شارك .. كيف ندعم الفرقة الثالثة لطب طنطا ؟!

[Fares Al Muslm]

السلام عليكم ورحمة الله وبركاته

حيا الله الشباب الطيب و البنات الفضليات

الموضوع في دماغي من فترة .. لكن لظروف الإمتحانات و التعب أجلت الكلام فيه و دلوقتي جه وقته :)

بارك الله في الجميع أنا عايز من كل شاب و كل أخت من سنة تالتة .. يدخلوا الموضوع دا

يقولوا نصيحة للدفعة الجديدة

لو عندهم فكرة معينة إزاي ندعم الطلبة الجداد في السنة من الناحية العلمية يقولوها و نتشارك بالأفكار عشان نسهل عليهم السنة بقدر الإمكان

أأبدأ بالنصيحة ..

لا تثق في كلام رؤساء الأقسام في مسألة الإمتحانات .. لإن دفعتنا انضربت كتير في المواد السنة اللي فاتت خصوصا الفارما و الباثو و الله المستعان

و عندي فكرة بسيطة مش عارف حتشاركوني فيها و لا لأة

عشان نسهل على الأحبة الأفاضل اللي داخلين السنة من ناحية العملي لإن العملي متعب من ناحية تجميع المصادر لمذاكرته

بفكر دلوقتي نجمع الروابط الخاصة بالعملي و المذكرات اللي نزلت على الإنترنت و ننشط الروابط اللي اتعطلت تاني عشان نوفر الوقت و المجهود على الشباب

و فيه فكرة تانية بس مش عارف موقفكم منها إيه ..

بعض الناس مش عندها إنترنت .. فبفكر أننا نعمل كام اسطوانة ننسخ عليها العملي و اللي عايز يطلبها من الدفعة الجديدة ندهاله

مع مراعاة عدم الإختلاط في المسألة للدواعي الشرعية و التعاون يكون على الإنترنت فقط

منتظر مساهماتكم في الموضوع يرعاكم الرحمن بفضله ..

و متضيعوش الفرصة .. دا ثواب بحق دفعة كاملة مش حياخد مجهود بإذن الله :)

[مشواري طويل]

وعليكم السلام ورحمة الله

بالنسبة للآراء فالموضوع ده أعتقد ممكن يفيد اي حد عن سنة تالتة

((((((((((((((((((طلب النصيحه قبل الفضيحه)))))))))))))))))))))) (http://www.alltebfamily.com/vb/t29238.html)

طلبها أحد الطلبة المنتقلين للفرقة الثالثة ، وقدّم كل منا نصيحته على قدر استطاعته

أما عن المادة العلمية ، أنا احتفظت بكل المعلومات والمصادر اللى كنت بذاكر منها

في ملف عندي عالجهاز ، حجمه 3 جيجا ^__^

وأعتقد ان جميع الراوبط بحاجة الى التفعيل ، عشان تواصل سنة كمان مع الفرقة الجديدة

ان شاء الله هبدأ بالعملي النهارده وهرفعه على موقع 2shared او mediafire

والعملي بالذات محتاج لرفع ، لأن الصور معظمها متجمع ومن اكتر من مصدر

فابدل ماهقعد أدوّر هرفعهم وخلاص

هذا ماأستطيع فعله الان

جزاكم الله خيرا على هذه المبادرة الطيبة

[Fares Al Muslm]

بارك الله فيكم يا دكتورة مجهود موفق بإذن الله

لكن بالنسبة للنصيحة أردتها خاصة بطب ( طنطا )

حضرتك عارفة أنه مختلف عن الباقي

و النصائح اللي اردتها خاصة بالمحاضرات .. الدكاترة اللي يحضرلهم الطلبة و الدكاترة اللي مش يحضرولهم

إزاي يتعاملوا مع الدكاترة و يا حبذا لو وضعنا اسم دكتور عصبي مثلا و نقول ايه اسلم حل لإجتناب عصبيته

دا اللي قصدته

و بالنسبة للمصادر فجزاكم الرحمن خيرا كدة حضرتك حتتعبي كتير .. ربنا يجعله في ميزان حسناتك بإذن الله

و مازلت منتظر كتير من المشاركات اللي ممكن تفيد الشباب اللي داخل سنة تالتة بإذن الله :)

[dr711]

بسم الله الرحمن الرحيم
السلام عليكم يا دكتور, أنا كنت عاوز أفهم حضرتك عاوز ايه بالظبط عشان نحاول نساعدك , حضرتك كاتب الدكاترة والمحاضرات ودا ناقشناه فأكثر من موضوع فالمنتدى ومنهم (طلب النصيحة قبل الفضيحة) اللى قالتلك عليه دكتورة سارة وبالنسبة للمادة العلمية من شرايط وكورسات وصور موجودة هنا على المنتدى تبقى فين المشكلة؟؟؟؟
وأرجوك افهم كلامى على أنه أستفسار وليس استنكار فالهدف هو ثواب الله فى النهاية
والسلام عليكم ورحمة الله وبركاته

[Fares Al Muslm]

, حضرتك كاتب الدكاترة والمحاضرات ودا ناقشناه فأكثر من موضوع فالمنتدى ومنهم (طلب النصيحة قبل الفضيحة) اللى قالتلك عليه دكتورة سار

إعتذار للدكتورة سارة و إعتذار لك أخي الكريم

كنت مفكر الموضوع في قسم سنة تالتة ( مش في قسم طب طنطا ) لما فتحته عشان كنت مستعجل و أول مرة أخد بالي منه و الله
بارك الله فيك

وبالنسبة للمادة العلمية من شرايط وكورسات وصور موجودة هنا على المنتدى تبقى فين المشكلة؟؟؟؟

المادة العلمية مشكلتها في التوصيل

ناس كتيرة جدا من الدفعة الجديدة ( سنة تالتة ) متعرفش المنتدى .. و ناس أكتر النت عندهم مش موجود و بتعاني

فبالنسبة للمادة العلمية عايزين بعض التنظيم .. خصوصا في العملي اللي اتحط قبل كدة على جروب الدفعة و للأسف روابط كتيرة منه منتهية الصلاحية

فلو نعرف نجمع العملي دا و نرفعه تاني بس بطريقة منظمة لإن السنة اللي فاتت كان كل أخ شغال لوحده .. يكون أفضل إن شاء الله

و لو نعرف نلاقي طريقة معينة نوصل بيها الشرايط و العملي للطلبة اللي معندهومش نت يكون أفضل .. لإن السنة اللي فاتت عن تجربة أنا عانيت كتير و الله

وأرجوك افهم كلامى على أنه أستفسار وليس استنكار فالهدف هو ثواب الله فى النهاية

مش فهمته سخرية يا طيب القلب :)

هوا سوء فهم مني و أعتذر .. و قبلها سوء بحث عن الموضوع لإني حطيته قبل ما أدور على موضوع مشابه للأسف

بالتالي أظن أن الموضوع دلوقتي مش ليه لزمه و الأفكار تتعرض في الموضوع التاني

و لو حد من الإشراف يحذفه أكون شاكر ليه

و أعتذر مرة تانية عن سوء البحث و التقدير يرعاكم الرحمن

[رنــــا]

اولا :

جزاكم الله خيرا على المبارده الطيبه بالمساعده

جعله الله فى ميزان حسناتكم

ثانيا :

عندى اقتراح بخصوص تجميع الماده العلميه لو كل حد جمع افضل الداتا اللى استفاد منها

ولتجنب الاختلاط ممكن لو حد من البنات عنده داتا يسيبها فى مكان معروف زى مكتبه الرساله باسم شخص مثلا او مكتبه الكليه والشخص ده يتفضل او مجموعه من الزملاء حسب الاستطاعه يجمع افضلهم على سى دى ويتحطو فى مكان مشهور زى مكتبه ويعلن عنها فى مدرجات سنه تالته بمجرد بدء العام الدراسى اللى حابب يستفيد منها هيروح يجيبها ان شاء الله

_للعلم السنه بتاعتنا كانو متبعيين الطريقه تقريبا لاهم مصادر المزاكره _

ده مجرد اقتراح والامر يرجعلكم

[Fares Al Muslm]

اولا :

جزاكم الله خيرا على المبارده الطيبه بالمساعده

جعله الله فى ميزان حسناتكم

ثانيا :

عندى اقتراح بخصوص تجميع الماده العلميه لو كل حد جمع افضل الداتا اللى استفاد منها

ولتجنب الاختلاط ممكن لو حد من البنات عنده داتا يسيبها فى مكان معروف زى مكتبه الرساله باسم شخص مثلا او مكتبه الكليه والشخص ده يتفضل او مجموعه من الزملاء حسب الاستطاعه يجمع افضلهم على سى دى ويتحطو فى مكان مشهور زى مكتبه ويعلن عنها فى مدرجات سنه تالته بمجرد بدء العام الدراسى اللى حابب يستفيد منها هيروح يجيبها ان شاء الله

_للعلم السنه بتاعتنا كانو متبعيين الطريقه تقريبا لاهم مصادر المزاكره _

ده مجرد اقتراح والامر يرجعلكم


بارك الله فيكم إقتراح موفق بإذن الرحمن

للأسف الداتا الكاملة مش عندي .. و ححاول الحصول عليها من الشباب مع نسبة الموضوع لكل من المنتدى ( مصدر داتا التسجيلات ) و جروب دفعة رابعة طب الجديدة ( مصدر العملي ) .. و نحاول فرزها بقدر الإمكان عشان مش تاخد عدد اسطوانات كتيرة خصوصا ان معظم الشباب مش عنده dvd و دا بيجبرنا اننا ننسخها على cd

حبدأ في الموضوع دا ان شاء الله من بكرة و بعدين نتفق مع الشباب على طريقة العرض و الإعلان عن الإسطوانات

بارك الله فيكم و رعاكم

[مشواري طويل]

امممممممممممم

مفهمتش يعني ناويين على ايه ؟؟

عموما انا رفعت الباثولوجي ، وهكمل بقية العملي باذن الله

واللى هيكمل ،، هحطه في نفس الرد هنا عشان ميتشتتش

وكله إفادة
*******************

اسطوانة لجارات طب طنطا + comments (http://www.mediafire.com/?ypx8qfvu6z0idg5)

جارات مصورة من طب طنطا (http://www.mediafire.com/?cspvbun6224wdnc)

اسطوانة لشرائح الهستو باثولوجي ( طنطا ) + سكيمة بسيطة لها (http://www.mediafire.com/?7yladi31kh8xjjv)

شرائح الهستو كاملة مجمعة ( بدقةعالية من تصوير دفعة تالتة 2010 ) جزاهم الله خيرا (http://www.mediafire.com/?qwyej1m92uhu19w)

************************
عملي الميكرو

اسطوانة عملي الميكرو + شرح فيديو (http://www.mediafire.com/?57ta419bq3kke25)

اسطوانة ميكرو + سكيمة رائعة وبسيطة (http://www.mediafire.com/?c0c4e800ug2lz37)

شرائح الميكرو مجمعة (http://www.mediafire.com/?js6xz3zaa6lzsc4)

صور الميديا مجمعة (http://www.mediafire.com/?wawawax4uibxc9a)

رسومات كراسة عملي الميكرو (http://www.mediafire.com/?z8nucnxbc2t36a3)

[Fares Al Muslm]

مفهمتش يعني ناويين على ايه ؟؟

نقسم المسألة نصين

مصدر الداتا الطبية ( الخاصة بالعملي ) حيكون هنا في الموضوع

و الأفكار التنظيمية للإسطوانات برضه حتتحط هنا بإذن الرحمن

أما بالنسبة للنصائح فحتكون في الموضوع الأساسي ( طلب النصيحة قبل الفضيحة ) ..

و جزاكم الله خيرا على البداية في المشاركة و ننتظر المزيد من الشباب الطيب بإذن الله يشارك معانا في تجميع الداتا

[مشواري طويل]

تم تعديل الرد السابق لإضافة روابط الميكرو

[dr711]

شكرا لك دكتور فارس على عدم أساءة فهم السؤال , وأنا رفعت أطلس الباراسيتولوجى بتاع القسم بتاع 2010 على المديا فير من جديد أهو وبيتشغل بأوفيس 2007
الرابط:-
http://www.mediafire.com/?btc7b6825cr4vc6
والسلام عليكم ورحمة الله وبركاته

[Fares Al Muslm]

تمام يا شباب ربنا يكرمكم

انا خلصت فرز عملي الباثولوجي بالكامل .. و جاري العمل على البارا دلوقتي و الحمد لله مساحتهم مع المايكرو أقل من 700 ميجا

لما أخلصهم ان شاء الله على بداية الدراسة حيتحطوا في مكتبتين بسعر الإسطوانة العادي ( 1 جنيه ) مكتبه الرسالة اللي في كفر عصام و مكتبة تانية قريبة من السناتر بإذن الرحمن

و ربنا ييسر الحال بإذن الله

[drscorpion]

:mghoud:

بجد شكرا لكل الدكاتره اللي افادونا وربنا يوفقكم ويجعل هذا المجهود في ميزان حسنانكم

شكرا مره تانيه وربنا يوفقكم

:barak:

http://www.dof3tna.net/forum/images/smilies/3_8_95.gifhttp://www.dof3tna.net/forum/images/smilies/3_8_95.gifhttp://www.dof3tna.net/forum/images/smilies/3_8_95.gif

[dr711]

لو سمحت يا دكتور فارس أنا ليا عندك طلب , أنا شوفت الفديو اللى حضرتك رفعه على الفيس بوك عن المسيحية التى أسلمت ياريت ترفع الفيديو اللى فالرابط ده على الفيس بما أنك أثرت الموضوع يمكن بيتر وغيره يغيروا فكرتهم عن دينهم ويعرفوا ان الدين الصح هو الاسلام
http://www.alltebfamily.com/vb/t30412.html
لو حضرتك رفعته يبقى لك جزيل الشكر
السلام عليكم ورحمة الله وبركاته

[Fares Al Muslm]

بيتر شخص هادي جدا و محترم
لكن متعصب للكنيسة نفسها
عموما فتحت مناقشة معاه و ربنا يقدم اللي فيه الخير

و بالنسبة للفديو للأخت من الإسماعيلية فللأسف مش من رفعي

عموما عندي أخبار مبشرة و مفرحة أكتر بكتير من الأخبار المحزنة زي خبر الأخت كاميليا

400 مسيحي في شهر 8 اللي فات دخلوا الإسلام في مصر و أعلنوا إسلامهم من الأزهر .. و كان فيه بشرى على قناة الخليجية بتيسيير الأزهر لإجراءات دخول الإسلام بدل ما كانوا بيجيبوا قساوسة و شيوخ و تعقيدات .. بقوا بيطلبوا بس صورتين للي عايز يشهر إسلامه من مسيحيي مصر و معاه الرقم القومي و انتهى الموضوع :)

يلا خير حنفتح موضوع تفاؤلي بالنسبة للإسلام حتى ان الواحد حابب يفتح الموضوع عن اسلام الأمريكان زي الشيخ يوسف استس بس ربنا ييسر الحال بإذن الله

http://www.facebook.com/profile.php?id=100001073921826&v=wall&story_fbid=116001335121651&ref=notif&notif_t=share_comment#!/video/video.php?v=144323392270726&ref=mf

[dr711]

شكرا لك يا دكتور فارس على الرد وياريت تكون فتحت الرابط اللى اديتهولك ونزلت الفيديو وسمعته وياريت تديه لبيتر لانه لو زى ما بتقول وشغل عقله صح هيعرف ان الاسلام هو الصح وحضرتك لو سمعت التسجيل هتلاقى ان البنت اللى اسلمت دى شغلت مخها هل ممكن يكون كلام نشيد الانشاد كلام الله ام لا وربنا هداها للاجابه فنسأل الله ان يهديهم وإيانا سواء السبيل.
وشكرا لك على الخبر الجميل بإسلام ال 400 مسيحى , ربنا يعز الاسلام ويعزك ويجزيك خيرا على الخير وهدايه الغير , وأتمنى أن يكون إسلام بيتر على أيدينا لنكون معا جميعا فى الجنة إن شاء الله.
والسلام عليكم ورحمة الله وبركاته

[Fares Al Muslm]

بيتر مش حيجي بالعاطفة اللي الأخت اتكلمت بيها ..

درست نفسية حالات كتيرة زيه .. لإن بيتر متدين و عاطفته لدينه أكبر بكتير من أنه يتهز بشريط ..

بيتر حيدخل الإسلام بإذن الله بالشبهات ..

و دي ان شاء الله وقتها بعدين .. سبني بس عليه شوية :)

--------------------------------

المهم نرجع تاني لسير الموضوع

دلوقتي الباثولوجي و البارا بفضل الله اتنظموا

لو حد عنده سورسات للعملي تكون زيادة عن اللي موجود في جروب دفعة تالتة طب طنطا ( سابقا ) ياريت يديني الروابط عشان أكمل

و ربنا يقدم اللي فيه الخير بإذن الرحمن ..

[2heba]

ربنا يكرمكم على الفكرة والموضوع

بس المشكلة دلوقتى انى عندى داتا كتييييييييرة جداا

ومش عارفة مثلا فى الباثولوجى رفعتوا ايه وايه زيادة عندى

وهكذا فى كل المواد

ياريت توضيح بس ؟؟

جزاكم الله خيرا

[dr711]

ربنا يهدى الجميع , المهم دا ملف مورد مساحته 1 ميجا بس عليه اسليدات ميكرو من تحت الميكروسكوب وتحت كل صورة اسمها شوف يا دكتور فارس لو مش عندك ضيفه للمجموعة.
الرابط:-
http://www.mediafire.com/?cgq5290ut4pcu9v
والسلام عليكم ورحمة الله وبركاته

[Fares Al Muslm]

بارك الله فيكم د.هبة

بالنسبة للبارا تقريبا أنا نسقت كل الداتا اللي جبناها من جروب الدفعة و اللي كنت مصورها قبل كدة

لكن المشكلة في الباثولوجي .. عايزين أكتر من صورة للشريحة الواحدة سواء ne أو ميكرسكوب .. فجمعت كمية لا بأس بها بس بعض الشرائح عندي ليها صورة واحدة بس مش أكتر

فلو حضرتك تقدري ترفعي صور ( غير اللي على جروب الدفعة لإني حملتها ) عشان أحملها من حضرتك و انسقها مع الصور التانية أكون شاكر جدا

بارك الله فيكم

[Fares Al Muslm]

تمام يا دكتور

جاري التحميل

[2heba]

بارك الله فيكم د.هبة

بالنسبة للبارا تقريبا أنا نسقت كل الداتا اللي جبناها من جروب الدفعة و اللي كنت مصورها قبل كدة

لكن المشكلة في الباثولوجي .. عايزين أكتر من صورة للشريحة الواحدة سواء ne أو ميكرسكوب .. فجمعت كمية لا بأس بها بس بعض الشرائح عندي ليها صورة واحدة بس مش أكتر

فلو حضرتك تقدري ترفعي صور ( غير اللي على جروب الدفعة لإني حملتها ) عشان أحملها من حضرتك و انسقها مع الصور التانية أكون شاكر جدا

بارك الله فيكم

طيب يا دكتور دلوقتى انا عندى ملف مضغوط باسم Histopathology ده عند حضرتك

انا معرفش كنت منزلاه منين

[Fares Al Muslm]

يرعاكِ الرحمن

الإسم دا مش عندي

فلو تتكرمي برفعه أكون شاكر جدا

[2heba]

يرعاكِ الرحمن

الإسم دا مش عندي

فلو تتكرمي برفعه أكون شاكر جدا

ان شاء الله هرفعه بس معلش هتأخر شويه

لانه بعد فك الضغط 166 ميجا ومش هعرف ارفعه مرة واحدة

[Fares Al Muslm]

ان شاء الله هرفعه بس معلش هتأخر شويه

لانه بعد فك الضغط 166 ميجا ومش هعرف ارفعه مرة واحدة


و لا يهمك يا دكتورة .. مفيش مشكلة ان شاء الله

[2heba]

دا اللينك عليه الملف كله بس صور منفصلة ( حوالى 200 صورة ) + صور كانت نازلة على الجروب
ايام الكويزات ( مش كتير يعنى )

http://www.mediafire.com/?7cu6v1keczrrl

هيتبقى صورة واحدة ( مش عارفة مش بتظهر على المديا )

http://yfrog.com/n9fibrocysticadenomafdc17j

جزاكم الله خيرا على الفكرة وان حضرتك
خلتنا نشارك فى حاجة زى كدا

لو عايزين صور زيادة او ناقصة فى البارا اووك

[Fares Al Muslm]

مجهود طيب يا دكتورة يرعاكِ الرحمن

لكن استفسار بارك الله فيكم

ازاي أحمل كل الصور بضغطة واحدة أو في ملف واحد

لو ينفع ممكن حضرتك تقولي

و لو مش ينفع يبقى مفيش مشكلة أحمل صورة صورة و ربنا يقدم اللي فيه الخير بإذن الله

[2heba]

للاسف المديا مش بيحمل غير كل ملف لوحده

[Fares Al Muslm]

خير ان شاء الله

حتسلى فيهم بعد العشاء بإذن الله

جزاكم الله كل خير و بارك الله في مجهودكم ...

[ammona_mar3ey]

انا كنت كاتبه المنهج كله ورا د زكريا ف الميكرو ,,,
و مش حلو انى انزله ع النت , ممكن اصوره ف مذكره , و نسبها مع السى دى ؟

[Fares Al Muslm]

طبعا يا دكتورة يا ريت و الله

لو حضرتك تتكرمي و تحطيه في مكتبة من المكتبات في كفر عصام أكون شاكر بس لما نتفق على المكان

و عذرا على التأخر في الموضوع هنا لظروف الإنشغال بأختنا كاميليا

بارك الله فيكم

[Fares Al Muslm]

العودة بإذن الرحمن بعد العيد مباشرة

بوركتم

[2heba]

انا كنت كاتبه المنهج كله ورا د زكريا ف الميكرو ,,,
و مش حلو انى انزله ع النت , ممكن اصوره ف مذكره , و نسبها مع السى دى ؟

جمييييييييييييييييل يا امونا ...ربنا يكرمك

[كمنتال9]

:mghoud:بجد مشكورين جدا وربنا يجعله في ميزان حسناتكم وربنا يوفقكم:barak:
هي المذكرة والاسطوانة نزلت في المكتبة ولا لسه :alganna:
سؤال هو ممكن نروح وندخل اي سكشن عادي حتي لو كان مش سكشننا ولا هيرخموا علينا:5831.imgcache:
:gzak:

[ammona_mar3ey]

لآ يا دكتر عادى تدخل مفيش مشاكل ,,

و بعدين حضرتك ف طب طنطا , يعنى صرف امورك و مشى حالك و اعرف ازاى تدخل سكشن مش بتاعك حتى لو بيطلبو كارنيهات :)

بجد و الله مش بهزر , المفروض تتعلم كده.

[على الفقى]

انا كنت كاتبه المنهج كله ورا د زكريا ف الميكرو ,,,
و مش حلو انى انزله ع النت , ممكن اصوره ف مذكره , و نسبها مع السى دى ؟

ايه اخر اخبار الورق ده يا دكتورة

احنا في انتظاره بفارغ الصبر:la7aramak:

[ammona_mar3ey]

السلام عليكم :
الورق الخاص بد زكريا , انا سايباه فى مكتبة الشرقاوى اللى ورا الجامعة , هما تلات مكتبات الصراحة فحضرتك ادخل اللى موجودة على ناصية شارع .
انا قسمت الورق لأربع اجزاء , جنرال و مناعة و باكتا و فيرولوجى.

الحمد لله حاولت بقدر الامكان اظبطه لأنى كنت بكتب ده فى ظروف من الزحمة لا توصف .
يارب تستفيدو منه . و يتقبل منى الله هذا العمل خالصا لوجهه الكريم .

ياريت لو تعرفو تقولو لزمايلكم اللى يشوف ان الورق مفيد

[Fares Al Muslm]

هي المذكرة والاسطوانة نزلت في المكتبة ولا لسه

بارك الله في الدكتورة يمنى نزلت الورق الخاص بالدكتور زكريا

و بالنسبة للإسطوانات ان شاء الله على يوم الخميس القادم على أقصى تقدير

و عذرا و الله على التأخير يا شباب حصل ظروف في الكمبيوتر عندي كل الداتا راحت دا غير اتحرقلي اتنين رايتر في اسبوعين و الله المستعان ..

[Fares Al Muslm]

السلام عليكم ورحمة الله وبركاته

كيف حال الإخوة و الأخوات ؟

يا رب دايما بخير

الحمد لله وفق الرحمن إخوانكم في دفعة رابعة طب طنطا أنهم يجمعوا لحضراتكم كل الداتا الطبية اللي حتحتاجوها بإذن الرحمن السنادي في إسطوانتين دي في دي و دلوقتي هيا نزلت في مكتبة الشرقاوي عند كفر عصام

الداتا الطبية عبارة عن شرائط تسجيلات للباثولوجي و الفارما و المايكرو و البارا لدكاترة من خارج الجامعة زي مثلا دكتور موسى في البارا و دكتور هنداوي في الباثولوجي أو دكاترة من داخل الجامعة زي الدكتور زكريا

بالإضافة لكل الداتا العملية .. تصوير عالي الجودة لشرائح الباثولوجي و بأكتر من كاميرا و بأكتر من زاويا رؤية للميكرسكوب الواحد

نفس الشيء بالنسبة لعملي البارا و الميكرو

يعني مش حتحتاجوا أصلا تصوروا عملي تاني أو تنزلوا الكلية تتفرجوا على شريحة فاتتكم لإن كل الداتا العملية عندكم في الإسطوانتين

الإسطوانتين دي في دي .. مساحة كل واحدة 4 جيجا ... يعني كمية الداتا تقريبا 8 جيجا بايت

و دي كمية كبيرة جدا لو اتحملت من على النت وفرنالكم الوقت و المجهود إن شاء الله تستفيدوا منها كتيييييييييير

إتفقت النهاردة مع المسؤول أن سعر الإسطوانة يكون 3 جنيه للواحدة

يعني الإسطوانتين بستة جنيه

دا شامل سعر الإسطوانة الأصلية ( جنيه و نصف ) بالإضافة لجنيه و نصف المكتبة حتاخدهم حق النسخ و
التوزيع

و كدة المجموع زي ما قلت 3 جنيه
ممكن المكتبة تزود جنيه أو مش تزود أصلا بس الإتفاق معاهم على السعر دا فقط .. و لو فيه زيادة من المكتبة أنا حبلغكم هنا مع ذكر الأسباب ..

إخوانكم في الدفعة بيقدموها لوجه الله دون مقابل حتى ان المسؤول عن المكتبة عرض تنصيص الأرباح بس العرض اترفض عشان مش نزود عبء عليكم في شراء الإسطوانات

زي ما قلت الإسطوانتين دي في دي ... و صعب ان كمية الداتا دي كانت تتحط على سي دي عادي ( مساحة 700 ميجا ) لإن بكدة كانت الداتا حتتفرد على 12 اسطوانة

و لو كل اسطوانة ب2 جنيه بس يبقى المجموع اللي حيندفع حوالي 24 جنيه !!!

فكان أسلم حل انها تنزل دي في دي

لو الشباب أو الأخوات عندهم مشكلة في مسألة الدي في دي أنهم مش عندهم القارئ .. ممكن نعيد نظر في المسألة و ننزل نسخ محدودة بالإسم بس زي ما قلت حتبقى غالية عشان الكمية

فبقترح أن الشباب يشتري الإسطوانات دي و يوزعوا الداتا بالفلاش للشباب اللي مش عندهم قارئ دي في دي

الإسطوانات حتكون فعليا في المكتبة يوم الخميس أو على أقصى تقدير بإذن الرحمن يوم السبت ..
في النهاية أود اني أقول ان كل دا بمجهود إخوانكم من جروب دفعة رابعة طب طنطا .. بداية من المديريين ( د. محمد بسيوني - د.محمد هشام - د-أحمد الشريف ) إنتهاءً بأي أخ أو أخت ساعدت و لو بصورة أو بكتاب أو بشريط اتحمل من على النت أو اترفع ليه

فبالله عليكم لا تنسونا من صالح الدعاء
----------------

الإعلان على جروب دفعة تالتة طب طنطا :

http://www.facebook.com/topic.php?topic=16819&uid=137678514928

[wah33d100]

انا بالنسبة لية جمعت لكم اكبر قدر من التسجيلات المفيدة لكم ان شاء الله بالاضافة الي فيديوهات نادرة في المايكرو والباثولوجي والبارا وتسجيلات لافضل دكاترة الطب في مواد الفرقة الثالثة طب بشري في المايكرو والباثولوجي و البارا والفارما بالاضافة الي اطلس في البارا والباثولوجي من اكثر من مصدر وهذة الاسطوانات موجودة في مكتبة الشرقاوي بكفر عصام ولا توجد في اي مكتبة اخري ويمكن تحميلها علي حسب الطلب سواع علي سي دي ودفي دي لمن يرغب للاستعلام يمكن التواصل عبر الفيس بوك waheed tantawy :427515: