آخر المشاركات
         :: Free Online Medical Certification(Expires end of May, 2020) (آخر رد :دكتور أشرف)      :: Nephrology pearals (آخر رد :doomm007)      :: Module: Basic Mechanical Ventilation (آخر رد :دكتور أشرف)      :: علاج الترامادول (آخر رد :جهاد الحياة)      :: فيديوهات شرح منهج الجراحة كاملا للبكالوريوس و الماجيستير للدكتور على حسيب (آخر رد :dr_m_6000)      :: كيف استعد لعملية تكميم المعدة (آخر رد :dr.elsobky)      :: 10 مميزات لعملية شفط الدهون بالليزر (آخر رد :dr.elsobky)      :: لَقَدْ نَزَل بكم عشرُ رمضانَ الأخيرةُ (آخر رد :دكتور أشرف)      :: سورة القدر...معاني و إشارات (آخر رد :دكتور أشرف)      :: تقوى الله خير زاد (آخر رد :دكتور أشرف)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > التعليم الطبي الأساسي > الجامعات المصريـة > طب الأزهر الشريف

إضافة رد
 
أدوات الموضوع انواع عرض الموضوع
قديم 09-11-2012, 08:44 PM   #1
اسلام العويني
احبكم في الله
 
الصورة الرمزية اسلام العويني
 
تاريخ التسجيل: Jul 2009
العمر: 29
المشاركات: 31
افتراضي تجرتي مع ىسنة خامسة - اهداء لطلبة خامسة جديد

بسم الله الرحمن الرحيم
سلام من الله عليكم ورحمته وبركاته
طبعا الموضوع ده انا عامله للناس اللي داخلة خامسة جديدمن باب اسأل مجرب ولا تسأل طبيب
وطبعا باعتبار ان انا مجرب وبقالي سنةكاملة = 12 شهر في سنة خامسة بالتالى انا عندي خبرة كبيرة احب انقلهالكم
وطبعا على اعتبار ان انا مابعملش حاجة ببلاش فلازم تدفعوا التمن مقدما
والتمن انكو تدعوا بظهر الغيب ليا ولكل زمايلي بالتوفيق والثبات في الامتحانات يا رب
اول حاجة هنبدأبيها يعنى ايه سنةخامسة
سنة خامسة يعني باطنة واطفال
وانا شخصيا مش هاقدر اوصف سنة خامسة زي اخونا الاكبر د/ حسن المصري فياريت تقروا الكلام اللي هو كاتبه على اللينك ده
http://www.facebook.com/groups/azhar...5308997822729/

بعد كده نيجي للسؤال الازلي اللي محير الناس كلها دلوقتي نذاكر منين ونسمع مين
وهي دي مشكلة سنة خامسة لان في كتب كتير وشرايط لدكاترة كتير تتمنى انك تسمعهم كلهم
وانا هحاول انقلكم خبرتي جايز حد يستفيد منها
أولا : الباطنة
نظام التدريس دلوقتي في الباطنة مختلف عن السنين اللي قبل كده
دلوقتي التدريس متقسم عل 6 وحدات وكل وحدة منهم مسؤولة عن تدريس برانش معين او اكتر وفي نهاية كل وحدة في امتحان صغير عليه 5 درجات
وهتشوف حالات كتير وفي برانشات بيجيبوا فيها عيانين من بره زي العيانين اللي بيجوا في الكورسات في برانشات زي الكارديو والنيورو مثلا
ولازم تحضر 75% من الايام والا تتحرم من دخول امتحان الاند راوند والكلام ده حقيقي وفي ناس اتمنعت فعلا
توزيعة درجات الباطنة كالتالي :
250 درجة نظري وmcq متقسمين على ورقتين
250 درجة كلينيكال حالة لونج ب 100 و3 حالات شورت الحلة ب 50 وده النظام لحد دلوقتي واحتمال يتغير
100 درجة اخر السنة شفوي وECG&X-RAY
100 درجة جلدية (20 راوند و80 اخر السنة )
50 درجة اسبيشيالات ( 30 نفسية و20 الباقي)
50 درجة كلينيكال باثولوجي
100 درجة راوند الباطنة ( 10درجات شيت - 10 بحث - 30 امتحانات في اخر كل وحدة - 50 اندراوند ودول 20 كلينيكال و30 MCQ )
كتب الباطنة:
نيجي بقى للكتب من الاخر كتب احمد موافي في كل البرانشات ماعدا النيورو كتاب د حسن علوان
بصراحة كتب موافي هي اللي هتقدر تلم كل منهج الباطنة منها لان الباطنة واسعة فلازم تاخد المختصر المفيد


بعد كده نيجي لسؤال نسمع مين
انا شخصين افضل انك تسمع اتنين
الاول د اسامة محموداو د شريف الهواري - ودول عدد ساعات كبير لكن لازم تسمعهم علشان تفهم باطنة صح وهتستفيد جدا منهم
شرايط الهواري عدد ساعات كبير جدا لكن هتستفيد منه كتير
شرايط اسامة اقل من الهواري شوية لكن هتستفيد منها برده
وفي كل الاحوال لازم وانت بتسمع الاتنين انك تسرعهم ( هقولك بعدين ازاي تسرع الشرايط )
التاني تسمع احمد موافي - علشان يعلمك ازاي تلم منهج الباطنة وازاي تذاكر في اقل وقت وباقل مجهود وازاي تكتب في امتحان النظري وهو اللي هينفعك في امتحان النظري
(في منه نسخة 2012 على كل الطب)




بالنسبة بقي للكلينيكال
انا شخصيا افضل انك تاخد كورس علشان يسستم دماغك وكمان تشوف كل الحالات لان في حالات كتير مش هتشوفها في المستشفى
انا كنت باخد عند د علام وشايف انه اكتر من ممتاز وهيديك اللي انت محتاجة عندنا في الازهر وهتشوف حالات كتير وهتراجع الحالات اكتر من مرة
وطبعا كتب د علام - في ناس ممكن تقول عليها طويلة لكن ده بيكون وانت بتذاكر لاول مرة لكن بعد كده سهل تلمها بسرعة وانت بتراجع
لو مش عايز تاخد كورس يبقى لازم تسمع شرايط د علام الكلينيكال ( كورس السنادي 2012 مرفوع كامل على كل الطب) وتلتزم بالحضور في المستشفى علشان تشوف حالات على قد ماتقدر


الجلدية كمان بالمرة
طبعا كتاب القسم وهتسمع شرح د يوسف نصار (موجود ضمن شرايط العملي لـ د علام 2012 )




ثانيا : الاطفال
ندخل بقى على الاطفال
هتذاكر منين
كتاب القسم ( مجبر اخاك لا بطل ) بس لازم يكون معاك كتاب تاني احتياطي زي كتاب د الموجي او د الكومي ( بيبي نلسون) بالاضافة لتفريغات د ابو الاسرار لانها هتفيدك جدا في الشفوي والكلينيكال ( موجودة على كل الطب
PDF وفي منها نسخة في العناني)


هتسمع مين
اكيد ابو الاسرار - طبعا عدد ساعات كبير لكن اكيد هتسرعه لانك هتمل منه جدا لو ما سرعتوش
وممكن تستغنى عن السماع في البرانشات اللي موجودة في الباطنة (بالنسبة للناس اللي هياخدوا باطنة قبل الاطفال )


الكلينيكال
اعتقد مش محتاج كورس لانك بتشوف كل حاجة في الباطنة بالاضافة لان الحالات في قسم الاطفال بتكون كتير والحالت المحجوزة هي اللي بتنزل في الامتحان
هتذاكر كلينيكال من كتاب TOP د ياسر الجوهري وافضل يكون معاه كتاب د محسن القيعي
وطبعا الحضور لـ د محسن القيعي في المستشفى كل يوم احد في سيد جلال هتشوف حالات زي ما انت عايز ( انا فاكر انه في مرة ورانا اكتر من سبعين حالة في يوم واحد - يوم الاحد اللي قبل رمضان - صدقا والله ومش مبالغة)


ثالثا : ازاي نسرع الشرايط
لو هتسمع على الكومبيوتر او اللاب يبقى تسرعها على الويندوز ميديابلاير كالتالي
تفتح الشريط وتضغط كليك يمين في اي مكان فاضي في البرنامج ومنها تختار ENHANCEMENTS وبعد كده PLAY SPEED SETTINGS

لو هتسمع على ام بي ثري او على الموبايل يبقى تسرع باستخدام برنامج GOLD WAVE ( نزله من اي حته او انا ممكن ارفعه لو لقيت وقت فاضي بعد كده - بلاش طمع )


خلاصة الكلام اللي فوق ده كله
الباطنة : تحضر في المستشفى - تسمع الهواري او اسامة + احمد موافي - تذاكر من احمد موافي داعدا النيورو من حسن علوان - كورس كلينيكال عند د علام او تسمع الشرايط بتاعته

الاطفال
: تحضر في المستشفى - تسمع ابو الاسرار - تذاكر من كتاب القسم - معاك تفريغات ابو الاسرار - كلينيكال من TOP + كتاب د محسن القيعي + حضور لـ د محسن القيعي


الجلدية
: كتاب القسم + شرح د يوسف نصار



اتمنى اني اكون قدرت افيدكم بحاجة ولو اي حد عنده اي استفسار يا ريت يبعتلى رسالة على الاكونت بتاعي على الفيس
http://www.facebook.com/drsemsem.ahlawy?ref=tn_tnmn


بالتوفيق ان شاء الله

ودعواتكم
اسلام العويني غير متواجد حالياً   رد مع اقتباس
قديم 09-11-2012, 09:09 PM   #2
kkkkkk
عضو جديد
 
تاريخ التسجيل: Mar 2010
العمر: 30
المشاركات: 2
افتراضي رد: تجرتي مع ىسنة خامسة - اهداء لطلبة خامسة جديد

جزاك الله خيرا
انا خامسة جديد المنصورة بس استفدت كتير

kkkkkk غير متواجد حالياً   رد مع اقتباس
قديم 09-12-2012, 01:44 AM   #3
godymohamed
 
تاريخ التسجيل: Sep 2010
المشاركات: 59
افتراضي رد: تجرتي مع ىسنة خامسة - اهداء لطلبة خامسة جديد

يا دكتور الف شكر وانا استفدت من كلامك برغم انى مش ازهر وعايزه اسال بس هو الباطنه العامه دى فيها ايه بالظبط؟؟ يا يعنى انا اول رواند وهبدا باطنه عامه وفى خلال الرواند هزاكر ايه ولا همشى ازاى؟؟ يعنى اللى اخده عملى ازاكر النظرى بتاعه ولا ايه ؟؟وكمان انا باذن الله هاخد كورس عملى والكورس على حد معرفتى هيبدا كارديو هتفرق يعنى هيبدا بايه ؟؟ اسفه على التطويل وشكرا مقدما
godymohamed غير متواجد حالياً   رد مع اقتباس
قديم 09-12-2012, 07:19 PM   #4
اسلام العويني
احبكم في الله
 
الصورة الرمزية اسلام العويني
 
تاريخ التسجيل: Jul 2009
العمر: 29
المشاركات: 31
افتراضي رد: تجرتي مع ىسنة خامسة - اهداء لطلبة خامسة جديد

اقتباس:
المشاركة الأصلية كتبت بواسطة godymohamed مشاهدة المشاركة
يا دكتور الف شكر وانا استفدت من كلامك برغم انى مش ازهر وعايزه اسال بس هو الباطنه العامه دى فيها ايه بالظبط؟؟ يا يعنى انا اول رواند وهبدا باطنه عامه وفى خلال الرواند هزاكر ايه ولا همشى ازاى؟؟ يعنى اللى اخده عملى ازاكر النظرى بتاعه ولا ايه ؟؟وكمان انا باذن الله هاخد كورس عملى والكورس على حد معرفتى هيبدا كارديو هتفرق يعنى هيبدا بايه ؟؟ اسفه على التطويل وشكرا مقدما
على حسب النظام عندكم في الراوند
لو النظام بيشرحوا كل برانش على بعضه مره واحدة يبقى تذاكر نفس البرانش
لو النظام انهم كل يوم بيشرحوا برانش مثلا السبت كارديو والاحد شيست والاتنين نيورو وكده يعني يبقى انت تكبر منهم وتذاكر مع نفسك كل برانش على بعضه وتبدأ بالبرانشات الكبيرة زي الكارديو والنيورو والشيست والاندوكراين
كورس الكلينيكال غالبا بيبدأ الاول جنرال وبعد كده كارديو الجنرال مش محتاج مذاكرة نظري زكلينيكال الكارديو لازم تكون مذاكر النظري علشان تقدر تلم الكلينيكال وتستفيد منه وعالبا كلينيكال الكارديو بيجي من تاني مرة

اسلام العويني غير متواجد حالياً   رد مع اقتباس
قديم 01-31-2018, 07:38 AM   #5
juba8
 
تاريخ التسجيل: Sep 2016
المشاركات: 327
افتراضي رد: تجرتي مع ىسنة خامسة - اهداء لطلبة خامسة جديد

جزاك الله خيرا
juba8 غير متواجد حالياً   رد مع اقتباس
إضافة رد

الكلمات الدلالية (Tags)
لطلبة, اهداء, تجرتي, خامسة, جديد, حسنة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 03:00 PM.


Powered by vBulletin Version 3.8.12 by vBS
Copyright ©2000 - 2020, Jelsoft Enterprises Ltd
Translation by Support-ar