المساعد الشخصي الرقمي

مشاهدة النسخة كاملة : دراسات عليا " جامعة الأزهر " ... نتواصل هنا


brokenheart
11-05-2010, 09:10 AM
السلام عليكم ياجماعة اللى مقدم ماجستير او دبلومة فى طب بنات الازهر المحاضرات بدات

brokenheart
11-05-2010, 09:15 AM
اللى مقدم ماحستير فى طب بنات الازهر المحاضرات بدات

hodhod_2008
08-10-2011, 04:42 PM
السلام عليكم
ياجماعة انا كنت عايزه استفسر انا جايبه جيد 74.8 وقدمت على الماجيستر فى كلية طب الازهر بنات والمفروض انى رشحت من الوزارة بس كنت عايزة اعرف انا لازم اخد دبلومه ولا انا كده احضر ماجيستر
على طول
يعنى تقدير جيد عندهم لازم ياخد دبلومه قبل الماجيستر
ولا لاء

انا تحصص اشعة

وياريت مكان الكلية فيين بالظبط ورقم تليفون شئون الطلبة

pure spirit
08-10-2011, 11:58 PM
وعليكم السلام ورحمة الله وبركاته
دى شروط الالتحاق بالماجيستير فى ازهر بنات

شروط الالتحاق للماجستير :
- أن يكون حاصلاً على تقدير جيد فى البكالوريوس أو دبلوم التخصص على الاقل فى حالة التسجيل للماجستير.
- أن يكون أمضى السنة التدريبية أو ما يعادلها ( الامتياز ).
- مدة الدراسة سنتان وعلى جزئين.
- الجزء الاول : مدته 6 شهور من شهر اكتوبر.
- الجزء الثانى : مدته 18 شهر تبدأ فى شهر مايو او اكتوبر.


ممكن الموضوع يختلف من قسم للتانى على حسب عدد المتقدمين
فالافضل تسألى فى القسم بنفسك

عنوان الكلية مدينة نصر الحى السابع بجوار مسجد نورى خطاب
المستشفى بعد ميدان العباسية بجوار المستشفى اليونانى ومقابلة لقسم الوايلى

ممكن تتواصلى مع الدكتورة رواء لأنها نفس ظروف حضرتك بالظبط

no345ra
08-11-2011, 02:40 PM
انا خلاص قبلت فى الازهر بنات ايه اللى المفروض انا اعمله بعد كده يعنى اروح المديرية ولا الكلية على واقدم ايه ارجوكم ردوا عليا بسرغة:barak:

د/رواء احمد
08-15-2011, 01:32 PM
انا خلاص قبلت فى الازهر بنات ايه اللى المفروض انا اعمله بعد كده يعنى اروح المديرية ولا الكلية على واقدم ايه ارجوكم ردوا عليا بسرغة:barak:

الكليه لسه هاتفتح يوم 7 /9

يبقى كده تتطمنى على وصول اسمائنا الكليه ولو موصلتش تروحى الوزاره تجيبى منهم جواب الترشيح بتاعك وتقدمى لما الجامعه تفتح

pure spirit
08-26-2011, 12:06 AM
الأوراق المطلوبة للتسجيل بطب الأزهر بنين
http://a2.sphotos.ak.fbcdn.net/hphotos-ak-ash4/308711_184881508247858_100001780316628_424609_6042 945_n.jpg

no345ra
08-31-2011, 06:24 PM
السلام عليكم. كل سنة وانتو طيبين ويارب يعود عليكم الايام بخير.
كنت عاوزة استفسر عن حاجة صغيرة :هو فعلا الازهر هياخد خريجينه بس ولا لاة لان فيه بيقولوا انه هياخد خريجين الازهر بس.
ارجوكم ردوا عليا لانى قلقانة جدا من ساعة ماعرفت كده:gzak:

pure spirit
09-01-2011, 03:14 PM
الأوراق المطلوبة للتقديم للماستر طب بنات الأزهر :
عدد 6 صور شخصية +2 ملف بلاستيك
عدد 3 صور لبطاقة الرقم القومي
عدد 3 صور من شهادة التجنيد
شهادة ميلاد رقم قومي 2 صورة
شهادة الامتياز 2 صورة
شهادة البكالوريوس بتقدير عام جيد او مقبول
+دبلوم بتقدير جيد 2 صورة
شهادة بتقدير السنوات الخمس 2 صورة
موافقة جهة العمل 2 صورة
او شهادة طبيب حر + استقالة وزارة الصحة +تعهد بقضاء سنة طبيب زائر او مقيم في قسم التخصص
ملحوظة للاطباء يجب موافقة رئيس قسم بنين

د/رواء احمد
09-01-2011, 07:07 PM
السلام عليكم. كل سنة وانتو طيبين ويارب يعود عليكم الايام بخير.
كنت عاوزة استفسر عن حاجة صغيرة :هو فعلا الازهر هياخد خريجينه بس ولا لاة لان فيه بيقولوا انه هياخد خريجين الازهر بس.
ارجوكم ردوا عليا لانى قلقانة جدا من ساعة ماعرفت كده:gzak:

لا ما اعتقدش

لانى كنت ف الكليه وقت ماكنت باجيب ورقة بيان الدرجات وسالت ف الدراسات العليا قالولى انهم

هيقبلوا الجميع لان زوجى كمان مش من الازهر وقدم ازهر

متقلقيش ان شاء الله خير يا دكتوره

تفاءلوا بالخير تجدوه

no345ra
09-01-2011, 10:04 PM
:alganna:انا متشكرة جدا يا دكتورة رواء على ردك السريع وربنا يجازيكى خير ان شاء الله بجد انتى انسانة كويسة جدا وربنا يخلى كل الطب لينا كلنا

dr safysafy
09-04-2011, 03:15 PM
هل بدأ التقديم للدراسات العليا فى الازهر بنات ؟

no345ra
09-04-2011, 03:22 PM
:wfk:ايوة يا دكتور لما كنت فى الكلية قبل العيد كان فيه ورقة بتقول ان التقديم من 1/9/2011 وربنا يسهلنا كلنا ان شاء الله

dr safysafy
09-04-2011, 03:28 PM
:gzak::wfk:ايوة يا دكتور لما كنت فى الكلية قبل العيد كان فيه ورقة بتقول ان التقديم من 1/9/2011 وربنا يسهلنا كلنا ان شاء الله
شكرا

no345ra
09-04-2011, 04:00 PM
على فكرة يادكتورة صافى انا شفتها 1/9 لكن زميلتنا هنا بتقول 7/9 عشان كده استنى ليوم الاربعاء احسن وربنا معانا انا نفسى هروح يوم الاربعاء :wfk:

hodhod_2008
09-04-2011, 11:30 PM
السلام عليكم ورحمه الله وكل سنه وانتم طيبين
لو سمحتم عايزة اعرف موافقه جهه العمل دي بتتعمل ازاي

radioscan2011
09-05-2011, 11:19 PM
السلام عليكم
اولا:- انا كنت في جامعة الازهر النهارده علشان اقدم ماستر اشعه وبالرغم من اني كنت متردد من الجامعه نفسها بس انا بعد اللي شفته النهارده من الاحترام وطول بال الموظفين والسماحه في التعامل والترحيب والتفاؤل في وش الجميع انا بصراحه افتخر انه لسه في حد كدا في مصر . واتمني مكنش مخطئ
ثانيا :- انا كنت عاوز حد محترم- واكون شاكر له جدا- يدلني علي مكان اجيب منه الكتب بتاعة الفرست ويعرفني ايه موضوع المواد الاسلاميه ده ومكان المستشفي
واخيرا احب اقول الدعاء وه ( اللهم اني اشكو اليك ضعف مجموعي وقلة وساطاتي وهواني علي الجامعات اللهم اقبلني في عبادك الصالحين )

pure spirit
09-05-2011, 11:39 PM
السلام عليكم
ثانيا :- انا كنت عاوز حد محترم- واكون شاكر له جدا- يدلني علي مكان اجيب منه الكتب بتاعة الفرست ويعرفني ايه موضوع المواد الاسلاميه ده ومكان المستشفي
واخيرا احب اقول الدعاء وه ( اللهم اني اشكو اليك ضعف مجموعي وقلة وساطاتي وهواني علي الجامعات اللهم اقبلني في عبادك الصالحين )
بالنسبة لدراسة وامتحان المواد الإسلامية :
يقرر على الطالبات والطلبة من غير خريجي الازهر دراسة وامتحان المواد الإسلامية الاتية :
(القران الكريم-التفسير- الحديث-العقيدة-الفقه-القضايا المعاصرة-السيرة النبوية)
يمنح الطالب فرص أربعـة أدوار لدخول امتحان المواد الإسلامية في عامين جامعيين يكون الدور الاول في شهر مايو ومن يرسب في أحد المواد يعيدها فقط فى الدور الثاني في شهر أغسطس ومن يرسب في الدور الثاني يعيد جميع المواد حتي التي نجح فيها بالدور الاول في العام الجامعي الثاني .
يلغي قيد الطالب في الدرجة أذا استنفذ الأربعة إدوار في المواد الإسلامية دون النجاح .
يعفي الطلبة الحاصلون على الثانوية العامة من دول مجلس التعاون الخليجي(السعودية، الكويت،قطر،الأمارات،سلطة عمان،اليمن) من دراسة وامتحان المواد الإسلامية بمجرد أن يرفق صورة شهادة الثانوية العامة بالملف عند

ودى نسخة امتحانات طب بنات دور أول 2011
http://www.mediafire.com/?gg9cviyqcbpqt

والموضوع ده فيه لوائح كليات الطب المختلفة ومنها الأزهر بنين وبنات
لوائح كليات الطب للتسجيل للدراسات العليا
(http://www.alltebfamily.com/vb/showthread.php?t=41659)

ohyeah
09-06-2011, 01:23 PM
http://i.imgur.com/Y5O7D.jpg

http://i.imgur.com/hqAtK.jpg

dr safysafy
09-07-2011, 07:25 PM
فى حد قدم اوراقه النهاردة فى الازهر بنات يا ريت يقولنا هو الورق الى كان مكتوب هو بس الى المطلوب و لا كان فى حاجة مطلوبة زيادة و فى اى فلوس بتتدفع
الرجاء الافادة

pure spirit
09-07-2011, 09:15 PM
ده اقرار اللى لازم تملاه وانت بتقدم فى الكلية للماستر
http://a2.sphotos.ak.fbcdn.net/hphotos-ak-snc7/315051_10150267756371986_621056985_8087137_2924257 _n.jpg

من جروب طلبة ماجيستير طب الأزهر

أبو عبيدة
09-07-2011, 11:11 PM
السلام عليكم

طيب هل حد معاه رقم موبايل اي حد في ادارة الدراسات اتواصل معه ؟؟!!

سؤال تاني : هي الكلية مش مع باقي الكليات الازهرية ؟؟ يعني بابها مش باب جامعة الازهر الاساسي ؟؟

pure spirit
09-07-2011, 11:23 PM
أرقام تليفونات الدراسات العليا لبعض الكليات
(http://www.alltebfamily.com/vb/showpost.php?p=294146&postcount=18)

أبو عبيدة
09-07-2011, 11:55 PM
جزاكم الله خيرا

لكن ياريت لو حد معاه موبايل حد هناك افضل ؟؟!َ!!

no345ra
09-10-2011, 11:14 PM
السلام عليكم . ياريت حد يقولى هو بالنسبة للورق المطلوب للتقديم فى الماجستير صورة شهادات الامتياز والبكالوريوس ولا الاصل :barak:

dr safysafy
09-11-2011, 03:09 PM
بيحتاجوا الاصل و 2 صورة من كل شهادة

no345ra
09-11-2011, 03:55 PM
الف الف شكر :alganna:

fanta adel
09-12-2011, 10:21 PM
ياجماعه بليز لو سمحتم عايزة اعرف هل البنات ممكن تقدم فى ازهر بنين ولا لاء ... بس تكون معلومة مؤكدة الله يكرمكم ... وهل اشعة ازهر بنات فيها التزام وحضور ولا لاء ..... ارجوكم سرعة الرد والاهتمام

Temperance
09-13-2011, 04:30 PM
السلام عليكم

كنت عايزة اعرف امتى اخر معاد للتقديم في ازهر بنات؟ شكرا

Miss Radiology
09-14-2011, 01:56 AM
:barak:
أحب أشكر جدا د. فانتا عادل للسؤال ده .. الموضوع ده مهم جدا يا جماعة لو تسمحوا .. و السؤال ده هيوفر علينا كتير بالإضافة لسؤال تاني لو تسمحوا و تتفضلوا إذا حد كان عنده إجابة ... "إيه الأفضل في التسجيل .. قسم الأشعة أزهر بنات أو قسم الأشعة أزهر بنين؟؟ "
:gzak:

brokenheart
09-14-2011, 10:36 AM
انا سجلت السنة اللى فاتت clinical pathalogy ولظروف خاصة معرفتش ادخل الدور الاول وجيت ادخل الدور التانى قاللولى الى لازم حضور فستنيت السنة دى يس كدة هل لازم اقدم تانى ولا اية

pure spirit
09-14-2011, 06:06 PM
السلام عليكم

كنت عايزة اعرف امتى اخر معاد للتقديم في ازهر بنات؟ شكرا
30 / 9 / 2011 ان شاء الله

tarriq30
09-14-2011, 11:12 PM
ياريت نعرف بالظبط الاوراق المطلوبه وايه موافقه جهه العمل دى و احنا ترشيح وزراى ؟

Temperance
09-15-2011, 07:56 AM
سلام عليكم
شكرا دكتورة ترانيم على الرد
كنت عايزة اسأل سؤال كمان
انا مقيم بكتريولوجي و مفيش قدامي غير اني اقدم في جامعة الازهر لانها الوحيدة اللي فاتحة التقديم حاليا
ومفيش مفر من اني اقدم دبلومة بس دبلومتهم وان شوت.. ربنا يكرمكم بثواب كبير عايزة حد يحببني في الدبلومة القديمة دي ويحسسني انه ليها مميزات

شكرا

drmai2000
09-19-2011, 12:49 AM
السلام عليكم
ممكن الحق اقدم الان في الازهر
وهل الجامعه تشترط تقدير عام وتقدير الماده جيد جدا
ارجو الافاده

pure spirit
09-19-2011, 01:27 AM
السلام عليكم
ممكن الحق اقدم الان في الازهر
وهل الجامعه تشترط تقدير عام وتقدير الماده جيد جدا
ارجو الافاده


أيوة ان شاء الله تلحقى قدامك لحد 30 / 9 / 2011 ان شاء الله
بخصوص التقدير مكتوب كدة بالنص فى لوحة الاعلانات فى الدراسات العليا فى الكلية (أزهر بنات ):
من ضمن الاوراق المطلوبة شهادة البكالوريوس بتقدير عام جيد أو مقبول او شهادة دبلوم بتقدير جيد
لما الاقسام بتجتمع بيحددوا احتياجاتهم على حسب العدد اللى مقدم
نتيجة الطلبات هتظهر فى شهر11 ان شاء الله ومفيش دفع مصروفات الا بعد القبول فى ازهر بنات اما أزهر بنين الدفع مع التقديم
المصروفات 1050جنيه
بالتوفيق ان شاء الله

د/رواء احمد
09-19-2011, 05:40 AM
ياريت نعرف بالظبط الاوراق المطلوبه وايه موافقه جهه العمل دى و احنا ترشيح وزراى ؟


هو انا اتصلت بالدراسات العليا ازهر بنات وسالتهم على ورقة موافقة جهة العمل دى قالولى اعملها من محل عملى سالتهم من المديريه ولا الاداره ولا المستشفى

قالو لى من المستشفى وانا رايحه النهارده وهاقدم اوراقى ان شاء الله

د مها البسيونى
09-20-2011, 05:39 PM
:barak:السلام عليكم حبيت استفسر منكم على حاجه انا طبيبه حر وقدمت النهارده على ماستر جلديه فى طب الازهر بنات وانا تقديرى جيد جدا والباطنه جيد جدا وانا خريجه القصر العينى لما روحت للموظفه المسئوله قعدت تزعق لما شافت انى جايبه موافقه من رئيسه قسم الجلديه بالازهر وقالت احنا طلبين 30 ولحد دلوقتى 18 قدمو كلهم امتياز واغلبهم خريجين ازهر ولسه باب الترشيح لحد اخر الشهر تفتكرو هيقبلونى؟

د/ أحـمـد سـليمان
09-20-2011, 07:57 PM
عايز أعرف المواد الشرعية اللي بيدرسها طلبة الماجستير من خارج الازهر و هل هي نفس المواد في ازهر بنين و بنات .. و هل ممكن ولد يقدم في بنات الأزهر ؟

:barak:

Temperance
09-20-2011, 09:07 PM
يارب ربنا يوفقك يا دكتورة رواء

طيب موافقة جهة العمل دي غير الترشيح الوزاري؟ ولو اسمي مش مترشح في جامعة الازهر بنات ومترشح في كلية تانية ممكن موافقة جهة العمل دي تغني عن ورقة الترشيح ولا لازم الاتنين؟

جزاكم الله خيرا

drmai2000
09-20-2011, 10:32 PM
أيوة ان شاء الله تلحقى قدامك لحد 30 / 9 / 2011 ان شاء الله
بخصوص التقدير مكتوب كدة بالنص فى لوحة الاعلانات فى الدراسات العليا فى الكلية (أزهر بنات ):
من ضمن الاوراق المطلوبة شهادة البكالوريوس بتقدير عام جيد أو مقبول او شهادة دبلوم بتقدير جيد
لما الاقسام بتجتمع بيحددوا احتياجاتهم على حسب العدد اللى مقدم
نتيجة الطلبات هتظهر فى شهر11 ان شاء الله ومفيش دفع مصروفات الا بعد القبول فى ازهر بنات اما أزهر بنين الدفع مع التقديم
المصروفات 1050جنيه
بالتوفيق ان شاء الله




جزاك الله خيرا د ترانيم
دايما معانا علي تواصل


:barak:
:pbuh-allteb

pure spirit
09-21-2011, 12:28 AM
عايز أعرف المواد الشرعية اللي بيدرسها طلبة الماجستير من خارج الازهر و هل هي نفس المواد في ازهر بنين و بنات .. و هل ممكن ولد يقدم في بنات الأزهر ؟


المشاركة دى بخصوص المواد الأزهرية
http://www.alltebfamily.com/vb/showpost.php?p=300581&postcount=16
وينفع البنين يقدموا فى كلية طب بنات لكن العكس صعب لانه بيحتاج موافقة العمداء وغالبا عميدة طب بنات بترفض
الامتحانات واحدة وتقام فى طب بنين

د/ أحـمـد سـليمان
09-21-2011, 08:38 AM
ألف شكر

د/رواء احمد
09-21-2011, 03:10 PM
يارب ربنا يوفقك يا دكتورة رواء

طيب موافقة جهة العمل دي غير الترشيح الوزاري؟ ولو اسمي مش مترشح في جامعة الازهر بنات ومترشح في كلية تانية ممكن موافقة جهة العمل دي تغني عن ورقة الترشيح ولا لازم الاتنين؟

جزاكم الله خيرا

انا بعد ما عملت الورقه بتاعت موافقة جهة العمل من المستشفى وروحت قدمت بس مطلبوهاش منى خالص

فلما قلت للموظفه المسئوله هناك ان انتو اللى طلبتوها منى لما اتصلت بيكم ردت عليا وقالت لى يا دكتوره جهة عملك هى وزارة الصحه

وموافقة جهة العمل هو هو الترشيح الوزارى (زىما قالت دكتوره ترانيم بالظبط قبل كده )


الغريب ف الموضوع بقى انها زيادة ع الاوراق المطلوبه اخدت منى كمان الاصل من كل حاجه( حاجه تجنن ) ما عدا طبعا البطاقه الشخصيه


والخبر المزعج جداااااااااااااا بالنسبه لتخصص الاشعه (انهم ارفضوا اى حد مقدم من بره الازهر ) لان زميلتى كانت معايا وهى قصر عينى

ورفضوا رفضا باتا قبول اوراقها


والخبر العجيب والغريب بقى ..........انهم كانوا هيرفضونى انا كمان مع انى ازهريه لمجرد ان تقديري العام جيد مرتفع......عشان رئيسة القسم

طالبه تقدير عام جيد جدا بالرغم انى مقدمه دبلومه مش ماستر

د_دينا
09-27-2011, 05:05 PM
يجماعة انا عايزة اعرف هو الازهر دمياط فيه تحضير انف واذن ولا لأ؟

د/رواء احمد
09-27-2011, 05:17 PM
يجماعة انا عايزة اعرف هو الازهر دمياط فيه تحضير انف واذن ولا لأ؟

انا بجد مش عارفه والله
بانتظار دكتوره ترانيم تدخل ترد عليكى

pure spirit
09-27-2011, 07:39 PM
يجماعة انا عايزة اعرف هو الازهر دمياط فيه تحضير انف واذن ولا لأ؟
أنا كنت قرأت مرة فى جروب الدراسات العليا انهم محددين تخصصات معينة فعلا
لكن موقع الجامعة مذكرش حاجة زى كدة
هنااااااااا (http://www.azhar.edu.eg/bfac/medical/edu.htm)
لو توصلنا لمعلومات أكيدة هننزلها على طول ان شاء الله

د_دينا
09-28-2011, 12:13 PM
متشكرة جدا جزاكم الله خيرا

مى السلمونى
10-01-2011, 08:45 AM
السلام عليكم
اولا دة اول موضوع لية
انا ع مشكلة كبيرة
انا قدمت دبلوم الجلدية و عايزة اعرف اتقبلت ولا لاو بس مش عارفة اجى اشوفها
اى حد يعرف اى اخبار من فضلكم بلغونى
جزاكم اللة خيرا

مى السلمونى
10-01-2011, 08:58 AM
السلام عليكم
باللة انا عايزة اعرف اتقبلت فى دبلوم الجلدية ولا لا
مش عارفة اروح
من فضلكم اى حد ع اى معلومات يقولى

معجنات
10-01-2011, 03:45 PM
انا تقدمت للتسجيل بدبلوم النساء والولادة بطب الازهر بنات وتم قبولى والمفروض ادخل دور نوفمبر2011 فارجو افادتى بموعد الامتحان وجزاكم الله خيرا

pure spirit
10-02-2011, 03:11 PM
السلام عليكم
باللة انا عايزة اعرف اتقبلت فى دبلوم الجلدية ولا لا
مش عارفة اروح
من فضلكم اى حد ع اى معلومات يقولى
ترشيح 2011 لسة نتيجة قبول طلبات التسجيل فى شهر 11 ان شاء الله يادكتورة

wishes
10-03-2011, 10:58 AM
أنا سجلت نسا فى أزهر اسيوط .... ! وامتحنا هيبقى فى أزهر القاهره ...!
معرفشى بقى بنين ولا بنات بس الى فهمته ان كل ماستر الازهر سواء القاهره او دمياط او اسيوط بيمتحنوا امتحان موحد فى القاهره والكوركيلم بيبقى واحد ... والى انا مش فاهمه برده هنجيبه منيين من اسيوط ولا ازهر القاهره بنيين ولا بنات ....!! الى يعرف يقولى ...!
حد هنا سجل نسا فى الازهر وداخل دور 4 الجى ان شاء الله ؟؟؟

pure spirit
10-03-2011, 08:23 PM
أنا سجلت نسا فى أزهر اسيوط .... ! وامتحنا هيبقى فى أزهر القاهره ...!
معرفشى بقى بنين ولا بنات بس الى فهمته ان كل ماستر الازهر سواء القاهره او دمياط او اسيوط بيمتحنوا امتحان موحد فى القاهره والكوركيلم بيبقى واحد ... والى انا مش فاهمه برده هنجيبه منيين من اسيوط ولا ازهر القاهره بنيين ولا بنات ....!! الى يعرف يقولى ...!
حد هنا سجل نسا فى الازهر وداخل دور 4 الجى ان شاء الله ؟؟؟
كدة ولا كدة مش هتفرق يادكتور لأنه حتى طب بنات القاهرة بيمتحنوا فى البنين
وكدة كدة المناهج واحدة هتجيبها من بنين
وان شاء الله الزملاء يتواصلوا مع حضرتك

مى السلمونى
10-04-2011, 09:53 AM
معقول
ولا حد قادر يساعد

مى السلمونى
10-04-2011, 11:37 AM
يا ترى عرفتو اخبار القبول فى الدبلومة ولا لسة
ارجوكم حد يفيدنى

drmaiyahmed
10-04-2011, 12:38 PM
كنت اتمنى اساعد بس حضرتك لو مقدمة تبع جامعة تانية غير الازهر مش عارفة والله انما الازهر الشئون بتقول تعالو اسالو بعد يوم 20 وغالبا هتتقبل .تحياتي

no345ra
10-04-2011, 08:20 PM
السلام عليكم . ياريت حد يقولى نتيجة الازهر بنات ظهرت ولا لسه يعنى اروح اشوفها ولا لاه مع العلم انهم كانوا قايلين انها هتظهر فى 10
:gzak:

د/رواء احمد
10-04-2011, 10:37 PM
يا ترى عرفتو اخبار القبول فى الدبلومة ولا لسة
ارجوكم حد يفيدنى

هى كده كده النتيجه لسه يا دكتوره

بس حضرتك مقدمه ع دبلومة ايه ؟؟؟؟؟





السلام عليكم . ياريت حد يقولى نتيجة الازهر بنات ظهرت ولا لسه يعنى اروح اشوفها ولا لاه مع العلم انهم كانوا قايلين انها هتظهر فى 10

وعليكم السلام ورحمة الله وبركاته

النتيجه يا دكتوره ان شاء الله ف نصف شهر 11 لان الجامعه يدوب مخلصه استلام الاوراق من كام يوم

ودا من كلام الموظفين ف الدراسات العليا وكلام بعض الدكاتره ف الزهراء


وكمان نتيجة الجامعات التانيه لسه مظهرتش ع النت اللهم الا اللى جابيها من القسم نفسه

مى السلمونى
10-04-2011, 10:59 PM
ربنا يكرمك يا دكتورة
بس للاسف انا مس ازهر
لو فية جديد بلغيني لاني فعلا مش عارفه اروح:alganna:

pure spirit
10-04-2011, 11:11 PM
حضرتك مقدمة فى أنهى جامعة يادكتورة ؟؟
ممكن حد من الطلبة فى الكليات يقدر يشوفهالك

مى السلمونى
10-05-2011, 12:48 PM
انا قدمت كلية طب الازهر بنات
دبلومة جلدية
اسمى : مى عز الدين محمد
لو اى حد قدر بس يعرف اقبلت ولا لا يبقى ربنا يباركلة
ماتعرفوش انا ظروفى متلخبطة اد اية:barak:

no345ra
10-05-2011, 05:28 PM
السلام عليكم. ازيك يادكتورة مى مش عاوزاكى تقلقى خالص انا كمان مقدمة فى الازهر بنات وهروح اسال الاسبوع الجاى وهاسال عليكى بس بيقولوا ان النتيجة لسه مظهرتش اساسا لانهم لسه مخلصين يوم 30/9 فمتقلقيش خالص انا هتواصل معاكى على طول لو فيه جديد
:wfk:

د/رواء احمد
10-05-2011, 05:36 PM
يا جماعه انتم مستعجلين ليه

النتيجه لسه بدرى جدا على ما تظهر

قدامها لغايت 15 /11

لانها لازم ع الاقل تاخد شهر ونصف

وهما لسه مخلصين 30 /9

اهدوا كده وسيبوها لله

ع فكره انا مقدمه دبلومة اشعه كده زيكم برده

وممكن كمان متقبلش لان ريئسة قسم الاشعه عاوزه تقدير عام جيد جدا وانا تقديري جيد مرتفع


الله المستعان

pure spirit
10-05-2011, 09:22 PM
دمج الى موضوع
دراسات عليا " جامعة الأزهر " ... نتواصل هنا (http://www.alltebfamily.com/vb/showthread.php?t=41402)

مى السلمونى
10-08-2011, 07:57 PM
بجد مش عارفة اقول اية
تعبتكو معايا جدا
ادعولى بصلاح الحال
:barak:

Dr.Khaled Zeidan
10-09-2011, 10:58 AM
السلام عليكم
انا لسه مسجل دبلومة فى شهر سبتمبر 2011 فى الازهر بنين (جلدية) وقالوا ان نتيجة التنسيق عل شهر نوفمبر ان شاء الله
ارجو ان نقوم بعمل خطة ارشادية لكل طلاب الدبلوم او الماجستير حتى يتير لنا النجاح فى الامتحانات وسابدأ بنفسى:
1. تم ترشيح كتب الدكتور عاصم فرج للمذاكرة (متوفر cd فيديو للمحاضرات فى مكتبات القصر العينى)
2. مذاكرة المواد الدينية من مذكرات موجودة بمكتبات التصوير بالجامعة (مدينة نصر)

مرفق لكل الزملاء اللى بيذاكروا ممكن تنفعهم

امل من كل من لديه معلومات ان يضيفها حتى يعم الخير على الجميع
والله الموفق

مى السلمونى
10-09-2011, 11:49 AM
جزاك اللة خيرا يا دز خالد
بس يا رب نكون اتقبلنا الاول
لو فية اى اخبار ع النتيجة يا ريت نتواصل

Dr.Khaled Zeidan
10-09-2011, 04:57 PM
ان شاء الله

مى السلمونى
10-10-2011, 08:06 PM
اية الاخبار يا جماعة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مفيش جديد ؟؟؟؟؟؟؟؟؟؟؟؟؟؟؟؟؟؟؟؟؟
حد راح

pure spirit
10-11-2011, 05:12 PM
نقلا عن د.‎Sherin Hamdy‎ جروب الدراسات العليا
نتيجة القبول لدبلومة وماستر النسا ف طب الازهر باسيوط ظهرت النهاردة
وغالبا كل اللى اقدم اتقبل ان شاء الله (ترشيح وزارى و حر ) لانهم زودوا المصاريف 500 جنيه

د/رواء احمد
10-11-2011, 05:30 PM
نقلا عن د.‎sherin hamdy‎ جروب الدراسات العليا
نتيجة القبول لدبلومة وماستر النسا ف طب الازهر باسيوط ظهرت النهاردة
وغالبا كل اللى اقدم اتقبل ان شاء الله (ترشيح وزارى و حر ) لانهم زودوا المصاريف 500 جنيه




انتى متاكده من الكلام ده يا ترانيم

طاب هو مش كل كليات الازهر بنين وبنات فتحت ف شهر 9

معنى كده بقى ان النتيجه كلها المفروض تظهر ف وقت واحد

pure spirit
10-11-2011, 05:50 PM
انتى متاكده من الكلام ده يا ترانيم

طاب هو مش كل كليات الازهر بنين وبنات فتحت ف شهر 9

معنى كده بقى ان النتيجه كلها المفروض تظهر ف وقت واحد

الكلام على مسئولية كاتبته يارواء أنا مجرد نقلته
اللى مقدم نسا أزهر اسيوط يتأكد بنفسه بكرة من سكرتارية القسم او الدراسات العليا ده اللى قالته الدكتورة
عقبال نتيجتكم ان شاء الله يارواء

د/رواء احمد
10-11-2011, 07:51 PM
ربنا ييسر ان شاء الله

المهم اننا نتقبل ف الاخر

دا انا لو متقبلتش

هاروح وافضح لهم الدنيا والله

ومش هاسكت خالص

وزى ما تيجى تيجى

اصلى بصراحه زهقت من اسلوبهم قوى

مى السلمونى
10-12-2011, 10:27 PM
ربنا يستر يا جماعة
انا يمكن اروح بكرة
لو حد عايز حاجة من هناك يبعتلى

wishes
10-12-2011, 10:34 PM
بالنسبه للنسا فى ازهر اسيوط احنا عارفيين ان احنا اتقبلنا من فتره 10 ايام كده بس لغاية يوم الاحد مكنتش الاسماء جت رسمى من القاهره
وقالولنا اسئلوا على اخر الاسبوع ده او اول الاسبوع الجى ... فممكن تكون ظهرت فعلا

بس مصاريف ايه الى زادت 500 جنيه ؟

مى السلمونى
10-13-2011, 07:09 PM
انا رحت بنفسى النهاردة
قالولى بعد 20-10
مارضيوش يقولولى اى معلومات تانى
:5817.imgcache:

Dr.Mostafaa
10-17-2011, 12:43 AM
السلام عليكم ورحمه الله وبركاته

ارجوا المساعده ضروري جدا

لو سمحتوا ممكن حد يفدني اذا كنت ممكن احضر ماجستير في طب الازهر وانا مسافر بره

في حد عنده خلفيه انا محتار جدا ومش عارف اعمل

yasserelngmy
10-17-2011, 06:03 PM
السلام عليكم
ايه الاخبار يا شباب
هو مفيش معلومات اكيده على النتيجة
يا رب كن معنا ولا تكن علينا

مى السلمونى
10-18-2011, 09:57 AM
دمصطفى
لو رحت انشا اللة هسالك
لو فية جديد ياريت نتواصل

مى السلمونى
10-20-2011, 11:42 AM
انا سمعت ان النتيجة مش قبل 20-11
ياترى الكلام دة صحيح
انا مش عارفة اروح اتاكد

د/رواء احمد
10-25-2011, 03:57 AM
انا سمعت ان النتيجة مش قبل 20-11
ياترى الكلام دة صحيح
انا مش عارفة اروح اتاكد

هو انا لما كنت لسه باقدم عرفت ان النتيجه هتظهر على 15 /11

وده من كلام موظفى الدراسات العليا وكمان كلام الدكاتره نفسهم بتوع قسم الاشعه

yasserelngmy
10-27-2011, 11:44 AM
انا اتصلت على الدراسات العليا وقالوا النتيجه بعد العيد مباشرة

pure spirit
10-28-2011, 10:40 PM
نتيجة الازهر في نصف نوفمبر ان شاءالله....جميع التخصصات مافيهاش مشاكل...جيد عام و جيد تخصص يكفي....ماعدا الاشعه و الاطفال...جيد جدا اقل حاجه...و مش فارق عندهم اذا كنت ازهري او غيره....المعلومات دي من سكرتارية الاقسام..في مستشفي الحسين..
ان شاء الله خير

المصدر (http://ar-ar.facebook.com/groups/117841308302421/174579145961970/)

yasserelngmy
10-29-2011, 08:49 PM
هل قبول الاطفال سواء ماجستير او دبلومه الحد الادنى جيد جدا ولا هناك امل

pure spirit
10-29-2011, 09:40 PM
هل قبول الاطفال سواء ماجستير او دبلومه الحد الادنى جيد جدا ولا هناك امل
لأ قالوا جيد جدا للماستر فقط
الدبلومة أى تقدير ماعدا مقبول

yasserelngmy
10-30-2011, 11:36 AM
الله يطمئنك دنيا واخره ويجزاك خير

soofarsoo
10-31-2011, 10:47 AM
نتيجة الازهر في نصف نوفمبر ان شاءالله....جميع التخصصات مافيهاش مشاكل...جيد عام و جيد تخصص يكفي....ماعدا الاشعه و الاطفال...جيد جدا اقل حاجه...و مش فارق عندهم اذا كنت ازهري او غيره....المعلومات دي من سكرتارية الاقسام..في مستشفي الحسين..
ان شاء الله خير

المصدر (http://ar-ar.facebook.com/groups/117841308302421/174579145961970/)



جيد جدا تقدير عام ولا تقدير الاطفال ؟؟

pure spirit
11-01-2011, 03:15 PM
أزهر بنات

نتيجة الأطفال في أزهر بنات ظهرت والجميع اتقبل
والجلدية أخدوا اللى جايب اكثر من 80 %
ده بالنسبة للماستر

وده رقم الدراسات العليا فى طب بنات
0222638359

المصدر (http://www.facebook.com/groups/117841308302421/176550595764825/)

yasserelngmy
11-01-2011, 10:00 PM
السلام عليكم
مفيش اخبار عن الازهر بنين

د/رواء احمد
11-02-2011, 07:54 AM
....ماعدا الاشعه و الاطفال...جيد جدا اقل حاجه

انتى بتقولى الكلام ده من الحسين يعنى طب بنين


طاب وطب بنات لسه برده اصرارهم ع جيد جدا لدبلومة الاشعه ؟؟؟؟؟

pure spirit
11-02-2011, 04:27 PM
انتى بتقولى الكلام ده من الحسين يعنى طب بنين

طاب وطب بنات لسه برده اصرارهم ع جيد جدا لدبلومة الاشعه ؟؟؟؟؟
معنديش فكرة حاليا غير عن ماستر الاطفال والجلدية يادكتورة رواء
ممكن تتصلى بيهم على رقم الدراسات العليا او لو تعرفى حد من الطلبة يسالك بكرة قبل ماينزلوا أجازة العيد

SAFYSAFY
11-03-2011, 08:52 PM
:gzak:هل فى اى اخبار عن نتيجة التقديم لدبلومة الجلدية ؟

yasserelngmy
11-09-2011, 04:19 PM
هل هناك اى معلومات عن نتيجه دبلوم الاطفال الازهر بنين
الله يجزاكم خيرا

dr0mido
11-12-2011, 12:27 PM
هوه ممكن واحد طبيب ذكر يقدم دبلومه في طب بنات الازهر ولا ده ممنوع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

amira_mrwan
11-12-2011, 01:33 PM
هيا نتيجه الباطنه بانت يادكاتره؟؟؟

SAFYSAFY
11-13-2011, 09:48 AM
نتيجة دبلومة الجلدية ازهر بنات ظهرت و لا لسه ؟؟

مى السلمونى
11-14-2011, 10:12 AM
طلعت يا جمااااااااااااااااااااااعة
بالتوفيق للجميع

yasserelngmy
11-14-2011, 12:30 PM
ايه نتيجه دبلوم الاطفال الله يجزاكم خير

pure spirit
11-14-2011, 04:00 PM
الي كل اللي سجلو تخدير في ازهر بنين.....ازهري او غير ازهري.....ماجستير او دبلومه....ترشيح وزاري او طبيب حر......مبروك....كله اتقبل

المصدر (http://www.facebook.com/groups/117841308302421/182068615213023/)

pure spirit
11-14-2011, 04:00 PM
الي كل اللي سجلو تخدير في ازهر بنين.....ازهري او غير ازهري.....ماجستير او دبلومه....ترشيح وزاري او طبيب حر......مبروك....كله اتقبل

المصدر (http://www.facebook.com/groups/117841308302421/182068615213023/)

yasserelngmy
11-14-2011, 04:08 PM
اخبار الاطفال يا دكتورة ترانيم
الله يجزاك خيرا

pure spirit
11-14-2011, 06:49 PM
اخبار الاطفال يا دكتورة ترانيم
الله يجزاك خيرا
لسة مفيش أخبار يادكتور
ان شاء الله متابعين مع حضرتك

no345ra
11-15-2011, 12:22 AM
:pbuh-alltebالسلام عليكم . ازيكو ياجماعة حد يقولى نتيجة الكلينيكال باثولوجى ظهرت ولا لسه ياريت حد يرد عليا على طول ارجوكم:barak:

yasserelngmy
11-15-2011, 10:45 AM
انا اتصلت على الدراسات العليا وكلمت مكتب بجوارهم وسال ورد على بان النتيجه ستعتمد ان شاء الله يوم الخميس القادم

no345ra
11-15-2011, 07:57 PM
السلام عليكم . معلش هو حضرتك بتتكلم على الازهر بنين ولا بنات
:barak:

yasserelngmy
11-15-2011, 09:01 PM
انا اتصلت على تليفون الدراسات العليا الازهر بنين

pure spirit
11-15-2011, 09:37 PM
بالنسبة للازهر بنات
1-نتيجة الكلينكال باثولوجى.....
قبلوا اللى جايب امتياز وجيد جدا وجيد من جامعات الازهر والقاهرة وعين شمس
وقبلوا اللى جايب امتياز وجيد جدا بس من الجامعات الاقليمية
2-نتيجة الأشعة............لسه مظهرتش
3-نتيجة النساء............لسه مظهرتش
4-نتيجة الجلدية..........ظهرت بس معرفتش مين اتقبل ومين اترفض
قالوا قول الاسم نقولك اتقبل ولا اترفض
5-الأطفال........كل الناس اتقبلت
6-اما عن مواعيد التسجيل قالوا الجامعة مش بتفتح غير مرة واحدة فى شهر 9 فقط

***أهم نقطة ان الناس تعجل بدفع المصاريف لأن مجلس الكلية يوم الثلاثاء القادم والمفروض نكون دفعنا قبل انعقاد المجلس
مع مراعاة ان يوم الخميس مفيش دفع لان الخزنة مش شغالة والسبت اجازة

***طبعا المحاضرات بدأت فى بعض الأقسام وفى ناس بتحضر
والحضور كالتالى
باكتريولوجى.........كل خميس من 9-11ص
.هستولوجى..............الثلاثاء8:30ص
مجتمع ............لم يحدد بعد
فسيولوجى ........كل قسم له يوم بالنسبة للاطفال هيكون يوم الثلاثاء
الفارما.........الثلاثاء 9 ص
كيمياء حيوية......الثلاثاء 11ص
باثولوجى.......الأحد 10ص كل الاقسام مع بعضها لحد منخلص الgeneral
التشريح.......لم يحدد بعد

المصدر (http://www.facebook.com/groups/117841308302421/183234805096404/)

yasserelngmy
11-15-2011, 09:55 PM
هل عندك معلومات عن الازهر بنين يا دكتورة

pure spirit
11-16-2011, 09:19 PM
الأزهر بنين
كل اللى قدم دبلومة باطنة اتقبل


أزهر بنات
كل اللى قدم باطنة اتقبل

yasserelngmy
11-16-2011, 09:57 PM
السلام عليكم
ما هى اخبار دبلومه الاطفال بالنسبه للازهر بنين
الله يجزاك خيرا

shaymaa salman
11-17-2011, 03:05 AM
مفيش اخبار عن الأشعة فى الأزهر بنين ؟؟؟؟؟؟؟؟؟؟؟؟؟؟؟؟؟:CryOutLoud:

shaymaa salman
11-17-2011, 03:10 AM
ممكن رقم الدراسات العليا فى البنبن

yasserelngmy
11-17-2011, 10:33 AM
رقم الدراسات العليا فى البنبن
0224012931
0224012932

yasserelngmy
11-17-2011, 10:45 AM
رقم الدراسات العليا فى طب الازهر بنين
0224012931
0224012932

pure spirit
11-17-2011, 05:32 PM
ازهر بنين...
عظام كله اتقبل....
باطنه عام كله اتقبل...
تخدير...ماجستير كله اتقبل...ودبلومه...10بس بالتقدير....
اطفال....يوم الاحد...50ماجستير...و20 دبلومه بالتقدير....
اشعه....شرحه...

المصدر (http://ar-ar.facebook.com/groups/117841308302421/184166658336552/)

د/رواء احمد
11-18-2011, 01:04 AM
يارب صبرنى

pure spirit
11-18-2011, 01:31 PM
يارب صبرنى
ربنا يطمنك

مى السلمونى
11-18-2011, 07:26 PM
فين دبلومة الجلدية يا جماعة
انا الحمدللة اتقبلت
المصاريف 900 جنية
الخطة الجاية اية
نفع الله بك

yasserelngmy
11-18-2011, 09:51 PM
اللهم انا نسألك القبول فى الدنيا والاخرة

د-عزو
11-18-2011, 10:38 PM
ما فيش اخبار عن نتيجة الكلينكال باثولوجى الازهر بنين ؟

yasserelngmy
11-19-2011, 06:54 PM
يا رب صبرنا

yasserelngmy
11-20-2011, 12:21 PM
ما فيش اخبار عن دبلومة الاطفال

no345ra
11-20-2011, 09:27 PM
ازيكوا يا جماعة انا رحت سالت فى الازهر بنات على نتيجة الكلينيكال باثولوجى ولقيتها ظهرت فعلا وقالولى ان اخر معاد للدفع يوم الاتنين 21/11/2011
:barak:

أبو عبيدة
11-21-2011, 09:39 AM
نتيجة اطفال الازهر يوم الخميس ان شاء الله

pure spirit
11-21-2011, 01:14 PM
ازيكوا يا جماعة انا رحت سالت فى الازهر بنات على نتيجة الكلينيكال باثولوجى ولقيتها ظهرت فعلا وقالولى ان اخر معاد للدفع يوم الاتنين 21/11/2011
:barak:
الف مبروك
بالتوفيق

pure spirit
11-21-2011, 10:13 PM
ازهر بنين
الاشعة ازهر بنين .... جيد جدا مادة وعام ..ترشيح وزاري ومن اي جامعة ......... مبرووووووووووك للمقبولين

المصدر (http://www.facebook.com/groups/117841308302421/186355058117712/)

no345ra
11-21-2011, 11:04 PM
الله يبارك فيكى يا دكتورة ترانيم وتسلمى على اهتمامك . مع ان الواحد خاف والله لما عرف انه هيبدا يذاكر تانى ولسه هيدخل فى مود المذاكرة تانى بس ان شاء الله ربنا هيعينا ودعواتكم معانا ان شاء الله:gzak:

yasserelngmy
11-22-2011, 10:55 PM
يا رب صبرنا واكتب لنا القبول

no345ra
11-23-2011, 01:01 AM
ان شاء الله هتتقبل يادكتور ياسر وهنباركلك كلنا.
هوياجماعة حد يعرف نظام الحضور فى الازهر بنات ايه ولازم ولا لاه ياريت لو حد مسجل فى ازهر بنات يقولنا اى حاجة ويطمنا الله يخليكم:gzak:

yasserelngmy
11-24-2011, 10:36 AM
انا مش عارف هم ليه مش عاوزين يعتمدوا نتيجه الاطفال هم مستنيين لما الاطفال يكبروا
سمعت انها بقت يوم 5/12
يا ريت حد يروح قسم الاطفال ويسال ويرد علينا

yasserelngmy
11-24-2011, 12:39 PM
اخر الاخبار بالنسبه للاطفال
انا اتصلت على الدراسات العليا وبلغونى ان المشكله فى قسم الاطفال
لان رئيس قسم الاطفال لم يرسل الاعداد التى يريدها حتى الان
الرجاء السؤال عند قسم الاطفال فى مستشفى الحسين الجامعى وابلاغنا بالرد

د/رواء احمد
11-24-2011, 02:08 PM
طب والاشعه ازهر بنات

محدش عنده اى اخبار

د/رواء احمد
11-25-2011, 12:46 AM
انا عرفت انهم قبلوا 12 من خريجى الازهر ف ماستر الاشعه

بس محدش يعرف اخبار الدبلومه ايه يا جماعه ؟؟؟؟؟؟؟؟؟؟؟

yasserelngmy
11-27-2011, 11:58 AM
يا ريت يا دكاترة لو فى طبيب يستطيع يسأل فى قسم الاطفال بمستشفى الحسين الجامعى سكرتارية رئيس القسم
المشكلة انى عمل بالخارج ولا استطيع السؤال
الرجاء المساعدة

yasserelngmy
11-27-2011, 03:11 PM
:sala:

مى السلمونى
11-28-2011, 11:06 AM
ارقام المستشفى:
25105354
25109140
25109140
25105931

yasserelngmy
11-28-2011, 12:34 PM
جزاك الله خيرا يا دكتورة
بس المشكله انى حاولت الاتصال بقسم الاطفال ولكن دون جدوى
لانى كل ما اتصلت وحولنى لقسم الاطفال لا من مجيب

yasserelngmy
11-28-2011, 08:51 PM
:pbuh-allteb

مى السلمونى
11-29-2011, 10:51 AM
د. ياسر
حضرتك ممكن تقولى البيانات
و عايز تعرف اية بالضبط و انا لو رحت اسالك انشاء اللة

yasserelngmy
11-29-2011, 12:06 PM
جزاك الله خيرا يا دكتورة مى وجعل هذا العمل فى ميزان حسناتك
وهذه بياناتى.......................
الاسم/ياسر على محمد احمد
متقدم الى دبلومه اطفال
جهه التخرج جامعة جنوب الوادى
جهه التعيين محافظه قنا
طبعا عايز اعرف اتقبلت ولا ربنا يستر

د-عزو
11-30-2011, 07:18 AM
ياجماعة محدش يعرف أي حاجة عن المقبولين فى دبلوم الكلينيكال باثولوجى ازهر بنين؟

abdo fayed
12-03-2011, 01:35 PM
السلام عليكم

القلب والعظام كله اتقبل في الازهر

:wfk:

yasserelngmy
12-03-2011, 02:01 PM
مفيش اخبار عن دبلومة الاطفال الازهر بنين

د-عزو
12-05-2011, 07:07 AM
ياجماعة محدش يعرف أي حاجة عن المقبولين فى دبلوم الكلينيكال باثولوجى ازهر بنين؟

أبو عبيدة
12-09-2011, 02:18 PM
النتيجة رسمي:للأزهريين جيدجدا عام ومادة ولغير الازهريين لازم امتياز سواء عام او مادة واحدة فيهم يعني وسألت علي قانون اول او نان قاللي لسة موجود بالتوفيق للجميع
والناس تروح عشان تعرف المواد ومواعيد المحاضرات

no345ra
12-09-2011, 11:01 PM
على فكرة الازهر قبل جيد من غير خريجيه بس من خريجى القاهرة وعين شمس فقط لانى انا جايبة جيد عام ومادة واتقبلت لانى من خريجى القاهرة:pbuh-allteb

أبو عبيدة
12-10-2011, 12:25 AM
انا بتكلم عن الماجيستير ولعل حضرتك بتتكلمي عن الدبلومة !!

عامة انا رايح ان شاء الله يوم الاحد وهسأل عن كل حاجة باذن الله ولعلي اصور الاسماء كمان

د-عزو
12-10-2011, 12:30 AM
ياجماعة محدش يعرف أي حاجة عن المقبولين فى دبلوم الكلينيكال باثولوجى ازهر بنين؟

no345ra
12-10-2011, 12:42 AM
لا يادكتور انا بتكلم على الماجستير كلينيكال باثولوجى فى ازهر بنات:barak:

yasserelngmy
12-10-2011, 04:09 AM
دبلومة الاطفال ازهر بنين ايه اخبارها

أبو عبيدة
12-11-2011, 02:22 PM
اسماء المقبولين في دبلومة اطفال الازهر علي هذا الرابط

http://www.facebook.com/groups/117841308302421/

pure spirit
12-11-2011, 02:32 PM
الف مبروك لكل المقبولين
:barak:

أبو عبيدة
12-11-2011, 02:45 PM
وفيكم بارك الله

دا ملف فيه الكوريكولام بتاع معظم المواد عدا " الفارماكولوجي رحت لقيت سكرتير القسم مكنش لسة جه الساعة 10

وايضا كلينيكال باثولوجي نسيتها دي معلش عندي انا الشاي

http://www.4shared.com/file/nh5s9BFW/New_Folder.html

وفقنا الله واياكم

آمين

أبو عبيدة
12-11-2011, 11:44 PM
دي مواد فرست ماستر الاطفال بالدرجات تحريري وشفوي :

امبريولوجي : ت:20 وش : 20
وراثة : ت 40 وش : 40

فسيولوجي : ت : 30 وش : 30
كيمياء : ت : 30 وش : 30
فارماكولوجي : ت : 15 وش : 15
ميكرو : ت : 30 و ش: 30
كلينيكال باثولوجي : ت 30 وش : 30
باثولوجي : ت 15 وش : 15

صحة عامة : ت 90 وش : 90

Dr- islam Gamal
12-17-2011, 09:21 PM
السلام عليكم
ممكن أعرف الكوريكيولم والمواد الخاصة بفرست تروبيكال ازهر بنين
وشكرا

lombasto
01-09-2012, 01:31 PM
ايهم افضل التسجيل فى ازهر بنين او بنات

lombasto
01-09-2012, 01:32 PM
طبعا فى كل حاجة بس بالاخص مين فيهم مش بيحتاج حضور

lombasto
01-09-2012, 01:52 PM
ربنا يوفق الجميع وعقبالنا يارب
المذاكرة وحشتنى جدا

dr seham
02-13-2012, 08:43 PM
مين هنا مسجل ماستر اطفال بنات؟

taleen
02-15-2012, 04:45 PM
ياجماعه محدش يعرف ان الازهر بنات تفتح دور تاني للماستر في شهر 3 ولا ل
لأ لو سمحتم افيدوووووووووووووووووووووووووووووووووووووني

pure spirit
02-15-2012, 07:15 PM
ياجماعه محدش يعرف ان الازهر بنات تفتح دور تاني للماستر في شهر 3 ولا ل
لأ لو سمحتم افيدوووووووووووووووووووووووووووووووووووووني
لأ الأزهر بيفتح مرة واحدة بس فى السنة فى شهر 9

rey_mysteriowww
03-12-2012, 02:54 PM
السلام عليكم ورحمة الله وبركاته, لو ممكن حد يقولنا نظام امتحان دبلومة الباطنة فى الازهر , يعنى المواد الاسلامية امتى والكوريكيولم برضه , وجازاكم الله خيرا

د.ام براء
03-23-2012, 04:16 AM
السلام عليكم عايزه اعرف جدول امتحان دبلومة الاطفال الدور التاني امته وفين انا جامهة الازهر دمياط لو حد عارف يفيدني وعايزة اعرف نظام الامتحان ودرجاته

دكتورة باسمة
05-16-2012, 11:55 PM
هو الماستر والدبلومه بردو بيدرسوا علوم شرعيه؟؟؟؟؟؟؟؟؟؟
سؤال تاني اعرف ان دكاتره الازهر صعبين صح ولالاء.؟
يعني نسبه النجاح كم؟؟؟؟؟؟

pure spirit
05-17-2012, 08:42 PM
هو الماستر والدبلومه بردو بيدرسوا علوم شرعيه؟؟؟؟؟؟؟؟؟؟
سؤال تاني اعرف ان دكاتره الازهر صعبين صح ولالاء.؟
يعني نسبه النجاح كم؟؟؟؟؟؟
أى حد غير خريجين الازهر لو سجل فى الازهر لازم يمتحن مواد شرعية سواء ماستر او دبلومة
الازهر صعوبته فى حكاية الـ all or non يعنى لو حد شال مادة بمتحن مواد الفرست كلها من أول وجديد
وصعوبة الدكاترة بيبقى فى اقسام معينة مثال فى أزهر بنات الأطفال والرمد
لكن فيه اقسام تانية كويسة
الميزة انها بتاخد من كل الجامعات مش مشترطة خريجينها ده غير انها آخر جامعة بتقفل باب التسجيل فالكل بيروح لها

د-ام عائشة
05-19-2012, 11:01 PM
هل الدبلومة وان شوت فقط ولا فيه دبلومة حديثة
وايه نظام النايب الزاير ف الازهر دمياط
وجزاكم الله خيرا

نمنمه
05-20-2012, 08:04 AM
ياجماعه عايزه اعرف معاد امتحان الدراسات الاسلاميه امتى ف اغسطس و اجيب الكتب منين و هل ينفع أجل لانى مزاكرتش حاجه مع العلم انى مدخلتش الدور الى فات

dr_rabab
07-13-2012, 10:45 AM
ممكن سؤال من فضلكم
حد عنده معلومات عن القبول فى ماجستير النسا بالنسبة لجامعة الأزهر
لخريجى الكلية ونظام الامتحانات وحضور المحاضرات

dr_rabab
07-21-2012, 11:01 PM
ممكن من فضلكم معلومات عن جامعة الأزهر بنين وبنات فى ماجستير النسا
أيهما أفضل علما بأنى خريجة أزهر بنات

dr0mido
07-30-2012, 01:14 PM
ممكن استفسار انا عايز انف واذن .......... تقديري العام مقبول وفي الانف والاذن جيد ............ كنت عايز اعرف اذا كان ينفع احضر دبلومه فيه ولا لا وايه احسن جامعه اكتبهعا في الترشيح الوزاري بحيص يبقي ليه امل اني اتقبل فيها ..........ز وارجو الافاده لو سمحتم


وعايز اعرف معلومات عن الازهر بنات وبنين بالخصوص في قسم الانف والاذن عدد المقبولين في السنين الي فاتت وكده وارجو الافاده لو سمحتهم

bera
07-30-2012, 06:11 PM
السلام عليكم حد يعرف نظام الاطفال عندنا فى ينات ايه لسه برده محدش بينجح ولا ايه انا عيزة اعرف لوقدمت هناك احتمال انجح ولا ده حلم واذا كانت الامتحانات موحدة هتفرق ايه ازهر بنين عن بنات

drmai2000
08-05-2012, 03:23 PM
السلام عليكم
حد عنده معلومات عن شروط التقديم بالازهر بنات والاوراق المطلوبه
وهل طالبين اعداد معينه في التخصصات
ولكم جزيل الشكر

dr_mero2011
08-11-2012, 04:26 AM
انا جالى ترشيح وزارى على ازهر بنين فرع دمياط دبلومة اطفال وانا تقديرى جيد وجيد مادة هل ممكن اقلبة ماستر الازهر هيوافق ولا لا والماستر سهل هناك ولا لا ياريت اى معلومات حد يفيدنا وجزاكم الله خيرا كل عام وانتم بخير

دكتورة هبه
08-26-2012, 07:12 PM
كنت عاوزة اعرف بعد ازنكم ممكن حد يقدملي والا لازم اروح بنفسي

د.أحمد السنوسي
08-28-2012, 05:34 PM
الأزهر فتح التقديم للدبلومة في الرمد ولا لأ ؟

mohkoddousi
08-29-2012, 04:32 PM
ده جروب للتواصل للي مسجلين في الازهر

http://www.facebook.com/groups/108987052585235/

دكتورة هبه
08-30-2012, 05:42 PM
لو سمحتي يا دكتورة هو دفع المصاريف بيبقي مع تقديم الورق ارجو الردصس

aymanedrees
08-30-2012, 06:18 PM
السلام عليكم ياريت يا دكاتره لوحد عنده اي اخبار عن الازهر يعرفنا هتفتح امتي والشروط ايه والاوراق المطلوبه بالنسبه لدبلومه الجلديه والشروط وهل ممكن حد يقدملي الورق لاني خارج مص:barak:ر وهل كل الي هيقدم بترشيح من الوزاره هيتقبل ولا ايه انا خلاص زهقت من الوزاره ومن الكليات وخايفه اني متقبلش تقديري العام جيد والباطنه مقبول وربنا يستر

aymanedrees
09-03-2012, 03:18 PM
السلام عليكم بما ءان مفيش حد رد عليه يادكتره انا بعت اختي امبارح كليه طب الازهر بنات وهي سالت بالنسبه لدبلومه الجلديه هناك عوزين مش اقل من جيد جدا ورفضو ياخدو الورق ولما سالت عالترشيح الوزاي الموظفه قالت لها احنا مش مسؤلين احنا بنقول شروطنا للوزاره وهما الي بيجيبو علينا ترشيحات مع اني مسمعتش قبل كده ان الدبلومه هناك تاخد من جيد جدا طب الماجستير هياخد ايه واللي تقديره جيد زيي يعمل ايه حرام والله تضيع سنه كمان اكتر من الي ضاع وافوض امري الي الله ءان الله بصير بالعباد

جيل0
11-19-2012, 01:36 AM
ده احنا هنشوف ايام
هي الدنيا
مظلمة كده ليه

كل مابنخلص مرحلة نخبط في اللي بعدها
انا لله والده راجعون

جيل0
11-19-2012, 01:40 AM
انا لله واليه راجعون

نعناعة
11-29-2012, 04:11 PM
السلام عليكم ورحمة الله وبركاته
الحمد لله اتقبلت ماستر جلدية ازهر بنين وكان عندى استفسارات
انا خارج مصر ممكن انزل على الامتحان ولا أأجل
ومدة الامتحان من الاول للآخر تقريبا كام يوم لأنى لو هنزل على الامتحان يبقى هنزل امتحن واسافر تانى ان شاء الله
وينفع امتحن فرست وأأجل الرسالة
جزاكم الله خيرا ...
بشرونى ربنا يكرمكم

pure spirit
11-29-2012, 10:08 PM
السلام عليكم ورحمة الله وبركاته
الحمد لله اتقبلت ماستر جلدية ازهر بنين وكان عندى استفسارات
انا خارج مصر ممكن انزل على الامتحان ولا أأجل
ومدة الامتحان من الاول للآخر تقريبا كام يوم لأنى لو هنزل على الامتحان يبقى هنزل امتحن واسافر تانى ان شاء الله
وينفع امتحن فرست وأأجل الرسالة
جزاكم الله خيرا ...
بشرونى ربنا يكرمكم

أظن الازهر الحضور فيه مهم
حضرتك الجروب ده لطلبة ماجيستير جامعة الازهر ان شاء الله يفيدك
http://www.facebook.com/groups/108987052585235/

نعناعة
11-30-2012, 10:43 AM
جزاكم الله خيرا د. ترانيم

eslam saber
03-15-2013, 12:09 AM
السلام عليكم
ممكن استفسار بسيط وجزاكم الله كل خير
فيه جامعات دلوقتي ممكن تحضر لي دبلومه نسا (تقدير الماده مقبول والتراكمي جيد)
ولا الموضوع بقا صعب ....ارجو الافاده لاني بحاجه الي قرار
وشكرا