آخر المشاركات
         :: خواطر و فوائد في نقد الإلحاد وبيان عوره وتهافته (آخر رد :دكتور أشرف)      :: خاطرة حول وجود الشر (آخر رد :دكتور أشرف)      :: خاطرة حول وجود إبليس (آخر رد :دكتور أشرف)      :: حول قوله تعالى :مَا يُبَدَّلُ الْقَوْلُ لَدَيَّ وَمَا أَنَا بِظَلَّامٍ لِّلْعَبِيد (آخر رد :دكتور أشرف)      :: علاج الهم والحزن (آخر رد :دكتور أشرف)      :: كل ما يخص الجلدية والتناسلية من تسجيلات وملخصات وصور (آخر رد :دكتور أشرف)      :: اسطوانة رائعة فى الجلدية (آخر رد :دكتور أشرف)      :: شرح صوتي تخدير وفيزياء وفارما (آخر رد :دكتور أشرف)      :: ما هو العلاج الطبيعى ؟؟؟ (آخر رد :اسيل فؤاد)      :: تسجيلات>~د/هاني أبو الوفا~فيـ|الجلدية والتناسلية والذكورة| "كاملة وبروابط مباشرة" (آخر رد :دكتور أشرف)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > التعليم الطبي الأساسي > الجامعات المصريـة > طب اسكندرية

إضافة رد
قديم 08-31-2009, 11:32 PM   #1
د أحمد سمير
 
الصورة الرمزية د أحمد سمير
 
تاريخ التسجيل: Feb 2009
العمر: 34
المشاركات: 2,692
Thumbs up المختصر البسيط لمشوار الطبيب

بسم الله الرحمن الرحيم

السلام عليكم و رحمة الله و بركاته

إن شاء الله فى الموضوع ده هنتكلم بأسلوب بسيط عن اللى هيحصل بعد التخرج
و يعنى ايه نيابة و تكليف
و ازاى الواحد بيتخصص و التقدير بيفرق فى ايه
عشان برده نعرف الأجيال الجديدة و نشجع الناس على المذاكرة
لإن للأسف مفيش حد بيوعينا بالكلام ده و احنا صغيرين
و مش بنعرفه إلا لما نكبر جدااا


أول حاجة بعد ما تتخرج من الكلية
هتبدأ سنة الامتياز
أظن كله عارف لحد كده

باختصار كده
سنة الامتياز بتبدأ يوم 1 شهر 3
بتتقسم كالآتى
شهرين باطنة
شهرين جراحة
شهرين أطفال
شهرين نسا
شهر استقبال
شهر تخدير
شهرين للتخصصات الأخرى حسب اختيارك

هقولكم مثلا ايه أهمية ترتيبك على الدفعة فى
الامتياز ؟؟
من أول ما تتخرج انتا بتتحول لرقم
الرقم ده اللى هوا ترتيبك على الدفعة
انتا مثلا رقم 100
هتلاقى فى الكشوفات بتاعة الأسامى فى كل

الأقسام ترتيبك قدام اسمك
ده هيفرق فى ايه ؟؟
مثلا فى الشهرين بتوع الاسبيشيالات دول
بيتعمل تنسيق و الرغبات حسب الترتيب
يعنى ممكن تبقه انتا عايز تروح قسم كويس
و فيه تعليم و متعرفش تروحه عشان فيه
إقبال كبير عليه من الناس اللى ترتيبهم قبلك

فى الجراحة برده فيه نظام إن إحنا بنكتب رغبات
حسب الترتيب عشان تختار القسم اللى هتروحه
فى الاستقبال الولاد اللى ترتيبها متقدم
بتاخد استقبالها فى المستشفى الميرى
الباقى كله بياخده فى استقبال مستشفى ناريمان
بس الكلام ده للmales بس


طيب السؤال المهم و بعد الامتياز ؟؟
بتاخد شهادة تخرجك
و كارنيه ممارسة المهنة
و يبقه من حقك تمارس الطب لوحدك
و تفتح عيادة كمان
بس يبقه اسمك
ممارس عام GP

طبعا فى الامتياز ممكن تشتغل عادى private برده
بس ده قانونا ممنوع


بعدين بتبدأ حاجة اسمها التكليف
يعنى تبقه دكتور تكليف
ده ازاى ؟؟

إحنا طلبة اسكندرية كنا بنتوزع على 3 محافظات
الإسكندرية
البحيرة
مرسى مطروح

و بعدين لغوا الكلام ده و خلوا التوزيع على مصر كلها
و بعدين بيقال إنهم رجعوا فى كلامهم تانى

المهم التوزيع ده برده حسب التقدير
يعنى كل ما يكون تقديرك أقل
كل ماهتروح حتة بعيييييييييييييدة

بالنسبة للبنات اللى أعرفه إنها لو متجوزة
بتقدم تظلم و بينقلوها حتة قريبة
لو مش متجوزة بتعامل زينا حسب تقديرها

مع العلم إن فيه قانون
و المفروض إن ممنوع أى حد ياخد تكليفه فى

مستشفى عام
لازم فى وحدة صحية

لحد كده تمام
حد مش فاهم حاجة ؟؟؟

ده بالضبط اللى هيحصل لكللللل الناس
من الأول على الدفعة لآآآآآخر واحد


طيب و بعدين ؟؟
الناس بقه اللى ليها نيابة فى الجامعة
ده عدد بيختلف كل سنة
يعنى السنة دى كانوا طالبين 203
منهم 72 ببوست
هقولكم بعد كده يعنى إيه إن شاء الله

الجامعة بقه فى شهر 8 كده
بتنزل إعلان فى الجرايد كلها
و الكلام ده فعلا حصلا من حوالى 3 أسابيع كده
يوم الخميس
مش عارف حد فيكم شافه و لا لأ ؟؟

تعلن جامعة الأسكندرية عن حاجتها لشغل وظيفة
طبيب مقيم فى الأقسام التالية
جراحة عامة 24
باطنة عامة 19
...........
و هكذا

يقوم الناس اللى كانوا طالعين الأوائل دول يقدموا
ورقهم و بعدين بيعملوا قعدة كده
اسمها قعدة النيابات
دى برده لسه معمولة الجمعة اللى قبل اللى فاتت
فى قاعة المؤتمرات
بيحضرها العميد و وكيل الكلية

أنا كان نفسى أحضرها بس روحت متأخر
و مرضوش يدخلونا
بس فيه صحابى حضروا و حكولى

بيبقه فيه كده شاشة
و عليها كل قسم و الأعداد اللى طالبها

و بعدين يطلع الأول على الدفعة
يمسك الميكروفون و يقول اختار ايه

و بعدين يطلع التانى و هكذا
يعنى السنة دى مثلا
الأول و الثانى و الثالث أخدوا رمد
الرابع أخد أنف و أذن
الخامس أخد عظام
السادس تقريبا كانت بنت أخدت أكاديمى
و هكذا

و كل قسم طالب عدد معين
لو الناس اللى قبلك أخدوه خلاص القسم بيقفل
يعنى مثلا الرمد طالب 3
و خلاص أول 3 أخدوه
لو انتا الرابع دلوقتى و عايز تاخد رمد خلاص

مينفعش
طبعا الموضوع ده مالوش قاعدة
لإنه مرتبط بالرغبات
إنما بيبقه معروف إن فيه تخصصات بتخلص فى

الأول
و تخصصات بتعد للآخر
فكل واحد بيكون متوقع ايه
التخصصات اللى هتوصله غالبا

و يفضل النظام ماشى كده
لحد ما النيابات اللى ببوست تخلص
يعنى ايه ببوست ؟؟
يعنى هيكمل فى الجامعة

يبقه نايب ثم معيد ثم مدرس مساعد
ثم مدرس ثم أستاذ مساعد ثم أستاذ

بعد كده بقه تبدأ النيابات اللى من غير بوست
يعنى ايه ؟؟
يعنى يفضل نايب فى الجامعة
لحد ما يخلص نيابته و ياخد الماستر
طيب و بعدين ؟؟

بيرجع تانى للإدارة اللى كان تبعها فى تكليفه
بتوزعه على مستشفى
بيتعين فيها على درجة مساعد أخصائى

و برده زى ما قلنا هيختاروا تخصصهم كما سبق
بالضبط
طبعا ممكن واحد يكون ليه نيابة ببوست بس متاخر
و تجيلى تخصصات هوا مش عايزاها
فممكن يضحى بالبوست و ياخد الحاجة اللى بيحبها
و ممكن ياخد البوست
هوا و راحته

دول بقه نواب الجامعة
طيب ايه الميزة فى انك تكون منهم ؟؟

أولا : ان انتا كده سبقت زمايلك
يعنى بدأت تحضر و عرفت تخصصك
و بدأت تشتغل فيه
و زمايلك لسه فى وحدات صحية
شغالين فى التطعيمات

ثانيا : انتا هتتعلم فى مكان كويس
معروف ان الجامعة اعلى مستوى علمى
و الحالات الصعبة كلها بتتحول ليها
فهتشوف الحالات دى كلها و هتشوف بيتعاملوا

معاها ازاى
عشان كده عادة نايب الجامعة بيكون مستواه أعلى

بكتيير من نايب وزارة الصحة
ثالثا : أى واحد بيحضر ماستر فى الدنيا
لازم يكون تبع جامعة
حتى لو كان نايب فى وزارة الصحة
فانتا كنايب فى الجامعة بتكون مع الأساتذة على

طول و عارفينك عشان كده فرصتك بتكون اكبر طبعا
انك تنجح و كمان لو عزت تحضر دكتوراة بعد كده

و مزايا كتير طبعا
بس ده اللى فى دماغى دلوقتى

طيب باقى الناس اللى بعد ال 200 الأوائل
ايه اللى هيحصلهم ؟؟

هيفضلوا فى التكليف
لازم يقضوا سنة كاملة الأول
و بعدين بتبقه فى حاجة اسمها حركة النيابات

بيقدموا فى نيابات وزارة الصحة
تقريبا بتبقه مرتين فى السنة
بيتكتب رغبات
بالتخصص و بالمتسشفى
زى الثانوية العامة كده

و شوفوا النتيجة بتظهر كده مثلا

رقم الخريج اسم الخريج الأعتبارى النهاية العظمى الرغبات
03080283 هشام سيد محمد سيد 3374.4 4600 معاملم0قبارىاسكندرية
03080284 هشام صبحى باهى عبدالواحد 3700.3 4600 عنايهمركزه دلنجات
06190449 هشام عبدالسلام محمد محمد وفا 3059.5 4600 .م.الجديدة ص.نفسية
06200128 هشام كمال الدين عبدالفتاح الامام 3148.4 4600 اشعةم0بئرالعبد سيناءش
06240118 هشام مبروك عبدالنبى عبد الجواد 3096.2 4600 صدر صدر العباسيه
06430238 هشام محمد شعبان ابراهيم 3502.1 4600 استنفذ رغباته
06010722 هشام محمد عبد الفتاح شعير 3510.4 4600 عنايهمركزه بنهاهيئة
02150286 هشام محمد عبدالواحد بشته 3312.4 4600 حميات حميات امبابه
06010723 هشام محمد عوض الزينى 3669.1 4600 كلى صناعىت0 نيل قليوبية
06170586 هشام محمد فتحى محمد شاور 3149.8 4600


و طبعا من غير ما أقول كللل ده بالتقدير
بمعنى كل مستشفى بتكون طالبة عدد معين
و حسب الرغبات
بتطلع لكل مستشفى و تخصص حد أدنى

و طبعا لو انتا مجموعك قليل ممكن متعرفش تاخد التخصص اللى انتا عايزه
و تاخد أى حاجة عشان تخلص من التكليف

و الأهم طبعا من التخصص هوا المكان
فكل ما تكون جايب تقدير أعلى كل ما هتختار براحتك
و تروح مكان يكون كويس و فيه استشاريين كبار
فتتعلم صح و يطلع مستواك كويس

بس كده
هذا ما أعلم و الله أعلى و أعلم

و آسف على الإطالة
و أتمنى يكون الموضوع مفيد ليكم
و اللى مش فاهم أى حاجة يتفضل يسأل

و السلام عليكم و رحمة الله و بركاته
من مواضيع د أحمد سمير في المنتدى

التوقيع
نقرتين لعرض الصورة في صفحة مستقلة
د أحمد سمير غير متواجد حالياً   رد مع اقتباس
قديم 08-31-2009, 11:52 PM   #2
stayin' alive
2004
 
الصورة الرمزية stayin' alive
 
تاريخ التسجيل: May 2009
العمر: 29
المشاركات: 227
افتراضي رد: المختصر البسيط لمشوار الطبيب

صحيح انا طب الزقازيق

بس الموضوع دة نور لى الفكرة شوية

شـكــ وبارك الله فيك ـــرا لك ... لك مني أجمل تحية .
من مواضيع stayin' alive في المنتدى

التوقيع
يا فاشل يا فاشل
stayin' alive غير متواجد حالياً   رد مع اقتباس
قديم 09-01-2009, 12:10 AM   #3
mony
 
تاريخ التسجيل: Aug 2009
العمر: 31
المشاركات: 101
افتراضي رد: المختصر البسيط لمشوار الطبيب

06430238 هشام محمد شعبان ابراهيم 3502.1 4600 استنفذ رغباته y3ny eh daaaaنقرتين لعرض الصورة في صفحة مستقلةنقرتين لعرض الصورة في صفحة مستقلة
من مواضيع mony في المنتدى

التوقيع
الحياة لو لعبة ... كنت شيلت الحجارة
mony غير متواجد حالياً   رد مع اقتباس
قديم 09-01-2009, 12:14 AM   #4
mohammedmohsen
 
تاريخ التسجيل: Aug 2009
المشاركات: 34
افتراضي رد: المختصر البسيط لمشوار الطبيب

طيب لو جالي تخصص في التنسيق دة انا مش عايزه وعايز حاجة احسن بس مجموعي مجبهاش يكون اية الحل ؟ينفع اغير التخصص بالدراسات بعد كدة ولا لا
من مواضيع mohammedmohsen في المنتدى

mohammedmohsen غير متواجد حالياً   رد مع اقتباس
قديم 09-01-2009, 12:15 AM   #5
محمد القاضي
هوالله قبلك حاسس بيك
Allteb
 
الصورة الرمزية محمد القاضي
 
تاريخ التسجيل: Apr 2009
العمر: 31
المشاركات: 1,396
افتراضي رد: المختصر البسيط لمشوار الطبيب

الله ينور يا دكتور احمد

شغل جامد والله

الف شكر ليك وجزاك الله كل خير

هاقرا بقى وبعدين اعلق

من مواضيع محمد القاضي في المنتدى

التوقيع
نقرتين لعرض الصورة في صفحة مستقلة
محمد القاضي غير متواجد حالياً   رد مع اقتباس
قديم 09-01-2009, 12:39 AM   #6
نور
مأدبة القرآن
 
الصورة الرمزية نور
 
تاريخ التسجيل: Apr 2009
العمر: 29
المشاركات: 387
افتراضي Re: المختصر البسيط لمشوار الطبيب



السلام عليكم و رحمة الله و بركاته

وعليكم السلام ورحمة الله وبركاته

مثلا فى الشهرين بتوع الاسبيشيالات دول
بيتعمل تنسيق و الرغبات حسب الترتيب
يعنى ممكن تبقه انتا عايز تروح قسم كويس
و فيه تعليم و متعرفش تروحه عشان فيه
إقبال كبير عليه من الناس اللى ترتيبهم قبلك
فى الجراحة برده فيه نظام إن إحنا بنكتب رغبات
حسب الترتيب عشان تختار القسم اللى هتروحه
فى الاستقبال الولاد اللى ترتيبها متقدم
بتاخد استقبالها فى المستشفى الميرى
الباقى كله بياخده فى استقبال مستشفى ناريمان
بس الكلام ده للmales بس

يعنى شهرين اسيبشل
يعنى يختار الى هوة عايزه؟
ودة بيكون لكل الدفعة ولا الاوائل بس
شكله للكل
طيب الى مش اوائل بيعملوا اييه
ودة بس بيكون علشان يتعلم كويس يعنى ملوش دعوة بالنيابة الى بعد كده؟

طبعا فى الامتياز ممكن تشتغل عادى private برده
بس ده قانونا ممنوع

يعنى ايه؟
يعنى كل ما يكون تقديرك أقل
كل ماهتروح حتة بعيييييييييييييدة

بعيدة بالنسبة للجامعة ولا الحتة الى أنا فيها ؟

يعنى الاوائل الاول بيكونوا تكليف ومبيغبوش فيه وبعدها النيابة ؟



جزااااااااااااك الله خيرا يا دكتور
متشكرة جدا على اهتمام حضرتك
ومجهودك الرائع
ومعلش أسئلتى كتيييرة
بس علشان الصورة تكتمل فى ذهنى

أسكنك الله الفردوس الأعلى

من مواضيع نور في المنتدى

التوقيع
اللهم اشفي الشيخ أبا إسحاق شفاءا لا يغادر سقما
نور غير متواجد حالياً   رد مع اقتباس
قديم 09-01-2009, 12:59 AM   #7
baby doc
In Private Buble
 
الصورة الرمزية baby doc
 
تاريخ التسجيل: Aug 2009
المشاركات: 87
افتراضي رد: المختصر البسيط لمشوار الطبيب


ايه ده يعنى ممكن حد ما يدخلش القسم اللى عايزه عشان التقدير اقل او يتحرم من النيابه فى قسمه عايزه عشان التنسيق

طيب ربنا ييسرها ومجموعنا يفضل عالى فى النهايه عشان ما نتحوجش للوجع التنسيق

طيب والدكتوراللى رغباته استنفذت بيكون ايه مصيره؟

شكرا دكتور

جزاك الله خيرا
من مواضيع baby doc في المنتدى

التوقيع
’’ اْسَتغنِ عَمَن شِئتـَ تَكُن نَظِيرَه ،، وَاحْتَج إِلى مَن شِئتَـ تَكُن أسِيرَه ،،
وَأحْسِنـ إِلى مَنْ شِئتَـ تَكُنـ أَمِيرَه .. ‘‘

[ عَلى إبنَ أبِي طَالبـ رَضِى اللهُ عَنه ]


click here plz
baby doc غير متواجد حالياً   رد مع اقتباس
قديم 09-01-2009, 01:07 AM   #8
د أحمد سمير
 
الصورة الرمزية د أحمد سمير
 
تاريخ التسجيل: Feb 2009
العمر: 34
المشاركات: 2,692
افتراضي رد: المختصر البسيط لمشوار الطبيب

اقتباس:المشاركة الأصلية كتبت بواسطة stayin' alive مشاهدة المشاركة
صحيح انا طب الزقازيق
اقتباس:المشاركة الأصلية كتبت بواسطة stayin' alive مشاهدة المشاركة


بس الموضوع دة نور لى الفكرة شوية

شـكــ وبارك الله فيك ـــرا لك ... لك مني أجمل تحية .

و فيكم بارك الله

و متقلقش

تقريبا كل الكليات نفس النظام
من مواضيع د أحمد سمير في المنتدى

التوقيع
نقرتين لعرض الصورة في صفحة مستقلة
د أحمد سمير غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 01:02 PM.


Powered by vBulletin Version 3.8.12 by vBS
Copyright ©2000 - 2019, Jelsoft Enterprises Ltd
Translation by Support-ar
Style coding by: BBcolors.com