المساعد الشخصي الرقمي

مشاهدة النسخة كاملة : الإستفسارات عن قواعد النيابات .. هنا


الصفحات : 1 2 [3] 4

jassmine
10-09-2011, 08:39 AM
:gzak: يا دكتورة ترانيم اكتر من مرة ببقي عاوزة اشكرك بس مش بينفع بسبب الجهاز
معلش استفسار اكتر ايه الخطوات بالظبط للاخلاء والاستلام
وبنمضي الورق من مين
وهل فيه ورق محتاجين نحضره زي لما جينا نستلم التاكليف ومعلش للتعب

pure spirit
10-09-2011, 03:42 PM
:gzak: يا دكتورة ترانيم اكتر من مرة ببقي عاوزة اشكرك بس مش بينفع بسبب الجهاز
معلش استفسار اكتر ايه الخطوات بالظبط للاخلاء والاستلام
وبنمضي الورق من مين
وهل فيه ورق محتاجين نحضره زي لما جينا نستلم التاكليف ومعلش للتعب
جزانا واياكم خيرا
هتقطعى أجازتك الأول هتروحى المديرية قسم الاجازات وتقوليلها عاوزة اقطع أجازتى هتلفى على شوية مكاتب كدة فى المديرية بعدها موظفة الاجازات هتحولك بجواب لادارتك تانى علشان ترجعى الشغل
والادارة طبعا بدروها هتعيد توزيعك على وحدة صحية زى ماستلمتى قبل كدة فى التكليف بالظبط

خطوات الاخلاء واستلام النيابة بقى :
1- جواب الاخلاء من المديرية تروح بيه الادارة (ده طبعا لو انتظرنا وصول اللأسماء للمديريات وماروحناش جبنا الجواب من الوزارة )
2- جواب اخلاء من الادارة تروحى بيه المركز او الوحدة
3- اخلاء طرف من الوحده او المركز وجواب ترجعى بيه الادراة
4- اخلاء طرف من الادارة وجواب ترجعى بيه المديريه
5- اخلاء طرف من ادارة الرعاية الاساسية واستلام عمل في القطاع العلاجي (داخل المديرية )
6- تتوزع على المستشفى اللى جالك نيابة فيها لو نيابتك فى نفس محافظة تكليفك ولو فى محافظة تانية بتاخدى جواب انتداب من مديريتك لمكان نيابتك الجديدة

وان شاء الله هنكون مع بعض فى التفاصيل دى فى موضوع الحركة الرئيسى

شهرزاد222
10-11-2011, 08:16 AM
السلام عليكم ورحمة الله وبركاته
هل مطلوب مني الحصول على ماجستير أو ما يماثله أثناء النيابة أم ممكن أظل وقت طويل في النيابة ولا أتقدم الا بعد سنين

د/ أحـمـد سـليمان
10-11-2011, 01:59 PM
السلام عليكم ورحمة الله وبركاته
هل مطلوب مني الحصول على ماجستير أو ما يماثله أثناء النيابة أم ممكن أظل وقت طويل في النيابة ولا أتقدم الا بعد سنين
النيابة 4 سنين
لو محصلتيش على شهادة خلالها
ماجستير - زمالة مصرية - دبلومة
هتطلبى انهم يمدوها تاني
و لو وافقوا
هيدوكي مهلة لغاية 3 سنوات كمان
لو بردو لسة مخدتيش شهادة
هيتحول لعمل إداري

دي المادة 7 في دليل النيابات

مادة ( 7 ) : تحدد مدة عمل الطبيب المقيم بأربع سنوات في فرع التخصص ، يرشح خلالها لدراســــة الدبلوم أو الماجستير والزمالة المصرية ،و يشترط أن تكون هذه المدة مدة عمل فعــلية ويجوز زيادتها في حالة عدم الحصول علي المؤهل وطبقا للاحتياج ، وذلك بعد موافــقــة كل من جهة العمل والإدارة المركزية للطب العلاجي، و بحد أقصي ثلاث سنوات يتم تأهيل الطبيب بعدها للعمل الإداري

jassmine
10-17-2011, 01:58 AM
:barak: :gzak:

بيبه
10-17-2011, 08:36 PM
معلش يا جماعه افيدوني هي بعد تاخير نتيجه نيابه 5 بتاعت شهر 11 حتتلغي او تتاجل طيب هي عمتا بتنزل امتي والنتيجه بتظهر بعد اد اقيه؟سؤال تاني معلش انا كنت سالت لو انا اشتغلت 3 شهور بس من استلامي التكليف واستلمته شهر اول 3 2008 وبعدين اخدت اجازات رعايه طفل حيبقي كده السنه الجايه اخر فرصه لي في نيابات 5 و11 ان نزلت بتاعت 2012 عشان حيكون مر 5 سنين من استلام العمل ده اللي في مديريه اسكندريه بس في اخ فاضل هنا تقريبا د احمد سليمان قلي لا ان رعايه الطفل لا تعتبر شغل فعلي فمبتتحسبش وكده قدامي فرص اخري بس كنت عايز اسال هل هو متاكد لن في المديريه نفوا ده في الاسكندريه ولا هم مش فاهمين قوي طيب حد يعرف في القاهره بيقولوا قيه معلش انا اسفه علي الاطاله بس ديه حيححد عليها حاجات كتيره لاني مسافره ولو كده اخر واحده يبقي لازم انزل عشان اكمل فتره 6 شهور عشان انا عايزه نفسيه وشكرا

د/ أحـمـد سـليمان
10-17-2011, 09:51 PM
بتاعت شهر 11 حتتلغي او تتاجل طيب هي عمتا بتنزل امتي والنتيجه بتظهر بعد اد اقيهالمفروض نيابات 11 تنزل أول شهر 11
بس محددوش معاد لها
و إن شاء الله هتنزل لأن دي حركة اساسية
النتيجة حسب الظروف
يعني طبعا في تقديم و رغبات و فترة انتظار للنتيجة
ممكن تظهر النتيجة في شهر 2

قال لي ان رعايه الطفل لا تعتبر شغل فعلي فمبتتحسبشبالظبط كده
اللي كمل خمس سنوات ( عمل فعلي ) هو ده اللي مش هينزل اسمه في التقديم .. أما غير كده بينزل عادي .. و حتى لو منزلش من نفسه ممكن تبعتي فاكس على رقم التنسيق و تكتبي بياناتك و ينزلوه

و المديريات عموما ملهاش علاقة بالقواعد بتاعة النيابات .. لأن التقديم بيكون على موقع الوزارة مباشرة .. فبالتالي كلام الوزارة هو الأصدق و هو اللي بيتنفذ .. أما الموظفين الي في المديرية ملهمش دور في التقديم أصلا فميعرفوش شروطة

انا اسفه علي الاطاله بس ديه حيححد عليها حاجات كتيرهمفيش إطالة و لا حاجة يا دكتورة
إحنا بنساعد بعض
و حضرتك لو عايزة تتواصلي بشكل اوسع
ممكن تتكلمي مع الدكتورة / تــرانيـم (http://www.alltebfamily.com/vb/member.php?u=82)
هي عندها معلومات تفيد حضرتك بردو

محمد9
10-17-2011, 11:30 PM
السلام عليكم ورحمة الله وبركاته
لو سمحتوا هل اللى جايب تقدير عام مقبول مينفعش يسجل ماجستير فى الكلينيكال باثولوجى ولا حسب شروط الجامعة وهل بتكون فى صعوبه أو بتأخر إنه يسجل عشان تقديره

pure spirit
10-17-2011, 11:39 PM
السلام عليكم ورحمة الله وبركاته
لو سمحتوا هل اللى جايب تقدير عام مقبول مينفعش يسجل ماجستير فى الكلينيكال باثولوجى ولا حسب شروط الجامعة وهل بتكون فى صعوبه أو بتأخر إنه يسجل عشان تقديره
هو صعب شوية
لكن بردو على حسب ظروف كل جامعة وعدد المتقدمين وشروط رؤساء الاقسام
تابع حضرتك قسم الماجيستير والدبلومة هتلاقى فيها اللوائح والشروط لمعظم الجامعات

الماجيستير والدبلومة
(http://www.alltebfamily.com/vb/forumdisplay.php?f=145)

محمد9
10-17-2011, 11:47 PM
جزاك الله خيرا على الرد
بس بسأل بس يعنى ممكن اللى جايب مقبول يقضى نيابته من غير مايعرف يحضر

pure spirit
10-17-2011, 11:56 PM
جزاك الله خيرا على الرد
بس بسأل بس يعنى ممكن اللى جايب مقبول يقضى نيابته من غير مايعرف يحضر
لأ قواعد النيابات بتقول انك لازم تاخد درجة علمية اثناء فترة النيابة الـ 4 سنوات قابلة للتجديد
غير كدة بتتحول للعمل الادارى
شوف حضرتك المشاركة دى
http://www.alltebfamily.com/vb/showpost.php?p=307715&postcount=504

وأكيد فيه حلول زى الدبلومة أو الزمالة أو ماستر فى جامعة تشترط فقط النجاح فى البكالوريوس

محمد9
10-18-2011, 12:03 AM
جزاك الله خيرا

جنرال
10-18-2011, 05:17 PM
ايه طبيعة العمل الادارى ده

معاذ بن جبل
10-18-2011, 06:14 PM
سلام عليكم انا لي زميل مجموعه 65.5% جاله استنفاذ رغبات في حركه النيابات الحاليه لانه كان كاتب جلديه في معظم محافظات مصر
لكن بعد ظهور الحد الادني ظهر انه ممكن يروح جلديه في الاقصر
فهو بيسال هل الي جاله استنفاذ رغبات له الحق ان هو يقدم تظلمات سماح مجموع ولا لا ؟
ثانيا هل الماستر او الزماله بيكون ليه حد ادني في التقدير بمعني ان هو لو راح الاقصر هيلاقي جامعه تقبله يحضر فيها ماستر بمجموعه ؟
ولكم جزيل الشكر

د/ أحـمـد سـليمان
10-18-2011, 06:43 PM
الي جاله استنفاذ رغبات له الحق ان هو يقدم تظلمات سماح مجموع ولا لا ؟
لا ملوش انه يقدم في التظلمات

ثانيا هل الماستر او الزماله بيكون ليه حد ادني في التقدير بمعني ان هو لو راح الاقصر هيلاقي جامعه تقبله يحضر فيها ماستر بمجموعه ؟
الزمالة لها حد ادنى
و الماجستير في جامعات كتير بترتب الناس بالمجموع علشان تاخد عدد محدود

دكتورة باسمة
10-19-2011, 06:51 PM
السلام عليكم ورحمه الله
ارجو من كل اللي بيفهم ف النيابات
والدكتورة ترانيم كنتي انقزتيني قبل كده ارجوكو ساعدوني
انا اخدت شهر واحد ف التكليف واخدت مرافقه زوج
ونزل اسمي ف النيابات
قدمت وخلاص
لقيت النتيجه طالعه جالي كلي صناعي في مكان كويس
انا لو رحت استلمت هيقولولي فين الاثبات انك قضيتي مده ف التكليف؟؟
ولا خلاص طالما نزل اسمي ف النيابات يبقي خلاص كده؟
عشان مش اقطع تزاكر واروح استلم وف الاخر يقولولي دي غلطه
وهاتي مايثبت انك خدتي تكليفك
انقزوووووووووني
هو ممكن فعلا غلطه؟؟؟
..........................
سؤال اخر
لو استلمت نيابه امتي اقدر اخد اجازة ؟لازم اقعد فتره ف النيابه؟؟
وخلال النيابه ليا كم سنه اجازة؟ مفتوحه ولالاء سواء مرافقه زوج او رعايه طفل
ياررررررررررررررررررررب يكرمكوا انقزوني انا هفضل منتظرة الاجاابه

د/ أحـمـد سـليمان
10-19-2011, 09:29 PM
انا اخدت شهر واحد ف التكليف واخدت مرافقه زوج
ونزل اسمي ف النيابات
حاجة عجيبة .. بس الغريب إنهم مطلبوش منك مدة العمل زي ما طلبوها من ناس كتير .. بصراحة مش عارف إيه اللي ممكن يحصل

هو ممكن فعلا غلطه؟؟؟
طبعا غلطة .. ملهاش تفسير تاني

سؤال اخر
لو استلمت نيابه امتي اقدر اخد اجازة ؟لازم اقعد فتره ف النيابه؟؟
وخلال النيابه ليا كم سنه اجازة؟ مفتوحه ولالاء سواء مرافقه زوج او رعايه طفل
تاخدي اجازة عادي من الاول
بس بحد اقصى سنتين .. أيا كان نوع الاجازة
لو الاجازة زادت عن كده النيابة هتتلغي اوتوماتيك

NESSMA AHMED
10-19-2011, 09:41 PM
يا دكاتره ممكن سؤال؟؟؟ايه الورق المطلوب وكذلك الموافقات المطلوبه عشان اعمل انتداب للجامعه مع العلم اني حاصله علي موافقة الجامعه لاني ماستري هناك و المشرف اتاح لي الفرصه للانتداب؟؟؟وهل الانتداب من التكليف اسهل ام من هيئة المستشفيات والمعاهد التعليميه علي اساس ان نيابتي في بنها التعليمي؟؟؟؟؟افيدوني افادكم الله

دكتورة باسمة
10-19-2011, 10:51 PM
لسلام عليكم ورحمه الله
ارجو من كل اللي بيفهم ف النيابات
والدكتورة ترانيم كنتي انقزتيني قبل كده ارجوكو ساعدوني
انا اخدت شهر واحد ف التكليف واخدت مرافقه زوج
ونزل اسمي ف النيابات
قدمت وخلاص
لقيت النتيجه طالعه جالي كلي صناعي في مكان كويس
انا لو رحت استلمت هيقولولي فين الاثبات انك قضيتي مده ف التكليف؟؟
ولا خلاص طالما نزل اسمي ف النيابات يبقي خلاص كده؟
عشان مش اقطع تزاكر واروح استلم وف الاخر يقولولي دي غلطه
وهاتي مايثبت انك خدتي تكليفك
انقزوووووووووني
هو ممكن فعلا غلطه؟؟؟

دكتورة باسمة
10-19-2011, 10:55 PM
حاجة عجيبة .. بس الغريب إنهم مطلبوش منك مدة العمل زي ما طلبوها من ناس كتير .. بصراحة مش عارف إيه اللي ممكن يحصل


طبعا غلطة .. ملهاش تفسير تاني


تاخدي اجازة عادي من الاول
بس بحد اقصى سنتين .. أيا كان نوع الاجازة
لو الاجازة زادت عن كده النيابة هتتلغي اوتوماتيك
طب معلش انا تاعباكوا بس والله مش عارفه اسال مين
هو اكيد موضوع السنتين دا؟؟؟؟؟؟؟ظ لان ليا اصحاب اخدوا نيايه واخدوا رعايه طفل عادي وهما بيجددوا محدش قالهم فاضلكوا سنتين ولا شئ
وكمان هو ممكن فعلا يحجزولي نيابه ويقولولي خدي تكليفك ومكانك محجوز ف النيابه
واعمل ايه الان

pure spirit
10-19-2011, 11:37 PM
طب معلش انا تاعباكوا بس والله مش عارفه اسال مين
هو اكيد موضوع السنتين دا؟؟؟؟؟؟؟ظ لان ليا اصحاب اخدوا نيايه واخدوا رعايه طفل عادي وهما بيجددوا محدش قالهم فاضلكوا سنتين ولا شئ
فعلا هو القانون موجود
لكن العمل بيه متروك لموظف المديرية
وغالبا لو نيابتك فى نفس محافظة تكليفك بيمشوها ومابيحصلش حرمان (طبعا مش لازم )
لكن كقانون لو زدتى عن سنتين بتتلغى نيابتك
وفيه حملة دلوقتى علشان يلغوا القرار ده
http://www.alltebfamily.com/vb/showthread.php?p=309158#post309158
وكمان هو ممكن فعلا يحجزولي نيابه ويقولولي خدي تكليفك ومكانك محجوز ف النيابه
واعمل ايه الان
لأ

دكتورة باسمة
10-20-2011, 01:25 AM
جزاكي الله خير يارب يادكتورة ترانيم وكل اللي رد عليا وفهمني
بس معلش انا خارج مصر ومش عارفه اسال حد خالص
في حاجه لسه مبهمه عندي
انا مخدتش غير شهر ف التكليف وجتلي نيابه
وكمان نيابه مش ملحه بس مكنش ليها حد ادني
يمكن عشان كده خدوني لانهم محتاجين ؟
هل لمااروح استلم النيابه هيقولولي فين ورقه التكليف واثبات الست شهور؟؟؟ولا خلاص هيسلموني طالما اسمي نازل
اصل خايفه احجز تزاكر وانزل يقولوي ملكيش نيابه
اعمل ايه دلوني ومتزهقوش مني
انا والله بره مصر مش عارفه انزل اسال ولا ليا حد يسألي

دكتورة باسمة
10-20-2011, 08:11 AM
طيب قولولي اعمل ايه
ابعت حد يسالي فين بس ف المديرريه ولا الوزاره
انا كل الورق اللي معايا هو اخلاء الاجازة خايفه اجي استلم يقولولي ملكيش
وبقول يمكن الموضوع يعدي واخد نيابه
ولو مااستلمتش كده اتحرم حركتين
ياجماعه طب حد يبعتلي رقمه عالخاص وانا اتصل عليه
انا بره مصر ومش بنام من التفكير ومعرفش حد غيركووا

د/ أحـمـد سـليمان
10-20-2011, 09:37 AM
انا مخدتش غير شهر ف التكليف وجتلي نيابه
وكمان نيابه مش ملحه بس مكنش ليها حد ادني
يمكن عشان كده خدوني لانهم محتاجين ؟
لأ طبعا .. لأن المتقدمين بالآلاف

هل لمااروح استلم النيابه هيقولولي فين ورقه التكليف واثبات الست شهور؟؟؟ولا خلاص هيسلموني طالما اسمي نازل
يا دكتورة دلوقتي النيابة دي جت غلطة .. هي صحيح غلطة في صالحك بس مش من حقك .. و بما إنها من الأساس غلطة بيانات .. فمفيش قاعدة نحكم بيها على اللي ممكن يحصل .. ممكن تعدي و خلاص على اساس ان اسمك في الكشوف .. و ممكن الوزارة تكتشفت الغلطات دي و هي بتبعت الكشوف و بالتالي هتستبعد إسمك منها ..

انا والله بره مصر مش عارفه انزل اسال ولا ليا حد يسألي
و احنا تحت امرك .. بس فعلا دي حالة استثنائية ملهاش قاعدة عندنا

طيب قولولي اعمل ايه
ابعت حد يسالي فين بس ف المديرريه ولا الوزاره الوزارة هي المختصة .. بس طبعا اول حاجة هيعملوها انهم هيشيلوا إسمك من النتيجة ..

ولو مااستلمتش كده اتحرم حركتين
مهو حضرتك اللي استعجلتي و قدمتي في الاول .. لأن مكانش لكي تقديم أساسا

انا محتار بردو في المشكلة دي
و بنفكر مع بعض لغاية ما نلاقي حل

بيتهيألي ممكن تستني لما زمايلك يستلموا في المديرية و يشوفوا إسمك موجود و لا لأ .. و تعرفي الخطوات بالظبط ..


بس بصراحة أنا لو مكان حضرتك مش هروح أستلم

دكتورة باسمة
10-20-2011, 10:19 AM
لأ طبعا .. لأن المتقدمين بالآلاف


يا دكتورة دلوقتي النيابة دي جت غلطة .. هي صحيح غلطة في صالحك بس مش من حقك .. و بما إنها من الأساس غلطة بيانات .. فمفيش قاعدة نحكم بيها على اللي ممكن يحصل .. ممكن تعدي و خلاص على اساس ان اسمك في الكشوف .. و ممكن الوزارة تكتشفت الغلطات دي و هي بتبعت الكشوف و بالتالي هتستبعد إسمك منها ..


و احنا تحت امرك .. بس فعلا دي حالة استثنائية ملهاش قاعدة عندنا

الوزارة هي المختصة .. بس طبعا اول حاجة هيعملوها انهم هيشيلوا إسمك من النتيجة ..


مهو حضرتك اللي استعجلتي و قدمتي في الاول .. لأن مكانش لكي تقديم أساسا

انا محتار بردو في المشكلة دي
و بنفكر مع بعض لغاية ما نلاقي حل

بيتهيألي ممكن تستني لما زمايلك يستلموا في المديرية و يشوفوا إسمك موجود و لا لأ .. و تعرفي الخطوات بالظبط ..


بس بصراحة أنا لو مكان حضرتك مش هروح أستلم
يارب يكرمك يادكتور يارب والله انا قاعده منمتش بنتظر ردودكوا ارجوكم مش تنسوني
انا خلاص هستني لغايه مااشوف الاسماء تنزل المديريات بعد اسبوع مثلا
وساعتها هجي اسالكوا تاني ارجوكوا متكونوش نستوني انا اسمي باسمة
ياريت تحط الموضوع دا عند حضرتك في book mark
بحيث لما اجي اسالكوا تاني تكونوا فاكريني
وياريت لو حضرتك او الدكتورة ترانيم عرفتوا معلومات جديده او حاله مشابهه لحالتي متنسونيش
والله ليكوا عندي الدعاء يارب يكرمكوا ويفك كربكوا يارب

د/ أحـمـد سـليمان
10-20-2011, 11:09 AM
يارب يكرمك يادكتور يارب والله انا قاعده منمتش بنتظر ردودكوا ارجوكم مش تنسوني
انا خلاص هستني لغايه مااشوف الاسماء تنزل المديريات بعد اسبوع مثلا
وساعتها هجي اسالكوا تاني ارجوكوا متكونوش نستوني انا اسمي باسمة
ياريت تحط الموضوع دا عند حضرتك في book mark
بحيث لما اجي اسالكوا تاني تكونوا فاكريني
وياريت لو حضرتك او الدكتورة ترانيم عرفتوا معلومات جديده او حاله مشابهه لحالتي متنسونيش
والله ليكوا عندي الدعاء يارب يكرمكوا ويفك كربكوا يارب

و الله يا دكتورة إحنا لو نقدر نعمل أي حاجة مش هنتأخر .. بس بنحاول نكتب كلام متاكدين منه بدل ما نلخبط الناس .. إن شاء الله متابعين مع حضرتك طول فترة النيابات دي

adoda15
10-20-2011, 05:32 PM
إعلا ن هام1: التقدم للنيابات بعد 6 أشهر من التكليف بدءا من دفعة ديسمبر 2010 تكليف مارس 2012
يعني ده معناه إن مفيش نيابات هتنزل فشهر 11 ومش هينزل نيابات ملحة ياريت إللي فاهم الموضوع ده يوضحه !!!

jassmine
10-20-2011, 07:14 PM
هو لازم نقضي فترة عمل معينة في النيابة علشان نقدم علي الماستر
يعني ممكن استلم واخد اجازة وارجع علي معاد التقديم للماستر اللي هو في 4 صح
ولو سمحتم انا جالي روماتولوجي وعاوزة اغيره لحاجة تانية مجموعي يجيبها وكنت كتباها هل ينفع ولا لازم تكون الحاجة دي في الاحتياجات اللي هما منزلينها
وهل البديل اني اعمل تعديل بعد الاستلام اللي هو بموافقة الطرفين
ولو قدمت في التظلم مستلمش لحد ما النتيجة تظهر ولا استلم عادي
:gzak:

pure spirit
10-20-2011, 07:58 PM
هو لازم نقضي فترة عمل معينة في النيابة علشان نقدم علي الماستر
يعني ممكن استلم واخد اجازة وارجع علي معاد التقديم للماستر اللي هو في 4 صح
لأ خلاص ده كان زمان دلوقتى مش شرط تقضى مدة معينة
أهم حاجة وقت الترشيح الوزارى تكونى على راس العمل
وايضا وقت التسجيل فى الجامعات تكونى على رأس العمل
ولو سمحتم انا جالي روماتولوجي وعاوزة اغيره لحاجة تانية مجموعي يجيبها وكنت كتباها هل ينفع ولا لازم تكون الحاجة دي في الاحتياجات اللي هما منزلينها
سماح المجموع على النت على حسب الاعلان الأخير هيكون فى ضوء الاحتياجات اللى هيا الأماكن اللى نزلوها دى
وهل البديل اني اعمل تعديل بعد الاستلام اللي هو بموافقة الطرفين
ايوة بتقدمى طلب يدوى فى الوزراة
ولو قدمت في التظلم مستلمش لحد ما النتيجة تظهر ولا استلم عادي

لو تظلم على النت ماتستلميش وكدة كدة معاكى وقت
اما لو تعديل نيابة بيكون بعد الاستلام

د/ أحـمـد سـليمان
10-20-2011, 08:22 PM
معنى الكلام ان من اول الدفعة دي هيكون متاح التقديم على " كل التخصصات العادية " بعد 6 شهور بس .. لكن طبعا دلوقي التقديم بعد 6 شهور بيكون على الملحة فقط

و ده ملوش اي علاقة بحركة 11
هتنزل في معادها عادي ان شاء الله
و هتكون ملحة للي قضى 6 شهور
و عادية للي قضى سنة

dr.barbei
10-21-2011, 05:27 PM
سلام عليكم
كنت عايزة أسأل لو واحده استلمت النيابه,وخدت أجازة رعاية طفل لمدة سنة مثلا
هترجع على نفس المستشفى,ولا هيعاد توزيعها من اول وجديد,عشان فى ناس قالت كده؟؟؟؟؟؟

وعايزةه اعرف كمان,لو فى اجازات اعتيادى فى التكليف,بنستفيد منها فى النيابه,ولا نخلصها قبل مانستلم النيابه احسن؟؟؟؟؟

:wfk:

د/ أحـمـد سـليمان
10-21-2011, 06:24 PM
لو واحده استلمت النيابه,وخدت أجازة رعاية طفل لمدة سنة مثلا
عندنا في الشرقية سمعت انهم بيوزعوا من جديد

وعايزةه اعرف كمان,لو فى اجازات اعتيادى فى التكليف
الاجازات الاعتيادي مرتبطة بالسنة الميلادية .. تبدأ في يناير و تنتهي في ديسمبر .. ملهاش علاقة بالمكان

دكتوره بس عسوله
10-22-2011, 11:29 AM
باللله عليكم عندى استفسار هوا انا ينفع اعمل اجازه مرافقه زوج بعد اد ايه من استلام النيابه؟؟؟؟؟؟؟؟؟؟؟؟؟؟؟؟؟؟

د/ أحـمـد سـليمان
10-22-2011, 02:20 PM
عادي من اول النيابة يا دكتورة

adsads
10-22-2011, 11:23 PM
سلام عليكم كنت قدمت في مايو اللي فات وكتبت الرغبات وبعدين لغتها وحفظت الالغاء لانه جاتني فرصة سفر وفوجئت بان اسمي في الترشيح فماذا فعل وكيف الغي الترشيح خوفا من الحرمان من حركتين وجزاكم الله خير

hatooma
10-23-2011, 10:42 AM
السلام عليكم ارجوا من سيادتك الرد عليا بسرعة لانى فى ورطه انا قدمت فى حركة نيابات مايو 2011 وجاتلى جراحة عامة المنزله المشكله انى لما لقيت النيابات اتاخرت جالى فرصة سفر السعودية المهم سافرت وميعاد اجازتى فى شهر 8 السنه الجايه 2012 اعمل ايه انا مش عاوز النيابه تضيع عليا ايه الحل ارجو الرد بسرعة
ولكم جزيل الشكر

د/ أحـمـد سـليمان
10-23-2011, 02:33 PM
المفروض ان آخر معاد للإستلام
هو 6 / 3 / 2012
بعد كده النيابة هتتلغي تلقائيا و تتحرم حركتين

مش لاقي حل للأسف

sting
10-23-2011, 03:28 PM
مفيش حل للنيابات الوهمية دى يا اخوانا ..الواحد يروح يستلم فى مكان وما يلاقيش حد سنيور عليه يعلمه ..ايه الحل ؟؟!! انا كنت قريت قبل كده على منتدى من سنة تقريبا ان ممنوع النايب يشتغل من غير اخصائى ؟!!هل الكلام ده صحيح ؟؟ وازاى الوزارة بتنزل نيابات بالشككل ده ...!! حجاة تشل بصراحة ..هم عايزين طبيب جاهز والا ايه !!!!!؟!؟!

pure spirit
10-23-2011, 07:40 PM
مفيش حل للنيابات الوهمية دى يا اخوانا ..الواحد يروح يستلم فى مكان وما يلاقيش حد سنيور عليه يعلمه ..ايه الحل ؟؟!! انا كنت قريت قبل كده على منتدى من سنة تقريبا ان ممنوع النايب يشتغل من غير اخصائى ؟!!هل الكلام ده صحيح ؟؟ وازاى الوزارة بتنزل نيابات بالشككل ده ...!! حجاة تشل بصراحة ..هم عايزين طبيب جاهز والا ايه !!!!!؟!؟!
للاسف ده الحال فى وزارة الصحة
حضرتك حاول تعمل انتداب لأى مكان تقدر تتعلم منه لحين اشعار آخر

دكتورة باسمة
10-24-2011, 05:37 AM
ربنا يكرمكوا يارب ويفك كربكوا
اشكرك يادكتورة ترانيم لاهتمامك وانك بعتيلي اسماء المستبعدين
بس ملقيتش اسمي فيهم
انا اسمي نازل في النتيجه الرئيسيه
وقدامه اسم النيابه
طب ممكن استاءزن حضرتك لو قدرتي تبعتيلي اسماء المطلوب منهم البيان بالمده وفتره التكليف؟؟؟
معلش وسؤال تاني بس مهم اوى
ايه بالظبط الاوراق المطلوبه لاستلام النيابه لواحده اخده اجازة مرافقه زوج؟؟؟؟؟؟؟؟
يعني ايه الخطوات بالظبط لاستلام النيابه لحد كان في اجازة وهيقطعها عشان يستلم النيابه ؟؟؟؟؟ هل هرجع استلم تكليف وبعدين اخلي من جديد ؟
ولا الاخلاء بتاعه الاجازه وايه الاوراق التانيه المطوبه مني ؟؟؟؟؟؟
معلش انا زهقتكوا في عيشتكوا ؛؛؛؛؛؛؛؛؛؛؛؛؛؛؛؛؛؛؛؛؛؛
يارب يفرج عنكوا زي مافرجتوا عني

pure spirit
10-24-2011, 04:18 PM
ربنا يكرمكوا يارب ويفك كربكوا
اشكرك يادكتورة ترانيم لاهتمامك وانك بعتيلي اسماء المستبعدين
بس ملقيتش اسمي فيهم
انا اسمي نازل في النتيجه الرئيسيه
وقدامه اسم النيابه
طب ممكن استاءزن حضرتك لو قدرتي تبعتيلي اسماء المطلوب منهم البيان بالمده وفتره التكليف؟؟؟
طالما ظهر لك نتيجة(هيا صحيح غلطة ) يبقى اسمك هيكون موجود فى الاسامى مع النتيجة
لكن عموما دول اسامى اللى مطلوب يودوا بيان بمدة خدمتهم
http://mhealth.cu.edu.eg/nybat_res/NotHasKhedma.html
معلش وسؤال تاني بس مهم اوى
ايه بالظبط الاوراق المطلوبه لاستلام النيابه لواحده اخده اجازة مرافقه زوج؟؟؟؟؟؟؟؟
يعني ايه الخطوات بالظبط لاستلام النيابه لحد كان في اجازة وهيقطعها عشان يستلم النيابه ؟؟؟؟؟ هل هرجع استلم تكليف وبعدين اخلي من جديد ؟
ولا الاخلاء بتاعه الاجازه وايه الاوراق التانيه المطوبه مني ؟؟؟؟؟؟
معلش انا زهقتكوا في عيشتكوا ؛؛؛؛؛؛؛؛؛؛؛؛؛؛؛؛؛؛؛؛؛؛
يارب يفرج عنكوا زي مافرجتوا عني

اللهم آمين
لا لازم تقطعى الاجازة الاول وبعدين تستلمى
لانه ماينفعش تستلمى نيابة وانتى على قوة اجازة والتفاصيل كنت كاتباها فى المشاركة دى
هناااااااا (http://www.alltebfamily.com/vb/showpost.php?p=307437&postcount=502)

دكتورة باسمة
10-24-2011, 04:50 PM
دكتورررررررررررررررررة ترانيم
لاءءء ملقتش اسمي ف المطلوب منهم البيان خالص
يبقي كده خلاص هستلم نيابه ؟؟؟؟
.................................................. .............
وكمان قرات المشاركه بتاعه قطع الاجازة والاستلام مرة اخرري
لما ااقطع واستلم التكليف واروح الوحده علشان استلم واخلي مره اخري
لما اجي اخلي من الوحده بقي علشان استلم نيابه
ممكن الاداره تمنعني بحجه ان مكملتش 6 شهور
ولا هما مالهومش دعوة
يعني ممكن المديرريه مترضاش تخللي طرفي من الاداره علشان مكملتش ال 6 شهور وهيدوراو ورايا ؟؟
ولا مبياخدوش بالهم طالما الاسم نازل ف النيابات قدامهم ؟؟؟؟ يبقي الاوراق هتمشي في سلام؟ طمنيني الله يكرمك ياررب
.................................................
انا حاسه انكوا فاتحين المنتدي علشان انا طول النهار اسال فيكوا بس والله بدعيلكوا وربنا شاهد وان شاء الله ربنا هينفس كربكوا يارب
اخر سؤال
هو لازم استلم نيابه قبل يوم 6 مارس 2012
يعني لو واحده اخده اجازه مرافقه زوج زي حالتي بقالها سنه ومااستلمتش نيابه لانها ف اجازه يبقي تتحفظ ليها النيابه ؟
ولا لاء لازم تستلم قبل التاريخ ده زي زمايلها اللي في مصر
..
مهما اشكرك مش هوفي حقك
بس بجد لو في اي دعوة نفسك فيها ابعتيهالي حتي لو عالخاص وانا اتعهدلك ادعيهالك بصفاء نية

pure spirit
10-24-2011, 05:32 PM
دكتورررررررررررررررررة ترانيم
لاءءء ملقتش اسمي ف المطلوب منهم البيان خالص
يبقي كده خلاص هستلم نيابه ؟؟؟؟
.................................................. .............
وكمان قرات المشاركه بتاعه قطع الاجازة والاستلام مرة اخرري
لما ااقطع واستلم التكليف واروح الوحده علشان استلم واخلي مره اخري
لما اجي اخلي من الوحده بقي علشان استلم نيابه
ممكن الاداره تمنعني بحجه ان مكملتش 6 شهور
ولا هما مالهومش دعوة
يعني ممكن المديرريه مترضاش تخللي طرفي من الاداره علشان مكملتش ال 6 شهور وهيدوراو ورايا ؟؟
ولا مبياخدوش بالهم طالما الاسم نازل ف النيابات قدامهم ؟؟؟؟ يبقي الاوراق هتمشي في سلام؟ طمنيني الله يكرمك ياررب
اه ماانا قلت لك مش هتلاقيه طالما طلع لك نتيجة
وحتة انهم يكتشفوا الغلطة دى من نفسهم أظنها صعبة انهم يدوروا ورا كل واحد لأن الأعداد كبيرة
لانهم معتمدين ان الوزارة بعتت وأخدت اسامى كل اللى مقدم واتحروا عن مدة خدمة كل المتقدمين
المهم محدش يبلغ عنك بقى ^_^
بصى استنى لما نستلم وهنقولك على اللى حصل ونشوف ايه اللى ممكن يحصل وكدة كدة لسة معانا وقت والاسامى ماوصلتش المديريات

انا حاسه انكوا فاتحين المنتدي علشان انا طول النهار اسال فيكوا بس والله بدعيلكوا وربنا شاهد وان شاء الله ربنا هينفس كربكوا يارب

خلاص هاتى بقى الأجرة ^_^
ربنا ييسر للجميع
اخر سؤال
هو لازم استلم نيابه قبل يوم 6 مارس 2012
يعني لو واحده اخده اجازه مرافقه زوج زي حالتي بقالها سنه ومااستلمتش نيابه لانها ف اجازه يبقي تتحفظ ليها النيابه ؟
ولا لاء لازم تستلم قبل التاريخ ده زي زمايلها اللي في مصر
..
أيوة لازم تستلمى قبل الميعاد ده والا تعتبرى لاغية نيابتك وهتتحرمى حركتين
استلام النيابة مالهوش علاقة بأى أجازة واخداها قبل كدة
مهما اشكرك مش هوفي حقك
بس بجد لو في اي دعوة نفسك فيها ابعتيهالي حتي لو عالخاص وانا اتعهدلك ادعيهالك بصفاء نية

الله يكرمك
ادعى لنا بصلاح الحال وربنا يقدر لنا الخير ويرضينا بيه
وأن يكون عملنا متقبلا وخالصا لوجه الله

د/ أحـمـد سـليمان
10-24-2011, 06:33 PM
المهم محدش يبلغ عنك بقى ^_^
ده على أساس إن محدش واخد باله :)

انا حاسه انكوا فاتحين المنتدي علشان انا طول النهار اسال فيكوا بس والله بدعيلكوا وربنا شاهد وان شاء الله ربنا هينفس كربكوا يارب و الله يا دكتورة إحنا اللي سعداء جدا بتقديرك و شكرك ده .. إدعيلنا بس بالإخلاص و القبول .. و إدعي بضمير الله يخليكي علشان إحنا في أمس الحاجة للدعاء علشان حاجات كتير

pure spirit
10-24-2011, 08:10 PM
ده على أساس إن محدش واخد باله :)

أنا عن نفسى هاعمل مش واخدة بالى
ومش هابلغ

drfirefox
10-24-2011, 09:34 PM
السلام عليكم
اسف اولا لو ده مش مكان الموضوع ده
بس انا حبيت اشارك معاكم المشكله اللي كتير مننا بيعاني منها
و هي المجموع الضعيف
انا جايب 71% و كان نفسي للاسف اتخصص نسا وولاده
المهم انا من اللي حصل السنه اللي فاتت فكرت ان الواحد لازم يكون مرن شويه
المهم فؤجئت السنادي في التقديم للماستر ان الجيد مرفوض بصورة كبيرة جدا في معظم التخصصات
و لما شوفت حركة مايو الاخيرة بمجموعي ده ماليش فيها الا باطنه و عناية و تخدير
و انا ميولي جراحية
انا في التكليف حاليا
حاولت انتدب نفسي ايام التقديم للجيش و الشرطه معرفتش
حاولت اعمل تدريب ........... عندنا مدير الاداره رافض
ناس تقولي سيبك من النسا و خد اي حاجه
و ناس تقولي خد تنظيم اسره او استني نيابات الريف
و ناس تقولي حضر الليجال
و انا تايه تماما
يا تري حد عنده نصيحة او رأي ليا :(

marwa hisham
10-25-2011, 01:04 AM
لو سمحتو حد يفيدني عن نيابة الباثولوجي مش الكلينيكال باثولوجي ايه شغلها وايه دراستها وايه مستقبلها ؟؟؟:C20ColdHands:

marwa hisham
10-25-2011, 01:17 AM
لو سمحتو عايزة اعرف معلومات عن نيابة الباثولوجي مش الكلينيكال باثولوجي ايه شغلها ايه مستقبلها ايه وفين تحضيرها ؟؟؟ارجوكم الافادة و الاهتمام

marwa hisham
10-25-2011, 01:32 AM
كمان عايزة اعرف هل التسجيل بالدبلومة لازم له الحضور لاني بره مصر والاعتذار عن النيابة بيتم ازاي وباقدم في الحركة الجاية ولابتاخر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

د/ أحـمـد سـليمان
10-25-2011, 01:45 AM
الاعتذار عن النيابة بيتم ازاي وباقدم في الحركة الجاية
لو اعتذرتي عن النيابة يبقى هتتحرمي من التقديم لمدة حركتين .. ( اللي هي نوفمبر 2011 و مايو 2012 ) و تقدمي في اللي بعدهم

ayman_naf3
10-25-2011, 02:01 PM
انا في الجيش دلوقتي وجاتلي نيابة نسا وباقي قي جيشي اربع شهور
باعمل اية؟
هل باحفظ نيابة او باقدم اي اوراق؟
افيدوني

د/ أحـمـد سـليمان
10-25-2011, 02:59 PM
أنا سألت واحد في الجيش حاليا .. و قالي مبتعملش حاجة .. لما بتخلص بتستلم عادي

دكتورة باسمة
10-26-2011, 08:08 AM
السلام عليكم
انا بس داخله اشكركم جمد جدااااااااا واقولكم انكوا كفيتو ووفيتو واني دعيتلكوا كتيييييييير
بس متفتكروش اني مش هسالكوا تاني انا قاعده معاكوا يوميا بتابع اشوف امتي هتنزل الاسماء المديرية
وكمان عششان كل سؤال بيتطرح هنا بيبقي في مخي ف بعرف اجابته
ويارب يتقبل منكوا ياررررب وتفيدوا كل الناس
الي سؤال قريب ان شاء الله

دكتورة باسمة
10-30-2011, 12:59 PM
السلام عليكم ورحمه الله
وحشاني جدا يادكتورة ترانيم
ياتري الاسماء نزلت المديرية ولا لسه
هو كده العيد الاسبوع الجاي يعني لو منزلتش الاسبوع ده يبقي ننتظر بعد العيد صح؟؟؟؟

د/ أحـمـد سـليمان
10-30-2011, 03:14 PM
ياتري الاسماء نزلت المديرية ولا لسه
محافظة إيه ؟

rehab ragab
10-30-2011, 04:01 PM
بارك الله فيكم ووفقمم جميعا لما فية الخيرفى الدنيا والاخرة واثابكم
الله على كل هذة الخدمات لانى بصراحة من غير المنتدى ماكنتيش هاعرف اى شى جديد لانى بصراحة خارج مصر ومن غيركو ماكنتش هقدر اتواصل واعرف كل ماهو جديد:barak::faces705:

د/ أحـمـد سـليمان
10-30-2011, 04:24 PM
بارك الله فيكم ووفقمم جميعا لما فية الخيرفى الدنيا والاخرة واثابكم
الله على كل هذة الخدمات لانى بصراحة من غير المنتدى ماكنتيش هاعرف اى شى جديد لانى بصراحة خارج مصر ومن غيركو ماكنتش هقدر اتواصل واعرف كل ماهو جديد:barak::faces705:
أسرة كل الطب ترحب بك

pure spirit
10-30-2011, 07:26 PM
د.باسمة :شكرا على ذوقك
بارك الله فيكم ووفقمم جميعا لما فية الخيرفى الدنيا والاخرة واثابكم
الله على كل هذة الخدمات لانى بصراحة من غير المنتدى ماكنتيش هاعرف اى شى جديد لانى بصراحة خارج مصر ومن غيركو ماكنتش هقدر اتواصل واعرف كل ماهو جديد:barak::faces705:
أهلا بيكى وبكل طبيبات الأزهر وخصوصا طبيبات دفعتنا

دكتورة باسمة
10-31-2011, 12:21 AM
محافظة إيه ؟
مديرية الزقازيق؟
نزلت الاسماء ياتري؟؟؟؟؟ عشان ابعت حد يشوف اسمي نازل ولا لسه
ولو اسمي نزل يبقي خلاص كده استلم تكليف واخلي واستلم نيابه
عشان طبعا انا علي قوة الاجازه الان

pure spirit
10-31-2011, 10:10 PM
مديرية الزقازيق؟
نزلت الاسماء ياتري؟؟؟؟؟ عشان ابعت حد يشوف اسمي نازل ولا لسه
ولو اسمي نزل يبقي خلاص كده استلم تكليف واخلي واستلم نيابه
عشان طبعا انا علي قوة الاجازه الان
لسة الشرقية مفيش اخبار عن وصول الاسماء

rufida
11-01-2011, 03:01 AM
عاوزه استفسر عن شيء

حاليا انا امتحنت الفيرست في الاطفال
وجاتلي نيابه اطفال بس بيقولوا انها مكان مش هتعلم منه قوي
ومجموعي يسمحلي اني اروح رعاية ابو الريش

هل فيه تعارض ما بين ماستر الاطفال والرعايه؟؟

يعني بعد كده لما اخلص النيابه هيقولولي انتي رعايه مش اطفال

عشان في النيابه بتاعة ابو الريش مش مكتوب رعاية اطفال مكتوب رعايه بس

د/ أحـمـد سـليمان
11-01-2011, 08:08 AM
كده في تعارض بين الماستر و النيابة
لازم يكون نفس التخصص علشان تترقي بيه لأخصائي بعد ما تخلصي إن شاء الله

rufida
11-01-2011, 09:54 PM
شكرا يا د/ احمد

بس يعني معني كده ان لازم الاتنين يكونوا زي بعض

يعني مينفعش الترقي لاخصائي بالماستر فقط

OneMeTeoR
11-02-2011, 11:13 PM
عندي مجموعه اسئلة ارجو الرد عليها

نبدأ علي بركة الله

1- الميعاد الاخير لاستلام النيابة هو 6 مارس 2012 .. والدفعه الجديدة اللي هتيجي تستلم التلكيف عادة بتتاخر لحد اخر 3
هل ممكن مدير الاداره يرفض اخلاء طرفي من التكليف ؟؟
2- ايه هي خطوات والاوراق المطلوبة لاستلام النيابة
3- انا جاتلي نيابة انف واذن و حنجرة .. عايز اعرف ايه هي الكتب والمراجع اللي مفروض ابتدي اذاكر واقرا فيها اليومين دول
والموقع هنا للاسف مش فيه رابطة لاطباء الانف والاذن و الحنجرة ؟
4- بالنسبة للدراشات العليا .. انا لو عايز اخد زمالة مثلا .. التقديم فيها بيبقي زي التكليف والنيابة بالتنسيـــق ؟؟
وللاسف مفيش اماكن قريبة من محافظتي

د/ أحـمـد سـليمان
11-03-2011, 09:07 AM
- الميعاد الاخير لاستلام النيابة هو 6 مارس 2012 .. والدفعه الجديدة اللي هتيجي تستلم التلكيف عادة بتتاخر لحد اخر 3 هل ممكن مدير الاداره يرفض اخلاء طرفي من التكليف ؟؟
المديرية هي اللي بتتحكم في الإخلاء .. مش الإدارة
لأن المديرية بتبعت جواب للإدارة علشان تخليلك
و الإدارة متقدرش تمنع تنفيذ الجواب ده
يعني طالما المديرية مفيهاش مشكلة يبقى الإدارة هتخلي

- ايه هي خطوات والاوراق المطلوبة لاستلام النيابة
مفيش اوراق
انت بتروح على المديرية هتلاقي إسمك
هتاخد جواب تخلي بيه
و بعد ما تخلي هترجع لهم المديرية تاخد جواب لمكان النيابة

- انا جاتلي نيابة انف واذن و حنجرة .. عايز اعرف ايه هي الكتب والمراجع اللي مفروض ابتدي اذاكر واقرا فيها اليومين دول
والموقع هنا للاسف مش فيه رابطة لاطباء الانف والاذن و الحنجرة ؟
للأسف معنديش فكرة عن الانف و الاذن

بالنسبة للدراسات العليا .. انا لو عايز اخد زمالة مثلا .. التقديم فيها بيبقي زي التكليف والنيابة بالتنسيـــق ؟؟ وللاسف مفيش اماكن قريبة من محافظتي
التقديم في الزمالة بيكون بالتنسيق حسب التقدير التراكمي
و الامالكن المتاحة ممكن تختلف من حركة للتانية
لأنهم بيزودوا مستشفيات في كل مرة

شوف الرابط ده فيه شروط القبول
و منها التنسيق حسب التقدير
http://www.egyfellow.mohealth.gov.eg/Trainees/Conditions.pdf

h.h
11-07-2011, 12:48 PM
انادلوقت جاتنى نيابة بس ملحقتش اعمل اخلاء قبل العيدمن الادارة اللى انا تابعة ليها علشان استلم فالمدرية المرشحة ليهاولكن اناوضعت قبل الوقفة بيومين ولسة مبلغتش الادارة علشان انانفسى اخد اجازة الوضع من النيابة مش من التكليف فانا على كدة اعمل اية بعد العيد علشان اخداجازتى من النيابة وخاصة لازم احدد موقفى يومالخميس اللى بعدالعيد افيدونى ومتتأخروش على علشان الوقت هيفرق وجزاكم الله خيرا

د/ أحـمـد سـليمان
11-07-2011, 08:12 PM
كده يبقى هتستني لما تستلمي الأول
بس هل ينفع تبدأي اجازة الوضع بعد تاريخ الولادة المثبوت في شهادة ميلاد الطفل ؟
لأن كده وقت إستلام النيابة هيكون فات على الأقل أسبوعين بعد الولادة

ممكن حد من البنات يفيدك أكتر

قطورة
11-08-2011, 06:27 PM
أريد المساعدة بارك الله فيكم..انا استلمت نيابة طب نفسى وأخذت أجازة رعاية طفل وحاليا انا هسافر للسعودية وسوف اقيم فترة لا أعلم مدتها وقد تطول لسنوات:barak: فهل هناك أى دراسات عليا أستطيع تحضيرها فى الغربة دون الاضطرار لنزول مصر ولا تكون مشترط لها فترة تدريب معينة لأنى لم أحصل على أى تدريب فى تخصصى...أرجو الرد جزاكم الله كل خير

moonmisr
11-17-2011, 05:54 AM
دلوقتى انا داخل الجيش ضابط احتياط وانا لسة ماخدتش نيابة .لما بقدم وانا فالجيش المفروض النيابة نتتحفظ؟ولا ايه؟ ولما اخلص جيش ابتدى النيابه من الاول ولابيتحسب مدة الجيش من النيابة؟؟
وسؤال تانى من فضلكم .نظامى فى التسجيل ازاى؟؟وممكن اسجل من غير استلام نيابتى؟؟

د/ أحـمـد سـليمان
11-17-2011, 02:46 PM
دلوقتى انا داخل الجيش ضابط احتياط وانا لسة ماخدتش نيابة .لما بقدم وانا فالجيش المفروض النيابة نتتحفظ؟ولا ايه؟ ولما اخلص جيش ابتدى النيابه من الاول ولابيتحسب مدة الجيش من النيابة؟؟
وسؤال تانى من فضلكم .نظامى فى التسجيل ازاى؟؟وممكن اسجل من غير استلام نيابتى؟؟
لما بتقدم و انت في الجيش بتتحفظ لك النيابة
و لما بتخلص جيش بتستلمها من الاول
و مش هينفع تسجل غير لما تستلم

د/ أحـمـد سـليمان
11-17-2011, 02:48 PM
أستطيع تحضيرها فى الغربة دون الاضطرار لنزول مصر
الزمالة المصرية مش هتنفع لأن فيها حضور
اما الماستر ده هيبقى النزول على قد الامتحانات الفرست .. بس بعد كده هتبقي مرتبطة مع المشرف في السالة
الدبلومة بتبقى على قد الامتحان بس .. يعني هي سنتين يبقى هتنزلي مرتين

up_down
11-17-2011, 05:51 PM
ياريت الى يعرف يا دكاتره الفتره المسموح بيها عشان استلم بعد تعديل النيابه اد ايه
يعنى انا عدلت النيابه لتخصص تانى وعايزه اعرف المفروض استلم على طول ولا فى فتره مسموح بيها
وياريت لو حد معاه نمره ا/عبد الباسط الى فى الوزاره
وجزاكم الله خيرا

moonmisr
11-17-2011, 06:26 PM
يعنى انا طول فترة الجيش مبعملش حاجه فى نيابتى ولا حتى اعرف اسجل؟؟
وهل فى اى فكرة الواحد يستغل الفترة دي في ايه اسجل اليجال مثلا؟؟ولا هتبقى موت وخراب ديار؟:5831.imgcache:

baraa44
11-17-2011, 09:38 PM
ياريت حد يعرفنا عن نيابه الريف وهى ايه وازاى نقدم فيها

baraa44
11-17-2011, 10:39 PM
السلام عليكم ورحمه الله وبركاته الجامعه ممكن تنزل الايام دى نيابات تكميليه وانا ممكن يكون لى فرصه فيها ان شاء الله بس هى لسه مش نزلت وبرده وزاره الصحه حتنزل ان شاء الله النيابات الايام دى ممكن اقدم فى الاتنين واللى تجيلى وانا اشوفها مناسبه لى اخدها يعنى الامر عادى ويا ريت تردوا على ولكم جزيل الشكر وربنا يبارك فيكم ويرزقكم الاخلاص

pure spirit
11-17-2011, 10:55 PM
السلام عليكم ورحمه الله وبركاته الجامعه ممكن تنزل الايام دى نيابات تكميليه وانا ممكن يكون لى فرصه فيها ان شاء الله بس هى لسه مش نزلت وبرده وزاره الصحه حتنزل ان شاء الله النيابات الايام دى ممكن اقدم فى الاتنين واللى تجيلى وانا اشوفها مناسبه لى اخدها يعنى الامر عادى ويا ريت تردوا على ولكم جزيل الشكر وربنا يبارك فيكم ويرزقكم الاخلاص
ايوة عادى جدا ومفيش أى تعارض ان شاء الله

pure spirit
11-17-2011, 11:00 PM
ياريت حد يعرفنا عن نيابه الريف وهى ايه وازاى نقدم فيها
شوفى الموضوع ده يادكتورة
๑๑ نـيـابــات الـريــف ๑๑
(http://www.alltebfamily.com/vb/showthread.php?t=38850)

baraa44
11-17-2011, 11:26 PM
جزاكى الله خيرايا دكتوره ترانيم على الرد:la7aramak:

elbadry
11-18-2011, 02:52 AM
السلام عليكم ورحمه الله وبركاته
ياجماعه انا دخلت الجيش ضابط احتياط ودلوقتى انا جالى نيابه جهاز هضمى الساحل اعمل ايه هل هتتحفظ لوحدها ولا لازم اروح احفظها بنفسى

د/ أحـمـد سـليمان
11-18-2011, 09:22 PM
انا سمعت انها بتتحفظ تلقائي لأنك في الجيش
بس ممكن تتأكد بردو من المديرية اللي كنت فيها

DR.NOUR
11-30-2011, 01:53 PM
السلام عليكم
لوسمحتم حد يقوللي ايه هي الاوراق المطلوبه لالغاء النيابه
ياريت حد يقوللي بسرعه عشان عاوزه اروح الوزاره بكره
:gzak:

pure spirit
11-30-2011, 02:29 PM
هتكتبى طلب وهتلاقى الصيغة فى لوحة الاعلانات فى الوزارة
وبيحتاجوا صورة بطاقتك ولازم انتى اللى تروحى
خدى بالك الالغاء هيحرمك حركتين متتاليتين
قانون الحرمان لسة ماتلغاش
ربنا ييسرلك أمرك

ANTARY
11-30-2011, 02:57 PM
للأسف سبقتيني يا د/ ترانيم أفادكي الله
يا ريت يا دكتوره نور تسألي و أنتي هناك التظلمات هتظهر أمتي وتبلغينا هنا لأني بفكر أنزل مخصوص أسأل عليها
وربنا يوفقك

د/محمدالقواسمى
12-03-2011, 08:17 PM
السلام عليكم ورحمة الله

استفسار وجزاكم الله خيرا

واحد عاوز يتخصص حاجة معينة وتقديره اقل من الحد الادنى يعمل ايه ؟؟؟؟ وهو مصر عليه ؟؟؟
غير انه يستقيل من الصحة

pure spirit
12-03-2011, 08:30 PM
السلام عليكم ورحمة الله

استفسار وجزاكم الله خيرا

واحد عاوز يتخصص حاجة معينة وتقديره اقل من الحد الادنى يعمل ايه ؟؟؟؟ وهو مصر عليه ؟؟؟
غير انه يستقيل من الصحة


ياخده من الريف
او ياخده بعيد (صعيد او حدود )
أو يجد فرصة تبديل مع زميل له

د/محمدالقواسمى
12-03-2011, 08:32 PM
طيب لو اخد زمالة بريطانية ؟؟؟؟؟
هل بعدها الصحة هترفضه ؟؟؟
وازاى ياخده ف الريف ؟؟؟ هو الريف مش بيعتمد ع الحد الادنى ؟؟؟ وهيفضل علطول ف الريف ؟؟؟

pure spirit
12-03-2011, 08:55 PM
طيب لو اخد زمالة بريطانية ؟؟؟؟؟
هل بعدها الصحة هترفضه ؟؟؟

بحصولك على الزمالة البريطانية النقابة هتعترف بيك اخصائى مباشرة
لكن أعتقد انها لاتدخل فى ترقيات الوزارة شوف حضرتك القسم ده هيعرفك كتير عنها
الزمالـة البريطانية (http://www.alltebfamily.com/vb/forumdisplay.php?f=144)
وازاى ياخده ف الريف ؟؟؟ هو الريف مش بيعتمد ع الحد الادنى ؟؟؟ وهيفضل علطول ف الريف ؟؟؟
لا نيابات الريف دى حركة بتنزل مرة واحدة فى السنة فى شهر 4
شرطها الوحيد ان يكون كمل سنتين عمل فعلى فى التكليف
لكن المجموع مش بيفرق وغالبا كل اللى بيقدم بيتقبل
وبيفضل فى الريف ايوة بس بياخد سنة فى الاول فى العلاجى علشان يتعلم ممكن يبقى يجدد انتدابه بعد كده
لكن ترقياتك كلها من الريف
وده موضوع خاص بيها
نـيـابــات الـريــف (http://www.alltebfamily.com/vb/showthread.php?t=38850)

dr_mero2011
12-15-2011, 08:46 PM
انا جالى نيابة ريف فى محافظتى وجالى نيابة علاجى فى جنوب سيناء واستلمت نيابة الريف ولكن هل ممكن الغيها واستلم العلاجى فى جنوب سينا؟واقدم زمالة مصرية واخد سنة رعاية طفل لحد ما نتيجة الزمالة تظهر ولا لا؟ وشكرا
:gzak:

عمر عمر
12-21-2011, 06:46 AM
السلام عليكم لو سمحتو يادكاترة ليا عدة اسئلة
1- انا قضيت 6شهور فى التكليف وحاليا ف اجازة رعاية طفل لو قدمت فى الملحات اللى نازلة ولو قدرا لحقت نيابة استلم نيابة مباشرة ولا اكمل سنة فى التكليف
2-لو فرضا استلمت نيابة وعملت اجازة لما ارجع استلم فى نفس المكان ولا اتوزع من جديد
3-لو استلمت نيابة فى غير محافظتى ممكن اعمل انتداب لمستشفى ف محافظتى ولا لا
4-لو حد عمل طبيب زائر المدة دى تتحسب من النيابة ولا لا
5-لو حد تخصص فى مكان التعليم فية بسيط اية الطرق المتاحة لية للتعليم وبقدر الامكان تكون المدة دى من نيابتة
اعتذر عن الاطالة وجزاكم الله خيرا

احمد.
12-21-2011, 03:55 PM
1- هل لو انا جاتلى نيابه فى التعليمى من السهل نقل الدرجه الماليه لها علشان افضل فيها
2-ايه رأيكو فى نيابه الباطنه العامه:gzak:

pure spirit
12-21-2011, 06:48 PM
السلام عليكم لو سمحتو يادكاترة ليا عدة اسئلة
1- انا قضيت 6شهور فى التكليف وحاليا ف اجازة رعاية طفل لو قدمت فى الملحات اللى نازلة ولو قدرا لحقت نيابة استلم نيابة مباشرة ولا اكمل سنة فى التكليف

كل حركة بيبقى ليها تعليمات الاستلام الخاصة بيها لكن غالبا التنفيذ فى الملحات بيبقى بعد 6 شهور من تاريخ اعلان الحركة
2-لو فرضا استلمت نيابة وعملت اجازة لما ارجع استلم فى نفس المكان ولا اتوزع من جديد

لو مازدتيش عن السنتين بترجعى أيوة على نفس المكان
اما لو الاجازة زادت عن سنتين بتتلغى وترجعى التكليف تانى
3-لو استلمت نيابة فى غير محافظتى ممكن اعمل انتداب لمستشفى ف محافظتى ولا لا

صعب لكن مش مستحيل
4-لو حد عمل طبيب زائر المدة دى تتحسب من النيابة ولا لا

لأ لاتحسب الا اذا أخدتيها فى أجازة التفرغ
5-لو حد تخصص فى مكان التعليم فية بسيط اية الطرق المتاحة لية للتعليم وبقدر الامكان تكون المدة دى من نيابتة

تعملى انتداب لمستشفى التعليم فيها أحسن
اعتذر عن الاطالة وجزاكم الله خيرا

تحت أمرك وجزانا واياكم خيرا

dr_hero85
12-22-2011, 02:47 PM
السلام عليكم ورحمة الله وبركاته ..

نيابة التعليمي كويسة جدا في انك هتتعلم كويس ..

نقل الدرجة المالية بيحتاج واسطة في هيئة المستشفيات والمعاهد التعليمية ..

اوقات نقل الدرجات بيفتح كل فترة .. اخرها كان السنة اللي فاتت وناس كتير قدمت نقل الدرجة المالية ..

نيابة الباطنة العامة .. نيابة كويسة جدا ..

بس متعبة شوية في التعليم والماستر .. بس زي ما كلنا عارفين

Medicine is Internal medicine

أحسن مكان في التعليمي تتعلم فيه باطنة عامة هو مستشفى الساحل التعليمي

ربنا يوفقك .. ولو محتاج اي حاجة تانية نساعدك

احمد.
12-22-2011, 03:39 PM
شكرا للرد والنصيحه
وياريت لو حضرتك عارف مستوى الباطنه فى شبين التعليمى تفيدنى

dr_hamada_mehanna
12-26-2011, 05:34 PM
لو سمحت يا دكاترة,,,انا استلمت نيابة عناة مركزة فى مستشفى تعلمى وعاوز اغير لنابة تانيه مجموعى كان جايبها وكنت كاتبها فى الرغبات..ممكن اعرف ايه الاجراءات المطلوبه,,وهل احتاج موافقة الطرفين ولا ايه الوضع

dr_hamada_mehanna
12-26-2011, 06:00 PM
لو سمحت يا دكاترة,,,انا استلمت نيابة عناة مركزة فى مستشفى تعلمى وعاوز اغير لنابة تانيه مجموعى كان جايبها وكنت كاتبها فى الرغبات..ممكن اعرف ايه الاجراءات المطلوبه,,وهل احتاج موافقة الطرفين ولا ايه الوضع

pure spirit
12-26-2011, 07:19 PM
لو سمحت يا دكاترة,,,انا استلمت نيابة عناة مركزة فى مستشفى تعلمى وعاوز اغير لنابة تانيه مجموعى كان جايبها وكنت كاتبها فى الرغبات..ممكن اعرف ايه الاجراءات المطلوبه,,وهل احتاج موافقة الطرفين ولا ايه الوضع
لو حضرتك هتعدل لنيابة فى التعليمى أو الامانة أو التأمين يبقى هتحتاج موافقة الطرفين
اما لو هتعدل لمستشفى تتبع مديريات الصحة هتجيب موافقة التعليمى اللى حضرتك فيها بس وتروح الوزارة ادارة الطب العلاجى الدور السابع
ومعاك صورة البطاقة وصورة من جواب استلام العمل وتقدم طلب صيغته هتلاقيها هناك
هيبعتوك لادارة التكليف تجيب مجموعك والحد الأدنى للحركة اللى هتعدل عليها
وتتابع الطلب على اسبوعين كدة تكون الموافقة طلعت ان شاء الله

dr_hamada_mehanna
12-26-2011, 08:51 PM
شكرا يا دكتورة,,بس ممكن اعرف لو سمحتى صغة الجواب اللى اقدمه للمستشفى اللى هاخلى منها ,,تكون صيغته ايه؟

pure spirit
12-27-2011, 06:43 PM
شكرا يا دكتورة,,بس ممكن اعرف لو سمحتى صغة الجواب اللى اقدمه للمستشفى اللى هاخلى منها ,,تكون صيغته ايه؟
اى صيغة تفيد ان حضرتك عاوز تعمل تعديل للنيابة فى ظل سماح مجموعك
وبيأشر عليها المدير بالموافقة وتختمها
نقلا عن زملاء لينا عملوا تعديل : انت وحظك فى الموافقات دى ممكن يطلبوها وممكن لا لذلك لو عرفت تجيب المستشفى اللى رايحها كمان يادكتور يبقى أفضل علشان المشوار بس وماترجعش مرتين
بالتوفيق ان شاء الله

dr.khalid85
01-07-2012, 03:15 PM
من فضلكم عاوز استفسر عن اي معلومات عن نيابات الطوارئ والعناية المركزة في وزارة الصحة يقول من حيث .... شغلها ... وفرص التحضير فيها ... وعدد الجامعات اللي بتقبل ... وهمه بياخدوا ولادهم بس واللا عادي
وياريت اللي ييعرف يقول النهارده عشان الغيها لو هيه فرصها وحشه لانه اخر يوم

dr-rawan
01-08-2012, 11:07 PM
عندي سؤال يا دكاتره لو سمحتم
انا استلمت نيابه مبتسرين في مستشفي مركزي
و بحضر يومين في الاسبوع كاملين 24 ساعه
بس المستشفي اللي انا فيها بينزلو كل النواب الاستقبال
ايا كان تخصصهم حتي الكلينيكال باثولجي
هل ده قانوني اصلا؟
وهل يبنفع اجيب اي ورق رسمي ان ده مش صح؟
مع العلم ان عدد نواب الطوارئ في المستشفي حوالي 15
و برضه بيحضرو يومين في الاسبوع 24 ساعه زينا
و طبعا مميزين عن بقيه النواب بحوافز 700 %
طيب ده مش ظلم ان انا انزل اشتغل معاهم تخصص مش بتاعي اصلا
وهما يحضرو ايام زيي ويبقي عندهم بينفت زياده عني كمان
انا مش عايزه اتساوي بيهم في الحوافز
كل اللي عايزاه اني منزلش الاستقبال
و لما طلبت كده من المدير قاللي لو منزلتيش مش هيتحسبلك فلوس النبطشيه
يعني انا اقعد 24 ساعه نبطشيه في قسم الحضانات و متتحسبليش لاني منزلتش الاستقبال
ايه رأيكم في اللي بيحصل ده يا دكاتره ؟
و اتصرف ازاي؟

lombasto
01-09-2012, 01:21 PM
بصى انا اعرف ان كل المستشفيات المركزى النواب بيشيلو فيها استقبال بصرف النظر عن تخصصاتهم عكس المستشفى العام
وشفت دة بنفسى فى مستشفيات كتير

د/ أحـمـد سـليمان
01-11-2012, 09:46 AM
بيتهيألي مفيش نص قاطع في المسئلة دي
هي بتخضع لحاجة العمل او العجز
بس مش لدرجة ان نواب الكلينكيال باثولوجي يشيلوا استقبال !!
و خصوصا ان عدد نواب الطوارئ و الاقسام العامة يغطي العجز
المدير كده بيستهبل بصراحة
بس مش عارف ايه الاجراء اللي ممكن يجيب لك حقك ؟؟
بس انصحك بلاش تتسرعي او تصعدي الموضوع فجأة و احنا اصلا مش معانا حاجة نثبت بيها خطأه .. ممكن يبقى في طلب جماعي من كل النواب اللي مش عايزين ينزلوا الاستقبال بحيث يضغطوا عليه انه يخلي نواب الطوارئ + الباطنة و الجراحة هما المسؤلين عن الاستقبال .. و باقي النواب يشيلوا في اقسامهم

Amira Yousef
01-11-2012, 09:48 PM
السلام عليكم
انا عايزة اقدم اخد نيابة انف واذن وحنجرة فلو سمحتو عايزة اعرف حدود المجموع اللى بتتطلبها من كام لكام؟
عشان لو هتنفع معايا ابدا اتعمق فى المجال ده من دلوقتى
ارجو سرعة الرد
وجزاكم اللى عنى خير الجزاء:gzak
:gzak:

د/ أحـمـد سـليمان
01-13-2012, 03:52 PM
ده الحد الادنى لكل النيابات في آخر حركة

http://www.mediafire.com/?wcj4q7q67wix7qc

Amira Yousef
01-13-2012, 06:51 PM
الف شكر لحضرتك على الرد
بعد اذن حضرتك عندى كام سؤال عن الزمالة المصرية ياريت لو حضرتك او احد اعضاء المنتدى الكرام يتفضل بالرد عليا وربنا يجزيك كل خير
1_مكتوب فى الزمالة المصرية ان من شروطها عشان اشترك فيها انى استقيل من التكليف بتاعى بعد مرور سنة منه واروح اشتغل فى المستشفيات الخاصة بيهم وفى نفس الوقت كاتبين الشروط الخاصة باطباء وزارة الصحة كذا وكذا السؤال بقه ازاى انى لازم استقيل من وزارة الصحة عشان اسجل معاهم وازاى فى شروط لاطباء وزارة الصحة؟؟؟؟ ولا همه يقصدو حاجة تانية؟
2_هل يشترط للتقدم لتخصص معين فى الزمالة مجموع معين ليه ولا براحتى اختار التخصص اللى عايزاه؟
3_هل اتقدم فى اى وقت بعد ما اخلص اول سنة فى التكليف ولا ليها وقت وحركات معينة زى النيابات كده؟ وهل بمجرد التقدم يتم القبول ولا ممكن اترفض؟ ولو اترفضت اتقدم تانى امتى زى النيابات ولا دى قصة تانية لوحدها؟ ولو قصة تانية ياريت حضرتك توضحها
4_هل لو انا اتقدمت للزمالة هل ده بياثر على نيابتى العادية فى حاجة ولا كل فرع مستقل بذاته؟
ياريت لو حضرتك توضح ايه الفرق بين الزمالة والنيابة وايه العلاقة بينهم
معلش انا اسفة جداااااااااا على الاطالة بس للاسف الدنيا دى واسعة ومحيرة لامثالى من الاطباء الجدد والواحد بيحس انه فى دوامة ارجو التوضيح وجزاكم الله عنى خير الجزاء

د/ أحـمـد سـليمان
01-13-2012, 07:48 PM
أنا هجاوب على الاسئلة في الموضوع الخاص بالزمالة
هنا
http://www.alltebfamily.com/vb/showthread.php?t=44552

Amira Yousef
01-13-2012, 08:57 PM
للاسف يادكتور لما فتحته ظهرت لى الرسالة دى

لقد حددت الموضوع خاطئ. إذا أتبعت رابط صحيح, الرجاء أبلغ مدير الموقع
اعمل ايه؟

د/ أحـمـد سـليمان
01-13-2012, 09:31 PM
معذرة
ده الرابط الصحيح للموضوع
http://www.alltebfamily.com/vb/showthread.php?t=1225&page=8

Amira Yousef
01-16-2012, 07:56 PM
انا الدفعة اللى هتستلم تكليفها مارس الجاى ان شاء الله عايزة اعرف اول حركة نيابات بره الجامعة هتنزل لنا امتى؟

Dr/Dreams
01-16-2012, 08:21 PM
أنا دكتورة جلدية والمدير مشىلنى نوبتجيات إستقبال كتير و\للك لعدم وجود أطباء كافيين وأنا ظروفى مش سامحة ولما جيت أشتكى لمدير الادارة قالى إنتى لسه جينيور ولازم تاخدى نوبتجية إستقبال لغاية لما تبقى سينيور ده لما أنا طلبت منه إنى عايزة ورقة رسممى أنى قانونى ماليش نوبتجيات هل الواحد ممكن يجيب ورقة رسمى ولا يصعد الامر ولا إيه ؟ الواحد مش عارف يعمل إيه ؟ وخايف لإن المدير يستقصده بس أنا كمان معايا بنت عندها 9 شهور عشان كده الواحد دخل جلدية الواحد بينه غلطان ولا إيه

د/ أحـمـد سـليمان
01-17-2012, 07:20 AM
انا الدفعة اللى هتستلم تكليفها مارس الجاى ان شاء الله عايزة اعرف اول حركة نيابات بره الجامعة هتنزل لنا امتى؟النيابات بتنزل كل سنة مرتين
حركة مايو و حركة نوفمير

المفروض انك لازم تقضي سنة في التكليف علشان تقدمي على النيابات
و في بعض التخصصات ينفع تقدمي لها بعد 6 شهور بس ( تخصصات مُلحة )

حركة مايو 2012 مش هيكون من حقك تقدمي فيها لأنك هتكوني قضيتي اقل من 6 شهور

حركة نوفمير 2012 إن شاء الله هتكوني قضيتي أكتر من 6 شهور تكليف .. هيبقى من حقك تقدمي على التخصصات الملحة بس ... و دي بتتحدد في بداية كل حركة لما الاعلان بتاعها بينزل .. لكن في حاجات تقريبا بتنزل كل مرة ( زي الأشعة - التحاليل - العناية المركزة - التخدير - الطوارئ ) .. و ممكن يزيج عليها حاجات حسب كل حركة و ظروفها

حركة مايو 2013 إن شاء الله هتكوني قضيتي أكتر من سنة في التكليف .. هيبقى من حقك تقدمي على أي تخصص

راجية رضى ربها
01-19-2012, 05:25 PM
السلام عليكم ورحمة الله وبركانه

من فضلكم هي حركة النيابات بتنزل في شهر كااااااااام؟؟؟؟؟

وهل في حاجه بتنزل في شهر 3 ولا بتكون أول حركه في شهر 5؟؟؟؟

وهل ممكن لما تنزل تعملوا اعلان هنا على المنتدى؟؟

جزاكم الله خيرا

وفقكم الله لكل خير

د.سندريلا
01-19-2012, 07:19 PM
وعليكم السلاو ورحمه الله وبركاته النيابات ياقمر حركتين حركه تكمليه في شهر 5 شهر مايو وحركه اساسيه في نوفمبر الي فات ولسه اصلا مابانتش ومافيش حركه نيابات في مارس هيا دي معلوماتي ولوفي اي حاجه مختلفه اي حد من الدكاتره الاعزاء يعدلك في كلامي

pure spirit
01-19-2012, 08:41 PM
بالظبط زى مادكتورة سندريلا قالت
وفريق عمل الخريجين متابع لحركات التكليف والنيابات اول بأول
ودايما متواجدين للرد على أى استفسار
بالتوفيق ان شاء الله

dr_hero85
01-19-2012, 08:43 PM
وهل ممكن لما تنزل تعملوا اعلان هنا على المنتدى؟؟





أكيد .. كل المعلومات عن الحركة بتكون موجودة أول بأول

راجية رضى ربها
01-19-2012, 09:58 PM
جزاكم الله خيرا يا دكاتره

:barak:

صقر قريش
01-22-2012, 12:03 PM
انا سمعت ان النيابات بتقسم حسب المجموع فياريت يا جماعه نيابة النسا من كام علشان الواحد يبقى عارف طبعا نيابة الصحه مش الجامعه

pure spirit
01-22-2012, 05:14 PM
حضرتك هتلاقى فى الموضوع ده الحدود الدنيا لكل التخصصات لكام حركة فاتوا
• الحدود الدنيا للنيابات السابقة ... موضوع تجميعى •
(http://www.alltebfamily.com/vb/showthread.php?t=40748)

dr.mo7amad
01-23-2012, 09:50 AM
السلام عليكم ورحمة الله بركاته

لوسمحتوا ياجماعة النيابات اللى مازالت لها إحتياجات وماحدش خدها فى التظلمات هل يمكن التحويل لها فى فترة ال6 شهور؟:C20ColdHands:

pure spirit
01-23-2012, 04:56 PM
السلام عليكم ورحمة الله بركاته

لوسمحتوا ياجماعة النيابات اللى مازالت لها إحتياجات وماحدش خدها فى التظلمات هل يمكن التحويل لها فى فترة ال6 شهور؟:C20ColdHands:
ايوة تقدر تعدل فى أى وقت خلال 6 شهور من استلامك بشرط سماح مجموعك
وبيكون التعديل فى ادارة الطب العلاجى ومطلوب صورة البطاقة , طلب تعديل
ومن ادارة التكليف بتجيب الحد الأدنى للحركة ومجموعك وبيطلع التعديل بعد اسبوعين
حضرتك شوف الموضوع ده
http://www.alltebfamily.com/vb/showthread.php?t=40094

dr.mo7amad
01-23-2012, 06:17 PM
شكرا على الرد يادكتورة
بس أنا كنت عاوز أستفسر إن النيابات دى مانزلهاش حد أدنى لأن ماحدش خدها فى الحركة ولا فى التظلمات فمنزلهاش حد أدنىفمعنى إن منزلهاش حد أدنى إن أى مجموع يقدر يأخدها؟:C20ColdHands:

nadaadham
01-24-2012, 02:03 PM
السلام عليكم
معلش يادكاترة المشكلة طويلة شوية ومعقده..انا خريجة دفعة 2006 وتكيف 2008 ..انا من الشرقية بس تكليفي كان في اسماعيلية وقضيت سنة بس اتجوزت وسافرت بعدها ومالحقتش انقل الشرقية
المهم قدمت على النيابات وجا نيابة ميكرو في الشرقية 2010 فنزلت مصر احو واستلمها قالولي ياتنقلي ياتستلمي ولو نقلتي نيابتك تتلغي فاستلمت النيابة حوالي 9 شهور وبعدين ما ارتحتش فيها فلغيتها واستلمت تكليف تاني في اسماعيلية وقدمت طلب نقل للشرقية بس عشان كان ايام الثورة ك حاجة اتعطلت ومالحقتش برضو وسافرت السعودية تاني..انا طبعا اتحرمت حركتين من التقديم اخرهم نوفمبر الي فات والمفروض هقدم ان شاء الله مايو الجاي ده بس عاوزة انقل الاول ضروري .. المفروض انزل امتى عشان الحق انقل قبل النتيجة بتاعة النيابات وهعرف انقل في الظروف دي والمشاكل اللي في التحرير كل شوية؟؟ولو معرفتش انزل هو ينفع انقل نيابتي نفسها..المفروض ان انا هستلم واخد اجازة واسافر تاني فلو اخليت هيرجعوني اسماعيلية تاني وانا مش عاوزة ارجع هناك..حد عنده حل او فكرة مع العلم ان نا مش هقدر اطول كتير في مصر..

شكرا

pure spirit
01-24-2012, 05:35 PM
شكرا على الرد يادكتورة
بس أنا كنت عاوز أستفسر إن النيابات دى مانزلهاش حد أدنى لأن ماحدش خدها فى الحركة ولا فى التظلمات فمنزلهاش حد أدنى فمعنى إن منزلهاش حد أدنى إن أى مجموع يقدر يأخدها؟:c20coldhands:
اه فهمت قصد حضرتك
طب ليه ماقدمتش فيها فترة التظلمات
مش عارفة هيتعاملوا مع الأماكن دى ازاى وعلى اساس ايه
ممكن فى الوزراة يفيدوا حضرتك أكثر

pure spirit
01-24-2012, 05:52 PM
فنزلت مصر احو واستلمها قالولي ياتنقلي ياتستلمي ولو نقلتي نيابتك تتلغي
أظن ده كلام غير صحيح
انتى كنتى ممكن تعملى تعديل تكليف قبل ماتستلمى نيابتك عادى
المفروض انزل امتى عشان الحق انقل قبل النتيجة بتاعة النيابات وهعرف انقل في الظروف دي والمشاكل اللي في التحرير كل شوية؟؟
ماتغلطيش نفس الغلطة مع الموظفين طالما مارضيوش فى المرة الأولى
يعنى حاولى يكون قرار التعديل صادر قبل نتيجة النيابات ماتظهر
هو انتى هتعملى تعديل تكليف بسبب الزواج بتقدمى صورة القسيمة والأصل للاطلاع وصورة البطاقة وطلب تعديل هتلاقى صيغته هناك
طلبات التعديل للمتزوجات مش بتاخد أكثر من اسبوعين
لكن أعرف ناس اصحابى ماطلعش غير بعد شهر
يعنى على ظروفك ممكن تنزلى أول 4 تعملى الطلب وتنفذى قبل حركة النيابات ماتنزل
أو ممكن تعملى حاجة دلوقتى وانتى برة مصر ابعتى القسيمة لحد قريبك ويروح هو يقدملك الطلب ولما قرار التعديل يطلع ممكن تبقى تنزلى تنفذى

ولو معرفتش انزل هو ينفع انقل نيابتي نفسها
لحد دلوقتى النيابات لو جات لك فى غير محافظة التكليف بتكون انتداب مش نقل
يعنى لو جالك نيابة فى الشرقية قبل ماتعدلى هتبقى انتداب

المفروض ان انا هستلم واخد اجازة واسافر تاني فلو اخليت هيرجعوني اسماعيلية تاني وانا مش عاوزة ارجع هناك..حد عنده حل او فكرة مع العلم ان نا مش هقدر اطول كتير في مصر..

أنا مش فاهمة الجزئية دى
بس انتى أفضل حل ليكى تعملى تعديل التكليف الأول وبعدين لما تجيلك النيابة استلميها وسافرى على طول مرافقة زوج ولما هترجعى هترجعى على النيابة ان شاء الله طالما مازودتيش عن سنتين أجازة

nadaadham
01-24-2012, 06:23 PM
انا متشكرة جدا لردك..بس انا فعلا قالولي لازم تنفذي حركة واحدة ولو عدلتي تكليفك نيابتك هتتلغي..واضطريت استلم التكليف..وبالنسبة للجزء الاخير اللي حضرتك مش فاهماه انا اقصد لما باجي اخلي عشان الاجازة بأخلي من مكان الانتداب واستلم تاني في محافظة التكليف وارجع اخلي..ولو خلصت اجازتي بيسلموني نيابتي بس مش في مكان الانتداب اللي جاي من الوزارة لكن بيسلموني في محافظة التكليف..حتى في ناس كتير بيكونو عاوزين تخصص معين فبيقدمو في اي مكان وبعدين ياخدو اجازة ويرجعو محافظتهم وماينفذوش الاجازة ويستمو هناك..
وسؤالي عى النقل لو مثلا انا تكيليفي في اسماعيلية وجالي نيابة في الشرقية بتبقى فعلا انتداب,,ينفع بقى الانتداب ده يتحول لنقل كامل ولا ايه؟؟
حضرتك متأكدة فعلا اني ينفع اقدم تعديل وانا في اجازة؟؟ لو ينفع ده يبقى حل كويس جداااا يارييييت
ع العموم انا بجد متشكرة جدا جدا لردك واهتمامك..واسفة على اسألتي الكتير

pure spirit
01-25-2012, 06:09 PM
انا متشكرة جدا لردك..بس انا فعلا قالولي لازم تنفذي حركة واحدة ولو عدلتي تكليفك نيابتك هتتلغي..واضطريت استلم التكليف..وبالنسبة للجزء الاخير اللي حضرتك مش فاهماه انا اقصد لما باجي اخلي عشان الاجازة بأخلي من مكان الانتداب واستلم تاني في محافظة التكليف وارجع اخلي..ولو خلصت اجازتي بيسلموني نيابتي بس مش في مكان الانتداب اللي جاي من الوزارة لكن بيسلموني في محافظة التكليف..حتى في ناس كتير بيكونو عاوزين تخصص معين فبيقدمو في اي مكان وبعدين ياخدو اجازة ويرجعو محافظتهم وماينفذوش الاجازة ويستمو هناك..
أول مرة أعرف حاجة زى كدة بس لا ماأظنش والا ماكانش حد غلب والناس كلها كانت عملت كدة
انتى لما بتاخدى أجازتك وبترجعى صحيح بترجعى على مكان عملك الاصلى اللى هو التكليف لكن فى المديرية بيرجعوكى على مكان نيابتك تانى انتداب طالما مازدتيش عن سنتين اجازة
وسؤالي عى النقل لو مثلا انا تكيليفي في اسماعيلية وجالي نيابة في الشرقية بتبقى فعلا انتداب,,ينفع بقى الانتداب ده يتحول لنقل كامل ولا ايه؟؟

لا ماينفعش هما كانوا قالوا هياخدوا قرار ان النيابة تبقى نقل لكن حتى الآن مفيش حاجة
حضرتك متأكدة فعلا اني ينفع اقدم تعديل وانا في اجازة؟؟ لو ينفع ده يبقى حل كويس جداااا يارييييت

بصى انتى بتعملى التعديل فى الوزارة وكدة كدة الوزارة ماتعرفش انتى فى اجازة ولا على قوة الشغل
الا بقى اذا اشترطوا انك تعملى طلب التعديل بنفسك ولو انى عملته قبل كدة ومارحتش ولا مرة وابن عمى اللى عملهولى
يادوب هتودى صورة القسيمة والطلب وتعدى تاخديه بعد اسبوعين ولما القرار يطلع تبقى تنزلى بقى تنفذى
جربى من دلوقتى وكدة كدة مش خسرانه حاجة لو نفع يبقى كسبنا وقت لو مانفعش يبقى على اساسه هتحددى هتنزلى امتى
وان شاء الله خير
ع العموم انا بجد متشكرة جدا جدا لردك واهتمامك..واسفة على اسألتي الكتير

العفو وربنا ييسرلك الخير ان شاء الله

up_down
01-27-2012, 06:48 PM
لو سمحتوا يا دكاتره عايزه حد يعرفنى خطوات الغاء النيابه اى والاوراق المطلوبه اى وبتاخد وقت طويل ولا اد اى؟

صقر قريش
01-28-2012, 01:47 AM
الف شكر يا دكتورة

up_down
01-28-2012, 03:13 AM
لو سمحتوا يا دكاتره عايزه اعرف خطوات الغاء النيابه اى والاوراق المطلوبه وتاخد وقت اد اى

nadaadham
01-29-2012, 06:17 PM
انا متشكرة جدا جدا يادكتورة...ربنا يكرمك يااارب

adsads
01-30-2012, 11:08 AM
ربنا ييسر لكي

ahmade10
01-30-2012, 09:47 PM
42 مشاهدة ومافيش رد :s

د/ أحـمـد سـليمان
02-01-2012, 01:44 PM
لو سمحتوا يا دكاتره عايزه حد يعرفنى خطوات الغاء النيابه اى والاوراق المطلوبه اى وبتاخد وقت طويل ولا اد اى؟
عادي بتتم في الوزارة .. بتقدم طلي في ادارة التكليف
و بيتهيألي بتاخد اسبوعين
و مش محتاجة ورق
غير بس بيان حالة من المكان اللي انت فيه انك استلمت نيابة كذا

OneMeTeoR
02-07-2012, 09:11 PM
السلام عليكم و رحمة الله و بركاته
انا عايز اسال كام سؤال ..

1- كيفية اخلاء الطرف والاستلام للنيابة (النيابة خارج المحافظة)
2- كيفية النقل الي محافظتي مرة اخري (في اي طريقة تجبني المحافظة بتاعتي , ولو مفيش هل ممكن اقدم طلب وارجع محافظتي بعد انتهاء فترة النيابة , وهل لو قدمت علي الزمالة و جت في مخافظتي هينفع اكمل في
نفس بلدي بعد الانتهاء من الزمالة )
3- المقابل المادي : يعني المرتب والحوافز و النبطشيات و كام عددها (انا جاتلي انف واذن)
4- ياريت لو في اي حد من اطباء الانف والاذن يديني شوية من خبرته

pure spirit
02-08-2012, 09:17 PM
السلام عليكم و رحمة الله و بركاته
انا عايز اسال كام سؤال ..

1- كيفية اخلاء الطرف والاستلام للنيابة (النيابة خارج المحافظة)
أول حاجة هتشوف فى مديريتك الاخلاء بيبدأ من عندهم ولا من الادارة مباشرة ده تقدر تعرفه بالتليفون
لو من المديرية بتجيب جواب موجه للادارة ثم الادارة بتوجهك بجواب اخلاء للوحدة تروح الوحدة تخلى وترجع للادارة تانى وبعدين الادارة توجهك للمديرية انك اخليت طرفك
المديرية هتوجهك بجواب انتداب لمديرية المحافظة اللى جاتلك فيها النيابة والمدرية هتوجهك للمستشفى
2- كيفية النقل الي محافظتي مرة اخري (في اي طريقة تجبني المحافظة بتاعتي ,

من حقك بعد سنة من الاستلام تنقل بموافقة الجهتين (المديريتين )
أو لو فيه مستشفى فى محافظتك مجموعك يجيب الحد الأدنى ليها فى نفس الحركة ممكن تعمل تعديل خلال 6 شهور من الاستلام

ولو مفيش هل ممكن اقدم طلب وارجع محافظتي بعد انتهاء فترة النيابة ,
من غير طلب ده اللى هيحصل لانك رايح النيابة اصلا انتداب ولما بتخلص بترجع تانى مكان عملك الاصلى اللى تكليفك كان فيه
وهل لو قدمت علي الزمالة و جت في مخافظتي هينفع اكمل في
نفس بلدي بعد الانتهاء من الزمالة )
مش متأكدة من النقطة دى لكن بعد الزمالة بترجع لمكان النيابة تقضى فترة تعادل فترة الزمالة
لكن تنقل بلدك بعد اد ايه مش عارفة بصراحة
3- المقابل المادي : يعني المرتب والحوافز و النبطشيات و كام عددها (انا جاتلي انف واذن)

المرتب زى التكليف
الحوافز للطبيب المقيم 330 %
النبطشيات على حسب المستشفى عندك بيشيلوا انف وأذن نبطشيات ايه (قسم ولا استقبال )
4- ياريت لو في اي حد من اطباء الانف والاذن يديني شوية من خبرته

ياريت أطباء الانف والاذن يتواصلوا ويعملوا رابطة ويفيدوا بعض

OneMeTeoR
02-09-2012, 06:33 AM
pure spirit (http://www.alltebfamily.com/vb/member.php?u=82)
جزاكي الله كل الخير
في المستشفي بيدوا نبطشيات استقبال بس و مفيش قسم
بس محدش قالي كام نبطشية

OneMeTeoR
02-10-2012, 03:40 PM
سؤال .. هل بعد الاخلاء من الادارة الصحية و الاستلام في مديرية اخري (بره محافظتي) يبعتولي تحقيق في الادارة او النيابة الاداريه ؟؟؟
ده ممكن يحصل ؟؟

pure spirit
02-11-2012, 04:06 PM
سؤال .. هل بعد الاخلاء من الادارة الصحية و الاستلام في مديرية اخري (بره محافظتي) يبعتولي تحقيق في الادارة او النيابة الاداريه ؟؟؟
ده ممكن يحصل ؟؟
حضرتك تقصد لو كان ليك تحقيق من ايام التكليف ؟؟
هو وانت بتخلى من الادارة فيه ورقة اخلاء طرف من جميع الاقسام هناك زى الحسابات ومراقبة العهد ,, الخ
من ضمن الاقسام دى الشئون القانونية لو ليك تحقيق فى يوم معين هيبلغك بيه
اما لو مكانش لسة طلع وجالك تحقيق هيبعتهولك على المكان الجديد بتاعك ايا كان هو فين
وممكن وديا يبلغوا الوحدة اللى حضرتك كنت فيها وحد من هناك يبلغك فى التليفون

sat man
02-12-2012, 08:26 PM
انا تكليفي كان في إسكندرية واستلمت نيابة في كفر الشيخ نيابات مايو 2011 عايز أعرف هقبض منين وإيه هيا مفردات مرتبي بالتفصيل جزاكم الله خير

pure spirit
02-13-2012, 06:37 PM
حضرتك هتقبض من جهة عملك الاصلية(اللى كان فيها تكليفك ) لانك رايح النيابة انتداب ولما بتخلصها بترجع تانى على محافظة تكليفك
يعنى هتقبض من اسكندرية
ولو عاوز مفردات مرتبك تفصيلا ممكن تطلبها بشكل ودى من موظف الحسابات اللى عندك فى الوحدة اللى كنت تكليف فيها
او تجيبها من الادارة بطلب رسمى

OneMeTeoR
02-16-2012, 10:17 PM
سؤال تاني من فضلكم

انا سالت في المديرية بتاعت المحافظة بتاعتي و قالوا انهم معندهومش مانع اني اخد نيابتي من المنيا
بس لازم اجيب موافقة من مديرية المحافظة اللي فيها النيابة
انا عايز اعرف الكلام ده ممكن ينفع فعلا ؟؟
هل احتاج موافقة من الوزارة ؟.؟
لازم اقدم الطلب ويتم اعتماده قبل استلام النيابة ؟

البطوطة
02-21-2012, 01:52 PM
ممكن اعرف اى خطوات استلام النيابه
وهل ممكن
استلم النيابه واخد اجازة تانى يوم على طول لانى هسافر
وممكن انزل تانى على التقديم للماستر وهل لازم اشتغل مده 6 شهور فى النيابه عشان اسجل ماستر
شكرا جزيلا

عمر عمر
02-22-2012, 01:19 AM
السلام عليكم لو سمحتو يادكاترة
انا كنت مقدمة اشعة فى الحركة دى ملحة والحمد للة جاتلى
1-دلوقتى انا قضيت 8 شهور تكليف وبعدين عملت اجازة رعاية طفل واللى فهمتة من الاعلان انى ماينفعش استلم قبل 28-5 وعايزة ماقطعش الاجازة غير على استلام النيابة هل كدة مفيش مشكلة ولا لا لان مدة العمل
الفعلى هتبقى 8شهور بس؟
2-لو استلمت النيابة 28-5 كدا هيكون ميعاد الترشيح الوزارى خلص المفروض نقدم امتى ؟
3- انا نيابتى فى مستشفى اورام فى غير محافظة التكليف بتاعتى دلوقتى لما اجى استلم النيابة تعاملى هبقى من خلال المدرية ولا المعاهد المتخصصة ليها نظام لوحدها واية خطوات استلام النيابة؟
4-ولو استلمت وحبيت اعمل اجازة لما اررجع هتوزع تانى من جديد ولا هروح على نفس المستشفى اللى فيها نيابتى؟
5-لوحبيت انقل لمحافظة تكليفى اية الشروط؟
6-بالنسبة لاجازة التفرغ مسموح بها فى المعاهد المتخصصة؟
اعتذر عن الاطالة وجزاكم الله خيرا

عمر عمر
02-22-2012, 05:16 PM
لللللللللللللل

pure spirit
02-22-2012, 07:15 PM
ممكن اعرف اى خطوات استلام النيابه

استلام النيابة لما الاسامى بتوصل الادارة بتوجهك بجواب اخلاء من الوحدة ثم الادارة ثم المديرية ثم المستشفى للى فيها نيابتك لو كانت النيابة فى نفس محافظة التكليف
او المديرية بتوجهك لمديرية النيابة ثم لمستشفى النيابة لو كان فى محافظتين مختلفتين
وهل ممكن
استلم النيابه واخد اجازة تانى يوم على طول لانى هسافر
أيوة ممكن
وممكن انزل تانى على التقديم للماستر وهل لازم اشتغل مده 6 شهور فى النيابه عشان اسجل ماستر
شكرا جزيلا

هنشوف الترشيح الجاى هيشترط مدة ولا لا
وعليه هتحددى اذا كنتى هتنزلى أو لا

pure spirit
02-22-2012, 07:25 PM
السلام عليكم لو سمحتو يادكاترة
انا كنت مقدمة اشعة فى الحركة دى ملحة والحمد للة جاتلى
1-دلوقتى انا قضيت 8 شهور تكليف وبعدين عملت اجازة رعاية طفل واللى فهمتة من الاعلان انى ماينفعش استلم قبل 28-5 وعايزة ماقطعش الاجازة غير على استلام النيابة هل كدة مفيش مشكلة ولا لا لان مدة العمل
الفعلى هتبقى 8شهور بس؟
لا مفيش مشكلة ماتقطعيش اجازتك غير على الاستلام
2-لو استلمت النيابة 28-5 كدا هيكون ميعاد الترشيح الوزارى خلص المفروض نقدم امتى ؟

لو فاتك الترشيح ده بتقدمى فى الترشيح اللى بعده وده بيكون بعد سنة
الترشيح الوزارى مرة واحدة فى السنة
3- انا نيابتى فى مستشفى اورام فى غير محافظة التكليف بتاعتى دلوقتى لما اجى استلم النيابة تعاملى هبقى من خلال المدرية ولا المعاهد المتخصصة ليها نظام لوحدها واية خطوات استلام النيابة؟

لا مش من خلال المديرية هتكونى تبع الأمانة تقريبا
4-ولو استلمت وحبيت اعمل اجازة لما اررجع هتوزع تانى من جديد ولا هروح على نفس المستشفى اللى فيها نيابتى؟

لو الأجازة مازادتش عن سنتين بترجعى على نفس مكان نيابتك
5-لوحبيت انقل لمحافظة تكليفى اية الشروط؟

ممكن خلال 6 شهور من الاستلام بشرط سماح المجموع
او بعد سنة بموافقة الجهتين
6-بالنسبة لاجازة التفرغ مسموح بها فى المعاهد المتخصصة؟

مش عارفة بصراحة
اعتذر عن الاطالة وجزاكم الله خيرا

جزانا واياكم خيرا

warm winter
02-22-2012, 07:48 PM
الله يكركم حد يفيدني فالموضوع ده
انا جتلي نيابه جلديه في مرسي مطروح لاني مكنتش كاتبه غير الجلديه في رغباتي المهم انا من القاهره وفي مستشفيات كتير فالقاهره واخده نيابه اطفال من مجموعي واقل بكتير وفي مستشفيات فالقاهره نازله فالتظلمات
دلوقتي السؤال بقي انا نويت اغير لاطفال علي اساس مستشفيات نازله فالتظلمات
طيب لو مجتليش حاجه فالتظلمات هل من السهل اني اعمل تعديل نيابه بعد استلامي للجلديه في مطروح في ضوء سماح المجموع بس انا سمعت ان لازم موافقه الجهتين هل في مطرح هيوافقو عادي يبدلولي مش هيرخمو ولا ايه ؟
ارجوكو ضروري حد يفيدني بكلام متجرب موثوق منه لاني بره مصر وهنزل مخصوص علشان النيابه

ام كنده
02-22-2012, 11:00 PM
السلام عليكم
انا جتلي نيابه اطفال مستشفي السلام القاهره مكتوب كده بس ف النتيجه
بس مش عارفه دي مستشفي السلام الدولي وللا مستشفي السلام اللي ف المهندسين وللا حاجه تانيه
انا مش من القاهره وعاوزه اعرف ياريت حد يفيدني
وكمان مجموعي يجيب اطفال مستشفي المطريه التعليمي
ينفع اني اغير؟؟؟؟؟؟؟؟؟
وايهما افضل من حيث الشغل والتعليم؟؟؟؟؟؟؟؟؟؟؟؟؟

OneMeTeoR
02-24-2012, 06:45 AM
السلام عليكم و رحمة الله و بركاته

انا قدمت في نيابات مايو 2011 وجاتلي نيابة انف واذن حارج المحافظة اللي انا عايش فيها
و لسه مش استلمتها لحد دلقوتي
ولما ظهرت نتيجة نيابات نوفمبر 2011 لقيت ان مجموعي ممكن يجبيني في محافظتي
عايز اعرف هل ينفع التحويل في الحالة دي ولا لأ ؟؟

ارجو الافادة بالتفصيل وشكرا

dr_hero85
02-24-2012, 10:43 AM
وعليكم السلام ورحمة الله ...

كل حركة نيابات مستقلة بنفسها .. يعني ماينفعش تحول بين مكانين في حركتين مختلفتين ..

التحويل بس في حالة سماح مجموعك بنيابة في نفس الحركة اللي ترشحت فيها لنيابتك ..

ولازم تستلم العمل في النيابة وبعدين تقدم طلب تعديل في الوزارة خلال 6 شهور من الاستلام

OneMeTeoR
02-24-2012, 12:49 PM
شكرا علي الرد dr_hero

بس حركة النيابة اللي انا قدمت فيها اللي هي نوفمبر 2011
مكنش فيها نيابة انف واذن في محافظتي غير واحدة بس ومحترم واخدت من 75 % تقريبا
يعني لو كان في اماكن اخري في مراكز اخري كانت هتاخد اقل من كده والله اعلم

الحاجة التانية
طلب التعديل اللي هيتقدم في الوزارة مين اللي هيحكم فيه بالقبول والرفض
وايه هي الضوابط او الاسباب اللي تساعد علي قبول الطلب

dr_hero85
02-24-2012, 01:42 PM
حضرتك قولت ... في المشاركة الأولى .. انا قدمت في نيابات مايو 2011

وفي المشاركة الثالثة قولت .. حركة النيابة اللي انا قدمت فيها اللي هي نوفمبر 2011

طلب التقديم في الوزارة صيغته ثابتة .. وفي حالة سماح المجموع في نفس الحركة او مرور سنة على الاستلام

في الحالتين دول يتم الموافقة من قبل مساعد الوزير لشئون الطب العلاجي

OneMeTeoR
02-24-2012, 09:39 PM
dr_hero
الف شكر
انا قدمت في نيابات مايو 2011

معلش اخر سؤال بقي
انت كاتب حالتين
الاولي : سماح المجموع و زي ما قلت في اول مشاركة ان مجموعي مش جايب نيابة انف واذن في محافظتي وكانت مكان واحد بس
الثانية : حالة مرور سنة ..هل تقصد مرور سنة من الاستلام مع سماح المجموع
ولا مرور سنة حتي لو المجموع مش سامح ؟؟

dr_hero85
02-24-2012, 10:02 PM
مرور سنة حتى لو المجموع لا يسمح ..

كمان فيه حاجة اسمها انتداب دراسة .. ده لو انت مسجل دبلوم او ماجستير بتعمل انتداب دراسة لاقرب مكان ليك ..

وده غير سنة التفرغ اللي ممكن تريح خالص من المستشفى - سنة أو سنة ونصف - فيها بعد ما تمتحن فيرست الماجستير وتاخد موضوع للرسالة

د/ أحـمـد سـليمان
02-25-2012, 09:08 AM
انا نويت اغير لاطفال علي اساس مستشفيات نازله فالتظلمات
طالما المكان اللي أنت عاوزة تروحية نازل في المستشفيات المتاحة في التظلمات يبقى هيجيلك إن شاء الله مباشرة و ده حصل معايا شخصيا في حركة مايو اللي فات .. و بالتالي مش هتضطري تستلمي و لا تعملي تعديل .. هتخلصي كل حاجة قبل الاستلام .. و ده اسهل بكتير ان شاء الله

د/ أحـمـد سـليمان
02-25-2012, 09:18 AM
اطفال مستشفي السلام القاهره
المقصود هو مستشفى السلام التخصصي
في مدينة السلام على الصحراوي
قريبة من موقف العاشر من رمضان ( موقف النزهة )
اللي فيه ميكروباصات الاقاليم

لو انت مش من القاهرة انصحك بلاش تروحي .. لأن المستشفى في منطقة مش أمان .. اما بالنسبة للمطرية .. فهي تقريبا مش نازلة في الاماكن المتاحة للتظلمات .. يبقى كده مش هتبقى من ضمن الاختيارات لما الموقع يفتح للتظلمات .. ده اللي حصل في حركة مايو ..

د/ أحـمـد سـليمان
02-25-2012, 09:24 AM
ده كان رد ادارة التكليف على التظلمات للاماكن المستوفية ( اللي مش نازلة ضمن المستشفيات المتاحة للتظلمات )
---------------------------
وزارة الصحة والسكان






الادارة العامة لشئون التكليف
ثالثا سماح المجموع فى ضوء استيفاء الاعداد
راى اللجنة




الموافقة فى حالة موافقة الجهتين(جهة النيابة وجهة النيابة المطلوبة) طبقا للاحتياجات فى ضوء القرار الوزارى رقم 290لسنة 2007وتعديلاته


---------------
و بالتالي لو في مكان لسة مكتملش .. هيبقى فرصته احسن لأنه بيتقبل مباشرة

warm winter
02-25-2012, 09:47 AM
شكرا دكتور احمد علي ردودك بس معلش في سؤال
انا دلوقتي جالي نيابه جلديه في مطروح وانا من القاهره لما لقيت ان في مستشفيات كتير نيابه الاطفال فيها واخده اقل من مجموعي قلت اغير لاطفال وامري الي الله
المهم دلوقتي انا هقدم في تظلمات سماح المجموع في الاماكن الفاضيه الي نازله
السؤال بقي لومجتليش حاجه فالتظلمات هل تعديل النيابه بعد الاستلام محتاج موافقة الجهتين برضو؟
لاني انا لو استلمت فمطروح سمعت انهم مبيسيبوش الدكتور غير بطلوع الروح
وهل ممكن ما يوافقوش يخلولي لو قرار التعديل طلع
انت ايه رايك فالموضوع معلش لاني بره مصر وقلقانه جدا وهنزل مخصوص علشان موضوع النيابه ده

د/ أحـمـد سـليمان
02-25-2012, 11:01 AM
هل تعديل النيابه بعد الاستلام محتاج موافقة الجهتين برضو؟
لو الإتنين تبع المديريات عادي ( يعني مش تعليمي و لا كده )
يبقى النقل مش محتاج موافقات إن شاء الله
بس طبعا متكونيش أستلمتي علشان مطروح مترخمش في الإخلاء

warm winter
02-25-2012, 11:08 AM
لو الإتنين تبع المديريات عادي ( يعني مش تعليمي و لا كده )
يبقى النقل مش محتاج موافقات إن شاء الله
بس طبعا متكونيش أستلمتي علشان مطروح مترخمش في الإخلاء
هو تعديل النيابه ينفع منغير استلام؟

OneMeTeoR
02-25-2012, 09:20 PM
عزيزي dr_hero85 (http://www.alltebfamily.com/vb/member.php?u=126)

ممكن طلب ؟
ياريت لو عندك اكونت علي الفيس بوك او الياهو
لسهولة التواصل .. لان عندي اسئلة كتيرة و عايز اطرحها علي حد فاهو و واع زي حضرتك
وياريت لو تعرف اي دكتور انف واذن هنا في المنتدي ممكن يساعدني و ينصحني والف شكر مرة تانية يا كبير

stailman
02-27-2012, 01:17 AM
ممكن اسال عن تعديل مكان النيابة
انا جاتلي نيابة اشعة في الاسماعيلية ومجموعي يجيب برج العرب بس مكنتش كاتبها ومش نازلة في الاماكن التي لم تكتمل
ازاي انقل لبرج العرب
والانتداب بعد كدة في اول 6 شهور ازاي
يعني ممكن اعمل انتداب عادي جوة المحافظة لمستشفي عام تانية
وبيقي انتداب كلي ولا جزئي بس
يريت حد يفيدني

د/ أحـمـد سـليمان
02-27-2012, 01:33 PM
هو تعديل النيابه ينفع منغير استلام؟اه ينفع .. بطلب في الوزارة

ازاي انقل لبرج العرب


اقروا المشاركة دي
http://www.alltebfamily.com/vb/showpost.php?p=319810&postcount=440

و شوفوا الموضوع ده
http://www.alltebfamily.com/vb/showthread.php?t=40094

kmk4
02-27-2012, 10:49 PM
لو هناك تخصص ما مثلا حوافزه 450% وتم تعيينه في مستشفيات الأمانة العامة مثل "مستشفى شرق المدينة" يكون مرتب الطبيب هو الاساسي + 200% فقط حوافز
سمعت ان هناك قرار لوزير الصحة بحيث ان الطبيب يصرف المرتب + 200% من مستشفى الأمانة ويصرف ال250% حوافز المتبقية من مكان التكليف فهل هذا صحيح ؟؟
حد عملها او عنده فكره عنها ؟

tt7777
02-27-2012, 11:20 PM
بعد اذنكم يا شباب انا جالي نيابه في مايو 2011 وهستلمها علي الاسبوع اللي جاي ان شاء الله بس الواحد عنده ظروف عائليه الوالد تعبان الحمد لله الواحد كان حريص شويه في الاجازات وظروف الوالد علي الاقل محتاجه 3 اسابيع هل ممكن اول ما استلم النيابه اقدم علي اجازه اعتياديه بسبب ظروف الوالد؟ ويا تري اقصي حد للاجازه قد ايه؟ 14 يوم ولا اكتر ؟ وبتتعمل منين جوه المستشفي ؟ ومين اللي يوافق عليه ولو هو رئيس القسم ورخم عليا ايه الحل؟؟؟؟؟؟
وشكرا مقدما

OneMeTeoR
02-28-2012, 03:09 PM
هل من الممكن تقديم طلب بانتداب لمستشفي تانية في مديرية تانية غير اللي فيها المستشفي بتاعت النيابة ؟؟

dr_hero85
02-28-2012, 11:41 PM
السلام عليكم ورحمة الله ...

وانت بتخلي من الادارة بتاعتك بتاخد رصيد أجازاتك .... ممكن بعد ما تستلم تقدم طلب اجازة اعتيادي ..

وده لازم يبقه قبل الاجازة ولازم موافقة رئيس العمل ..

الأجازة العارضة بتكون بعد ما تغيب تقدمها خلال 48 ساعة ..

سواء عارضة او اعتيادي ماينفعش تكون متواصلة 14 يوم .. لازم كل يومين او ثلاثة يقطعهم يوم عمل ..

أي اجازات بتكون من شئون العاملين ف المستشفى ..

د/محمد سعيد
02-29-2012, 11:18 AM
السلام عليكم ياريت يادكاتره حد يقولى معلومات ومزايا وعيوب جراحه التجميل وجراحه الاورام ؟وافضل المستشفيات؟

NESSMA AHMED
02-29-2012, 05:33 PM
والله انا حولت بعد ما قالو ان الطبيب المقيم هياخد330%
بس للاسف الكلام ده لكل الناس ما عدا الامانه
فى الامانه انت ليك 200% فقط

محمد الماجد
03-05-2012, 04:50 PM
السلام عليكم انا استلمت نيابه في مستشفي تعليمي نيابات مايو 2011 هل ينفع تعديل النيابه الي مستشفي اطفال بنها التخصصي في ضوء سماح المجموع علما ان مجموعي يجيبها ((تعديل النيابه في ضوء سماح المجموع خلال ست اشهر يتم من الوزارة علطول ولا لازم موافقة الجهتين )) هل في حالتي التعديل سهل ولا في مشاكل ارجو ردا سريعا

د/ أحـمـد سـليمان
03-05-2012, 04:55 PM
إن شاء الله ينفع عادي من خلال الوزارة و هي ممكن تطلب موافقة الجهتين و ممكن متطلبش .. يعني تتجه للوزارة الاول .. و معاك بيان حالة من المكان اللي انت فيه يثبت انك استلمت كذا بتاريخ كذا ضمن حركة كذا

محمد الماجد
03-05-2012, 05:39 PM
شكرا ياباشا على الرد السريع وهل الموضوع سهل ان شاء الله يعنى لو طلبو الموافقة هل مستشفى اطفال بنها بتعطى الموافقة بسهولة ولا ممكن يرفضوا .:gzak::barak::sala:

dr_m_a_keshk
03-07-2012, 05:19 PM
سلام عليكم
أنا طبيب إمتياز مجموعي الاعتباري 3918 وعايز أخد أشعه في مكان كويس اتعلم فيه واعرف اشتغل برايفت سونار وكده
ايه افضل مكان وهل ألحقه ؟؟ ولو لحقته هل بعد الماستر بتثبت في المكان ده ولا بخرج بره ؟وشكرانفع الله بك

د/ أحـمـد سـليمان
03-08-2012, 09:48 AM
مجموعك تقريبا 85
و ده ‘ن شاء الله تلحق بيه أشعة في مكان كويس
ممكن يبقى في مستشفى تعليمي في القاهرة مثلا
فترة النيابة بتكون 4 سنين بتقضيها في المكان ده
و بعد كده بتتوزع من جديد علشان تترقى أخصائي

dr_m_a_keshk
03-08-2012, 10:17 AM
ربنا يعزك يا دكتور الف شكر:barak:

NESSMA AHMED
03-08-2012, 08:51 PM
انا انهارده رحت الامانه واكتشفت ان فيه قرار رقم 700 بيقول ان الطبيب المقيم فى الامانه هو منتدب
وبالتالى يصرف حوافزه 300% كاملة من مكان تكليفه
بالرغم ان انا قدمت مذكره لمدير المديريه بشبين الكوم بكده الى انه قالى ترفض
انا بصراحه فى حيره من امرى مش عارف اعمل ايه؟؟؟؟؟؟ظ:sala:

د ايمان درويش
03-11-2012, 08:21 PM
السلام عليكم
ازيك يا د ترانيم عذرا للانقطاع بس والله مشاغل عندى سؤال مهم وارجوكى تتأكدى من الاجابة عليه عشان هيتوقف عليه حاجات كتير
اولا انا استلمت نيابة نساء واخذت الماستر بطبيب حر قبل ما استلم النيابة وكملت فى النيابة 5شهور ثم اخذت اجازة رعاية طفل سنتين للمرة الثانية وده كان بتاريخ 19-5-2010 وسافرت مع زوجى للسعودية واجازة زوجى فى 15-6-2012 يعنى مش هينفع ننزل قبل الوقت ده يبقى دلوقتى انا موقفى ايه ينفع حد غيرى يمدد لى الاجازة ولو اتمددت كمان سنه وقطعتها بعد شهر هيتحسب شهر ولا هتضيع على السنة ولو قطعت الاجازة ورجعت المستشفى هينفع ولا هيقولو انت اخذت اكتر من سنتين وراحت عليكى النيابة يعنى اتلغت وفى الحالة دى مش ممكن الماستر ينفعنى وعذرا للاطالة:barak:

pure spirit
03-12-2012, 11:51 PM
السلام عليكم
ازيك يا د ترانيم عذرا للانقطاع بس والله مشاغل عندى سؤال مهم وارجوكى تتأكدى من الاجابة عليه عشان هيتوقف عليه حاجات كتير
اولا انا استلمت نيابة نساء واخذت الماستر بطبيب حر قبل ما استلم النيابة وكملت فى النيابة 5شهور ثم اخذت اجازة رعاية طفل سنتين للمرة الثانية وده كان بتاريخ 19-5-2010 وسافرت مع زوجى للسعودية واجازة زوجى فى 15-6-2012 يعنى مش هينفع ننزل قبل الوقت ده يبقى دلوقتى انا موقفى ايه ينفع حد غيرى يمدد لى الاجازة ولو اتمددت كمان سنه وقطعتها بعد شهر هيتحسب شهر ولا هتضيع على السنة ولو قطعت الاجازة ورجعت المستشفى هينفع ولا هيقولو انت اخذت اكتر من سنتين وراحت عليكى النيابة يعنى اتلغت وفى الحالة دى مش ممكن الماستر ينفعنى وعذرا للاطالة:barak:
هو قانون الغاء النيابةبعد سنتين ده مش معمول بيه فى كل المديريات يعنى بتختلف من مديرية للتانية
يعنى فيه ناس اخدوا اجازة حوالى 5 سنين ورجعوا عادى على نيابتهم وفيه ناس اجازتهم زادت حاجة بسيطة عن السنتين فاتلغت
هو كان فيه حملة لالغاء القانون ده بس ماحدش كملها لحد الآن
فحضرتك ممكن تخلى حد يسال فى المديرية التابع ليها نيابتك هيكون ايه الوضع بعد السنتين الوضوع كله يعتمد على موظف الأجازات والتنقلات فى المديرية
تانى حاجة حتى لو النيابة اتلغت الماستر مايتلغيش طالما تسجيلك سارى فى الجامعة ولم يتم وقف قيدك يعنى مالهومش علاقة ببعض
لو حضرتك من الدقهلية أنا كنت سالت فى المديرية والموظف قاللى لو نيابتها فى نفس محافظة تكليفها (يعنى تكليفك ونيابتك فى الدقهلية ) غالبا مش بيلغوا النيابة وبيعدوها
شوفى كدة ظروف المديرية اللى انتى تابعة ليها ايه وبناء عليه هتحددى هتنزلى امتى

د ايمان درويش
03-14-2012, 09:08 AM
جزاك الله خيرا
بس انا مفهمتش هعمل ايه دلوقتى فى الاجازة يعنى فى حد ممكن يخلصلى اجراؤات الاجازة ولا لازم وجودى انا شخصيا وفرضا لو محدش نفع يخلصها وانقطعت عن العمل ال20 يوم دول لحد مانزل واستلم تانى هتعدى الحكاية ولا هيفصلونى (رفد يعنى) ارجوكى ممكن تساليلى عن النقطة دى لان لو مفيهاش رفد ممكن عادى انزل فى معادنا ويبقى جزا والسلام :wfk:

pure spirit
03-16-2012, 01:04 AM
جزاك الله خيرا
بس انا مفهمتش هعمل ايه دلوقتى فى الاجازة يعنى فى حد ممكن يخلصلى اجراؤات الاجازة ولا لازم وجودى انا شخصيا وفرضا لو محدش نفع يخلصها وانقطعت عن العمل ال20 يوم دول لحد مانزل واستلم تانى هتعدى الحكاية ولا هيفصلونى (رفد يعنى) ارجوكى ممكن تساليلى عن النقطة دى لان لو مفيهاش رفد ممكن عادى انزل فى معادنا ويبقى جزا والسلام :wfk:
أنا رايحة المديرية يوم الاحد ان شاء الله اسال لحضرتك عن النقطة دى

د ايمان درويش
03-18-2012, 09:45 AM
:mghoud:

المسجد الأقصى
03-19-2012, 12:57 AM
السلام عليكم
بعد اذنكم كان عندي سؤال؟؟؟؟
انا خريجة جامعة طنطا 2010
مجموعي الحمد لله 86.8
ونفسي آخد تخصص cardiology
فممكن حد يفيدني عن الأماكن الكويسة برة الجامعة واللي ممكن تكون قريبة
وجزاكم الله خيرا مقدما

د/ أحـمـد سـليمان
03-19-2012, 11:33 AM
افضل مكان هو معهد القلب
و كذلك المستشفيات التعليمية في القاهرة
اما لو تقصدي قريب منك خارج القاهرة
في معهد كبد و قلب كفر الشيخ
و مستشفى المنصورة الدولي حلوة بس مفيهاش قسطرة

المسجد الأقصى
03-19-2012, 11:45 PM
افضل مكان هو معهد القلب
و كذلك المستشفيات التعليمية في القاهرة
اما لو تقصدي قريب منك خارج القاهرة
في معهد كبد و قلب كفر الشيخ
و مستشفى المنصورة الدولي حلوة بس مفيهاش قسطرة

جزاك الله خيرا يا دكتور ومشكوووووور
بس أول مرة أسمع عن مركز قلب في كفر الشيخ وهل ده كوويس!!!!!!!!!
وايه رأي حضرتك في مركز القلب في المحلة!!!!!!!!!

lakaleekoo
03-21-2012, 01:40 AM
سلام عليكم



ايه فرص النيابة و التعيين للي مش مرتبين و تقديرهم عادي .

pure spirit
03-21-2012, 03:25 PM
نيابات وزارة الصحة بعد قضاء فترة تكليف بحد أدنى 6 شهور وحد اقصى سنتين
بينزل اعلانين كل سنة واحد فى مايو والتانى فى نوفمبر
بيقدم وبيدخل حركة التنسيق

د/ أحـمـد سـليمان
03-21-2012, 10:49 PM
معنديش فكرة عن المحلة
و مركز كفر الشيخ بيقولوا كويس بس معنديش معلومات كافية

lakaleekoo
03-22-2012, 03:27 AM
غير نيابة الجامعة ؟؟؟؟ و دايمة ؟

pure spirit
03-22-2012, 03:16 PM
غير نيابة الجامعة ؟؟؟؟ و دايمة ؟
ايوة غير نيابة الجامعة
ومش دايمة بتكون 4 سنوات تحصل خلالها على درجة علمية (دبلومة أو ماستر ) أو زمالة مصرية
بعدها بتترقى لاخصائى فى مستشفى حسب احتياجات المديرية اللى كان تكليفك فيها

lakaleekoo
03-24-2012, 08:20 PM
يعني من الاخر بعد النيابة الدايمة كله واحد ؟؟؟؟؟؟

dr_mero2011
03-24-2012, 09:56 PM
ماهى اجراءات الغاء نيابة الريف لكى استلم نيابة علاجى؟واقدم فى التظلمات؟ارجو الرد

د/ أحـمـد سـليمان
03-26-2012, 09:54 AM
معنديش فكرة للاسف
المديرية هي اللي تقدر تفيدك

د/ أحـمـد سـليمان
03-26-2012, 04:02 PM
لو تقصد النيابة الدايمة ( يعني التثبيت في الجامعة ) يبقى فعلا في فرق أساسي بينهم و بين باقي الناس .. و هو ان اللي متثبت في الجامعة بيبقى هي دي مكانه الاساسي على طول .. أما غير كده .. أي حد بيتعين تبع وزارة الصحة .. بياخد الطريق المعتاد بتاعها .. تكليف ثم نيابة ثم ترقيات .. لكن الطريق ده بيكون اطول من طريق الجامعة .. مع ملاحظة ان مش كل اطباء وزارة الصحة في نفس الظروف .. لأن بيتم التوزيع على المستشفيات حسب المجموع .. و بالتالي ممكن تروح مستشفى كبيرة جدا و مستواها ممتازو ممكن تروح مستشفى مفيهاش أي حاجة .. لأن مستشفيات وزارة الصحة متفاوته جدا من حيث المستوى .. منها اللي يفوق بعض المستشفيات الجامعية

dr_mero2011
03-27-2012, 12:03 AM
سالت النهاردة فى المديرية قالولى لازم علشان الغى نيابة الريف اروح الوزارة ادارة المنح والبعثات فى الدور الرابع والغيها من هناك هل اعمل كدا وهل ممكن يحصل اى مشكلة ؟

BRM
03-28-2012, 08:43 AM
السلام عليكم ورحمه الله وبركاته
لو سمحتو عاوز استفسر عن حاجه
انا عاوز اتخصص اطفال ومجموعى قليل 72 %
وعاوز اتعلم كويس جدا وعندى استعداد اعمل اى حاجه علشان اتخصص اطفال
ايه افضل طريقه ؟
ممكن ابقى اخد نيابه فى مكان بعيد وبعدين احول لمستشفى تعليمى ؟
ولا لو خدت نيابه ريف هاتدرب فين ؟ وبعد ما اخلص النيابه هافضل فى الريف ؟ وايه الوسيله اللى تخلينى مافضلش فى الريف ؟
جزاكم الله خيرا وجعله فى ميزان حسناتكم

د/ أحـمـد سـليمان
03-29-2012, 10:15 AM
ممكن ابقى اخد نيابه فى مكان بعيد وبعدين احول لمستشفى تعليمى ؟
صعب جدا ده يحصل لأن المستشفيات التعليمية دايما مكتظة و هي اللي بترجع النواب دلوقتي .. حتى النواب اللي متوزعين عليها بتعيد توزيعهم على اماكن تانية تبع التعليمي في الاقاليم علشان الضغط
ولا لو خدت نيابه ريف هاتدرب فين ؟ في المستشفى اللي تبع الادارة بتاعتك . يعني في الغالب هتبقى مستشفى عام او مركزي
وعندى استعداد اعمل اى حاجه علشان اتخصص اطفال
ايه افضل طريقه ؟
لو فعلا عندك إستعداد تعمل أي حاجة
خد اجازة سنة بدون مرتب و قدم نائب زائر في جامعتك
هتتعلم كويس و تقدر تسجل ماستر و انت هناك
يعني مش هتكون ضيعت وقت
و ممكن تضغط نفسك و تشتغل برايفت في الايام اللي معندكش فيها جامعة علشان تغطي مصاريفك .. و صدقني السنة دي مش هتعطلك .. لأن هترجع تدور عليها بعد كده
اما لو انت لسة تكليف جديد .. ممكن تكمل الفترة الاجبارية الاول ( السنة المطلوبة علشان تقدم نيابات ) و بعد كده ممكن تعمل الفزيتور

راجية رضى ربها
03-30-2012, 12:04 AM
السلام عليكم ورحمة الله وبركاته
عندي استفسار من فضلكم
ان دفعة 2009 وان شاء الله منتظره نيابة مايو2012 نفسي آخد clinical pathology بس بصراحه كل لما أقول لحد يستغرب ويحسسني اني مش دكتوره والكلام اللي احنا عارفينه ان دلوقتي خارجين علوم بيفتحوا معامل ومن الآخر مش هاتكوني طبيبه أنا محتاره بس بصراحه نفسي حد يقولي اجابيات لها وبصراحه اكتر انا وخداها عشان الراحه بما اني female مش عارفه انا صح ولا غلط وانا عندي خلفيه مش بطاله عن الأطفال بس حاسه ان البنات كلها دلوقتي أطفال ما شاء الله أغلب الدكاتره في بلدنا وخدينها
يا ريت لو حد من دكاترة التحاليل يرد علي ولو فيه رابط يا ريت تضفوه
أسفه للأطاله
جزاكم الله خيرا
والسلام عليكم ورحمة الله وبركاته

pure spirit
03-30-2012, 10:25 AM
السلام عليكم ورحمة الله وبركاته
عندي استفسار من فضلكم
ان دفعة 2009 وان شاء الله منتظره نيابة مايو2012 نفسي آخد clinical pathology بس بصراحه كل لما أقول لحد يستغرب ويحسسني اني مش دكتوره والكلام اللي احنا عارفينه ان دلوقتي خارجين علوم بيفتحوا معامل ومن الآخر مش هاتكوني طبيبه أنا محتاره بس بصراحه نفسي حد يقولي اجابيات لها وبصراحه اكتر انا وخداها عشان الراحه بما اني female مش عارفه انا صح ولا غلط وانا عندي خلفيه مش بطاله عن الأطفال بس حاسه ان البنات كلها دلوقتي أطفال ما شاء الله أغلب الدكاتره في بلدنا وخدينها
يا ريت لو حد من دكاترة التحاليل يرد علي ولو فيه رابط يا ريت تضفوه
أسفه للأطاله
جزاكم الله خيرا
والسلام عليكم ورحمة الله وبركاته
راجعى حضرتك البوست ده ان شاء الله يفيدك
clinical pathology (http://www.alltebfamily.com/vb/showpost.php?p=195319&postcount=83)
بالتوفيق

راجية رضى ربها
03-30-2012, 10:44 PM
جزاكم الله خيرا د/ترانيم

warm winter
04-05-2012, 09:30 AM
من فضلكم حد يجاوبني بس بالتفصيل شويه معلش
انا دلوقتي في اجازة رعايه طفل وانا دلوقتي خارج مصر وجتلي نيابه في تظلمات نوفمبر 2011 السؤال بقي
هل لو انا نزلت استلم النيابه هروح مديريه الي تابع لها تكليفي واقطع الاجازة واستلم في المديريه والمديريه توديني الاداره والاداره توزعني عالوحدات وبعدين ارجع اخلي تاني علشان النيابه ولا هقطع الاجازة واستلم في المديريه والمديريه تديني جواب للمديريه الي تابع لها نيابتي علطول علما بأن تكليفي في بنها ونيابتي في القاهره؟ ده اول سؤال
تاني سؤال بقي لو الترشيح الوزاري مش هيشترط قضاء مده معينه في النيابه اقدر انتزل واستلم امتي علشان الحق اقدم فيه وهل اسماء التظلمات بتروح المديريه علطول ولا لسه هستني خمسين سنه ولا ايه لان بنتي لسه صغيره 6 شهور وانا كده كده مش هقدر اقعد فالشغل كتير ولازم اخد اجازة علشان بنتي
جزاكم الله خيرا

pure spirit
04-05-2012, 05:32 PM
من فضلكم حد يجاوبني بس بالتفصيل شويه معلش
انا دلوقتي في اجازة رعايه طفل وانا دلوقتي خارج مصر وجتلي نيابه في تظلمات نوفمبر 2011 السؤال بقي
هل لو انا نزلت استلم النيابه هروح مديريه الي تابع لها تكليفي واقطع الاجازة واستلم في المديريه والمديريه توديني الاداره والاداره توزعني عالوحدات وبعدين ارجع اخلي تاني علشان النيابه ولا هقطع الاجازة واستلم في المديريه والمديريه تديني جواب للمديريه الي تابع لها نيابتي علطول علما بأن تكليفي في بنها ونيابتي في القاهره؟ ده اول سؤال
هتستلمى فى الادارة ثم الوحدة وبعدين تخلى وتكملى مشوارك بس الموضوع كله ممكن يخلص فى يوم واحد
تستلمى وتخلى فى نفس اليوم لو كانوا سمحو لكم بالاخلاء
تاني سؤال بقي لو الترشيح الوزاري مش هيشترط قضاء مده معينه في النيابه اقدر انتزل واستلم امتي علشان الحق اقدم فيه وهل اسماء التظلمات بتروح المديريه علطول ولا لسه هستني خمسين سنه ولا ايه لان بنتي لسه صغيره 6 شهور وانا كده كده مش هقدر اقعد فالشغل كتير ولازم اخد اجازة علشان بنتي
جزاكم الله خيرا



الترشيح لسة مفيش أى معلومات عنه لحد دلوقتى
واسماء التظلمات بتتبعت على طول للمديريات
يعنى فى حركتنا زميلتى كانت من ضمن التظلمات استلمت معايا فى نفس اليوم

tabebqena
04-06-2012, 11:44 PM
السلام عليكم

سؤالي عن خطوات استلام النيابة في التامين الصحي ؟؟

وهل يمكن الاستمرار في هيئة التأمين بعد انتهاء فترة النيابة ام لا ؟؟

وهل هذا مفيد ؟؟؟ هل توجد ايجابيات افضل في التامين عن الوزارة ؟؟

جزاكم الله خيرا

pure spirit
04-08-2012, 07:10 PM
السلام عليكم

سؤالي عن خطوات استلام النيابة في التامين الصحي ؟؟
تقريبا نفس الاجراءات
بتخلى من الادارة ثم الوحدة ثم الادارة ثم المديرية اللى فيها تكليفك وبعدين تحولك بجواب لهيئة التأمين فى القاهرة ومنها للمستشفى اللى جايلك فيها النيابة

وهل يمكن الاستمرار في هيئة التأمين بعد انتهاء فترة النيابة ام لا ؟؟

لا بيكون انتداب 4 سنوات بعدها بترجع لمديرية تكليفك بعد حصولك على درجة علمية (دبلوم أو ماستر ) تعيد توزيعك مع الترقيات
الا اذا نزلت لك درجة هناك واتعينت وغالبا ده محتاج واسطة
وهل هذا مفيد ؟؟؟ هل توجد ايجابيات افضل في التامين عن الوزارة ؟؟

جزاكم الله خيرا
دى مميزات وعيوب النيابات فى هيئات التأمين الصحى نقلا عن د.كاسبر فى موضوعه الشهير سللة مستقبل الطبيب
المميـــــــــزات
-1 ممكن في بعض المستشفيات التابعة للتأمين مش كلها يكون فيه تعليم وبعض المستشفيات بيكون مشرف عليها أساتذة من الجامعة
-2 ماديا إلي حد ما كويس لأنه فيها حوافز أكتر من مديريات الصحة
والفترة اللي جاية هايكون للتأمين الصحي مستقبل وفلوس كتير خصوصا بعد ما يفصلوا الخدمة عن التمويل وذلك بإنشاء صندوق خاص يتولي إدارة التأمين الصحي لأنه معايير الجودة بتتطبق دلوقتي في مستشفيات كتير من مستشفيات التأمين يعني مستقبلا التأمين هايكون له وضع مميز
-3 بيقبل من مجموع متوسط يعني مش صعب انك تلاقي فهي نيابة حلوة يعني الحد الأدنى بتاع التخصصات مش كبير
العيــــــــــــــوب
1- ممكن ماتلاقيش تعليم كويس في مستشفيات كتير
-2 ممكن ماتاخدشي راحتك في الشغل بايدك في الجراحات

Amira Yousef
04-10-2012, 02:08 PM
السلام عليكم.............لو سمحتو انا عايزة اسجل باذن الله انف واذن فى جامعة الزقازيق
فسمعت ان فى بعض الجامعات مبتحبش البنات فى التخصص ده عندها بمعنى اخر بتفطشهم زى القصر العينى
فلو سمحتو عايزة اعرف هل الكلام ده عندنا فى الزقازيق برده ولا النظام ايه بالنسبة للبنات؟؟؟؟؟؟؟؟
وياريت لو فى حد هنا واخد نيابة انف واذن فى الزقازيق يعرفنى الدنيا ماشية ازاى فى التخصص ده دراسيا وعمليا فى الشغل ؟؟؟
عشان اقدر احدد هل هينفعنى ادخل التخصص ده ولا لأ خصوصا انى لسه فى اول التكليف ومش عايزة اضيع سنة فى التعلم لتخصص معرفش هينفع اخده ولا لا
وياريت حد يعرفنى برضه ايه احسن مكان اتعلم منه انف واذن
اسفة على الاطالة
وجزاكم الله خيرا كثيرا

pure spirit
04-11-2012, 06:12 PM
السلام عليكم.............لو سمحتو انا عايزة اسجل باذن الله انف واذن فى جامعة الزقازيق
فسمعت ان فى بعض الجامعات مبتحبش البنات فى التخصص ده عندها بمعنى اخر بتفطشهم زى القصر العينى
فلو سمحتو عايزة اعرف هل الكلام ده عندنا فى الزقازيق برده ولا النظام ايه بالنسبة للبنات؟؟؟؟؟؟؟؟
وياريت لو فى حد هنا واخد نيابة انف واذن فى الزقازيق يعرفنى الدنيا ماشية ازاى فى التخصص ده دراسيا وعمليا فى الشغل ؟؟؟
عشان اقدر احدد هل هينفعنى ادخل التخصص ده ولا لأ خصوصا انى لسه فى اول التكليف ومش عايزة اضيع سنة فى التعلم لتخصص معرفش هينفع اخده ولا لا
وياريت حد يعرفنى برضه ايه احسن مكان اتعلم منه انف واذن
اسفة على الاطالة
وجزاكم الله خيرا كثيرا
زملاءنا هنا ممكن يساعدوكى اكثر
•°o._ جـــــامــعــة الــزقـــازيــق _.o°•
(http://www.alltebfamily.com/vb/showthread.php?t=16831)
بالتوفيق ان شاء الله

someonez
04-12-2012, 07:33 AM
لو سمحتو .. انا جاتلي نيابة في تظلمات نوفمبر2011 .. بس عتدي امتحان الفرست الشهر الجاي .. هل ينفع اؤجل استلام النيابة مع العلم مع بإن معايا الجواب من الوزارة للمديرية .. أعمل ده إزاي و إيه العواقب ؟؟

pure spirit
04-13-2012, 04:16 PM
لو سمحتو .. انا جاتلي نيابة في تظلمات نوفمبر2011 .. بس عتدي امتحان الفرست الشهر الجاي .. هل ينفع اؤجل استلام النيابة مع العلم مع بإن معايا الجواب من الوزارة للمديرية .. أعمل ده إزاي و إيه العواقب ؟؟

عادى بيبقى فيه حد اقصى للاستلام بنعرفه من التعليمات اللى وصلت المديرية من الوزارة
يعنى حضرتك بتسال فى المديرية عن اخر معاد للاستلام امتى وعليه بتحدد
والموضوع مش فارق مع حضرتك لانك بالفعل مسجل يبقى ان شاء الله مفيش مشاكل

tabebqena
04-16-2012, 01:10 AM
جزاك الله خيرا

dr.sohila
04-16-2012, 01:13 PM
مشكور

راجية رضى ربها
05-01-2012, 09:18 PM
السلام عليكم ورحمة الله وبركاته

من فضلكم هي نيابات مايو 2012 هتنزل امتى؟؟؟؟؟؟؟؟

أرجوكم تعلنوا عنها لأني خايفه تفوتني!!!!

sky
05-02-2012, 12:31 AM
اكيد ان شاء الله لما تنزل كلنا هانعرف ماتقلقيش
ان شاء الله مش هاتفوتك

هندية
05-09-2012, 11:25 PM
السلام عليكم
لي سؤال ومحتاجة الاجابة عليه ضروري
لو حد استلم نيابة في الجامعة بس بدون تثبيت بعد ماتخلص سنين النيابة بيرجع للمديرية اللي اتكلف فيها ولا الادارة اللي اتكلف فيها وهل بيفضل فيها الي الابد وهل بيرجع علي مستشفي ولا مكتب صحة؟
ارجو الرد وجزاكم الله خيرا

راجية رضى ربها
05-11-2012, 02:18 AM
السلام عليكم ورحمة الله وبركاته
من فضلكم في أي أخبار عن نيابات مايو 2012
يا ريت حد يطمنا
جزاكم الله خيرا

pure spirit
05-11-2012, 12:48 PM
السلام عليكم ورحمة الله وبركاته
من فضلكم في أي أخبار عن نيابات مايو 2012
يا ريت حد يطمنا
جزاكم الله خيرا
لسة يادكتورة مانزلتش
ماتقلقيش غالبا مايو لو نزلت بتنزل متأخر ومش لازم تنزل فى شهر مايو
تابعى الموقع ده اللى بينزل عليه أى حركة نيابات جديدة
http://www.mhealth.cu.edu.eg/
واحنا متابعين معاكم ان شاء الله

هندية
05-12-2012, 10:20 PM
هو ليه ياجماعة مفيش رد هو السؤال صعب ?!!!!!!!!!!!!!!!!!!!!!!!!!!!!!!!!!!!!

pure spirit
05-14-2012, 08:25 PM
السلام عليكم
لي سؤال ومحتاجة الاجابة عليه ضروري
لو حد استلم نيابة في الجامعة بس بدون تثبيت بعد ماتخلص سنين النيابة بيرجع للمديرية اللي اتكلف فيها ولا الادارة اللي اتكلف فيها وهل بيفضل فيها الي الابد وهل بيرجع علي مستشفي ولا مكتب صحة؟
ارجو الرد وجزاكم الله خيرا
بترجعى على المديرية اللى تكليفك كان فيها ومنها يعاد توزيعك
لكن كانوا عملوا قبل كدة مرة حركة تنسيق لنواب الجامعات اللى انهوا فترة نياباتهم فى الجامعة
ومكانش ليها علاقة بمكان تكليفهم مش عارفة هيمشوها على طول ولا ايه

هندية
05-14-2012, 10:15 PM
السلام عليكم
جزاكي الله خيرا يا دكتورة
بس كنت عايزة اعرف هل صحيح الترقية بتحتاج نقضي 6 شهور في منطقة نائية
ولك جزيل الشكر

راجية رضى ربها
05-18-2012, 06:30 PM
السلام عليكم ورحمة الله وبركاته
من فضلكم حد يفهمني
انا كنت ناويه على clinical pathology بس فوجئت انهم مش طالبينه خالص بس مكتوب في الآخر انهم عايزنه( بالتأمين الصحي والمراكز الصحيه المتخصصه) وبأعداد قليله خااااااااااالص
طب ليه هما كتبنهم منفصلين؟؟؟ هل ليهم شروط خاصه كتقدير عالي أو واسطه وانا تقديري 74% والحمد لله ماليش واسطه
أعمل ايييييييييييييييييه:C20ColdHands:

هندية
05-22-2012, 10:52 PM
ممكن اجابة يا دكتورة pure spirit

Dr/Dreams
05-30-2012, 10:21 AM
لو سمحتم حد يفيدنى ضرورى أنا تكليفى جالى فى الشرقية وجالى نيابة فى البحر الأحمر وبقالى 6 شهور ماينفعش أنقل تانى الشرقية أو بمعنى أصح ألغى إنتدابى للبحر الأحمر قبل تمام السنة حد لو قدمت القسيمة إنى الشرقية أصلى أنا حامل فى الشهر الرابع وعندى طفلة عمرها سنة والواحد زهق من الشغل فى البحر الاحمر مفيش super visor عليه ومفيش حد يعلمة والشغل مايشجعشى يا ريت حد يرد على بسرعة
وجزاكم الله خيرا

pure spirit
05-30-2012, 01:44 PM
السلام عليكم
جزاكي الله خيرا يا دكتورة
بس كنت عايزة اعرف هل صحيح الترقية بتحتاج نقضي 6 شهور في منطقة نائية
ولك جزيل الشكر
ايوة صحيح
اما اللى اخد تكليفه فى مناطة نائية قبل كدة مستثنى من الموضوع ده
وغالبا كمان البنات مابيرحوش

pure spirit
05-30-2012, 01:48 PM
لو سمحتم حد يفيدنى ضرورى أنا تكليفى جالى فى الشرقية وجالى نيابة فى البحر الأحمر وبقالى 6 شهور ماينفعش أنقل تانى الشرقية أو بمعنى أصح ألغى إنتدابى للبحر الأحمر قبل تمام السنة حد لو قدمت القسيمة إنى الشرقية أصلى أنا حامل فى الشهر الرابع وعندى طفلة عمرها سنة والواحد زهق من الشغل فى البحر الاحمر مفيش super visor عليه ومفيش حد يعلمة والشغل مايشجعشى يا ريت حد يرد على بسرعة
وجزاكم الله خيرا
لا للاسف يادكتورة قانون تعديل النيابة لازم بعد مرور سنة وبموافقة الجهتين
الا اذا كنتى مسجلة ماستر او دبلومة فى الشرقية تقدرى تعملى حااجة اسمها انتداب دراسة

dr.moony
06-09-2012, 09:15 PM
سؤال يا جماعه لو سمحتم بخصوص التظلمات
هو انا لو جالى استنفاذ رغبات من حقى اقدم تظلم سماح مجموع و لا لا؟
و لو انا مش كاتبه التخصص ده اساسا فى الرغبات
ممكن اعمل تظلم و اكتبه و لا لا؟

محبة لديني
06-16-2012, 12:26 PM
السلام عليكم
ياجماعة فيه مكان اسمه عيادة الجزام بالبحيرة كانت طلبة نيابات جلدية ف حركة مايو 2011
وعايزه اعرف ان كانت طلبة الحركة دي ولا لأ
بس المشكلة اني مش عارفة الاقيها فين اصلا وهي تبع اي قطاع
افيدووووووووووووووووووووووووووووووووووووووووني

pure spirit
06-16-2012, 02:27 PM
السلام عليكم
ياجماعة فيه مكان اسمه عيادة الجزام بالبحيرة كانت طلبة نيابات جلدية ف حركة مايو 2011
وعايزه اعرف ان كانت طلبة الحركة دي ولا لأ
بس المشكلة اني مش عارفة الاقيها فين اصلا وهي تبع اي قطاع
افيدووووووووووووووووووووووووووووووووووووووووني
لو مالقيتيهاش يادكتورة
وقت تسجيل الرغبات بيجيلك كل الاماكن المتاحة تحت اسم التخصص دون تفريق
يعن هتضغطى على جلدية هيطلعلك كل الاماكن المتاحة

corrigator
06-25-2012, 11:18 PM
السلام عليكم
بخصوص النيابات, ممكن حد يفيدني عن أفضل الأماكن في القاهرة في تخصص جراحة القلب والصدر من ناحية التعليم.

hend ali
06-29-2012, 06:24 AM
لو سمحتم يا دكاترة عايزة اسال عن الاستقبال والطوارئ فى احمد ماهر التعليمى

rania elhady
06-29-2012, 09:12 PM
انا ان شاء الله هقدم في نيابات مايو 2012 جلديه مجموعي 84
مش عارفه ده ممكن يطول نيابات جلديه في الشرقيه ايه
وعاوزه اعرف كمان نيابات جلدية الشرقيه الحركه اللي فاتت اخذت من كام ارجو الرد سريعا

pure spirit
06-30-2012, 03:33 PM
[
انا ان شاء الله هقدم في نيابات مايو 2012 جلديه مجموعي 84

مش عارفه ده ممكن يطول نيابات جلديه في الشرقيه ايه

وعاوزه اعرف كمان نيابات جلدية الشرقيه الحركه اللي فاتت اخذت من كام ارجو الرد سريعا


ان شاء الله تجيلك يادكتورة
ودى الحدود الدنيا بتاعة الحركة اللى فاتت
http://www.mhealth.cu.edu.eg/NiabatNov2011Result/HadAdna.html

محبة لديني
07-03-2012, 01:20 PM
السلام عليكم
ياجماعة ممكن حد يجبلي رقم تليفون مهندسة موقع الرغبات
ارجوكم عاجلا

dr_mero2011
07-05-2012, 01:02 PM
ماهى اجراءات اجازة رعاية الطفل ؟ وياترى بتتحسب من النيابة ولا لا؟ وشكرا

sarah esmail
07-06-2012, 04:16 PM
انا كنت عايزة أعرف ايه نظام الحضور والنباطشيات نيونات و أطفال جمال عبد الناصر والطلبة و شرق المدينة و راس التين في الاسكندرية؟؟...شكرا

هندية
07-28-2012, 10:01 PM
سؤال من فضلكم
في دكتورة كانت نايب رمد في الجامعة بس مش اتعينت في الجامعة وقدمت في نيابات الصحة 11 2011 وجالها المطرية التعليمي عايزة تعرف هي ازاي تتثبت فيها وهل لومش اتثبتت فيها مش حاتعرف تعمل الدكتوراه
وسؤال اخير هي لو مش اتثبتت فيها وراحت مستشفي تانية التوزيع بيكون علي اساس ايه ارجو الرد وشكرا
:gzak:

هندية
07-31-2012, 09:54 PM
يا دكاترة لوسمحتم ارجو الرد:CryOutLoud:

هندية
08-25-2012, 06:48 PM
اين انت يا د pure spirit

drma_122
08-31-2012, 09:51 PM
هل يوجد قرار وزاري لعدم الغاء نيابات الطبيبات اللي واخده اجازه خمس سنين لمرافقة الزوج او رعاية اسرة مع ان اكتر اجازه في النيابة سنتين فقط
ارجو الرد بسرعه- وجزاكم الله خيرا

reciprocal
09-04-2012, 03:07 AM
سؤال يا دكاترة وارجو الرد سريعا نظرا لظروف السفر.. هو انا بعد ما استلم النيابة ممكن اقدر اعمل حفظ للنيابة واسافر بعد الاستلام بأد ايه ولا اسافر والنيابة تضيع عليا؟؟؟

saaamy
09-24-2012, 03:44 PM
لو سمحتم طلب عاجل ارجوكم الرد ضرورى جدا
انا طبيب دفعة تكليف مارس 2008
قدمت نيابات فى حركة نيابات مايو 2009
و جالى نيابه و انا كنت فى الجيش
استلمتها فى شهر فبراير 2010
و فضلت سنه نايب فى المستشفى
لحد تاريخ 11-1-2011
خد اجازه للعممل فى الخارج و سافرت حتى الان و داخل على سنتين اهو
و لسه مكمل ان شاء الله فى السفر
بس انا كنت ماضى على اقرار الغاء النيابه بعد سنتين من السفر
و السنتين هينتهوا فى يناير 2013
و النيابه هتتلغى فى يناير 2013
=============================
ارجو الافاده انا لحد دلوقتى ما كملتش 5 سنين عام فعلى بعد التكليف لانى خدت اجازه
بس اشتغلت فعلى من بعد التكليف 3 سنوات و شهو بسيطه
ينفع حد يقدملى طلب الغاء النيابه و الغى النيابه قبل صدور حركة نيابات نوفمبر 2012
و اتحرم حركة نوفبر 2012 و اقدر اقدم تانى على حركة نيابات مايو 2013 ولا مش ينفع
طيب لو حدلغى النيابه من الوزاره بدالى ايه الاجراءات المطلوبه
و ايه هيا اقصى مده اقدر انفذ فيها قرار الالغاء بعد صدوره لان قرار الالغاء هيصدر و انا مسافر و هاستنى لما انزل اجازه عشان انفذ القرار و الغى النيابه و ارجع الريف و استنى حركة النيابات فى مايو 2013
و هل بداية الحرمان هتبقى من تاريخ صدور القار و لا من تاريخ تنفيذه الفعلى
يااريت بالله عليكم الرد
و تعرفونى هل فعلا كلامى ده صح و لا فى اى مشاكل هتواجهنى لانى مسافر وو احد صاحبى اللى هيقوم بالخطوات دى و مش عاوز اتفاجئ باى عائق ياريت تفيدونى لو سمحتم باقصى سرعه

مرمريتا
09-26-2012, 12:38 PM
سؤال يا دكاترة وارجو الرد سريعا نظرا لظروف السفر.. هو انا بعد ما استلم النيابة ممكن اقدر اعمل حفظ للنيابة واسافر بعد الاستلام بأد ايه ولا اسافر والنيابة تضيع عليا؟؟؟

هو اللى اعرفة انك ممكن بعد ما تستلمى علطول تقدرى تعملى اجازة وتمضد:K04KeepQuiet2:ى ع الغاء النيابة بع سنتين تقريبا

dr.sinbad
09-28-2012, 03:41 AM
السلام عليكو انا جاتلي نيابه وانا في الخارج دلوقتي ينفع انزل اجازه استلمها واخلي علي طول واحفظها ولا لا؟ والاجراءات ايه؟

جيل0
09-28-2012, 03:59 PM
ازاب يابني اقل منك وجايله نيابة نسا بس هترتح نفسك سنة يااما الصعيد او جنوب سينا وماتبقاش تايه

dr-ouda2011
09-29-2012, 11:15 AM
انا لو جالى مكان بعيدفى تكليف سبتمبر وقدمت فى نيابات مايو وجالى نيابة اقدر استلمها وانا فى الجيش ولا هستنى لما اخلصه

abedalkaleq
09-29-2012, 02:18 PM
السلاا م عليكم ورحمه الله
انااا عندى استفساااار وارجوا الرد عليه
انا خريج امتياز 2010 وكان نزلنا اربع نيابات ملحه ملحقه بالزمااله وانا استلمت زماله طب اورام يعنى استلمت التكليف واخليت فى نفس اليوم وقعت فى الزماااله حواالى 6 شهور ودلوقتى عاوز اقدم فى نياابات نوفمبر هل ينفع اقدم ولا ايه الوضع ؟؟؟

hekaya_wa
10-03-2012, 05:29 PM
انا سمعت اننا لو في التكليف لازم نمضي 15 يوم عشان ناخد الحوافز كاملة لكن في النيابة لازم نمضي 22 يوم؟؟؟
هل الكلام ده صحيح؟؟؟
يعني لو حد اخلي من الوحدة علي يوم 10 واستلم النيابة مش هياخد حوافز في الشهر ده؟؟؟؟؟

fattota
10-04-2012, 04:06 PM
السلام عليكم ورحمة الله وبركاته

أهلا بكل الأطباء الجدد
الموضوع ده ان شاء الله هيكون شامل كل الاستفسارات التى تخص النيابات
كل اللى عنده استفسار يخص النيابات يكتبه هنا وان شاء الله هيلاقى اجابة لاستفساره










السلام عليكم
من فضلكو انا جاتلي نيابة باثولوجى معهد الكبد واستلمت النهاردة بفكر اقدم في التظلمات معهد الشلل عشان اقربلي لو جالى والتظلم ومستلمتوش وحبيت افضل في معهد الكبد ينفع ولا يروح عليا الاتنين ولا ايه بالظبط؟ برجاااااااااااااااااااء الرد سريعا لان بعد اسبوع تقريبا التظلم هيقفل

pure spirit
10-04-2012, 06:47 PM
السلام عليكم
من فضلكو انا جاتلي نيابة باثولوجى معهد الكبد واستلمت النهاردة بفكر اقدم في التظلمات معهد الشلل عشان اقربلي لو جالى والتظلم ومستلمتوش وحبيت افضل في معهد الكبد ينفع ولا يروح عليا الاتنين ولا ايه بالظبط؟ برجاااااااااااااااااااء الرد سريعا لان بعد اسبوع تقريبا التظلم هيقفل
اه عادى بس بتروح الوزارة تلغى التظلم بتاعك مفيش مشكلة

dr_marvel2040
10-04-2012, 11:20 PM
السلام عليكم......انا كنت منتدب اثناء التكليف فى المركز القومى للبحوث وحاليا انا فى الجيش و عامل حفظ وظيفة و هخلص الجيش على اخر يناير..ايه الخطوات اللى مفروض اعملها عشان استلم النيابة..مع العلم انى لسه منتدب فى المركز............

و هل ينفع استلم وانا فى الجيش ولا لازم استنى لما اخلصه.......

pure spirit
10-04-2012, 11:45 PM
السلام عليكم......انا كنت منتدب اثناء التكليف فى المركز القومى للبحوث وحاليا انا فى الجيش و عامل حفظ وظيفة و هخلص الجيش على اخر يناير..ايه الخطوات اللى مفروض اعملها عشان استلم النيابة..مع العلم انى لسه منتدب فى المركز............

و هل ينفع استلم وانا فى الجيش ولا لازم استنى لما اخلصه.......
النيابة بتتحفظ تلقائيا لما تخلص الجيش
وبعدها بتروح تستلمها عادى

dr_marvel2040
10-05-2012, 12:03 AM
شكرا على الرد..........
طب بالنسبة لموضوع انتدابى للمركز.بعد ما اخلص الجيش الغى الانتداب وبعدين ارجع الصحة ومنها امكان نيابتى...

pure spirit
10-05-2012, 12:34 AM
شكرا على الرد..........
طب بالنسبة لموضوع انتدابى للمركز.بعد ما اخلص الجيش الغى الانتداب وبعدين ارجع الصحة ومنها امكان نيابتى...
ايوة لازم تلغى الانتداب علشان تقدر تخلى علشان تستلم نيابتك