المساعد الشخصي الرقمي

مشاهدة النسخة كاملة : الشرطة و الجيش (أكاديمية أو تكليف)


Dr_Dimo
04-13-2009, 08:57 PM
هل عدم الجواز شرط من شروط التقدم فى اكاديميه الشرطه او الجيش؟

:gzak:

د/ أحـمـد سـليمان
04-14-2009, 12:53 AM
هتأكد من المعلومة و أرد عليك

Dr_Dimo
04-14-2009, 06:59 AM
جزاك الله خيرا يا دكتور

بس ممكن حضرتك تشوف اللينك ده

http://www.moiegypt.gov.eg/Arabic/Departments+Sites/Police+Academy/police_academy/RulestoApply/

بيقولوا شروط الاكاديميه نفس شروط المتقدم للكليه الشرطه + اشياء اخرى
ومن شروط التقم لكليه الشرطه ان لا يكون متزوج

ياريت تأكد ليه المعلومه لانى احتمال اكتب كتابى الفتره الجايه وخايف لو عملت كده تضيع عليه فرصه التقديم

شكرا

د/ أحـمـد سـليمان
04-14-2009, 11:42 PM
ألا يكون متزوجا ويعتبر الطالب مفصولا من الكلية إذا تزوج أثناء قيده بها أكيد هما أصدق مني ... معلوماتي كانت إن الزواج ملوش علاقة .... بس كده كلامهم في الشروط واضح....إن مينفعش يكون متزوج ( ربنا يسامحهم و هديهم ) و أظن الأسلم إنك لو هتقدم متكونش كاتب عقد الزواج و ربنا ييسر اللي فيه الخير

Dr_Dimo
04-18-2009, 05:54 AM
متشكر جدا يا دكتور (حامل المسك )

طيب هل الشرط ده بردوا موجود فى الاكاديميه الحربيه

د/ أحـمـد سـليمان
04-18-2009, 05:00 PM
مش عارف بس هحاول أجيب لحضرتك معلومة مفيدة عن الموضوع ده

د/ أحـمـد سـليمان
04-18-2009, 05:16 PM
انا وجدت ده ... دليل الألتحاق بالكلية الحربية ... و طبعا زي ما حضرتك قلت شروط الكلية هي شروط الأكاديمية مع بعض الفروق ......و للأسف الشديد وجدت نفس الشرط موجود هنا

دليل الالتحاق بالكليات والمعاهد العسكرية
ستقبل الكليات والمعاهد العسكرية وهى كليات:

"الحربية والبحرية والجوية والفنية العسكرية والدفاع الجوي والمعهد الفني للقوات المسلحة والمعهد الفني للتمريض (للإناث) دفعات جديدة فى أكتوبر من كل عام بناء على تصديق من القائد العام للقوات المسلحة وزير الدفاع والإنتاج الحربي من الحاصلين على الثانوية العامة من طلبة الشعب العلمية والأدبية والثانوية والأزهرية أو ما يعادلهما بالإضافة إلى قبل بعض الطلاب من حملة الثانوية الصناعية وخاصة من شعبيتي الكهرباء والميكانيكا حسب احتياجات القوات المسلحة.

الشروط العامة للقبول:
يجب أن تتوافر في المتقدم للالتحاق بالكليات والمعاهد العسكرية مجموعة من الشروط العامة أهمها:
1. ان يكون الطالب متمتعا بالجنسية المصرية ومن أبوين وجدين مصريين.
2. أن يكون حسن السير والسلوك ولا يعرف عنه ما يسم أمن وسلامة القوات المسلحة.
3. أن يكون الطالب غير متزوج ولم يسبق له الزواج.
4. ألا يكون الطالب قد استقال او فصل تأديبيا من أي كلية او معهد عسكري او مدرسة ثانوية حربية.
5. ألا يكون قد سبق الحكم عليه فى أي جريمة وخاصة الجرائم المخلة بالشرف.
6. أن يؤدي الطالب بنجاح اختبارات السمات الشخصية.
7. أن يكون الطالب مستكملا لشروط اللياقة الطبية وفقا للمستويات المقررة.
8. ان يجتاز الطالب اختبارات الثقة والياقة البدنية ووفقا للمستويات المقررة.
9. ان يجتاز الطالب نجاح الاختبارات الشخصية المقررة وفقا لكل كلية.

dr_hany777
05-14-2009, 05:30 PM
ياريت يا شباب اللى ناوى على التقديم للاكاديميه نتواصل هنا ونبلغ بعض عن اى جديد ومواعيد التقديم والاختبارات ان شاء الله

د/ أحـمـد سـليمان
05-14-2009, 06:18 PM
إن شاء الله

pure spirit
12-18-2009, 07:33 PM
السلام عليكم ورحمة الله وبركاته
التقديم للتكليف فى القوات المسلحة مفتوح للاطباء والطبيبات

مكان التقديم:
ادارة الشؤون الطبيه او الخدمات الطبيه وهو مبنى تابع لمجموعة مستشفيات كوبري القبه العسكرى

الاوراق المطلوبه :
صوره من الشهادة المؤقته
وصوره من بطاقة الرقم القومى
ومش من الضرورى يكون مكتوب في البطاقه انك امتياز لو طالب عادى
ضف على ذلك للاطباء :
صورة الموقف من التجنيد أو صورة تأجيل التجنيد بسبب الامتياز
صورة شخصية

التكليف عندهم بيبقى سنتين مالكش فيهم اى اجازه بدون مرتب حتى لو بعد 6 شهور من التكليف ولا رعاية طفل ولا اى حاجه
ماعدا اجازة الوضع العاديه_بالنسبة للبنات_ دى بس اللى من حق المتقدم للتكليف فيها

اخر معاد للتقديم اخر الشهر يعنى يوم 31 ديسمبر
التقديم بيكون من الساعه 9 صباحا لحد 12 ظهرا


تكليف الشرطة بيتطلب نفس الأوراق ... و بيكون التقديم ف مستشفى الشرطة بالعجوزة ..
بس معرفش قفلوا باب التقديم و لا لأ

:wfk:

dr moslma
12-18-2009, 08:13 PM
جزاكي الله خيرااااا يا دكتورة
بس هو بيكون في اخنبارات او كدة قبل القبول؟ ولا عادي
وبالنسبة للطبيبات في شروط او حاجة غير الورق المطلوب تقديمه؟؟؟

د أحمد سمير
12-19-2009, 10:19 AM
و عليكم السلام و رحمة الله و بركاته

التكليف عندهم بيبقى سنتين مالكش فيهم اى اجازه بدون
أنا سمعت يا دكتورة انهم بيبقوا 4 سنين
و من حقهم يقدموا على النيابة بعد أول سنة
بس ده الشرطة
مش عارف الجيش نفس النظام و لا لأ
[quote] تكليف الشرطة بيتطلب نفس الأوراق ... و بيكون التقديم ف مستشفى الشرطة بالعجوزة ..
بس معرفش قفلوا باب التقديم و لا لأ
بالنسبة لتكليف الشرطة فعلا التقديم اتقفل
و كنت قلت الكلام ده قبل كده فى المنتدى
بس كنت عايز أصححه
عشان الأسبوع اللى فات قابلت واحد صاحبى
كان راح قدم
و قالى إن التقديم اتقفل للجامعات اللى فى القاهرة
إنما جامعتنا مدوه فترة لآخر شهر 12

[quote] بس هو بيكون في اخنبارات او كدة قبل القبول
لأ معتقدتش
بس متهيألى الموضوع عايز واسطة

و جزاكم الله خيرا يا دكتورة على مواضيعك المفيدة
[/

pure spirit
12-19-2009, 03:14 PM
بس هو بيكون في اخنبارات او كدة قبل القبول؟ ولا عادي
لا عادى مفيش اختبارات ولا حاجة

وبالنسبة للطبيبات في شروط او حاجة غير الورق المطلوب تقديمه؟؟؟
لا مفيش
بس خدى بالك ده جيش يعنى البنت تفكر مليون مرة قبل ماتقدم على الخطوة دى

pure spirit
12-19-2009, 03:20 PM
أنا سمعت يا دكتورة انهم بيبقوا 4 سنين
و من حقهم يقدموا على النيابة بعد أول سنة
بس ده الشرطة
مش عارف الجيش نفس النظام و لا لأ

لا سنتين يادكتور وبعدين بترجع وزارة الصحة تانى
ممكن لو عايز تكمل معاهم تقدم طلب
بس ده اختيارى مش اجبارى
الميزة هناك انك ممكن تشتغل التخصص اللى انت عايزه ومن هناك تقدر تقدم على ماستر
وده مش موجود فى تكليف وزارة الصحة

بالنسبة لتكليف الشرطة فعلا التقديم اتقفل
و كنت قلت الكلام ده قبل كده فى المنتدى
بس كنت عايز أصححه
عشان الأسبوع اللى فات قابلت واحد صاحبى
كان راح قدم
و قالى إن التقديم اتقفل للجامعات اللى فى القاهرة
إنما جامعتنا مدوه فترة لآخر شهر 12

جزاكم الله خيرا على المعلومات

و جزاكم الله خيرا يا دكتورة على مواضيعك المفيدة
جزانا واياكم كل الخير

merotero
12-21-2009, 01:33 PM
الميزة هناك انك ممكن تشتغل التخصص اللى انت عايزه ومن هناك تقدر تقدم على ماستر
وده مش موجود فى تكليف وزارة الصحة



الكلام ده اكيد يا دكتورة ؟ موضوع الماستر ده اكيد ؟

pure spirit
12-21-2009, 05:29 PM
الكلام ده اكيد يا دكتورة ؟ موضوع الماستر ده اكيد ؟
الكلام على لسان ناس اتكلفت هناك فعلا يادكتور وبيأكدوا الكلام
أول سنة بتختار 3 مستشفيات تتدرب فيهم
تانى سنة بتاخد التخصص اللى انت عايزه بعدها تقدر تقدم على الماستر
:wfk:

merotero
12-21-2009, 05:44 PM
طيب لو حصل و حبيت اسيبهم - فى مشاكل ؟

pure spirit
12-21-2009, 05:53 PM
لأ خالص مفيش مشاكل

د / مادح محمد
12-23-2009, 10:22 AM
السلام عليكم

دكتوره ترانيم جزكم الله خيرا
ياترى التقديم فى المعادلات وكده ممكن يسمحولى اسافر امتحان معادله او كده ؟
ياترى فيه موقع ليهم فيه كل المعلومات
هل فيه خط ساخن للاستفسار عن اى شئ .. ام لا ؟

بما ان حضرتك عارفه ناس اتكلفوا فعلا هل الموضوع عاوز واسطه ومفيش امل من غيرها ؟
الحاجه التانيه ... بيقعدوا كام يوم وبيأجزوا كام يوم ؟ يعنى هل ساقيم اقامه كامله السنتين دول فى المستشفى ؟

جزاكم الله خيرا

Dr MaHmOuD RoShDy
12-23-2009, 11:04 AM
السلام عليكم ورحمة الله وبركاته
جزاكم الله خيرا د ترانيم ..
بعد اذنك اشارك معاكم..


السلام عليكم

دكتوره ترانيم جزكم الله خيرا
ياترى التقديم فى المعادلات وكده ممكن يسمحولى اسافر امتحان معادله او كده ؟
ياترى فيه موقع ليهم فيه كل المعلومات
هل فيه خط ساخن للاستفسار عن اى شئ .. ام لا ؟

بما ان حضرتك عارفه ناس اتكلفوا فعلا هل الموضوع عاوز واسطه ومفيش امل من غيرها ؟
الحاجه التانيه ... بيقعدوا كام يوم وبيأجزوا كام يوم ؟ يعنى هل ساقيم اقامه كامله السنتين دول فى المستشفى ؟

جزاكم الله خيرا

وعليكم السلام ورحمة الله وبركاته
بالنسبة للسفر وكل ده
فده مش متعلق بالجيش يا مادح
الجيش عبارة عن انتداب تكليف فقط يعنى ممكن تؤف منه وترجع تانى الصحة فى اى وقت وتسافر او تاخد اجازة براحتك

موضوع فى كام يوم شغل وكام لا ..
على حسب المكان او التخصص
يعنى لو فى المعادى او كوبرى القبة وخصوصا الاخيرة ..فصعب اوى انك تاخد اجازات كتيرة لانها جنب ادارة الخدمات الطبية فبيكون الخمس ايام خمس ايام رسمى ولو كارديولوجى مثلا بتنطحن اسبوعين وتنزل 3 او 4 ايام
لان التقسيم ده بيكون بشكل ودى
اما فى باقى المستشفيات حتى لو نسا بيتقسمو ودى ... تروح 4 وتقعد تلاتة او على حسب الدنيا هناك ماشية ازاى انت وحظك

بس ملاحظة للدكتورة ترانيم بس عشان قريت حاجه لفتت انتباهى
بخصوص التخصص ..فالجيش بيوزع على التخصصات مع بداية استلام العمل من اول يوم
وممكن تقدم ماستر مع اول معاد للماستر اللى هو فى شهر 7 او 8 حسب الجامعه وتمتحن فى شهر 4 السنة اللى بعدها عادى
وبيتطلب فقط موافقة جهة العمل .."القسم بتاعك هناك فى المستشفى يعنى" ولو رئيس القسم ممضاش فخلاص ..فهى بتتوقف على كده بس وغالبا بيوافقو ..
وشغلك اول سنة بيكون فى مستشفى وتانى سنة بتتوزع على العيادات سواء فى القاهرة او عيادات القوات المسلحة فى محافظتك ولو عايز تكمل فى المستشفى وديا بتكمل بس ده الرسمى
الله المستعــان
ربنا يوفق الجميع

dooody
12-24-2009, 05:52 PM
كنت عايزة اسأل على نقطة هل التقديم دة للمدنى والحربى الاتنين سوا؟؟؟

اصل سمعت ان هما طالبين عسكرى او اسمة حربى مش عارفة بصراحة الاسم بالظبط

وان مطلبوش مدنى؟

dooody
12-24-2009, 05:59 PM
كنت عايزة اسال على نقطة تانية


اية الاواراق المطلوبة بالظبط للتقديم عشان لو فى ورق بيجاب من الكلية

جزاكم الله كل خير


ولو حد يعرف ليهم موقع فية الموضوع كلة ياريت يفيدنى

pure spirit
12-24-2009, 07:01 PM
بس ملاحظة للدكتورة ترانيم بس عشان قريت حاجه لفتت انتباهى
بخصوص التخصص ..فالجيش بيوزع على التخصصات مع بداية استلام العمل من اول يوم
وممكن تقدم ماستر مع اول معاد للماستر اللى هو فى شهر 7 او 8 حسب الجامعه وتمتحن فى شهر 4 السنة اللى بعدها عادى
جزاكم الله خيرا يادكتور
ايا كان سنة أو مع أول معاد للماستر فهى افضل من الصحة بكثير
بالتوفيق للجميع

pure spirit
12-24-2009, 07:04 PM
كنت عايزة اسأل على نقطة هل التقديم دة للمدنى والحربى الاتنين سوا؟؟؟
لا التقديم هنا مدنى يعنى هتكونى طبيبة مدنية
اما الكلية نفسها فتستلزم دراسة 6 شهور بعدها تتخرجى ظابطة طبيبة بدرجة ملازم أول

pure spirit
12-24-2009, 07:10 PM
اية الاواراق المطلوبة بالظبط للتقديم عشان لو فى ورق بيجاب من الكلية
صورة البطاقة وصورة الشهادة المؤقتة
لو ليكى قريب من الدرجة الاولى ولسة فى الخدمة ممكن تحطى صورة الكارنيه بتاعه فى وسط الورق
وقالوا انه شرط تكونى جايبة جيد جدا
وأخر معاد 31/12
ولو حد يعرف ليهم موقع فية الموضوع كلة ياريت يفيدنى
لا كل المعلومات من الناس اللى راحت قدمت السنة دى
او الناس اللى اتكلفت هناك قبل كدة

طبيبة مسلمة
12-24-2009, 07:38 PM
لا التقديم هنا مدنى يعنى هتكونى طبيبة مدنية
اما الكلية نفسها فتستلزم دراسة 6 شهور بعدها تتخرجى ظابطة طبيبة بدرجة ملازم أول




معلش سؤال يادكتورة ترانيم .. أنا لسة هدخل امتياز بس عندى سؤال ملح .......

هى الدراسة العسكرية الـ 6 شهور دى شرط اساسى فى تكليف الجيش والشرطة ؟؟

جزاكِ الله كل خير .

dooody
12-25-2009, 02:20 PM
لا التقديم هنا مدنى يعنى هتكونى طبيبة مدنية
اما الكلية نفسها فتستلزم دراسة 6 شهور بعدها تتخرجى ظابطة طبيبة بدرجة ملازم أول


ايوة انا فاهمة دى يا ترانيم

انا قصدى ان التقديم الى شغال لحد اخر 12


للمدنى والحربى الاتننين سوا

ولا للحربى بس؟


ولو للحربى بس هما طلبوا المدنى خلاص؟

ولا لسة هيطلبوة بعدين؟


لو تعرفى ياريت تفيدينى

د / مادح محمد
12-26-2009, 01:42 AM
يا جماعه واحد صاحبنا راح وحاول يقدم

لاحظت الاتى

اولا لازم يكون ليك واسطه .. مكتوب فى الطلب .. علما بان والد المذكور ........
طبعا مش هنكتب احلى اب فى الدنيا ... لكن هنكتب سياده اللواء فلان
وقالوا انك ممكن تشطب على والد وتكتب خالو او عمو

الحاجه التانيه هتحتاجوا ورقه تاجيل الجيش رحوزا شئون الاطباء وخدها منهم

بالتوفيق
ثانيا :

Dr_Ramy
12-26-2009, 05:58 AM
السلام عليكم

كان عندى استفسار بعد اذنكم
هوا الاختيار بيتم على أساس ايه ؟؟؟؟ (غير الكوسة طبعا)

و جزاكم الله خيرا

pure spirit
12-26-2009, 02:00 PM
ايوة انا فاهمة دى يا ترانيم
انا قصدى ان التقديم الى شغال لحد اخر 12
للمدنى والحربى الاتننين سوا
ولا للحربى بس؟
ولو للحربى بس هما طلبوا المدنى خلاص؟
ولا لسة هيطلبوة بعدين؟
لو تعرفى ياريت تفيدينى
اللى شغال دلوقتى ده يادودى هو المدنى
الحربى مش عرفة بصراحة معاده امتى

معلش سؤال يادكتورة ترانيم .. أنا لسة هدخل امتياز بس عندى سؤال ملح .......

هى الدراسة العسكرية الـ 6 شهور دى شرط اساسى فى تكليف الجيش والشرطة ؟؟


جزاكِ الله كل خير .

لا التكليف بتاعنا ده مدنى لايستلزم الدراسة
بتتوزعى على المستشفيات او العيادات وبتختارى التخصص من الاول
التانى بقى اللى هو التقديم فى الاكاديمية نفسها سواء شرطة او حربية
جزانا واياكم كل الخير

pure spirit
12-26-2009, 02:13 PM
اولا لازم يكون ليك واسطه .. مكتوب فى الطلب .. علما بان والد المذكور ........
طبعا مش هنكتب احلى اب فى الدنيا ... لكن هنكتب سياده اللواء فلان
وقالوا انك ممكن تشطب على والد وتكتب خالو او عمو

ايوة يادكتور أى قرابة من الدرجة الاولى ويكون لسة فى الخدمة

السلام عليكم
كان عندى استفسار بعد اذنكم
هوا الاختيار بيتم على أساس ايه ؟؟؟؟ (غير الكوسة طبعا)
و جزاكم الله خيرا
وعليكم السلام ورحمة الله وبركاته
غير الواسطة المفروض الورق كله بيروح فى شهر واحد لحلمية الزيتون
وهناك بيتفرز وبيبلغوا المقبولين بالتليفون فى شهر 3
والشروط عادى تكون مستوفى اوراقك وجايب جيد جدا فأكثر

العباس
12-26-2009, 04:02 PM
ايوة يادكتور أى قرابة من الدرجة الاولى ويكون لسة فى الخدمة


معلش ياجماعة اسف على تدخلى بس كنت عايز استفسر عن حاجة
لازم يكون الوالد لسه فى الخدمة ؟؟؟؟يعنى لو على المعاش ينفع التقديم؟؟؟؟
وسؤال اخر موضوع الطبيب المدنى فى مستشفيات القوات المسلحة
هل يلزم معه أيضا حلق اللحية زيه زى لو دخلت الاكاديمية ست شهور وطلعت ملازم اول ؟؟؟؟؟

pure spirit
12-26-2009, 07:32 PM
لازم يكون الوالد لسه فى الخدمة ؟؟؟؟يعنى لو على المعاش ينفع التقديم؟؟؟؟

هو المفروض ينفع التقديم من غير أى حاجة
لكن الاماكن دى بينفع معاها حد يكون لسة موجود فى الخدمة
بيكون فيه استثناءات لأولاد وأقارب المسئولين هناك
ولو مفيش غير كدة قدم اللى موجود وربنا يقدم اللى فيه الخير
وهو يعنى اللى مالوش واسطة هيعمل ايه ؟؟

:wfk:

أبو عبيدة
12-28-2009, 11:33 PM
هل يلزم معه أيضا حلق اللحية

بسأل السؤال ده برده

موضوع اللحية ده هل فيه الزام بحلقها كعادات الجيش

ولا ملهمش دعوة لأنك طبيب مدني ؟؟

ياريت الرد بسرعة علشان ممكن افكر فيه

وفاضل يومين تلاتة علي التقديم

جزاكم الله خيرا

طبيبة مسلمة
12-29-2009, 09:11 AM
وياريت اللى يجاوب .. يقولنا كمان ..
هل بيسمحوا لطبيبات منتقبات بالتقديم ؟
وإذا لم تكن منتقبة .. ولبست النقاب اثناء العمل ..ممكن يكون الوضع إيه ؟

د أحمد سمير
12-29-2009, 10:35 AM
أنا معنديش معلومات مؤكدة

بس معتقدتش إنهم هيقبلوا ملتحين أو منتقبات أصلا

العباس
12-29-2009, 01:10 PM
هى مساءلة الاكاديمية دى انا متأكد منها ممنوع الملتحين والمنقبات
لان انا اتكلمت مع الدكاترة بنفسى هناك فى مستشفى كوبرى القبة

عشان كده استغربت لما سمعت موضوع الطبيب المدنى ده
الله المستعان
وماعند الله خير وأبقى

أبو عبيدة
12-29-2009, 01:50 PM
طيب أكاديمية دي معروفة علشان انت اصلا داخل علشان تبقي ضابط

لكن طبيب مدني هما مالهم بيك ؟؟ ومالهم باللحية او بالنقاب

انت دكتور هتقعد عندهم سنتين وتمشي

ياريت حد يسأل من مصدر هناك

جزاكم الله خيرا

ghada
12-29-2009, 03:33 PM
السلام عليكم

انا عندى استفسار برضه عن التاجيل هل لينا تكليف برضه فى القوات المسلحة؟؟؟؟؟؟ ولا هى مرة فى السنة وخلاص؟؟؟؟؟؟؟


وهو لازم يعنى جيد جدا ؟؟؟؟؟ ماينفعش جيد؟؟؟؟؟؟

وهل الواسطة لازم تكون من الدرجة الاولى؟؟؟؟

د/ أحـمـد سـليمان
01-01-2010, 12:27 AM
معلومات مجمعة ومنقولة من المنتيات للاستفادة


لازم تكون جايب على الاقل جيد

لائق طبى
.. التقديم مرتين فى السنة فيه دفعتين

ممكن تسقط طبى وترجع تقدم تانى ..



الاكاديمية بيقعدوا فيها 6 شهور .. شغل جامد

بيتعاملوا كانهم طلاب فى الحربية بهدلة رهيبة وتدريبات شاقة

وقفزوا 3 مرات من الطيارة بالمظلات وكانوا يجروا 3 كيلوا فى 14 دقيقة

لو اكتر من 14 دقيقة ماينزلش اجازة

خلال ال 6 شهور فيه مرتب بس هيقبضوه فى الاخر

المرتب حاليا 1750 جنيه .. تخيلوا كان قبل الزيادة ال30% حوالى 1300

مش زي التكليف زدنا فى ال 30% تقريبا 50 جنيه

المهم اخر ال 6 شهور يقبضوا الفلوس مره واحده بس بيكون عليهم

تقريبا زيادة بس لان المفروض فى الاخر يقبض

حوالى 10 الاف و500 انما هوه قبض 13 الف جنيه مصرى

بعد ال6 شهور بيكتبوا رغبات ... انه عايز يشتغل فين :

المركزية او المركزى .. القاهرة يعنى والمحافظات اللى حواليها زى الجيزة

الجيش التانى .. ماسك محافظات زى المنصورة وبورسعيد ودمياط وو

الجيش التالت ماسك السويس وجنوب سينا

والشمالية ماسك اسكندرية مش فاكر وايه كمان " هنرجع للرغبات بعدين"

المهم بعد الست شهور يروح 3 شهور معاهد طبعا دى اخر روقان


انما عموما هوه فى ال 3 شهور بيكون عنده محاضرات

ده غير طبعا ان فيه مثلا طابور لياقة يوميا

ومتواجد يوميا لغاية الساعة 3 بعدها ي

يوم الصبح .. يوم الخميس مفيش شغل انما المفروض مخصص

انك تدرس او تذاكر فيه مع نفسك عشان كده بيروحوا يوم الاربعاء

ويرجع يسافر يحضر تانى من السبت ... المرتب فى ال 3 شهور

شغال شهريا 1750 جنيه

حتى الان مفيش شغل طب ... خلص ال 3 شهور هو هيخلص خلاص

تقريبا نص الشهر الجاى فبراير .. هيقعدوا قعده مع مش عارف مين كده

عشان يوزع عليهم نيابات ... زى نيابات الجامعه

هنا بقى تراكمى الكلية هوه اللى هيفرق مش زى الشرطة مجموعك

فى الاكاديمية هوه اللى يفرق

قاللى حتى كمان بياخدوا بالاعتبارى ... لو حصل اختلاف على نيابة بين

اتنين اطباء ... دفعته حوالى 59 واحد من 170 واحد تقدموا

"اغلبهم سقط نظر "

الدفعة التانية اللى دخلت اخر 2008 حوالى 9 اطباء فقط المتقدمين

كانوا اقل كتير من الدفعة الاولى و قاللى ان هما محتاجين فعلا اكتر

من كده
المهم نرجع تانى لما اخدوا نيابة .. بيقعدوا سنة في مستشفى تبعهم

بتكون سنة تعليمى اما فى القاهرة او اسكندرية

مرتبه شغال طبيعى .. حضوره على حسب القسم وحسب معاه

كم نايب فى القسم يعنى قاللى مثلا يعرف واحد اخد تخدير

بيحضر 3 ايام كاملين فى المستشفى و3 ايام يحضر صباحى ويمشى

ويرجع تانى يوم وهكذا ..
النيابات الاعلى فى المجموع الجراحات والرمد انما الباطنات اقل يعنى هوه مستريح

انه هتيجى له باطنة ان شاء الله لان مجموعه 70.5%

وتحت منه 14 واحد فى الدفعة فقط اقل منه فى المجموع ..

السنة دى طبعا التعليم فيها عشرة على عشرة شغل ممتاز طبعا





بعد السنة دى بيكون فيه سنتين تفرغ للتحضير .. تفرغ يعنى 3 ايام

فى المستشفى فقط .. وبعد كده مع نفسه ..

التقديم ل 3 جامعات بس .. القاهرة اوعين شمس اواسكندرية

بعد السنتين دول بقى اتخصص ..

هيروح الاول حاجة اسمها تشكيل ... يرجع تانى حياه عسكرية

لمدة سنة ونص .. ودى بقى حسب المكان اللى هيروحوا والمفروض

دى من اصعب الفترات

بعدها يرجع تانى لشغله فى المستشفى .. بس هنا بقى هيرجع على حسب

كان كاتب رغبة ايه فى الرغبات اللى قلتها بعد ال 6 شهور مباشرة

يعنى هوه كاتب الجيش التانى .. عشان يمكن ييجى المنصورة

اوحتى لو راح مثلا بورسعيد او غيرها هيكون فيه امكانية يتنقل محافظة تانية

تبع الجيش الثانى ..

بعد اربع سنين ... هيروح تشكيل تانى .. لمدة سنة ونص

يرجع بعد كده لشغله فى المستشفى ... وهكذا كل اربع سنين تشكيل

وكل اربع سنين فيه ترقية .. اول مايتخرج بيكون ملازم

وهوه خلاص هيخلص ال 3 شهور معاهد الشهر الجاى .. وبعدين يستلم نيابة

انما الترقية الجاية على شهر 7 ان شاء الله "نقيب"..الترقيات بتكون فى شهر 1 و 6

كل اربع سنين فيه ترقية وتشكيل .. قلت له هتفضل طول حياتك كل 4 سنين

سنة ونص تشكيل قاللى فقط لغاية رتبة عقيد


حبة ملحوظات بقى .. قلنا المرتب حاليا 1750 جنيه طبعا بيكون فيه زيادات

بعد كده .. بس اكيد لهم سقف معين

فيه كمان بعثات ... زى بريطانيا ... او المانيا "خاصة لما تكون عظام "

فى البعثات بتاخد حوالى عن اليوم 150 دولار والبثعة 6 شهور


كمان لو رحت بقى مع بعثة او وفد طبى مكان زى افغانستان او غيرها



بتاخد فى اليوم حوالى 100 دولار

كمان فيه نقطة وهى انك لما تشتغل بقى وتاخد نيابة بيكون لك وضع مختلف

يعنى لو ضابط حربية كان مبهدلك فى الكلية ال 6 شهور مالوش دلوقتى سلطه عليك

د/مي
01-03-2010, 03:09 PM
هو مفيش مرحله تانيه للتقديم ؟

dr_hany777
01-05-2010, 08:44 PM
الف شكر ي احمد على المعلومت وربنا يبارك فيك
على فكره يا شباب التقديم فتح النهارده الثلاثاء 5/1/2010 تقريبا ليوم 24
ده بالنسبه للاكاديميه الحربيه بس مش عارف الشرطه

بالمناسبه يااحمد انت ايه رايك فى التقديم ووجهة نظرك شكلك تعرف ناس فيها هل كويسه ولا بره احسن
الكل بيقول حريتك مش بفلوس

انا محتار بجد بس انا كنت بتمنى اقدم فى الشرطه احسن
ياريت اللى يعرف حاجه يعرفنا ولو هنقدم حتى نقدم سوا

والله المستعان

dr_hany777
01-05-2010, 09:00 PM
بالمنسبه مكتوب فى شروط الاكاديميه الاتى

بالنسبة للياقة الطبية والبدنية ، لا تقل درجة الإبصار عن النصف فى كل من العينين ، وأن لا يحصل الطالب على أقل من 40% من مجموع الدرجات المقررة للياقة البدنية ، ويصرح بالكشف بالنظارة الطبية


يعنى ايه لاتقل عن النصف
انا كل عين حوالى 3- يعنى مش هينفع؟؟؟؟؟؟؟؟؟

mzaied
01-06-2010, 02:45 PM
٥/ ١/ ٢٠١٠
صدَّق المشير حسين طنطاوى، القائد العام للقوات المسلحة وزير الدفاع والإنتاج الحربى، على الإعلان عن قبول دفعة جديدة من خريجى الجامعات بالكلية الحربية دفعة مايو ٢٠١٠ اعتباراً من يوم أمس الإثنين من الأطباء والمهندسين والمختلط من كليات العلوم «كيمياء مزدوجة – ميكروبيولجى – حيوية – فيزياء – بيولوجى – علوم فلك»، والتجارة «محاسبة – إدارة اعمال على أن يكون حاصلاً على الماجستير / الدكتوراه»، واللغات «روسى – صينى»، وإعلام وصحافة، وزراعة.

وصرح اللواء أ. ح / محمد على فليفل، مدير الكلية الحربية ومدير مكتب تنسيق الكليات والمعاهد العسكرية، أن الدفعة المطلوبة من الأطباء تشمل تخصصات الطب البشرى من الذكور والأطباء البشريين الحاصلين على الدراسات العليا «الماجستير والدكتوراه».
وقال إنه يشترط لدفعة الأطباء أن يكون المتقدم حاصلاً على المؤهل عام ٢٠٠٩ والسنوات السابقة له وأن يكون قد أمضى فترة الامتياز للأطباء البشريين وأن يكون المتقدم حاصلاً على تقدير جيد فأعلى بالنسبة للأطباء «بشرى» ويمكن للطلبة الذين سينهون فترة الامتياز خلال فبراير ٢٠١٠ التقدم لهذه الدفعة على ألا يزيد سن المتقدم فى أول مايو ٢٠١٠م بالنسبة للأطباء البشريين ذكور الحاصلين على درجة البكالوريوس عن ٣٠ سنة والأطباء البشريين ذكور الحاصلين على درجة الماجستر عن «٣٤» سنة والحاصلين على درجة الدكتوراة عن «٣٨» سنة.
وأوضح أنه بالنسبة للدفعة المطلوبة من المهندسين فتضم تخصصات «كهرباء قوى – هندسة حواسب – اتصالات الكترونيات – ميكانيكا قوى – ميكانيكا إنتاج – ميكانيكا سيارات – هندسة بحرية «بناء سفن» – هندسة طيران – مدنى – عمارة – هندسة نسيج – هندسة نووية – هندسة كيمياء «دكتوراه».

ويشترط أن يكون المتقدم حاصلاً على المؤهل عام ٢٠٠٩، وما قبلها بتقدير مقبول فأعلى على أن لا يزيد السن فى أول مايو ٢٠١٠ عن ٢٦ سنة وبالنسبة لتخصص هندسة كيمياء الحاصلين على الدكتوراه عن ٣٠ سنة. أما الدفعة المطلوبة من المختلط فيشترط أن يكون المتقدم حاصلاً على المؤهل عن عام ٢٠٠٩م والسنة السابقة لها فقط بتقدير جيد فأعلى على ألا يزيد السن فى اول مايو ٢٠١٠ عن ٢٦ عاما.
علماً بأنه سيتم فتح باب سحب ملفات القبول وتقديمها الى المكتب الرئيسى بالكلية الحربية اعتباراً من يوم الثلاثاء الموافق ١٥/١/٢٠١٠ م حتى يوم الخميس الموافق ٢٨/١/٢٠١٠م.


نقلا عن "المصري اليوم"

د/ أحـمـد سـليمان
01-07-2010, 05:38 PM
بالمناسبه يااحمد انت ايه رايك فى التقديم ووجهة نظرك شكلك تعرف ناس فيها

لا يا هاني مش عارف حد فيها ... المعلومات دي كلها متجمعة من النت .. بس معظم اللي كلمني عنها حذرني منها ... و أنا أصلا مش بفكر فيها ... بس بساعد اللي عايزين معلومات ... و ربنا يوفق الجميع

doct0r
01-07-2010, 06:49 PM
السلام عليكم وجزاكم الله خيرا
لكن من فضلك ايه الاوراق المطلوبه والتقديم بيكون فين ؟

ولكم جزيل الشكر

محمدالرفاعي
01-10-2010, 04:25 PM
سحب الملف بدأ من يوم 5يناير لحد يوم 24 يناير

هتروح تسحب الملف من الكلية الحربية بالقاهره

لما تسحب الملف هتاخد ملفين الاتنين شبه بعض بس واحد زياده انه فيه بيانات ولاد العم وابناء العم وهكذا يعنى الاقارب

من الدرجه التالته

لما تسحب الملف هيديوك معاد عشان تسلم فيه الملف اللى بدون بيانات ولاد العم

لو عديت اختبار القدارت و البنيه هيدوك معاد تانى عشان الكشف الطبى ودا بقى هتسلم فيه الملف التانى

dr.prince
01-10-2010, 07:39 PM
سحب الملف بدأ من يوم 5يناير لحد يوم 24 يناير

هتروح تسحب الملف من الكلية الحربية بالقاهره

لما تسحب الملف هتاخد ملفين الاتنين شبه بعض بس واحد زياده انه فيه بيانات ولاد العم وابناء العم وهكذا يعنى الاقارب

من الدرجه التالته

لما تسحب الملف هيديوك معاد عشان تسلم فيه الملف اللى بدون بيانات ولاد العم

لو عديت اختبار القدارت و البنيه هيدوك معاد تانى عشان الكشف الطبى ودا بقى هتسلم فيه الملف التانى


يعني مفيش اي ورق مطلوب ناخده معانا واحنا رايحين
زي صورة البطاقة او الشهادة المؤقته كده يعني
:la7aramak:

محمدالرفاعي
01-11-2010, 03:00 AM
يعني مفيش اي ورق مطلوب ناخده معانا واحنا رايحين
زي صورة البطاقة او الشهادة المؤقته كده يعني
:la7aramak:

بأذن الله هعرفك كل شىء بالتفصيل بكره واحد صاحبى رايح يسحب الملف

وهقولك ايه اللى طلبوه بالظبط لكن اعتقد انك لازم بتكون حالق وانت رايح شعر

و السوالف عشان بيرخموا على البوابه .......... وفلوس الملف و بأذن الله هعرفك

كل حاجه حصلت معاه وربنا يقدم اللى فيه الخير بس الكلام اللى ذكرته قبل كدا

دا حصل مع واحد صاحبى فى بيطرى لكن معرفش حاجه عن وهو راح ساعه سحب الملف

اخد ايه معاه ...............

وكمان فى ميزه اى حد غير طب وهندسه لما بيسقط فى اى عياده فى الكشف الطبى مش بيكمل ويروح

معاده الاطباء بيكملوا كاشف للنهايه والعياده اللى سقط فيها بيعرض على استشارى فيها مره تانيه ولو ساقط تانى بيعرض بعد كدا على مدير الكليه لانهم محتاجين اطباء وهندسه

adelbakouch
01-11-2010, 01:23 PM
سؤال لو سمحتم :
انا مازالت بادرس بالكلية لكن باقرء فيما بعد التخرج وباسال عن اذا :
1- فى تكليفنا العادى ممكن تضيع سنة فى الجيش فهل فى تكليف القوات المسلحة نفس الكلام ام الجيش بعد ما تنتهى السنتين كاملتين
2- وضع حركة النيبابات بالنسبة للتكليف فى القوات المسلحة يعنى اقدر اقدم عادى زى التكليف فى وزارة الصحة
3- هل فى نيابات ممكن نقدم عليها فى القوات المسلحة نفسها زى وزوارة الصحة
4- ما فائدة التكليف بتاع القوات المسلحة ؟ هل هو تعليم من الدرجة الاولى ام هناك مزايا اخرى
وشكرا

pure spirit
01-11-2010, 03:18 PM
السلام عليكم
انا عندى استفسار برضه عن التاجيل هل لينا تكليف برضه فى القوات المسلحة؟؟؟؟؟؟ ولا هى مرة فى السنة وخلاص؟؟؟؟؟؟؟

وعليكم السلام ورحمة الله وبركاته
تقريبا لأ بيكتفوا بتكليف مارس
وهو لازم يعنى جيد جدا ؟؟؟؟؟ ماينفعش جيد؟؟؟؟؟؟
كانوا فى اواخر ايام التقديم بيقبلوا جيد
طبعا عارفين التقديم خلص يوم 31/12

pure spirit
01-11-2010, 03:24 PM
1- فى تكليفنا العادى ممكن تضيع سنة فى الجيش فهل فى تكليف القوات المسلحة نفس الكلام ام الجيش بعد ما تنتهى السنتين كاملتين
ايوة نفس الكلام
2- وضع حركة النيبابات بالنسبة للتكليف فى القوات المسلحة يعنى اقدر اقدم عادى زى التكليف فى وزارة الصحة
زيك زى اللى فى وزارة الصحة بالظبط تقدر تسيبهم فى أى وقت
4- ما فائدة التكليف بتاع القوات المسلحة ؟ هل هو تعليم من الدرجة الاولى ام هناك مزايا اخرى
هو ليه مميزات ان كل المستشفيات في مدن كبيرة القاهرة أسكندرية الاسماعيلية يعني مش حتروح منطقة نائية
انك ممكن تحضر الماستر بعد سنه عندهم
انك بتختار تخصص من الأول
بس الموضوع طبعا لايخلو من العيوب
:wfk:

adelbakouch
01-11-2010, 03:34 PM
شكرا لك اخت ترانيم
ياريت تذكرى لنا المميزات والعيوب ؟

dr.prince
01-11-2010, 04:03 PM
بأذن الله هعرفك كل شىء بالتفصيل بكره واحد صاحبى رايح يسحب الملف


وهقولك ايه اللى طلبوه بالظبط لكن اعتقد انك لازم بتكون حالق وانت رايح شعر

و السوالف عشان بيرخموا على البوابه .......... وفلوس الملف و بأذن الله هعرفك

كل حاجه حصلت معاه وربنا يقدم اللى فيه الخير بس الكلام اللى ذكرته قبل كدا

دا حصل مع واحد صاحبى فى بيطرى لكن معرفش حاجه عن وهو راح ساعه سحب الملف

اخد ايه معاه ...............

وكمان فى ميزه اى حد غير طب وهندسه لما بيسقط فى اى عياده فى الكشف الطبى مش بيكمل ويروح

معاده الاطباء بيكملوا كاشف للنهايه والعياده اللى سقط فيها بيعرض على استشارى فيها مره تانيه ولو ساقط تانى بيعرض بعد كدا على مدير الكليه لانهم محتاجين اطباء وهندسه

الف شكر يادكتور ومنتظرين الاخبار
:barak:

Dr.Nomy
01-11-2010, 05:05 PM
السلام عليكم
معلش بس ليه مداخله....واضح كده من كلام حضراتكم ان اكاديميه الشرطه والحربيه مينفعش بنات يلتحقو بيها صح ؟؟؟
:wfk:

dr.prince
01-12-2010, 08:12 PM
السلام عليكم
معلش بس ليه مداخله....واضح كده من كلام حضراتكم ان اكاديميه الشرطه والحربيه مينفعش بنات يلتحقو بيها صح ؟؟؟
:wfk:
لايادكتورة الاكاديمية بتطلب بنات

meme
01-13-2010, 10:35 AM
thank u ;but do we have to shave our hair before we withdraw these files

dr.prince
01-13-2010, 10:19 PM
thank u ;but do we have to shave our hair before we withdraw these files
yessssss
sure
akeeeeeeeeeeed
tab3an
laaaaaaaaazm
:5831.imgcache:

dr smsm
01-15-2010, 12:50 AM
لايادكتورة الاكاديمية بتطلب بنات



ممكن يادكاترة تقولولنا وبصراحة هل الاكاديمية تنفع للبنات؟ وايه مميزاتها وعيوبها للبنات؟وهل لازم يخلعوا الحجاب؟ :barak:

chaheed
01-15-2010, 11:42 PM
بأذن الله هعرفك كل شىء بالتفصيل بكره واحد صاحبى رايح يسحب الملف

وهقولك ايه اللى طلبوه بالظبط لكن اعتقد انك لازم بتكون حالق وانت رايح شعر

و السوالف عشان بيرخموا على البوابه .......... وفلوس الملف و بأذن الله هعرفك

كل حاجه حصلت معاه وربنا يقدم اللى فيه الخير بس الكلام اللى ذكرته قبل كدا

دا حصل مع واحد صاحبى فى بيطرى لكن معرفش حاجه عن وهو راح ساعه سحب الملف

اخد ايه معاه ...............

وكمان فى ميزه اى حد غير طب وهندسه لما بيسقط فى اى عياده فى الكشف الطبى مش بيكمل ويروح

معاده الاطباء بيكملوا كاشف للنهايه والعياده اللى سقط فيها بيعرض على استشارى فيها مره تانيه ولو ساقط تانى بيعرض بعد كدا على مدير الكليه لانهم محتاجين اطباء وهندسه


حضرتك يا دكتور ماكملتش الموضوع
عايزين نعرف ايه اللى بيحصل بالتفصيل زى ما حضرتك قلت
وياريت لو شوية معلومات عن الاختبارات والكشف الطبى يعنى طبيعة الاختبارات ده ايه مثلا جرى وقفز وكده يعنى والا فى حاجات تانية ؟؟
جزاك الله خيرا

dr smsm
01-16-2010, 08:02 PM
هو ليه ماحدش بيرد ؟ لو سمحتوا ياجماعة الموضوع ده يهمنى جدا ( اكاديمية الشرطة للبنات) ياريت حد يرد على

Postgraduate Team
01-16-2010, 08:50 PM
ممكن يادكاترة تقولولنا وبصراحة هل الاكاديمية تنفع للبنات؟ وايه مميزاتها وعيوبها للبنات؟وهل لازم يخلعوا الحجاب؟ :barak:
الأكاديمية سواء شرطة او جيش

عيوبها

هي في الآخر ميري .. و بعد عن البيت لفترات طويلة و اقامة شبه دائمة خارج مدينتك
بالنسبة للحجاب ... الأصل انهم بيلسوا ( كاب ) .. بس في منهم بيلبس ايشارب تحته ... خاصة لما يكونوا بره الشغل .. لكن ساعة الجد .. هو ممنوع .. و مينفعش تطلعي بيه مثلا في حفلة رئيس الجمهورية او في وجود اي رتب كبيرة زي تفتيش مثلا ... و غير كده .. لبسهم ( الجيبة ) بتكون على الركبة او اطول قليلا

لها تأثير كبير على الحياة الاسرية .. عدم استقرار ... عدم القدرة على التوفيق بين الأولاد و الشغل .. تنقلات كتير ... محتاجة حد يكون ساندك بواسطة في كل مرحلة على اساس يبقى التوزيع في كل ترقية كويس ..

آخر حاجة .. ان البنت الضابطة .. شيء مش مألوف بالنسبة للمجتمع ( دي مش اساءه ) لكن مجرد ملحوظة

مميزاتها ..

مرتب كويس .. و دلوقتي الصحة مرتبها زاد مع شوية برايفيت ... ده غير ان اصلا البنات مش مطلوب منهم دخل كامل

تعليم كويس .. خاصة مسألة السفر بره و كده .. و دي تتحسب للأكاديمية .. لكن احنا لازم نثق ان العلم ده رزق بيجي للشخص في اي مكان طالما خد بأسبابه و ربنا بييسر له السبل .. و لكل مجتهد نصيب ..

مركز اجتماعي .. واحنا مش محتاجينة كأطباء .. و خاصة زي ما قلنا البنت الدكتورة هي اعلى شيء في المستوى العلمي و الاجتماعي في وسط البنات .. مش البنت الضابطة .. حتى نظرة اولادها لها




ده اللي قدرنا نوفره دلوقتي .. و ربنا ييسر

shady salama
01-19-2010, 11:07 AM
السلام عليكم
انا قدمت في تكليف الجيش , كنت عايز اعرف هل اكتب الرغبات وكمان استلم في تكليف وزارة الصحة عادي و استنى ولا اسأل بنفسي عن جواب الانتداب و اقدمة للمستشفي اللي مرشح ليها ,, كمان المرتب (المتواضع) اقبضة من المستشفى ولا من الادارة اللى انا تبعها في تكليف الوزارة ... اخر حاجة لو عايز ابدل تكليفي دة ممكن ( علشان لو حبيت اترك الجيش في اي وقت) اسف جدا للاطالة وجزاكم الله كل خير...

dr smsm
01-20-2010, 08:57 PM
شكرا ياجماعة على الرد الوافى

tefa
01-21-2010, 03:37 PM
شكرا جزيلا

tefa
01-21-2010, 04:33 PM
هل فيه فرق بين تكليف القوات المسلحه والاكاديميه الطبيه العسكريه؟وشكرا

adel44
01-28-2010, 02:27 PM
طيب انا خطيبتي دخلت الكلية الحربية في اول شهر واحد ونفسي اعرف نوع التدريبات جوا ايه للبنات خاصة انها في المبنى بتاع مستشفى المعادي وخايف عليها جدا خاصة في البرد ده وعايز اعرف نوع الاعمال ايه وبيصحوا الساعة الكام وتدريبات قاسية عليهم ولا عادي علشان من المفترض لا تأخذ اجازة الا بعد دخولها بشهر كامل ولسه فاضل حوالي 13 يوم ومن ساعتها مش عارف بيتعاملو ازاي جوا .

أرجوكم من يعرف يفيدني واللهم يجزيه خيرا

adel30
01-28-2010, 07:00 PM
طيب انا خطيبتي دخلت الكلية الحربية في اول شهر واحد ونفسي اعرف نوع التدريبات جوا ايه للبنات خاصة انها في المبنى بتاع مستشفى المعادي وخايف عليها جدا خاصة في البرد ده وعايز اعرف نوع الاعمال ايه وبيصحوا الساعة الكام وتدريبات قاسية عليهم ولا عادي علشان من المفترض لا تأخذ اجازة الا بعد دخولها بشهر كامل ولسه فاضل حوالي 13 يوم ومن ساعتها مش عارف بيتعاملو ازاي جوا .

أرجوكم من يعرف يفيدني واللهم يجزيه خير

الراجى عفو الله
03-17-2010, 12:43 PM
انا و الحمد لله جالى تكليفى فى الشرطة لقيت اسمى مكتوب فى وزارة الصحة الكلام ده بقالوا اسبوعين بس مش عارف ايه الخطوة التالية يا ريت لو حد من زمايلنا يعرف حاجة عن التكليف فى الشرطة يقولها.:gzak:

Dr MaHmOuD RoShDy
03-17-2010, 12:56 PM
انا و الحمد لله جالى تكليفى فى الشرطة لقيت اسمى مكتوب فى وزارة الصحة الكلام ده بقالوا اسبوعين بس مش عارف ايه الخطوة التالية يا ريت لو حد من زمايلنا يعرف حاجة عن التكليف فى الشرطة يقولها.:gzak:

السلام عليكم ورحمة الله وبركاته,,

اولا اسال الله ان يستعملك فيما يحب ويرضى
لانى بقلق من الشرطة دى بس ان شاء الله تكون ظروفك كويسة سواء سجون او مستشفيات

ثانيا الاسماء لسه واصله الوزارة من يومين اعتقد مش اسبوعين
على كلٍ
انت بتروح الوزارة تخلص ورقة كده فيها طلب بانك وافقت على تحويلك وانتدابك للجهة الخارجية اللى هى وزارة الداخلية وفقا للقوانين وبتختمها بشعار الجمهورية ولو ليك جهة تانية خارجية زى الهيئة العامة للتامين الصحى بيتكتب بانك متنازل عنها فى نفس الورقة وتطلع على شئون العاملين بالشرطة فى الدرّاسة اعتقد وتخلص هناك ورق برضه

بعد كده بتروح تستلم فى مكان تكليفك عادى وتستنى لعند ما يخلصو التحريات بتاعتهم وغالبا بتخلص فى شهر او اكتر على حسب بقى
وانت تتابع كل اسبوع بالتليفون تشوف هل تخلى من مكان تكليفك ولا تستنى ..لو قالولك تعالى ورقك جهز خلاص بتخلى من مكان تكليفك وترجعلهم فى الوزارة وهما يحولوك نهائى على الشرطة وتستلم بس متخليش قبل كده...

بالتوفيق حبيبى

الراجى عفو الله
03-17-2010, 03:30 PM
:gzak:

the king arther
03-17-2010, 06:15 PM
السلام عليكم
عرفنا انا تكليف الشرطه ظهر فهل تكليف الجيش ظهر ولا لا
ولو لسه مظهرش هل نتيجته بتبقى فى الوزاره ولا بيتصلو بيك ويقولولك

fanta adel
03-17-2010, 06:24 PM
الرسالة دى وصلتنى يمكن تفيد حضرتك
نتيجة الشرطة موجودة دلوقت واي حد هروح واتقبل هياخد الجواب ويروح يستلم هناك ف الشرطة علطول
والجيش هيظهر يوم السبت
دا الكلام النهائي
وبالتوفيق يارب للجميع

the king arther
03-17-2010, 07:05 PM
الرسالة دى وصلتنى يمكن تفيد حضرتك

نتيجة الشرطة موجودة دلوقت واي حد هروح واتقبل هياخد الجواب ويروح يستلم هناك ف الشرطة علطول
والجيش هيظهر يوم السبت
دا الكلام النهائي
وبالتوفيق يارب للجميع

شكرا جزيلا ....ولوحد عنده معلومات ياريت ميبخلش بيها

nanosuperstar8
03-17-2010, 07:47 PM
طيب احنا لازم نسافر ولا ممكن تنزل على النت

nanosuperstar8
03-17-2010, 07:51 PM
انا كنت مقدمه فى الشرطه
اعرف منين انى اتقبلت
ولازم اسافر للقاهره ولا ايه النظام

pure spirit
03-18-2010, 01:18 AM
انا كنت مقدمه فى الشرطه
اعرف منين انى اتقبلت
ولازم اسافر للقاهره ولا ايه النظام
نقلا عن أحد الأعضاء:
بتسألى فى ادارة التكليف فى وزارة الصحة
النتيجة هناك
مش متعلقة بتروحى تشوفى اسمك من المقبولين ولا لأ عند الموظفة المختصة
"مدام مها"
:wfk:

maram1985
03-28-2010, 08:30 PM
هو اللى معملش انترفيو ممكن يتقبل:gzak:

bera
04-04-2010, 07:38 PM
السلام عليكم هوانتم متاكدين انى نتيجة الجيش بانت خلاص اصل واحدي صاحبتى مقدمة وبقولها روحى اسالى بتقولى لسه ياريت حد يردد عليه ضروري

afssmow
04-05-2010, 03:45 AM
السلام عليكم . انا اتصلت النهارده بيهم وردوا عليا ان النتيجه 20/4 مش عارف ليه؟؟؟

bera
04-05-2010, 08:04 AM
السلام عليكم متشكرة خالص وجزاكم الله خيرا

dr-country
04-10-2010, 06:22 PM
أنا سامع إن في ناس جابتها
ياريت يادكاترة اللي متأكد يقولنا

dr_hany777
04-10-2010, 10:03 PM
يا جماعه انا مقدمتش فى المرحله الاولى هل فيه تقديم فى جزء تانى لانى اتخنقت من الصحه واللى فيها ربنا ينتقم منهم

dr-country
04-10-2010, 10:22 PM
:427515:نتيجة الجيش ظهرت النهاردة في حلمية الزيتون وناس من زملائنا جابوها ودا الرقم اللي ممكن تتصلو بيه وتعرفوها
0226363984

ohyeah
04-11-2010, 12:35 PM
ألنتيجه ظهرت في الحلميه

و الأسماء هتكون في وزارة الصحه بكره الاثنين 12-4

drmaag
04-12-2010, 11:08 PM
السلام عليكم
فى البداية احب ان اهنىء جميع الاصدقاء المقبولين فى تكليف الجيش واتمنى من الله ان تكون خطوة الى الامام
بعد مالنتيجة طلعت كلنا عايزين نعرف ايه الخطوة اللى بعد كدة
اول حاجة هنروح ادارة التكليف فى الوزارة عند مدام مها وهناخد جواب موجهة الى مديرية الشئون الصحية فى المحافظة اللى فيها تكليفك يطلب منهم اخلاء طرفك واعادة توزيعك (انتداب)الى وزارة الدفاع بس اهم حاجة تصور الجواب دة لان الاصل هياخدوه مننا فى القوات المسلحة
وبعد كدة تروح تستلم فى مكان تكليفك وتخلى طرف من وزارة الصحة
طيب لحد كدة كويس اية بقى الاوراق المطلوبة لاستلام التكليف فى الجيش ..............؟
1 صورة المؤهل
2 صورة شهادة الميلاد
3 صورة البطاقة
4 صورة الموقف من التجنيد
5 جواب الاخلاء
6 استمارة التعارف
ومرة تانية الف مبرووووووووووووووووك
ارجو ان يكون هذا الموضوع ملتقى لتبادل المعلومات والمناقشة حول تكليف الجيش

Dr MaHmOuD RoShDy
04-14-2010, 12:49 AM
وعليكم السلام ورحمة الله وبركاته



1 صورة المؤهل
2 صورة شهادة الميلاد
3 صورة البطاقة
4 صورة الموقف من التجنيد
5 جواب الاخلاء
6 استمارة التعارفجزاكم الله خيرا يا دكتور على المعلومات
وانا هتصل بالاستاذ عوض بكرة باذن الله اعرف منه هل اخلى نهائى ولا زى نظام الشرطة بس اعتقد هيقول تعالو علطول لان مفيش تحريات

انا خلصت اخلاء المديرية بعد ما كانو مش عايزين عشان مفردات المرتب وطلبو استنى لص الاسبوع الجاى فجربت اخدها من الادارة وعملتها ومشوهالى فى المديرية عادى جدا واستلمو الجواب وخدت جواب تانى منهم للادارة وهمضيه واختمه من الوحدة وارجع تانى للادارة ومن الادارة للمديرية رتروجريد يعنى وبعد كده الى الحلمية ومنها للخدمات الطبية فى كوبرى القبة
بكرة هبلغكم عملت ايه واخليت ولا لأ باذن الله
الله المستعان

drmaag
04-14-2010, 03:31 PM
انا خلصت اخلاء المديرية بعد ما كانو مش عايزين عشان مفردات المرتب وطلبو استنى لص الاسبوع الجاى فجربت اخدها من الادارة وعملتها ومشوهالى فى المديرية عادى جدا واستلمو الجواب وخدت جواب تانى منهم للادارة وهمضيه واختمه من الوحدة وارجع تانى للادارة ومن الادارة للمديرية رتروجريد يعنى وبعد كده الى الحلمية ومنها للخدمات الطبية فى كوبرى القبة
بكرة هبلغكم عملت ايه واخليت ولا لأ باذن الله
الله المستعان

الف مبروك يا دكتور محمود
ربنا يوفقك ان شاء الله وكلنا منتظرين تقولنا عملت اية
بس اية حكاية مفردات المرتب دة محدش طلب منى حاجة كدة
وانا اعرف ان مرتبك من وزارة الصحة مش من الجيش

Dr MaHmOuD RoShDy
04-14-2010, 07:36 PM
السلام عليكم
انا رحت النهارده بس يدوب اخليت من الادارة والوحدة وخدت جواب اخلاء طرف للمديرية
اللى هيحصل بكرة بقى كالاتى لو ربنا يسر ولحقت
اخد جواب المديرية والموجه لشئون العاملين المدنيين فى الحلمية وهناك اقدم ورقى "وهو هو اللى قلت عليه يا دكتور + 6 صور شخصية او 3 لانه مكنش فاكر + ملفين "
ويدونى جواب موجه للخدمات الطبية فى كوبرى القبة وهناك اكتب رغبات من جديد عند الاستاذ حمدى ويمضيها من اللواء واطلع على المستشفى "بالنسبالى المفروض كوبرى القبة لو ربنا يسر" واطلع فيها على شئون العاملين المدنيين "واحدة تانية داخل المستشفيات" وهناك ياخدنى من ايدى كده على رئيس القسم ثم مدير المستشفى لو وافقو يبقى كده انا استلمت ويقلولى تعالى يوم كذا او يلا يا حبيبى غير هدومك ومد ايديك انت نبطشى النهارده :)

اه فى حاجه كده ربنا ما يكتبها علينا و دى اكتر حاجه مخوفانى..ممكن بدل ما يحولونى للخدمات الطبية يبعتونى حاجه كده زى عيادات فى فيصل غير الخدمات الطبية خالص وغالبا لازم حد يروحها بس بيشتكو ويرجعو تانى الخدمات الطبية "المستشفيات" تانى .. فربنا ييسر الحال ويكتبلنا الخير حيث كان


بالنسبة لمفردات المرتب...

هو فعلا احنا بنستلم مرتبنا من " الادارة " اللى هو الاساسى فقط ..
ومفردات المرتب ده بتاخدها عشان تقدمها فى المستشفى اللى هتشتغل فيها لان هيكون فى فلوس او بلاش فلوس عشان عيب نخليها مثلاً "بقايا" فلوس .. حوالى كده 120 جنيه ودى بتتحسب كنسبة من الاساسى فلازم يكون فى مفردات للمرتب

فى استفسار من واحد خفيف شوية باعتهولى على الموبايل مستخسر يرد هنا *__^
بيعلق على مشاركتى وبيقول يعنى ايه اخلى ولا زى نظام الشرطة
كل قصدى ان الشرطة قالولهم متخلوش الا لما نقولكم عشان لسه فى تحريات ..والى الان تقريبا مستلموش ..لكن انا سالت النهارده قالولى لا تعالى هتستلم ..

بكرة ابلغكم ان شاء الله بالتطورات واللى لحقت اعمله..ولو مرجعتش اعرفو انى اتحبست فى القسم
والله ولى التوفيق ...

Dr MaHmOuD RoShDy
04-17-2010, 10:28 PM
السلام عليكم
عملت ايه يا دكتور طمنا؟

الحمد لله اليوم استلمت وتم عمل مقابلة مع قائد المستشفى اللواء هارون وادانا الكلمتين المعروفين ..
انا يوم الخميس مخلصتش بس خدت جوابين من الحلمية واحد للمديرية وواحد للخدمات الطبية ووقفت عند الخدمات الطبية والنهارده سلمت الجواب للخدمات وملأنا الرغبات تانى واخدت جواب بالتخصص لقائد المستشفى اللى بدوره وافق عليه الحمد لله..
فى ورق كان ناقص مننا عايزين 6 صور وصورة من الموقف من التجنيد وصورة شهادة الميلاد والمؤهل والى كان ناقصنى هو استمارة التعارف تانى ..فانت بعد ما تملاه فى الحلمية ابقى صوره افضل يادكتور وصور برضه جواب الحلمية الموجه للمديرية معاك..
وباذن الله الشغل يبدأ من الاتنين الثامنة صباحا ....

الله المستعـــان

ندا
04-17-2010, 11:11 PM
ايه تفاصيل استمارة التعارف دي وممكن توقف استلامك العمل لو فيها حاجة
ولا هي حاجة روتينية يعني من غير تحري عن افراد اسرتك
محتاجة الرد ضروري

Dr MaHmOuD RoShDy
04-18-2010, 01:04 AM
استمارة التعارف
المفروض فيها كل الاهل وتواريخ ميلادهم ووظيفتهم
اب ام اخوة اخوال اعمام اجداد
فتكونى محضرة كله فى ورقة خصوصا تورايخ الميلاد..بحيث تنقلى علطول هناك
فى الحلمية عشان كنت متاخر قالولى املأ اى حاجة واكتب خال واحد هنا وعم واحد هنا
لكن انا كنت دقيق شوية
وهكتبها مظبوطة فى كوبرى القبة تحسبا لاى حاجه لكن غالبا مفيش حاجه ان شاء الله ده روتين عادى جدا
وفقكم الله

dr_algizy
04-18-2010, 06:29 PM
السلام عليكم
ازيكوا يا دكاترة والف الف مبرووووووووووك ويا رب يبقي فيها الخير ليكوا ان شاء الله
انا يا جماعة تكليفي بعيد شوية يعني تقدروا تقولوا شويتين ومش عارف اروح القاهرة خالص الايام اللي فاتت وقدامي اسبوع عشان اعرف اسافر القاهرة يا ريت يا ريت يا دكاترة لو حد يقدر يجيب الاسماء اللي اتقبلت في تكليف الجيش يبقي بجد ساعدني مساعدة كبير وربنا يجعل هذا العمل في ميزان حسناته يارب انا اسمي محمد الجرايحي الحسيني الجيزي
والف مبروك مرة تانية

الراجى عفو الله
04-28-2010, 07:46 PM
انا جالى تكليفى فى الشرطة ورحت كتبت وثيقة التعارف وقدمتها فىشئون العاملين بالدراسةوذلك يوم 21-3 ولحد الان كل ما اتصل يقولوا لسة نتيجة التحريات ياريت لو حد استلم اونتيجة تحرياته فى الشرطة بانت يقولنا او يعرف حد استلم يقول:gzak:

dr.heba tollah
05-29-2010, 12:33 PM
السلام عليكم
بداية الف مبارك لكل اللي اتوزعوا في التكليف سواء جيش او شرطه او صحه
انا امتياز وعايزه استشركم في عدة اسئله لو سمحتم

عايزه اعرف معاد بدء التقديم في الجيش و الشرطه؟؟ واعرف ازاي انه بدء؟هل من جرنال ولا موقع...؟؟؟
وهل ينفع اقدم في الاتنين عشان لو مجتش واحده تيجي التانيه؟
وهل الجيش والشرطه احسن من الصحه في التعليم نفسه؟؟
ايه الفضل الجيش ام الشرطه وليه؟؟
وهل في تخصص نفسيه وعصبيه فيهم؟؟
انا قرأت الموضوع كله بس عايزه اعرف ايه الخطوات اللي المفروض اعملها بالترتيب عشان اقدم فيهم عشان انا اتلخبطت

جزاكم الله عني خيرا كثيرا

adelbakouch
05-29-2010, 12:41 PM
السلام عليكم
هذا الرابط مجموعة الناس اللى اتقدموا فى تكليف القوات المسلحة واتقبلوا ومناقشتهم حول المستشفيات وكافة الاشياء ان شاء الله هيفيدكم جدا
http://www.facebook.com/group.php?gid=113911811966043
وبالتوفيق للجميع

dr.heba tollah
05-29-2010, 01:51 PM
جزاكم الله خيرا

corompa
08-12-2010, 02:10 AM
السلام عليكم ورحمه الله
انا بجد منتظرة ردود على موضوعى ده
اولا انا طبيبه امتياز اللى هيخلصوا امتيازهم فى شهر 3 الجاي
وكمان مليش بوست ولا نيابه
المهم انا شفت مستشفيات الحكومه ولقيت انها بصراحه مش حلوة
المهم انى قررت انى التحق باكاديميه الشرطه بس مش عارفه ايه الاوراق المطلوبه منى
وايه اللى لازم اعملة
فلو ممكن لو اى حد يعرف حاجه عن الموضوع ده يرد عليه هيكون ليه جزيل الشكر

pure spirit
08-20-2010, 11:17 PM
وعليكم السلام ورحمة الله وبركاته
لو حضرتك تقصدى التكليف فى الجهات دى
يرجى مراجعة الموضوع التالى
تكليف الشرطة و الجيش (http://www.alltebfamily.com/vb/t19771.html)
بالتوفيق

corompa
08-21-2010, 11:06 PM
اولا جزاكى الله خيرا على الاهتمام
بس انا عايزة اكمل فى الاكاديميه يعنى ادرس فيها باذن الله
بمعنى مش التكليف بس لا انا هكمل وعايزة ابقى ملازم

pure spirit
08-21-2010, 11:28 PM
الرد ده منقول عن أحد الأطباء داخل هذه المستشفيات :

انا طبيب مدني بمستشفي الشرطه بمدينة نصر بالنسبه لسؤالك اكاديمية الشرطه اولا مدتها تسع شهور وبتاخد من تقدير مقبول اهم حاجه الواسطه ده بالنسبه للدخول وبعد التخرج من الاكاديميه هما بيحددوا العدد اللي هيتم الحاقه بالمستشفيات والعدد اللي هيروح مصلحة السجون النيابات بتنزل في التخصصات حسب ما هما عايزين بمعني ان ممكن في تخصصات ما تنزلش من اصله زي ما حصل السنه دي اقسام كتير مانزلتش للظباط المتخرجين في شهر 7 اللي فات وهي النساء الاطفال والجلديه والاشعه والفلب بعض تخصصات الباطنه زي الكلي وطبعا بالنسبه للنيابات اللي نزلت حضرتك بتاخد نيابتك حسب ترتيبك تمام زي الجامعه يعني بتكون فيه قعده نيابات وكل واحد بيطلب حسب ترتيبه وغير مسموح ليك بالتحضير في غير الحاجات اللي هما منزلينها وليك سنه بتروحها الصعيد اجباريه طبعا وغالبا بتكون بعد التخرج بسنه اما بالنسبه للناس اللي بتروح مصلحة السجون حسب ترتيبها بتاخد عادي اي تخصص هيا عايزها في الغالب برده ما فيش حاجه مضمونه انا اكتر كلامي معاك مبني علي اللي حصل مع خريجي السنه دي ومالكش الحق انك ترجع المستشفيات قبل خمس سنين وبواسطه كويسه برده ليك الحق انك تفتح عياده برده مافيش مشكله بس طبعا بعد الماجستير اما بالنسبه للمدنيين فانت ليك الحق في التحضير بعد سنه برده بيكون فيه اقسام مغلقه ولكن فرصتك في انك تاخد التخصص اللي انت عايزه احسن شويه من الظابط ودي برده عايزه واسطه باختصار لازم تكون واسطتك ملازماك كتير عشان تقدر تاخد فرصك جوه وربنا يوفقك ان شاء الله

pure spirit
08-21-2010, 11:32 PM
أكاديمية الشرطة
1 ـ يتم الإعلان عن الالتحاق بكلية الضباط المتخصصين كل عام في الجرائد
2 ـ يتم قبول الأطباء بكلية الضباط المتخصصين حيث يتخرج الطبيب برتبة ملازم بعدها يرقى إلى نقيب
3 ـ يوزع بعد ذلك على مستشفيات وزارة الداخلية من خلال الإدارة العامة للخدمات الطبية
4 ـ تساعد أكاديمية الشرطة في استكمال دراساتهم مادياً وعلمياً وتوفدهم في بعثات خارجية
5 ـ للطبيب الضابط العامل نفس حقوق وترقيات وامتيازات ضابط الشرطة
6 ـ من أراد ترك الخدمة يتقدم بطلب بذلك حيث يتم النظر في طلبه

ويشترط ألا يقل طول الطالب عن 165 سنتيمترا ومتوسط عرض الصدر عن 83 سنتيمترا وألا يزيد عمره علي 28 سنة يحصل الطالب علي أكثر من 40 % من مجموع الدرجات في اللياقة البدنية ويصرح بالنظارة الطبية.
وعن التخصصات المطلوبة و يتم قبول خريجي مجموعة الطب والهندسة بتقدير مقبول وتكون للاناث والذكور في تخصصات الطب البشري والعلاج الطبيعي والصيدلة وللذكور فقط في تخصصات طب الاسنان والطب البيطري والحاسبات والاتصالات والالكترونيات وميكانيكا السيارات وللاناث فقط في تخصصات التمريض.. كما يتم قبول طلاب كلية العلوم بتقدير مقبول اقسام الكيمياء والطبيعة والبيولوجي للذكور فقط وخريجي كلية الفنون التطبيقية من الذكور فقط بتقدير مقبول في تخصص النسيج والتصوير وخريجي كلية الفنون الجميلة للذكور فقط بتقدير مقبول تخصص ديكور وخريجي السياحة والفنادق بتقدير جيد للذكور فقط وخريجي كلية التربية الرياضية بتقدير مقبول من الاناث فقط.
و هناك العديد من المزايا للالتحاق بقسم الضباط المتخصصين وهي ان مدة الدراسة عام دراسي فقط يمنح الخريج شهادة الدبلوم في مواد الشرطة ويعين برتبة ملازم أول ويحصل علي مكافأة خلال الدراسة توازي المرتب المقرر للمؤهل الجامعي ويتمتع برعاية صحية بمستشفيات الشرطة له ولاسرته والرعاية الاجتماعية والرعاية الثقافية.

وبالنسبه للعمر اللى هو 28 سنه بيبقى شرط اساسى فى الاكاديميتين
وبرده مقاس الصدر والطول وخلافه

Narnia
08-24-2010, 04:32 PM
دكتورة ترانيم انا بعد اذنك بس كان عندي شوية اسئلة وياريت لو اي حد يقدر يساعدني فيها انا دلقتي طبيبة امتياز هاخلص امتياز ان شاء الله في فبراير 2011وعايزة اعرف اكتر عن التكليف المدني مش العسكري في الجيش او الشرطة

1- التقديم بالنسة للجيش والشرطة امتى وفين وهاعرف منين انه بدأ؟ ولازم واسطة ولا ممكن من غيرها عادي ؟وهو مين أفضل الجيش ولا الشرطة ؟
2- انا من اسيوط ياترى تكليفي هيبقى في اسيوط برضة ولانظام التوزيع على الاماكن هيبقى ازاي ؟
3- الوضع ايه بالنسبة للبنات واللبس والحجاب والكلام ده ( انا باتكلم عن التقديم المدني مش الاكاديمية )؟ وكمان بالنسبة لشروط الكشف الطبي دي خاصة بالتقديم الحربي بس ولا كمان المدني ؟
4- انا احتمال انه تجيلي نيابة جامعة عندنا بس بدون تثبيت هل هتبقى افضل من تكليف الجيش واذا كان التقديم هيبقى في شهر 9 او 10 على حسب مافهمت هاعمل ايه لو جتلي نيابة بعد ماكون قدمت في الجيش ؟
5- بالنسبة للتخصص هو صحيح انه مكن اسجل بعد سنة واحدة من التكليف ؟ وهل التخصصات كلها بتبقى مفتوحة قدامي ولا تخصصات معينة بس ؟ أنا مثلا مهتمة بالجراحة جدا وبافكر فيها بجدية هتبقى فرصتي فيها ايه بالنسبة للتعليم والشغل ؟

انا عارفة اسئلتي بسيطة شوية بس انا الصراحة مش فاهمة حاجة خالص وياريت لو حد يساعدني والف شكر ليكو كلكم

د/ أحـمـد سـليمان
09-20-2010, 11:36 PM
موضوع مفيد

د/ أحـمـد سـليمان
09-20-2010, 11:38 PM
موضوع رائع

reciprocal
10-05-2010, 08:27 PM
يا جماعة هو التقديم فعلا بدأ فى الجيش او الشرطة وفعلا لازم تقدير عام جيد جدااا نرجو الرد

bera
10-28-2010, 04:25 PM
السلام عليكم انا 2008 ياريت حد يقولي ينفع اقدم ولا لا ردوا عليا ضروري

adelbakouch
10-28-2010, 04:39 PM
اسال هنا يا دكتور
http://www.facebook.com/group.php?gid=113911811966043

jasmin888
11-05-2010, 01:09 PM
السلام عليكم ورحمة الله

لوحد واخد تكليفه ف مستشفيات الجيش ياريت يفيدني بالرد على الاستفسارات دي

انا ليا نيابة جامعة ان شاء الله بس في الاخر خالص
ممكن اقدم فيها ولوجتلي نيابة كويسة اقدر اسيب الجيش وارجع الصحة تاني؟
لان في ناس بتقول بنمضي على اقرار ان مينفعش ولازم افضل عندهم سنتين

هل فعلا لغو التقديم في الماستر بعد سنة؟

لو اتقبلت فعلا ممكن اتاخر شوية في الاستلام على ما اشوف نيابتي؟

جزاكم الله خيراااااااا

Dr MaHmOuD RoShDy
11-05-2010, 04:07 PM
السلام عليكم ورحمة الله
وعليكم السلام ورحمة الله وبركاته



ممكن اقدم فيها ولوجتلي نيابة كويسة اقدر اسيب الجيش وارجع الصحة تاني؟
لان في ناس بتقول بنمضي على اقرار ان مينفعش ولازم افضل عندهم سنتين

لا يا دكتورة الناس معرفش ليه بتقول كلام مش صحيح
ممكن تلغى تكليفك فى اى وقت وترجعى ادارتك تانى عادى فى اى وقت



هل فعلا لغو التقديم في الماستر بعد سنة؟

لا هو احنا فعلا مضينا على اقرار بكده
لكن كل سنة الاكاديمية الطبية العسكرية بتوافق عادى مفيش مشاكل وكلنا قدمنا الحمد لله


لو اتقبلت فعلا ممكن اتاخر شوية في الاستلام على ما اشوف نيابتي؟

ممكن اه بس مش كتير
فى ناس استلمت بعدنا بشهر وشهر وشوية
لكن اكتر من كده مشوفناش حد اتاخر


جزاكم الله خيراااااااا
جزانا واياكم
بالتوفيق ان شاء الله

Tet_el_neT
11-07-2010, 05:50 PM
السلام عليكم و رحمة الله و بركاته
لو سمحتوا يا دكاترة
أنا سمعت ان التقديم في مستشفيات الشرطة للتعاقد كطبيب مدني ابتدى و الناس بتقدم بشهادة التخرج المؤقتة اللي بتطلع في امتياز
سؤالي :
1- ايه مميزات و عيوب التعاقد كطبيب مدني في مستشفيات الشرطة ؟
2- مستشفيات الشرطة أحسن و لا القوات المسلحة ؟
3- ايه شروط التقديم ؟
4- أسماء مستشفيات الشرطة في أغلب المحافظات ؟
5- ايه الواسطة اللي بنحتاجها ؟
6- اختيار التخصص بيكون ازاي و على أساس ايه ؟
7 - تحضير الدراسات العليا ؟

شكرا

بركيزة
12-03-2010, 07:35 AM
ياجماعة معلش ياريت حد يرد على بسرعة لو سمحتم
انا طبيبة امتياز من احدى محافظات الصعيد معلش ياريت حد يفيدنى بخصوص التقديم للدفعة دى اللى انا فيها وهى دفعة 2009 بالنسبة لتكليف الجيش والشرطة
معلش العنوان لو سمحتم بالتفصيل عشان اقدر اوصل
واللى معندوش واسطة من الاخر يعمل ايه ولو نفترض انه لو فى واسطة هتكون واسطة غير مباشرة يعنى مش من الدرجة الاولى
بالنسبة للورق المطلوب هيكون ايه
لو فى مرتب ولا ايه بيكون نظام الماديات بالظبط
واللى لو نفترض اتقبل ممكن يقدم تخصص اطفال ولا لا
معلش ياجماعة سامحونى لاطالتى بس ياريت تردوا على

Hadidi4ever
12-25-2010, 07:44 PM
بسم الله الرحمن والرحيم

والسلام عليكم ورحمه الله وبركاته

انا كان عندي سوال محيرني جدا وياريت الاقي الاجابه عندكم
انا خريج عين شمس دفعه 2009
يعني تكليف 2011
مقدم في الشرطه تكليف مدني
كان عندي كام سؤال

1- لو قبلت شرطه وجالي خدمات زي المستشفيات حقدم ماستر علي طول ولا
حستني سنه واشتغل السنه دي جي بي ؟؟؟

2-هل بختار التخصص اللي انا عايزه ولا بيجبروني علي التخصص؟؟؟

3-هل تخصصات زي النسا متاحه للاختيار في الشرطه ولا دي صعبه جدا ؟؟؟

4- هل في تعليم كويس في الشرطه ولا بتتفرج بس وما بتمدش ايدك في اي عيان؟؟؟؟

5-هل افضل اني اروح سجون عشان اختار التخصص اللي انا عايزه ولا لا ؟؟

6- هل السجون بتحضر ماستر علي طول ولا بتستني سنه وبعدين تحضر ؟؟

7- هل فعلا السجون كل التخصصات فيها متاحه وبتختار اللي انت عايزه نسا اطفال عظام
ولا بيبقي فيه تخصصات معينه بس موجوده والاختيار باسبقيه الاستلام والمجموع والواسطه زي المستشفيات ؟؟؟؟

8- هل السجون شغلها مريح ولا تعب وبهدله وقله ادب وشحططه ؟؟؟؟

9- لو نفرض ان انا استلمت في الشرطه واخترت اي تخصص وقدمت ماستر في عين شمس....
دلوقتي انا تقديري العام ( جيد ) هل الجامعه حتقبل الماستر بتاعي
ولا حترفضه لان انا سمعت ان من شروطهم تقدير عام جيد جدا ؟؟؟

10- هل ينفع استني لحد ما اشوف حختار تخصص ايه في مستشفيات الشرطه ولو جالي تخصص مش عايزه
اطلب اروح سجون عشان اختار اللي انا عايزه ولا خلاص كان المفروض اطلب سجون من الاول ؟؟؟

انا عارف اني طولت عليكم بس مش لاقي حد يجاوبني علي الاسئله دي
ياريت اللي يجاوب يكون متأكد من معلوماته عشان
ممشيش في طريق غلط


والسلام عليكم ورحمه الله وبركاته

mbi220004
01-22-2011, 06:11 PM
http://gate.ahram.org.eg/Media/News/2011/1/20/2011-634311338841562154-156.jpg
المشير حسين طنطاوي


صدق المشير حسين طنطاوي القائد العام للقوات المسلحة وزير الدفاع والانتاج الحربى على الإعلان عن قبول دفعة جديدة من خريجى الجامعات بالكلية الحربية ( دفعة مايو 2011) وذلك اعتبارا من بعد غد السبت.
وتشمل هذه الدفعات خريجي الطب والهندسة والمختلط من كليات العلوم ( كيمياء خاصة ومزدوجة - وميكروبيولوجى وحيوية وجيولوجيا وفيزياء وعلوم حواسب وتكنولوجيا معلومات، وعلوم فلك )، بالإضافة إلى خريجي العلاج الطبيعي والآداب (علم نفس ) وإعلام وصحافة وتربية موسيقية واللغات (عربي وصيني وألماني وروسي).
وقال اللواء أركان حرب محمد على فليفل مدير الكيلة الحربية ومدير مكتب تنسيق الكليات والمعاهد العسكرية :"إن الدفعة( 99 أطباء) تشمل تخصصات الطب البشرى والأسنان والبيطري والصيادلة من الحاصلين على درجة البكالوريوس وتشمل تخصصات البشرى وطب الطوارئ والاسعافات الأولية والبيطرى والصيادلة الحاصلين على الماجستير والدكتوراة.
وأضاف أنه يشترط لدفعة الاطباء أن يكون المتقدم حاصلا على المؤهل عام 2010 والسنوات السابقة لها وأن يكون قد أمضى فترة الامتياز وأن يكون حاصلا على تقدير جيد فأعلى بالنسبة للأطباء بشرى( ذكور) وأسنان( ذكور) ومقبول فأعلى لباقى التخصصات البيطرى والصيادلة (ذكور) ويمكن للطلبة الذين سينهون فترة الامتياز خلال فبراير 2011 التقدم لهذه الدفعة على ألا يزيد سن المتقدم فى أول مايو 2011، بالنسبة للأطباء البشريين والأسنان الحاصلين على درجة البكالوريوس عن 30 سنة، والبيطرى والصيادلة عن 28 سنة وألا يقل السن بالنسبة للأطباء البشريين الحاصلين على درجة الماجستير عن 34 سنة والدكتوراة عن 38 سنة والبيطري والصيادلة عن 34 سنة.
اضاف اللواء فليفل ان دفعة المهندسين "ذكور" تشمل كهرباء قوي وحواسب واتصالات والكترونيات وميكانيكا قوي وانتاج وهندسة نسيج وهندسة بحرية "بناء سفن" وميكانيكا سيارات وهندسة طيران وهندسة مدني وعمارة وهندسة نووية.

اشار إلي الشروط الخاصة بالمهندسين حيث تشمل حصول المتقدم علي المؤهل عام 2010 وما قبلها بشرط التقيد بالسن وبتقدير مقبول فاعلي والا تزيد السن في أول مايو القادم علي 26 عاما وان يتم ارفاق شهادة عضوية نقابة المهندسين والا يكون أعفي من الخدمة العسكرية لعدم اللياقة الطبية وان يتم ارفاق بيان المعاملة التجنيدية علي ان يتم استخراجها من إدارة التجنيد أو منطقة التجنيد التابع لها المتقدم.

وتشمل التخصصات الأخري من خريجي الجامعات "ذكور" كيمياء خاصة ومزدوجة وميكروبيولوجي وجيولوجيا وفيزياء وعلوم حواسب وتكنولوجيا المعلومات وعلوم فلك واداب علم نفس وعلاج طبيعي واعلام وصحافة وتربية موسيقية ولغة عربية وصيني والماني وروسي.

تتضمن الشروط الخاصة بخريجي الجامعات من التخصصات الأخري ان يكون المتقدم حاصلا علي المؤهل طبقا للتخصصات المطلوبة من عام 2009 وعام 2010 فقط ويسمح لتخصص علوم فلك وعلاج طبيعي الحاصلين علي المؤهل عام 2007 وحتي عام 2010 التقدم لهذه الدفعة.

كما تشمل حصول المتقدم علي تقدير جيد فأعلي لجميع التخصصات وألا نزيد السن في أول مايو القادم علي 26 عاما وان يتم ارفاق شهادة انهاء فترة الامتياز وترخيص مزاولة المهنه للطلبة خريجي كلية العلاج الطبيعي وألا يكون قد اعفي من الخدمة العسكرية لعدم اللياقة الطبية وان يتم ارفاق بيان المعاملة التجنيدية علي ان يتم استخراجها من إدارة التجنيد أو منطقة التجنيد التابع لها المتقدم.

تبلغ مدة الدراسة بالكلية الحربية من 6 7 أشهر لجميع التخصصات ويمنح الخريج شهادة اتمام الدراسة العسكرية.

واكد اللواء طبيب أحمد عبدالحليم ان الاطباء الذين يلتحقون بالحياة العسكرية كضباط بالقوات المسلحة ينالون جميع امتيازات القوات المسلحة من اسكان وسفر ونواد وامتيازات أخري.

اشار إلي أن الاطباء في القوات المسلحة يحظون بتأهيل علمي وتخصص رفيع المستوي سواء في الداخل أو الخارج ويختار الطبيب تخصصه خلال دراسته بالكلية الحربية كما يسجل للحصول علي الماجستير بالجامعات المصرية الكبري خلال دراسته بالحربية أيضا وهذه امتيازات لا تتوفر لغيره ويحصل علي تفرغ كامل للجامعة مدفوع الأجر حيث يحصل علي راتبه كاملا وتسدد له القوات المسلحة جميع رسوم ومصاريف الرسالة ولا يشترط للحصول علي الدرجة العلمية التقدير العلمي كما يحدث بالنسبة للاطباء المدنيين في تخصصات معينة ويلحق أيضا بالأكاديمية الطبية للحصول علي دورة طب طوارئ لمعرفة اساسيات هذا التخصص ثم تتيح له القوات المسلحة السفر إلي الخارج لمدة تصل إلي العام في أرقي وأكبر مستشفيات العالم انجلترا وفرنسا وبلجيكا وكندا بالاضافة إلي الامكانيات الهائلة الطبية التي تتمتع بها مستشفيات القوات المسلحة من أجهزة معددات طبية حديثة ومتقدمة تتيح للأطباء التأهيل عليها ومواكبة الأحدث في العالم.





ياريت كل ال دخلو جيش او اقدمو فى الحركه دى قبل كده او ظابط دكتور حاليا ينصحنا بايه
ويقولنا المميزات والعيوب:la7aramak:

dr_hamada_mehanna
01-25-2011, 11:25 AM
انا حاليا فى الجيش مجند
الوضع بيقول ان فى عجز شديد فى الاطباء فى الخدمات الطبيه بالقوات المسلحه
اللى شايف انه هايتحمل الحياة العسكريه يقدم ولو متردد افضله مايقدمش علشان مايتعقدش فى حياته لان الميرى صعب بجد ..ولازم تكون مستعد تتحمله

ayman hamza
01-27-2011, 01:14 PM
دكتورة ترانيم ممكن اسأل حضرتك عن حاجة؟

s0nic
02-07-2011, 04:01 PM
هو اخر ميعاد للتقديم امتى ؟؟

sameh22
02-08-2011, 12:42 AM
السلام عليكم
احب استفسر عن ما اذا كان ما زال التقديم والاعلان موجود فى ظل الظروف الحاليه
على العلم بانه كان من المعلم قبل الاحداث ان اخر يوم للتقدم هو 3 مارس
فهل ما زال الاعلان قائم
ارجو الرد وشكراااااااااااا

OneMeTeoR
02-10-2011, 12:36 PM
انا طبيب تكليف و قد قدمت في الاعلان السابق (2010)
الي عايز يستفسر بخصوص اي شئ
(مهما كان تافها)
يتفضل يسأل

انا للاسف لم اجد من يساعدني فاضررت الي ان اخوض التجربة للنهاية
وانا عند وعدي

s0nic
02-19-2011, 05:25 PM
يا جماعه ياريت حد يقولنا اخر ميعاد للتقديم امتى ؟

Dr Mohammed Roshdi
02-19-2011, 06:46 PM
انا طبيب تكليف و قد قدمت في الاعلان السابق (2010)
الي عايز يستفسر بخصوص اي شئ
(مهما كان تافها)
يتفضل يسأل

انا للاسف لم اجد من يساعدني فاضررت الي ان اخوض التجربة للنهاية
وانا عند وعدي طيب يادكتور احكيلنا ..
عملت ايه ..
قدمت ازاى ..
وسؤال أهمـ : ليه قدمت ..
ايه الايجابيات اللى انتا شايفها فى القوات المسلحه ؟؟
وياترى الأجور أخبارها ايه ؟؟
وكمان فيه نقطه : اللياقه البدنيه والنظر وكده بيدققوا فيهم ولا الأطباء عادى ؟؟
جزاكمـ الله خيرا .

===============
جزاكم الله خيرا د/ بهاء ع الموضوع .

s0nic
02-19-2011, 08:19 PM
السلام عليكم
احب استفسر عن ما اذا كان ما زال التقديم والاعلان موجود فى ظل الظروف الحاليه
على العلم بانه كان من المعلم قبل الاحداث ان اخر يوم للتقدم هو 3 مارس
فهل ما زال الاعلان قائم
ارجو الرد وشكراااااااااااا


ياريت اى حد عنده معلومات عن التقديم ونهايته امتى يقول

وهل اخر يوم للتقدم 3 مارس ?

MOHAX75
02-20-2011, 06:20 AM
مش حلوة بجد كل اللى بيدخل بيلعن اليوم اللى دخل فيه مفيهاش اى امتيازات الا لبدلة فعلا الحياة المدنية نعمة هو مين فينا اصلا ملتزم فى بيته لما هيلتزم فى الجيش المرتب 1340 جنيها تقريبا بتتعين على درجة زميلك اللى خلص حربية فى نفس السن التحضير بميعاد ولو سقطت يبقى سنتك سودا بتروح تشكيلات فى الصحرا وبيحصل حركة تنقلات جامدة يعنى ممكن النهاردة فى المعادى الظهر فى اسوان وكده ممنوع تقديم الاستقالات قبل سبع سنين وحتى بعد سبع سنين بتترفض الاستقالة انا مجربتش انا سمعت من ناس على المنتديات الطبية
لو عايز تدخل وهدفك خدمة الوطن يبقى ادخا انما هدفك منصب ونفوذ مفيش الكلام ده يمكن بعد الثورة يزودوا مرتبات الجيش يعنى لوبقت 5000 فى الشهر هيبقى فيه ضرب نار على التقديم كل شئ جايز دعونا نناظر ماتخبئه لنا الايام

dr_zico
02-24-2011, 11:00 PM
لو ممكن تقولنا اختيار التخصص بيبقى على اساس ايه بالظبط
والشغل بيبقى فى المستشفيات العسكرية و بيروحو وحدات ولا ايه
ياريت ممكن تفصلنا الموضوع

مصرواي
02-28-2011, 03:21 PM
التخصصات علي مجموعك في الكليه مش نتيجة الست شهور اكاديميه

Dr_Dimo
03-01-2011, 12:37 PM
استمرار قبول دفعات جديدة من خريجى الجامعات بالكلية الحربية تخصص «طب ـ هندسة»

كتب داليا عثمان ٢٤/ ٢/ ٢٠١١قررت الكلية الحربية استمرار فتح القبول لدفعات جديدة من خريجى الجامعات من الأطباء والمهندسين بالكلية الحربية على أن يتم سحب طلبات الالتحاق من المكتب الرئيسى بالكلية الحربية حتى يوم الخميس الموافق ١٠ مارس ٢٠١١.
وكانت الكلية الحربية أوضحت أن شروط القبول هى أن يكون الطالب مصرى الجنسية ومن أبوين يتمتعان بهذه الجنسية عن غير طريق التجنس وألا يكون الطالب أو أبواه مكتسبين جنسيات أخرى فضلا عن أن يكون حسن السير والسلوك والسمعة، بالإضافة أن يجتاز الطالب جميع الفحوصات والتحاليل الطبية وفقا لضوابط المجلس الطبى العسكرى.
علما بأن الشروط الخاصة بالأطباء هى أن يكون الخريج حاصلا على المؤهل عام ٢٠١٠ والسنوات السابقة له، وأن يكون قد أمضى فترة الامتياز وتقديره «جيد» فأعلى بالنسبة للأطباء تخصصى بشرى وأسنان، وبالنسبة للمطلوبين لتخصصات البيطرى وصيادلة يشترط أن يكون التقدير «مقبول» فأعلى ويتمتع الطبيب بالعديد من الامتيازات التى يحصل عليها خلال فترة الدراسة وبعدها، وتمتعه بجميع الامتيازات التى يحصل عليها الضابط بالقوات المسلحة فضلا عن دعمه للحصول على رسالتى الماجيستر والدكتوراه.
بينما التخصصات المطلوبة من الطلبة المهندسين «ذكور» هى (كهرباء قوى، حواسب، اتصالات الكترونيات، ميكانيكا قوى، ميكانيكا إنتاج، هندسة نسيج، هندسة بحرية، ميكانيكا سيارات، هندسة طيران، هندسة مدنى، هندسة عمارة، هندسة نووية»، ولكن الشروط الخاصة بهذا التخصص هى «لابد أن يكون الطالب حاصلاً على مؤهل عام ٢٠١٠ وما قبلها بشرط التقيد بالسن وأن يكون التقدير (مقبول) فأعلى بالإضافة لإرفاق شهادة عضوية من نقابة المهندسين». وتتراوح مدة الدراسة من ٦ – ٧ شهور بالكلية الحربية لجميع التخصصات، ويمنح الخريج شهادة اتمام الدراسة العسكرية.

dr_diamond86
03-02-2011, 11:10 PM
طيب محدش يعرف هو الحربية طالبه بنات خريجى طب ولا لا السنه دى لان الاعلان مش واضح
وكمان ايه هى الشروط بالنسبة للبنات فى القبول للحربية
وموضوع الزواج هل فعلا من الشروط انه غير متزوج ولم يسبق له الزواج
يعنى لو سبق يبقى ايه الوضع ؟؟
وشكرا

Dr_Dimo
03-04-2011, 08:27 PM
<b>قبول دفعة جديدة من الأطباء بالكلية الحربية
قبول دفعة جديدة من الأطباء والمهندسين والجامعيين بالكلية الحربية
الجمعة، يناير 21، 2011
وافق المشير حسين طنطاوي القائد العام وزير الدفاع والانتاج الحربي علي قبول دفعة جديدة من خريجي الطب والهندسة والجامعيين للالتحاق بالكلية الحربية اعتبارا من غد السبت حيث يبدأ صرف الملفات وحتي الخميس 10 مارس القادم.

أعلن ذلك اللواء اركان حرب محمد علي فليفل مدير الكلية الحربية ومدير مكتب تنسيق الكليات العسكرية خلال المؤتمر الصحفي الذي عقد امس بمقر الكلية الحربية في حضور اللواء طبيب أحمد عبدالحليم مدير الخدمات الطبية واللواء عمر هيكل مدير الاكاديمية الطبية العسكرية.

تتضمن دفعة الاطباء تخصصات طب بشري واسنان وبيطري وصيادلة وجميعهم من الذكور وكذلك الحاصلون علي درجتي الماجستير أو الدكتوراة من تخصصات الطب البشري لجميع التخصصات بالاضافة إلي تخصص طب الطوارئ والاسعافات الأولية وكذلك تخصصات الطب البيطري والصيادلة.

تشمل الشروط الخاصة بالاطباء الحصول علي البكالوريوس عام 2010 والاعوام السابقة له بشرط التقيد بالسن وان يكون امضي فترة الامتياز ولا يقل تقدير المتقدم عن جيد فأعلي بالنسبة للاطباء بشري واسنان وتقدير المقبول فأعلي لتخصصات الطب البيطري والصيادلة وان يتم ارفاق الشهادة الخاصة بانهاء فترة الامتياز وترخيص مزاولة المهنة وألا يكون قد اعفي من الخدمة العسكرية لعدم اللياقة الطبية وان يتم ارفاق بيان المعاملة التجنيدية به علي ان يتم استخراجها من إدارة التجنيد أو منطقة التجنيد التابع لها المتقدم.

يمكن للطلبة الذين سينهون فترة الامتياز خلال شهر فبراير القادم التقدم لهذه الدفعة.

وتتضمن شروط السن بالنسبة للاطباء الا يزيد السن في أول مايو القادم علي 30 سنة للاطباء بشري واسنان و28 سنة للطب البيطري والصيادلة و34 سنة للحاصلين علي درجة الماجستير طب بشري جميع التخصصات بالاضافة إلي تخصص طب الطوارئ والاسعافات الأولية و32 سنة للطب البيطري والصيادلة و38 سنة للحاصلين علي درجة الدكتوراة في الطب البشري لجميع التخصصات بالاضافة إلي طب الطوارئ والاسعافات الأولية و34 سنة للطب البيطري والصيادلة.

كما تشمل حصول المتقدم علي تقدير جيد فأعلي لجميع التخصصات وألا نزيد السن في أول مايو القادم علي 26 عاما وان يتم ارفاق شهادة انهاء فترة الامتياز وترخيص مزاولة المهنه للطلبة خريجي كلية العلاج الطبيعي وألا يكون قد اعفي من الخدمة العسكرية لعدم اللياقة الطبية وان يتم ارفاق بيان المعاملة التجنيدية علي ان يتم استخراجها من إدارة التجنيد أو منطقة التجنيد التابع لها المتقدم.

تبلغ مدة الدراسة بالكلية الحربية من 6 -7 أشهر لجميع التخصصات ويمنح الخريج شهادة اتمام الدراسة العسكرية.

واكد اللواء طبيب أحمد عبدالحليم ان الاطباء الذين يلتحقون بالحياة العسكرية كضباط بالقوات المسلحة ينالون جميع امتيازات القوات المسلحة من اسكان وسفر ونواد وامتيازات أخري.

اشار إلي أن الاطباء في القوات المسلحة يحظون بتأهيل علمي وتخصص رفيع المستوي سواء في الداخل أو الخارج ويختار الطبيب تخصصه خلال دراسته بالكلية الحربية كما يسجل للحصول علي الماجستير بالجامعات المصرية الكبري خلال دراسته بالحربية أيضا وهذه امتيازات لا تتوفر لغيره ويحصل علي تفرغ كامل للجامعة مدفوع الأجر حيث يحصل علي راتبه كاملا وتسدد له القوات المسلحة جميع رسوم ومصاريف الرسالة ولا يشترط للحصول علي الدرجة العلمية التقدير العلمي كما يحدث بالنسبة للاطباء المدنيين في تخصصات معينة ويلحق أيضا بالأكاديمية الطبية للحصول علي دورة طب طوارئ لمعرفة اساسيات هذا التخصص ثم تتيح له القوات المسلحة السفر إلي الخارج لمدة تصل إلي العام في أرقي وأكبر مستشفيات العالم انجلترا وفرنسا وبلجيكا وكندا بالاضافة إلي الامكانيات الهائلة الطبية التي تتمتع بها مستشفيات القوات المسلحة من أجهزة معددات طبية حديثة ومتقدمة تتيح للأطباء التأهيل عليها ومواكبة الأحدث في العالم. </b>

Dr_NNA
03-06-2011, 11:19 AM
معنى التخصصات على المجموع يبقى طب الأزهر فى الباي باي صح ولا إيه ؟؟؟؟؟؟؟!!!!!!!!!!!!!!!!!

Dr_Dimo
03-26-2011, 04:46 PM
نداء الى اهل الخبره :- ساعدونى

انا اتقبلت مدنى قوات مسلحه واقبلت كمان فى الكليه الحربيه ظباط متخصصين
واحتمال ليه نيابه جامعه بس فى الاواخر
انا محتار جدا
خايف ادخل ظابط وتجيلى نيابه جامعه كويسه
وخايف ما ادخلشى وماتجليش نيابه كويسه فى الجامعه
ارجوا المساعده

dr seham
03-26-2011, 04:51 PM
نيابه الجامعه بتثبيت ولا مؤقت؟؟؟؟

Dr_Dimo
03-26-2011, 04:57 PM
من غير تثبيت

Dr_Dimo
03-26-2011, 05:00 PM
بس نيابه الجامعه من غير تثبيت وانا عاوز جراحه يعنى محتاج تثبيت

dr seham
03-26-2011, 05:01 PM
اممممممم من غير تثبيت
طيب انا معرفش وضع الظباط ده ايه
بس الكليه الحربيه مستوى كويس جدا وطبعا احسن من التكليف المدنى عندهم بس ده يرجع لمقدره حضرتك على تحمل الحياه العسكريه وايه التخصص اللى هتاخده عنهم

Dr_Dimo
03-26-2011, 05:01 PM
انا عاوز جراحه يعنى محتاج تثبيت

dr seham
03-26-2011, 05:04 PM
مش فاهمه ايه العلاقه بين الجراحه والتثبيت هل تقصد حضرتك الخبره ولا التثبيت لحد ذاته ولا ان الاماكن الفاضله مش هيكون فيها جراحه

Dr_Dimo
03-26-2011, 06:33 PM
لا انا اقصد ان اى نيابه جراحيه بتحتاج تثبيت علشان التعليم بعد المستر

Dr_Dimo
03-27-2011, 04:23 PM
هوه مفيش حد عاوز يساعدنى ليه

د/ أحـمـد سـليمان
03-27-2011, 05:54 PM
انا شفت السؤال امبارح بس محتار

طبيب مدني
طبيب ضابط
طبيب مقيم

مفيش حاجة محسومة نحكم من خلالها
انت سألت قبل كدا و اتكلمنا .. انت تضمن في الجيش تاخد اللي انت عايزه ؟ .. هل طبيعة الجيش تناسبك ؟ ... هل نيابة الجامعة لو كانت غير اللي انت عايزها .. هل هتتقبلها ؟

نجاوب على الاسئلة دي و على اساسها نحكم

dr seham
03-27-2011, 08:05 PM
استخير ربنا ى دوك وحاول تستفسر اكتر عن الجيش لو معلوماتك عنه قليله وحاول فعلا تشوف هتاخد التخصص اللى بتحبه ف الجيش ولا لا هتاخده يبقى اوك جيش مكنش حاول تعرف ايه هيفضلك من نيابات الجامعه وتشوف رد علينا ى دوك وهنفكر معاك بصوت عالى كلنا فى مركب واحد

Dr_Dimo
03-27-2011, 10:47 PM
انا شفت السؤال امبارح بس محتار

طبيب مدني
طبيب ضابط
طبيب مقيم

مفيش حاجة محسومة نحكم من خلالها
انت سألت قبل كدا و اتكلمنا .. انت تضمن في الجيش تاخد اللي انت عايزه ؟ .. هل طبيعة الجيش تناسبك ؟ ... هل نيابة الجامعة لو كانت غير اللي انت عايزها .. هل هتتقبلها ؟

نجاوب على الاسئلة دي و على اساسها نحكم

انا اللى اعرفه ان الجيش التزام وتنفيذ اوامر وانا الحمد لله ملتزم جدا

لا اكيد لو نيابه الجامعه مش حاجه جراحه مش هخدها لانى مش بحب غير التخصصات الجراحيه
وغير كده اكيد من غير تثبيت لانى فى الاواخر يعنى حتى لو لحقت نيابه جراحه هتبقى من غير تثبيت و مش هلحق اتعلم كويس لان مفيش بوست

dr.bero237
03-28-2011, 08:39 AM
السلام عليكم ورحمة الله وبركاته,لو سمحتم لو حد يعرف اذا انا كنت مقدمة انتداب تكليف للقوات المسلحة واتقبل وانا مش عايزة يبقى لازم اعمل اجرات الانتداب غصب عنى لانه اتقبل ولا عادى ومعملش اى حاجة وحافضل زى ما انا فى الصحة ومفيش مشكلة؟ بالله عليكوا لو اى حد يعرف معلومة مؤكدة عن الموضوع دة يقوللى وجزاكم الله خيرا

Dr_Dimo
03-28-2011, 06:48 PM
السلام عليكم ورحمة الله وبركاته,لو سمحتم لو حد يعرف اذا انا كنت مقدمة انتداب تكليف للقوات المسلحة واتقبل وانا مش عايزة يبقى لازم اعمل اجرات الانتداب غصب عنى لانه اتقبل ولا عادى ومعملش اى حاجة وحافضل زى ما انا فى الصحة ومفيش مشكلة؟ بالله عليكوا لو اى حد يعرف معلومة مؤكدة عن الموضوع دة يقوللى وجزاكم الله خيرا

لأ عادى يا دكتور مفيش مشاكل انسى الموضوع كأن لم يكن
بس فى واحد زميلنا كان كاتب انوا لو فيه حد جاتله وعاوز يسيبهالوا ممكن تساعده
http://www.facebook.com/group.php?gid=113911811966043

هتلاقيه كاتب كونت وسايب رقم تليفونه

abomazin
03-28-2011, 07:27 PM
فعلا يا دكتور بيرو لو تحب ما تستلمش وحد غيرك يستلم فكتير يتمنى وانا منهم

فلو تحب يبقى كتر خيرك

Dr_Dimo
03-28-2011, 08:39 PM
فعلا يا دكتور بيرو لو تحب ما تستلمش وحد غيرك يستلم فكتير يتمنى وانا منهم

فلو تحب يبقى كتر خيرك

هوه ازاى التبديل ؟؟؟؟؟؟؟؟؟

drsmm
03-29-2011, 01:26 AM
انا جالى شرطة قطاع خدمات طبية .اية رايكوا فيها ؟؟
وعشان استلم هل لازم استلم فى وزارة الصحة الاول وبعدين اخلى ؟؟ ولا ما استلمش وزارة صحة خاالص

Dr_Dimo
03-29-2011, 07:40 AM
انا جالى شرطة قطاع خدمات طبية .اية رايكوا فيها ؟؟
وعشان استلم هل لازم استلم فى وزارة الصحة الاول وبعدين اخلى ؟؟ ولا ما استلمش وزارة صحة خاالص
بتاخد جواب من اداره التكليف وبعدين تخلى من المكان اللى انت فيه

dr0mido
03-30-2011, 02:23 AM
ممكن اسال سؤال يا جماعه ......انا ابن عمي رائد في المخابرات الحربيه .........
هيه دي ممكن تبقي واسطه يعني علشان حكايه طبيب مدني دي ؟؟؟؟؟؟؟؟؟
واذا كانت واسطه اقوله يعني وكده ولا الحكايه اني بكتب اسمه وبطاقته في الدوسيه او الاوراق وخلاص ؟؟؟؟؟؟؟؟؟؟؟؟

Dr.MohamedA
03-31-2011, 12:16 AM
السلام عليكم
انا قدمت في تكليف بالشرطه و غالبا هتجيلي سجون فكنت عاوز ايه ايه الاخبار الايام دي هناك
الجو امان و لا لأ
و الشغل كام يوم في الاسبوع و ايه هي المستشفيات والتوزيع بيكون عليها جغرافي ولا ايه ؟
و هل زي ماسمعت بنقدم علي الماستر اول ما نروح في اللي احنا عاوزينه ؟ و هل ممكن اقدم علي نايب زائر و انا هناك و لو ايوه بيقي ازاي
و هل لو معجبنيش الحال ممكن امشي في اي وقت
و لو استلكت تكليف في الوحده الاول هل صعب اخلي و اروحلهم
و اخيرا


و اخيرا انا اسف جدا جدا لكثر الاسئله بس بجد محتار جدا :barak:

coctail_86
04-01-2011, 08:56 PM
دكاترة لو سمحتم هو التقديم في مستسفي الشرطة مش للاكاديمية اتقفل و لا لسه ؟؟ :5831.imgcache:

coctail_86
04-02-2011, 12:44 AM
هو بيتفتح تاني التقديم لمستشفيات الشرطة او الجيش لنفس الدفعة ولا كدة خلاص
؟؟؟

Dr_Dimo
04-03-2011, 06:43 PM
http://www.facebook.com/home.php?sk=group_164275270294291

ملتقي الأطباء بالكليه الحربيه الاكاديميه الطبيه العسكريه

Dr_Dimo
04-03-2011, 06:58 PM
http://www.facebook.com/pages/%D9%85%D9%84%D8%AA%D9%82%D9%8A-%D8%A3%D8%B7%D8%A8%D8%A7%D8%A1-%D8%A7%D9%84%D9%83%D9%84%D9%8A%D9%87-%D8%A7%D9%84%D8%AD%D8%B1%D8%A8%D9%8A%D9%87-%D8%A7%D9%84%D8%A7%D9%83%D8%A7%D8%AF%D9%8A%D9%85%D 9%8A%D9%87-%D8%A7%D9%84%D8%B7%D8%A8%D9%8A%D9%87-%D8%A7%D9%84%D8%B9%D8%B3%D9%83%D8%B1%D9%8A%D9%87/137265543011332?sk=wall

ملتقي أطباء الكليه الحربيه الاكاديميه الطبيه العسكريه

dr misho
06-22-2011, 07:36 PM
الف شكر يا دكتور علي المجهود الرائع.....عندي سوال لو سمحت انا طبيب امتياز و حاخلص امتيازي في في شهر 9 لاني دور تاني 1-هل لو قدمت في شهر 9 حاستلم علي طول ولا حاستني اتعين مع الدفعة اللي اصغر مني؟2
-هل ينفع اسجل ماستر في شهر 4 ولا لازم استني تسجيل 9؟
3-هل المرتب يوصل 1000 جنيه فعلا؟
اسف علي الاطالة وجزاكم الله خيرا
:pbuh-allteb

mohamed_25jan
07-02-2011, 12:50 PM
أنا دفعة مايو 2010 و كنت عايز أعرف هل فيه تقديم لتكليف الجيش أو الشرطة لخريجيين الدور التاني اللي يعرف يقول ضروري

pure spirit
07-02-2011, 08:29 PM
أظن التقديم بيكون مرة واحدة فى السنة فى شهر ديسمبر وبيستمر لمدة شهر
والنتيجة بتطلع مع نهاية الامتياز
ياريت حضرتك تتابع الموضوع ده
الشرطة و الجيش (أكاديمية أو تكليف) (http://www.alltebfamily.com/vb/showthread.php?t=8205)

samar_star
07-13-2011, 06:03 PM
هل الوسايط لها دور فى القبول وهل بيقبلوا البنات من جميع التخصصات ولا تخصصات معينه

amrawy
08-19-2011, 10:18 AM
معلش يا جماعه انا عندى سؤالين ارجو الرد عليهم


1- معاد تقديم الشرطه امتى لدفعه 2010 اللى هتخلص امتيازها ف شهر 3 عام 2011
2- سمعت ان المتزوج مايقبلش ف الشرطه او الجيش او الحربيه وانا احتمال اكتب كتابى الشهور القادمه ... عاوز اعرف فيها مشاكل ولا أأجل شويه وخلاص ؟

amrawy
08-19-2011, 10:19 AM
طبعا الوسايط ليها دور يا دكتوره

د.أبوحذيفة
10-04-2011, 09:12 PM
السلام عليكم ورحمة الله وبركاته
لو سمحتم عاوز اعرف معلومات عن الطبيب المدني في مستشفيات الجيش
اهم معلومة هل بيسمح للملتحين بالالتحاق بيها؟
لو آه
مواعيد التقديم ؟الاوراق المطلوبة؟المزايا والعيوب؟
جزاكم الله خيرا

دكتور محمد عبدالعزيز
10-04-2011, 09:20 PM
السلام عليكم ورحمه الله
التقديم بدا فعليا من يوم السبت اللي فات
الاوراق المطلوبه صوره من الشهاده المؤقته وصوره من الرقم القومي
الشروط جيد جدا ودفعه 2010 سبتمبر اكتوبر نوفمبر ديسمبر
وفي مجموعه على الفيس بوك فيها كل اللي نفسك تعرفه عن الجيش كتكليف مدني اسمها (ملتقى الاطباء المكلفين في القوات المسلحه) وربنا يوفقك

د/ أحـمـد سـليمان
10-04-2011, 09:20 PM
هل بيسمح للملتحين بالالتحاق بيها؟
لأ طبعا

و لو عايز معلومات تانية عندك محمود رشدي هو فيها

دكتور محمد عبدالعزيز
10-04-2011, 09:23 PM
مش شرط والله يا دكتور في منقبات بيتقبلوا خلليه يعمل اللي عليه ويروح يقدم يمكن ربنا يكتبله فيها نصيب

دكتور محمد عبدالعزيز
10-04-2011, 09:24 PM
مش شرط والله يا دكتور في منقبات بيتقبلوا خلليه يعمل اللي عليه ويروح يقدم يمكن ربنا يكتبله فيها نصيب

elsharkawe
10-11-2011, 06:55 PM
هل شهاده اداء الخدمه العسكريه للوالد فى حرب اكتوبر كعسكرى تنفع علما بانه انصاب فى الحرب ومعايا شهاده بكده وهوا حاليا متوفى

صقر قريش
12-26-2011, 09:38 PM
ياريت يا جماعه حد يفيدنا ف الحوار دا يعطينا خبرات ومعلومات عن تقدم خريج الطب للأكاديمية الحربية يعنى مثلا

امتى التقدم ؟
اية المطلوب من الاوراق؟
نظام الوزن الزائد اية لنى وزنى زايد فعاوز اعرف هما بيشددوا ف الحوار دا لحد فين؟
اية النصائح الى ممكن تقدموها لنا ؟
هلى هى افضل للطبيب كمستقبل من الصحه ؟

وشكرا

dr_hero85
12-28-2011, 10:10 PM
السلام عليكم ورحمة الله وبركاته ..

طبعا قلة الاهتمام بالموضوع على كل الطب وعلى النت عموما يؤيد فكرة انه موضوع لا يفضله معظم الأطباء ..

أي طبيب ليه مستقبل وحرية ربما تكمل مستقبلك في الحربية - لو معاك واسطة - ولكن ستخسر حريتك

اللي مالوش واسطة بيطول في التشكيلات ودي حاجة كده اسمها وحدة طبية في الصحاري والفيافي المصرية حيث لا تعيش كضابط ولا كطبيب ..

الموضوع كبير والمناقشة طويلة تكلمنا عنها في مواضيع قبل كده .. لكن عموما

لا أنصحك بالكلية الحربية

afrit2000
01-08-2012, 10:03 PM
السلام عليكم


كنت عايزاعرف لو حد عنده معلومات عن أكاديمية الشرطة للضباط المتخصصين

dr_hero85
01-10-2012, 08:21 PM
يمكنك متابعة هذا الموضوع (http://www.alltebfamily.com/vb/showthread.php?t=8205)

afrit2000
01-10-2012, 08:54 PM
الف شكر لحضرتك على الرد



بس انا حضرتك شفت الموضوع بس دايما الاهتمام بالاكاديمية العسكرية مش باكاديمية الشرطة ف كنت عايز بس حد يكون عارف حاجات عن اكاديمية الشرطة؟؟

Dr.MohamedA
01-11-2012, 08:44 AM
اخي الفاضل انا اعرف الكثير عنها بس انت عاوز تسال عن اي تحديدا

أحمد محمد عمرو
01-12-2012, 02:38 PM
ممكن حد يقولى منين أسحب الملف لأكاديمية الحربية وأمتى ..وميعاد التقديم ...مع العلم أنى طبيب امتياز وهخلص فى شهر فبراير ... ولكم جزيل الشكر:5831.imgcache:

dr.nonnah
01-23-2012, 06:31 PM
يريت اعرف التكليف فى الشرطة كطبيبه مدنيه بالتفصيل يريت حد يفيدنى

albican
01-29-2012, 07:46 AM
دلوقت انا اتخرجت وتقديري جيد 73.7
وعايز اقدم في تكليف الشرطة وممكن اجيب واسطه
المشكلة اني مش عارف التقديم امتى بالزبط ...
ويا ترى ممكن يقبلوني وانا جايب جيد ....
وكنت عايز اعرف كمان هوا ايه الفرق بين التكليف في مستشفيات الجيش والشرطة في المرتب ... والتحضير ومين احسن

:barak::gzak:
:C20ColdHands:

memom
01-30-2012, 12:13 PM
يا جماعة متي سيفتح بابا التقديم لاكاديمية الشرطة للضباط المتخصصين بارك الله فيكم

doctorhamada9999
03-07-2012, 04:04 PM
السلام عليكم
انا جالى تكلليف فى مصلحه السجون
فياريت يا دكاتره حد يقول لنا على مميزاته وعيوبه
وهل فعلا التسجيل فيه من اول الاستلام ولا بتاخر
وياريت حد يقول التفاصيل ولو امكن حد فى تكليف السجون ويسيب وسيله للتواصل سواء ايميل او رقم تليفون
شكرااا مقدما

د/ أحـمـد سـليمان
03-08-2012, 10:04 AM
واحد زميلي كان واخد تكليفه هناك
المميزات هي التسجيل فقط
بتسجل في الجامعة اللي انت عايزها و في اقرب وقت
المرتب الاجمالي حوالي 1400
العيوب هي طبيعة الشغل مع المسجونين
و بعد المسافة عن بيتك

هي دي كل القصة
وزان بين المميزات والعيوب بالنسبة لك
و حدد رأيك الشخصي فيه

hazano
03-21-2012, 03:36 AM
السلام عليكم
دى اول مشاركة ليا على السايت ارجو الافادة بسرعة
انا جالى تكليف مصلحة السجون وتقديرى جيد
هل دة عائق انى احضر تبع جامعات معينة؟
وهل فى وقت التحضير انا هتعلم ولا لا؟
ولو جاتلى نيابة فى مكان بعيد فى التخصص اللى بحضر فيه اعمل ايه ؟
ولو كملت معاهم بيبقى موقفى ازاى؟
انا تقريبا مش فاهم حاجة عن الموضوع دة وواضح ان محدش بيكتب حاجة عنه على النت لانى تعبت من السيرش على جوجل ومش لاقى حد يفيدنى؟
ياريت حد يفيدنى

د/ أحـمـد سـليمان
03-21-2012, 10:52 PM
انا جالى تكليف مصلحة السجون وتقديرى جيد
هل دة عائق انى احضر تبع جامعات معينة؟
لأ عادي
وهل فى وقت التحضير انا هتعلم ولا لا؟
طول ما انت في تكليف السجن مش هتتعلم حاجة
و التحضير ملوش دعوة .. ده مجرد امتحانات بتمتحنها

ولو جاتلى نيابة فى مكان بعيد فى التخصص اللى بحضر فيه اعمل ايه ؟
لو مفيش مكان اقرب يبقى هتضطر تستلم بعيد و بعدين تحول بعد سنة لمكان اقرب

ولو كملت معاهم بيبقى موقفى ازاى؟
اللي اعرفه ان التكليف هناك بيكون سنتين بس معرفش ممكن يتمدوا و لا لأ

hazano
03-29-2012, 01:45 AM
شكرا د/احمد وجزاكم الله خير
بس سؤال اخير
هو انا مش ممكن اعمل انتداب فى مستشفى تانية فى وقت التحضير؟؟

د/ أحـمـد سـليمان
03-29-2012, 10:37 AM
هو انا مش ممكن اعمل انتداب فى مستشفى تانية فى وقت التحضير؟؟
ممكن بس دي بتكون حسب ظروفها وقتها
يعني منقدرش نحكمها من دلوقتي
ممكن تعمل سنة تفرغ بمرتب بعد الفرست
و تقدم خلالها نايب زائر في الجامعة
بس خليب كل حاجة لوقتها لأن الامور بتتغير

TaReK_90
05-19-2012, 05:52 PM
انا كنت عاوز اسال

ايه بالظبط كل مميزات الاتحاق بالكلية الحربية ..لان انا عاوز التحق بيها ومتردد

وايه بالظبط نظام المرتب فيها

بالنسبة للاطباء المدنيين....والمتخصصين

علشان انا سمعت كلام اشاعات كتير في الموضوع ده

زي 7000 جنية في الشهر وانا مش مصدق بصراحة

فياريت اللى عنده معلومة يقولى ياااااااااااااريت

dr_Heba
06-04-2012, 10:47 PM
الكلام ده طبعا اشى خيااااااااااااال
اذا كان اللوا اصلا ممكن يكون مش بيقبض كده قوى يعنى
هايقبضوا مدنى او حد صغير كماااااااااااان لا طبعا

Dreamy Doctor
10-24-2012, 06:15 AM
ماهى عيوب التكليف فى مستشفيات الجيش والشرطة ؟!

أمـ عـبـد الـرحـمـن
10-27-2012, 01:37 PM
ماهى عيوب التكليف فى مستشفيات الجيش والشرطة ؟!


الشرطه من الأول بلاش لانك ممكن تتعاملي مع بتوع السجون والكلام ده ( ده الكلام اللي بيقولوه للولاد معرفش البنات زيهم ولا لأ)


الجيش طبعا يعتبر كويس جدا الا ان فيه حاجة غلسه جدا انهم مش بيسمحوا للمنتقبات :)

وأهم حاجة في كل ده

الشغل ميري جدا في أماكن معينة حتي لو انتي مدنية بس هتلاقي نفسك في نص المعمعه بتتعاملي ميري
وده بالنسبة للبنات حاجة مش لطيفه خالص

وبالمناسبة
في بنات مش اتقبلوا عشان مسلموش علي اللوا في يوم المقابلة الشخصية :))

فلو انتي منتقبة أو مبتسلميش متفكريش أحسن :)

المرتب بتاخدي الاساسي من الصحة وتقريبا زيه من الجيش
يعني في الأخر هتلاقي المرتب أقل من الصحة بكتير

العائد بتاع الجيش وده لما المشير بيبقي راضي عنهم
بينزلهم حاجة اسمها عائد
وده حاجة مش مضمونه وخاصة بعد المشير الجديد ما مسك
مش بينزلهم حاجة خالص وماسك ايده أوي :(


طبعا الميزة الوحيدة هو التخصص والتحضير بسرعه من غير ما تضيعي فترة تكليفك في الفاضي
وان المكان يعتبر فرصة كويسه للتعليم ( بعض المستشفيات طبعا) مش كلها
لان في مستشفيات في الجيش أوحش من الصحة بمراحل كمان
فلو انتي تقديرك حلو ومحتمل نيابتك تيجي بسرعه في مكان كويس يبقي خليكي في الصحة أحلي


طبعا لو عاوزه عيوب كمان اسألك :)

ربنا يوفقك يا دريمي

marwadiab
12-29-2012, 09:12 PM
طيب اللي كان مأجل امتحان بعذر مقبول و لسه حيخلص امتيازه في اغسطس ممكن أقدم السنة اللي بعدها لو تكليف وزارة الصحة اللي جالي معجبنيش؟ ولا مش بيقبلوا ناس من الدفعة السابقة؟

أمـ عـبـد الـرحـمـن
12-30-2012, 12:50 AM
طيب اللي كان مأجل امتحان بعذر مقبول و لسه حيخلص امتيازه في اغسطس ممكن أقدم السنة اللي بعدها لو تكليف وزارة الصحة اللي جالي معجبنيش؟ ولا مش بيقبلوا ناس من الدفعة السابقة؟





علي حسب المتقدمين في السنه اللي هتقدمي فيها أد أيه ؟
وغالبا لو ليكي حد بيقبلوا عادي

marwadiab
01-01-2013, 07:36 PM
علي حسب المتقدمين في السنه اللي هتقدمي فيها أد أيه ؟
وغالبا لو ليكي حد بيقبلوا عادي



شكرا يا زهرة الندى

pheonix727
06-11-2013, 05:48 PM
السلام عليكم ورحمة الله

لو سمحتوا كنت عاوز أسأل عن أكاديمية الجيش والشرطة

-في الأوراق المطلوبة:
بيتكتب في الطلب علما بأن والده أو عمه فلان
هو لازم يكون حد كبير في الجيش؟ يعني أنا أخويا ظابط احتياط ، ينفع؟

-لو ما عجبنيش الوضع وعاوز أطلع
أقدر أطلع ولا لأ؟
أقدر أطلع بعد أد إيه؟
في فلوس هدفعها؟ كام؟
بيقولوا عند رتبة معينة أقدر أطلع من غير فلوس ، صحيح؟ ما هي الرنبة و كام سنة؟

-لو حبيت أشتغل برة مصر ، الخليج مثلا
أنا سامع أن برة مصر بيرفضوا الظباط او العسكرين، صحيح الكلام دا؟
سامع أن في أجازة اسمها تحسين دخل ، إيه ظروفها

معلش أسئلتي كتير بس هي حجات مهمة قبل ما الواحد يلبس في حاجة تضر مستقبله اللي هو عاوزه
وكمان كل شوية اسمع كلام شكل

شوية ناس تقول ينفع تطلع وشوية ناس تقول لا
وهكذا بسمع حاجة وعكسها
:s

أمـ عـبـد الـرحـمـن
06-20-2013, 04:31 AM
السلام عليكم ورحمة الله

لو سمحتوا كنت عاوز أسأل عن أكاديمية الجيش والشرطة

-في الأوراق المطلوبة:
بيتكتب في الطلب علما بأن والده أو عمه فلان
هو لازم يكون حد كبير في الجيش؟ يعني أنا أخويا ظابط احتياط ، ينفع؟

-لو ما عجبنيش الوضع وعاوز أطلع
أقدر أطلع ولا لأ؟
أقدر أطلع بعد أد إيه؟
في فلوس هدفعها؟ كام؟
بيقولوا عند رتبة معينة أقدر أطلع من غير فلوس ، صحيح؟ ما هي الرنبة و كام سنة؟

-لو حبيت أشتغل برة مصر ، الخليج مثلا
أنا سامع أن برة مصر بيرفضوا الظباط او العسكرين، صحيح الكلام دا؟
سامع أن في أجازة اسمها تحسين دخل ، إيه ظروفها

معلش أسئلتي كتير بس هي حجات مهمة قبل ما الواحد يلبس في حاجة تضر مستقبله اللي هو عاوزه
وكمان كل شوية اسمع كلام شكل

شوية ناس تقول ينفع تطلع وشوية ناس تقول لا
وهكذا بسمع حاجة وعكسها
:s


وعليكم السلام ورحمة الله وبركاته

حابه أوضح لحضرتك كام نقطة

ان الجيش اساسا فيه عجز في الدكاترة عشان كده بيحاولوا يعوضوهم بالمنتدبين
وده سبب انهم هيفتحوا كليه جديده للطب العسكري هتخرجلهم دكاترة

فبالتالي حته بابا بيشتغل أيه وأخويا أيه مش تعتبر عائق كبير زي ما كنا بنسمع وبيشددوا زمان
وضابط احتياط مش وظيفة اساسية في الجيش وممكن حضرتك تكتب أسم حد ابعد في القرابه ومعاه رتبه لو حضرتك قلقان

تاني حاجة حضرتك مادام دخلت الأكاديمية واتخرجت يبقي لبست مفيش حاجة اسمها أطلع
حتي لو قدمت اسنقالتك هما غالبا مش بيوافقوا علي الاستقالات

الا لو الخروج كان لعذر مرضي ولازم يبقي كلام بجد

الأجازات طبعا مسموح بأجازتين في السنه 15 يوم كل 6 شهور
وكل قسم لها تفرغه وكل مستشفي ليها قوانينها بس غالبا معظمهم شغل ميري يعني شغالين طول الاسبوع

حتة الشغل بره مصر دي معنديش فكرة
بس اللي اعرفه ان الضباط ممنوعين من السفر الا بإذن من المشير
حتي لو هتسافر تعمل عمرة مسموحلك بمرتين عمرة ومرة حج في العمر كله بس
وأي سفر تاني لازم يكون تبعهم او بإذن منهم


بس دي معلوماتي في الموضوع وموضوع تحسين الدخل ده معرفوش
بس فيه اوبشنز كويسه للسفر في قوات حفظ السلام ودي بتعتبر وسيلة لتحسين الدخل
بس طبعا مش كل التخصصات محظوظه في السفر
وبالتوفيق ان شاء الله

nourhan samy
01-26-2014, 09:33 PM
ممكن اسال ايه هي مميزات التكليف المدني بالشرطه لطبيب الاسنان و ماهي مدته و هل يجوز تركه قبل انتهاء المده؟ شكرا