آخر المشاركات
         :: مجلة سلا (آخر رد :ديجيتال)      :: Free Online Medical Certification(Expires end of May, 2020) (آخر رد :دكتور أشرف)      :: Nephrology pearals (آخر رد :doomm007)      :: Module: Basic Mechanical Ventilation (آخر رد :دكتور أشرف)      :: علاج الترامادول (آخر رد :جهاد الحياة)      :: فيديوهات شرح منهج الجراحة كاملا للبكالوريوس و الماجيستير للدكتور على حسيب (آخر رد :dr_m_6000)      :: كيف استعد لعملية تكميم المعدة (آخر رد :dr.elsobky)      :: 10 مميزات لعملية شفط الدهون بالليزر (آخر رد :dr.elsobky)      :: لَقَدْ نَزَل بكم عشرُ رمضانَ الأخيرةُ (آخر رد :دكتور أشرف)      :: سورة القدر...معاني و إشارات (آخر رد :دكتور أشرف)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > ۞ السّــاحةُ الإجتماعية والحوارية ۞ > كلام مش في الطب > حــوارات تفـاعـليــة

حــوارات تفـاعـليــة :: خاص للمناقشات الهادفـة والحوارات العامـــة ::

إضافة رد
 
أدوات الموضوع انواع عرض الموضوع
قديم 09-02-2010, 04:36 AM   #1
دكتور المنصورة
د/ وليد عبدالحكم
Allteb
 
الصورة الرمزية دكتور المنصورة
 
تاريخ التسجيل: Jan 2009
العمر: 30
المشاركات: 3,748
افتراضي فاكر زكرياتك وانت فى المدرسه (يالا الكل يدخل ويجاب على الاسئله)

طبعا كلنا لينا زكريات جميله مع مدرستنا او معظمنا يعنى مش كلنا ( ابتسامه)


والزكريات دى لحد دلوقتى معانا ومش نقدر ننساها



يالا كل واحد يستعيد زكرياته معانا ويجاب على الاسئله دى بس يجاوب بجد ( ابتسامه)

-إيِه أسم مدرستكـ ؟!

(ليك الحق تختار اى مدرسة ابتدائى - اعدادى -ثانوى)

2- احساسك ايه وانت بتعدى عليها؟

3- اكتر سنة دراسية حبيتها ؟! وليه؟

4- اعلى ترتيب حصلت عليه؟

5- كم عدد الحصص .؟!

6- ما هى مادتكـ المفضله ؟!

7- تحب تذآكر من كراستك او الكتاب .؟!

8- هل انت من النوع الي تحب تشخبط عـَ الكُتب والكراسات ؟..!!


9- هل انت من النوع الي يتكلم كثير ؟. او لا يتكلم او نـآدراً ؟.!

10- من أكثر معلم احببته؟ ايه هى مادته ؟.!

11- كم عدد طلاب فصلك؟.!!

12- فين مكانك في الفصل ؟؟.!

13 - ومن كــآن جنبكـ ؟!

14- كم مره كتبت تعهد او مخالفه . وليه ؟.! ومتى .؟!

15- كم مرة انطردت من الحصه ؟.! وليه .؟.! ومتى ؟!

16- كم مرة انحرمت من الفسحه ؟.! وليه ؟!

17- عمرك اتهزات من مدرسك.؟! وليه ؟.!

18- او هزأت مدرسك .؟؟!! >>

19- انت رسبت سنه ؟.! اذا رسب في اي صف ؟.! وكم مره ؟! وليه ؟.

20- كم مرة هربت من الحصه ؟..!

21-كم مره نمت في الصف ؟.!


22- ا نت في مدرسه خاصة ! او حكومية ! .؟..!


23- في حد من المنتدى معــآك في مدرسه ؟ّ!. او صار معاك مره ؟.


24- ليك اصحاب من ايام المدرسة لحد الوقت؟

25- هل حد من اصحابك دخل معاك نفس كليتك؟
دكتور المنصورة غير متواجد حالياً   رد مع اقتباس
قديم 09-02-2010, 05:35 AM   #2
راجية حسن الخاتمة
فالله خير حافظا
 
الصورة الرمزية راجية حسن الخاتمة
 
تاريخ التسجيل: Jul 2010
المشاركات: 1,705
افتراضي رد: فاكر زكرياتك وانت فى المدرسه (يالا الكل يدخل ويجاب على الاسئله)

1- مدرستى باسم بلدى
2-الابتدائى والاعدادى عادى مبحسش بحاجة
اما الثانوى فبحس بس مش عارفة اوصف
2-ثالثة ثانوى
عشان اتعرفت على مدرسين ومدرسات عظماء لازال حتى الان تربطنا صداقة رائعة
هما اكتر ناس فاهمنى وعارفين انا مين اكتر منى
3-طلعت الاولى فى ثانويه عامة على بلدى
4-فى ثانوى 5-6حصص
5-الفيزياء والانجليزى
6-من كتاب المدرسة على عكس صحابى كلهم وكنت باضيف الزيادة فيه
7-كتب المدرسة لا مقدرش اشخبط عليها بالنسبة ليا كانت شىء مقدس لا احد يمسه غيرى وعمرى ماكتب غير بالرصاص لو كتبت بلون تانى ببقى حريصة جدا على دقة كتابتى
اما المذكرات والكراريس فكنت بارسم حمام وعيون بس بالرصاص
9-السؤال ده على حسب المرحلة
فى ابتدائى كن قليلة الكلام جدا يعنى الكلمة تخرج بالعافية
فى الاعدادى متوسطة
فى ثانوى رغاية جدا
ولا زلت حتى الان
10-ياه كتير هاختار اكتر تلاته
الاستاذ محمد طلبه عربى(ثانوى )
الاستاذ ايمن فيزياء(ثانوى )
مس سوسن انجليزى (اعدادى)
11-مش فاكرة
12-فى ثانوى مكنتش بروح الا قليل
اما ابتدائى تقريبا فى الصف الاوسط منتصفه تقريبا
والاعدادى كنت فى الصف الاوسط تانى كرسى
13-ابتدائى واحدة اسمها دينا
واعدادى اميرة معايا دلوقتى فى طب
14-مش فاهمة ايه تعهد دى لا انا كنت مشاغبة مع العيال بس من غير مخالفات
15-لا الحمد لله مفيش طرد انا بحترم مدرسينى جدااااا

16-ولا مرة
17-لا برده مدرسينى بيحبونى بفضل الله
18-ايه السؤال ده
بلاش فضايح اه مرة مدرس غلس عليا فى اعدادى بس غلس قوى قوى فاضطريت اديلة جملة كده
بس كانت جملة تقيلة قوى
19-لا الحمد لله بس شكلى هارسب فى طب
20-لا مبهربش ممكن احضر واتلكك واخرج
21-كتييييييييييير نمت كتير قوى
معظمها فى حصص الرسم
22-لا حكوميه
23-اه عاشقة الرسول دى انتمتى واعز صحباتى
ودريمر بس مش بتشارك فى المواضيع بتقرا بس
24-طبعا عاشقة الرسول ودريمر وناس كتير جدا جدا جدا انا عمرى ما اقدر انساهم ابدا وخاصة انهم فى بلدى
25-اه اميرة
موضوع حلو جدا
جزاكم الله خيرا
__________________
((استوصوا باهل السنة خيرا؛فإنهم غرباء)) سفيان الثوري
نقرتين لعرض الصورة في صفحة مستقلة

بالله عليك يا مرفوع القدر بالتقوى ، لا تبع عزها بذل المعاصى
و صابر عطش الهوى في هجير المشتهى و إن أمضّ و أرمض .
بالله عليك تذوق حلاوة الكف عن المنهى ،فإنها شجرة تثمر
عز الدنيا و شرف الآخرة .ومتى اشتد عطشك إلى ما تهوى,
فابسط أنامل الرجاء إلى من عنده الرِّي الكامل .وقل :قد عيل صبر
الطبع في سنيه العجاف ،فعجّل لى العام الذى فيه أغاث وأعصر.
بالله عليك تفكر فيمن قطع أكثر العمر في التقوى و الطاعة
ثم عرضت فتنة في الوقت الآخر ،
كيف نطح مركبه الجرف فغرق وقت الصعود؟؟

قل لي : من أنت ؟ وما عملك؟وإلى اى مقام ارتفع قدرك؟
يا من لا يصبر لحظة عما يشتهي .
بالله عليك أتدري من الرجل ؟
الرجل و الله من إذا خلا بما يحب من المحرم و قدر عليه و تقلل عطشاً إليه ،.

نظر إلى نظر الحق إليه فاستحى من إجالة همه فيما يكرهه ، فذهب العطش
راجية حسن الخاتمة غير متواجد حالياً   رد مع اقتباس
قديم 09-02-2010, 06:44 AM   #3
Dr.M.A.H
 
الصورة الرمزية Dr.M.A.H
 
تاريخ التسجيل: Aug 2010
العمر: 28
المشاركات: 95
افتراضي رد: فاكر زكرياتك وانت فى المدرسه (يالا الكل يدخل ويجاب على الاسئله)

بسم الله الرحمن الرحيم
استعنا بالله
. مدرستي الابتدائي كان اسمها مدرسه الشهيد محمود مرسي الابتدائيه المشتركه
.هو بالنسبه للمدرسه الابتدائي والاعدادي مش بحس بحاجه الصراحه وانا معديه من قدامهم نقرتين لعرض الصورة في صفحة مستقلةانما المدرسه الثانوي لما بعدي عليها بحس اني سعيده قوي اني طلعت من المدرسه دي ورفعت راس والدي الي كان مدرس في المدرسه وكل المدرسين الي كانوا متوقعين ليا اني اتفوق وادخل الكليه الي انا عاوزاها والحمد لله رب العالمين وطبعا بقي بفتكر كل حاجه كانت بتحصل في المدرسه وذكرياتي كلها فيها ومع المدرسين بتوعينقرتين لعرض الصورة في صفحة مستقلة
.من اكتر السنين الدراسيه الي حبيتها كانت اولي اعدادي لاني كنت محافظه كويس قوي الحمد لله علي تفوقي وربنا اكرمني فيها الحمد لله واكيد اكيد كمان ثانيه وثالثه ثانوي لاني الحمد لله كنت شعله من النشاط وكنت مبسوطه قوي لاني بدات ابقي اجتماعيه ووطدت علاقتي بكل الي حواليا وبدأتدايره نشاطي توسع فيهم بس للاسف كان كل سنه في مشكله كبيره لازم تحصل في اول كل سنه دراسيه كانت بتزعجني جداوهي طبعا مشكله اني انقل من فصلي للفصل الي قبلي علي طول علشان ابقي انا وصديقتي الصدوقه مع بعض نقرتين لعرض الصورة في صفحة مستقلةوكان اول شهر كله بيضيع في المشكله دي وكنت بحس فيها اني كارهه اروح المدرسه خالص بس لا مفر كنت بنقل يعني بنقل باي شكل من الاشكال لدرجه ان الموضوع كبر قوي في المدرسه الاعدادي وكان مدير المدرسه معاند قوي قوي فصعدنا الموقف لمديريه التربيه والتعليم و الاداره عندنا وهما الي حلوا الموضوع ونقلت بردهنقرتين لعرض الصورة في صفحة مستقلةنقرتين لعرض الصورة في صفحة مستقلة
.ثالثه ابتدائي واولي اعدادي كنت الاولي علي المدرسه وعلي بلدي طبعا الحمد لله ثانيه اعدادي وثانيه ثانوي كنت الثانيه علي المدرسه اما ثالثه اعدادي وثالثه ثانوي كنت الخامسه (ايه التقسيمه دي؟؟)
.كان عندنا اليوم الدراسي 7 حصص بس غالبا اخر حصه كانت بتبقي تربيه رياضيه وكنا بنمشي بقي
.الماده المفضله عندي كانت الرياضياتنقرتين لعرض الصورة في صفحة مستقلة
.كنت بحب اذاكر من الاتنين الكتاب والكراسه
.لا خالص خالص انا الحمد لله كتبي كانت نظيفه مش بشخبط فيها والقلم كان بيتحط بس للتخطيط تحت الحاجه المهمه او كتابه معلومه زياده مش اكتر من كده
.يعني متوسط ولا بتكلم كتير ولا مبتكلمش خالص
.اكتر مدرس احببت علاقتي بيه وبجد كنت بحس انه بابا كان مدرس الفيزياء أ/حمدي حجاج ومازلت حتي الان علي اتصال بيه الحمد لله ومدرس الرياضيات أ/ حامد
.عدد طلاب الفصل كان متوسطهم تقريبا اربعين طالب
. مكاني في الفصل في المراحل الاولي يعني الابتدائي كنت الديسك الاول وفي الوسط كمان ولا يمكن لا يمكن لا يمكن اقعد في اي ديسك تاني نقرتين لعرض الصورة في صفحة مستقلةوللاسف الشديد برده كان بيحصل مشاكل بسبب الموضوع ده بس برده مهما حصل لازم الديسك الاول وبعد كده في الثانوي بقي الاول او التاني او التالت او كده كان عندي اهتمامات تانيه اكتر واولي من التفكير في الديسك وخصوصا اني كنت احيانا بغيب من المدرسه بقي
.كانت جنبي علي طول صديقتي الصدوقه طبعا
.ولا مره الحمد لله
.ولا مره الحمد لله
. ولا مره الحمد لله
. كلمه اتهزات دي وحشه قوينقرتين لعرض الصورة في صفحة مستقلة بس تقريبا كده كانت مره واحده بس مش تهزيء يعني بمعني الكلمه اما ليه لاني كنت برخم علي صاحبتي وبضربها (مفتريه نقرتين لعرض الصورة في صفحة مستقلةنقرتين لعرض الصورة في صفحة مستقلة)
.لا لا لاتهزيء ايه معندناش الكلام دهنقرتين لعرض الصورة في صفحة مستقلة
. لا الحمد لله مفيش رسوب ولا حاجه مكنش زماني بقيت هنانقرتين لعرض الصورة في صفحة مستقلة
.مهربتش ولا مره من الحصه بصراحه بس كان نفسي اجرب الاحساس ده نقرتين لعرض الصورة في صفحة مستقلةويوم ما فكرت اهرب كنا في 3 ثانوي كانت اخر حصتين احياء وفي الحصه التانيه الي هي كانت فاضيه طبعا مفيهاش شرح روحت استاذن من المدرسه واقولها اني عاوزه امشي اصلي نفسي اجرب احساس الهروب ده؟؟؟نقرتين لعرض الصورة في صفحة مستقلةنقرتين لعرض الصورة في صفحة مستقلةرفضت طبعا وفضلت اقولها وهي تقولي مينفعش انتي شطوره ومفيش حد شاطر بيهرب من الحصه وفي النهايه خيبت رجائي وجرس الحصه ضرب معلنا نهايه اليوم الدراسينقرتين لعرض الصورة في صفحة مستقلةنفسي اجرب الاحساس ده اعمل ايه ؟؟؟
.لا لا منمتش بصراحه في الصف خالصنقرتين لعرض الصورة في صفحة مستقلة
.كنت في مدرسه حكوميه
.لا بصراحه مفيش حد علي المنتدي من زميلات المدرسه انما طبعا من زميلات الكليه كتييييييييير
.ليا طبعا الحمد لله وبالذات اتنين منهم معزتهم في قلبي لا توصف كانوا معايا من ايام المدرسه وكلهم الحمد لله رب العالمين مازالت علاقتي بهم مستمره
. ايوه معايا 3 زميلات من المدرسه دخلوا معايا نفس الكليه انما صديقتي الصدوقه بتاعه الديسك دخلت صيدله
.....واول ما تذكر كلمه مدرسه وخصوصا طبعا ان كانت المدرسه الابتدائي ييجي في ذهني علي طول موقف وهو اول موقف ليا مع المدرسه نقرتين لعرض الصورة في صفحة مستقلةوفي اول يوم من الدراسه روحت المدرسه وطبعا ماما معايا بتوصلني وبتطمئن عليا دخلنا الفصل وقعدت في الديسك الاول طبعا في النص وبعدين وقفنا كلنا علي الديسك من فوق ودخلت المديره علشان تشوف طول زي المدرسه مناسب تحت الركبه ولا قصير خلصت مهمتها ودخلت المدرسه الي المفروض انها رائده الفصل وكانت اسمها أ/ ناديه كانت سمره بس شويه اول ما شوفتها عنيا اتملت دموع كتير وخلاص بقي هعيط نقرتين لعرض الصورة في صفحة مستقلةوروحت قايلالها انا مليش دعوه انا مش عوزاكي انا مش بحبك انتي وحشه انا عاوزه الي جنبنا في الفصل التاني دي حلوهنقرتين لعرض الصورة في صفحة مستقلة ورحت نازله من فوق الديسك وواخده شنطتي ومعزله من الفصل نقرتين لعرض الصورة في صفحة مستقلةمش عارفه دي براءه اطفال ولا ايه؟!؟ ورحت فعلا الفصل التاني الي فيه أ /نجلاء كانت مختمره وعسوله ومريحه نفسيا بالنسبالينقرتين لعرض الصورة في صفحة مستقلةنقرتين لعرض الصورة في صفحة مستقلة بس للاسف ملقتش طبعا الديسك الاول فاضي فقعدت في التاني وهنا كان اول لقاء بيني وبين صديقتي الصدوقه

اسفه اني طولت عليكم بس ذكرتوني بالذي مضي كانت احسن ايام بجد وعمري ما هنساها باذن الله
شكرا شكرا علي الموضوع الجميل ده
نقرتين لعرض الصورة في صفحة مستقلة
Dr.M.A.H غير متواجد حالياً   رد مع اقتباس
قديم 09-02-2010, 06:44 AM   #4
رحمة
ألا يا قلبـ لا تحزنـ
 
الصورة الرمزية رحمة
 
تاريخ التسجيل: Jul 2009
العمر: 28
المشاركات: 984
افتراضي رد: فاكر زكرياتك وانت فى المدرسه (يالا الكل يدخل ويجاب على الاسئله)

اقتباس:
-إيِه أسم مدرستكـ ؟!
المعهد النموذجي..ابتدائي واعدادي وثانوي :)
اقتباس:
احساسك ايه وانت بتعدى عليها؟
بكون فرحانة و... متحمسة شوية
اقتباس:
اكتر سنة دراسية حبيتها ؟! وليه؟
تانية اعدادي..كنت بلعب انا وصحابي فيها كتير جدااا وكان عندي طاقة فظيعة :) وكمان كنت اول سنة مطلعش من التلاتة الاوائل.. طلعت الرابعة..بس انا كنت قاصدة كده :))
وتالتة ثانوي طبعا..سنة المنافسات.. وكنت بقضي معظمها مع صحابي..كانت جميلة اوي.
اقتباس:
اعلى ترتيب حصلت عليه؟
المركز الأول على الجمهورية في مسابقة أبحاث
والأول على اسماعلية في أوائل الطلبة في تالتة ثانوي..
اقتباس:
كم عدد الحصص .؟!
8 ويوم الاحد 9 بيتهيألي.
اقتباس:
ما هى مادتكـ المفضله ؟!
الرياضيات.
اقتباس:
تحب تذآكر من كراستك او الكتاب .؟!
الكتاب..انا دايما بعمل تلخيصات...بس بعتمد اكتر ع الكتاب.
اقتباس:
هل انت من النوع الي تحب تشخبط عـَ الكُتب والكراسات ؟..!!
ابداااا..انا ممكن ارسم حاجة خفيفة في جنب كده..او اكتب جملة تشجيعية...لكن بحب الكتاب يكون نضيف عشان اركز :)
اقتباس:
هل انت من النوع الي يتكلم كثير ؟. او لا يتكلم او نـآدراً ؟.!
على حسب الشخص اللي بتكلم معاه.
اقتباس:
من أكثر معلم احببته؟ ايه هى مادته ؟.!
استاذ يوسف...دراسات..اخر سنة درس لنا فيها تانية اعدادي.
اقتباس:
كم عدد طلاب فصلك؟.!!
في تالتة ثانوي كنا 10
اقتباس:
فين مكانك في الفصل ؟؟.!
معظم السنين كان اول ديسك في الصف اللي في النص .
اقتباس:
ومن كــآن جنبكـ ؟!
زهرة ..ماي بست فريند :)
اقتباس:
كم مره كتبت تعهد او مخالفه . وليه ؟.! ومتى .؟!
مش عارفة ايه ده!
اقتباس:
كم مرة انطردت من الحصه ؟.! وليه .؟.! ومتى ؟!
ولا مرة
اقتباس:
عمرك اتهزات من مدرسك.؟! وليه ؟.!
لأ الحمد لله..بس كان فيه تهزيء جماعي احيانا.. للفصل كله يعني..السيئة بتعم :(
اقتباس:
او هزأت مدرسك .؟؟!! >>
مستحيل طبعا.
اقتباس:
انت رسبت سنه ؟.! اذا رسب في اي صف ؟.! وكم مره ؟! وليه ؟.
لسه مش حصل !!.. ربنا يستر
اقتباس:
كم مرة هربت من الحصه ؟..!
للاسف ولا مرة..مع ان كان في حصص مش تستاهل غير ان الواحد يـ....
اقتباس:
كم مره نمت في الصف ؟.!
مش جربتها...اصل انا كنت بقعد قدام و..متراقبة!!
اقتباس:
ا نت في مدرسه خاصة ! او حكومية ! .؟..!
خاصة..هو كان معهد نموذجي لغات.
اقتباس:
في حد من المنتدى معــآك في مدرسه ؟ّ!. او صار معاك مره ؟.
زهرة 92..طب اسنان.. معايا من ابتدائي(انتيمتي) ^_^
اقتباس:
ليك اصحاب من ايام المدرسة لحد الوقت؟
اكيد...احلى اصحاب
اقتباس:
هل حد من اصحابك دخل معاك نفس كليتك؟
لأ..
___
شكرا لحضرتك ع الموضوع الجميل.
__________________
>
نقرتين لعرض الصورة في صفحة مستقلة

>
it's enough
>
رحمة غير متواجد حالياً   رد مع اقتباس
قديم 09-04-2010, 01:36 PM   #5
زهرة 92
صل ع النبي..
Allteb
 
الصورة الرمزية زهرة 92
 
تاريخ التسجيل: Oct 2009
المشاركات: 1,488
افتراضي رد: فاكر زكرياتك وانت فى المدرسه (يالا الكل يدخل ويجاب على الاسئله)

-إيِه أسم مدرستكـ ؟!

(ليك الحق تختار اى مدرسة ابتدائى - اعدادى -ثانوى)
عمر بن عبد العزيز النموذجي(ابتدائي .اعدادي .ثانوي)

2- احساسك ايه وانت بتعدى عليها؟
ببقى نفسي اقول للزمان ارجع يا زمان..

3- اكتر سنة دراسية حبيتها ؟! وليه؟
تالتة ثانوي..بس بعد ما خلصت طبعا.
عشان كنت فيها مع اصحابي على طول..وكان فيها روح منافسة وصداقة حلوة قوي..

4- اعلى ترتيب حصلت عليه؟
الأول.

5- كم عدد الحصص .؟!
تسعة..واحيانا كان بيبقى في تخفيضات..كانت بتوصل لسبعة..بس مش اقل من كدا..

6- ما هى مادتكـ المفضله ؟!
في تالتة ثانوي كنت بحب الفيزيا بس كنت بخاف منها..والكيميا بردو كنت بحبها جدا.

.7- تحب تذآكر من كراستك او الكتاب .؟!
الكتاب..

8- هل انت من النوع الي تحب تشخبط عـَ الكُتب والكراسات ؟..!!
على حسب الحالة النفسية..

9- هل انت من النوع الي يتكلم كثير ؟. او لا يتكلم او نـآدراً ؟.!

احيانا واحيانا..


10- من أكثر معلم احببته؟ ايه هى مادته ؟.!

مدرس التجويد..ومدرسة الكيميا..


11- كم عدد طلاب فصلك؟.!!
هم كانو كتير في ابتدائي..بس فضلو يقلو يقلو لحد في تالتة ثانوي كنا 10..

12- فين مكانك في الفصل ؟؟.!
وانا صغيرة كنت لازم ابقى في الديسك الاول..دا شرف التفوق..لكن في ثانوي مكانتش بتفرق..مش فاكرة كان فين..


13 - ومن كــآن جنبكـ ؟!
رحمة..اقرب صاحبة ليا..

14- كم مره كتبت تعهد او مخالفه . وليه ؟.! ومتى .؟!
يعني ايه؟؟

15- كم مرة انطردت من الحصه ؟.! وليه .؟.! ومتى ؟!

مفتكرش حصل قبل كدا..بس كان هيحصل وانا في الكلية عشان اتاخرت:)(

16- كم مرة انحرمت من الفسحه ؟.! وليه ؟!

لا متحرمتش من الفسحة قبل كدا..

17- عمرك اتهزات من مدرسك.؟! وليه ؟.!
لا الحمد لله...

18- او هزأت مدرسك .؟؟!! >>
حلو السؤال دا..

19- انت رسبت سنه ؟.! اذا رسب في اي صف ؟.! وكم مره ؟! وليه ؟.
لا..الحمد لله..ربنا يبعده عننا..

20- كم مرة هربت من الحصه ؟..!
كان نفسي اعملها..بس مجتليش الجرأة..

21-كم مره نمت في الصف ؟.!
لا مفتكرش حصل..


22- ا نت في مدرسه خاصة ! او حكومية ! .؟..!
خاص..او يعتبر تجريبية..



23- في حد من المنتدى معــآك في مدرسه ؟ّ!. او صار معاك مره ؟.
اه..رحمة..

24- ليك اصحاب من ايام المدرسة لحد الوقت؟

هم اقرب اصحابي لحد دلوقتي..


25- هل حد من اصحابك دخل معاك نفس كليتك؟
لا للاسف:(((

مشكور يا دكتور على موضوعك الهايل..
__________________
[size="5"]يا حي يا قيوم..برحمتك أستغيث..أصلح لي شأني كله ولا تكلني إلى نفسي طرفة عين..!![/SIZE]
زهرة 92 غير متواجد حالياً   رد مع اقتباس
قديم 09-04-2010, 02:29 PM   #6
the falcon
الـــحـمـد لـلـه
Allteb
 
الصورة الرمزية the falcon
 
تاريخ التسجيل: Jul 2009
العمر: 30
المشاركات: 950
افتراضي رد: فاكر زكرياتك وانت فى المدرسه (يالا الكل يدخل ويجاب على الاسئله)


-إيِه أسم مدرستكـ ؟!

معهد بلدنا ( إبتدائى)
مش هقول الإسم عشان محدش يتريق
^__^
معهد غازى الدين رزق الإعدادى الثانوى


(ليك الحق تختار اى مدرسة ابتدائى - اعدادى -ثانوى)

2- احساسك ايه وانت بتعدى عليها؟
عاااادى
3- اكتر سنة دراسية حبيتها ؟! وليه؟
تانية ثانوى
لأنى طلعت فى الترم الأول ( الثانى )
وده كان شئ مفزع وغير عادى بالنسبة لى فقررت أموت نفسى فى المذاكرة فى الترم التانى والحمد لله طلعت (الأول)بمجموع محصلش
وتالتة ثانوى طبعاً بس ده بعد انتهائها
وزوال تعب الأعصاب

الله يرحم أيام زمان
^__^
4- اعلى ترتيب حصلت عليه؟
الخامس على الجمهورية فى الثانوية الأزهرية
والثانى على محافظة الدقهلية
بس الحمد لله
الكلية قضت عليا
5- كم عدد الحصص .؟!
أيام ستة وأيام سبعة
6- ما هى مادتكـ المفضله ؟!
الأحياء والفيزياء
7- تحب تذآكر من كراستك او الكتاب .؟!
فى مواد من الكتاب ومواد من مذكرات الدروس
8- هل انت من النوع الي تحب تشخبط عـَ الكُتب والكراسات ؟..!!

طبعاااااااااا
لأزم أشخبط فى الكتاب عشان أحس انى ذاكرت

9- هل انت من النوع الي يتكلم كثير ؟. او لا يتكلم او نـآدراً ؟.!
أحياناً وأحياناً
10- من أكثر معلم احببته؟ ايه هى مادته ؟.!
د / سمير العباسى مدرس الأحياء
11- كم عدد طلاب فصلك؟.!!
حوالى 36
12- فين مكانك في الفصل ؟؟.!
فى الإبتدائى كان فى المقعد الأول
فى الإعدادى مش فاكر
فى الثانوى فى المقعد اللى قبل الأخير
جنب الشباااااك

13 - ومن كــآن جنبكـ ؟!
محمود صاحبى هو دخل هندسة
14- كم مره كتبت تعهد او مخالفه . وليه ؟.! ومتى .؟!
ولا مرّة
15- كم مرة انطردت من الحصه ؟.! وليه .؟.! ومتى ؟!
مش فاكر بس كان فى مدرسين مش بيدخلوا حد بعدهم
16- كم مرة انحرمت من الفسحه ؟.! وليه ؟!
ولا مرة بس أحياناً كان بيكون حرمان جماعى مثلاً لو كان فى امتحان فى الحصة اللى قبل الفسحة كان ممكن الإمتحان يكون طويل فالمدرس بيمد وقت الإمتحان على حساب الفسحة
17- عمرك اتهزات من مدرسك.؟! وليه ؟.!
كتيييييير بس ده مش ليا لوحدى كان بيكون للفصل كله
أصل فصلنا كان مشااااااااااغب جداااااً
18- او هزأت مدرسك .؟؟!! >>
لااااا
19- انت رسبت سنه ؟.! اذا رسب في اي صف ؟.! وكم مره ؟! وليه ؟.
الحمد الله
ولا مرّة
20- كم مرة هربت من الحصه ؟..!
تقريباً مرة أو مرتين
ده عشان كان فى مدرسين جبابرة
اللى كان ينسى الكتاب أو الكراسة كان بيطلع عينه

21-كم مره نمت في الصف ؟.!
ولا مرّة
عشان مكنتش بعرف
لكن لما دخلت الكلية بقيت اعرف أنام كويس جداً
22- ا نت في مدرسه خاصة ! او حكومية ! .؟..!
حكومية

23- في حد من المنتدى معــآك في مدرسه ؟ّ!. او صار معاك مره ؟.
فى بس مش بيدخلوا كتير

24- ليك اصحاب من ايام المدرسة لحد الوقت؟
نعم
25- هل حد من اصحابك دخل معاك نفس كليتك؟

أيوة

ولكن قدّر الله أن لا يكونوا معى حالياً فى سنة رابعة
ربنا يكرمهم


موضوع راااااااااائع يا دكتور وليد
سلمت يمناك
__________________




نقرتين لعرض الصورة في صفحة مستقلة


نقرتين لعرض الصورة في صفحة مستقلة

ربـــــــي
لا أدرى مــــــــا تحملــــــه لـــــي الأيــــــــــام لكـــــــن
ثقتــــــــي بـــــأنــــك معــــــي تكفينـــــــي ،
سبحــــــانــــــــك مـــــا أحلمـــك و بحــــــالي مـــــا أعلمـــــك
وعلـــــى تفــــريـــــج همـــــي مـــــــا أقـــــدرك ، أنـت ثقتــــــي... ورجـــــائـــــي ، فاجعـــــل حســــن ظنـــــي فيــــك ...جـــــزائــــي

the falcon غير متواجد حالياً   رد مع اقتباس
قديم 09-04-2010, 02:39 PM   #7
BL@cK
NOW .... Bl@cK
 
الصورة الرمزية BL@cK
 
تاريخ التسجيل: Jul 2009
العمر: 29
المشاركات: 1,984
افتراضي رد: فاكر زكرياتك وانت فى المدرسه (يالا الكل يدخل ويجاب على الاسئله)

اقتباس:
-إيِه أسم مدرستكـ ؟!
معهد كفر الشيخ الثانوى بنين



اقتباس:
2- احساسك ايه وانت بتعدى عليها؟
هههههههههههههههههههه
ايام غبره الله لا يعودها

اقتباس:
3- اكتر سنة دراسية حبيتها ؟! وليه؟
اممممممممم تقريبا تانيه ثانوى

اقتباس:
4- اعلى ترتيب حصلت عليه؟
ترتيب ايه يا جدع وحد الله ( لا الله الا الله )
احنا بنعدى السنه بسنتها والحمد لله

اقتباس:
5- كم عدد الحصص .؟!
بالنسبالى مكنوش بيعدوا خمس حصص

اقتباس:
6- ما هى مادتكـ المفضله ؟!
ف المواد الشرعيه كانت الفقه وف المواد العلميه كانت الفيزيا والرياضه

اقتباس:
7- تحب تذآكر من كراستك او الكتاب .؟!
فلا كراسه خارجيه

اقتباس:
8- هل انت من النوع الي تحب تشخبط عـَ الكُتب والكراسات ؟..!!
اه طبعا لازم اشخبط شخابيط عشان اركز وافهم واحفظ كمان


اقتباس:
9- هل انت من النوع الي يتكلم كثير ؟. او لا يتكلم او نـآدراً ؟.!
لا دى اسال عليها صحابى بقه هما الى يحكموا

اقتباس:
10- من أكثر معلم احببته؟ ايه هى مادته ؟.!
مدرس مادة الفقه فى الاعدادى

اقتباس:
11- كم عدد طلاب فصلك؟.!!
كنا حوالى 24
وسعات كنا بنوصل ل 36
اصل بقيت الفصول كانوا بيحولوا لنا

اقتباس:
12- فين مكانك في الفصل ؟؟.!
ااااااااااااااااااااخر ديسك خالص

اقتباس:
13 - ومن كــآن جنبكـ ؟!
اكيد واحد صحبى , اسمه درش فى صيدليه اسيوط حاليا ً ربنا يوفقه فى حياته ان شاء الله

اقتباس:
14- كم مره كتبت تعهد او مخالفه . وليه ؟.! ومتى .؟!
محصلش ( يعنى ايه تعهد اساسا )

اقتباس:
15- كم مرة انطردت من الحصه ؟.! وليه .؟.! ومتى ؟!
يووووووووووووووووووووووووووووووووووووووووووه ولا مره الصراحه بس كان المدرس بيخلينى اطلع اشرح الى قاله
كان هو دا اقصى عقاب

اقتباس:
16- كم مرة انحرمت من الفسحه ؟.! وليه ؟!
هما يقدروا
ولا مره طبعا

اقتباس:
17- عمرك اتهزات من مدرسك.؟! وليه ؟.!
الصراحه اه ، بس انا مقدر دا
عشان انا كنت بكلم الواد درش ومش مركزين مع المدرس فقلنا اوم ياد يا تلح انت وهو
يعنى ايه تلح مش عارف بس هو قال كده واعتقد انها تهزيئه



اقتباس:
18- او هزأت مدرسك .؟؟!! >>
لا طبعا مينفعش تحصل دى

اقتباس:
19- انت رسبت سنه ؟.! اذا رسب في اي صف ؟.! وكم مره ؟! وليه ؟.
ولا مره الحمد لله

اقتباس:
20- كم مرة هربت من الحصه ؟..!
يا عم انا كنت مقضيها
متعدش

اقتباس:
21-كم مره نمت في الصف ؟.!
ولا مره كنت بروح مفوق


اقتباس:
22- ا نت في مدرسه خاصة ! او حكومية ! .؟..!
حكوميه ويحيا التعليم المجانى


اقتباس:
23- في حد من المنتدى معــآك في مدرسه ؟ّ!. او صار معاك مره ؟.
ولا واحد


اقتباس:
24- ليك اصحاب من ايام المدرسة لحد الوقت؟
ايوا طبعا تقريبا كلهم

اقتباس:
25- هل حد من اصحابك دخل معاك نفس كليتك؟
لا للاسف
__________________

نقرتين لعرض الصورة في صفحة مستقلة
BL@cK غير متواجد حالياً   رد مع اقتباس
قديم 09-04-2010, 03:51 PM   #8
dr_2mh
♣ إفاقة حالم ♣
 
الصورة الرمزية dr_2mh
 
تاريخ التسجيل: Jul 2009
المشاركات: 563
افتراضي رد: فاكر زكرياتك وانت فى المدرسه (يالا الكل يدخل ويجاب على الاسئله)

-إيِه أسم مدرستكـ ؟!
لأ هوه كان معهد بـ اسم بلدى
(ليك الحق تختار اى مدرسة ابتدائى - اعدادى -ثانوى)
التلاتة فى بلدنا
2- احساسك ايه وانت بتعدى عليها؟
اشتياق و حنين
3- اكتر سنة دراسية حبيتها ؟! وليه؟
تالتة ثانوى أكتر سنة ذاكرت فيها و كانت المنافسة قوية جدا جدا وكمان معايا أساتذة رائعيين
4- اعلى ترتيب حصلت عليه؟
فى تالتة ثانوى كنت بالمستوى جايب 101%
5- كم عدد الحصص .؟!
فى أيام كانوا بيوصلو لـ 8 وفى أيام كانوا 6
6- ما هى مادتكـ المفضله ؟!
التفاضل الفيزياء و طبعا الفقه بس قبل مينزل كتاب شيخ الأزهر السابق كنا بنذاكر من الإقناع
7- تحب تذآكر من كراستك او الكتاب .؟!
من الكتاب لكن لو عملت تلخيص لحاجة كنت بقرأها من الكراسة طبعا
8- هل انت من النوع الي تحب تشخبط عـَ الكُتب والكراسات ؟..!!
لأ مطلقا بشخبط فى ورق خارجى -عشان متقولوش معقد-

9- هل انت من النوع الي يتكلم كثير ؟. او لا يتكلم او نـآدراً ؟.!
مش عارف حسب الموقف اللـ انا فيه
10- من أكثر معلم احببته؟ ايه هى مادته ؟.!
أستاذ الفقة والرياضيات و الفيزياء و الإنجليزى
11- كم عدد طلاب فصلك؟.!!
كنا 15 فى تالتة ثانوى قبل كده بقى مش فاكر
12- فين مكانك في الفصل ؟؟.!
الديسك الأول على اليمين
13 - ومن كــآن جنبكـ ؟!
مفيش حد بحب اقعد لوحدى " مبدا القطب الواحد" هههههههه
14- كم مره كتبت تعهد او مخالفه . وليه ؟.! ومتى .؟!
ولا مرة الحمد لله دانا الطالب المثالى على المعهد فى التلت مراحل هههههههههه "شوية فخر"
15- كم مرة انطردت من الحصه ؟.! وليه .؟.! ومتى ؟!
مفيش برده
16- كم مرة انحرمت من الفسحه ؟.! وليه ؟!
معندناش عقاب ان حد يحرمنا من الفسحة يحصل انقلاب علطول
17- عمرك اتهزات من مدرسك.؟! وليه ؟.!
لا الحمد لله
18- او هزأت مدرسك .؟؟!! >>
لأ بس فيه مراقب فى الامتحانات اتخنقت معاه عشان كان قاعد بيغشش الناس و بيشرب سجاير وصوته عالى و كنت فى امتحان الفيزياء فقلت "ايه الاستهبال ده انت فاكر نفسك فين" و جبنا رئيس الدور و كانت فضيحة !!!
19- انت رسبت سنه ؟.! اذا رسب في اي صف ؟.! وكم مره ؟! وليه ؟.
لأ الحمد لله
20- كم مرة هربت من الحصه ؟..!
فى بعض الأيام كنت بمشى بعد الحصة 6 أو 7 و فى أيام كانت بعد الفسحة بس ده كان فى تالتة ثانوى
21-كم مره نمت في الصف ؟.!
مرة فى الحصة التامنة كانت حصة أدب ونصوص بتاعة الشيخ عبدالله هههههههههههه

22- ا نت في مدرسه خاصة ! او حكومية ! .؟..!
هوه الأزهر تبع الحكومة

23- في حد من المنتدى معــآك في مدرسه ؟ّ!. او صار معاك مره ؟.
فى واحد من بلدنا بس أصغر منى بسنه

24- ليك اصحاب من ايام المدرسة لحد الوقت؟
أكيد
25- هل حد من اصحابك دخل معاك نفس كليتك؟
فى واحد بس من بلد جنب بلدنا
__________________
أنا الحُسام بريقُ الشمس في طَرَفٍ مني وشفرَةُ سيفِ الهندِ في طرفِ
فلا أبالي بأشواكٍ و لا مــحـن ٍ على طريقي و بي عزمي و لي شغفي
ماضٍ فلو كنت ُوحدي والدُّنا صرخت بي قف لسِرتُ فلم أبطئ ولم أقفِ


dr_2mh غير متواجد حالياً   رد مع اقتباس
إضافة رد

الكلمات الدلالية (Tags)
(يالا, المدرسه, الاسئله), الكل, يدخل, زكرياتك, فاكر, وانت, ويجاب

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 12:12 PM.


Powered by vBulletin Version 3.8.12 by vBS
Copyright ©2000 - 2020, Jelsoft Enterprises Ltd
Translation by Support-ar