اللى هو تابع ليها وتجيبى منها مايثبت انه حاليا فى اجازة والورقة دى توديها مديريتك من ضمن الأوراق
كمان طلب الاجازه بتبقى صيغته ايه ؟ و اختمه من الوحده وللا الاداره الصحيه ؟
اسألى الموظفة فى قسم الأجازات لو فيه صيغة معينه لو مفيش اكتبى اى صيغة تفيد بطلب أجازة مرافقة زوج
اجازة مرافقة زوج من الاجازات الوجوبية بتتعمل على طول من المديرية
يبقى هتبداى كل ده فى المديرية مش من الادارة ولا من الوحدة
بيقولوا مطلوب شهاده ممضيه من 2 موظفين اني لسه على ذمه زوجي !! مش عارفه اعملها ازاي ؟ و صوره القسيمه مش هاتغني عنها ؟

ورقة روتينية جدا اى 2 موظفين فى أى مصلحة حكومية يعملوهالك المهم يكون عليه ختم النسر
و هو مش مطلوب اي ورق اصل خالص ؟ ولا عقد العمل ؟

ممكن تاخدى الاصول معاكى للاطلاع وكمان فى المشاوير اللى زى دى يفضل اوراقك كلها تبقى معاكى بدل ماترجعى على حاجة بسيطة
بالتوفيق

أم سارة
06-19-2011, 07:29 PM
السلام عليكم وانا بعمل اجازتى كان عقد عمل الزوج انجليزى طلبوا منى اترجمه فى مكان واوثقه يعنى مش ترجمه فى اى مكان لا مكان معتمد

dr.dodoo
06-19-2011, 10:44 PM
ارجو المساعده العاجله من زوي الخبره:انا طبيب تكليف دفعه 2007 استلمت عهده الصيدليه بجهل مني بدون جرد واكتشفت ان فيها عجز وانتهاء صلاحيه وكده المهم حاولت اظبطها ماعرفتش طلبت صيدلي ماحدش سال فيا المهم عملت اعتيادي ما عجبهمش عملولي اخلاء اداري زهقت منهم بلغت مرضي 9 شهور ورجعت واتحسبت بدون اجر المهم لما رجعت لاقيت مطلعين عليا عجز بقيمه 3 الاف جنيه ونص زعقلهم واشتكيت بلا فايده سيبت الموضوع تاني وبلغت مرضي تاني الي الان 7 شهور المهم مابعتوليش اي تحويل للكشف الطبي وانا ماسالتش لاني كنت قرفان منهم ومخنوق لدرجه مش عاوز اواجه المشكله المهم النهارده لاقيت النيابه الاداريه باعتالي اني احضر للتحقيق والتهم كالاتيك1-اهمال في اداء العمل مما ترتب عليه عجز في العهده بالمبلغ السبق 2-انقطاعي عن العمل منز ابلاغي المرضي التاني ودا شئ غريب ازاي انا مبلغ مرضي يعملوا كده المهم انا عاوز مساعدتكم 1-ايه اللي ليا واللي عليا وخصوصا اني عاوز اخلي واستلم نيابه اشعه2-اتصرف ازاي تجاه التحقيق في المرضي خايف انهم يرفدوني او كده3-الصيدليه والفلوس اللي عليا ارجو المساعده بالله عليكم في اسرع وقت لان ميعاد التحقيق يوم الثلاثاء فاضل يوم واحد اتصرف ازاي واقول ايه في التحقيق وازاي اساوي الموضوع علما اني لا امتلك المبلغ ده الان

منمون
06-20-2011, 12:46 AM
جزاكم الله خيرا على ردكم

بالنسبه لشهاده اني على عصمه زوجي كل ما اسأل موظف يقوللي هاتي صيغتها كمان سمعت انها بتتعمل عند المأذون و بعدين تتمضي من 2 موظفين .. الكلام ده مظبوط ؟ و ينفع ماما تمضي عليها ؟

و يا ريت اللي تعرف صيغتها تقوللي عليها

كمان هل المفروض امضي كل صور الورق من 2 موظفين عشان يبقى اسمه ورق موثق ؟

كمان صوره تصريح العمل و جواز السفر بتوعه سمعت انهم مطلوبين .. الكلام ده صحيح؟

pure spirit
06-20-2011, 01:18 AM
ارجو المساعده العاجله من زوي الخبره:انا طبيب تكليف دفعه 2007 استلمت عهده الصيدليه بجهل مني بدون جرد واكتشفت ان فيها عجز وانتهاء صلاحيه وكده المهم حاولت اظبطها ماعرفتش طلبت صيدلي ماحدش سال فيا المهم عملت اعتيادي ما عجبهمش عملولي اخلاء اداري زهقت منهم بلغت مرضي 9 شهور ورجعت واتحسبت بدون اجر المهم لما رجعت لاقيت مطلعين عليا عجز بقيمه 3 الاف جنيه ونص زعقلهم واشتكيت بلا فايده سيبت الموضوع تاني وبلغت مرضي تاني الي الان 7 شهور المهم مابعتوليش اي تحويل للكشف الطبي وانا ماسالتش لاني كنت قرفان منهم ومخنوق لدرجه مش عاوز اواجه المشكله المهم النهارده لاقيت النيابه الاداريه باعتالي اني احضر للتحقيق والتهم كالاتيك1-اهمال في اداء العمل مما ترتب عليه عجز في العهده بالمبلغ السبق 2-انقطاعي عن العمل منز ابلاغي المرضي التاني ودا شئ غريب ازاي انا مبلغ مرضي يعملوا كده المهم انا عاوز مساعدتكم 1-ايه اللي ليا واللي عليا وخصوصا اني عاوز اخلي واستلم نيابه اشعه2-اتصرف ازاي تجاه التحقيق في المرضي خايف انهم يرفدوني او كده3-الصيدليه والفلوس اللي عليا ارجو المساعده بالله عليكم في اسرع وقت لان ميعاد التحقيق يوم الثلاثاء فاضل يوم واحد اتصرف ازاي واقول ايه في التحقيق وازاي اساوي الموضوع علما اني لا امتلك المبلغ ده الان
اسمح لى يادكتور حضرتك تقع عليك مسئولية ومسئولية كبيرة جدا من اللى حصل
لأن اولا ماحدش يستلم عهدة ضخمة بحجم الصيلية غير لما يعمل جرد لكل حاجة فيها ويثبته فى محضر التسليم والتسلم
مش كدة وبس ده لازم اللى موجود يكون متطابق مع الدفاتر كلها مهما كانت ثقتك فى اللى قبلك الصيادلة نفسهم اللى ممكن يظبطوا امورهم فى العجز بيعملوا كدة
ثانيا لما اكتشفت العجز قدمت مرضى وسيبت لهم الجمل بما حمل وده ممكن يدى فرصة اكبر لو حد معندوش ضمير انه يعمل اى حاجة تأذيك ... المال السايب يعلم السرقة واكيد طبعا هتلاقى اكتر من موظف معاه المفاتيح من اللى قبلك
أنا والله مش قصدى ازود هموم حضرتك خالص بس دى حاجات كنت لازم قبل ماتستلم عهدة بالشكل ده تسال فيها او كنت ترفض الاستلام من الاساس لأنك مش صيدلى
ربنا معاك فى التحقيق وان شاء الله حد من الأخوة يقدر يفيدك فى الموضوع ده وياريت تسال محامى ممكن يساعدك فى الناحية القانونية
...
بخصوص الاجازة المرضى خد معاك وصل التلغراف اللى اخدته من السنترال لما بلغت مرضى ممكن يفيد

سيسيليا
06-20-2011, 10:06 PM
حسب ما سالت الموظفه
بتجيبي صورة من عقد العمل وصورة بطاقتك مبين فيها حالتك الوظيفيه ان انت تكليف او نائب او كده يعني
وعقد الزواج
وبس
حيب ما قيل لي

mhassan
06-24-2011, 02:08 AM
يا دكتور الهروب لن يفيد أنا عارف ان زمانك رحت التحقيق ان شاءالله و معاك محامى قضاء ادارى عشان يبقى فاهم وااااااااااااااااااااااااااااااااااجه مهما كانت العقوبات انجز وخلص.

يارب نجنا مما نخاف

dr.dodoo
06-28-2011, 08:31 PM
السلام عليكم انا فعلا روحت التحقيق مرتين وبالنسبه للاجازه المرضي هاتمشي بدون اجر وجزا بالنسبه للصيدليه انا بحاول اكشف اللي حصل في اثناء غيابي بمعلومات من ملف التحقيق وبمعلومات من الموظفين انفسهم وكيل النيابه بيقول لازم حد يشيل العجز دا سواء انا او غيري انا بحاول اثبتله اني استلمت الصيدليه بمحضر تسليم وتسلم صوري يعني المفترض في الحالات دي ان تيجي لجنه من الاداره تعمل جرد وتسلمني الصيدليه بس دا ماحصلش انا بحاول اتمسك بالحته دي وخصوصا ان كل اللي يثبت اني استلمت الصيدليه هوا محضر التسليم والتسلم اللي نسخه منه كانت مع الدكتوره اللي اخلت والنسخه التانيه كانت في الصيدليه وياريت ما يلاقوهاش لانهم لو مالاقوش الصور دي يبقي الصيدليه ماكانتش مسؤليتي قانونا والا ايه ؟انا مش عارف بس انا طلبت من وكيل النيابه انه يخليهم يجيبوا اثبات اني استلمت الصيدليه اصلا وكمان انا ماعملتش ولا طلبيه للدوا وماكانش فيه امضاءات اخري تبع الصيدليه مش عارف بس اهو حاجه ممكن تفيدني وكمان موضوع انهم اخلولي اداري من الوحده وبعد الاخلاء بشهرين عملوا لجنه ثلاثيه وجردوا الصيدليه وطبعا ماجابوش سيره الاخلاء الاداري في ملف التحقيق لانه هايدينهم وطبعا طلبت من المحقق انه يبعتلهم كلهم ويواجهنا ببعض بكل المستندات والاوراق اللي من ضمنها الاخلاء الاداري ومحضر التسليم والتسلم وصوره من محضر الجرد ومايفيد انهم ماابلغونيش بميعاد الجرد وكده وربنا يسترها انا رايح تاني يوم السبت ودعاكم وعلي فكره دكتور محمد حسن انا مابتهربش ولا حاجه يمكن قبل كده اه لكن حاليا لازم اواجه وبكل قوه وجراه واتكال علي الله وربنا ينصرني عليهم لانه عالم اني ماعملتش حاجه. ودعاكم ليا

dr.dodoo
06-28-2011, 08:49 PM
انا عاوز اسال كام سؤال اللي يعرف يفدني فيهم:1-لو يوم السبت القادم ماجابوش مايثبت اني مستلم الصيدليه(محضر التسليم والتسلم) انكر اني استلمت اصلا الصيدليه مع العلم ان كان فيه 2 شهود مفتش مالي واداري ومفتش اخر بس شهود كده صوريا وشاهدين برضه اني ماعملتش جرد2-ترتيب الاحداث كالاتي: استلمت الصيدليه بمحضر تسليم وتسلم صوري من غير ماتييجي لجنه للجرد من الاداره ظبط الصيدليه كويس في الشهر ده ودي كده عن طريق تزاكر قطعتها علي حسابي بعد كده عملولي اخلاء اداري من الوحده من غير علمي فيبعد الاخلاء الاداري ب5 ايام بلغت مرضي لمده طويله وبعد الاخلاء الاداري بشهرين عملوا جرد وطبعا فيه نسخه ن مفاتيح الصيدليه كانت مع موظفي الوحده (الطبيب التاني اللي كان معايا لما جه يخلي من الوحده سابلهم المفتاح)بعد كده جايين يشيلوني الليله كلها؟ ازاي دا ظلم بين ياريت حد يساعدني ويفهمني وينشر الموضوع ده علي اي منتدي قانوني او طبي ويفدني انا سردت كل التفاصيل عل وعسي حد يلم بالموضوع ويفدني

pure spirit
06-30-2011, 12:48 AM
انا عاوز اسال كام سؤال اللي يعرف يفدني فيهم:1-لو يوم السبت القادم ماجابوش مايثبت اني مستلم الصيدليه(محضر التسليم والتسلم) انكر اني استلمت اصلا الصيدليه مع العلم ان كان فيه 2 شهود مفتش مالي واداري ومفتش اخر بس شهود كده صوريا وشاهدين برضه اني ماعملتش جرد2-ترتيب الاحداث كالاتي: استلمت الصيدليه بمحضر تسليم وتسلم صوري من غير ماتييجي لجنه للجرد من الاداره ظبط الصيدليه كويس في الشهر ده ودي كده عن طريق تزاكر قطعتها علي حسابي بعد كده عملولي اخلاء اداري من الوحده من غير علمي فيبعد الاخلاء الاداري ب5 ايام بلغت مرضي لمده طويله وبعد الاخلاء الاداري بشهرين عملوا جرد وطبعا فيه نسخه ن مفاتيح الصيدليه كانت مع موظفي الوحده (الطبيب التاني اللي كان معايا لما جه يخلي من الوحده سابلهم المفتاح)بعد كده جايين يشيلوني الليله كلها؟ ازاي دا ظلم بين ياريت حد يساعدني ويفهمني وينشر الموضوع ده علي اي منتدي قانوني او طبي ويفدني انا سردت كل التفاصيل عل وعسي حد يلم بالموضوع ويفدني
ربنا ييسرلك يادكتور ويخرجك من المشكلة دى على خير
المشكلة ان البلد دى المكتوب فيها محسوب أقصد الأوراق الرسمية طبعا حتى لو صورية
مأساة من ضمن مأسى الطبيب فى وزارة الصحة انا مش عارفة ليه يجبروا طبيب بشرى أصلا على انه يمسك الصيدلية كعهدة
طب مافيه أمين مخزن ودى شغلته أصلا او ينتدبوا صيدلى من أى مكان لحين تعيين صيدلى
ياريت يادكتور تستشيرمحامى او تدخل احدى مواقع المحامين واكتب استشارتك وربنا ييسرلك الخير ان شاء الله

drfirefox
07-01-2011, 05:31 PM
طيب ايه الحل يا جماعة مع مدير ادارة مختل عقليا
كل شوية تنقلات من وحده لوحده
ولو ما سمعتش كلامه يمر عليك صبح و ليل
وان ماكنش هو يبقي كلابه
و ماخر الفلوس

pure spirit
07-01-2011, 10:16 PM
طيب ايه الحل يا جماعة مع مدير ادارة مختل عقليا
كل شوية تنقلات من وحده لوحده
ولو ما سمعتش كلامه يمر عليك صبح و ليل
وان ماكنش هو يبقي كلابه
و ماخر الفلوس
ليه عنده عجز فى وحدات فبيغطيها
ولا تعسفى ؟؟

drfirefox
07-01-2011, 11:09 PM
ليه عنده عجز فى وحدات فبيغطيها
ولا تعسفى ؟؟]
والله هو حتي لو عنده عجز ففي ناس معينه يتسد بيهم العجز
وفي ناس تانية untouchable
و انا عايز اعرف في العموميات في التكليف ازاي ارفع الظلم عن نفسي من واحد اعلي مني
او مابيساويش بين الناس و بعضها

pure spirit
07-02-2011, 02:56 PM
]
والله هو حتي لو عنده عجز ففي ناس معينه يتسد بيهم العجز
وفي ناس تانية untouchable
و انا عايز اعرف في العموميات في التكليف ازاي ارفع الظلم عن نفسي من واحد اعلي مني
او مابيساويش بين الناس و بعضها
الله يكون فى عون حضرتك بجد الناس دى لاتصلح لمناصب قيادية زى دى
لو حضرتك متضرر فلك حق الشكوى ولكن عليك انك تتدرج فى الشكوى يعنى ارفع مذكرة لمدير الرعاية الاساسية فى المديرية ثم وكيل الوزارة وشوف هيتصرفوا ولا لأ
لو مفيش استجابة ابعت مذكرة للدكتورة عزة الدسوقى مدير الرعاية الاساسية فى الوزارة
وده ايميلها
azza_dosoky
على الهوت ميل
وده الفاكس : 027921093
لكن حضرتك هتخلى بالك من حاجة مهمة : لاينظر لاى شكوى الا اذا كانت تحتوى على اسمك بالكامل ومكان شغلك
طبعا ده هيدخلك فى صراعات جامدة مع الناس دى ولازم تكون قدها ولكن فى النهاية هو حق مكفول للجميع
وتأكد دائما أن يد الله فوق ايديهم
يسر الله لكم

drfirefox
07-04-2011, 01:05 AM
شكرا لحضرتك يا دكتور علي اهتمامك
و فعلا اللي يخش وسط الناس دي مش حيخرج سليم
و هما مش سايبينه الا لأنهم مستفيدين منه
ربنا يطلعنا منهم علي خير

شيماء عبد الحميد
07-10-2011, 06:12 PM
جالى تكليف من مديرة المركز بحضور دورة طب اسرة والجودة لمدة يومين
اتكلموا فيها عن الملفات والتقييم وتكوين لجان
انا صلاحياتى فى المركز متدنيش الحق فى عمل تقييم او تكوين لجان
لو فيه مرور حبقى انا المسؤولة عن ده ولا مديرة المركز

د/ أحـمـد سـليمان
07-10-2011, 06:38 PM
لو فيه مرور حبقى انا المسؤولة عن ده ولا مديرة المركز
بيتهيألي مديرة المركز هي المسؤلة .. لأن اصلا المفروض ده يكون لها هي .. و يمكن هي تكون خدته قبل كده و علشان كده بعتتك انت .. و حتى لو هي مخدتوش .. انت مش مسؤلة قدام الادارة طالما مش من صلاحياتك تنفيذ الحاجات دي .. إلا إذا هي كلفتك بعمل الشغل ده بشكل رسمي

azza ahmed
07-11-2011, 04:47 PM
السلام عليكم
النهاردة كان عندي نبطشية و رحت متأخر و كان فيه حد من المديرية بيفتش علينا ولما شافني كتب في دفتر الحضور إني جيت الساعة أتنين و قالوا لي أن كدا حيبقي ليا تحقيق علي التأخير يا تري التحقيق ده حيعمل لي مشاكل لما أأقدم بإذن الله في نيابات نوفمبر و لا مش مشكلة ؟؟
ثانياً أنا أول تكليفي كان في البحيرة حوالي شهر و لما نقلت إسكندرية كتبوا لي تاريخ التعيين من ساعة ما نقلت إسكندرية معني كدا أن الشهر اللي قضيته في البحيرة مش حيضاف لي عند تقديمي للنيابات و لا المفروض أجيب ورق من البحيرة يؤكد كلامي و لا أيه النظام ؟؟
أفيدوني .............:barak:

د/ أحـمـد سـليمان
07-11-2011, 05:50 PM
يا تري التحقيق ده حيعمل لي مشاكل لما أأقدم بإذن الله في نيابات نوفمبر و لا مش مشكلة ؟؟
التحقيق و الجزاءات مش بتأثر على التقديم في النيابات
الجزاءات بتأثر على التقدم للماجستير ( و بيقولوا انهم هيلغوا القانون ده ) .. لكن عموما لسة لما تروحي التحقيق ... لو عدى من غير جزا يبقى خلاص اما لو خدتي جزاء يبقى ده اللي محتاج يتشال .. بترفعي الجزاء ده من ملفك بعد مرور 6 شهور عليه .. بتكتبي طلب ان الجزاء اللي في الملف يترفع و يتم الاكتفاء بالخصم المادي اللي اتخصم من مرتبك

لما نقلت إسكندرية كتبوا لي تاريخ التعيين من ساعة ما نقلت إسكندرية
كتبولك تاريخ التعيين و لا تاريخ استلام العمل
لأن تاريخ التعيين بيبقى تاريخ واحد من اول ما استلمتي في اول مكان .. اما تاريخ استلام العمل فده بيكون حسب الوقت اللي استلمتي فيه عندهم
و الصح ان الشهر بتاع البحيرة يكون محسوب و يضاف لك عند تقديم النيابات .. و لو الخطأ ده حصل يبقى المفرروض تحاولي تصلحية دلوقتي .. بدل ما تيجي تصلحية وقت النيابات عن طريق ورقة من البحيرة

dr.moony
07-12-2011, 11:09 PM
كنت عايزة اعرف لو انا عملت نظام العمل بنصف اجر ورحت 3 ايام فى الاسبوع
ساعتها هتتحسب فتر تكليفى ازاى
يعنى الشهر هيتحسب شهر زى ما هو وهقدر اقدم فى نيابات نوفمبرولا بيتحسب نص شهر
وساعتها باخد نص المرتب بس ولا باه
نص الحوافز ونص التقييم كمان ؟؟؟؟؟؟؟

د/ أحـمـد سـليمان
07-13-2011, 08:28 AM
بيتحسب نص شهر
و بتاخدي نص المرتب
و تقريبا مفيش تقييم
بس مش متأكد من الحوافز

mohammedgapr
07-17-2011, 11:01 PM
السلام عليكم

الموضوع باختصار ان الصيدلانية اللى معانا بلغت مرضى
ومدير الادارة عايزنى امسك مكانها الصيدلية رغم وجود اتنين صيادلة فى الوحدة المجاورة
وكمان انا مقدم فى الحركة دى فمش عايز اشغل دماغى بعهدة ودفاتر ماشتغلتهاش طول تكليفى

ياترى حد عنده اقتراح اعمله عشان مامسكهاش ...انا الطبيب التانى بالمناسبة ومافيش اطباء بعدى


السلام ختام

pure spirit
07-17-2011, 11:27 PM
للأسف يادكتور الصيدلية عهدة الطبيب التانى فى حالة عدم وجود صيدلى
وهيا فعلا شغلها مقرف وعهدة رخمة وكان فيه موضوع هنا فى القسم عن مشاكل الصيدلية كعهدة
حاول تخلى صيدلى يستلم عندكوا يقدم طلب نقل لوحدتكوا ده لو أمكن
او تحاول تقنع الطبيب الأول يستلمها هو لو مش ناوى على نيابة
أو تحاول مع مدير الادارة يعمل انتداب لحد من الصيادلة اللى فى الوحدة اللى جنبكوا لحد مالصيدلانية اللى عندكوا ترجع واكيد أو نتمنى ان الأجازة المرضى متطولشى ان شاء الله

mohammedgapr
07-17-2011, 11:36 PM
بالنسبة للطبيب الاول هو مقيم بقاله سنين ...ومصمم المرة دى مايمسكهاش

والأجازة المرضى للصيدلانية تمهيدا أصلا للنقل ...لأنها من مكان بعيد عن وحدتى

ربنا يسهل بقى ومدير الادارة ينتدب اى صيدلانية من اى وحدة قريبة لحد مالتكليف الجديد للصيادلة يستلمو
الله المستعان ...ولو ربنا قدر واستلمت وواجهتنى مشاكل اكيد هارجع واستشيركو

بس هو سؤال أخير هل الصيدلية ممكن تأثر عليا ساعة الاخلاء...ممكن تأخرنى؟؟

وألف شكر ليكى يادكتورة

pure spirit
07-17-2011, 11:48 PM
بالتوفيق ان شاء الله أهم حاجة لو مسكتها ماتعملش التسليم والتسلم صورى اجرد كل الأصناف وامضى بس على اللى شفته
وغير القفل وماتديش نسخة منه لحد
وان شاء الله الموضوع هيبقى بسيط طالما الجرد السنوى ده خلص _ده كان فى اخر شهر 6
بس هو سؤال أخير هل الصيدلية ممكن تأثر عليا ساعة الاخلاء...ممكن تأخرنى؟؟
لا يادكتور ان شاء الله مش هتاثر وحتى لاقدر الله لو ماجاش صيدلى
الطبيب الأول لازم يستلمها منك مش بمزاجه بقى فى الحالة دى
طالما الأسامى نزلت فى الادارة ان الناس دى تستلم نياباتها خلاص يبقى مش مسئولية حضرتك خالص وهما يتصرفوا

mohammedgapr
07-18-2011, 01:25 PM
شكرا على الرد والافادة يادكتورة ترانيم

mohammedgapr
07-18-2011, 01:30 PM
شكرا على الرد والافادة يادكتورة ترانيم

dr.moony
07-20-2011, 12:30 AM
هو انا لو مرحتش النبطشيه واتشطب عليا ممكن يحصللى ايه ؟؟؟؟؟؟؟؟؟؟؟؟
ولو النبطشيه دى يوم اجازة رسمى هيبقى الوضع ايه

quiet_doctor
07-20-2011, 07:59 AM
قبل ماتستلمها جيب دفتر المنصرف اليومى ونزله لاخر يوم فى دفتر 44 ونزل المنصرف عن المده لحد يوم ماهتستلم واخصمه من الشهر الى فات وامسك الصيدليه عدها بالقرص لو عندك عجز اوعى تستلم وبص على الصلاحيات لو فاضل فيها اقل من 4(مشفاكر 4 و 6 ) شهور ماتستلمش لان ده قانونا بيرجع الاداره علشان يودوه وحده شغاله تصرفه بدل ما يفسد .. وعموما ماتخفش الموضوع بسيط قبل ماتخلى بمده امسك الصيدليه واعمل عليها جرد وشوف العجز وانت كده كده بتلاقى تذاكر فايضه فى الوحده سوى العجز عليها ولو تعمل زيي كنت كل اسبوع بجرد كام صنف فماكنش بيحصل عجز المشكله الادويه منتهية الصلاحيه
ربنا معاك

د/ أحـمـد سـليمان
07-20-2011, 08:34 AM
هو انا لو مرحتش النبطشيه واتشطب عليا ممكن يحصللى ايه ؟؟؟؟؟؟؟؟؟؟؟؟
ولو النبطشيه دى يوم اجازة رسمى هيبقى الوضع ايه
تحقيق و جزاء من يوم إلى 3 ايام
و العطلة الرسمية المفروض ان فيها نبطشيات عادي يعني مش هتفرق

mohammedgapr
07-20-2011, 12:08 PM
جزاك الله خيرا يادكتور

وربنا يستر بقى

mhassan
07-20-2011, 07:31 PM
ولو انت تقصد بالنوبتجية السهر أيضا زى معظم الناس واللى فى الغالب كتير بيزوغوا منه أو بيروحوا للساعة 10 ويمشوا فديه فيها خصم 5 أيام وطبعا لو انت فى التقييم بخ ولو الوحدة مغلقة يعنى كلوا زوغ هيبقى فيه خصم حتى لمدير الوحدة واجابتى دى من واقع خبراتى الشخصية المريرة :G02GunTrick2:

mohammed halafawy
07-21-2011, 08:39 PM
لو سمحتو هل عدم وجود استراحة للطبيبات ممكن يعفي الطبيبة من النبطشيات:barak:

Dr\White Angel
07-21-2011, 09:11 PM
لا معتقدش

وكمان لو فية استراحة في الوحدة

بتبقي مشتركة مش لازم يكون فية واحدة للطبيبات وواحدة للاطباء

الي علية نبطشية بستخدمها

dr.moony
07-24-2011, 02:30 AM
هو لما بقدم فى النيابات بتتحسب فترة العمل الفعلى ازاى
من يوم استلامى فى المديريه ولا الادارة ولا المكان اللى استلمت فيه سواء وحده او مركز ؟؟؟؟؟
و اعلانات النيابات بتنزل فى اول الشهر على طول ولا فى نصه ولا فى اى وقت ؟؟؟؟؟؟؟

د/ أحـمـد سـليمان
07-24-2011, 11:52 AM
تاريخ الإستلام بيتحسب من يوم إستلام المديرية

إعلان النيابات المفروض انه ينزل في اول الشهر بس احيانا بيتاخر

شهرزاد222
07-24-2011, 02:35 PM
السلام عليكم ورحمة الله وبركاته
أنا أعمل في احدى الوحدات الصحية وهناك ضغط علي فمطلوب مني الحضور يوميا مع 3أيام نبطشية لأنه لا يوجد معي الا طبيب واحد وهو غير ملتزم بالحضور وأريد أن أسأل هل لو عرضت المشكلة على مدير الادارة سيستجيب أم أنه ليس من حقي المطالبة بأن ينتقل أحد الأطباء إلي ؛ لأني أخشى أن لا يهتم بكلامي أو يقول لي كيف أحضر لك أطباء
هل مدير الادارة ممكن أن ينقل لي طبيب من مكانه الي دون أن يطلب الطبيب نقله أم ينتظر الظروف المناسبة
ولكم جزيل الشكر

د/ أحـمـد سـليمان
07-24-2011, 03:24 PM
مدير الادارة يقدر ينقل اي طبيب بدون ما يطلب
بس بشرط توفر عدد كافي من الاطباء يغطي كل الوحدات
اعرضي عليه الامر و هو لو متعاون هيساعدك

mohammed halafawy
08-02-2011, 11:20 PM
معلش انا مش بتكلم عن الوحدات انا اقصد المستشفيات المركزية

د/ أحـمـد سـليمان
08-03-2011, 06:37 PM
لو سمحتو هل عدم وجود استراحة للطبيبات ممكن يعفي الطبيبة من النبطشيات:barak:
معتقدش
بس معنديش معلومة اكيدة

تائبة الى الله
08-06-2011, 02:16 PM
السلام عليكم ورحمة الله
يادكاترة انا لى استفسار بخصوص المرتبات والشغل الغريب ده
دلوقتى احنا مركز طب اسرة والمفروض التقييم ييجى لستة دكاترة ضحك علينا مدير الادارة وبيقول يعاملوا معاملة الوحدة العادية
تانى حاجة باه كمان الادارة الى احنا فيها مش بتقبض الدكاترة اول 6 شهور من العمل بتحوشهم لنا وده مااسمعش عنه عند المحافظات التانية
وكادر الطبيب الى فلقوا دماغنا بيه مااتعملش حاجة منه لسة
حتى ال 200 % الى نازلين لكل موظفين الدولة مش من حق الطبيب والتمريض لانهم بياخدوا تقييم

دلوقتى انا مش عارفة نشتكى المديرية بتاعتنا دى فين لان كل ماحد يتكلم يقولوا لنا مفيش فلوس حتى الحوافز 150% بيقولوا مفيش نعمل ايه باه لهم ؟؟؟وهل كل المحافظات كده ؟؟؟

pure spirit
08-06-2011, 02:50 PM
وعليكم السلام ورحمة الله
مبارك استلام التكليف يادكتورة تائبة وعقبال النيابة ان شاء الله
دلوقتى احنا مركز طب اسرة والمفروض التقييم ييجى لستة دكاترة ضحك علينا مدير الادارة وبيقول يعاملوا معاملة الوحدة العادية

لازم تبحثوا فى الموضوع ده وتتأكدوا لأنكوا طالما معتمدين مركز طب اسرة يبقى كدة كدة التقييم بيجى ل 6 من الأطباء
يعنى اعرفوا ملابسات الموضوع ولما الدكتور اللى بيقيم يجيلكوا شوفى كاتب كام دكتور فى التقييم لأنه موضوع التقييم ده مش على قد الادراة بس
المديرية ليها دخل ومفروض انه ييجى تقييم من المديرية بعد تقييم الادارة علشان يشوفوا الوحدة أو المركز
تانى حاجة باه كمان الادارة الى احنا فيها مش بتقبض الدكاترة اول 6 شهور من العمل بتحوشهم لنا وده مااسمعش عنه عند المحافظات التانية
معظم ادارات الدقهلية بالذات كدة
احنا كنا السنة اللى فاتت كدة بردو ماقبضناش مرتب غير بعد 6 شهور
لكن كنا حضرنا اجتماع لاطباء التكليف السنة اللى فاتت ومعانا مديرين الادارات وزملائنا اشتكوا للدكتورة عزة الدسوقى كان ردها انه بينزل لنا ارتباط مالى أول مابنستلم والتاخير ده مش من عندهم فى الوزراة !!
وكادر الطبيب الى فلقوا دماغنا بيه مااتعملش حاجة منه لسة
حتى ال 200 % الى نازلين لكل موظفين الدولة مش من حق الطبيب والتمريض لانهم بياخدوا تقييم

ده على الكل لحد دلوقتى مش عارفين هيعملوا ايه
واحنا قبضنا شهر 7 على القديم مفيش غير زيادة السنة المالية الجديدة
بيقولوا هيتظبط مع حوافز 7 ان شاء الله
وادينا منتظرين
دلوقتى انا مش عارفة نشتكى المديرية بتاعتنا دى فين لان كل ماحد يتكلم يقولوا لنا مفيش فلوس حتى الحوافز 150% بيقولوا مفيش نعمل ايه باه لهم ؟؟؟وهل كل المحافظات كده ؟؟؟
حاولوا تكلموا مدير الادارة الأول وتكونوا مجموعة علشان مايبقاش الموضوع شخصى بينه وبين حد فيكم
ولو مفيش استجابة من حقكوا تشتكوا لوكيل الوزارة فى المديرية بعد كدة لو مفيش استجابة يبقى آخر محطة هيا الوزراة
خلى باللك التدرج مطلوب فى الشكوى
وكمان لاينظر لأى شكوى الا اذا كان فيه بيانات صاحب الشكوى كاملة

تائبة الى الله
08-06-2011, 10:09 PM
ربنا يستر ياترانيم

prozac55
08-07-2011, 03:31 AM
احنا برضه مركز طب اسره والتقييم ل 6 اطباء والكلام اللي بيقولوه دا ترييح دماغ وسرقه علني هم حاولوا يعملوا كده معانا ف شمال سينا بس احنا وقفنا وقلنا مش هنشتغل لغاية ما خدنا حقنا دا ف شمال سينا وما ادراكم ما شمال سينا المفروض المحافظات التانيه يكون فيها ضمير شويه

وربنا يوفق حضرتك ان شاء الله

دكتور محمد عبدالعزيز
08-08-2011, 02:31 AM
:barak::CryOutLoud: السلام عليكم ورحمه الله
ليا بس استفسار واتمنى حد يردلي عليه
هل ينفع اخد تكليفي في مستشفى تعليمي او اي معهد قومي ولو ينفع ايه الشروط؟ ولو كان من ضمن الشروط واسطه فما هي نوع الواسطه اللي ممكن اجيبها؟؟؟؟؟

pure spirit
08-08-2011, 11:25 PM
اظنه صعب جدا يادكتور لانه الاصل فى التكليف انه يكون فى القطاع الوقائى
بالاضافة لبعض الهيئات الخارجية زى التأمين مثلا

لكن ممكن بعد ماتستلم تكليفك تعمل انتداب للقطاع العلاجى (اللى هيا المستشفيات )
وهى دى بقى اللى عاوزة واسطة قوية

لكن انك تستلم تكليفك من الأول فى مستشفى تعليمى بيتهيألى صعب قوى
ياريت تشوف المشاركة دى هتفيد حضرتك
التكليف في وزارة الصحة (http://www.alltebfamily.com/vb/showpost.php?p=52033&postcount=2)

wesammail1998
08-09-2011, 04:27 PM
سؤالى عن من الذى يفترض به ان يقوم بدور مفتش الصحه اذا كنت بمركز طب اسره وبه العديد من الاطباء(يعنى اى حد موجد يكشف على حالات الوفاة ولا لازم الطبيب اللى مكلف بدور مفتش الصحه) وهل فى فلوس بتطلع ليه زياده عن باقى الاطباء:5831.imgcache:

د/رواء احمد
08-09-2011, 06:25 PM
انا اعرف ان الطبيب الاول هو اللى بيمارس مهام مفتش الصحه

وما اعتقدش ان ليه اى فلوس زياده

pure spirit
08-10-2011, 12:30 AM
أيوة بالظبط كدة الطبيب الأول لو الصبح
والطبيب النبطشى لو فى النبطشية
المهم اللى شاف الحالة هو اللى بيكتب التشخيص وبيمضى لأنها مسئولية

dr.moony
08-13-2011, 01:30 AM
هى اجازة رعايه الوالد بتتحسب من فترة التكليف ولا مش بتتحسب ؟؟؟؟؟؟؟؟؟

مؤمن عز الدين
08-13-2011, 02:19 AM
هى اجازة رعايه الوالد بتتحسب من فترة التكليف ولا مش بتتحسب ؟؟؟؟؟؟؟؟؟
لا مش بتتحسب

dr.moony
08-22-2011, 01:00 AM
هو ينفع اعمل انتداب وانا فى اجزة بدون مرتب
وايه هى اجراءات الانتداب سواء كنت فى اجازة او مكنتش ؟

egytabeb
08-22-2011, 03:12 PM
يا جماعة انا كنت تكليف واستقلت وقدمت زمالة طبيب حر باطنة عامة وانا في سنة تانية. وفكرت ارجع الوزارة ناني قدمت سالت وقالوممكن نوافق بس هبرجعوني نفس الادارة اللي كنت فيها لما لغيت التكليف في الغربية واتا زمالتي في القاهرة وساكن قي القاهرة مش عارف اعمل ايه لما يخلص التكليف وتيجي النيابات هقدم فيها ولا افضل تكليف ولو فضلت تكليف يعد الزمالة ان شاء الله ازاي اروح علاجي وانا لسا في الوقائي...حد يفيدني ربنا يجزيكم خير

د/ أحـمـد سـليمان
08-23-2011, 11:19 AM
لما يخلص التكليف وتيجي النيابات هقدم فيها ولا افضل تكليف
لما ترجع التكليف هتقدم في النيابات و هتقضي فترة النيابة و هتخلص خلالها الزمالة و بعدها هتقدم شهادة الزمالة و تترقى اخصائي .. لكن مينفعش تترقى من الوقائي على طول .. و الله اعلم

maryan14
08-25-2011, 04:07 PM
يا جماعة انا عاوزة اسأل هل ممكن اخد اجازة رعاية طفل فى اول 6 شهور من التكليف؟؟؟؟

pure spirit
08-25-2011, 11:28 PM
يا جماعة انا عاوزة اسأل هل ممكن اخد اجازة رعاية طفل فى اول 6 شهور من التكليف؟؟؟؟
أيوة ينفع ومثلها اجازة مرافقة الزوج

wesammail1998
09-06-2011, 05:14 PM
انا طبيب تكليف باحد مراكز طب الاسره و لا يوجد بهذا المركز سوى 2 اطباء ذكور و 3 اناث ومدير المركز أخصائى نسا
مطالب منى انى احضر نبطشيات 24 ساعه انا والطبيب الاخر ولا يوجد ماء بالمركز
يعنى من الاخر 2 بس اللى يشيلو النبطشيات و3 التانين متفجين بس يجو يشتغلو ساعتين فالعياده ويروحو وحنا ننطحن ونفضل زى البهايم من غير حتى نقطو الميه
طب هل من حق مدير المركز انو يشيلنا احنا بس النبطشيات ولا كلو يشيل بما فيهم هو

m3sh2003
09-15-2011, 02:39 AM
السلام عليكم
بارك الله فيكم على المجهود الرائع
انا حالتى مختلفة شوية - انا خلصت طب بشرى و الحمد لله بس كنت بدرس ف ليبيا
و انا كده اسمى مش هاينزل ف التكليف تلقئيا ولا ليا تكليف على النت ولازم اروح التكليف عشان اقدم واتكلف
فسؤالى هو: انا لو لقيت فرصة شغل كويس هنا فى ليبيا ياترى اقدر اتأخر على التكليف مدة قد ايه بشرط ان التكليف مايروحش عليا ولما ارجع يبقى ليا حق فى التكليف والتعيين عادى؟؟؟؟؟؟؟؟
والسؤالى التانى: هو انا تكليفى بيكون على حسب المجموع برضه ولا ازاى لانه فى زميل كان دارس فى سوريا ولما رجع قالوله تكليفك فى مناطق نائية بس؟

m3sh2003
09-15-2011, 02:41 AM
السلام عليكم
بارك الله فيكم على المجهود الرائع
انا حالتى مختلفة شوية - انا خلصت طب بشرى و الحمد لله بس كنت بدرس ف ليبيا
و انا كده اسمى مش هاينزل ف التكليف تلقئيا ولا ليا تكليف على النت ولازم اروح التكليف عشان اقدم واتكلف
فسؤالى هو: انا لو لقيت فرصة شغل كويس هنا فى ليبيا ياترى اقدر اتأخر على التكليف مدة قد ايه بشرط ان التكليف مايروحش عليا ولما ارجع يبقى ليا حق فى التكليف والتعيين عادى؟؟؟؟؟؟؟؟
والسؤالى التانى: هو انا تكليفى بيكون على حسب المجموع برضه ولا ازاى لانه فى زميل كان دارس فى سوريا ولما رجع قالوله تكليفك فى مناطق نائية بس؟

pure spirit
09-15-2011, 02:42 PM
السلام عليكم
بارك الله فيكم على المجهود الرائع
انا حالتى مختلفة شوية - انا خلصت طب بشرى و الحمد لله بس كنت بدرس ف ليبيا
و انا كده اسمى مش هاينزل ف التكليف تلقئيا ولا ليا تكليف على النت ولازم اروح التكليف عشان اقدم واتكلف
فسؤالى هو: انا لو لقيت فرصة شغل كويس هنا فى ليبيا ياترى اقدر اتأخر على التكليف مدة قد ايه بشرط ان التكليف مايروحش عليا ولما ارجع يبقى ليا حق فى التكليف والتعيين عادى؟؟؟؟؟؟؟؟
والسؤالى التانى: هو انا تكليفى بيكون على حسب المجموع برضه ولا ازاى لانه فى زميل كان دارس فى سوريا ولما رجع قالوله تكليفك فى مناطق نائية بس؟
هو حضرتك خريج جامعة ايه ؟؟ ودفعة سنة كام ؟؟
وكمان جنسية حضرتك ايه؟؟

m3sh2003
09-17-2011, 11:39 AM
شكرا على الاهتمام يادكتورةانا مصرى بس درست طب فى ليبيا (جامعة اسمها جامعة العرب الطبية ف بنغازى بليبيا) وانا دفعت 2010 وان شاء الله هاخلص امتياز ف اخر شهر 9 الجارىفى انتظر رد حضرتك لو تقدرى تفدينى حضرتك او اى حد من الزملاء الأفاضل بس ياريت معلومات مؤكدة لان مستقبلى كله متوقف ع الموضوع ده.

pure spirit
09-17-2011, 05:14 PM
شكرا على الاهتمام يادكتورةانا مصرى بس درست طب فى ليبيا (جامعة اسمها جامعة العرب الطبية ف بنغازى بليبيا) وانا دفعت 2010 وان شاء الله هاخلص امتياز ف اخر شهر 9 الجارىفى انتظر رد حضرتك لو تقدرى تفدينى حضرتك او اى حد من الزملاء الأفاضل بس ياريت معلومات مؤكدة لان مستقبلى كله متوقف ع الموضوع ده.
بصراحة ماكنش عندى اجابة اكيدة لذلك سألت زملاء اكبر مننا وده الرد اللى وصل لى :
فى مصر الصحه لا تعترف بالشهادات الصحيه القادمه من الخارج زى الزمالات والماستر وحتى الدكتوراه يتم اعادة تقييم الحاصل على دكتوراه من الخارج لكن النقابه بتعترف بالشهادات دى لفتح عياده خاصه
عموما ده رقم ادارة التكليف فى الوزارة
0227942627
وده رقم موظفة هناك اسمها مدام عايدة ممكن تفيد حضرتك
0148244494

m3sh2003
09-17-2011, 07:28 PM
شكرا يا دكتوة على مجهودك الرائع و جزاكى الله كل خير بس احنا شهادتنا بيتعملها معادلة من المجلس الاعلى للجامعات و لينا تكليف عادى بس مش بيكون عن طريق النت وده حصل مع زملاء اعرفهم بس المشكلة ان انا موجود خارج مصر دلوقتى فايريت لو حد من الدكاترة الافاضل عنده اى معلومة ف الموضوع ده يفيدنا عن المدة اللى مسموح لى انى اتتخره بعد انتهاء الامتياز فى شهر 9 الجارى من غير ما يضيع عليا التكليف.

m3sh2003
09-17-2011, 07:32 PM
شكرا يا دكتوة على مجهودك الرائع و جزاكى الله كل خير
بس احنا شهادتنا بيتعملها معادلة من المجلس الاعلى للجامعات و لينا تكليف عادى بس مش بيكون عن طريق النت وده حصل مع زملاء اعرفهم بس المشكلة ان انا موجود خارج مصر دلوقتى فايريت لو حد من الدكاترة الافاضل عنده اى معلومة ف الموضوع ده يفيدنا عن المدة اللى مسموح لى انى اتتخره بعد انتهاء الامتياز فى شهر 9 الجارى من غير ما يضيع عليا التكليف.

pure spirit
09-17-2011, 07:54 PM
بالتوفيق ان شاء الله يادكتور
وان شاء الله احد الزملاء يدخل يفيد حضرتك

shima abdelhamid
10-21-2011, 08:38 PM
لوسمحتوا يا جماعة
انا طبيب تكليف كفر الشيخ وحتجوز ان شاء الله فى اسكندرية
ازاى انقل تكليفى واقدم عليه قبل الجواز بقد ايه

شهرزاد222
10-26-2011, 03:43 PM
السلام عليكم ورحكة الله وبركاته
عندي مشكلة في الوحدة الصحية التي أعمل بها
أنه لا يوجد مواصلات للوصول اليها بعد النزول من الطريق السريع والمشكلة أنها وسط الغيطان ولا يمكنني المشي طبعا وخاصة في النباطشية
فهل لو ذهبت لمدير الادارة التي أعمل بها وشكوت له سيلغي النبطشية ؟؟؟؟ هل أقول له ذلك أمام الجميع الغي النبطشية ؟؟؟
يعني هل هذا من سسلطته؟؟؟
أم ماذا أفعل ؟؟

abada
10-26-2011, 03:50 PM
والله نفس مشكلة المدام

افضل حل انك تلاقي طبيبة في واحدة تانية وتبدلو مع بعض وبالنسبة لالغاء النبطشية بصراحة بعد ما شفته استحالة المدير يوافق

ربنا يهديهم

pure spirit
10-26-2011, 11:05 PM
حضرتك طبيب أول يادكتورة ؟؟
ومعاكى كام طبيب فى الوحدة ؟؟ بنات ولا ولاد ؟؟

pure spirit
10-26-2011, 11:06 PM
حضرتك طبيب أول يادكتورة ؟؟
ومعاكى كام طبيب فى الوحدة ؟؟ بنات ولا ولاد ؟؟

أم معاذ
11-11-2011, 08:16 PM
من فضلكم ياجماعة

هل ممكن اعمل اجازة رعاية طفل واسافر خلالها ولا لازم اعمل مرافقه زوج

يعنى ممكن يطلبوا اى بيانات عن الاجازة وانا فى المطار

ارجو الافادة من فضلكم
وايه خطوات اجازة رعاية الطفل

dr dalia elgaml
11-12-2011, 06:18 AM
السلام عليكم ياأم معاذ عادى ممكن تأخذى أجازة رعاية طفل وتسافرى مافيش أى مشكلة وخطواتها أولا ورقة تكتبى فيها أنك تريدى القيام بأجازة رعاية طفل لمدة عام أوعامين كما تحبى هذة الورقة بتكون موجة لمدير المستشفى أو الوحدة اللى أنتى تابعة ليها ومع الورقة صورة لشهادة ميلاد أبنك مختومة من أتنين موظفين وختم النسر يعنى طبق الاصل وهتأخذى موافقة على الطلب وتتطلعى على المديرية للاخلاء والخطوات بعد كدة هما بيقلولك عليها خطوة خطوة واللة يعينك لانهم هيدوخوكى لاخد التوقيعات بس فى النهاية بتخلص وما تقلقيش لان فى المطار مابيسألوش ألا عن حاجتين التذكر سليمة والباسبور علية التأشيرة والله الموفق

أم معاذ
11-12-2011, 07:09 PM
جزاكم الله خيرا
:barak:

surviver86
11-13-2011, 12:08 AM
السلام عليكم اولااااا
انا ليا استفسار بسيط وهو انا دفعه المنصوره 2008 تكليف مارس 2010 و عدى عليا فى التكليف سنه ونصف عام فعلى وناوى اقدم فى نيابات نوفمبر 2011 باذن الله وانا زهقققققققت من شغل الوحده فهل ينفع انى اكمل بقيه فتره التكليييييييف الى ان تظهر نتيجه النيابات فى مستشفى مركزى زى المنصوره العام مثلا؟؟؟ ولو ينفع هايبقى المرتب عامل ازاى ؟؟؟؟ اساسى بس ولا معاه الحوافز ؟؟؟
سؤال تانى معلش هو ينفع لو نقلت بقيه فتره التكليف للمستشفى ( المنصوره العام مثلا ) اشتغل فى تخصص معين زى الاشعه لانى ناوى اتخصص فيها؟؟؟ ولا هاشتغل بس طوارىء بحكم انى لسه ممارس عام؟؟؟؟؟؟؟؟ ارجو الاافاده وشكرا مقدماااا

bestmk
11-13-2011, 01:40 AM
لو عرفت تروح و لو حتى انتداب توكل على الله وممكن تتحسب لك كخبره ولكن لا تقلل من وقت النيابه

pure spirit
11-13-2011, 03:02 PM
وعليكم السلام ورحمة الله وبركاته
هو رسميا التكليف اصبح سنتين كاملين فى القطاع الوقائى
قبل السنتين ماتقدرش تعمل نقل او انتداب لاى مكان
وللاسف القانون ده اتعدل بعد مادفعتنا(2008) استلمت التكليف مباشرة

bestmk
11-13-2011, 09:18 PM
لا يا دكتورة ممكن يعمل انتداب جزئى وخصوصا لو بعد سنه ده اكيد بس الموافقات هى اللى صعبه
ولو فيه كوسه ممكن من اول يوم كمان وده انا شفته مع ناس ومن دفعة 2008

pure spirit
11-14-2011, 03:30 PM
لا يا دكتورة ممكن يعمل انتداب جزئى وخصوصا لو بعد سنه ده اكيد بس الموافقات هى اللى صعبه
ولو فيه كوسه ممكن من اول يوم كمان وده انا شفته مع ناس ومن دفعة 2008
جايز يادكتور
هو من فترة مديرين الادارات عملوا جوابات انتدابات من نفسهم لزملاءنا لبعض مستشفيات الوزارة
تقريبا كان فيه عجز فى عدد الاطباء المقيمين فى المستشفيات دى
مش عارفة الوضع دلوقتى عامل ايه

surviver86
11-14-2011, 05:03 PM
وعليكم السلام ورحمة الله وبركاته
هو رسميا التكليف اصبح سنتين كاملين فى القطاع الوقائى
قبل السنتين ماتقدرش تعمل نقل او انتداب لاى مكان
وللاسف القانون ده اتعدل بعد مادفعتنا(2008) استلمت التكليف مباشرة






سنتين كاملين؟؟؟؟؟؟؟؟ ده انا كنت فاكر ان بعد ماعديت سنه كامله من حقى الانتداب الكلى وليس الجزئى .... الكلام ده اكيييييييييد؟؟؟؟؟ حكايه السنتين يعنى ؟؟؟؟؟؟؟:5831.imgcache:
وبرضه ايه نظام المرتب ساعتها لو انتدبت للمستشفى ؟؟؟؟؟؟؟؟ يعنى حاليا انا بقبض الاساسى و الحافز هايبقى كده فى المستشفى برده؟؟؟؟؟
وشكرا مقدمااااا

pure spirit
11-14-2011, 06:59 PM
سنتين كاملين؟؟؟؟؟؟؟؟ ده انا كنت فاكر ان بعد ماعديت سنه كامله من حقى الانتداب الكلى وليس الجزئى .... الكلام ده اكيييييييييد؟؟؟؟؟ حكايه السنتين يعنى ؟؟؟؟؟؟؟:5831.imgcache:
وبرضه ايه نظام المرتب ساعتها لو انتدبت للمستشفى ؟؟؟؟؟؟؟؟ يعنى حاليا انا بقبض الاساسى و الحافز هايبقى كده فى المستشفى برده؟؟؟؟؟
وشكرا مقدمااااا
والله يادكتور هو كان الاول فعلا من حقك سنة فى الوقائى والسنة التانية فى العلاجى
لكن حصل تعديل تانى وقالوا السنتين فى الوقائى
ظروفهم ايه الايام دى مش عارفة بصراحة لكن طبعا مازالت الواسطة فى مصر بتعمل كل حاجة زى مالدكتور قال
فى حالة اذا ماتم ندبك هتاخد الحوافز والبدلات من الجهة المنتدب اليها
والمرتب هتاخده من جهة عملك الاصلية

DR.....
11-15-2011, 05:29 PM
من فضلكم يا جماعة
حد يقدر يفيدني مبلغ ال 55% في الوحدة بيتوزع ازاااااااااااي؟؟؟؟؟؟؟؟؟؟؟؟؟؟

pure spirit
11-15-2011, 08:45 PM
من فضلكم يا جماعة
حد يقدر يفيدني مبلغ ال 55% في الوحدة بيتوزع ازاااااااااااي؟؟؟؟؟؟؟؟؟؟؟؟؟؟
تبع بند ايه ده يادكتورة ؟؟

A.M.A
11-20-2011, 06:14 PM
السلام عليكم ورحمة الله وبركاته انا يا جماعة استلمت فى وحدة صحية كطبيب خامس والطبيب الاول كبير فى السن وبسمع عنه حاجات كتير مش كويسة المهم لما رحت حسيت انه مش عاوز حد يشتغل غيره بيجى كل يوم ومش بيفهم حد الشغل والناس القديمة برده مش بتعمل حاجة هو بيعمل كل حاجة ولو حد مننا دخل معه وهو بيشتغل حاجة مثلا زى iud application يتضايق جدا ويقعد يتكلم عليه مع الموظفين بطريقة وحشة الكلام ده سمعته بودنى وكمان دايما عيزنا نمشى بدرى وبيلح علينا فى الموضوع ده لحد ما تزهق وتمشى وفى نفس الوقت شايل نفسه من النبطشيات واحنا عندنا بعد الساعة واحدة المستشفى صحراء يعنى مش بتشتغل ومش بتتعلم بس تشيل نبطشيات وتاخد جزاءات وفى مرة شيل حد مننا شغل تامين ولما جت فلوس التأمين مش قبضه حاجة وقال ده كان بيعملى جميل ايه رايكم فى اللى بيحصل ده

المسجد الأقصى
11-28-2011, 11:27 PM
جزاكم الله خيرا
ولكن ممكن حد يعيد رفع الملفات التلاتة اللي في الاول
علشان مش عارفة انزلهم
وجزاكم الله خيرا

pure spirit
11-29-2011, 12:09 PM
جزاكم الله خيرا
ولكن ممكن حد يعيد رفع الملفات التلاتة اللي في الاول
علشان مش عارفة انزلهم
وجزاكم الله خيرا
الروابط الثلاثة شغالة على الميديا فير
لو فيه موقع معين تحبى نعيد رفعهم عليه ياريت تقوليهولنا
واحنا هنرفعهم فورا ان شاء الله

Dr.Mirinda
12-10-2011, 07:36 AM
انا دفعة 2008 اللي إتطبق عليها موضوع سنتين رعاية اساسية

دلوقتي انا هكمل سنتين في شهر واحد هل ساعتها ممكن أتنقل العلاجي و لا برده هفضل وقائي و إزاي أتنقل العلاجي بعد قضاء السنتين؟؟؟

pure spirit
12-10-2011, 02:26 PM
طيب حضرتك قدمى فى حركة النيابات افضل من نقل التكليف للعلاجى
تانى حاجة دفعة 2008 أول حد استلم فيها هيكمل سنتين فى شهر 3 مش فى شهر 1
عاوزين بس توضيح أكثر علشان نقدر نفيدك

pure spirit
12-10-2011, 02:26 PM
طيب حضرتك قدمى فى حركة النيابات افضل من نقل التكليف للعلاجى
تانى حاجة دفعة 2008 أول حد استلم فيها هيكمل سنتين فى شهر 3 مش فى شهر 1
عاوزين بس توضيح أكثر علشان نقدر نفيدك

dr.mahmoudebraheem
12-11-2011, 04:37 PM
السلام عليكم إخواني الكرام

محتاج ردكم ضروري لإني في مشكلة خاصة بنقل تكليفي من منطقة نائية لمحافظتي

أنا تبع إدارة مطروح وإستلمت غصب عني بسبب الإنذارات اللي بعتوها لي على البيت

وقلت أستلم لحد ما التظلم يتقبل لإني عائل الأسرة الوحيد لوفاة والدي وأنا وحيد لإخواتي البنات

المهم إستملت في شهر 9 والأمور ما كنتشي كويسة قوي بس إستحملت

المهم نزلت علشان أشوف التظلم وأخذت ميعاد يوم الثلاثاء القادم للرد

وفوجئت بإن في حد في إدارة التكليف في مطروح قال لزميلي لو أنا حتى جبت موافقة الوزير

إدارة التكليف مش هتوافق حتى ولو ممضي من الوزير لحاجة المكان ؟؟

الكلام ده صحيح ولا لأ وأيه المخرج من البلوى دي ؟؟

رجاءا تردوا عليا سريعا

pure spirit
12-11-2011, 06:03 PM
ادارة التكليف فى مطروح دى اللى هيا المديرية فى مطروح ؟؟
لو القرار الوزارى طلع مايقدروش يرفضوا يخلولك
اهم حاجة دلوقتى قرار التعديل يطلع من الوزارة وخصوصا انك معداش على تكليفك سنة
بعدها ان شاء الله الأمور سهلة

dr6602
12-12-2011, 04:34 PM
للاسف لسة الواسطة فى البلد هى اللى فى ايدها كل حاجة حاول تشوف حد يخلصلك الورق من الوزارة وان شاء الله فى مطروح يعتمدوه
و تذكر دائما انه بعد العسر سيأتى اليسر فاستعن بالله وسيجعل لك مخرجا

Dr:Rony
12-23-2011, 09:47 PM
أرجو المساعدة في نقل أو تعديل تكليفي دفعة 2008
الموضوع بالتفصيل أن تكليفي مارس 2010 في المنيا وأنا من سكان الأسكندرية فعملت أنتداب للتأمين الصحي في أسكندرية ولما كملت سنة
وبدأت أسال عن أجراءات النقل عندي في عيادة التأمين قالوا أنقلي التأمين وبسبب ظروف بدأت أجراءات النقل في شهر 8
جبت موافقة وكيل الوزارة في المنيا علي النقل للتأمين الصحي والصراحة كان طلب عادي من غير أي وسايط
وبعدين قدمت طلب لموافقة رئيس هيئة التأمين وطبعا الموظفين دوخوني ومن مكتب لمكتب لمدة 3 شهور
لحد معرفت مدير الأدارة حد كويس ممكن يمشي الورق فوجئت بقرار جديد رقم 745 لسنة 2011 نزلة الوزير عمرو حلمي بمنع نقل أطباء التكليف
لحين أنتهاء التكليف بعد سنتين روحت قدمت طلب نقل لمديرية الصحة بالأسكندرية وطبعا كتبولي عليه يعرض علي أدارة التكليف أولا
علشان نفس القرار
ممكن حد يساعدني أعمل أيه علشان أنقل اسكندرية صحة أو تأمين مش فارقة المهم أنقل أسكندرية قبل النيابات
علشان النقل في النيابات مستحيل وخصوصا أن ممكن يجيلي أستنفاذ رغبات وبكده حرجع تاني المنيا أفيدوني أفادكم الله



:barak:

pure spirit
12-23-2011, 10:50 PM
طيب ما تعملى تعديل تكليف من الادارة اللى فى مديرية المنيا لادارة فى مديرية الاسكندرية
وده مسموح بعد سنة تكليف
بتجيبى موافقة المديريتين وتعملى طلب فى ادارة التكليف فى الوزارة وبتسالى عليه بعد اسبوعين
أعرف ناس زمايلى عملوه بعد سنة واتوافق عليه بعد سبوعين بالظبط

Dr:Rony
12-24-2011, 01:13 PM
ماهو المشكلة محدش بيوافق دلوقتي علشان قرار عمرو حلمي أن النقل يبقي بعد سنتين التكليف وطبعا بعد السنتين كل المدريات حترفض علشان الدرجة المالية ملهاش حل غير في الوزارة بس مش عارفة أزاي

pure spirit
12-24-2011, 06:13 PM
ماهو المشكلة محدش بيوافق دلوقتي علشان قرار عمرو حلمي أن النقل يبقي بعد سنتين التكليف وطبعا بعد السنتين كل المدريات حترفض علشان الدرجة المالية ملهاش حل غير في الوزارة بس مش عارفة أزاي
امتى طلع القرار ده ؟؟ ممكن تجيبى لنا نصه أو صورة منه
انا اعرف ان قرار منع النقل ده كانوا يقصدوا بيه النقل من الوقائى للعلاجى
وفعلا فى بداية تكليفنا (دفعة 2008 ) نزلوا القرار ده لانه كان الأول من حقك تنقل السنة الثانية من التكليف من القطاع الوقائى للقطاع العلاجى (مستشفيات يعنى )
ورغم كدة ناس نقلت عادى (طبعا وسايط )
اعمليه بسبب اى ظروف اجتماعية وهاتى موافقة الجهتين واللجنة هيا اللى بتحدد

Dr:Rony
12-24-2011, 08:46 PM
القرار أصدره الوزير عمرو حلمي رقم 745 بتاريخ 2 / 11 / 2011 أنا شوفت القرار لكن معنديش صورة منه تقريبا كده أصدره لما كان عايز يوزع التكليف كله في الصعيد حتي لما روحت أجيب موافقة مديرية أسكندرية مدير شئون العاملين مضي بتعرض علي أدارة التكليف أولا هوينفع أقدم تظلم أجتماعي بموافقة جهة العمل بس ولا حتي من غير موافقات يعني ظروف اسرية

TAWSOHA
12-25-2011, 09:32 PM
القرار أصدره الوزير عمرو حلمي رقم 745 بتاريخ 2 / 11 / 2011 أنا شوفت القرار لكن معنديش صورة منه تقريبا كده أصدره لما كان عايز يوزع التكليف كله في الصعيد حتي لما روحت أجيب موافقة مديرية أسكندرية مدير شئون العاملين مضي بتعرض علي أدارة التكليف أولا هوينفع أقدم تظلم أجتماعي بموافقة جهة العمل بس ولا حتي من غير موافقات يعني ظروف اسرية
بصى يا دكتور انا عامل اكونت مخصوص علشان ارد على طلبك ده
بص يا ريس انا نفس ظروفك بالظبط و نفس دفعتك كمان و برضه انتدبت للتامين و برضه اتاخرت فى تعدجيل التكليف للتامينو برضه صدمت بقرار عمرو حلمى الله يسامحه اللى لسه نازل فى شهر 11

لكن احب ابشرك ان القرار ده سارى فقط على 3 جهات
1- التامين
2- هيئة المستشفيات التعليمية
3- المراكز الطبية المتخصصة

أما المديريات فلا ينطبق عليها القرار ده تماما بمعنى عايز تنقل اى مديرية مادام جبت موافقة المديرية بتاعتك يبقى مفيش مشكلة خالص
تطلع على الوزارة بموافقة المديرية بتاعتك و ان شاء الله تخلص الموضوع

اما لو عايز تنقل اى حتة من الثلاثة اللى انا زكرتهم يبقى مينفعش حتى لو جبت موافقة مديرية بتاعتك

و انا مصور صورة من القرار ده

لكن بقى انا ليا سؤال ليك ايه المشكلة فى النقل بعد سنتين انت زكرت مش عارف درجة مالية ايه و بتاع ايه ؟؟

sting
01-04-2012, 07:49 PM
دلوقتى وانا بقوم باخلاء الطرف من التكليف للنيابة ..اخليت من الوحدة ثم الادارة وطبعا الادارة كاتبينلى انى اروح النهاردة المديرية ..وما رحتش ..هل اما اروح بكرة الموظف هيقولى اعمل اليوم ده عارضة
والا هيغير التاريخ


سؤال كمان ..لو انا عوز اريح 3 او 4 ايام قبل الاستلام ..ممكن اطلب من الموظف انه يكتبىل مثلا خطاب التوجيه من المديرية على يوم الثلاثاء القادم مع العلم انى هروح المديرية بكره بجواب االخلاء من الادارة..والا مشه هنيفع ..واحد صاحبى بيقولى انه ينفع بس هتمضى كل يوم فى المديرية عما تخلى



ارجو الرد

تائبة الى الله
01-08-2012, 09:50 AM
السلام عليكم ورحمة الله وبركاته
يادكاترة من فضلكم عندى اسئلة كتير محتاجة مساعدتكم فى اجابتها انا تكليف عدى عليا 6 شهور وعاوزة اسال :

اولا اجازة مرافقة الزوج انا اعرف انها لاتحسب من مدة التكليف لكن عاوزة اسال هل هى مدفوعة الراتب ؟؟؟

كمان عاوزة رايكم لو هسافر بلد عربى انا وزوجى مهندس مدنى ايه رايكم فى السعودية ؟؟؟والا تنصحونى باى بلد ؟؟؟؟

طيب لو هسافر خلاص السعودية نصيحتكم ليا ادور على شغل خاص والا حكومة ؟؟؟وهل الامتحانات بتاعة الهيئة دى بنعدى منها والا صعبة ؟؟؟انا اعرف بس ان فيه امتحانات فى الهيئة لكن معرفش اى معلومات تانية

لو افتكرت اسئلة تانى هسالكم

جزاكم الله خيرا

kind heart 2011
01-08-2012, 10:25 PM
[quote=تائبة الى الله;316387]

اولا اجازة مرافقة الزوج انا اعرف انها لاتحسب من مدة التكليف لكن عاوزة اسال هل هى مدفوعة الراتب ؟؟؟
الاجازه دي فعلا مش بتتحسب من مده التكليف وبتدفعي تامينات ليها كل سنه يعني مثلا واخده سنتين اجازه مرافقه زوج بتدفعي لكل سنه فيهم تامينات وبراحتك في عدد السنين اللي عايزه تاخديها ومش بتقبضي مرتب ولا حتي في اجازه رعايه طفل بس تفرق عن اجازه مرافقه الزوج ان رعايه طفل 6 سنين مش بتدفعي تامينات وبعد كده عايزه تاخدي تاني رعايه طفل بتدفعي بعد 6 سنين وبرده مش بتقبضي مرتب المرتب بس بتقبضيه في اجازه تفرغ للدراسه لما تحضري ماستر مثلا

عاوزة رايكم لو هسافر بلد عربى انا وزوجى مهندس مدنى ايه رايكم فى السعودية ؟؟؟والا تنصحونى باى بلد ؟؟؟؟

دي حاجه ترجعلكم لكل بلد نظام وعلي حسب العرض اذا كان مناسب ويستاهل تسافرو او لأ

طيب لو هسافر خلاص السعودية نصيحتكم ليا ادور على شغل خاص والا حكومة ؟؟؟

هو طبعا الشغل الحكومي ليه مميزات كتيره جدا سواء في السعوديه او اي بلد خليج الاكتر في السعوديه عشان كمان بيوفر بدل سكن ومواصلات
وكمان مضمون ومرتباته عاليه وكل ده علي سمع مش عن تجربه لان بنت عمتي مسافره وفي شغل حكومي
وهل الامتحانات بتاعة الهيئة دى بنعدى منها والا صعبة ؟؟؟انا اعرف بس ان فيه امتحانات فى الهيئة لكن معرفش اى معلومات تانية
ما اعرفش حاجه عن النظام هناك ايه حاولي تسالي ناس سافرت او حد يعرف النظام هناك ايه

kind heart 2011
01-09-2012, 01:47 PM
http://www.alltebfamily.com/vb/allteb_new_2/misc/tag.png وهل الامتحانات بتاعة الهيئة دى بنعدى منها والا صعبة ؟؟؟انا اعرف بس ان فيه امتحانات فى الهيئة لكن معرفش اى معلومات تانية

كل ما يخص إمتحان الهيئة السعودية (البرومترك) (http://www.alltebfamily.com/vb/showthread.php?t=19887)

aymanedrees
01-10-2012, 02:58 PM
السلام عليكم نصيحه شخصيه مني يادكتوره لو ناويه تسافري مع زوجك ياريت تمتحني البرومترك عندك فمصر لانه اسهل من حيث الاجرات بمعني ان فالسعوديه بيطلبو اوراق كتير وبتاخد وقت ده فحاله لو هتمتحني مع نفسك مش من خلال شغل ودلوقتي بيطلبو الامتحان قبل التعاقد معهم سواء فالخاص او الحكومي ولو حضرتك عوزه تمتحني فالسعوديه الاوراق المطلوبه هي1شهاده البكلوريوس 2شهاد الامتازه3شهاده خبره وطبعا لازم يكونو متوثقين من الخاريخيه والقنصليه السعوديه بمصر4شهاده سبل المحافظه علي الحياه cprودي بتعمليهافالسعوديه فاي مستشفي بتعمل الدوره دي بتكون فيوم واحد وبتمتحني فنفس اليوموتاخدي الشهاده 5تامين طبي ليكي 6رسوم الامتحان1500ريال سعودي ده غير مبلغ التامين الصحي

فمصر امتحان البرومترك ب100دولار ولو لاقدر الله في رسوب يمكن اعاده الامتحان ك\ا مره اما فالسعوديه ليكي 3مرات بعدها مينفعش تدخلي تاني

asmaa86
01-11-2012, 01:28 AM
السلام عليكم ورحمة الله وبركاته

انا كنت عايزة استفسر منكم عن حاجة ضروووووري ويا ريت تردو عليا

انا دفعة 2009 وكنت مأجلة الامتياز ودلوقتي فاضلى فيه 3 شهور بس
وان شاء الله لما انزل مصر هخلصهم لاني مقيمة في السعودية

بس انا عايزة اعرف لو خلصتهم على شهر 6 او 7 مثلا اقدم على التكليف امتي؟؟؟؟
يعني لازم استنى واقدم على تكليف 2013 مع الدفعة الجديدة ولا ايه النظام
يا ريت اللي يعرف يجاوبني
:gzak:

د/ أحـمـد سـليمان
01-11-2012, 09:40 AM
بس انا عايزة اعرف لو خلصتهم على شهر 6 او 7 مثلا اقدم على التكليف امتي؟؟؟؟
يعني لازم استنى واقدم على تكليف 2013 مع الدفعة الجديدة ولا ايه النظام
يا ريت اللي يعرف يجاوبني
هتقدمي ان شاء الله مع الدور التاني بتاع 2012
اللي اسمها حركة تكليف سبتمبر
بيكون التقديم في شهر 7 و 8
و الستلام بيكون في 9

aymanedrees
01-11-2012, 02:06 PM
حضرتك لما تخلصي امتيازك بازن الله بتروحي الوزاره اداره التكليف بتقوليلهم انا عوزهاقدم طلب لتكليفي وبتكتبي فالطلب انك تاخرتي عن التكليف لانك خلصتي امتيازك متاخر وبتاخدي معاكي صوره من قسيمه الزواج بترفقيها مع الطلب
وبتكتبي فالطلب المكان الي انتي عوزاه المدريه والاداره والموظفه هناك هتقوللك الصيغه بالضبط والطلب بياخد تقريبا اسبوعين بالكتير اوي بس تروحي تسالي بنفسك وبعد كده بتاخدي الموافقه وتروحي للمدريه الي هتاخدي تكليفك فيها

الكلام ده هوالي حصل معي بالضبط ايام تكلفي

ساره البحيري
01-11-2012, 03:43 PM
لو سمحتو يا جماعه حد يفيدني ايه نظام الزماله انا لسه مستلمه تكليف بس اخدت اجازه ممكن اخد زماله قبل ما اخلص تكليفي ولا لازم اخد تكليف لاني مسافره وعايزه حاجه اخدها بسرعه لاني مش بقعد كتير في مصر وايه التخصصات اللي مممكن اخدها

asmaa86
01-11-2012, 06:39 PM
تقدمي ان شاء الله مع الدور التاني بتاع 2012اللي اسمها حركة تكليف سبتمبر بيكون التقديم في شهر 7 و 8
و الستلام بيكون في 9

:gzak:



حضرتك لما تخلصي امتيازك بازن الله بتروحي الوزاره اداره التكليف بتقوليلهم انا عوزهاقدم طلب لتكليفي وبتكتبي فالطلب انك تاخرتي عن التكليف
خلصتي امتيازك متاخر وبتاخدي معاكي صوره من قسيمه الزواج بترفقيها مع الطلب وبتكتبي فالطلب المكان الي انتي عوزاه المدريه والاداره
والموظفه هناك هتقوللك الصيغه بالضبط والطلب بياخد تقريبا اسبوعين بالكتير اوي بس تروحي تسالي بنفسك وبعد كده بتاخدي الموافقه
وتروحي للمدريه الي هتاخدي تكليفك فيها
الكلام ده هوالي حصل معي بالضبط ايام تكلفي





يعني اللي انا فهمته من حضرتك اني اول ما اخلص الامتياز هستلم تكليفى علطول
ومش هستني الدور التاني زي ما الدكتور احمد سيلمان قالي
صح كده ولا انا فهمت غلط ؟؟؟

و:gzak:

asmaa86
01-11-2012, 07:00 PM
انا ليا كمان سؤال لو سمحتم بخصوص تأجيل التكليف
انا ناوية ان شاء الله استلم التكليف واجله عشان انا اصلا مقيمة في السعودية
هل ينفع اعمل التأجيل اول ما استلم التكليف ولا لازم اقضي مدة معينة فيه قبل التأجيل
لاني سمعت اني لازم اقعد شهر في التكليف وبعدين أأجله الكلام ده صحيح ولا لأ؟؟؟؟
لو حبيبت اعمل تأجيل اعمله مرافقة زوج ولا رعاية طفل انا بنتي عمرها سنة ونص ايه الاحسن ؟؟؟؟؟؟؟؟؟؟؟؟؟
والتأجيل بيبقي مدته قد ايه ؟؟؟؟؟؟؟؟؟؟

انا آسفة طولت عليكم
:wfk:

و:gzak:

aymanedrees
01-12-2012, 01:17 PM
انا لسه شايفه كلام دكتور احمد هو طبعا يعرف اكتر مني بكتير بس انا حصل معي كده بالضبط واستلمت علطول لانك لما تروحي اداره التكليف هتقولي انك متزوجه وبتاخدي قسيمه الزواج وبالنسبه للمتزوجات الموضوع اسهل وممنك تتصلي بالوزاره تعرفي منهم

aymanedrees
01-12-2012, 01:24 PM
بالنسبه لاجازه مرافقه الزوج او رعايه الطفل الاتنين ينفع تعمليهم بعد استلام التكليف مباشره انا عملت رعايه طفل بعد الاستلام بيوم واحد وبالنسبه للافضل الاتنين زي بعض ولكن الرعايه مش بتتدفعي فلوس فيها خالص اما المرافقه بتدفعي كل سنه مبلغ للتامينات والمعاشات وينفع تمدي الاجازه حتي وانتي مسافره فقط اي حد من اقريبك يروح المدريه ويمدها واي استفسار انا تحت امرك

asmaa86
01-13-2012, 05:26 AM
انا لسه شايفه كلام دكتور احمد هو طبعا يعرف اكتر مني بكتير بس انا حصل معي كده بالضبط واستلمت علطول لانك لما تروحي اداره التكليف هتقولي انك متزوجه وبتاخدي قسيمه الزواج وبالنسبه للمتزوجات الموضوع اسهل وممنك تتصلي بالوزاره تعرفي منهم

بالنسبه لاجازه مرافقه الزوج او رعايه الطفل الاتنين ينفع تعمليهم بعد استلام التكليف مباشره انا عملت رعايه طفل بعد الاستلام بيوم واحد وبالنسبه للافضل الاتنين زي بعض ولكن الرعايه مش بتتدفعي فلوس فيها خالص اما المرافقه بتدفعي كل سنه مبلغ للتامينات والمعاشات وينفع تمدي الاجازه حتي وانتي مسافره فقط اي حد من اقريبك يروح المدريه ويمدها واي استفسار انا تحت امرك



:gzak:

dr_lam7a
01-13-2012, 04:09 PM
عندي سؤال لو سمحتم عن اجازه الوضع

هل هيا بتتحسب من مده التكليف . يعني بتتحسب مده قضيتها والا لا ؟؟

وهل لو واحده ولدت قبل ما تستلم بشهر مثلا
ينفع تاخد اجازه وضع والا لا ؟؟

aymanedrees
01-13-2012, 06:29 PM
السلام عليكم ايوه بتحسب من التكليف وبتاخدي فيه مرتب كل شهر بس تكوني استلمتي الاول وبعدين بمجرد ما تولدي بتخديها من تاريخ الولاده

dr_lam7a
01-13-2012, 07:03 PM
عليكم السلام ورحمه الله
متشكره يا دكتور

بس لو كان استلامي بعد فتره من الولاده وليكن اسبوعين مثلا
يبقي ليا اجازه برده والا لأ ؟؟

د/ أحـمـد سـليمان
01-13-2012, 09:37 PM
لو سمحتو يا جماعه حد يفيدني ايه نظام الزماله انا لسه مستلمه تكليف بس اخدت اجازه ممكن اخد زماله قبل ما اخلص تكليفي ولا لازم اخد تكليف لاني مسافره وعايزه حاجه اخدها بسرعه لاني مش بقعد كتير في مصر وايه التخصصات اللي مممكن اخدها

بالنسبة للزمالة المصرية .. لازم تكوني خلصتي التكليف و خدتي نيابة في التخصص المطلوب

اما الزمالات الاجنبية دي حاجة تانية .. ممكن تذاكري و تمتحني و انتي بره

dr_lam7a
01-13-2012, 10:24 PM
عليكم السلام ورحمه الله
متشكره يا دكتور

بس لو كان استلامي بعد فتره من الولاده وليكن اسبوعين مثلا
يبقي ليا اجازه برده والا لأ ؟؟

لو حد يعرف بعد اذنكو

asmaa86
01-14-2012, 03:46 AM
عليكم السلام ورحمه الله
متشكره يا دكتور

بس لو كان استلامي بعد فتره من الولاده وليكن اسبوعين مثلا
يبقي ليا اجازه برده والا لأ ؟؟


انا هقولك اللي حصل معايا
انا ولدت وانا في الامتياز واخذت 40 يوم اجازة وضع واتحسبت من مده الامتياز وكانت بمرتب
انا اعتقد انك كده ليكي اجازة لحد اربعين يوم من الولاده
بس بتخدي معاكي شهادة ميلاد الطفل
ويا رب حد يفيدك اكتر مني

dr_lam7a
01-14-2012, 02:17 PM
متشكره جدا والله يا دكتوره

هي المشكله في الفتره الي ما بين الامتياز واستلام التكليف دي ..

عاوزه اعرف ايه نظامها .. لو وواحده ولدت بعد ما خلصت امتياز وقبل ما تستلم تكليف ..( لاني اسمع ان استلام التكليف ساعات بيتاخر لشهر 4 )
يبقي من حقها تاخد اجازه الوضع بتاع التكليف والا لا

معلش انا بلح في السؤال لانه مهم بالنسبالي جدا