المساعد الشخصي الرقمي

مشاهدة النسخة كاملة : الإستفسارات عن قواعد النيابات .. هنا


الصفحات : 1 [2] 3 4

Dr_Dimo
03-06-2011, 08:59 PM
بإختصار كده
انا ليه نيابه جامعه فى الاواخر يعنى مثلا( تخدير وعنايه ) ومن غير تثبيت انا عاوز رمد طبعا مش هلحقها

انا بفكر اسيب نيابه الجامعه واخد رمد فى القوات المسلحه انا مقدم فى الكليه الحربيه

ناس كتير بتقولى ازاى تسيب نيابه جامعه وتروح الاكاديميه الحربيه

Dr_Dimo
03-06-2011, 09:04 PM
بإختصار كده
انا ليه نيابه جامعه فى الاواخر يعنى مثلا( تخدير وعنايه ) ومن غير تثبيت انا عاوز رمد طبعا مش هلحقها

انا بفكر اسيب نيابه الجامعه واخد رمد فى القوات المسلحه انا مقدم فى الكليه الحربيه

ناس كتير بتقولى ازاى تسيب نيابه جامعه وتروح الاكاديميه الحربيه

د/ أحـمـد سـليمان
03-06-2011, 09:14 PM
القوات المسلحة .. كل الفكرة انها لها طبيعة خاصة .. حياة عسكرية إلى حد ما حتى لو كنت طبيب .. كل 4 سنوات هتروح تقضي فترة حوالي 6 شهور في الوحدات العسكرية .. و طبعا لازم تعمل حسابك ان الدخول محتاج لياقة و ادراك لظروف الحياة العسكرية و ان كل شغلك بعد كده هيبقى من خلالهم بس .. يعني كل المراحل هتبقى تابعة للجيش .. مفيش شغل حر او سفر .. لكن غير النقطتين دول .. طبعا فيها مميزات كتير زي المستشفيات المحترمة و الامكانيات المادية و البشرية و المرتب و لو كنت بتحب البدلة الميري ... انا شايف انها لها مميزاتها و عيوبها و الترجيح بينهم بيكون حسب طبيعتك انت ..

اما نيابة الجامعة الجامعة فهي اكيد مستقبلها كويس بإذن الله و لها سكة محددة و معروفة من حيث فرص التعليم و الدراسة و المستوى الاجتماعي و المادي بعد كده ..

إذا كنت تضمن بإذن الله إنك تقبل في الاكاديمية و تاخد رمد يبقى خير و بركة .. لأن التخصص هناك بالمجموع بردو .. اما لو كان الموضوع مش مضمون يبقى نيابة الجامعة اكثر إستقرار

dr seham
03-06-2011, 11:58 PM
انا رديت عليك هناك وهرد هنا
اعتقد الاكاديميه افضل

mbi220004
03-07-2011, 02:33 AM
الاكادميه افضل ده لو اتاكدت انك هتاخد رمد

انصحك بمستشفى تعليمى احسن

د/ أحـمـد سـليمان
03-10-2011, 10:57 PM
up up

Dr.mo2men
03-12-2011, 07:32 PM
انا خلصت طب القصر العينى

وطلعت 205

حوالى 86 فى المية

طبعا عل ما اعتقد نيابة الكلنكال طارت

عايز اعرف رايكم فى الاكاديمك

والمعاهد والمستشفيات التعليمية

هل فيه فرق كبير بينها وبين الجامعة

Dr.mo2men
03-12-2011, 07:46 PM
ياريت حد يرد يا شباب

Dr.mo2men
03-13-2011, 06:41 PM
ياريت يا شباب

مؤمن عز الدين
03-14-2011, 03:14 AM
طبعا في فرق
الجامعة احسن
و الكلينيكال احسن
لكن الاكاديمي لو بتحبه يبقى مناسب جدا

Dr.mo2men
03-14-2011, 05:07 PM
اللى هيجيلى فى الجامعة

تخدير او باطنة عامة
وان للاسف مش عايز الاتنين

ممكن برة اخد اى حاجة فى اى معهد كويس

معهد الكبد

تيدور ممتاز فى المسالك والكلى

يعنى العلم مش حكر ع الجامعة بس

محمود محمد ابوالحجاج
03-16-2011, 11:38 PM
انا قدمت نيابات ملحه وظهر اسمي لكن مش عارف ايه الطلبات بعد كده ممكن حد يفيدني ارجوكم

koky
03-17-2011, 07:58 PM
:كنت عاوزة اعرف ميعاد حركة النيابات الاساسية لدفعة 2008

pure spirit
03-18-2011, 02:05 PM
:كنت عاوزة اعرف ميعاد حركة النيابات الاساسية لدفعة 2008
ان شاء الله فى نوفمبر 2011

pure spirit
03-18-2011, 02:08 PM
انا قدمت نيابات ملحه وظهر اسمي لكن مش عارف ايه الطلبات بعد كده ممكن حد يفيدني ارجوكم
تنتظر وصول الاسماء للمديريات ثم بعدها تبدأ مرحلة الاخلاء للنيابة بعد موافقة مدير الادارة

dreams99
03-21-2011, 10:31 PM
جزاكم الله كل خير بجد مجهود اكتر من رائع
بس ممكن حد يقولى 78%ممكن تلحق نسا ولا ايه ؟؟؟؟؟؟؟؟؟؟؟ يعنى فى المنوفيه او الغربيه او الاماكن القريبه منهم
ولا قرار الغاء النسا مطبق على الاماكن دى لان نفسى اوى اتخصص فيها ومش عارفه اخلى عندى امل ولا افكر فى حاجه تانيه :mghoud:

pure spirit
03-22-2011, 03:36 PM
جزاكم الله كل خير بجد مجهود اكتر من رائع
بس ممكن حد يقولى 78%ممكن تلحق نسا ولا ايه ؟؟؟؟؟؟؟؟؟؟؟ يعنى فى المنوفيه او الغربيه او الاماكن القريبه منهم
ولا قرار الغاء النسا مطبق على الاماكن دى لان نفسى اوى اتخصص فيها ومش عارفه اخلى عندى امل ولا افكر فى حاجه تانيه :mghoud:
هو القرار كان يشمل الأماكن دى ايوة لكن دلوقتى خلاص
هتنتظرى بدءا من الحركة الجاية ان شاء الله
واظن انها هتاخد أعلى من كدة فى ظل الظروف الأخيرة من قرار وقف التسجيل
لو مش شايفة غيرها مناسب ليكى ممكن تاخديها من الريف

dreams99
03-25-2011, 06:57 PM
شكرا جزيلا على الرد بس انا مش فاهمه يعنى ايه اخدها فى الريف فين يعنى وده ينفع وتبقى زى العادى 3سنين ولا ايه ؟؟؟؟؟؟؟؟؟؟؟؟؟؟

pure spirit
03-25-2011, 07:19 PM
شكرا جزيلا على الرد بس انا مش فاهمه يعنى ايه اخدها فى الريف فين يعنى وده ينفع وتبقى زى العادى 3سنين ولا ايه ؟؟؟؟؟؟؟؟؟؟؟؟؟؟


دى حركة نيابات بتنزل كل سنة غالبا في شهر 4
بتقدمى عليها وانتِ شغالة في الريف يعني تقعدى طول عمرك تشتغلى في القطاع الوقائي وماتشتغليش في المستشفيات الا اذا كنتى عاملة انتداب للمستشفي
بتاخدى سنة تدريب في المستشفي وبتحضرى خلال النيابة دي دبلوم أو ماستر
أنا كنت سمعت انها اتلغت السنة اللى فاتت لما نشوف السنة دى هيعملوا ايه
بالتوفيق

د تيسير الصاوى
03-26-2011, 10:13 PM
السلام عليكم انا قرات على الفيس بوك ان تظلمات حركه نوفمبر2010 حتبدا من اول ابريل حتى 15 ابريل وتتضمن نيابه النساء والاطفال يعنى عايزه افهم ان كنت عايزه نسى وجات لى نيونات لان احنا النسى كان ممنوع تسجيلها ومنزلتش غير فى اماكن معينه وبعيدهيعنى لو اتظلمت حتنزل فى كل المحافظات ولا ايه حد يفهمنى جزاكم الله خيرا

د/ أحـمـد سـليمان
03-26-2011, 10:40 PM
http://a6.sphotos.ak.fbcdn.net/hphotos-ak-snc6/199587_1782972367953_1048777893_1966868_2164139_n. jpg

السلام عليكم انا قرات على الفيس بوك ان تظلمات حركه نوفمبر2010 حتبدا من اول ابريل حتى 15 ابريل وتتضمن نيابه النساء والاطفال يعنى عايزه افهم ان كنت عايزه نسى وجات لى نيونات لان احنا النسى كان ممنوع تسجيلها ومنزلتش غير فى اماكن معينه وبعيدهيعنى لو اتظلمت حتنزل فى كل المحافظات ولا ايه حد يفهمنى جزاكم الله خيرا
محدش هيقدر يقول هتنزل فين غير لما الاحتياجات تنزل
بس اللي مفهوم ضمنيا من القرار اللي نزل ..
ان الحظر اللي كان مفروض على النساء و الاطفال اترفع .. سواء في النيابة او التسجيل
و الغالب إنهم هيفتحوها في كل حته بحيث يبقوا استجابوا لمطلب الناس
لكن بالنسبة للأماكن المتاحة بالتحديد مش هنقدر نعرفها إلا لما نشوف احتياجات المستشفيات بعد ما التقديم يفتح
.. بس هما مشترطين ان اللي هيقدم يكون قبل 1-4-2011 لغى النايبة اللي استملها

هي دي المشكلة ..
انك علشان تقدمي لازم تكوني لغيتي نيابتك قبل ما التقديم يفتح
و في نفس الوقت مش هتعرفي إيه المتاح غير بعد ما يفتح
فعلا الموضوع محير !!

د تيسير الصاوى
03-27-2011, 12:18 AM
طيب انا لو ما استلمتش نيابتى اعتبر كده لغيتها ولا اعمل ايه وهل لو مجتليش نسى فى مكان قريب كده لازم استنى نوفمبر الجاى علشان اخد نيابه وهل النسى حتنزل عاليه بردوا زى الحركه اللى فاتت لان الحد الادنى كان 80 % وشكرا على الافاده

د/ أحـمـد سـليمان
03-27-2011, 11:26 AM
طيب انا لو ما استلمتش نيابتى اعتبر كده لغيتها ولا اعمل ايه وهل لو مجتليش نسى فى مكان قريب كده لازم استنى نوفمبر الجاى علشان اخد نيابه وهل النسى حتنزل عاليه بردوا زى الحركه اللى فاتت لان الحد الادنى كان 80 % وشكرا على الافاده
انا قصدي يلغي النيابة اللي اترشح لها .. مش شرط يكون استلمها
يعني كده كده لازم تلغي الأول .. لأن الإعلان قال ( النيابة السابقة ) لأن مفيش حد بيقدم على نيابة و هو مترشح لنيابة تانية

لو مجتش نساء في مكان كويس .. ( يعني لو رفضتي النيابة ) .. في شرط جزائي بتاع الانتظار حركتين .. لو اتطبق الشرط ده .. يبقى هتنتظري حركة مايو 2011 و حركة نوفمبر 2011 و تقدمي في اللي بعدهم

بالنسبة للحد الأدنى .. المتوقع انها تكون عالية طبعا .. خصوصا ان في دفعتين هيقدموا على حاجة كانت مقفولة قبل كده ..

koky
03-31-2011, 10:39 PM
هل دورة الرعاية الصحية الاولية لاطباء التكليف اقدر اشتغل بيها فى البحرين او قطر ؟
هل الافضل انى اقدم على نيابات نوفمبر ولا احصل على البورد العربى من دول الخليج؟

د تيسير الصاوى
04-01-2011, 12:19 AM
السلام عليكم ممكن استفسر اذا استلمت نيابتى فى اول اربعه ممكن اقدر اسجل للماستر فى اخر شهرابربل واذا حبيت احضر ماستر نيوناتولوجى ايه افضل مكان ممكن اسجل فيه بس لا تكون من الجامعات التى تشترط الحضور لمدة عام ارجو الافادة ولكم جزيل الشكر

د/ أحـمـد سـليمان
04-01-2011, 09:46 AM
هل دورة الرعاية الصحية الاولية لاطباء التكليف اقدر اشتغل بيها فى البحرين او قطر ؟
هل الافضل انى اقدم على نيابات نوفمبر ولا احصل على البورد العربى من دول الخليج؟
دورة الرعاية الصحية الأولية ( دورة الحزمة ) معتقدش انا لها أهمية خارج مصر لأنها شهادة محلية من وزارة الصحة المصرية .. ده غير انها لا تعتبر دراسات عليا و لا تخصص في طب الاسرة .. كل الفكرة انها مجموعة تدريبات مجمهعة عن شغل الرعاية الاولية و كمان الشغل ده بيختلف من بلد لبلد

اما النيابات او البورد العربي
النيابات دي طريق جوه مصر .. محتاج اكون متواجد ( مش مسافر ) علشان اكمل فيه .. لأنه بيرشحني للماجستير او الزمالة المصرية ( و طبعا لازم اكون جوه مصر علشان انتظم فيهم ) .. و مدة النيابة 4 سنوات .. لازم اقضيهم فعليا في العمل .. و من حقي اخد اجازة اثناء النيابة بس لا تزيد عن سنتين .. او بالتالي لازم اعرف في الأول هل انا هستقر هنا الفنترة اللي جاية و لا لأ ..

البورد العربي .. دي دراسة خارجية .. ملهاش علاقة بالوقت او مكان وجودي .. بتؤهل للعمل بدول الخليج

السيد84
04-01-2011, 10:39 AM
وزارة الصحة والسكان الادارة العامة لشئون التكليف السيد الدكتور/ مدير عام مركز الحساب العلمى جامعة القاهرة تحية طيبة وبعد ،،،،،، ايماء الى ما عرضة السيد الدكتور رئيس قطاع الرعاية العلاجية والعاجلة بالاتفاق مع الاطباء المقيمين دفعه 2007 والمتقدمين بحركة التظلمات فى 1/4/2011 وبناء على موافقة لجنة التكليف المنعقدة فى 30/3/2011 فقد تقرر الاتى : ـ الغاء شرط الحرمان حركتين للمتقدمين فى مايو 2010 و نوفمبر 2010 بغض النظر عن الدفعه. اولا : بالنسبة للمتقدمين من حركة نيابات مايو 2010:ـ 1ـ اذا حصل على نيابة فى تظلمات ابرايل فانه ملزم بها ولا يحق له الرجوع الي نيابته القديمة 2- اذا استنفذ رغباته فيحق له الرجوع لنيابته القديمة. ثانيا بالنسبة للمتقدمين من حركة نوفمبر 2010 1- اذا حصل علي نيابتة فى تظلمات ابريل فانه ملزم ولا يحق له الرجوع الي نيابتة القديمة 2- اذا استنفذ رغباتة فيحق له الرجوع لنيابتة القديمة ثالثا: بالنسبة للمتقدمين لحركة نوفمبر 2010 من دفعة 2008 (نيابات ملحه) ولا يرغب فى استلامها يحق له التقدم فى مايو 2011 دون الغاء نيابته الحالية بشرط استيفائه المده القانونية ويطبق عليه نفس الشروط التى تنطبق على اولا وثانيا برجاء نشره على الانترنت وتفضلوا بقبول فائق الاحترام ،،،،،،،،،،،،،،، مدير عام الادارة العامه لشئون التكليف د/ السد عبد الحافظ حد فاهم يفهمنا بقى

د/ أحـمـد سـليمان
04-01-2011, 11:38 AM
إيه اللي مش واضح بالضبط ؟

د تيسير الصاوى
04-05-2011, 12:58 PM
السلام عليكم كنت عايزه استفسر عن اى جامعه افضل عشان اسجل فيها ماستر النيوناتولوجى وياريت تكون جامعه لا تشترط الحضور بانتظام

om ahmed
04-07-2011, 07:08 AM
السلام عليكم

مشتركه جديده في المنتدي بتمني ترحبوا بيا واكون زميله معاكم :faces222:
انا طبيب ممارس واستلمت تكليفي في 12-5 اللي فات وكنت اتمني اتخصص اطفال ان شاء الله بس كنت عايزه اسال عن نيابات الاطفال بتاخد من كام في الغربيه علي ما سمعت انها نزلت تاني
واسال عن نيابات الريف ايه شروطها ونظامها وكويسه ولا لأ عشان انا مش قادره اتحمل التكليف ده اكتر من كده
واجازه رعايه طفل بتتحسب من التكليف ولا لأ ولو اخدتها ينفع وانا في الاجازه دي اقدم في النيابه
و:gzak:

om ahmed
04-07-2011, 07:32 AM
واجازه رعايه طفل بتتحسب من التكليف ولا لأ ولو اخدتها ينفع اقدم في النيابات اللي هتنزل ان شاء الله وانا في الاجازه

د/ أحـمـد سـليمان
04-07-2011, 10:30 AM
اهلا بحضرتك في المنتدى
و بإذن الله تلاقي إجابة على استفساراتك

واجازه رعايه طفل بتتحسب من التكليف ولا لأ ولو اخدتها ينفع وانا في الاجازه دي اقدم في النيابه
اجازة رعاية الطفل مش بتتحسب من التكليف
ينفع تقدمي و انتي في الأجازة .. بس بشرط انك قبل ما تاخدي الاجازة تكوني كملتي مدة العمل المطلوبة للتقديم

hanno
04-07-2011, 06:13 PM
انا استلمت نيابة طب اسرة فى شهر6 سنة2010 وبعد ما استلمت علطول عملت اجازة رعاية طفل لمدة سنة. انا سمعت ان مينفعش اخد اجازة اكتر من سنتين فى النيابة فى حين ان زوجى بيسافر برة مصر وانا بسافر معاه وكنت عايزة اخد اكتر من السنتين اللى مسموح بيهم؟ فهل فى حل؟ وفى حاجة اسمها حفظ النيابة؟ ارجو الافادة وشكرا ع مجهودكو الرائع

pure spirit
04-07-2011, 07:42 PM
السلام عليكم

مشتركه جديده في المنتدي بتمني ترحبوا بيا واكون زميله معاكم :faces222:
انا طبيب ممارس واستلمت تكليفي في 12-5 اللي فات وكنت اتمني اتخصص اطفال ان شاء الله بس كنت عايزه اسال عن نيابات الاطفال بتاخد من كام في الغربيه علي ما سمعت انها نزلت تاني
واسال عن نيابات الريف ايه شروطها ونظامها وكويسه ولا لأ عشان انا مش قادره اتحمل التكليف ده اكتر من كده
واجازه رعايه طفل بتتحسب من التكليف ولا لأ ولو اخدتها ينفع وانا في الاجازه دي اقدم في النيابه
و:gzak:
وعليكم السلام ورحمة الله وبركاته
اهلا وسهلا بيكِ يادكتورة ان شاء الله تلاقى الاجابة على كل استفساراتك عندنا
بالنسبة لتخصص الأطفال طبعا مانزلش فى حركة النيابات اللى فاتت
لكن تقدرى تشوفى الحدود الدنيا فى الحركات اللى قبل كدة
هنااااااااا (http://www.mediafire.com/?yjkyh2zmzlw)
وهناااااااا (http://www.mediafire.com/?595wi5oxtiiy715)
انتى استلمتى فى 12/5 يعنى لسة ماكملتيش سنة فى التكليف فانتظرى حركة نيابات مايو لو كان مر على تارخ تعيينك سنة من تاريخ نزول الحركة تقدرى تقدمى فى النيابات الاساسية عادى
لكن لو أقل من سنة هيكون قدامك الملحة فقط
..
نيابات الريف دى حركة نيابات مفترض انها تنزل فى شهر 4 من كل عام وبتعرفى من المديرية بتاعتك وبيكون فيها الشروط
بتاخدى نيابتك من الريف وتفضلى فيه على طول الا اذا عملتى انتداب للقطاع العلاجى
...
أجازة رعاية الطفل لاتحسب من التكليف
لو انتى فى اجازة وكنتى قضيتى سنة عمل فعلى تقدرى تقدمى عادى فى النيابات بمعنى مش لازم تكونى على رأس العمل الشرط ده بس فى حركة الدراسات العليا
بالتوفيق

quiet_doctor
04-07-2011, 10:53 PM
ياريت يادكاتره حد يفيدنى
اى هى الموسسه العلاجيه سواءفى القاهره وتابع ليها مستشفيات زى هليوبلس والقبطى والجمهوريه ومبرة المعادى اوفى القليوبيه وتبعها قليوب الجديد
اى معناها واى مميزتها او عيوبها عن مستشفيات القطاع العلاجى
الرجاء حد يفيدنى

pure spirit
04-07-2011, 11:19 PM
انا استلمت نيابة طب اسرة فى شهر6 سنة2010 وبعد ما استلمت علطول عملت اجازة رعاية طفل لمدة سنة. انا سمعت ان مينفعش اخد اجازة اكتر من سنتين فى النيابة فى حين ان زوجى بيسافر برة مصر وانا بسافر معاه وكنت عايزة اخد اكتر من السنتين اللى مسموح بيهم؟ فهل فى حل؟ وفى حاجة اسمها حفظ النيابة؟ ارجو الافادة وشكرا ع مجهودكو الرائع
حفظ النيابة فعلا لظروف السفر بيكون سنتين لو اكثر من كدة بتتلغى النيابة وتتحرمى حركتين متتاليتين وبيكتبوكى اقرار على كدة وانتى بتعملى الأجازة
بس أظن ممكن ترجعى تستلمى بعد السنتين فترة وتاخدى اجازات تانى عادى

pure spirit
04-07-2011, 11:40 PM
ياريت يادكاتره حد يفيدنى
اى هى الموسسه العلاجيه سواءفى القاهره وتابع ليها مستشفيات زى هليوبلس والقبطى والجمهوريه ومبرة المعادى اوفى القليوبيه وتبعها قليوب الجديد
اى معناها واى مميزتها او عيوبها عن مستشفيات القطاع العلاجى
الرجاء حد يفيدنى

نقلا عن د.كاسبر فى موضوعه الشهير سلسلة مستقبل الطبيب

رابعا
المؤسسة العلاجية
أشهر مستشفي فيها هيا مستشفي هيليوبلس

المميــــــــــزات

1 - يعني ممكن تلاقي فيها تعليم لأنه بشتغل فيها أساتذة جامعة وكمان استشاريين من الجيش

2- ماديا كويسة لانك بتاخد فيها بدلات كتير زي بدل طبيعة العمل و بدل العدوي و نسبة من قيمة حصيلة رسم الخدمة شهريا و الحوافز المقررة مقابل النوبتجيات

العيـــــــــــــــوب


1- في الجراحات ممكن ما تتعلمشي كويس لأنه معظم الشغل فيها بفلوس والمريض بيدفع كتير فا مش هاتاخد راحتك في الشغل
2-فيه مستشفيات فيها مش كويسة عاوزة واسطة علشان تقدر تلتحق بمستشفي نضيفة

سلسلة مستقبل الطبيب (http://www.alltebfamily.com/vb/showthread.php?t=10407)

om ahmed
04-10-2011, 07:17 PM
:gzak:د\ترانيم و د\ احمد
انا كنت عايزه اخد رايكم بعد التخرج كنت باتمني اتخصص اطفال بس عشان سمعت انها اتوقف تسجيلها فقدت الامل ولما رجعت تاني رجعت افكر فيها
بس مجموعي التراكمي 77% يعني لو جت هتكون في اماكن بعيده وفكرت في نيابه الريف وسالت عن شروطها اول حاجه اصطدمت ان لازم تكليفي يكون سنتين
بس انا دلوقتي مش مستحمله التكليف وبتحرق دمي منه كل يوم لدرجه اني اتعصبت علي مديري
يعني من ناحيه اني مش قادره استمر سنتين ومن ناحيه تانيه علي رايكم بعد ما ترجع تسجيل النسا والاطفال هيكون الاقبال اكتر من الاول عليها وده هيزود فيها الحد الادني
وهيخلي الاعداد المطلوبه قليله ولا الكلام ده ما ينطبقش علي نيابه الريف !
فانا مش عارفه اعمل ايه استني سنتين وكمان مش ضامنه ولا اقدم في الملحه ولو فكرت في نيابه تانيه ممكن
الكلينكال باثولوجي
حد يكلمني عنها في شغلها وفرصتها بره في السفر عشان لو سافرت مع زوجي
محتاجه حد يساعدني:barak:

pure spirit
04-10-2011, 10:59 PM
:gzak:د\ترانيم و د\ احمد
انا كنت عايزه اخد رايكم بعد التخرج كنت باتمني اتخصص اطفال بس عشان سمعت انها اتوقف تسجيلها فقدت الامل ولما رجعت تاني رجعت افكر فيها
بس مجموعي التراكمي 77% يعني لو جت هتكون في اماكن بعيده وفكرت في نيابه الريف وسالت عن شروطها اول حاجه اصطدمت ان لازم تكليفي يكون سنتين
بس انا دلوقتي مش مستحمله التكليف وبتحرق دمي منه كل يوم لدرجه اني اتعصبت علي مديري
يعني من ناحيه اني مش قادره استمر سنتين ومن ناحيه تانيه علي رايكم بعد ما ترجع تسجيل النسا والاطفال هيكون الاقبال اكتر من الاول عليها وده هيزود فيها الحد الادني
وهيخلي الاعداد المطلوبه قليله ولا الكلام ده ما ينطبقش علي نيابه الريف !
فانا مش عارفه اعمل ايه استني سنتين وكمان مش ضامنه ولا اقدم في الملحه ولو فكرت في نيابه تانيه ممكن
الكلينكال باثولوجي
حد يكلمني عنها في شغلها وفرصتها بره في السفر عشان لو سافرت مع زوجي
محتاجه حد يساعدني:barak:
اولا : فرصتك الوحيدة الحالية علشان تهربى من التكليف هتكون بعد ماتكملى سنة
بانك تعملى فيزيتور فى جامعة تكون بتاخد تكليف يعنى مش بتشترط انك تكونى واخدة فرست الأول
طبعا ده هيعتمد على انك قررتى تخصص معين دون غيره وده مش واضح قوى من كلامك فلازم تقررى انتى عايزة ايه
ثانيا : نيابات الريف بتاخد مجموع قليل ودى احد مميزاتها بجانب قرب مكان النيابة من محل اقامتك طبعا
ثالثا : فيما يتعلق بتخصص الكلينيكال باثولوجى شوفى المشاركة دى
هنااااااااااا (http://www.alltebfamily.com/vb/showpost.php?p=195319&postcount=79)
بالتوفيق

quiet_doctor
04-10-2011, 11:52 PM
الرجاء حد يفيدنى انا بقدم فى حركة التظلمات وبعدين موضوع الاقليمالجغرافى فمثلاانا من خريج ازهر القاهره فاقليمى الجغرافى الاول القاهره واكتوبر والتانى القليوبيه والتالت فيه الشرقيه انامثلا مشعايزاكتوبر فهل ينفع اعديها واكتب الشرقيه ومثلا عايز اكتب اسماعليه فرضا فمنحقى ولا لا وهولازم التزم بالاقليم بتاعهم ده من الاساس ولا لا... الرجاء الافاده واسف لو بتقل عليكم

dr-mms
04-11-2011, 03:43 AM
تكليفى فى دمياط ونيابتى فى الدقهلية هل من الممكن نقل الدرجة المالية الى الدقهلية وتعديل تكليفى نهائيا:5831.imgcache:

د/ أحـمـد سـليمان
04-11-2011, 01:48 PM
الرجاء حد يفيدنى انا بقدم فى حركة التظلمات وبعدين موضوع الاقليمالجغرافى فمثلاانا من خريج ازهر القاهره فاقليمى الجغرافى الاول القاهره واكتوبر والتانى القليوبيه والتالت فيه الشرقيه انامثلا مشعايزاكتوبر فهل ينفع اعديها واكتب الشرقيه ومثلا عايز اكتب اسماعليه فرضا فمنحقى ولا لا وهولازم التزم بالاقليم بتاعهم ده من الاساس ولا لا... الرجاء الافاده واسف لو بتقل عليكم
عادي ممكن تكتب الشرقية قبل اكتوبر
ممكن يطلعلك رسالة انك كتبت محافظة من الاقليم الفلاني قبل الفلاني
هتضغط موافق و تكمل عادي

يعني ممكن متلتزمش بالاقاليم

pure spirit
04-12-2011, 01:09 AM
تكليفى فى دمياط ونيابتى فى الدقهلية هل من الممكن نقل الدرجة المالية الى الدقهلية وتعديل تكليفى نهائيا:5831.imgcache:
الموضوع بيكون صعب شوية لو كنت استلمت النيابة
اما لو لسة فى التكليف قبل ماتستلم يعنى اه ممكن

pure spirit
04-13-2011, 12:46 AM
بخصوص نقل الدرجة المالية اثناء النيابة فيه قرار جديد بيسمح بكدة ودى صورة القرار
http://www.tebmasr.com/attachment.php?attachmentid=8610&d=1302609097

الصديقة
04-13-2011, 08:46 AM
لو سمحتم يا جماعة انا مش فاهمة حاجات في الاعلان الجديد بتاع الوزارة انا كنت مقدمة طب اسرة بس مش ناوية اخدها هو كده ممكن اقدم في نيابات مايو او نوفمبر2011 لو كملت السنة قبل شهر 11 واقدم اطفال حد يفهمني ارجوكم

pure spirit
04-13-2011, 12:51 PM
لو سمحتم يا جماعة انا مش فاهمة حاجات في الاعلان الجديد بتاع الوزارة انا كنت مقدمة طب اسرة بس مش ناوية اخدها هو كده ممكن اقدم في نيابات مايو او نوفمبر2011 لو كملت السنة قبل شهر 11 واقدم اطفال حد يفهمني ارجوكم
لو حضرتك دفعة 2008 اه تقدرى تعملى كدة حتى بدون ماتلغى نيابة طب الاسرة اللى جاتلك
ودى الجزئية من الاعلان اللى بتجاوب على سؤالك:
ثالثا: بالنسبة للمتقدمين لحركة نوفمبر 2010 من دفعة 2008 (نيابات ملحه) ولا يرغب فى استلامها يحق له التقدم فى مايو 2011 دون الغاء نيابته الحالية بشرط استيفائه المده القانونية

om ahmed
04-16-2011, 06:40 PM
شكرا د\ترانيم علي الرد
لو سمحتي عايزه اعرف اعمل فيزيتور ازاي
وايه الجامعات دي اللي بتاخد تكليف ؟
ولو اختارت الاطفال نظام الفيزيتور صعب فيها من نبطشيات وسهر

moni
04-16-2011, 07:31 PM
السلام عليكم ورحمة الله وبركاته
أنا دفعة 2008 وجاتلي نيابة كلينيكال باثولوجي والمفروض استلمها في مايو
عايزة اعرف ايه موقفي من التسجيل ينفع اسجل ولا لأ
والزمالة المصرية بتنزل امتى
جزاكم الله خيرا

د/ أحـمـد سـليمان
04-16-2011, 07:38 PM
السلام عليكم ورحمة الله وبركاته
أنا دفعة 2008 وجاتلي نيابة كلينيكال باثولوجي والمفروض استلمها في مايو
عايزة اعرف ايه موقفي من التسجيل ينفع اسجل ولا لأ
والزمالة المصرية بتنزل امتى
جزاكم الله خيرا
المفروض ان النيابات الملحة تقدم في الوزارة بعد 6 شهور من استلام النيابة .. و ده كان هيضيع عليكم التسجيل في شهر 9 .. بس في دكاترة زمايلنا راحوا الوزارة و اتفقوا معاهم انكم تقدموا في الترشيح الوزارى اللي في شهر 5 ( اللي بيؤهلكم لتسجيل الماجستير في 9 ) امال الزمالة المصرية بتنزل في شهر يناير

pure spirit
04-16-2011, 08:15 PM
شكرا د\ترانيم علي الرد
لو سمحتي عايزه اعرف اعمل فيزيتور ازاي
وايه الجامعات دي اللي بتاخد تكليف ؟
ولو اختارت الاطفال نظام الفيزيتور صعب فيها من نبطشيات وسهر
دى طريقة تهربى بيها من قرف التكليف وفى نفس الوقت تكونى قضيتى مدة عمل فعلية تؤهلك للتقدم لنيابات وزارة الصحة وهيا انك بعد قضاء سنة فى التكليف
تقدمى اجازة بدون مرتب وتروحى تعملى طبيب زائر (يعنى بتقدمى طلب لرئيس قسم التخصص اللى انتى عايزاه)انك تتدربى عندهم لمدة سنة قابلة للتجديد مقابل اجر مالى
طبعا ميزتها التعليم الكويس والاستفادة من فترة التكليف
عيوبها انك مش هتقبضى مرتب وفى نفس الوقت بتدفعى فلوس للجامعة
واقصد بالجامعات اللى بتقبل تكليف انه بعض الجامعات بتشترط انك تكون واخد فرست من وزارة الصحة يعنى اخدتى نيابة وكمان سجلتى وامتحتنتى الفرست ونجحتى فيه
فيه جامعات ماعندهمش الشرط ده وبتاخد تكليف عادى
ونظام النبطشيات للفيزيتور على حسب الجامعة يعنى على حسب مابتتفقوا هتشيلى شغل زيك زى الطبيب المقيم عندهم ولا براحتك فى الشغل
كل ده لازم بتسألى عليه الأول فى الجامعة نفسها قبل ماتقدمى على الخطوة دى
وبالتوفيق

koky
04-17-2011, 02:01 AM
السلام عليكم
كنت عاوزة اعرف الفترة بين تسجيل الرغبات واستلام النيابة اد ايه؟ وهل يتطلب التواجد فى مصر ولا انزل على استلام النيابة؟
وبعد استلام النيابة اسجل للماستر على طول ولا بياخد وقت اد ايه؟
ايه اجزاء الماستر اللى انزل على الامتحان وايه الاجزاء اللى تتطلب التواجد بمصر؟
انا آسفة طولت عليكم ..... :gzak:

Ebn sena
04-17-2011, 06:11 PM
حد عنده فكره الاطفال حتنزل ف النيابات الجايه ولا لا؟
وبالنسبه للتسجيل فى ولا لا فى حاله طبيب حر حاليا..................مابقتش عارف حاجه وجبت اخرى

د/ أحـمـد سـليمان
04-17-2011, 06:13 PM
الفترة بين التقديم و بين استلام النيابة بتاخد حوالي شهرين او 3
و مسموح لكي استلام النيابة خلال 6 شهور من ظهور النتيجة
و ممكن تقدمي و انتي مسافرة و تنزلي على الاستلام
تسجيل الماستر بياخد وقت لأنك بتقدي في الوزاة و هي ترشحك للجامعة
الفرست بتذاكري و تنزلي على الامتحان و السكند حسب الجامعة

د/ أحـمـد سـليمان
04-17-2011, 06:22 PM
إن شاء الله الاطفال هتنزل في نيابات مايو
و التسجيل بالنسبة للطبيب الحر مكانش مقفول اصلا
هو كان مقفول على دكاترة وزارة الصحة بس

د/رواء احمد
04-20-2011, 01:52 AM
السلام عليكم ورحمة الله وبركاته

طبعا سؤالى باين من عنوان الموضوع

لو مر على طبيب التكليف اكتر من خمس سنوات عمل فعلى

فى الوحدات الصحيه ينفع يقدم فى نيابات العلاجى ولا خلاص
؟؟؟؟؟؟؟؟

pure spirit
04-20-2011, 03:17 PM
طالما أكثر من 5 سنوات عمل فعلى بمعنى ماأخدش أجازات بدون مرتب خلالهم يبقى لايحق له التقديم فى نيابات الصحة
لكن يقدر يقدم فى نيابات الريف

zahra emam
04-23-2011, 12:40 PM
السلام عليكم
أنا كان لى سؤال بسيط
أنا كنت سمعت ان اللى يلغى نيابته بيتحرم حركتين متتاليتين حتى لو حركة منهم منزلتش برضه بتتحسب له من الحركتين بتوع الحرمان
هل هذا الكلام صحيح
أرجو الافادة وشكرا

د/ أحـمـد سـليمان
04-23-2011, 05:16 PM
الحركة مينفعش تتلغي
لأن ده قانون ان الحركة تنزل كل سنة في مايو و في نوفمبر
هي احيانا بتتأخر شوية لكن بتنزل
و بالتالي الحالة اللي بتسألي عليها دي محصلتش قبل كده علشان نقدر نحكم

zahra emam
04-23-2011, 06:00 PM
حركة نوفمبر 2008 تم الغائها
يعنى من مايو 2008 حتى مايو 2009 منزلش أى حركات

مؤمن عز الدين
04-23-2011, 06:24 PM
فعلا هي محصلتش غير المرة دي
بس صعب ان ده يتكرر تاني
و عموما المنع بيكون حركتين .. يعني لو منزلتش مش هتتحسب

dr_abeer
05-03-2011, 12:03 AM
السلام عليكم ورحمه الله وبركاته
ياجماعه انا طبيبه تكليف وانا دفعت 2008 وعمله اجازه نصف اجر وسمعت انها بتأثر على التقديم فى النيابات فهل ده صحيح ولاه مش صحيح وكمان بتأثر لما احب اقدم فى نيابات ريف لو سمحتوا حد يرد عليا بسرعه وجزاكم الله خير

د/رواء احمد
05-03-2011, 03:14 AM
اهلا وسهلا بيكى يا دكتور عبير

انا من دفعتك ويارب تلاقى حد يفيدك

ربنا يوفقك

pure spirit
05-03-2011, 12:01 PM
السلام عليكم ورحمه الله وبركاته
ياجماعه انا طبيبه تكليف وانا دفعت 2008 وعمله اجازه نصف اجر وسمعت انها بتأثر على التقديم فى النيابات فهل ده صحيح ولاه مش صحيح وكمان بتأثر لما احب اقدم فى نيابات ريف لو سمحتوا حد يرد عليا بسرعه وجزاكم الله خير
وعليكم السلام ورحمة الله وبركاته
أيوة يادكتورة بتأثر لأن اللى بيتحسبلك مدة عملك الفعلى وده بيتم عن طريق المديرية اللى انتى تابعة ليها بتبعت للوزارة انتى قضيتى اد ايه عمل فعلى فى التكليف
الكلام ده لو عملتيها خلال السنة الأولى فى تكليفك
لكن لو لسة الايام دى كدة تبقى قضيتى سنة بما انك دفعة 2008 طبعا على حسب انتى استلمتى تكليفك امتى
علشان كدة عايزينك توضحى لنا الآتى
تاريخ استلام تكليفك ؟؟
وكمان تاريخ العمل بنصف الأجر ؟؟
بالتوفيق

dr.moony
05-03-2011, 11:56 PM
سؤال يا دكاترة لو سمحتم
هو ينفع بعد ما اقضى 6 شهور فى التكليف اخد اجازة وليكن اجازة بدون مرتب
ويبقى ليا الحق فى انى اقدم فى اى حركة نيابات بعد كدا
ولا فيه فترة معينه لازم اقضيها بدون اجازات؟؟؟؟؟

pure spirit
05-04-2011, 05:43 PM
سؤال يا دكاترة لو سمحتم
هو ينفع بعد ما اقضى 6 شهور فى التكليف اخد اجازة وليكن اجازة بدون مرتب
ويبقى ليا الحق فى انى اقدم فى اى حركة نيابات بعد كدا
ولا فيه فترة معينه لازم اقضيها بدون اجازات؟؟؟؟؟

ايوة بعد 6 شهور يحق ليكى اجازة بدون مرتب (رعاية والدين او تحسين دخل) لكن هيكون قدامك تقدمى فى النيابات الملحة فقط
اما النيابات الاساسية تستلزم قضاء عام كامل عمل فعلى فى التكليف

battot
05-04-2011, 11:28 PM
السلام عليكم ورحمة الله وبركاته
هل فيه حد عارف اعلان جامعة الزقازيق هينزل امتي
و هيخدوا كام نائب السنة دي

بيبه
05-06-2011, 05:14 PM
انا طبيبه بشري دفعه 2005 واستلمت التكليف 2008 بس انا اخده اجازه رعايه طفل ممكن اقدم في النيابه بتاعت 2011 اللي نزلت ولا لا هم كانوا قيلين ان الشروط لازم يكون اقل من 5 عمل فعلي في التكليف طيب هي الاجازه ده تعتبر عمل فعلي ولا وكنت معلش عايزه اسال لو انا اجلتها للسنه الجايه ممكن ولا ديه اخر فرصه لي انا عايزه اخد نفسيه وعصبيه وشكرا ليكم

د/ أحـمـد سـليمان
05-06-2011, 05:48 PM
خمس سنوات عمل فعلي .. يعني مش من ضمنها أجازات بدون مرتب ( زي رعاية الطفل مثلا ) .. شوفي الفترة اللي قضيتيها في العمل ( قبل و بعد الاجازة ) لو كان مجموع الفترة دي اقل من خمس سنوات يبقى مسموح لك تقدمي .. و كذلك السنة الجاية ان شاء الله .. لو المدة مش هتكون زادت عن 5 سنوات يبقى من حقك تقدمي ان شاء الله

بيبه
05-06-2011, 06:03 PM
متشكره جدا د احمد علي اهتمامك بالموضوع وردك علي طيب انا اشتغلت قبل الاجازه فقط 3 شهور وبعدها اخذت رعايه الطفل واجددها كل شويه فهل تكفي ولا ديه اقل من المسموح انا سمعت انها لازم تكون 6 شهور فهل صحيح هذا وكرر شكري لك علي اهتمامك وجزاك الله كل خير

د/ أحـمـد سـليمان
05-06-2011, 06:12 PM
كل مرة بيبقى الحد الأدنى 6 شهور
المرة دي الاخبار اللي وصلت لنا مجاش فيها الشرط ده .. بس طبعا لسة مش أكيد .. لأن الإعلان لسة منزلش على النت و في الجرايد .. و طبعا لما ينزل هيكون مذكور فيه الشروط بوضوح .. يعني الصورة هتوضح خلال ايام

coctail_86
05-06-2011, 11:59 PM
انهاردة نزل ف الاهرام اعلان لمستشفي دار الفؤاد و طالبين نواب
اللينك بتاع المستشفي
http://www.dafheart.com/page/residencyprogram

ياريت لو حد عنده معلومات ف الموضوع دة يبلغنا بيه :faces222:

pure spirit
05-07-2011, 12:21 AM
لو ممكن تنـزلى الاعلان يادكتورة
جزاكِ الله خيرا

dr\
05-07-2011, 06:04 PM
ياريت حد يقدر يفيد

coctail_86
05-07-2011, 08:25 PM
طبعا يا دكتورة ترانيم

coctail_86
05-07-2011, 08:26 PM
هو علي هيئة صورة الاعلان

dodyy_86
05-08-2011, 11:57 AM
طب يا جماعة لو سمحتم حد قبل كده قدم و اتقبل ؟ ...وبيتعلمو ولا لا؟

diaagggg
05-10-2011, 06:54 PM
أحب أضيف ان انا اسمع ان لو مفيش جامعة من ال3 قبلتك انك بتروح الوزارة وبيعطوك موافقة كتابية من الوزارة على تسجيلك للدراسات العليا ثم بتروح بالموافقة دى وتقدمها لاى جامعة عشان توافق عليك الجامعة ......طبعا بعد ما تكون منطبقة عليك شروط الجامعة دى

Dr_kind angel
05-14-2011, 07:21 PM
:pbuh-alltebكنت حابة اسال ياجماعة لو اناقدمت نيابة اناحاباها فى مكان بعيد وحبيت انقل بعد كدا ينفع ؟ وبتبقى ازاى؟ وبعد اد اية؟

د/ أحـمـد سـليمان
05-14-2011, 07:33 PM
بعد سنة و بموافقة الجهتين

dr.moony
05-16-2011, 02:11 AM
لو سمحتم يا دكاترة كان ليا شويه استفسارات ومعلش استحملونى شويه
هى حركة النيابات الملحه بتنزل فى شهر كام؟
واللى بيقدم فى الحركة دى بيستلم امتى؟
واللى بيقدم فى حركة نوفمبر بيستلم النيابه امتى؟
ولو قدمت فى اى حركة من النيابات ومعجبنيش الشغل او التخصص
ينفع اقدم فى حركة تانيه
يعنى مثلا ينفع اقدم فى النيابات الملحه ولما تنزل حركة نيابات مايو اقدم فيها ؟

د/ أحـمـد سـليمان
05-16-2011, 01:56 PM
حركة النيابات بتنزل في شهر 5 و شهر 11 من كل سنة
احنا بنستلم التكليف في شهر 4
و بالتالي اول حرجة بتيجي علينا ( حركة شهر 5 ) مش مسموح لنا نقدم فيها

.. بعدها حركة شهر 11 .. هنكون قضينا 6 شهور تكليف بس ... يبقى مسموح لنا نقدم في التخصصات الملحة بس .. و دي بتتحدد كل مرة حسب احتياجهم و في حاجات بتنزل كل مرة ( طوارئ - تخدير - عناية - اشعة - معامل - طب اسرة - نفسية و عصبية )

.. بعد كده في حركة شهر 5 من السنة اللي بعدها .. دي من حقي اقدم في اي حاجة لأني كملت سنة ..

اللي بيقدم في حركة مايو بيستلم في 8 او 9
و اللي بيقدم في 11 بيستلم في 2 او 3

النظام اللي كان ماشي بيقوا ان اللي قدم في نيابة و جت له فعلا .. لو فكر بعد انه يلغيها او ميستلمهاش .. بيتعاقب بالحرمان من التقديم لمدة حركتين .. لكن الشرط ده متوقف حاليا .. علشان كان في تظلمات استثنائية و كانوا فاتحين التقديم للكل حتى اللي عايز يلغي نيابته .. لكن لسة مش عارفين هل الشرط ده هيرجع تاني و لا هيتلغي خالص

dr.moony
05-16-2011, 09:37 PM
الف شكر يا دكتور احمد
بس كنت عايزة اعرف لو انا قدمت فى الملحه وجتلى واستلمتها فعلا
ينفع اقدم فى الحركة اللى بعدها فى تخصص تانى
ومش شرط الملحه وحركة مايو بس انا قصدى ينفه اقدم فى حرحة نيابات وانا شغاله فى نيابه ؟
انا بسال السؤال ده لانى بفكر اقدم فى اى تخصص من الملحه حتى لو مبحبوش بس عشان اسيب التكليف
واكيد مش هخسر حاجة ومش هيضر لو عرفت شويه فى تخصص غير اللى انا حباه
بس هل ده يمنعنى من انى اقدم فى اى حركة نيابات تانيه؟

د/ أحـمـد سـليمان
05-17-2011, 08:22 AM
مينفعش تقدمي في نيابة و انتي شغالة في نيابة
لازم تلغي الاول .. و ده كان له شرط جزائي حرمان حركتين من التقديم
بس مش عارفين الشرط هيتلغي و لا هيستمر

bambozya
05-18-2011, 02:16 PM
انا عملت اجازه مرافقه زوج من اول شهر 2 واخدت اجازه 2 و3و4و5 بس انا رجعت الحمد لله بس هولد
فى شهر 6 ان شاء الله فعايزه اقطع الاجازه على اول 6 عشان اخد اجازه الوضع وعشان اكون كملت 12 شهر تكليف
انا كده 10 شهور تكليف بس
السؤال لو النيابات نزلت ملحه بتاعت مايو هل يجوز ان اقدم فيها؟
لو مش قدمت ممكت بعد اجازه الوضع اخد اجازه واقدم فى حركه نوفمبر ان شاء الله؟
بس السؤال انا كده هكون كملت سنه من التكليف بس ينفع اقدم فى النيابه وانا فى اجازه والا لازم اقطعها قبلها؟؟؟؟؟؟؟؟
وجزاكم الله كل الخير :C20ColdHands::barak::C20ColdHands:

د/رواء احمد
05-18-2011, 02:47 PM
انا عملت اجازه مرافقه زوج من اول شهر 2 واخدت اجازه 2 و3و4و5 بس انا رجعت الحمد لله بس هولد
فى شهر 6 ان شاء الله فعايزه اقطع الاجازه على اول 6 عشان اخد اجازه الوضع وعشان اكون كملت 12 شهر تكليف
انا كده 10 شهور تكليف بس
السؤال لو النيابات نزلت ملحه بتاعت مايو هل يجوز ان اقدم فيها؟

ينفع يا قمر تقدمى عادى جدا بس ملحه فقط


لو مش قدمت ممكت بعد اجازه الوضع اخد اجازه واقدم فى حركه نوفمبر ان شاء الله؟



ينفع برده تقدمى ف نوفمبر عادى جدا حتى لو مقطعتيش الاجازه

ولكن قطعتى الاجازه اول 6 وكملتى شويه وبعدين اخدتى اجازة وضع

يبقى كده ليكى الحق تقدمى فى نيابات نوفمبر كلها واساسيه كمان لان اجازة الوضع تحسب من التكليف


بس السؤال انا كده هكون كملت سنه من التكليف بس ينفع اقدم فى النيابه وانا فى اجازه والا لازم اقطعها قبلها؟؟؟؟؟؟؟؟


ينفع تقدمى وانتى فى اجازه عادى لانهم مش بيشترطوا ف التقديم للنيابات انك تكونى على قوة العمل اثناء التقديم
وجزاكم الله كل الخير :C20ColdHands::barak::C20ColdHands:

يارب اكون افدتك

h.h
05-18-2011, 04:49 PM
ممكن اسال يعنى هوالواحد لما يطلع بمقبول يبقى خلاص اتكتب علية النيبات الملحة فقط .طاب اناطول عمرى نفسى اكون طبيبة فى مجال احتك فيه مع البيشنت وديما يبقى فيه جديد زى الاطفال او برنشات البااطنة طاب اية الحل بالنسبالى ياما استنى سنة كمان فالتكليف علشان ااخذ نيابات الريف او ارضى باىنيابة مش بحبها طول عمرى وبالتالى مش هانجز فيها قولى ممكن اعمل اية علشان ابدأنيابة عيزاها منغير مااستنا كتير:gzak:

pure spirit
05-18-2011, 06:22 PM
ممكن اسال يعنى هوالواحد لما يطلع بمقبول يبقى خلاص اتكتب علية النيبات الملحة فقط .طاب اناطول عمرى نفسى اكون طبيبة فى مجال احتك فيه مع البيشنت وديما يبقى فيه جديد زى الاطفال او برنشات البااطنة طاب اية الحل بالنسبالى ياما استنى سنة كمان فالتكليف علشان ااخذ نيابات الريف او ارضى باىنيابة مش بحبها طول عمرى وبالتالى مش هانجز فيها قولى ممكن اعمل اية علشان ابدأنيابة عيزاها منغير مااستنا كتير:gzak:

هو الحل السحرى علشان تاخدى نيابة انتى عايزاها بتقدير مقبول هو نيابات الريف أو البعثات
وتكليف سنتين مش شايفاه كتير قوى فى مقابل انك تاخدى اللى بتحبيه
يعنى لو حد تقديره جيد جيدا وعايز نيابة من الاساسية هتيجى تشوفى هيقعد قد ايه تكليف هيكمل السنتين ويمكن يزيد يعنى انا مش شايفاها مشكلة
ولو كانت المشكلة عندك فى فترة التكليف ممكن تاخدى من الملحات عناية مركزة أو طب اسرة اظن تخصصين فيهم احتكاك بالمرضى
انتى ممكن يكون التخوف عندك من مسالة التسجيل لان معظم الجامعات بتطلب على الأقل تقدير جيد لكن دى كمان مفيهاش مشاكل ممكن تقدمى فى الزمالة المصرية
وأنصحك تشوفى الموضوع ده
عفوا ... أنا و انت مش مجرد رقم !!! (http://www.alltebfamily.com/vb/showthread.php?t=24011)
بالتوفيق

د/رواء احمد
05-18-2011, 06:24 PM
ممكن اسال يعنى هوالواحد لما يطلع بمقبول يبقى خلاص اتكتب علية النيبات الملحة فقط .طاب اناطول عمرى نفسى اكون طبيبة فى مجال احتك فيه مع البيشنت وديما يبقى فيه جديد زى الاطفال او برنشات البااطنة طاب اية الحل بالنسبالى ياما استنى سنة كمان فالتكليف علشان ااخذ نيابات الريف او ارضى باىنيابة مش بحبها طول عمرى وبالتالى مش هانجز فيها قولى ممكن اعمل اية علشان ابدأنيابة عيزاها منغير مااستنا كتير:gzak:


هو غالبا الاطفال بتاخد تقديرات عاليه

بس فى تخصصات فرعيه ف الباطنه بتاخد من مقبول
وكمان الانف والاذن والرمد ف بعض المستشفيات بياخدوا بردوا من مقبول
بس فى ف الملحه برده استقبال وطوارئي متهيالى مفيش تخصص فيه كونتاكت مع المريض اكتر من كده هى والعنايه المركزه برده
فلو حضرتك مش مرتاحه للتخصصات دى

ممكن تستنى نيابة الريف تاخدى التخصص اللى انتى عاوزاه

dodybasha
05-19-2011, 06:25 PM
حد يقوللى ازاى اخد التخصص دا فى نيابة او زمالة ويكون فى مكان كويس فى ظل الظروف الحالية
يعنى عشان اتعلم بجد
بما انهم نسيوا التخصص ده فى كل حركة تنزل
ليجال او الليجال legal or illegal:SORRY :
مع ان نص مستشفيات الحكومة نواب النسا اللى فيها مش كفايه
ممكن يجماعة حد يفهمنى لانى كنت فى رحلة فقدان كل معلومة طبية اتعلمتها لدرجة اننى بقيت انسى الدوا اللى انا باخدو
مش عاوز انهار اكتر من كده
كفايه عليا

pure spirit
05-19-2011, 06:39 PM
خلا ص يادكتور قرار وقف التسجيل فى النسا والاطفال اتلغى بدليل انهم نزلوا فى التظلمات الاستثنائية اللى كانت فى ابريل
وان شاء الله هينزلوا فى الحركات القادمة
حضرتك دلوقتى تحاول تقرا فى التخصص ويفضل تحضر فى مستشفى او حتى عيادة دكتور بحيث تعرف أكثر عن التخصص
وان شاء الله اللى جاى كله خير

dodybasha
05-19-2011, 06:41 PM
امال ايه اللى اسمعناه عن حركة مايو 2011 وانو مفيش نسا واللى مش عاجبو :CryOutLoud:


http://www.alltebfamily.com/vb/showthread.php?t=39262

pure spirit
05-19-2011, 07:17 PM
ده كلام سابق لأوانه نتكلم فعلا لما الاعلان ينزل
وأملنا ان شاء الله كبير ان الحركة تكون مرضية للجميع وبها كل التخصصات
وحتى لو كان وكانت الحركة مافيهاش نسا ده لان الحركة تكميلية وبينزلوا بس اللى محتاجينه من التخصصات
لكن حركة نوفمبر الاساسية ان شاء الله يكون فيها كل التخصصات بما فيها النسا والأطفال
وبعيدا عن ان ده فيه ظلم واجحاف لاطباء دفعة 2008 لكن كلامى يتعلق بتخصصين كنا فقدنا الأمل أصلا انهم ينزلوا تانى الا بعد 7 سنين

dodybasha
05-19-2011, 08:25 PM
والله دا يبقى ليكو الحلاوة و ازازة كنز ام 3.5:gzak:

jassmine
06-03-2011, 01:11 AM
لو سمحتم هي اجازة رعاية الطفل او اجازة مرافقة الزوج تحسب من مدة العمل في التكليف ولا لا يعني انا قضيت 7شهور واخدت اجازة رعاية طفل وانا استلمت العمل من
شهر 4-2010
فهل ينفع اقدم في النيابات العادية
لان في ناس قلتلي مينفعش وفي موظفين من المديرية قالولي عادي فايه هو الصح ارجو الرد وجزاكم الله خيرا

د/ أحـمـد سـليمان
06-03-2011, 10:30 AM
المفروض ان المدة تكون ( عمل فعلي )
يعني الاجازات مش محسوبة من المدة
و الوزارة بتطلب احيانا ان بعض الناس تجيب ورقة رسمية من المديرية بمدة العمل الفعلي و على اساسها يحددوا اذا كان من حقك النيابات العادية و لا الملحة بس .. اما موظفين المديرية ميعرفوش قوانين النيابات لأنها من اختصاص الوزارة بس. الجهة المسؤلة عن كل الأمور دي هي ( إدارة التكليف بوزارة الصحة )

dr ladybird
06-03-2011, 03:25 PM
زملائي الاطباء عندي سؤالين لظروف خاصه انا كنت استقلت من وزارة الصحه بعد سنه ونصف من التكليف ولكني رجعت تاني و عملت رعاية طفل وللاسف قالولي ان كده انا بعيد تكليفي من اول خالص لكن السنه و نصف هيكونوا في مدة خدمتي في وزارة الصحه..بس انا جاتلي نيابة طب اسره وللاسف مكتوب مدة الخدمه سنه فهل المقصود من استلامي التكليف الجديد ولا المده التي تسبق الاستقاله؟ و كم لدي من مده حتي استلم لاني مع زوجي خارج مصر

مؤمن عز الدين
06-03-2011, 05:41 PM
اعتقد ان لما رجعتي بعد الاستقاله هيحسبوا لك المدة الفعلية من اول وجديد ( بس مش متاكد ) ..

و بالنسبة للإستلام .. قدامك 6 شهور من تاريخ ظهور النتيجة

soha85
06-04-2011, 09:30 PM
طيب ايه رايكم يا جماعة اخد نيابة بحبها في حتة مش قد كدا احسن ولا اي نيابة في حتة كويسة اتعلم فيها ؟؟

pure spirit
06-04-2011, 09:59 PM
طيب ايه رايكم يا جماعة اخد نيابة بحبها في حتة مش قد كدا احسن ولا اي نيابة في حتة كويسة اتعلم فيها ؟؟
رأيى الشخصى وعن تجربة الاختيار الأول مع بعض التعديلات بمعنى اخد نيابة بحبها وأحاول بشتى الطرق اتعلمها حتى لو المكان مش قد كدة عن طريق :
فيزيتور جامعة
زمالة مصرية
انتداب لمستشفى تعليمى

soha85
06-04-2011, 10:27 PM
جربت انا فيزيتور الجامعه وماعجبنيش اطلاقا ويمكن دا كمان اثر فيه كوني روحت قسم من الجراحات وهو النسا
التعليم في اقل القليل وبعد عناء كبير جدا ومعاملة بشكل صريح ان دا مش مكانك ومش من حقك تجيه اصلا
وماكملتش لاني قررت ادور على طريقي اللي من حقي

pure spirit
06-04-2011, 10:59 PM
جربت انا فيزيتور الجامعه وماعجبنيش اطلاقا ويمكن دا كمان اثر فيه كوني روحت قسم من الجراحات وهو النسا
التعليم في اقل القليل وبعد عناء كبير جدا ومعاملة بشكل صريح ان دا مش مكانك ومش من حقك تجيه اصلا
وماكملتش لاني قررت ادور على طريقي اللي من حقي
دى مشكلة اساسية من مشاكل الفيزيتور فى الجامعة وخصوصا اللى محتاجة تدخل باليد
لكن أرجع واقولك مش كل الجامعات كدة
انا كنت نايب جامعة وكان معانا فيزيتور وبيشتعلوا زينا زيهم ويمكن أكثر كمان
بتعتمد على الجامعة نفسها فى المقام الأول ثانيا حضورك والتزامك فى الشغل زيك زى النايب الريزيدنت
على العموم ربنا يوفقك فى قرارك ولا تنسى الاستخارة ثم الاستشارة

صقر قريش
06-07-2011, 07:52 PM
يا جماعه الى عنده معلومات عن نيابات دار الفؤاد من متطلبات ولو فيها امتحانات ولو لها علاقة بتقدير الكليه ونظامها ايه ياريت يفدنا بمعلومات

وبتنزل امتى وكيفية الالتحاق بها

ياريت يا جماعه تفيدونا ف الموضوع دا

وشكرا

dr_abeer
06-07-2011, 10:31 PM
[لسلام عليكم ورحمة الله وبركاته انا متشكرة جدا لاهتمامكم انا استلمت النكليف 6-4-2010وعملت النصف اجر يوم 7-2-2011 وانهارده 7-6-2011
فهل انا كده كملت السنة ولاايه يعني انا عملت الاجازة بعد 10 شهور من الاستلام يبقي فاضلي شهرين علشان اكمل السنة وانا اخدت الاجازة من اربع شهور لو قسمنا علي2 يبقي شهرين +10شهور يبقي سنة ولاايه يارب حد يفهمنى لان انا سألت في المديرية وقالولي مبتأثرش انا خايفة جدا ياريت حد يطمني وشكرررررررررررررررراااااااااا

pure spirit
06-07-2011, 11:09 PM
كانت فيه دكتورة منزلة خبر بهذا الخصوص
وده الموضوع
http://www.alltebfamily.com/vb/showthread.php?t=39322
بعد اذن حضرتك هندمج الموضوعين منعا للتشتت

pure spirit
06-07-2011, 11:25 PM
السلام عليكم ورحمة الله وبركاته انا متشكرة جدا لاهتمامكم انا استلمت النكليف 6-4-2010وعملت النصف اجر يوم 7-2-2011 وانهارده 7-6-2011
فهل انا كده كملت السنة ولاايه يعني انا عملت الاجازة بعد 10 شهور من الاستلام يبقي فاضلي شهرين علشان اكمل السنة وانا اخدت الاجازة من اربع شهور لو قسمنا علي2 يبقي شهرين +10شهور يبقي سنة ولاايه يارب حد يفهمنى لان انا سألت في المديرية وقالولي مبتأثرش انا خايفة جدا ياريت حد يطمني وشكرررررررررررررررراااااااااا

لأ بتأثر ومش بيتحسب غير اللى اشتغلتيه
بالتواريخ المذكورة ممكن تفرق معاكى أيام(يوم أو اتنين بالكتير ) لأنهم بيحسبوا لحد تاريخ نزول الاعلان والاعلان نزل بتاريخ 4 / 6 / 2011
حاولى تروحى المديرية تشوفى مدة عملك الفعليه لو سنة بالظبط خلاص يبقى مفيش مشاكل ان شاء الله

pure spirit
06-07-2011, 11:25 PM
السلام عليكم ورحمة الله وبركاته انا متشكرة جدا لاهتمامكم انا استلمت النكليف 6-4-2010وعملت النصف اجر يوم 7-2-2011 وانهارده 7-6-2011
فهل انا كده كملت السنة ولاايه يعني انا عملت الاجازة بعد 10 شهور من الاستلام يبقي فاضلي شهرين علشان اكمل السنة وانا اخدت الاجازة من اربع شهور لو قسمنا علي2 يبقي شهرين +10شهور يبقي سنة ولاايه يارب حد يفهمنى لان انا سألت في المديرية وقالولي مبتأثرش انا خايفة جدا ياريت حد يطمني وشكرررررررررررررررراااااااااا

لأ بتأثر ومش بيتحسب غير اللى اشتغلتيه
بالتواريخ المذكورة ممكن تفرق معاكى أيام(يوم أو اتنين بالكتير ) لأنهم بيحسبوا لحد تاريخ نزول الاعلان والاعلان نزل بتاريخ 4 / 6 / 2011
حاولى تروحى المديرية تشوفى مدة عملك الفعليه لو سنة بالظبط خلاص يبقى مفيش مشاكل ان شاء الله

صقر قريش
06-08-2011, 01:02 AM
ايه يا جماعه مفيش حد يفيدنا بحاجه عن الموضوع دا حد يدينا معلومات

soha85
06-08-2011, 03:15 AM
هو احنا اخبار اجازاتنا في النيابة ايه
يعني ممكن استلم في حتة واخد اجازة بدون مرتب والنيابة تتحفظلي
وساعتها مدة الاجازة بتتحسب من النيابة ولا ايه

quiet_doctor
06-08-2011, 12:01 PM
هو احنا اخبار اجازاتنا في النيابة ايه
يعني ممكن استلم في حتة واخد اجازة بدون مرتب والنيابة تتحفظلي
وساعتها مدة الاجازة بتتحسب من النيابة ولا ايه

ياريت حد يفيدنا فى الحكايه دى واى الاجراءات المطلوبه لحفظ النيابه

د/ أحـمـد سـليمان
06-08-2011, 01:46 PM
مسموح لك بحد اقصى سنتين اجازة اثناء فترة النيابة
و لا تحسب الاجازة من مدة النيابة

quiet_doctor
06-08-2011, 05:11 PM
مسموح لك بحد اقصى سنتين اجازة اثناء فترة النيابة
و لا تحسب الاجازة من مدة النيابة

طيب اى هى الاجرائات واى المطلوب وهل ممكن اعمل الاجازه من المدريه ولا لازم استلم واعمل من المستشفى
طيب ولو مدير المستشفىماوافقش اى الحل
معلش يادكتور احمد بتقل عليك

مؤمن عز الدين
06-08-2011, 08:08 PM
الاجازة بدون مرتب لازم يكون لها سبب
عمل داخل مصر - عمل خارج مصر - رعاية والدين ( إذا كان احدهما مريض ) - و بالنسبة للبنات .. رعاية طفل او مرافقة زوج .. و الاجازة بتتعمل في المديرية و محدش بيرفضها .. بس تقريبا لازم تستلم الاول

rehab ragab
06-08-2011, 09:38 PM
هل لومر 5سنوات منغير ما اقدم على نيابة مش هيكون ليا الحق انى ااقدم فى اى نيابة بعد كدة ارجو الافادة وجزاكم الله خيرا

pure spirit
06-08-2011, 10:35 PM
هل لومر 5سنوات منغير ما اقدم على نيابة مش هيكون ليا الحق انى ااقدم فى اى نيابة بعد كدة ارجو الافادة وجزاكم الله خيرا
لو كانوا ال 5 سنوات دول عمل فعلى يعنى اشتغلتيهم فعلا يبقى لايحق لكِ التقدم للنيابات لكن ينفع نيابة ريف
لكن لو كانوا 5 سنوات اجازات بدون مرتب يعنى ماكنتيش على رأس العمل تقدرى تقدمى عادى

quiet_doctor
06-09-2011, 07:48 AM
طيب لو عدى عليا فترة استلام النيابه وما استلمتش بيكون اى الوضع

د/ أحـمـد سـليمان
06-09-2011, 09:27 AM
اكيد مش هيرضوا يسلموك

rehab ragab
06-09-2011, 11:48 AM
معليشى يادكتور احمد ممكن بس اخر استفسار لو رجعت من الاجازة مثلا بعد 5سنين لازم يمر عام كامل عمل فعللى علشان ااقدر استلم نيابة

د/ أحـمـد سـليمان
06-09-2011, 03:39 PM
لو رجعت من الاجازة مثلا بعد 5سنين لازم يمر عام كامل عمل فعللى علشان ااقدر استلم نيابة
المهم تكوني كملتي عام كامل عمل فعلي
مش مهم قضيتيه امتى
يعني لو قضيتيه قبل الاجازة ماشي و لو بعد الاجازة ماشي و لو نصه كده و نصه كده ماشي .. ده النظام الحالي بس طبعا منضمنش إيه اللي هيحصل كمان خمس سنين

drpegasus
06-17-2011, 11:54 PM
هو معهد ناصر فيه نيابات ؟؟؟؟؟
انا ان شاء الله ناوي جراحه مخ و اعصاب
النيابات من كام ؟؟؟؟
و هل صحيح بالواسطه ؟؟؟
الف شكر يا دكاتره

OneMeTeoR
06-18-2011, 03:00 PM
السلام عليكم ورحمة الله و بركاته


انا عايز اقدم في النيابات بتااعت شهر مايو 2011 علي اطفال او مبتسرين

في شوية اساله عايز اطرحها من فضلكم

انا تقديري في مادة الاطفال مقبول هل ده هياثر علي اي حاجة بخصوص تخصص الاطفال في المستقبل ؟
لو مقدرتش او مش جتلي اطفال .. وجاتلي مبتسرين .. معني كده اني هبقي مربوط في الحضانات علي طووول ..
وهل اقدر افتح عيادة اطفال ولا لأ ؟

التخصص التاني اللي في دماغي هو الكلي الصناعي .. انا عايز اعرفهو انا لو اخدت التخصص ده هبقي دكتور باطني
يعني هبقي دكتور باطني و منها هبقي اخد الكلي الصناعي ولا ايه
وهل انا هبفضل محبوس في مركز الغسيل الكلوي ده ع طوووول ولا ايه النظام ؟

وشكرا

سؤال اخير
انا في مشكلة في اسمي .. ضايفين حرف زيادة علي اسم الوالد عندي
فعرفت اني لازم ابعت فاكس وكده
بعد ما ابعت الفاكس .. اسجل ع طوول ولا استني لما يخطروني برسالة او مكالمة
؟؟


و شكرااااااااا

OneMeTeoR
06-18-2011, 05:05 PM
السلام عليكم ورحمة الله و بركاته


انا عايز اقدم في النيابات بتااعت شهر مايو 2011 علي اطفال او مبتسرين

في شوية اساله عايز اطرحها من فضلكم

انا تقديري في مادة الاطفال مقبول هل ده هياثر علي اي حاجة بخصوص تخصص الاطفال في المستقبل ؟
لو مقدرتش او مش جتلي اطفال .. وجاتلي مبتسرين .. معني كده اني هبقي مربوط في الحضانات علي طووول ..
وهل اقدر افتح عيادة اطفال ولا لأ ؟

التخصص التاني اللي في دماغي هو الكلي الصناعي .. انا عايز اعرفهو انا لو اخدت التخصص ده هبقي دكتور باطني
يعني هبقي دكتور باطني و منها هبقي اخد الكلي الصناعي ولا ايه
وهل انا هبفضل محبوس في مركز الغسيل الكلوي ده ع طوووول ولا ايه النظام ؟

وشكرا

سؤال اخير
انا في مشكلة في اسمي .. ضايفين حرف زيادة علي اسم الوالد عندي
فعرفت اني لازم ابعت فاكس وكده
بعد ما ابعت الفاكس .. اسجل ع طوول ولا استني لما يخطروني برسالة او مكالمة
؟؟


و شكرااااااااا

pure spirit
06-18-2011, 05:29 PM
انا تقديري في مادة الاطفال مقبول هل ده هياثر علي اي حاجة بخصوص تخصص الاطفال في المستقبل ؟
1- لو جاتلك أطفال أكيد مش هتجيلك فى مكان تعليمه كويس .. ودى ممكن نتغلب عليها بزائر فى الجامعة
2- مش هاتعرف تقدم ماستر لأن معظم الجامعات بتشترط التقدير فى مادة التخصص ... هنتغلب عليها بدبلومة حديثة ومن ثم تعادلها بالماستر أو حل آخر وهو الزمالة المصرية التى لاتشترط التقدير .. او حل ثالث بالزمالة البريطانية اللى بتاخدها بفلوسك
لو مقدرتش او مش جتلي اطفال .. وجاتلي مبتسرين
غالبا المبتسرين بتاخد عالى جدا اعلى من الأطفال كمان
معني كده اني هبقي مربوط في الحضانات علي طووول ..
التخصص من التخصصات اللى لازم مستشفى علشان تمارسه وشفتاته 12 و 24 ساعة
حكاية انك تتعلم أطفال بتعتمد على المستشفى اللى هتستلم فيها نفسها لذلك اسال قبل ماتكتب رغباتك
وهل اقدر افتح عيادة اطفال ولا لأ ؟

رسميا تقدر طبعا لأن معاك ماستر او دبلومة أطفال لانه لايوجد ماستر مبتسرين
اما من الجانب العملى بتعتمد على ممارستك للأطفال من عدمه
التخصص التاني اللي في دماغي هو الكلي الصناعي .. انا عايز اعرفهو انا لو اخدت التخصص ده هبقي دكتور باطني
يعني هبقي دكتور باطني و منها هبقي اخد الكلي الصناعي ولا ايه
وهل انا هبفضل محبوس في مركز الغسيل الكلوي ده ع طوووول ولا ايه النظام ؟
لأ هتبقى دكتور كلى بس معظم مستشفيات الصحة بتشغل نايب الكلى باطنة عامة
انت بس مش هتعرف تحضر كلى على طول الا اذا اخدت الماستر فى جامعة اسيوط غير كدة لازم ماستر او دبلومة باطنة فى الأول ثم ماستر كلى صناعى
تابع رابطة أطباء النفرولوجى
(http://www.alltebfamily.com/vb/showthread.php?t=28133)


سؤال اخير
انا في مشكلة في اسمي .. ضايفين حرف زيادة علي اسم الوالد عندي
فعرفت اني لازم ابعت فاكس وكده
بعد ما ابعت الفاكس .. اسجل ع طوول ولا استني لما يخطروني برسالة او مكالمة
؟؟
لا يادكتور ماتنتظرش
ده لو التفتو للفاكس وصلحوا الاسم من غير ماتروح بنفسك تصلحه فى الوزارة يبقى كتر خيرهم
سجل على طول لما يتصلح
بالتوفيق

pure spirit
06-18-2011, 06:02 PM
ايوة هو من المراكز الطبية متعددة التخصص
بيحتاج مجموع عالى + واسطة قوية
ودى مميزات وعيوب النيابات فى القطاع ده نقلا عن د.كاسبر من سلسلة مستقبل الطبيب
سادسا
المراكزالطبية المتخصصة
وتشمل

أ‌-متعددة التخصصات وتشمل :
معهد ناصر – الهرم – الهلال – العجوزة – السلام – دار الشفاء – الشيخ
زايد – شرق المدينة – القباري – المواساة – المنصورة الدولي – الأقصر
الدولي – أبوسمبل الدولي – شرم الشيخ الدولي
ب‌-أحادية التخصصات وتشمل :
المركز القومي للرمد بروض الفرج - مركز الرمد الأزهر - مركز الصدر والحساسية بإمبابة - مركز تأهيل وعلاج المسنين بحلوان – المركز القومي
لخدمات نقل الدم– مركز الإسعاف الطائر – مستشفي الأطفال التخصصي ببنها – مركز القلب بالمحلة – مركز القلب والكبد بكفر الشيخ – مركز كفر الدوار
ج – جراحات اليوم الواحد وتشمل :
بمدينة نصر – البساتين – المرج – روض الفرج – الزاوية الحمراء – التبين – راس البر – وادي النطرون – سمالوط – قنا – مرسي علم – كفر الزيات – اشمون
د- مراكز الأورام وتشمل :
أورام السلام – أورام معهد ناصر – أورام طنطا – أورام البحيرة – أورام دمياط – أورام المنيا – أورام سوهاج – أورام أسوان

المميــــــــــزات
1- تعليم كويس أوي في معظم المستشفيات التابعة ليها وفيها استاف جامعةكتتتتتتتير واستشاريين كتير أقل واحد معاه دكتوراه

2- ممكن من خلالها تتعرف علي شخصيات ليهاوضعها وممكن من خلالها تشتغل مع استاف بره
3- فيه مستشفيات فيها التردد بتاعها قليل وده مش بيديك فرصة انك تشتغل كتير
العيـــــــــــــوب
1- ممكن برده ماتاخدشي راحتك أوي في شغل الجراحات
2- عاوزة واسطة في الغالب علشان تروح مكان نضيف

drpegasus
06-18-2011, 08:27 PM
ايوة هو من المراكز الطبية متعددة التخصص
بيحتاج مجموع عالى + واسطة قوية

2- ممكن من خلالها تتعرف علي شخصيات ليهاوضعها وممكن من خلالها تشتغل مع استاف بره

العيـــــــــــــوب
1- ممكن برده ماتاخدشي راحتك أوي في شغل الجراحات


الف الف شكر علي الرد
بس كان في كذا نقطه مش واضحين :
مجموع جراحه المخ والاعصاب من كام ؟؟؟
يعني ايه اشتغل مع استاف بره ؟؟
و مش هاخد راحتي ازاي .... هل مش هتعلم خالص ؟؟؟
و الف شكر

pure spirit
06-18-2011, 10:50 PM
يعني ايه اشتغل مع استاف بره ؟؟
اظنه يقصد والله أعلم البرايفت لأن الأماكن دى بيكون فيها استاف واستشاريين كتييير

و مش هاخد راحتي ازاي .... هل مش هتعلم خالص ؟؟؟

الكلام عن قطاع المعاهد المتخصصة ككل وليس معهد ناصر تحديدا يعنى يقصد ان بعض الأماكن تعليم الجراحات فيها على وجه الخصوص قليل
اللى يفيدك أكثر تسال النواب هناك او تنزل تشوف بنفسك
...
بخصوص المجموع معنديش فكرة والله
بالتوفيق ان شاء الله

OneMeTeoR
06-19-2011, 11:54 PM
معلش كام سؤال علي الماشي

اولا: لو جاتلي النيابة اللي انا عايزها في مكان في محافظة بعيده .. هل هقدر انقل للمحافظة بتاعتي بعد 6 شهور او بعد الزواج ؟

ثانيا : هل لو انا انتظرت لحركة النيابات القادمة ممكن الاقي اماكن اكثر وافضل ولا رايك اني اقدم في الحركة دي ؟

ثالثا : انا عايز اعرف هل نيابة الانف والاذن من النيابات العالية " صعبة المنال " و كذلك الاطفال؟


انا اسف .. انا بس قلقان و مصدوم في موضوع النيابات دي جداااااااااااااااااااااا

pure spirit
06-20-2011, 12:19 AM
اولا: لو جاتلي النيابة اللي انا عايزها في مكان في محافظة بعيده .. هل هقدر انقل للمحافظة بتاعتي بعد 6 شهور او بعد الزواج ؟
يحق لك النقل بعد سنة من استلامك للنيابة بشرط موافقة الجهتين ولاعلاقة للزواج بمكان النيابة
ثانيا : هل لو انا انتظرت لحركة النيابات القادمة ممكن الاقي اماكن اكثر وافضل ولا رايك اني اقدم في الحركة دي ؟
طبيعى ان الحركة الاساسية تبقى فيها الفرصة اكتر لأن الاحتياجات بتبقى زيادة
انا رايى الشخصى تقدم عادى الحركة دى بس الاماكن اللى مستعد تستلم فيها بس يعنى ماتكتبش أى حاجة لمجرد انك تخلص من التكليف لسببين :
اولا لوجاتلك نيابة ومكانتش عجباك وماستلمتهاش أو استلمتها ولغيتها بتتحرم حركتين
ثانيا ان دى مش حركتنا الاساسية والاحتياجات فيها قليلة ومعظمها حدود وصعيد
يبقى نفكر كتير فى التخصص والمكان اللى هنكتبه فى الرغبات بحيث ان لو جالك نيابة تبقى مقتنع بيها وفى نفس الوقت لو جالك استنفاذ رغبات هتقدر تقدم الحركة الجاية مباشرة
ثالثا : انا عايز اعرف هل نيابة الانف والاذن من النيابات العالية " صعبة المنال " و كذلك الاطفال؟

الحكاية بتختلف لأن الحدود الدنيا بتعتمد على مجموع المتقدمين للنيابات (درجاتهم يعنى مش عددهم ) والرغبات اللى هيكتبوها مثال بسيط :
لو ان مثلا المستشفى الفلانى طالبة 3 جلدية اتقدملها عدد معين من الأطباء وليكن 100 أكثر واحد من المتقدمين مجموعه 85 والثانى مثلا 84 والثالث 83 كدة يبقى خلاص اتقفلت على ال 3 دول والحد الادنى بتاعها اصبح 83 % ... ده مجرد مثال
لكن ممكن تاخد فكرة عن الحدود الدنيا بتاعة الحركات اللى فاتت بردو
انا اسف .. انا بس قلقان و مصدوم في موضوع النيابات دي جداااااااااااااااااااااا
من حقك تقلق طبعا لأن ده مستقبلك
لكن كل واحد مش هياخد اكثر من نصيبه
بالتوفيق

sarah esmail
06-20-2011, 08:45 PM
أنا سمعت ان الوزير طلع قرار ان ممكن أقدم علي نيابة أساسية بعد 6 شهور من التكليف بس أستلمها بعد سنة من التكليف....كنت عايزة أعرف ده صح ولا غلط....أنا دفعة 2009 هل ينفع أقدم علي أطفال في حركة نوفمبر انشاء الله لو ربنا كرم و نزلت ولا الكلام ده غلط؟...شكرا

pure spirit
06-21-2011, 12:09 AM
أنا سمعت ان الوزير طلع قرار ان ممكن أقدم علي نيابة أساسية بعد 6 شهور من التكليف بس أستلمها بعد سنة من التكليف....كنت عايزة أعرف ده صح ولا غلط....أنا دفعة 2009 هل ينفع أقدم علي أطفال في حركة نوفمبر انشاء الله لو ربنا كرم و نزلت ولا الكلام ده غلط؟...شكرا
هو لسة كلام ولم يترجم فى صورة قرار
لكن وفد من دفعة 2008 كانوا فى الوزارة وأخدوا وعود بان ده مش هيحصل وحركة نوفمبر 2011 هتكون اساسية لدفعة 2008 وملحة لدفعة 2009 للى قضى 6 شهور فى التكليف
ونحن فى انتظار صدور قرار يثبت او ينفى
تابعينا

Dr_kind angel
06-21-2011, 12:39 AM
هو لو حد استلم نيابة جامعة واستقال منها ورجع للتكليف بتتحسب المدة ال قضاها فى الجامعة والا اية؟

pure spirit
06-21-2011, 12:45 AM
هو لو حد استلم نيابة جامعة واستقال منها ورجع للتكليف بتتحسب المدة ال قضاها فى الجامعة والا اية؟
أيوة بتتحسب من مدة عملك الفعلى لأنها اعارة من الصحة
اتأكدى بس فى الوزارة انهم اثبتوا انك سبتى الجامعة ورجعتى الصحة تانى لأن دى كانت مشكلتى مع الوزارة فى حركة النيابات اللى شغالة دلوقتى لحد ماجبتلهم بيان حالة وظيفية انى استقلت ورجعت المديرية اللى تكليفى كان فيها
بالتوفيق

drpegasus
06-22-2011, 12:09 AM
اظنه يقصد والله أعلم البرايفت لأن الأماكن دى بيكون فيها استاف واستشاريين كتييير


الكلام عن قطاع المعاهد المتخصصة ككل وليس معهد ناصر تحديدا يعنى يقصد ان بعض الأماكن تعليم الجراحات فيها على وجه الخصوص قليل
اللى يفيدك أكثر تسال النواب هناك او تنزل تشوف بنفسك
...
بخصوص المجموع معنديش فكرة والله
بالتوفيق ان شاء الله
الف الف شكر .. بس يا ريت لو حد يعرف بياخد من كام يقولي

mhassan
06-24-2011, 02:13 AM
طب ماتشوف الزمالة المصرية ؟
أو لو معاك فلوس البريطانية؟ بس انت لو معاك ماكنتش هتسأل فجرب الزمالة وهى تعادل الماجستير فى السفر و فرص العمل.
بالتوفيق

mhassan
06-24-2011, 02:27 AM
ياريتهم سبع سنين بس يادكتورة
احم:CryOutLoud:

mhassan
06-24-2011, 02:43 AM
يا دكنورة انجزى انتى عاوزة حد يقولك خليها تغير نيابتها وتوقف حركتين وتاخد اى تخصص تانى ولا عاوزه حد يفتيلك انها تفبرك الاداريات
خليها 1-تقرر بسرعة
2-تلتزم بقرارها مهما كانت عواقبه

mhassan
06-24-2011, 02:51 AM
طبيب الأسرة لايمكن يمسك مدير وحدة

mhassan
06-24-2011, 02:56 AM
ماتفتح عيادة ايه المشكلة بس خلص ماستر المبتسرين الأول وربنا يسهل بعد كده

mhassan
06-24-2011, 02:57 AM
معترف بيها لو هاتشتغل بيها فى مصر
لكن لوهاتسافر وعايز يبقى لها فايدة يبقى علبك وعلى الجامعة الأمريكية
آه نسيت اقولك حضر كده حوالى 7000 جنيه :5831.imgcache:

mhassan
06-24-2011, 03:22 AM
طب مانتى كنتى كاتباها الكلية المصرية يعنى الراجل ماغلطش:S18SoundAsleep:

mhassan
06-24-2011, 03:32 AM
يعنى انت خريج جامعة بنها واستلمت تكليفك ف المنوفيه بس انت ساكن ف اسكندريه؟؟؟:5831.imgcache:

pure spirit
06-24-2011, 06:16 PM
د. mhassan
بعد اذن حضرتك ياريت نبقى نعمل اقتباس للمشاركة اللى هنرد عليها علشان الناس ماتتلخبطش
جزاكم الله خيرا

drpegasus
06-24-2011, 08:51 PM
uppppppppppppppppppppppppppppppppppppppppppppppp

mhassan
06-25-2011, 12:14 PM
هل دورة الرعاية الصحية الاولية لاطباء التكليف اقدر اشتغل بيها فى البحرين او قطر ؟
هل الافضل انى اقدم على نيابات نوفمبر ولا احصل على البورد العربى من دول الخليج؟
شوف يا دكتور قطر بالذات عشان تدخلها وتاخد مرتب صح -لأن المعيشة هناك غالية - يفضل انك تكون واخد شهادة أجنبية والإستثناء فى طب الأسرة فقط حيث انهم طلبوا عدد كبير لأن في نقص فى التخصص ده عندهم
وانا رأيى انك واحدة واحدة تشوف نيابتك وتاخدها ، معاك فلوس يبقلى زمالة بريطانية مامعاكش يبقى ماستر وبعدين تسافر بإحترامك عشان تتعامل كويس وتروح مستشفى كويس مش مستوصف أو مركز خاص

:wfk:

د.سندريلا
06-25-2011, 01:33 PM
السلام عليكم ورحمه الله وبركاته...........ازيكم جميعا يادكاتره .............زازيك يادكتوره ترانيم ..................معلشي انا غايبه عن المنتدي من زمان بس ظروف بقي وضع وولاده وكده مش هطول عليكوا بس وحشني المنتدي جداااااااااااااااااااا انا كنت بس عاوزه استفسر يادكتوره ترانيم انا دفعه 2008 وقدمت في نيابات مايو دي بس اول مره يعني ماقدمتش في نوفمبر حاجه انا اخدت اجازه مرافقه زوج بعد 6 شهور من التكليف ونفسي اوي في تخصص الاطفال انا الحمد لله تقديري كويس فيها مش عارفه هيبقي متاح ليا في التخصصات ايه ؟؟؟؟؟؟؟؟؟؟؟؟والحركه دي بتاعه مايو بالنسبه ليا ملحه ولا اساسيه ؟؟؟؟؟؟؟؟؟؟؟؟؟؟؟؟؟؟هيا اصلا بالنسبه لدفعتنا ملحه ولا اساسيه؟؟؟؟؟؟؟؟يعني لو ماجاتليش الاطفال او حتي مبتسرين ؟؟؟؟؟؟؟؟؟؟؟؟؟؟ينفع اعمل ايه؟؟؟؟؟؟؟؟؟؟؟؟؟؟؟؟اخد طب اسره واحضر اطفال منه ولا الكلام ده مابقاش موجود؟؟؟؟؟؟؟؟؟؟؟؟؟؟؟؟؟؟؟؟؟؟انا اسفه طولت عليكي بس انا بحب تخصص الاطفال خالص وبحاول اعمل اي حاجه وبصراحه ماعنديش استعداد اخد نيابه مابحبهاش والرجوع للتكليف بالنسبه ليا حاليا صعب عشان انا مع جوزي وبنتي في االخارج؟؟؟؟؟؟؟؟؟؟؟؟؟ظياريت لوممكن تفكري معايا وتفكروا اعمل ايه؟؟؟؟؟؟؟؟؟؟؟اخد زماله بري
طانيه وابدا فيها ؟؟؟؟؟؟؟؟؟؟؟؟ولا اعمل ايه خصوصا وان البلد الي انا فيها لازم اعمل معادله اولا عشان طبعا مش معترف هنا بدراستنا ولا شهادتنا المصريه حتي في دول الخليج فلازم اعمل معادته عشان اخد الرخصه بتاعه البلد واقدر اشتغل ؟gpممارس عام كمان وامتحاناتهم امتحانات بتاعه المعادله الامريكيه وانا بدات بحاول انجز فيها اي حاجه ؟بس في الاخر لوربنا كرمني لان مش اي حد بيعدي في الامتحانات دي وناس كتير دخلوها وماعدوش ؟؟؟؟؟؟؟؟؟بس في الاخر هبقي ممارس عام؟؟؟؟؟؟؟؟؟؟؟بصراحه مش عارفه افكر خالص تفكيري اتشل بالنسبه لمصر ووضعي فيها وهنا كمان ؟؟؟؟؟؟؟؟؟؟؟؟؟انسي مصر والنيابات واركز هنا ولا اعمل ايه؟؟؟؟؟؟؟؟؟؟؟؟؟؟؟ياريت حد يفكر معايا انا بجد تعبت؟؟؟؟؟؟؟؟؟؟جدا من التفكير مش عارفه اعمل ايه؟؟؟؟؟؟؟؟؟؟؟؟؟انا اسفه ياكدتوره ترانيم جداااااااااااااااااااااااااااااااااا.............. ..طولت عليكوا وعليكي بس انا بجد محتاجه لارائكوا جدا ياريتك يادكتوره تلاانيم تردي عليا وتفكري معايا انا بثق في ارائك جدااااااااااااااااا وافكارك ياريتك بجد تردي عليا انتي فعلا اخت لينا في المنتدي ده وفي الدراسه كمان والكليه؟؟؟؟؟؟؟؟؟؟؟؟؟؟؟؟؟بجد انا محتاجه مشورتك جدااااااااااااااااا لاني يئست من حياتي ومن التفكير ده في موضوع دراستي وايه الي المفروض اعمله وهيفدني فعلا اسفه بجد مره تانيه اني طولت عليكو وعليكي يادكتوره ترانيم وفي انتظار الرد وجزاكي الله خيرا...................السلام عليكم ورحمه اللله وبركاته

pure spirit
06-25-2011, 02:00 PM
السلام عليكم ورحمه الله وبركاته...........ازيكم جميعا يادكاتره .............زازيك يادكتوره ترانيم ..................معلشي انا غايبه عن المنتدي من زمان بس ظروف بقي وضع وولاده وكده مش هطول عليكوا بس وحشني المنتدي جداااااااااااااااااااا انا كنت بس عاوزه استفسر يادكتوره ترانيم انا دفعه 2008 وقدمت في نيابات مايو دي بس اول مره يعني ماقدمتش في نوفمبر حاجه انا اخدت اجازه مرافقه زوج بعد 6 شهور من التكليف ونفسي اوي في تخصص الاطفال انا الحمد لله تقديري كويس فيها مش عارفه هيبقي متاح ليا في التخصصات ايه ؟؟؟؟؟؟؟؟؟؟؟؟والحركه دي بتاعه مايو بالنسبه ليا ملحه ولا اساسيه ؟؟؟؟؟؟؟؟؟؟؟؟؟؟؟؟؟؟هيا اصلا بالنسبه لدفعتنا ملحه ولا اساسيه؟؟؟؟؟؟؟؟يعني لو ماجاتليش الاطفال او حتي مبتسرين ؟؟؟؟؟؟؟؟؟؟؟؟؟؟ينفع اعمل ايه؟؟؟؟؟؟؟؟؟؟؟؟؟؟؟؟اخد طب اسره واحضر اطفال منه ولا الكلام ده مابقاش موجود؟؟؟؟؟؟؟؟؟؟؟؟؟؟؟؟؟؟؟؟؟؟انا اسفه طولت عليكي بس انا بحب تخصص الاطفال خالص وبحاول اعمل اي حاجه وبصراحه ماعنديش استعداد اخد نيابه مابحبهاش والرجوع للتكليف بالنسبه ليا حاليا صعب عشان انا مع جوزي وبنتي في االخارج؟؟؟؟؟؟؟؟؟؟؟؟؟ظياريت لوممكن تفكري معايا وتفكروا اعمل ايه؟؟؟؟؟؟؟؟؟؟؟اخد زماله بري
طانيه وابدا فيها ؟؟؟؟؟؟؟؟؟؟؟؟ولا اعمل ايه خصوصا وان البلد الي انا فيها لازم اعمل معادله اولا عشان طبعا مش معترف هنا بدراستنا ولا شهادتنا المصريه حتي في دول الخليج فلازم اعمل معادته عشان اخد الرخصه بتاعه البلد واقدر اشتغل ؟gpممارس عام كمان وامتحاناتهم امتحانات بتاعه المعادله الامريكيه وانا بدات بحاول انجز فيها اي حاجه ؟بس في الاخر لوربنا كرمني لان مش اي حد بيعدي في الامتحانات دي وناس كتير دخلوها وماعدوش ؟؟؟؟؟؟؟؟؟بس في الاخر هبقي ممارس عام؟؟؟؟؟؟؟؟؟؟؟بصراحه مش عارفه افكر خالص تفكيري اتشل بالنسبه لمصر ووضعي فيها وهنا كمان ؟؟؟؟؟؟؟؟؟؟؟؟؟انسي مصر والنيابات واركز هنا ولا اعمل ايه؟؟؟؟؟؟؟؟؟؟؟؟؟؟؟ياريت حد يفكر معايا انا بجد تعبت؟؟؟؟؟؟؟؟؟؟جدا من التفكير مش عارفه اعمل ايه؟؟؟؟؟؟؟؟؟؟؟؟؟انا اسفه ياكدتوره ترانيم جداااااااااااااااااااااااااااااااااا.............. ..طولت عليكوا وعليكي بس انا بجد محتاجه لارائكوا جدا ياريتك يادكتوره تلاانيم تردي عليا وتفكري معايا انا بثق في ارائك جدااااااااااااااااا وافكارك ياريتك بجد تردي عليا انتي فعلا اخت لينا في المنتدي ده وفي الدراسه كمان والكليه؟؟؟؟؟؟؟؟؟؟؟؟؟؟؟؟؟بجد انا محتاجه مشورتك جدااااااااااااااااا لاني يئست من حياتي ومن التفكير ده في موضوع دراستي وايه الي المفروض اعمله وهيفدني فعلا اسفه بجد مره تانيه اني طولت عليكو وعليكي يادكتوره ترانيم وفي انتظار الرد وجزاكي الله خيرا...................السلام عليكم ورحمه اللله وبركاته
وعليكم السلام ورحمة الله وبركاته
ازيك يادكتورة سندريلا واهلا بيكى مرة تانية وبكل طبيبات دفعتى العزيزيات
والف حمد الله على سلامتك ومبارك عليكى المولودة ربنا يبارك لك فيها
...
للاسف بالنسبة لحالتك بما انك قضيتى 6 شهور تكليف فقط عمل فعلى مش مسموح لك فى الحركة دى الا بأربع تخصصات فقط
طوارئ وأشعة وتخدير وعناية
هيا الحركة نفسها اسمها تكميلية وده بيفرق عن مصطلح تخصص ملح او غير ملح
بمعنى ان الحركة دى اللى قضى سنة فأكثر فى التكليف من حقه يقدم فى كل التخصصات اللى نازلة فيها
اما اللى مكملش سنة وبحد أدنى 6 شهور من حقه يقدم فى التخصصات الملحة فقط اللى بيختلفوا من حركة للتانية وللأسف فى الحركة دى نزلوا اربعة ملحة فقط
...
لو انتى مش عايزة تأخدى أى حاجة غير الأطفال قدامك الحلول دى :
1 - تنزلى تكملى تكليفك بحيث تبقى قضيتى سنة وبكدة كم حقك تقدمى فى الأطفال بعد أول حركة من انتهاء السنة العمل الفعلى
2- تنتظرى نيابات نوفمبر 2011 يمكن ينزلوا فيها مبتسرين كتخصص ملح وبكدة يبقى من حقك تقدمى .. طبعا ده مش مضمون
3_ لو كنتى فى السعودية ممكن تاخدى البورد السعودى أو الزمالة البريطانية فى الأطفال ودول معترف بيهم فى مصر
4 _ تستنى لما ظروفك تسمح انك تنزلى وترجعى تكليفك وبعدها تقدرى تقدمى فى حركة النيابات وخلال الفترة دى تشتغلى ممارس عندك لحد ماترجعى بالسلامة
5 _ تستقيلى خالص وتسجلى ماستر فى أى جامعة لما يفتحوا باب التسجيل وتبقى تنزلى على الأمتحانات

ده المتاح قدامك شوفى كدة ايه اللى يناسبك اهم حاجة طول فترة اقامتك برة مصر حاولى تقرأى علشان ماتنسيش طالما انك عايزة تخصص زى الأطفال ولو ان ده لايغنى عن الممارسة لكن أحسن من مفيش
..
بالنسبة لطب الاسرة دلوقتى معدش ينفع تسجلى منها أطفال غير لما تقعدى فى النيابة 5 سنوات وكمان مش نازل فى التخصصات الملحة فى الحركة دى
بالتوفيق ان شاء الله
وترجعى مصر بالسلامة

د.سندريلا
06-25-2011, 10:25 PM
متشكره اوي بجد يادكتوره ترانيم وبجد جزاكي الله خيرا ع ردك ورائيك الي اكيد استفدت منه جداااااااااااااااااااااااا انا بحاول اقرا ع اد مااقدر بس المشكله في الوقت ؟؟؟؟؟؟؟؟؟؟؟مره تانيه بجد مش عارفه اقولك ايه جزاكي الله الف خير وربنا يديك الي في بالك يارب ..................معلشي يعني كده انا مااقدمشي في اي حاجه لما الرغبات تنزل خلاص كده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟وجزاكي الله خيرا يادكتوره ترانيم علي اهتمامك

pure spirit
06-26-2011, 12:08 AM
بالتوفيق يادكتورة سندريلا وربنا يعينك
لو غيرتى رأيك وقررتى تاخدى حاجة من التخصصات الملحة اكتبي رغباتك عادى جدا
عايزة تمشى قانونى ومش عايزة غير أطفال لما الموقع بفتح لكتابة الرغبات ابقى ادخلى واختارى لاأرغب فى النيابة وبكدة من حقك تقدمى فى كل الحركات الجاية على حسب قضيتى قد ايه تكليف
حاولى مابين وقت والتانى تبقى تتابعى معانا هنا علشان كل يوم فيه قرارات جديدة بتطلع تخصنا خسارة تفوتك
بالتوفيق ان شاء الله

frasha alhya
06-26-2011, 09:54 PM
انا عاوزه اعرف هو اللي ياخد نيابه في الامانه الطبيه المتخصصه ممكن بعد كده ينقل منها لمستشفي تانيه تعليمي او تأمين صحي او عام؟؟؟؟ ولا لازم مستشفي زيها من نفس النوع؟؟؟
والعكس هل لودخلت التعليمي بتتنقل مابين المستشفيات التعليميه؟؟؟؟ وكذلك التأمين؟؟؟ والعام؟؟؟؟؟؟؟

pure spirit
06-26-2011, 10:07 PM
انا عاوزه اعرف هو اللي ياخد نيابه في الامانه الطبيه المتخصصه ممكن بعد كده ينقل منها لمستشفي تانيه تعليمي او تأمين صحي او عام؟؟؟؟ ولا لازم مستشفي زيها من نفس النوع؟؟؟
والعكس هل لودخلت التعليمي بتتنقل مابين المستشفيات التعليميه؟؟؟؟ وكذلك التأمين؟؟؟ والعام؟؟؟؟؟؟؟
الأماكن دى كلها ومعاهم التأمين كمان _لحد دلوقتى _ بتروحيها انتداب من الصحة ولما بتخلصى نيابتك بترجعى الصحة تانى على جهة تكليفك الا اذا نزلت لك درجة مالية فبتتثبتى وتكملى هناك لحد مابتاخدى الدكتوراة كمان

د/ أحـمـد سـليمان
06-26-2011, 11:46 PM
اللي ياخد نيابه في الامانه الطبيه المتخصصه ممكن بعد كده ينقل منها لمستشفي تانيه تعليمي او تأمين صحي او عام؟؟؟؟ ولا لازم مستشفي زيها من نفس النوع؟؟؟
لازم من نفس النوع

frasha alhya
06-27-2011, 12:02 AM
جزاكم الله خيرا

frasha alhya
06-27-2011, 11:56 PM
انا محتاره اووووووي اكتب ايه الاول مابين الباطنه العامه .ولافرع منها زي الحميات ولا الصدر ولاالكلي
ممكن حد يساعدني في التفكير ايه الاحسن؟

s&a
06-28-2011, 11:56 AM
جلسة نيابات جامعة الزقازيق كانت امبارح والحمدلله انا جالى تخدير بس انا مش بحب التخدير خالص وبفكر مااستلمش النيابة وفى نفس الوقت هى نيابة جامعة يعنى احسن من الصحة الحقيقة انا محتارة جدا لانى مش متعودة انى اخد حاجة مش بحبها بل كمان ده تخصص انا اساسا بكرهه بس ما كانش قدامى الا هو والجراحة العامة ياريت حد يكون عارف مميزات وعيوب القسم ده فى الجامعة ويفيدنى ويساعدنى فى الختيار الصعب ده لان ده مستقبل ومصير جزاكم الله كل خير

pure spirit
06-28-2011, 06:18 PM
جلسة نيابات جامعة الزقازيق كانت امبارح والحمدلله انا جالى تخدير بس انا مش بحب التخدير خالص وبفكر مااستلمش النيابة وفى نفس الوقت هى نيابة جامعة يعنى احسن من الصحة الحقيقة انا محتارة جدا لانى مش متعودة انى اخد حاجة مش بحبها بل كمان ده تخصص انا اساسا بكرهه بس ما كانش قدامى الا هو والجراحة العامة ياريت حد يكون عارف مميزات وعيوب القسم ده فى الجامعة ويفيدنى ويساعدنى فى الختيار الصعب ده لان ده مستقبل ومصير جزاكم الله كل خير
ياااااه يادكتورة التوقيت ده السنة اللى فاتت كانت عندى نفس الظروف دى وكمان كان نفس التخصص سبحان الله وكنت بردو طلبت راى زملاءنا هنا على المنتدى
عليكى بالاستخارة أول حاجة
ثانيا ظروفك الاجتماعية
روحى شوفى القسم نظامه ايه لو الجامعة قريبة منك وهل هيناسبك ولا لأ
بعد كدة هفتحلك شوية نقط تخص التخدير يمكن تساعدك فى القرار:
-تخصص التخدير فى الجامعة غير الصحة المجال فى الجامعة اوسع شوية لأن فى الجامعة بتبقى طبيب مقيم تخدير وعناية مركزة وعلاج الالم وده هيودينا لنقطة تانية انه ممكن تكملى فى سكة العناية وتسيبك من التخدير خالص
-تخدير فى الجامعة يعنى أول سنة ال stress فوق ماتتصورى _طبعا كل جامعة ليها ظروفها _ بس معروف ان الجينيور بيبقى مضغوط فى مراحل النيابة الأولى فما بالك بجينيور التخدير بعد السنة الأولى ال stress بيبقى موجود بردو طبعا بس مش زى اول سنة
-لازم تكون عندك حاجتين السرعة والدقة لأننا بنتكلم فى دقايق وربما ثوانى على حسب حالة العيان وخاصة لو حادثة جايالك فى نص الليل مثلا أو حالة F.destress
-من وجهة نظرى وأظن كتير يوافقنى عليها التخدير احسن للبنت كتير من الجراحة لأنك فى خلال 6 شهور بتبقى dependable عكس الجراحة اللى ممكن تقضى فترة نيابتك وكبيرك تعملى زايدة ويمكن مش لواحدك بحكم انك بنت الا اذا كنتى حابة المجال أومستموته بمعنى أصح
دى بعض النقط فكرى فيها كويس ولو عايزة تسألى عن حاجة معينة اتفضلى لأنى قضيت فترة نيابة جامعة تخدير ثم استقلت
حاجة أخيرة احب ألفت نظرك ليها
نيابتك فى الجامعة محسوبة من مدة عملك الفعلى فى التكليف لذلك لو خدتى النيابة حبيتى ترجعى او تستقيلى الفترة اللى قضيتيها محسوبة لك
بالتوفيق ان شاء الله

s&a
06-29-2011, 12:17 PM
متشكرة قوى يا دكتورة ترانيم على المعلومات المفيدة والحقيقة انا صليت استخارة وربنا يقدم اللى فيه الخير ومعلومة الاستقالة من الجامعة والرجوع للصحة نقطة كانت غايبة عنى متشكرة قوى واكيد رايك ده هيساعدنى كتير بس عندى سؤال هو لو انا عايزة امشى فى سكة العناية المركزة ده بيكون من الاول ولا لازم اقعد سنة فى التخدير فى الاول وبجد انا متشكرة قوى قوى يادكتورة وجزاك الله كل خير

pure spirit
06-29-2011, 02:17 PM
متشكرة قوى يا دكتورة ترانيم على المعلومات المفيدة والحقيقة انا صليت استخارة وربنا يقدم اللى فيه الخير ومعلومة الاستقالة من الجامعة والرجوع للصحة نقطة كانت غايبة عنى متشكرة قوى واكيد رايك ده هيساعدنى كتير بس عندى سؤال هو لو انا عايزة امشى فى سكة العناية المركزة ده بيكون من الاول ولا لازم اقعد سنة فى التخدير فى الاول وبجد انا متشكرة قوى قوى يادكتورة وجزاك الله كل خير
ربنا يوفقك وييسرلك الخير
لأ فترة النيابة هتشتغلى كل حاجة أنا أقصد بعد ماتخلصى نيابتك خالص وترجعى الصحة طبعا ده لو نيابتك مش ببوست _تثبيت يعنى _
كدة هيكون معاكى ماستر تخدير وعناية لذلك ممكن تشتغلى عناية بس سواء شفتات فى أماكن خاصة أو تبع الصحة أو تسافرى بماستر العناية ده
أما لو نزلك درجة واتثبتى فى الجامعة دى حاجة تانية هتترقى بقى من طبيب مقيم لمدرس مساعد ثم مدرس وهكذا وهتفضلى فى الجامعة
كل دى حاجات فكرى فيها وشوفى ظروفك مناسبة ولا لأ
بالتوفيق

Dr_kind angel
06-30-2011, 06:39 PM
معلشى يادكتورة ترانيم مش بدخل النت كتير فمعرفتش اشكر حضرتك اناكنت سالت عن نيابة الجامعة لما استقيل منها بتتحسب ولا لا وحضرتك رديتى انهعا بتتحسب بس لازم اتاكد فى الوزارة اتاكد ازاى ؟ لازم اروح القاهرة؟ انابعيدة عن القاهرة وحامل فى الشهور الاولى ومش هقدر اسافر؟ ممكن اسال فى المديرية ؟ او ممكن تليفون اى حد هناك اتصل اسال لان بجد المشوار هيكون صعب جدا؟ وممكن اقدم واستنى لو مجاليش اعمل تظلم والا اية ؟ اسفة انى طولت وجزاكى .الله خيرا

pure spirit
06-30-2011, 08:18 PM
معلشى يادكتورة ترانيم مش بدخل النت كتير فمعرفتش اشكر حضرتك اناكنت سالت عن نيابة الجامعة لما استقيل منها بتتحسب ولا لا وحضرتك رديتى انهعا بتتحسب بس لازم اتاكد فى الوزارة اتاكد ازاى ؟ لازم اروح القاهرة؟ انابعيدة عن القاهرة وحامل فى الشهور الاولى ومش هقدر اسافر؟ ممكن اسال فى المديرية ؟ او ممكن تليفون اى حد هناك اتصل اسال لان بجد المشوار هيكون صعب جدا؟ وممكن اقدم واستنى لو مجاليش اعمل تظلم والا اية ؟ اسفة انى طولت وجزاكى .الله خيرا
لا خالص أنا بس قلت لك كدة لأن المشكلة دى حصلت لى انا شخصيا لما حركة مايو نزلت مالقيتش اسمى فبعثت أكثر من فاكس وبردو الاسم مانزلش
فزميلة فاضلة جزاها الله خيرا راحت سألت قالولها انها لسة على قوة الجامعة فمش هيدرجوا اسمى واضطريت اجيب بيان حالة وظيفية من المديرية انى دلوقتى على قوة الصحة مش الجامعة
لكن طالما اسمك نزل يبقى ان شاء الله مفيش مشاكل وقدمى عادى ولو فيه أى مشكله خدى معاك مايثبت انك رجعتى الصحة وخلاص ومش لازم تروحى بنفسك المهم الورق يوصلهم وخلاص ومدتك اللى قعدتيها فى الجامعة محسوبة ان شاء الله
ويبقى السؤال انتى مين من فريق الزهراء المعتزل ^_*؟؟
بهزر طبعا بالتوفيق ان شاء الله

Dr_kind angel
06-30-2011, 09:41 PM
الف شكر على الرد يادكتورة ترانيم بس اناشفت اسماء ناس موجودة من ال همالسة شغالين فى نيابة الجامعة اصلا واسماؤهم موجودة اشمعنى انتى ال عملو معاكى كدة ؟ الورق يوصلهم ازاى ابعتة بفاكس يعنى ؟ وانهى ورق اصلا بيان الحالة الوظيفية :faces705:والا اية ؟ معلشى انامفهمتش الجزئية دى اوى والف شكر معلشى بتقل عليكى

pure spirit
06-30-2011, 09:50 PM
الف شكر على الرد يادكتورة ترانيم بس اناشفت اسماء ناس موجودة من ال همالسة شغالين فى نيابة الجامعة اصلا واسماؤهم موجودة اشمعنى انتى ال عملو معاكى كدة ؟
والله ماعارفة اشمعنى أنا ؟؟
وده سر جمال وجاذبية وزارتنا المصونة ,, الغموض
الحمد لله على كل حال
الورق يوصلهم ازاى ابعتة بفاكس يعنى ؟ وانهى ورق اصلا بيان الحالة الوظيفية والا اية ؟ معلشى انامفهمتش الجزئية دى اوى والف شكر معلشى بتقل عليكى
لا حد يوديه بدالك عادى بدل مش هتقدرى تروحى علشان ظروفك
لأنهم للاسف مش بيلتفتوا للفاكسات
ايوة بيان الحالة الوظيفية وبتطلع من المديرية
طبعا ده كله لو كان فيه مشكلة فى اسمك زى ماحصل لى غير كدة ماتوديش حاجة

ahmedmed
07-02-2011, 01:32 PM
هو أنا ينفع أبدل مكان نيابتى من مستشفى لمستشفى تحت بند سماح المجموع ؟ ولو ينفع يبقى امتى؟ وايه هى الاوراق المطلوبة أو الاجراءات اللى ممكن اعملها علشان انقل مكان نيابتى؟:gzak:

pure spirit
07-02-2011, 02:37 PM
دى آخر القرارات اللى صدرت بخصوص تعديل النيابة
قرار بخصوص تعديل النيابة (http://www.alltebfamily.com/vb/showthread.php?p=287094)

ahmedmed
07-04-2011, 12:34 PM
جزاكى الله خيرا يادكتورة بس ممكن اعرف ايه هى الخطوات اللى المفروض انى اعملها ؟ والوقت اللى باخده علشان اغير وممكن استلم الجديدة امتى؟:gzak:

ahmedmed
07-04-2011, 12:46 PM
انا كنت مقدم فى حركة نوفمبر اللى فاتت ومقدمتش فى التظلمات فهل ينفع انى اعمل تعديل نيابة على اساس نتيجة حركة التظلمات ولا مينفعش ؟ :gzak:

Dr\White Angel
07-04-2011, 05:34 PM
لا طبعا

التعديل بيبقي علي الحركة الي النيابة فيها

ومش الي بعدها ولا قبلها

أمسك عليك لسانك
07-05-2011, 05:28 PM
الأماكن دى كلها ومعاهم التأمين كمان _لحد دلوقتى _ بتروحيها انتداب من الصحة ولما بتخلصى نيابتك بترجعى الصحة تانى على جهة تكليفك الا اذا نزلت لك درجة مالية فبتتثبتى وتكملى هناك لحد مابتاخدى الدكتوراة كمان



يعنى ايه جهة تكليفى يا دكتورة ترانيم؟؟

قصد حضرتك المديرية بتوزعنى من تانى ع المستشفيات اللى تابعة ليها ولا ايه بالظبط ؟؟

pure spirit
07-05-2011, 09:00 PM
يعنى ايه جهة تكليفى يا دكتورة ترانيم؟؟

قصد حضرتك المديرية بتوزعنى من تانى ع المستشفيات اللى تابعة ليها ولا ايه بالظبط ؟؟

ايوة بالظبط المديرية

أمسك عليك لسانك
07-06-2011, 07:23 PM
طيب ازاى تنزلى درجة مالية هناك؟
يعنى دى حاجة ممكن اسعى ليها ولا دى حاجة ماليش اى يد فيها ؟؟

ولو منزلتش ليا درجة مالية المديرية بتوزعنى ازاى يعنى رغبات منى وكده ولا حسب ايه بالظبط؟

عذرا ارهقتك معى

pure spirit
07-06-2011, 09:06 PM
طيب ازاى تنزلى درجة مالية هناك؟
يعنى دى حاجة ممكن اسعى ليها ولا دى حاجة ماليش اى يد فيها ؟؟

ولو منزلتش ليا درجة مالية المديرية بتوزعنى ازاى يعنى رغبات منى وكده ولا حسب ايه بالظبط؟

عذرا ارهقتك معى

الدرجة المالية دى يعنى التثبيت وبتنزل غالبا فى أول سنوات التكليف يعنى انتى خلاص اتثبتى فى المكان ده
لما بيجيلك بعد كد نيابة فى محافظة تانية او قطاع آخر غير قطاع تكليفك بتروحى النيابة دى انتداب مش نقل لأن درجتك فى مكان تكليفك
بعض الجهات المذكورة بعد قضاء فترة فى النيابة بتثبت الناس فيها علشان مثلا درجات فضيت عندهم
تعملى ايه علشان تنزلك الدرجة دى هناك اما حظك يكون كويس قوى او واسطة جامدة جدا
لو مانزلش ليكى درجة مالية بترجعى تانى للمديرية بتوديكى 6 شهور مناطق نائية (للى كان تكليفهم فى مناطق غير نائية ) وبعدين ببتوزعى على مستشفيات المديرية كمساعد أخصائى تقريبا على حسب الاحتياجات فى المستشفيات دى
لكن كل يوم فيه قرارات جديدة بخصوص الدرجة المالية يعنى سمعنا من فترة ان النيابة هتكون نقل مش انتداب وده معناه ان درجتك هتتنقل معاكى للمحافظة اللى فيها النيابة لكن لسة مفيش قرار

صقر قريش
07-07-2011, 01:18 PM
يا جماعه كنت سمعت انهم لغوا او منعوا التحضير ف النسا والاطفال الكلام دا كان قبل الثورة هل تغير الكلام دا بعد الثورة ولا زى ما هو
ياريت يا جماعه الى عندوا معلومات عن الموضوع يقول لنا
وشكرا

dr_hero85
07-07-2011, 01:37 PM
السلام عليكم ورحمة الله وبركاته ..

القرار اتلغي ... والتسجيل حاليا شغال من دفعة 2007 .. حركة ابريل 2011

أمسك عليك لسانك
07-07-2011, 02:41 PM
جزاكم الله الجنة يا دكتورة ترانيم
انا خلاص كل شوية بتنكد وبتغم
الله المستعان

pure spirit
07-07-2011, 02:51 PM
جزاكم الله الجنة يا دكتورة ترانيم
انا خلاص كل شوية بتنكد وبتغم
الله المستعان

ماحدش بياخد أكتر من نصيبه
سيبيها لله وان شاء الله خير

ahmedmed
07-09-2011, 10:22 PM
معلش يادكاترة بعد اذنكوا انا عاوز اعرف ايه الخطوات بالظبط اللى المفروض انى اعملها علشان اعمل تعديل مكان النيابة سماح مجموع؟ يعنى اروح فين بالظبط وايه الاوراق اللى اجهزها والموضوع ده بياخد قد ايه تقريبا؟

ahmedmed
07-09-2011, 10:24 PM
انا كنت قريت انى ممكن اعدل نيابتى على نتيجة تظلمات ابريل حتى لو مقدمتش فيها لانها حركة تظلمات لمايو ونوفمبر ومش عارف الكلام ده صح ولا لا؟

pure spirit
07-09-2011, 11:25 PM
معلش يادكاترة بعد اذنكوا انا عاوز اعرف ايه الخطوات بالظبط اللى المفروض انى اعملها علشان اعمل تعديل مكان النيابة سماح مجموع؟ يعنى اروح فين بالظبط وايه الاوراق اللى اجهزها والموضوع ده بياخد قد ايه تقريبا؟
حضرتك استلمت بقالك قد ايه ؟؟
لو فى خلال 6 شهور من الاستلام تقدر تعدل التخصص فقط
وبعد سنة تقدر تغير التخصص والمكان بشرط موافقة الجهتين
كل ده بيحصل بطلب يدوى فى الوزراة فى الطب العلاجى

ahmedmed
07-10-2011, 09:46 AM
انا بقالى 3 شهور تقريبا بس هى لازم موافقة الجهتين حتى لو سماح مجموع؟ الطلب ده ممكن ياخد وقت اد ايه؟

د/ أحـمـد سـليمان
07-10-2011, 02:30 PM
انا بقالى 3 شهور تقريبا بس هى لازم موافقة الجهتين حتى لو سماح مجموع؟ الطلب ده ممكن ياخد وقت اد ايه؟
موافقة الجهتين لو المحافظتين غير بعض .. اما لو نفس المحافظة مش هيطلبوها

الطلب بياخد من اسبوعين لشهر

dr_smily
07-10-2011, 06:36 PM
السلام عليكم ورحمة الله وبركاتة
انا كان ليا استفسار بخصوص النيابات القادمة ةبتاع شــهر نوفمبر (للي مستلمين تكليفهم 3 -2011)
فيـــــه كلام علي ان حركة النيابات القادمة دية هتنزل فيها تخصصات من اللي كانت بتنزل في التكميلية
ويشترط فيها اللي هيستلم نيابة ملحة هيستلمها في شهر 12 مش بعدها ب 5 شهور زي ما هو متعارف علية
واللي هتجيلة نيابة من النيابات التكميلية هيستلمها بعد ســـنة ؟؟؟
هل هذا الكلام اشاعات ولا حقيقة ولو حقيقة موجود فين اصل هذا الكلام .....لان الكلام ده كتر جدا اليومن دول ...
ولــــــــــــــــــكم جزيـــــــــــــل الشــــــــــــــــكر

د/ أحـمـد سـليمان
07-10-2011, 06:47 PM
كل الكلام ده كان عبارة عن لقاءات بين مسؤلين من الوزارة ( زي د/ هشام شيحة مدير الطب العلاجي و د/ سيد عبد الحافظ مدير التكليف ) و بين مجموعة من الاطباء ممثلين عن زملائهم في الدفعة .. لكن كل الكلام ده لم يصدر به قرار محدد او بنود تنفذ .. و حتى لما صدر بيه بيان اعلامي كان الكلام مش واضح .. كل اللي اتكتب فيه ان هيسمح بالتقديم بعد مرور 6 شهور تكليف و الاستلام بعد اكتمال سنة .. بس مش موضح هل التقديم على الملحات بس و لا على العادية كمان .. لأن لو الكلام عن الملحات بس .. يبقى مفيش جديد .. لأن التقديم لها كان بيبقى بعد 6 شهور و استلامها بعد اكتمال سنة .. و علشان كده اي كلام يتقال اليومين دول يبقى غير دقيق لأن مفيش تفاصيل عند اي حد .. حتى في اللقاءات بعد كده بين المسؤلين في الوزارة و بين الاطباء .. محدش وضح النقط دي و لا خد منهم اجابة شافية .. بس حتى الآن كل الاحتمالات واردة و بيتهيألي قبل الحركة بفترة كافية هيكون الصورة وضحة و النقط اتحطت على الحروف .. لأن الموضوع يهم دفعة 2008 كمان .. علشان يشوفوا دفعة 2009 هتشترك معاهم في النيابات الاساسية و لا هيكون تقديم 2009 قاصر على الملحات بس .. لأن ده بيفرق في عدد العرض و الطلب و بالتالي بيفرق في التنسيق و الحد الادنى .. بس عموما كل واحد بياخد نصيبه و ربنا يوفق الجميع

dr_smily
07-10-2011, 06:48 PM
كان ليا استفسار ....اللي احنا عارفينة ان لو واحد قدم علي نيابة وسابها بيتحرم من حركتين متتاليتين
في حد كان بيقول انه يتحرم في حالة واحده انه يكون استلم النيابة دية بالفعل ...وانما مجرد ان اسمي اترشح للنيابة وما استلمتهاش
دا يغفيني من اني اتحرم من حركتين متتاليتين ؟؟؟ ايه مدي صحة الكلام ده ؟؟؟؟

dr_smily
07-10-2011, 06:53 PM
سؤال تـــاني يا اخوة الخيــــر ...ربنا يجازيكو عننا خيــر
لو كملت 6 شهور في التكليف ..يبقي ليا الحق طبعا اني اقدم في النيابات الملحة (نيابات نوفمبر ) ان شاء الله
ولكن لو سافرت بعد ما اتميت الست شهور ولمده سنة مثلا ...وقدمت علي النيابات دية عن طريق النت ...هيبقي ساعتها ايه الوضع
والوقت المسموح بية ايه اني اتاخر في استلام النيابة ؟؟؟
وهل حد من حضراتكم شايف حل باني اسافر واستغل السنة دية واعفاء جيشي وابقي اجي استلم نيابتي ولا لازم اضحي بحاجة علي حساب حاجة
ولــــــــــــكم جزيـــــــــــــل الشـــــــــــــــــكر

د/ أحـمـد سـليمان
07-10-2011, 06:55 PM
في حد كان بيقول انه يتحرم في حالة واحده انه يكون استلم النيابة دية بالفعل ...وانما مجرد ان اسمي اترشح للنيابة وما استلمتهاش
دا يغفيني من اني اتحرم من حركتين متتاليتين ؟؟؟ ايه مدي صحة الكلام ده ؟؟؟؟
غير صحيح
الحرمان حركتين ده لأي واحد اترشح لنيابة و بعدين رفضها .. سواء استلمها و بعدين لغاها .. او مستلماش من الاول

و دي الفقرة من دليل النيابات اللي تثبت كده

مادة ( 9 ) : يعود الطبيب المقيم إلي جهة عمله الأصلية إذا رغب في إلغاء النيابة ، أو لم يتسلم العمل في المحافظة التي رشح لها ( خلال ستة أشهر ) ، وفي هذه الحالة يحرم من التقدم للنيابات حركتين متتاليتين

dr_smily
07-10-2011, 06:56 PM
شكرا دكتور احـــمد ....وزارة الصحة فعلا كل يوم بقرارات جديده
واحنا رد فعــل لهذة القرارات ....الواحد محتاج يتعلم اداريات ولوايح وقوانين قبل ما يتعلم طب
ربنا يرحمنا برحمتو وييسر للكل الخير ان شاء الله

dr_smily
07-10-2011, 07:00 PM
بالنسبة لسؤالي الثاني يا دكتور احمد
علشان تبقي عملت معايا الواجب وزيــــاده
ربنا يجازيك عننا كل خير

د/ أحـمـد سـليمان
07-10-2011, 07:08 PM
ولكن لو سافرت بعد ما اتميت الست شهور ولمده سنة مثلا ...وقدمت علي النيابات دية عن طريق النت ...هيبقي ساعتها ايه الوضع
من حقك تقدم على النت حتى لو انت في اجازة او مسافر
و هتظهر النتيجة و تترشح للنيابة عادي
لكن لازم تستلمها خلال 6 شهور من ظهور النتيجة
و طبعا لازم تكون قطعت الاجازة علشان تسلمها

انت ظبط ضروفك على القواعد دي
و عموما السفر ملحوق عليه .. خصوصا ان سفر الجي بي مش مربح اوي و كمان تعطيل الوقت بيخليك تكسل و تتعطل اكتر

dr_smily
07-10-2011, 07:17 PM
ازااااي يا دكتور احمد حضرتك شايف اني اظبط ظروفي علي القواعد دية ؟؟؟
مستحيـــــــــــل طبعا
انا لو سافرت في 10 مثلا ....واقل حاجة قعدتها سنة ...مش هرجع قبل 10 اللي بعده ؟؟؟
وبصراحة عقد كويس في مكان كويس بمرتب مش بطال وبعيد عن مرمطة المستوصفات ..يعني ما لهاش حل تاني من وجهة نظرك ؟؟
بكلام حضرتك السابق ما اقدمش احسن لاني هتضيع عليا النيابة وهتحرم بردو من حركتين متتاليتن ..
مش عــــــــــارب اعمل ايــــــــــه ...بس انا محتاج السفر ده ولو لسنة ...دبرها من عندك يا رب :)

د/ أحـمـد سـليمان
07-10-2011, 10:33 PM
خلاص محلولة ان شاء الله
لو انت هتقضي 6 شهور في التكليف قبل ما تسافر .. و انت مستقر انك تاخد حاجة من التخصصات الملحة .. يبقى تسافر بالسلامة و متقدمش في نوفمبر .. تقدم في مايو اللي بعده .. على ما تظهر نتيجتها هتكون انت نزلت .. و تستلمها عادي ..

أم سارة
07-11-2011, 12:56 AM
سوال ياجماعة انا كده فى النيابات دى حيكون مضى على تكليفى 10 شهور هل لو قدمت واسمى ما نزلش فى اى نيابات من حقى اقدم فى شهر 11 ان شاء الله

د/رواء احمد
07-11-2011, 04:58 AM
سوال ياجماعة انا كده فى النيابات دى حيكون مضى على تكليفى 10 شهور هل لو قدمت واسمى ما نزلش فى اى نيابات من حقى اقدم فى شهر 11 ان شاء الله

لو قصد حضرتك انك هتمى ال10شهور تكليف ف شهر 11 يبقى كده من حقك انك تقدمى نيابات ملحه

اما لو كان قصدك انك اتميتى ال10 شهور تكلف حاليا وقدمتى ف النيابات الحاليه (اكيد طبعا ملحه فقط ) وبعد ظهور النتيجه جالك استنفاذ رغبات مثلا

فيبقى من حقك تقدمى فى النيابات العاديه ف شهر 11(الملحه وغير الملحه )

يارب اكون فهمت قصدك وافدتك

malk anis
07-13-2011, 11:05 AM
السلام عليكم بالنسبه للدكتور اللي سال عن الحرمان حركتين في رار نازل علس سيت الوزاره بينص ان اللي قدم في حركه نوفمبر 2010
و لم يستلم يقدر يقدم في حركه مايو دون الغاء و دون الحرمان حركتين

dr_smily
07-13-2011, 05:02 PM
ايوا يا فندم ...بس ده مش قاعده ..دية حاجة استثنائية لنيابات نوفمبر 2010 ...علشان كان عندهم مشاكل واترحموا من تقديم نيابات النســـا والاطفال

الجنة غايتى
07-13-2011, 11:45 PM
لو سمحتو ياجماعة
حد يعرف اى معلومات عن نيابة تنظيم الاسرة
بشتغل فين والتحضير ممكن احضر منها نسا ولا لأ
لانها نازلة بالمحافظة مفيش مستشفيات فازاى هيكون التوزيع
وجزاكم الله خيرا

أمسك عليك لسانك
07-14-2011, 07:47 PM
السلام عليكم
لو سمحتم هو اللى يجيله استنفاذ رغبات ينفع يقدم سماح مجموع ؟؟؟
وهل يتحرم حركتين متتاليتين ؟؟

pure spirit
07-15-2011, 12:55 AM
السلام عليكم
لو سمحتم هو اللى يجيله استنفاذ رغبات ينفع يقدم سماح مجموع ؟؟؟
وهل يتحرم حركتين متتاليتين ؟؟

ينفع يقدم سماح مجموع ولا لأ مش عارفة
لكنه لايحرم حركتين ويقدر يقدم فى أول حركة مباشرة

pure spirit
07-15-2011, 01:00 AM
لو سمحتو ياجماعة
حد يعرف اى معلومات عن نيابة تنظيم الاسرة
بشتغل فين والتحضير ممكن احضر منها نسا ولا لأ
لانها نازلة بالمحافظة مفيش مستشفيات فازاى هيكون التوزيع
وجزاكم الله خيرا

بتشتغلى فى تنظيم الاسرة فى مستشفى عام وممكن يبعتوكى انتداب من خلال المستشفى لأى وحدات مافيهاش طبيبة تنظيم أسرة او تطلعى العيادات المتنقلة اللى دلوقتى بقت فقط لشغل تنظيم الاسرة
قالوا السنة اللى فاتت انه مش هيتحضر منها نسا على اساس ان النسا كان اتمنع فيها التسجيل مش عارفين السنة دى هيعملوا ايه
هنعرف بعد ظهور نتيجة الترشيحات الوزارية ان شاء الله
واللى بيحصل ان المديرية هيا اللى بتوزعك وغالبا بتوديكى نفس جهة تكليفك (ادارتك يعنى ) طبعا مش شرط

البلسم
07-20-2011, 02:00 AM
سؤال مهم جدا::اجازة رعاية الطفل تلغى النيابة لو عدت سنتين ؟ضرورى تردوا على لو حد عندة معلومات اكيدة او لو حد تكرم وعرف يسالى

pure spirit
07-21-2011, 12:40 AM
سؤال مهم جدا::اجازة رعاية الطفل تلغى النيابة لو عدت سنتين ؟ضرورى تردوا على لو حد عندة معلومات اكيدة او لو حد تكرم وعرف يسالى
أيوة يادكتورة لو أكثر من سنتين بتتلغى نيابتك وبيصدر قرار بالغاء النيابة
وبترجعى تكليفك وبتتحرمى حركتين من تاريخ صدور قرارا الالغاء

البلسم
07-21-2011, 12:45 PM
أيوة يادكتورة لو أكثر من سنتين بتتلغى نيابتك وبيصدر قرار بالغاء النيابة
وبترجعى تكليفك وبتتحرمى حركتين من تاريخ صدور قرارا الالغاء

ايوة د ترانيم.بس انا استلمت النيابة فعلا وبعديت تقدمت باجازة رعاية طفل.هو حضرتك من القاهرة ولا المنصورة؟لانى سالت فىالوزارة والولى الكلام دة غلط .يا ترى حضرتك تعرفى نوع الاجازة اللى تلغى النيابة ولا هى اى اجازة وخلاص

البلسم
07-21-2011, 02:36 PM
أيوة يادكتورة لو أكثر من سنتين بتتلغى نيابتك وبيصدر قرار بالغاء النيابة
وبترجعى تكليفك وبتتحرمى حركتين من تاريخ صدور قرارا الالغاء

موظف النيابات فى الوزارة ال ان اجازة رعاية الطفل لا تلغى النيابة حتى لو اكتر من سنتين.دة كلام الوزارة.حضرتك تعرفى الكلام دة وهل نوع الاجازة بيفرق؟انا بعتلك رسالة فى رسائل الزوار

a7madd
07-25-2011, 02:47 PM
لو سمحتم انا مجند حاليا وجاتلي نيابه ف تظلمات ابريل_هل استني اما اخلص جيش عادى ولا ف اجراء اعمله_علما بأن النتيجه ظهرت ف 1 يونيو وانا حخلص ف 1 مارس يعنى فرق 9 شهور _ارجو الرد:wfk:

د/ أحـمـد سـليمان
07-25-2011, 06:26 PM
تعمل حفظ نيابة لغاية ما تخلص جيش
بيتعمل في المديرية بس مش عارف الاجراءات

om ahmed
07-27-2011, 04:21 PM
السلام عليكم
ممكن لو سمحتم حد يكلمني عن تخصص الحميات والحجر الصحي ده نظامه ايه وكل حاجه عنه
واذا سجلت في نيابات مايو 2011 اللي نزلت وجاتلي استنفذت رغباتك اسجل عادي ان شاء الله في الحركه الجايه ولا لأ
وجزاكم الله خيرا

د/ أحـمـد سـليمان
07-27-2011, 04:48 PM
واذا سجلت في نيابات مايو 2011 اللي نزلت وجاتلي استنفذت رغباتك اسجل عادي ان شاء الله في الحركه الجايه ولا لأ اه تسجلي عادي إن شاء الله في الحركة اللي بعدها
اما تخصص الحميات و الحجر الصحي معنديش فكرة كافية عنه
ممكن تسألي هنا
♥♥ رابـطـة أطباء البــاطنــة ♥♥ (http://www.alltebfamily.com/vb/showthread.php?t=26027) ‏

البلسم
08-07-2011, 01:23 AM
غير صحيح
الحرمان حركتين ده لأي واحد اترشح لنيابة و بعدين رفضها .. سواء استلمها و بعدين لغاها .. او مستلماش من الاول

و دي الفقرة من دليل النيابات اللي تثبت كده

مادة ( 9 ) : يعود الطبيب المقيم إلي جهة عمله الأصلية إذا رغب في إلغاء النيابة ، أو لم يتسلم العمل في المحافظة التي رشح لها ( خلال ستة أشهر ) ، وفي هذه الحالة يحرم من التقدم للنيابات حركتين متتاليتين
طيب يا د احمد انا استلمت النيابة وبعدين تقدمت باجازة رعاية طفل لمدة سنتين ثم جددتها لسنة مرافقة زوج الولى فى المديرية كدة نيابتك اتلغت تلقائيا علشان اخدتى اجازة اكتر من سنتين.الكلام دة بيطبق فعلا يا د احمد وبردة يطبق على الحرمان حركتين طب انا ملغتهاش ومطلبتش منهم الغيها هما اللى بيقولوا انها اتلغت تلقائيا اتحرم بردة حركتين ارجوك د احمد ترد على انا خارج البلاد حاليا وعايزة اعرف موقفى اية بالظبط انا سالت كتير وتعبت من كتر الاسئلة وكل موظف بكلمة وبقانون ارجووووووووووووووووو الرد

د/أماني
08-07-2011, 01:48 AM
لو سمحتوا يادكاترة انا ليا استفسار

لو حد جاتله نيابة في محافظة بعيد واستلمها..ماهي الطرق لنقله لمحافظة قريبة؟؟
ولو تم سنة فعلا بيكون النقل سهل؟؟
ولو اخدت السنة دي رعاية طفل بتحسب ام لا؟؟

مع خالص شكري

د/ أحـمـد سـليمان
08-07-2011, 02:40 PM
اجازة رعاية طفل لمدة سنتين ثم جددتها لسنة مرافقة زوج الولى فى المديرية كدة نيابتك اتلغت تلقائيا علشان اخدتى اجازة اكتر من سنتين
المفروض ان الحد الاقصى للاجازة خلال النيابة هو سنتنين .. لكن معنديش فكرة هل بينطبق عليها الحرمان حركتين و لا لأ

لو حد جاتله نيابة في محافظة بعيد واستلمها..ماهي الطرق لنقله لمحافظة قريبة؟؟
ولو تم سنة فعلا بيكون النقل سهل؟؟
ولو اخدت السنة دي رعاية طفل بتحسب ام لا؟؟

مينفعش تاخدي السنة رعاية طفل .. لأنها كده مش هتبقى عمل فعلي .. و بالتالي مش محسوبة .. اما النقل بعد سنة عموما فهو سهل إن شاء الله ( شرط موافقة المحافظتين ) و ده متاح في معظم المحافظات لكن صعب شوية في المحافظات الحدودية زي سيناء و مطروح.

في طريقة تانية بس هتبقى انتداب مش نقل .. انك لو سجلتي ماجستير في جامعة قريبة من حقك تطلبي الانتداب للمحافظة دي علشان الدراسة

د/أماني
08-08-2011, 12:48 AM
شكرا جزيلا دكتور احمد

البلسم
08-08-2011, 05:10 AM
شكرا دكتور احمد على الرد بس ياريت لو تقدر تعرفلى انا بتحرم حركتين ولا لا لانى خارج البلاد حاليا ويبا كتر خيرك واللة

البلسم
08-08-2011, 09:29 PM
أيوة يادكتورة لو أكثر من سنتين بتتلغى نيابتك وبيصدر قرار بالغاء النيابة
وبترجعى تكليفك وبتتحرمى حركتين من تاريخ صدور قرارا الالغاء
معليش د ترانيم .انا عايزة اعرف امتى بيصدر قرار الالغاء دة؟وانا بعرف ازاى او مين بيعرفنى علشان احسب الحرمان من امتى ؟بس خلى بالك مش انا اللى لغيت النيابة بارادتى دة هى اللى اتلغت تلقائيا اكيد فى فرق.يعنى انا حتحرم بردة حركتين .ارجوكى تتاكديلى من النقطة دى لوسمحت من المديرية

pure spirit
08-08-2011, 10:57 PM
معليش د ترانيم .انا عايزة اعرف امتى بيصدر قرار الالغاء دة؟وانا بعرف ازاى او مين بيعرفنى علشان احسب الحرمان من امتى ؟بس خلى بالك مش انا اللى لغيت النيابة بارادتى دة هى اللى اتلغت تلقائيا اكيد فى فرق.يعنى انا حتحرم بردة حركتين .ارجوكى تتاكديلى من النقطة دى لوسمحت من المديرية
ان شاء الله هتكون أول استفساراتى لو رحت المديرية باذن الله قريبا
الهدف هنا مش انك تروحى تلغيها بنفسك لانه زيك زى اللى جاتله نيابة وماستلمهاش بالظبط بتتلغى نيابته تلقائيا
فلو فرضا لما ترجعى لو مارضيوش يسلموكى بحجة انك أخدتى أجازة اكثر من سنتين على طول تروحى تلغيها علشان قرار الالغاء مايخدش وقت على مايطلع وبالتالى يزود عليكى المدة اللى مش هتقدرى تقدمى على نيابات فيها
بالتوفيق ان شاء الله يادكتورة

البلسم
08-12-2011, 01:27 AM
[quote=د/ أحـمـد سـليمان;283841]مينفعش تقدمي في نيابة و انتي شغالة في نيابة
لازم تلغي الاول .. و ده كان له شرط جزائي حرمان حركتين من التقديم

بس مش عارفين الشرط هيتلغي و لا سؤال يا ترى شرط الحرمان حركتين دة لسة موجود ولا اتلغى؟واللى استلمها واخد اجازة اكتر من سنتين بيلغيها ازاى يا د احمد؟علشان يعرف يادم تانى

د ايمان درويش
08-18-2011, 03:37 PM
:5831.imgcache:null

السلام عليكم ورحمة الله وبركاته
هذه اول مشاركة لى بالمنتدى وعندى سؤال مهم
انا حاليا طبيب مقيم نسا وتسلمت النيابة فى يناير 2010 ثم اخذت اجازة رعاية طفل فى مايو2010 لمدة عامين وحاليا مع زوجى بالسعودية وقد حصلت على الماستر بشهادة طبيب حر قبل ان استلم النيابة
فهل من حقى اخذ اجازة مرة اخرى ام ستلغى النيابة وهل من الممكن تسوية الماستر اثناء النيابة ام لابد من قضاء ال4 سنوات نيابة اولا :gzak:

pure spirit
08-18-2011, 11:30 PM
فهل من حقى اخذ اجازة مرة اخرى ام ستلغى النيابة
القانون لحد دلوقتى بيقول انها بتتلغى تلقائيا لو الأجازة زادت على سنتنين
لكن هتعتمد على موظفين مديريتك لأن مش كل المديريات بتنفذ الكلام ده
ممكن قبل السنتين تنزلى تستلمى شهر وبعدين تجدديها
وهل من الممكن تسوية الماستر اثناء النيابة ام لابد من قضاء ال4 سنوات نيابة اولا
بتقدمى طلب فى الطب العلاجى وبتدخلى حركة الترقيات عادى (يعنى تبقى طبيب مقيم مؤهل ثم مساعد اخصائى ... الخ ) لكن توقعى بعض الصعوبات لأنك واخدة الماستر مش عن طريق الترشيح الوزراى
وبخصوص قضاء سنوات النيابة سمعنا مؤخرا انك لازم تكملى الأربع سنين نيابة حتى لو معاكى الماستر (كلامى ده مش موثق يعنى مش معايا صورة قرار منه مجرد انى سمعته من الزملاء)

د ايمان درويش
08-20-2011, 12:27 PM
طب لو قطعت الاجازة واستلمت شهر من حقى اخذ اجازة تانى للعمل او لمرافقة الزوج مع الاحتفاظ بالنيابة وايهما افضل واسهل فى الاجراءات اجازة العمل ام مرافقة الزوج:barak:

د ايمان درويش
08-20-2011, 12:30 PM
انا اسفه يا د ترانيم كتبتك د ريحانة بس عذرا لانى اول مرة اشترك فى منتدى ولسه مش متمكنه اوى

pure spirit
08-20-2011, 01:29 PM
طب لو قطعت الاجازة واستلمت شهر من حقى اخذ اجازة تانى للعمل او لمرافقة الزوج مع الاحتفاظ بالنيابة وايهما افضل واسهل فى الاجراءات اجازة العمل ام مرافقة الزوج:barak:
أغلب المسافرين بيعملوا كدة تقريبا والموضوع ماشى وبردو يفضل تسألى فى مديريتك قبل ما تعملى الاجازة مرة تانية
وأظن الاجراءات واحدة فى الأجازتين بس خليها مرافقة زوج أحسن علشان تبقى وجوبية ومفيش أى مجال للرفض
بالتوفيق
انا اسفه يا د ترانيم كتبتك د ريحانة بس عذرا لانى اول مرة اشترك فى منتدى ولسه مش متمكنه اوى
ولا يهمك يادكتورة ايمان
تحت أمرك وأهلا بيكى معانا فى المنتدى

د ايمان درويش
08-22-2011, 02:32 PM
طب فرضا مانزلتش اكمل النيابة واتلغت هل من حقى اقدم تانى ؟ ولو اتلغت هل من حقى ارجع التكليف تانى واقدم من الريف بالماستر واكون طبيب مقيم مؤهل وبعد كده اخصائى ولا هفضل تكليف وبس؟
اصل بصراحه فى فرص شغل كويسه هنا ونفسى استغلها وانا مع زوجى وتبقى قعدة بقعدة بس بمقابل
معلش انا محتاره قوى وما صدقت الاقى حد يرد على,,,, وربنا يجعله فى ميزان حسناتك:gzak::faces222:

pure spirit
08-22-2011, 02:44 PM
طب فرضا مانزلتش اكمل النيابة واتلغت هل من حقى اقدم تانى ؟ ولو اتلغت هل من حقى ارجع التكليف تانى واقدم من الريف بالماستر واكون طبيب مقيم مؤهل وبعد كده اخصائى ولا هفضل تكليف وبس؟
اصل بصراحه فى فرص شغل كويسه هنا ونفسى استغلها وانا مع زوجى وتبقى قعدة بقعدة بس بمقابل
معلش انا محتاره قوى وما صدقت الاقى حد يرد على,,,, وربنا يجعله فى ميزان حسناتك:gzak::faces222:
لما نيابتك بتتلغى بترجعى الريف (القطاع الوقائى ) وطالما معاكى ماجيستير بتبقى أخصائى فى مراكز طب الاسرة اللى كان اسمها مستشفيات التكامل قبل كدة
وبتكملى هناك بقى كاخصائى مش نايب وبتدرجى بردو فى الترقيات عادى
لكن عموما فيه كلام عن انه مش مسموح للنايب بأكثر من سنتين أجازة بدون مرتب
لذلك اتأكدى من نقطة تجديد الأجازة الأول من المديرية بتاعتك

mohammed halafawy
09-08-2011, 02:01 PM
:patch_rir:استفسار بعد اذنكم هو معني اني طبيب مقيم اني افعد في المستشفي 24 ساعة

dr_hero85
09-08-2011, 02:19 PM
الطبيب المقيم ..

يعني طبيب نائب في تخصص معين في المستشفى ..

مع مجموعة الاطباء في القسم مسئولين عن العيادة والقسم والاستقبال للتخصص ده ..

بنقسم الشغل على كل النواب .. كل نائب بيكون موجود في العيادة والقسم والاستقبال ..

كل نائب بيشيل يوم او يومين نوباتجية 24 ساعة او 12 ساعة على حسب تقسيم الشغل ..
ويوم او يومين عيادة ..

يعني الشغل بيكون 3 او 4 ايام على حسب المستشفى ..

وغالبا بيكون فيه يوم او 2 او 3 راحة على حسب تقسيم الشغل

drbasim2010z
09-18-2011, 10:35 PM
انا حاليا امتياز طب اسكندريه وان شاء الله لي نيابه جامعه في الاواخر يعني جراحه عامه او تخدير ولو حظي كويس يمكن عنايه مركزه عايز اعرف ايه اخبار التعليم في الجراحه العامه عموما في الجامعه او معهد البحوث ولو حبيت اخد وزاره صحه قلب واوعيه ممكن اخدها فين وبرده هل مستشفي حميات اسكندريه فيها تعليم ولا ايه وشكرا

mhassan
09-18-2011, 11:16 PM
انا حاليا امتياز طب اسكندريه وان شاء الله لي نيابه جامعه في الاواخر يعني جراحه عامه او تخدير ولو حظي كويس يمكن عنايه مركزه عايز اعرف ايه اخبار التعليم في الجراحه العامه عموما في الجامعه او معهد البحوث ولو حبيت اخد وزاره صحه قلب واوعيه ممكن اخدها فين وبرده هل مستشفي حميات اسكندريه فيها تعليم ولا ايه وشكر


أنا بانصحك ان لو مالكش تثبيت تاخد تخدير لانك هاتتعلم فيه كل حاجة فى فترة نيابتك وتاخد ماسترك وباسبورك وعلى أحسن مكان بأحسن فلوس

لكن الجراحة العامة هايبقى ليك حد معين مش هاتعديه لو مالكش تثبيت ومش هاتفرق كتير عن بتاع الصحة غير انك اخدت ماستر قبله

أما بالنسبة للاسئلة التانية فماعرفهاش لأنى مش من اسكندرية بس مبسوط ان حد جايله نيابة جامعة وبيدور على حاجة يكون حاببها حتى لو صحة-الدنيا لسة بخير:faces222:

pure spirit
09-19-2011, 02:33 PM
انا حاليا امتياز طب اسكندريه وان شاء الله لي نيابه جامعه في الاواخر يعني جراحه عامه او تخدير ولو حظي كويس يمكن عنايه مركزه
هيا جامعة اسكندرية فاصلة العناية عن التخدير ؟؟

drbasim2010z
09-19-2011, 03:02 PM
عندنا في تخدير وعنايه مركزه جراحيه كتخصص وبرده فيه عنايه مركزه كتخصص منفصل انا المهم اعرف بالنسبه ليا انا مجموعي 85 % وعايز اتخصص قلب واوعيه دمويه فهل في مكان كويس في مستشفيات اسكندريه اتعلم في التخصص دا ولا اخد نيابه الجامعه وخلاص

pure spirit
09-20-2011, 12:51 AM
عندنا في تخدير وعنايه مركزه جراحيه كتخصص وبرده فيه عنايه مركزه كتخصص منفصل انا المهم اعرف بالنسبه ليا انا مجموعي 85 % وعايز اتخصص قلب واوعيه دمويه فهل في مكان كويس في مستشفيات اسكندريه اتعلم في التخصص دا ولا اخد نيابه الجامعه وخلاص
ان شاء الله زملائنا اطباء الاسكندرية يفيدوا حضرتك
وياريت تتواصل معاهم هنا

• دليلك لـ مستشفيات محافظة الإسكندرية • (http://www.alltebfamily.com/vb/showthread.php?t=40594)


بالتوفيق

zola
10-01-2011, 08:09 PM
لو سمحم يا جماعه
هو ينفع اكون من الشرقيه واقدم نيابه فى القاهره او فى اى مستشفى تعليمى فى القاهره
وشكرا

د/ أحـمـد سـليمان
10-01-2011, 10:28 PM
آه ممكن عادي

sara nasr
10-01-2011, 11:50 PM
ممكن اعرف لو جاتلى نيابة و انا متعاقدة لمدة عام ممكن اعمل ايه؟
هل ممكن ااجل استلام النيابة من غير ما اعتذر عنها؟

د/ أحـمـد سـليمان
10-02-2011, 03:29 PM
ممكن اعرف لو جاتلى نيابة و انا متعاقدة لمدة عام ممكن اعمل ايه؟
هل ممكن ااجل استلام النيابة من غير ما اعتذر عنها؟
من حقك تستلمي خلال 6 شهور من تاريخ ظهور النتيجة .. بعد المدة دي بتعتبر النيابة ملغية كأنك إعتذرت عنها

zola
10-02-2011, 08:34 PM
آه ممكن عادي
ربنا يجزيك خير
وشكرا

sara nasr
10-03-2011, 02:52 AM
:barak:
شكرا على الرد

drpegasus
10-04-2011, 12:16 AM
انا ليا سؤال لاطباء معهد ناصر
انا ان شاء الله ناوي جراحه مخ و اعصاب و بسال هل النيابه في المعهد بالواسطه او التكليف
و الشغل في المعهد هاخد راحتي فيه اقصد شغل الجراحات ....
و هل في ديرتي ورك

د/ أحـمـد سـليمان
10-04-2011, 01:52 PM
هل النيابه في المعهد بالواسطه او التكليف
مفيش تكليف في معهد ناصر
في نيابات .. و دي بتنزل عادي من ضمن الرغبات و كل واحد بيقدم و حسب مجموعك ممكن تجيلك .. بس طبعا بتاخد مجموع عالي بالنسبة لباقي المستشفيات .. أنا بتكلم دلوقتي عن الطريق الطبيعي اللي ممكن أي واحد يعمله
و الشغل في المعهد هاخد راحتي فيه اقصد شغل الجراحات .... و هل في ديرتي ورك
معنديش فكرة عن الشغل جوه المعهد
بس مفيش مكان مفيهوش ديرتي
بس ديرتي عن ديرتي يفرق

drpegasus
10-04-2011, 09:37 PM
مفيش تكليف في معهد ناصر
في نيابات .. و دي بتنزل عادي من ضمن الرغبات و كل واحد بيقدم و حسب مجموعك ممكن تجيلك .. بس طبعا بتاخد مجموع عالي بالنسبة لباقي المستشفيات .. أنا بتكلم دلوقتي عن الطريق الطبيعي اللي ممكن أي واحد يعمله

معنديش فكرة عن الشغل جوه المعهد
بس مفيش مكان مفيهوش ديرتي
بس ديرتي عن ديرتي يفرق
الف شكر علي رد حضرتك .... بس ازاي مفيهوش تكليف امال الناس اللي شغالين فيه من سنين دول مش تكليف ؟؟؟

د/ أحـمـد سـليمان
10-04-2011, 10:13 PM
بس ازاي مفيهوش تكليف امال الناس اللي شغالين فيه من سنين دول مش تكليف ؟؟؟
معهد ناصر هو معهد تابع لـ { الأمانة العامة للمراكز الطبية المتخصصة } و دي هيئة داخل وزارة الصحة بس مستقلة و لها مستشفيات معروفة بالإسم .. عددها حوالي 15 في مصر كلها .. و أهمها معهد ناصر

مستشفيات وزارة الصحة عموما مفيهاش تكليف دلوقتي .. التكليف كله دلوقتي في الرعاية الأساسية ( الوحدات الصحية و مكاتب الصحة و عيادات الحي و مراكز طب الأسرة ) .. مفيش حد بيتوزع في التكليف على مستشفى

خلي بالك أنا بتكلم على الطريق الطبيعي و مليش دعوة بأي إستثناء أو حاجة مخصوص

معهد ناصر بيبقى فيه نواب ( عن طريق حركة النيابات ) و بيبقى فيه أخصائيين و إستشاريين .. و دول مش شرط يكون طول عمرهم في المعهد .. ممكن يكون قضى نيابته هناك و بعد كده اتثبت ( نزل له درجة مالية هناك ) و ده معرفش بيحصل ازاي بس اللي اعرفه انه نادر و صعب .. و ممكن يكون الاخصائي او الاستشاري ده واحد قضى نيابته في اي مكان تاني و خد ماجستير و اترقى اخصائي او استشاري و بعد كده إتنقل للمعهد او انتدب للعمل فيه

مع العلم إن أصلا معظم مستشفيات { الأمانه }
بتبقى قائمة على التعاقد مع اخصائيين و استشاريين
سواء من الجامعة - من التأمين الصحي - من المستشفيات التانية
و ده اللي بيخلي مستوى الأمانة كويس و خصوصا معهد ناصر

jassmine
10-06-2011, 12:24 AM
بسم الله الرحمن الرحيم
السلام عليكم
هي ايه الخطوات اللي هنعملها بعد ظهور النتيجة ان شاء الله ربنا يدينا العمر ونشوفها
وما هي اقصي مدة للاستلام
ولو حد واخد اجازة بدون مرتب يخلي علي طول من التكليف ولا لازم يستلم الاول ويتوزع علي مركز وبعدين يخلي

jassmine
10-06-2011, 12:35 AM
بسم الله الرحمن الرحيم
السلام عليكم
1-هو ممكن اخد نيابة في تخصص واحضر ماستر في تخصص تاني حتي لو هعمل الماستر كله علي حسابي من غير دعم من الوزارة ؟
2-وهل ممكن احضر ماستر في تخصص وبعدين احضر في تخصص تاني؟
3-هل ينفع لو اخدت نيابة وحضرت ماستر فيها اني استقيل واحضر في تخصص تاني مع نفسي ؟
ياريت حد يرد عليا من غير تريقة مع كل الاحترام وجزاكم الله خيرا

سمر احمد
10-06-2011, 12:59 AM
السلام عليكم انا جديدة هنا و انا فى سنة 6 طب المنصورة وهمتحن بعد شهرين وانا تقديرى دايما جيد فى حدود 71 فى المية
وكان نفسى اشتغل فى الجلدية لكن عرفت للاسف ان النيابات بتبقى على حسب التقدير وهنا الجلدية دايما الحد الادنى مش اقل
من 80 فى المية وانا طبعا مش هلحقها ابدا وسمعت عن نيابات الريف بس مش كل التخصصات مطلوبة كل سنة يعنى السنة الى فاتت
جلدية مكنتش مطلوبة وشوفت الحدودو الدنيا للنيابات الجلدية فى جامعات الصعيد لقيتها مناسبة لمجموعى فانا عايزة اى حل اقدر بيه
اشتغل فى الجلدية حتى لو فى اى مكان ياريت تساعدونى

شهرزاد222
10-06-2011, 07:33 PM
السلام عليكم ورحمة الله وبركاته
أولا أريد أن أعرف نتيجة النيابات التي يتم التقدم لها في 11 تظهر امتى ؟؟؟
سؤالي بخصوص السهر والنبطشيات بالنسبة للباطنة هل فعلا كما سمعت أنها مرة واحدة في الأسبوع وليس بالضرورة تواجد الجميع ؟ يعني ممكن ترك باقي النبطشية لمن معي ؟؟؟
أم أنه التزام زتقيد بالمواعيد وحضور مكثف ؟
يعني هل العمل في المستشفى مختلف عنه في الوحدات الريفية ؟؟
وهل يمكن أخذ أجازة لفترة طويلة ؟؟ أجازة بدون راتب مثلا لو نعرضت لأي ظرف وما هي شروط الأجازة
وباختصار هل عندما أستلم النيابة سيعدوا علي عدد السنين التي قضيتها ويكون مطلوب مني أني أرتقي في عملي وأنتج ؟؟

فبصراحة عندي ظروف ولكن أخشى أن أفوت على نفسي فرصة التقديم

pure spirit
10-06-2011, 10:06 PM
السلام عليكم انا جديدة هنا و انا فى سنة 6 طب المنصورة وهمتحن بعد شهرين وانا تقديرى دايما جيد فى حدود 71 فى المية
وكان نفسى اشتغل فى الجلدية لكن عرفت للاسف ان النيابات بتبقى على حسب التقدير وهنا الجلدية دايما الحد الادنى مش اقل
من 80 فى المية وانا طبعا مش هلحقها ابدا وسمعت عن نيابات الريف بس مش كل التخصصات مطلوبة كل سنة يعنى السنة الى فاتت
جلدية مكنتش مطلوبة وشوفت الحدودو الدنيا للنيابات الجلدية فى جامعات الصعيد لقيتها مناسبة لمجموعى فانا عايزة اى حل اقدر بيه
اشتغل فى الجلدية حتى لو فى اى مكان ياريت تساعدونى

وعليكم السلام ورحمة الله وبركاته
أهلا بيكى يادكتورة ان شاء الله تستمتعى وتستفيدى من أوقاتك هنا فى المنتدى
بصى طالما الرغبة عندك متحددة يعنى مش عاوزة غير جلدية ومش فارق معاكى المكان يبقى خدى كل الخيارات اللى قدامك وماتحصريش نفسك فى اختيار واحد (اللى هو نيابات الريف ) يعنى :
1- قدمى فى نيابات العلاجى عادى جدا واكتبى الاماكن حسب القرب والبعد منك لحد مثلا محافظات معينة تبقى عارفة انك هتقدرى تنفذى وتستلمى نيابتك , الحل ده لو جابلك نيابة فى مكان قريب يبقى تمام
فى مكان بعيد ليها حل (بس طبعا وللاسف محتاج واسطة ) زى انك تعملى انتداب لمكان أقرب منك او انك تعملى انتداب دراسة وده لو سجلتى ماستر أو دبلومة فى جامعة قريبة منك تقدرى تعملى حاجة اسمها انتداب دراسة
لو خلاص مالهاش حل غير انك تستلمى فى المكان البعيد ده ممكن تستحملى اول سنة بس وبعيدن من حقك تنقلى (كان الاول مسموح لك تنقلى بعد سنتين )

2 - لو نزل اعلان نيابات الريف وانتى لسة فى التكليف ( حتى لو كنتى مقدمة على نيابة علاجى ) ونزل فيه جلدية قدمى بردو فيه _ خلى بالك احيانا مش بيبقى مكتوب فى الاعلان ان فيها جلدية لكن لما بتروحى تسألى فى المديرية بتاعتك بتلاقيها نازلة عادى

3_ لو ظروفك المادية كويسة ومستغنية عن مرتب الحكومة استقيلى خالص من التكليف وسجلى ماستر جلدية طبيب حر وخدى سنة نايب زاير فى الجامعة اللى هتسجلى فيها


دى الخيارات المتاحة قدامك وربنا يوفقك
حاولى انتى بس تقرئى جلدية وتركزى فى الامتياز على البرانش ده ( بس ماتهمليش الباقى بردو محدش عارف الظروف )
وبردو استفادى من فترة التكليف بالقراية الكتير فى البرانش ده وممكن تبقى تظبطى اوقاتك بحيث تحضرى ودى فى اى مستشفى

الاهم دلوقتى ركزى فى امتحاناتك وسيبها على الله وعلى فكرة تقدير سنة سادسة ده بيفرق فى المجموع جدا شدى حيلك انتى بس وخلصى واحنا تحت امرك
بالتوفيق

pure spirit
10-06-2011, 10:41 PM
السلام عليكم ورحمة الله وبركاته
أولا أريد أن أعرف نتيجة النيابات التي يتم التقدم لها في 11 تظهر امتى ؟؟؟

على حسب هتنزل امتى
لكن لو مشينا رسمى بتاخد شهر تسجيل بيانات وشهر آخر تسجيل رغبات وبعدها بشهر النتيجة بتطلع
لكن طبعا وزارة الصحة بتاعتنا مش ماشية كدة خالص
بدليل اننا فى شهر 10 دلوقتى ولسة منتظرين نتيجة نيابات مايو
يعنى كل حركة ليها ظروفها
سؤالي بخصوص السهر والنبطشيات بالنسبة للباطنة هل فعلا كما سمعت أنها مرة واحدة في الأسبوع وليس بالضرورة تواجد الجميع ؟ يعني ممكن ترك باقي النبطشية لمن معي ؟؟؟
أم أنه التزام زتقيد بالمواعيد وحضور مكثف ؟
يعني هل العمل في المستشفى مختلف عنه في الوحدات الريفية ؟؟
ده بيختلف من مستشفى للتانية وبيعتمد على حاجات كتير زى عدد النواب , تفهم رؤساء الاقسام وايضا مدير المستشفى , الريت على المستشفى وهكذا
يعنى مالهاش قانون كل مستشفى نوابها بيظبطوا أمورهم مع بعض
وهل يمكن أخذ أجازة لفترة طويلة ؟؟ أجازة بدون راتب مثلا لو نعرضت لأي ظرف وما هي شروط الأجازة

أيوة من حقك تاخدى اجازة بدون مرتب لمدة سنتين لو زادت عن سنتين بتتلغى نيابتك تلقائيا وترجعى الريف
وشروطها على حسب مسمى الأجازة يعنى لو تحسن دخل فى الخارج هيبقى محتاج اوراق معينة من ضمنها عقد عملك
لو الأجازة رعاية اسرة هيبقى مطلوب شهادات صحية بمرض أحد او كلا الوالدين
والبنات ليهم أيضا أجازات مرافقة زوج ورعاية طفل
وباختصار هل عندما أستلم النيابة سيعدوا علي عدد السنين التي قضيتها ويكون مطلوب مني أني أرتقي في عملي وأنتج ؟؟
فبصراحة عندي ظروف ولكن أخشى أن أفوت على نفسي فرصة التقديم

لو اخدتى أجازة بدون مرتب لاتحسب من النيابة
اما لو ماأخدتيش أجازة هتبقى نيابتك 4 سنوات مطلوب منك خلالهم تاخدى درجة علمية (دبلوم او ماستر او زمالة مصرية )
فيه ناس بتقول ولا حد بياخد باله بس احنا بنقول لحضرتك القوانين

pure spirit
10-06-2011, 10:47 PM
بسم الله الرحمن الرحيم
السلام عليكم
هي ايه الخطوات اللي هنعملها بعد ظهور النتيجة ان شاء الله ربنا يدينا العمر ونشوفها
بننتظر وصول الاسماء للمديريات أو احيانا ممكن نروح نجيب الورق من الوزارة وتخلى من التكليف وتستلم النيابة
وما هي اقصي مدة للاستلام

6 شهور بعد ظهور النتيجة
ولو حد واخد اجازة بدون مرتب يخلي علي طول من التكليف ولا لازم يستلم الاول ويتوزع علي مركز وبعدين يخلي

لا لزم تستلم الأول فى التكليف وبعدين تخلى للنيابة
مفيش حاجة اسمها اخلاء وانت على قيد اجازة

ZOIDAK
10-06-2011, 11:37 PM
السلام عليكم يا اصحاب معلهش انا بعيد عن اخبار النيابات انا دفعه 2009 تكليف مارس 2011 هو انا لي نيابات في نوفمبر 2011 ولا ايه

pure spirit
10-06-2011, 11:47 PM
السلام عليكم يا اصحاب معلهش انا بعيد عن اخبار النيابات انا دفعه 2009 تكليف مارس 2011 هو انا لي نيابات في نوفمبر 2011 ولا ايه
لو حضرتك قضيت 6 شهور عمل فعلى من تاريخ استلامك للتكليف حتى تاريخ نزول اعلان الحركة
هيكون مسموح لك تقدم فى التخصصات الملحة ان شاء الله

شهرزاد222
10-07-2011, 01:14 PM
السلام عليكم ورحمة الله وبركاته
عندي سؤال بخصوص الجزاء في التكليف الذي نقضيه في الوحدة الصحية
ما هي خطورته ؟؟؟ عبارة عن خصم من المرتب فقط أم يؤثر على التخصص ؟؟؟

د/ أحـمـد سـليمان
10-07-2011, 02:23 PM
السلام عليكم ورحمة الله وبركاته
عندي سؤال بخصوص الجزاء في التكليف الذي نقضيه في الوحدة الصحية
ما هي خطورته ؟؟؟ عبارة عن خصم من المرتب فقط أم يؤثر على التخصص ؟؟؟

كان الاول بيأثر على تسجيل الماجستير .. لكن دلوقتي الوزارة قالت ان هيبقى المنع ده قاصر على المخالفات المخلة فقط .. يعني مش اي جزاء غياب او تشطيب

ده الكلام اللي قالوه مؤخرا

sara nasr
10-08-2011, 09:37 PM
هو ممكن اخد اجازة بدون مرتب للتعاقد بعد ما استلم نيابة باد ايه؟

pure spirit
10-08-2011, 10:02 PM
هو ممكن اخد اجازة بدون مرتب للتعاقد بعد ما استلم نيابة باد ايه؟
بمجرد الاستلام طالما مدير المستشفى وافق

sara nasr
10-09-2011, 07:08 AM
:la7aramak: