المساعد الشخصي الرقمي

مشاهدة النسخة كاملة : المختصر المفيد لسنة رابعة جديييييييد ...تمهيد الفرقة الرابعة طب أسيوط

فاطمة خالد
08-05-2010, 10:31 AM
السلام عليكم ورحمة الله وبركاته...

ان شاء الله قريبا هنبدأ في وضع تمهيد للفرقة الرابعة بعد ماظهرت النتيجة وخلصنا الحمدلله ..

يارب يكون في تفاعل من سنة تالتة او سنة رابعة جديد أحسن من السنة الي فاتت ..

وفقكم الله ..
dr.nana
08-05-2010, 10:39 AM
:barak:
فاطمة خالد
08-05-2010, 10:50 AM
بلاش ندخل في المواد على طول ..لسه بدري ..

نبدأ الأول بكلام عام ..أو عايم ..

سنة رابعة يعني هنخش ان شاء الله عالكلينيكال ..

ونروح المستشفى ..

هنبقى دكاترة -الى حد ما يعني -

وفي نقطة مهمة جدا ان نظام الدراسة غير زمان طبعا ..

هيبقى في راوندات ..يعني غير زمان ..

يعني الدفعة متقسمة على 4 كل ربع شغال راوند او عملي او بمعنى تاني سكاشن مادة ..والمحاضرات ماشية في كل المواد عادي ..

يعني انا هكون باخد مادة في الراوند غير بتاعة أصحابي ..لكن احنا متفقين في المحاضرات مع بعض ..(عشان كده كنا بنعمل المحاضرة ملتقى الشباب ):K04KeepQuiet2:

كل يوم سكشن يبدأ الساعة 8 لو أنف وأذن ..و 9 لو أي مادة تانية ..
وراه محاضرة الساعة 11ونص ..والسكشن يخلص الساعة 11 ..(كتر خيرهم نص ساعة رست هنفتري؟)
ماعدا يوم الخميس بيكون في سكشن بس مافيش محاضرة ..
وكمان هتهيصوا في انف واذن صح السكشن 3 ساعات بس بيكون 3 مرات في الاسبوع ..مش كل يوم زي باقي المواد ..

يعني الجدول هيكون :(هو كان كده في سنتنا والي قبلنا ماعتقدش انه هيتغير ):

السبت: سكشن +محاضرة رمد من 11ونص لحد الساعة 2
الأحد :سكشن +محاضرة صحة عامة من 11 ونص لحد 1 ونص ..
الاثنين :سكشن +محاضرة أنف وأذن من 11 ونص لحد الساعة 1ونص
الثلاثاء :سكشن + محاضرة شرعي من 11ونص لحد الساعة 2
الأربعاء :سكشن +محاضرة صحة عامة من 11ونص لحد 1ونص
الخميس سكشن بس ..

وزي ماقلنا سكاشن انف واذن تلات ايام في الاسبوع بس ..ومش كل الراوند بيكون شغال نفس الأيام ودا تعرفوه ان شاء الله لما تبدأوا الراوند بتاعه ..


طبعا كل الي شاف الجدول بيدعي عليا ..بس طبعا رابعة وان كانت غلسة شوية ..بس هي سنة أحسن من تالتة بكتير ..وان شاء الله ماتتعبوش فيها ..

قريبا هنخش عالمواد 022":


وفقكم الله ..
Dr ali saleh
08-05-2010, 12:57 PM
كل دكتور داخل سنة رابعة أحب أقله كلمة مهمة جدا متصدقش حد يقولك إن سنة رابعة سهلة. سنة رابعة محتاجة تخطيط ومذاكرة وأهم حاجة تركز في الكلينيكال أكتر لأن ده هو اللي هيستمر معاك باقي العمر
د_محمد فتحى
08-05-2010, 01:06 PM
تسلم تقبل الله منك
فاطمة خالد
08-07-2010, 09:18 AM
السلام عليكم ورحمة الله وبركاته ..

أول مادة
أنف وأذن وحنجرة

من 200

ايه هيا المادة ؟؟
دراسة أمراض 5 حاجات :
ear
nose
larynx
pharynx
oesophagus

أذاكر من فين ؟؟
القسم الظريف مالوش كتاب ..
وفي 4 كتب يتشرد مابينها الطلبة هي :

1- محمد فريد ...بيذاكر منه معظم الشعب المصري
2-الشناوي
3-عدلي ياسين
4-مسعد أنور

انا ذاكرت من محمد فريد عشان كده ماعرفش حاجة عن الكتب التانية ..
نصيحة : محمد فريد + المحاضرات .. ومش هتحتاج حاجة بعدهم ..

الكتاب جزئين بيتباعوا مع بعض .. وفي جزء تالت اسئلة واجابة ..جيبوه لانه مهم جدا .. وبيكمل التانيين .. يعني لو معاك التلات اجزاء هتبقى تمام .. وكمان فيه اسئلة بتيجي في آخر السنة مش موجودة في الجزئين التانيين .. يعني لو مالحقتوش تذاكروه على آخر السنة شوفوا فيه الأسئلة المهمة خصوصا المقارنات .. ( عالاقل )
آخر حاجة للمذاكرة مذكرة صغيرة اسمها مذكرة آلات العمليات بتتذاكر قبل الشفوي بس .. ومهمة جدا لان لجنة الشفوي ممكن تتقلب كلها أسئلة عن آلات العمليات وبس .. والآلات دي هتتشرحلكم اثناء الراوند .. والعيال الشاطرة بيصوروها ابقوا خدوا الصور منهم قبل الشفوي وكمان اكتبوا شرح الآلات في السكاشن ورا الدكاترة .. عشان في كام آلة ناقصين من المذكرة ..

المحاضرات :
للأسف الحضور مهم جدا .. وهيريحك خالص .. ولازم تزود كل كلمة مش في الكتاب عليه ..
ماعدا محاضرات د- محمد عزام .. ود- محمد كمال .. دول لازم تصورهم زي ماهما عشان يختلفوا عن الكتاب تماما ..
في دكاترة كتير في انف واذن بيشتموا في كتاب محمد فريد خصوصا د- علي رجائي ( قال يعني كانوا عملوا كتاب قسم واحنا قلنا لأ )
المهم ماتتأثروش وذاكروا من الكتاب .. وان شاء الله مع المحاضرات هيفيدكم تمام ..
ولو لاسمح الله دخلتوا لحد في الشفوي زي دكتور علي رجائي -ربنا يحفظه - وسألكم بتذاكروا من ايييه ؟؟ قولوا من المحاضرات واحيانا بنطلع على بعض الكتب .. _ اوعوا تجيبوا سيرة محمد فريد_ قولوا اسم تاني غيره عشان بجد في ناس بتتكهرب منه معرفش ليه ..

وياجماعة هيا محاضرة واحدة في الاسبوع يعني مش هتتعبكم ان شاء الله ..
والمحاضرة ساعتين .. كل ساعة لدكتور .. عشان يكونوا ماشيين في شابترين مع بعض ..

الراوند :
او السكاشن .. زي ماقلت الراوند الوحيد الي فيه تلات ايام بس في الاسبوع سكاشن بس السكشن 3 ساعات .. وهتعرفوا ايامكم في اول يوم في الراوند .. وطبعا السكاشن في المستشفى ..
في اول تلات اسابيع تقريبا هيقعدوا يعيدوا ويزيدوا في ازاي تاخد history او تاريخ المرض من العيان .. واحسن حد يشرحلك ازاي تاخد هستوري هو دكتور عزام .. اكتبوا كل حرف وراه في السكشن ..
وكمان ازاي تفحص .. وعامة الراوند ظريف ودراسة انف واذن ممتعة وهتلاقي الدكاترة سواء كانوا الاساتذة المساعدين والدكاترة الكبار متعاونين جدا وتعاملهم حلو في السكاشن ..
لو مش فاهمين اي حاجة اسألوا د محمد مدثر -استاذ مساعد - وهتلاقوه طيب جدا ومتعاون .. وشرحه حلو ..
اول الايام في الراوند هتضطر تكتب ورا الدكاترة عشان اكيد هتكون ابيض ياورد .. بعدين هتلاقي كل حاجة ان شاء الله بقت ايزي .. وهتلاقوا نفسكم فاهمين باذن الله .. كويس اوي ..ومش محتاجين تكتبوا غير حاجات قليلة جدا ان كتبتوا اساسا ..

الاستف ..
-الي فاكراهم -
د-محمود راغب : الريس ... رئيس القسم .. شخصية ظريفة .. وبيحسسكم ان الدنيا حلوة وهيجيبلكم الامتحانات تافهة .. - بس للأسف مش بينفذ وعوده دايما -
د- محمد عبد العزيز الدروي : اول واحد دخلنا في المحاضرات وهتلاقوا شرحه تقريبا زي محمد فريد بالظبط ..
د-محمد عزام : حبيب الطلبة .. أحلى شرح .. فعلا شخصية فظيعة ( يعني حلوة ) وكلامه ممتع جدا فعلا معاه هتحسوا بحلاوة المادة .. وزي ماقلت محاضراته تتصور زي ماهيا او تجيبوها من حد كبير كان منزلها عالكومبيوتر .. او تخلوا حد من دفعتكم ينزلها على فلاشة وخدوها منه بعد كده ..
بس للأسف بيقولوا الشفوي بتاعه صعب ..
د-محمد كمال : زي ماقلت تصوروا ورق محاضراته زي ماهو
د-حسين وشاحي
د-علاء كامل : لو دخلتله امتحان حالة بيطلب هستوري وexamination بس ... بس تعملهم كويس اوي .. شخصية ظريفة جدا .. بس بيقولوا الشفوي بتاعه صعب ..
د- عزت صالح : بيقولوا انه بيدي درجات حلوة اوي في الشفوي
د-محمد شاكر : بردو درجاته حلوة في الشفوي . . وشرحه في المحاضرات شبه محمد فريد خالص .. وشرحه حلو ..
د-مصطفى عثمان : دكتور طيب وظريف ..
د- محمد مصطفى عثمان : لو عرفت انك داخله شفوي راجع الآلات كويس جدا .. لانه تقريبا مابيسألش غير فيها
د-حمزة
د- طارق الحسيني -بس انا آسفة مش متأكدة من الاسم الاول - : صعب في الشفوي ..
د-علي رجائي : صعب في الشفوي .. وعصبي للأسف ..
د-محمد خليفة -بردو آسفة مش متأكدة من الاسم - بس هو طيب جدا ..

الأساتذة المساعدين -الي فاكراهم -
د-محمد مدثر : طيب ومتعاون جدا .. وشرحه حلو
د-محمد عمر
د-احمد حامد
-انا تقريبا عندي زهايمر مش فاكرة حد تاني ..

فاضل ايه ؟؟
الامتحانات .............

امتحان الراوند : عبارة عن امتحان حالة في شفوي من 20 .. ومعظم الدكاترة بيدوا فيه ..
امتحان اعمال السنة : امتحان ام سي كيو في صورة صح وغلط .. يعني ايه العبط الي انا بقوله دا ؟؟
يعني يكتبلك جملة وقدامها 4 اختيارات الصح تحط عليه صح والغلط تحط عليه غلط .. حسكو عينكو تنسوا جملة من غير ماتحطوا قدامها علامة او تختاروا الصح بس .. عدد الجمل 20 يعني بمعنى اصح 80 صح وغلط .. وممكن يعملولكم في الامتحان زي ماعملوا معانا .. يشرحولكم حالة ويطلبوا منكم بس ال diagnosis أو التشخيص ودا بيكون كلمتين بس ..
الامتحان من 20 وعايز مذاكرة كويسة جدا .. وبفهم ..
وبيكون في اواخر الترم التاني .. يعني كل الناس هتكون خدت الراوند .. وهيكون آخر راوند شغال ..
امتحان آخر السنة البيبر من 100 وعايز حد يكون مذاكر بفهم كويس جدا .. مش معتمد على اسئلة امتحانات او تحديدات عيال .. او غيره .. وزي ماقلت محمد فريد بأجزاؤه التلاتة + المحاضرات
الشفوي من 60 : لجنتين واحدة منهم فيها حالة ..

سؤال مهم جدا :
اذاكر ازاي ؟ مع الراوند ولا مع المحاضرات .. أحسن حاجة تذاكر المادة كلها مع الراوند وتنجز فيها .. ومش هتلاقي الكم كبير ولا حاجة ..
لكن ....
لو كتنت هتاخد انف واذن آخر راوند لازم تذاكره من اول السنة مع المحاضرات .. عشان لما ييجي امتحان اعمال السنة ماتلاقيش نفسك وراك كل المادة لان احنا في سنتنا كانت اعمال السنة داخل فيها كل المنهج ماعدا آخر تلات محاضرات الي كانوا فاضلين في المنهج لسه ماخدناهمش .. يعني كان الكم كبير .. والامتحان صعب ..

كده كل سنة وانتم طيبين .. السنة خلصت
قصدي انف واذن ان شاء الله تكون خلصت .. ومااكونش نسيت حاجة ..
قريبا نكمل باقي المواد ان شاء الله ..

وفقكم الله ..
snakdoctor
08-07-2010, 02:14 PM
مجهود اكثر من راااائع يا دكتورة

ودليل ممتاز لكل طلبة الفرقة الرابعة

اعانكم الله ووفقكم ..

جزاكم الله خيرا
فاطمة خالد
08-08-2010, 09:15 AM
جزاكم الله خيرا يادكاترة عالمرور .. بس ياريت نشوف ناس هنا سنة رابعة جديد عشان احس ان الي بقوله ليه فايدة .. وبلاش شغل الزوار دا .. ياريت الناس تشارك وتسأل وتقول رأيها .. عشان تستفيد باذن الله ..
فاطمة خالد
08-08-2010, 10:49 AM
السلام عليكم ورحمة الله وبركاته ..

المادة الثانية

الرمد

من 250

ايه هيا المادة ؟؟

طب وجراحة العيون .. المادة شباتر كتيير كل واحد منها مختص بدراسة أمراض جزء من العين .. مثلا eye lid , cornea , conjunctiva ..........وكده يعني ... وكل شابتر بيتاخد في محاضرة واحدة او اتنين حتى لو كان 100 صفحة .. ( عادة الشابتر مابيزيدش عن 50 صفحة ) بس المادة ممتعة وحلوة ..

أذاكر منين ؟؟

ودا سؤال مهم عشان معظمنا من قبل مايدخل طب عارف ان رمد مالوش كتاب .. لدرجة ان في موضوع عالمنتدى نفسه واستطلاع وشغلانة .. عشان الموضوع دا .. والي يشل انك تحتار جدا من كتر ماكل واحد واثق من كلامه ..
المصادر التي يتشرد مابينها الطلبة 5 .. وهي :
1- الرفاعي ..
ودا كتاب قديم .. وليه انصار كتير .. الي معظمهم اصحابهم الكبار ( معنى كلمة كبار دي امتياز او مخلصين ) قالولهم عليه ..
ورئيس القسم قال عليه ان فيه اخطاء كتيرة ..
وبشهادة ناس اعرفها ذاكرت منه .. طلعنا مش فاهمين اي حاجة في الرمد ..لان الاسلوب صعب والكتاب خطه مزنق ..
لكن الناس الي اصحابهم الكبار قالولهم عليه .. دا لانه من 4 سنين كده تقريبا ماكانش في غيره فكانت الناس مجبرة عليه ..

2-كانسكي ..
سمعت عنه وعمري ماشفته .. بس المشهور انه كتاب فظيع ( يعني حلو ) والناس الدحيحة بتجيب الاطلس بتاعه .. وممكن تلاقي دكتور زي دكتور أشرف الحسيني يشكر فيه .. بس ياجماعة الناس الي بتستخدمه قلة قليلة جدا يتعدوا عالصوابع ويتندروا بيهم .. دي الناس الي بتكون ناوية تفتح عيادة رمد في سنة رابعة .. يعني من الآخر كتاب اكبر منكم أوي ..

3- طارق مأمون ..
بلا مبالغة تلات تربع الدفعة كانت جايباه .. وكل واحد يقولك اصل فلان قالي دا احسن كتاب .. بس مش هخليكم تذاكروا منه وهقولكم ليه .. بس اصبروا شوية ..

4- ياسر ..
ناس كتير بردو بتحبه وبيقولوا انه اصغر مصدر .. يعني في الانجاز .. وبرا في المنتدى جايب اعلى نسبة في الاستطلاع ..
بس مش هخليكم تذاكروا منه .. وهقولكم ليه .. بس بردو اصبرو شوية

5- عبد الحليم ..
هو دا ... هو الي هتشتروه وتذاكروا منه الكتاب جزئين بيتباعوا مع بعض .. وفي اطلس بيتباع لوحده .. لازم تشتروا التلاتة ..
ليه اخترنا عبدالحليم ؟؟؟؟؟؟؟؟؟؟؟؟؟
وذلك لأن :
1- هتحس الكتابين كبار بس كلامه سهل واسلوبه ظريف جدا يعني هتلاقي الصفحات بتمشي معاك بسرعة .
2- بيسهلك حفظ المعلومة بطريقة ظريفة جدا .. مثلا يلم الحروف الاولى من كل كلمة .. ويعملك جملة بالعربي .. او اغنية .. ويكتبها بالعربي على ناحية عادي جدا .. او يكتب لك كلمة ظريفة جنب معلومة تفكرك بيها على طول .. -عشان كده العيال الحاقدين عالكتاب كانوا بيقولوا عليه اسلوبه مش علمي .. وايه العبط دا .. ودا ورق تجميعات كورسات .. والي يقولك عاملينه طلبة .. بذمتكم في كتاب كبير يكونوا عاملينه طلبة دا كلام يدخل عقل .. ؟؟؟- المهم مالكمش دعوة بكلام حد وبجد باذن الله مش هتندموا وهتجيبوا امتياز في الرمد ان شاء الله ..
3- بمقارنته بطارق مأمون ..
-طارق مأمون كبير عنه وصعب يخلص عالنظري
-طارق اسلوبه اسلوب تلقيني وصعب الحفظ
-كلام محاضرات كتير كان موجود في عبد الحليم مش موجود في طارق ..
-معلومات كانت بتتقال في السكاشن كتير كانت بالنسبة للناس الي بتذاكر من عبد الحليم معلومات سهلة ومنظمة في دماغهم .. اما الناس الي بتذاكر من طارق بيجروا بالقلم بسرعة يكتبوها عشان عمرهم ماسمعوا عنها ..
-شابترين صغيرين وكل واحد منهم كان اتاخد في محاضرة .. ومهمين جدا شفوي مش موجودين غير في عبدالحليم
4- بمقارنته بياسر ..
انا ماشفتش ياسر بس بشهادة ناس شاطرة بتذاكر منه قاله هو هو عبدالحليم .. بس عبدالحليم بيوضح المعلومة اكتر برسومات بسيطة وكلمات ظريفة ..
5- الرفاعي
تخيلوا عبدالحليم بيكتب زيادات الرفاعي .. يعني عايزين اكتر من كده ايه كتاب جامع كل حاجة ..

بس ..
مش هنعتمد عالكتاب بس ..
نحضر كل المحاضرات ونكتب ولو مالحقناش نكتب نجيب الورق مهم جدا ..
+ كلام بيتشرح في السكاشن بس لازم نذاكره كويس ونكتبه ..
يعني كدا هذاكر من : عبدالحليم +المحاضرات+بعض السكاشن (وهنقول ايه هيا )

المحاضرات
محاضرة واحدة كل سبت .. والحضور لازم .. معلش ياجماعة .. وزي ماقلت مالحقتش تكتب جيب الورق .. بس ...
في ورق اجباري لازم تجيبه :
محاضرة د- اشرف خلف الحسيني (عشان الشفوي)
محاضرة د-محمد شحاتة (عشان الشفوي)
محاضرة د-داليا السبيتي (امتحان الراوند الام سي كيو)
محاضرة د-جمال راشد (بيعصر فيها في الشفوي)
محاضرة د-حسن لطفي (شفوي)
محاضرةد-طارق (شفوي و ام سي كيو في آخر السنة او الراوند)
محاضرةد-علي مسعود (بيعصر فيها في الشفوي )
محاضرةد-أحمد فتح الله .. ( هيشرح لكم حاجة اسمها diabetic retinopathy ) ودي ماتذاكروهاش غير من ورقه .. او تجيبوها من حد شرحهاله د-محمد انور في السكشن ..عشان مش حلو شرحها في عبدالحليم .. اما المحاضرات التانية تتذاكر مع كلام عبدالحليم ..

الراوند

او السكاشن في المستشفى .. والشغل بيكون في 6 غرف .. يعني ايه ؟؟ يعني كل اسبوع تروح اوضة غير الي كنت بتاخد فيها الاسبوع الي قبله .. باختلاف الدكاترة كمان .. أوضة 1-2-3-4-5-6 وكده يعني .. وكل يوم دكتور غير اليوم الي قبله .. حسب الجدول المعلق في القسم ..
الدراسة ممتعة .. وطريقة الفحص والهستوري اسهل من انف واذن ..
بس .... معلش مطالبين على اول الراوند تشتروا كشكول حلو كبير تكتبوا فيه كل كلمة يقولها الدكاترة .. وتشتروا تورش .. من مكتبة في شارع المكتبات لونه اسود .. وعامل زي القلم .. (طبعا ممكن حد يستظرف ويقولي ماينفعش لونه احمر ؟؟ انا بقولكم كده عشان في انواع كتير وحشة .. عشان ماتشتروهاش .. وماتشتروش الحاجات الي بتتباع عند المدرج .. بردو وحشة .. )
وفي موضوعين ذاكروهم من كلام السكاشن مش من الكتاب .. ولو ما اتشرحوش ليكم في السكاشن خدوهم من اي حد في راوند قبلكم او بعدكم اتشرحلهم : وهما :
diabetic retinopathy
emergency cases in ophthalmology
الاول بشرح د- محمد أنور والتاني بشرح د- محمد أبو بكر .. معلش ياجماعة انتو اكيد حاسين اني صعبت الدنيا .. بس والله العملية سهلة ماتخافوش ..
كل اسبوعين في امتحان اوسكي -لحد دلوقتي مش عارفة يعني ايه اوسكي دي - يعني في امتحانين اثناء الراوند .. وفي الآخر امتحان نهاية الراوند .. المهم خلونا نحكي حكاية الاوسكي .. دول امتحانين بتتاخد الدرجة الاعلى فيهم .. والدرجة من 15 يعني لو لا سمح الله ماحليتش في الاول تعوضها في التاني .. وبيكون لحد الي خدتوه في المحاضرات ( عشان كده الناس كانت شايفة ان فيه فرصة للظلم لان مثلا بتوع اول راوند بيمتحنوا في شابترين اما بتوع آخر راوند بيمتحنوا في الكتاب كله ) بس ايا كان ياجماعة .. كله فرصة للمذاكرة كويس .. صحيح مثلا بتوع آخر راوند بيطحنوا بس بيطلعوا مذاكرين الرمد كويس جدا .. وهوا دا المطلوب .. وبعد كدا احمدوا ربنا موضوع الامتحانين دا بيدي فرصة للتعويض .. المهم ...
الامتحان بيكون ام سي كيو .. وحالة تشوفوا الصورة بتاعتها ( عشان كدا اطلس عبدالحليم مهم جدا ) وعليها أسئلة ام سي كيو وأكمل ..
اما امتحان آخر الراوند .. دا من 35 لجنة حالة من 20 ولجنة شفوي من 15 .. وبيكون عايز مذاكرة كل المنهج .. حتى لو كنتو اول راوند .. وحاولوا قبله تسالوا الناس الي خدت الراوند اتسألت في ايه .. وكده يعني .. عشان تكونوا اكتر دراية بأسلوب كل دكتور وأسئلته ..

الاستف
-الي فاكراهم -
د-عمر محمد علي : الريس .. شخصية كويسة .. وبيستمع للطلبة .. وفي الشفوي كويس ..
د-داليا السبيتي (ورق محاضرتها مهم جدا )
د-صلاح أحمد حسن ( تقريبا ) بس هوا بيدي تاني محاضرة .. شخصية ظريفة .. بس درجاته مش اوي في الشفوي
د-أشرف الحسيني : ورقه مهم -صعب شفوي وبيكره استخفاف الدم ومضغ اللبان .. بجد والله ممكن يوديك ورا الشمس لو شافك بتاكل لبان قدامه ..
د-جمال حسين : صعب في الشفوي وبيشتم الفاظ من الي قلبكم يحبها ( ملحوظة مش بيهمه سواء كنت ولد او بنت بيشتم بردو )
بس بيقولوا آخرة دا كله درجاته حلوة .. يعني الي يدخله شفوي مايزعلش لو اتشتم لان دا هو النورمال ..
د-احمد ابو غدير .. شخصية رائعة .. هو شديد شوية في الشفوي .. بس انا دخلتله وحسيته طيب .. اهم حاجة ما تألفوش معاه في الشفوي . الي مايعرفش او مش مذاكر يقوله كده ومش هيهزؤه .. لكن الي يألف معاه في الرمد ياويله ..
د-محمد سعد : شخصية محترمة وطيب ..
د-هاني الصدفي
د-كامل عبد الناصر : شخصية طيبة وكويسة
د-حسن لطفي : صعب شوية شفوي .. ورقه مهم ..
د-علي عز : صعب اوي شفوي .. ربنا يعين الي يدخله .. -انا دخلتله على فكرة - بس ماتاخدوش بكلامي بردو ان الله على كل شيء قدير .. ممكن يكون طيب معاكم .
د-طارق
د-حازم : حلو في الشفوي .. ولو حطلكم امتحان الراوند يبقى امكم داعيالكم ..
د-محمد سيد: صعب شوية شفوي
د-اسماعيل وصفي
د-علي مسعود : صعب اوي شفوي وورق محاضرته مهم ..
د-جمال راشد : صعب شفوي .. لو دخلتوله اقروا محاضرته بسرعة .. عشان بيعصر فيها بس الي بيجاوب معاه بيديه درجات حلوة ..
د-محمد شحاتة: كويس شفوي .. بس لو عرفتوا انه هيحط امتحان الراوند ذاكروا كويس اوي عشان امتحاناته صعبة شوية ..
د-علي نتاج :كويس شفوي
د-أحمد فتح الله : شخصية .. وكويس شفوي ..
د-محمد طارق

يارب ماكونش نسيت حد ..
بعض الاساتذة المساعدين -الي فاكراهم-
د-محمد شرف : عيال كتير بتقول انه احلى شرح في رمد ..
د-محمد انور : شرحه اكتر من رااائع .. لو دخلكم استغلووووووووووووووووه
د- محمود عبدالراضي : شرحه حلو جدا .. بيدخل بس وهو محدد هدفه وعارف هيشرح ايه ..
د-ايهاب وصفي
د-خالد عبدالعظيم : شخصية ظريفة جدا .. وشرحه حلو
د-محمد أبو بكر : طيب وشرحه حلو

الامتحانات
امتحانات الراوند تلاتة واتكلمنا عليهم كويس .. مع بعض عليهم 50
مافيش اعمال سنة
امتحان آخر السنة البيبر من 90 وفي ام سي كيو من 35 الاتنين في نفس اليوم .. وعايزين مذاكرة كويسة جدا وبفهم عشان الام سي كيو ..
اليوم الي وراه الي هو اول يوم من الشفوي فيه قبل الشفوي امتحان اوسكي من 25 .. عبارة عن 5 حالات هتشوفوا الصور بتاعتها .. وتحلوا الأسئلة الي عليها ..
والشفوي من 50 لجنتين واحدة منهم حالة ..
كده ال 250 خلصوا ..

أذاكر مع الراوند ولا المحاضرات ؟؟؟؟
مع الراوند حاول تخلص المادة عشان امتحان آخر الراوند عايز حد مذاكر كل المنهج .. وكده كده مافيش امتحان اعمال سنة .. ففايدة انك تذاكر مع المحاضرات مش مهمة اوي .. بس هقولك حاول تذاكر مع المحاضرات ولو اي كلام ( عشان مش هتقدر تفهم كل حاجة ) لو كان الراوند بتاعك في الترم التاني سواء كان تالت او رابع راوند .. ليه ؟؟ عشان هتلاقي قدامك كم كبير لأول امتحان من امتحانات الراوند .. وهتكون مزنوق بامتحانات اعمال السنة بتاعة المواد التانية .. فعلى ايه .. عشان ماتحسش بقمة الزنقة .. حاول حتى في اجازة نص السنة قبل ماتدخل عالترم التاني تخلصلك كام محاضرة .. عشان ماتتزنقش ..

بكده .. الف مبروووك .. ان شاء الله تجيبوا امتياز الرمد ...
قريبا .. تأتي البقية ...



وفقكم الله ..
فاطمة خالد
08-12-2010, 07:06 AM
السلام عليكم ورحمة الله وبركاته ..

المادة الثالثة ..

الطب الشرعي والسموم الاكلينيكية

من 200

ايه هيا المادة ؟

كلنا عارفين ان المادة اسمها شرعي .. لكن انا حبيت اكتب الاسم الاساسي الي مش بنقوله عشان نعرف ايه هيا المادة ..
المادة تلات اجزاء :
الجزء الأول :الطب الشرعي .. ودا زي مانتو متصورينه .. يعني دراسة حاجات زي death , wounds , firearm , head injuries ,child abuse , ...........................وحاجات زي كده .. والجزء دا اكبر جزء 187 صفحة تقريبا .. بس اسهل والذ جزء .. وحرام ان حد يشتكي منه ..

الجزء التاني : أخلاقيات المهنة : ودا اصغر جزء 20 صفحة .. بالعربي .. الأول بيكون صعب حفظه عشان معظمه قوانين وكلام تحس نفسك بيه في كلية حقوق .. بس بعدين بيكون سهل .. وخسارة يضيع سؤاله في الامتحان .. وبلاش تعمل زي الناس وتذاكر الخمس أسئلة الي بيذاكروها الشعب فيه وبس .. عشان الجودة خلت قسم الشرعي مش بتاع أسئلة امتحانات زي زمان .. وماتضمنش الي يجيلك في الامتحان ..

الجزء التالت :السموم الاكلينيكية او ال toxicology : ودا اصعب جزء .. 130 صفحة .. مشكلته بس انه بيتنسي بسرعة .. حاولوا تلزقوه كويس .. عامل زي الفارما .. حاولوا تميزوا كل حاجة بكلمة بأغنية حاولوا تظبطوه مع نفسكم وان شاء الله ماتغلطوش فيه .. وماتنسهوش .. لانه عايز دش وبس .. مافيهوش فهم ولا حاجة ..

أذاكر من فين ؟

كتاب القسم وبس .. ودي احسن حاجة في قسم الشرعي قسم محترم بيحترم كتابه .. ومايطلعش منه .. عشان كدا امتياز الشرعي بيكون كتير ومضمون ..

المحاضرات :

محاضرة واحدة كل يوم تلات مدتها ساعتين ونص .. وغالبا الدكاترة بيشرحوا فيهم كلهم .. انتو عارفين الستات وضميرهم الحي .. -معظم القسم ستات- ونظرا لالتزام الدكاترة بالكتاب الحضور مالهوش لازمة كبيرة .. - طبعا بتتنفسوا الصعداء بعد ما ألزمتكم بمحاضرات رمد وانف واذن - بس استنوا هنا .. امتى هقولكم لازم تحضروا غصب عنكم ؟؟
لو كان الراوند بتاعكم في الترم التاني سواء كان تلات او رابع راوند .. ملزمين تحضروا الترم الاول ... معلش .. لييييه ؟؟
عشان امتحان اعمال السنة بيكون في اول الترم التاني .. ولو ذاكرتوا مع نفسكم مش هتفهموا حاجات كتير عشان جزء الشرعي عايز فهم .. هتقولوا احنا متعودين نذااكر لوحدنا .. وهيا كيميا يعني ؟؟ وهنفهم ونسأل اي حد .. هقولكم لا دوسوا على نفسكو شوية واحضروا معلش في حاجات والله مش هتفهموها غير لما تتشرحلكم زي الأسلحة النارية مثلا .. وحاجات تانية عمرها ماهتثبت غير لو سمعتوا شرحها ..ونظرا لانكم مش هتشوفوا سكاشن قبل اعمال السنة .. فاحضروا المحاضرات .. معلش ..

الراوند :
القسم منظم وصارم يعني السكشن يبدأ 9 يعني 9 والي يدخل 9 وتلات دقايق يتكتب غياب .. والغياب عليه خمس درجات ..
صح انا اسفة نسيت اكلمكم عن غياب رمد وانف واذن ..
رمد الغياب آخركم سكشنين من غير درجات وبعدهم 9 كل سكشن بنص درجة ..
انف واذن : آخركم سكشنين من غير درجات وبعدهم 9 كل سكشن بنص درجة .. يعني زي بعض .. وبعد الاحداشر سكشن حرمان من امتحان الراوند .. وممكن تمتحن لو عوضت سكاشن الغياب مع راوند تاني بعد ماتخلص الراوند بتاعك .. والحكاية دي ماشية في كل المواد بس ساعتها بردو هتضيع سكاشن في راوند تاني عشان كل السكاشن في كل المواد بتكون شغالة في نفس الوقت .. فبلاش تتخطوا الحد الاقصى للغياب .. وخلوا ايام الغياب قبل امتحان راوند قبل امتحان اعمال سنة .. وبلاش كمان تضيعوا درجات في الغياب .. احيانا الواحد بيكون في عرض درجة تعديه .. او ترفعه من تقدير لتقدير .. خلوا الغياب للشديد القوي بس ..

المهم عشان مانطلعش من موضوعنا .. غياب الشرعي 5 او ست سكاشن ببلاش وراهم 6 او خمس سكاشن السكشن بنص او بدرجة .. خسارة تضيعوا درجات في غياب شرعي .. لان كده كده السكاشن الي ببلاش تعتبر كتيرة بالنسبة للمسموح بيه في باقي المواد ..

السكاشن في الكلية .. في الدور الرابع او الخامس .. تشوفوا الجدول كل يوم .. لو معمل يبقى الخامس ولو متحف يبقى الرابع .. الدراسة سهلة وظريفة .. ولازم تاخدوا معاكم كتاب العملي كل يوم .. عشان تقروا منه الجارات يعني حاجة شبه الباثولوجي كدا ..
واحسن حاجة في السكاشن انهم بيشرحوا فيها النظري كويس (جزء الشرعي بس ) ..
العملي فيه شرايح وجارات وعضم وعينات بتاعة التوكسيكولوجي ودي نباتات او بذور .. حاجات زي كده .. دا غير العينات بتاعة درس الاسلحة النارية ودي رصاص .. وحاجات تانية .. مشابهة ..وصور .. وعينات blood .. يعني من كل بستان زهرة .. بس ما تخافوش ماتجيش حاجة طبعا في عملي زي عملي الباثولوجي اوغيره .. وسهل مذاكرته .. وفي آخر الراوند ترسم كتاب العملي .. عليه 3 درجات .. طبعا خمسمية واحد بيقول بس ؟ الكتاب رسمه سهل جدا .. لو كنت أبطأ واحد في العالم هياخد منك خمس ست ساعات رسم .. خسارة تضيع الدرجات دي .. والموضوع كدا كدا مايستاهلش ..ومذاكرة العملي لامتحان الراوند ودا بيكون عليه 15 درجة تقريبا .. بتكون من كتاب العملي الي هترسمه + من السيدي .. ودي خدها من اي حد من الكبار .. هتلاقيها بسهولة ان شاء الله .. فيها صور كل العينات + من كتاب النظري هتذكر كل الجزء بتاع الشرعي .. كله ؟ آ كله لان في امتحان الراوند بتتسئل شفوي عالعينات الي قدامك .. وماتخافوش امتحان الراوند سهل جدا ودرجاته مضمونة جدا جدا .. والدكاترة بيدوا فيه درجات ..

مطالبين اثناء الراوند بحاجتين غلسين :
هتتقسموا مجموعات في اول الراوند وهتتقابلوا مع الدكاترة كل حسب مجموعته ويقولولكم عليها .. :
1-التقارير : ودي هتاخدوا سكشن كامل تعرفوا ازاي تعملوها .. وفين وعليها 6 درجات ..
2-البحث او البوستر : ودي اكيد مفهومة .. واستأذنوا من الدكتور الاول قبل ماتختاروا الموضوع .. عليه 5 درجات ..

والدرجات دي مضمونة خسارة تضيع ..

الاستف :
-الي فاكراهم -
د-ناهد : رئيسة القسم : شخصية طيبة ومتعاونة ..
د-وفاء : صعبة شوية شفوي
د-هالة : صعبة شوية شفوي
د-أمل : طيبة وحلوة شفوي
د-راندا : طيبة ومتعاونة
د-زغلول : طيب جدا .. وحلو اوي شفوي ..
د-صفاء ود- ميري ود- اسماء : دول بيدخلوا محاضرات وسكاشن وشرحهم حلو ..

مش فاكرة حد تاني للأسف ..
المعيدين مش فاكرة اسماء غير قليل جدا .. بس كلهم بنات وشرحهم شبه بعض ..

الامتحانات :

الراوند عليه خمسة وعشرين :
امتحان الراوند من 12 .. و3 عالكتاب
وعشرة التقارير والبحث ..

اعمال السنة بيكون في اول اسبوع من الترم التاني وعليه 40 .. امتحان عايز حد مذاكر الكتاب كويس .. وخسارة تضيعوه ....

البيبر من 100 وسواء اعمال السنة او البيبر مابيطلعوش من الكتاب .. وبيكون نظامهم كل حاجة .. دش . صح وغلط على ام سي كيو .. على حالات .. وبلاش الاعتماد على امتحانات السنين الي فاتت وبس .. عشان امتحان سنتنا طلع منها كتير .. عشان الجودة ..

الشفوي لجنتين كل لجنة من 17 ونص يعني كله من خمسة وتلاتين ..
ال 17 ونص بتكون مقسمة 15 عالشفوي و 2ونص على عينة عملي .. بيسألوكم فيها في الشفوي ..والعينة دي ماتخافوش مش اي عينة عملي .. دي حاجة من 3 صورة او عينة توكسيكولوجي او عينة اسلحة نارية .. ودول مش عايزين مذاكرة اوي ..

كدا خلصوا الميتين ..

اذاكر مع ايه ؟ الراوند ولا المحاضرات ؟
مع الراوند حاول تخلص المادة حتى التوكسيكولوجي لانه مش هيتشرح في السكاشن .. لانكم مش هتلاقوا وقت تذاكروه بعدين وهتتزنقوا وتدايقوا.. وخسارة تضيع وقت الراوند ..
لكن زي ماقلت لو كان الراوند بتاعك في الترم التاني احضر المحاضرات وذاكر معاها .. عشان اعمال السنة ..

كده كل سنة وانتو طيبين .. وان شاء الله امتياز محترم في الشرعي ..


فاضل الصحة العامة .. قريبا ان شاء الله ..



وفقكم الله ..
calm doctor
08-14-2010, 06:26 AM
بارك الله فيكى و جزاكى الله خير على مجهودك الجبار وإن شاء الله يكون فى ميزان حسناتك
,,عن بن عمر رضي الله عنه قال :
قال صلى الله عليه وسلم:" أحب الناس إلى الله أنفعهم .وأحب الأعمال إلى الله عزوجل سرور تدخله على مسلم أوتكشف عنه كربة أوتقضي عنه ديناً أو تطرد عنه جوعاً ولأن أمشي مع أخي المسلم في حاجة أحب إليّ من أن أعتكف في المسجد شهرا" رواه الطبراني وحسنه الألباني
قال رسول الله صلى الله عليه وسلم: " إن لله خلقاً خلقهم لقضاء حوائج الناس، آلى على نفسه أن لا يعذبهم بالنار، فإذا كان يوم القيامة وضعت لهم منابر من نور يحدثون الله تعالى والناس في الحساب "

و أنا عارف أن أحنا مقصرين خالص
و إن شاء الله هبدأ أسئلة بعد ما تخلصى الموضوع كله
فاطمة خالد
08-14-2010, 02:18 PM
calm doctor جزاكم الله خيرا .. كلام كبير اكبر مني كتير .. والله رفعت معنوياتي ...

انا في انتظار أسئلة حضرتك ..

:wfk:
فاطمة خالد
08-14-2010, 03:23 PM
السلام عليكم ورحمة الله وبركاته ..

المادة الرابعة والأخيرة ....-ألف مبروك -

الصحة العامة

من 300 -يعني البيج بوس .. اكتر مادة عليها درجات -


ايه هيا المادة ؟

الصحة العامة او طب المجتمع .. جزئين .. الجزء الاول محدد موقفه وعارف هو بيتكلم عن ايه .. عن الامراض الوبائية .. والأمراض المنتشرة زي السكر والكانسر حاجات زي كده ..
اما الجزء التاني ودا الاكبر والاهم عشان بيبر اخر السنة بيكون عليه 100 اما الجزء الاول بيكون عليه 50 .. فدا جزء عايم .. بيتكلم عن حاجات كتير من صحة المرأة والطفل للتغذية للشباب للتدخين للبيئة والميا والهوا والاصابات ... و و و و حاجات مالهاش علاقة ببعضها لكن يجمعها شيء واحد هي انها ليها علاقة بصحة المجتمع ..

المحاضرات

محاضرتين مدة كل واحدة ساعتين واحدة يوم الاحد والتانية يوم الاربعاء .. الحضور مهم في الترم الاول بالذات ..
الحضور مهم عامة عشان هيسهل عليك مذاكرة الدرس جدا ..
لكن في الترم الاول بالذات ليه ؟؟ عشان اعمال السنة .. لازم في المحاضرة تكون حاضر والكتاب في ايدك وتزود عليه كل حرف غير موجود .. وبلاش تعتمدوا على تصوير الورق وكدا عشان في حاجات دخت عليها مالقيتهاش .. احضروا عالاقل في الترم الاول عشان اعمال السنة كدا كدا بيكون امتحان وحش جدا .. انا مش بخوفكم والله بس هو دا الطبيعي لأعمال السنة بتاعة الصحة العامة .. (بس ان شاء الله مايحصلش كدا معاكم ) وانا سمعت دا من بتوع السنة الي قبلي ماصدقتش غير لما كنت في اللجنة .. تأتي الامتحانات بما لا تحتوي الكتب بجد لدرجة اني سألت اصحابي يمكن يكون القسم عمل دليل تقويم واحنا مش عارفين ..
المهم انا بقولكم الكلام المبشر دا ليه ؟؟ عشان نحضر المحاضرات ونزود كل كلمة في الترم الاول عشان لما نذاكر الكتاب والمحاضرات نضمن فوق العشرين من الامتحان .. باذن الله .. تضمنوا التلاتين كمان .. ربنا يخلي سنتكم احلى مننا ان شاء الله ..
وفي محاضرات ماتتذاكرش غير من الورق بتاعها .. ايه هيا ؟؟؟؟؟؟؟؟؟
1- محاضرة swine flu عشان في الكتاب الدرس دا تقيل جدا لكن ورق المحاضرة حلو اوي .. بس للأسف مش فاكرة اسم الدكتورة بتاعة المحاضرة دي ..
2-محاضرة colera
3-محاضرة للدكتور علي زرزور هيديها في الترم التاني مش موجودة في الكتاب اصلا تقريبا اسمها health system in egypt ..
الباقيين تكتبوا الزيادات على الكتاب .. لكن في اجابة امتحان آخر السنة المطلوب منكم كلام الكتاب وبس .. دا كلام احد المعيدين .. لكن المحاضرات كلامها مهم لاعمال السنة ..

الراوند

السكاشن في الكلية .. انتو عارفين اكيد مكان القسم وعديتو عليه كتير قبل كده في الدور الأرضي .. وكلام العملي عبارة عن نظري تاني .. وعايز مذاكرة كويسة من كتاب العملي والنظري .. وهتعرفوا من المعيدين ايه الي تذاكروه من النظري ومن فين وكدا .. عشان كمان في حاجات ليها ورق وممكن تلاقي موضوع واحد طالعله ورق كتير كل واحد بشكل ساعتها تسألوا د-خالد عن احسن مصدر تذاكروا منه .. في كل درس .. او تسألوا حد بياخد عنده مجموعة ..
بالمناسبة لازم اخد مجموعة ؟
الصحة العامة هي المادة الوحيدة الي بيتاخد فيها مجموعات في رابعة وفي قلة بتاخد في الرمد -في الخباثة يعني كورسات- لكن مجموعات الصحة في الكلية بيديها د- خالد .. مالهاش لازمة تاخدوا في النظري عشان دا مش عايز غير دش وبس وكمان د-خالد بيأخر الناس فيه لآخر السنة .. لكن العملي ممكن تاخدوا فيه .. خصوصا لو اخدتوا الراوند في الترم التاني لان اعمال السنة وتراكمات المواد التانية هتخليكم تتزنقوا في مذاكرة العملي شوية .. والكم بتاعه كبير .. لكن لو خدتوا الراوند في الترم الاول ممكن تذاكروا لوحدكم العملي وساعتها تمشوا مذاكرته مع مذاكرة النظري اثناء الراوند وهتلاقوا وقت كويس ..
لكن ليه تاخدوا عند د-خالد العملي ؟؟ لانه بيقلب حاجات كتير .. يعني في الانجاز يقولكم ايه الي تذاكروه ومنين وايه الي مالوش لازمة .. وكمان اهم حاجة بيعملها في العملي انه بيفهمكم المسائل كويس جدا .. مسائل ؟؟ آ اصل عملي الصحة العامة فيه مسائل ظريفة .. في السكاشن هيحسسوكم انها صعبة وفظيعة والي يقولك ركزوا ومعرفش ايه وهيحسسوكم انهم بيشرحوا رياضة 2 لكن د-خالد بيقول المختصر المفيد وبيحسسك ان العملي دا هايف وبيقولك الكلام المهم بس عشان تجيب في الامتحان ..

اثناء الراوند هتتقسموا مجموعات زي مافي الشرعي .. وهتعملوا ابحاث ..
كمان في اواخر الراوند هتروحوا زيارات لمحطة الميا والوحدة الصحية ومستشفى الصدر .. حاجة ظريفة يعني ..
وفي حاجة كمان .. في سكاشن كومبيوتر هتاخدوها هيتشرحلكم فيها برنامج مهم في الصحة العامة .. والسكاشن دي بتبقى في الدور الخامس .. وليها امتحان لوحدها غير امتحان الراوند (قبله بيوم ) عليه 5 درجات .. ودا امتحان عملي عالكومبيوتر سهل ومضمون ..
آخر حاجة في الراوند ان السكاشن المسموح بغيابها 4 من غير درجات وراهم 7 بنص درجة للسكشن .. بعدين حرمان من امتحان الراوند ..

اذاكر من فين ؟؟

من كتاب القسم طبعا ومن اضافات المحاضرات .. وقلنا ايه ال3 محاضرات الي يتذاكروا من ورقهم بس ..


الاستف
-الي فاكراهم-
-د-كوثر : رئيسة القسم .. طيبة وبتسمع للطلبة ..
-د-راندا :لو حطت اعمال السنة ذاكروا كويس جدا عشان امتحاناتها شديدة .. كويسة شفوي
-د-فريدة : دكتورة كبيرة وطيبة .. لو دخلتولها شفوي اضمنوا الفل مارك ..
-د-منال درويش :طيبة وكويسة شفوي .. بس معرفش ايه نظامها بالنسبة للدرجات .. بيقولوا انها مش بتدي اوي يعني ..
-د-غادة : احضروا محاضراتها عشان بتخلي المحاضرة ظريفة جدا .. بجد هي شخصية سكر ..
-د-اكرام : درجاتها حلوة جدا شفوي ..
-د-علي زرزور : دكتور كبير .. وطيب ..
-د- أسماء : حاولوا تجيبوا زيادات محاضراتها عشان بتزود كتير ..
-د-وفاء : طيبة ..
في ناس تانية مش فاكراهم للأسف ..

المعيدين :
-الي فاكراهم -
د-أسامة : أحلى شرح .. بجد كلامه وشرحه حلو جدا ..
د-خالد : احسن واحد يقولك ايه المهم وايه المش مهم .. في العملي .. يعني بيظبط للامتحان للي ياخد عنده ..
د-دعاء : طيبة خالص بس ماتزعلوهاش منكم .. وشرحها حلو بس بتستفيض شويتين ..
د-أميرة :شرحها حلو .. وشخصية ظريفة ..
د-شيماء :طيبة ..
د-هبة : طيبة ..
د-كريمة : بردو شخصية طيبة ( طبعا بتقولوا هنعمل ايه من الطيبة ؟؟ مش تحمدوا ربنا احسن مايكونوا صعبين ويتعبوكم .. وبعدين الطيبة دي بتنفع في المعسكر ..)
د-سحر :شخصية ظريفة وسكر .. شرحها حلو ..
د-ميريت : شرحها حلو بس كنت بحسها بتحسس الواحد ان الموضوع صعب وهو مش كدا .. يعني بتزودها في الشرح شوية زي د-دعاء ..(والله شعب مابيحمدش ربنا )

مش فاكرة حد تاني للأسف ..

الامتحانات :

وتوزيعة الدرجات :
اعمال السنة من 30 وعايز مذاكرة جامدة جدا ..
الراوند من 30 +امتحان الكومبيوتر من 5 + البحث من 5 +الكتاب العملي لازم تكملوه (مش هياخد وقت لو كملتوه وانتو بتذاكروه ) من 5
البيبر من 150 : عايز مذاكرة الكتابين كويس ..
الشفوي من 60 لجنتين كل لجنة من 30 .. وممكن يخلوا لجنة عالكتاب الاول ولجنة عالتاني ..

كدا ال300 خلصوا ..
لا فاضل 15 ... راحت فين ؟؟؟ راحت فين ؟؟؟
المعسكر يابشوات .. ودا موال طوييييل .. تعرفوه في وقته ان شاء الله ...


أذاكر مع الراوند ولا المحاضرات ؟؟

مع الراوند حاول تنجز وتخلص المنهج .. عشان ماتتزنقش آخر السنة حتى لو خدت الراوند اول حاجة .. عشان بجد الترم التاني مزنوق جدا وفيه امتحانات كتير فمش ناقص تزنق نفسك ...
لكن لو كان الراوند بتاعك في الترم التاني .. معلش حاول تذاكر شوية مع المحاضرات وماتزعلش لو اتأخرت عنها شوية حاول تظبط الباقي في اجازة نص السنة .. عشان امتحان اعمال السنة .. بيكون في تالت اسبوع من الترم التاني .. وبيكون الكم الداخل فيه كبير .. عشان ماتتزنقوش ..





ألف مبروك ..
يارب تكون احلى سنة ليكم في طب ..



:wfk:
Sma
08-15-2010, 06:54 PM
بارك الله فيكى بشكرك جدا جدا جدا على مجهودك وكمان بشكرك لانى استفدت من كلامك فى بداية سنة تالتة انا فعلا كنت تايهة واتمنيت الاقيكى ممهدة الموضوع كالعادة بجد مش عارفة اشكرك ازاى ربنا يجازيكى كل خير:mghoud:
فاطمة خالد
08-16-2010, 06:04 AM
جزاكم الله خيرا عالمرور .. د-سما .. في انتظار أسئلة حضرتك ..
calm doctor
08-19-2010, 03:31 AM
السلام عليكم
1معلش يا دكتورة فاطمة متفتكريش ترتيب الروانداتفى السنة اللى فاتت؟
2 وهل من المفيد تعدد المصادر فى المذاكرة ولا دى بيضيع الوقت؟
3بالنسبة للأنف والأذن محمد فريد أحسن ولا مسعد؟ أيه الفرق؟
4أنا بسمع إن فى سنة رابعة بيزنقوا فى آخر السنة, صح الكلام ده؟
5وأيه رأيك فى الشرايط فى كل المواد ناس كتيرة بتشكر فيها و بتقول أنها هتفرق معاكم والصراحة كانت ممتازة فى سنة ثالثة؟
6بالنسبة للرمد فى شرايط كتير (ياسر وعبدالحليم والكفراوى محمد مدحت) وبيقولوا كلهم حلويين. بس لو هسمعهم أسمع مين فيهم؟
و كده أكون وجعت دماغك لحين ما أجمع أسئلة تانيه

:4_12_13::4_12_13::4_12_13:
فاطمة خالد
08-19-2010, 07:39 AM
السلام عليكم
1معلش يا دكتورة فاطمة متفتكريش ترتيب الروانداتفى السنة اللى فاتت؟

فاكرة بس بيتغير كل سنة ..تقريبا بس ممكن اقول لحضرتك كل ناس بدأوا ايه السنة الي فاتت:
اول حروف او الربع الاول من الدفعة بدأوا رمد
الربع التاني بدأوا شرعي
الربع التالت بدأوا انف واذن
آخر ربع بدأوا صحة عايمة ..
لو عيز الباقي ممكن اقوله .. بس انا قلت بيبدأوا ايه وبس عشان في سنتنا اتغير عن الي قبلها ..

2 وهل من المفيد تعدد المصادر فى المذاكرة ولا دى بيضيع الوقت؟

أكيد تضييع وقت .. وانا حددت لحضرتك بالذات في الرمد عشان هو دا الي الناس بتحب تعدد المصادر فيه ..وغير تضييع وقت تشتيت .. وبعدين بس حضرتك حاول تخلص الي عليك الاول .. لو لقيت وقت راجع الي نسيته في مادة تانية .. كده .. مش توجع دماغك بمصدر تاني ..

3بالنسبة للأنف والأذن محمد فريد أحسن ولا مسعد؟ أيه الفرق؟

انا ماشفتش مسعد .. بس محمد فريد كانت الاكثرية بتستخدمه .. حتى الاوائل لو كان معاهم كل الكتب بردو بيفتحوا محمد فريد .. وامتحان نص السنة واخر السنة كان فيه حتت صغيرة كدا مكتوبة في محمد فريد ومشروحة كويس وبنظام .. لكن ماعرفش موجودة في الكتب التانية ولا لأ .. لو حضرتك عندك مقدرة تقارن الاتنين في اول السنة اوكي .. وبعدين تختار .. بس محمد فريد بأجزاؤه التلاتة انا شايفة انه كويس جدا ولو حضرتك بتحضر كل المحاضرات مع كلام الكتاب .. يبقى كدا زي الفل ان شاء الله ..

4أنا بسمع إن فى سنة رابعة بيزنقوا فى آخر السنة, صح الكلام ده؟

صح جدا عشان اعمال السنة بتاعة شرعي وصحة وانف واذن دا غير لو حد اخد رمد في الترم التاني زي حالاتي .. لان الرمد زي ماقلت مافيهوش امتحان راوند واحد زي باقي المواد لأ دول 3 .. دا غير امتحان الراوند التاني الي هتشتغله في الترم التاني .. غير تراكمات المواد .. عشان كدا حاول ان خطتك في المذاكرة بالنسبة مع الراوند ولا المحاضرات زي ماكتبت في آخر كل مادة .. وان شاء الله ماتتزنقش اوي .. وكمان لو كنت من الناس الي هتاخد الرمد في الترم التاني ماتشيلش الهم .. لان دول زي ماهيتزنقوا زي ماهيكون عندهم ميزة انهم فاكرين المادة على آخر السنة احسن من الي بياخدوها في الاول ..عشان رمد مافيهوش اعمال سنة ..

5وأيه رأيك فى الشرايط فى كل المواد ناس كتيرة بتشكر فيها و بتقول أنها هتفرق معاكم والصراحة كانت ممتازة فى سنة ثالثة؟

انا مش بتاعة شرايط لاني مغتربة ومن النوع الي بيحب الكتاب اكتر .. مادام حضرتك جربتها في تالتة وريحتك .. مافهاش حاجة ان شاء الله تفيد حضرتك في رابعة ... انا اعرف ناس كانت بتسمع شرايط مسعد انور في انف واذن وبيذاكروا من محمد فريد .. وكان عاجبهم النظام دا .. ممكن حضرتك تعمل كدا بالاضافة للمحاضرات اكيد ..

6بالنسبة للرمد فى شرايط كتير (ياسر وعبدالحليم والكفراوى محمد مدحت) وبيقولوا كلهم حلويين. بس لو هسمعهم أسمع مين فيهم؟
و كده أكون وجعت دماغك لحين ما أجمع أسئلة تانيه

ممكن تسمع ياسر .. عشان دا اكتر الناس في منتديات كتير بتحب شرايطه اكتر .. وبكدا كمان تكون عملت زي انف واذن .. بدل ماتذاكر من كتابين تسمع شرح ياسر بعدين تذاكر عبدالحليم .. وان شاء الله الفل مارك ..

:4_12_13::4_12_13::4_12_13:
يارب اكون افدت حضرتك بحاجة .. تحت امر حضرتك في اي اسئلة تانية ..
calm doctor
08-19-2010, 09:38 AM
طب أيه أخبار التصحيح والكوسة ؟
فاطمة خالد
08-20-2010, 03:55 PM
تصحيح انف واذن بحالات .. يعني انت وحظك ..
وشرعي امتيازه كتير ومضمون ..
بردو رمد مش بيظلمو في تصحيح البيبر لكن ممكن يتهوروا شوية في الشفوي ..بس عامة احسن من غيرهم ..
صحة عامة فيها درجة ظلم في التصحيح بس احسن من بتوع الفارما والباثولوجي مثلا ..

بس في حاجة حصلت السنادي .. انا مش عارفة دي مجرد صدفة ولا .. يعني كل حد جايب امتياز كانه ظالمينه في مادة ما بدرجة لا يتوقعها .. حتى قارنت المواد المظلومين فيها انا واصحابي لقينا انها مختلفة .. فمش عارفة هل الظلم دا مقصود لرفع ناس تانية ...؟؟؟ ولا دي مجرد صدفة ..حتى الناس الي جابت ج ج مرتفع بردو ...

والكوسة بتزيد كل ماتكبر اكيد .. وماتتوقعش غير كده .. والي مالوش كوسة لازم يشتري .. قصدي يدورله على كوسة ..
عشان في حاجات زي شفوي الرمد مثلا .. ممكن يحصلك فيه حاجات غريبة حتى لو كنت شاطر جدا ومن اوائل الدفعة ..
والكوسة كمان هتلاقوها عيني عينك اكتر من زمان .. ربنا معانا ..ومعاكم ..
dr.samzarad
08-21-2010, 12:33 PM
ايه الحلاوه دى انا نمت منك بعد الرمد
بس اوعدك انى اقرأ تانى
وبجد ربنا يجزيك خير
الواحد فاكر انه حيدخل رابعه وياخد رحته
بس اتضخ لى انه مش حياخد راحته لا دا حياخد فوق دماغه (زى كل سنه يعنى)
على اى حال الف شكر على المجهود الجميل ده:5831.imgcache:
ضي القمر
08-22-2010, 02:43 PM
الف شكر ليكي يا(فاطمة), جزاكي الله عنا كل خير
انا من الناس اللي استفدت جامد من نصائحك في سنة
تالته,,ربنا يخليكي لينا كل سنة ديما كده ويبارك لك ان شاء الله.وانت وفيتي حق
كل ماده بطريقه سلسه جدا,,
وكان عندي سؤال: هو في ادوات تاني مطلوبه مننا تكون معانا في
العملي عموما في كل المواد غير التورش في الرمد؟؟
abdo9939
08-22-2010, 03:45 PM
موضوع رائع ,جزاكم الله خيرا.
فاطمة خالد
08-28-2010, 05:46 AM
ايه الحلاوه دى انا نمت منك بعد الرمد
بس اوعدك انى اقرأ تانى
وبجد ربنا يجزيك خير
الواحد فاكر انه حيدخل رابعه وياخد رحته
بس اتضخ لى انه مش حياخد راحته لا دا حياخد فوق دماغه (زى كل سنه يعنى)
على اى حال الف شكر على المجهود الجميل ده:5831.imgcache:
جزاكم الله خيرا عالمرور دكتور .. يارب حضرتك تستفيد ..
انا تحت امر حضرتك في اي سؤال ..
فاطمة خالد
08-28-2010, 05:49 AM
الف شكر ليكي يا(فاطمة), جزاكي الله عنا كل خير

انا من الناس اللي استفدت جامد من نصائحك في سنة
تالته,,ربنا يخليكي لينا كل سنة ديما كده ويبارك لك ان شاء الله.وانت وفيتي حق
كل ماده بطريقه سلسه جدا,,
وكان عندي سؤال: هو في ادوات تاني مطلوبه مننا تكون معانا في
العملي عموما في كل المواد غير التورش في الرمد؟؟

ضي اخبارك .. كل سنة وانت طيبة ..
مافيش اي ادوات تانية مطلوبة .. ولا حتى البالطو .. *_^
انا تحت امرك في اي حاجة ياجميل ..
فاطمة خالد
08-28-2010, 05:50 AM
موضوع رائع ,جزاكم الله خيرا.


الاروع هو مروركم .. انا تحت امر حضرتك في اي استفسار ..
hzem elkady
09-06-2010, 09:26 AM
بااااااارك الله فيكم وجزاكم الله عنا خيرا اسأل الله العظيم ان يجعل ذلك في ميزان حسناتكم ولكن أذكركم بملاحظتين 1-التأكد من تجديد النية لجعل العمل خالص لوجه الله 2-البعدعن لغة التشاؤم والسلبة في الحديث لأن ذلك يؤثر علينا سلبا وأشكركم مرة أخرى على هذا العمل الرائع
فاطمة خالد
09-06-2010, 06:42 PM
بااااااارك الله فيكم وجزاكم الله عنا خيرا اسأل الله العظيم ان يجعل ذلك في ميزان حسناتكم ولكن أذكركم بملاحظتين 1-التأكد من تجديد النية لجعل العمل خالص لوجه الله 2-البعدعن لغة التشاؤم والسلبة في الحديث لأن ذلك يؤثر علينا سلبا وأشكركم مرة أخرى على هذا العمل الرائع

شرفني مروركم .. انا تحت امر حضرتك في اي استفسار ..
والله بحاول ابعد عن السلبية قدر الامكان .. لاني بقدر اني لما كنت مكان حضرتك السنة الي فاتت كنت اكيد بتأثر بأي كلمة ..عامة انا آسفة على اي كلام تشاؤم ممكن يكون صدر غصب عني بس انا بحاول ابرز الصورة الواقعية قدر الامكان ..
في انتظار اي استسار او طلبات من حضرتك ..
calm doctor
09-19-2010, 03:39 AM
بعد إذن حضرتك أنا عاوز ترتيب الأقسام من ناحية حسن الشرح و سوءه
فاطمة خالد
09-19-2010, 03:23 PM
مش عارفة ارد على حضرتك اقول ايه يادكتور في كل قسم في ناس كده وناس كده .... مافيش قسم كله بيشرح وحش ولا قسم كله بيشرح حلو اكيد .. بس انا ذكرت اسماء الدكاترة الي احسن شرح في كل مادة ..

انا في انتظار حضرتك في اي استفسار .
وفقك الله ..
* أمـل الغـد *
09-20-2010, 02:01 PM
جزاكي الله كل خير يا غالية
شرحتى ووفيتي الصراحة

بس اتخضيت..كنت فاكرة رابعة دي فااااضية
بس كدا احسن ..وربنا يستر

دعواتك معانا

كنت عايزة اسال لو في مذكرات مهمة نستعين بيها
تجميعات ...ملاحظات..الخ
وطبعا في اختلاف في الدكاترة عنندنا


وجزاكم الله كل خير
وربنا يكرمك ويوفقك ويعينك على خامسة
:faces222:
فاطمة خالد
09-20-2010, 03:16 PM
جزانا الله واياكم د-امل الغد .. شرفني مرورك ..
مافيش ملاحظات ولا تجميعات الحاجات الي انتو محتاجينها انا حاولت اكتبها كلها .. ان شاء الله تكون سنة حلوة عليكي ..
انا تحت امر حضرتك في اي استفسار .. عالنت او التليفون ياباشا :faces705: دونت ووري
* أمـل الغـد *
09-22-2010, 12:13 PM
:barak:
تاعبينك معانا دايما

خلاص ماشي

:faces222:
رضاك ربي
09-22-2010, 01:47 PM
:barak:
فاطمة خالد
09-22-2010, 03:57 PM
شرفني مرورك د-رضاك ربي ... انا تحت امر حضرتك في اي حاجة ..
الضاحكة الباكية
09-23-2010, 12:21 AM
بجد بجد يا دكتوره ربنا يكرمك
لانك فعلا ومن السنه اللي فاتت
موضحة لنا امور كتير :barak:
فاطمة خالد
09-23-2010, 06:09 AM
شرفني مرورك د-الضاحكة الباكية .. انا تحت امر حضرتك في اي استفسار ..
Abdelrahman Senosy
09-28-2010, 10:21 AM
قال رسول الله - صلى الله عليه وسلم - : " لا يشكر الله من لا يشكر الناس ".

أنا سجلت مخصوص في المنتدى علشان أشكر الدكتورة على مشاركتها المفيدة.
بارك الله فيكم وجعله في ميزان حسناتكم.

وكمان عندي سؤال صغير..

إيه رأي حضرتك في الإسبوعين الأجازة اللي احنا فيهم دول؟ إيه أحسن حاجة ممكن نعملها؟
فاطمة خالد
09-28-2010, 03:54 PM
شرفني مرور حضرتك د-عبدالرحمن سنوسي ..انا تحت امر حضرتك في اي استفسار ..
ياريت ماتكونش دي المشاركة الاولى والاخيرة حاول حضرتك بردو تفيدنا ... في انتظار ابداعك
أسرة كل الطب ترحب بك

بالنسبة للأسبوعين دول ...
انجوي يور تايم .. خلاص المدرسة قربت ..:C20ColdHands:
Abdelrahman Senosy
09-29-2010, 07:17 AM
بصراحة ماكنتش متوقع رد حضرتك .. لكني سعيد به (طبعا!)

وربنا يقدرني و تكون ليا مشاركات مفيدة..
abdo9939
09-29-2010, 08:10 AM
عايز تذاكر من دلوقتي يا عبده , جاي وقت المذاكرة