آخر المشاركات
         :: Nephrology pearals (آخر رد :doomm007)      :: Module: Basic Mechanical Ventilation (آخر رد :دكتور أشرف)      :: علاج الترامادول (آخر رد :جهاد الحياة)      :: فيديوهات شرح منهج الجراحة كاملا للبكالوريوس و الماجيستير للدكتور على حسيب (آخر رد :dr_m_6000)      :: كيف استعد لعملية تكميم المعدة (آخر رد :dr.elsobky)      :: 10 مميزات لعملية شفط الدهون بالليزر (آخر رد :dr.elsobky)      :: لَقَدْ نَزَل بكم عشرُ رمضانَ الأخيرةُ (آخر رد :دكتور أشرف)      :: سورة القدر...معاني و إشارات (آخر رد :دكتور أشرف)      :: تقوى الله خير زاد (آخر رد :دكتور أشرف)      :: جميع ختمات الأجزاء- مصحوبة بترجمة للمعاني باللغة الفرنسية (قناة المجد) (آخر رد :دكتور أشرف)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > التعليم الطبي الأساسي > الجامعات المصريـة > طب اسكندرية

إضافة رد
 
أدوات الموضوع انواع عرض الموضوع
قديم 04-30-2009, 04:40 AM   #1
عاشق الترحال
عضو جديد
 
تاريخ التسجيل: Apr 2009
العمر: 32
المشاركات: 2
Question عايز أحوّل اسكندرية .. ممكن تساعدونى ؟??

السلام عليكم أولا لكل طلبة طب اسكندرية
أنا طالب فى تالتة طب أسيوط .. وعايش فى أسوان
المهم أنا خلاص جبت آخرى من أسيوط وبفكر جديا فى التحويل
لاى مكان حتى لو مكانش أفضل منها بس بالتاكيد مش هيكون أسوأ
ده قرار لا رجعة فيه بالنسبالى .. محدش يحاول يناقشنى فيه
وخدته بعد أكثر من صلاة استخارة ..

دى أسيوط نفسها بتقولى مش عايزاك! بلد تغمّ مش مستحمل العيشة فيها
الدكاترة عندنا أجارك الله.. بيدونا علم لا أنكر.. لكن ماتفكرش فى تقديرات
الدفعة الى قبلى كانت 700 طالب .. 28 منهم بس اللى جابوا امتياز !
و 250 شالوا دور تانى , صفصفوا على 100 مدبلر !

أنا دلوقتى بذاكر كرها فى أسيوط ! عشان أجيب تقدير عالى وأسيبها مستريح
وكاتب فى ضهر كل كتبي شعر للابنودى من ديوان أحمد سماعين
لما اتخنق من بلده أبنود وكان مصمم يسافر مصر, بيقول فيهم:

تذكرة القطر بمبلغ وبقدره
والقطر ماهوش على كيفه.. ولا قطرُه
وان مات حتى .. بخـُطره
وان شالله يخس دراع
لكن مش ممكن حاجة تعطـّل سفره
مسـافــر يعنــى مسـافــر !
أبنود (كتبتها أسيوط) ضاقت.. ومالوش فيها دلوقت
غير تمن القطر.. وتمن القطر ده.. وقت !


وزى ما بيقول الخال فى شعر تانى.. غناه منير فى أغنية اسمها (مزامير):
أنا واد خيّال.. عاشق الترحال.. على قد الحال.. لكن ميّال

فده نصيبى وانا راضى بيه.. مادام هيا غربة فى غربة على كل حال
فالواحد يحاول انه يتعلم على نضافة !

أنا والحمدلله من عامة الشعب .. يعنى تقديرى جيد مرتفع السنة اللى فاتت
ولما فكرت فى التحويل استبعدت القصر العينى وعين شمس
لأن الاولى بتشترط جيد جدا والتانية عايزة اقامة
ده غير انى أصلا ما بطيقش أقعد يومين فى القاهرة
فلقيت ان الانسب بالنسبالى هى طب اسكندرية

أنا بسمع عنها سمع خير, ده غير انى متابع للقسم ده من أيام (allteb.com)
ومتابع برضه عالفيس بوك لجروبات طب اسكندرية
تقدروا تقولوا انى هيئت نفسى اذا عزمت النية ان تبقى وجهتى القادمة هى
طب اسكندرية
وكنت فى اسكندرية السنادى, بس ده كان فى أجازة الشتا فمعرفتش أسأل على حاجة
فكنت الاول عايز أعرف منكم شوية معلومات عن الكلية والدراسة فيها

زى انى اذا فكرت أحول .. هل يشترط فيها برضه
موضوع الجيد جدا والاقامة والذى منه ولا لأ؟

وكمان كنت بسمع ان عندكم نظام الترم فى الاكاديمى
طب هل مطبق برضه فى الدراسة الاكلينيكية؟
ولو مطبق فيها , ايه الوضع لمواد سنة رابعة مثلا؟

وآخر حاجة عايز أسأل فيها.. ان هنا فى أسيوط
مطبق النظام الجديد فى الاكلينيكى
باطنة وأطفال فى خامسة, وجراحة ونسا فى سادسة
بدون راوندات فى رابعة كما هو الحال فى النظام القديم
طب هل النظام ده مطبق برضه فى اسكندرية؟
ولا النظام القديم مازال معمول بيه هنا ؟

نقرتين لعرض الصورة في صفحة مستقلة
اتمنى انكم تقدروا تساعدونى و وتمدونى بالمعلومات دى
ولو ربنا رايدلى التحويل.. تبقوا كسبتوا فيا أكبر ثواب
عذرا على الاطالة.. وفى انتظار ردودكم
نقرتين لعرض الصورة في صفحة مستقلة
__________________
خاص لشكاوي الأعضاء واستفساراتهم وبديلا للرسائل الخاصة
لا يري الموضوع سوي كاتبه والإدارة
****
لا تنسونا من صالح دعائكم

التعديل الأخير تم بواسطة عاشق الترحال ; 04-30-2009 الساعة 05:00 AM
عاشق الترحال غير متواجد حالياً   رد مع اقتباس
قديم 04-30-2009, 06:11 AM   #2
طبيبة مسلمة
المشرفة العامة على أقسام الطبيبات
Allteb
 
الصورة الرمزية طبيبة مسلمة
 
تاريخ التسجيل: Feb 2009
المشاركات: 1,413
افتراضي رد: عايز أحوّل اسكندرية .. ممكن تساعدونى ؟??

اقتباس:
المشاركة الأصلية كتبت بواسطة عاشق الترحال مشاهدة المشاركة
السلام عليكم أولا لكل طلبة طب اسكندرية


وعليكم السلام ورحمة الله وبركاته ..




اقتباس:
المشاركة الأصلية كتبت بواسطة عاشق الترحال مشاهدة المشاركة

أنا طالب فى تالتة طب أسيوط .. وعايش فى أسوان

أهلاً بحضرتك يادكتور





اقتباس:
المشاركة الأصلية كتبت بواسطة عاشق الترحال مشاهدة المشاركة

زى انى اذا فكرت أحول .. هل يشترط فيها برضه
موضوع الجيد جدا والاقامة والذى منه ولا لأ؟

بالنسبة للتقدير لأ مش شرط .. لكن الإقامة .. الله أعلم .. ممكن ابقى أسأل لحضرتك .




اقتباس:
المشاركة الأصلية كتبت بواسطة عاشق الترحال مشاهدة المشاركة
وكمان كنت بسمع ان عندكم نظام الترم فى الاكاديمى
طب هل مطبق برضه فى الدراسة الاكلينيكية؟
ولو مطبق فيها , ايه الوضع لمواد سنة رابعة مثلا؟
لأ .. فى سنة رابعة مثلاً .. حضرتك بتأخد المواد على التوالى ..
يعنى كل مادة براونداتها ومحاضراتها وبعدين تمتحن امتحان الراوند ..
وفى آخر السنة العملى والنظرى .

وفيه شهر حضرتك بتاخده راوند باطنة وشهر راوند طوارئ .
وعموماً اخواتنا اللى فى رابعة السنة دى يأكدولك .. اذا كان حصل تغيير عن دفعتى .




اقتباس:
المشاركة الأصلية كتبت بواسطة عاشق الترحال مشاهدة المشاركة

وآخر حاجة عايز أسأل فيها.. ان هنا فى أسيوط
مطبق النظام الجديد فى الاكلينيكى
باطنة وأطفال فى خامسة, وجراحة ونسا فى سادسة
بدون راوندات فى رابعة كما هو الحال فى النظام القديم

أنا بصرحة مش عارفة النظام القديم اللى حضرتك تقصده كان ايه ..
لكن عموما عندنا باطنة وأطفال فى خامسة, وجراحة ونسا فى سادسة ..
وزى مقلت لحضرتك
.. فيه شهر راوند باطنة وشهر راوند طوارئ فى رابعة .





وفى الآخر عايزا اقول لحضرتك .. الحال فى طب اسكندرية لا يختلف عن طب اسيوط إلا قليلاً ..
لازم نقول لحضرتك .. ان وهم انك تتعلم كويس فى الكلية اللى كان عندنا كلنا دا وهم ..
التعليم للشغل الصح بيبتدى مع النيابة اقصد بيها نيابة الجامعة ..
يعنى حضرتك لازم يكون لك ترتيب عالى على دفعتك علشان على الأقل يجيلك نيابة ..
وللأسف لو حضرتك متعود فى اسيوط على اى وسائل لتبسيط أو تسهيل المعلومات ...
تأكد ان فى اسكندرية مش هتلاقى الحاجات دى ..
انا اخدت اولى وتانية فى عين شمس .. وشفت الفرق ..
الكلية هنا تعتمد اعتماد كلى على مجهودك .. زى كل الجامعات ..
قليل جدا " لكن مش هقول مش موجود" انك تلاقى حد بيهتم ان المعلومة توصلك باسلوب سلس أو يوصلك المعلومة من اصولها أو ماشابه ذلك ..

انا مش عايزا اضايقك يادكتوروالله واهلا بيك فى اسكندرية .. بس حسيت ان الكلام دا لازم يتقال ..

وربنا يوفقك لما فيه الخير لدينك ودنياك يادكتور ..
أى استفسار اهلاً بحضرتك ..
__________________
نرقع دنيانا بتمزيق ديننا .. فلا ديننا يبقى ولا ما نرقع



من افضل الدعاء :


"اللهم إنى اسألك من الخير كله عاجله وآجله ماعلمت منه ومالم اعلم ..
وأعوذ بك من الشر كله عاجله وآجله ماعلمت منه ومالم اعلم ..
اللهم انى اسألك الجنة وما يقرب اليها من قول أو عمل ..
واعوذ بك من النار وما يقرب اليها من قول أو عمل ..
اللهم انى اسألك من خير ما سألك منه عبدك ورسولك محمد ..
واعوذ بك من شر مااستعاذك منه عبدك ورسولك محمد ..
واسألك ماقضيت لى من امر أن تجعل عاقبته رشدا ."


نقرتين لعرض الصورة في صفحة مستقلة
طبيبة مسلمة غير متواجد حالياً   رد مع اقتباس
قديم 05-03-2009, 06:01 PM   #3
عاشق الترحال
عضو جديد
 
تاريخ التسجيل: Apr 2009
العمر: 32
المشاركات: 2
افتراضي رد: عايز أحوّل اسكندرية .. ممكن تساعدونى ؟??

اقتباس:
المشاركة الأصلية كتبت بواسطة أخت المؤمنين مشاهدة المشاركة

لأ .. فى سنة رابعة مثلاً .. حضرتك بتأخد المواد على التوالى ..
يعنى كل مادة براونداتها ومحاضراتها وبعدين تمتحن امتحان الراوند ..
وفى آخر السنة العملى والنظرى .
وفيه شهر حضرتك بتاخده راوند باطنة وشهر راوند طوارئ .
وعموماً اخواتنا اللى فى رابعة السنة دى يأكدولك .. اذا كان حصل تغيير عن دفعتى .
تمام نفس النظام ده هو اللى أقصده, النظام القديم اللى هو تقريبا مطبق فى عين شمس, وفيه بياخدوا راوندات جراحة ونسا فى رابعة وخامسة كمان!
بس يعنى ايه طوارئ دى .. اول مرة أسمع بيها.. طب دى تبع قسم ايه بالظبط ؟

اقتباس:
المشاركة الأصلية كتبت بواسطة أخت المؤمنين مشاهدة المشاركة
وفى الآخر عايزا اقول لحضرتك .. الحال فى طب اسكندرية لا يختلف عن طب اسيوط إلا قليلاً ..
لازم نقول لحضرتك .. ان وهم انك تتعلم كويس فى الكلية اللى كان عندنا كلنا دا وهم ..
التعليم للشغل الصح بيبتدى مع النيابة اقصد بيها نيابة الجامعة ..
يعنى حضرتك لازم يكون لك ترتيب عالى على دفعتك علشان على الأقل يجيلك نيابة ..
وللأسف لو حضرتك متعود فى اسيوط على اى وسائل لتبسيط أو تسهيل المعلومات ...
تأكد ان فى اسكندرية مش هتلاقى الحاجات دى ..
انا اخدت اولى وتانية فى عين شمس .. وشفت الفرق ..
الكلية هنا تعتمد اعتماد كلى على مجهودك .. زى كل الجامعات ..
قليل جدا " لكن مش هقول مش موجود" انك تلاقى حد بيهتم ان المعلومة توصلك باسلوب سلس أو يوصلك المعلومة من اصولها أو ماشابه ذلك ..
انا مش عايزا اضايقك يادكتوروالله واهلا بيك فى اسكندرية .. بس حسيت ان الكلام دا لازم يتقال ..
وربنا يوفقك لما فيه الخير لدينك ودنياك يادكتور ..
أى استفسار اهلاً بحضرتك ..
أنا مش مستنى ان طب اسكندرية تبقى التوب أو ما شابه, انا بس عايز أروح مكان مايبقاش أسوأ من أسيوط , وانا متوقع انها ماتبقاش زى عين شمس مثلا, انما انا متأكد انى لو فضلت قاعد فى أسيوط هطلع دكتور فاشل ويائس؛ لان التقدير اللى باخده فى أسيوط -ودى حالة عامة- ما بيعبرش عن مستواى أبدا, وكتير من أصحابى فى امتياز وساتة نصحونى بالتحويل عشان نفسى ماتتسدش! يعنى لو كنت بحب النسا وفى الاخر لقيت انى جبت فيها جيد بالعافية , عمرى ما هفكر انى أتخصص فيها وهكذا
على العموم شكرا على الاهتمام والنصيحة وباذن الله هتبقى اسكندرية اختيارى الاول فى حالة عزمى على التحويل

الا صحيح.. هى الدفعة فى اسكندرية فى حدود كام طالب ؟
__________________
خاص لشكاوي الأعضاء واستفساراتهم وبديلا للرسائل الخاصة
لا يري الموضوع سوي كاتبه والإدارة
****
لا تنسونا من صالح دعائكم
عاشق الترحال غير متواجد حالياً   رد مع اقتباس
قديم 05-03-2009, 07:15 PM   #4
طبيبة مسلمة
المشرفة العامة على أقسام الطبيبات
Allteb
 
الصورة الرمزية طبيبة مسلمة
 
تاريخ التسجيل: Feb 2009
المشاركات: 1,413
افتراضي رد: عايز أحوّل اسكندرية .. ممكن تساعدونى ؟??

اقتباس:
المشاركة الأصلية كتبت بواسطة عاشق الترحال مشاهدة المشاركة
بس يعنى ايه طوارئ دى .. اول مرة أسمع بيها.. طب دى تبع قسم ايه بالظبط ؟
دا قسم مستقل بذاته يادكتور .. كنا المفروض فى الشهر بتاعه بنحضر فى الإستقبال والطوارئ .. لكن الواقع ان كلنا اعتبرنا الشهر دا اجازة من الراوندات وقعدناه فى البيت تقريباً ..

اقتباس:
المشاركة الأصلية كتبت بواسطة عاشق الترحال مشاهدة المشاركة

الا صحيح.. هى الدفعة فى اسكندرية فى حدود كام طالب ؟
دفعتى أنا..مش عارفة العدد بالضبط ، ولكنها فوق 1220 قليلاً ..

ومرة تانية .. أى استفسار اهلاً بحضرتك ..

__________________
نرقع دنيانا بتمزيق ديننا .. فلا ديننا يبقى ولا ما نرقع



من افضل الدعاء :


"اللهم إنى اسألك من الخير كله عاجله وآجله ماعلمت منه ومالم اعلم ..
وأعوذ بك من الشر كله عاجله وآجله ماعلمت منه ومالم اعلم ..
اللهم انى اسألك الجنة وما يقرب اليها من قول أو عمل ..
واعوذ بك من النار وما يقرب اليها من قول أو عمل ..
اللهم انى اسألك من خير ما سألك منه عبدك ورسولك محمد ..
واعوذ بك من شر مااستعاذك منه عبدك ورسولك محمد ..
واسألك ماقضيت لى من امر أن تجعل عاقبته رشدا ."


نقرتين لعرض الصورة في صفحة مستقلة
طبيبة مسلمة غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 11:11 AM.


Powered by vBulletin Version 3.8.12 by vBS
Copyright ©2000 - 2020, Jelsoft Enterprises Ltd
Translation by Support-ar