كل الي هيبدأ انف واذن ..... اجمع ..

[فاطمة خالد]

السلام عليكم ورحمة الله وبركاته ..

انف واذن حنجرة ..

هو دا الي بدأته ؟؟ دا افضى راوند يابختك ...


هتسمع من دا كتير .. لكن ماتنامش عند الجملة دي ..
لان زي ماهتفضى في اول السنة هتطحن في اخر السنة ..

وزي ماقلت لبتوع رمد الي فاكرين انهم هيطحنوا اول السنة بس بردو هيرتاحوا شوية بعدين ..

ماحدش يزعل من الي هيبدأه .. كل واحد ليه ميزة في حتة ..

المهم هنجيب محمد فريد جزئين بيتباعوا مع بعض ونجيب الأسئلة والاجابة عشان لو ربنا كرمنا وقدرنا نبص فيه -زي ماقلنا سابقا -

الراوند بيكون متقسم على اوض زي الرمد ..
كل اسبوع تروحوا اوضة ..
اوضة 1 و2 في مبنى المستشفى في الدور الخامس في القسم ..
باقي الاوض هتلاقوها في مكان اسمه التخاطب فوق العيادات الدور الاول ..

هتاخدوا اول اسبوعين تكتبوا كل كلمة لانكم مش فاهمين:5831.imgcache: بعدين هتلاقوا الدنيا سهلة ان شاء الله .. والمادة لذيذة ..ومفهومة ..ومش هتحتاجوا تكتبوا ..
هيشرحولكم الاول ازاي تاخد هستوري وطريقة الفحص وكدا .. ودول اهم حاجة في الراوند
احسن حد يشرح ازي تاخد هستوري د-عزام ..
احسن حد يشرح الفحص د-محمد شاكر ..

هتحس انك فاضي اثناء الراوند لانه 3 ايام في الاسبوع غير باقي المواد وانت لسه ماخدتش حاجات كتير ..
عشان كده انجز في المذاكرة عشان ماتراكمش المادة لآخر السنة وانت عندك فرصة كبيرة في الاول وحاول كمان تبص شوية في محاضرات المواد التانية .. ولو مافهمتش حاجة فيهم اسأل اصحابك الي شغالين الراوند وياريت تحضر المحاضرات ..

هتذاكر من محمد فريد بمعدل 10 صفحات يوميا وان شاء الله هيكونوا كفاية جدا .. وحاول تنجز في الكتابين الكبير والصغير ..
ابدأ بمذاكرة اناتومي كل حاجة .. ( مشروح اناتومي كل جزء في بدايته في الكتاب الكبير )
عشان تبقى عارف الاساسيات
وبعدين تذاكر جزء في الكتاب الصغير اسمه symptomtology
دا عبارة عن تجميعة لاهم اعراض انف واذن .. ودول يتحفظوا صم لانهم اهم حاجة واساس بردو لكل الي جاي ..
بعدين تدخل عالكتاب الكبير وتذاكره بالترتيب ..
ولما تخلصه ان شاء الله ترجع للصغير وتكمل الي ماكملتهوش فيه ..
دي خطتك للمذاكرة اثناء الراوند..:427515:
انف واذن اسهل واصغر مادة ..

وان شاء الله هتحسوا الراوند خفيف وظريف ..
السكاشن بتبدأ الساعة 8 ..
او 8 وربع حسب الدكتور ..

انجوي يور راوند ..
:wfk:

[د محمد الجندي]

هههههههههه
طب انصحى اللى داخل صحة:5831.imgcache: مش اللى داخل انف واذن

[فاطمة خالد]

شرفني مروركم دكتور .. ان شاء الله الصحة دورها جاي ..دونت ووري

[calm doctor]

السلام عليكم
كالعادة يا د فطمة دايما تبهرينا بأفكارك ومساعداتك
أنا مش شايف حاجة ممكن توفيكى مجهودك غير أجرك من الله سبحانه وتعالى
و يا رب تلاقى اللى يساعدك وقت الشدة و وقت الحاجة

[فاطمة خالد]

شرفني مروركم د-calm doctor
تحت امر حضرتك في اي استفسار

[* أمـل الغـد *]

المشكلة ان الكتب طلبناها ولحد دلوقتي لسه مجاتش

بمعدل 10 صفحات يوميا :5831.imgcache:

ربنا يستر

طب سؤال
لو اتزنق ومعرفتش الم المادة كلها
في مواضيع خاصة بالعملي اكتر ولا لأ ؟؟

وتسلمي كتيييييير
:barak:

:faces222:

[فاطمة خالد]

شرفني مروركم د-امل الغد ..
بالنسبة للكتب ان شاء الله تيجي قريب ..وبعدين ماتخافيش 10 صفحات مش كم كبير .. حاولي تصوري من اي حد .. اكيد في ناس معاها كتب قديمة ..

والمادة تتلم خالص ماتخافيش .. دي اسهل مادة وفهمها سهل جدا ..

تحت امر حضرتك في اي استفسار..

[* أمـل الغـد *]

الله يكرمك ويوفقك ويطمنك يا د\ فطوووم

وياااااااااااااااارب
:427515:

[د محمد الجندي]

اي يا دكتورة انتى شغالة ف خدمة العملاء ولا اية ههههههههه


جزاكى الله كل خير

[فاطمة خالد]

في انتظار حضرتك معانا في خدمة العملاء ان شاء الله يادكتور ..
جزاكم الله خيرا عالمرور ..
في انتظار جديدكم..

[eldoctor2011]

مجهود رائع فعلا يا دكتورة فاطمة بجد بجد ربنا يوفقك ويساعك ومبروك الإشراف بس انت بجد تستاهليه

[فاطمة خالد]

شرفني مروركم د-eldoctor2011
الله يبارك في حضرتك ..

[drisooo]

بارك الله فيكي وجزيتي عنا خير

[فاطمة خالد]

جزانا الله واياكم تحت امر حضرتك في اي استفسار