النصائح

آخر المشاركات
         :: مؤتمر وورشة عمل عن "أخلاقيات ممارسة مهنة الطب والبحوث الطبية" في الفترمن 4-6 ابريل 20 (آخر رد :mohamed emad)      :: مؤتمر وورشة عمل عن "أخلاقيات ممارسة مهنة الطب والبحوث الطبية" في الفترمن 4-6 ابريل 20 (آخر رد :mohamed emad)      :: مؤتمر وورشة عمل عن "أخلاقيات ممارسة مهنة الطب والبحوث الطبية" في الفترمن 4-6 ابريل 20 (آخر رد :mohamed emad)      :: مؤتمر وورشة عمل عن "أخلاقيات ممارسة مهنة الطب والبحوث الطبية" في الفترمن 4-6 ابريل 20 (آخر رد :mohamed emad)      :: مؤتمر وورشة عمل عن "أخلاقيات ممارسة مهنة الطب والبحوث الطبية" في الفترمن 4-6 ابريل 20 (آخر رد :mohamed emad)      :: مؤتمر وورشة عمل عن "أخلاقيات ممارسة مهنة الطب والبحوث الطبية" في الفترمن 4-6 ابريل 20 (آخر رد :mohamed emad)      :: مؤتمر وورشة عمل عن "أخلاقيات ممارسة مهنة الطب والبحوث الطبية" في الفترمن 4-6 ابريل 20 (آخر رد :mohamed emad)      :: مؤتمر وورشة عمل عن "أخلاقيات ممارسة مهنة الطب والبحوث الطبية" في الفترمن 4-6 ابريل 20 (آخر رد :mohamed emad)      :: مؤتمر وورشة عمل عن "أخلاقيات ممارسة مهنة الطب والبحوث الطبية" في الفترمن 4-6 ابريل 20 (آخر رد :mohamed emad)      :: دورة تدريبية فى دورة معايرة العمليات و المقارنه بالقياس/مركز الخليج للتدريب2018 (آخر رد :مركز الخليج)     


العودة   كل الطب أكبر منتديات طبية عربية 6 أعوام من العطاءAllteb 6 Years of Donation > ۞ السّــاحةُ الأدبيَّـة و الثقافية ۞ > °l||l° بَـــــــــوْحُـ أقلامِنا °l||l° > الملتَقَى الثقافيُّ

الملتَقَى الثقافيُّ هنا أقاموا لأجــل الحُلمـ ، و اختلفتْ ،، بهمـ مَسالكُ مِنْ أطرافها اكتحــلوا

إضافة رد
قديم 09-28-2009, 02:09 AM   #1
ايهاEب
 
الصورة الرمزية ايهاEب
 
تاريخ التسجيل: Feb 2009
المشاركات: 524
Thanks: 0
Thanked 12 Times in 12 Posts
Cool كيف تكتب قصة قصيرة

بسم الله


(مقدمة هناك بد منها)
ظلت القصة ولا تزال اساس الادب ...بل هي اساس حياة البشر..
وهي الاكثر امتاعا وتشويقا بين اساليب الكلام..تجد المستمع يسمع بدايتها فيترصد نهايتها
ولكم احب ان يسمع فلان او ذاك لأنه رجل شيق في حديثه فانه يضرب الامثال ويستشهد بالقصص
هذا حال القصة عموما لكن تخصيصها كأدب شيئ اخر
لأن كونها من بنات افكار الكاتب حينئذ تتوقف عليه لا على حدوثها
وكما نعلم فان القصة تنقسم لقصيرة وطويلة ورواية..ومحط انظار الكاتب في كل الحالات الوصول للنهاية ..أكثر القصص تعقيدا واوسعها خيالا وابداعا وهي الرواية
فالقصة القصيرة محطة لكنها ليست كأي..فهي متفردة من نوعها بين المحطات وقد يفوتك القطار ولكنك مستمتع بما تفعل في المحطة
فالقصة القصيرة اصبحت فن لذاته حاليا واصبح بها من الفنون ما قد لا تحتويه الرواية الطويلة
واصبح جمهور القصة القصيرة بين ثلاث مستمع وكاتب وناقد ..ربما هي مراحل تدريجية فكل الجمهور مستمع لكن بعضه فقط هو الكاتب وبعضه ايضا هو الناقد وهو يشمل مجموعة الكتاب وقليل من المستمعين الذين يحسنون النقد ويسيئون الكتابة..فلا يوجد كاتب ليس بناقد وان تفاوتت الدرجة

اما الان فانا اوجه خطابي اليك عزيزي المستمع..مستمع القصة القصيرة واقول ربما راودتك نفسك للكتابة يوما او اوصلتك القراءة لدرجة تصلح فيها للنقد
ولكن كيف تبدأ وما المراحل واذا نجحت كيف تستمر واذا فشلت فهل اتحاول ثانية...ارجوك تابعني
من مواضيع ايهاEب في المنتدى

التوقيع
متقطع التواجد
بشكل منقطع النظير!
ايهاEب غير متواجد حالياً   رد مع اقتباس
قديم 09-28-2009, 02:12 AM   #2
ايهاEب
 
الصورة الرمزية ايهاEب
 
تاريخ التسجيل: Feb 2009
المشاركات: 524
Thanks: 0
Thanked 12 Times in 12 Posts
افتراضي Re: كيف تكتب قصة قصيرة

ازيكو؟؟
نتكلم بقى ببساطة هل انت عايز تكتب قصة قصيرة..
وهل عايز شخص يقولك ببساطة ال mechanism

يبقى انت غالبا جيت للشخص الخطأ
فانا لست خبيرا ولا بارعا لهذه الدرجة
لكني قلت(غالبا)..وده معناه ان لسه فيه امل ان افيدك..يمكن ربنا ييسر على لساني الصواب
وكلامي هنا هيبقى بعيد كل البعد عما قد تقرأه في كتاب عن فن القصة القصيرة وشروطها وقواعدها وخصائصها..
لكني هنا هتكلم عن وجهة نظر شخصية ويمكن احيانا تجربة شخصية
ولو عملت شيئ هنا يبقى مجرد مساعدة لكن انت لسه اللي عليك الدور الاكبر في اكتشاف نفسك
لكن عايزك تعرف حاجات معينة الاول
-القصة هي اسهل ما قد يكتب الفرد في حياته لكن القصة الجيدة(ركز)..صعبة جدا
-القصة ادب مختلف تماما عن الشعر يعني في عقلك الباطن ماتحطوهمش في بلوك واحد وبقول الكلام ده لنوعين
اولا اللي بيكره الشعر او مستصعب الشعر
ثانيا للشاعر او كاتب الشعر
واكيد انتو فاهمين ليه
-برضه بمناسبة العقل الباطن..شيل من دماغك اي فكرة مسبقة عن شكل القصة القصيرة او حجم القصة او عناصر القصة
كلام الكتب للاستحسان وغير ملزم
وقد اثبتت القصة القصيرة مرونة غير عادية
في تقبل الافكار نفسية عاطفية روائية سياسية حتى
او الاساليب عادية حوارية فلاش باك غموض نهايات مفتوحة

لاحظت اخر عنصرين ذكرتهم ايه
افكار واساليب ودول لو جمعتهم يساوي قصة قصيرة
فكرة +اسلوب=قصة قصيرة
معادلة بسيطة ياريت الكيميا كلها تبقى زيها!
وهيا دي محور حديثي
خلوها للمشاركة الجاية

من مواضيع ايهاEب في المنتدى

التوقيع
متقطع التواجد
بشكل منقطع النظير!
ايهاEب غير متواجد حالياً   رد مع اقتباس
قديم 09-28-2009, 02:18 AM   #3
ايهاEب
 
الصورة الرمزية ايهاEب
 
تاريخ التسجيل: Feb 2009
المشاركات: 524
Thanks: 0
Thanked 12 Times in 12 Posts
افتراضي Re: كيف تكتب قصة قصيرة

اولا الافكار
اعلم ان الافكار الحلوة من عند ربنا وعلى حسب موهبتك
لكني هنا هاحاول اخليك ازاي تتصرف في فكرة
تجيبها وتعملها ازاي مهما كانت
فاعلم ان الافكار بتجيب بعضها
وفي معادلة كده تقول لو انت قريت قصة تجيلك فكرة قصة
ولو انت كتبت قصة تجيلك فكرة قصتين
مش لازم تنكتب.. مش لازم تبقى افكار حلوة.. المهم تيجي
استنباطا يبقى كده في وسيلتين لتوليد الافكار
-القراءة سواء مجموعات قصصية قصيرة او روايات لو مشاهدة افلام حتى (بلاش الخيار الاخير ده!)
-او الكتابة ودي مشكلة شفتها كتير جدا حتى مع نفسي وهي عدم الكتابة يعني فكرة في دماغك لكنك خايف تكتب لأنك مكتبتش قبل كده او الفكرة مش عاجباك
مهما كان اكتبها لأنها هي اللي هتجيب اللي احسن منها


طيب السؤال التاني اكتب الفكرة ازاي
بص هنا يكمن احد اهم الفروق بين القصة القصيرة والرواية في نظري في كتابتهم وهي ان الرواية وانت بادئ تكتبها عندك خيوط بس لكن القميص انت لسه مش عارف شكله ايه لكن القصة القصيرة انت عارف بكل تفصيلاتها قبل ما تكتب
لازم تبقى عارف قبل ما تحط قلم العناصر المستخدمة..الاشخاص المكان النهاية والمنطقية
اما كيفية استخدام هذه العناصر فذلك في الاسلوب
على اي لكي نفهم معا ساستخدم امثلة:
=المثال الاول فكرة بسيطة جدا عن رجل ورع لكنه سرق رئيسه في الشركة ثم تلقى عقابه وتاب
-الشخصيات هو ورئيس الشركة
-المكان الشركة وغرفة العناية المركزة
-النهاية صدمته عربية مسرعة وهو يهرب فانتقل على اثرها للمستشفى واحساسه بالندم هناك والدموع المنسابة بين اجهزة العناية المركزة
-المنطقية او الحبكة وهي كيف حدثت الفكرة وهي من اهم الاشياء..
فمثلا ازاي جاتله الفرصة انه يأخذ المال من خزنة المدير فنقول مثلا ان المدير كان متعصب ساعتها وكان مستني خبر ولادة زوجته ولما جاله تليفون ساب المكتب وجري دون ان يتذكر ان يغلق الخزنة
طيب ازاي صاحبنا الشيطان زين له رغم انه راجل مصلي مثلا..فنقول مبررات قالها في حواره مع النفس زي كل الناس بتسرق
او انا مش هاخد الفلوس كلها
او انا محتاج الفلوس ضروري دلوقت
او انا ساتبرع بجزء منهم للخير او اي شيئ تراه
المهم يقتنع القارئ بالفكرة
طب لوكانت الفكرة رمزية نعمل ايه؟؟
انزل تحت للمشاركة القادمة

من مواضيع ايهاEب في المنتدى

التوقيع
متقطع التواجد
بشكل منقطع النظير!
ايهاEب غير متواجد حالياً   رد مع اقتباس
قديم 09-28-2009, 02:22 AM   #4
moon_whisper
رؤى سابقا
 
الصورة الرمزية moon_whisper
 
تاريخ التسجيل: Jun 2009
المشاركات: 1,948
Thanks: 20
Thanked 24 Times in 17 Posts
افتراضي رد: كيف تكتب قصة قصيرة

رااااااااااااائع

فى انتظار المزيد
من مواضيع moon_whisper في المنتدى

التوقيع
نقرتين لعرض الصورة في صفحة مستقلة
Always from time to another .. stop .. close ur eyes .. think .. open up .. look around .. then go on .

moon_whisper غير متواجد حالياً   رد مع اقتباس
قديم 09-28-2009, 02:24 AM   #5
ايهاEب
 
الصورة الرمزية ايهاEب
 
تاريخ التسجيل: Feb 2009
المشاركات: 524
Thanks: 0
Thanked 12 Times in 12 Posts
افتراضي Re: كيف تكتب قصة قصيرة

طيب ده بالنسبة للافكار العادية فكيف بالافكار الرمزية؟
والحقيقة ان الرمز من اهم مميزات القصة القصيرة وصعب تلاقيه في فن ادبي اخر والقصة القصيرة الرمزية حبكة مشهورة جدا
والرمز نوعين نوع مفصل وده نادر اللي هو كل شيئ يقابل شيئ كل شخص او حدث في القصة يرمز لشيئ معين ليكتمل الرمز العام في النهاية
زي قصة جريمة في الحي الصاخب
والنوع التاني اللي هو تلميح اكتر ولشيئ معين زي قصة بهلول مسئول
طيب مين اللي ييجي الاول الرمز ولا المرمز اليه
ساعات كده وساعات كده
وناخد مثال ينفع الاتنين
مثلا كان فيه فيلم لاسماعيل ياسين المفروض ان كل ما يقع في مشكلة ينادي ويقول جزر
ممكن انت تسمع الفيلم فيجي في دماغك ان استاذ جزر الاول (اللي هو الرمز) ده رمز للحظ او للخرافة او ذل الانسان واعتماده على غيره..فتعملها قصة
او العكس تجيلك فكرة الحظ والخرافة الاول(المرمز اليه) وتحب تلاقيلها رمز فتفتكر جزر وتعمل القصة
فالقصة الرمزية وكأنها تشبيه او تصوير بليغ
مثال تاني انت عايز ترمز لمصر او الحكومة(حبة سياسة بقى)..بانها بتتجمل او بتحاول تداري وجهها القبيح ..ليه ماتشبههاش بامرأة مثلا جميلة واسمها جمالات
لكنها لما تروح تخلع كل جميل بل وتحلق شنبها خشية ان يظهر مثلا
لكن طبعا الرمز مش بهذه السهولة لأن محتاج يبقى بين الغموض وبين الوضوح
لازم تسيب شباك واحد موارب يبين قصدك ايه
سواء بشخصية مثلا وظيفتها توضيح الرمز كشخصية الحكيم الذي من خلال كلامه تستنتج الرمز كما قد نفعل في الفكرة الاولى
او ان ينكشف الرمز في اخر سطر كما قد نفعل في الفكرة التانية بان نقول مثلا(واصبحت جرائد المعارضة في اليوم التالي تقول:جمالات تحلق شنبها!)
مش عارف انا توهتكوا ولا ايه معلش استحملوني
لسه فيه مشاركة جاية عن الاسلوب!
من مواضيع ايهاEب في المنتدى

التوقيع
متقطع التواجد
بشكل منقطع النظير!
ايهاEب غير متواجد حالياً   رد مع اقتباس
قديم 09-28-2009, 02:27 AM   #6
ايهاEب
 
الصورة الرمزية ايهاEب
 
تاريخ التسجيل: Feb 2009
المشاركات: 524
Thanks: 0
Thanked 12 Times in 12 Posts
افتراضي Re: كيف تكتب قصة قصيرة

الاسلوب يقصد به نوعان الاول اسلوب الكاتب والتاني اسلوب القصة (زي رخصة القيادة كده واحدة للسواق والتانية للعربية)
اسلوب الكاتب سواء بيحب الانشاء او التراكيب الصعبة او بيحب الترادفات او الاطناب بيحب اسلوب المتكلم او الغائب اسلوب فكاهي او تقريري وهكذا يعني
وده بيطور مع الزمن لحد اما يثبت بس احرص عليه برضه لأنه بيدي لقصة شكل لازم تقرا كتير ان شاالله الجورنال
وبرضه على حسب نوع القصة ممكن يتغير اسلوب الكتابة مثلا القصة الساخرة عايزة فكاهة اكتر وهكذا
اما اسلوب القصة فده الفن كله اكتر ما يمتعني في القصة الحقيقة
هو سيناريو القصة فمثلا انت ممكن تخلي القصة قطعة واحدة او تقسمها فصول
ممكن تبدأ من نص القصة وتعمل فلاش باك
ممكن نبدأ ببداية تقرييرية لحقائق معينة وكأنها بداية مقال
وممكن ننهي نهاية مفتوحة
او نعمل القصة متعددة الرواة
او اسلوب الغموض اللي تتفك خيوطه بأخر فقرة...وهكذا
ونفس الفكرة ممكن تنكتب بكذا اسلوب
يعني لو خدنا اول مثال خالص بتاع السرقة ممكن نتسلسل بالحدث عادي جدا
وفي نفس الوقت ممكن نبدأ من الاخر يعني نبدأ بمشهد العناية المركزة ونرجعه بالاحداث ونختم برضه بمشهد العناية المركزة وهو بيعيط او حتى وهو بيموت على حسب نهايتك
قصة استاذ جزر ممكن ننهيها نهاية مفتوحة بأن يفاجأ الباحث عن جزر ويأس بشخص يخبط عليه ويقوله انا جزر!...وننهي هنا نسيب الباقي والتفسير لخيال القارئ
دي كانت نبذة عن كيفية تغيير اسلوب القصة


-الحوار عنصر ممكن نضمه للاسلوب وده شيئ على حسب كاتب ممكن بعضهم يفضله او لأ وان كان مفضل طبعا وبيدي حيوية
المهم يبقى له دور وله لازمة
وغالبا الحوار بيمثل الصراع في القصة.. سواء مع النفس او مع الغير وممكن يمثل عنصر ايضاح كما ممكن ان نفعل في قصة جزر بأن ندير حوار بين البطل وبين الحكيم يتضح من خلاله فكرة القصة او كما حدث في قصة الشمس من وجهة نظر اخرى
ممكن انهي دلوقت بس حاسس ان مشاركة جاية مش هتضر!

من مواضيع ايهاEب في المنتدى

التوقيع
متقطع التواجد
بشكل منقطع النظير!
ايهاEب غير متواجد حالياً   رد مع اقتباس
قديم 09-28-2009, 02:37 AM   #7
ايهاEب
 
الصورة الرمزية ايهاEب
 
تاريخ التسجيل: Feb 2009
المشاركات: 524
Thanks: 0
Thanked 12 Times in 12 Posts
افتراضي Re: كيف تكتب قصة قصيرة

المفروض ان انا خلصت ما عندي طبقا لخبرة متواضعة اكثر مما تتخيل
وكلامي يحتمل كل شيئ: التعديل.. النقد ..الاعجاب.. التنفيذ.. التطنيش.. براحتك
واللي له ملاحظات يقولها او استفسارات
وان شاء الله لو لقيت تفاعل ابدأ في تنفيذ مشروع في دماغي كده
اللي هو مسابقات صغيرة او عقد قصصية نشوف اقتراحاتكم لحلها وكده يعني
ويارب يكون اللي قلته يأثر ويفيد لو شخص واحد نشوف قصصه عما قريب على صفحات المنتدى
وممكن برضه عما قريب احاول اعمل موضوع عن نقد القصة القصيرة

ونقطة تانية اللي هو تقرا ايه
هل تقرا في الفن نفسه؟
ولا تقرا قصص قصيرة؟
طب تقرا لمين قديم ولا جديد؟
عربي ولا اجنبي؟
الحقيقة فيه كتاب جمع كل ده وانت تختار الانسب لك من خلاله
كتاب:(القصة القصيرة دراسة ومختارات) لاستاذ الطاهر احمد المكي دار المعارف


وسلام الله عليكم ورحمة الله وبركاته
من مواضيع ايهاEب في المنتدى

التوقيع
متقطع التواجد
بشكل منقطع النظير!
ايهاEب غير متواجد حالياً   رد مع اقتباس
قديم 09-28-2009, 02:44 AM   #8
Dreamy Doctor
حالمةُ بالجنَّة
Allteb
 
الصورة الرمزية Dreamy Doctor
 
تاريخ التسجيل: Aug 2009
المشاركات: 3,679
Thanks: 326
Thanked 424 Times in 224 Posts
افتراضي رد: كيف تكتب قصة قصيرة

جميل والله انا كنت عايزة حد يفهمنى فعلا الحاجات دى
بس انا بحس ان القصة القصيرة صعبة عن الطويلة
من مواضيع Dreamy Doctor في المنتدى

التوقيع
استغفروا ربكمــ


أسألكم الدعـاء بصدق بــ ""الهداية لىّ والرحمة لأبى""
Dreamy Doctor غير متواجد حالياً   رد مع اقتباس
إضافة رد

الكلمات الدلالية (Tags)
كيف تكتب قصة قصيرة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 02:47 PM.


Powered by vBulletin Version 3.8.5
Copyright ©2000 - 2018, Jelsoft Enterprises Ltd
Translation by Support-ar
Style coding by: BBcolors.com