الدفعة الجديدة للفرقة الرابعة ... السلام عليكم

[ammona_mar3ey]

السلام عليكم و رحمة الله و بركاته :
بقول كل سنة و انتم طيبين و ربنا يعيد علينا الشهر الكريم بكل خير , و يعتقنا فيه من النار.

الدفعة الجديدة لسنة رابعة , ازيكم ؟ اخباركم ايه ؟
عايزين نناقش هنا نظام سنة رابعة اللى بيقولو ان هو هيتغير , لانى قريت الموضوع بتاع رابعة طب و ده شامل تفاصيل السنة اللى فاتت كلها , و ياريت زمايلنا اللى خلصو رابعة يقولو رأيهم ف النظام ده و يوضحوه لنا اكتر لأنى مفهمتوش اوى من كلامهم ف الموضوع الاصلى ,

و كل عام و انتم بخير .

[ammona_mar3ey]

و باذن الله لو حد هيرد على , ياريت يوضح لنا :

-- المحاضرات لكل ماده , مفيدة و لا ايه النظام ؟
-- الكورسات برده هل افادتهم مع النظام الجديد و لا ضيعت الوقت .
-- ايه الدكاترة اللى سمعتو انهم متميزين جدا ف شرحهم , اذا كان ف محاضرة او شرح راوند و تنصحونا ان احنا نتابع معاهم؟
-- و اخيرا الشرايط اللى بتتسمع ده ايه نظامها , لأنى مجربتش قبل كده , هل هى مفيدة و بتزود حاجة يعنى فهم او كده؟

و جزاكم الله خيرا.

[dr\emy]

ازيك يا يمنى كل سنة وانت طيبة على فكرة الموضوع بتاع رابعة طب اول 6صفحات فيه اللى اتكلمت فيهم دكتورة روضة القران و الدكتورة بيبو بنوتة على نظام سنة رابعة ده النظام القديم اللى احتمال كبير جدااااااااااا هيرجع تانى لان دكتورة روضة اكبر مننا دفعتين فهى اتكلمت عنه على افتراض ان هو اللى كان هيمشى على دفعة السنة اللى فاتت بس طبعا النظام اتغير بسبب موضوع انفلونزا الخنازير فغالبا هيرجع النظام القديم تانى السنة الجاية اقرى الكلام اللى كتبته الدكتورة روضة و الدكتورة بيبو بنوته هيفيدك كتير وان شاء الله زمايلنا اللى فى الدفعة اللى اكبر مننا ممكن يكلمونا برضه على النظام اللى اتطبق عليهم ايه مميزاته و ايه عيوبه و نستفاد من خبرتهم :wfk:

[رنــــا]

وعليكم السلام ورحمه الله وبركاته

كل عام وانتم الى الله اقرب

ومننساش نستغل افضل ايام فى الصيام والقيام وقراءه القرآن والدعاء

بلغنا الله رحمه ومغفره رمضان

بدايه اهلا بيكم فى سنه رابعه زيها زى كل سنه محتاجه مزاكره

عشان بس من اول مدخلنا الكليه ونسمع ان رابعه دى فاكهه الطب ومحتاجه اقل مزاكره الكلام ده مش صحيح

مفيش سنه مش محتاجه مزاكرة

لكنها سنه لذيذه نوعا ما عن السنين اللى فاتو المعلومات اللى فيها تحس انها اقرب للحياه يعنى المشاكل اللى بتحصل فى العين والانف يعنى فيه امراض بنكون شوفناها قدامنا

ده فى حد ذاته يحسسك بمتعه الدراسه والحالات اللى بتدرسوا عليها غير ان الدكاتره بيعاملوكم معامله دكاتره بقى خلاص وده طبعا مش مع كل الدكاتره بس الغالبيه العظمى بيحترمو الطلبه

اما المواد فهم اربعه

رمد
شرعى وسموم
انف واذن
بابلك

وفى مشاركات قادمه افصل شويه عن كل قسم واللى حابب يسال اى سؤال يتفضل

لا تنسونى من صالح دعائكم

[dr711]

جزاكى الله خيرا يا دكتورة على المشاركة ونمتنى تفصلى أكتتر عن الأقسام وليا سؤال هل فعلا قسم الرمد هو أسوا قسم فى سنة رابعة؟

[ammona_mar3ey]

جزاكم الله خيرا د رنا على الرد ,
و ان شاء الله اسئلتى هى اللى حطتها ف تانى مشاركة لأنها مش تبع مادة معينة , و نفسى اسمع اجابه ليها باذن الله .

[ammona_mar3ey]

و الله يا ايمان ياريت النظام القديم يرجع , لأنه شكله دوخ ناس كتيييييييييييير فعلا.
بس انا لي سؤال , ايه فرق النظام القديم و الجديد , القديم برده كانت المحاضرات شغاله و مش بيبتدو العملى الا ف شهر معين و بتبقى المحاضرات ملهاش لازمة , و المذاكرة بتبتدى مع الراوند . عايزة اعرف بقى ايه الفرق؟

[مشواري طويل]

تقريبا الفرق في الشيت ( ال 20 % )

في القديم بيمتحنو كله اخر السنة في شهر 4 _5

اما النظام الجديد بيمتحنو ال 20% اخر كل راوند

يعني بياخدوها مادة مادة دي تخلص يدخلو عالتانية

هذا والله أعلم

******************************

بس انا عندي سؤال مؤرقني ، هيا سنة رابعة رخمة كده زي تالتة

يعني المواد متشابهه مع بعضها

زي الفارما مثلا كل موضوع فيه نفس النقاط والعناوين ، ودي أهم عوامل اللخبطة والنسيان

مواد سنة رابعة اخبارها ايه ، انا عايزة كل درس مستقل بذاته وإلا .....

وإلا هعيط ،، هعمل ايه يعني تانى

[dr\emy]

فعلا يا يمنى الفرق بينهم زى ما دكتورة سارة قالت فى امتحان ال20% لانهم كانو بيخلصو كل مادة و يمتحنو عليها الشيت و تترمى المادة دى خالص لحد اخر السنة و المفروض انهم ييجو اخر السنة يفتكروها تانى عشان امتحان الفينال طبعا كان تهريييييييييج لان المادة الاولانية لما تيجى تفتحيها تانى بعد ماسبتيها 6شهور كانك بتذاكريها لاول مرة و مش هتكونى فاكرة حاجة :A02Annoyed:

[مشواري طويل]

فعلا يا يمنى الفرق بينهم زى ما دكتورة سارة قالت فى امتحان ال20% لانهم كانو بيخلصو كل مادة و يمتحنو عليها الشيت و تترمى المادة دى خالص لحد اخر السنة و المفروض انهم ييجو اخر السنة يفتكروها تانى عشان امتحان الفينال طبعا كان تهريييييييييج لان المادة الاولانية لما تيجى تفتحيها تانى بعد ماسبتيها 6شهور كانك بتذاكريها لاول مرة و مش هتكونى فاكرة حاجة :a02annoyed:

احنا لا كده بنذاكر ولا كده بنذاكر ^__^

بس كل نظام فيهم له مميزات وعيوب يعني مش كله وحش وفي نفس الوقت مش كله حلو

يعني عالنظام الجديد هيخلينا نذاكر أول بأول ونخلص من الشيت بتاع كل مادة بسرعه

لكن عيبه هننسى على اخر السنة

اما عالنظام القديم فاهتكوني بقا مش بتفتحي مادة ولا اتنين لاول مرة ،، لا لا لا هتكوني بتفتحيهم كلهم لأول مرة :)))))

عموما اللى عايزينه يعملوه

[2heba]

ازيكم يا بنات كل سنة وانتوا طيبييييييين ^_^

متابعة معاكم ان شاء الله

جزاكم الله خيرا د رنا

[ammona_mar3ey]

احنا متابعين يا د رنا ردك علينا باذن الله

[رنــــا]

معذرة على التاخر فى الرد

بس احنا فى رمضان والكل مشغول

ان شاء الله على بالليل يكون فيه رد

[رنــــا]

السلام عليكم ورحمه الله وبركاته

فى البدايه كده الدفعه بتتقسم لست مجموعات كل مجموعه اسمها راوند خلاص عصر السكشن انتهى

وتقريبا طول السنه مجموعه 5 و6 بيبقو مضمومين على بعض فى كل المواد وده طبعا لسوء الحظ

لكن باقى المجموعات ممكن ينضمو فى مادتين او حاجه

وبردو الدفعه كلها بتنقسم نصين _على نظام السنه اللى فاتت _ بس عشان ماده الانف والاذن

مجموعه 4 و5 و6 دول النص اللى اخد محاضرات الانف والاذن فى التيرم الاول وامتحان العشرين فى الميه قبل نصف السنه

ومجموعه 1و 2 و3 دول اخدو محاضرات الانف والاذن التيرم التانى وامتحنو العشرين فى الميه فى اخر شهر خمسه

للعلم : راوند الانف والاذن شهر يعنى التلت مجموعات بتوع التيرم الاول بيكونوا اخدو الراوند خلاص خلال التلت شهور


ندخل بقى على المواد

اولا ماده البابلك

ماده من 300 درجه عباره عن كتابين نظرى وكتاب عملى

هى ماده سهله عاوزة بس تخيل وافتراض مالم يحدث ودش كتيييييييييير

.>> يعنى كمثال ايه الطرق المثاليه لانشاء مدرسه وتكون صحيه والطرق ومكافحه المخدرات وفيه جزء كبير من المنهج عن الامراض المعديه وكيفيه انتشارها وعلاجها والتطعيمات والحجر الصحى
وفيه كمان جزء عن الامراض الغير معديه زى امراض القلب والسرطان والتدخين <<

الكتب السنه اللى فاتت كانت اكثر نظاما

وحتى اللى كانو بياخدو كورس عند دكتور وليد كانو بيزاكرو العملى من كتب القسم لانه بيقول انه هو اللى منظمها

الراوند مدته شهرين تقريبا الحضور من 9

بعد 9 الغياب بيتشال

بتاخدو العملى فى الاول عباره عن ساعه او ساعه ونصف وبعدين ريست فى النص ويدخل نفس الدكتور او دكتور تانى يدى جزء من النظرى

يعنى العملى والنظرى ورا بعض فى نفس المكان بتخلصو على حوالى 12.5 وبيبقى فى محاضره انف واذن الساعه واحده ده لو كنتو فى النصف اللى بياخد انف واذن

ندخل على المحاضرات :

محاضرات البابلك مش اد كده مقارنه بالمواد التانيه يعنى اللى حضر زى اللى محضرش

ماعدا دكتور وليد عشان بيسكم اثناء الشرح ودكتور خليل عشان بيسال فى الزيادات اللى كان بيقولها فى المحاضرات

لكن غير كده شرح الدكاتره فى وادى واللى فى الكتاب فى وادى تانى خاااااااااااالص

الكورسات :

مليش علم بيها لانى ماخدتش كورسات بس اغلب الدفعه كانو بياخدو بابلك ورمد

الشرايط:

معرفش كل اعتمادى كان على المحاضره وكتاب القسم كفايه بس توهمو نفسكم انكم سمعتو المحاضره

الزيارات :

دى حاجه القسم بيعملها يبنزلكم مستشفى الصدر ومصنع الغزل والنسيخ ووحدات فى سبرباى وسيجر

كل راوند له اربع اماكان يروحها هى ملهاش اى لازمه غير انها ترفيهيه مش اكتر واللى مش عاوز يروح ميرحش

بس القسم بيطلب تقرير عن اللى شفته فى المكان اللى روحتوه يعنى مثلا فى مصنع الغزل تشوفو التهويه والاضاءه وصحه العمال والضوضاء والنظافه كده يعنى كله كلام تاليف



الامتحانات :

* فى امتحان اند راوند فى نهايه كورس الراوند اللى مدته شهرين وده يبقى على كتاب العملى وعليه 20 درجه وهو ده يعتبر امتحان العملى والصراحه كان امتحان محترم محدش بيعرف يحط قلم فيه

* وفيه مع الاند راوند امتحان شفوى بتدخل للدكتور يسالك فى الزيارات اللى انت روحتها واستفدت ايه وبياخد منك التقارير اللى كتبتها وفيه دكاتره بيسالو فى النظرى زى دكتور خليل
والامتحان الشفوى ده عليه تقريبا عشر درجات او 15 مش فاكره

*امتحان العشرين فى الميه بيبقى للدفعه كلها فى نهايه السنه الدراسيه

* امتحان اخر السنه وده عليه 150 درجه

وبعتذر عن التاخير لضيق الوقت واى استفسار انا تحت امركم

[dr\emy]

جزاك الله خيرا يا دكتورة رنا الكلام فعلا مفيد جدا بس انا برضه مش فاهمة تقسيمة الروندات يعنى مثلا لو انا بدات انف و اذن اللى المفروض انه شهر واحد و بعدين خلصته و طلع عندى بعده راوند رمد اللى مدته شهرين او صحة عامة اللى مدته شهر ونص يعنى المجموعة اللى قبلى لسه مخلصتش المدة بتاعتها ازاى هاحضر معاهم ولا هاستنى شهر لحد لما يخلصو ؟ ومعلش سؤال تانى امتحان الاند روند بيبقى نظامه ايه ؟ يعنى MCQ ولا short note ولا اى حاجة
وبالنسبة للشفوى اخر السنة بيبقى لجنة واحدة ولا لجنتين ؟
وكان فى سؤال محيرنى ليه الطلبة كلهم بيشتكو من الصحة العامة مع ان من كلام حضرتك بيقول ان الكلام عادى مش صعب يعنى عايزة اعرف ايه وجه الصعوبة فيها ؟
وانا سمعت عن دكتور مصطفى عكر انه بيدى كورس فى الببلك هو كان بيدى السنة اللى فاتت ولا لأ ؟
اسفة للاطالة و مرة تانية جزاكى الله خيرا على المعلومات الفيمة ومتابعة مع حضرتك باذن الله و مستنيين باقى المواد ان شاء الله

[رنــــا]

جزانا واياكى خيرا

الكلام فعلا مفيد جدا بس انا برضه مش فاهمة تقسيمة الروندات يعنى مثلا لو انا بدات انف و اذن اللى المفروض انه شهر واحد و بعدين خلصته و طلع عندى بعده راوند رمد اللى مدته شهرين او صحة عامة اللى مدته شهر ونص يعنى المجموعة اللى قبلى لسه مخلصتش المدة بتاعتها ازاى هاحضر معاهم ولا هاستنى شهر لحد لما يخلصو ؟

اه ممكن تروحى على مجموعه وهى شغاله ياما بتاخدو فى اماكن تانيه او فى ميعاد تانى

يعنى احنا مجموعتنا كنا شغالين شرعى وجت علينا مجموعه 2 كانو بياخدو فى عكس مواعيدنا يعنى الاقسام بيظبطو مع بعض

غير كده فى مجموعات مبتكملش مده الراوند كله مره واحده يعنى مجموعه اربع تقريبا اخدت اسبوعيين صحه عامه وبعدين نقلت ماده تانيه اعتقد انف واذن وبعد كده رجعت تانى كملت باقى مده الصحه العامه

يعنى دى مبتبقاش مشكلتكم هم بيظبطو وانتو عليكم التنفيذ ^_^

ومعلش سؤال تانى امتحان الاند روند بيبقى نظامه ايه ؟ يعنى mcq ولا short note ولا اى حاجة

امتحان الاند راوند كان ام سى كيو وصح وغلط

وبالنسبة للشفوى اخر السنة بيبقى لجنة واحدة ولا لجنتين ؟

لجنتين

وكان فى سؤال محيرنى ليه الطلبة كلهم بيشتكو من الصحة العامة مع ان من كلام حضرتك بيقول ان الكلام عادى مش صعب يعنى عايزة اعرف ايه وجه الصعوبة فيها ؟

الشكوى بيتجى انها كبيره وبتدخل فى بعضها وعاوزة دش كتير وتحسى الكلام ملهوش معنى فبتبقى انتى زهقانه

بالاضافه ان الغالبيه بتركنها كلها لاخر السنه لان امتحان النظرى والشيت بيكونو قريبيين من بعض

وانا سمعت عن دكتور مصطفى عكر انه بيدى كورس فى الببلك هو كان بيدى السنة اللى فاتت ولا لأ ؟

ايوة كان بيدى وناس كتير كانت بتاخد عنده

[dr\emy]

جزاكى الله خيرا يا دكتورة رنا على التوضيح ولو ان النظام بتاع الروندات ده يعتبر تهريج رسمى 321":
بس باشكرك جدا وفى اتظار باقى المواد:barak:

[رنــــا]

ندخل على تانى ماده وهى الانف والاذن

الماده من 200

كتاب واحد

ومعظم الدفعه بتزاكر منه

والكورسات فيه قليله

مده الراوند شهر واحد بس وده بيتاخد فى العياده الشامله

اثناء الشهر ده الدكاتره بيشرحو النظرى كله لكن مش باستفاضه

عشان وقتها بتكونو بتاخدو محاضراتها فى مدرج التشريح اللى مدته نصف التيرم زى ما قلت قبل كده

بالاضافه يبقى فيه جدول بيقسم الراوند لمجموعات صغيره كل مجموعه ليها يوم تاخد فيه عملى زى شرح الـ ct وبعض صور للشرايح اللى بتيجى فى امتحان العملى

ويوم تانى تحضر عمليات فى مستشفى الداخلى

الراوند بيبدأ 9 ويخلص على 10.5 او 11 حسب الدكتور المحاضرات اغلبها مفيده جدا والدكاتره محترمين جدا وممتازين بردو

المحاضرات :

مفيده والدكاتره كويسين الا قله ودول بيبقو معروفين ان محدش بيحضرلهم والمحاضره ساعه
ومش عاوزة اعد الدكاتره الممتازين لانهم فعلا كتير جدا

الكورسات:

لا علم لى

لكن الاغلب بياخد عملى فى الاخر وخلاص

الامتحانات :

* امتحان اند راوند بعشر درجات وده هديه من القسم بيكون ام سى كيو وكيس سهله

* امتحان العشرين فى الميه على حسب التقسيمه اللى هتطلع فيها اما قبل نهايه التيرم الاول اوفى آخر شهر خمسه وده بيبقى نفس نظام الاند راوند بس على مستوى اعلى شويه وبيكون سهل بردو بحوالى 30 درجه

* امتحان اخر السنه من 100 درجه
الجميع فى السنوات اللى فاتت كانو بيشكروا فى امتحان الاى ان تى بس سنتنا الامتحان كان جاى محترم وعاوز تفكير كتير وخصوصا الكيس لانهم كانو اربع كيسات عاوزين الولعه يعنى عشرين درجه فى عداد الاموات بس الحمد لله ربنا ستر ونجحنا

* امتحان العملى وده بيكون عشرين اسلايد على الداتا شو بيمروا بزمن اقل من دقيقه تكتب كومنت عليها ب40 درجه

*امتحان الشفوى ممكن تكون لجنه واحد وممكن تكون لجنتين دى بالحظ والدكاتره بيكونوا متعاونيين

[ammona_mar3ey]

ربنا يكرمك يا د رنا على وقتك و معلوماتك , ربنا يسهل عليكى كل صعب , فعلا الوقت ف رمضان ضيق جدا , عشان كده اسفة ردى متأخر ,

واضح فعلا يا ايمان انه تهريج ملوش حدود ,

و واضح برده ان ا ent ماده ظريفة و ظروفها كويسة , ف المحاضرات و السكاشن اقصد الراوندات و بيقولو كمان كتابها حلو.

ربنا يسهل ف الرمد , أنا حاولت احمل اسطوانات د ياسر , بس حاجات كتير مش اشتغلت . لو حد يجيبلنا رابط فعال يبقى جزاه الله خير ,

و احنا متابعين معاكى يا درنا حسب وقتك و الله براحتك , و ربنا يعديها ع خير باذن الله.

[dr711]

بسم الله الرحمن الرحيم
كل سنة وانت طيب يا دكتور, كنت طلبت شرايط دكتور ياسر هتلاقيها موجودة على الرابط ده فمنتدى تانى حلو برضه زى كل الطب ولكن الشرايط مرفوعة على الرابد شير لكن فنفس المنتدى هتلاقى شرايط دكتور اسمه محمد الشيخ بيقوله انه التوب فالمنصورة ومرفوعة على المديا فير وصوتها حلو ممكن تستفيد منها

والسلام عليكم ورحمة الله وبركاته
رمضان كريم

[ammona_mar3ey]

جزاكم الله خيرا كثيرا ......
ربنا يسهل الواحد اصلا عمره ما سمع شرايط قبل كده , و مش عارفه همشى معاها و افهم و لا ايه , يعنى الموضوع غريب شويتين انى اذاكر ع الجهاز كده .

[dr\emy]

جزاكى الله خيرا يا دكتورة رنا على الرد واسفة انى اتاخرت فى الرد لان الوقت فى رمضان زى ما يمنى قالت ضيق جدااااااااااا واضح ان الانف و الاذن هتبقى اسهل مادة ربنا يسهل اصل احنا دفعة حظها نحس كل سنة يطلع لنا فيها عفريت :patch_rir:
منتظرين باقى المواد ومتابعة مع حضرتك ان شاء الله :barak:

[dr711]

بصى يا دكتورة الشرايط بتبقى مفيدة جدا وانا كنت بسمع شرايط دكتور هنداوى السنة اللى فاتت وفادتنى فى الباثو كتير جدا وانت حضرت محاضرات باثولوجى فى الكلية وشوفتى الدكاترة بيعملوا ايه بس هى المشكلة فحاجتين:
1.ركزى وانتى بتسمعى ومتعمليش حاجة تانية على الكمبيوتر.
2.متفتحيش كتاب القسم عشان تعرفى تفهمى المعلومة وخاصة ان كتب كليتنا سمك لبن تمر هندى بس بيقولوا ان الكتب هتتلغى خلاص.
المهم اعملى زى ما قلتلك وربنا يوفقك للخير ان شاء الله ورمضان كريم.

[ammona_mar3ey]

ربنا يكرمك يا د h 711 , انا فعلا مستغربة اقعد ازاى و اسمع ,
طيب اذا مكنتش هفتح كتاب القسم و انا بسمع , افتح ايه قدامى , خصوصا الرمد اللى الدكتر بيشرح على رسمة , و لا اسمع بس ؟

[dr711]

لا متستغربيش ولا حاجة انتى ممكن تعملى حاجتين:
1.تكتبى ورا الدكتور الكلام اللى بيقوله واللى انتى فهمتيه وراه.
2.شرايط سنة رابعة زى دكتور ياسر فى الرمد ودكتورة شيرين فالشرعى معاها مذكرات الدكاترة دول فتبصى فيها فكانك تبقى قعدة جوا الحصة لايف بالظبط .
وفى الاخر افتحى كتاب القسم وبصى فيه هتلاقى نفسك مية مية.
أتمنى كدة اكون ريحتك

[pinkbutterfly]

شكرا يا جماعة على المعلومات القيمة
بس هو إيه حكاية إن الكتب هتتلغي دي؟؟؟؟؟؟؟؟؟؟؟؟؟؟؟؟؟

[ammona_mar3ey]

شكرا يا د h711 على سرعة الرد و المتابعة , ربنا يسهل ان شاء الله علينا و عليكم ,
بخصوص مذكرات د ياسر ده متوفرة فين ؟

و ربنا يطمن حضرتك , احنا كنا بنفكر انا و صحابى ناخد كورس فيها , بس تقريبا كده السيدى احسن كتير , اسمعه ف الوقت اللى يناسبنى من غير حر و قرف و استغلال الناس بتوع الكورس.

[dr711]

http://www.alltebfamily.com/vb/t25265.html
دى مذكرة المراجعة من على الموقع هنا ودورى فبقيت المواضيع الموجودة فالمنتدى وحضرتك هتلاقيها هتلاقى المذكرات ان شاء الله
أما بالنسبة للدكتورة اللى بتسأل عن الغاء الكتب فالوزير لغى الكتب وقال ان طلبة الجامعات تعتمد على المراجع وابحثى على النت هتلاقى الكلام ده

[ammona_mar3ey]

شكرااااااااااااااااااا

[اميـ الاحلام ـرة]

بجد جزاكم الله كل خير على المعلومات الجميلة ده

وأيضا فى الرمد د/ محمد عبد الحليم شرحه رائع والصوت كويس
وأنا سمعت انه شغال كورسات فى طنطا
وسمعانك للشرايط افضل من الذهاب للكورس

طيب بالنسبه للصحة العامة ::
ايه أفضل شرايط او مصدر يلم المنهج كويس؟؟

وربنا يوفقنا جميعا
وكل عام وانتم بخير
ورمضان كريم

[dr711]

بسم الله الرحمن الرحيم
اولا: بانسبة لشرايط دكتور عبد الحليم فهى فعلا حلوة ودا لينك فيه ملف تكست فيه الشرايط بروابط مباشرة من موقع طبى اخر لو حد عاوز يحملها
http://www.mediafire.com/?429p46qq0t9cejp
ثانيا:بالنسبة للصحة العامة فى شاريط دكاترة كتير وانا معرفش مين الاحسن لانى فنفس دفعتكم بس كل دكتور فى ناس بتقول عليه كويس وهم:
1. د / عمارة.
2. د / أحمد عطية.
3. د / أحمد سعد.
4. د / أشرف.
5. د / سيد العقدة.
6. د / سحر & د / أميمة.
والشرايط دى كلها على المنتدى هنا فقسم الصحة العامة وطبعا فى ناس بتقصر وبتروح تاخد كورس عند د / مصطفى عكر خاصة ان المادة دى بيقولوا انها غبية جدا.
ربنا يوفقكم

[اميـ الاحلام ـرة]

الف شكرdr711
وايضا شكرا لانك عرفتنى بموقع أطباء العرب
لانه يحتوى على ماده علمية جميلة

والله الموفق

[dr711]

لا شكر على واجب يا دكتورة ربنا معانا كلنا فسنة رابعة

[dr711]

بالنسبة للدكتورة اللى كنت عاوزة كتاب الدكتور ياسر دا الرابط اللى عليه الكتاب كله فكل فروع الرمد:
http://rs97.rapidshare.com/files/263952684/dr.yasser.book.rar
ربنا يوفقك للخير ورمضان كريم

[pinkbutterfly]

الرابط مش شغال ياريت لو رابط على الميديا فير

[dr711]

والله انا دورت والرابط اللى لاقيته كان على منتدى تانى غير كل الطب ولاقيت الكتاب مرفوع على الرابد شير والرابط شغال جربى كدة تحمليه من الرابط ده:
http://rapidshare.com/files/263952684/dr.yasser.book.rar

[2heba]

والله انا دورت والرابط اللى لاقيته كان على منتدى تانى غير كل الطب ولاقيت الكتاب مرفوع على الرابد شير والرابط شغال جربى كدة تحمليه من الرابط ده:
http://rapidshare.com/files/263952684/dr.yasser.book.rar


الرابط شغال فعلا بس ممكن يكون فى مشكلة مع الدكتورة فى الرابيد شير

ده لينك على المديافير


http://www.mediafire.com/?5dnea262yuvapor

ولو ممكن حضرتك يا دكتور dr 711
تعمل توبيك للكتاب هنا فى المنتدى عشان يفيد الناس

[dr711]

ماشي حاضر هعمل توبيك والله الموفق

[dr711]

خبر الغاء الكتب اهو من موقع اخبارى عشان كان فيه دكتورة بتسال بس الله اعلم هيطبق ولا ايه:
http://www.youm7.com/News.asp?NewsID=264354

[dr\emy]

ايه يا جماعة امال فين باقى المواد ؟؟؟؟؟؟؟؟؟؟؟؟؟؟؟؟؟؟؟؟ عايزين نعرف معلومات اكتر عن الرمد و الشرعى وموضوع الكتاب ده هنعمل فيه ايه !!!!!!!!!!!

[اميـ الاحلام ـرة]

هل فعلا الغاء الكتب هيطبق على كل الجامعات و حتى الكليات العلمية ؟؟ وهيطبق علينا السنه دى ؟؟

طيب صدر اى شئ من جامعتنا الموقرة بتطبيق هذا القرار ام لا؟؟

[اميـ الاحلام ـرة]

والله الواحد مش عارف الغاء الكتاب وانهم يلزموك بكتاب معين ده ميزة أم عيب ؟؟؟

فعلا مفيد اذا انت بحثت فى المعلومة ودورت وفهمت لكن المشكله الكلام كتير اذا حاولت تبحث عن موضوع معين مش هتخلص ومش هتعرف ايه اللى يخصك فى هذة المرحلة ..... وفيه وقت وفيه امتحانات

فنرجع تانى ونقول ياريت يحدودا المواضيع وايه النقط اللى تخصك فى كل موضوع وملزم بيه لكن لا يلزمونا بكتاب قسم
مثلا فى الرمد الدفعة اللى فى خامسة دلوقتى لم يكن هناك كتاب قسم وكانوا بيجيبوا مذاكرات وكل طالب مع نفسه وممكن دكتور يقول معلومة ممكن زميله لا يخبرها لرواند اخر وهنا تقع المشكلة (ذا جاءت فى امتحان)

انا شفت كتاب اللى نزلوه السنه الماضية كتاب بسم الله ماشاء الله ....فعلا موصوف لطب طنطا
الصفحة متروسة والخط صغير كأنه منقول من مرجع ومعمول copy & paste

والله الواحد مش عارف ..... فاحنا نصبر ونشوف ايه اللى يحصل

وان شاء الله خير وربنا يوفقنا

[رنــــا]

انا شفت كتاب اللى نزلوه السنه الماضية كتاب بسم الله ماشاء الله ....فعلا موصوف لطب طنطا
الصفحة متروسة والخط صغير كأنه منقول من مرجع ومعمول copy & paste

بالعكس الكتاب مش بالبشاعه دى اينعم الخط صغير اوى اوى ومتروس زى ما حضرتك قلت

لكن على الاقل هتببقى مطمن وانت بتزاكر ان مفيش كلمه فى الامتحان هتطلع من الكتاب غير انه يحوى الماده العلميه المطلوب مزاكرتها ومتحسش فى النهايه ان مجهود مزاكرتك راح بسبب سؤال مكنش فى الكتاب اللى بتزاكر منه

كتاب الرمد فى الحجم نصف او اقل من نصف كتاب دكتور عبد الحليم _واكيد الحجم بيلعب دور اثناء مزاكرتنا _

هو فيه شباتر مش منظمه اوى ومش مفهومه لكن ممكن تظبطها مع نفسك بمجهود شويه


رجاء : ياريت محدش يحط لينكات لمنتديات تانيه او الاشاره كتابه اليها

ولو فيه ماده علميه كمحاضرات او دروس مفيده ننقل لينك التحميل بس ونكتب منقول لاغير احتراما لقوانين المنتدى

[رنــــا]

الرمد

ماده من 250

مدتها شهرين ونصف

بتتاخد فى العياده الشامله والداخلى

الراوند بيتقسم الى تلت اقسام

قسم anterior ده فى الداخلى

وقسم posterior وقسم extraocular ودول فى الشامله

كل ماتخلص واحده تنقل على اللى بعده وهكذا

والرواند بيبدأ الساعه 9 صباحا بتسلم ما يعرف بلوج الغياب للسكرتيره ونتنظر حضور الدكتور فى الغالب الرواند بيخلص على 12

المحاضرات :

من اروع ما يمكن دكاتره لذاذ جدا وممتازين واكيد معظم اللى لابسين نظارات يعرفوهم

الدكاتره شرحهم كويس يغنى عن اى كورس الا اقل القليل ودول يتعدو على الاصبع

العملى :

ده الراوند بيتقسم عشره عشره كل عشره ليهم يوم بياخدو حاله بيناقشو عليها الشيت قدام الراوند

يعنى تروحو للنائب يديكو حاله ويقولكم عندها مثلا مياه بيضا وانتم تكملو فحص على الحاله والدكتور اللى هيدى المحاضره او نائب هيناقش معاكم التفاصيل اللى شوفتوها عليها ويسال كام سؤال

والعشره دول برضو بيبقى ليهم يوم ياخدو فيها اجهزة وآلات ودى بيتبدأ الساعه 8.5 صباحا

الكورسات :

اغلب الطلبه كانو بياخدوا كورسات

الامتحانات :

*بيتعمل بحث على ورق وباوربوينت وده عليه عشرين درجه والدكتور اما بيناقشك فى البحث او يسال فى النظرى على حسب الدكتور

*اند راوند وعشرين فى الميه جمله على الكتاب كله بعد انتهاء مده الراوند وكان على ايامنا امتحان محترم بس خلاص رئيس القسم اتغير ام سى كيو وكيس

*امتحان العملى بيكون من 40 درجه هديه القسم بيوزع سى دى عليها صور العملى الامتحان مبيخرجش منها بيجى منها 20 شريحه الشريحه بدرجتين

* اخر العام ب 150 درجه اسئله طويله وكيس

* الشفوى لجنه واحده بتتسال على حاله تعمل عليها test ب 10 درجات + الدكتور يعصرك فى النظرى

اللى له اى سؤال يتفضل

[Dr.A7med M Z]

الرمد

ماده من 300





هو مش كان ب 250 ؟؟؟

مش السنه كلها من 950 ؟؟؟ ولا في حاجه اتغيرت؟؟

[dr\emy]

هو مين بقى رئيس قسم الرمد دلوقتى ؟

[رنــــا]

هو مش كان ب 250 ؟؟؟

مش السنه كلها من 950 ؟؟؟ ولا في حاجه اتغيرت؟؟

اه الرمد من 250 مفيش حاجه اتغيرت

بس معذرة سهو علي

هو مين بقى رئيس قسم الرمد دلوقتى ؟

يُقال انه دكتور منير خليفه

[2heba]

جزاكم الله خيرا د رنا

[مشواري طويل]

شكرا د.رنــــــــــا

:la7aramak:

[dr\emy]

ياريت يادكتورة رنا انا كنت عايزة اعرف نظام روند الرمد بيمشى ازاى؟؟؟؟؟؟؟؟
:barak:

[همســــــــــــة امل]

انا مقرتش شئ فى الموضوع غير مدحك يا رنا فى قسم الرمد وكتاب الرمد



لا تعليق

اللهم انى صائمة

عشان لو علقت هاخرج من كل شعوراتى

[رنــــا]

جزانا واياكم خيرا

ياريت يادكتورة رنا انا كنت عايزة اعرف نظام روند الرمد بيمشى ازاى؟؟؟؟؟؟؟؟

مش فاهمه عاوزة نظام الشرح ولا نظام الحضور ولا ايه ؟

[dr\emy]

لأ نظام الشرح يعنى مين اللى هيدخل معيد ولا دكتور كبير وهيشرح كلام نظرى ولا هيورينا حالات واحنا المفروض نجيب حالات قبل الروند ولا مش لازم يعنى باختصار عايزة اعرف ايه اللى المفروض يتعمل فى الروند من ساعة ما نوصل الصبح لغاية لما نروح الظهر

[همســــــــــــة امل]

لأ نظام الشرح يعنى مين اللى هيدخل معيد ولا دكتور كبير وهيشرح كلام نظرى ولا هيورينا حالات واحنا المفروض نجيب حالات قبل الروند ولا مش لازم يعنى باختصار عايزة اعرف ايه اللى المفروض يتعمل فى الروند من ساعة ما نوصل الصبح لغاية لما نروح الظهر

هساعد شوية بالنيابة عن رنا عشان تعبت

اللى بيدخل دكتور كبير وعلى حسب ناس بتجى 9 وناس بتجى 10
مفيش معيد بيشرح الا لو كان الدكتور غايب بيدخل يدى حالات

الشرح نظرى للموضوع
وفى اخر نص ساعه بيسيبكوا تقدموا الحاله ويصحح الاخطاء

ليكى على مدار الراوند تقريبا فى حدود 3 حالات
وبتبقوا جروب
يا اما واحد بيتطوع ويناقش مع الدكتور
ياما كل واحد بيناقش جزء على حسب رغبة الدكتور

هو كفاية واحد بس ياخد الهيستورى من الحاله ويقولكم عنده ايه قبل الراوند والباقى كلام متسكم
الموضوع مش متعب خالص

[مشواري طويل]

سؤال :

هيبقى في direct contact مع الدكاترة ؟؟

أو هنضطر لكده؟

أصلي عمري ماكان ليا كلام مع اي دكتور أو معيد

اللهم احفظنا يعني ، لاأحب أسألهم ولا يسألوني ^_____^

[همســــــــــــة امل]

سؤال :

هيبقى في direct contact مع الدكاترة ؟؟

أو هنضطر لكده؟

أصلي عمري ماكان ليا كلام مع اي دكتور أو معيد

اللهم احفظنا يعني ، لاأحب أسألهم ولا يسألوني ^_____^

ايه جو الرعب دا

دا كلام فاضى اصلا

وانا عن نفسى ماخدتش ولا حالة خالص

[dr\emy]

هساعد شوية بالنيابة عن رنا عشان تعبت

اللى بيدخل دكتور كبير وعلى حسب ناس بتجى 9 وناس بتجى 10
مفيش معيد بيشرح الا لو كان الدكتور غايب بيدخل يدى حالات

الشرح نظرى للموضوع
وفى اخر نص ساعه بيسيبكوا تقدموا الحاله ويصحح الاخطاء

ليكى على مدار الراوند تقريبا فى حدود 3 حالات
وبتبقوا جروب
يا اما واحد بيتطوع ويناقش مع الدكتور
ياما كل واحد بيناقش جزء على حسب رغبة الدكتور

هو كفاية واحد بس ياخد الهيستورى من الحاله ويقولكم عنده ايه قبل الراوند والباقى كلام متسكم
الموضوع مش متعب خالص

اولا انا باشكر حضرتك جدا يا دكتورة همسة على الرد وانا عارفة انى تعبت دكتورة رنا معايا بس معلش من العشم برضه :faces705:
بس فكرة ان احنا نحضر الحالات و نناقشها دى فكرة جميلة جدااااااا الواحد ساعتها يحس انه دكتور بجد بس خسارة انى ماليش اكتر من 3 حالات بس هو مينفعش ازود عن كده ؟
وبعدين بايخة اوى ان الشرح فى الروند يبقى كله نظرى بس يفرق ايه عن المحاضرة ؟؟؟؟ انا باحب اشتغل عملى كتيييييير انا عارفة انى حامية شوية بس انا بلاقى نفسى لما باشوف حالة و اتعامل معاها 022":
مرة تانية باشكر حضرتك جدااااا و فى انتظار ردود حضرتك :barak:

[همســــــــــــة امل]

اولا انا باشكر حضرتك جدا يا دكتورة همسة على الرد وانا عارفة انى تعبت دكتورة رنا معايا بس معلش من العشم برضه :faces705:
بس فكرة ان احنا نحضر الحالات و نناقشها دى فكرة جميلة جدااااااا الواحد ساعتها يحس انه دكتور بجد بس خسارة انى ماليش اكتر من 3 حالات بس هو مينفعش ازود عن كده ؟
وبعدين بايخة اوى ان الشرح فى الروند يبقى كله نظرى بس يفرق ايه عن المحاضرة ؟؟؟؟ انا باحب اشتغل عملى كتيييييير انا عارفة انى حامية شوية بس انا بلاقى نفسى لما باشوف حالة و اتعامل معاها 022":
مرة تانية باشكر حضرتك جدااااا و فى انتظار ردود حضرتك :barak:

ولا يهمك يا حبيبتى

فكرة الحالات مش مجدية قوى لانك بتكشفى بالتورش ومبيوريش حاجة فى الغالب
بتعرفى عنده ايه من االنايب

شرح الراوند نظرى لان مفيش محاضرات

الراوندات والمحاضرات حاجة واحدة

[dr\emy]

ولا يهمك يا حبيبتى

فكرة الحالات مش مجدية قوى لانك بتكشفى بالتورش ومبيوريش حاجة فى الغالب
بتعرفى عنده ايه من االنايب

شرح الراوند نظرى لان مفيش محاضرات

الراوندات والمحاضرات حاجة واحدة

اولا جزاكى الله خيرا يا دكتورة همسة على الرد السريع ، انا عارفة ان النظام بتاعكو كان فعلا مافيهوش محاضرات للرمد بس انا كان عندى الجدول بتاع السنة اللى قبل اللى فاتت يعنى على النظام القديم ولقيت فيه محاضرات للرمد غير الروندات هل برضه كان الشرح فى الروند بيبقى نظرى ؟؟؟
و معلش هتقل عليكى شوية هو نظام الروند بتاع الانف و الاذن زى بتاع الرمد ولا مختلف ؟؟؟
:la7aramak:

[رنــــا]

هو نظام الروند بتاع الانف و الاذن زى بتاع الرمد ولا مختلف ؟؟؟

الانف والاذن المحاضرات بتبقى شغاله طول التيرم سواء كنتى شغاله الراوند بتاعه او لا
واما تاخدى الراوند بيدوكى جزء نظرى وجزء عملى

لكن الرمد المحاضرات شغاله فتره الراوند وبس يعنى يعتبر النظرى هوه اساس الراوند

[مشواري طويل]

سؤال عام :
تالتة ولا رابعة ؟ ( بعد حسابها من جميع النواحي )

أصلي معرفش ايه اللى حصل كنت متفائلة ، والتفاؤل بيتضاءل شوية شوية
معرفش رايح على فين

وبعدين موضوع الكتاب ده ايه اخباره ، انا عايزة كتاب ، لازم تجيبولي كتاب
أنا لسه هدوّر على المعلومات

[dr\emy]

سؤال عام :
تالتة ولا رابعة ؟ ( بعد حسابها من جميع النواحي )

أصلي معرفش ايه اللى حصل كنت متفائلة ، والتفاؤل بيتضاءل شوية شوية
معرفش رايح على فين

وبعدين موضوع الكتاب ده ايه اخباره ، انا عايزة كتاب ، لازم تجيبولي كتاب
أنا لسه هدوّر على المعلومات

انا مش فاهمة قصدك ياسارة انت قصدك يعنى مين اسهل ؟؟؟؟؟
وبعين ليه التفاؤل بتاعك بيتضاءل ده الحاجة الوحيدة اللى فاضلة واللى مصبرانا على الكلية الغبية دى هو التفاؤل
وبعدين يابنتى ده المتفائلين بيشجعو واحنا معاهم هههههههههههههههه ولو بطلنا نتفائل نموت :patch_rir:
وماتزعليش قوى على موضوع الكتاب هاتيه من اى حد اكبر منك مش صعبة يعنى
لكن اوعى تنكدى على نفسك ياستى كله يغور فى داهية المهم الصحة ( انا عارفة انها بقت فى النازل بس مافيش داعى تنزل اكتر من كده )

[2heba]

سؤال عام :
تالتة ولا رابعة ؟ ( بعد حسابها من جميع النواحي )
خامسة ^__*

أصلي معرفش ايه اللى حصل كنت متفائلة ، والتفاؤل بيتضاءل شوية شوية
معرفش رايح على فين

كله الا التفاؤل

اانا حاسه المواضيع هتبقى كويسة ان شاء الله لا تقلقى

[Fares Al Muslm]

سؤال عام :
تالتة ولا رابعة ؟ ( بعد حسابها من جميع النواحي )
التقديرات تقول أيهما أسهل .. و التقديرات مبتكذبش :)

لو بصينا على تقديرات سنة تالتة أعتقد أن نسبة المقبول فيها عالية جدا

و لو بصينا على تقديرات رابعة .. حنلاقي نسبة الجيد جدا ( فما فوق ) أعلى من الجيد والمقبول ..

كدة الأمر شبه محسوم ( من وجهة نظري ) ..

[مشواري طويل]

انا مش فاهمة قصدك ياسارة انت قصدك يعنى مين اسهل ؟؟؟؟؟


مش أسهل وبس ، يعني مين احسن في الفهم والاستفادة والقدرة على حفظ المعلومة لأطول فترة ممكنة ، والنتيييجة في الاخر


كله الا التفاؤل

اانا حاسه المواضيع هتبقى كويسة ان شاء الله لا تقلقى


على ضمانتك يعني ياهبة ولا ايه ؟؟

التقديرات تقول أيهما أسهل .. و التقديرات مبتكذبش :)

لو بصينا على تقديرات سنة تالتة أعتقد أن نسبة المقبول فيها عالية جدا

و لو بصينا على تقديرات رابعة .. حنلاقي نسبة الجيد جدا ( فما فوق ) أعلى من الجيد والمقبول ..

كدة الأمر شبه محسوم ( من وجهة نظري ) ..

فكرتني والله ،، السنة اللى فاتت كانت الناس بتقول :

" سنة تالتة أصعب سنة ، لكن التقديرات فيها مع ذلك بتكون عالية "

مش متذكرة مين بصراحة اللى قال " الحكمة " دي ، وحظه حلو انى مش فاكراه

معرفش محستش أي حاجة منها السنة اللى فاتت للاسف

بس زي ماحضرتك قولت ،، المؤشرات والدلائل ، بتقول ان رابعة غالبا هتكون أحسن

هذا ماأتمناه ، واللى حاطّة كل أملي عليه عشان أعوّض " خيبة سنة تالتة " ^____^

[همســــــــــــة امل]

رابعة فعلا اسهل

بس مزنوقة جداااااااا جداااااا
والوقت فى كل مادة قليل عليها قوى

الفهم اسهل بكتير طبعا من الفارما والباثولوجى
ممكن تقروا الكلام لوحدكم وتفهموه تماما فىحاجات كتير بس المواد كبيرة جدا

اما الاستفادة بقى زى ما دخلتوها زى ما هتخرجوا منها بالظبط

[Fares Al Muslm]

اما الاستفادة بقى زى ما دخلتوها زى ما هتخرجوا منها بالظبط

مهيا كل سنة بندخلها حنخرج منها زي ما دخلناها بالظبط :)

مفرقتش كتير

إبتسم

أنت في مصر

[ammona_mar3ey]

أنا اسفة انى مكنتش متابعة اليومين اللى فاتو .
كل سنة و انتم طيبين , رمضان خلاص بيودعنا , ربنا يكرمنا فيه بالقبول .

و بشكر د رنا و د همسة ع المتابعة الجميلة و المعلومات و كده , بس فيه مشكله هبلة كده ,,,,,,
كل اما اجى اقرا حاجة بتكتبوها عن مادة اقعد اركز عشان افتكر , و ادخل ع المادة التانية كله بيدخل ف بعضه , يعنى لو حد سألنى ايه نظام رابعة مش هفيده بحاجة هقوله ادخل هنا . هههههههههه

و المهم انى مكسلة حتى اقوم اجيب ورقة و قلم اسجل النقط المهمة .

شوفتو تالتة عملت فينا اييييييييييييييييه ؟

[dr\emy]

سؤال يا جماعة لو سمحتو هى الدراسة هتبدأ امتى بالظبط؟ ياريت لو حد يعرف يرد
اصل انا كنت فاكرة ان البداية 18/9
بس لقيت فى جدول عين شمس ان البداية 25/9
هو مش كلنا بندخل مع بعض ولا ايه ؟

[رنــــا]

اللى اعرفه ان البدايه ان شاء الله 18 - 9 للكل ونزل كده على مصراوى

[dr\emy]

جزاكى الله خيرا يا دكتورة رنا بس انا عايزاكى تشوفى جدول عين شمس على المنتدى بتاعهم
:barak:

[dr\emy]

يا دكاترة هو الجدول بتاعنا نزل ولا لسه ؟؟؟؟؟؟
جدول سنة تالتة وخامسة نزل
حد يعرف حاجة عن بتاعنا
:5831.imgcache::5831.imgcache::5831.imgcache:

[Fares Al Muslm]

أخر اخبار وصلتني انه لسة و الله المستعان

عموما لما ينزل جروب الدفعة حيصوروه و حنحطه هنا بإذن الله

[dr\emy]

يا دكاترة الجدول بتاعنا نزل وانا شفته بنفسى و نقلته البداية 2/ 10 والتاخير لسنة رابعة بس كل الفرق هتبدأ السبت الجاى ما عدا احنا
التقسيمة 4 روندات بس مش زى السنة اللى فاتت
روند 1 هيبدا رمد
روند 2 هيبدا صحة عامة
روند 3 هيبدا شرعى
روند 4 هيبدا انف و اذن
مفيش محاضرات لانها هتبقى مع الروندات وبالتالى مش هنروح المدرج
المحاضرة هتبقى فى مدرجات الاقسام للمجموعات بس
فى نهاية كل روند فى امتحان اند روند وامتحان اعمال سنة لكل الاقسام ماعدا الصحة العامة
كل مادة شهر ونص
فى اخر اسبوعين فى السنة فى حاجة اسمها رمد مكثف ( معرفش يعنى ايه )
انا اسفة انى مش عارفة ارفع الجدول بس لوحد عارف ياريت يرفعه
:wfk:

[ابنة الاسلام]

جزاكى الله خيرا يا دكتورة ايمى

بس ايه حكاية 2-10 دى وايه السبب يعنى واشمعنى احنا بس يالا كل تاخيره وفيها خيرة

[dr\emy]

بصى يا دكتورة انا كنت فاتحة الفيس دلوقتى وفى اخبار جديدة بخصوص المحاضرات لانهم كاتبين انهم سالو وكيل الكلية وبيقول ان المحاضرات هى اللى احتمال تبدا السبت الجاى والروندات هى اللى 2/10 بس انا مش مقتنعة بالكلام ده لان الجدول متصور ومكتوب تحته ان المحاضرات هتبقى فى الاقسام لمجموعات التدريب الاكلينيكى فقط يعنى معنى كده ان المحاضرات مع الروندات

[dr\emy]

يا دكاترة بالنسبة للناس اللى هتبدا رمد مالهاش محاضرات يوم السبت لان محاضرات الرمد هتبدا مع الروند
بالنسبة للناس اللى هتبدا شرعى لسه مفيش حاجة عن محاضراته
الناس اللى هتبدا ببلك بيقولو ان رئيس القسم قال ان فى محاضرة الاسبوع الجاى بس لسه ماتحددش معادها
الناس اللى هتبدا انف واذن لسه ماتحددش نظام محاضراتها هيبقى ازاى بس بيقولو ان رئيس القسم قال ان فى 4 محاضرات اسبوعيا ابتدا من الاسبوع الجاى بس برضه لسه ماتحددش معادها
بالنسبة للتقسيم لسه ماتحددش لسه على بكرة او بعده
( منقول )

[Fares Al Muslm]

مش حنفهم إلا لما نروح الكلية السبت الجاي

يا خوفي لحسن منفهمش برضه !!

[ابنة الاسلام]

بسم الله الرحمن الرحيم

أولا الأخبار من الأقسام

بالنسبة لقسم الرمد ، سكرتيرة القسم تؤكد إن بداية الدراسة في شهر 10 بالنسبة للقسم ومفيش محاضرات غير مع الراوندات

بالنسبة لقسم البابليك ، ما كانش في حد غير السكرتيرة وبتقول ان مفيش محاضرات الأسبوع القادم بس كلامها مش أكيد ، وكانت الدكتور جمالات قالت لنا من يومين إنه هيكون في محاضرة للطلبة الأسبوع الجاي كنوع من التعارف
هيحاضر فيها رئيس القسم دكتور سيد القفص وهتكون يوم الأحد غالبا ً ـ


بالنسبة لقسم الشرعي ، سألنا الدكتورة نيفين رئيسة القسم قالتلنا إن المحاضرات في القسم هتبدأ برضه مع الراوندات وإن هيشوفلنا يوم فاضي يعمله فيه برضه محاضرة للتعارف مع القسم والمادة الأسبوع الجاي


أخيرا قسم الأنف والأذن كل المعلومات اللي قالتها لنا السكرتيرة إن هيبقى في محاضرة يوم الأحد في مدرج التشريح


-----------------------------------


تقسيمة الدفعة

احنا جبنا التقسيمة من الكشف الرسمي اللي نزل في قسم الرمد اللي جالهم من شؤون الطلبة ، واللي رفضوا في شؤون الطلبة يخلونا نطلع عليها بحجة إنه لسة ما خلصش
!!


راوند واحد
من رقم 1- 220


راوند اثنين
من رقم 221 - 441


راوند ثلاثة
من رقم 442 - 661


راوند أربعة
من رقم 662 إلى 883 نهاية الكشف

وعشان الناس ماتعرفش أرقماهم الجديد هنكتبلك أرقام أطراف الكشف بتاع السنة دي مقارنة بالسنة اللي فاتت

رقم 221 كان السنة اللي فاتت رقم 220
رقم 442 كان السنة اللي فاتت رقم 441
رقم 662 كان السنة اللي فاتت رقم 666

معلش على اللخبطة بس علشان محدش يتضايق لو كتبنا اسمه قدام الناس
ولو حد اتلخبط يبعتلنا وهقوله هو في مجموعة كام بإذن الله


----------------------------------


في النهاية يا ريت كلنا نروح يوم السبت كل واحد يروح القسم بتاعه علشان يتأكد ويشوف ايه اللي هيعمله في الفترة الجاية لحد بداية الراوندات

أماكن الأقسام

الرمد : مستشفى الرمد أمام مركز مبارك الجامعي الدور الثالث
البابليك : مبنى الكلية الدور الرابع
الشرعي : مبنى الكلية الدور السادس
الأنف والأذن : مستشفى الرمد الدور الثاني



بالتوفيق للجميع
،،،منقول من الجروب للامانه لتعم الفائده ........واسال الله العظيم ان يبارك فى الدكاترة اللى تعبوا وراحوا الكلية وجابوا المعلومات دى وجزاهم الله خيرا

[NAHLA2010]

بارك الله فيكى يا دكتورة وشكرا للافادة

[2heba]

شكرا يا ابنه الاسلام

[y.a]

:barak::faces705:

[ابنة الاسلام]

:alganna:جزانا واياكم يا دكاترة