المساعد الشخصي الرقمي

مشاهدة النسخة كاملة : مذكرات Medical rep


د / مادح محمد
04-28-2009, 12:25 AM
السلام عليكم ورحمه الله وبركاته

من زماااان وانا صغير وانا بحب اكتب مذكراتى

http://sh3bwah.maktoob.com/up/uploads/0ccb1b473e.jpg

ولما كبرت بردو كنت بكتب مذكراتى

http://www.dw-world.de/image/0,,1290436_4,00.jpg

كانت الاجنده اللى بكتب فيها مذكراتى اهم شئ عندى
زى حلقات الكابتن ماجد بالضبط


http://bp1.blogger.com/_uFdSiC45hbE/RmFv_4mbrBI/AAAAAAAAAFI/DiCUepGYk1g/s400/road73.jpghttp://bp1.blogger.com/_uFdSiC45hbE/RmFvH4mbrAI/AAAAAAAAAFA/H_vg8uLLXqQ/s400/olivetom.jpg

المهم الواحد طول ما هو عايش بيعيش تجارب جديده يمكن مكنش يفكر فى يوم من الايام انه يجربها

لما كنت بمشى فى السكه الجديده كنت بشوف ال medcal reps ماشيين


http://www.salespharm.co.uk/rep.jpg







بصراحه كانو بيصعبوا عليا ...؟؟ بس مسالتش نفسى مره ليه هم صعبانيين عليا !!

لما انا جربت الموضوع دا لقيته مش بطال .. مش عارف بحس بسعاده وانا بعملها ليه !!!

ايه مصدر السعاده ؟؟؟.... مش عارف ...

يمكن لانى بحاول ان احب ما اعمل كى اعمل ما احب

ويمكن لانى بكون حاطط ال Mp3 فى ودانى ومشغل حاجات ( مش اغانى والله ) بتنعشنى

ويمكن لان فيه مواقف بعضها لذيذ و بعضها غريب بتحصلى

وانا متعود انى اقابل اى موقف بابتسامه
http://www.s77.com/up/up11/846b5421b7.jpg

المم انا قررت اكتب هنا بعض المواقف الى بتحصل معايا وانا فى التجربه دى

ولو فيه حد من زمايلنا خاض التجربه ى .. ياريت يشاركنا بمواقف غريبه او جميله

يتبع ان شاء الله
( فاصل ونواصل )
]

http://tbn0.google.com/images?q=tbn:4dKILcEQy61iQM:http://www.kuwaitup.net/up/uploads/1140-5381-1546.jpg (http://www.kuwaitup.net/up/uploads/1140-5381-1546.jpg)



http://www2.0zz0.com/2008/08/14/01/998256995.jpg

Dr.Medicine
04-28-2009, 02:03 AM
استمر يا دكتور

د / مادح محمد
04-29-2009, 12:11 AM
السلام عليكم

ساعات و انا بقوم بعملى الهمام كمترو انفاق بيحصلى مواقف جميله ولذيذه
http://www.oealibya.com/picture/detail_الكمبيوتر%20يقود%20القطار%20في%20ألمانيا.jp g
او مره اروح اعرف ميعاد دكتور ....

كان الدكتور محمود بازيد فى ميت حدر

انا اساسا رايح اعرف مواعيده عشان اروح له بعدين

المهم انا داخل العياده ... خير اللهم اجعله خير

لقيت البنت اللى بره .... قولتلها الدكتور موجود ؟

قالت ايوه ...قلتلها انا ميدكال رب لشركه ادويه

لقيت البنت قامت وابتسمت :5823.imgcache: وراحت عند الباب بتاع الدكتور اللى كان مفتوح اساسا
http://phys4arab.jeeran.com/4.bmp


وبتقولى اتفضل ادخل

وانا مكنتش مجهز اصلا اللى هقوله

ولا كان معايا عينات ولا اى حاجه خالص

انا جاى اعرف المواعيد واجهز نفسى واجيله

انا استغربت جداااا
:5816.imgcache:

عاده اللى بيساعدوا الدكاتره بره بيبقوا غلسين شويه
(( دى العاده ))

وحتى لو كانوا كويسين
مش من اول ما اجى اسال كدا تروح تفتح الباب وتقولى اتفضل

المهم قعدت تتحايل عليا ادخل ... و انا اتحايل عليها مدخلش

المهم انا كسبت فى الاخر ... وقولتلها انا هروح بس اتغدى واجى

والحمد لله .. ربنا نقذنى من موقف محرج جدااا

::
::
::
::

المهم درات الايام وخلاص حفظت الكلام اللى هقوله للدكتور

وجهزت نفسى كويس

و رحت عشان ادخله

وانا تحت العياده لقيت العشاء اذنت !!!!!

وانا عارف ان الدكتور بيمشى بعد العشاء

فقلت اطلع وممكن اتاخر عن الصلاه ؟ ولا اصلى ممكن الدكتور يمشى ومعرفش ازوره


المهم قررت انى اروح اصلى واللى يحصل يحصل

وانا ماشى لقيت جزار وانا بساله عن اقرب جامع ....

لقيت حاج كدا محترم بيقولى انا رايح للجامع تعالى وانا اوصلك

قولتله جزاك الله خيرا يا حاج ..

قالى انكتب لى اخد ثوابك

ولما وصلنا للجامع قلته جزاك الله خيرا يا حاج ان شاء لله فى ميزان حسناتك

ودخلنا صلينا ...

و طلعت للدكتور العياده

وقعدت مع المرضى فى الانتظار

ابص

الاقى

اللى داخللينا ..
:5814.imgcache:
الحاج الى وصلنى للجامع والناس بتقفله وبتقوله يا دكتور!!!!

انا كنت فى نص لالا فى ربع هدومى

الدكتور شافنى قام قاعد معانا بره فى الانتظار

مدخلش غرفه الكشف

بصلى

وقالى تعالى

وشاورلى على الكرسى الى جنبه

احم .. احم

رحت قعدت جنبه و متكلمتش

قالى انا الحاج اللى و صلك للجامع فاكرنى ؟؟
:S04Secret2:
بلعت ريقى قلتله جزاك الله خيرا يا .....
كنت هقوله يا حاج . من اللبخه...
بس مسكت نفس وقولتله يا دكتور

قولتله انا فلان من شركه كذا وجاى اكلم حضرتك عن مضاد حيوى اسمه sparatic

قالى انا بحبه ... وهكتبه عشان خاطرك
:5823.imgcache:
قولتله جزاك الله خيرا يا دكتور

قالى وجزاكم مثلى

قمت مسلم عليه وقولتله بحبك فى الله يا دكتور

قام قالى بموت فيك فى الله

بجد دكتور عسسسسسسسسل
http://travel.maktoob.com/photo/data/5443/35697.jpg

د / مادح محمد
04-29-2009, 12:44 AM
و جزاكم مثلى

د.أحمد رمضان
04-29-2009, 01:23 AM
مت مسلم عليه وقولتله بحبك فى الله يا دكتور

قام قالى بموت فيك فى الله

بجد دكتور عسسسسسسسسل

هههههههههههه

والله انت اللى موضوعك زى العسل يا دكتور مادح

ربنا يوفقك ونشوفك عريس قريبا

ومتابعين باقى المذكرات

amse_010
04-29-2009, 11:14 AM
موضوع رائع كمل يا دكتور وإحنا متابعين

د/محمد عزت
04-29-2009, 09:39 PM
قولتله انا فلان من شركه كذا وجاى اكلم حضرتك عن مضاد حيوى اسمه sparatic

على فكرة يادكتور ده أعلان عن الدوا وغير مدفوع الأجر للموقع ممكن الموضوع يتحذف ( بهزر معاك )
، الموقف جميل جدا جدا مش
بس شغلانة الميديكل ريب دى أنا مش بلعها( مش نازللى من زور صراحة )، دى وجه نظرى ، وكل واحد لى وجه نظر ، ربنا يوفقك .

د / مادح محمد
04-30-2009, 12:01 AM
هههههههههههه

والله انت اللى موضوعك زى العسل يا دكتور مادح

ربنا يوفقك ونشوفك عريس قريبا

ومتابعين باقى المذكرات

السلام عليكم
جزاك الله خيرا يا دكتور ...
الله على الدعوات دى ... ربنا يجعلها من نصيبى ومن نصيبك بالزوجه الصالحه ان شاء الله ..

د / مادح محمد
04-30-2009, 12:49 AM
دكتور amse-010

شكرا لمرورك .. وياريت تشيل اسم الدواء من الموضوع انا مخدش بالى

دكتور محمد عزت

شكرا لمرورك

د / مادح محمد
05-01-2009, 02:32 AM
اولا انا مبخفش

:5817.imgcache:

ولا اى حاجه تهزنى


زى ما تقدروا كدا تقولوا brave heart

http://blog.americanfeast.com/images/Braveheart.jpg

مره وانا طالع زياده من الزيارات

دخلت عماره كدا هاديه اوى مش عارف محدش ساكن فيها ولا ايه

قوم ايه..

دخلت الاساسير

وانا بضغط على رقم الدور اللى عاوز اطلعه

لقيتنى بقول : يلا يا نورماندى ... بس مقلتش 2

المهم طلعت نورماندى ...

ووقفت نورماندى عند الدور بالضبط

اجى افتح باب نوماندى ... ميفتحش

زى ما يكون سمعنى وانا بقول عليه نورماندى

ازق فى الباب ميفتحشى

كنت عاوز اقوله معلش ياعم الاسانسير افتحلى

:SORRY :

بصراحه بدات اخاف

خصوصا انى مش شايف اى حد امام الاسانسير

وشويه

ونور الاسانسير طفى

:CryOutLoud:



الله ... كملت

الموبايل


للاسف رصيد خلصان

:5816.imgcache:

بصراحه بقه tachcardia فظيعه
اترعبت

لاول مره عرف انى عندى فوبيا الاماكن المغلقه

ضغطت على زرار الانزار

عمل سرينه عاليه اووووى

وقعدت اخبط على الباب

لغايه ما الناس جولى الحمد لله

الحمد لله طلع فيه ناس فى العماره

وقالولى اطلع الدور اللى فوقيه لان الباب دا معلق

بعدها قعدت كام زياره مركبش اى نورماندى
:5823.imgcache:

د/محمد عزت
05-03-2009, 03:34 PM
السلام عليكم
لآه بريف هارت بصحيح ، tachycardia واترعبت وتقولى بريف هارت
موقف جميل جدا ، وربنا يسهل ومتحصلش تانى

د / مادح محمد
05-03-2009, 05:48 PM
وعليكم السلام
:5823.imgcache:
احم ..اجم
لا عادى يا دكتور ال tachycardia دى physiological مش pathological
بالضبط زى التغيرات الى بتحصل فى ECG بتاع ال athletics
:S20Sunny2:

aah803
05-03-2009, 06:02 PM
الدكتور محمود بازيد دكتور محترم جدا جدا
و رجل خير
ربنا يبارك في عمره

الواحد بيحب الدكاترة المتواضعين الطيبين دول
كفاية المقابلة الحلوة
عمر الواحد ما ينساها


زي المقابلة الوحشة بالظبط

د / مادح محمد
05-03-2009, 11:06 PM
السلام عليكم



النهارده حصلى مواقف جميله اوى

وغريبه فى نفس لوقت

اولها وانا لسه رايح اركب تاكسى من ا لموقف

لقيت ولد صغير واقف مع مامته

المهم الواد دا لما شافنى لقيته شاور عليا وزعق

وقال

::
::

قال
::
::


بــــــــــــابـــــــــــــــــــــا


:5816.imgcache: :5814.imgcache:
:5823.imgcache:


هههههههههههههههههه

ايه دا الواد دا مش عارف ابوه ولا ايه ؟؟!!

بس والله مش انا باباه

انا لسه ولد ولوووووود

( على غرار بنت بنوت )

هههههههههههههههههههه


المهم ام الولد انكسفت جدااااااااااا

و راحت اخر الموقف بعيد عنى

واكيد هتقول لابوه

يتبع باذن الله

dr_shehab
05-06-2009, 01:12 PM
لقيتنى بقول : يلا يا نورماندى ... بس مقلتش 2

كويس يا دكتور ان حضرتك قولت يا نورمندى لو قلت يا تايتنيك كان غرق بيك.
وشكرا على الموضوع الجميل ده:mghoud:

د / مادح محمد
05-06-2009, 04:09 PM
لقيتنى بقول : يلا يا نورماندى ... بس مقلتش 2


كويس يا دكتور ان حضرتك قولت يا نورمندى لو قلت يا تايتنيك كان غرق بيك.
وشكرا على الموضوع الجميل ده:mghoud:


ههههههههههههههههه

جزاكم الله خيرا

د / مادح محمد
05-06-2009, 04:26 PM
السلام عليكم

زيارتى للدكتور اشرف خاطر
استاذ الجراحه بمركز الاورام
احسبه على خير والله حسيبه ولا اذكى على الله احدا

ماشاء الله

انا مش عارف اقول ايه بجد مفيش لام يوصف الزياره دى

ساعه كامله فاتت هوا

اولا المقابله : روووعه بجد كانه زميل مش استاز كبير

اول ما شافنى قال ازيك ياعم مادح خلصنا واشتغلنا يا عم ؟

( طبعا د/ اشرف كان بيدرسلى فى الراوند
وكمان امتحنى شفوى تقريبا على كل الجارات اللى فى المتحف :faces705:
كنت حاسس انه هيسالنى فى المنهج كله حته حته )

المهم

فعلا مقابلته غريبه

قمه فى الزوق ... قمه فى التواضع ... قمه فى خفه الدم

ايه دا

وهو بيكلمنى كد ا قلت سبحان الله

هو الدين يعمل كل دا ؟؟؟

دا استاز دكتور ... وياما قابلت اساتذه كانوا متعنتظين

سبحان الله

ساعتها قلت الحمد لله على نعمه الاسلام


كمان قعد ينصحنى كتير

وكمان كلمنى عن المستقبل والطريق اللى قدامى والتحديات للى ممكن تقابلنى

ياااااه

ربنا يرضى عنه و يرضيه و يحسن ختامه


بقوله ان شاء الله يا دكتور ازور حضرتك كل اسبوعين

( كنت بخاف يقولى خليها كل شهر )

لقيته بيقولى لالالا انت بتيجى السكه الجديده كتير اهه

انا عاوزك كل ما تيجى تفوت تقعد معايا شويه

زادك الله تواضعاً يا استازى العزيز

dr_shehab
05-07-2009, 03:42 PM
دا استاز دكتور ... وياما قابلت اساتذه كانوا متعنتظين

هو فعلا طبيب محترم فعلا اما بمناسبة الاساتزة المتعنتظين فحضرتك ما تعدش فى المقابل كان فيه دكتور جراح

كان بيدينا الروند وقال لنا بالحرف الواحد : بلغة السوق انى معلمكوش انا المفروض اخد ابنى او ابن اخويا تحت

باطى واعلمه لان انتم كده هتنفسونى022": والله الكلام ده حصل فعلا ففى فرق كبير بين الدكتور ده والطبيب اللى حضرتك

اتكلمت عنه بس بعد ازنك عاوزة اعرف حاجة هل الدكتور اللى بيعمل بيزنس مع شركات الادوية على حق ولا

لاوطبعا حضرتك قابلت دكاترة بيطمعوا فى القلم اللى بتكتب بيه وناس بتطلب فلوس وحاجات تانيه ويمكن يقول انه

كده بينفع الشركه فمن حقه انه ياخد حقه فهل الموضوع طب ولا بيزنس:tfk:( واسفه على التطويل):gzak:

Dr/nada
05-07-2009, 06:04 PM
موضوع جميل ومتميز يا دكتور مادح
ننتظر منك كل جديد دائما

د / مادح محمد
05-07-2009, 09:36 PM
دا استاز دكتور ... وياما قابلت اساتذه كانوا متعنتظين

فى المقابل كان فيه دكتور جراح

كان بيدينا الروند وقال لنا بالحرف الواحد : بلغة السوق انى معلمكوش انا المفروض اخد ابنى او ابن اخويا تحت باطى واعلمه لان انتم كده هتنفسونى022":

والله يا دكتوره انا رايى دا بعينه اللى جابنا لورا

انا نفسى اعرف هو فيه حد فينا هاخد رزق مش رزقه ....

يعنى لو الدكتور دا علمنا هناخد رزقه اللى ربنا كتبهوله .. طبعا دا ضعف ايمان .. وقله ضمير

وبالضبط دا اللى جايبنا لورا ... بدل ما يبص لمستوى الدكاتره فى الخارج وصولوا لايه واحنا فين ويحاول ينهض بمستوى طالب الطب .. لكن حتى بين الاساتذه الدكاتره منهم ناس مبتفهمش ( اعذرينى لاسلوبى دا ) لانى فعلا مخنوق من الناس دى

بالضبط زى دكتوره اخدت عندها دوره اسعافات اوليه ترفض تدينا مصدره ... بتقول ان دا شغل خاص بيها ... فى رايه ان لو انا اخت المصدر اللى معاها هو مش هيبقى لها قيمه
فى رايى دا ناتج عن عدم امانتها وعدم ثقتها بمعلوماتها



بس بعد ازنك عاوزة اعرف حاجة هل الدكتور اللى بيعمل بيزنس مع شركات الادوية على حق ولا

لاوطبعا حضرتك قابلت دكاترة بيطمعوا فى القلم اللى بتكتب بيه وناس بتطلب فلوس وحاجات تانيه ويمكن يقول انه كده بينفع الشركه فمن حقه انه ياخد حقه فهل الموضوع طب ولا بيزنس:tfk:( واسفه على التطويل):gzak:



شوفى حضرتك كل اللى انتى بتقوليه دا ان سمعت عنه ...

لكن الحمد لله محصلش معايا

والحمد لله لو صادفت حاه زى دى مش هزوره تانى

وانا متفق معالشركه اللى بشتغل فيها على هذا الاساس

عشان كد انابشتغل على دوايين معلهومش خلاف وكمان سعرهم اقل من المنافسين ليهم ى السوق

فالحمد لله ضميرى مستريح و دا بفضل ربنا والله

لكن لو انا صادفت حاجه زى دى طبعا مش هتعامل معاه

اتشرفت بتعليق حضرتك

د / مادح محمد
05-07-2009, 09:38 PM
موضوع جميل ومتميز يا دكتور مادح
ننتظر منك كل جديد دائما


جزاكى الله خيرا دكتوره .. دعواتك

dr_shehab
05-09-2009, 12:36 AM
لكن الحمد لله محصلش معايا

والحمد لله لو صادفت حاه زى دى مش هزوره تانى

وانا متفق معالشركه اللى بشتغل فيها على هذا الاساس

عشان كد انابشتغل على دوايين معلهومش خلاف وكمان سعرهم اقل من المنافسين ليهم ى السوق

فالحمد لله ضميرى مستريح و دا بفضل ربنا والله

انا مش قصدى على حضرتك انا كنت عاوزة اعرف راى حضرتك بشكل عام وانا اسفه على سوء التفاهم

د / مادح محمد
05-13-2009, 12:22 AM
السلام عليكم

دكتوره انا عارف ان حضرتك بتتكلم بشكل عام

مفيش داعى للاسف

waitting
05-13-2009, 01:30 PM
الموضوع جميل جدا

جزاك الله خيرا

DR ROQA
05-15-2009, 04:38 PM
مواقف جميله و لذيذه
مستنين باقى المواقف ان شاء الله

د / مادح محمد
05-17-2009, 11:13 PM
اعلان هام جدااااا

يا جماعه انا اتفقت مع الدكتور ماجد زغلول انه يشرح ecg

فى مستشفى الباطنه التخصصى جامعه المنصوره

على فكره د / ماجد زغلول افضل دكتور فى ال echo فى المنصوره على ما اسمع

وفى شرح رسم القلب مميز جدااا وراااائع جداااا

وطبعا مينفعش انه يلاقى عدد قليل امامه

فلازم نحاول نحضر كلنا ونجمع اكبر عدد

عشان نحسس الدكتور اننا مهتمين ... وبالتالى فيهتم بنا

وقدامنا اسبوع واحد من اليوم الى يوم الجمعه 22/5/2009 لنشر الخبر دا بين اصدقائنا

وانا هتصل بيه ان شاء الله و اعرف الساعه كام وادخل هنا واقولكم ان شاء الله

المهم انا عاوز تفاعل لان دى فرصه النواب نفسهم بيحلموا بيها

د / مادح محمد
05-17-2009, 11:14 PM
د waiting

جزاكى الله خيرا

د roqa

جزاكى الله خيرا

د / مادح محمد
05-21-2009, 06:15 PM
ان شاء لل يا جماعه المعاد يكون يوم الاحد او الاربعاء ا لقادم

بمتسشفى الباطنه التخصصى

لكن الساعه كام لسه هتفق مع الدكتور ان شاء الله يم السبت

وسادخل واخبركم بها بمجرد معرفتى ان شاء الله

رجو نشر هذا الخبر

د / مادح محمد
05-22-2009, 01:08 AM
السلام عليكم

زيارتى للدكتور ماجد زغلول استاز القلب بمستشفى الباطنه التخصصى جامعه المنصوره

بجد ... يا بختى

ساعه كمله مع الدكتور العسل دا

اقولكم ايه حد مره كان بيحلم حلم كبير اوى

ولقى شخص قدامه محقق حوالى 70 % من الحلم دا ؟؟

طب يبقى شعورك ايه ساعتها

عشان كدا انا مش عارف اتكلم

بس اللى اقدر اقوله انه انسان جد بجد محترم

ورائع

عاوز اقول شويه مقتطفات بس من الحديث اللى دار بينى وبينه

.......

لقيت نص المكتبه بتاعته كتب هندسه ... والنص التانى كتب طبيه والف علامه تعجب

ما خلص طب كان التانى على الدفعه ... وكان عارف ان الاولى عاوزه كارديو

قام هو مقدم كارديو وقال ... لاما هشتغل كارديو اما مش هشتغل فى الطب

لانه عاوز يشتغل حاجه يكون بيحبها بس

لانه عاوز يبدع فيها ( دا رايى هو وقالش كدا )

بجد بجد انا حاسس فى يوم من الايام هيكون له شان كبير جداااا ان شاء الله

والله انا فرحت جداااااا بيه

انسان خلوق ... مؤدب ... متواضع جدااااا .... زكى ... شاطر بجد

ما شاء الله

انا لما بلاقى دكتور كبير كدا... والاقيه متواضع اوى كدا ... بصراحه ببقى عاوز ابكى

ياااااااااااااااه احنا لسه عندنا اطباء قدوه بجد ... اساتذه نجعلهم قدوه امامنا ونحن فى اول الطريق

بجد بجد

انا بدات افهم دلوقتى الحكمه من شئ الله سبحانه وتعالى قدره

وهو ..

انا كنت غيرت رايى وقلت مش هشتغل فى شركه الادويه

وبالفعل تصلت بالمدير بتاعى ... اكلمه مرتين عشان اقول له انا مش جاى

انا اسمعه وهو ميسمعنيش

المهم طنشت وحطيت الموبايل فى جيبى

الاقى 4 مكالمات لم يرد عليها ( المدير بتاعى اتصل4 مرات وانا مسمعتش )

المهم قلت خلاص اروح له الشركه واقوله انى مش هشتغل

رحت

لقيت المدير كمنى بعقلانيه جحدا .. وباسلوب مهذب واقنعنى انى اشتغل

وحققلى طلباتى عشان اشتغل

حاسس ان ربنا خلنى اشتغل فى الشركه دى

عان اشوف الامثله الرائعه دى

زى الدكتور اشرف خاطر

والدكتور مجد زغلول

الحمد لله

المهم بعد الكلام د

نسيت اعرف منه معاد محاضرات رسم القلب

متخافوش بس اتصلت بيه وقال يوم السبت هيقولى على مالعاد

لاما الاحد او الاربعاء ان شاء الله

تابعونا ..

د / مادح محمد
05-24-2009, 02:11 PM
ان شاء الله يا جماعه

الميعاد الاربعاء القام

الباطنه التخصصى الدور الارضى بجوار الاستقبال

الساعه 11

د / مادح محمد
05-25-2009, 12:52 AM
السلام عليكم

زيارتى لاستازى د محمود يوسف

بجد مش عارف اقول ايه

انا خرجت من عنده فى حاله غريبه اوى

وتقريبا كانت عنيه هتدمع

وفضلت مسهم كدا حوالى 20 دقيقه

اولا هو زوق جدا

اول ما شافنى قالى انت طلعت الكروت ولا لسه ؟

قلتله اه يا دكتور

ام قالى انت بقالك كام شهر بتشتغل ؟

قلتله بقالى شهر وشويه

قالى انت معاك ايه ؟

قلتله انا تلميذ حضرتك يا دكتور

وحضرتك امتحتنى

قالى بجد .... دا انا كنت هدورلك على شركه ملتى ناشونال لان شكلك مش اقل من كدا

بجد طريقته وهو بيقول الكلام دا ... وزوقه وادبه ... اثر فيا اوى

وكلمنى عن مستقبلى

ونصحنى بحاجات انا مكنمتش اعرفها اصلا

ووعدنى كمان انه يعرفنى على دكتور بمجرد نزوله مصر عشان يساعدنى

وقال لل ASSESTANT د مادح زميلى لما يجى فى اى وقت دخله

وادانى رقم الموبايل

بالله عليكم عمركوا شفتوا كدا

ماشاء الله

بجد يا جماعه انا يشرفنى انى تلميذ الاساتذه دول

د اشرف خاطر .. د ماجد زغلول ... د محمود يوسف

اهوالواحد ليه بدل القدوده ثلاثه

قمه فى العلم وقمه فى الادب والزوق

ربنا يبارك فيهم يارب وفى كل الناس المحترمه

امين

و الى لقاء اخر

ومزكرات Medical Rep


مادح ......

دكتورة أمورة
05-26-2009, 12:48 AM
tt


لطيفة اوى مذكراتك يادكتور مادح وما شاء الله معروضة بأسلوب سلس ولطيف جدا ... بس يارب ماتكونش مجرد حكايات ويكونو اللى بيقروها فعلا مستفيدين من كل الدروس اللى بتحاول توصلهالهم


وربنا يوفق الجميع

the legand
05-26-2009, 03:09 AM
سلام عليكم

دكتور مادح انا عارف ان كلامى دا مش مكانه فى الموضوع
لكن انا ضفت اميلك ولقيتك مش بتفتحه خالص ...كان من بداية السنة يعنى
وحاولت ابعت على الخاص فى منتدى منس ميد مش عرفت برده لانك مش عنت بتدخل عليه

بصراحة مش قيت غير موضوعك دا اسالك فيه ....ومعلش بقى سامحنى يا دوك
كنت عايز اسالك سوال بصراحة يعنى :
انا فى سنة خامسة ...وعندى راوند الاطفال هو اخر راوند ...هابداه فى 20 يونيو
وطبعا مش فتحت الاطفال
بصراحة انا ليت على كل المصادر اللى فى المكتبات ....القديمة والجديدة ...كله كله
ومش لقيت مصدر كويس نهائى
لقيت مصدرك انت بس الل عاجبنى اوى من اول نظرة ....بس فيه مشكلة الا وهى بصراحة كده :
ان ناس كتير اوى قالوا ان مذكراتك ناقصه ....وانها مش بتاعه امتيازات ....وانها للى عايز يجيب جيد وخلاص
بصراحة كل مذكراتك صورتها ومعايا
بس مش عارف ....اعمل ايه ...مع العلم ان مذكرات درويش وشريف رفعت سيئة جدا جدا
انا مش عارف اصلا مشهورين على ايه !!!!
ما علينا ....
المهم اعمل ايه ...يا دكتور مادح مذكراتك فعلا كاملة ولا ناقصه ؟
ولو ناقصة ايه اللى ناقص ...يعنى وضحلى مذكراتك نظامها ايه بالظبط لما عملتها السنة اللى فاتت

مع العلم حاجة مهمة ....سمعت ان تعليم الدكاترة لورق النظرى عاد وحش اوى
لان مذكرات درويش وشريف معمولة من منهج الباطنة ....ودا ضايق دكاترة كتير اوى السنة اللى فاتت
درجات الاطفال كانت نازلة كتير السنة الللى اتت
لانهم عادوا عايزين كلام الاطفال ...مش كلام باطنة .....

والاهم ....دكتور يوسف الطمبارى هو اللى ماسك القسم بعد دكتور مجدى ما سابه
وعرفت ان دكتور يوسف بيكره جدا الدروس ....وورق الدروس ...وناوى يحط اسئلة غير مباشرة للى فاهم مش اللى حافظ

وانه بيحب يبدع فى اسئلته وامتحاناته ؟؟؟

ممكن حضرتك تفهمنا نعمل ايه
وانا طولت عليك جداااااااااااااااااااا
بس معلش استحملنى

ولك جزيل الشكر
سلاك عليكم

د / مادح محمد
05-26-2009, 12:58 PM
السلام عليكم

دكتوره : دكتورة اموره

جزاكى الله خيرا .. دعواتك

دكتور :the legand

اولا انا اسف انى تعبتك ... طب حضرتك ما اتصلتش بيا ليه ما الرقم على المذكره !

انا هقول لحضرتك انا عملت المذكره دى ازاى

اولا هى بتاعتى انا والدكتور محمد الجيزى ( صديق )

انا عملت نص المنهج وهو عمل النص التانى

المهم احنا بعد ما زاكرنا من ورق الدكتور شريف كانت مذكراته مش لذيذه شويه

وكمان لاحظت ساعتها ا فيها مشكله ان حاجت زى مثلا شابتر ال blood مش زى ورق الدكتور الطمبارى !!

كمان لقيت ان ورق الكارديو مختلف عن ورق الدكتوره هاله المرصفاوى

والشيست كان مكتوب بطريقه اكاد اجزم ان اكيد دكتور شريف لم رى الشابتر او مش هو الى كاتبه خالص

فانا جبت الشباتر دى من ورق الدكاتره اللى شرحوهم سبق ذكرهم زى د طمبارى ... د هاله ...د مجدى زيدان ( محاضراته احنا كتبناها )

ولخصنا كل الكلام دا ...

وعرضناها بطريقه جميله الحمد لله

ومعنى لخصنا يعنى كلام الدش اللى مفيش منه فايده شلناه

واكبر دليل على دا شوف مثلا شابتر ال blood

انا عملته فى 19 ورقه وهو فى ورق دكتور شريف وقتها 48 ورقه

لكن ال 19 دول فى نظرى افضل واقيم من ال 48 بمراحل

يعنى من الاخر ... انا والدكتور الجيزى راعينا الدقه فى المعلومات وعدم ترك اىىىى شئ هام مع جمال طريقه العرض

بس خلى بالك لان مفيش حاجه كامله

مذكرتى انا منزلتش شابتر ال emergency و chest مع انهم مكتبوبين وجاهزين بسعاوزين تنسيق بس

الملحوظه الثانيه كان فيه فى ال history بتاع ال dianosis of anemia كلامن انا عاوز اضيفه وبالفعل عملته

بس منزلتوش فى مكتبه الاسراء لو تحب يا دكتور افعهولك هنا ان شاء الله

انا بقه انصحك بايه ....

طبعا انا مش بدى دروس دلوقت انا بطلت وركزت فى التخصص اللى عاوز اتخصص فيه

فنصيحتى دى خالصه لوجه الله

طالما ان مذكراتى عجباك .. والمذكرات التانيه مش عجباك

صلى استخاره وزاكر منها

وبعد ما تخلص الشايتر بص كدا على مذكره د شريف وشوف ياترى مذكرتى ناقصه حاجه مهمه ؟؟

اذا لقتها ناقصه حته ضيف الحته دى واظن هتلاقى الصفحه بتاعت مذكرتى فيها اماكن كتير تضيف فيها

بس منصحكش تذاكر م ورق د درويش لانه بصراحه مش منطقى بس هو فيه ميزه كبيره واحد

ان اى حاجه جديده بتلاقيها فيه فانت بس تاكد ان مفيهاش موضوع زايد عن لموضوعات اللى انت قراتها

اظن كلامى واضح يا دكتور

وانا المره دى اللى اسف على الاطاله

ربنا يوفقك ويوفق كل زملائنا

ومتنساش بقه كل صفحه تدعيلى بالهدايه والزوجه الصالحه و حسن الخاتمه

the legand
05-28-2009, 03:34 AM
جزاك الله خيرا يا دكتور مادح

بس يا ريت بجد مش تنسى الملفات الناقصة ...يا ريت ترفعها لينا
حتى لو احنا ننسقها ونظمها عادى يعنى
لانى خايف انك ممكن تنسى بس يا دكتور

سلام عليكم

د / مادح محمد
05-28-2009, 11:15 AM
السلام عليكم

اسف يا دكتور على التاخير

دى الزيادات فى D Of Anemias

http://www.4shared.com/file/108300278/34fb4201/D_OF_ANEMIA.html

ودول الشابترين ال Chest , Emergency

http://www.4shared.com/file/91954648/e675ea81/CHEST-EMERGENCY.html

ارجو الدعاء لى باهدايه والزوجه الصالحه وحسن الخاتمه

د / مادح محمد
05-31-2009, 12:43 AM
السلام عليكم

بصراحه انا عاوز احكيلكوا حكايه جديده

جميله جدااا .. مضحكه جدا . ومبكيه جدااا

رحت القاهره تدريب لمده 4 ايام

كل العاملين بالشركه اتجمعوا

ونزلنا فى فندق فخم

واتعرفت على ناس صعايده Medical reps

منهم واحد اسمه ..... . بس من كتر المشاكل اللى كان بيعملها وهو صغر سموه .....

اسف مش هقدر اذكر اسمه ولا اسم الشهره

والغريب انه دلوقتى عسل اوى ... وطيب خالص .. ودمه زى العسل

بجد انا من كتر خفه دمه كنت بصوره فيديو علطول

وممكن ارفعلكوا فيديو ليه تشوفوا الطبيعيه اللى فى اسلوبه

هو بيعرف يقلد كويس جدا

بس كان فيه حاجه غريبه موبايله مبطلش رن

والاغرب مكنش بيرد


فمره فى المدرج كان الدكتور اتاخر شويه

فهو طلع على البنش وقلد الدكتور ...

وهو بيقلد الدكتور و الناس كلها مهستره ( على حد تعبيره )

الدكتور دخل عليه ..

وهو مش واخد باله ..

ومره واحده وهو ميت من الضحك

شاور عليه الدكتور وقاله بصوت عالى عندك

صاحبنا دى كان بيضحك اوى

والضحكه عاليه

وفى نص الضحكه الدكتور كلمه

قامت الضحكه واقفه فى زوره ( بس بيقولها بطريقه فظيعه )

المهم الدكتور قاله انت بتعمل ايه

قاله : مش عارف

قال الدكتور : هات كرنيهك ؟

قاله صاحبنا : وهو ميت من الضحك ومش عارف يمسك نفسه من الضحك :( والله مش معايا ههههههههههه )

قال الدكتور : هات بطاقتك ؟

قاله صاحبنا : ( والله مش معايا هههههههههههه )

اظاهر مش معاه جيب ورا اساسا

المهم قام قاله الدكتور : اسبقنى على المكتب بتاعى ..

قاله صاحبنا : ( والله ما اعرفه هههههههههه وهو بيضحك بردو )

بجد بجد دمه زى العسل

و بعد ما خرجنا فى مدينه نصر ورجعنا الفندق

قاعدنا على البسين شويه

وبعدين طلعنا غرفه واحد صاحبنا

سالته مين اللى كل شويه يتصل بيك وانت مش عاوز ترد عليه

قالى هو مش واحد هما كتير

قلتله مين دول ؟

قالى اللى انا مديون ليهم !!!!!

استغربت جدااا

قلتله ليه وانت بتستلف ليه اصلا

قالى انا الولد الوحيد على 9 بنات

جوزت 5 واخر بنت جوزتها استلفت فلوس كتير

وانا بشتغل من اولى ابتدائى

المهم وانا بكلمه سمعت الموبايل رن تانى

والمره دى سمعت الموبايل بيقول اسم المتصل " ...... سبها لله "

قام صاحبنا قالى : شوف طالما سمعت كلمه سبها لله .. يبقى واحد منهم

رد عليه صاحبنا وقاله حضر يا باشا انا قبضت النهارده ولما ارجع هديك المرتب كله ... وقفل

يااااااااااااااااااه

ايه الرجوله دى

بجد لا تعليق

على فكره هو خريج علوم ..

وتقديره امتياز

واترك لكم انتم التعليق

لانى لم اجد الا ان نزلت دموعى

لسه فيه شباب رجاله يا جماعه فى مصر

لسه فيه شباب محترم بجد

ربنا يسد عنك يا صديقى العزيز .. وييسرلك امر دينك ودنياك

the legand
05-31-2009, 03:29 AM
متشكر على الملف الاول يا دوك
بس الملف التانى مش شغال

ممك تتاكد من الرابط التانى يا دكتور مادح

dr_shehab
05-31-2009, 04:00 PM
والله سبحان الله برغم المشاكل اللى هو فيها والمسئوليات الا انه محتفظ بخفة الدم وبيضحك ربنا يسعده دايما ويسهله اموره ويجازيه خير انشاء الله ويكرمه بجوازات الباقيين شكرا لحضرتك يا دكتور.

د / مادح محمد
06-01-2009, 10:14 AM
متشكر على الملف الاول يا دوك
بس الملف التانى مش شغال

ممك تتاكد من الرابط التانى يا دكتور مادح

اسف يا دكتور

انا كنت منعت الداونلود من اللنك دا

ان شاء الله دلوقتى تقدر تحمله

بالتوفيق

دعواتك بظهر الغيب

د / مادح محمد
06-01-2009, 10:19 AM
والله سبحان الله برغم المشاكل اللى هو فيها والمسئوليات الا انه محتفظ بخفة الدم وبيضحك ربنا يسعده دايما ويسهله اموره ويجازيه خير انشاء الله ويكرمه بجوازات الباقيين شكرا لحضرتك يا دكتور.

والله انا اظن ان السر يكمن فى كلمه ... سبها على الله اللى مخليها قرونه باسم كل واحد منهم

بيتهيقلى هو دا التوكل على الله ... اهو بيشتغل وبياخد بالاسباب .. وان شاء الله ربنا هيسد عنه

وييسرله جوازات اخواته ... وجوازه هو ايضا

سبحان الله فيه شباب .. شيلي الهم لانه مش عارف يتجوز

لكن دا مبيفكرش فى نفسه ... دا شايل هم اخواته

ياريت تدعو له بجد

Hossam Elsayed
06-01-2009, 10:58 AM
موضوع جميل اوى شكرا ليك يا دكتور مادح

د / مادح محمد
06-02-2009, 08:34 PM
موضوع جميل اوى شكرا ليك يا دكتور مادح

و جزاكم مثلى

د / مادح محمد
06-02-2009, 08:36 PM
ان شاء الله غدا الاربعاء الموافق 3/6/2009

المحاضره رقم 2

مع الدكتور ماجد زغلول

استاذ القلب بالباطنه التخصصى المنصوره

وشرح ال ECG

المكان الباطنه التخصصى ... الدور الارضى ... بجزوار الاستقبال

د / مادح محمد
06-03-2009, 06:24 PM
أولا دكتور ماجد حقيقي بيعتذر جدا عن الغاء ميعاد النهاردة

, بجد كان متضايق جدا انه حدد معاد وبعدين اخلفه , بس ربنا يعينه .

احنا خلاص اتفقنا نثبت الميعاد يوم الاتنين من كل اسبوع الساعه 11 ,

فى نفس القاعة بتاعه الدور الارضى .لان يوم الاربعاء بيسبب بالنسبه له مشكلة

بسبب ليستة القسطرة وبالتالى المحاضرة هى اللى بتتظلم.

وياريت الحاضر بقى يعلم الغائب.

ولو تحبوا تقترحوا اى موضوعات تانية ندخلها بين سلسلة محاضرات الـECG ياريت تدونا اراءكم

وياريت دايما نشوف عدد حضور كويس كل مرة لان ده بيرفع معنويات اى محاضر جدا

وبيخليه متالق جدا فى شرحه وكمان يقول لكم اللى انتو عاوزينه من غير مايمل...

Dr/nada
06-10-2009, 01:13 AM
مذاكراتك جميله جدا وتحمل الفائده دائما
وماشاء الله اسلوب حضرتك اكثر من رائع
معلش انا رديت تانى
بس بجد عجبتنى قصه الشاب الى شايل جواه هم كثير وفى نفس الوقت محافظ على ابتسامته مش كده وبس كمان بيكون سبب انه يدخل الابتسامه على غيره
ربنا يكرمه ويقويه ويجزيه على قد تعبه
وشكرا لحضرتك مره تانيه

د / مادح محمد
06-12-2009, 01:27 PM
مذاكراتك جميله جدا وتحمل الفائده دائما
وماشاء الله اسلوب حضرتك اكثر من رائع
معلش انا رديت تانى
بس بجد عجبتنى قصه الشاب الى شايل جواه هم كثير وفى نفس الوقت محافظ على ابتسامته مش كده وبس كمان بيكون سبب انه يدخل الابتسامه على غيره
ربنا يكرمه ويقويه ويجزيه على قد تعبه
وشكرا لحضرتك مره تانيه

جزاكى الله خيرا دكتوره

دعواتكم ليه ..و ليا انا كمان

dr_amonna
06-12-2009, 02:35 PM
جزاكم الله خير

د / مادح محمد
06-13-2009, 09:58 PM
و جزاكم مثلى دكتوره

د / مادح محمد
06-13-2009, 10:35 PM
بطله قصتى اليوم

ليست دكتوره

::
::
::

بل مريضه

ولكن ليست كأى مريضه

مريضه .. بوجه ملائكى

وعيون ... تحفظ دموعها من التساقط

حتى لاتفسد ابتسامتها الجميله

ووجهها الذى يشع نورا

نبدا الحكايه

كان يا مكان

وانا بزور مركز طبى ومستنى الدكتور بتاع المسالك يجى عشان ازوره

ال Nurses قالوا انه كدا اتاخر وهو على وصول

فاستنيت

ملاحظتش ان فيه مدام كبيره فى السن .. تقريبا فى سن والدتى او اكبر قليلا

المهم عندما جاء الدكتور قالتلى هذه السيده المحترمه : دا الدكتور يا ابنى

قلتلها انهى دكتور يا حاجه ... دكتور المسالك ؟؟

قالتلى اه ... هو انت شركه ايه ؟؟

قلتلها شركه كذا

قالتلى : عقبال كدا لما تتعاقد مع شركه بره وتسافر السعوديه

تعرف يا ابنى انا ابنى ما شاء الله كان هنا زيك ... واتعاقد مع شركه يابانيه وهو شغال دلوقتى فى السعوديه

على فكره ابنى خريج صيدله

قلتلها لا يا حاجه انا مش هكمل فى الموضوع دا .. اصلى خريج طب مش صيدله

قالتلى بجد ؟؟ وبصتلى اووى بنظره مش فاهمها !!!

وبعد فتره من الصمت قالت بصوت خافت : تعرف انا كان بردو ليا ابن فى طب بس مات من سنتين فى حادثه

كان فى سنه ساته .... قالتها وهى بتسم ابتسامه مليــــــــــــــــــــــــــانه رضـــــــــــــــــــــــــا

!!!

قلتها البقاء لله

قالت الحمد لله .. وابتسمت ابتسامه عريضه ... وظهرت الدموع فى عينيها

وهى تتاملنى ... كانى اشبهه

قالت سبحان الله كان زيك كدا هادى وطولك ونفس اسلوبك فى الكلام .. سبحان الله

وكان ..... ( ولم تكمل )

اظن انها كانت ستقول انى شكله ... وحسيت انها فكرت انى ممكن ازعل انها بتشبهنى بمتوفى

لقيتها بتقولى اسم الدكتور ايه ؟

قلتلها : مادح محمد

قالت : الله اسمك جميل اوى

قلتها : جزاكى الله خيرا


قالتلى هو اسمه احمد ... كان طيب اوى ... وكان هادى اوى ... زيك كدا ( اتاكدت انى شكله )

و جه دورها ونادوا عليها ودخلت هى لدكتور العظام

وانا واقف بره

فجاه لقيت صوت بيقول مع السلامه يا دكتور

التفت خلفى لقيتها الحاجه نفسها

قلتها مع الف سلامه يا طنط

قالتلى الدكتور كتبلى الروشته دى

واخوها ادهانى .. وقالى هى فيها حقن

قلتله اه هى فيه حقنه واحده

قالتلى هى دراعى بتوجعنى ليه ؟

قلتها واضح من الروشته يا طنط ان عضلات الايد هى الى تعبانه مش العظم

مدت ايديها وقلبت الروشته وقالت : ممكن يا دكتور تكتب مواعيد شغلك فى المستشفى

انا هبقى اجى ازورك

بصلى اخوها وابتسم وكنت عيناه تقول اكتب لها مواعيدك لو سمحت يا دكتور

كتبتلها مواعيدى فى الطوارئ ... ومواعيدى فى قسم القلب

قالتلى ان شاء الله هبقى اجى اسلم عليك فى المستشفى وامشى

قلتها تنورينا يا طنط

قالتلى ماشى يا دكتور مادح

قلتلها : مادح بس يا طنط انا زى احمد بالضبط

وعاوزك وانتى بتدعيله تدعيلى

قالتلى والله والله يابنى ان شاء الله للازم ادعيلك

( و اسمعتنى العديد من الدعوات التى اتمنى من الله ان يستجيب لها )


و لقيتها بتقولى انا بقه ههديلك هديه

فابتسمت وسكت

قالتلى عروسه دكتوره فى اخر سنه فى طب اسنان

قلتلها يا طنط لسه بدرى قالتلى : لا مهى هتجيلك بشقتها فى حى الجامعه بشبكتها كمان

!!!!!!

قلت فى نفسى : ايه يا ام مادح انتى قاعده على السجاده بتدعيلى ولا ايه ؟

قلتها لله يكرمك يا طنط

قلتها هى بنتك يا طنط ؟

قالتلى : لا بنت اختى

قالتلى انا هبقى اشوفك فى المسشفى هسلم عليك وامشى

قلتها تنورينا يا طنط


سبحان الله كل دا لانى شكل ابنها احمد ( الله يرحمه )

ومع تعلقها الشديد به

صبرت بجد صبرت

شفت رضا لم اره فى حياتى

والله دموعها كانت مليا عنيها .. لكن منزلتش !!!!!

ايه الرضا دا كله

انا اول مره فى حياتى اشوف حد صابر بالطريقه دى


اسال الله العظيم رب العرش العظيم ان يرحم ابنها

ويرحم كل اموات المسلمين ويرحم المسلمين جميعا

وان يزيدها صبرا .. وان ياجرها على هذا الصبر


اللهم امين

والى لقاء اخر ومذكرات Medical Rep.

د . مادح محمد

ea4islam
06-14-2009, 08:47 AM
جزاكم الله خيرا د.مادح
مذكرات رائعة
أفضلهم الأخيرة
والأخ الشهم الصعيدى
اللى بيصرف على أهله

د / مادح محمد
06-14-2009, 11:37 PM
جزاكم الله خيرا د.مادح
مذكرات رائعة
أفضلهم الأخيرة
والأخ الشهم الصعيدى
اللى بيصرف على أهله



و جزاكم مثلى دكتور

دعواتك بظهر الغيب

ها يلا ادعى

د / مادح محمد
06-15-2009, 12:58 PM
السلام عليكم

طبعا وفينا بوعدنا الحمد لله

وبالفعل دكتور ماجد شرح المحاضره رقم 2 فى ال ecg

وكانت محاضره جميله الحمد لله

سمعت فيها حاجت اول مره اخد بالى منها

و الحاجه الجميله ان دكتور ماجد قال :

ان لازم يكون لكل واحد فينا basic ecg بحيث فيما بعد لو حبينا نطمن على نفسنا

نقارن ال ecg الجديد بال basic ده

و انا عن نفسى ان شاء الله النهارده روح اعمل ecg لنفسى

يلا يا جماعه كل واحد لازم يعمل لنفسه basic ecg

ونلقاكم ان شاء الله

و فى نفسى معادنا اللى خلاص ثبتناه

كل يوم اثنين

الساعه 11

الباطنه التخصصى

الدور الارضى القاعه امام الاستقبال

الى اللقااااااااااااااااااء

د / مادح محمد
06-16-2009, 02:07 AM
السلام عليكم

قصه حزينه

::

::

::

مش عارف ابدا منين

::
::
::


رحت النهارده على معادى لدكتور مسالك

المهم

المساعد بتاعه

شاب كدا ماشاء الله وسيم جدا

يعنى شكله كدا اصغر منى بسنتين او ثلاثه

لقيته بيقولى انت شغال على دوا ايه يا دكتور ؟

قلتله : دوا ضغط ودوا مضاد حيوى

قالى طيب وادويه الكبد ؟

قلتله لا

قالى خلاص

قلتله انت بتسال ليه ؟

قالى اصلى مريض وكنت هسالك على دوا كده

قلتله انا دكتور مش صيدله زى ما انت فاكر

قالى بجد !!!

وابتسم

وحكالى الحكايه

::
::
::


وياريته ما حكالى

:
:
:
:


قالى انا كنت بحلق شعرى

والحلاق عورنى

وكان بردو عور اللى قبلى

( عادى مهما علطول بيعورونا )

بعد فتره روحت حللت

عملت elisa وكمان PCR

وكانت النتيجه ايجابيه !!!

وانا دلوقتى مريض كبد فيروس سى

قلتله شفاك الله وعافاك

وبالفعل شفت ال PCR بتاعته فعلا ايجابيه

مصيبه

الحلاقين يا جماعه منهم ناس جهله بجد

انا قبل ما اشترى ادوات الحلاقه الخاصه بيا

كنت اخلى الحلاق يغير الموس قدامى

ولو ماختش بالى منه وهو بيغير الموس

بخليه يغيره تانى


تعرفوا انا مره بحلق لقيت الحلاق بيقولى

يا دكتور هو انت ليه بتخلينى اغير الموس قدامك كل مره
قلتله لان الموس لو انت استخدمته لمريض

وبعدين استخدمته لشخص سليم

هتعدى السليم

قالى مش لو عورته ؟؟؟

قلتله اه

قالى طيب لو عورته بقه

!!!!!!!!!!!!!!!!!!

هو انت مستنى لما تعوره

و دا ليه عشان موس بعشر قروش !!!!

بس هو الجهل وقله الضمير

يا جماعه خدوا بالكوا

وارجوكم كل واحد يشترى ادوات الحلاقه الخاصه بيهو هى عباره عن 3 انواع من الامشاط

و مقص

و شفره حلاقه

و فرشه

و فوطه حلاقه

عافاكم الله

اللهم اشفى مرضانا

انا نفسى عندى ادواتى الخاصه لما بروح بديها للحلاق ويحلق لى بيها

بس انا مشفتش حد تانى بيعمل كدا

د / مادح محمد
07-29-2009, 11:51 PM
انتظروا الحلقه القادمه

مفيش حاجه تمنعه عن الصلاه

قصه عايشتها بنفسى

بالفيديو

د أحمد سمير
07-30-2009, 08:17 AM
انا نفسى عندى ادواتى الخاصه لما بروح بديها للحلاق ويحلق لى بيها

بس انا مشفتش حد تانى بيعمل كدا
انتا عندى حق يا د مادح

بس بصراحة أنا بتكسف أعمل كده عشان مبشوفش حد خالص بيعمل كده برده

خاصة بعد ما اشتغلت على طول بيجى على ايدى دم

سواء و انتى بتدى حقنة أو بتركب كانيولا و ساعات كمان بتشك و انا بعمل الغرز

فبقول مجتش على الحلاق يعنى

ربنا يستر

د / مادح محمد
07-30-2009, 05:43 PM
تنكسف ايه يا دكتور احمد ؟

دا كلام

كمان ما شاء الله انت قلبك جامد اوى تنشك ودم يجى على ايدك

طيب خاف بقى تعدى الناس اللى تيجى عند الحلاق وهاتلك ادوات ^ - *

د أحمد سمير
07-30-2009, 06:47 PM
طيب خاف بقى تعدى الناس اللى تيجى عند الحلاق وهاتلك ادوات ^ - *

اههههههههههههههههههههه

و هما ميجبوش ليه ؟

و أنا هخاف عليهم أكتر من نفسهم ؟

صلاح الدين الأيوبى
07-30-2009, 08:17 PM
اههههههههههههههههههههه

و هما ميجبوش ليه ؟

و أنا هخاف عليهم أكتر من نفسهم ؟


معلش بقى يا دكتور

انت بتقبض بقه من الجامعه الفين وستميت جنيه ها بيهم ^ - ^

د أحمد سمير
07-31-2009, 12:29 AM
معلش بقى يا دكتور

انت بتقبض بقه من الجامعه الفين وستميت جنيه ها بيهم ^ - ^

اهههههههههههههه

لأ كلكم تعليقاتكم جميلة بصراحة

أنا لو بقبض نص الفلوس دى كنت هشترى لنفسى ماكنة حلاقة بالكهربا

و مروحش للحلاق خاااااالص

د / مادح محمد
07-31-2009, 01:47 PM
السلام عليكم ورحمه الله وبركاته



مفيش حاجه تمنعه عن الصلاه



يوم من الايام طلب منى صديق ان اقوم بعمل حجامه

( Cupping Therapy ) لوالدته


لانها تشكو من خشونه الركبه ( osteoarthritis )


بالفعل ذهبت الى الحى الذى يسكنون فيه فى الميعاد


اتفقت معه ان نتظره بجوار المسجد الذى يقع فى حيهم

( مسجد التوحيد بالمنصوره )

تأخر صديقى قليلا

كانت حراره الشمس اظنها تصل للغليان ..

هذا ما كنت اشعر به

قلت ادخل المسجد ( فى الظل ) انتظره بالداخل

كان نفسى اشرب شويه ميه ساقعين فى الحر ده

لكن مشربتش لان الكبايه اللى قدام الكولدير

الناس كلهم بيشربوا منها

و معرفتش ادخل الى مكان الوضوء عشان اشرب

اصل الشراب كان هيتبل

وبصرحه بقه انا مكسل اقلع الشراب

ركنت ظهرى على الحائط .. ثم املت برأسى عليه ايضا

........

..... تأملت ... تذكرت .....

تذكرت اجمل أيام عمرى

ايام الاعداديه لما كنت باجى هنا فى المسجد ده

واحضر دروس الشيخ محمد حسان

والشيخ محمد حسين يعقوب

و الشيخ ابو اسحق الحوينى

و الشيخ مصطفى العدوى


ياه ايام جميله


شويه شفت راجل كبير فى السن

يسير على عكازين ويدخل المسجد

فى خطوات بطيئه ... واثقه ... حانيه

حاول ان يجلس على الارض لكن كان يواجه صعوبه ما

قمت من مكانى وساعدته فى ان يجلس

لكنى لاحظت ان حركته أبطأ مما اتوقع

المهم الحمد لله جلس - فى النهايه - على الارض

ثم تقهقرت خطوات للخلف

وراقبته ... لا ادرى لماذا

وانا اراقبه لاحظت انه يفعل شيئا غريبا

رفع جلبابه ...

ظهرت قدماه من اعلى

( لكنه كان يرتدى بنطال بالاسفل )

بس مش ده الغريب

الغريب انى لقيته بيفك حزام من على فخذه

ترقبت ....

وترقبت !!!

فاذا به بعد ان فك الحزام الذى يحيك بفخذه

بانه خلع ساقه بالكامل من مكانها

يا الله

هذه اول مره ارى مثل هذا المنظر

لقد كانت ساق صناعيه

فكها وجر نفسه ..

وذهب الى رجل على عد عده امتار

وصلى معه فى جماعه

سبحان الله

سالت نفسى

ياترى ايه للى خلاه يجى فى الحر ده

وهو بطئ الحركه بالشكل ده

عشان يصلى هنا

قلت فى نفسى

والله ما اظن الا

الا انه يجد حلاوه ى فعل هذا

حلاوه فى ان يذهب للمسجد

و يتمتع بان يضع جبهته على الارض ويقول سبحان ربى الأعلى

ياااااااااااااه

كم منا من اتاه الله ساقين

قويتين

لا تكفى فقط لحمله

بل يستطيع ان يحمل بهما مثل هذا الرجل الطيب

لكن منعته قسوه قلبه من ان يدخل المسجد

ويحافظ على الصلاه

ترى ماذا سيكون حسابهم ؟؟؟؟؟؟؟؟؟

الم يسمع الحديث ... { إن بين الرجل والكفر والشرك ترك الصلاة } [رواه مسلم






أهمية الصلاة في حياة المسلم






للصلاة في دين الإسلام أهمية عظيمة، ومما يدل على ذلك ما يلي:

1 - أنها الركن الثاني من أركان الإسلام.

2 - أنها أول ما يحاسب عنه العبد يوم القيامة؛ فإن قُبلت قُبل سائر العمل، وإن رُدَّت رُدَّ.

3 - أنها علامة مميزة للمؤمنين المتقين، كما قال تعالى: وَيُقِيمُونَ الصّلاةَ [البقرة:3].
4 - أن من حفظها حفظ دينه، ومن ضيّعها فهو لما سواها أضيع.
5 - أن قدر الإسلام في قلب الإنسان كقدر الصلاة في قلبه، وحظه في الإسلام على قدر حظه من الصلاة.
6 - وهي علامة محبة العبد لربه وتقديره لنعمه.
7 - أن الله عز وجل أمر بالمحافظة عليها في السفر، والحضر، والسلم، والحرب، وفي حال الصحة، والمرض.
8 - أن النصوص صرّحت بكفر تاركها. قال : { إن بين الرجل والكفر والشرك ترك الصلاة } [رواه مسلم]. وقال: { العهد الذي بيننا وبينهم الصلاة؛ فمن تركها فقد كفر } [رواه أحمد وأهل السنن بإسناد صحيح]، فتارك الصلاة إذا مات على ذلك فهو كافر لا يُغَسّل، ولا يُكَفّن، ولا يُصلى عليه، ولا يُدفَن في مقابر المسلمين، ولا يرثه أقاربه، بل يذهب ماله لبيت مال المسلمين، إلى غير ذلك من الأحكام المترتبة على ترك الصلاة









هذا الفيديو الذى صورته للرجل الطيب الذى كان فى المسجد





http://dc143.4shared.com/download/113498430/41cd5dc7/____.mp4?tsid=20090731-082127-567c21ed



للتحميل


http://www.4shared.com/file/113498430/41cd5dc7/____.html







أننسى فرش التراب الذى يوما ما سيغطينا ؟؟


فلاش فرشى التراب



http://www.muslimvideo.com/tv/watch/947c9e32981e4ae4fc6a/فرشي-التراب---فلاش





فيديو كليب فرشى التراب


http://www.youtube.com/watch?v=_m9CC2gsDLg








ثم اترككم مع بض الصور

اللى مبيصليش

بيتهيقلى اللى مش بيصلى هيحس انه الوحيد اللى مش بيصلى

ربنا يهدينى ويهديك

فكلنا ذو خطأ




http://img234.imageshack.us/img234/8420/secret2fr.jpg


http://img220.imageshack.us/img220/3513/save0053wa.jpg


http://img61.imageshack.us/img61/5452/save0024ck.jpg


http://img358.imageshack.us/img358/6224/safe0072kf.jpg

http://img358.imageshack.us/img358/8215/save343243343mn.jpg


http://img358.imageshack.us/img358/7516/safe0084xo.jpg


http://img68.imageshack.us/img68/2693/save03498tb.jpg

http://img140.imageshack.us/img140/5159/dfhgh8bo.jpg


http://img101.imageshack.us/img101/8683/saveewr343431rw.jpg


http://img358.imageshack.us/img358/5050/save034324381el.jpg


http://img140.imageshack.us/img140/4128/aftertheearthquake7uv.jpg




مصدر الصور
http://www.55a.net/firas/arabic/?page=show_det&id=1044&select_page=17





والى لقاء اخر ياذن الله

و مذكرات Mdical Rep

د. مادح محمد جادو

د / مادح محمد
08-10-2009, 01:22 AM
السلام عليكم ورحمه الله وبركاته

باركولى يا جماعه



عروسه وشقه وعربيه وباباها ومامتها اساتذه فى الجامعه




السوبر فايزور بتاعى فى الشركه طلب انه ينزل معايا فى دبل فزت

رتبنا يوم ونزلنا مع بعض نزور الاطباء

اول واحد دخلناله دكتور محمود بازيد ( الرجل المحترم " الحاج اللى وصلنى للجامع فاكرين " )

انا لسه داخل لقيت الدكتور قالى : اهلا صديقى

ابتسم السوبر فايزور اوى

المهم سلمت على الدكتور محمود وكده وقلتله اخبار الدواء بتاعنا ايه يا دكتور ؟

قالى بحبه وبكتبه عشان خاطرك بس سيبك انت من الدواء

قالى : انت متجوز :؟

قلتله : لا



قالى طيب بص يا سيدى انا عندى ليك عروسه !!!!

انا بحلقت .. وسكت

قالى العروسه بنت واحد زميلى ( استاز فى الجامعه )

ووالدتها كمان استاذه فى الجامعه
وعندها الشقه والعربيه
واخواتها الاتنين دكاتره
هم بس لهم شرط واحد
انه يكون راجل محترم يحافظ على بنتهم
ومبيهتموش بالناحيه الماديه ابدا لانهم اغنيه جدا

بصراحه مردتش عليه ... بحلقت بردو

مش عارف ارد اقول ايه اصلا

انا جاى اتكلم فى دواء

وعارف ان السوبر فايزور بتاعى جاى عشن يشوف انا بشتغل كويس ولا لا

ودا كل تركيزى

قوم بقه الدكتور يفاجانى بحاجه زى كده !!!

فبصراحه مردتش عمال ابحلق بس هههههههههههه

قام السوبر فايزور بتاعى قاله والله عروسه كويسه خلاص يشوفها انا شاء الله

اول ما قال اشوفها ... فقت

وقمت مبتسم ابتسامه عررررررررريضه

وشكرت الدكتور على زوقك يا دكتور

قام قالى شوف كده ورد عليا

قلتله حاضر يا دكتور افكر ان شاء الله واصلى استخاره وارد على حضرتك

لما نزلنا

السوبر فايزور ساب الشغل والدواء وكل حاجه وقعد يقنعنى بالعروسه

وانها فرصه وانى لازم هشوفها

مردتش .. قعدت مبحلق بردو ....

وسرحت شويه .....

ومشيت فى صمت .....

وقلت سبحان الله ...

كل ده عشان مره سبت فيها الشغل ورحت اصلى ...
ولا الاستاذ الدكتور اللى مش مهتم باى ماديات وعاوز واحد بس يحافظ على بنته ....

الدنيا لسه بخير ...

والى حلقه اخرى من مذكرات medical rep.
د / مادح محمد

المظفر قطز
08-10-2009, 02:10 AM
الف مبروك يا دكتور و ربنا يوفقك الى ما يحبه و يرضاه ان شاء الله




:

أبو عبيدة
08-10-2009, 04:22 PM
بوركت اخي الحبيب

من ترك شيئا لله عوضه الله خيرا منه

بس بقوللك ايه :

ياريت لو عندها اخت ابقي كلمني علي طول

مش عارف فاكر موضوع " ابحث عن زوجة " ولا لأ

إن شاء الله ابقي اكتبه تاني

يسر الله لي ولك

وللمسلمين

وأسأل الله ان ييسر الزواج لجميع شباب وفتيات المسلمين

آمين

والحمد لله رب العالمين

د أحمد سمير
08-10-2009, 10:15 PM
مبارك ليك على العروسة يا د مادح

متنساش تعزمنا فى الفرح بقه إن شاء الله

و الله انتا شكلك انتا و أبو عبيدة هتخلونى أكتب مذكراتى أنا كمان اههههههه

حاكم الواحد ما بدأ يمارس الطب ده و هوا بيشوف حاجات عجييييبة

د / مادح محمد
08-12-2009, 01:28 AM
السلام عليكم

دكتور / المظفر قطز

اول ما شفت كلمه الف مبروك اتخضيت ههههههههههه
اصلى كنت رافض فكره انى اروح لبنت لمجرد انها بنت استاذ جامعى وعندها عربيه وشقه
انا لى تفكير اخر ....
وده اللى مجنن المدير بتاعى فى الشركه وكل زملائى بيقولولى انى لازم انتهز الفرصه دى والا هيروحوا هم هههههههههه

وبصراحه لما شفت كلمه الف مبروك اللى انت كتبتها ... قلت طب له مصليش استخاره

ربنا يسهل


حبيبى أبو عبيدة

والله يا ابو عبد انا لسه مرحتش بس لو ليها اخت هقولك ان شاء الله ( دا لو رحت )

ياريت تكتب موضوعك تانى انا واثق انى هستفيد منه جدا

العسل د احمد سمير

الله يبارك فيــــــــــــــــــــك .... اوعدك لو حصل هعزمك يا بو حميد عشان اشوفك

بقولك ايه ابعتلى على ايميلى صورتك انا واثق انك هتكون شكل طه سمير صديقى

انا مستنى مذكراتك انا واثق انها هتبقى روووووعه كفايه ردود فعلك بس هههههههههه

alhendy
08-14-2009, 01:50 PM
- بجد يا دكتور مادح أنا بموت فيك فى الله بجد من غير ما أشوفك حبيتك فى الله.
- ( زار رجل أخا له في قرية , فأرصد الله له ملكا على مدرجته , فقال : أين تريد ؟ قال : أخا لي في هذه القرية , فقال : هل له عليك من نعمة تربها ؟ قال : لا إلا أني أحبه في الله , قال : فإني رسول الله إليك أن الله أحبك كما أحببته ) رواه مسلم 2576
عن ابن عمر قال : فإنك لا تنال الولاية إلا بذلك ولا تجد طعم الإيمان حتى تكون كذلك.

ذكرت من في الله قد أحببتهم -- ونالوا من الذكرى في البال نصيب
قد شغلوا الفؤاد والروح بطيبتهم -- وأشعلوا في القلب من الحب لهيب
مالي قد عشقت أن أكون بصحبتهم -- وتناسيت سنين عمر قد مر صعيب
هو القدر وحده جمعـــــنا بنظرتهم -- ومنها أشعل في النفس هوىً رهيب
فهل يا ترى أحست بنا مشاعرهم -- أم الفؤاد ناداهم ولا من مجيب
عشقتهم .. بالله قد أقسمت بعمق محبتهم -- وفي الله حبهم .. والحب في الله طريب
قد أيقنت محال أن يكون لنا قربهم -- ولسنا عشاقهم ولا القلب منا قريب
ولكن هو القلب وما يهوى غيرهم -- قريب كان هواهم أم لهم في الهوى صحيب
سأبقيهم في القلب وأعيش ما بقي لي من العمر في مودتهم
ولن يطال من مكانتهم سوى الموت والدمع لشوقنا صبيب

- بجد أنت صحيت فيّا حاجات كتير و اتعلمت من مذكراتك حاجات أكثر و أكثر ، و مواضيعك فى المنتدى أكثر بكثير من روعة.
ربنا يكرمك فى دينك و دنياك و آخرتك و ربنا يرزقك بالزوجة الصالحة يارب،،
والله كل الكلام من أعمق أعماق قلبى و الله على ما أقول شهيد

أتمنى و أتعشم - معلش انا لشة صغير شويتين- أن تقبلنى صديق
أخوك فى الله / محمد احمد الهندى-تانية طب الأزهر- بلبيس - الشرقية
- على فكرة مش عارف هل كل المنصورة كده- بجد كل ما أعرف حد من المنصورة أحبه مش عارف ليه فيهم حاجة لله كده والله-
أنا آسف جدا جدا طولت عليك ،،،:wfk:

محمد القاضي
08-14-2009, 10:35 PM
دكتور ماااااااااادح

مش هاقدر اقولك غير حاجيتن

انا بغبطك بأساتذتك اللي فعلا قدوة واللي بنفتقدهم عندنا

ثانيا يسعدني اني اكون تلميذك في مشروع نحو القمة

اخر حاجة بقى انتا فعلا اكدت ليا اني على حق علشان بكره الكلية

معلش طلعوا 3 حاجات بس

طبعا منساش اقولك ان المذكرات جميلة اووووي ما شاء الله

د/محمد عزت
08-15-2009, 02:05 PM
باركولى يا جماعه



عروسه وشقه وعربيه وباباها ومامتها اساتذه فى الجامعه


لو طلعت محترمة يادكتور مادح
تبقى غلطان
لو ضاعت منك الفرصة دى
حد لاقى يا عم
أناكده هغير رأيى فى شغلة الريب
الشركة بتاعتوك مش محتاجة ريب فى الزقازيق
يمكن نلاقى عروسة زى دى
ربنا يوفقك
لو عندك أمكانيات صلى استخارة
وتقدم وربنا يوفقك

د / مادح محمد
08-16-2009, 12:21 AM
- بجد يا دكتور مادح أنا بموت فيك فى الله بجد من غير ما أشوفك حبيتك فى الله.


- ( زار رجل أخا له في قرية , فأرصد الله له ملكا على مدرجته , فقال : أين تريد ؟ قال : أخا لي في هذه القرية , فقال : هل له عليك من نعمة تربها ؟ قال : لا إلا أني أحبه في الله , قال : فإني رسول الله إليك أن الله أحبك كما أحببته ) رواه مسلم 2576
عن ابن عمر قال : فإنك لا تنال الولاية إلا بذلك ولا تجد طعم الإيمان حتى تكون كذلك.

ذكرت من في الله قد أحببتهم -- ونالوا من الذكرى في البال نصيب
قد شغلوا الفؤاد والروح بطيبتهم -- وأشعلوا في القلب من الحب لهيب
مالي قد عشقت أن أكون بصحبتهم -- وتناسيت سنين عمر قد مر صعيب
هو القدر وحده جمعـــــنا بنظرتهم -- ومنها أشعل في النفس هوىً رهيب
فهل يا ترى أحست بنا مشاعرهم -- أم الفؤاد ناداهم ولا من مجيب
عشقتهم .. بالله قد أقسمت بعمق محبتهم -- وفي الله حبهم .. والحب في الله طريب
قد أيقنت محال أن يكون لنا قربهم -- ولسنا عشاقهم ولا القلب منا قريب
ولكن هو القلب وما يهوى غيرهم -- قريب كان هواهم أم لهم في الهوى صحيب

سأبقيهم في القلب وأعيش ما بقي لي من العمر في مودتهم

ولن يطال من مكانتهم سوى الموت والدمع لشوقنا صبيب

- بجد أنت صحيت فيّا حاجات كتير و اتعلمت من مذكراتك حاجات أكثر و أكثر ، و مواضيعك فى المنتدى أكثر بكثير من روعة.
ربنا يكرمك فى دينك و دنياك و آخرتك و ربنا يرزقك بالزوجة الصالحة يارب،،
والله كل الكلام من أعمق أعماق قلبى و الله على ما أقول شهيد

أتمنى و أتعشم - معلش انا لشة صغير شويتين- أن تقبلنى صديق
أخوك فى الله / محمد احمد الهندى-تانية طب الأزهر- بلبيس - الشرقية
- على فكرة مش عارف هل كل المنصورة كده- بجد كل ما أعرف حد من المنصورة أحبه مش عارف ليه فيهم حاجة لله كده والله-

أنا آسف جدا جدا طولت عليك ،،،:wfk:



حبيبى فى الله و صديقى العزيز د / محمد احمد الهندى / بلبيس الشرقيه

احبك الذى احببتنى فيه

اسال الله العظيم ان يجمعنى انا وانت فى ظله يوم لا ظل الا ظله
واسال الله العظيم ان يرضى عنك ويرضيك وان يدخلك الجنه بغير حساب
عشان تاخد اخوك المسكين معاك

جزاك الله خيرا على كلماتك الرقيقه واسلوبك الرفيع ..
سامحنى انا لا امتلك اسلوبا مثلك ...
نورت موضوعى يا دكتور


و اخيرا اذكرك بانى فى امس الحاجه لدعائك
بالهدايه
وزوجه صالحه
وان اكون مسلم قوى
وبحسن الخاتمه
وان ادفن فى المدينه المنوره

كما اسالك ان تدعوا لامى وابى وللمسلمين

د / مادح محمد
08-16-2009, 12:49 AM
دكتور ماااااااااادح

مش هاقدر اقولك غير حاجيتن

انا بغبطك بأساتذتك اللي فعلا قدوة واللي بنفتقدهم عندنا

ثانيا يسعدني اني اكون تلميذك في مشروع نحو القمة

اخر حاجة بقى انتا فعلا اكدت ليا اني على حق علشان بكره الكلية

معلش طلعوا 3 حاجات بس

طبعا منساش اقولك ان المذكرات جميلة اووووي ما شاء الله


حبيبى د محمد القاضى
منور الموضوع يا دكتور
بلاش الكلام الكبير ده يا دكتور
استاذنك بس فى لنك الموضوع
ياترى انا اكدتلك اييييييييييييييييييه؟

د / مادح محمد
08-16-2009, 06:03 PM
لو طلعت محترمة يادكتور مادح
تبقى غلطان
لو ضاعت منك الفرصة دى
حد لاقى يا عم
أناكده هغير رأيى فى شغلة الريب
الشركة بتاعتوك مش محتاجة ريب فى الزقازيق
يمكن نلاقى عروسة زى دى
ربنا يوفقك
لو عندك أمكانيات صلى استخارة
وتقدم وربنا يوفقك

والله يا دكتور محمد
انا مش متشجع اوى للموضوع ده
يعنى مش كونها بنت استاذ فى الجامعه وعندها شقه وعربيه يخلينى افكر فيها
يعنى .... انا ليا تفكير تانى ..... وعندى حاجت تانيه اهم

بتتكلم عن امكانياتى ؟؟
وهى العروسه دى محتاجه امكانيات يا دكتور
دى عندها الشقه والعربيه ناقص بس يبقى عندها العريس ههههههههههههه

سبحانك يارب

وفى هذا التوقيت

لو ضاعت منى الفرصه دى ... هيجيلى نصيبى ...
مش كده بردو ؟ -_*

*****
المهم مش كده بردو ايه رايك فى ميديكال رب
تابع انت بس الاعلانات فى اهرام الجمعه وانت تلاقى ان شاء الله

محمد القاضي
08-16-2009, 06:06 PM
حبيبى د محمد القاضى
منور الموضوع يا دكتور
بلاش الكلام الكبير ده يا دكتور
استاذنك بس فى لنك الموضوع
ياترى انا اكدتلك اييييييييييييييييييه؟



مش فاهم حضرتك عايز مني ايه يا دكتور مادح

ممكن توضح؟؟

د / مادح محمد
08-17-2009, 12:43 AM
كنت اقصد موضوع نحو القمه
بس خلاص انا لقيته خلاص
اشوفك هناك ان شاء الله

رميساء
08-19-2009, 02:35 AM
مذكرات حلوه ماشاء الله
ربنا يكرمك ويبارك لك
جزاكم الله خيرا

د / مادح محمد
08-19-2009, 10:03 PM
رميساء

و جزاكم مثلى دكتوره شرفنى مرورك

rosethorn
08-30-2009, 07:28 PM
السلام عليكم دكتور مادح جزاكم الله خيرا على الموضوع انا ارسلت لحضرتك استفسار اطلب فيه رايك بخصوص سؤال لى فى هذا الموضوع فى رساله ولم اتلق رد حتى الان وشكرا

د / مادح محمد
08-30-2009, 07:52 PM
السلام عليكم دكتور مادح جزاكم الله خيرا على الموضوع انا ارسلت لحضرتك استفسار اطلب فيه رايك بخصوص سؤال لى فى هذا الموضوع فى رساله ولم اتلق رد حتى الان وشكرا

السلام عليكم
انا دخلت على الميل دكتوره ملقتش رسائل
ياريت حضرتك تعيدى ارسالها ( على الهوتميل )
معذرةً

hossama
09-08-2009, 07:22 PM
بجد بجد بجد انت شخصيه رائعه جدااااااااا
وقراءت كل المذكرات لذيذة اووووووووووووى من شخص لذيذ
وبالنسبه لموضوع العروسه روح شوفها اولا ولو انت ارتحت ليه نفسيا توكل على الله

د / مادح محمد
09-09-2009, 06:11 AM
بجد بجد بجد انت شخصيه رائعه جدااااااااا
وقراءت كل المذكرات لذيذة اووووووووووووى من شخص لذيذ
وبالنسبه لموضوع العروسه روح شوفها اولا ولو انت ارتحت ليه نفسيا توكل على الله


الله يكرمك يا دكتور
ايه الكلام الحلو ده بس
انت اللى لذيذ وطعمك حلو كمان -__*
جزاك الله خيرا على زوقك

بالنسبه للعروسه لا .. الفلوس والمركز الاجتماعى ( مش بيبهرونى )
حاجات تانيه اللى بتبهرنى
عموما بقه ياعسل انا عاوز منك دعوه بجد بالهدايه والزوجه الصالحه
ممكن ؟

hossama
09-09-2009, 08:03 AM
الله يكرمك يا دكتور
ايه الكلام الحلو ده بس
انت اللى لذيذ وطعمك حلو كمان -__*
جزاك الله خيرا على زوقك

بالنسبه للعروسه لا .. الفلوس والمركز الاجتماعى ( مش بيبهرونى )
حاجات تانيه اللى بتبهرنى
عموما بقه ياعسل انا عاوز منك دعوه بجد بالهدايه والزوجه الصالحه
ممكن ؟


:gzak:

:faces705:بما ءننا اخوات مرتين المرة الاول لاننا مسلمين والمرة التانيه اننا اخوات فى الدعايه
فاللهم ارزقه وارزقنى جنه فى الدنيا وجنه فى الاخرة جنه الدنيا (اى زوجه صالحه)
اللهم امين

فاطمة خالد
09-10-2009, 05:13 AM
موضوع جميل جدا...بجد انا زعلانة لاني جيت متأخرة...
وفقكم الله د-مادح...

همسه هادئه
09-19-2009, 01:31 AM
ربنا يكرمك يادكتر

جميله اوي الذكريات دي

بجد بتبقي مواقف جميله للواحد بفرحها وحزنها ( دكتور عسووووووووول خالص ) عمك الحاج

د / مادح محمد
09-24-2009, 07:06 PM
:gzak:

:faces705:بما ءننا اخوات مرتين المرة الاول لاننا مسلمين والمرة التانيه اننا اخوات فى الدعايه
فاللهم ارزقه وارزقنى جنه فى الدنيا وجنه فى الاخرة جنه الدنيا (اى زوجه صالحه)
اللهم امين

جزاك الله خيرا
زيى طلعت زميل !!!
شركه ايه ؟
بتشتغل فين ؟

موضوع جميل جدا...بجد انا زعلانة لاني جيت متأخرة...
وفقكم الله د-مادح...

جزاكى الله خيرا دكتوره نورتى الموضوع

ربنا يكرمك يادكتر

جميله اوي الذكريات دي

بجد بتبقي مواقف جميله للواحد بفرحها وحزنها ( دكتور عسووووووووول خالص ) عمك الحاج


جزاكى الله خيرا دكتوره
فعلا الدكتور مواضع جدا ماشاء الله ربنا يهدى احبابه ( هو قالى ادعيلى بكده )

انا شوفت اسم الموضوع دة كتيير بس ماكنتش اعرف انها مذكرات حقيقية
فعلا مزكرات حقيقيه

وبعدين طفل يقول لحضرتك بابا ووالدة الشاب المتوفى تقول ان حضرتك تشبهة
هو حضرتك مجمع اشكال الشعب المصرى كله ولا ايه

ههههه مش عارف


لما تيجى طنط تشوف حضرتك ان شاء الله ابقى خليها يادكتور توريك صورة ابنها
هى مجتش ولا كلمتنى من يومها بصراحه

وحكاية الدكتور اللى ورى حضرتك مكان الجامع دى بقى مضحكة شوية لو حصلت معايا اول مااشوف الدكتور فى العيادة هنزل جرى
مكتش هعرف اجرى اصله وقف على لباب شويه يسلم على الناس

والرجل اللى له ساق صناعية والله من ساعة ماقريت القصة دى(انا كنت بصلى الفرض بعديه بساعة ولا حاجة)بقيت اول مااسمع الاذان اقوم اصلى ولو كنت فى الشارع بشوف اى جامع اروح اصلى فيه(لان هو مش قادر يمشى ورايح يصلى فى الجامع وانا قاعدة فى بيتنا وباخر الصلاة(حضرتك خدت حسنات فيه اهة)
الحمد لله بجد فرحتيى .. ياريت بقه تفتكرى وتدعيلى فى السجود بان يرزقنى الله الصدق .. والزوجه الصالحه

وحكاية ان الداكترة معاملتهم جميلة فعلا فى داكترة كويسين جد(فىاستاذ دكتور جراحة تجميل كبير عندنا كانت واحدة قريبتى رايحة تعمل عملية تجميل بسيطة لما عرف انى طالبة فى الكلية عاملها فى الجامعة مجانا مع انه ماكنتش محطوطة فى جدو ل العمليات وقعد يشرحلى وشخص محترم بجد وماكنتش مصدقة نفسى)ودكاترة تانية ربنا يسهلها ليهم بقى غير كدة خالص
ماشاء الله عمليه بحالها مجانا !!
انا اكتر حاجه حصلتلتى انه رد الكشف بس


ومنتظريين باقى المذكرات واسفة على الاطالة

نوتى الموضوع دكتوره

حبيبة الطب
09-24-2009, 08:43 PM
السلام عليكم ورحمة الله وبركاته
انا قريت الموضوع من اول كلمه لاخر كلمه
وبجد مش عارفه اقول ايه
ضحكت في الاول وبكيت في الاخر

جزاكم الله خيرا
ورزقكم الهدايه والزوجه الصالحه

د / مادح محمد
09-27-2009, 08:38 PM
السلام عليكم ورحمة الله وبركاته
انا قريت الموضوع من اول كلمه لاخر كلمه
وبجد مش عارفه اقول ايه
ضحكت في الاول وبكيت في الاخر

جزاكم الله خيرا
ورزقكم الهدايه والزوجه الصالحه


انا سعيد ان حضرتك قراتى الموضوع كله بالشكل ده
واسف انى تسببت فى بكائك
وجزاكى الله خيرا الف مره على دعائك
اتمنى تكررى الدعاء لى !

hossama
10-12-2009, 11:07 AM
حسام
شركه برج للصناعات الدوائيه
الغربيه المحله الكبرى

د / مادح محمد
11-02-2009, 11:20 AM
السلام عليكم

بجد وحشتونى
شوفوا بقه انا خلاص قدمت استقالتى فى شركه الادويه
متخافوش لقيت شغل ( او انا المسئول عن شغل ) بس بعيد عن الدعايه
الحمد لله
وناوى اكمل فيه ان شاء الله الى جانب دراسه الطب
بس مذكراتى هنا ان شاء الله هتكون مستمره ولكن بتعديل المسار شويه

انتظرونى هنا ... و رحلتى الى اليابان

Medicalawy
11-12-2009, 07:52 PM
جزاك الله كل خير

د / مادح محمد
11-14-2009, 08:58 AM
جزاك الله كل خير

وجزاكم مثلى دكتور
:barak:

حبيبة الطب
11-14-2009, 01:01 PM
السلام عليكم

بجد وحشتونى
شوفوا بقه انا خلاص قدمت استقالتى فى شركه الادويه
متخافوش لقيت شغل ( او انا المسئول عن شغل ) بس بعيد عن الدعايه
الحمد لله
وناوى اكمل فيه ان شاء الله الى جانب دراسه الطب
بس مذكراتى هنا ان شاء الله هتكون مستمره ولكن بتعديل المسار شويه

انتظرونى هنا ... و رحلتى الى اليابان

we are waiting

حبيبة الطب
11-14-2009, 01:08 PM
عفوا يا دكتور
انا ما اعرفش ان حضرتك عملت موضوع مستقل عن رحله اليابان
انا هاتابع الموضوع هناك

وبالتوفيق ان شاء الله

د / مادح محمد
12-13-2009, 10:02 PM
شكرا لمرورك د حبيبه

رفقة
01-01-2010, 12:02 AM
بارك الله فيك يا دكتور الموضوع اكثر من رائع
اتمن لو تستمر

elshony
01-05-2010, 03:14 PM
ربنا يسترها عليك وعلينا من النورماندي اللي كده
مستمتعين معاك:427515:
:patch_rir:

د / مادح محمد
01-08-2010, 08:17 PM
بارك الله فيك يا دكتور الموضوع اكثر من رائع
اتمن لو تستمر

الله يكرمك يا دكتوره
مين عارف يمكن ارجع الشركه تانى :)

ربنا يسترها عليك وعلينا من النورماندي اللي كده
مستمتعين معاك:427515:
:patch_rir:

ايوه كده ادعيلى ربنا يسترها معاى
ونصيحتى متتكلمش عن الاسانسير
الاساسنسير له ودان :)

doctoorgarrah
04-18-2010, 12:03 PM
السلام عليكم يا شباب
أنا بدخل المنتدى هنا كثير بس مبكتبش مشاركات

ما شاء الله الموضوع جميل يا د مادح

أنا امتياز اسكندرية (لسه في أول شهرين)
ومتحمس اني اشتغل

أنا اساسا حابب الجراحة من زمان
وأظن ان الواحد لو اشتغل برايفت جراحة دلوقتي هيبقى شئ كويس جدا
لأن هاتعلم شغل السوق (إلى حد ما) وهجيب بعض الفلوس
بس خايف بصراحة من
hepatitis C
خصوصا ان احنا أكثر دولة في العالم فيها الفيروس ده (اتأكدو من جوجل)
وكثير من اللي بيجيلهم الفيروس بيكونو دكاترة وتمريض


وعشان كده بفكر اشتغل ميديكال رب

عموما أنا كده مده لازم ابدأ شغل خلال أسبوع بالكثير
لأن بقالي شهر ونصف في الامتياز ولسه ماشتغلتش
خصوصا ان عليا ديون لازم اسددها

معلش طولت عليكم بس عندي سؤال: الميديكال ريب مرتبه في حدود كام، والشغل بيبقى كام ساعة في اليوم؟
ولو حد عنده ملاحظات على موضوع ال hepatitis؟

وجزاكم الله كل خير

s_elkhamisy
06-15-2010, 01:21 AM
:faces705: :mghoud: