آخر المشاركات
         :: Free Online Medical Certification(Expires end of May, 2020) (آخر رد :دكتور أشرف)      :: Nephrology pearals (آخر رد :doomm007)      :: Module: Basic Mechanical Ventilation (آخر رد :دكتور أشرف)      :: علاج الترامادول (آخر رد :جهاد الحياة)      :: فيديوهات شرح منهج الجراحة كاملا للبكالوريوس و الماجيستير للدكتور على حسيب (آخر رد :dr_m_6000)      :: كيف استعد لعملية تكميم المعدة (آخر رد :dr.elsobky)      :: 10 مميزات لعملية شفط الدهون بالليزر (آخر رد :dr.elsobky)      :: لَقَدْ نَزَل بكم عشرُ رمضانَ الأخيرةُ (آخر رد :دكتور أشرف)      :: سورة القدر...معاني و إشارات (آخر رد :دكتور أشرف)      :: تقوى الله خير زاد (آخر رد :دكتور أشرف)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > التعليم الطبي الأساسي > الجامعات المصريـة > طب اسكندرية

إضافة رد
 
أدوات الموضوع انواع عرض الموضوع
قديم 12-17-2011, 08:28 PM   #1
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
heart ذكــــريات دفــــعة 2011ღღ ,, جـــــامعة الإسكنــــدرية ღღ

^
^
^
^
^
^
^

نقرتين لعرض الصورة في صفحة مستقلة


السلام عليكم ورحمة الله وبركاته ,,

الحمدلله اليوم كانت الورقة الثانية للنسا وانتهاء سنة سادسة ,,,

عدى علينا 3 سنوات هجرية وكام حكومة وكام ثورة وأحنا لسه فى سنة سادسة ,,

الناس تدعو للمظاهرات وللنزول وتغيير حكومات وناس توفاها الله وناس كملت وانتخابات وأحنا أمام الكتب ,,

مع أنى كنت فرحانة أنى هخلص لكن بعد ما خلصنا حسيت أنى هفتقد حاجات كتيير

هفتقد دفعه هواها سلفى اخوانى ليبرالى :) ,, والسلفية تكسب طبعاً :) ,, لكن صدقاً حتى أصحاب الفكر المختلف عننا جميعهم بهم خير كبيير وعطاء دون مقابل

النهاردة عملنا حفلة مختلفة عن كل دفعة عملنا ستيدج والشباب قدموا مسرحيات وشعر وقرآن وغيرره واحترمه طلبنا فى منع الموسيقى من الحفلة وجمعنا وجبنا جاتوه لكل الدفعة وكسرنا زير وقلل مصر كلها !

وخلصوا على صواريخ مصر والمناطق المجاورة


أنا عملت الموضوع عشان ننقل فيه الفيدوهات أوالصور أو المقالات التى تصلح للنقل كذكرى لدفعتنا إن شاء الله ,,

دفعة جامعة الإسكندرية 2011

يتبع ,,
__________________
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
قديم 12-17-2011, 08:35 PM   #2
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
افتراضي رد: ذكــــريات دفــــعة 2011ღღ ,, جـــــامعة الإسكنــــدرية ღღ

أحد القلل ,,


نقرتين لعرض الصورة في صفحة مستقلة





نقرتين لعرض الصورة في صفحة مستقلة
__________________
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
قديم 12-17-2011, 08:46 PM   #3
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
افتراضي رد: ذكــــريات دفــــعة 2011ღღ ,, جـــــامعة الإسكنــــدرية ღღ

مقال كُتب الأمس ,, نقلاً عن دكتور حسام عبدالجواد ,,

__________________________


معلش .. هو كلام طويل حبتين .. بس لازم أقوله :)

فيه ناس حاسة إن بكرة نهاية الدنيا ..
فيه ناس حاسة بالضياع وإنهم مش عارفين يعملوا إيه بعد ما يخلصوا كلية ..
وناس شايلة هم الشغل والامتياز والجيش والتكليف والجواز والعيال والماجستير والزمالة والمعادلة والسفر برة والقعاد جوة وصحابك اللي حتسيبهم .... إلخ

طب ثواني ..

افتكر معايا كده ... زمان وانت صغير ..

وانت لسه كده بيبي صغنن ما بتعرفش تعمل حاجة غير إنك تعيط ..
ضعيف .. غلبان .. سقعان .. جعان .. بتبص حواليك وتشوف ناس غريبة .. خايف مش عارف انت مين ولا فين ولا فيه إيه بالضبط !

ربنا ساعتها سخّر لك أب وأم يحتووك بحنانهم وعطفهم .. يأكلوك ويشربوك ويربوك ويعلموك ويخافوا عليك ويحطوك في عينيهم لحد ما كبرت وعرفت تمشي وتجري وتتكلم وتغلس عليهم بطلباتك :)
واللي حُرم من نعمة الوالدين ربنا لم يتركه هملا .. بل سخر له من يعتني بيه ويرعاه لحد ما كبر وقدر يقف على رجله !

فاكر أول مرة تخرج من بيتك وتقعد مع ناس غريبة ؟

أيوة: أول يوم ليك في الحضانة !
فاكر قعدت تعيط أد إيه ومامتك وباباك سايبينك في المدرسة ؟!
وانت عمال تجري وراهم وتعيط .. بس الميس في الفصل مسكتك من قفاك وقعدتك
-يعني ده للي عنده دم وعيط .. فيه ناس كانت فرحانة إنها مش حتشوف أهلها طول اليوم :)-

وربنا -سبحانه وتعالى- سخر لك قلب برئ طاهر اختار لك صحاب زيك .. بقيتوا بتقعدوا مع بعض وتلعبوا مع بعض وتضحكوا وتهزروا .. واليوم يعدي عليك وانت فرحان والقلق والحزن راحوا منك

وانت صغير في تالتة ابتدائي ..
فاكر أول مشوار طويل تخرج فيه لوحدك ؟!

ماشي في الشارع وقلقان وخايف تتوه .. وحكايات الأم المصرية العظيمة عمالة تتجلى في ذهنك :))
وتفتكر العيل اللي اتخطف وأهله مش لاقيينه .. والواد اللي طلع له أبو رجل مسلوخة .. وأفلام الكارتون اللي كنا عايشينها :)))
مش عارف تركب المشروع ولا الترام ..
وعمال تسأل كل شوية: عمو .. عمو .. هو ده الشارع الفلاني ؟!

فاكر لما دخلت إعدادي ؟!!
سن البلطجة والتخلف العقلي والعته الذهني -أنا طبعا بتكلم على الولاد ومدارس الولاد :)-
وانت داخل الفصل تلاقي واحد بشنب واقف لك على الباب ويديك بونية في وشك ..
تبص وتقوله: كابتن ؟! هو كله ضرب ؟! مفيش شتيمة ؟! :d:d

فاكر لما قعدت شهرين بالمنظر ده وعيال دماغها رايحة منها خالص .. وبعدين تأقلمت مع الوضع ودماغك راحت منك وبقيت بلطجي زيهم وما حدش بقى بيعرف يبق معاك ؟!!

فاكر ثانوي ؟!
رفاق السوء وشلة الفساد والإفساد ؟! :)))

وازاي ربنا سخر لك عقلك وضميرك عشان تعرف الصح من الغلط .. وعرفت إنك لازم تقدر المجهود اللي أهلك عملوه معاك وتذاكر وتجتهد .. ولقيت ثمرة تعبك بعد الثانوية وأهلك واخدينك في حضنهم والحاجة بتزغرط وتقولك أنا فرحانة بيك .. وبعدين تعيط وتقولك أنا فرحانة بيك :d:d

فاكر غلطة العمر ؟ :d:d
كلية طب طبعا :)

فاكر وانت داخل على ميدان الخرطوم في أول يوم فرحان بكشكول المحاضرات .. وفي نفس اليوم وانت طالع مكشر وتقول: أنا إيه اللي وقعني الوقعة السودا ديه ؟ :)))

افتكر ازاي كده تأقلمت مع الوضع الجديد عليك تماما .. وست سنين عدوا عليك وأديك فاضلك أقل من 22 ساعة وتخلص :))

ربنا سبحانه وتعالى هو اللي خلقك .. وهو اللي رزقك .. وهو الكريم الرحيم بمخلوقاته كلهم .. لم يتركهم هملا سبحانه وتعالى .. بل تكفل بهم وبرزقهم وبتدبير أمرهم

حتى الحيوان ربنا قيض له الرزق ودبر له معيشته ..
من خمس سنين في رمضان بعد الفطار .. كنت ماشي في شارع ضلمة ومنطقة مفيهاش حد خالص ولقيت 10 قطط تقريبا قاعدين في المكان ده .. استغربت بيجيبوا أكلهم منين وازاي ..
تاني يوم وأنا معدي في نفس المكان وفي نفس المعاد .. ألاقي راجل ماسك في إيده كيس فيه سمك وبيحط قدام كل قطة سمكة !

حتى النبات .. ربنا سخر له المطر يرويه .. وسخرك انت ليه .. ياخد منك الكاربون دايوكسايد ويديك أكسجين ..

ربنا سبحانه وتعالى لا يضيع خلقه ..
أهم حاجة بس إن الواحد يحافظ على قلبه يبقى قريب منه سبحانه وتعالى ..
وإنه يتوكل على الله في كل أموره ويتذكر قول الله عز وجل: (ومن يتوكل على الله فهو حسبه)
وتذكر دائما قول (لا حول ولا قوة إلا بالله)
لا حول: يعني لا تحول من حال الشر إلى حال الخير إلا بإذن الله وأمره وتوفيقه
وكذلك لا قوة على فعل الخير والصواب إلا بأمره سبحانه وتعالى

وتذكر دعاء النبي صلى الله عليه وسلم:
"اللهم رحمتك أرجو فلا تكلني إلى نفسي طرفه عين وأصلح لي شأني كله لا إله إلا أنت"

كان يقوله صلى الله عليه وسلم ساعة الهم .. ليذكر نفسه صلى الله عليه وسلم أن الاتكال كله والاعتماد على الله ... وأن صلاح الحال هو من الله تعالى وحده .. ويتوسل في دعائه بأنه يطلب منه سبحانه وتعالى الرحمة وأن حاله كله في حياته هو طلب الرحمة بالقرب منه سبحانه وتعالى ..

هو ده اللي بيخلي القلب يطمئن ويأنس .. أن تتذكر أن الله سبحانه وتعالى هو الذي يحفظك ويكفلك ويربيك بنعمه ويدبر لك أمرك ويقدر لك الخير وأسبابه ..


وإن شاء الله بكرة يبقى يوم حلو على الجميع .. ومش عايزين عياط :))
__________________
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
قديم 12-17-2011, 09:01 PM   #4
محمد القاضي
هوالله قبلك حاسس بيك
Allteb
 
الصورة الرمزية محمد القاضي
 
تاريخ التسجيل: Apr 2009
العمر: 31
المشاركات: 1,396
افتراضي رد: ذكــــريات دفــــعة 2011ღღ ,, جـــــامعة الإسكنــــدرية ღღ

ايااااام جميله بجد انا فاكر يوم مكان والدي بيوريني الكلية اول مره وكنت حاسس برهبة وفخر رهيب اني دخلت الكلية دي .... فعلا برغم اني دوقت مر كتير بس كنت مبسوووط وانا حاسس انها فعلا ايام لا تعوض ... لكن ان شاء الله يدوم بينا التواصل

جميلة اوووي القلة دي :)
__________________
نقرتين لعرض الصورة في صفحة مستقلة
محمد القاضي غير متواجد حالياً   رد مع اقتباس
قديم 12-18-2011, 11:17 AM   #5
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
افتراضي رد: ذكــــريات دفــــعة 2011ღღ ,, جـــــامعة الإسكنــــدرية ღღ

من أحد طلاب سوريا عندنا لكن الالقاء مختلف عن مجرد قرائتها ,,
حمى الله سوريا وأهلها وانتقم من بشار واعوانه ,,

________________________________



وكل الناس تقلك هانــت .. ونفسك من جوة مكسورة
ودمعة راجل فوق كتـاب .. تــنــزل لـو نـزلت مـعـذورة
أوعى تفكر خوف وضعف .. همه الحاجة تكون مسرورة
ونفسه يفرح قلب الحاج .. ويقله سعيك مشكوراً
-------------------------------------------
طب سيب الهم لناس تانين .. وإحمد ربك جت مستورة
واكسر جرة او اكسر زيــــر .. واسجد شكر ورتل سورة
وانسى كل هموم القلب .. ومن صدرك طلع عصفورة
محبوسة من ست سنين .. بين أغصان الهم محشورة
ونظف سحنة أهلك وابقى .. سنيور وعايز سنيورة
ولم هدومك واطلع شرم .. وانسى جمصة والمعمورة
وتحية للشعب الروسي .. وفكك من طب المهجورة
--------------------------------------------
دفعتنا كفاءة ورجولة .. حبيتها من وانا سنة اولى
واللي مخاصم فينا التاني .. اتصالحوا اعذاركو مقبولة
ست سنين في خلقة بعض .. ماتخليش نفسك مغلولة
في الهيستولوجي طفحنا المر .. والكيميا مادة مجهولة
والفيسيولوجي دي اخت الكيميا .. نصين وقسموها الفولة
وفي التشريح ياما شفنا الرعب .. كبد ومخ وإيد مبتورة
وفي تجارة طب شوف الفرق .. الجثة تعني أمورة
جتنا تالتة ااااه يا خرااابي .. صاحت نجوى ولطمت نورة
والبارا وليالي الــفــارما .. وفي اللجنة نغني التنورة
هتزغلل عين الطلااااب .. وهتخلي دماغهم منخورة
مش عايز افتكر الباطنة .. الفاظي هتبقى محظورة
اوقفلي يمين العيان .. وطلعلي أطول مازورة
وقيسلي طول صباع الرجل .. وشوفلي بسرعة لون القورة
واوصلي منها لتشخيص .. يا إما كرامتك مهدورة
وطبلي شوية على بطنه .. وقلدلي صوت الشحرورة
ولو راجل قله ماينفعش .. اللجنة هتقلب شبورة
هيصبح عالست الوالدة .. وهتسكت زي الفرفورة
جتنا جراحة وقلنا هانت .. وهنقطف ثمرات الثورة
يعني بعون الله تواصل .. شفافية هتبقى منثورة
ثورة مين يالا يابن التيت .. دحنا اللي في ملعبنا الكورة
البس ورقة وتانية وتالتة .. ولو راجل حل الفزورة
---------------------------------------------
يالله اهو عدى والمتبقي .. ذكرى تجمعنا وصحاب
وكل ماتسرح ويا خيالك .. افتح للأيام دي باب
ماتخفش تحدي المستقبل .. دحنا اللي بنسف تراب
ده كفاية لسة عايشين .. بعد مشقة وبعد عذاب
وفاضل فينا شوية عقل .. وغيرنا ياعيني عقله ساب


دكتور محمد مرزوق
__________________
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
قديم 12-18-2011, 04:52 PM   #6
راجية حسن الخاتمة
فالله خير حافظا
 
الصورة الرمزية راجية حسن الخاتمة
 
تاريخ التسجيل: Jul 2010
المشاركات: 1,705
افتراضي رد: ذكــــريات دفــــعة 2011ღღ ,, جـــــامعة الإسكنــــدرية ღღ

مبـــــــــــــــــــارك الافراج
عقبال الماجستير والدكتوراة

ربنا يرفع قدرك دوما يارب
__________________
((استوصوا باهل السنة خيرا؛فإنهم غرباء)) سفيان الثوري
نقرتين لعرض الصورة في صفحة مستقلة

بالله عليك يا مرفوع القدر بالتقوى ، لا تبع عزها بذل المعاصى
و صابر عطش الهوى في هجير المشتهى و إن أمضّ و أرمض .
بالله عليك تذوق حلاوة الكف عن المنهى ،فإنها شجرة تثمر
عز الدنيا و شرف الآخرة .ومتى اشتد عطشك إلى ما تهوى,
فابسط أنامل الرجاء إلى من عنده الرِّي الكامل .وقل :قد عيل صبر
الطبع في سنيه العجاف ،فعجّل لى العام الذى فيه أغاث وأعصر.
بالله عليك تفكر فيمن قطع أكثر العمر في التقوى و الطاعة
ثم عرضت فتنة في الوقت الآخر ،
كيف نطح مركبه الجرف فغرق وقت الصعود؟؟

قل لي : من أنت ؟ وما عملك؟وإلى اى مقام ارتفع قدرك؟
يا من لا يصبر لحظة عما يشتهي .
بالله عليك أتدري من الرجل ؟
الرجل و الله من إذا خلا بما يحب من المحرم و قدر عليه و تقلل عطشاً إليه ،.

نظر إلى نظر الحق إليه فاستحى من إجالة همه فيما يكرهه ، فذهب العطش
راجية حسن الخاتمة غير متواجد حالياً   رد مع اقتباس
قديم 12-18-2011, 05:05 PM   #7
Dr Mohammed Roshdi
dark knight سابقا
Allteb
 
الصورة الرمزية Dr Mohammed Roshdi
 
تاريخ التسجيل: Aug 2010
العمر: 30
المشاركات: 2,213
افتراضي رد: ذكــــريات دفــــعة 2011ღღ ,, جـــــامعة الإسكنــــدرية ღღ



ألف مبروك يادكتوره ..

احساس التخرج ده أكيد إحساس مختلف وجميل ..

وعقبالنا كدا يارب ..
بدل ما الواحد خلاص قرب يخلل :)


__________________
نقرتين لعرض الصورة في صفحة مستقلة

لا يعرف قوته بعـــد ..
من لم يذُق طعم المِحـــن .. !
Dr Mohammed Roshdi غير متواجد حالياً   رد مع اقتباس
قديم 12-18-2011, 05:13 PM   #8
مشتاقة للجنة
♥طبــيــبة أطفـــال♥
Allteb
 
الصورة الرمزية مشتاقة للجنة
 
تاريخ التسجيل: Jan 2009
المشاركات: 2,003
افتراضي رد: ذكــــريات دفــــعة 2011ღღ ,, جـــــامعة الإسكنــــدرية ღღ

الف مبروك يادريمى انتهاء سنه 6 على خير
وربنا يوفقك فى اللى جاى ان شاء الله
- هوبس فيه سؤال عابر-
مين اللى ساب مزاكرته وقعد يعمل فى القلل دى :)
مشتاقة للجنة غير متواجد حالياً   رد مع اقتباس
إضافة رد

الكلمات الدلالية (Tags)
2011ღღ, الإسكنــــدرية, ذكــــريات, جـــــامعة, دفــــعة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 12:37 AM.


Powered by vBulletin Version 3.8.12 by vBS
Copyright ©2000 - 2020, Jelsoft Enterprises Ltd
Translation by Support-ar