المساعد الشخصي الرقمي

مشاهدة النسخة كاملة : ♥♥ رابطة اطباء الجـلـديـــة ♥♥


lombasto
06-05-2011, 09:54 AM
ماشاء الله رابطات التخصصات عمالة تزيد
عشان كدة قررت اعمل رابطة لمحبى تخصص الجلدية
اللى انا باعشقها وبحب شغلها جدا وان شاء الله مش هاكتب ف الرغبات حاجة غيرها
حتى لو جتلى ف مكان بعيد شوية
ياترى مين معانا من محبى الجلدية

ياللا بقى عاوزين تفاعل

pure spirit
06-05-2011, 12:53 PM
الف مبروك انشاء الرابطة يادكتورة
بالتوفيق ان شاء الله

محبة لديني
06-05-2011, 01:52 PM
السلام عليكم
انا كمان بحب الجلدية ومعاكم في الرابطة
بس ياريت نعمل حاجة مفيدة

lombasto
06-05-2011, 04:29 PM
جزاكم الله خيرا د ترانيم

lombasto
06-05-2011, 04:30 PM
اهلا بيكى معانا د محبة لدينى
انشاء الله نعمل حاجة مفيدة بتفاعلنا مع بعض

د/ أحـمـد سـليمان
06-05-2011, 04:48 PM
مبروك الرابطة و ياريت اول حاجة تعملوها هي تجميع المواضيع اللي تهمكم في المنتدى .. طبعا في قسم كامل لتخصص الجلدية ..
http://www.alltebfamily.com/vb/forumdisplay.php?f=253
و مشرف عليه الدكتور احمد نايب جلدية بمستشفى الحسين
و إن شاء الله تلاقوا في المنتدى كل اللي يهمكم

lombasto
06-05-2011, 09:57 PM
جزاكم الله خيرا د. احمد سليمان
اقتراح جميل

dodybasha
06-05-2011, 11:51 PM
انا بحب الجلدية
بس
:sorry :متعملوش حسابى معاكم

ahmedase
06-06-2011, 12:32 PM
انا معاكم ياجماعة اعملوا حسابى معاكم كلكم تكليف زى ولا اية؟

amse_010
06-06-2011, 06:00 PM
مرحبا بكل محبى الجلديه وأنا معاكم ان شاء الله

lombasto
06-07-2011, 09:33 AM
اهلا بكل اللى نورو الرابطة د.ahmedase ود. amse_010
و كلنا نفيد بعض ان شاء الله

lombasto
06-07-2011, 10:12 AM
بداية كدة نتكلم مع بعض شوية عن تخصص الجلدية

الجلدية من التخصصات الجميلة اللى فيها العديد من المميزات :faces705:
زى مثلا شغلها مريح ومفيش نبتشيات وطبعا دى ميزة كبيرة بالنسبة لل females:S18SoundAsleep:
بالاضافة الى ان مستقبلها كبير بعد دخول الليزر والتجميل فيها من ناحية ومن ناحية تانية شغل الاندرولوجى وmale infertility
دة غير انها مطلوبة جدا فى السفر خصوصا للطبيبات
كما انها على مستوى الدراسة
من التخصصات اللى تقدر تعلم نفسك بنفسك كويس من غير اعتماد كبير على حد:doct:

يعنى ممكن حضور فى مستشفيات فيها حالات كتير ومتنوعة زى الحوض المرصود او نايب زاير ف مكان محترم
تقدر تجمع معظم الحالات مش زى الجراحات مثلا اللى تفضل متبهدل شغل ومستنى حد يسيبك تمد ايدك على حالة
بس على مستوى المذاكرة :427515:
كبيرة جدا خاصة ان احنا درسنا قشور الجلدية فى البكالوريوس
ومليئة بالمصطلحات الصعبة فى نطقها وبالنسبالى انا فشايفة ان شغلها ممتع جدا
انك تشوف ال lesion وتقدر تشخصها صح وتفرق بينها وبين غيرها دة غير انى حاسة انى اقدر المها بسهولة اكتر من تخصصات تانية حبيتها بردو
اما عن العيوب (اللى باسمع البعض بيقولها عنها) انها ممكن تكون شوية بارا ميديكال
والاهل مش بيقتنعو بيها ازاى تتعلم سبع سنين ومستنيين يفرحو بيك دكتور قد الدنيا وف الاخر تبقى دكتور جلدية مش حاجة كدة عليها القيمة زى الباطنة والاطفال والنسا وازاى تبقى دكتور من غير سماعة
وفى دكاترة كمان بيشوفوحالاتها مكررة ومحفوظة وزى ماهى طول الوقت زى حالات vitilligo و psoriasis
وهتاخد كورتيزون وبردو زى ماهى
بس ان شايفة انه ف كل تخصص common is common
كل تخصص فيه مجموعة حالات هى اللى بتشوفها كتير جدا وحالات تانية بمعدل اقل
وفى الاخر كل تخصص ليه عيوبه ومميزاته والميول الشخصية هى اللى بتحدد الاختيارات

ahmedase
06-07-2011, 09:02 PM
شكلنا كدة عملنا الرابطة ونمنا عايزيين كل واحد يقول ظروفة اية وناوى يعمل اية
انا عن نفسيى واخد تكليفى بقالى شهرين وناوى اعمل انتداب يوم او يومين جلدية
فى المستشفى العام اللى عندنا وربنا يوفق ويكون الناس اللى هناك كويسة

lombasto
06-08-2011, 10:30 PM
ahmedase رد: ♥♥ رابطة اطباء الجـلـديـــة ♥♥
شكلنا كدة عملنا الرابطة ونمنا عايزيين كل واحد يقول ظروفة اية وناوى يعمل اية
انا عن نفسيى واخد تكليفى بقالى شهرين وناوى اعمل انتداب يوم او يومين جلدية
فى المستشفى العام اللى عندنا وربنا يوفق ويكون الناس اللى هناك كويسة
انا بقالى سنة ف التكليف وهاقدم انشاء الله ف نيابات مايو الحالية
ومش هاكتب اى حاجة تانية ف الرغبات غير الجلدية
ولحد مالنتيجة بتاعة النيابات تظهر واستلم هاقدم على فيزيتور بس لسة باجمع معلومات عن كل جامعه
ظروفها وشروط التسجيل لانى عاوزة اخد فيزيتور ف الجامعة اللى ناوية اسجل فيها
ولحد ماخلص موضوع الفيزيتور دة باحضر ف الحوض المرصود
:pbuh-allteb

عيناء
06-10-2011, 02:47 PM
السلام عليكم انابرده بحب الجلدية بس لسه بقالى فى التكليف شهرين بس
بس نفسى اعرف الانتداب دهبيتعملازاى وايه مميزاته والفزيتور برده ازاى
ولا على حسب كل جامعة وانا معاكو ان شاء الله بس عايزة استفيد منالفترة ده ما تضيعش علىالفاضى

lombasto
06-14-2011, 01:43 PM
السلام عليكم انابرده بحب الجلدية بس لسه بقالى فى التكليف شهرين بس
بس نفسى اعرف الانتداب دهبيتعملازاى وايه مميزاته والفزيتور برده ازاى
ولا على حسب كل جامعة وانا معاكو ان شاء الله بس عايزة استفيد منالفترة ده ما تضيعش علىالفاضى

وعليكم السلام ورحمة الله وبركاته نورتينا يادكتورة عيناء
الانتداب ف التكليف صعب جدا الا اذا كان معاكى واسطة جامدة
الفيزيتور بقى سهل بس بيحتاج انك تاخدى اجازة من التكليف وتقدمى ف اى جامعة
لكن لو اخدتى اجازة دلوقتى هياخر تقديم النيابات بتاعك لانها مش هتتحسب من فترة العمل الفعلى
فافضل حاجة ف الفترة دى بالنسبالك الحضور ف عيادات الجلدية والقراءة والاطلاع
:wfk:

عيناء
06-17-2011, 12:08 PM
جزاك الله خيرا هل فيه كتب معينة للقراة فى البداية وايه نصايح حضرتك لحد لسه بادىء

lombasto
06-25-2011, 12:38 AM
جزاك الله خيرا هل فيه كتب معينة للقراة فى البداية وايه نصايح حضرتك لحد لسه بادىء
شوفى انا هاقولك اللى انا عملته فى الامتياز كنت باحضر جلدية كتييير جدا ف اكتر من مستشفى وطبعا رجعت قريت تانى كتاب البكالوريوس عشان افتكر
دة هيفيدك كتير انشاء الله لانك هتجمعى معظم الحالات
ولو تعرفى دكتور كويس عنده عيادة ممكن تحضرى معاه تعرفى جو البرايفت وبعدين لو حابة تتوسعى فى القراءة بعد كتااب البكالوريوس فى كتاب اندروو
بس خدى بالك احنا درسنا قشور الجلدية فى البكالوريوس يعنى هتلاقى كلام واسع اوى وممكن يبقى صعب فى الاول
:wfk:

nona210
06-25-2011, 10:23 PM
ان شاء الله انا معاكم لانى بحب الجلدية جدا

nadeen
06-30-2011, 03:05 AM
انا كنت عايزه اعرف ايه نظام مستشفي امبابه العام وشبرا العام و 6 اكتوبر المركزي من حيث الحضور والانصراف؟ وياريت نفيد بعض في معلومات عن المستشفيات المختلفه في الجلديه:barak:

أمسك عليك لسانك
07-05-2011, 06:17 PM
السلام عليكم ورحمة الله
حد يعرف ايه افضل؟؟
الساحل التعليمى ولا احمد ماهر ف الجلدية؟؟
ولا الاتنين مش اد كده؟

أم سارة
07-06-2011, 06:12 AM
جميلة جدا فكرة الرابطة
بس ياريت نبدأ نفعلها ونعرف ايه المطلوب للماستر اوالدبلومة وايه افضل كتب الناس بتدرس منها
ولو حد عارف موقع كويس للجلدية يعرفنا بيه ونبدأ فعلا نقرا ونوسع معلوماتنا فى المجال اللى احنا بنحبه , وجزاكم الله خيرا

lombasto
07-07-2011, 08:44 PM
انا كنت عايزه اعرف ايه نظام مستشفي امبابه العام وشبرا العام و 6 اكتوبر المركزي من حيث الحضور والانصراف؟ وياريت نفيد بعض في معلومات عن المستشفيات المختلفه في الجلديه
انا اعرف ان كل المستشفيات العامة بيقسمو الحضور والانصراف عليهم واعرف ناس كانو فى اكتوبر المركزى بيقولوان الدنيا سهله خالص
اما عن المستشفيات التانية انا حضرت المطرية التعليمى اكتر من رائعة والدكاترة شاطرين جدا وعندهم اجهزة الترافيولت وبيعملو حاجات كتير
وبهتيم المركزى فيها دكانرة كويسيت بردووان كانت امكانياتها قليلة
وباذن الله احاول اجمع معلومات عن مستشفيات تانية وانزلها

lombasto
07-07-2011, 08:49 PM
السلام عليكم ورحمة الله
حد يعرف ايه افضل؟؟
الساحل التعليمى ولا احمد ماهر ف الجلدية؟؟
ولا الاتنين مش اد كده؟
وعليكم السلام ورحمة الله وبركاته
انا اعرف ان احمد ماهر كويسة جدا دةغير ان مكانها قريب من الحوض المرصود فهيسمح بتجميع اكبر قدر ممكن من الحالات
بس ف الحقيقة معنديش معلومات عن الساحل وان كانت المستشفيات التعليمية متقاربة المستوى

nadeen
07-07-2011, 11:59 PM
انا اعرف ان كل المستشفيات العامة بيقسمو الحضور والانصراف عليهم واعرف ناس كانو فى اكتوبر المركزى بيقولوان الدنيا سهله خالص
اما عن المستشفيات التانية انا حضرت المطرية التعليمى اكتر من رائعة والدكاترة شاطرين جدا وعندهم اجهزة الترافيولت وبيعملو حاجات كتير
وبهتيم المركزى فيها دكانرة كويسيت بردووان كانت امكانياتها قليلة
وباذن الله احاول اجمع معلومات عن مستشفيات تانية وانزلها[/quote]
شكرا يا دكتور بس فين مستشفي بهتيم دي
وياريت يا دكتور تفيدني باي معلومه عن مكان مستشفي الصف والتبين حلوان وايه نظامهم؟

أمسك عليك لسانك
07-09-2011, 07:39 PM
[gdwl]
انا اعرف ان احمد ماهر كويسة جدا دةغير ان مكانها قريب من الحوض المرصود فهيسمح بتجميع اكبر قدر ممكن من الحالات
بس ف الحقيقة معنديش معلومات عن الساحل وان كانت المستشفيات التعليمية متقاربة المستوى

جزاكم الله خيرا يا دكتور

dr.mero
07-13-2011, 04:48 PM
بالنسبه للجلديه فى الغربيه كنت عايزه اعرف مستشفى ابيار المركزى نظام الجلديه فيها ايه؟ وعيادات الجزام طنطا نظامها ايه؟

dr hoping
07-14-2011, 02:05 PM
بسم الله الرحمن الرحيم اولا احب اشكر المنتدى العظيم ده على مجهوداته جزاكم الله كل خير
ثانيا عندى استفسار عن عيادة الجزام تبع الجلديه اصلى سمعت انها بتاخد مجموع اقل من الجلديه وان دراستها تقريبا زى الجلديه لو الموضوع ده صحيح يبقى امل كبير لى عشان مجموعى قليل 75% وعوزه جلديه
ولو حد يعرف فين عيادة الجزام غربيه
معلش كمان انا مش عارفه هى بتاخد من كام فالنيابات اللى فاتت لان الصفحه مش بتفتح عندى واسفه عالاطاله ارجو الرد سريعا لانى محتاره فالنيابات

nadeen
07-14-2011, 04:40 PM
انا بقي عندي استفسار مختلف عن عيادات الجزام انا رحتها وقالولي انها تتبع الوقائي رحت المديريه واتاكدت من كده ولما سالتهم لما اخلص النيابه ارجع وقائي ولا علاجي محدش عارف ياريت لو حدج يفيدني

pure spirit
07-15-2011, 11:50 AM
بسم الله الرحمن الرحيم اولا احب اشكر المنتدى العظيم ده على مجهوداته جزاكم الله كل خير
ثانيا عندى استفسار عن عيادة الجزام تبع الجلديه اصلى سمعت انها بتاخد مجموع اقل من الجلديه وان دراستها تقريبا زى الجلديه لو الموضوع ده صحيح يبقى امل كبير لى عشان مجموعى قليل 75% وعوزه جلديه
ولو حد يعرف فين عيادة الجزام غربيه
معلش كمان انا مش عارفه هى بتاخد من كام فالنيابات اللى فاتت لان الصفحه مش بتفتح عندى واسفه عالاطاله ارجو الرد سريعا لانى محتاره فالنيابات
ده رأى منقول لـ د.أحمد عيادة جذام الزقازيق , الدى فى دى العربى
نيابه الجذام تقدر تحضر عن طريقها جلديه وتناسليه مفيش اى مشكله فى كده...هى نيابه تابعه للطب الوقائى...اداره مكافحه الجذام....اغلب عيادات الجذام شغاله جذام يومين فى الاسبوع بس وباقى الايام جلديه وتناسليه بس الاساس هو الجذام والمسمى الوظيفى هو جذام ومتقدرش تغير بعد كده لجلديه لان دى نيابه ودى نيابه.. لكن ممكن تحضر وتسافر وانت اخصائى جلديه

nadeen
07-16-2011, 01:49 PM
ده رأى منقول لـ د.أحمد عيادة جذام الزقازيق , الدى فى دى العربى
نيابه الجذام تقدر تحضر عن طريقها جلديه وتناسليه مفيش اى مشكله فى كده...هى نيابه تابعه للطب الوقائى...اداره مكافحه الجذام....اغلب عيادات الجذام شغاله جذام يومين فى الاسبوع بس وباقى الايام جلديه وتناسليه بس الاساس هو الجذام والمسمى الوظيفى هو جذام ومتقدرش تغير بعد كده لجلديه لان دى نيابه ودى نيابه.. لكن ممكن تحضر وتسافر وانت اخصائى جلديه

بس يا دكتوره ترانيم النيابه اللي نازله نيابه جلديه في عيادات الجزام مش نيابه جزام فلو كده هنقدر نحول منها لجلديه وده اللي كنت عايزه اتاكد منه الله يكرمك ل تعرفي اي حاجه قوليها لان خلاص مافيش وقت وشكرا

pure spirit
07-16-2011, 03:00 PM
بس يا دكتوره ترانيم النيابه اللي نازله نيابه جلديه في عيادات الجزام مش نيابه جزام فلو كده هنقدر نحول منها لجلديه وده اللي كنت عايزه اتاكد منه الله يكرمك ل تعرفي اي حاجه قوليها لان خلاص مافيش وقت وشكرا
مش عارفة والله هيبقى النظام ازاى بعد مانزلت نيابات جلدية مش جذام وهتبقى تابعة لايه بالظبط
شوفى كدة موقع اطباء الجلدية (http://egydermis.com/vb/)
هيفيدوكى أكتر

lombasto
08-20-2011, 12:11 PM
والله انا حطيت جذام القاهرة فى الاول بس مكنتش اعرف ان شغلهم جذام بس لانها محطوطة فى نيابات الجلدية
ومعنديش معلومات كتير عنها بس فى واحدة صاحبتى قالتلى انها جلدية وبتاخد من مجموع قليل

pure spirit
08-20-2011, 02:17 PM
Refresh

أحلى بكره
09-28-2011, 11:33 AM
الجلديه تخصص جميل جدا واتا امارسه بالفعل واكيد معاكم

Dr.Nomy
10-04-2011, 04:04 AM
السلام عليكم ورحمه الله وبركاته.
جزاكم الله خيرا عالمجهود الرائع والفكره الجميله للرابطه.انا معاكم باذن الله
والله الجلديه ظريفه بس انا بفكر فيها عشان مناسبه لينا كfemales
ومش عارفه هل ده كافي ولا لازم اكون بحبها جدا عشان افكر فيها.انا عامه نفسي اخد الحاجه اللي اقدر عليها بعد كده عشان ابدع فيها واثبت نفسي
ربنا يوفقنا جميعا وبارك الله فيكم

شهرزاد222
10-07-2011, 09:22 AM
أريد أن أعرف المفروض نائب الجلدية بيأخذ صبح أم معاه نبطشية وكم عدد المرات في الأسبوع ( الرسمي ) اللي الوزارة عملاه وليس الذي يحصل ودي

محمدموافى
10-08-2011, 04:34 PM
[gdwl]أنا معاك يادكتور وعلى فكرة أنا خريج الأزهر برضه
:G02GunTrick2:

Dr.Khaled Zeidan
10-09-2011, 10:15 AM
ان شاء الله انا معاكم
انا لسه مقدم على دبلومة جلدية فى الازهر ومستنى النتيجه

Dr.Khaled Zeidan
10-09-2011, 10:18 AM
واللينك ده هدية منى للزملاء

نورا بركات
10-09-2011, 05:27 PM
السلام عليكم
معكم ان شاء الله
يارب نفيد و نستفيد:barak:

لوجين الزامل
10-19-2011, 08:40 PM
الف مبروك علي انشاء رابطة الجلديه انا ان شاء الله معاكم انا نتيجتي ظهرت وجالي جلديه الحمد الله :wfk:

لوجين الزامل
10-22-2011, 03:43 AM
لوسمحتم يا جماعة لو عايزيين اسامي كتب ناكر منها جلديه بالنسبه لنواب الجلديه

نورا بركات
10-22-2011, 08:01 AM
لوسمحتم يا جماعة لو عايزيين اسامي كتب ناكر منها جلديه بالنسبه لنواب الجلديه
مرحبا بك لوجين
كتب الجلدية

للمذاكرة و الامتحانات كتب الدكتور عاصم فرج
للفهم كتب الدكتور الغمرينى او الدكتور الداروتى
لزيادة المعلومات والتعمق فى الجلدية مراجع الجلدية مثل Rook text book or Androws text book or Bolognia text book

الشوق لزمن الصحابة
10-28-2011, 03:21 PM
اتمني تقبلوني معاكم
وشكرا د . لوجين لانك سيقتيني بالسؤال ودائما تكوني سباقة بالخير وال شكر للكتورة نورا علي الافادة

لوجين الزامل
10-29-2011, 07:58 PM
شكرا د نورا علي الرد السريع انا فعلا نزلت المكتبه وشوفت الكتب الي قولتي عليها ماعادا كتب عاصم فرج لانه مش كان موجود بس لقيت الكتب اسلوبها صعب شويه وان كان الداروتي احسن شويه من الغمريني بس هستني لملا كتب الدكتور عاصم فرج تنزل واقر اقرا من اي واحد ان شاء الله (بس هو انتي نايبة جلديه ولا ايه؟

لوجين الزامل
10-29-2011, 07:58 PM
العفو يا جميل

amse_010
10-29-2011, 09:10 PM
من كتب الجلديه بردك المتوفره والجيده فى بعض الموضوعات كتاب د\ محمود بيومى

Dr Fatma Ahmad
12-03-2011, 04:01 PM
السلام عليكم ورحمة الله وبركاته
أنا نفسي أتخصص جلديه بس
يعني مش عايزه يكون معاها اندرولوجي
هوى ينفع؟؟؟؟
الاستفسار الثاني بعد اذنكم
ايه الحد الأدنى للجلديه

د-ام عائشة
12-11-2011, 10:34 AM
ياريت حد يفيدنى هى الجلدية يا دكاترة بتنزل ف نيابات الريف ولا لا انا من الدقهلية

nero2010
12-11-2011, 09:09 PM
im with you i hope we can share and cooperate

nero2010
12-11-2011, 09:11 PM
يا جماعة اللى مسجل ماستر ازهر بنين ياريت يقولي ممكن نتواصل ونستفيد من بعض وبالاخص في موضوع رسالة الماجستير والجزء الثاني

aymanedrees
01-10-2012, 03:13 PM
السلام عليكم انا كمان معاكم والله المستعان

دكتور شديد
03-01-2012, 06:16 AM
حد عنده معلومات يا دكاتره عن زمالة الجلديه ؟؟
صعبه ولا سهله ؟؟
ينفع نبدا فيها حتى واحنا ف التككليف ولسه بدرى على نيابة وزارة الصحه؟؟
مصاريفها قد ايه؟؟
فيرست وسكند بس
جزاكم الله خيرا

nero2010
05-10-2012, 10:56 PM
لو سمحتوا يا دكاترة بالنسبة لحالات الnapkin dermatitis
حد عنده فكرة اجيب الحالات ديه منين ؟ مع العلم ان ديه حالات ف رسالة جلدية مش اطفال؟ وجزاكم الله خيرا وف انتظار مشاركتكم

jasmin888
05-22-2012, 03:49 PM
لوسمحتو ياجماعة اية رايكو في بنها التعليمي الريت حلو هناك وفيه تعليم ولا اية؟لانها نازلة فالنيابات وتعتبر مواصلاتها احسن من الحوض المرصود
ياريت تفيدونا بخبراتكو

jasmin888
05-22-2012, 03:54 PM
لوسمحتو ياجماعة اية رايكو في بنها التعليمي الريت حلو هناك وفيه تعليم ولا اية؟لانها نازلة فالنيابات وتعتبر مواصلاتها احسن من الحوض المرصود
ياريت تفيدونا بخبراتكو

عيناء
06-26-2012, 05:58 PM
ممكن يادكاترة لو سمحتوا لو عايزة اذاكر جلدية من مرجع كويس اشترى ايه

نعناعة
07-24-2012, 10:33 AM
السلام عليكم
ان شاء الله ان معاكم

KARDOODY
12-14-2012, 10:20 PM
السلام عليكم
ياريت لو حد يعرف سوهاج التعليمى مستوى الجلديه فيها عامله ايه؟ ونظام الحضور...خاصة انى من القاهره ومعايا اسره؟!ولا استلم فى مستشفى فى القاهره مافيش فيها جلديه واحاول اعمل انتداب 3 ايام فى الاسبوع لمكان كويس؟؟.....اصل بصراحه كلمة تعليمى دى عاملالى اغراء حتى لو فى سوهاج..

nero2010
01-15-2013, 05:11 PM
واضح ان مافيش اجابات ف رابطة اطباء الجلدية ماشاء الله

mohiiiy
01-16-2013, 11:56 AM
واضح ان مافيش اجابات ف رابطة اطباء الجلدية ماشاء الله
حضرتك بتسالى عن ايه ؟؟

Dr-Ahmed Ghanem
05-14-2013, 12:16 AM
حد هنا نايب جلدية في مستشفى مطروح العام ؟؟؟؟؟؟

نهى شبايك
05-14-2013, 10:18 AM
انا سمعت واحدة من صحباتي بتقول ان الدكتور محمد الغمريني نزل اطلس ملون جديد يا ترى حد شافه وايه رأيكم فيه

dr.humtty_dumtty
06-03-2013, 09:30 PM
ياجماعة لينكات المكتبة مش شغالة يا ريت تحدثوها

dr.humtty_dumtty
06-03-2013, 09:35 PM
من فضلكوا يا جماعة تحديث لينكات كتب المكتبة

ahmed ezzo
11-24-2013, 01:57 AM
السلام عليكم. أنا معاكم بأذن الله