داخل اولي طب بنها ومش فاهم حاجه

[ArabianPDA]

السلام عليكم يا دكاتره

انااخوكم محمد القاضي داخل اولي طب بنها الحمد لله

فكنت عايز افهم شويه حاجات كده "اسف اني هطول شويه بسخليكوا رووووووووووويح:5817.imgcache:"

1.انا الحمد لله ترتيبي ال11 علي الي داخلين طب بنها وجبت 410 "مجموع كويس اه" بس عايز اعرف يعني الناس الي جايبه 412 والحاجات دي
ممكن تنزل شويه فالكليه ولا الشاطر شاطر علي طول "وانا بتكلم علي نفسي كمان"
يعني لو اجتهدت زي الثانوي هرتب وكده ولا ايييييييييييييييه النظام؟
علما اني بذاكر ف حدود بتاع 5 ساعات والحمد لله الحفظ بيييييييييس والفهم ابيس منه بس انا الي مكنتش بذاكر ف الثانوي
بس بعون الله هجتهد جااااااااااااااامد

2.المذاكره بالانجلش ايه نظامها؟
يعني الحمد لله ف الثانوي حفظت تقريباً بتاع الفين كلمه بره المنهج خااااااااالص وبتكلم بلكنه بريطانيه خااااااااالص من غير تقطيع
فهل في امتحانات الشفوي الدكاتره بيحبوا واحد يتكلم بالكنه ولا من غير ؟

3.الكتب اجيبها منين؟واخد دروس ولالا؟
علما اني بقدر احصل حلو من غير دروس بس قرايبي الي ف بشري قالولي لازم هتاخد دروس "وهما كلهم ستاف علي فكره"
بس ف الزقازيق مش فبنها فهل الدكاتره كويسين فالشرح وكده ولاايه

4.ايه نظام الجامعه بالهداوه كده يعني فيه ايه بين المحاضرات واخش المحاضرات ازاي اول يوم وكده
"ياريت دي بإستفاضه"

5.اجيب ايه فأولي؟
انا جبت البالطو وميكرسكوب بتاع خالي وهيكل بون

ياريت حد يساعدني اوك

[Optimistic Doctor]

السلام عليكم يا دكاتره

انااخوكم محمد القاضي داخل اولي طب بنها الحمد لله

اهلا بيك يادكتور معانا وباذن الله تتبسط في الكلية :D
فكنت عايز افهم شويه حاجات كده "اسف اني هطول شويه بس خليكوا رووووووووووويح:5817.imgcache:"
ولا يهمك يادكتور اتفضل


1.انا الحمد لله ترتيبي ال11 علي الي داخلين طب بنها وجبت 410 "مجموع كويس اه" بس عايز اعرف يعني الناس الي جايبه 412 والحاجات دي
ممكن تنزل شويه فالكليه ولا الشاطر شاطر علي طول "وانا بتكلم علي نفسي كمان"
يعني لو اجتهدت زي الثانوي هرتب وكده ولا ايييييييييييييييه النظام؟

اولا الف مبروك يادكتور
ثانياً ما تقلقش نفسك وتقعد تفكر في الكلية من دلوقتي
خد اجازتك كويس واتمتع بيها عشان بعد كده هتندم انك ما استمتعتش بيها

نظام الكلية ملوش علاقة خالص بمجموعك في الثانوية
لاننا كلنا اوائل
العبرة في اللي يستمر بعد كده

يعني متقولش انا جايب كذا والكليه سهله وتنام

لا مينفعش

انت اهم حاجة بس تذاكر من اول السنة
مش لازم جد اوي وتتعب بعد كده

في ناس زمايلنا كانوا بيذاكروا في الاخر ويجيبوا تقدير
اهم حاجة طريقة المذاكرة
هتفرق جدا معاك

يعني هتفهم الموضوع الاول وتحفظ عناوينه وبعد كده الكلام اللي بين السطور
متحاولش تحفظ كل حاجة عشان متتعبش على الفاضي


علما اني بذاكر ف حدود بتاع 5 ساعات والحمد لله الحفظ بيييييييييس والفهم ابيس منه بس انا الي مكنتش بذاكر ف الثانوي
بس بعون الله هجتهد جااااااااااااااامد

ربنا يعينك

2.المذاكره بالانجلش ايه نظامها؟
يعني الحمد لله ف الثانوي حفظت تقريباً بتاع الفين كلمه بره المنهج خااااااااالص وبتكلم بلكنه بريطانيه خااااااااالص من غير تقطيع
فهل في امتحانات الشفوي الدكاتره بيحبوا واحد يتكلم بالكنه ولا من غير ؟

اللغة ياسيدي هتقعد في الاول كده متلغبط شويه
لان احنا بندرس انجلش طبي
يعني كله مصطلحات وكده
وغالبا هيبقى معاك القاموس اول شهرين على الاقل لحد ما تتعود
وهو قاموس د.فوزي جاب الله وتقريبا بـ25 جنيه على ما اتذكر

والشفوي ده متفكرش فيه من دلوقتي بس لما توصله يكون ربنا حلها

لان الدراسه عندنا سنة كاملة يعني مفيش ترم والشفوي بيبقى اخر السنة

3.الكتب اجيبها منين؟واخد دروس ولالا؟

الكتب هتلاقيها في الاقسام او ممكن يحطوها في مكتبه الكليه عند عم بكر
واكيد عديت عليه يوم التقديم

الدروس : لما تلاقي نفسك مش عارف تذاكر في مادة وتعبت بقى وكده ابقى خد
مش شرط ولا حاجة
ناس كتير مكنوش بياخدوا دروس وجابوا امتيازات
جرب نفسك الاول وبعدين قرر


علما اني بقدر احصل حلو من غير دروس بس قرايبي الي ف بشري قالولي لازم هتاخد دروس "وهما كلهم ستاف علي فكره"
بس ف الزقازيق مش فبنها فهل الدكاتره كويسين فالشرح وكده ولاايه

4.ايه نظام الجامعه بالهداوه كده يعني فيه ايه بين المحاضرات واخش المحاضرات ازاي اول يوم وكده
"ياريت دي بإستفاضه"

اول يوم عادي غالبا الدكتور بيدخل يشرح وكتير بيتنحوا ادامه عادي
ةهيدخلكوا في نص المحاضرة بس في الاول بس

بعد كده بيقفل المدرج

وبين المحاضرات بتقعدوا تستنوا عندك الكافتيريا والكلية واسعة لف فيها براحتك وعيش بقى يا سيدي


5.اجيب ايه فأولي؟
انا جبت البالطو وميكرسكوب بتاع خالي وهيكل بون

مش مطلوب منك غير البالطو و البون بس
مش هتحتاج الميكروسكوب في حاجة
عشان الشرايح مبقتش تخرج بره الكلية
وهتشوفها في الكلية براحتك وكتير كمان


ياريت حد يساعدني اوك


بالتوفيق ان شاء الله يادكتور وتحب الكلية



:barak:

اتمنى اكون قدرت اجاوب على اسئلة حضرتك

[ArabianPDA]

اوك الله يكرمك يادوك

[Ahmed Ali 2011]

أيــوة كده :faces705: , لقيت حد معايا داخل أولى . و بتهيألـى معظم الاستفسارات دى سألتها فى الموضوع بتاعي . بس حتة الانجلش دى مضايقانى فعلا :5831.imgcache: , بس أنا عندى قريبي لسه مخلص و أخت صاحبى هتخلص السنة دى بيقولولى إن حكاية الانجلش دى هتتحل لوحدها , و بعدين انت بتقول بتعرف تكلم كويس .. يا بختك يا سيدي .. أنا سألت هل آخد كورس إنجليزي ولا لأ طبعا كان الرد لأ .. مش هيفيدك .. يعني انت كده فى التمام .
علــى فكرة , أنا ضفتك علـ الفيس لما شفت عضويتك فى منتدى قبل كده بما إنك فى طب بنها . بالتوفيق يا دكتور , و صدقنى متوجعش دماغك دلوقتى زى ما الدكتور قالك , و زى ما الناس كلها بتقول إنك هتندم لو مخدش حقك فى الأجازة زى ما تعبت فى الثانوي .

[babydoctor]

هههههههههههههههههههههههههههههههههههههههههههههههههه هه

والله كان الزمن رجع بيا سنتين ورا بالظبط نفس اللى كنت بفكر فيه

يا دكاترة عيشو اجازتكم وانسو خالص موضوع المزاكرة والكتب والانجلش والكورسات

هتندمو على الاجازة دى لانكو مش هتلحقو تاخدو اجازات بعد كدة

والله الموضوع بسيييييييييييييييييييييييييييط جداااااااااااااااااااا جداااااااااااااااااا

مسالة اللغة بتاخد شهرين بالكتير وبعدها هتلاقو نفسكو بتتكلمو احسن من الدكاترة

كلنا مرينا بالحاجات دى وكله هيعدى والله

وصدقونى اللى بيزاكر بيلاقى وربنا عمره ما بيضيع تعب اى حد (وعن تجربة )

ان شاء الله لما تنورونا فى طب بنها هتلاقو كل الناس هناك معاكو وهتساعدكو ومحدش بيتاخر عن حد


يارب التوفيق لكم جميعا يارب تعجبكم طب بنها

[EshRaQa]

حاجه تانيه احب اقولها
تابع مع نحو القمه
بجد مشروع جمييييييييييييييييييل
وفادني كتير جدا لما كنت داخله اولى
بس انامش عارفه هو هيبدأ امتى
واي مساعده طبعا
انا مستعده اشارك
لاني منساش اد ايه الاعضاء اللي هنا ساعدونا
بس احنا كنا اندال شويه مكملناش
نصيحه خليك معااه
هيسهلك حاجات كتير
وبالتوفيق ان شاء الله

[ArabianPDA]

شكرا جزيلا للجميع
بس هو ايه نحو القمه ده؟

[EshRaQa]

دا مشروع هنا ف المنتدي
كل فرقه بتساعد الفرقه اللي قبلها
بتعرفهم ايه المواد اللي عليهم
وازاي يذاكرو الماده
وبعد كده
يبقى نظام درس
كل واحد او اتنين او اكتر
بيمسك ماده يشرحها
مثلا يحط درس كل يومين ف الاسبوع او علي حسب
وبعد كده يبقى فيه امتحان بعد كل فتره

بس طبعا الكلام ده بعد ما يتجمع عدد من الفرقه دي
وبعدين يبقى فيه طلب
والفرقه اللي قبلك بيظبطو المواد مع نفسهم

[fgfg]

اولا احب اباركلك ..الها بيك فى طب بنها
انا عملت موضوع وكاتب فيه كل حاجه ان شاء الله ..

http://www.facebook.com/groups/TebBenha2011.2017/doc/264995783524879/
اللينك ده عليه كل اللى ان عايزه وكمان الجروب ده بتاع دفعتكم لسه جديد