المساعد الشخصي الرقمي

مشاهدة النسخة كاملة : خطوات الاستلام للتكليف الجداد .. معا على الطريق


العباس
02-20-2011, 08:18 PM
تعلن نقابة أطباء مصر عن إستقبالها للدفعة الجديدة من الأطباء خريجى دفعة ديسمبر2010
وتبدا أعمال التسجيل فى الفترة
1/3/2011 الى 17/3/2011
http://www.ems.org.eg/images/ico_02.gif
خطوات القيد بالنقابة العامة للأطباء الجدد مختصرة



سداد الرسوم بالنقابة وإستلام إيصال .





التقديم للوزارة لإستخراج ترخيص المزاولة .




تقديم ترخيص المزاولة للنقابة وإستخراج كارنيه.

http://www.ems.org.eg/images/ico_02.gif خطوات القيد بالنقابة العامة للأطباء الجدد التفصيلية http://www.ems.org.eg/images/bullte_blue.gif قدم الاوراق التالية :



طلب قيد بالجدول العام (http://www.ems.org.eg/2_4/2_4_3/KEED_FORM.PDF) "يوزع مجاناً بلإستعلامات" .
" أضغط هنا لتحميل النموذج وطباعته (http://www.ems.org.eg/2_4/2_4_3/KEED_FORM.PDF)"




شهادة التخرج المؤقتة( نسخة أصلية )




شهادة قضاء سنة إمتياز ( نسخة أصلية )




الفيش والتشبيه (صحيفة الحالة الجنائية ).




صورة البطاقة العائلية أو الشخصية .




صورة من شهادة الميلاد.




عدد 3 صورة فوتوغرافية (مع مراعاة الترتيب السابق )

http://www.ems.org.eg/images/bullte_blue.gif سدد 50 جنيه بالخزينة .. رسوم القيد والاشتراك و10 جنيه رسوم كارنيه . واستلم إيصال سداد رسم القيد بالنقابة .
http://www.ems.org.eg/images/ico_02.gif خطوات ترخيص مزاولة المهنة ( بوزارة الصحة )




http://www.ems.org.eg/images/bullte_blue.gif توجه الي إدارة التراخيص وسلم الاوراق التالية :


طلب إستخراج مزاولة المهنة بالنقابة (http://www.ems.org.eg/2_4/2_4_3/ASTKHRAGF_FORM.PDF) . " يوزع مجانا"
" أضغط هنا لتحميل النموذج وطباعته (http://www.ems.org.eg/2_4/2_4_3/ASTKHRAGF_FORM.PDF)"




شهادة الامتياز الاصلية .




عدد 4 صور مختومة من الكلية .




إيصال سداد رسم القيد




شهادة التخرج المؤقتة




الدوسيه والدمغة تباع بالإستعلامات .




شهادة المعاملة العسكرية للذكور ( نسخة أصلية ولا تقبل الصور).

http://www.ems.org.eg/images/ico_02.gif إستخراج كارنيه النقابة (بالنقابة العامة للأطباء ) يسلم الطبيب الاوراق التالية لأستخرج الكارنيه .



صورة شخصية .




صورة ترخيص مزاولة المهنة .




يسلم الكارنيه في الاحتفال الذي سيقام بمقر النقابة عقب آداء القسم





http://www.ems.org.eg/images/ico_02.gif
مواعيد القيد لدفعة ديسمبر 2010
م اسم الجامعة التاريخ 1 جامعة الازهر ( بنات ) 1/3 الي 2/3 الثلاثاء - الاربعاء 2 جامعة الازهر ( بنين ) 3/3 الي 5/3 الخميس - السبت 3 جامعة عين شمس(بنين -بنات) 6/3 الي 8/3 الاحد - الثلاثاء 4 جامعة القاهرة (بنين -بنات) 9/3 الي 12/3 الاربعاء - السبت 5 المتأخرين فى تقديم طلبات التسجيل 13/3 الي 17/3 الاحد - الخميس
http://www.ems.org.eg/2_4/2_4_3/2_4_11.htm
ملحوظة :
طلاب الطب من المحافظات المختلفة غير القاهرة يتوجهون الي مندوب النقابة العامة بمقر النقابة الفرعية بالمحافظة

dr seham
02-20-2011, 09:25 PM
جزاك الله خيرا

s0nic
02-21-2011, 12:07 PM
بارك الله فيك ..;

الموحد
02-21-2011, 03:31 PM
يا حلاوتك يا عبس

amse_010
02-21-2011, 05:39 PM
مش فاهم دى عدد 4 صور مختومة من الكلية؟

drhendmysoul
02-23-2011, 09:27 PM
لو هستلم شهاده الامتياز اخر مارس وفاتني ميعاد التقديم امتي ممكن اقدم تاني ولا هستني للسنه اللي جايه زي ما البعض بيقول ارجو الرد

dr nasooma
02-28-2011, 08:16 PM
ربنا يجزيك خير نورتني

Dr.maimm
02-28-2011, 08:50 PM
:barak:

dr.mohhey
03-03-2011, 05:42 PM
ينفع استلم فى الوحدة اليومين دول
ولا لازم استنى تراخيص مزاولة المهنة
لما يطلع ارجو الرد

مصرواي
03-03-2011, 10:29 PM
لازم تستني الاسامي تنزل المديريه

dr.mohhey
03-04-2011, 04:08 PM
جزاك الله خيرا على الرد
بس فى سؤال تانى
انا حجزت لشهادة الصحية قالى يوم 28
مينفعش استلم قبلها فى المكان اللى انا روحته
ارجو الرد وتكون ااسم نزت الادارة
الاسماء بتنزل الادارة تقريبا امتى

mady90
03-04-2011, 06:01 PM
هو احنا بعد ما نستلم ترخيص مزاولة المهنة هنروح وزارة الصحة ولا هنروح على طول للإدارة اللي تكليفنا فيها ؟

طبيبة مسلمة
03-04-2011, 06:06 PM
هو احنا بعد ما نستلم ترخيص مزاولة المهنة هنروح وزارة الصحة ولا هنروح على طول للإدارة اللي تكليفنا فيها ؟

إن شاء الله ..

هنروح المديرية .. لما الأسماء توصلها من الوزارة .. نعمل كشف طبى وكلام من دا هناك ..

وبعدين نروح على الإدارة نستلم .

د.عمرو الشعراوي
03-04-2011, 06:22 PM
انا لو مكانك ما اتنقلش من قصاد الوحدة لحد ما الاسامي توصل :)))))))))))))

mady90
03-04-2011, 06:46 PM
هو ينفع ان حد يستلم لحد تاني ترخيص مزاولة المهنة ولا لازم الطبيب نفسه؟ وامتى ميعاد استلام كارنيه النقابة؟

dr.mohhey
03-04-2011, 06:53 PM
انا تكليفى فى العريش هعرف منين ان الاسماء راحت الوزارة
ولما اقدمت فى النقابة فى الزقازيق قالى التصريح يوم 13 عى عكس اى بيطعه من انقابة اعامة بياخدو على طول
ممكن اروح اخده من انقابة وا لازم استنى ما انقابة اى قدمت فيها تجيبهولى

طبيبة مسلمة
03-04-2011, 07:21 PM
انا لو مكانك ما اتنقلش من قصاد الوحدة لحد ما الاسامي توصل :)))))))))))))

يعنى إيه يادكتور ؟

dr.mohhey
03-04-2011, 08:44 PM
انا تكليفى فى العريش هعرف منين ان الاسماء راحت المديريه هناك
ولما اقدمت فى النقابة فى الزقازيق قالى التصريح بتاع مزاولة المهنة يوم 13 على عكس اللى بيطلعه من النقابة العامة بياخدوتصريح مزاولة المهنة على طول
ممكن اروح اخده من النقابة العامة ولا
لازم استنى لما النقابة اللى قدمت فيها تجيبهولى
ارجو الرد

د/ أحـمـد سـليمان
03-04-2011, 09:57 PM
انا تكليفى فى العريش هعرف منين ان الاسماء راحت المديريه هناك
بالتليفون ... ممكن تعرف رقم التليفون بسهولة

التصريح بتاع مزاولة المهنة يوم 13 على عكس اللى بيطلعه من النقابة العامة بياخدوتصريح مزاولة المهنة على طول
ممكن اروح اخده من النقابة العامة ولا
لازم استنى لما النقابة اللى قدمت فيها تجيبهولى
هتستنى لما هما يجيبوه لأنك مش هتعرف تلاقيه هناك لأن موظفين النقابة الفرعية بيروحوا يخلصوا ورق الناس كلهم مرة واحدة و بيتسلم التصاريح لنفس المندوب

كده كده الاستعجال ملوش داعي ... لسة في وقت على وصول الاسامي للمديريات .. السنة اللي فاتت وصلت يوم 28 مارس


الفترة دي تعتبر اجازة بالنسبة لك .. مش مطلوب منك حاجة

و احنا معاكم اول باول

د/ أحـمـد سـليمان
03-04-2011, 10:21 PM
ياريت كل الاسئلة و الاستفسارات تتحط هنا و احنا و الزملاء هنحاول نجاوب
ياريت يبقى كل الاسئلة في الموضوع ده .. منعا لتشتت من كثرة المواضيع
و ياريت قبل ما تضيف سؤال .. تقرأ الاسئلة المجاب عنها .. منعا للتكرار
إحنا عايزين نساعد بكل اللي نقدر عليه و بإذن الله تساعدونا في التنظيم
و ياريت تكون الاولوية للأسئلة العامة عن التكليف .. اللي تهم الجميع

Dr.maimm
03-05-2011, 05:36 AM
افيدونى لوسمحتم
انا ليا تعيين فى الجامعة وعايزة اؤجل استلام التكليف ايه رايكم وازاى ممكن اعمله؟
انا سالت دكتور عندنا قالى استلمى بدرى علشان الاجراءات الروتينية كتيرة وعلشان مش ياخروكى فى استلام مكانك فى الجامعة


نفع الله بك

amse_010
03-05-2011, 10:03 AM
ممكن الخطوات بالتفصيل والترتيب

يعنى 1 مثلا هو استلام ترخيص المزاوله 2 الأسامى تكون وصلت المديره فنروح ونكشف ونكمل ........

ولا بنكشف الأول و لو كده الكشف بيكون فين؟

شيماء عبد الحميد
03-05-2011, 02:04 PM
احنا مقدمين فى نقابة الاسكندرية يوم 2-3 وقالوا الترخيص بيطلع بعد اسبوعين
دلوقت الاسماء بتوصل المديرية امتى
ولو وصلت واحنا لسة ماخدناش الترخيص حنعمل اييييييه

تائبة الى الله
03-05-2011, 11:55 PM
مش المفروض ياجماعة ان الترخيص اخدتوه يوم مارحتوا تعملوه
احنا فى النقابة العامة يوم 3/1عملوا لنا كده خدوا ورقنا كله وقعدونا نستنى للساعة 4 وسلمونا التراخيص

dr seham
03-06-2011, 12:03 AM
طيب بعد اذنكم عوزة استفسر عن النقطه ده
دكتور اسنان قال لى انى اجيب استماره الكشف الطبى من مستشفى تأمينى واروح بها الاداره عشان تتختم وبعد كده ابقى اتصل احدد معاد الكشف
وقال لى ان بشرى زى اسنان
صح الكلام ده؟
معلش بس انا بالنسبه لى الاداره ف وادى والمديريه ف وادى تانى

dr seham
03-06-2011, 12:13 AM
طيب بعد اذنكم عوزة استفسر عن النقطه ده
دكتور اسنان قال لى انى اجيب استماره الكشف الطبى من مستشفى تأمينى واروح بها الاداره عشان تتختم وبعد كده ابقى اتصل احدد معاد الكشف
وقال لى ان بشرى زى اسنان
صح الكلام ده؟
معلش بس انا بالنسبه لى الاداره ف وادى والمديريه ف وادى تانى

Dr..Romah
03-06-2011, 01:24 AM
سلام عليكم ورحمة الله وبركاته



الأوراق المطلوبة لاستلام التكليف


وبالتوفيق للجميـــــــــع ...



]http://photos-d.ak.fbcdn.net/hphotos-ak-snc6/199142_158662584189005_100001357927262_299176_3267 989_n.jpg

dr.mohhey
03-06-2011, 01:41 AM
شكرا للاجابة على سؤالى وجزاك الله خيرا

dr.mohhey
03-06-2011, 01:47 AM
اما بالنسبة للشهادة الصحية
احيانا بيكون فيه زحمة فى الحجز واماكن تانيه زى العريش بتفعد يومين بس اما فى الزقازيق اداهم معاد على اول اربعة
بتجيب نموزج صحة من المديرية ومختومة وممضيه من اتنين موظفين والبطاقه وهو هيقولك وانت بتحجز
ودا رقم اللى بتتكلم من التليفون الارضى19806
ودا للمحمول2363
وهو هيحددلك معاد تروح فيه ومعاك نموزج صحة 13
او 11 مش فاكر

mbi220004
03-06-2011, 03:22 AM
دعوه لكل اطباء التكليف المتضررين لتوزيعهم خارج محافظتهم التعسفى


لانضمام لجروب " لن استلم تكليفى خارج محافظتى" " احد اعضاء الائتلاف العام لمطالب الاطباء"


واخذ اكبر عدد ممكن من التوقيعات للموافقه عل مطالبنا من مدير اداره التكليف العام

وتنظيم وقفة احتجاجية يوم الثلاثاء 8\3 الساعه 11 صباحا امام ااداره التكليف

نطالب فيها بالاتى
1- مراعاة تكليف الاطباء فى حدود محافظاتهم
2- اعداه توزيع الاطباء فى اماكن اوائل كليات الطب وذلك لانهم سيتركوا اماكنهم المكلفين فيها فارغة ويتركون فرصة للواسطة والمحسوبية
3- فى ظل الظروف التى تمر فبها البلاد من قله الامان فنطالب بتلبيه طلبنا من تكليفنا فى محافظتنا فى اقرب وقت ممكن


ليست مطالب فئويه ولكن حقوق نطالب بيها




جروب لن استلم تكليفى خارج محافظتى (http://www.facebook.com/home.php?sk=group_157091757682522#%21/home.php?sk=group_157091757682522&ap=1)

http://www.facebook.com/home.php?sk=group_157091757682522#!/home.php?sk=group_157091757682522&ap=1 (http://www.facebook.com/home.php?sk=group_157091757682522#%21/home.php?sk=group_157091757682522&ap=1)

amse_010
03-06-2011, 08:10 AM
اما بالنسبة للشهادة الصحية
احيانا بيكون فيه زحمة فى الحجز واماكن تانيه زى العريش بتفعد يومين بس اما فى الزقازيق اداهم معاد على اول اربعة
بتجيب نموزج صحة من المديرية ومختومة وممضيه من اتنين موظفين والبطاقه وهو هيقولك وانت بتحجز
ودا رقم اللى بتتكلم من التليفون الارضى19806
ودا للمحمول2363
وهو هيحددلك معاد تروح فيه ومعاك نموزج صحة 13
او 11 مش فاكر

الكلام ده بعد ما الأسامى توصل المديريه؟ ولا هو ممكن يختم لى قبل اسمى ما يوصل؟

amse_010
03-06-2011, 08:11 AM
:barak:

العباس
03-06-2011, 08:56 AM
جزاكم الله خيرا
بس أعتقد أنه ناقص كمان الرقم التأمينى صح ولا لأ ايه ياجماعة ؟

طبيبة مسلمة
03-06-2011, 09:59 AM
جزاكم الله خيرا
بس أعتقد أنه ناقص كمان الرقم التأمينى صح ولا لأ ايه ياجماعة ؟

لأ .. هو دا نفس الإعلان عندنا فى النقابة .

mbi220004
03-06-2011, 10:09 AM
:barak:

dr.mohhey
03-06-2011, 10:22 AM
لا مش لازم
وممكن تخش على موقع الوزارة وهتلااقى فيه رقم الادارة بتاعتك اتص

د/ أحـمـد سـليمان
03-06-2011, 07:45 PM
ليا تعيين فى الجامعة وعايزة اؤجل استلام التكليف ايه رايكم وازاى ممكن اعمله؟
انا سالت دكتور عندنا قالى استلمى بدرى علشان الاجراءات الروتينية كتيرة وعلشان مش ياخروكى فى استلام مكانك فى الجامعة


أكيد انتي عايزة تأجلي علشان تقللي المدة اللي هتقعديها في الوحدة قبل ما تستلمي تعيين الجامعة .. هي فكرة كويسة .. هو كده كده في مهلة للأستلام بعد ما الاسامي توصل للمديريات .. ( الأسامي وصلت السنة اللي فاتت يوم 28/3 ) .. يعني الاستلام بيبدا تقريبا من 1/4 .. و انتي بإذن الله هتستلمي النيابة 1/7 .. يعني 3 شهور .. لو أتاخرتي منهم شهرين مثلا و استلمتي في الشهر التالت .. مش هيحصل اي حاجة .. و مفيش اي مشكلة و مش بيبعتوا إنذارات إلا لو عدى 3 شهور من معاد الاستلام ..
بس خلي بالك .. مينفعش تبدأي الإجراءات و تتأخري في نصها .. يعني مينفعش تستلمي في المديرية و تتأخري في إستلام الادارو و الوحدة يعني الإستلام من بدايته ممكن يتأخر لكن لما تبدأي فيه لازم تكون الخطوات متتابعة

و طالما انتي استلمي في التكليف قبل ما تيجي النيابة .. هيبقى زيك زي كل الناس لما تيجي تخلي من التكليف علشان تستلمي .. يعني مفيش تاخير في النيابة

د/ أحـمـد سـليمان
03-06-2011, 08:11 PM
ممكن الخطوات بالتفصيل والترتيب

يعنى 1 مثلا هو استلام ترخيص المزاوله 2 الأسامى تكون وصلت المديره فنروح ونكشف ونكمل ........

ولا بنكشف الأول و لو كده الكشف بيكون فين؟
الخطوات ..
1- تصريح مزاولة المهنة بيطلع ( لو طلعته من القاهرة بتاخده في نفس اليوم و لو قدمت في النقابة الفرعية في محافظتك بياخد وقت حسب ُ بعد المحافظة ) بس كده كده كل الناس بتكون طلعته قبل وصول الاسامي للمديريات إن شاء الله ..

2- فيش موجه لوزارة الصحة .. زي الفيش اللي عملته للنقابة .. و اعمل حسابك انه بياخد وقت

3- تجيب استمارة بتاعة كشف التأمين الصحي .. اسمها استمارة 111 و تمنها 10 جنيه .. بتشتريها من مكتب البريد او من التأمين الصحي نفسه .. هتلاقي فيها رقم تليفون الخط الساخن بتاعهم .. هتتصل تحجز معاد و تمليه بياناتك بما فيها الرقم القومي و محافظة التعيين و خلافه .. هتعرف معادك ... هتروح قبلها على المديرية و هتحط صورك على الاستمارة و تمضيها و تختمها منهم ( هما فاهمين المطلوب ) .. بعد كده بتروح الفرع بتاع التأمين الصحي اللي في محافظتك ( هتكون عرفت مكانه و انت بتحجز بالتليفون ) هتروح و تاخد معاك 80 جنيه و تعمل تحاليل و شوية فحوص روتينية و انت واقف و تاخد استمارتك جاهزة

4- الاسماء هتوصل المديريات ( غالبا على آخر شهر 3 ) انا شخصيا مش شايف اي داعي لإستعجال الشديد .. الاسامي وصلت عندنا السنة اللي فاتت يوم 28 / 3 و هما بدأو يحددوا يوم استلام لكل ادارة من ادارات المحافظة .. بحيث يخففوا الزحام .. انا شخصيا استنيت لما الدنيا هديت و استلمت يوم 8-4-2010 و كانت مصلحة .. لأن الادارة اللي كنت رايحها ( اولاد صقر - محافظة الشرقية ) كانت تقريبا مفيهاش دكاترة و كل اللي استلم بدري راح طبيب اول .. خلي بالك ان كل مدير ادارة عنده اماكن فاضية بيحاول يكملها الاول .. و صدقوني والله كل شيء نصيب .. محدش يقدر يعرف هيستريح فين او يتعب فين .. المهم باقي الاجراءات في المديرية بتبقى روتينية و انت ملكش فيها اي دور غير تصوير شوية ورق و تملأ بيانات حسب ما هما يطلبوا منك و تجهز الاوراق الاساسية بتاعتك ( بكالورويس - امتياز - تصريح المزاولة - شهادة ميلاد كمبويتر - موقف تجنيد او لو معاك اعفاء - صور بطاقة - ملف مصوغات تعيين من اي مكتبة - إقرار زمة مالية من مكتب البريد )

5- اجراءات المديرية دي اسمها ( إستلام العمل ) و تاريخ استلامك ده هيبقى تاريخ تعيينك .. يعني انت على قوة الشغل من اول اليوم ده .. المهم ...الاجراءات دي هتنتهي بإنك تاخد جواب موجه للادارة بتاعتك ( السيد مدير ادارة ................. قادم اليكم الطبيب .............. للعمل لديكم طبيب تكليف .. برجاء تسليمه العمل ) و هيكون غالبا الجواب بتاريخ تاني يوم ... لازم تروح تاني يوم لأنك على قوة الشغل و مينفعش تتأخر في التنفيذ ( لاحظ انك مش مقيد إنك تستلم في المديرية في يوم معين .. لكن بمجرد استلامك في المديرية لازم تنتظم تاني يوم في الادارة ) .. لأن انا مكنتش واخد بالي من النقطة دي و اتأخرت

6- هتروح الادارة بالجواب العظيم ده و هتدخل للمدير و هو هيوزعك على احد الوحدات .. كل مدير ادارة و له نظامه .. (احنا عندنا عمل اجتماع و وزع قدام الكل .. في غيره بيوزع الي يجيله اول بأول .. في مدير ادارة خلاهم يكتبوا رغبات و هو يوزع حسب احتياج وحداته ) المهم انك هتعمل شوية اجراءات في الادارة ( بس طبعا اقل من المديرية ) و هتنتهي بإنك تاخد جواب للوحدة العظيمة اللي حضرتك هتستلم فيها + مفردات المرتب ... ... هتروح على الوحدة معاك الجواب + مفردات مرتبك ... هتستلم العمل ( إجراءات اقل خالص ) ... و يستحسن تصور المفردات و تخليها معاك علشان هتحتاجها ... و يستحسن في كل الخطوات دي يبقى معاك عدد كافي من صور البطاقة و الصور الشخصية ...


و لو في اي استيضاح انا في الخدمة

د/ أحـمـد سـليمان
03-06-2011, 08:24 PM
الرقم التأميني مش مطلوب

Dr.maimm
03-06-2011, 08:28 PM
جزاكم الله خيرا يادكتور احمد



:barak:

jasmin888
03-06-2011, 10:32 PM
جزاك الله كل خير يادكتور احمد
الموضوع بقى اسهل بكتير
ممكن انقله لزمايلي عالفيس والمنتديات؟

د/ أحـمـد سـليمان
03-06-2011, 10:50 PM
و جزاكم الله خيرا .. بالتوفيق للجميع
ممكن انقله لزمايلي عالفيس والمنتديات؟
طبعا على الرحب و السعة .. و كذلك يشرفنا و جودهم معانا

amse_010
03-07-2011, 10:23 AM
تمام كده جزاكم الله خيرا د/ أحمد

drhendmysoul
03-07-2011, 12:54 PM
:barak:

noor elsabah
03-07-2011, 03:05 PM
انا جالي ابو كبير ايه اخبار ادارتها وياريت اسماء الوحدات الكويسه القريبه من ناحية الزقازيق
وياتري هي افضل ولا بلبيس لو بلبيس افضل اعمل تظلم سماح مجموع ولا لا :5817.imgcache::S18SoundAsleep::5817.imgcache:
:gzak:

د/ أحـمـد سـليمان
03-07-2011, 04:20 PM
انا نسيت اقول في الأوراق :

عمل فيش و تشبيه ( صحيف حالة جنائية ) .. بتعمله في قسم الشرطة و بيكون موجه لـ وزارة الصحة .. يتعمل دلوقتي علشان بياخد وقت .. حوالي 10 - 15 يوم حسب المحافظة .. و بيقولوا في القاهرة بيتعمل فوري بس مش متاكد فين بالظبط ... طبعا انتوا عملتوا واحد قبل كده للنقابة .. ده هيبقى زيه

تاني حاجة ... ورقة ( إقرار زمة مالية ) بتشتريه من مكاتب البريد و خصوصا المكاتب الرئيسية .. هو تمنه حوالي 75 قرش و مش بتكتب فيه حاجة

د/ أحـمـد سـليمان
03-07-2011, 04:27 PM
انا جالي ابو كبير ايه اخبار ادارتها وياريت اسماء الوحدات الكويسه
هو تقريبا كل التكليف شبه بعضه .. مش هتفرق إنتي فين اللي بيفرق هو المسافة من مكان لمكان .. بس اللي اعرفه إن مدير إدارة ابو كبير بيقولوا عليه كويس و حتى انه معروف في الوزارة بالإسم د/ عبد الرؤوف .. و الادارة عموما سمعتها كويسة .. اما بخصوص الوحدات .. فلازم حد من الادارة نفسها يفيدك فيها .. إن شاء الله حد من الزملاء يدخل يتكلم عنها ... أما بالنسبة لبلبيس .. فهي تعتبر اقرب شوية و مواصلاتها اسهل علشان هي طريق سريع .. القاهرة الصحرواي و العاشر من رمضان .. و كذلك مواصلاتها من قلب الزقازيق جنب محطة القطار .. بينما ابو كبير موقفها بعيد شوية بعد الزراعة .. بس انا شايف ان المحصلة النهائية الاتنين مش هيفرقوا عن بعض .. خصوصا ان تظلم سماح المجموع بيكون مقيد بالاحتياجات و اكتفاء الاماكن .. و الغالب ان الاماكن دي بتكون اتملت

amse_010
03-07-2011, 05:59 PM
. هتروح قبلها بيوم على المديرية ( حتى لو كانت الاسامي لسة موصلتش ) هتحط صورك على الاستمارة و تمضيها و تختمها منهم ( هما فاهمين المطلوب ) ..

هل العباره دى مؤكده لأن فيها زمايلنا سألوا النهارده وقالوا لهم مش هنختم غير لما توصل الأسامى وأنا حجزت الكشف يوم الأربعاء القادم

jasmin888
03-07-2011, 07:55 PM
للاسف المديرية فالغربية مش راضية تختملنا استمارة الكشف الطبي الا لما الاسامي توصل
ف محدش يحجز بقى الا لما نخلص الورق

أمنية
03-07-2011, 10:10 PM
واحنا كمان ف المنوفية مرضيوش يختموا الاستمارة وقالوا اما توصل الاسامى

د/ أحـمـد سـليمان
03-08-2011, 09:10 AM
هل العباره دى مؤكده لأن فيها زمايلنا سألوا النهارده وقالوا لهم مش هنختم غير لما توصل الأسامى وأنا حجزت الكشف يوم الأربعاء القادم
في الشرقية عندنا بيعملوا كده .. اما باقي المحافظات ممكن تختلف

sally seliman
03-08-2011, 07:45 PM
هو تقريبا كل التكليف شبه بعضه .. مش هتفرق إنتي فين اللي بيفرق هو المسافة من مكان لمكان .. بس اللي اعرفه إن مدير إدارة ابو كبير بيقولوا عليه كويس و حتى انه معروف في الوزارة بالإسم د/ عبد الرؤوف .. و الادارة عموما سمعتها كويسة .. اما بخصوص الوحدات .. فلازم حد من الادارة نفسها يفيدك فيها .. إن شاء الله حد من الزملاء يدخل يتكلم عنها ... أما بالنسبة لبلبيس .. فهي تعتبر اقرب شوية و مواصلاتها اسهل علشان هي طريق سريع .. القاهرة الصحرواي و العاشر من رمضان .. و كذلك مواصلاتها من قلب الزقازيق جنب محطة القطار .. بينما ابو كبير موقفها بعيد شوية بعد الزراعة .. بس انا شايف ان المحصلة النهائية الاتنين مش هيفرقوا عن بعض .. خصوصا ان تظلم سماح المجموع بيكون مقيد بالاحتياجات و اكتفاء الاماكن .. و الغالب ان الاماكن دي بتكون اتملت


السلام عليكم و رحمة الله و بركاته

مع احترامي يا دكتور احمد
هو اسمه عبد اللطيف

ثانيا هو من أسوأ مديري الادارات في تعامله مع الدكاتره
عنده الوحدات لازم تبقى مظبوطه تماما حتى لو على حساب ناس كتير هتضر
يعني مثلا ايام الثورة كان بيخلينا نفضل في النبطشيات لحد المغرب و العشا
مع ان معظمنا بنات و من بلاد بعيدة

اللي بيعدي قدامه و ما يقمش يقف
بياخد 3 ايام جزا

dr.mohhey
03-09-2011, 02:28 AM
طب حد يعرف حاجة عن ادارة العريش

noor elsabah
03-09-2011, 11:51 AM
شكرا د احمد و د سالي بس انا كده احترت اعمل ايه
اعمل تظلم لبلبيس ولو كده استلم في ابو كبير
ولا استني نتيجة التظلم

noor elsabah
03-09-2011, 11:53 AM
وياريت لو حد يعرف اخبار ادارة بلبيس ايه

د/ أحـمـد سـليمان
03-10-2011, 09:50 AM
د/ سالي .. كويس ان حضرتك وضحتي الصورة .. انا معلوماتي عنه من اصحابي بس .. و فعلا سمعت عن شدته .. و ياريت حضرتك توضحي اكتر ظروف الادارة من حيث الوحدات و المواصلات و التعاون من الادارة و المستحقات المالية و هكذا
شكرا د احمد و د سالي بس انا كده احترت اعمل ايه
اعمل تظلم لبلبيس ولو كده استلم في ابو كبير
ولا استني نتيجة التظلم

احنا بردو معرفناش معلومات كافية عن بلبيس علشان نرجح بينهم
ياريت لو حد يدخل يفيدنا عنها اكتر
لكن حسب المتاح حاليا .. يبقى تعملي تظلم على بلبيس و تستني النتيجة و حسب ما ربنا ييسر الخير
و صلي استخارة

تائبة الى الله
03-12-2011, 12:19 AM
يادكاترة شوروا على انا لى استفسار مجموعى جايب جهة خارجية قريبة منى وهعمل تظلم سماح مجموع لها امشى فى سكته الاول وبعدين لو مانفعش ابدل والا اعمل الاتنين مع بعض والا ايه ؟

د/ أحـمـد سـليمان
03-12-2011, 07:51 PM
يادكاترة شوروا على انا لى استفسار مجموعى جايب جهة خارجية قريبة منى وهعمل تظلم سماح مجموع لها امشى فى سكته الاول وبعدين لو مانفعش ابدل والا اعمل الاتنين مع بعض والا ايه ؟
لو الجهة الخارجية دي مناسبة يبقى توكلي على الله و امشي فيها الأول لأن سماح المجموع مرتبط بالاحتياجات .. فممكن تلاقي اماكن لسة متاحة دلوقتي انما بعد كده ميرضوش
اما التبديل فهو متاح في اي وقت حتى لو فترت التظلمات انتهت من حقك تروحي تبدلي في الوزارة نفسها ..
و بالمناسبة .. مينفعش تمشيي في الاتنين في وقت واحد

دزهرةالخريف
03-12-2011, 09:35 PM
لو سمحتم ياجماعة حد يعرف اي معلومات عن التل الكبير في الاسماعيلية

دزهرةالخريف
03-12-2011, 09:38 PM
يادكاترة شوروا على انا لى استفسار مجموعى جايب جهة خارجية قريبة منى وهعمل تظلم سماح مجموع لها امشى فى سكته الاول وبعدين لو مانفعش ابدل والا اعمل الاتنين مع بعض والا ايه ؟





طبعا يادتائبة الي الله
استخيري ربنا وبعدين اتوكلي علي الله واستلمي في الجهة الخارجية دي حاجة جميلة جدا وميزتها انك ممكن تقدمي علي طول في الماستر وترحمك من وزارة الصحة وتعبها
انا سألت ناس كتير وقالو لي كده

تائبة الى الله
03-12-2011, 10:19 PM
:gzak:

تائبة الى الله
03-12-2011, 10:26 PM
لو الجهة الخارجية دي مناسبة يبقى توكلي على الله
مناسبة جدااااااااااااا جداااااااااااااا لكن انا الى خايفة انها ماتجيش علشان كده بفكر فى التبديل برده كحل.
لأن سماح المجموع مرتبط بالاحتياجات
هى دى باه المشكلة الى انا خايفة منها .

اتوكلي علي الله واستلمي في الجهة الخارجية دي حاجة جميلة جدا وميزتها انك ممكن تقدمي علي طول في الماستر وترحمك من وزارة الصحة وتعبها
ياريت انا اتمنى بس هى تيجى دى تفرق معايا كتيييييييييييييير جداا بغض النظر عن الماستر ربنا يستر
نفسي حد يطمنى بخصوص التظلمات هل فعلا بيجى منها نتيجة فى حالة زى كده.

تائبة الى الله
03-15-2011, 09:12 PM
عاوزة اعرف سؤال مهم هو وقت ماالواحدة تعقد تقدر تغير تكليفها مكان زوجها والا ايه ؟؟حتى لو استلمت فى مكان بعيد بترجع عادى؟

د/ أحـمـد سـليمان
03-16-2011, 08:49 PM
عاوزة اعرف سؤال مهم هو وقت ماالواحدة تعقد تقدر تغير تكليفها مكان زوجها والا ايه ؟؟حتى لو استلمت فى مكان بعيد بترجع عادى؟
ايوة .. من حقك في اي وقت تقدمي طلب في الوزارة انك تتنقلي لمقر اقامتك بعد كا تتزوجي .. حتى لو كنتي استلمتي في اي مكان

مصرواي
03-24-2011, 04:19 AM
تكليف مارس 2011 حد استلم ولا لسه ...........في ناس زمايلنا استلمو في اسيوط

dr seham
03-24-2011, 04:23 AM
استلموف اسيوط ازاى من غير قرار التكليف مايخلص من الوزاره

عموما القرار خلص ف وزاره الصحه النهرده بس وكان اول يوم ونزلت جبته ولسه قدامى حوالى من اسبوع لعشر ايام لحد ماستلم على ماتخلص الاجراءات

هدى النفس
03-24-2011, 05:18 PM
يادكاتره لوسمحتوا حد طلع كارنيه ترخبص مزاوله المهنه ........ وهل لازم حكايه 4صور مختومه من الكليه ارجو الرد علشان الحق اروح اعملهم..........

ahmedase
03-24-2011, 10:14 PM
نرجو من لدية معلومات حول موعد نزول الاسماء للمديريات للاستلام المشاركة بها ولكم جزيل الشكر

dr seham
03-25-2011, 01:21 AM
الترخيص عاوزين 3 صور والكارنيه للنقابه صورتين والختم ملهوش لزمه
الاسماء والرقرات خلصت ف الصحه بس معرفش بتاخد اد ايه ع ماتتوزع ع المديريات وفى ناس قالت انك لازم تروح تجبها لان فى مديريات مش بتوصلها

هدى النفس
03-25-2011, 11:47 PM
شكرا د.سهام يعنى نروح نعمل الحجات دى فى الوزاره علشان فى ناس قالت ان الورقه الى اخدناها من النقابه هى دى الترخيص فا انا مش فاهمه هى الوزاره ها تطلع كارنيه ترخيص ولا ايه...........وحضرتك تقصدى ايه بالقرارت والاسماء وصلت الوزاره

مصرواي
03-26-2011, 02:12 AM
يعني يادكتوره سهام الورق اللي انتي جيبتيه ده ورق الاستلام العمل ولا ترخيص مزوالة مهنه ........التراخيص الكل عملها

dr seham
03-26-2011, 04:57 PM
ى افندم لما كنت بقدم ف النقابه طلعت الترخيص ادونى تلات ورقات للترخيص نفس النسخه واحده اخدوها ف النقابه عشان ده من الاوراق المطلوبه للكارنيه واتنين معانا عشان هنحتاجهم ف التكليف غالبا
اما اللى انا جبته من الوزاره ده صورة من قرار التكليف للجهه الموجه اليها ف التكليف هروح بها المديريه يعرفو بها انى معاهم وامضى واختم استماره الكشف الطبى واعرف مسوغات التعيين اللى هم عاوزينها واخلص ده كله ونرجع تانى للمديريه
ده اللى انا بعمله
لو فى عند حضرتك استفسار حاول توضحهولى

مصرواي
03-26-2011, 07:06 PM
الصورة من قرار التكليف للجهه الموجه اليها ف التكليف هروح بها المديريه.........طيب الاستلام بعديه بقد ايه

د/ أحـمـد سـليمان
03-26-2011, 10:10 PM
صورة من قرار التكليف للجهه الموجه اليها ف التكليف هروح بها المديريه يعرفو بها انى معاهم وامضى واختم استماره الكشف الطبىانا شايف ان مفيش داعي للتعب ده
المديريات القريبة من القاهرة ( زي الدلتا و القناة ) بتوصل لها الاسماء من الوزارة عن طريق مندوب و الإستلام بيبدأ من اول ابريل
المديريات البعدية عن القاهرة ( زي سيناء و الصعيد ) بيوصل لهم الاسماء بالفاكس ( او بيجيبوا الاسامي من النت مباشرة ) .. فممكن التسليم يبدأ بدري شوية عن الباقي ..

كل الكلام ده من خلال تجارب سابقة

اما صورة من قرار التعيين ( هي دي قائمة الاسماء اللي انتم منتظرين وصولها ) في ناس بتستعجل و تروح الوزارة تصور الصفحة اللي فيها الاسم ... علشان تستلم بيها .. بس في محافظات كتير مبتقبلش ده .. ( خصوصا المحافظات القريبة اللي بتوصلها الاسماء عن طريق المندوبين ) ..

يعني متروحش تجيب صورة القرار ده غير لما يكون في سبب للإستعجال في الإستلام و يكون الموظف هو اللي طلبه منك و قالك انك هتستلم بيه

و كذلك مفيش داعي من الاستعجال في ختم استمارة الكشف الطبي .. وقت ما المديرية تختمها لك ابقى احجز بالتليفون و روح اكشف .. خد كل الخطوات على راحتك

عندنا في الشرقية قالوا مش هنسلم حد غير لما الاسماء توصل .. و مع ذلك كانوا بيختموا لنا استمارة الكشف الطبي عادي

لازم تراعي ان ده الخطوات بتاخد وقت .. خصوصا وصول الاسماء ( بيسموها وصول الحركة ) يعني حركة تعيين الاطباء .. ده بيبقى زي كتاب كده فيه كل اسامي الجمهورية .. لأنه جاي من الوزارة مترتب برقم الخريج .. وبيبقى حوالي 300 صفحة .. و بعد كده المديرية بتاخدة تصور منه كذا نسخة بحيث تبقى واحدة مع كل موظف للتسهيل .. و بعدين بيفصلوا اسامي الناس اللي في المحافظة دي لوحدهم .. علشان بعد كده يبعتوها للإدارات .. يعني ممكن بعد ما الاسامي توصل .. يحتاجوا شغل يوم او اتنين قبل ما يفتحوا التسليم

يا دكاترة .. خدوا الامور ببساطة و خلو الخطوات تمشي بسلاسة .. انتوا دلوقتي في اجازة .. و كل ما خطوة يجي معادها هنمشي فيها سواء .. الاستلام بدري ملوش دعوة بالأقدمية و الكلام ده .. و لا بيفرق في اي مميزات .. و لا بيخليك تروح اماكن احسن و لا حاجة ... كل الفكرة ان الاستلام يوصلش لنهاية شهر 4 علشان في النيابات بتتحسب مدة العمل الفعلية من نهاية شهر 4 .. غير كده طول ما انت بعيد عن الوقت ده مفيش اي خوف .. يعني ممكن تستنى نتيجة التظلمات كمان و بعدين تستلم

انا كنت مقدم تظلم و استنيت لما نتيجته ظهرت و اترفض و بعدين استلمت في المديرية يوم 8 ابريل و في ناس استلموا بعدي عادي جدا .. في ظروف خاصة عطلتني في النص .. المهم في نهاية المطاف و صلت الوحدة يوم 26 ابريل .. و .. كانت مصلحة اني استلمت طبيب تاني علشان كل الوحدات اكتملت من الاطباء الأوائل .. ( على فكرة الاول و التاني بياخدو نفس المستحقات ) مع الفرق في المسؤلية بين الاتنين

و اي استفسار كل الزملاء تحت امركم

reciprocal
03-27-2011, 12:44 AM
هو كارنيه النقابة مطلوب لاستلام التكليف؟

د/ أحـمـد سـليمان
03-27-2011, 11:20 AM
هو كارنيه النقابة مطلوب لاستلام التكليف؟
لا .. الكارنيه نفسه مش مطلوب
المطلوب هو تصريح مزاولة المهنة ( من الوزراة )

dr6602
03-29-2011, 08:27 PM
الحمد لله انا استلمت النهارده الوحدة بتاعتي مستشفي تكامل :faces705:

شيماء عبد الحميد
03-30-2011, 03:55 PM
انا رحت النهاردة استلم فى الادارةومضيت قرار استلام العمل بس مدير الادارة قالى تعالى بكرة علشان نوزعكم علشان احدد الاماكن اللى حتخلى فيه مشكلة دلوقت ان استلم فى الادارة فى يوم
وفى الوحدة فى يوم تانى
فى ناس بتقول من ساعة ماتمضى استلم العمل بيبقى ليك حضور وانصراف واى غياب بيتحسب؟؟؟؟؟

nesmaniasa
03-30-2011, 04:45 PM
مفيش مشكلة المفروض انتى بتاخدى جواب من الادارة للوحدة خلى موظف الشئون اللى حيكتب ليكى الجواب يكتب تاريخ اليوم اللى انتى حتروحى الوحدة (يعنى لوحتوزعى بكرة خليه يكتب تاريخ الجواب بيوم السبت 4/2 احسن )
وكمان لكى تطمئنى امضى حضورك فى الاداره بيكون فى موظف بتمضى عنده لو انتى رايحة الادارة فى اى وقت
ربنا معاكوا ويصبركوا على الوحدة زى ما صبرنا

د/ أحـمـد سـليمان
03-30-2011, 05:34 PM
مدير الادارة قالى تعالى بكرة علشان نوزعكم ... فيه مشكلة دلوقت ان استلم فى الادارة فى يوم وفى الوحدة فى يوم تانى
لا طبعا مفيش مشكلة .. انتي لسة مخدتيش جواب موجه للوحدة .. التأخير بيكون لما تاخدي جواب بتاريخ معين و بعدين متروحيش في التاريخ ده ... و غير كده المدير هو اللي قالك .. يعني مش انتي اللي اتأخرتي .. و أي إستفسار الزملاء كلهم في الخدمة

هدى النفس
03-31-2011, 06:47 PM
لوسمحتوا بالنسبه لاستماره الكشف الطبى ممكن نجيبها من الفيوم ولا من القاهره؟؟؟؟؟

Dr.MohamedA
03-31-2011, 08:05 PM
الاستماره من اي حته بس لازم تتختم من جهه العمل بتاعتك و بعد ماتتصلي بتحددي المكان اللي هتعملي فيه الكشف

هدى النفس
03-31-2011, 09:29 PM
ماينفعش اختمها من القاهره من الوزاره؟؟؟؟لازم من مكان التكليف

Dr.MohamedA
04-01-2011, 12:49 AM
لازم من المديريه بتاعتك
لانك بتعتبري موظفه في المديريه مش الوزاره
انا اتكتبلي في الاستماره لما رحت اختمها مثلا ان جهه العمل مديريه الشئون الصحيه بالجيزه و لازم توقيع الموظفين هناك و ختم النسر عليها

د/ أحـمـد سـليمان
04-01-2011, 09:39 AM
بالنسبة للكشف الطبي
انت بتحجز معاد بالتليفون
و في اليوم المحدد ده .. بتروح المديرية اللي تكليفك فيها .. تشتري الأستمارة و تختمها و تطلع تكشف في المكان المحدد .. ( كل محافظة فيها فرع تأمين الصحي بيكون الكشف فيه ) .. يعني مثلا لو انا تكليفي في الفيوم و عرفت ان الاسماء وصلت .. بحجز بالتليفون و اروح في اليوم المحدد قبل المعاد بشوية .. اشتري الأستمارة لو مكانتش معايا و امضي و اختم من الموظفين في المديرية ( في 5 دقائق ) و بعدين اطلع على الفرع بتاع التأمين الصحي اللي في الفيوم ( هيقولولي العنوان و انا بحجز بالتليفون )

هدى النفس
04-01-2011, 11:21 AM
شكرا جدا يادكاتره على الرد:gzak:

تائبة الى الله
04-03-2011, 01:22 PM
يادكاترة ممكن حد يفهمنى انا اعمل ايه دلوقتى انا مش عارفة حاجة ومش عارفة اعرف اسمى وصل المديرية والا لا منين ؟وبعد مااعرف اعمل ايه ؟؟
انا تهت فى المواضيع ومش عارفة اوصل
ممكن حد بفهمنى الخطوات بالترتيب بالراحة

Dr.MohamedA
04-03-2011, 01:40 PM
ممكن تعرفي اسمك وصل ولا لأ عن طريق التليفون ارقام المديريات موجوده بموقع وزاره الصحه
هتروحي و معاكي شهاده ميلاد و شهاده تخرج و امتياز و فيش و تشبيه و 4 صور تقريبا و استماره 111 تامين صحي
ده اللي خدوه مني في الجيزه
و هما هيدوكي ورق تمليه
و هيختمولك الاستماره تحجزي معاد للكشف و تكشفي و ترجعيلهم بالنتيجه هيدوكي جواب الاستلام
و بالتوفيق

تائبة الى الله
04-03-2011, 02:03 PM
جزاك الله خيرا
و استماره 111 تامين صحي
دى اجيبها منين ؟؟

Dr.MohamedA
04-03-2011, 02:19 PM
من اي مستشفي تامين صحي

د/ أحـمـد سـليمان
04-03-2011, 04:23 PM
يادكاترة ممكن حد يفهمنى انا اعمل ايه دلوقتى انا مش عارفة حاجة ومش عارفة اعرف اسمى وصل المديرية والا لا منين ؟وبعد مااعرف اعمل ايه ؟؟
انا تهت فى المواضيع ومش عارفة اوصل
ممكن حد بفهمنى الخطوات بالترتيب بالراحة
شوفي المشاركة دي يا دكتورة
http://www.alltebfamily.com/vb/showthread.php?p=273665#post273665

تائبة الى الله
04-04-2011, 06:03 PM
يادكاترة عندى شوية اسئلة الله يكرمكم :
انا ان شاء الله هعقد يوم الخميس ومااستلمتش لسة
المفروض باه اروح الوزارة ومعايا ورق التكليف والقسيمة وصورة بطاقة زوجى انا سمعت ينفع رقم القسيمة ورقم سجلها تقربا وتاريخ تسجيلها هل ده صح يعنى مش لازم استنى لما تطلع لانكوا عارفين انها بتاخد وقت .وهل لو استنين لما تطلع ده هيعمل لى مشكلة ؟؟؟

pure spirit
04-04-2011, 08:31 PM
يادكاترة عندى شوية اسئلة الله يكرمكم :
انا ان شاء الله هعقد يوم الخميس ومااستلمتش لسة
المفروض باه اروح الوزارة ومعايا ورق التكليف والقسيمة وصورة بطاقة زوجى انا سمعت ينفع رقم القسيمة ورقم سجلها تقربا وتاريخ تسجيلها هل ده صح يعنى مش لازم استنى لما تطلع لانكوا عارفين انها بتاخد وقت .وهل لو استنين لما تطلع ده هيعمل لى مشكلة ؟؟؟
مبارك مقدما ياتائبة على العقد وعقبال الزفاف ان شاء الله
لازم اصل القسيمة للاطلاع لو التظلم باليد ومعاه صورة منها ومش لازم صورة بطاقة الزوج ولا حاجة
والموضوع بياخد اسبوعين بالكتير ممكن حتى ماتستلميش بدل مشاوير الاخلاء
وأول ماتعديل تكليفك يطلع بتجيبى صورة طبق الأصل منه وتستلمى فى مديريتك على طول ان شاء الله
بالتوفيق

تائبة الى الله
04-04-2011, 11:17 PM
جزاكِ الله خيرا ياترانيم ..الله يبارك فيك ِ

بصي كويس الحمد لله القسيمة هتطلع يوم الاحد ان شاء الله اخدها واطلع على الوزارة يعنى صح ؟
طيب سؤال معلش هو لازم اكون مغيرة بطاقتى الشخصية الى متزوجة ؟؟والا عادى يكفى القسيمة ؟

وكمان انا لو كتبت مثلا ادارة ميت غمر من حقى لما اجى اتوزع فى ميت غمر اتوزع فى بلد اقامة الزوج والا على مزاجهم ؟؟

وهعرف منين موضوع تعديل تكليفى ده ؟؟واجيب منين صورة منه لما يطلع ؟؟
معلش ياترانيم هتعبك معايا بس بجد انا محتاسة جداااااااااااااااا
ربنا يكرمك

د/ أحـمـد سـليمان
04-05-2011, 02:05 PM
هو لازم اكون مغيرة بطاقتى الشخصية الى متزوجة ؟
وكمان انا لو كتبت مثلا ادارة ميت غمر من حقى لما اجى اتوزع فى ميت غمر اتوزع فى بلد اقامة الزوج والا على مزاجهم ؟؟
وهعرف منين موضوع تعديل تكليفى ده ؟؟واجيب منين صورة منه لما يطلع ؟؟

تغيير البطاقة مش مطلوب
النقل بيكون من إدارة لإدارة .. أما التوزيع جوه الادارة على الوحدات ده ملوش دعوة
تعديل التكليف بيطلع خلال 10 ايام من تقديم الطلب ( بتاخدي معاد و انتي هناك .. و بتاخدي رقم تليفونهم )
لما بتتصلي و تعرفي انه خلص و قرار التعديل طلع .. بتروحي الوزارة تاخدي صورة منه