هام جدا لرابعة طب بنات

[بنت الأزهر]

بسم الله الرحمن الرحيم

السلام عليكم ورحمة الله وبركاته

إخواتى الأعزاء طالبات الفرقة الرابعة طب -بنات الأزهر

سوف نقوم بتقديم شكوى إلى رئيس الجامعة عن ما حدث لفرقتنا فى النتيجة

لأنها ليست فقط ستقلل نتيجة البكالوريوس المقارنة بباقى كليات الطب وبالتالى حيكون التعيين فى أبعد المناطق
ولكن من دخل دور تانى فسيأخذ نصف الدرجة وكمان سيكتب فى شهادة البكالوريوس دور تانى
واللى له تعيين فى الكلية طبعا حيتحرم منه طبعا




أولا :

1- سنطالب بلجنة من أساتذة الرمد فى طب بنين ليطلعوا على الامتحان بالنسبة للوقت

2- وسنشرح أننا لم نأخذ شئ فى عملى الأنف والأذن وسنصف ما حدث فى إمتحان ال 20%

ثانيا :

1- سنطالب بإعادة تصحيح جميع أوراق الرمد وأيضا وإعادة توزيع الدرجات

*بالنسبة للرمد : انهم يقللوا درجات النظرى فى الرمد بحيث كل سؤال يبقى ب25

ودرجات الرمد الشفوى مثلا هيبقى ب60او 80 يعنى اللى واخد 30يبقى 60

واللى 28 يبقى 56



*بالنسبة للأنف والأذن : ال 20 % هو اللى منقصنا كلنا فنطالب أن تخفض الدرجات لتكون 30بدل 50

ويزيد درجات الشفوى والنظرى

2-الدور الثانى : أنه يعامل كمن أجل المادة

بمعنى
*يأخذ درجته كاملة
*ولا يكتب فى شهادة البكالوريوس أنه دور ثانى


3-من كانت تقديراته مقبول وأراد أن يعيد الإمتحان فله الحق كمن سيدخل الدور الثانى لأن من أراد أن يتخصص رمد أو أنف وأذن لازم يكون تقديره على الأقل جيد جدا حتى يستطيع أن يسجل فى الماجستير




أما مكان وميعاد التجمع فأمام باب الإدارة يوم السبت 24-7-2010 الساعة ال11 صباحا



ويرجى لمن كل من يعرف أحد من البنات له دور ثانى أو كان تقديره مش كويس أن يشارك معنا ضرورى وكذلك كل من أراد أن يتطوع لمشاركتنا- فجزاه الله كل الخير - ولا أحد يتوكل أن الأخرين أنهم حيروحوا وإلا لن نجد أحدا يذهب فى النهاية

وأرجو من الجميع أن يعلم أن هذا مستقبلنا ولازم ندافع عنه

واللى ربنا عافاها فلتعلم أنها لو تركت نصرة أختها فى موقف تحب أن تنصرها فيه سيترك الله نصرتها فى موضع أشد تحب أن تنصر فيه

ولتعلم كل منا أن الأيام دول

قال تعالى " وتلك الأيام نداولها بين الناس وليعلم الله الذين ءامنوا ويتخذ منكم شهداء والله لا يحب الظالمين "

فو الله الذى لا إله إلا هو لا أجد هذا الموقف إلا مقياسا لإيماننا وأن من تركته ستكون ظالمة

- ظلمت نفسها وستندم على هذا الموقف عمرها كله
-ظلمت من بعدها ( تخيلى عدد من ظلمتى والتى ستوضع فى ميزانك يوم القيامة )لأنها ستكون قد سنت سنة الإستكانة والمذلة والهوان وقبول الظلم
قال رسول الله (صلى الله عليه وسلم ): " من سن سنة حسنة فله أجرها وأجر من عمل بها إلى يوم الدين . ومن سن سنة سيئة فعليه وزرها ووزر من عمل بها إلى يوم الدين "


وخناما نرجوا لكل من كانت له أى إقتراحات أن تضيفها فالله تعالى يبارك فى الشورى ولكن نرجو حتى يوم الخميس 22-7-2010 لأننا سنبدأ بعد ذلك بكتابة الشكوى بشكل رسمى

وأرجو للمرة الثانية أن يحضر كل من يستطيع ولا يتكل على الأخرين فهذا مستقبلنا من يدافع عنه غيرنا

من يهن يسهل الهوان عليه ما لجرح بميت إيلام



والسلام عليكم ورحمة الله وبركاته

[8marwa]

ياريت تطالبو ايضا ان التصحيح اومراجعة التصحيح يكون بلجنة من البنين

[8marwa]

يا ريت تهتموا اكتر باعادة تصحيح الورق بلجنة من الطب بنين وتقدير وقت الامتحان واسلوبه اما الامور الاخرى مثل ان طالب الور الثانى ياخذ الدرجة كاملة اوان طالب الدور الاول له الحق فى دخول الدور الثانى فسامحينى اعتقد ان هذه الامور يمكن ان يكون فيها شى من الصعوبة فى تحقيقها لكن انا معك انكم تقدموها ايضا فى اقتراحتكم فهذا شى اكيد واتمنى لكم كل التوفيق والعون من الله

[زهرة ريحان]

ربنا معاكم ويكون فى عونكم
وربنا يوفقكم
امين

[عزة]

السلام عليكم ورحمة الله وبركاته جزاك الله خيرا بنت الأزهر وفعلا المطالب دى كافية جدا وان شاء الله هنعمل حاجة أنا عايزة أقول ان أى حد عرف الموضوع ده وافق واتحمس جدا يعنى فى مدة ساعة واحدة أنا عرفت ان عشرة هيروحوا ولسه الباقى يعنى ماحدش يقول هو أنا هروح لوحدى. الكل هيروح ان شاء الله كلنا لازم نشارك ياجماعة عشان فعلا ده مستقبلنا مش لازم نضحى بيه بسهولة وماحدش ييأس لأن طول ما احنا ساكتين ماحدش هيعملنا حاجة لأن ماحدش هيعوز مصلحتنا غيرنا الموضوع دلوقت مش اقتراح الموضوع قائم فعلا وعايزين الكل يشارك ويروح عشان نجاح المطالب حتى الناجحين الموضوع ده هيرفع تقديرهم أو حتى اللى جايب امتياز فدرجته أكيد هتزيد وان ماكانتش درجة الامتحان فدرجاتنا فى ميزان حسناتنا ان شاء الله اللى يقدر يروح لازم ما يتأخرش

[بنت الأزهر]

السلام عليكم ورحمة الله وبركاته


شكرا جزيلا يا دكتور 8marwa (http://www.alltebfamily.com/vb/u31088.html) على الدخول والتعليق وشكرا لك يا أخت زهرة ريحان (http://www.alltebfamily.com/vb/u4607.html) ويا عزة (http://www.alltebfamily.com/vb/u92.html) هذا هو المتوقع

ربنا معانا

بس أنا نسيت شئ هام كان المفروض أوضحه من البداية

1- أن نسبة النجاح هذه العام 40% عدد الناجحات تقريبا 110 والراسبات 140 ( هذا بخلاف من كان يمتحن معنا من الفرقة الخامسة والسادسة )

2- أن كثير ممن رسب أو حصل على مقبول لم ينقص تقديرهم يوما عن إمتياز ومنهم من قفل كل مواد سنة ثالثة إمتياز ( والكل يعرف إيه هى سنة ثالثة )
ومنهم من كان من الأوائل

3- ثالثا : وهذا هو الأهم أن من حق أى طالبة أن تكافئ على مجهودها أيا كان تقديرها فى الأعوام الماضية وأعتقد أن الرمد والأنف وأذن هى أسهل مواد فى الطب كله
ودائما كانت سنة رابعة ( كما يقال هى فاكهة الطب )

4- ما الإختيار الثانى والثالث إلا لو فشل الأول لأنه لا يتوقع الكثير من رئيسة القسم التى رفضت لثلاث مرات رفع النتيجة بعد رفض إمضائها من الإدارة

وكذلك إدارة الكلية فكل فصول تلك المأساة حدثت تحت مرأى ومسمع بل وبمباركتها فلم تعترض على أى شئ
( لقد سبنا رئيس قسم الأنف والأذن بألفاظ لا يليق أن يذكرها أحد فى الشارع فضلا عن طبيب ورئيس قسم )


وأريد أن أذكر شئ هام أن مثل ما حدث معنا حدث من بعض السنوات فى طب بنين واعتصموا أما الإدارة وفى نصف ساعة حضر رئيس الجامعة وفى ثلاث ساعات رفعت النتيجة وعلقت مرة أخرى

واحنا بنحاول بس حتى يرانا الله على الوجه الذى يحب ويرضى ولا يرانا من أشد الناس الذين يبغضهم وهم القانطين

قال تعالى " ومن يقنط من رحمة ربه إلا القوم الضالون "

والسلام عليكم ورحمة الله وبركاته

[زهـــ الندى ـــرة]

السـلام عليكمـ ورحمة الله وبركاته ،،

جزاكم الله خيـرًا يا بنت الأزهـر علي تعبكـ في النتيجه
وعلي تعبكـ دلوقتــي

أنا متفقه معاكِ في الوقفه دي

لأن للأسـف بالنتيجه دي هتأثر جامد علي نتيجة البكالريوس
مع ان مفروض تقدير رابعه ده مضمون

ولو بصينا لنتيجة طـب بنين هنلاقي الفرق واضح وضوح الشمس
فرق ما بين السما والأرض

المشكـله في إننا ازاي نجمع الدفعه كلها
لأن كـل واحده من بلـد

عـامة أنا هوصــل الموضوع ده لأكبر عدد ممكن أوصـله

وكل واحده تحاول تبعت أوفـلاينات علي ايميلها لبنات الدفعه
ورسايل علي الموبايل

وان شاء الله هنقـدر نوصـل لعدد كويس

بالتوفيق ان شاء الله يا بنـات

[الطفله البريئة]

انابضم صوتى لصوتكم لانى طول عمرى بجيب امتياز وشايله رمد ياجماعه انا خالى عميد كليه قالى لو50بس منكم اتجمعوا وعملوا مظاهرة النتيجه هتترفع بس لازم تكونوا كتير وتقفوا قدام مبنى رئيس الجامعه واهم حاجه الصحافه تكون موجوده وبتصور فى الحالة دى كل الدفعه هتترفع انتوا مستنيين ايه متنسوش ان احنا لولا عملنا مظاهرة وقلبناالدنيا مكنتش المدينه هتفتح ياجماعه وانا كنت موجوده وبهتف معاهم وده اللى جاب نتيجه يللا بقى نعمل حاجه لله ولنفسنا لن يضيع حق وراءه مطالب وانا هجيب كل أرقام برامج التوك شو وانشرها ع النت هنا وارقام الصحفيين

[عزة]

أيوة يلا ياجماعة كل واحد يتصل بالأسماء اللى فى موبايله كلها حتى الناجحين لأن زى ما قلنا الكل هيستفيد يلا لازم نعمل حاجة ونكون مثل لعدم الرضا بالظلم

[بنت الأزهر]

السلام عليكم ورحمة الله وبركاته

شكرا لكم جميعا يا إخواتى

شكرا لكى يا زهـــ الندى ـــرة (http://www.alltebfamily.com/vb/u29.html) وياريت همتك معانا على قد ما تقدرى ما تكلميش بس البنات بس حمسيهم كمان واتاكدى انهم جايين ومش حيكسلوا فى الأخر أو يخافوا

شكرا لك يا حبيبتى الطفله البريئة (http://www.alltebfamily.com/vb/u30316.html) ربنا معاكى يا حبيبتى ويوفقك حاولى معانا على كل ما تقدرى وفكرى انك على قد مجهودك مش بس حتفيدى نفسك أو دفعتك ولكن كمان كل اللى حيأتوا بعدك ما فيش رئيس قسم حيقدر يستبد برأيه بعد كده تانى

شكرا لكى يا عزة (http://www.alltebfamily.com/vb/u92.html) صاحبة الفكرة الرئيسية والمنظمة الحقيقية لها عسى الله أن يجعلها فى ميزان حسناتها وينفعنا بها دوما


يا جماعة أنا بس عايزة أضيف شئ مهم جدا جدا

أحد الأوائل على الدفعة للأسف شالت الرمد وراحت اليوم تعمل إعادة تصحيح

وجدت نفسها فى العملى والشفوى وال 20 % ( واللى كان صعب لأقصى حد والكل يعلم هذا ) أنها جبت 90 من 100 (يعنى إمتياز )

ولكن فى النظرى وجدت درجتها 37 من 150

بدون تعليق !!!!!

وطبعا لم تأخذ ولا درجة

.................................................. .................................................. ..................

احنا لو ما وقفناش دلوقتى وقفة واحدة ودافعنا عن حقنا

لن يسامحنا الله أبدا ولن ينظر إلينا

أتحب إحدانا أن تسمع من رسول الله " أنتم لستم من أمتى "

أتحبون سماعها


قال تعالى " الذين توفاهم الملائكة ظالمى أنفسهم قالوا فيم كنتم قالوا كنا مستضعفين فى الأرض قالوا ألم تكن أرض الله واسعة فتهاجروا فيها أولئك مأواهم جهنم وساءت مصيرا "



قال تعالى : " كنتم خير أمة أخرجت للناس تأمرون بالمعروف وتنهون عن المنكر وتؤمنون بالله ولو ءامن أهل الكتاب لكان خيرا لهم منهم المؤمنون وأكثرهم الفاسقون "

كانت سبب هذه الخيرية أنهم أمروا بالمعروف ونهوا عن المنكر فلو لم يفعلوا هذه لكن مثلهم مثل من ترك قول الحق من أهل الكتاب فصاروا فاسقين



قال تعالى : " يأيها الذين ءامنوا مالكم إذا قيل لكم انفروا فى سبيل الله اثاقلتم إلى الأرض أرضيتم بالحياة الدنيا من الأخرة فما متاع الحياة الدنيا فى الأخرة إلا قليل . إلا تنفروا يعذبكم عذابا أليما ويستبدل قوما غيركم ولا تضروه شيئا والله على كل شئ قدير . إلا تنصروه فقد نصره فقد نصره الله "

فالله قادر على نصر المظلوم لا يحتاج من أحد نصرة ولكن أمرنا بنصرة المظلوم ليرفع درجتنا ويختبرنا فالإيمان ليس بكثرة الصلاة والصيام ولكن بمن هو قادر على أن يرغم نفسه على ما تكره


يلا يا طبيبات الإسلام إحنا كلنا مستنينكم

يلا ياحاملات كتاب الله أروا الناس الحوريات الأحرار المجاهدات



احنا مستنينكم

[الطفله البريئة]

مكتب قناة الجزيرة فى القاهرة 5787700وده كفايه انه يكون حدمنهم موجود بيصور برنامج القاهرة اليوم عمرو اديب 8555338 أو 8555378 الموبايل 0127755555 برنامج الطبعه الاولى احمدالمسلمانى 0105430000 برنامج العاشرة مساءا 0238552400 ورقم اخر 0238552300تليفونات الصحفيين محمدالشافعى الاهرام 0101174270ورقم 0182977476 واحمدرجائى الجمهوريه 0123100703 والاستاذ محمدعلى ابراهيم رئيس تحرير الجمهوريه 025781333وتليفون 025781222 طبعا كل الناس دى لازم نتصل بيهم مرة و10لحد ميردوا ونقولهم على مكان ومعاد الاعتصام علشان يجوا والى يعرف حد تانى يكتب وياريت اللى تتصل تعرفهم المكان والمعاد والسبب يللا ياجماعه

[ahmedatya]

بصراحه ربنا معاكم
* نتيجتكم كده غيرت المتعارف عليه ان سنه رابعه دي ملاهي الكليه*
حاولوا علي قد ما تقدروا لان الموضوع مش هزار دا شقي وتعب 3 سنين فاتت وحافز كبير للي جاي
ربنا معاكوا ويوفقكوا

[hagarghoname]

أنا معاكم ان شاء الله
بس فكرة اعادة التصحيح دي مش هاتفيد ناس كتير
لاني مااعرفش انا كتبت آيه أصلا
ومااعرفش الأسئلة العايمه دي كانت عايزه آيه
الحل هو اعادة توزيع الدرجات
ورفع الدفعه
غير كده مش هنوصل لنتيجة
احنا نطالب نتعامل زي الدفعات السابقة ف توزيع الدرجات
اعتقد ده هيغير النتيجة كلية

[الطفله البريئة]

وادى الايميلات جريدة المصرى اليوم بريدالمصرى اليوم والشكاوى editor@almasry-alyoum.comوايميل اخرxskoot***********برنامج ال10مساءا al3ashera@dreams.tv

[الطفله البريئة]

xskoot***********

[عزة]

السلام عليكم جزاكم الله خيرا جميعا على المشاركة وربنا ينفع بيك دايما يابنت الازهر أنا عندى تنبيه هام جدا ياجماعة
البنات اللى هيروحوا لازم يعرفوا اننا مش عايزين نعمل مظاهرة ولا شغب يعنى بمعنى أصح مافيش حد يعمل لوح ولا حد يسد الطريق ولا حد يقول عبارات قد تسئ الى صورتنا نحن طبيبات الأزهر والى جامعتنا احنا كل اللى عايزينه البنات كلهم هيقعدوا فى تجمع أمام مكتب رئيس الجامعة و3 أو 4 متحدثات هيدخلوا لرئيس الجامعة ويتكلموا بأسلوب لائق بحيث ياجماعة ان أى شغب مننا ممكن يخليهم يمنعونا من الدخول لرئيس الجامعة وفى بنات بتحاول انها تبلغ البرامج التليفزيونية وان شاء الله خير وهنعمل حاجة

[الطفله البريئة]

ياهاجر مش هنخسر حاجه اصل لو سكتنا هندخل دور تانى يعنى ايه اوائل الدفعه دور تانى ويعنى ايه الطلبه بتوع الامتيازات وال جيدجدا تشيل معلشى يعنى دى قلة ادب وافتكرى ان مفيش حد بياخد حقه غير لما يفضح الدنيا تليفزيونات وجرايد هو ده الحل الوحيد وبعدين خالى عميدكليه وواثق ان لو الموضوع ده تم هيتصحح كل الورق تانى من لجنه خارجيه هتقيم الامتحان وتوزيع الدرجات ياستى مش هنخسر وعندك أسماء شاطرة تقديراتها امتياز وجيدجدا وشايله رمد والناس كلهاعارفاها عمرهاماغشت حرف ليه تشيل وغيرها اوائل الدفعه 4منهم شايلين رمد ليه وفى المقابل الناس الى بتشيل معظمها ناجح فى غلطه لازم نحتج والحمدلله كل اللى بتعرف بتوافق

[زهـــ الندى ـــرة]

أنا معاكم ان شاء الله
بس فكرة اعادة التصحيح دي مش هاتفيد ناس كتير
لاني مااعرفش انا كتبت آيه أصلا
ومااعرفش الأسئلة العايمه دي كانت عايزه آيه
الحل هو اعادة توزيع الدرجات
ورفع الدفعه
غير كده مش هنوصل لنتيجة
احنا نطالب نتعامل زي الدفعات السابقة ف توزيع الدرجات
اعتقد ده هيغير النتيجة كلية

أنا معاكِ في حتة اعادة التوزيع
اصلهم ممكن يعملوا اعادة التصحيح ويسقطوا اللي نجحوا كمان :((


وطبعا امتحان الـ 20 % بتاع الأنف والأذن كان خارج حدود المعقول
ومننساش ان رئيس القسم وهو داخل يومها قال

ذاكرتوا مذاكرتوش مش فارقه
مش هتلاقوا حاجه من الكتب اللي في إيديكوا


وفعـلا الأمتحان كان غبي جدًا ومكنش فيه وقـت حتي اننا نشوف الشرايح
مش نحل الكيس كامله في دقيقه أو أقــل

امتحان الرمد بصراحه خارج حدود المعقول والمتعارف عليه
ده غير ان الشيت اللي هو قائم مقام العملي كان عليه 5 درجات
معقوله المادة الوحيدة اللي شفنا فيها عملي السنه دي يبقي بخمس درجات !!

مستحيل طبعا ده استهبال رسمي

ياريت نطــالب بتغييـر رؤوساء الأقسام كمان

وحاجه تانيه

إننا نشارك معانا قسم الجوده في الكلية

مش هما طول السنه قارفينا بالجودة يجوا يشوفوا اد ايه الجوده شغاله وجايبه هدفها

( اللي تعرف أي دكتورة من دكاترة الجودة تتصـل عليها )
د ماجده بتاعت البارا
ود زينب بتاعت الميكرو
ود صفاء القللي بتاعت الشرعي
ودكاترة كتير مش فاكرة الأسامي بالظبط

بس هما عامل كبير بيقدروا يضغطوا علي عميدة الكلية ورؤساء الأقسام
وأظنهم السبب ان قسم الفارما يتعدل السنه اللي فاتت

أي حد يقدر يعمل حاجه يا جماعه ياريت ميتأخرش

أعانكمـ الله

من ناحية الايميلات يا أختنا الطفلة البريئة
المنتدي مش بيسمح بإضافة كلمة الياهو والهوت ميل

فبالتالي عشان تضيفي ايميل اكتب الاي دي بس
واكتبِ جمبه اذا كان ياهو ولا هوت

وطبعا دي ايميلات عامة مفيش اي مشكله من تواجدها في الموضوع

وياريت كل البنات تبعــت للإيميلات دي

بس لما نتفق علي رسالة موحده نبعتها كلنا

واللي متعرفش تبعــت رسايل تقول واحنا نعرفها

[الطفله البريئة]

اتفرج يادكتر احمد بذمتك ده ينفع يعنى ايه ده الظالم لازم يقف عند حده هنشكى ف كل حته مش هنخسر

[hagarghoname]

ياجماعه عايزين نتفق على صيغة نبعتها ع الايميل للناس دي
وانا بارشح نكلم محمود سعد وعمرو الليثي
بس محتاجين نتفق هنقول آيه
ف الايميلات

[حوار مع النفس]

جزاكم الله خيرا يابنات على الاقتراح
انا كلمت بنات المغرب واللى بعرفه بكلمه وهم مستعدين يروحوا

عايزين نتكلم فى نقطه 4 اسئله مش نظام جوده ومش مقياس تقييم طاالب
بحيث لو لقدر الله لو مطالبنا لم تستجاب
ماتتكرش المأساه تانى فى الرمد

وربنا مع الجميييييييييع

وحسبنا الله ونعم الوكيل

[الطفله البريئة]

وماتخافوش يابنات مش هتقدر تأذينا دى هى اللى تخاف هنعتمد على الله ونروح وربنامعانا وياريت تبلغوا كل الناس وياريت كله يبعت ايميلات للجرايد والبرامج لازم صوتنا يوصل واكتر من واحده تتصل بأرقام التليفونات وخصوصا مكتب الجزيره كفايه اننا نردد حسبناالله ونعم الوكيل واحنا واقفين ومفيش مانع من اللوحات ياعزة دة قانونى احنا مش هنرميهم بالطوب

[حوار مع النفس]

اليوم السابع برده ياجماعه
02-37603628 / 02-37603627 / 02-37603626
مراسلتنا فى حالة وجود شكوى على الموقع الإلكترونى

لأستاذ خالد صلاح رئيس التحرير شخصيا على البريد الإلكترونى الخاص به


comments@youm7.com khaled@youm7.com

[الطفله البريئة]

بصى ياهاجر هنقول السيد الاستاذ او الاستاذة فلانه بعد التحيه نحيطكم علما بأننا طالبات كليه طب بنات الزهر سنقوم بوقفه احتجاجيه يوم كذا الساعه كذا بالمكان كذا احتجاجا على نتيجة امتحان الرمد والتى رسب فيها اكثرمن 140طالبه ونجح 110 فقط اى 40%من الدفعه فقط ناجح مع العلم بانه من بين الراسبين اوائل الدفعه لذا نرجو من سيادتكم الحضور ف المعاد والمكان المحدد لكى تصل اصواتنا للمسؤلين وشكرا

[الطفله البريئة]

وبالنسبه للصحفيين ابعتوا نفس الايميل او اى صيغه مناسبه واكتبوا نرجو الاهتمام الذى عهدناه منكم دائما وابدأوا بلغوا البنات لازم ع الاقل 50واحده تكون موجوده

[الطفله البريئة]

لاتقنطوا من رحمة الله يابنات محدش عارف لو سكتنا ممكن اللى حصل يتكرر تانى

[hagarghoname]

اللي شاف النتيجة منكم هل يعرف حد من اللي جايبين جيدجدا أو امتياز ف الرمد
والا كل الناس جايبه مقبول وجيد رمد
دي نقطه عايزه أعرفها
عشان أفهم بس التصحيح تم على أساس آيه بالظبط

وأنا باقترح ان الصيغه ف الايميل كالآتي
من طلبات كلية الطب الفرقة الرابعة بنات _جامعة الأزهر

نشكو من الظلم الذي وقع علينا في نتيجة هذا العام حيث رسب في مادة الرمد 140 طالبة ونجح 110 طالبة
ومن ضمن الراسبات أربع طالبات من أوائل الدفعه الأعوام الماضية

كما أن الناجحات جميعا حاصلات على تقدير مقبول وجيد مع العلم أن معظمهم حاصل على تقدير امتياز العام الماضي

وكان امتحان الرمد مهزله شديده
حيث أن الامتحان أربع أسئله ب 150 درجة ، على عكس الأعوام الماضية عدد الأسئلة عشرة ب 100 درجة فقط

كما أن الأسئلة غير معلومة المطالب

وسنعتصم ان شاء الله يوم السبت الموافق 24_7 أما مبنى الادارة للمطالبة بلجنة لاعادة تقييم الامتحان واعادة تصحيح الأوراق بواسطة لجنة من طب بنين واعادة توزيع الدرجات أسوة بالأعوام الماضية


أتمنى منكم أن تنقلوا أصواتنا وصوت هذا الظلم الواقع علينا
..............
آيه رأيكم في حاجه عايزه تنضاف؟

[حوار مع النفس]

على فكره ياجماعه امتحان الرمد يوم 7_8

[الطفله البريئة]

كويسة ياهاجر بس لازم نبعت على كل اليميلات اللى نعرفها بدل الواحد 100 وننقل ارقام التليفونات دى معانا ونقنع كل الناس تحضر والاعتصام يكون قدام مكتب رئيس الجامعه مش الاداره وبالنسبة لسؤالك 2بس امتياز و13جيدجدا والباقى الكتر مقبول ومنهم اوائل دفعه وشويه جيد و140دورتانى همتكم بقى بلغواالناس وبالمناسبه اسماء صاحبتنا هى كمان شافت درجاتها تقريبا87من 100عملى وشفوى و20%و35من 150ف النظرى وعجبى (يعنى 87%دول امتياز اللى هتجيبهم مش هتعرف تجيب نص ال150 مثلا وجايبه امتياز طب شرعى واخلاقيات وقران وحديث وجيدجدا كوميونتى وانف واذن --------------عماااااااار يامصر ده جهنم هتخطفهم وعجبى)

[الطفله البريئة]

اختى حوار مع النفس انا كنت عند الوكيله انهرده ولسه الجداول مش نزلت وبلسانها قالتلى سنه اولى هم اللى هيبتدواوبعدين 2وبعدين3وبعدين 4وبتقول الرمد على يوم 20 يبقى نحتج الاول ولعل وعسى نستفيد وميبقاش فيه دور تانى

[hagarghoname]

يعني التجمع عند رئيس الجامعه
هو مكتبه فين بالظبط؟

[hagarghoname]

في حاجه عايزه أقولها
كل واحده فينا تتأكد من عدد الناس اللي جايين معاها
وتكتب العدد عشان نعرف احنا أد آيه بالظبط
عشان مانتفاجئش ان العدد صغير يومها

[hagarghoname]

هي الوكيله آيه رأيها ف الحوار ده صحيح؟

[الطفله البريئة]

بالنسبه للهتافات سهله جدا وكلها بأدب وان شاء الله بفايده اكتبوها عندكم مثلا------------ ياطيب بيه طيب بيه ليه ساكت ع الظلم ليه--------يارئيس جامعتنااحنا بناتك قوم يللا عيد حساباتك---------- دكتر عز تعالى معاناطنط سميحه مش سامعانا-----------تعالى شوف المظلومين اوائل الدفعه بقوا ساقطين ----------دكتر عبدالله واثقين فيك تقدر تنجدنابقرار ليك0000000000 فين الحق وفين الدين كل الدفعه مظلومين-----------مش راجعين مش راجعين احناذاكرناومجاوبين----------------يادكترة رمد بنين تعالوا وشوفوا الحق لمين-------------

[حوار مع النفس]

كلها هتافات جمييله

ياجماعه تم انشاء جروب على الفيس بوك
http://www.facebook.com/pages/aly-ryys-jamt-alazhr-aghthna-talbat-alfrqt-alrabh-tb-bnat-tany-/139813652714038?filter=1
بعنوان الى ريئس جامعه الازهر (أغثنا)طالبات الفرقه الرابعه بنات تعانى

وبعداذنك هنقل الهتافات دى فيها

[حوار مع النفس]

اللى هيروح ياجماعه ياريت يأكد لينا فى الموضوع ده
علشان نضمن اان اكبر عدد يروح
http://www.facebook.com/pages/aly-ryys-jamt-alazhr-aghthna-talbat-alfrqt-alrabh-tb-bnat-tany-/139813652714038?v=wall#!/event.php?eid=137963192893606&ref=mf

[hagarghoname]

حوار مع النفس: المشكله ان مفيش بنات كتيره من دفعتنا ع الفيس بوك أو حتى ع النت
لازم نوصل لهم عن طريق التليفونات
واللي يتأكد من عدد معين جاي يقول عليه
تمام؟

[حوار مع النفس]

اللى متاكد ان ناس عندهم نت يقولهم على الجروب ويدخل يأكد عدد الناس التانيه اللى موافقه تحضر

[الطفله البريئة]

قوموا يادكاترة قولوا الحق مظلومين ولا لأ000000000يارئيس جامعتنا يارمزالحق تعالى قول للظلم لأ00000000يادكتورة ناديه قاعدة ليه تعالى قوليلناهتعملى ايه00000000000يادكتورة ناديه ده يرضيكى مظلومين والحق عليكى0000000فين الجودة يادكاترتنا دى فضيحه على باب جامعتنا00000000

[الطفله البريئة]

يارئيس جامعتنابالله عليك مستقبلنابين ايديك000000000000يادكتورة نجوى رحتى فين ليه ساكتة ع المظلومين0000000مش ساكتين مش ساكتين هناخدحقنامش خايفيين000000000يادكتر عز عشمنافيك حل المشكله دى عليك

[الطفله البريئة]

كله يكتبهم ويجيبهم معاه وان شاء الله خير

[فاطمة]

ياريت ايضا تطالبوا بانهم يبينوا لنا درجة كل مادة مع تقديرها زى ما كل الجامعات بتعمل
عشان كل واحدة تعرف نسبتها
ويارب يستجيبوا لنا
وربنا ييسر لنا كل خير

[زهراء]

انا عايزة اضيف حاجة يابنات نائب رئيس الجامعة عرف بشكوى البعض فاتصل بالوكيلة وقالها حلوا مشاكلكم
والنهارده اتنيت تلاته راحوا يشتكوا فالوكيلة لما لقت الضغط زاد
راحت مقدمة امتحان الرمد اللى كان هيبقى فى الجدول حاجة وعشرين خلته اول يوم اللى هو 7-8عشان ماحدش يلحق يتكلم
مابالكم بقى لو رحنا وعملنا اللى بنقول عليه اكيد هيحصل حاجة

[زهـــ الندى ـــرة]

يعني هي بتسكت البنات بس بأنها تقول هراجع النتيجه ؟

طيب ما تراجعي هتغيري أيه يعني
انت هتصححي الورق من تاني مثلا

حتة انها تقدم الامتحان دي بتمسكنا من الايد اللي بتوجعنا

بصوا احنا لسه لازم نعترض
بس اللي معاه دور تاني بردو ميتكلش ويحاول يذاكر

ولو اعادة التصحيح جابت نتيجه يبقي خير وبركة

لو لا قدر الله مجابتش نتيجه
يبقي مضيعش المادة منه ويضطر يشيلها ف خامسة
وخامسه لوحدها مصيبه مش مستحمله مصايب تانيه كمان

ربنا يوفق الجميع
ومتيأسوش يا بنات ربنا كبير وبإذن الله حقنا هيرجع لنا

وبعتذر عشان مش هعرف ابعت معاكوا رسايل للايميلات بتاعت الصحافه
عشان جهازي باظ وانا داخله موبايل

فيادوب اقدر أتابعكوا
أعانكم الله

[khalid helmi]

ربنا معاكم بجد انا من طب الازهر بنين ورايح رابعه اللى ربنا يستر فيها
انا متعاطف معاكم بجد جداااااااااااااا ومقدر مشاعركم لان دى مهزله لايسكت عليها ابداااااااااااا
الناس دى لو بتخاف ربنا متعملش كده ابدااا ولا يرضوا كده لاولادهم
وباذن الله تعالى تزال هذة الغمه وتنفذ كل طلباتكم بعون الله
وانا من مكانى على قدر المستطاع هبلغ زملائكم على الفيس بوك لتكونوا اكبر عدد ممكن ان شاء الله
:wfk:

[حوار مع النفس]

على فكره ياجماعه
ميعاد امتحان الرمد من يوم 7_8
من يوم الاتنين يوم النتيجه ظهرت
يعنى هو كان كده من الاول متغيرش وكان 20 ورجع بقى 7
وبرده من غير ماحد اشتكى


ا

[حوار مع النفس]

فرصه ذهبيه
ياريت نقدر ننفذها بكره

قال رسول الله صلى الله عليه وسلم:"ثلاثة لاترد دعوتهم: الامام العادل والصائم حتى يفطر ودعوة المظلوم يرفعها الله فوق الغمام, وتفتح لها أبواب السماء ويقول الرب تبارك وتعالى: وعزتى لأنصرنك ولو بعد حين"
رواه الترمدى وابن ماجه عن أبى هريرة رضى الله عنه.
ادعوكم اخواتى
لصيام يوم غد يوم الخميس
وان نبتهل الى الله جميعا بالدعاء
امامنا فرصتان
*دعوه المظلوم
دعوه الصائم حين يفطر
انشروها لاكبر عدد من اخواتنا لعل دعوه تصيب وينصرنا الله وتستجاب مطالبنا
فلنتوحد يوما ولو بالدعاء..

ولاتستهينوا بالدعاء فانه والله سلاح فتاك عسى الله ان ينظر الينا بعين رحمته وكرمه..
http://lovely0smile.com/images/Card/275.jpg


http://www.wathakker.net/designs/images/mathloom.jpg
ولاتسونى من صالح دعائكم

[بنت الأزهر]

السلام عليكم ورحمة الله وبركاته

شكرا ياإخواتى على هذا التفاعل والحماس المتوقع منكن فنحن الأحرار بنات الأحرار وحفيدات رسول الله أول من حارب الظلم ولنا فيه أسوة حسنة

أولا : أشكر الجميع على الأفكار الرائعة د.الطفلة البريئة ود.زهرة الندى ود.هاجر ود.حوار مع النفس وطبعا د.عزة
وفكرة مشاركة التليفزيون فكرة كويسة وربنا يوفقنا

ثانيا : نظرا لنصيحة من سبقونا حتى لانتعرض لأذى من الحرس الجامعى أو لمشكلة مع رئيس الجامعة

فعايزين نحاول
1-نكون منظمين لأقصى درجة
2-نلتزم بالصمت التام والهدوء ونترك الموضوع لمن سنختارهم للتحدث بمطالبنا
3-لن نطلق أيه هتافات لكن من أراد أن يرفع ورقة أو لوحة فهذا من الممكن لأن رئيس الجامعة لايحب الهتافات واحنا عايزين نكسبه فى صفنا
4-يتم التجمع أما بوابة الإدارة السبت 24-7 الساعة 11 صباحا بالضبط بكل هدوء وصمت وسيتقدم منا 4 ليبلغوا الحرس الجامعى أننا معتصمين منتظرين حضور رئيس الجامعة وهم من سيتحدث بالنيابة عنا
أما مكان الإدارة : فأى أحد سيركب أتوبيس أو ميكروباص رايح الحى السابع بس يقول أنا عايز أنزل عند طب بنين وسيجد مبنى الإدارة هو المبنى المجاور له


ثالثا : أما بالنسبة للجودة فرئيسة الجودة بلسانها قد أبلغتنا أنها ليس لها أى سلطة على العميدة أو الوكيلة هذا الكلام لما رفضت الوكيلة تغيير جدولنا وجدول سنة ثالثة بالرغم من الشكوى التى قدمناها وبرغم أن هناك قرار بموافقة الأوائل على الجدول

رابعا :بالنسبة لإقتراح تغيير رؤساء الأقسام فأعتقد أن على قدر نظامنا وجديتنا ووحدتنا سيكون مدى التجاوب معنا ولا أعتقد أن من يفعل هذا يمكن ان يبقى ولو لثانية واحدة فى منصبه
ولانريد أن نطالب بهذا صراحة حتى لا تكثر مطالبا وتضييع أهدافنا الرئيسية

خامسا :أما إقتراح الدرجات أن تظهر مع التقدير فقد قمنا بالفعل بطلب هذا من الوكيلة ووعدتنا ولكن كما تعرفون فلا أحد يستجيب لنا
لكن الأن نريد أن نركز على مطالبنا الرئيسية وبعد ذلك اعتقد اننا لو اثبتنا جديتنا سيتم الإستجابة لمطالبنا وإحترامنا ومعاملتنا كبشر وليس ك.........

سادسا : د.زهراء لا تثقى كثيرا بكل ما يقال فالوكيلة وعدت من قبل ان تغير الجدول إذا كتبنا شكوى بكل أسمائنا وبعد أن كتبناها ووافقت عليها رفضتها فى اليوم الذى يليه
واعلمى ان النتيجة اترفضت من الإدارة 3 مرات من قبل ورجعت الكلية ولم تحرك العميدة أو الوكيلة بالا برئيسة القسم الرافضة لتعديل النتيجة
أما تأخير ميعاد الدور الثانى فهذا أصلا كان لازم يحدث بقرار رسمى
أن النتيجة ظهرت 19-7 فإزاى يكون الدور الثانى 7-8

سابعا : جزاكم الله خيرا يا أختى حوار النفس على فكرتك الطيبة فو الله الذى لا إله إلا هو لن ينجينا إلا الله .
قال تعالى : "إن ينصركم الله فلا غالب لكم وإن يخذلكم فمن ذا الذى ينصركم من بعده وعلى الله فليتوكل المؤمنون "
فأرجو أن تبدأ كل منا بإرسال الرسائل على الموبايل بصيام يوم غد ودعوة الله أن ينصرنا

ونحن بإنتظار باقى إقتراحاتكم وغدا سنكتب النص النهائى للشكوى ونرجو من الجميع أن يكتب عدد من سيأتى معه من البنات


والسلام عليكم ورحمة الله وبركاته

[عزة]

جزاك الله خيرا يابنت الأزهر أنا كمان أؤيد رأيك فى ان احنا مش عايزين شغب عشان مانستفذش حد ويبقوا ضدنا وفعلا لازم نركز على المطالب الرئيسية اللى فى أول الموضوع لأن بالتأكيد مش هينفع نغير كل حاجة فى يوم وشكرا لكل اللى شارك فى الموضوع وعايزين حماس أكتر وأكتر وربنا معانا

[hagarghoname]

أنا معاكم ف فكرة انها تكون واقفه شبه صامته
حتى اللافتات اللي ترفعوها مايبقاش عليها شعارات
يبقى عليها مطالبنا بخط واضح وخلاص
عشان يعرفوا ان احنا مش عايزين شغب
احنا بنطالب بحقنا بس

[ahmedatya]

والله انا لحد دلوقتي مش مصدق اللي بيحصل دا
طب فين نسبة النجاح اللي المفروض تكون موجوده
وفين الجماعه بتوع جودة التعليم ولا هو كلام وخلاص
عالعموم ربنا معاكم ويوفقكم
ونصيحه من اخ
حاولوا تخلوا مطالبكم في المعقول عشان تتضمنوا رد وتفاعل منهم
لان اول مشفت الموضوع لقيت في مطالب منكم مستحيل تحصل
بمعني تاني
ما لا يدرك كله لا يترك كله فاهمني طبعا
وربنا معاكم يااااااااااااارب:mghoud:

[dr_angel_88]

فعلا مفيش كلام اكتر من كده..
حسبنا الله ونعم الوكيل
بس الحقيقه اننا كان لازم ناخد الموقف ده من بدري اوي من ساعه الامتحان وكان لازم نفهم ان الدكتوره مخططه لحاجه في دماغها و بتسعي لتنفيذها بطريقتها..
كان المفروض نحتج علي الامتحان ومن قبل الامتحان كنا طالبنا بمحاضره تديها رئيسه القسم وتقول لنا فيها علي نظام الامتحان زي بقية الكليات اللي بيقدروا فيها الطلبه وبيحترموهم..مش ناخد الصدمه جوه لجنة الامتحان
بس هو عموما الانسان بيفضل يتعلم لحد ما يموت و ده درس جامد لينا يعلمنا ازاي نطالب بحقنا اول باول و ما نعتمدش علي الكلام اللي بيقولوه يخدرونا بيه
عليكم بالدعاء يا اخواتي علي من ظلمنا..احنا والله مش عايزين غير حقنا اللي بيضيع قدام عنينا و احنا متكتفين قدام الشخط والنطر بتاع الدكتوره المحترمه وكيله الكليه اللي بتعاملنا كاننا لسه في معهد اعدادي مش كليه محترمه ليها تقديرها و كرامتها
دا طبعا فضلا عن معامله بقيه الدكاتره رؤساء الاقسام ومنهم الانف والاذن اللي طبعا مش هقول هو عمل فينا ايه طول السنه من عدم احترام مواعيد الامتحانات و عدم السماح لنا بدخول العياده الخارجيه..حتي التمريض كانوا بيعاملونا بمنتهي الاهانه نظراا للي بيشوفوه من معامله الدكاتره لينا ..
ربنا معانا

[hagarghoname]

ياريت البنات اللي هتحضر الاعتصام
تدخل على الفيس بوك
حتى لو ماعندهاش أكونت ، تعمل واحد جديد وتدخل على الصفحه اللي ع الرابط ده
عشان نحدد بالظبط العدد اللي هيحضر الوقفه
http://www.facebook.com/event.php?eid=137963192893606&index=1
ويختار attending لو كان هيحضر

[استبرق]

i am attending
معلش اصل عندى مشكلة مع الفيس بوك مش عارفة اعمل حساب بس ان شاء الله جايه وبنات كتير من المدينة جايين معانا خامسة وسادسة يعنى
انا اوافق بشدة على موضوع ان حتى لو دخلنا دور تانى بلاش يتكتب فى الشهادة

[بنت الأزهر]

السلام عليكم ورحمة الله وبركاته

أولا : شكرا على مشاركة الجميع وذلك الحماس الهائل
شكرا لكم د.عزة د.هاجر د. angel د.استبرق


ثانيا : مطالبنا ليست فقط معقولة بل هى أقل من المعقول
وذلك لأسباب :
1-أن الرمد والأنف والأذن من أسهل المواد فى الطب وتقديراتها مضمونة وذلك فى كل كليات الطب فى مصر
فما بال أكثر الطبيبا تفوقا فى مصر وذلك بشهادة الexternal قبل الinternal
ولمن لا يصدق فليرى تقديراتنا فى كل السنوات الماضية وليرى مدى صعوبة إمتحاناتنا .

ثم الأهم من ذلك أن تقديرات باقى المواد بما فيها الcommunity أعلى مادة فى درجتها 300 درجة إمتيازات


2- نحن لم نطالب بتغيير رؤساء الأقسام رغم ما تعرضنا له من ظلم على أيديهم ليس فقط فى الإمتحانات ولكن على مدار السنة ولا داعى للتفصيل فنحن أدرى بما حدث لنا

3- نحن لم نرفع قضية سب وقذف ضد من سبنا بأبائنا وأمهاتنا ولم يترك سبا قبيحا إلا قذفنا به
ولا أريد التفصيل حتى لا أثير جروحا نحاول أن تلتئم
فقد عفونا فى الدنيا إلا إن لنا ربا يمهل الظالم ولا يهمله ويسمع دعوة المظلوم ويرفعها

4- من حق كل طالبة أخذ حقها وأن تكافئ على مجهودها وما قدم إلينا على أنه إمتحان لم يكن إمتحانا بل إستفزازا
* فلو كان صعبا لقلنا من ذاكر سيحله . ولكن هذا لم يحدث
* ولو كان طويلا . فقد إعتدنا على طول الإمتحانات فى هذه الكلية

ولكن كان الغرض ذلنا وإهانتنا ليستقر فى نفوسنا أننا ولا شئ وحتى يخاف من بعدنا فلا يجرؤ أحدنا على الكلام أو حتى الإعترض أو المطالبة بأقل حقوقه وهى أن يدرس فى الكلية لا أن يذهب لا يجد الدكتور وإن وجده جاء متأخرا ساعة وساعتين وإن جاء لم يعطينا شئ
هل يوجد كلية طب فى مصر لم ترى مريض عام كامل
هل يوجد قسم رمد فى العالم أول مرة أرى حالة يكون يوم الإمتحان
هل هناك دكاترة وأساتذة فى أى كلية يسبونها ويفخرون أن أبنائهم فى الجامعة الأمريكية و الألمانية

مهزلة
..................................


لاأجد لها تفسيرا إلا أن هناك من يغيظه وجود كلية مثل كليتنا فيها أكثر الناس إخلاصا ووعيا فى مصر (ولا أزكى على الله أحدا )

*فتيات حاملات كتاب الله
*عفيفات
*لايخافن غير الله
*ومع كل هذا معهن علما إدعى أصحابه أنه لا يمكن أن يناله إلا من كان مثلهم لايعترف بدين أو قيم أو مبادئ وليس هذا فقط بل تفوقن عليهم وعلين حتى صرن كالنجوم فى السماء لا يستطيع أحد أن يمسها أو يقترب منها لا يملك إلا أن ينظر لها بحسرة وغيظ ويتمنى أن ينزلها من علوها ولكن الله حافظ دينه وإمائه ولن يضيعنا أبدا
قال تعالى : "ولقد سبقت كلمتنا لعبادنا المرسلين. إنهم لهم المنصورون. وإن جندنا لهم الغالبون "

ثالثا : بالنسبة لما قالته الدكتورة angel
فقد ذهب وفد منا إلى وكيلة الكية وأخبره بما حدث فى

1- ال 20 % رمد مع المجموعة والأولى
2- وكذلك ما حدث طول السنة مع قسم الأنف والأذن
3- وكذلك لتعديل موعد الإمتحان

لم يكن منها إلا أن قالت أكتبوا شكوى وقد شاء الله أن يرفض البنات كتابة شكوى خوفا أن يفعل بهم رؤساء الأقسام شيئا
وساعتها كنا سنؤنب أنفسنا بأننا من تعدينا على حقهم واشتكيناهم ولم نأخذهم باللين

وهذا كان من فضل الله علينا حتى يصير كل شئ واضحا لا مجال فيه للشك ونكون قد تعرضنا لأكبر قدر من الظلم حتى تحملنا ما لا يستطيع الرجال الأشداء حمله
قال تعالى : "ليميز الله الخبيث من الطيب ويجعل الخبيث بعضه على بعض فيركمه جميعا فيجعله فى جهنم أولائك هم الخاسرون "


جزاكم الله خيرا

والسلام عليكم ورحمة الله وبركاته

[الطفله البريئة]

بنت الازهر احييكى بشده بس فى شوية حاجات هقولها البنات اللى بتقول طالبوا بكذا وكذا احنا مش رايحين للخديوى خلينا منطقيين والاخت اللى خايفه ان اعادة التصحيح تسقط الناجحين لا مش تخافى كل واحد هياخد حقه واللى حقه يسقط الحق ميزعلش وياريت مش تحبطوا الناس كله متحمس لانك كنتى ممكن تبقى مكاننا احنامظلومين واللى شايف انه مظلوم يجى معانا عشان ربناهيحاسبه وبالنسبه للهتافات مفيهاش مشكلة بالعكس دى هتخليهم يتحركوا بسرعه واللافتات انا خطى وحش

[الطفله البريئة]

اكتبى اللافتات انتى خطك حلو انابكلم كل الناس عشان تيجى من خامسه وساتة كمان ومن كل الفرق عشان ناخد اكبر عدد ممكن والتليفزيون والصحافه سيبوها عليا اناهكلمهم عايزه 2او3كمان يتصلوا بيهم قبل الاعتصام

[الطفله البريئة]

وابعتوا ايميلات بقى مستنيين ايه كله واحده تفتح ايميلها وتبعت 10ع الاقل يللا يابنات فين همتكم انقلوا ارقام البرامج بسرعه وانقلوا الهتافات ان شاء الله هنجيب نتيجه انا متفائله خير

[الطفله البريئة]

انا كمان هبعت فاكس لرئيس هيئة الجودة بتاع جامعة الازهر عشان يبعتوا لجنة تقيم الامتحان والتصحيح شدوا حيلكوا معانا يابنات مش تتكلوا على بعض وياريت اللى بعتوا ايميلات يقولوا واللى هتتصل بالتليفزيون غيرى تقول

[الطفله البريئة]

دكتور احمد عطيه ودكتور خالد شكرا وساعدونا ولو بالدعاء

[بنت الأزهر]

السلام عليكم ورحمة الله وبركاته

لا أعرف كيف أشكرك حقا أختى لطفلة البريئة على حماسك اللى مش بس كلام بل فعل

وحأبدأ بإذن الله بعت الإيميلات بالصيغة اللى كتبتوها

ربنا معانا وينصرنا

وما تنسوش صيام غدا الخميس

والسلام عليكم ورحمة الله وبركاته

[الطفله البريئة]

شكرا بنت الازهر أصل اللى اتظلم زيى هيعمل اكتر من كده كمان ياريت تبعتوا رسايل من موبايلاتكم على الارقام اللى انا كتبتها زى الطبعه الاولى والقاهرة اليوم شدوا حيلكم يابنات يللا ابعتوا ايميلات وانشروا ف كل الجرايد توكلوا على الله احنا اللى هنجيب حقنا محدش هيظلمنا ربنا معانا

[بنت الأزهر]

السلام عليكم ورحمة الله وبركاته

أختى الطفلة البريئة كلنا اتظلمنا مش بس اللى تقديراته وحشة أو رسب

لأننا كلنا جسد واحد وروح واحدة وحنفضل مع بعض فى السراء والضراء

ربنا معانا وينصرنا

والسلام عليكم ورحمة الله وبركاته

[hagarghoname]

أنا كلمت ناس زمايلي
ولقيت ناس كتير عرفت
بس فيه ناس من اللي عندهم دور تاني خايفين ان رئيسة القسم تقلب عليهم
بس أنا شايفه ان هم هيخسروا آيه أكتر من كده
وبالعكس كده ضغط عليها انها تحط امتحان الدور التاني بما يرضي الله
دا على أسوأ الظروف يعني

[وردة الزمن]

ربنا معاكم وينصركم
وحسبي الله ونعم الوكيل
والي هتعملوه ده هيبقى ليه تغيير كبير وخصوصا للفرق الجايه
وربنا معاكم
:wfk:

[الطفله البريئة]

خايفين من ايه وتقلب على مين ده بالعكس احتمال لن ميبقاش فيه دور تانى لوالورق اتصحح تانى وده اللى احنا عايزينه واحناكلنا رايحيين ياهاجر اناشايلة رمد بس عادى انامظلومة وهدور على حقى ولعلمك انا و3من الدفعه معايا هنرفع قضية ف المحكمة مش هنسكت واطمنوا انا اعرف دكاترة عندنا ف الرمد وهتابع معاهم ومعاكم لحد مناخد حقنا

[حوار مع النفس]

جزاكم الله خيرا يابنات على حماسكم
متتصوروش حماسكم ده اسعد ناس كتير فقدت الامل واستسلمت لما حدث

نحن لنا حق
والله لن يضيعينا
علينا بالثقه بالله
ثم بأنفسنا
الثقة بالله


أمر عظيم غفلنا عنه كثيراً ..
فما أحوجنا اليوم إلى هذه الثقة ..

الثقة بالله

تجدها في أولئك القوم الذين قيل لهم ..
إن الناس قد جمعوا لكم فاخشوهم..
ولكن ثقتهم بالله أكبر من قوة أعدائهم وعدتهم..
فقالوا بعزة الواثق بالله: حسبنا الله ونعم الوكيل ..
فانقلبوا بنعمة من الله وفضل لم يمسسهم سوء !

[نورالايمان]

بسم الله الرحمن الرحيم
السلام عليكم ورحمة الله وبركاته
بجد جهد مشكور لاخواتى اللى شاركوا فى الموضوع ده
وانا آسفه بجد انى ما شاركتش من الاول بس معذرة انا كان عندىظروف مش سامحه انى اتابع ع النت
ربنا يقدرنى واقدر ادرك مابقى واعمل حاجه
ربنا ينصرنا ويحق الحق ونحصل على حقنا المسلوب
عشان مايرضيش ربنا ان ناس كانت مرتبه امال واحلام على تقدير رابعه وبعد كده تنكسر بكل بساطه وكل حاجه تضيع
هنعمل لايه بعد كده؟؟؟؟؟؟
اللى كانت فى دماغها تخصص رمد تعمل ايه؟؟؟؟؟؟
اللى كانت عايزه تشتغل فى الجامعه تعمل ايه؟؟؟؟؟؟
اللى كانت عايزه تطلع بامتياز مع مرتبة الشرف ومن اول ما دخلت الكليه وهى مقفله الامتيازات تعمل ايه؟؟؟؟؟؟؟
اللى عايزه تفرح اهلها تعمل ايه؟؟؟؟؟؟
اللى عايزه ترسم بسمه على وجه أب شقيان وفرحان ببنته تعمل ايه؟؟؟؟؟؟؟
اللى عايزه تنصر دينها بكونها طبيبه مسلمه وبتلاقى حد يضيع ده بخط قلم تعمل ايه؟؟؟؟؟؟؟
وغيرها وغيرها وغيرها
كل دول هيعملوا ايه؟؟؟؟؟؟
بالله عليكم يا رؤساء الاقسام ردوا عليا0
تساوى ايه عندكم دمعة ام واب شافوا بنتهم بتتقدم كل سنه ويقولوا دى اللى هتعوض علينا وفجأه يلاقوها انهارت ومن غير مقدمات
تساوى ايه دفعه محدش فيها هيعرف يحقق امانيه
تساوى ايه دفعه ضربت الارقام فى نسب النجاح ال 3 سنين اللى فاتوا وبقلم احمر تتقلب راسا على عقب
اناشد كل المتواصلين ان يوصلوا ماساتنا لكل الناس0000000 رب دعاء من حد لا يمت لمجال الطب بصله ولاحتى يقرا ويكتب يستجاب
لاننسى الصيام والتضرع لله بالدعاء والاقبال على الطاعات فننصر ديننا واحياء سنة نبينا الحبيب المصطفى صلى الله عليه وسلم
ونكون اناس جديره وتستحق النصر
اللهم انصرنا واستجب دعواتنا برحمتك وكرمك وعدلك
ربنا انك لطيف بالعباد فالطف بنا
المهم يكون شعارنا فظنى فيك ياسندى جميل
ثق بالله يغنيك وتوكل عليه يكفيك وارض عنه يرضيك واحسن الظن به لايخزيك
كن مع الله ولاتبالى
كفى بالله حسيبا
جزاكم الله خيرا
سبحانك اللهم وبحمدك اشهد ان لا اله الا انت استغفرك واتوب اليك
السلام عليكم ورحمة الله وبركاته

[الطفله البريئة]

نور الايمان كلنا عندنا يقين ان ربنا هينصرنا والاعتصام ده ان شاء الله هيكون خير لنا كلنا وارفعى راسك واوعى تخجلى احنا ناس ذاكرت وتعبت ومتفوقين واتظلمنا ومش ساكتين هندافع عن حقنا حتى النهايه محدش هيهددنا نحن لا نخشى فى الحق لومة لائم وبعدين احنا كدة كدة ف سنة خامسة وهناخد حقنا يعنى هنخده سيبك م الخوف ده مش هيجيب نتيجة أقسم بالله انا وراها وراها وانا فاضيه ودماغى ناشفه لما بحط حاجة ف دماغى بعملها وبعدين ده حقنااااااااا مش بنفترى

[الطفله البريئة]

والحمد لله نائب رئيس الجامعة عرف الموضوع وهيكمل يوم السبت بس لازم اكبر عدد ممكن يتصلوا ببرامج التليفزيون عشان دى اللى هتفضحهم وتخليهم يتعدلوا ويبطلوا استعباط والايميلات ياجماعة اشتغلوا يللا وان شاء الله خيييييييييييييييييير وادعوا واحنا صايمين

[khalid helmi]

احب اقول لكل المظلومين

اذا تكالبت عليك الهموم فلااااااااااااااااا تحزن
فربما اشتاق الله لسماع صوتك وانت تدعوه

واقول

اذا ضاقت بك الدنيا فلا تقل يارب عندى هم كبير ولكن قل ياهم عندى رب كبير (ونعم بالله )
:wfk: :wfk: :wfk:

[نورالايمان]

على فكره اختى د:الطفله البرئيه انا نجحت وحتى لو مكنتش نجحت عمرى ما كنت هانزل راسى ولا اخفض هامتى لحد لان الذل لازم ميكونش مننا غير لله الواحد القهار
وبالعكس انا فرحانه جدا ان اصحابنا رافعين راسهم وبيدورا على حقهم بهمم عاليه ورؤسوهم مرفوعه والكل معاهم بالروح والصوت والجسد
وعشان كده لازم نتكاتف ونكون ايد واحده ونكون مصدر قوة وعون ومش شرط اللى عنده دور تانى هو اللى يدخل ويتابع ويدور ع الحق فزى ماقالت ال د:بنت الازهر كلنا روح وجسد واحده فالصديق عند الشده وانصر اخاك ظالما ومظلوما لان حاجه زى دى اى حد كان ممكن يكون فيها فكان هيعمل ايه؟
واياكم والتكاسل فموضوع زى ده أما ربنا ينصرنا فيه هيعم ع الجميع وربنا يوفقنا جميعا وخطوات ناجحه وعمل مقبول ان شاء الله وجزاكم الله خيرا

[بنت الأزهر]

السلام عليكم ورحمة الله وبركاته

يا فتيات الإسلام أخلصن نواياكم لله وتوكلن عليه وألجئن إليه واطلبن منه النصرة

واعلمن أنه لن ينصركن إلا الله

فتوكلن عليه واكثرن من ذكره وأرين الله من أنفسكن خيرا ولا تعملن بمعاصى الله وأنتن فى طريق الله
وأكثرن من قول حسبنا الله ونعم الوكيل

قال تعالى: "الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل. فانقلبوا بنعمة من الله وفضل لم يمسسهم سوء واتبعوا رضوان الله والله ذو الفضل العظيم .إنما ذلك الشيطان يخوف أولياؤه فلا تخافوهم وخافون إن كنتم مؤمنين "


والله ناصرنا ولن يضيعنا

[نورالايمان]

جزاكم الله خيرا يا بنت الازهر على التذكره
هيا نذكر الله ونتضرع اليه لعلها ساعة الاستجابه

[بنت الأزهر]

السلام عليكم ورحمة الله وبركاته

يا فتيات بس احب اتواصل معكن عشان ننظم الموضوع مع كل المشتركات رجاء

shahedat_alaqsa على هوتميل

على الإيميل أو ال messenger

وأى واحدة تقدر تبعت لى اى شئ يخطر بذهنها

ربنا معانا وينصرنا

والسلام عليكم ورحمة الله وبركاته

[استبرق]

انا خطى كويس الحمد لله قوليلى ياد بنت الازهر ايه المطلوب وانا هاكتبهم
ربنا يرفع عنا الظلم

[فاطمة]

ربنا يرفع عنا الظلم

اللهم امين

وربنا يوفقنا لما يحب ويرضى ويقدر لنا الخير اينما كان

وجزاكى الله كل خير يا د0بنت الازهر

[بنت الأزهر]

السلام عليكم ورحمة الله وبركاته

نص الشكوى المكتوب فى الصفحة الأولى

سنطبعها بإذن الله وسنكتبها كاملة على المنتدى لمن يريد الإطلاع عليها

وكل من نقاط الشكوى ضرورية لن نتنازل بإذن الله عن أى منها لأننا نكون قد تنازلنا عن حق أخواتنا

ربنا ينصرنا

و
السلام عليكم ورحمة الله وبركاته

[hagarghoname]

لو سمحتم ياجماعه أنا بس عايزه أءكد على حاجه لازم طلباتنا تكون ف المعقول عشان يتم الاستجابه ليها
يعني الطلب الأساسي بتاعنا وأعتقد انه الأهم
تشكيل لجنة من بنين لاعادة تقييم الامتحان وتوزيع الدرجات ومدى كفاية الوقت
ونطالب بلجنه من الجوده تشوف الامتحان
لان ده لو حصل
معظم اللي عندهم دور تاني هينجحوا وبتقدير كمان
............
وأنا جت لي فكرة أي حد يقدر يجيب امتحان الرمد في الجامعات العامه السنادي يجيبها معاه عشان نوريها لرئيس الجامعه وتتم المقارنه

[الطفله البريئة]

بنت الازهر همتك معايا انتى وحوار مع النفس واللى يعرف اتصلوا بكل ارقام البرامج والصحافة اللى كتبتها واستبرق انقلى الهتافات ف ورقة عشان نردد منها واللافتات لازم يكون فيهم واحدة عليها الحق لنا والقرار لرئيس الجامعه والكل يشتغل ايميلات انا اولكم يللا

[بنت الأزهر]

السلام عليكم ورحمة الله وبركاته

أختى العزيزة هاجر

ومن حق كل واحدة تأخذ تقدير على قد مذاكرتها
واحنا بنطالب بأقل حقوقنا

ربنا معانا

والسلام عليكم ورحمة الله وبركاته

[حوار مع النفس]

ده امتحان طب بنين الازهر
ياريت ياجماعه اللى عنده طابعه يطبعه
ياما اكتبه واصوره تصوير عادى

%20
* 50 درجة (MCQ)

Final
*70 Written
*30 MCQ
*20 عملى
*80 شفوى

دا كان جزء الwritten
* causes of ectropion
* how to investigate case of epiphora
* clinical types of pannus ..
* effect of blunt truma on iris
* DD progrssive painless diminution of vision
* DD red eye
* DD chery red spot


الامتحان 7 أسئله ب70 درجه
اماامتحان طب بنات
حسبنا الله ونعم الوكيل

[hagarghoname]

حوار مع النفس
أنا هاحاول أشوف حد من زمايلي وأقوله يجيب الورقة الأصلية
.........
لكن تحسبا لاي ظرف انقليها وصوريها عادي
ماشي؟

[hagarghoname]

ياجماعه حد عنده رقم تقريبي عن العدد اللي جاي
لأني قلقانه من النقطه دي

[dr online]

الى اخواتى العزيزات كان الله فى عونكم واهنئكم على هذا الحماس ولكن يجب ان يكون الحماس شامل لكل افراد الدفعه ليس بشتمل فقط على خمسه او عشرة افراد
فلا يجوز السكوت على الظلم باى حال من الاحوال وما دام لكم حق فلتطالبوا به والله الموفق
نحن معكم نرفض الظلم ونقول لمن ظلمنا توقف حتى لا تندم ويصيبك اعصارالغضب لان صوت المظلوم دائما اقوى من صوت الظالم
ويجب ان يكون العدد كبير الى اقصى حدد
حتى يسمع لصوتكم

[dr online]

وياريت يا جماعه تنزلوا صوره من الامتحان على المنتدى

[كوكى]

عين العقل لاننا اتظلمنا لازم الاعتصام قدام بابا ادارة الجامعه ومنتحركش الا لما رئيس الجامعه يحضر ويشوف رعيته اللى هيتسأل يوم الحساب اقل حاجه ممكن نحصل عليها
1-تاجيل الامتحان مده لا تقل عن عشرة ايام ان يكون 24\7بدلا من 7\8
2-الا نحاسب كدور تانى نحاسب كمن اجل الماده
ويرجعوا يقولوا طب بنات الازهر مبيخرجش مستويات على العكس تماما احنا بس بنتظلم فى التصحيح وبيتزرع فينا اليأس وبيكرهونا فى نفسنا وفى كلية الطب
هو دا الازهر واجهة الاسلام ومثال العدل </b></i>

[كوكى]

ان كان عليا هبقى موجوده انشاء الله يوم السبت محدش يستهتر بوجوده العدد الموجود كل ما كان اكتر هيكون موقفنا اقوى
الميعاد الساعه 10

[الريحانه]

السلام عليكم ورحمة الله وبركاته
حياكم الله طبيبات واطباء الازهر
انا ياجماعه لسه راحه رابعه وللاسف لن استطيع
المشاركه معكم فى رفع هذا الظلم البين ولكنى ادعو اخوانى المتواجدوان الان بالمشاركة
بدعائهم لكم فى هذه الساعه التى يجاب فيه الدعاء وفى صلاة الفجر
ولا تيأسو ومن كان مع الله فلا يقهر ولا يضام
"اللهم انهم قد ظلموا وانت أعلم بهم ولهم اهل ذاقوا المر الوانا لاجلهم
يامن ترى دمعة المظلوم جارية انت على من ظلمهم ولا ترد يارب دعائهم وانت حسبنا وحسبهم
وحسبنا الله ونعم الوكيل "

[dr_angel_88]

ايه الاخبار يا بنات..طمنوني
يارب يكون فيه اخبار تخرجنا من حالة الحزن اللي بنعيشها بسبب النتيجه

[new.A]

ربنا معاكم ويوفقكم يارب وينصركم إن شاء الله ربنا عدل وهو على الظالم اعملوا اللى عليكوا واسعوا علشان تأخدوا حقكم

[dr/shimo]

ياترى عملتوا ايه ؟؟
ياريت تطمننونا وان شاء الله مطالبكم تتحقق وكل واحد ياخد حقه

[البنت الجديده]

يا بنات ايه الاخبار عملتوا ايه النهارده ؟
انتوا والله لو كنتوا طلبتوا ناس من الفرق التانيه معاكم ابدا مش كنا هنتاخر لاننا زيكم وزعلانين جدا علشانكم وربنا علي الظالم ونتيجتنا ونجاحنا بلا طعم وبلا روح ربنا معاكم واوعوا تسيبوا حقكم اوعوا تسكتوا دا مستقبل وعمرنا ما نصبر 7سنين وتكون النتيجه في النهايه وحشه بسبب ناس مش عندها ضمير ولا بتراعي تعب الناس
طمنونا عليكم
معاكم ودايما بندعي لكم

[بنت الأزهر]

السلام عليكم ورحمة الله وبركاته

جزاكم الله خيرا يا أخواتى جميعا

ربنا ينصرنا

[ملاك_الرحمه]

يلا يابنات الفرقه الرابعه الكل يشارك واللي ما تقدرشي تروح علي الاقل لا تنسي الدعاء واخيرا لازم الكل يعرف ان الله لايضيع اجر من احسن عملا والله يفعل ما يريد مهما وصل ظلم عبده