المساعد الشخصي الرقمي

مشاهدة النسخة كاملة : الترشيح الوزاري لتسجيل الماجستير 2011-2012


د/ أحـمـد سـليمان
04-18-2011, 06:15 PM
*
*
*
*
*
*
*
*
*
تم فتح باب الترشيح
و ده اعلان على موقع الوزارة
http://www.mohp.gov.eg/Sec/Services/LawsRegulation3.asp

و دي معلومات
منقولة
للإفادة


الترشيح الوزارى ده
بيكون للناس الى استلمت نيابتها
و عاوزه تقدم دراسات عليا
بتنـزل مره فى السنه
في نهاية شهر 4
واحنا بنقدم اسمائنا فى المديريات
وبنكتب الجامعات الى عاوزين نحضر فيها
والوزاره بعد كده بترشح الاسماء دى
للجامعات وبعد كده الى اسمه بينزل
بيروح الجامعه ويقدم للتسجيل
و بيستنى يتوافق عليه من الجامعه

د/ أحـمـد سـليمان
04-18-2011, 06:18 PM
انت بتختار الجامعه الى تناسبك
بيكون 3 رغبات
والوزاره بترشحك بطريقتهم
وبعد كده الجامعه بتحط شروطها بقى
( تقديرات - مجموع - قضاء فتره معينه فى النيابة
او حتى تلتزم بخريجى جامعتها فقط )

د/ أحـمـد سـليمان
04-18-2011, 07:43 PM
على فكرة الترشيح الوزاري مبقاش مقيد بقضاء مدة في النيابة
يعني اي طبيب استلم نيابته من حقه يقدم في اول ترشيح ينزل

a.adel
04-19-2011, 05:13 AM
:barak:
:barak:
:barak:

د/شريف سلامة
04-20-2011, 02:31 PM
طب انا لو قدمت واسمى اتقبل فى الترشيح الوزارى
بس مكملتش للاخر وقدمت فى الجامعه
فيه مشكله ياجماعه فى كده؟

د/ أحـمـد سـليمان
04-20-2011, 06:16 PM
مش عارف بصراحة

دكتور أشرف
04-21-2011, 12:28 AM
جزاك الله خيرا

moni
04-22-2011, 12:16 AM
جزاك الله خيرا
ولكن عندي سؤال: أنا دفعة 2008 وهاستلم النيابة 2/5 لسبب غير معلوم
المهم هينفع اقدم في الترشيح ده ولا لأ؟
وايه المطلوب مني اعمله لو ينفع اقدم؟

د/ أحـمـد سـليمان
04-22-2011, 10:34 AM
في دكاترة زمايلنا راحوا الوزارة و طلبوا الطلب ده
و بعد مناقشة و مفاوضات
اتفقوا على ان من حقكم بعد ما تستلموا انكم تقدموا
التقديم بيكون في المديريات

moni
04-22-2011, 02:54 PM
شكرا على الرد
جزاكم الله خيرا

د:ران
04-22-2011, 09:59 PM
:mghoud:

drmai2000
04-22-2011, 11:31 PM
:barak:
:mghoud:
:pbuh-allteb

د/رواء احمد
04-23-2011, 02:13 AM
انا برده هاستلم نيابتى الاسبوع ده ان شاء الله

وان شاء الله ناويه اقدم فى الترشيح الوزارى ده وانا تقديري جيد مرتفع


ونيابتى اشعه
بس لو مثلا كتبت 3 جامعات واشترطوا تقدير جيد جدا

لتسجيل الماجيستير ايه العمل ؟؟؟؟؟؟؟؟

كده مش هاعرف اسجل ولا اييييييييه ؟؟؟؟؟؟؟

د/ أحـمـد سـليمان
04-23-2011, 05:04 PM
لو الـ 3 جامعات اللي كتبتيهم مش قبلوكي ( و ده صعب شوية انه يحصل )
يبقى هتستنى للسنة الجاية تقدمي في الترشيح الجديد
أو تقدمي زمالة مصرية بدل الماجستير

aldoakyelshahat
04-23-2011, 10:18 PM
هل تسجيل رغبات الدبلومه فى المديريه اللى انا مستلم فيها ولا اللى فيها الدرجه الماليه والملف بتاعى

د/ أحـمـد سـليمان
04-24-2011, 12:28 AM
المديرية اللي فيها نيابتك

د:ران
04-25-2011, 11:47 AM
:barak:

نور احمد رضا
04-27-2011, 11:07 PM
أنا نيابتي كلي صناعي وطبعا لازم احضر باطنة قبل الكلي
فهل الاحسن اخد دبلومة باطنة وللا ماجستير باطنة؟
وهل الدبلومة تفيد في حالة السفر للخارج؟
أرجو الافادة

د/ أحـمـد سـليمان
04-27-2011, 11:18 PM
بصراحة معنيش فكرة الماستر احسن و لا الدبلومة
بس ليا استفاسر عن الكلى الصناعي
حضرتك في أي محافظة ؟ و المستشفى كبير و لا صغير
و نظام شغل النايب بيكون ازاي لأني بفكر فيه جديا

dr hagar
04-29-2011, 11:13 PM
السلام عليكم
انا عندى استفسار عن التسجيل السنه دى 2011 فى حد عنده اى اخبار
لو حد عارف حاجه ياريت يقولى
وجزاكم الله خيرا:barak:

pure spirit
04-30-2011, 06:11 PM
أنا نيابتي كلي صناعي وطبعا لازم احضر باطنة قبل الكلي
فهل الاحسن اخد دبلومة باطنة وللا ماجستير باطنة؟
وهل الدبلومة تفيد في حالة السفر للخارج؟
أرجو الافادة
رأيى الشخصى ويحتمل الخطأ
المفاضلة بينهم هتكون على حسب عايزة تسافرى ايه
اخصائى باطنة :يبقى الماستر أفضل
اخصائى نفرو :تبقى الدبلومة أفضل وأسرع
بالتوفيق

د/رواء احمد
04-30-2011, 08:53 PM
لو الـ 3 جامعات اللي كتبتيهم مش قبلوكي ( و ده صعب شوية انه يحصل )
يبقى هتستنى للسنة الجاية تقدمي في الترشيح الجديد
أو تقدمي زمالة مصرية بدل الماجستير


جزاكم الله خيرا

mohammed.elnahrawy
05-01-2011, 04:57 PM
السلام عليكم و رحمة الله و بركاته
انا كان ليا سؤال بس يا جماعة جزاكم الله خيرا
كنت عاوز اعرف هو الترشيح الوزاري لسنة 2011 نزل ولا لسه ؟ و شكرا مقدما على الرد

pure spirit
05-01-2011, 05:04 PM
السلام عليكم و رحمة الله و بركاته
انا كان ليا سؤال بس يا جماعة جزاكم الله خيرا
كنت عاوز اعرف هو الترشيح الوزاري لسنة 2011 نزل ولا لسه ؟ و شكرا مقدما على الرد
لسة مانزلش يادكتور حتى الآن
فيه أقاويل انه هينزل غدا الاثنين فى بعض المديريات
ان شاء الله هنتابع هنا واى جديد هنضيفه

hanno
05-02-2011, 05:43 PM
يا جماعة حد يعرف الترشيح نزل فى مديرية القليوبية؟ومش المفروض لو باب الترشيح فتح انه ينزل ع موقع الوزارة عشان نعرف اى جامعات هتفتح بابها.ياريت حد يفدنى عشان انا موجودة برة مصر وجزاكم الله خيرا ع المجهود

pure spirit
05-02-2011, 10:30 PM
انباء عن نزول الترشيحات الوزارية فى بعض المديريات مثل حلوان والقليوبية والشرقية والغربية وآخر ميعاد للتقديم 20 / 5 / 2011
وانباء أخرى تفيد نزوله فى الدقهلية الأربعاء المقبل ان شاء الله
المصدر:طب مصر

pure spirit
05-03-2011, 09:07 PM
http://a2.sphotos.ak.fbcdn.net/hphotos-ak-snc6/222180_146285085441872_100001811440194_278376_1824 264_n.jpg
المصدر جمعية أطباء مصر

د/ أحـمـد سـليمان
05-05-2011, 03:44 PM
*
*
*
*
*
*
*
*
*
*
*
*
*
*http://www.mohp.gov.eg/Sec/Services/LawsRegulation3.asp

dr hagar
05-05-2011, 05:31 PM
السلام عليكم
لو سمحت فى اى طبيب مسجل اشعه او ناوى يسجل ماستر اشعه ف جامعه الازهر بنين اسيوط
ارجو الاستفسار عن نظام الحضور ف الماحاضرات والتفرغ
:barak:

sally seliman
05-05-2011, 06:52 PM
انا كنت في المديريه النهاردة

الاوراق المطلوبه هي

1 - صورة طبق الاصل من شهادة التخرج معتمدة
2- صورة طبق الاصل معتمدة لبيان الدرجات
3 - استمارة كفيل
4 - استمارة طلب التقديم
و اخر اتنين بنجيبهم من نفس المكان اللي نازل فيه الاعلان (مركز التدريب في المديريه)

د/ أحـمـد سـليمان
05-05-2011, 06:55 PM
الف شكر يا دكتورة
و ياريت لو في معلومات جديدة توافينا بيها

dr_hanoty
05-06-2011, 05:56 PM
ار جوووووووووووووكم حد يرد بسرعة
انا جاتلي نيابة عظام ف دمنهور التعليمي بس انا حاليا ف الجيش
ازاي استلم النيابة؟ وهل ينفع اقدم ف الترشيح الوزارى ده؟
مشكلتي اني ف الجيش ووقتي مش كتير امتي اخر ميعاد للتقديم؟ افيدوني بالله عليكم

dr_hero85
05-06-2011, 10:42 PM
ار جوووووووووووووكم حد يرد بسرعة
انا جاتلي نيابة عظام ف دمنهور التعليمي بس انا حاليا ف الجيش
ازاي استلم النيابة؟ وهل ينفع اقدم ف الترشيح الوزارى ده؟
مشكلتي اني ف الجيش ووقتي مش كتير امتي اخر ميعاد للتقديم؟ افيدوني بالله عليكم

استلام النيابة بيكون بعد الجيش ... بس بتروح المديرية وتقدم اثبات تجنيد ..

علشان يحفظ لك النيابة ..

حاول تخلص اثبات التجنيد وتقدمه في اول اجازة وهتعرف الاستلام والتقديم ازاي لما تقدمه في المديرية

بالتوفيق

dr_hanoty
05-06-2011, 11:58 PM
الف شكر ع رد حضرتك يا دكتور هيرو

dr_7ego
05-07-2011, 01:56 AM
يا جماعة انا عايز اعرف اخر ميعاد لتقديم اوراق الترشيح الوزارى امتى؟؟؟؟؟؟؟؟؟؟؟؟؟؟؟؟خاصة انى سامع انهم مدوه ل15/6
وهل ينفع ااقدم الورق بتاعى انا مباشرة للوزارة او المديرية؟؟؟؟؟؟؟؟؟؟؟؟؟؟؟
وهل ينفع اقدم الترشيح الوزارى وانا لسة مستلمتش النيابة؟؟؟؟؟؟؟؟؟؟؟؟؟؟؟؟؟ارجو الافادة

smartdoctor2003
05-07-2011, 04:56 AM
طيب يا جماعة انا لو عايز احضر اطفال و مجموعى جيد 74.3 % ..تنصحونى اكتب جامعات اية فى الترشيح الوزارى ...

مع العلم انى من دمياط و خريج الزقازيق ....

mohammed halafawy
05-07-2011, 02:22 PM
بالفعل الاعلان نزل على موقع الوزارة بس مش كل الجامعات موجودة زى جامعة اسيوط مثلا ده معناه ايه

*Eman
05-07-2011, 08:45 PM
السلام عليكم ورحمة الله وبركاته:

لو سمحتم عندى سؤال عن اعلان الدراسات العليا ....هو الاعلان بينزل مرة واحده بس فى السنه فى شهر ابريل ولا بينزل مرتين فى السنه فى شهر 4 وشهر 11؟ لأنى سمعت انه بينزل مرتيين فى السنه وسؤالى بالأخص عن جامعة المنوفيه؟

وجزاكم الله خيرا

drmai2000
05-07-2011, 11:03 PM
السلام عليكم
انا انتداب في التامين الصحي هل بقدم في المديريه
ولا في التامين؟؟؟؟؟؟؟؟؟؟؟؟؟
ارجو الافاده

fanta adel
05-08-2011, 03:24 PM
يا جماعة ماحدش عنده معلومات عن مواعيد فتح الجامعات للدراسات العليا ؟؟؟ ياريت لو حد عارف يفيدنا

د/ أحـمـد سـليمان
05-08-2011, 06:12 PM
الترشيح الوزاري مرة واحدة كل سنة في شهر 4
و بعد ما نتيجته تظهر بيكون التقديم في الجامعات في شهر 9

drmera
05-08-2011, 10:40 PM
من فضلكوا ايه موضوع ان يكون مر عليك سنتين تكليف او سنة من استلام النيابة عشان تقدم فى الترشيح الوزارى؟

pure spirit
05-08-2011, 11:19 PM
من فضلكوا ايه موضوع ان يكون مر عليك سنتين تكليف او سنة من استلام النيابة عشان تقدم فى الترشيح الوزارى؟
ده كان شرط قديم من شروط التقديم فى الترشيحات الوزارية كان عبارة عن فترة بينية تقضيها فى التخصص قبل التقديم للتسجيل
لكن خلاص الشرط ده انتفى مع حركة التظلمات الاستثنائية اللى حصلت فى ابريل واللى استلم نيابته يقدر يقدم عادى من غير الشرط ده

dr_hanoty
05-09-2011, 12:19 PM
ارجووووووووكم انا ف الجيش
ايه موقفي؟

pure spirit
05-09-2011, 07:26 PM
ارجووووووووكم انا ف الجيش
ايه موقفي؟
عادى يادكتور لو كنت استلمت نيابتك قبل الجيش تقدر تسجل وتمتحن كمان مفيش مشاكل

dr_hanoty
05-10-2011, 12:21 AM
ايه موقف اللي عنده جزاءات؟ هل حيستبعد من الترشيح
بس دي جزاءات بسيطة بتاعت الغباب مش خطأ ف العمل مثلا؟

diaagggg
05-11-2011, 08:14 PM
أرجو الافادة سريعا
الدبلومة القديمة (one shot) بالنسبة لتخصص الأطفال...ما هى الجامعات الموجودة بها؟
أنا أعرف الأزهر و الزقازيق..بس للأسف مش مناسبين ليا هم الاثنين و عايز أعرف جامعات غيرهم بها هذا النوع من البلومة
و لكم جزيل الشكر

diaagggg
05-11-2011, 08:29 PM
شرط استلام النيابة و فهمناه
طيب ايه حكاية سنتين من بداية التكليف
طيب انا مستلم نيابتى منذ 6 شهور لكن حتى الآن لم يمر على من بداية التكليف سوى سنة وسبعة أشهر
ازيك بقى...!!!

hodhod_2008
05-12-2011, 12:16 AM
السلام عليكم ياجماعه انا سمعت ان التسجيل ده هيتمد لحد 15- 6
مفيش حدد عنده اي معلومات عن الخبر ده
لاني عايزة استلم بس انا مقدمه في التظلمات
ومش عارفه اعمل ايه
ارجوكوا الرد بسرعه

drmai2000
05-12-2011, 12:43 AM
السلام عليكم
طيب لو طبيب تكليف في الصحه وعمل انتداب للتامين الصحي وشغال في قسم كطبيب مقيم
ومر علي التكليف سنه ممكن يقدم في الدراسات العليا
ارجو الافاده
:pbuh-allteb

pure spirit
05-12-2011, 12:45 AM
السلام عليكم ياجماعه انا سمعت ان التسجيل ده هيتمد لحد 15- 6
مفيش حدد عنده اي معلومات عن الخبر ده
لاني عايزة استلم بس انا مقدمه في التظلمات
ومش عارفه اعمل ايه
ارجوكوا الرد بسرعه
مد التسجيل للأطباء اللى هيجيلهم نيابات من تظلمات ابريل لحد 15 / 6
اما اللى استلموا النيابات القديمة التسجيل لحد 25 / 5
وده النص من على موقع الوزارة :
ملحوظة:- التقدم لدراسات العليا بمديريات الشئون الصحية علي مستوي الجمهورية حتي 25/5 عدا الإطباء المتقدمين لتظلمات النيابات إبريل 2011 وذلك حتي 15/6 لهم بشرط إستلام النيابة .

pure spirit
05-12-2011, 01:03 AM
شرط استلام النيابة و فهمناه
طيب ايه حكاية سنتين من بداية التكليف
طيب انا مستلم نيابتى منذ 6 شهور لكن حتى الآن لم يمر على من بداية التكليف سوى سنة وسبعة أشهر
ازيك بقى...!!!
خلاص الشرط ده انتفى من العلاجى واصبح شرطهم فقط استلام النيابة
اما الوقائى اللى هيا نيابات الريف أو البعثات مازال موجود شرط سنتين عمل فعلى فى التكليف

د/ أحـمـد سـليمان
05-12-2011, 02:50 AM
عندنا في الشرقية معلقين ورقة انه لغاية 19-5

sorseenom
05-12-2011, 06:57 PM
انا عايزة اعرف ايه احسن اماكن لتسجيل ماستر او دبلومة الاطفال من فضلكم يا جماعة اى حد يعرف اجابة السؤال ده يرد عليا ضرورى

drmera
05-14-2011, 09:26 PM
من فضلكوا كنت عاوزة استفسر عن طب ازهر دمياط فيه تحضير طب اسرة

د/رواء احمد
05-17-2011, 07:41 PM
طبعا العنوان واضح

بس ده والله تهريج

هما ف الاول قالو ان تسجيل الدراسات العليا هيبدا من 20/4 وهينتهى 20/5

بس الاعلان نزلوه متاخر على 29 / 4 كده

يبقى من الاولى بقى انهم يمدوا فترة التسجيل

والا دا يبقى كده ظلم

د/ أحـمـد سـليمان
05-17-2011, 08:23 PM
المفروض يبقى شهر على الاقل
لأنه بينزل من السنة للسنة

د/رواء احمد
05-17-2011, 08:28 PM
المفروض يبقى شهر على الاقل
لأنه بينزل من السنة للسنة


صح كده

ودا بصراحه اللى كنا منتظرينه

بس السرعه اللى حصلت دى معناها انهم مش عاوزين حد يقدم كتير

دا اغلبية نيابات نوفمبر اللى استلموا استلموا ف شهر 5

يعنى يادوب ملحقوش ياخدوا نفسهم واتفاجئوا انالتسجيل هيتقفل

وياريت الاوراق جاهزه

دا الورقه دى بتاعة بيان الدرجات

بتاخد اسبوع لما تطلع

pure spirit
05-17-2011, 09:18 PM
امال ليه كاتبين على موقع الوزارة التقديم ينتهى 25 / 5 للناس اللى استلموا نياباتهم
فيه زحمة فى الجامعة ولا ايه يارواء بيان الدرجات انا كنت عملته وطلع بعد 3 أيام بالظبط مع انهم كانوا قايلين اسبوع

د/ أحـمـد سـليمان
05-17-2011, 09:32 PM
ممكن يكونوا مــــّدوه ؟

د/رواء احمد
05-17-2011, 09:44 PM
امال ليه كاتبين على موقع الوزارة التقديم ينتهى 25 / 5 للناس اللى استلموا نياباتهم
فيه زحمة فى الجامعة ولا ايه يارواء بيان الدرجات انا كنت عملته وطلع بعد 3 أيام بالظبط مع انهم كانوا قايلين اسبوع




الكلام ده بجد يا ترانيم ...... يعنى اكيد لغايت 25 /5

اصل انا لسه النهارده روحت كليتنا المصونه

وطبعا انتى عارفه بتوع الشئون بتوعنا ....بجد ربنا يهديهم علينا

تعبولى اعصابى النهارده خالص

و فضلت اعيط النهارده من المعامله اللى بيعاملوهالنا

لولا واحده كانت معايا دفعة 2004 ربنا يكرمها فضلت تزعق فيهم

لغايت لما عرفت اخد حقى منهم

بس برده قالوا لى انى استلم بيان الدرجات ده يوم الاثنين اللى جاى

ولما عرفت ان التقديم اخره يوم 20

قلت كده خلاص التسجيل راح عليا

د/رواء احمد
05-17-2011, 09:53 PM
ممكن يكونوا مــــّدوه ؟

ياريت بجد يا دكتور

pure spirit
05-17-2011, 10:52 PM
الكلام ده بجد يا ترانيم ...... يعنى اكيد لغايت 25 /5

اصل انا لسه النهارده روحت كليتنا المصونه

وطبعا انتى عارفه بتوع الشئون بتوعنا ....بجد ربنا يهديهم علينا

تعبولى اعصابى النهارده خالص

و فضلت اعيط النهارده من المعامله اللى بيعاملوهالنا

لولا واحده كانت معايا دفعة 2004 ربنا يكرمها فضلت تزعق فيهم

لغايت لما عرفت اخد حقى منهم

بس برده قالوا لى انى استلم بيان الدرجات ده يوم الاثنين اللى جاى

ولما عرفت ان التقديم اخره يوم 20

قلت كده خلاص التسجيل راح عليا

اسألى فى المديرية عندكم هيخلص امتى التقديم لأن التعليمات بتجيلهم من الوزارة
ربنا ييسرلك ويهدى بتوع الشئون
وان شاء الله تلحقى تقدمى

drmohammed1985
06-02-2011, 09:32 PM
ممكن الجامعات اللي نازلة في الترشيح الوزاري عظاااااااااااااااااااااااااام

drmohammed1985
06-02-2011, 09:35 PM
ممكن الجامعات اللي نازلة في الترشيح الوزاري عظاااااااااااااااااااااااااام

dr_hanoty
06-03-2011, 12:12 PM
السلام عليكم
اللي اعرفه بنها وهي طالبة خرجينها فقط
وطنطا وشبين وعين شمس والزقازيق والمنصورة
انما بالنسبة للاسكندرية والقاهرة والازهر معنديش فكرة واللله

مؤمن عز الدين
06-03-2011, 06:11 PM
كان في ملف للجامعات دي
بس مش عندي دلوقتي
لو دورت هتلاقيه على النت
شوف الموضوع ده
http://www.alltebfamily.com/vb/showthread.php?t=38848

مؤمن عز الدين
06-03-2011, 06:12 PM
موضوع مهم

dr.okasha
06-03-2011, 09:34 PM
ارجو الاستفسار عن شئ انا كنت تكليف وقدمت نيابة ريف اطفال بس النتيجة لسه ما ظهرتش وجالى نيابة علاجى نسا هل نيابة الريف هتأثر حاجه على التسجيل للماستر بتاع النيابة العلاجى

Dr\White Angel
06-03-2011, 10:37 PM
ممكن لو حد عندة الملف الي فية

الجامعات والتخصصات بتاعتا الي نازلة في التقديم يرفعة هنا تاني

لان الملف مش موجود في اللنك في اول الموضوع

ضروري لو سمحتوا

pure spirit
06-03-2011, 11:07 PM
ارجو الاستفسار عن شئ انا كنت تكليف وقدمت نيابة ريف اطفال بس النتيجة لسه ما ظهرتش وجالى نيابة علاجى نسا هل نيابة الريف هتأثر حاجه على التسجيل للماستر بتاع النيابة العلاجى
لا يادكتور مش بتاثر ولا تعارض بين الاثنين ان شاء الله

pure spirit
06-03-2011, 11:32 PM
ممكن لو حد عندة الملف الي فية

الجامعات والتخصصات بتاعتا الي نازلة في التقديم يرفعة هنا تاني

لان الملف مش موجود في اللنك في اول الموضوع

ضروري لو سمحتوا


ده الملف المطلوب يادكتورة وايت
http://www.mediafire.com/?mrdie87kcmfnv

dr.okasha
06-03-2011, 11:49 PM
جزاكم الله خيرا

pure spirit
06-04-2011, 01:03 AM
التخصصات المطلوبة فى بعض الكليات مع الشروط
http://www.mediafire.com/?mrdie87kcmfnv

Dr\White Angel
06-04-2011, 01:58 PM
جزاكم الله كل الخير د\ترانيم

pure spirit
06-07-2011, 06:25 PM
خبر سار من الوزارة
============
تنوية هام: بناء على الطلبات المقدمة من السادة الأطباء و توجيهات معالي ا.د الوزير و

تيسيراً على السادة الأطباء المتقدمين لحركة تظلمات أبريل 2011 الإستثنائية ، تود الوزارة

ان تعلن عن مد فترة الترشح الوزاري للدراسات العليا حتى 30/6/2011
....
نقلا عن جمعية أطباء مصر

Dr.H
06-09-2011, 11:08 AM
خبر سار من الوزارة
============
تنوية هام: بناء على الطلبات المقدمة من السادة الأطباء و توجيهات معالي ا.د الوزير و

تيسيراً على السادة الأطباء المتقدمين لحركة تظلمات أبريل 2011 الإستثنائية ، تود الوزارة

ان تعلن عن مد فترة الترشح الوزاري للدراسات العليا حتى 30/6/2011
....
نقلا عن جمعية أطباء مصر

يا ترى مد الفترة ده لاطباء التظلمات بس ولا كله؟؟

dr misho
06-09-2011, 12:50 PM
لو سمحت يا دكتور لو انا واخد تكليف في مستشفيات القوات المسلحة من شهر تسعة,,,,,ينفع اسجل ماستر في شهر 4 بورقه من المستشفي اللي انا فيها للجامعه ولا لازم استني لشهر 9؟شكرا جزيلا

pure spirit
06-09-2011, 06:28 PM
يا ترى مد الفترة ده لاطباء التظلمات بس ولا كله؟؟

أيوة لأطباء التظلمات فقط

Dr MaHmOuD RoShDy
06-10-2011, 12:25 AM
لو سمحت يا دكتور لو انا واخد تكليف في مستشفيات القوات المسلحة من شهر تسعة,,,,,ينفع اسجل ماستر في شهر 4 بورقه من المستشفي اللي انا فيها للجامعه ولا لازم استني لشهر 9؟شكرا جزيلا


السلام عليكم
هو انا مش فاهم استفسار حضرتك ..
طب مدام فى 9 كنت موجود ليه مقدمتش عشان تمتحن مع الظباط فى الدور التانى الجاى ؟؟
دلوقتى فى ناس بتقدم الورق للاكاديمية الطبية العسكرية عشان دور 4
الطلب بيتطلب فقط موافقة رئيس القسم وقائد المستشفى وبعدين تاخدها توديها الاكاديمية وبيتصدق عليها طبيعى
ومحدش بيسالك انت جاى من امتى حتى لو جاى القسم امبارح طالما الناس اللى فى المستشفى وافقو -وغالبا ده اللى بيحصل- يبقى مفيش مشاكل
والاكاديمية كده كده بتوافق حتى لو كانت بتتعنت فى الاول
ربنا يوفقك

دكتور جوجو
06-11-2011, 12:10 PM
السلام عليكم ورحمة الله وبركاته
بعد الإطلاع على ملف بعض الجامعات وشروطها فى الترشيح الوزارى
لم أجد اسماء بعض الجامعات مثل الأزهر بنين
فهل الكلية دى مش هتقبل فى الترشيح الوزارى السنة دى ؟
وفيه سؤال تانى اعتقد انه يهمنا كلنا وخاصة بتوع التظلمات اللى زى حالاتى
فيه بعض الجامعات زى المنصورة والزقازيق اشترطوا قضاء سنة كاملة بعد استلام النيابة فى التخصص المراد الترشيح فيه فهل الكلام دى لسه بينطبق علينا ولا ايه ؟
وهل ينفع اقدم فى جامعة بنها ولا لأ( علشان بيقولو انهم مش هيخدوا حد من بره الجامعة )؟
وهل كلية طب دمياط نازلة فى الترشيح ده ولا لأ ؟
وشكرا لأخذ انتباهكم
على فكرة هو ده المف الخاص بالترشيح الوزارى لبعض الجامعات زى مقالوا زمايلنا فبل كده
http://www.mediafire.com/?mrdie87kcmfnv

dr misho
06-11-2011, 01:10 PM
شكرا علي ردك يا دكتور و اسف علي العرض السيئ للسؤال....انا حاليا في الامتياز وحاخلص في شهر 9 ان شاء الله وبعد جهد شاق عرفت ان الطريقه الوحيده اني اسجل ماستر بدري هي اني اخد تكليف في القوات المسلحة ف كنت ناوي اخد تكليف ف مستشفي عسكري واخد ورقه اسجل بيها في اي جامعه في دور 4 فكنت بسال حضرتك
1-هل ينفع اني اسجل بالورقه دي مع العلم اني ممكن ما اكونش قضيت 6 شهور في التكليف علي اساس ان الجامعه بتسجل للي في تكليف الجيش بغض النظر عن الفتره اللي قضاها في التكليف؟
2-سؤال بعيد عن الموضوع هل فعلا في قانون يمنع النائب الزائر من التسجيل في 4؟
انا اسف جدا طولت عليك وجزاك الله عنا كل الخير

pure spirit
06-11-2011, 09:05 PM
السلام عليكم ورحمة الله وبركاته
بعد الإطلاع على ملف بعض الجامعات وشروطها فى الترشيح الوزارى
لم أجد اسماء بعض الجامعات مثل الأزهر بنين
فهل الكلية دى مش هتقبل فى الترشيح الوزارى السنة دى ؟
وفيه سؤال تانى اعتقد انه يهمنا كلنا وخاصة بتوع التظلمات اللى زى حالاتى
فيه بعض الجامعات زى المنصورة والزقازيق اشترطوا قضاء سنة كاملة بعد استلام النيابة فى التخصص المراد الترشيح فيه فهل الكلام دى لسه بينطبق علينا ولا ايه ؟
وهل ينفع اقدم فى جامعة بنها ولا لأ( علشان بيقولو انهم مش هيخدوا حد من بره الجامعة )؟
وهل كلية طب دمياط نازلة فى الترشيح ده ولا لأ ؟
وشكرا لأخذ انتباهكم
اللى نازل فى الملف اللوائح الخاصة ببعض الكليات فقط وليست جميعها
باقى الكليات بتعرفها عن طريق الجامعة نفسها أو تسأل حد مسجل هناك عن اللوائح الخاصة بيها
نصيحة تدرس لوائح الجامعات اللى هتكتبها فى الرغبات بدل مايرفضوك بعد الترشيح وتضطر ترجع الوزارة لأخذ جواب لجامعة أخرى

pure spirit
06-11-2011, 09:09 PM
2-سؤال بعيد عن الموضوع هل فعلا في قانون يمنع النائب الزائر من التسجيل في 4؟
أنا هاجاوبك على النقطة دى
النائب الزائر لو يتبع وزارة الصحة بمعنى واخد أجازة من التكليف وعمل زائر فى جامعة معينة قانونا ماينفعش يسجل ولازم يستلم نيابة الأول فى الصحة ثم ينتظر الترشيح الوزارى وبعدها يسجل
أما لو حر بمعنى مستقيل من وزارة الصحة مفيش أى قانون يمنعه من التسجيل بشكل أو بآخر لكن تحكمه لوائح الجامعة نفسها زى مثلا جامعات لاتقبل الا خريجيها وهكذا
بالتوفيق

dr_guest85
06-12-2011, 01:01 AM
موضوع النايب الزائر ده صحيح
فيه جامعات مبتسجلش فى دور 4 الا للنواب الرزيدنت بس بتوعها والناس اللى من بره بيسجلو بس فى 9

whitecoat
07-03-2011, 07:43 PM
انا جات لي نيابة اشعة وتقدير الباطنة مقبول والتقدير العام جيد فالاحسن اقدم ماستر ولا زمالة:barak:

quiet_doctor
07-22-2011, 06:35 PM
السلام عليكم ورحمة الله
هو النرشيح الوزارى نتيجته امتى
وبعدين حاليا جامعه زى المنوفيه فتحت التقديم لمدة شهر ومشطرطه 6 شهور على الاقل فترة النيابه طيب كده مشهتلحق تقدم فيها وكمان الناس الي لسه مقدمه مشمن حقهم يقدمو
لو انا ماقدمتش السنه دى وعايزاقدم السنه الى جايه مع انى مقدم فى الترشيح الوزاري هيكون اى الوضع
ارجو الافاده

quiet_doctor
07-24-2011, 05:05 PM
مفيش اى معلومه

quiet_doctor
08-01-2011, 03:56 PM
فى حد عنده اى اخبار عن نتيجة الترشيح الوزارى ... ياريت حد يسالنا ويفدنا

pure spirit
08-01-2011, 11:21 PM
لسة ماظهرتش
بيقولوا بعد 10 - 15 يوم
حضرتك حاول تسأل فى الجامعة اللى كاتبها ايه النظام لو الترشيح اتأخر عن وقت فتح الجامعة لقبول الأوراق لان فيه ناس سألوا فى بعض الجامعات وقالولهم هيوافقولهم عادى لأن دى ظروف دفعة بأكملها وان الوقت المحدد للتسجيل ده يخص الطبيب الحر والله أعلم

دكتور جوجو
08-03-2011, 12:33 AM
ياجماعة لو حدا عنده أى معلومة عن ظهور نتيجة الترشيح الوزارى يقوووووووووول انا مرارتى هاتتفقع

pure spirit
08-03-2011, 12:04 PM
ياجماعة لو حدا عنده أى معلومة عن ظهور نتيجة الترشيح الوزارى يقوووووووووول انا مرارتى هاتتفقع
رد الوزارة على السؤال ده : بعد 10 الى 15 يوم
والله أعلم