الحكايه ومافيها لدفعة ديسمبر 2009 كلية طب بنين الأزهر

[Dr_Dimo]

بسم الله الرحمن الرحيم

كنت من يومين بتكلم مع واحد من دفعه ديسمبر 2008 و قلى على كارثه هتحصل فى حق دفعتنا

الحكايه ومافيها انه دفعه ديسمبر 2008 انظلمت بمعنى انه قانونا كان النيابات اللى بتنزل للدفعات السابقه لاتزيد عن 10% ولكن فى دفعتهم لم يتم الالتزام بنسب ولذلك كان عدد النيابات اللى خدتها دفعه ديسمبر 2008 فعليا حوالى 85 نيابه من اصل 166 نيابه يعنى حوالى 50%

دفعه ديسمبر 2008 عملوا اعتصمات كتيره واضرابات علشان كده جلهم الحل على حساب دفعه ديسمبر 2009

وهوه كالاتى

هيتم تطبيق النظام التراكمى على دفعه 2009 (وهو مالم يتم الاعلان عنه صريحا حتى الان وذلك لتهدئه الامور) ولم يطبق على 2008 وسوف تحسب النسب كما هى
بمعنى
اننا هنتعامل دفعه 2009 على مجموعها التراكمى و 2008 على مجموعها فى البكالريوس ولن يلتزم بنسبه ال 10%
وعلى هذا هيدخل مع نيابات دفعه 2009 حوالى 90 من دفعه 2008 مجميعهم لا تقل على 86%

حسبى الله ونعم الوكيل

[medoo dadada]

ظلم بين بيلبسوا طاقية ده لده

[Elfaris]

:wfk::wfk::wfk:

[magnacarta]

شهاده لله
من أول يوم دخلت فيه الكليه قرأت اعلان يفيد بأن التقدير ها يتحسب تراكمى
احنا للى الدنيا بتتغير حوالينا لكن احنا ما بنتغيرش
أخشى أن ندمن الإحساس بالظلم وبأننا ضحايا
الإنسان أحيانا ينكر الحققه الواضحه أمام عينيه فقط لأنها تخالف هواه
اللهم الطف بنا فيما جرت به المقادير

[Dr_Dimo]

شهاده لله
من أول يوم دخلت فيه الكليه قرأت اعلان يفيد بأن التقدير ها يتحسب تراكمى
احنا للى الدنيا بتتغير حوالينا لكن احنا ما بنتغيرش
أخشى أن ندمن الإحساس بالظلم وبأننا ضحايا
الإنسان أحيانا ينكر الحققه الواضحه أمام عينيه فقط لأنها تخالف هواه
اللهم الطف بنا فيما جرت به المقادير


واضح ان حضرتك اساسا مش فاهم الموضوع
بعد اذنك اقرا الموضوع تانى بتمعن

[rain_man87]

سيبوها على الله ... يعنى اللى اتعينوا ف الجامعة عملوا ايه ، واللى عاوز يتعلم كويس هيتعلم ، فى الجامعة او غيرها

[magnacarta]

أنا فاهم الموضوع كويس
حضرتك معترض على انهم يساووا ناس تقديرهم تراكمى مع ناس تقديرهم مش تراكمى
بس اللى اقصده أنا إن حضرتك عارف كويس ان التقدير تراكمى من سنه تانيه على أقل تقدير يعنى لو كنت اهتميت ب 2 و3 زى ما اهتميت ب 4و5و6 كان زمانك بقيت زيك زى الدفعه اللى قبلك
بس طبعا احنا كالعاده وجدنا من سبقنا على امه وانا على اثارهم مقتدون وطنشنا 2و3 عملا بنصائح اللى سبقونا أو من باب سياسة القطيع وهى دى نفس الطريقه اللى بنختار بيها كتوبنا ودروسنا لو رحنا دروس يا راجل دنا راجعت باثولوجى عند فراش القسم عشان بس كل زمايلى عمله كده,.... حاجه مسخره
ودلوقتى بنتظلم بعد مالبسنا نفسنا فى الحيط
على رأى اللى قال:
الشاطره تغزل برجل حمار
اعذرنى لو أسأت التعبير .....من غلبى
معلش جت فيك....وعلى فكره اللى ها يعملوه ده مش مخالف للقوانين من حق أى حد يقدم لمدة 3سنين متاتليه
اللهم الطف بنا فيما جرت به المقادير

[Dr_Dimo]

جلكم كلامى انه هيحصل كده
انا كتبت الموضوع ده من سنه واهوه بيتحقق

[magnacarta]

يعنى ايه يا دكتور ها يخده النيابات على التراكمى ولا البكالوريوس بس أرجوك طمنا

[Dr_Dimo]

كنا مع العميد من كام يوم والعميد قال لازم كله يبقى تراكمى او كله بكالوريوس
وقاله الدكتور اسحاق انه ماينفعشى

فهيتم تطبيق النظام التراكمى على دفعه 2009 (وهو مالم يتم الاعلان عنه صريحا حتى الان وذلك لتهدئه الامور) ولم يطبق على 2008 وسوف تحسب النسب كما هى
بمعنى
اننا هنتعامل دفعه 2009 على مجموعها التراكمى و 2008 على مجموعها فى البكالريوس

وعلى هذا هيدخل مع نيابات دفعه 2009 حوالى 40 من دفعه 2008 و 2007 مجاميعهم اكتر من 83.5%

وكمان عرض نائب رئيس الجامعه و الدكتور محمد البهى عميد الكليه على الدكتور اسحاق انه يزود عدد النيابات علشان يرضى الناس اللى هتنضر لان كده اغلب الدفعه هتنضر واتصلوا بدكتور صفوت النحاس رئيس الجعاز المركزى للمحاسبات والراجل ماتأخرشى وقال اللى انتوا عوزينه انا هصدق عليه

ولكن الدكتور اسحاق رفض و قال انا معديش اماكن احطهم فين ؟

[نور الشمس]

على فكرة انا قابلت رئيس الشئون القانونية بالجامعة وقالى لو القرار صدر فعلا فى 2004 وان احنا التحقنا بالكلية2003 فالمفروض ان القرار لا يطبق علينا لو تقدير اولى داخل فى التراكمى وعلى فكرة احنا فى طب البنات ماشوفناش قرار لاتراكمى ده بعينينا الا فى سنة رابعة وقبل كده كانوا بيقولولنا مادام مفيش قلرار نزل يبقى خلاص مش هايطبق عليكو حاجة ودى مش بشهادتى بس دى بشهادة كل الدفعة المختلفين والمتفقين مع التراكمى وعلى فكرة زيادة الاعداد مش حل الحل لازم يكون جزرى

[Dr_Dimo]

نقلا عن ناس من طب دمياط
العميد بتاعهم قالهم ان دفعة 2009 تراكمي واللي نازل بكالوريوس
وقال ان ال4 عمداء الطب (بنين بنات اسيوط دمياط ) كانو مع رئيس الجامعه و قالو ده