النصائح

آخر المشاركات
         :: كورة جول بث مباشر (آخر رد :manar20000)      :: يلا شوت حصري أعلن الفرنسى زين الدين زيدان، مدرب ريال مدريد، عن قائمة الفريق الملكى لم (آخر رد :manar20000)      :: يلا شوت ريال مدريد بث مباشر حصري (آخر رد :manar20000)      :: يلا شوت ريال مدريد (آخر رد :manar20000)      :: bein match بث مباشر (آخر رد :manar20000)      :: بين ماتش برشلونة (آخر رد :manar20000)      :: يلا شوت برشلونة (آخر رد :manar20000)      :: الدورة التدريبية دور القضاء التأديبي في مكافحة الفساد (آخر رد :اياد احمد)      :: خواتم روحانية مخدمة ونادره (آخر رد :ام اريج)      :: حجاب الطاعة والقبول (آخر رد :ام اريج)     


العودة   كل الطب أكبر منتديات طبية عربية 6 أعوام من العطاءAllteb 6 Years of Donation > التعليم الطبي الأساسي > الجامعات المصريـة > طب عين شمس

إضافة رد
قديم 09-25-2011, 01:09 PM   #9
ورود الصباح
اللهم ارض عنى
Allteb
 
الصورة الرمزية ورود الصباح
 
تاريخ التسجيل: May 2010
المشاركات: 437
Thanks: 43
Thanked 16 Times in 15 Posts
افتراضي رد: حقيبة أولى طب المتكاملة

Histology
بندرس فيها الانسجة بتاع الخلايا
الادوات

قلمين هستولوجي ألوان ازرق و احمر من المكاتب اللي جوة الكلية ورا التندة بالاضافة لالوان تانية بردو فهتحتاج علبة ألوان عادية كمان
كراسة عملي من القسم او كراسة صماء من اي مكتبة
أطلس ملون
الكتب

هنذاكر منين؟؟
  • كتاب د.محمد عصام حلو جدا فيه كل حاجة بس طويل شوية بس لو بدات فيه من اول السنة هيظبط ممكن توقعت شوية معلومات صغيرين وانت بتزاكر عادي
  • كتاب د. ماهر عمارة كويس بس مختصر قوي لازم تحفظ كل كلمة في الكتاب متنقصش حاجة غالبا اللي بياخدوا مع د.ماهر بيزود لهم حاجات على الكتاب
المحاضرات

الدكاترة هيبقى معاهم notes للمحاضرة هتنزل يعد كده على الانترنت
محاضرتين في الاسبوع
حضور محاضرات الهستولوجي زي الاناتومي بالظبط مهم جداااا حتى لو مش بتفهم
هتسمع اسامي الخلايا والحاجات وكمان هتشوف صور غالبا هتكسل انت تدور عليها
والصور مهمة جدا في الهستولوجي بتساعدك كتير انك تعرف ترسم وتوصف
دكتور ماهر عماره من الدكاتره اللى لازم تحضرلهم هتفهم منه كويس جدا لانه بيشرح بطريقه سهله و بسيطه
ود.عادل زهدى تابع معاه هتقهم منه كويس
العملي

المجموعة هتتقسم نصفين على معملين
معمل سنة اولى فوق قسم البيو فوق السطح معمل سنة تانية فوق صالة الامتحانات
في المعمل هتتعرض صور انسجة وخلايا تحت المكروسكوب الطالب هيتعلم ازاي يتعرف عليها
و المعيدين هيشرحوا كل رسمة وازاي تترسم وهيرسموها على السبورة و هيقولوا لكوا ازاي تميزوها تحت الميكروسكوب
بعدين هتلفوا تتفرجواعلى الشرايح تحت الميكروسكوبات
حضور السكشن مهم هيريحك قبل امتحان العملي
الطالب بيبقى معاه كراسة عملي بيرسم فيها العملي واطلس يشوف منه الرسومات وبعدين الدكتور في المعمل بيصححها
في كراسة القسم بينزلها و ممكن تشتري كراسة د.عصام و ممكن تجيب كراسة بيضاء من أي مكتبة بيسموها "كراسة صماء"
اهتم برسم الشرايح اللى بتاخدها أول بأول عشان ميتراكمش عليك فى آخر السنة
في الرسم الشرايح اللي لها special stain بترسمها بالوان عادية زي البني والبرتقالي و الازرق علشان درجات تصحيح الكشكول بس الرسومات دي مبتجيش في الامتحان اللي بيجي رسومات ال H&E بس
كل فترة بيلموا كراسات العملى ويصححوها وبيبقى عليها درجات خليك دايما جاهز و ارسم كل رسمه اول بأول لان لما بيتراكموا عليك هيبقوا تقال اوى
امتحان العملي بكون قدامك عدد معين من الشرايح بتقف عند كل شريحة دقيقة بعدين تتنقل على اللي جمبك
المفروض تعرف اسم الشريحة ايه و اسم الصبغة لو كانت special stain
بلاش تبوظ ظبط الميكروسكوب علشان حرام تعطل زميلك اللي هيقف عليها بعدك
عملى الهستولوجى سهل جدااااااااااااو هتحبوه اوى
بس السنة اللى فاتت كان فيه نظام جديد بدل ما تيجى رسمه فى امتحان النظرى اخر السنة كان موجود فى العملى
المذاكرة

الهيستولوجي مادة شبيهة بالاناتومي من حيث انها بتعتمد على الحفظ والرسومات في تثبيت الحفظ
باختصار انت ممكن تخلى الهستولوجى ماده خفيفه و بسيطه جدا عليك و تجيب فيها امتياز لو زاكرتها اول لأول خصوصا انها ماده بتتنسى بسرعه جدا لكن لو اهملتها هتحس انها تقيله عليك اوى فى المزاكره اخر السنه و هتحس انك مش عارف تحفظ حاجه و لا تزاكر حاجه
بس عموما الهستولوجى تقديراتها بتبقى كويسه دايما
توزيع الدرجات

150 درجة بتتقسم:
75 درجة امتحان التحرير اخر السنة
35 درجة عملى
15 درجة أعمال نص السنة
10 درجات شفوي
10 درجات 2quizes في السكاشن
5 درجات حضور السكشن
الامتياز من 127.5
جيد جدا من 112.5
جيد من 97.5
مقبول90
النجاح أكتر من 90
من مواضيع ورود الصباح في المنتدى

التوقيع
إذا تذكرت دائما مايحزنك فلن تجد الوقت الذى تجد نفسك فيه فرحه
ورود الصباح غير متواجد حالياً   رد مع اقتباس
قديم 09-25-2011, 01:20 PM   #10
ورود الصباح
اللهم ارض عنى
Allteb
 
الصورة الرمزية ورود الصباح
 
تاريخ التسجيل: May 2010
المشاركات: 437
Thanks: 43
Thanked 16 Times in 15 Posts
افتراضي رد: حقيبة أولى طب المتكاملة

Biochemistry
الكيمياء الحيوية هي المادة التانية فى مواد الوظيفة Function بعد الفسيولوجى
وبيو اولى زى ما يكون مجرد تعريفات للمركبات اللى جوه الجسم ... بتتكون من ايه وبتتصنع ازاى وخواصها ايه ... عشان لما تدخل تانية تبقى مؤهل انك تدرس طريقة عملها فى الجسم وازاى بيعملها metabolism عشان يقدر يستفيد منها
الادوات

1. البالطو الابيض: ضروري لدخول المعمل وحضور سكشن البايو واحيانا يتم منع اللي مش معاه البالطو من الحضور
2. : وهى عباره عن 2 pipette (سحاحه) واحده بتبقى 1m و التانيه 5m موجودين برضو في المعمل بس لو عايز ممكن تجيب بتوعك بدل متستنى او تستخدم ورا حد
3. كتاب العملي:
كتاب صغير جداا بنستخدمه قي المعمل واكتر من نصه بيبقى مش مطلوب مننا لاننا بنعمله عملى في المعمل
المناهج-chapters

  • اول chapter هو الـ water and buffer
ده بيكلم عن تركيب الـ watter والراوبط اللى فيها وخصائص الروابط اللى فيه وازاى بتتكون وبعد كده المواد اللى بتحب الميه واللى بتكرهها hydrophilic w haydrophobic وبرده بيكلم عن خصائص الاحماض والقواعد
  • ثانيا chemistry of proteins
-عباره عن جزئين اول شابتر بيكلم ع الاحماض الامينيه وخصائصها وازاى بتتحد مع بعض وكمان بعض المركبات اللى بتيجى نتيجه اتحادهم
وبيتكلم عن تركيب البروتين والاشكال اللى بيبقى موجود فيها البروتين سواء كانت شكل بسيط او معقد و عن الاخطاء اللى ممكن تحصل اثناء تكوين البروتينات وازاى ممكن تسبب ف امراض خطيره زى الزهايمر مثلا...!!
-تانى شابتر بيتكلم عن البروتينات الموجوده في الجسم وبتقوم بوظيفة زى الهيموجلوبين والكولاجين والكيراتين وتركيبها كمان بيتكلم عن الامراض اللي بتنتج نتيجة تصنيع البروتين الخاطئ
  • وبعدين هتدرسو enzymes
علم الانزيمات
-هتدرسو الحاجات اللي بتميز الانزيمات وتاثير الانزيمات دي علي العمليات الحيوية في الجسم من تحفيز وتثبيط وغيره
-وهتدرسو تنظيم نشاط الانزيمات دي وازاي الجسم بيتحكم فيها
-وهتدرسوها من الناحية العلاجية العملية انزيم كذا بيعمل كذا وغيرة
-وهتعرفو عالم الانزيمات وازاي بتتحكم في مجري اي تفاعل معين وووو.......غيره
شابتر لذيذ بس كبيير
  • نيجي لل chemistry of nucleoproteins
مش هيمثلكو صعوبة قوي لان معظمه او نسبة كبيرة جدا منه اخدتوه في احياء الثانوية العامة
-هتدرسو تركيب الاحماض النووية وهتدرسو النيوكليوتيدات والقواعد النيتروجينية وجزيئات سكر البنتوز الخماسي والكلام اللي انتو عارفينه ده
-هتدرسو خصائص وتركيب ال DNA وايضا هتدرسو خصائص وتركيب ال RNA
  • اما بقي ال basic molecular biology
لذيذ بجد
-هتدرسو فيه 3 عمليات التضاعف والنسخ والترجمة
-تضاعف DNAونسخ DNA ونسخ ال RNA من ال DNA وبعدين ترجمة ده لبروتين
-الترجمة= تصنيع البروتين-
هتحبو الشابتر ده قوي
-وهتاخدو كمان عيوب تكوين ال DNA و الطفرات واصلاحها برضه ممكن الثانوي يسهل عليكو شوية
  • بالنسبة لل metabolism of nucleoproteins
metabolism يعني التمثيل الغذائي أو الأيض
يعني تحويل ال nucleoproteins للصورة اللي الجسم يقدر يستفيد بيها منها
كلها معادلات بسيطه وحاجات تؤدي لحاجات
بسيطه اه بس عايزة تركيز جداا اثناء الشرح ومذاكرة اول باول
  • وكذلك Iron & Heme Metabolism
نفس الموضوع بس للحديد
  • اما biological membranes
شابتر سهل جدا هتاخدوه في آخر السنة وممكن تقروه كده مع نفسكو هو سهل يعني
وده هتزهقوا منه فـ كل المواد بس في البايو بتفاصيل اكتر شوية
هتلاقوه فـ الهستولوجى وكمان فـ الفسيولوجى وبالرغم من سهولته الا انه بيجى كتيير فـ الامتحانات
  • اما شابتر ال hormones
سهل وبرضة بيتكلم عن طريقة عمل الهرمونات عامة وتاثيرها وتصنيف الهرمونات حسب طريقة شغلها او طرقة تاثيرها على الtarget cell بس مهم ومحتاج يتفهم
المحاضرات

محاضرات في الاسبوع كل محاضرة ساعة
المحاضرات مهمة علشان تسمع البيو فتعرف تذاكرها
بس نصيحه لو مش بتفهم من دكتور احضر لدكتور تانى في اى جروب مختلف
ومتجبرش نفسك انك تحضر لدكتور معين لمجرد ان زمايلاك بيفهموا منه
بس لازم تحضر لاى دكتور البيو من المواد اللى ماينفعش تذاكرها لوحدك
فدور على دكتور تفهم منه في اى جروب
  • دكتورة ثناء ابو شوك ودكتور أيمن ودكتورة سناء عيسى من احسن الدكاترة في المحاضرات
لو سمعت انهم بيدخلوا لاي جروب احضر معاهم
طول مانت بتفهم من المحاضرات احضرهاولو مش بتاخد درس احضر
العملي

بيبقى مرة توتوريال ومرة عملى ولازم يبقى معاك البالطو فى العملى
  • امتحان العملي بيبقى عباره عن جزئين
-الاول امتحان مكون من 5 اسئله MCQ على النظري بتاع العملي -النص التانى وده الاهم بيبقى فـ المعمل وعليه 15درجه ودول بقى هديه
هتدخل معاك الكتاب (يعنى Open book ) وبيبقى مكتوب ع السبوره الارقام اللى هتستعملها والقانون كل اللى مطلوب منك انك تنفذ التجربه وتعوض وتطلع الناتج
امتحان ال mcq امتحان عادي مش open book
  • مذاكرة العملي:
1. كتاب القسم بتاع العملي:
لما تحضر السكاشن تعرف ايه اللي اتشرح منه بالظبط وتذاكره
1. ورق دكتور ايمن:
قبل امتحان العملي بيعمل حصتين عملي وبينزل ملزمة بيبقى فيها اللي عليك بس بالاضافة لشرح التجارب بالصور
مصادر المذاكرة

هنذاكر منين؟؟
  • اول حاجة انك تبقى فاهم اللي هتذاكرة سواء من محاضرات او درس
  • كتاب القسم:
كتاب مشترك فيه كل الدكاترة هوا كتاب كبير واسلوبه صعب شوية
لو قدرت تذاكر منه رائع وكمل بيه
اسلوبه ممكن يكون صعب شويه بس في ناس بتعتبره اكتر مصدر مضمون بس ده مايمنعش ان ورق الدروس بينجز وبيفهم
وممكن انك تمشى عادى مع كتاب القسم ولو فى حاجه وقفت قدامك ترجع فيها لورق دكتور ايمن هتحس فيه انه بيكلمك من حيث سهوله الشرح ووضوحه والمتعه اللى بتحسها لما تفهم البيــو بالذات
  • ورق دكتور ايمن:
ممكن تذاكر منه لو مش قادر تجمع من كتاب القسم..
بس ممكن تحس ترتيبه غريب لو مش بتاخد معاه ولا بتسمعله
ورق دكتور ايمن ممتاز جدا خاصة لو بتاخد معاه
ممكن يكون في شوية حاجات زيادة بس بتكون ضرورية للفهم وبيكتبلك انها مش عليك
بس بيمتاز ان الدكتور بيحدثة كل سنة حسب المنهج وكتاب القسم
توزيع الدرجات

  • 150 درجة بتتقسم:
1. 20 درجة اعمال سنة نص السنة
درجات اعمال سنة امتحانات سكاشن طول السنة
3. 20 عملى
4. 90 اخر السنة written
5. 10 درجات شفوي
  • الامتياز من 127.5
  • جيد جدا من 112.5
  • جيد من 97.5
  • من 90مقبول
من مواضيع ورود الصباح في المنتدى

التوقيع
إذا تذكرت دائما مايحزنك فلن تجد الوقت الذى تجد نفسك فيه فرحه
ورود الصباح غير متواجد حالياً   رد مع اقتباس
إضافة رد

الكلمات الدلالية (Tags)
أولى, المتكاملة, حقيبة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 04:25 PM.


Powered by vBulletin Version 3.8.5
Copyright ©2000 - 2018, Jelsoft Enterprises Ltd
Translation by Support-ar
Style coding by: BBcolors.com