المساعد الشخصي الرقمي

مشاهدة النسخة كاملة : الاستفسارات عن قواعد التكليف - خطوة بخطوة


الصفحات : [1] 2 3

Postgraduate Team
02-26-2010, 11:08 PM
السلام عليكم و رحمة الله و بركاته

http://www.upislam.com/images/4xkuxuu7na017illmcps.jpg

أهلا و سهلا بالدكاترة الجداد .. سنة أولى تكليف

طبعا كل حاجة جديدة علينا .. من أول الأماكن مرورا بطبيعة الشغل .. لغاية الناس اللي هنتعامل معاهم

علشان كده قلنا لازم ( من سكات ) من غير ما حد يحس .. نعمل موضوع نشوف فيه النظام .. علشان منتفضحش قدام الناس و نبقى أجهل خلق الله ... و الواحد مننا يلاقي نفسه طبيب اول طول بعرض اد الدنيا و هو مش عارف حاجة في الوحدة .. و زيه زي الختم اللي هو ماسكه في ايده.. و خالتك الحاجة الممرضة فاهمة شغلها اكتر منك .. و لا الكاتب اللي بيكتب اسمه بالعافية يبقى عارف الاداريات احسن منك .. و كل شوية تتعرض لمضايقات و انت عامل زي حنفي الأبـهه مش عارف تتصرف ...

علشان كده لازم نعلم نفسنا بنفسنا

اعتبروه منهج هنتسأل فيه شفوي
و لا اعتبروه سؤال جاي في النظري
لأن في حاجات كتير مهمة جدا في حياتك كـ دكتور
بس متعلمتهاش للاسف في كلية الطب

اصل مش قدامنا اختيارات .. لازم نبقى ملو هدومنا

و علشان كده هنبدأ بسم الله مع بعض
و هيبقى ده

رابطة التكليف الجديد

ياريت اللي هيدخل يقرأ الموضوع و يستفيد منه يبقى يعرفنا انه مشترك معانا في رابطة التكليف الجداد .. علشان نشد من أزر الرابطة و تبقى رابطة بفيونكة و إن شاء الله تستمر معانا طول فترة تكليفنا و تبقى ملتقى للناس و نفيد بعض بحكم تجاربنا في الاماكن اللي هنروحها بدل ما كل الكلام بيجيلنا من الناس الأكبر مننا


و هيبقى الموضوع مخصص فقط .. للإستفسارات عن الشغل في الوحدات و الاداريات و خلافة

اما اي نقاشات تانية هيكون متخصص لها موضوعات تانية مفتوحة .. و اي مشاركة لا تخص الموضوع بتاعنا ده هيتم نقلها لمكانها المناسب او حذفها لو كانت مش مفيده

بس رجااااااااااء من الزملاء
انهم يقرأوا الملفات الي هنرفعها قبل ما يسألوا أي سؤال .. علشان فعلا الملفات دي بتاخد مجهود كبير جدا في جمعها و في تصفيتها و في تنسيقها و تظبيطها بشكل يسهل القرايه و البحث .. بدل التدوير في المنتديات و تقليب الصفحات


سلام مؤقتا
عايزين نلاقي مصر كلها في اللي بيشاهدوا الموضوع الآن

على فكرة
فريق العمل بيسمح ان الموضوع ينشر او يتنقل اي مكان مع ذكر المصدر

http://www.upislam.com/images/qru8390aj5rguyis3sj6.jpg

Postgraduate Team
02-26-2010, 11:11 PM
دلوقتي هنبدأ بأول ملف
و مطلوب من كل واحد يعمل كباية شاي ( او نسكافيه )
و ينزل الملف و يقراه قبل ما يسأل أي سؤال

من هنــــــــــــا (http://www.mediafire.com/download.php?zzd2zmtm5mj)

يارب يعجبكم

و بإذن الله نوعدكم بالمزيد
مع فريق عمل الأطباء بعد التخرج

http://www.upislam.com/images/elokzzf7ckva5wz25jtt.gif

Postgraduate Team
02-26-2010, 11:11 PM
الملف الثاني

عبارة عن الجزء الثاني من سلسلة
التكليف خطوة بخطوة

و الملف ده بالذات بيركز اوي على الاداريات اللي زي حالات الوفاة و شهادات الميلاد و زي الاجازات في التكليف و المستحقات المالية و الجزاءات و التحقيق مع الموظفين

هنــــــــــا (http://www.mediafire.com/download.php?oi02nmkinaz)

يارب يعجبكم

و بإذن الله نوعدكم بالمزيد
مع فريق عمل الأطباء بعد التخرج

http://www.upislam.com/images/elokzzf7ckva5wz25jtt.gif

Postgraduate Team
02-26-2010, 11:11 PM
الملف الثالث

و ده كنا حطيناه قبل كده
بس هنضيفه من جديد
نظرا لأهميته



س & ج في التكليف (http://www.mediafire.com/download.php?zn3vtjlzmow)


http://www.upislam.com/images/elokzzf7ckva5wz25jtt.gif

Postgraduate Team
02-26-2010, 11:11 PM
برجاء قراءة هذا الموضوع للأهمية

°•.♥.•°المسئولية الادارية و النظام المالي في التكليف°•.♥.•° (http://www.alltebfamily.com/vb/t21021.html)


http://www.upislam.com/images/elokzzf7ckva5wz25jtt.gif

رفقة
02-26-2010, 11:20 PM
متابعة معكم
بارك الله فيكم
:alganna:

Dr Shero
02-26-2010, 11:36 PM
شكرا جزيلا
مجهود فعلا اكثر من رائع

أبو أسامة المصري
02-27-2010, 12:07 AM
وكنت إذا التكليف أهمني..شددت عزمي واستعنت بالمليك
فيكشف ضُرّي ويقضي حاجتي..سبحانه!تنزه عن النِدِّ والشريكِ

dr_toota
02-27-2010, 12:14 AM
ربنا يجازيكوا خير انا معاكم باذن الله قريت الملف بس حاسه ان الموضوع مسئوليه اوى وبجد الواحد قلقان منها المسئوليه دى حاسه ان ممكن لو واحد زميلى موجود قبلى سهل انه يضحك عليا لو عاوز

د / مادح محمد
02-27-2010, 05:40 AM
السلام عليكم
معاكم باذن الله
اللهم انصرنا على الكاتب والممرضه ومدير الاداره يارب

freemansaad
02-27-2010, 06:05 AM
مجهود وعمل مشكور ومفيد جداااااااااا
جزاكم الله كل الخير

abayazeed_mah
02-27-2010, 08:15 AM
والله ياجماعة أنا مش عارف اشكر فريق عمل الخريجين ازاى؟؟

فعلا مجهود أكثر من رائع وأفكار جميلة وبسيطة لكن عبقرية.... بتساعدنا نقرب من الحياة العملية والإدارية وتعرفنا ازاى نؤدى شغلنا مظبوط

والدى كان نصحنى وقالى إن مفتاح كسب احترام وحب الناس فى عملك هو إنك تكون فاهم شغلك صح ومتميز فيه جدا.


وده بالنسبة للدكاترة يتحقق بحاجتين..

أولهم إنك تكون شاطر فى مجالك اللى هو الطب ومتابع لكل ماهو جديد..وتانيهم إنك تكون فاهم إداريات شغلك ومكان عملك ..يعنى اللوائح والقوانين اللى بتحكم مكان العمل وأعضاءه،


ودى ماحدش يزهق منها-زى ما انا كنت بعمل-لأنه من المهم جدا ليك كطبيب-أيا كان طبيعة عملك ومكانه-أنك تكون فاهم كل حاجة بتحصل حواليك ومفتح كويس جدا عشان ماحدش يضحك عليك وعشان برضه تقدر تحمى نفسك ساعة الخطأ اللى ساعتها الكل بيدور على واحد غشيم وساذج وعلى نياته علشان يلبسه المشكلة فاحذر أنك تكون هذا الشخص.

وفيه حاجة كمان مهمة ولازم نعرفها هى أن فيه قانون وفيه روح القانون.... يعنى احيانا (بنضطر أو مش بنرضى) نطبق القانون بحذافيره ويكون فيه تساهل ومرونة فى تطبيق القانون ولكن من غير مانضر بالمصلحة العامة أو حيوية العمل ودى بتساعدك فى تمشية أمور العمل من غير تزمت ولا تشدد علشان تقدر تتواصل مع الناس ويقدر الناس تحبك وماتخافش منك

فيه مواضيع جميلة جدا على المنتدى هتساعدك تفهم النظام الإدارى للوحدات الصحية أنا اخترت موضوعين
الأول لد/مشتاقة للجنة..وده الرابط
http://www.alltebfamily.com/vb/t21021.html
والتانى لد/طبيبة مسلمة.. وده رابط الموضوع
http://www.alltebfamily.com/vb/t1724.html
فجزاهم الله خيرا


أنا الحمد لله جالى تكليفى فى منيا القمح على غير المتوقع
لو حد معايا فى منيا القمح ياريت يعرفنى ويفرحنى

أكرر تحياتى لفريق عمل الخريجين
جزاكم الله عنا خيرا

dr h
02-27-2010, 09:13 AM
جزاكم الله خيرا
ويارب يوفقنا جميعا

د.سندريلا
02-27-2010, 01:11 PM
انا معاكم باذن الله بس لملف مش راضي ينزل علي الجهاز عندي ......وجزاكم الله خيراااااااااااااا

د/رواء احمد
02-27-2010, 02:10 PM
انا متابعه معاكم ان شاء الله
وربنا يقضي تكليفنا على خير

dr seham
02-27-2010, 04:38 PM
جزاكم الله خيرا

د/ أحـمـد سـليمان
02-27-2010, 05:05 PM
الاعتباري = نسبتك المؤية × 4600

fotat
02-27-2010, 05:51 PM
جزاكم الله خيرا وان شاء الله معاكم

حفصه بنت عمر
02-27-2010, 06:28 PM
جزاكم الله خيرا فى ميزان حسانتكم

asad
02-27-2010, 09:10 PM
جزاكم الله خيرا

dr_hero85
02-27-2010, 09:23 PM
السلام عليكم ورحمة الله وبركاته جميعا

اعتذر عن عدم التواجد في الايام القليلة الماضية - لظروف خارجة عن ارادتي - وان شاء الله معكم

الف مبروك لكل اللي جاله تكليف في مكان اختاره او حابب يروحه .. واللي محصلش نصيب في رغبته .. كلمة واحدة مؤمنين بيها "{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]} "

جزيل الشكر والامتنان والتقدير .. للأخ العزيز والزميل الفاضل .. ورفيق الكفاح في طب الزقازيق .. د. أحمد سليمان على مجهوده الرائع .. داعيا الله له بالتوفيق والسداد .. ويااااارب افرح بيك قريب .. وشك بيضحك

mohammedgapr
02-27-2010, 09:30 PM
جزاك الله خيرا يا د. أحمد سليمان انت وفريق عمل الخريجين على مجهودك الكبير معانا الفترة اللى فاتت

واعتبرنى منضم للرابطة..


السلام ختام

pure spirit
02-27-2010, 09:47 PM
جزاكم الله خيرا

dr seham
02-27-2010, 09:49 PM
جزاكم الله خيرا

Dr.Paranormal
02-27-2010, 10:01 PM
كل اللي بنتظره من كل الطب ديما بلاقيه الحمد لله
مجهود اكثر من رائع جزاكم الله خيرا

مؤمن عز الدين
02-28-2010, 03:54 PM
السلام عليكم و رحمة الله و بركاته
جزاكم الله خيرا كثيرا
إن شاء الله مشترك في رابطة التكليف الجديد

Dr BASMA
02-28-2010, 07:02 PM
:gzak:
معاكم إن شاء الله

mohammedgapr
02-28-2010, 07:39 PM
كان عندى استفسار ياريت حد يقدر يفيدنى

لو كان للواحد انه يختار المكان اللى هيتكلف فيه ايه افضل مكان اجمالا
وحدة دعم
وحدة كادر
طب الاسرة
مستشفى تكاملى
مستشفى مركزى(لو ينفع)
انهو افضل اجمالا
وايه افضل ماديا..وايه افضل من ناحية الحضور .. وايه افضل تعليميا

السلام ختام

دكتورة امانى
02-28-2010, 09:10 PM
جزاكم الله خيرا وانا متابعة معاكم:wfk:

د/ أحـمـد سـليمان
03-01-2010, 02:41 PM
والله ياجماعة أنا مش عارف اشكر فريق عمل الخريجين ازاى؟؟

فعلا مجهود أكثر من رائع وأفكار جميلة وبسيطة لكن عبقرية.... بتساعدنا نقرب من الحياة العملية والإدارية وتعرفنا ازاى نؤدى شغلنا مظبوط

والدى كان نصحنى وقالى إن مفتاح كسب احترام وحب الناس فى عملك هو إنك تكون فاهم شغلك صح ومتميز فيه جدا.


وده بالنسبة للدكاترة يتحقق بحاجتين..

أولهم إنك تكون شاطر فى مجالك اللى هو الطب ومتابع لكل ماهو جديد..وتانيهم إنك تكون فاهم إداريات شغلك ومكان عملك ..يعنى اللوائح والقوانين اللى بتحكم مكان العمل وأعضاءه،


ودى ماحدش يزهق منها-زى ما انا كنت بعمل-لأنه من المهم جدا ليك كطبيب-أيا كان طبيعة عملك ومكانه-أنك تكون فاهم كل حاجة بتحصل حواليك ومفتح كويس جدا عشان ماحدش يضحك عليك وعشان برضه تقدر تحمى نفسك ساعة الخطأ اللى ساعتها الكل بيدور على واحد غشيم وساذج وعلى نياته علشان يلبسه المشكلة فاحذر أنك تكون هذا الشخص.

وفيه حاجة كمان مهمة ولازم نعرفها هى أن فيه قانون وفيه روح القانون.... يعنى احيانا (بنضطر أو مش بنرضى) نطبق القانون بحذافيره ويكون فيه تساهل ومرونة فى تطبيق القانون ولكن من غير مانضر بالمصلحة العامة أو حيوية العمل ودى بتساعدك فى تمشية أمور العمل من غير تزمت ولا تشدد علشان تقدر تتواصل مع الناس ويقدر الناس تحبك وماتخافش منك

فيه مواضيع جميلة جدا على المنتدى هتساعدك تفهم النظام الإدارى للوحدات الصحية أنا اخترت موضوعين
الأول لد/مشتاقة للجنة..وده الرابط
http://www.alltebfamily.com/vb/t21021.html
والتانى لد/طبيبة مسلمة.. وده رابط الموضوع
http://www.alltebfamily.com/vb/t1724.html
فجزاهم الله خيرا


أنا الحمد لله جالى تكليفى فى منيا القمح على غير المتوقع
لو حد معايا فى منيا القمح ياريت يعرفنى ويفرحنى

أكرر تحياتى لفريق عمل الخريجين
جزاكم الله عنا خيرا


جزاك الله خيرا على المشاركة و التفاعل

Dr\White Angel
03-01-2010, 05:29 PM
الاعتباري = نسبتك المؤية × 4600

بعد اذن دكتور احمد


علي فكرة النتيجة الي علي موقع الوزارة فية خانة في الجدول محسوب فيها الاعتباري

لكل طبيب فممكن كل واحد يشوف مجموعة ويحتفظ بية

Dr\White Angel
03-01-2010, 05:38 PM
السلام عليكم ورحمة الله وبركاتة

انا قريت الملف وفية معلومات مفيدة جدا

جزاكم الله كل الخير

نعناعة
03-01-2010, 10:48 PM
دخلت معاكم الرابطة
ربنا يوفق الجميع

د/ أحـمـد سـليمان
03-01-2010, 10:53 PM
بعد اذن دكتور احمد


علي فكرة النتيجة الي علي موقع الوزارة فية خانة في الجدول محسوب فيها الاعتباري

لكل طبيب فممكن كل واحد يشوف مجموعة ويحتفظ بية

جزاكم الله خيرا على الاضافة
فعلا كده اسهل

د/ أحـمـد سـليمان
03-01-2010, 10:56 PM
كان عندى استفسار ياريت حد يقدر يفيدنى

لو كان للواحد انه يختار المكان اللى هيتكلف فيه ايه افضل مكان اجمالا
وحدة دعم
وحدة كادر
طب الاسرة
مستشفى تكاملى
مستشفى مركزى(لو ينفع)
انهو افضل اجمالا
وايه افضل ماديا..وايه افضل من ناحية الحضور .. وايه افضل تعليميا

السلام ختام

اذا مكانش الملف ده فيه الاجابة عن سؤالك
يبقى هتلاقيها في موضوع ( سلسلة مستقبل الطبيب )

Doctor SAS
03-01-2010, 11:04 PM
معاكم باذن الله،،،وحأدخل من سكات على أطراف صوابعى عشان ماحدش يحس بيا،،،هوس هوس هش هش.

semsem240705
03-02-2010, 12:18 PM
وانضممنا الى رابطة الأطباء الملكلفين الجدد حلوه والله الرابطه دي

جزاكم الله خيرا على كل مجهوداتكم الرائعه طوال الفتره الماضيه

د.شيماء
03-02-2010, 01:22 PM
انا معاكم باذن الله وأشكركم ع المجهود الجبار اللي بتبذلوه

dr_amonna
03-02-2010, 06:18 PM
السلام عليكم ورحمة الله وبركاته
جزاكم الله خيرا على المجهود الرائع
ربنا يجعله فى ميزان حسناتكم
معاكم باذن الله

depresed doctor
03-02-2010, 06:31 PM
بارك الله فيكم بجدمش عارفين من غيركم كناهنعمل ايه

عمير
03-04-2010, 07:51 PM
السلام عليكم ورحمة اللة كنت عايز اعرف الدكاترة اللى عندهم دور ثانى تكليفهم امتى بيقدمو ورق التكليف مع دفعتهم ولا لوحدهم ولا مع الدفعة اللى بعدهم ولا اية النظام عااااااااااااااااااجللللللللللل جددددددااااااااااااااااااااا

dr.amro 1984
03-04-2010, 10:34 PM
يادكتور بالنسبة للدور الثاني وهو الان في --امتياز-- تكليفه هيبدأ ----- في 1-9 -2010 ---- وباذن الله تكليفه بيكون في اماكن كويسة لان الاعداد قليلة

dr wme
03-04-2010, 11:38 PM
لو في حد رايح الطور يفيدني يا ريت لاني رايح ومعرفش اي حاجة الاماكن الحلوة فيها استلم بدري و اتاخر اخبار البرايفت ايه هناك

عمير
03-05-2010, 10:04 AM
:alganna:

zamalekmylover
03-05-2010, 06:52 PM
وانا كمان معاكم ربنا معانا جميعا

dooody
03-05-2010, 07:16 PM
جزاكم الله كل خير

ان شاءالله موجودة معام ويارب اكون عضو فعال

انا مبحبش اشارك وبس

يارب بس الشيخ زويد دى يبقى فيها نت اصلا عشان افضل متواجدة معاكم يوميا

fanta adel
03-05-2010, 07:50 PM
مجهود راااااااائع .... والله عاجزة عن الشكر ... ربنا يوفقنا جميعا ونكون عند حسن الظن
انا معاكم طبعاااااااااااااا

Dr_Same7Almata3ny
03-05-2010, 07:53 PM
معكم ان شاء الله
جزيل الشكر والامتنان والتقدير .. للأخ العزيز والزميل الفاضل .. د. أحمد سليمان على مجهوده الرائع .. داعيا الله له بالتوفيق والسداد ..

روز مارى
03-05-2010, 10:23 PM
انا جالى تامين صحى مدارس دى معنها اية واية الفرق بنها والتامين العادى ومرتبها كام واية مميزتها انا كنت سالت قالولى انى ممكن احضر الماستر على حسابى من اول ماستلم اواستنى حركة التحضير بالهيئة هل الكلام دة صح ولا كمان قالو ان التعين بيكون انتداب معنى كدة انى ممكن ماكملش فى التامين واعمل اية لو عايزة اكمل ياريت لو اى حد يعرف اى معلومات يرد على ضرورى لانى محتارة جدا

Postgraduate Team
03-07-2010, 05:01 PM
الملف الثاني

عبارة عن الجزء الثاني من سلسلة
التكليف خطوة بخطوة

و الملف ده بالذات بيركز اوي على الاداريات اللي زي حالات الوفاة و شهادات الميلاد و زي الاجازات في التكليف و المستحقات المالية و الجزاءات و التحقيق مع الموظفين

هنــــــــــا (http://www.mediafire.com/download.php?oi02nmkinaz)

يارب يعجبكم

و بإذن الله نوعدكم بالمزيد
مع فريق عمل الأطباء بعد التخرج

http://www.upislam.com/images/elokzzf7ckva5wz25jtt.gif

رفقة
03-07-2010, 07:16 PM
:barak:
:alganna:

manga
03-07-2010, 10:36 PM
اولا: شكرا جزيلا علي المجهود المبذول
ونحن الحمد لله
استفدنا منه كثيرا جدا
ثانيا:لي سؤال مهم وحيوي بالنسبة لي جدا لم اجد له جواب في الملفات المرفقة بالموضوع
انا _بامر الله_انتظر مولودا في اواخر هذا الشهر
بالنسبة للاجازة
بتبقي اد ايه؟؟
وايه الاجراءات اللي آخد بيها الاجازة؟
واخبار المرتب اثناء الاجازة ايه؟؟
وهل ينفع آخد اجازة بدون مرتب بعد اول 6 شهور لرعاية الطفل؟؟؟؟؟
ياريت حد يفيدني
أثابكم الله

د/ أحـمـد سـليمان
03-07-2010, 10:46 PM
اولا: شكرا جزيلا علي المجهود المبذول
ونحن الحمد لله
استفدنا منه كثيرا جدا
ثانيا:لي سؤال مهم وحيوي بالنسبة لي جدا لم اجد له جواب في الملفات المرفقة بالموضوع
انا _بامر الله_انتظر مولودا في اواخر هذا الشهر
بالنسبة للاجازة
بتبقي اد ايه؟؟
وايه الاجراءات اللي آخد بيها الاجازة؟
واخبار المرتب اثناء الاجازة ايه؟؟
وهل ينفع آخد اجازة بدون مرتب بعد اول 6 شهور لرعاية الطفل؟؟؟؟؟
ياريت حد يفيدني
أثابكم الله
المفروض اجازة الوضع بتكون 3 شهور بمرتب كامل
الورق المطلوب هو شهادة ميلاد الطفل + طلب الاجازة .. تقريبا بيكون في الادارة اللي انتي تبعها ... و بإذن الله ينفع تاخدي اجازة بدون مرتب ( رعاية طفل ) بعد اول 6 شهور .. بس مش عارف الفترة اللي بين انتهاء اجازة الوضع و بين انقضاء اول 6 شهور هيكون وضعها إيه ؟؟
ممكن تلاقي اجابة في الموضوعات المثبته اللي بتتكلم عن الاداريات

ربنا يرزقكم ذرية صالحة

dr.smsm2
03-08-2010, 01:39 AM
بجد بجد ربنا يجزيكوا خيرررررررررر
شكرررررررررررررررا

manga
03-08-2010, 11:21 AM
المفروض اجازة الوضع بتكون 3 شهور بمرتب كامل
الورق المطلوب هو شهادة ميلاد الطفل + طلب الاجازة .. تقريبا بيكون في الادارة اللي انتي تبعها ... و بإذن الله ينفع تاخدي اجازة بدون مرتب ( رعاية طفل ) بعد اول 6 شهور .. بس مش عارف الفترة اللي بين انتهاء اجازة الوضع و بين انقضاء اول 6 شهور هيكون وضعها إيه ؟؟
ممكن تلاقي اجابة في الموضوعات المثبته اللي بتتكلم عن الاداريات

ربنا يرزقكم ذرية صالحة
الف الف الف شكر علي الاهتمام والر
وجزاكم الله كل خير
:la7aramak:

semsem240705
03-08-2010, 01:20 PM
اولا: شكرا جزيلا علي المجهود المبذول
ونحن الحمد لله
استفدنا منه كثيرا جدا
ثانيا:لي سؤال مهم وحيوي بالنسبة لي جدا لم اجد له جواب في الملفات المرفقة بالموضوع
انا _بامر الله_انتظر مولودا في اواخر هذا الشهر
بالنسبة للاجازة
بتبقي اد ايه؟؟
وايه الاجراءات اللي آخد بيها الاجازة؟
واخبار المرتب اثناء الاجازة ايه؟؟
وهل ينفع آخد اجازة بدون مرتب بعد اول 6 شهور لرعاية الطفل؟؟؟؟؟
ياريت حد يفيدني
أثابكم الله

اعتقد بتاخدي اجازة وضع لمدة 3شهور وبتاخدي فيها مرتبك عادي جدا

وبعد كده ممكن تعملي اجزة رعاية طفل وبيتهيألي مش شرط تستني 6 شهور عشان تعمليها

وربنا يقومك بالسلامه يارب

manga
03-09-2010, 02:12 AM
اعتقد بتاخدي اجازة وضع لمدة 3شهور وبتاخدي فيها مرتبك عادي جدا

وبعد كده ممكن تعملي اجزة رعاية طفل وبيتهيألي مش شرط تستني 6 شهور عشان تعمليها

وربنا يقومك بالسلامه يارب
يارب آمين
وشكرا جزيلا علي الرد

Dr_kind angel
03-09-2010, 06:56 PM
جزاكم الله خيرا انا نزلت اول ملفين وان شاء الله هقراهم لانى حاسة انى مش فاهمة حاجة فى القوانين والاداريات والحاجات دى وربنايستر:427515:

Dr_kind angel
03-09-2010, 07:13 PM
انا معاكم باذن الله فى رابطة التكليف الجديد وربناييسر :faces222::faces222::faces222:

مؤمن عز الدين
03-12-2010, 01:15 AM
انا شفت المشاركة دي
http://www.alltebfamily.com/vb/t19721-6.html#post137687

فيها ملف ممتاز ينفع اوي في نفس الفترة دي
فقلت اجيب لكم رابط المشاركة يمكن تفيد حد

د/ أحـمـد سـليمان
03-13-2010, 06:20 PM
فعلا الملف ده مهم علشان كده هنضيفه هنا


س & ج .... في التكليف (http://www.mediafire.com/download.php?zn3vtjlzmow)

eman bedeer
03-14-2010, 08:34 PM
السلام عليكم ورحمة الله
كنت عاوز اسال على الانتداب فى التكليف ينفع فى اول 6 شهور؟؟؟

وبالنسبة لجامعة بنها انا سمعت انها افضل مكان فى الاطفال ياريت حد يفيدنا
وايه هى خطوات عمل الانتداب اثناء التكليف لمستشفى زى بنها مثلا

:gzak:

pure spirit
03-15-2010, 12:40 AM
السلام عليكم ورحمة الله
كنت عاوز اسال على الانتداب فى التكليف ينفع فى اول 6 شهور؟؟؟

وبالنسبة لجامعة بنها انا سمعت انها افضل مكان فى الاطفال ياريت حد يفيدنا
وايه هى خطوات عمل الانتداب اثناء التكليف لمستشفى زى بنها مثلا

:gzak:



كيفية عمل إفادة للتدريب من التكليف إلى المستشفيات بدون قضاء وقت فى التكليف (http://www.alltebfamily.com/vb/t21362.html)

eman bedeer
03-15-2010, 08:36 PM
شكرا ترانيم ربنا يجازيكى خير ويجعله فى
ميزان حسناتك

aluf
03-24-2010, 11:54 PM
يا ريت يا جماعه اى حد ليه خبره عن مساوى الحصول على بكارليوس دور تانى بالنسبه للناس اللى اجلت مواد فى سنه ساته وبكده اخذو بكارليوس دور تانى
هل هناك اى مشاكل فى التعين والنيابات والسفر للخارج بسبب كلمه الدور التانى
يا ريت اى حد ليه خبره يقولنا وجزاكم الله خير

dr.amro 1984
03-25-2010, 12:08 AM
يا ريت يا جماعه اى حد ليه خبره عن مساوى الحصول على بكارليوس دور تانى بالنسبه للناس اللى اجلت مواد فى سنه ساته وبكده اخذو بكارليوس دور تانى
هل هناك اى مشاكل فى التعين والنيابات والسفر للخارج بسبب كلمه الدور التانى
يا ريت اى حد ليه خبره يقولنا وجزاكم الله خير
يادكتور مافيهاش اي مشاكل وماتسمعش كلام الناس المحبطة---اول ميزة تكليف حضرتك هيكون باذن الله قريب من محل سكنك لان عدد المكلفين دور سبتبمبر قليل لدرجة ان زميل لي تكليف سبتبمبر 2009 تكليفه جاله ادارة الزقازيق برغم ان مجموعه 70% وطبعا لو دخل في اي حركة تكليف هيكون مصيره معروف زي حالاتنا في سيناء او الصعيد ---ثانيا تكليفك هيكون في شهر 9 القادم طبعا مش هتقدر تقدم في النيابات الملحة في شهر11 وتقدم باذن الله في الحركة اللي بعديها وبالنسبة للتجنيد والسفر وخلافه لا فرق بين دور سبتبمبر او غيره ----يعني باختصار المشكلة كلها في تاخير 6 شهور وان شاء الله كل تاخيرة وفيها خيرة

aluf
03-25-2010, 12:31 AM
طيب يا دكتورنا الفاضل هل فى مشاكل فى التقديم فى النيابات يعنى هيكون ليك حركه نيابات لوحدك ولا مع الدفعه اللى بعدك اللى هيه اصغر منك بسنه
ولو كان ليك حركه لوحدك هل كده هتكون الاماكن انشغلت ومفدلش الا البواقى فيكون مجموعك حتى لو كبير ليس له قيمه؟
ارجو الرد جزاك الله خير

dr.amro 1984
03-25-2010, 12:49 AM
يا دكتور حضرتك هتقدم مع الدفعة اللي اصغر منك بسنة في شهر 11 سنة 2011 لو عايز نيابات ملحة علشان لازم يمر 6 شهور من استلامك التكليف--ولو نيابات عادية في شهر 5 سنة 2012- علشان لازم يمر سنة من استلامك التكليف --يعني المختصر المفيد التكليف هو اللي ليه حركة مختلفة عن دفعتك اما النيابات لا -------وبالتوفيق لحضرتك

aluf
03-25-2010, 01:04 AM
انا ان شاء الله بعد امتحان الدور التانى هستلم امتياز فى 9 /2010
يبقى هخلص فى 9/2011
ازاى بقى هقدم نيابات ملحه فى 11/2011
كده هيكون عدى شهر واحد مش ست شهور؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

aluf
03-25-2010, 01:08 AM
بجد يا دكتور تعبك معايا جزاك الله كل خير

dr.amro 1984
03-25-2010, 03:36 AM
بجد يا دكتور تعبك معايا جزاك الله كل خير
انا افتكرت حضرتك في امتياز وهتستلم في 9 الجاي -------مافيش مشاكل زود سنة علي التواريخ اللي كتبتها فوق ------بالتوفيق لحضرتك

semsem240705
03-26-2010, 10:08 PM
اعتقد يا دكتور بالنسبه للنيابات ممكن تقدم في حركة شهر 5 تخصصات ملحه

وحركة 11 اي تخصص

وبالتوفيق ان شاء الله

د/حنين
03-28-2010, 07:18 PM
جزاكم الله خيرا
أنا معاكم باذن الله

mohgou
03-30-2010, 12:27 AM
ايه الاحسن ياجماعه الوحده ولا مستشفي التكامل؟؟؟
انا كنت سمعت ان في حاجه اسمها تقييم لها علاقه بالمرتبات وكده والتقييم دا ل6 اطباء في التكامل و2 في الوحده
الكلام دا صح ولا غلط؟؟
وهل الطبيب اللي يجي في الاول زي السادس في التكامل ولا هتفرق؟؟؟
طيب ومستشفي التكامل لو اتحولت لمستشفي طب اسره دي هتفرق ايه وهل فعلا هتاخد 2 مش 6؟؟؟
اخر حاجه ياريت تقولولي تفاصيل المرتبات في الوحده والتكامل او طب الاسره؟؟؟ والمرتبات ثابته علي كل الادارات ؟؟؟

ارجو الرد سريعا....
وجزاكم الله كل خير

pure spirit
03-30-2010, 11:56 AM
ايه الاحسن ياجماعه الوحده ولا مستشفي التكامل؟؟؟التكامل طبعا بتتميز بان:
1-الامكانيات الطبية أكثر قليلا من الوحدات وفيها داخلى وفيها بعض العمليات قد تجرى
يعنى ممكن الإستفاده علميا منها تكون أعلى قليلا من الوحدات
2-بتستوعب عدد اطباء اكتر وبالتالى هيخف ضغط النبطشيات
3-التقيم بيكون لستة مش 2 زى الوحدة
بس النبطشيات فى التكامل بتبقى 24 ساعة
أما الوحدات شغلها إدارى أكتر .. وفيها بعض الكشف من خلال العيادات طبعا و فيها عيادات بعد الضهر
انا كنت سمعت ان في حاجه اسمها تقييم لها علاقه بالمرتبات وكده والتقييم دا ل6 اطباء في التكامل و2 في الوحده
الكلام دا صح ولا غلط؟؟

صح
وهل الطبيب اللي يجي في الاول زي السادس في التكامل ولا هتفرق؟؟؟ايوة زى بعض
طيب ومستشفي التكامل لو اتحولت لمستشفي طب اسره دي هتفرق ايه وهل فعلا هتاخد 2 مش 6؟؟؟ايوة التقييم بيكون ل2 فقط الاول والتانى
والامكانيات بتاعة وحدات طب الاسرة عالية بردو
وبيكون فيه ملفات لكل البلد
وفيه مستشفيات تكامل كتير اتحولت لطب اسرة وقليل اللى فضل تكامل
اخر حاجه ياريت تقولولي تفاصيل المرتبات في الوحده والتكامل او طب الاسره؟؟؟ والمرتبات ثابته علي كل الادارات ؟؟؟شوف حضرتك الموضوع ده
حد يقولنا المرتبات في التكليف والنيابة (http://www.alltebfamily.com/vb/t19627.html)

ندا
03-30-2010, 05:10 PM
:barak:

nanosuperstar8
04-08-2010, 02:58 PM
جالى جواب النهارده مسجل بعلم الوصول
مكتوب فيه الاتى:
نحيطكم علما بانه صدر القرار رقم فى 1-3-2010 والوارد لنا فى 1-4-2010 متضمن تكليفكم للعمل بالمديريه بوظيفة طبيبه بشريه ولمده عامين من 1-3-2010
لذا نرجو حضوركم للمديريه خلال 15 يوما لاستلام العمل بها وفى حالة تجنيدكم بالقوات المسلحه حاليا نامل موافتنا بما يفيد تجنيدكم بالقوات المسلحه حتى يتمكن من حفظ وظيفتكم طرفنا هذا وفى حالة عدم حضوركم سوف ترفع دعوه قضائيه لمخالفة احكام الماده8 من القانون29/1974
فى شأن التكليف مع مراعاة حضوركملاستلام العمل لن يتم التسليم الا بعد تقديم موقف التجنيد وكذا ترخيص مزاولة المهنه
مرسل والتنبيه لحضوركم لاستلام العمل بالمديريه فى خلال المده المشار اليها

مع قبول التحيه والاحترام

المهم انا مقدمه على تظلم وطبعا مش هستلم الا بعد ظهور نتيجة التظلم
وانا استلمت الجواب ومضيت هو ده فيه مشكله
ولا ايه ياريت حد يطمنى
وهو فعلا التكليف سنتين

د/ أحـمـد سـليمان
04-08-2010, 05:32 PM
و لا أي حاجة
ده اجراء روتيني

ده جواب اخطار ... يعني انتي كده عرفتي .. في خلال الـ 15 يوم اللي قالو عليهم دول المفروض تكوني استلمتي .. لو مستلمتيش خلالهم بيجيلك انذار اول و بعده انذار تاني دول في خلال شهر او اكتر و مالهمش ضرر .. بعد الانذارين لو مستلمتيش هتترفع الدعوة القضائية اللي بيقولوا عليها دي

و بالنسبة للتظلمات .. انتظري لما تظهر مفيش اي مشاكل ... ان شاء الله هتكوني استلمتي قبل حتى الـ 15 يوم ما يخلصوا ... لأن التظلمات بيقولوا هتظهر يوم 15 يعني بعد اسبوع .. و لما تظهر هتستلمي على طول

اما بخصوص التكليف سنتين .. فهو الأصل انه طول عمره سنتين ( يعني دي المدة اللي المفروض تقضيها في الوحدات الصحية )... لكن احنا من حقنا بعد سنة واحدة نقدم في النيابات عادي .. و لما تقبلي في النيابة بتسيبي التكليف .. يعني مش شرط تكملي سنتين

abdohussien
04-09-2010, 01:55 AM
Thank uuuuuuuuuuuuuuuuuuuu

sally seliman
04-09-2010, 12:42 PM
موضوع جميل جدا و مفيد
انا معاكم بس متأخر شويه

nanosuperstar8
04-13-2010, 07:13 PM
الاستلام بيكون من الاداره ولا المديريه
يعنى ادارة الحمام محافظة مطروح
اسافر للاداره ولا اسافر لمطروح

د/ أحـمـد سـليمان
04-14-2010, 12:08 PM
في المديرية الاول
و بعدين تاخد منها جواب للادارة

قربني ليك
04-19-2010, 05:36 PM
هل فعلا فيها تسجيل ماستر ف شهر 9 ال جاي

واه نظام الشغل فيها

pure spirit
04-19-2010, 07:48 PM
حضرتك تقصد العيادات الشاملة بكليات الجامعة؟؟

قربني ليك
04-20-2010, 06:05 PM
ايوة

سمعت انها بتخلينا نحضر ماستر ف شهر قبل مرور سنه

بس ايه مستقبلها

pure spirit
04-21-2010, 12:14 AM
معنديش فكرة عن التسجيل
لكن بخصوص نظام الشغل حضرتك بتتولى الكشف على طلبة كليات الجامعة وكمان الكشف الطبى اللى بيتعمل سنويا للطلبة
تكليفك فيها بيكون انتداب من وزارة الصحة (جهات خارجية)

pure spirit
04-21-2010, 02:53 PM
هل أجازة مرافقة الزوج للسفر للخارج تحسب من التكليف ؟؟

د/ أحـمـد سـليمان
04-21-2010, 03:19 PM
هل أجازة مرافقة الزوج للسفر للخارج تحسب من التكليف ؟؟



لا يا دكتورة
اي اجازة مش بتتجسب .. لأنهم مشترطين في حساب مدة التكليف انها تكون( مدة عمل فعلية ) .. و الفرق الوحيد بين مرافقة الزوج و بين باقي الأجازات .. انها بيتوافق عليها من اول التكليف .. اما باقي الاجازات ( زي سنة بدون مرتب او السفر للخارج للعمل ) لازم يكون مر 6 شهور على بداية التكليف

pure spirit
04-21-2010, 08:49 PM
لا يا دكتورة
اي اجازة مش بتتجسب .. لأنهم مشترطين في حساب مدة التكليف انها تكون( مدة عمل فعلية ) .. و الفرق الوحيد بين مرافقة الزوج و بين باقي الأجازات .. انها بيتوافق عليها من اول التكليف .. اما باقي الاجازات ( زي سنة بدون مرتب او السفر للخارج للعمل ) لازم يكون مر 6 شهور على بداية التكليف
جزاكم الله خيرا يادكتور
طيب بخصوص اللى هتسافر لمرافقة زوج المدة اللى قضيتها قبل ماتسافر بتتحسب وبترجع تكمل عليها عادى لحد ماتكمل 6 شهور مثلا أو سنة علشان تقدر تقدم فى النيابات
ولا هتبدأ تكليفها من جديد ومابيتحسبش المدة اللى قبل السفر؟؟

د/ أحـمـد سـليمان
04-22-2010, 11:38 AM
المدة اللى قضيتها قبل ماتسافر بتتحسب وبترجع تكمل عليها عادى لحد ماتكمل 6 شهور مثلا أو سنة علشان تقدر تقدم فى النيابات
أيوة بالضبط كده

و علشان المعلومة تكمل بخصوص الاجازات

الاجازات المسموح بيها من اول التكليف هي
اجازة الوضع
اجازة رعاية طفل
اجازة مرافقة زوج
اجازة مرافق زوجة

دول اللي بيتوافق عليهم من اول التكليف بدون قضاء مدة ... اما باقي الاجازات بيشترط قضاء 6 شهور قبل الموافقة عليها .. زي سنة بدون مرتب رعاية الوالدين او سنة بدون مرتب تحسين دخل داخل الدولة او عقد عمل خارج خارج الدولة .. و هكذا

و طبعا زي ماقلنا ان كل الاجازات دي لا تحسب من التكليف .. لكن يحسب ما قبلها و ما بعدها علشان تكمل المدة المطلوبة للتقديم للنيابات

pure spirit
04-23-2010, 04:54 PM
جزاكم الله خيرا

قربني ليك
04-24-2010, 03:58 PM
انتداب بس
؟؟؟؟؟؟؟؟


انا سمعت انك هتثبت كمان موافقتك للعمل بيها بيجي بعد موافقه رئيس الجامعه
وبتقي تحت سيطرة الجماعه الي جانب ان دمياط عاوزة تسجلنا بنبقي انتداب كطبيب تالات وتثبتنا هناك في عياداتها الشامله للجامعه

shadowless
04-25-2010, 12:42 AM
السلام عليكم و رحمة الله....

من فضلكم يا جماعة انا طبيب تكليف جديد 2010 و جالي تكليف في الواحات البحرية بمحافظة 6 اكتوبر و كنت عاوز استفسر عن الظروف هناك لاني قدمت تظلم حالات اسرية و اترفض طبعا, المهم عاوز اعرف معلومات عن المكان دة لو اي حد عنده علم بيه عشان لو هو مش كويس او فيه وحدات صحية ممكن اخد فيها طبيب اول و انا وحيد والديَ يبقي كدة الموضوع هيبقي صعب جدا بالنسبالي, و سؤال تاني من فضلكم هل ممكن اعدل مكان تكليفي لادارة من ادارات المحافظات الي مفيهاش كليات طب دلوقتي و لا فاتت الفرصة خلاص...

من فضلكم لو حد عنده اي معلومة بخصوص الاستفسارات دي ميبخلش بيها عليا و لكم جزيل الشكر مقدما....

Dr_Same7Almata3ny
04-25-2010, 04:09 PM
* ايه اجراءات الأجازة المرضي؟

* وهل لها عدد أيام معين؟
يعني هل ممكن مثلا كل ما أخلص أجازة أبلغ مرضي تاني ...وهكذا

* وهل تحسب من فترة التكليف؟

:gzak:

pure spirit
04-25-2010, 07:26 PM
* ايه اجراءات الأجازة المرضي؟تبعت تلغراف للوحدة ان حضرتك مريض وملازم الفراش
بعدها يتم عرضك على لجنة طبية (القومسيون الطبى)
وعند الموافقة بتاخد الأجازة
* وهل لها عدد أيام معين؟
يعني هل ممكن مثلا كل ما أخلص أجازة أبلغ مرضي تاني ...وهكذا

لا طالما مريض ليك كل الحق تقدم مرضى فى أى وقت
* وهل تحسب من فترة التكليف؟
الوحيدة التى تحسب من التكليف هيا الأجازة المرضى
:wfk:

Dr_Same7Almata3ny
04-26-2010, 12:03 AM
جزاكم الله خيرا دكتورة ترانيم على الرد






لا طالما مريض ليك كل الحق تقدم مرضى فى أى وقت





واحد صاحبي تكليفه في شمال سيناء وهيستلم الأسبوع ده ومش عاوز يرروح تاني
وهو ناوي يقدم على نيابة ملحة
فسألني هل ممكن يبلغ مرضي طول فترة التكليف لغاية مايستلم النيابة أو يعرف ينقل تكليفه أيهما أقرب؟

أعتقد انها لو بالسهولة دي ماكانش حد غلب

د/ أحـمـد سـليمان
04-26-2010, 12:10 AM
أعتقد انها لو بالسهولة دي ماكانش حد غلب

مهو الدكتورة ترانيم وضحت
بعدها يتم عرضك على لجنة طبية (القومسيون الطبى)
وعند الموافقة بتاخد الأجازة
يعني العرض على القومسيون هو الصعوبة اللي فيها .. لأنك لو طلعت متمارض .. مش هيتسحب لك المدة اللي غبتها على انها اجازة .. هتتخصم الايام دي من المرتب + انك هتاخد 3 ايام جزاء

و طبعا في الغالب القومسيون هيكتشف انك متمارض

قربني ليك
04-27-2010, 11:25 AM
هل من جديد؟؟؟؟؟؟؟؟

pure spirit
04-27-2010, 06:22 PM
انا سمعت انك هتثبت كمان موافقتك للعمل بيها بيجي بعد موافقه رئيس الجامعه
وبتقي تحت سيطرة الجماعه الي جانب ان دمياط عاوزة تسجلنا بنبقي انتداب كطبيب تالات وتثبتنا هناك في عياداتها الشامله للجامعه
ان شاء الله حد يرد على حضرتك ويكون متاكد بخصوص التسجيل
لكن اللى سمعته ان الكلام عن امكانية التسجيل منها غير صحيح
والله اعلم

arwa
05-05-2010, 08:44 AM
السلام عليكم ورحمة الله وبركاته
لو سمحتم يادكاترة
لى أخت زميلة هى pregnant وعندها hyperemesis gravidarum وهى تعبانة جدااااا وكانت فى المستشفى
هل ينفع إن زوجها يستلم لها من المديرية ولا لازم وجودها
طيب حتى لو استلمت هتأخد أجازة مرضى ازاى هى مش مسموح تتحرك خالص وتعبانة جداا
ياريت لو سمحتم بعد إذنكم الرد سريعا لأنها منتظرانى
وجزاكم الله كل الخير

pure spirit
05-06-2010, 11:59 AM
السلام عليكم ورحمة الله وبركاته
لو سمحتم يادكاترة
لى أخت زميلة هى pregnant وعندها hyperemesis gravidarum وهى تعبانة جدااااا وكانت فى المستشفى
هل ينفع إن زوجها يستلم لها من المديرية ولا لازم وجودها
طيب حتى لو استلمت هتأخد أجازة مرضى ازاى هى مش مسموح تتحرك خالص وتعبانة جداا
ياريت لو سمحتم بعد إذنكم الرد سريعا لأنها منتظرانى
وجزاكم الله كل الخير

وعليكم السلام ورحمة الله وبركاته
لو كان ميعاد ولادتها قرب خليها ماتستلمش دلوقتى
هيا معاها لحد 6 شهور من تاريخ وصول الاسماء المديرية ممكن تستلم خلالهم
ولما ربنا يكرمها وتولد ممكن حد يستلملها وياخد لها أجازة وضع أفضل من الاجازة المرضى
علشان لو بلغت مرضى لازم تتعرض على القومسيون وانتى بتقولى مش مسموح لها بالحركة
اما لو فاضل لها كتير على الولادة خليها بردو شوية وتبقى تستلم مع التظلمات اللى هيستنوا وصول الاسماء المديريات
تكون قدرت تتحرك وحد يستلملها من المديرية عادى وتروح تستلم من الادارة وتبلغ مرضى
ربنا يتم لها على خير وتقوم بالسلامة

arwa
05-07-2010, 08:46 AM
جزاكم الله كل خير دكتورة ترانيم

د. مصطفى
05-21-2010, 08:32 AM
لو تكرمتم أريد نص القرار 60 لسنة 2010 لوزير الصحة والي يتضمن تنظيم العمل بالوحدات ومواعيد حضور وانصراف كل من الطبيب الأول والثاني

د/ أحـمـد سـليمان
05-22-2010, 12:08 AM
انا معرفتش اوصل لنص القرار
بس اللي عرفته وقت ظهوره ان القرار ده خاص بمساواة اطباء الاسنان في التقييم بالاطباء البشريين . يعني دخل الاسنان معانا ضمن التقييم بدل ما كان اطباء و صيادلة بس . يعني مفيش جديد يخصنا
اما الحضور و الانصراف للطبيب الاول و التاني .. فالمفروض انه يوميا كلهم موجودين من 8 الى 2 و من بعد 2 يكون واحد منهم نبطشي لغاية تاني يوم .. و لو الوحدة مفيهاش سكن يبقى النبطشية لغاية 8 مساءا... و طبعا توزيع النبطشيات دي بيكون بمعرفة الاطباء مع بعض

د/ أحـمـد سـليمان
05-23-2010, 06:48 PM
ده اللي وصلت له

http://www.mohp.gov.eg/mediacenter/bayena3lamy/Detail.aspx?id=293

dr_hanoty
05-28-2010, 06:57 PM
ياجماعه انا كارنيه النقابه بتاعى ضاع
اعمل ايه؟؟

pure spirit
05-28-2010, 07:51 PM
اطمن يادكتور حضرتك مش هتحتاجه فى اجراءات لأى حاجة _غالبا _
لكن ممكن تطلع بدل فاقد من فرع النقابة فى محافظتك أو من النقابة العامة بالقاهرة
وكدة كدة هيتجدد بعد سنة وهيطلع لك واحد جديد
:wfk:

brokenheart
05-29-2010, 09:49 PM
يا جماعة انا عملت افادة تدريب للادارة الطبية جامعة الازهر فرع البنات عايزة اعرف ايه مواعيد الشغل ونظامه وامتى اسجل ماستر

my life
06-07-2010, 10:48 PM
السلام عليكم ورحمة الله وبركاته

ازيكم يادكاترة وشكرا كتير ع المجهود الي بتعملوه هنا بالموقع

انا طبيبة امتياز حاليا

وكنت عاوزة اسال لو انا عاوزة اخد تكليفي في مكان بعيد ومريح اختاره بمزاجي بدل مايتفرض علي

حضراتكم ترشحوا لي اي الاماكن من حيث السكن الامان والفلوس تكون منتظمة والشغل البرايفيت

ياريت تفيدوني

وجزاكم الله كل خير:5831.imgcache:

مؤمن عز الدين
06-07-2010, 11:08 PM
اعتقد صعب اوي ان بنت تغامر و تطلب طلب زي ده
الافضل هو الاقرب ثم الاقرب ثم الاقرب
التكليف في اي حته هو نفس الشغل
مش مستاهل مرمطة و لا سفر
و الاماكن البعيدة مش مضمون الواحد هيقدر يرجع منها و لا لأ
و لو المجموع قليل و الغربة بقت حتمي .. يبقى نختار اقرب البعيد
و البرايفت موجود في كل مدينة مش لازم يعني يكون في آخر الدنيا .. و بعدين البنت عايزة البرايفت في ايه ؟ اللي يطلب البرايفت ده يكون واحد وراه مسؤليات

my life
06-07-2010, 11:14 PM
بالاول شكرا يادكتور على ردك

ثانيا كل واحد وليه ظروفه

ومش معنى اني بنت اني اقعد بالبيت واني مش وراي مسئوليات

وبعدين محدش بيحب البهدلة ع الفاضي

انا فاهمة سؤالي ومحددة انا عاوزة ايه

فياريت اذا حضرتك عندك معلومات تفيدني بها يكون لك جزيل الشكر

اما اذا حضرتك راح تحكي من منطلق اني بنت وعاوزة شغل برايفيت ليه فكل واحد زي ماقلتلك له ظروفه

وشكرا ع الرد

مؤمن عز الدين
06-07-2010, 11:16 PM
السلام عليكم و رحمة الله و بركاته

الموقع ده
http://www.mohp.gov.eg/phc/
الوزارة خصصته للرعاية الاساسية .. اللي هي الوحدات الصحية و وحدات طب الاسرة .. بينزل فيه بأستمرار اي تفاصيل جديدة تهمنا و اي قرارات تخصنا و كذلك اي حاجة عايزين نفهمها هنلاقيها هناك

زي مثلا القرار 60 اللي عمالين يقولوا عليه اللي هو بيحدد الحاجات اللي بناخد عليها التقييم كل شهر لقيت النموذج بتاع التقييم ده هناك

http://www.mohp.gov.eg/phc/Edition/%d8%a7%d9%84%d8%af%d9%84%d9%8a%d9%84.doc


و الموقع ده
http://www.mohp.gov.eg/mediacenter/main.aspx
هو المركز الاعلامي لوزارة الصحة
اللي بينزل عليه اي اخبار جديدة عموما و كل الجرايد بتنقل منه
فالافضل اننا نعرفه علشان نشوف اي اخبار تهمنا من عليه بدل ما ندور في الجرايد

مؤمن عز الدين
06-07-2010, 11:17 PM
لو تكرمتم أريد نص القرار 60 لسنة 2010 لوزير الصحة والي يتضمن تنظيم العمل بالوحدات ومواعيد حضور وانصراف كل من الطبيب الأول والثاني


http://www.mohp.gov.eg/phc/Edition/%d8%a7%d9%84%d8%af%d9%84%d9%8a%d9%84.doc

dr smsma
06-08-2010, 06:26 PM
يا ريت لو حد قدم على طلب بدل تكليف مع حد ليه بوست يا ريت يعرفنى عمل ايه ومفروض لو اخدنا الموافقة الخطوة الجايه ايه هل كل واحد يبدل مكان التانى قبل الاخلاء من الصحة للجامعه

د/ أحـمـد سـليمان
06-09-2010, 03:28 PM
برجاء قراءة هذا الموضوع للأهمية

°•.♥.•°المسئولية الادارية و النظام المالي في التكليف°•.♥.•° (http://www.alltebfamily.com/vb/t21021.html)


http://www.upislam.com/images/elokzzf7ckva5wz25jtt.gif

د/ أحـمـد سـليمان
06-09-2010, 03:42 PM
يا ريت لو حد قدم على طلب بدل تكليف مع حد ليه بوست يا ريت يعرفنى عمل ايه ومفروض لو اخدنا الموافقة الخطوة الجايه ايه هل كل واحد يبدل مكان التانى قبل الاخلاء من الصحة للجامعه
المفروض ان الوزارة نزلت قرار بعدم قبول التبديل مع اللي لهم تعيين جامعة او تعيين مراكز بحوث .. بس عموما لو الوزارة وافقت .. يبقى المشكلة اتحلت .. كل واحد هياخد نسخة من قرار التبديل يخلي بيه من مكانه و يستلم في المكان الجديد .. و الأفضل طبعا يكون ده قبل الاخلاء من الصحة للجامعة بحيث يتم الاستلام بدون معوقات و بعد كده اللي له بوست هيقدر يخلي بسهولة لأن اخلاء الجامعة ملزم للوزارة ايا كان المكان اللي في التكليف

لكن الخطوة المهمة دلوقتي هي تقديم الطلب في الوزارة بحضور الشخصين و كل واحد معاه صورة بطاقته و يكتبوا طلبين يرفقوا مع بعض و هياخدوا رد بعد 10 ايام ... و ربنا ييسر الأمور

dr smsma
06-09-2010, 08:46 PM
شكرا على الرد يا دكتور احمد

مؤمن عز الدين
06-09-2010, 09:44 PM
اللي ناوي يبدل .. يتوكل على الله و يروح الوزارة
هتروحوا اتنوا الاتنين .. و يبقى عملتوا اللي عليكم
و كل حاجة على ربنا .. لعل يكون فيها خير

مؤمن عز الدين
06-13-2010, 07:02 PM
ده جدول بأرقام التليفون الأرضي و المحمول و الفاكس لكل وكلاء وزارة الصحة في كل المحافظات

يمكن نحتاجهم و لا حاجة

http://up.1aim.net/uploads/files/www.1aim.net-5388e70ed6.doc

Dr_Same7Almata3ny
06-13-2010, 07:33 PM
السلام عليكم

عاوز أعرف تفاصيل عن تعاقد الأطباء مع التأمين الصحي
من له الحق في ذلك؟ الطبيبين الأول والثاني فقط أم أي طبيب؟
ماهي الخطوات؟
ايه العائد المادي؟

وجزاكم الله خيرا

مؤمن عز الدين
06-13-2010, 08:15 PM
السلام عليكم و رحمة الله

كل شوية نسمع حد يقولك (( اصل التقييم ده بيتعمل على اساس حاجات معينة بنشوفها )) و تلاقي مدير الادارة يقولك (( اصل التقييم ده حسب القرار 75 اللي اتعدل و بقى القرار 60 )) و تلاقي حد من المديرية او الوزارة يقول (( القرار 60 لسنة 2010 بينص على ان الوحدة المفروض تكون كذا و كذا ))

العقل بيقول .. ان قبل ما يجي يقيمك ... يعرفك ايه المطلوب منك .. مش كده و لا إيه ؟

انا سألت في الموضوع ده .. و قالولي ان القرار 60 ده بيكون عبارة عن بنود بس .. و المفروض ان له شرح او دليل بينزل معاه و على اساس الدليل ده بيتحدد الحاجات اللي المفروض تكون موجودة في الوحدة و الحاجات اللي هيسألوك عنها

الحمد لله حصلت على الاستمارة اللي هما بيقيموا على اساسها .. كل حاجة و الدرجات بتاعتها .. ( الاستمارة دي المفروض انها بتاعة لجنة التقييم اللي بتجيلك من الادارة او المديرية )

http://up.1aim.net/uploads/files/www.1aim.net-ef777ef5a7.pdf



و الأهم من الاستمارة نفسها

لقيت الدليل ده على موقع الوزارة
ده عبارة عن شرح القرار 75 ( اللي اصبح اسمه القرار 60 لسنة 2010 ) اللي بيوضح كل النقط اللي المفروض تستوفيها الوحدة الصحية في كل الجوانب .. و الحاجات اللي هيسالك عليها الدكاترة بتوع التقييم .. وهكذا

http://up.1aim.net/uploads/files/www.1aim.net-25fed270cd.doc

Dr.Mirinda
06-15-2010, 02:54 AM
jazak allah kol 5ayer

pure spirit
06-15-2010, 07:59 PM
السلام عليكم

عاوز أعرف تفاصيل عن تعاقد الأطباء مع التأمين الصحي
من له الحق في ذلك؟ الطبيبين الأول والثاني فقط أم أي طبيب؟
ماهي الخطوات؟
ايه العائد المادي؟

وجزاكم الله خيرا

أول مشاركات الموضوع تحتوى على ملفات بها معلومات قيمة جدا تخص اداريات التكليف
من هنــــــــــــا (http://www.mediafire.com/download.php?zzd2zmtm5mj)
هنــــــــــا (http://www.mediafire.com/download.php?oi02nmkinaz)
وده الجزء الخاص بالتعاقد مع التأمين :


هو انا بيبقى ليا اكلاشيه باسمى بختم بيه وايه الصفه اللى
هاكتبها يعنى هاكتب طبيب تكليف ولا طبيب اول ولا تانى ولا
مدير وحده ولا ايه

الاكلاشية بتخلص بيه ورق التامين الصحي
بتكتب فيهاسمك .. وتحتها ممارس عام
حضرتك سواء هتكون طبيب اول او تاني او تالت
بتعمل تعاقد مع التأمين في الادارة التابع ليها وحدتك
وبتعمل الاكلاشيه اللي بتختم بيه روشتات التأمين
ودي ليها عائد مادي بيختلف علي حسب عدد الاطباء المتعاقدين مع التأمين في الوحدة
وبتقبض فلوس التأمين بالمدة اللي هي 3 شهور
هي طبعا بتتأخر شوية علي ما بتيجي
حضرتك بتكتب بقي في الاكلاشيه
دكتور
فلان الفلاني
ممارس عام


-التعاقد مع التأمين بيكون اختيارى ولا اجبارى
اختياري

التعاقد اختيارى فيه ميزه ولا ماتعاقدش احسن واريح
طبعا هو فيه ميزة مادية
وان كانت بتختلف من مكان للتاني علي حسب عدد الاطباء المتعاقدين مع التأمين في كل منشأة صحية
لان المبلغ اللي بيجي للوحدة من التأمين مبلغ ثابت وبالمدة اللي هي 3 شهور
واوقات بيتاخر كتييير علي ما بيجي
واوقات بيبقي فيه خصومات كتير

pure spirit
06-15-2010, 08:39 PM
جزاكم الله خيرا يادكتور
كنت عايزة أتكلم عن جانب آخر وهو هل اللى بيقيم بيلتزم بالنقط دى
يعنى مثال :فى تقييم 5 عندنا فى الوحدة الدكتورة أخدت ملاحظات على الصيانة والاستقبال
لكن لقينا نسبة تقييمنا 100%
مثال آخر المفروض ان تقييم 6 هيختلف لكن فوجئت بالممرضة فى النبطشية بتقوللى ده تقيم 6 هيبقى زى تقييم 5
ازاى وبناء على ايه ؟؟ الله أعلم
ده طبعا كان مثال وليس حصر يعنى على الجانب الآخر ممكن نلاقى وحدات مستوفيه نقاط التقييم وفى الآخر ياخدوا أقل من 50%
الله المستعان,,

Dr_Same7Almata3ny
06-17-2010, 03:19 PM
:alganna:

dr_hero85
06-17-2010, 05:43 PM
فعلا يا دكتورة ترانيم .. درجة التقييم على حسب الدكتور اللي بيقيم ..

بس صحيح ازاي نسبة تقييمكم 100% .. الوحدة والعمل والسياسات واللجان العشرة والملفات وطب الأسرة .. كله تمام .. ولا الدكتور مسألش كويس ؟!..

pure spirit
06-17-2010, 06:11 PM
فعلا يا دكتورة ترانيم .. درجة التقييم على حسب الدكتور اللي بيقيم ..


بس صحيح ازاي نسبة تقييمكم 100% .. الوحدة والعمل والسياسات واللجان العشرة والملفات وطب الأسرة .. كله تمام .. ولا الدكتور مسألش كويس ؟!..

بالعكس دى كانت بتدقق فى كل حاجة وسألت على كل حاجة وادت ملاحظاتها على حاجات معينه وعلمت عليها فى الكشكول علامة غلط بس ده اللى حصل
وبالنسبة ان تقييم 5 و 6 يبقوا زى بعض سألت قالوا انهم بيعملوا كدة كل سنة علشان دول آخر شهرين فى السنة المالية
فبيكون تقييمهم واحد
!!!!!!!!!!!

pure spirit
06-20-2010, 08:37 PM
الأجازة المرضى والتأمين الصحى


الابلاغ بالاجــــــــازة المرضــــــــى

باختصار شديد اللى بيقدم للاجازة المرضى نوعين:
يا اما حضرتك عامل بطاقة التامين الصحى اللى المفروض بتتعمل فى اول تعيينك وأغلبنا بيطنش يا اما لسه ماعملتهاش

هتكلم الاول عن اللى عمل البطاقة الصحية :
دلوقت انت عاوز تنقطع مثلا من يوم 1 يناير
هتروح السنترال العام اللى بتدفع فيه الفواتير ( ومعاك البطاقة الشخصية لازم ) وتقولهم عاوز أبلغ مرضى
هيديك ورقة
هتكتب فيها ( مريض طريح الفراش ) وتبعت واحده للوحدة بتاعتك او المستشفى اللى انت فيها وواحدة للادراة
الحوار ده يخشلو فى بتاع 6 جنيه بالكتير
تمام كده ؟ ماشى
سيادتك قضيت مصلحتك وتمام التمام وعاوز ترجع شغلك تعمل ايه ؟
الادراة المفروض بتبعتلك جواب ع العنوان اللى انت كاتبه ف التلغراف ( مش العنوان اللى المكتوب ف البطاقة لو مغير سكنك يعنى )
يا اما لو أخرت فيه ( هم بيبعتوا على اسبوع 10 ايام كده ) وانت عاوز ترجع
بتروح الادارة بتقولهم عاوز جواب اللجنة الطبية بيكتبهولك وانتواقف
تروح اللجنة الطبية بتاع التامين الصحى
ومعاك بطاقة التأمين و صورة البطاقة والجواب بتاع الادارة و 3 جنيه وربع ( دمغات وماتدفعش أكتر من كده )
وتاخد معاك روشتاتك واثباتاتك انك كنت طريح الفراش او عيان او فى مستشفى او ميت او اى حاجة يعنى تفيد بكده
تستنى اسمك يتنادى ( لازم تعرفهم انك دكتور عشان يدخلوك بدرى لان هناك أمة لا اله الا الله )
دخلت للدكتور اللى هيشوفك تمام ؟
هتلاقيه بيسالك عن السبب هتقوله وتديلو الروشتات بتاعتك وهو هيكشف عليك يعنى مثلا لو عامل زايدة توريه ال scar كده يعنى
وهنا فى ناس بتشد لان المعروف او اللى كان سائد ان الدكاترة بيتساهلوا مع زمايلهم ومع القضاة ( سلطة باة وكده ) عشان كده الورق كلو بيتبعت مصر للجنة الطبية العليا وهم بيبقى ليهم القرار الاخير فى الاجازة

ما علينا
الراجل كشف عليك واقتنع بالروشتات وانك عملت عملية وكده هيكتبلك فى بطاقة تامينك يعود للعمل باكر ويديك جواب تروح بيه الادارة يرجعوك شغلك تانى يوم
الايام اللى فاتت دى بيبعتوا هم للادراة جواب لقسم الاجازات وتتكتبلك مرضى
ده بالنسبة للى عامل البطاقة الصحية ومؤمن عليه

نيجى باة للى لسه ماعملش بطاقة التامين
ودى فى المشاركة القادمة
يتبع

م ن ق و ل

pure spirit
06-21-2010, 08:13 PM
اللى لسه ماعملش البطاقة

لو انت مستعجل ع الشغل وعاوز ترجع بسرعة بتعمل نفس الخطوات اللى فاتت بس
بتضحى ب 33 جنيه وربع ( بتوع الكشف ) لانك مش عامل تأمين صحى

بالتالى لو عايز تشترى دماغك من ليلة البطاقة ( اللى انت كده كده هتعملها أجلا أم عاجلا ) بتدفع وتكشف والليلة بتعدى زى ما قلت

طيب لو رحت بدرى ومش فارقة معاك الشغل يتحرق ع اللى فيه وعاوز تعمل البطاقة بالمرة وكشفك يبقى ببلاش بعد كده جوه البطاقة

فى ورقة المديرية بتكون مديهالك فى بداية تعيينك لو دورت عليها فى ملفاتك القديمة ممكن تلاقيها ولو مش لقيتها بتروح المديرية او اللجنة الطبية لو
مفيش ف المديرية تقولهم عاوز استمارة فحص طبى الورقة دى مكتوب عليها من فوق الهيئة العامة للتأمين الصحى
نموذج فحص طبى تقرير اللياقة الصحية عند التعيين فى الخدمة للعاملين الخاضعين لاحكام القانون رقم 36 لسنة 1964 والقوانين المعدلة له

بتملى بياناتك ف الورقة وتدبس صورتك عليها وتختمها من المديرية
حلو الكلام ؟

تاخد الورقة وتطلع ع اللجنة الطبية ومعاك صورة البطاقة و 33 جنيه وربع رسم
الكشف الطبى لاول مرة اللى بعد كده بيبقى ب 3 جنيه وربع بس
هيدوك جوابين جواب تطلع بيه على معمل التأمين وده بتعمل فيه تحليل بول وسموم ( تجهز 50 جنيه نقدا حيث انهم لا يقبلون الشيكات ولا الكمبيالات )
والتانى بتطلع بيه على مستشفى الطب النفسى عشان تعمل رسم مخ ( 30 جنيه بالصلى ع النبى )
رسم المخ بتقولهم انك دكتور ومستعجل بيعملهولك وبيطلعهولك علطول ( ولو مش دكتور بتاخد معاد وبتيجى فيه )
بالنسبة باة للمعمل بتروح الاول تاخد معاد تروح فيه ( بالنسبة لى كان السبت الصبح ) وتتكرم سيادتك بترك عينة من بولك الكريم فى كوباية ( بعد ما تكون كعيت ال 50 لحلوح ) هيقولك النتيجة بعد يومين هتروح تلاقيها مستنياك ف اللجنة الطبية فى المعاد اللى اللجنة مديهولك
تروح بعد يومين تلاقى بولك وسمومك هناك فى انتظارك عن نفسى رحت لقيت نتيجة البول اظطريت اروح المعمل تانى عشان اجيب نتيجة السموم
تقدم زى ما قلنا صورة البطاقة والفلوس لو ماكنتش دفعتها وتدخل تكشف كشف اهبل
الدكتور بيقولك عملت عمليات قبل كده ولا لا ويحط السماعة من فوق الهدوم وكان الله بالسر عليم
ده بعد ما يكشفوا عليك نظر طبعا بتستنى شوية هينادوا عليك ويدوك ورقة عليها 80 ختم !!!
بتاخد سيادتك الورقة دى وتصورها وتطلع على الصحة المدرسية تقولهم عاوز استمارة حصر
هيبعتوك المديرية يقولولك احنا سايبين استمارات هناك هتقولهم مفيش فى المديرية وهم بعتونى على كده ولو رخموا عليك تعلى صوتك وتشتم فى الروتين
وتهلل هيروح مديك ورقتين مايسووش تعريفة تكتشف ان هى دى استمارة الحصر !!
هتلاقيها ورقة كبيرة اوى بتشيل حوالى 20 اسم مع بعض هتاخدها انت لوحدك لانك المفروض انك رحت المديرية مالقيتهاش او مستعجل
تملى الاستمارة الاصل والصورة كربون وتروح تختمها من جهة عملك ( الادارة الصحية ) (وكمان ماتنساش تختم بردو من الادارة صورة الورقة بتاع الكشف الطبى اللى مكتوب فيها انك لائق طبى ويكتبولك عليها صورة طبق الاصل عشان كده بتكون واخد ورقك كلو معاك رايح جاى بيه )
وترجع بيها تانى على الصحة المدرسية ومعاك البطاقة الشخصية وصورة شخصية ليك عشان الكارنيه
الموظف بياخد منك شوية بيانات هيقعد يختملك بردو وبتاع وهيديك صورة الكربون بتاع الاستمارة بترميها انت بعد كده فى الادارة او التامين اللى تابع للى الادارة
وبعدين بيديك كارنيه التأمين الصحى متدبس فى بطاقة التأمين الصحى
وبكده بتبقى انت مؤمن عليك يا بطل وألف مبرووووووووووك عليك

بعد ما خدت ف وشها بتاع 120 جنيه
تروح للجنة الطبية بالبطاقة الشخصية وصورتها وبطاقة التامين وجواب الادارة و 3 جنيه وربع وتكشف زى ما قلنا ف الخطوات السابقة

هيدوك جواب ترجع بيه شغلك ف الصباح الباكر وألف مبروك رجوعك للوحدة الصحية يا ريس
بالتوفيييييييييييييييييق

eman khalifa
06-30-2010, 06:14 PM
طالما البنت دخلت طب يبقى اكيد هى قد القرار ده وانا بحترم البنت اللى ليها طموح وانا بشجعك ومعاكى فى رايك ربنا ويوفقك ويوفق كل البنات المجتهدات:wfk:

nesmaniasa
07-01-2010, 06:03 PM
بصى بقه احسن ليكى مكان قريب ووحده مش تكوني فيها لوحدك يعنى ممكن تتدارى وياسلام لو صبيان تروحى ايام معينة وحاولى تتصاحبى على دكاترة الادارة خاصة بتوع تنظيم الاسرة لانهم ممكن يطلعوكى فى العيادة المتنقلة معاهم ودى فلوسها كويسه وكبرى دماغك وابعدى عن ان تكونى الطبيب الاول مسئولية وقرف وكمان حاولى تروحى دروة الحزمة منها بتتعلمى ومنها فيها فلوس كويسة وحاولى تتطلعى فى اى دورة اهو تبعدى عن الوحدة شوية انا فى ناس من يوم ما استلموا التكليف مشفوش الوحدة لانهم بياخدوا دورة ورا التانية

dr_aymoon
07-06-2010, 05:24 PM
على فكرة الفرق في المرتب مش كبير حتى في المناطق النائية

المرتب حوالى 1000 ج

ممكن يبقى 1500 بس في اماكن لا زرع فيها ولا ماء

ومفيش بنات بيروحو هناك حتى لو التنسيق جالهم مكان زي أبو رديس في ج سينا

لان مفيش امان هناك

وبرايفيت شرم ما ينفعش البنات غير اصلا انه قائم على التلبيس

واجور مبالغ فيها وشبهات كتيرة

وبكده احسن مكان فيه برايفيت القاهرة والجيزة وهكذا

hadidy2006
07-24-2010, 10:39 AM
(javascript://)
السلام عليكم
أنا صدر لى قرار تعديل تكليف من شمال سيناء للدقهلية بتاريخ 2 / 6 نظراً لمرور عام وموافقة الطرفين و بعد موافقة المدير العام و مدير التنظيم و الإدارة بشمال سيناء تم العرض على المحافظ لكن المحافظ رفض تنفيذ القرار على الرغم إنه وافق لطبيب أخر معاى فى نفس القرار أفيدونا ما الحل
و جزاكم الله خيرأ

pure spirit
07-24-2010, 02:18 PM
والمحافظ ليه لازم يوافق أو مايوافقش؟؟
لو حضرتك زى مابتقول أخدت موافقة من مدير التنظيم والادارة برفع اسمك من كشوفات الدرجة المالية فى شمال سينا خلاص هتاخد الموافقة دى مع صورة طبق الأصل من قرار الوزارة بتعديل تكليفك وتطلع بيها على المديرية فى شمال سيناء وتكمل اجراءات الاخلاء

hadidy2006
07-26-2010, 08:35 AM
المديرية بتقول لازم تأشيرة المحافظ

pure spirit
08-04-2010, 06:23 PM
السلام عليكم ورحمة الله وبركاته

جاتلى اشارة على الوحدة بتكليفى لاجتماع غدا الخميس 5 / 8 /2010 بالمركز القومى بمدينة نصر
الاجتماع مع مسئولين من الوزارة

حد جاتله الاشارة دى فى محافظات تانية؟؟
وياترى الاجتماع ده بخصوص ايه؟؟

dr_hero85
08-04-2010, 09:25 PM
وعليكم السلام ورحمة الله وبركاته

واحد صاحبي تكليف دقهلية جات له نفس الاشارة

بس في الشرقية مفيش حاجة ..

يمكن محافظات ..!!

pure spirit
08-05-2010, 08:43 PM
الاجتماع كان النهاردة وتقريبا هيعملوه لكل المحافظات فى مواعيد مختلفة
محافظات النهاردة كانت الدقهلية والشرقية والغربية

مسئولي الوزارة اللى حضروا :
الدكتورة عزة الدسوقى مدير الرعاية الأساسية بالوزارة
والدكتورة سحر مديرة تنظيم الاسرة بالوزراة
وحضر الاجتماع مديرى ادارات المحافظات المذكورة وعدد من أطباء التكليف فى الوحدات والمراكز الصحية

فى البداية وزعوا علينا دليل العمل
هتلاقوه فى الموضوع ده
الاستمارة و الدليل اللي بيقيمونا على اساسهم في الوحدة
(http://www.alltebfamily.com/vb/t26793.html)

بعدها الدكتورة سحر اتكلمت عن تنظيم الاسرة والخطط نحو تطوير الخدمة
ثم تم فتح باب الاستفسارات من الأطباء

الخبر اللى نتمنى يكون صحيح ان فيه لائحة جديدة هتنزل قريبا خاصة بأجور الأطباء وخصوصا القطاع الوقائى
وعلى لسان الدكتورة عزة ان طبيب التكليف هيتقاضى اجر يتراوح من 2000 الى 3000 جنيه !!!!
الله المستعان

د أحمد سمير
08-05-2010, 08:54 PM
على لسان الدكتورة عزة ان طبيب التكليف هيتقاضى اجر يتراوح من 2000 الى 3000 جنيه !!!!

:patch_rir::patch_rir::patch_rir:
:patch_rir::patch_rir::patch_rir:

Dr\White Angel
08-05-2010, 09:06 PM
ومحدش قال حاجة عن موضوع الغلء تسجيل النسا والاطفال

pure spirit
08-05-2010, 09:19 PM
ومحدش قال حاجة عن موضوع الغلء تسجيل النسا والاطفال
لأ للاسف الاجتماع كان خاص بالرعاية الأساسية فقط (خدمات وأطباء)

Dr\White Angel
08-05-2010, 09:23 PM
جزاكم الله كل الخير يادكتورة

dr\
08-06-2010, 01:32 AM
جزاكم الله خير
بس موضوع المرتبات والزيادة دى هيتطبق سنة كام؟؟؟؟؟؟؟؟؟؟؟
وكمان ممكن يطلع فيه ميت شرط يعنى مثلا لطبيبين فقط

pure spirit
08-06-2010, 11:24 AM
جزاكم الله خير
بس موضوع المرتبات والزيادة دى هيتطبق سنة كام؟؟؟؟؟؟؟؟؟؟؟
وكمان ممكن يطلع فيه ميت شرط يعنى مثلا لطبيبين فقط
والله هما قالوا قريبا لكن ماحددوش سنة
وفيه مدير ادارة وقف وأكد كلام الدكتورة عزة
اه وقالوا كمان ان اللايحة الجديدة هيكون فيها تقييم لأكثر من 2 اطباء فى الوحدات الصحية
والدكتورة عزة قالت الايميل بتاعها علشان لو أى حد عنده شكوى أو تظلم بالنسبة لأطباء الرعاية الأساسية

أبو أسامة المصري
08-06-2010, 01:24 PM
للأسف كان اجتماع لاقيمة له خصوصا إن معالي الوزير ماجاش مع انه كان مع الدكتورة سحر قبلها..
كل الكلام اللي قالوا عليه كلام*كلام..لانه كله ينتظر كلمة الوزير

د_محمد فتحى
08-06-2010, 02:07 PM
أكيد عاوزين يتعرفوا عليكم

ويعطيكم حقوقكم الضائعه

mohgou
08-10-2010, 11:50 PM
ايه النظام المالي والاداري لمكتب الصحه وايه نظام الشغل وعدد ايام الحضور والنوباطشيات

ارجو الرد وشكرا جزيلا

nanosuperstar8
08-11-2010, 12:24 PM
ايوة والنبطشيات اهم حاجه

pure spirit
08-11-2010, 03:12 PM
النظام المالى فى مكتب الصحة
المرتب + حافز الطبيب 150% + تقييم 150%
طبيعة الشغل : شغل وقائى (مواليد ووفيات وتطعيمات )
أعتقد مفيش نبطشيات ؟؟؟
الحضور رسمى من 8 ل 2 غير كدة بيبقى تنسيق ودى بين الأطباء (على حسب المكان )

nanosuperstar8
08-12-2010, 11:21 PM
انا فى مكتب صحه وفيه نبطشيات

دكتورة امانى
08-20-2010, 09:02 AM
طيب هو الايميل بتاع الدكتورة عزة اية

دكتورة امانى
08-20-2010, 09:19 AM
ياجماعة لو حد تكليفة فى الغربية او المنوفية وعاوز يبدل بكفر الشيخ من اللى عندهم جيش يعرفنى

pure spirit
08-20-2010, 11:12 AM
ان شاء الله تلاقى حد يساعدك يادكتورة
ممكن كمان تتابعى مع حركة التكليف اللى شغالة دلوقتى نتيجتهم قربت تظهر
حركة تكليف أطباء تكميلى 2010
(http://www.alltebfamily.com/vb/t28081.html)

pure spirit
08-20-2010, 06:25 PM
طيب هو الايميل بتاع الدكتورة عزة اية
تم ارساله على الخاص

sally seliman
08-22-2010, 01:10 AM
بسم الله الرحمن الرحيم


السلام عليكم و رحمة الله و بركاته

انا عندي استفسار بسيط و يا ريت حد يفيدني فيه

دلوقتي انا استلمت التكليف 4 \ 2010

هل ممكن اعمل تظلم و انقل ادارة تانيه كان ممكن يجيبها مجموعي

و شكرا


:gzak:

دكتورة امانى
08-22-2010, 10:55 AM
السلام عليكم انا تكليفى فى محافظة كفر الشيخ ياريت لوحد من زملائنا اللى عندهم جيش يرضى يبدل معايا ويكون تكليفة فى الغربية او المنوفية يعرفنى:gzak:

مؤمن عز الدين
08-22-2010, 01:53 PM
بسم الله الرحمن الرحيم


السلام عليكم و رحمة الله و بركاته

انا عندي استفسار بسيط و يا ريت حد يفيدني فيه

دلوقتي انا استلمت التكليف 4 \ 2010

هل ممكن اعمل تظلم و انقل ادارة تانيه كان ممكن يجيبها مجموعي

و شكرا


:gzak:

إن شاء الله هينفع
أنا كنت في الوزارة من حوالي 3 أسابيع و كان في ناس مقدمين تظلمات طبي و تبديل و سماح مجموع و شفت ناس اتقبلت فعلا ... توكلي على الله و روحي قدمي طلب و مش هتخسري حاجة .. بس اعملي حسابك ان السبت اجازة و مواعيد رمضان تقريبا هتلاقي الموظفين من 9.30 لغاية 1.30.. بعد ما تقدمي الطلب هتاخدي رقم تليفونهم و تتصلي بعد 10 ايام .. يعني يمكن إن شاء الله قبل نهاية رمضان يكون ربنا سهل و الموضوع خلص .. و لو حضرتك محتاجة اي استفسار عن الوزارة او تفاصيل التظلمات ممكن تسيبي اي استفسار هنا و احنا و الزملاء هنساعدك. ربنا ييسر الأمور

nanosuperstar8
08-22-2010, 04:55 PM
هى الوزارة عنوانها ايه
واروح لمين اقدم التظلم عنده
ياريت يكون الكلام بجد

مؤمن عز الدين
08-22-2010, 05:57 PM
الوزارة في شارع مجلس الشعب المتفرع من شارع القصر العيني
و شارع القصر العيني ده بيبدأ من ميدان التحرير (محطة مترو السادات)

هتروحي المبنى الإداري الجديد .. الدور التاني علوي .. اللي هو إدارة التكليف .. هتلاقي صيغ الطلبات المختلفة متعلقة .. هتكتبي الطلب اللي انتي عايزاة و تدخلي تمضيه من الدكتور سيد عبد الحافظ مدير ادارة التكليف و بعدين تسلميه في غرفة الارشيف و تاخدي رقم تليفونهم علشان تتصلي بعد 10 ايام

sally seliman
08-22-2010, 10:03 PM
شكرا و الله بجد انت فرحتني

لان انا خلاص زهقت من الادارة اللي انا فيها لانهم ما بيحترموش اي حد

ان شاء الله أحاول اروح في اقرب وقت


:barak:

sally seliman
08-22-2010, 10:06 PM
طيب معلش سؤال تاني


لو وافقوا على النقل هل بيحتاج موافقة مدير الادارة اللي انا فيها

pure spirit
08-23-2010, 12:28 AM
طيب معلش سؤال تاني


لو وافقوا على النقل هل بيحتاج موافقة مدير الادارة اللي انا فيها
لأ خالص ده بيبقى قرار وزارى بالنقل
لما بيطلع بتجيبى صورة طبق الأصل منه وتروحى للمديرية وهيا بدورها بتبعتك بجواب اخلاء طرف للادارة الحالية بتاعتك ومن الادارة للوحدة ثم الى الادارة تانى
ثم للمديرية علشان توجهك تانى للادارة الجديدة وتستلمى
وآخر حاجة فى ادارتك الحالية هيا امضاء مدير الادارة
لو حصل تعنت ومارضيش روحى لوكيل الوزارة فى مديريتك وهتنفذى على طول ان شاء الله
..
الأهم لو الحكاية دى مسموح بيها حاليا اكسبى وقت قبل نتيجة تكليف الدور التانى وحركة النيابات ماتظهر
وهما رايقين كدة
وبالتوفيق ان شاء الله

sally seliman
08-23-2010, 03:08 PM
الف شكر يا د\ مؤمن و د \ ترانيم


:gzak:

nanosuperstar8
08-23-2010, 04:27 PM
طيب اخر سؤالين
اول حاجه ينفع انقل من ادارة فى مديريه محافظه لادارة مديريه تانيه فى محافظه تانيه
ولا لازم يكونوا الاتنين فى نفس المديريه
تانى حاجه ممكن حد تانى يقدملى ولا لازم اسافر بنفسى
وشكرا جداااااااااااااااااا

pure spirit
08-23-2010, 06:06 PM
طيب اخر سؤالين
اول حاجه ينفع انقل من ادارة فى مديريه محافظه لادارة مديريه تانيه فى محافظه تانيه
ولا لازم يكونوا الاتنين فى نفس المديريه
تانى حاجه ممكن حد تانى يقدملى ولا لازم اسافر بنفسى
وشكرا جداااااااااااااااااا
بالنسبة للنقل من محافظة لأخرى انتظرى تأكيد الدكتور مؤمن ان شاء الله
اللى انا متأكدة منه هو تظلمات المتزوجات والبدل ينفع من محافظة لمحافظة فى أى وقت
..
ومش لازم تسافرى انتى ممكن حد ينوب عنك عادى
الا اعتقد لو تظلم طبى لما يحددوا ميعاد القومسيون الطبى
..
فيه حاجة بردو يادكاترة لو كان مسموح بالنقل داخل ادارات المحافظة الواحدة فقط
الحكاية دى كانت الأول ممكن تخلص فى المديرية بتاعتك ووكيل الوزارة بينقلك من ادارة لأخرى جوة محافظتك
لكن من 3 سنين الموضوع ده اتلغى فيمكن الناس دلوقتى بقت بتعمله فى الوزارة
والله أعلم

مؤمن عز الدين
08-24-2010, 01:34 AM
اي نقل من ادارة لإدارة لازم يكون من الوزارة شخصيا
سواء كان داخل المحافظة او في محافظة اخرى

وكيل الوزارة لايملك اي شيء .. و ميقدرش ينقل او ينتدب حد من ادارة لإدارة إلا بعد مرور عام من التكليف .. و السبب في كده ان التوزيع جاي من الوزارة إلى الادارات مش إلى المحافظات .. يعني المديرية اللي في كل محافظها دورها هو التنفيذ فقط

و بالنسبة لتظلم سماح المجموع .. لو مجموعك جايب الادارة التانية يبقى ممكن تقدمي طلب للنقل لها سواء كانت في محافظتك او في محافظة اخرى .. مع ملاحظة ان في اماكن استكفت فممكن ميقبلوش .. بس هي محاولة

بالنسبة لتقديم الطلب .. لازم يكون بنفسك لأنك بترفقي فيه صورة بطاقتك و بتدخلي بنفسك للدكتور سيد عبد الحافظ مدير ادارة التكليف علشان يأشر عليه قبل ما بتسلميه للموظفين

Dr Bassem Alaa
08-25-2010, 06:13 PM
رمضان كريم وكل سنة وأنتو طيبين يا دكاترة
كنت عايز اسأل عن اية الأجازات اللى مسموح بيها للطبيب أول 6 شهور فى التكليف
هل( 3 عارضة بس) ولا( 2 عارضة + 7 اعتيادى) ؟؟؟؟؟
سؤال كمان :
امتى اقدر اخد اجازة من التكليف هل بعد مرور أول 6 شهور ولا بعد سنة كاملة؟؟؟؟؟

nanosuperstar8
08-25-2010, 09:06 PM
ياريت حد يرد
لانها فعلا اسئله مهمه

د أحمد سمير
08-25-2010, 09:11 PM
21 اعتيادى و 12 عارضة

Dr_Same7Almata3ny
08-25-2010, 09:19 PM
21 اعتيادى و 12 عارضة

كل عام وأنت بخير يا أخي

أكيد يا دكتور أحمد؟

pure spirit
08-25-2010, 10:55 PM
أول 6 شهور 3 أيام عارضة فقط بدون اعتيادى
بعد الست شهور الى انتهاء السنة الميلادية بتاخد نسبة الأيام الاعتيادى ل الشهور اللى فاضلة من السنة
وتقريبا دلوقتى لما بيطلع قرار ضم سنة الامتياز بتتحسب النسبة فورا وقبل انهاء الست شهور الأولى
ثم لكل سنة ميلادية جديدة بعد كدة 7 عارضة و21 اعتيادى
وبيزيدوا طبعا بزيادة الدرجة المالية بتاعتك

pure spirit
08-25-2010, 11:24 PM
أما بخصوص الجزء الثانى من السؤال فالاجابة فى المشاركة التالية :

و علشان المعلومة تكمل بخصوص الاجازات

الاجازات المسموح بيها من اول التكليف هي
اجازة الوضع
اجازة رعاية طفل
اجازة مرافقة زوج
اجازة مرافق زوجة

دول اللي بيتوافق عليهم من اول التكليف بدون قضاء مدة ... اما باقي الاجازات بيشترط قضاء 6 شهور قبل الموافقة عليها .. زي سنة بدون مرتب رعاية الوالدين او سنة بدون مرتب تحسين دخل داخل الدولة او عقد عمل خارج خارج الدولة .. و هكذا

و طبعا زي ماقلنا ان كل الاجازات دي لا تحسب من التكليف .. لكن يحسب ما قبلها و ما بعدها علشان تكمل المدة المطلوبة للتقديم للنيابات

العباس
08-25-2010, 11:45 PM
جزاكم الله خيرا على هذه المعلومات الهامة

الموحد
08-26-2010, 12:07 AM
مش فاهم يا عباس تقصد إيه بمعنى التوقيع بتاعك
فسر لو سمحت

د أحمد سمير
08-26-2010, 06:42 AM
كل عام وأنت بخير يا أخي

أكيد يا دكتور أحمد؟


و انتا بخير يا د سامح أخبارك ايه ؟

بالنسبة للعارضة مش فاكر 12 و لا 10 بس حاجة فى الحدود دى

بالنسبة للاعتيادى آه متاكد عشان واحد زميلنا اخدهم فعلا

الموظفة عندنا قالتلى ان قبل كده كان ممنوع يتاخدوا فى اول 6 شهور

انما من اول دفعتنا بقه عادى

دكتورة امانى
08-27-2010, 10:08 AM
السلام عليكم لو سمحتم عاوزة اعرف عنوان القومسيون الطبى ولو حد من الاقاليم يروح ازاى

مؤمن عز الدين
08-27-2010, 03:25 PM
بصراحة مش عارف

tawansidragon
09-16-2010, 05:29 PM
السلام عليكم
بداية أنا بدعي من كل قلبي وبظهر الغيب لكل من شارك في الموضوع الجميييل ده

وكنت عايز استفسر من حضراتكم
عن تبديل التكليف مع صديقي (ليه نيابة ان شاء الله)
أنا تكليف دور تاني 2010 وعايز ابدل معاه
وشفت الجملة دي في الملف ( لو تقدروا انتم الاتنين تبدلوا من الاول .. يعني وقت التظلمات .. يبقى اضمن بكتير .. بس فيها صعوبة شوية على اللي هيروح بعيد)
فا أنا مش عايزه يحصله أي ضرر
وهل فعلا ممكن؟
لإنهم بيقولوا ان معدش ينفع تبديل
وهل اذا ينفع
ينفع جهة عادية تتبدل مع خارجية؟
في انتظار الاجابة من الأفاضل ربنا يكرمكم

مؤمن عز الدين
09-16-2010, 05:42 PM
معلش هجاوب في عجاله
لو عايزي تبدلوا علشان انت في مكان بعيد و عايز تقرب و كده
يبقى تروح الوزارة تعمل طلب التبديل دلوقتي قبل ما هو يبدأ في إجراءات الجامعة خالص
و هتعملوا الاجراءات و تخلصوا كل حاجة و تاخدوا قرار تبديل
بس مش هتنفذوه في ساعتها
هتحتفظوا بيه لغاية قبل ما يجي هو ينفذ الإخلاء بتاع تعيين الجامعة
ساعتها تنفذوا التبديل الاول و بعدها يبقى يخلي هو للجامعه
و كده يبقى مفيش خطورة عليه و لا حاجة

ان شاء الله لي عودة للتفصيل و الاجابة عن اي استفسار

tawansidragon
09-16-2010, 06:21 PM
د.مؤمن ربنا يكرمك ويباركلك ويحفظك يارب
أنا مقدر جدا ردك الجمييييييييييل وانك رديت عليا عشان اطمن ربنا يسعد قلبك
:)

طيب بإذن الله هنتظر التفاصيل لما تيجي تاني
أنا جالي قنا هل هو كده هيضطر يخلي من قنا؟
أنا مش عايز اتعبه بيني وبينك
وهل في بريد أو تليفون اكلم حضرتك

drmohamedkhater
09-16-2010, 06:39 PM
السلام عليكم و رحمة الله وبركاته
اخوانى الاطباء و الطبيبات
تحية
سؤالى : هل ممكن فعلا نقدم طلب فى ادارة التكليف بالوزارة للأنتداب للتأمين الصحى ؟
لأن وصل الى مسامعنا ان مش كل الاطباء اللى بيجيلهم جهات خارجية بيستموا فيها و ان التأمين الصحى محتاج لأطباء فهل فعلا الاشاعة دى صحيحة ولا ايه
فا اذا كان حد عنده اى معلومة يا ريت يفيدنا او اذا كان حد قريب من الوزارة يروح يسأل و يعرف لينا ايه المطلوب و الانتداب بيكون على حسب ما الواحد بيعوز ولا هما اللى بيوزعوا على كيفهم و الطلب بيتكتب فيه ايه
اخيرا : طيب لو الواحد عايز يروح التأمين هل التأمين افضل ولا وزارة الصحة
و جوزيتم كل لخير
يا ريت اللى عنده معلومة ما يبخلش علينا

مؤمن عز الدين
09-16-2010, 07:18 PM
عايز شوية تفاصيل لو سمحت

انت ادارة ايه بالضبط
و هو ادارة ايه
و هو مستلم تكليف امتى
و المفروض يستلم في الجامعة امتى
و هل هو في الصحة و لا في جهة خارجية
و هل انتم الاتنين نفس الدفعة

tawansidragon
09-16-2010, 09:41 PM
أنا ادارة قفط قنا
وهو منية النصر (داخلية) والإدارة الطبية (خارجية)
ودفعة واحدة تكليف سبتمبر 2010 لسه مستلمناش خالص ولا هوا استلم وظيفة الجامعة

drmohamedkhater
09-17-2010, 06:11 PM
ايه الحكاية محدش عارف حاجة خالص
:gzak:

dr _nona
09-17-2010, 11:44 PM
هو بس سؤال يعنى ايه تحسين الخدمه بالوحده ؟؟ وهى بتتضمن ايه؟؟
ياريت حد يرد عليا بسرعه....:gzak:
:mghoud:

dr_hero85
09-18-2010, 10:28 PM
السلام عليكم ورحمة الله وبركاته

تحسين الخدمة هو النسبة اللي بترجع الوحدة من الادارة من مجموع دخل الوحدة ..

يعني التذاكر وتذاكر الأسنان والعلاج الاقتصادي واقتصادي المعمل والاخصائيين .. ده كله دخل الوحدة .. وكله بيتورد للادارة .. الادارة بتاخد 40 % وبيفضل 12 % للسلفة لمستلزمات الوحدة ..

الادارة بتبعت - نص دخل الوحدة تقريبا - 48 % من قيمة الدخل كله بيرجع للوحدة تاني .. بس بيحصل غالبا كل 3 شهور " متجمعين مع بعض "

وفي الوحدة بتقسم النسبة دي 52 % للطبيب أو للأطباء " النصف تقريبا " ... والباقي مدير الوحدة بيقسمهم على الوحدة كلها او مجموعة معينة منهم .. على حسب الشغل

انا شخصيا بحب ادي العمال والكاتب والاداريين .. التمريض لأ .. لأن ليهم تقييم غير الناس دي

على فكرة .. ممكن الوحدة تعمل سلفة على حساب تحسين الخدمة من الادارة - حوالي 700 جنيه تقريبا - وتسددها خلال 3 شهور ..

ده باختصار .. ولو فيه اي استفسارات نحاول نجاوب عليها

drmohamedkhater
09-19-2010, 01:34 PM
ايه يا جماعة فين الردود

dr _nona
09-19-2010, 08:15 PM
أنا متشكره قوى على سرعه الرد
انا بس كنت عاوزه أوضح حاجه انا مستلمه بالضبط بقالى شهر و10 أيام والدكاتره اللى قبلى قالو انهم اتضطرو ينزلو اسمى معاهم وقالولى انتى عشان بقالك شهر المفروض مالكيش فيها وكان ردى وقتها انا معرفش يعنى ايه تحسين خدمه أساسا ومادام ماليش فيها نزلو اسمى ليه؟؟
مع ان شغلى معاهم كل يوم من أول ما استلمت لأننا داخلين على اعتماد
ومعاهم فى التذاكر والملفات ووشايله معاهم النبطشيات
لدرجه ان فى دكتور عندها قدم مرضى 10 أيام محدش فيهم رضى يمسك العياده وانا اللى كنت ماسكاها
دلوقتى انا ليا في تحسين الخدمه دى ولا لأ
لو مالياش حق فيها وحرام أخد فلوس مش بتاعتى انا ممكن اتنازل عنها بس الشغل اللى عملته ده مالوش حتى أى مقابل؟؟؟
:mghoud::wfk:

dr_hero85
09-20-2010, 05:18 AM
سؤال حضرتك .. دلوقتى انا ليا في تحسين الخدمه دى ولا لأ ؟

اه طبعا ليكي .. ومن حقك .. بس نسبتك هتبقه على اد شغلك ..

يعني هتقسموا 48% عليكم - أطباء التكليف - والأسنان وليس الأخصائيين ... كل واحد حسب الشغل بتاعه

drmohamedkhater
09-20-2010, 07:16 PM
طيب انا بقى رحت النهاردة الوزارة الموقرة مالقتش فى حاجة اسمها انتداب للتأمين الصحى بس لاقيت فى اعلان عايزين 4 اطباء تكليف للعمل بإدارة التكليف سألت قالوا روح هات موافقه من جهة العمل اللى هى الادارة اللى انا تابع ليها و اروح اقدم طلب سألت طبيعة العمل ايه قالوا ادارى المرتب قالوا العادى بدون الزيادات اللى انتوا عارفينها يعنى هيكون تقريبا 400 او 500 جنيه شكرا

أم سارة
09-20-2010, 10:15 PM
من فضلكم اجازة مرافقة الزوج ممكن اعملها ازاى
ياريت لو حد عنده معلومة عشان عايزة اكون مرتبة نفسى وعارفة قدامى ايه بالظبط وما اتلخبطش أو اتاخر
وجزاكم الله خيرا

طريق الخير
09-21-2010, 09:29 PM
يريد أحد اقاربى ان استخرج له شهادة امتياز من سنه 88
ما هو المبلغ المطلوب لاستخراجها؟
هل استطيع استخراجها بدلا منه؟
اين مكان الاستخراج فى طب الازهر بالقاهرة؟
ارجوا الافادة
:barak:

طريق الخير
09-23-2010, 05:42 AM
الاجابه بعد الذهاب الى هناك
سعر الشهاده 10جنيه تستخرج من المستشفى التى تم فيها التدريب "بعد حبة بهدله بين المكاتب وانتظار"
ويأخذون صورة بطاقة المستلم للشهادة ممكن ان يكون غير صاحب الشهاده
يمكن توثيقها للخارجية بخطوات أخرى سأقولها ان شاء الله بعد الاتمام

love4Islam
09-25-2010, 11:03 PM
انا معاكم بس انا لسه شايفه الموضوع حالا
جزاكم الله خيرا على المجهود الطيب

reciprocal
10-05-2010, 08:42 PM
ينفع اخد تكليفى فى مستشفى عام زى بولاق او ام المصريين ولا تكليف الجهات الخارجية بيكون فى الاماكن المحدده فقط؟؟؟؟؟؟؟؟

dr_hero85
10-05-2010, 08:58 PM
لا .. ماينفعش تاخد تكليفك في مستشفى عام ...

بس ممكن تاخد نيابة على طول من غير تكليف .. لو بتفكر في نيابة من النيابات السبعة اللي هتنزل للي خلص الامتياز في مارس 2011

وهي .. التخدير وطب الأسرة وطب الطوارىء وجراحة العظام والأمراض النفسية والأشعة التشخيصية وطب المعامل.

pure spirit
10-05-2010, 09:27 PM
لكن ممكن تعمل انتداب من الوقائى للعلاجى لو معاك واسطة

hoss992000
10-07-2010, 08:09 AM
اخواني انا هدخل في الموضوع علي طول انا قرايت في موقع النقابة وموقع الوزارة الخبر ده


أكد الدكتور حاتم الجبلى وزير الصحة والسكان أنه لا رجعة عن إلغاء تكليف الأطباء عام 2014 برغم أن القطاع الصحي يحتاج سنويا إلى 3500 طبيب فقط بينما يصل عدد الخريجين إلى 8 ألاف طبيب بزيادة تصل إلى 4500 طبيب سنويا وبهذه السياسة في التكليف يصل عدد الأطباء الزائدين علي حاجة العمل عام 2030 إلى 70 ألف طبيب مما يهدد جودة الخدمة الصحية


مصدر البيان :المركز الاعلامى لوزارة الصحة


وانا دخلت الكلية في 2007 وانا رايح رابعة يعني دفعة 2014 فهل القرار ده مطبق عليا ولا لا ارجو الافادة

dr_hero85
10-07-2010, 03:08 PM
السلام عليكم ورحمة الله وبركاته ..

وان كنت لا اقلل من أهمية الموضوع .. لكن انا شايف انك تهتم بالدراسة ولما تتخرج بمجموع كويس .. كل الأماكن هتتمناك

التكليف هيتلغي .. احتمال كبير .. لكن تدريب الاطباء مش هيتلغي .. تعاقد الهيئات والمؤسسات والمستشفيات مع الأطباء مش هيتلغي .. المستشفيات الخاصة والتعليمية .. الزمالات الاجنبية والمصرية .. العيادات الخاصة والمستوصفات ..

كل دي فرص حقيقة موجودة الى جانب السفر .. يعني ذاكر واعمل اللي عليك .. وسيب 2014 لما تيجي ..

semsem240705
10-08-2010, 02:17 PM
شوف هو اساسا الأمور كلها اصبحت متخبطه

وكل شويه قرار يطلع وقرار يتلغي

وكل على حسابنا وحساب اعصابنا

وانا اتفق مع د.هيرو في كلامه

وماتفكرش انه التكليف حلو كده يعني

ربنا معاك ومعاناان شاء الله

hoss992000
10-08-2010, 05:54 PM
شكرا لمروركم انا سالت السؤال ده علشان التكليف بيضمن للدكاترة الجداد فرصة ليست صغيرة للتدريب العملي ممكن ما تكونش حلوة ولكن احسن من مفيش وعلي الاقل برضه في التكليف الكل هيشتغل لكن موضوع انهم هيكلفوا 3500 بس مناها انهم عايزين الواسطة تدخل في الموضوع بمعني ان اللي معاه واسطة هيتكلف واللي مش معاه يدور علي نفسه بقي واخيرا حسبي الله ونعم الوكيل انا في رايي ده اسوء وزير صحة في تارخ مصر وطبعا بمساعدة اسوء وزير تنمية صاحب كل القرارات اللي دمرت احلام الناس احمد درويش الله معانا ويعينا وشكرا اخيرا

dr_shehab
10-08-2010, 05:57 PM
يا ريت يلغولنا احنا على الاقل نركز فى موضوع الزماله بدل ما احنا عين فى الجنه وعين فى النار ومش راسيين على بر

التكليف انا شايفاه ومن خلال زمايلنا الى اكبر مننا دفن لينا لا فلوس كويسه ولا تعليم كويس يبقى قلته احسن وخلى وزارة الكحه تقعد خريجين الاداب بدل مننا فى الوحدات الريفيه

مصرواي
10-09-2010, 12:10 AM
ده خدمه ليك ان التكليف حايتلغي علي الاقل حاتعرف تحضر ماستر بعد لامتياز ومرتب التكليف ممكن تجيبه في اسبوع شغل برافيت...........وعلي فكره الصحه حاتعمل تعاقد مع كل الاطباء واللي حايسافر تعاقده ملغي ويتعاقدو مع طبيب اخر

hoss992000
10-09-2010, 07:09 AM
ده خدمه ليك ان التكليف حايتلغي علي الاقل حاتعرف تحضر ماستر بعد لامتياز ومرتب التكليف ممكن تجيبه في اسبوع شغل برافيت...........وعلي فكره الصحه حاتعمل تعاقد مع كل الاطباء واللي حايسافر تعاقده ملغي ويتعاقدو مع طبيب اخر

انا مش بتكلم عن التكليف كفرصة عمل علشان مرتب انا بتكلم عنه علشان بعد التكليف فيه فرصة تدريب مش قليلة كنائب في مستشفي لكن من غير التكليف ممكن ماتلاقيش فرص تدريب الا بالواسطة

مصرواي
10-09-2010, 12:51 PM
انا مش بتكلم عن التكليف كفرصة عمل علشان مرتب انا بتكلم عنه علشان بعد التكليف فيه فرصة تدريب مش قليلة كنائب في مستشفي لكن من غير التكليف ممكن ماتلاقيش فرص تدريب الا بالواسطة
حاتسجل نايب زائر وتتعلم طوال فترة الماستر في الجامعه وبعد الماستر تعاقد مع الصحه .........وماتصدقش ان فيه اكتفاء في الاطباء ......مستشفي بلدي عبارة عن خمس ادوار مكيفه مش فيها ولا نايب عضم او تخدير ونايب واحد باطنه وجراحه

شهرزاد222
11-07-2010, 07:41 AM
السلام عليكم ورحمة الله وبركاته
أريد أن أشكركم على الموقع الرائع
وأريد أن أسأل من استلموا تكليفهم في الوحدة الصحية
هل يستفيدوا أم لا
وهل هناك أطباء أكبر منهم يشرفوا عليهم أم لا ؟

pure spirit
11-11-2010, 07:14 PM
لأ الا لو عملتى كدة
مشاركة د.كاسبر
( كيف تستفيد من فترة التكليف )

الكثير من الإخوة الأطباء والطبيبات يعتقدون أن فترة التكليف فترة لا يمكن تحقيق أي فائدة منها وتجدهم دائما في حالة شكوي وضيق من هذه الفترة .
وأنا شخصيا أري أنها فترة يمكن استغلالها بشكل ممتاز بالرغم وجود كثير من السلبيات عن طريق :
- لو عندك وقت فراغ كبير في التكليف ليه ما تستغلوش في حاجة مفيدة زي مثلا انك تذاكر في تخصص معين انت بتحبه ولا حتي بلاش كلمة تذاكر دي خليها تقرا هاتنمي قدراتك الطبية وهاتفضل مرتبط بالطب وكمان ممكن تتطبق اللي بتقراه علي الحالات اللي بتكشف عليها كل يوم . والأفضل انك أثناء التكليف تحدد تخصص معين يكون مناسب ليك وبتحبه أو علي الأقل مقبول ليك ويكون مناسب لمجموعك وتبدأ تركز عليه وتحاول تعرف عنه حجات كتير وتشتغل فيه

- ليه ما تروحشي يوم مثلا في الأسبوع تشتغل فيه في مستشفي معينة تتعلم بعض المهارات الطبية المفيدة

- ممكن أثناء فترة التكليف تلتحق بأي زمالة أجنبية أو معادلة وتبدأ تذاكر وممكن تخلص جزء من الزمالة أو المعادلة وأثناء نيابتك تكمل الباقي .

- ليه ما تحاولشي تتعلم الادارايات أثناء تكليفك هاتقؤلي أنا دكتور ومش متخرج من الكلية علشان اشتغل إداري هاقؤلك انه الإداريات مهمة أوي للدكتور والدكتور الذكي يعرف ادارايات كويس أقل حاجة يعرف ازاي يأمن ويحمي نفسه ادارايا علشان ما يقعشي في أي مشاكل إدارية لأنك بتشتغل تحت لوائح وقوانين

- برده ممكن تستفيد من التكليف ماديا عن طريق انك تشتغل برايفيت وحتي لو كان شغل البرايفيت مش أوي ماديا بس هاتستفيد منه طبيا اوي

- ليه ما تحاولشي أثناء فترة التكليف تعمل اسم لنفسك في الوسط المحيط بيك ده هايساعدك
لما تيجي تفتح عيادة لأنه اسمك هايكون إلي حد ما اتردد كتير خصوصا لو كان مستواك
كويس .

- ليه ما تحاولشي تعمل شغلك كما هو مطلوب منك أثناء فترة التكليف حتي لو كان
الشغل ده مش ممتع أو شغل إداري بس انت مطالب بيه قدام ربنا أبل ما يكون قدام
المسئولين لأنه ببساطة قبلت الشغل في المجال ده وبتاخد مرتب نظير قيامك بالمهام دي
وما تحججشي بحاجة انت اعمل اللي عليك وما يهمكشي أي حد ولا أي حاجة أهم حاجة
ترضي ربنا وترضي ضميرك في شغلك لأنه أمانة وكلنا هانتسأل علي الأمانة دي.

- لو انت عندك الإمكانيات المادية انك تجوز أثناء التكليف ليه ما تفكرشي انك تبحث
عن انسانة كويسة مناسبة ليك وتجوزها وبكده تكون حققت هدف كبير في حياتك .


أهم حاجة حدد هدفك وشوف انت عاوز ايه ونفسك في ايه والدكتور الذكي هو اللي يقدر يستفيد من فترة التكليف طبيا و ماديا وإداريا واجتماعيا

dr_monmon
11-14-2010, 06:30 PM
انا فى امتياز حاليا وعايز اعرف امتى هقدم فى السبع نيابات الملحة؟؟؟؟؟؟
دلوقتى ام بعد انتهاء الامتياز اى 28/2/2011 ؟؟؟؟؟؟؟

dr_hero85
11-15-2010, 06:37 PM
انا فى امتياز حاليا وعايز اعرف امتى هقدم فى السبع نيابات الملحة؟؟؟؟؟؟
دلوقتى ام بعد انتهاء الامتياز اى 28/2/2011 ؟؟؟؟؟؟؟

أكيد بعد الامتياز

pure spirit
11-15-2010, 11:06 PM
انا فى امتياز حاليا وعايز اعرف امتى هقدم فى السبع نيابات الملحة؟؟؟؟؟؟
دلوقتى ام بعد انتهاء الامتياز اى 28/2/2011 ؟؟؟؟؟؟؟
بيقولوا الحركة دى هتنزل فى شهر 3
وكمان دفعة 2008 ينفع يقدموا فيها

dr _nona
12-03-2010, 04:59 PM
أنا عاوزه أسأل على حاجه هو أنا أول تعيينى كنت طبيب تالت وبعد شهرين بالضبط الطبيب الأول قدم على أجازه وبقيت طبيب أول وطلع قرار ان الطبيب الأول يكون نائب طب أسره وكان نائب طب الأسره عندنا فى أجازه واما رجع هيستلم طبيب أول هل أنا كدا هرجع طبيب تالت ؟؟؟ عشان الأقدميه ولا هحتفظ بترتيبى وأبقى طبيب تانى؟.؟؟
افيدونى سريع

dr _nona
12-03-2010, 06:28 PM
لا حول ولا قوه الا بالله
حد يرد عليا يا جماعه الموضوع دا مضايقنى جدا
عشان وقت اما كانو عاوزين طبيب أول كله كان بيهرب
والوحده اعتمدوها وانا طبيب أول
وجايين دلوقتى يلغو دورى وهرجع زى الأول لأن الناس رجعو بعد الإعتماد ولا كأنى تعبت ولا اشتغلت

مصرواي
12-03-2010, 08:56 PM
ياريت ياجماعه اللي يعرف يساعد الدكتوره

dr.honeycomb
12-03-2010, 09:05 PM
للأسف يادكتورة انا مااقدرش افيدك بردوا

بس ماتقلقيش وسبيها لله وربنا مش بيضيع تعب حد وان شاء الله ربنا ييسرلك الخير ....

واكيد هتلاقى اللى يرد عليكى ويطمنك

dr_smily
12-22-2010, 05:10 PM
:barak:هل من الممكن اخد اجااااازه في شهر 7 ولمدة شهر كااااامل .....مع اني هستلم التكليف 3 سنة 2011
لاني مسافر تبادل طلابي ....هل الموضوع ده سهل ولا ايه النظاااام
ودية اخر فرصة ليا علشان اسافر في الكلية ....وطبعا في ناس حذرتني وقالتلي ممكن تتفصل او نبقي نقطة سوده في ملفك الطبي اللي لسه بيبتدي

مصرواي
12-22-2010, 09:31 PM
علي ما اظن يادكتور ممكن تبلغ مرضي او ممكن يكون مع طبيب تاني في الوحده تشيل انت شهر كامل قبل ماتسافر وهو يشيل مكانك الشهر اللي انت حتسافر فيه وتمضو لبعض

dr_hero85
12-23-2010, 02:21 PM
المفروض مافيش اجازات في اول 6 شهور غير 3 ايام عارضة .. ومرضي ..

بس المرضي بيتعرض على قوميسيون ولازم يكتب تقرير انه يستحق اجازة .. لكن لو عايز تمشيها مع دكتور تاني في الوحدة كل واحد شهر لازم مدير الادارة يكون عارف لانه ممكن بسهولة جدا اي مرور يشطب عليك ويعملك مشاكل

Dr Mohammad Barakat
12-23-2010, 03:13 PM
اعتقد مفيش تبادل طلابي طالما في آخر سنة لأنه غير مسموح بالسفر
بسبب الجيش
ولا انت مش ليك جيش؟

asmaa fawzy
12-28-2010, 05:42 PM
جزاك الله خيرا كثييييييييييييييييييييييييرا

د.على القناص
12-29-2010, 05:48 PM
جزاكم الله كل خير احنا والله مظلومين فى البلد دى يخدونا كده من الدار للنار من غير احم ولا دستور تلاقى نفسك مدير للوحدة وانت مش فاهم حاجه خالص لكن حسبى الله ونعم الوكيل فى نظامنا الفاشل

أمنية
01-02-2011, 05:55 AM
جزاكم الله خيرا

د/امانى جمال
01-07-2011, 04:49 PM
مجهود اكتر من رائع بجد الف شكر

Dr.Nomy
01-10-2011, 06:53 PM
]جزاكم الله كل الخير يادكاتره وربنا ينفع بيكم[/size]

amani_muhammad
01-11-2011, 07:26 AM
أنا معاكم بإذن الله ... نفع الله بكم و بنا

maher0072010
01-13-2011, 06:38 AM
هو الحد الادني الموجود بتاع سنة 2009 ده صح
مثلا الدلنجات حدها الادني 83ر074%
وانا ليا اصحابي تكليف السنة اللي فاتت (2009) وجايبين 73% وراحوا الدلنجات طب ازاي؟؟؟؟؟؟؟؟؟؟؟؟؟؟؟:barak::alganna:

Dr Mohammad Barakat
01-13-2011, 11:47 AM
بالتوفيق دكتورة
إن شاء الله اشراف القسم يرد عليك ويطمنك

ahmadabdalall
01-13-2011, 01:49 PM
شكرا جزيلا
مجهود فعلا اكثر من رائع

pure spirit
01-13-2011, 05:21 PM
السلام عليكم
تكليف السنة اللى فاتت كان 2010 مش 2009
وبالفعل الدلنجات كان الحد الأدنى ليها 70.07
هجيب لحضرتك الحدود الدنيا لتكليف 2010 دلوقتى

pure spirit
01-13-2011, 05:29 PM
الحدود الدنيا للادارات تكليف 2010
هناااااااااا (http://www.mediafire.com/?j9h9n9a8x6v135f)



الحد الأدنى للجهات الخارجية
هنااااااااااا (http://www.mediafire.com/?r12h5afufkyqppz)

moutaz
01-13-2011, 07:58 PM
السلام عليكم
مجموعى 66%
أنا مقبل على مرحلة التكليف ولكن لم أحسم الامر أتكلف ولا لأ؟
أولا أنا عايز أتخصص جراحه مسالك ولى قريب جراح هايعلمنى , وفى نفس الوقت عايز أسافر بره فى خلال سنتين مثلا بإذن الله
المشكله إنى لو أخدت التكليف مش هاعرف أعمل حاجه من دى
وفى نفس الوقت كل الناس بتنصحنى إنى ماسبش التكليف عشان محدش عارف إيه اللى هايحصل؟
أفيدونى أفادكم الله.
هل ممكن أستنى الدور التانى؟ وهل ده هايفيدنى فى حاجه؟

dr_hero85
01-13-2011, 09:08 PM
وعليكم السلام ..

الكلام اللي انت قولته .. عايز أتخصص جراحه مسالك ولى قريب جراح هايعلمنى , وفى نفس الوقت عايز أسافر بره فى خلال سنتين مثلا بإذن الله .. مالوش علاقة بالتكليف ..

يعني ممكن تاخد تكليف وتقدم نيابة مسالك وتتعلم وتسافر ..

بس اهم حاجة تقضي 6 شهور في التكليف .. وبعد كده ممكن تقضيها اجازات ..

أنصحك انك تاخد تكليفك عادي .. ولو هتروح مكان بعيد كل اللي فيها 6 شهور ويبقه من حقك تاخد اجازة او سنة وتنتقل من مكان تكليفك ..

وفي الاول والاخر .. صلى صلاة استخارة .. وربنا يوفقك

mahmoud dosoky
01-14-2011, 01:33 PM
جزا الله خيرا كل من ساهم في تنظيم الموضوع الجميل المفيد............

Dr.maimm
01-14-2011, 03:27 PM
:mghoud:
:gzak:

أمنية
01-14-2011, 08:50 PM
ياريت حد يقولى ما المقصود بالوحدة العلاجية وما هو الفرق بين وحدة الدعم ومستشفى التكامل غير نقطة التقييم هل هناك اختلاف فى مهام الطبيب او امكانيات الوحدة وماهى مهام الطبيب فى وحدة الرعاية

dr_hero85
01-14-2011, 09:11 PM
ياريت حد يقولى ما المقصود بالوحدة العلاجية وما هو الفرق بين وحدة الدعم ومستشفى التكامل غير نقطة التقييم هل هناك اختلاف فى مهام الطبيب او امكانيات الوحدة وماهى مهام الطبيب فى وحدة الرعاية

الوحدة العلاجية مازالت مصطلح غامض .. مش عارفينه بالضبط ..

وحدة الدعم .. مستشفى تكامل .. وحدة صحية .. وحدة طب أسرة .. غالبا نفس المهام ونفس الشغل ..

الامكانيات معقولة وال rate مش كتير .. ومعظم حالاتك " رعاية صحية أولية " ..

أطفال ومتابعات ضغط وسكر .. وتنظيم أسرة ..

dr nasooma
01-15-2011, 06:22 PM
جزاكم الله خيرا ان بحمل اهو هقرا وارجع تاني ان شاء الله

roony233
01-19-2011, 04:12 PM
السلام عليكم يا دكاتره
كنت عايزه اسالكم عن التكليف في مستشفي امبابة العام بالنسبه للدكاتره البشريين والعلاج الطبيعي بالنسبه لنظام الشغل والمواعيد والاداره ياريت تساعدوني :faces222:

OneMeTeoR
02-15-2011, 12:00 PM
السلام عليكم و رحمة الله وبركاته

انا طبيب تكليف
طبيب اول لاحدي الوحدات في الريف

وقابلت العديد من المشاكل بخصوص حالات الوفاة

كل ما اطلبه منكم الاتي :
كيفية تشخيص حالة وفاة 100% بدون اخطاء " الاعراض الاكيدة "
كيفية تشخيص سبب الوفاة للحالة " علشان لما اكتبها في شهادة الوفاة

وياريت اللي عنده معلومة مش يبخل علينا


وشكرا

د/ أحـمـد سـليمان
03-02-2011, 05:05 PM
up up

drmai2000
03-03-2011, 10:57 PM
السلام عليكم
انا عندي استفسار
طبيب التكليف لو اتثبت في التكليف في التامين الصحي
له الحق يقدم في حركه النيابات وزاره الصحه؟
ولو ملوش الحق هياخذ نيابه ازاي
ياريت لو حد عنده اي معلومه يرد علي باقصي سرعه لاني بجد محتاجه اعرف ضروري باقرب وقت
:barak:

drmai2000
03-03-2011, 11:09 PM
السلام عليكم
انا عندي استفسار
طبيب التكليف لو اتثبت في التكليف في التامين الصحي
له الحق يقدم في حركه النيابات وزاره الصحه؟
ولو ملوش الحق هياخذ نيابه ازاي
ياريت لو حد عنده اي معلومه يرد علي باقصي سرعه لاني بجد محتاجه اعرف ضروري باقرب وقت
:barak:

د/ أحـمـد سـليمان
03-04-2011, 09:47 PM
ايوة له الحق يقدم في حركه النيابات وزاره الصحه عادي

د/ أحـمـد سـليمان
03-04-2011, 09:59 PM
متابع

drmai2000
03-05-2011, 12:33 AM
شكرا يا دكتور علي الرد بس انا سمعت ان التامين هيئه منفصله

أمنية
03-05-2011, 02:06 PM
كنت عاوزة اسأل ازاى التحق بزمالة اجنبية ولو فيه شروط معينة

dr seham
03-06-2011, 04:41 PM
ى دكاتره بعد اذنكم
انا جالى ابو النمرس تبع محافظه 6 اكتوبر ومش جه حاجه ف الجهات الخارجيه بالرغم ان مجموعى يجيب فيها حاجات كنت كتباها زى المجالس الطبيه ومستشفى ام المصريين والساحل بس يعنى ايه تخ المكتوبه قبل المتشفيات ده
ايه رأيكم اعمل ايه اكمل زى ماانا ولا ااقدم تظلم ف الجهات الخارجيه؟؟؟؟؟؟؟؟؟؟؟؟؟؟؟
وكمان انا ليا نيابه ف الجامعه ومش عارفه هتيجى امتى

د_محمد فتحى
03-06-2011, 05:57 PM
السلام عليكم يا شباب

انا جالى ادارة التحرير فى البحيرة وانا عاوز انقل مكان تانى انا جايب مجموعه ينغع ولا لا؟ وايه النظام؟ واروح فين؟ واروح امتى؟

يارب حد يفيدنى الله يكرمكم يااارب

وحسنة قليله تمنع بلاوى كتيرة

وهنيالك يافاعل الخير

انا مش عارف اى حاجه خالص ياشباب


فربنا يعينكم عليا وتفيدونى

د/ أحـمـد سـليمان
03-06-2011, 07:29 PM
كنت عاوزة اسأل ازاى التحق بزمالة اجنبية ولو فيه شروط معينة
</b></i>
الزمالات الاجنبية ملهاش شروط .. ممكن تقدمي في طالما معاطي شهادة البكالوريوس و الامتياز .. بس المشكلة في صعوبة الدراسة و ارتفاع التكاليف .. كل شهادة اجنبية لها موقع على النت ممكن تلاقي فيه تفاصيل .. و معظمهم له مكاتب في القاهرة علشان التقديم و اجراء الامتحانات


مش جه حاجه ف الجهات الخارجيه بالرغم ان مجموعى يجيب فيها حاجات كنت كتباها زى

يعنى ايه ت المكتوبه قبل المتشفيات ده
ايه رأيكم اعمل ايه اكمل زى ماانا ولا ااقدم تظلم ف الجهات الخارجيه ؟
وكمان انا ليا نيابه ف الجامعه ومش عارفه هتيجى امتى

بالنسبة للجهات الخارجية .. لو كنت كتباها و مجتش رغم ان مجموعك يجيبها .. من حقك تقدمي في التظلمات و هتجيلك إن شاء الله
اما الـ ( تخ ) اللي قبل المستشفيات فدي = تخدير
بالنسبة لنيابة الجامعة لو كنتي متأكدة إنك بإذن الله هتلحقي نيابة في الجامعة .. فيستحسن تخليكي في التكليف الفترة المؤقتة دي و يبقى الجهات الخارجية ملهاش لازمة دلوقتي

د/ أحـمـد سـليمان
03-06-2011, 09:01 PM
هتدخل على التظلمات لما تفتح على النت وتعمل تظلم ( سماح مجموع )
و ربنا يسهل و يتقبل .. لأن في بعض أماكن بتبقى اكتفت
يعني قدم و إن شاء الله خير ..

د_محمد فتحى
03-06-2011, 10:04 PM
الف شكر لك يادكتورنا

جزاكم الله خيرا على اهتمامك