المساعد الشخصي الرقمي

مشاهدة النسخة كاملة : بشرى قوية جداا لطلاب الفرقة الثالثة ... جامعة الإسكندرية

د أحمد سمير
02-10-2009, 02:33 PM
بسم الله الرحمن الرحيم

السلام عليكم ورحمة الله وبركاته

النهارده كنت مع واحد قريبى فى سنة رابعة

و عرفت منه إن الدكاترة بلغوهم

إن من أول السنة الجاية إن شاء الله

1-هيتم إلغاء مادة الطب الشرعى و السموم:faces186:

تقريبا اكتشفوا إن مالهاش لازمة

بالنسبة للطالب ال undergraduate

2- هيتم تخفيض عدد صفحات كتاب الرمد إلى النصف

3- سيتم اختصار كتابين الكوميونوتى فى كتاب واحد

بيقولى الدكاترة بتقول إن اللجنة لما زارت كليتنا

قالوا إن المناهج عندنا كبيرة أوى

و إن الطالب بياخد كميات كبيرة و بعد كده مش بيفتكر منها أى حاجة

( سبحان الله ,, مش عارف عرفوا الكلام ده ازاى :faces182:؟؟؟ !!! )

و إن عشان يعترفوا بينا لازم يقللوا المناهج زى الكليات المحترمة

هذا و الله أعلم
الفجـ الآتى ــرُ
02-11-2009, 01:53 PM
وعليكم السلام ورحمة الله وبركاته ،،

مش عارفة ليه بدأت أحس إنهم عايزينا نبقى حاجة مميزة عن بقية الطلبة ،،
يعنى امتحانات الشفوى مثلا ،،
حاجة أساسية فى حياة طالب الطب
لما تتلغى كأن فى حاجة ناقصة ..

وبرده هيلغوا مادة كاملة !!!!!!!!!!!
حتى لو ملهاش لازمة ،،
بس كده هنبقى فقدنا حاجة أساسية فى الكلية

مش عارفة ناويين يطلعونا ايه فى الآخر
يمكن المرة الجاية يقولوا هنلغى سنة أولى ..
"إيمان"
02-11-2009, 11:20 PM
::salam::

بشرى للفرقه الثالثه

والفرقه الرابعه تروح فين لما تسمع الكلام ده _مفيش حد بيراعى شعورنا هنا_

صحيح المناهج كبيره بس متوصلش انهم يلغوا ماده الطب الشرعى

ومين قال انها ملهاش لازمه

الكوميونتى فعلا لازم يتخفض لانه ممل جدا فى المزاكره

الرمد مش شايفه انه كتير لدرجه انه ينزله نصه ..كل الحاجات اللى بناخدها مهمه بس المشكله فى اسلوب الكتاب نفسه

اعتقد الكلام ده مش صحيح
د أحمد سمير
02-12-2009, 07:52 AM
مش عارفة ليه بدأت أحس إنهم عايزينا نبقى حاجة مميزة عن بقية الطلبة
هوا لو كان كده كان ماشى
المهم ميكونش مجرد تطور شكلى
من غير تطوير المضمون
يعنى امتحانات الشفوى مثلا ،،
حاجة أساسية فى حياة طالب الطب
لما تتلغى كأن فى حاجة ناقصة ..
فعلا
و بعدين لو كانوا عايزين مصلحة الطلبة كان يلغوا الشفوى بتاع الكلينكال
أو يقللو درجاته
ده فى دكاترة بتنقص بال 20 و ال30 درجة فى لجنة واحدة
وبرده هيلغوا مادة كاملة !!!!!!!!!!!
حتى لو ملهاش لازمة ،،
بس كده هنبقى فقدنا حاجة أساسية فى الكلية

مش عارفة ناويين يطلعونا ايه فى الآخر
يمكن المرة الجاية يقولوا هنلغى سنة أولى ..



هوا بصراحة كل ما يلغوا يكون أحسن
لإن كده كده إحنا بناخد كلام نظرى كتييييييييير جدااا
و مش بنشوفه كلينكال فبنحفظه عشان الامتحان
و بعد كده بننساه
و حتى لو رجعناه مش هيفيدنا فى حاجة
عشان ماخدنهوش عملى و لا عملناه بايدينا
فكده كده مش فارقة يعنى
د أحمد سمير
02-12-2009, 07:57 AM
http://dr.mohammad2.googlepages.com/222.gif
::salam::

بشرى للفرقه الثالثه

والفرقه الرابعه تروح فين لما تسمع الكلام ده _مفيش حد بيراعى شعورنا هنا
وعليكم السلام ورحمة الله وبركاته
معلش بقه حظكم كده
دفعتكم دى أكيد فيها حاجة مش طبيعية
صحيح المناهج كبيره بس متوصلش انهم يلغوا ماده الطب الشرعى

ومين قال انها ملهاش لازمه


دى حاجة معروفة طبعا
إحنا مالنا باللى مات و مات مقتول و لا فى حادثة
و كله كلام نظرى
و لا شفناه و لا عمرنا هنشوفه
المهم فيها الجزء بتاع تقارير الحوادث و أنواع الإصابات
يعنى شوية كلام ميكملش 20 صفحة
الرمد مش شايفه انه كتير لدرجه انه ينزله نصه ..كل الحاجات اللى بناخدها مهمه بس المشكله فى اسلوب الكتاب نفسه

أنا هقول لحضرتك حاجة
العلم كله مهم طبعا
مهم و مش مهم دى
بتقاس بالنسبة للمارس العام
يعنى الممارس العام ده المفروض تكون ايه معلوماته عن الرمد ؟
أكيد مش هيعالج هوا الميه البيضا و أمراض الشبكية
و العصب البصرى و ال 400 صفحة اللى فى الكتاب دول
إنما كفاية تكون عنده فكرة مبسطة عن كل حاجة
و اللى هيتخصص رمد يبقه يذاكر الكتاب كله
اعتقد الكلام ده مش صحيح
الله أعلم
هوا قالى إن الدكاترة هيا اللى بتقول كده
هاجر
02-12-2009, 09:00 AM
هيلغوا الطب الشرعى؟؟؟؟؟؟؟!!!!!!!!!

ده انا داخلة الكلية عشانه
dr.pharma
02-12-2009, 09:38 AM
و إن عشان يعترفوا بينا لازم يقللوا المناهج زى الكليات المحترمة



عاجباني أوي الكلمة دي :faces186:

بس أعتقد صعب أوي يلغوا مادة زي الطب الشرعي
الأولى انهم يلغوا الهستولوجي طيب:faces186:

ممكن يقللوا المناهج اه بس صعب مادة كامله كده تتلغي

يارب لما اللجنه دي تيجي عندنا تخليهم يلغوا الفارما :faces186:
همســــــــــــة امل
02-13-2009, 06:28 AM
يارب لما اللجنه دي تيجي عندنا تخليهم يلغوا الفارما
ههههههه
ايه بس دا تاثير الامتحانات علينا
ربنا هيسترها ان شاء الله متقلقيش

بس فكرة يلغوا الشرعى جامدة قوى
طنطا ملهاش نصيب فى حاجة زى دى
emara
02-17-2009, 04:23 PM
والمنوفية يا جماعة مفيهاش الكلام ده برده ولا لا
ولو فيه مفيش حاجة وصاية للفارما يـــــــــــــــــــــــارب يكون فيه
وبعدين ان سمعت انه باه فيه في اسكندرية امتحانت ترم مش اعمال سنة وان الناس امتحنوا كده
هل الكلام ده حقيقي؟
الفجـ الآتى ــرُ
02-19-2009, 02:00 AM
والمنوفية يا جماعة مفيهاش الكلام ده برده ولا لا
ولو فيه مفيش حاجة وصاية للفارما يـــــــــــــــــــــــارب يكون فيه
وبعدين ان سمعت انه باه فيه في اسكندرية امتحانت ترم مش اعمال سنة وان الناس امتحنوا كده
هل الكلام ده حقيقي؟

حقيقى للأسف ...
لطلاب الفرق الأكاديمية
والشفوى كمان اتلغى ،،
همســــــــــــة امل
02-19-2009, 02:27 AM
حقيقى للأسف ...
لطلاب الفرق الأكاديمية
والشفوى كمان اتلغى ،،
ايييه كل دا
الشفوى كمان اتلغى
انا هحول اسكندريةالسنه الجاية
بجد مش مهم المواد كتيرة او قليله
لكن يلغوا الشفوى دى اللى رهيبه
فى طنطا بيلعبوا بيه صح قوى
ربنا يهديهم يا رب ويتطوروا بقى ويلغوه عندنا
د أحمد سمير
02-19-2009, 02:46 AM
هيلغوا الطب الشرعى؟؟؟؟؟؟؟!!!!!!!!!

ده انا داخلة الكلية عشانه

خلاص حضرتك الحقى نفسك و حولى

يارب لما اللجنه دي تيجي عندنا تخليهم يلغوا الفارما :faces186:
اهههههههههههه
و مالها الفارما ؟
أنا عن نفسى هطلب إلغاء الجراحة

ايييه كل دا
الشفوى كمان اتلغى
انا هحول اسكندريةالسنه الجاية
بجد مش مهم المواد كتيرة او قليله
لكن يلغوا الشفوى دى اللى رهيبه
فى طنطا بيلعبوا بيه صح قوى
ما هوا فى بداله أبحاث و سيمنار
و الدرجات اللى كانت بتروح هنا
هتروح هنا

عموما أنا اللى اكتشفته فى الكلية دى بعد خبرة 6 سنين
إن هما فى السنين الاولانية بيسيبوا كل واحد
يجيب اللى هوا عايزه و بعدين فى الآخر يظبطوا الموضوع
و يرفعوا ناس و ينزلوا ناس ...
و كل دى تطورات شكلية مش أكتر
همســــــــــــة امل
02-19-2009, 03:58 AM
ما هوا فى بداله أبحاث و سيمنار
و الدرجات اللى كانت بتروح هنا
هتروح هنا

عموما أنا اللى اكتشفته فى الكلية دى بعد خبرة 6 سنين
إن هما فى السنين الاولانية بيسيبوا كل واحد
يجيب اللى هوا عايزه و بعدين فى الآخر يظبطوا الموضوع
و يرفعوا ناس و ينزلوا ناس ...
و كل دى تطورات شكلية مش أكتر
يعنى فى لعب وتضييع للدرجات بردة
بلدنا دى عمرها ما هتنضف ابدا
ومحتاجة مليون سنة عشان حاجة فيها تتعمل صح
استغفر الله العظيم
sofia hoba
10-27-2009, 09:14 AM
الله عليكم
ايييييييييييييييييييييييه الجمال ده
"إيمان"
10-28-2009, 09:17 PM
يا متغاظ انت

معلش يا بنتى

امال لوتعرفى بقى اننا فى الروند بيطردونا بره المدرج ويقعدوا رابعة ..ماشى مش مهم

اللى يغيظ اكتر
امتحان الروند المبجل بتاعنا المفروض انه يوم الاتنين وده فى الجدول اللى منزلينه اللى فرحانين بيه ده
العيال امبارح بيقولولى انه الدكتور قال انه ممكن يكون الاحد علشان سنة رابعة هتمتحن الاتنين
فازاى سنة خامسة الجربانين دول يمتحنوا مع سنة رابعة
لا يقدموا امتحانا علشان هم يمتحنوا ...ولا حول ولا قوة الا بالله

ربنا يصبرنى على الباطنة ..
sherif@kamel
10-29-2009, 09:25 AM
طاب بذمتك مش من حقى اتغاظ؟؟؟


لا يا دكتورة مش من حقك تتغاظي خالص
لان كتابين الفارما اللي حضرتك بتقولي عليهم اللي كانوا ايامكم كان الصفحة فيها بالكتير اوي 15 سطر
اما في كتابنا الجديد فالصفحة فيها حوالي 40سطر
هما كل اللي عملوه انهم جابوا الكتابين القدام وحطوهم في مكبس وضغطوهم قال يعني قللوا المناهج وطوروها
زهـــ الندى ـــرة
10-29-2009, 10:37 AM
الســلام عليكم ورحمة الله وبركاته

هو أنا بالظبط داخله عشان اتعقدلي شويه !!

اللهم لك الحمد

كتابين الكميونتي بتوعنا كل كتاب أكتر من 300 صفحـه

والأدهي إنه أصـلا غبي وتحسوا انه ملوش أي علاقه بالطب

أما عن بقية المواد فبصـراحه

أنا شايفه إن الرمد مينفعش نصغره عن كده

أو الأنف والأذن لأنهم مواد تخصص

يعني حتي لو الرمد صعب وطويل بس أكيد يشفع له أهميته

والأنف والأذن من وجهة نظري وبسبب الدكتور الي ماسك مجموعتنا

ما شاء الله عليه قمه في العلم ورائع بمعني الكلمه

فعشان كده أنا شيفاه أجمل ماده في رابعه

أما عن الشرعي فأنا حاسه إنه تسليه بس كده

بحس إننا عندنا شغف نعرف الأسباب وازاي والكـلام ده

وأكيد مفيش حد هيتخصص طب جنائي أو كده

ومن ناحية الاسكندرانيه

أعانكمـ لله وكتب لكمـ الخير

بس بجد لما يحاولوا يظبطوا المناهج وخصوصا الكميونتي ده

ويخلوها علي مقدار ما هنحتاج فيه يبقي أفضل جداااااااا

وفقكمـ اللـه أهـل اسكندريه


إن شاء الله نتوقع تغييرات شبيهه بكليتنا بعد عقد من الزمان

^ـــــــــ^

عاوزين تقديرات جامده بقي علي كده ^ـــ^
lucky doctor
11-03-2009, 06:51 AM
هههههههههههههههههههههههههههههه
يلغوا مواد؟؟؟؟ وعندنا بيقولولنا ذاكرو من تكست؟؟؟؟؟؟؟؟؟؟؟
وصلت للدرجة دي ؟؟؟؟؟؟؟؟
يا دكاترة حرام عليكو انا بتغاظ من الكلام دة
ربنا يوفقكم وييجي يوم على طب الازهر ويحصل فيه حاجة شبيهة بكدة