المساعد الشخصي الرقمي

مشاهدة النسخة كاملة : انا طالب فى سنه تانيه عاوز اعرف اذاكر فسيولوجى وتشريح منين بسرعه لو سمحتوا


ahmed amer
09-16-2010, 10:17 PM
انا طالب فى سنه تانيه عاوز اعرف اذاكر فسيولوجى وتشريح منين بسرعه لو سمحتوا

راجية حسن الخاتمة
09-16-2010, 10:23 PM
اتفضل حضرتك شاركنا هناhttp://www.alltebfamily.com/vb/t30840.html

Dr_Hasan_Elmasry
09-17-2010, 06:47 AM
انت كاتب انك جامعة القاهرة !!!!!!
بس عشان كاتب الموضوع عندنا في طب الازهر هنرد باللي نعرفه من عندنا
انا هقولك رايي وانت حر تاخد بية ولا لا
انا قعدت سنة اولي كلها مش عارف استقر علي كتب

لحد في سنة تانية استقريت علي الكتب دي:
اناتومي: سامح دوس
فسيولوجي: الزيات و في برانشات مش هتلاقيها يبقي هات صلاح ابو ستة
بيو: سعيد عرابي
هستولوجي: نادية

وصدقني انت مش محتاج اكتر من دول
وعمرك مهتلاقي في اي سنة بعد كدة كتب بالتنظيم والسهولة واحتواء المنهج كلة
ذي الكتب دي

وبعدين كل واحد لو شخصية بترتاح لكتب معينة
انا عن نفسي شروط الكتاب اللي اذاكرمنه
لامم المنهج كله
اسلوبه سهل
منظم والمعلومات واضخة
فونت الكتابة سهل في القراية
فانت شوف شروط الكتاب اللي عاوز تذاكر منه
وشوف هتتحقق في اي كتب

ونصيحة مني :ابعد عن كتب الدكتور احمد مصطفي
وكتب الدكتور مجدي صبري
هتتعبك جدا في المذاكرة والمراجعة وتخليك قلقان وانت داخل الامتحان
وسنة سعيدة ان شاء الله

عبدالرحمن لبيب
09-17-2010, 01:19 PM
اولا anatmy
head&neck سامح دوس
neuroسامح دوس
thorax&embryoأحمد مصطفي كمال

physiology
metabolism &kidneyحامد عثمان
endocrine &reproduction الزيات
cns مجدي صبري
special senseحامد عثمان

سعيد عرابي طبعا bio

كتاب جامعه القاهرةhistology
</B></I>

Dr_Hasan_Elmasry
09-17-2010, 01:43 PM
اولا anatmy
head&neck سامح دوس
neuroسامح دوس
thorax&embryoأحمد مصطفي كمال
</B></I>

اتفق معاك thorax ممكن احمد مصطفي
لكن embryology لا والف لا سامح احسن منه بمراحل
سامح راسم رسومات تفهمها مش صور معقدة مش مفهومة منقولة من مراجع اجنبية
منظم وبادئ كل حاجة من اولها واحدة واحدة ومش هيحتاج منك انك تحفظ كل حاجة
وكفاية يا راجل ان الخط ينقري مش زي الكتاب التاني اللي يعمي
وعموما شوف الكتابين وقارن بنفسك



physiology
metabolism &kidneyحامد عثمان
endocrine &reproduction الزيات
cns مجدي صبري
special senseحامد عثمان
</B></I>

طيب لية حامد عثمان عشان هو رئيس القسم
مش شرط المهم تفهم والمواضيع موجودة في كل الكتب
انا لما كنت في تانية كان الدكتور حامد بيدينا kidney وجبت كتابه
والله مافهمت منه حاجة جبت الزيات بعمره
وخليت كتاب حامد علي المكتب علي طول عشان احط عليه الشاي


طيب و CNS مجدي صبري انت ذاكرت منه طول السنة
وكنت بتفهم الموضوع منه بسهوله ومن اول مرة؟؟
لا يمكن انا كنت بذاكر منه لاخر السنة ومفهمتش منه حاجة مع اني كنت عامل الـ CNS
كانها مادة لوحدها مش تبع الفسيولوجي
لحد مشفت كتاب الزيات وذاكرتة كله في شهر واحد وفهمته كويس
يبقي خليك في الزيات وانا اضمنلك تفهم الموضوع من اول مرة
ومش ناقص اي حاجة عن مجدي صبري



سعيد عرابي طبعا bio

كتاب جامعه القاهرةhistology
</B></I>

متفق معاك في الكلام دة

Dr.Midooo
09-17-2010, 01:48 PM
اولا anatmy
head&neck سامح دوس
neuroسامح دوس
thorax&embryoأحمد مصطفي كمال

physiology
metabolism &kidneyحامد عثمان
endocrine &reproduction الزيات
cns مجدي صبري
special senseحامد عثمان

سعيد عرابي طبعا bio

كتاب جامعه القاهرةhistology

godymohamed
09-17-2010, 01:57 PM
التشريح:سامح دوس
الفسيولوجى : الزيات وcns من د مجدى صبرى وعلى فكره اسلوبه رائع جدا جدا
البايو :عرابى
الهستولوجى :كتب القسم

Dr_Hasan_Elmasry
09-17-2010, 04:38 PM
انا مش عارف يا جماعة انتو متمسكين اوي بكتاب الدكتور مجدي صبري في CNS
وكتاب الدكتور احمد مصطفي في الـ Embryology
طيب انا هوريكو مقارنة بالصور بين الكتب دي والكتب اللي انا بقول عليها

اولا بالنسبة لـCNS
دة موضوع upper & lower motor neuron lesion
وعارفين ان سؤال شيت ومهم تحريري وشفوي وحتي عملي
دة الدرس في كتاب الدكتور مجدي صبري:

http://filaty.com/i/1009/83148/5.jpg
http://filaty.com/i/1009/84053/6.jpg
http://filaty.com/i/1009/16006/7.jpg

طبعا شايفين الكلام كتير وصعب انك تقراه ما بالك تحفظه
لو بتحبو اللعبكة دي انتو حرين

ودة نفس الدرس في كتاب الزيات


http://filaty.com/i/1009/10641/2.jpg
http://filaty.com/i/1009/40610/3.jpg
لاحظو الفرق وشوفو اد اية الكلام منظم ومختصر ومفيد
والمعلومة سهلة وواضحة وفي ثواني تلمها


ثانيا الـEmbryology
دة موضوع Development of hind gut
دة من احمد مصطفي
http://filaty.com/i/1009/48543/8.jpg

http://filaty.com/i/1009/41020/9.jpg

شوفو اد اية الاكلام منمنم ولك ومش منظم
والرسومات عبارة عن صور معقدة مش مفهومة منقولة من كتب اجنبية

ودة نفس الموضوع من كتاب الدكتور سامح دوس
http://filaty.com/i/1009/13027/10.jpg
http://filaty.com/i/1009/49276/12.jpg

شوفو اد اية راسم بايدية صور سهلة ومفهومة
والخط كبير وواضح وماشي واحدة واحدة

انتو شوفتو الفرق بعنيكم ..احكمو انتم
ولو حد لو راي تاني دي اختلاف في وجهات النظر وانا برحب بيها
بس انا بيصعب عليا ان حد يغلط الغلطة اللي انا غلطها لما سالت الناس يا جماعة نذاكر CNS منين؟؟
قالولي مجدي صبري وفضلت متعقد طول السنة منه لحد مغيرت اخر السنة والحمد لله

RITAG
09-17-2010, 05:11 PM
انا هاقول رأي الشخصي
احنا كنا تبع جامعة القاهرة
الاناتومي د/سامح دوس كل الفروع بلا استثناء حتى الامبريو
بس الabdomen بتاع القصر العيني كتاب القسم كان تحفة احسن من كتاب د/سامح غير كدة كتب د/سامح افضل

بالنسبة للفسيولوجي (لو حضرتك جامعة القاهرة زي ما مكتوب) يبقى مذكرات د/شريف او د/ناجي
انا جربت شريف تيبيكال زي الكتاب ومنظمة بس لو هتسمع ناجي يبقى مذكرات ناجي احسن
وربنا يهديك للافضل

RITAG
09-17-2010, 05:13 PM
معلش ما اخدتش بالي ان الموضوع في ازهر بنين ،،معذرة
بس بما انه كدة انا ممكن انصح حضرتك نصيحة في الفسيولوجي تحديدا
لو لسة رئيس القسم د/حامد عثمان ذاكر من السورس اللي يعجبك
بس لازم ضروري جدا ما تفوتش كتب المراجعة اللي بينزلها الكتاب اللي هو اسئلة واجاباتها
لان د/حامد مسك القسم عندنا في الفيوم الترم التاني السنة اللي فاتت واسئلة الامتحان كانت تيبيكال من الكتاب ده متهيألي اللي كان حافظ اسألته بس يجيب امتياز هو طبعا علميا ده غلط احنا ذاكرنا طول السنة عادي كل حاجة بس اقصد في المراجعات تركز عليه

the falcon
09-17-2010, 06:30 PM
أنا رأيى
كتاب دكتور حامد فى ال kidney فاشل أوعى تذاكر منه
شوف أى كتاب تانى لو حتى كتاب من المريخ بس الكتاب ده
لا لا لا لا لا لا

أحسن كتاب فى spesial senses كتاب دكتور مجدى صبرى
هو ده البرانش الوحيد اللى ذاكرته من مجدى صبرى وبجد كان كتاب راااااائع جداً

metabolism حامد عثمان

الباقى من الزيات

أما الأناتومى
فنصيحتى
سامح دوس أو حسن نشأت فى الإمبريولوجى
كتاب د/ أحمد مصطفى مش كويس خااااااااالص
وهيتعبك جداااااَ
وباقى البرانشات من سامح دوس أو أحمد مصطفى

و البايو من سعيد عرابى

والهستولوجى من كتاب جامعه القاهرة

Dr_Hasan_Elmasry
09-17-2010, 09:31 PM
أنا رأيى
كتاب دكتور حامد فى ال kidney فاشل أوعى تذاكر منه
شوف أى كتاب تانى لو حتى كتاب من المريخ بس الكتاب ده
لا لا لا لا لا لا


الباقى من الزيات

أما الأناتومى
فنصيحتى
سامح دوس أو حسن نشأت فى الإمبريولوجى
كتاب د/ أحمد مصطفى مش كويس خااااااااالص
وهيتعبك جداااااَ
وباقى البرانشات من سامح دوس أو أحمد مصطفى

و البايو من سعيد عرابى

والهستولوجى من كتاب جامعه القاهرة








اتفق معاك تماما في كل الكلام دة يا د ابراهيم



أحسن كتاب فى spesial senses كتاب دكتور مجدى صبرى
هو ده البرانش الوحيد اللى ذاكرته من مجدى صبرى وبجد كان كتاب راااااائع جداً

metabolism حامد عثمان



بصراحة مشفتهمش
spesial senses مجدي صبري كان موجود في المكتبة بس تجربتي معاة في CNS
خلتني اخاف من كتب الدكتور مجدي صبري
بس طالما الدكتور ابراهيم قال احسن كتاب يبقي احسن كتاب والزيات بردة كويس فيه

كتاب Metabolism حامد عثمان مشفتوش خالص شكلو مكنش موجود ايامنا
وبردة طالما الدكتور ابراهيم قال كويس ومش زي الـ Kidney يبقي كويس
وبالتوفيق ان شاء الله

mido1992
09-18-2010, 08:49 PM
كلام جميل اوى يادكاترة واضح ان الاختلاف كله فسيولوجى
بس مشكلة الزيات بيقولو سايب حاجات

عبد الرحمن عبد الملك
09-19-2010, 11:19 AM
نصيحة: الدكتور حامد بيجيب الحاجت اللي مش موجودة غير في كتابه في الامتحانات.

حسن ابوالخير
09-20-2010, 08:08 AM
اوعى تجيب مجدى صبرى يااخى دا كبير جدا

lucky doctor
09-20-2010, 08:41 AM
البرانش اللي ينزل فيه الحاج حامد كتاب ذاكر منه علشان كتابه ولازم يتفلسف عليكم شوية في الامتحانات من كتابه
يعني هتذاكر منه كيدني وميتابوليزم وسبيشيال سينسيز
ال سي ان اس لو الدكتور مجدي هيشرحلكم احضرله وذاكر منه
لو مش هتحضر او لو الدكتور مجدي مش هيشرحلكم او يوم ما الدنيا تقف معاك خالص هتضطر تذاكر من الزيات
الاندوكراين الزيات

احمد البرنس
09-22-2010, 02:21 PM
بصراحه يا جماعه الكلام ده كويس جدا,
بس احنا اخدنا شويه في الkidenyالسنه دي ,الدكتور \حامد الي بيدينا البرنش ده,
بس انا مش اشتريت كتب فسيولوجي خالص ,بيني وبينكم ذاكرت من د\مجدي وكان تحفه في المحاضره دي ,
واحلي حاجه ان في معايا زميلي في الشقه كل واحد جايب كتاب مختلف ,فقررت اني اعيش علي قفاهم لحد مقرر
الكتب المناسبه لي في كل البرنشات ,بس بصراحه انا د\مجدي بيعجبني جدا , وانا عايز كتاب متوسع في الcnsعلشان
بحب الشغل ده وعاوز ان شاء الله اكون مخ واعصاب
وعلي ربنا التوفيق

dr mazen
09-23-2010, 09:17 PM
بص احسن حاجة لا تذاكر فيسيولوجي ولا تشريح اما البيو فمتقربلهاش ويعني هي جت ع الهيستولوجي اوعى تقرب منه
ونام وارتاح يأتيك النجاح :S18SoundAsleep::S18SoundAsleep::S18SoundAsleep:
:patch_rir::patch_rir::patch_rir::patch_rir:
مع تحيات اخوك مازن

اسامه شوشه
02-23-2011, 03:15 AM
بالنسبه لنا فى طنطا فاحسن كتب للتشريح هى سامح دوس(مفيش اختلاف فى المنهج) وايضا كتب د الصعيدى ممتازه فى النيورو عن سامح اما بالنسبه للفسيولوجى فهى كتب دكتور رزق القديمه وهى افضل من الزيات او ماتعرف بمذكرات د السيد عماره ....... وفيه ديجرامات كويسه عندنا فى مكتبة الكليه زى د رشاد قاسم بس نصيحه للى فى طنطا يسمع شرايط ناجى فسيولوجى وطبعا عملى التشريح للدكتور محمد الفقى وربنا يوفقنا جميعااااااا:doct::G02GunTrick2: