المساعد الشخصي الرقمي

مشاهدة النسخة كاملة : طلباتك أوامر في طب الزقازيق ..... متجدد

د/ أحـمـد سـليمان
03-29-2009, 03:52 AM
السلام عليكم و رحمة الله و بركاته

أهلا و سهلا بكل دكاترة الزقازيق ... منورين المنتدى

حبيت بس أفتح الموضوع ده لنكون في خدمتكم و تحت أمركم في أي شيئ سواء في المنتدى أو في الكلية أو حتى بره الكلية. و بما إني إمتياز دلوقتي فالحمد لله أقدر أساعد قدر المستطاع أي حد في أي فرقة من أولى و حتى سادسة و كمان عايز الموضوع ده يكون بمثابة صندوق للإقتراحات بخصوص القسم علشان لو حد عايز يقول رأيه في أي حاجة... في إنتظاركم
روفيدة
03-29-2009, 09:09 AM
جزاكم الله خيرا
د/ أحـمـد سـليمان
03-29-2009, 10:49 AM
و جزاكم خيرا مثله
أهلا و سهلا د/ روفيدة
إن شاء الله نحاول نكون في خدمتكم
El Doctor No Love
03-29-2009, 01:21 PM
رينا يجازيك كل خير
اهم حاجة طبعا عايزين حاجة تصبرنا على اللى احنا فيه دا
الواحد معدش قادر خلاص
Dr.ahmoda_for_ever
03-29-2009, 03:40 PM
ربنا يكرمك
وياريت بس تقولنا نعمل ايه عشان نهون على نفسنا الفتره الى باقيه عشان الواحد زهق اووى
د/ أحـمـد سـليمان
03-30-2009, 06:05 AM
حاضر أنا عنيا ليكم بس ثواني و راجع لكم تاني علشان أشوف طلباتكم
د/ أحـمـد سـليمان
03-30-2009, 08:17 AM
طبعا أنا وجدت إن حضراتكم من سنة 3 ( أجدع ناس طبعا )
و علشان كده فهمت سبب طلبكم ....عايزين حاجة تصبركم و تهون عليكم

أنا راجعت الجداول .... و وجدت إن إمتحاناتكم هتبدأ تقريبا 5/5/2009 و النظري 19/5/2009 يعني تقريبا باقي شهر و أسبوع على إمتحانات العملي و طبعا لسه في حضور في الكلية

هو أول حاجة لازم تعرف إن السنة دي رغم إنها ثقيلة شوية لكن مهمة جدا جدا ( طبعا لم أكتب شيء جديد لكن أدينا بندردش ) لكن فعلا بعد ما دخلت سنة 5 صدقت الناس اللي كانت بتقول على 3 بكالوريوس أكاديمي لأنها فعلا نهاية مرحلة من الطب تختلف تماما عن المرحلة المقبلة ( و خاصة بداية من سنة 5 لأن سنة 4 مش كلينيكال أوي لأن فيها طب شرعي و طب مجتمع زائد إن أصلا الكلينيكال في الرمد و الأنف و الأذن مش زي الباطنة و الأطفال )

يعني بحكم إني مررت على كل المواد ...قدرت أستخلص إن :-
الفارما ..... مطلوبة بشده في الباطنة ( ويتبعها الأطفال )
الباثولوجي .... مطلوب بشده في الجراحة ( و إلى حد ما في النساء )
البارا ..... مطلوبه جدا في الكوميونيتي و إلى حد ما في الباطنة
الميكرو .. مطلوبه جدا في الكوميونيتي و بعد ذلك في الباطنة إلى حد كبير

و اللي قصدته من الكلام ده إنك تحاول و أنت بتذاكر إنك تحس إنك بتقرأ في التخصص اللي بتحبه يعني جراحة أو باطنة و هكذا ... لأني من سنة أولى و انا بحب جدا أي كلمة كلينيكال في كتب الأكاديمي ( وطبعا كل الطلبة كده ) لكن الكلينيكال ده موجود بشكل كبير في مواد سنة 3

و حاجة كمان تهون عليك المذاكرة إنك تعرف إن كل المواد الأكاديمي ( وخاصة مواد 3 ) مطلوبين في تحضير أي ماجستير أيا كان تخصصك ( و طبعا الكلام ده مش جديد عليكم ) و أنا ليا صديقي نايب عظام عنده إمتحان الفيرست بعد حوالي شهر و جايب دلوقتي كتب د/ أمال و عمال يقرأ فيها كل ما يفضى دقيقتين في الأستقبال و لا في القسم فوق ... يعني الكلام اللي كلنا بنبقى مخنوقين منه ده مش كلام فاضي ... لا ده كلام هنحتاجة بعد كده و اي كلمتين هيثبتوا في الذاكرة هينفعوا بعد كده

و بعدين سنة 3 رغم إنها موادها مهمة و ثقيلة ... إلا إن المواد فيها جزء كبير عملي ( مثل الباثولوجي ) و أنا شخصيا ( وكذلك معظم الطلبة ) كنت بحب الحاجة العملي اللي أشوفها مرة او مرتين و تثبت .... أكثر من الحاجة النظري اللي محتاجة تكرار و حفظ و كتابة

و كمان عندكم 3 مواد من مواد سنة 3 يعتبروا مواد تحاليل .... ميكرو و بارا و الباثولوجي ( تحاليل أنسجة و أورام ) و دي تخليك تقدر تقرأ أي تحليل عامله واحد قريبك مثلا ( أقصد التحاليل الكبيرة زي المزرعة و عينات الاورام ) إلى جانب المادة الرابعة ( الفارما ) ممكن تخليك عارف باطنة كويس و تقدر تجيب كتاب ادوية زي Master أو MDI و تعرف منه الأدوية التجاري ..... ( و بالمناسبة انا عامل لكم مفاجئة عن الأدوية دي بس محتاجة شوية و قت )

و لو رجعنا شوية للدراسة و كده .... فأهم شيء يجب مراعاته في الفترة القادمة هو الموازنة بحرص بين كفتين و هما ( المذاكرة ) و ( الإسترخاء ) و أقصد بذلك و ضع حد فاصل بين الإسترخاء الذهني و الجسمي ( و ده شيء مطلوب و مهم ) و بين تضييع الوقت ( الذي هو إمتداد طبيعي للراحة لو سبت نفسك لها )

يعني مذاكرة من غير راحة ... ( و لو إنها أمر خيالي اصلا ) لكن تؤدي إلى إستهلاك سريع للطاقة و حالة نفور من المذاكرة خاصة إننا في طب عندنا حولي شهرين إمتحانات ... و أنا بسمي الواحد لما يكون خلاص مش قادر يدخل معلومة جديدة .....Absolute Refractory Period

و على الجانب الآخر ... الراحة المبالغ فيها ( بسبب إن مجهود و إرهاق السنة بيظهر دلوقتي ) لازم يكون لها حدود علشان كل ما يوصل الواحد لدرجة إجتهاد يكون بعد كده في طعم للإجازة

معلش طولت عليكم بس كنت بحاول أخرج معاكم من حالة الضيق دي و يارب أكون قدرت
و كفاية تضييع و قت في قراءة المشاركة دي ........قوموا ذاكروا بقى !!!

و الله من وراء القصد
Dr.ahmoda_for_ever
03-30-2009, 02:26 PM
جميل اووى
ربنا يباركلك واهو الواحد بيبص فعلا لقدااام
بس سؤال بقا يا دكتور زى محضرتك قلت ان المواد دى هنحتاجهاا اووى فى الكلينيكال قدام طب ايه اللى ممكن يثبت المعلومات دى فى دماغى حتى بعد منخلص امتحاناات لان زى محضرتك عارف فى اى سنه من السنين الواحد بيمتحن وينسى كله كانه مدرسش حاجه وفى نفس الوقت انا شخصيا مش هطيق مثلا انى اجيب كتاب فارماا وادنى ابص عليه فى الاجازه مثلا
لا اقصد من الاخر الواحد عاوز يطلعله بحاجات مفيده مش بس عشان الامتحان عشان المستقبل
وانا طبعا كل كلامى فى المشاركه دى مش على الامتحااان لان ده امر مفروغ منه ان شاء الله هنذاكر كويس ونمتحن بس انا قصدى ازاى نقدر نثبت ولو حتى معلومتين تلاته يفيدونا بعد كده معلش طولت عليك
د/ أحـمـد سـليمان
03-30-2009, 02:49 PM
و لا يهمك يا أبو حميد
الأمر بسيط إن شاء الله ... هو المعلومة اللي بتكون إنت واخدها بإهتمام ( يعني مثلا حاسس إن فيها إستفاده عمليه ) بتكون غالبا ثابته في ذهنك و مش محتاجة طريقة معينة في الحفاظ عليها ( أنا مثلا فاكر كلام من الفارما حتى الآن بالنص لإنه كان مرتبط عندي بمعلومة معينة ) ده رقم واحد

رقم إثنين : إن الفارما ( كمثال ) الإستفادة والتطبيق بتاعها سهل جدا .... هات كتاب أدوية و قلب كده في المجموعات هتلاقي مثلا إسم تجاري مشهور سمعته في الكلية أو هتلاقي المضادات الحيوية و تقسيمتها اللي أنت أخذتها أو الأشكال الصيدلية من الدواء الفلاني ( أقراص , حقن , شراب .... ) كل ده يخلي الأدوية تثبت في ذهنك

رقم ثلاثة : لازم في الإجازة هتتعرض لموقف يخليك على الأقل تعصر ذهنك و تفتكر إسم دواء أو ميكروب معين و تحتاج تبص في الكتاب علشان هيصعب عليك الكلام اللي أنت عارفه اللي بدأت تحس بإهميته ... يعني بإختصار لازم يظل بينك و بين الكتاب عمار على خفيف يعني عند اللزوم

رقم أربعة : و دي مهمة إنك قبل السنة الجديدة هتكون متحمس للمواد الكلينيكال الجديدة ( المفروض تكون كده ) فحضرتك تشوف إيه الأكاديمي المطلوب للمادة دي اللي يخليك مرتاح فيها و مستعد لها و تقعد كده تتصفحه في آخر الأجازة زي الجريده و طبعا ده مفيد

رقم خمسة : إنك تطبق بالفعل الكلام اللي إنت درسته و طبعا دي أفضل طريقه على الإطلاق .. يعني ممكن تنزل الإستقبال في الأيام الطوارئ... من ناحية تاخد على الجو و من ناحية تستفيد من الكلام ( بالمناسبة كدليل على الكلام أحمد درويش عدى عليا في الإستقبال النهاردة على الماشي علشان يسلم عليا بس ... و مع ذلك لما سمع كلمة لازيكس قال أه مش ده اللي بيعمل كذا و كذا ... قلت أيوه يا عم هو ده الشباب اللي لسة عنده الفارما طازجة )

كل ده متاح و مفيد بإذن الله بس إنت خلص الإمتحانات و الأرتباطات الأول و بعد كده متحملش هم أي حاجة
Dr.ahmoda_for_ever
03-30-2009, 02:58 PM
جميل اوووى يا دكتور ربنا يكرمك يارب
وفى انتظار معلوماتك القيمه ان شاء الله
Dr Ahmed Darwish
03-30-2009, 06:25 PM
ما شااااااء الله

كلامك جميل جدااا وواقعي لأبعد الحدود يا ابو حميد

اهم نقطة فعلا هي التوازن في الفترة الحالية
لو رجعنا شوية للدراسة و كده .... فأهم شيء يجب مراعاته في الفترة القادمة هو الموازنة بحرص بين كفتين و هما ( المذاكرة ) و ( الإسترخاء ) و أقصد بذلك و ضع حد فاصل بين الإسترخاء الذهني و الجسمي ( و ده شيء مطلوب و مهم ) و بين تضييع الوقت ( الذي هو إمتداد طبيعي للراحة لو سبت نفسك لها )


معاك حق جداااااااااااا
ربنا يعيننا على التنفيذ ان شاء الله

( بالمناسبة كدليل على الكلام أحمد درويش عدى عليا في الإستقبال النهاردة على الماشي علشان يسلم عليا بس ... و مع ذلك لما سمع كلمة لازيكس قال أه مش ده اللي بيعمل كذا و كذا ... قلت أيوه يا عم هو ده الشباب اللي لسة عنده الفارما طازجة )


contraindicated in D.M

بس الحمد لله الراجل مطلعش دايبتك وعدت على خير

ربنا ييسر في الاجازة ان شاء الله وتلاقينا في الاستقبال نشيل عنكم شوية022":
د/ أحـمـد سـليمان
03-31-2009, 06:10 AM
contraindicated in D.M

بس الحمد لله الراجل مطلعش دايبتك وعدت على خير

ربنا ييسر في الاجازة ان شاء الله وتلاقينا في الاستقبال نشيل عنكم شوية يا سلام عليك ... هو ده الكلام ....و بالنسبة للإستقبال تنور في أي وقت ... بس على فكرة أنا الحمد لله أخذت شهر الأستقبال أول شهر و خلصته النهارده 31/3 و بعد كده إن شاء الله هروح بس من غير ما أكون مرتبط بمواعيد و حضور و إنصراف و الله المستعان
salammasri
03-31-2009, 11:04 AM
جزاكم الله خيرايا دكتور

ولكن اسمحلى اقول بس كلمتين
بس هما اثروا معاى جامد

المشكلة ان احنا قبل سنة تالثة وسنة خامسة بالذات بناخد جرعة تعقيدية (اسفة على اللفظ)جامدة جدا من الدفعات اللى قبلنا علشان كده لما بنحاول نذاكر العقل الباطن بيشتغل جامد اوى وكل حاجة بتبقى اصعب مما هى عليه ملايين المرات
ولذلك ارجوكم يا طلبة سنة ثالثة وسنة خامسة
شيلوا كل الكلام اللى بتسمعوه من دماغكم خالص
ووالله هتكون سنتين كويسين جدا
لان مفيش حاجة صعبة مع المذاكرة

وربنا ييسر عليكم الحفظ والفهم والامتحانات
د/ أحـمـد سـليمان
03-31-2009, 11:41 AM
ووالله هتكون سنتين كويسين جدا
لان مفيش حاجة صعبة مع المذاكرة
كلام سليم جدا ... و أنا شخصيا بعتبر سنه خامسة بالنسبه لي أكثر سنة ممتعة في الست سنوات رغم إن كل الناس كانت بتقول إن 5 أثقل من 6 و إن 5 سنة ممله ... لكن بصدق أنا فعلا حبيت سنة خامسة و بسببها رجعت حبيت سنة 3 بعد مرور سنتين على إنتهائها لإني حسيت بأهميتها و قيمتها
Dr.Abo Hasssan
04-01-2009, 07:01 AM
السلام عليكم ورحمة لله وبركاته

جزاكم الله كل الخير على هذا المجهود الرائع

وربنا يباركلكم جميعا بإذن الله

ويجعلكم نبراسا دائما ينير الاجيال القادمة

وان شاء الله انا هاخش هنا واعلن اقتراح ارجو الرد عليه من الدكاترة الافاضل بإذن الله

ومع الف سلامة
د/ أحـمـد سـليمان
04-01-2009, 03:08 PM
و عليكم السلام و رحمة الله و بركاته

جزنا و إياكم خيرا و تقبل الله منكم هذا الدعاء و لكم بالمثل

وان شاء الله انا هاخش هنا واعلن اقتراح ارجو الرد عليه من الدكاترة الافاضل بإذن الله تحت أمرك في أي حاجة
Dr.Abo Hasssan
04-03-2009, 11:07 PM
طلبي بقى :

السلام عليكم ورحمة الله وبركاته

لو سمحت يا دكتور انا عايز اعرف من خلال خبرتك بالكليه نسبه امتحان اخر السنة بالنسبه لامتحانات العملي والشفوي وكذلك الغياب والكراسه وامتحانات السكاشين والميد تيرم وكمان هل هذه الاشياءالاخيرة تؤثر على المجموع بمقدار كبير يؤثر على الحصول على الامتياز وبارك الله فيكم جميعا وجزاكم الله كل الخير

( فرقه أولى )
Dr.Abo Hasssan
04-04-2009, 04:09 AM
ارجو الرد دكتورنا العزيز وجزاك الله كل الخير
د/ أحـمـد سـليمان
04-04-2009, 05:04 AM
حاضر هرد إن شاء الله بعد قليل ... ارجو أن تعذرني عن هذا التأخير
د/ أحـمـد سـليمان
04-04-2009, 08:25 AM
السلام عليكم و رحمة الله

أولا أعتذر عن هذا التأخر غير المقصود
ثانيا : أنا هجاوبك إن شاء الله أجابه تفصيلية لكن في الأول عايز أجيب لك الخلاصة علشان ترتاح

هل هذه الاشياءالاخيرة تؤثر على المجموع بمقدار كبير يؤثر على الحصول على الامتياز الإجابة ... لا ... أي أن كل هذه الأشياء لاتؤثر في المجموع بشكل كبير على عكس الإمتحان النظري الذي هو العمود الفقري للدرجات

نسبة أعمال السنة طبعا معروف إنها 20 % و بيقولوا إن التحريري 40 % لكن ده مش دايما لأن في كثير من المواد بيكون التحريري حوالي 50 % من المادة ... و باقي الدرجات تنقسم على إمتحان العملي و الشفوي

نسبه امتحان اخر السنة بالنسبه لامتحانات العملي والشفوي وكذلك الغياب والكراسه وامتحانات السكاشين والميد تيرم
توزيع الدرجات في أولى و ثانية ( على قدر ما أتذكر )

1- التشريح 250 درجة
50 أعمال سنة ( حضور و إمتحانات دورية )
100 درجة تحريري
40 درجة شفوي
60 درجة عملي

2- الفسيولوجي 250 درجة
50 درجة أعمال سنة ( حضور و كراسة عملي و إمتحانات دورية )
120 درجة تحريري
60 درجة شفوي على لجنتين
20 درجة عملي

3- الكيمياء الحيوية 150 درجة
30 درجة أعمال سنة
60 درجة تحريري
40 درجة شفوي
20 درجة عملي

4- الهستولوجي 150 درجة
30 درجة أعمال سنة
80 درجة تحريري
20 درجة شفوي
20 درجة عملي

و بالنسبة لمسألة الحصول على إمتياز فأحب أن أقول لك أن الذي يحدد ( بإذن الله ) التقدير و المجموع هو الإمتحان الــتحــريــري في المقام الأول و ده لعدة أسباب

1- هو طبعا أكبرهم في الدرجات كما هو موضح في التوزيع

2- هو أكثرهم في إضاعة الدرجات .. لأن مفيش حد بيجيب الدرجة النهائية في النظري إطلاقا ( إحنا مش في الثانوية العامة ) و ده مش إهمال من الطلبة لكن ده لطبيعة الإمتحان .. إنت بينطلب منك تتكلم عن شيء معين فبتقول كل اللي تقدر عليه و يأتي بعد ذلك المصحح ليري الصحيح والخطأ من إجابتك و كذلك النقص عن المطلوب

3- الإمتحان التحريري بيكون على المنهج كله ... يعني عدة كتب ... مش زي إمتحانات الميد تيرم بتكون على مجموعة دروس

4- الغياب و الكلام ده مش مؤثر أوي ( انا مش بقولك كده علشان تغيب ) لكن هو فعلا إنت لك نسبة غياب بعدها تتحاسب ... و غالبا مبيرضوش ينقصوا حد فيه

5- إمتحانات الدورية بيصححها المعيدين و المدرسين المساعدين و غالبا مبيحيوش ينقصوا فيها لأنهم عارفين إن أهميتها قليلة لأنها ممكن في الآخر تترفع كلها أو ياخدوا الدرجات الأعلى مثلا و كمان بتكون الإمتحانات أصلا درجاتها قليلة 3 أو 5 درجات يعني تعادل نصف سؤال في الإمتحان النظري

6- الإمتحان العملي دائما و في كل المواد يعتبر من أجمل الإمتحانات لأن الإنسان بطبيعته بيحب الحاجات الشيقة ... يعني مثلا يشوف عينات و يعمل تجارب و يعرف شرايح و هكذا ... و كمان بتكون بفضل الله مستعد له كويس ده غير إن إمتحان البيو العملي بيكون معاك فيه مذكرة العملي ( مسموح بيها ) و بيكون كل المطلوب منك هو عمل التجربة و إستخراج النتيجة ... لكن العملي المهم فعلا هو التشريح ... لازم تذاكر له نظري كويس و يليه الهستولوجي علشان لو هيطلبوا منك رسومات

7- الإمتحان الشفوي في الغالب بتكون داخل معاك درجات ... يعني عارف إن أي طالب مش هينقص عن كذا .... ده مع معظم الدكاتره و ده علشان الدكتور مش معقول هيديلك صفر لأن ده معناه انك مش عارف انت في كلية إيه يعني تقريا لو الدرجة من 30 بيكون الكلام من أول 20 و دي بياخدها الطالب اللي داخل مش عارف حاجة في أي حاجة و كذلك الطالب الشاطر لما يجاوب كل الأسئلة بياخد الدرجة النهائية و مع السلامة ... طبعا كل الكلام ده له إستثناءات ... يعني بعض الدكاتره ( و دول قليل جدا و الحمد لله ) هما اللي ممكن ينقصوا كتير لو الطالب مجاوبش او ممكن ميدوش الطالب الشاطر الدرجة النهائية مع إنه جاوب كل حاجة بس زي ما قلت دول هما الإستثناء


يعني خلاصة كل الكلام ده .... التحريري هو اللي بيجيب التقدير لكن الأشياء الأخرى لازم تهتم بيها لأن دي اللي بتفرق طالب عن طالب في الترتيب .... و الترتيب هو كل حاجة عندنا في الكلية .... يعني إمتياز لوحده مينفعش لو كنت عايز تتفوق .... لازم يكون إمتياز عالي و ترتيب متقدم و كل ده بتوفيق الله و ربنا ييسر لكم الأمور و الله المستعان

ده بالنسبة لإستفسارك و لو عندك اي سؤال آخر إحنا في الخدمه
و الله تعالى أعلم و الحمد لله رب العالين
Dr.Abo Hasssan
04-04-2009, 09:27 AM
بجد رد اكثر من رائع جزاك الله كل الخير وجعله فى ميزان حسناتكم بإذن الله
Was a Dream
04-04-2009, 09:29 AM
السلام عليكم ورحمة الله

بعد إذن حضراتكم كان لي استفسار

بخصوص التأجيل

هل يتم تقديم أوراق التأجيل من الآن ام ليس حاليا

استفسار آخر بالنسبة للمأجلين هل أحضر امتحانات أعمال السنة

ام ان اعمال السنة يكون لها نظام آخر بالنسبة لمن أجل

ارجو الرد سريعا

وجزاكم الله خيرا
د/ أحـمـد سـليمان
04-04-2009, 10:25 AM
السلام عليكم ورحمة الله

بعد إذن حضراتكم كان لي استفسار

بخصوص التأجيل

هل يتم تقديم أوراق التأجيل من الآن ام ليس حاليا

استفسار آخر بالنسبة للمأجلين هل أحضر امتحانات أعمال السنة

ام ان اعمال السنة يكون لها نظام آخر بالنسبة لمن أجل

ارجو الرد سريعا

وجزاكم الله خيرا

و عليكم السلام و رحمة الله و بركاته

أوراق التأجيل لا تقدم الآن .... لأن الورق ده عبارة عن عذر مرضي يمنع الطالب من دخول الإمتحان بسبب مرضه في الفتره من كذا إلى كذا ( اللي هي يوم إمتحان المادة المطلوبة ) و مش منطقي إن حضرتك تجيب من دلوقتي شهادة طبية إنك هتكوني مريضة في شهر خمسة يوم كذا

و بالنسبة لموعد التقديم هو بعد إنتهاء إمتحان الماده التي تسبق الماده المطلوبة ... لغاية قبل الإمتحان بيوم ( و بيقولوا ينفع يوم الإمتحان نفسه كمان ) و طبعا ده بشرط إن الطالب لا يحضر النظري. يعني تكوني حضرتك قبل الأمتحان اللي عايزة تأجليه مخلصة كل الإجراءات و دفعتي الرسوم و الكلية وافقت

و بالنسبة لأعمال السنة طبعا لازم حضرك تحضريها علشان إنت لك درجات أعمال سنة زي الناس اللي داخله دور أول و الفرق هو بس في العملي و النظري و الشفوي

و بالمناسبة ... لو الطالب حضر العملي و بعد كده حب يأجل المادة مفيش مشاكل ... يأجلها و يمتحن العملي تاني في دور سبتمبر ...

و لذلك أنا أنصح حضرتك أولا بالتأني و الإستخارة في أمر التأجيل مهما كانت ظروف المذاكرة دلوقتي .... ثانيا لو تقدري تحضري إمتحان العملي بتاع المادة اللي عايزة تأجليها يبقى خير و بركة علشان لو تغيرت الظروف و إضطريتي تدخلي الإمتحان يبقى الأمور ماشية صح أما لو مدخلتيش العملي بيقى كده كده لازم هتأجلي... و ربنا يهديكم للأصلح ( ما خاب من إستشار و ما ندم من إستخار )

و الله من وراء القصد
ea4islam
04-04-2009, 11:26 AM
بالنسبة للتأجيل هل أقوم بتقديم أوراق التأجيل الآن ام قبل الامتحانات مباشرة وهل هناك فترة محددة للتقديم ام ماذا

إذا كان القصد تأجيل إمتحان دور مايو الى دور سبتمبر
بتم نقديم الشهادة قبل الإمتحان وممكن بعده بس لازم تكون فترة الامتحان وسط فترةالاجازة اللى الدكتور كاتبها

قطة اخرى احنا عندنا امتحان فارما اعمال السنة هذا الأسبوع هل علي حضوره ام ان التأجيل له نظام آخر في حساب أعمال السنة
لازم يتم حضور هذا الامتحان لانه اعمال السنة واحدة وهى دى اللى بتتضاف مع الشفوى والنظرى بتاع آخر السنة
د/ شيماء
04-10-2009, 07:37 AM
موضوع رائع يادكتور جزاك الله خير
انا فى سنه رابعه وانت عارف بقى نظام الروندات وان احنا ناخد ماده كل شهرين ونمتحن فيها فاننا كنت باخد الماده وامتحن فيها وماذاكرهاش تانى يعنى انا بدأت شرعى وذاكرته كويس وبعدين Ent وبعدين كوميونيتى وطبعا راوند الكومينتى ضاع فى الابحاث والكوبسى والقريه والرواند خلص اهو وربع الكوميونيتى ماتذاكرش ودلوقتى انا بدأت رمد وطبعا ماكنتش بذاكره طول السنه ( الا حاجات بسيطه ) فانا دلوقى لازم اذاكر الرمد كويس واراجعه واراجع الشرعى والENTواخلص الكوميونيتى
والامتحانات يوم 21 /6 تفتكر هالحق اراجه واخلص وهل من خبرتك مراجعه المواد اللى اخدتها من شهر 9 و 11 سهله
ياريت تنصحنى وتقولى اعمل ايه
د/ أحـمـد سـليمان
04-10-2009, 03:05 PM
بسم الله الرحمن الرحيم

أولا : الحمد لله المستوى اللي حضرتك فيه كويس ...
ثانيا : بالنسبة لسؤال حضرتك ( أقدر ألحق ؟ ) الإجابه هي ... نعم طبعا ممكن
ثالثا : المطلوب الآن ... الرمد في المقام الأول لأنه 250 درجة و لأنه محتاج إهتمام لأن فيه جميع أنواع الإمتحانات ... نظري عملي شفوي MCQ و الحمد لله الميزة في وجوده في الأخر هي إن إمتحان الروند هيكون على المنهج كله يعني إستعداد جيد للإمتحان النهائي
في المقام الثاني ... الإنتهاء من الكوميونيتي ... لأنه دين يجب تسديده و 300 درجة مهمين جدا ... و الحمد لله مذاكرة الرمد تسمح بمذاكرة بجانبها و الروند ليس فيه تضييع و قت مثل روند الكوميونيتي
بعد ذلك ... مراجعة الشرعي و الأنف و الأذن لكن بعد الإنتهاء من الكوميونيتي و بعد قطع جزء جيد من الرمد و يمكن تحقيق ذلك عن طريق مذاكرة الرمد بشكل مركز ( تقدري تخلصيه في أقل من شهر ) سواء مع الشرائط أو بدونها ....
و الشهر الثاني من الروند يخصص لمراجعة المواد الأولى ( شرعي و أنف و أذن ) و طبعا كل الناس عندها مواد متروكه من شهر 11 يعني كل واحد بدأ بمادة و تركها من وقت إنتهاء الروند ... و هذا يجعل الفرص متكافئة ....و ده غير إن الوقت بين المواد في الإمتحانات بيكون معقول .....

بالنسبة للأنف و الأذن ... المادة صغيرة الحجم لكن كبيرة الأهمية .... يعني آخر السنة الإمتحان نظري و شفوي فقط ( و دي ميزة ) و المادة كتاب واحد ( مقارنة بالشرعي و الكميونيتي ) و دي ميزة أيضا ... لكن في نفس الوقت كتاب الأنف و الأذن تقريبا كل صفحة ممكن تنزل موضع سؤال يعني محتاج يتذاكر كله ... و مما يسهل مراجعته شيئين .. أولا : إن في موضوعات كتير تعتبر مكررة و متشابهه في هيكلها العام و الإختلاف في بعض التفاصيل فقط ( إسطمبات ).... ثانيا : إن كل جزء من الكتاب وحدة مستقلة يمكن أن تراجع في وقت منفصل ( Nose & Ear & Oesophagus ) و هكذا

يعني للتلخيص و الكلام العملي

الشهر الأول من الروند : الرمد يخلص و الكميونيتي يكمل
الشهر الثاني من الروند : الشرعي و الأنف و الأذن يتراجعوا ... بإستثناء آخر كام يوم لمراجعة الرمد من أجل الروند
ما بعد إنتهاء الروند : يحدد الوقت المطلوب قبل أول إمتحان لمذاكرة المادة الأولى ..... أما ما قبل هذا الوقت فيترك لتكملة المرجعة للمواد و إستكمال الأجزاء التي لم تستكمل


و الله من وراء القصد
د/ شيماء
04-13-2009, 05:22 AM
شكرا يادكتور ع النصايح وان شاء الله اعمل كده وربنا الموفق
جزاك الله خير وربنا يوفقك وتبقى دكتور ناجح وماهر
د/ أحـمـد سـليمان
04-13-2009, 09:34 AM
شكرا يادكتور ع النصايح وان شاء الله اعمل كده وربنا الموفق
جزاك الله خير وربنا يوفقك وتبقى دكتور ناجح وماهر

اللهم آمين ... و لكم بالمثل .... و جزاكم الله خيرا
MIDOXXXXXX
04-13-2009, 02:53 PM
عاجل جداااااااااااااااااااااااااااااااااااااااااااااااا اا

الرجاء رفع كتاب الكلينيكال باثولوجى لكليه المنصورة او الزقازيق لاننىمحتاجه جدااااااااااااااااااااااااااااااااا للامتحان او رفع الاتى body fluid exudate -Transudate2-Lymphoma-infection mononucliosis-thrombophilia,thrombocytosis3-gGit infection-typhoid-brucellosis3-rheumatic fever4-pyrexia of unknon origin5nosocomial infection6-mrgan specific autoimmune diseses-gravesdiseas-hashimotosthyroditis-myasthaenia grvis 7micro albuminiauria-coomb test-laboratory diagnosis of comaC20ColdHands:
د/ أحـمـد سـليمان
04-13-2009, 03:10 PM
و الله كان نفسي أساعدك بس و الله مقدرتش ألاقي حاجة تنفع
monte cristo
05-02-2009, 06:49 PM
لو سمحت يا دكتور امتحانات العملى اولى بس با ختصار عشان ما اتعبش حضرتك الاناتومى المطلوب bone organs muscles كدة يعنى وجزاك الله خيرا
د/ أحـمـد سـليمان
05-03-2009, 05:58 AM
التشريح ....
بيكون عبارة عن جارات مطلوب عليها ارقام معينة تقول اسمها .... و عظم مطلوب عليه origin & Insertion و ممكن يكون اسم حاجة على العضمة نفسها ... و أحيانا بينزل Flesh organs زي مثلا Heart أو liver و مطلوب عليه سؤال زي blood supply او ما شابه
أظن الإمتحان 10 عينات كل واحدة بـ 4 درجات ... إثنين على إسم الحاجة اللي مطلوبة و إثنين على السؤال
و إن شاء الله الأمتحان بسيط و ميقلقش خالص

الفسيولوجي ...
تجارب و بتعملها و تتسال شفوي عليها زي HB او زي blood grouping
ممكن كمان قياس ضغط ... و رسم القلب... و برضه هتتسأل شـــــــــــفوي عليهم
و في مذكرات صغيرة بتلم عملي الفسيولوجي في كام ورقة صغيرين

البيو ....
إمتحان Open book
يعني هتدخل على عينة ... تفتح مذكرة العملي و تشتغل منها الخطوات عادي و تطلع بنتيجة تكتبها و تمشي

الهستولوجي
شرايح تحت الميكروسكوب Spot diagnosis حوالي 10
و كمان كانوا بيطلبوا مننا نرسم رسمه معينة من الموجودة في الكتاب


أرجو اكون جاوبت زي ما انت تقصد ........ و عموما تحت امرك في اي خدمه
monte cristo
05-03-2009, 09:24 AM
والله انت راجل عسل وكتر الله من امثالك
salammasri
05-03-2009, 12:16 PM
لو سمحت يا دكتور

ياريت لو حضرتك تعرف

نظام الدكتور عبدالمنعم صالح فى النسا فى الامتحانات
وهل هو حط امتحانات قبل كده
د/ أحـمـد سـليمان
05-04-2009, 03:56 AM
نظام الدكتور عبدالمنعم صالح فى النسا فى الامتحانات
وهل هو حط امتحانات قبل كده
د/ عبد المنعم صالح لم يضع إمتحانات بكالوريوس قبل ذلك
و الفترة من 2000 إلى 2008 كل الأمتحانات فيها وضعها د/ عبد الله عبد السلام و د/ مصطفى شفيق ... ده بالنسبة للنظري ... أما الـ MCQ فالدكتور عبد المنعم هو اللي حطه لدفعتنا

و هو عموما من محبي الكتب الأجنبية عموما و كتب الـ MCQ الأجنبية خصوصا
و كان في مذكرة منزلها د/ احمد صالح للـ MCQ من الامتحانات السابقة و فعلا جه منها في الأمتحان

هو صحيح معلوماتنا عنه مش كتيرة ... لكن عموما النساء أهم حاجة فيها إنها تتلم من مصدر صغير و سهل علشان يسمح بمذاكرتها كويس و مراجعتها اكثر من مرة لأن الكتب كلها هيكلها واحد و الأختلاف في طريقة العرض و في التفاصيل

و ربنا ييسر الأمور
Dr Ahmed Darwish
05-04-2009, 04:41 AM
السلام عليكم ورحمة الله وبركاته

بالنسبة لعلمي الأنتومي تم تعديل النظام لحد ما من العام الماضي

بيكون عبارة عن جارات مطلوب عليها ارقام معينة تقول اسمها .... و عظم مطلوب عليه origin & Insertion و ممكن يكون اسم حاجة على العضمة نفسها ... و أحيانا بينزل Flesh organs زي مثلا Heart أو liver و مطلوب عليه سؤال زي blood supply او ما شابه
أظن الإمتحان 10 عينات كل واحدة بـ 4 درجات ... إثنين على إسم الحاجة اللي مطلوبة و إثنين على السؤال
و إن شاء الله الأمتحان بسيط و ميقلقش خالص


الإمتحان بيكون عبارة عن 20 عينة

كل عينة عليها 2 spot dignosis

واتلغي سؤال الكومننت زي blood supply & nerve وكده يعني

وكل حاجه بتنزل بيبقى عليها علامتين لازم تحلهم

بالتوفيق إن شاء الله
monte cristo
05-04-2009, 06:40 PM
يعنى الاتنين spot dignosisكل واحدة بدرجة والكزمنت بدرجة
monte cristo
05-04-2009, 06:42 PM
اسف الكومنت
Dr Ahmed Darwish
05-04-2009, 07:18 PM
يعنى الاتنين spot dignosisكل واحدة بدرجة والكزمنت بدرجة



لا هو معدش فيه كومننت خلاص

هم اتنين spot diagnosis على كل عينة الواحده بدرجة

يعني مثلا تكتب

origin deltoid
insertion pectoralis minor

تاخد على كل واحده درجة

بس كده لكن مفيش كومننت خالص
monte cristo
05-05-2009, 07:24 PM
يااااااااااااااااااااااااااااااااااااااااااااارب الامتحان النهاردة والاناتومى رخخخخخخخم
monte cristo
05-05-2009, 07:26 PM
:C20ColdHands: :C20ColdHands:
monte cristo
05-05-2009, 07:34 PM
بس يا دكتور اسف انا حاسس انى تقلت عليك كدة الامتحان هيكون من 40 هو مش من 60؟
د/ أحـمـد سـليمان
05-06-2009, 05:21 AM
شكرا د/ أحمد درويش على الاضافه
و كويس اننا عرفنا النظام الجديد
بس عايزن نعرف هل العملي فعلا من 40 و لا من 60
لأن أنا مش عارف دلوقتي
Dr Ahmed Darwish
05-06-2009, 05:32 AM
شكرا د/ أحمد درويش على الاضافه
و كويس اننا عرفنا النظام الجديد
بس عايزن نعرف هل العملي فعلا من 40 و لا من 60
لأن أنا مش عارف دلوقتي

لا العملي بنظامه الجديد من 40 درجة

بس اعتقد ان كل ده هيتغير السنة الجيه ان شاء الله لان الدكتور ابراهيم امين رئيس القسم هيسيب رئاسة القسم خلاص
زملكاوى
05-14-2009, 07:52 AM
يا جماعه اللى معاه جدول التاجيل لسنه تالته ياريت ينزله وشكرا
د/ أحـمـد سـليمان
05-14-2009, 08:22 AM
حاضر لو كان نزل هنشوفه و ننزله في اسرع وقت بإذن الله
blue_eagle
06-14-2009, 03:50 AM
جدول امتحان سنه خامسه نزل ولا لسه
د/ أحـمـد سـليمان
06-14-2009, 09:33 AM
لسة مسمعتش عنه حاجه
انا قابلت واحد من سنه 5 النهاردة ومجابش سيرة
يبقى اكيد لسة منزلش
ea4islam
06-16-2009, 02:19 PM
حبيب قلبى د.احمد
فينك الشهر ده عايزين نتشرف برؤيتك
وإيه أخبار الاسطوانة
د/ أحـمـد سـليمان
06-17-2009, 04:04 AM
تحت امرك