النصائح

آخر المشاركات
         :: Gom player 2017 (آخر رد :طارق الحرفوش)      :: شركة تنظيف بالرياض والدمام 0505960933 (آخر رد :السيد اسامة)      :: صدق في التعامل وسرية تامة 00905377900436 (آخر رد :ام عهود)      :: خواتم وقلادات روحانية نادرة ومخدمة00905377900436 (آخر رد :ام عهود)      :: تسهيل زواج البنات جلب الحبيب للخطبة00905377900436 (آخر رد :ام عهود)      :: رد المطلقة حل الخلافات الزوجية 00905377900436 (آخر رد :ام عهود)      :: جلب الحبيب الغائب 00905377900436 (آخر رد :ام عهود)      :: فضيلةالشيخةالروحانية((ام عبدالقادرالنعيمية))00905377900436 (آخر رد :ام عهود)      :: تعرفى على ماكينات ازالة الشعر (آخر رد :احمد احمد2017)      :: تدخين مخدر الحشيش يسبب مشاكل بالتنفس والكلام (آخر رد :lama)     


العودة   كل الطب أكبر منتديات طبية عربية 6 أعوام من العطاءAllteb 6 Years of Donation > التعليم الطبي الأساسي > الفرقة السادسة > Surgery

إضافة رد
قديم 11-21-2014, 04:47 AM   #1
انصر النبى محمد
 
تاريخ التسجيل: Feb 2013
العمر: 26
المشاركات: 691
Thanks: 30
Thanked 74 Times in 64 Posts
gift موضوع ال Glasgow Coma Scale

نقرتين لعرض الصورة في صفحة مستقلة

من الموضوعات الغلسة اللي كان الواحد حابب يعرفها
بس يجي يطبقها يحس إن الموضوع فيه defects

الموضوع هو الGlasgow Coma Scale
اقرأ ومتكسلش ,,
هتستفاد وتستمتع إن شاء الله :)

نشوفه مع الدكتور محمد الشافعي ,,
ونشوف بردو إن الGCS فيه defects وهعقب بكلمة بسيطة

عارفين ال glasgow coma scale بنعلق على كام حاجة ؟؟
3 حاجات :

• Eye open
• Verbal
• Motor
...

وإنتوا عارفين إن هما أربعة خمسة ستة ,,
( أربعة في الeye ,, خمسة في الverbal ,, ستة في الmotor )
نمسكهم واحدة واحدة

...

الeye opening ..
• لو لقيت العيان spontaneous eye open
( فاتح عينه لوحده )
<<
يأخد أربعة

• لو العيان مغمض عينه
بس لما ناديته فتح عينه
<<
يأخد تلاتة

بس فيه مشكلة في الموضوع ده ,,
ده مش معناه إن العيان لو دخلت عليه وهو نايم ,,
قولتله : يا محمد ( إيموشن واحد بينادي بصوت عالي )
راح فاتح عينيه وقالي : أيوة يا دكتور
أروح مديله تلاتة ,, لا

المقصود بيها إيه ؟؟
إن العيان نايم ,, ناديت عليه : يا محمد يا محمد ,, فتح عينه
سكت ,, راح قافل عينه تاني

he cannot maintain his eye open without persistent verbal stimulation
فاهمني ولا لا ؟؟
أول ما الصوت حواليه يسكت ,, يغمض عينيه تاني ,, مفهوم ؟؟؟
لازم أزعق يعني عشان يفتح عينيه

• طيب لو ناديت مردش ,,
روحت قارصه ( painful stimulus )
راح فاتح عينه
<<
يبقى اتنين

طبعاً إنتوا عارفين الpainful stimulation
بيبقى في الforehead ,, أو الOrbit
أو في الear lobule ( بقلم ) ,,
أو تضغط على الsternum ,,
أو الNipple
( طبعاً أسوأ حاجة الNipple ودي الطريقة اللي بتستعمل في القصر العيني )

• لو العيان مستجابش حتى للpain
<<
يأخد واحد

مفيش عندنا حاجة اسمها Zero
مفهوم ؟؟

.......

نيجي للitem التاني ,,
الverbal communication ,,
• لو العيان Oriented for time, place and persons
<<
يأخد خمسة
تقوله :
اسمك إيه ؟؟ محمد
ساكن فين ؟؟ في السيدة
عندك كام سنة ؟؟ 42 سنة
النهاردا إيه ؟؟ الجمعة
أنا مين ؟؟ إنت الدكتور
يأخد خمسة

• لو disoriented for time, place and persons
<<
يأخد أربعة
تسأله :
إحنا فين ؟؟ في دوار العمدة ( وهو في المستشفى )
أنا مين ؟؟ إنت الحج حسن
طب ,, مين الواد ده ( إبنه ) ؟؟ يقولك : معرفش

disoriented for time, place and persons
يأخد أربعة

• لو بيقول كلمات ,,
لكن مش جمل
بمعنى تلاقي العيان نيمان في السرير ,, خزنة ,, واد ,, العربية
كلام ملوش دعوة ببعضه ,, فاهمني ولا لا ؟؟
ده يأخد كام
<<
تلاتة

• لو العيان بيقول sounds ,,
لكن مش كلمات
يعني امممم ,, أأأأأه ,, هاااااااااا
<<
يأخد اتنين

• لو no sounds
<<
يأخد واحد
مفيش عندنا zero

....

الmotor ,,
الدكتور علوان للأسف فيه غلطة ,,
باديء من خمسة ,, المفروض نبتدي من ستة
• Spontaneous movement
( العيان بيتحرك لوحده )
<<
يأخد ستة

• لو بيتحرك in respond to verbal commands
<<
يأخد خمسة

يعني إيه in respond to verbal commands ؟؟
المقصود بيها إن العيان نيمان ,,
يا محمد ( بإيموشن بيزعق ) فتح عينه ,,
قولتله : ارفع إيدك ,, راح رافع إيده
سكت ,, راح مغمض عينه ,, ومنزل إيده تاني
ميقدرش ي maintain الMotor response
<<
إلا ب persistent verbal stimulation

• لو مستجابش للverbal ,,
واستجاب للpain ( جيت قرصته راح زاقق ( دافع ) إيدي )
جيت أقرصه من هنا ,, يروح زاقق إيدي
( دي اسمها localization of pain )
<<
يأخد أربعة

لكن ,,

• لو قرصت وعمل كده
( نفس الresponse )
هنا عمل flexion to pain
<<
يأخد تلاتة

• لو قرصت وعملك كده
عمل extension to pain
<<
يأخد اتنين

• لو مستجابش خالص
<<
يأخد واحد

الfully conscious person
( الnormal person
<<
بيكون 15 )

ال deep coma
<<
3

وما بينهما يتقال عليه
disturbed conscious level

الفكرة في الglasgow coma scale ,,
إنك بتقدر تتكلم مع زميلك عن طريقه
بمعنى ,, تقوله : والله العيان ده اتحسن ,,
كان glasgow
( 7 ) ,,
بقى ( 12 )

تقوله : والله العيان ده بيتدهور ,,
كان الglasgow
( 11 الصبح ) ,, دلوقتي ( 8 بعد الظهر )

بقى فيه طريقة
to assess the severity of disturbance of consciousness
أووووك ؟؟ واضح ؟؟ إن شاء الله

..

الحاجة التانية ,,
ال glasgow coma scale فيه عيب ,, عيب خطير
اللي بيّن العيب ده رأي العين ,,
نايب I.C.U.
عندنا في القصر العيني كان بيقدملي حالة

كان نايب جنيور ( نايب لسه صغير ) ,,
وكان بيقدم الحالة وهو مبقالوش شهرين في القسم
فأنا كنت مستغرب جداً

( لأن مش المفروض إن النايب يقدملي حالة إلا بعد ست شهور ,,,
يعني يقضي في القسم ست شهور وبعدين يبتدي يقدم حالات )

بس عرفت بعد كده إن ده كان مقلب من النايب السنيور ,,
( يعني النايب الجنيور داخل بيقدم الحالة ,, فأنا بصيت للنايب السنيور ,,
والنايب السنيور بيكون خلاص قرب يأخد الماجستير ,, ابننا الكبير يعني ,,
بصتله
قالتلي : اصبر )

ففهمت إن النايب السنيور بيعمل في الجنيور حاجة ,,

فالواد بيقدم الحالة بيقولي :
الRTA ( اللي هي الroad traffic accident )
واحد كان راكب موتوسيكل ,,
وبيفادي عربية ,, راح لابس في عربية نقل واقفة

فبيقولي : RTA ,,
glasgow coma scale
<<
3 ,,
بقاله خمس أيام

الglasgow coma scale لو تلاتة بقاله أكتر من 3 أيام
<<
دا معناها no CPR
( يعني مبنعملش resuscitation ,, يعني لو ابتدي يحصله hypo-tension
<<
مبندخلش ,, we leave him to die in peace )
خلاص ,, مفيش Hope يعني
مفهوم ؟؟
بيبقى فيه حاجة اسمها no CPR

قولتله : خلاص ,, بقاله خمس أيام ,, يبقى no CPR
ودايماً لما نقول no CPR
<<
بنقعد نخفض في الأدوية
ملهاش معنى إن أنا أفضل أخلي أهله يدفعوا 300 ,, 400 جنيه أدوية في اليوم
وأنا قايل No CPR
فبنحط الحاجات اللي هي الbasic يعني ,,
لكن ,, بنشيل كل الأدوية اللي هي الantibiotics اللي ملهاش لازمة
بنحط antibiotic رخيص ,, ( منديش أدوية كتير يعني )

فماسكين الورقة بتاعت الأدوية وعمالين نشطب مع بعض
ببص على النايب السنيور ,, لقيته ميت على نفسه من الضحك
وبعدين لقيت العيان بيشاور للدكتور اللي واقف معايا ,,
والدكتور بيقوله : دقيقة واحدة
وبيكمل معايا عادي النايب الجنيور

فأنا بصيتله قولتله : ولااااا ,, العيان عمل إيه دلوقتي ؟!؟
قالي : نادى عليا يا بيه

قولتله : كويس ,, إنت قولتلي الglasgow coma scale كام ؟؟
قالي : تلاتة على 15

قولتله : تاني يا حمار ,, العيان عمل إيه ؟؟
قالي : نادى عليا يا بيه

قولتله : حلو ,, وإنت قولتلي إيه ؟؟؟
قالي : ال glasgow coma scale
<<
تلاتة على خمستاشر يا بيه :(

قولتله : إزاي !!! الله يخرب بيتك
قالي : تعال أوريك

راح للعيان ,, والعيان كان لابس بوشه في العربية النقل ,,
فعنده edema في عينه ( ecchymosis )
يقول للعيان : افتح عينك
طبعاً العيان مش هيعرف يفتحها ,, هيفتحها إزاي !!! مش قادر يفتح عينيه من الedema
<<
راح مديله واحد في الeye open

سأل العيان : اسمك إيه ؟؟
العيان مبيردش ,, لأنه محطوط على endotracheal tube و ventilator
<<
راح مديله واحد

قال للعيان : ارفع إيدك
والعيان إيده مكسورة ( هيرفعها إزاي وهي مكسورة !!! )
<<
راح مديله واحد في الMotor

راح مِدِي للعيان تلاتة على خمستاشر
والعيان fully conscious

عشان كده دلوقتي ال glasgow coma scale الجديد ,,
حاطين الsize of the pupil وحاجة كمان
بس لسه مش Published ,, عشان يتفادوا هذه المشكلة

لأن فيه مشكلة في استخدام ال glasgow coma scale
في العيانين اللي عندهم eye trauma ,,
عيانين الfracture ,,
في العيانين اللي عندهم مشكلة في الintubation ( لأنه مش هيعرف يتكلم )

وبعدين ,,
هل العيان الinsane ( المجنون ) ,, اعمله assessment
للverbal communication إزاي !!!
فبقى فيها مشاكل بردو

...
تعقيباً معلومة تأخدها
The GCS is a score for non-intubated non-paralysed non-sedated patients.
Once you put the tube in and give medication that change the level of
consciousness you CAN NOT use the CGS.

The scale was published in 1974 by Graham Taesdale and Bryan J. Jennett, professors of neurosurgery at the University of Glasgow's Institute of Neurological Sciences at the city's Southern General Hospital.

دعواتكم لإخوانا في سوريا والعراق وليبيا وفلسطين واليمن وكل البلاد
ربنا يحفظهم من كل سوء
_____________
تفريغ المواد الطبية
دكتور تفريغ
من مواضيع انصر النبى محمد في المنتدى

انصر النبى محمد غير متواجد حالياً   رد مع اقتباس
The Following 2 Users Say Thank You to انصر النبى محمد For This Useful Post:
Hassan ali (07-24-2016), دكتور أشرف (11-21-2014)
قديم 11-21-2014, 07:14 AM   #2
دكتور أشرف
المشرف العام
Allteb
 
الصورة الرمزية دكتور أشرف
 
تاريخ التسجيل: Jan 2010
المشاركات: 1,966
Thanks: 231
Thanked 172 Times in 144 Posts
افتراضي رد: موضوع ال Glasgow Coma Scale

نقرتين لعرض الصورة في صفحة مستقلة
من مواضيع دكتور أشرف في المنتدى

التوقيع
نقرتين لعرض الصورة في صفحة مستقلة
دكتور أشرف غير متواجد حالياً   رد مع اقتباس
قديم 11-21-2014, 07:19 AM   #3
دكتور أشرف
المشرف العام
Allteb
 
الصورة الرمزية دكتور أشرف
 
تاريخ التسجيل: Jan 2010
المشاركات: 1,966
Thanks: 231
Thanked 172 Times in 144 Posts
افتراضي رد: موضوع ال Glasgow Coma Scale

نقرتين لعرض الصورة في صفحة مستقلة
من مواضيع دكتور أشرف في المنتدى

التوقيع
نقرتين لعرض الصورة في صفحة مستقلة
دكتور أشرف غير متواجد حالياً   رد مع اقتباس
قديم 09-05-2016, 10:16 PM   #4
juba8
 
تاريخ التسجيل: Sep 2016
المشاركات: 254
Thanks: 10
Thanked 0 Times in 0 Posts
افتراضي رد: موضوع ال Glasgow Coma Scale

شكرااااااااااااااااااااااااااااااا
من مواضيع juba8 في المنتدى

juba8 غير متواجد حالياً   رد مع اقتباس
إضافة رد

الكلمات الدلالية (Tags)
موضوع, coma, glasgow, scale

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 10:35 PM.


Powered by vBulletin Version 3.8.5
Copyright ©2000 - 2017, Jelsoft Enterprises Ltd
Translation by Support-ar
Style coding by: BBcolors.com