 11-17-2009, 08:00 PM | #1 |
 تاريخ التسجيل: Feb 2009 العمر: 34 المشاركات: 2,692 |  الاستغلال الأمثل لفترة ما قبل الامتياز بسم الله الرحمن الرحيم السلام عليكم و رحمة الله و بركاته ازيكم يا سنة سادسة معلش قصدى يا أطباء الامتياز الجدد بما إنكم خلصتم امتحانات و بقيتوا منتشرين فى الكلية فحبيت أعملكم موضوع كدليل عن الحاجات المفيدة اللى ممكن تعملوها فى الفترة دى و كل حاجة و ممكن تتعلمها فين و إن شاء الله لما نتيجتكم تبان نبقه نعمل مواضيع عن سنة الامتياز نبدأ سوا بسم الله أولا الوقوف فى الصيدلية ده هينفعك جدااا و فى رأيى ده أهم حاجة فى الفترة دى بالذات لو كنت عمرك ما وقفت أثناء الدراسة زى حالاتى فتشوف صيدلية بتاعة حد قريبك أو ممكن تروح لأى حد أول أسبوعين كده بيكونوا تدريب و بعد كده بيبقه شغل بفلوس طبعا هتعرف الأدوية اللى شغالة و الجرعات كمان و الأسعار و البدائل و كل دى حاجات هتنفعك جداا بعد كده كمان لو الصيدلية فى حتة كويسة هتشوف روشتات الدكاترة الكبيرة و ممكن تعد تتكلم مع العيان و تعرف منه ايه حالته كمان و أنصحك متكتفيش بكده تاخد معاك كتاب الماستر و كل يوم مثلا تمسك حرف أو اتنين زى حرف ال A مثلا تشوف كل الأدوية اللى بتبدأ بالحرف ده و تعلم عليها فى الماستر و تحاول تعرف كل واحد بيستخدم فى ايه و لو معرفتش شوف البامفلت أو دور على النت نصيحة أخيرة اعرف من الصيدلية الأدوية فقط متتعلمش ازاى توصف الأدوية من اللى معاك فى الصيدلية سواء كان صيدلى أو لأ حتى لو كان الناس كلها بتيجى تسأله و بيدى أدوية زى الدكاترة ثانيا المذاكرة هتقولى مذاكرة ايه يا عم و احنا لسه مخلصين ؟ هقولك ماشى متفتكرش انك بتخرجك خلاص ودعت مرحلة المذاكرة لأ لازم تفضل تذاكر على طول و تراجع معلوماتك خاصة انكم آخدين الباطنة و الأطفال من خامسة و دول طبعا أساس شغل ال GP فيتسحسن تنشطوا الذاكرة و تقروا فيهم تانى مع طبعا القراية فى الفارما عشان طبعا انتا بعد كده هتكتب الأدوية للناس فلازم تبقه عارف ايه ال side effects اللى ممكن تحصل و ايه ال contraindications على الأقل للأدوية ال common اللى ال GPبيكتبها بكثرة ثالثا سماع المحاضرات و قراءة كتب و مواضيع مفيدة ممكن تسمع محاضرات الدكتور أسامة و تكتب وراه الروشتات اللى كان بيقولها على الأقل فى الحاجات اللى هتقابلك كتير زى الضغط و السكر بجد دكتور عظيم و كل كلامه مفيد و أنا عن نفسى لحد دلوقتى بسمعه و بستفاد منه جداااا و فيه محاضرات أطفال للامتياز لدكتور اسمه سامح معرفش جامعة ايه بس كلامه عملى و جميل جداا برده و فيه مواضيع كتير فيها محاضرات عن الامتياز بس دور و انتا تلاقى و برده ممكن تقرا مواضيع كتير على النت هتفيدك بعد كده زى مثلا موضوع الدكتور طارق ازاى تتصرف فى الاستقبال و المواضيع بتاعة ال ECG & ABG و فيه مواضيع كتير مفيدة و لما تبدأ الامتياز هتحس فعلا انك عايز تعرف الكلام ده و ممكن وقتها متلاقيش حد يقولهولك كمان ممكن تقرا بعض الكتب و ان كنت مش بحبها اللى هيا عبارة عن روشتات جاهزة زى ال medical guide طبعا منصحش حد يعتمد عليها و إلا هيبقه دكتور فاشل و فيه كتب علمية هتنفعك برده أهمها كتب الدكتور النجار فى الأطفال و الكتب الأجنبية زى Oxford Current diagnosis & treatment رابعا الحضور فى استقبال أى مستشفى ده برده مفيد أوى ممكن تروح الاستقبال فى الكلية بس عادة بيبقه زحمة و مفيش فرصة تتعلم أوى و ممكن تروح أى مستشفى عام قريب منك و تعرفهم بنفسك و تعمل علاقات هيسيبوك تعمل اللى انتا عايزه بصفة عامة أى مكان تروحوه فى الكلية الأول متكونوش عدد كبير يعنى انتا لوحدك أو معاك واحد صاحبك بالكتير يستحسن كمان تروحوا فى ال evening &night الصبح بيكون زحمة اوى تروحوا تقدموا نفسكم و تتعرفوا على النواب و الامتياز فيه طبعا ناس كويسة و فيه ناس رخمة اللى تلاقوه كويس و بيشرحلكم و بيعلمكم تتعرفوا عليه و تشوفوا مواعيده و تحضروا معاه على طول و اللى تلاقوه غلس تعرفوا مواعيده برده عشان متروحوش فيها و متقلقوش يعنى فيه ناس كتير بتعلم أنا لما كنت فى الاستقبال كان بيحضر معانا ناس فى تالتة و كنت بخليهم يركبوا ال nasogastric و أخدتهم معايا مرة و خليتهم يخيطوا كمان و فى الآخر كانوا بيشوفوا الحالات و يكتبولها العلاج بس أهم حاجة لما تروح مكان تروح فترة على بعضها و تقضى وقت طويل متقولش رحت مرة و ملقتش حالات غرز مثلا لأ اصبر و احضر و انتا هتلاقى كل خير إن شاء الله المهم فى الاستقبال تركز إنك تتعلم الحالات العادية البسيطة و التعامل معاها زى مثلا gastroenteritis renal colics الحالات الكبيرة اللى هتحتاج تتحجز عشان لو انتا لوحدك فى مكان مثلا متروحش الحالة و تكتبلها روشتة زى مثلا Acute appendicits Stroke MI بعض المهارات اليدوية البسيطة حقن عضل و وريد تركيب كانيولا تركيب Nasogastric تركيب القساطر تعمل ECG سحب ال ABG الغرز بس عندنا الحاجات ال simple بس اللى بتتعمل فى الاستقبال غير كده بتتحول جراحة و حاجة مهمة برده هتتعلم تبقه بارد و تواجه ال stress بتاع الحالات اللى جاية فى حوادث أو coma و تتعلم تتخانق مع ال relatives و تتعلم تهرب لما حد يموت و يحصل عراك و مشاكل و أخيرا لحد هنا كده حلو أوى عليكم من وجهة نظرى بس بما إنى قابلت ناس كتير عايزة تتعلم بسرعة و كل همها فى شغل ال private هقولكم أفضل الأماكن اللى فيها تعليم فى المستشفى و إن كان ده فى رأيى غلط أولا طوارىء الباطنة كل حالات الباطنة ال emergency اللى بتتحجز من الاستقبال بتروح فيها Stroke unstable angina Haematemsis intracerebral hemorrhage ممكن تشوف الحالات بنفسك و تتفرج على التذاكر و تشوف الحالات دى كلها بتتعالج ازاى و برده هناك ممكن تعمل ECG و تسحب ABG و تركب قساطر و nasogastric ثانيا طوارىء الجراحة كل الحوادث و الجروح الكبير بتروح هناك الامتياز بتاع ال plastic هوا اللى بيخيط كل حالات face & hand و طبعا هوا أفضل ناس فى موضوع ال sutures ممكن تروح تتفرج و لو عملت علاقات جامدة ممكن يسيبوك تشتغل معاهم ثالثا عيادة الباطنة كل قسم ليه عيادتين عيادة باطنة عامة غالبا بتكون الساعة 9 و عيادة باطنة تخصصية يعنى روماتيزم غدد و هكذا عادة بتكون الساعة 11 هتشوف هناك بقه حالات الباطنة العادية من ضغط و سكر و قولون عصبى رابعا عيادة الجراحة كل يوم فيه قسم بيمسكها معادها الساعة 9 الصبح بعد ما العيادة ما تخلص الساعة 11 فيه أوضة صغيرة قدام العيادة بيفتحوا فيها ال abscess و يعملوا circumscion عشان لو عايز تتعلم الحاجات دى خامسا عيادة الأنف و الأذن برده كل يوم الساعة 9 صباحا النواب هيا اللى بتكشف بس مع ان ايام زمان كان الامتياز اللى ماسكها بس فيه نواب كويسين بتشرحلك كل حالة و لو فيه signs فى ال otoscope تخليك تشوفوها و ممكن كمان هناك تعمل ear wash سادسا عيادة الجلدية و التناسلية برده جميلة و مفيدة بس مينفعش حد مش معانا يحضر إلا لما يستئذن من رئيس القسم الأول مش عارف اشمعنى هما اللى عاملين النظام ده معادها من 8 و نصف ل 11 بنشوف الحالات الجديدة بعدين الساعة 11 بنشتغل الحالات اللى ليها cautery cryo سابعا استقبال ناريمان هتشوف حالات trauma بالهبل تتعلم ايه الحالة اللى تشك إن فيها fracure و الحالة اللى متشكش و الكدمات العادية تكتبلها ايه و ممكن لو انتا غاوى العضم تتعلم تجبس كمان ثامنا استقبال الشاطبى أطفال ده اللى بدأت بيه فى أول امتيازى و اتعلمت فيه كتير جدااا هتشوف حالات أطفال كتيرة بس للأسف دلوقتى حاسس إن فيه نواب كتير جداد و المستشفى مبقتش زى الأول تاسعا استقبال الشاطبى نسا هتتعلم تعمل PV اللى كنت بتقرا عنه و عمرك ما عملته أيام الكلية و تحس تشوف الست dilated و لا لأ و فى كل حالة بنكتبلها ايه و برده هتشوف بعض الحاجات التانية زى تسمم الحالة و القىء عاشرا حوادث النسا الدور الأرضى فيه ال normal labour و الدور الثالث فيه القيصريات لو انتا عملت علاقات جامدة ممكن تولد و تتعقم و تساعد فى القيصريات و إن كان متهيألى ده صعب فى الظروف الحالية تلك عشرة كاملة و ربنا يوفقكم فى حياتكم العملية و آسف على الإطالة و السلام عليكم و رحمة الله __________________  |
 |  |
| 11-17-2009, 08:11 PM | #2 |
| المشرفة العامة على أقسام الطبيبات   تاريخ التسجيل: Feb 2009 المشاركات: 1,413 |  رد: الاستغلال الأمثل لفترة ما قبل الامتياز جزاك الله كل خير يادكتور ،،،،، بجد حضرتك بتساعدنا كتير ،، ربنا يكرمك ......... إن شاء الله ننتفع بنصائح حضرتك ،، ولك الأجر بإذن الله . __________________ نرقع دنيانا بتمزيق ديننا .. فلا ديننا يبقى ولا ما نرقع من افضل الدعاء : "اللهم إنى اسألك من الخير كله عاجله وآجله ماعلمت منه ومالم اعلم .. وأعوذ بك من الشر كله عاجله وآجله ماعلمت منه ومالم اعلم .. اللهم انى اسألك الجنة وما يقرب اليها من قول أو عمل .. واعوذ بك من النار وما يقرب اليها من قول أو عمل .. اللهم انى اسألك من خير ما سألك منه عبدك ورسولك محمد .. واعوذ بك من شر مااستعاذك منه عبدك ورسولك محمد .. واسألك ماقضيت لى من امر أن تجعل عاقبته رشدا ."  |
| | |
| 11-17-2009, 10:06 PM | #3 |
| مشرف قسم " علاج الأورام "   تاريخ التسجيل: Jan 2009 العمر: 33 المشاركات: 1,213 | رد: الاستغلال الأمثل لفترة ما قبل الامتياز مش عارف أقولك ايه ..... جزاك الله كل خير يا دكتور أحمد __________________ بدأت الجيش ..... دعواتكم معانا :)) |
| | |
| 11-17-2009, 10:19 PM | #4 |
| ThanK GoD  تاريخ التسجيل: Jan 2009 العمر: 30 المشاركات: 1,845 | رد: الاستغلال الأمثل لفترة ما قبل الامتياز جزاك الله كل خيرا يا دكتور أحمد .. ونفع بك .. وجعله الله في ميزان حسناتك .. مع اني لسه في رابعه .. بس بجد استفدت كتير .. وان شاء الله هبدأ أطبق الكلام من دلوقتي .. ربنا يكرمك |
| | |
| 11-17-2009, 10:22 PM | #5 |
| Banned تاريخ التسجيل: Feb 2009 العمر: 35 المشاركات: 2,010 | رد: الاستغلال الأمثل لفترة ما قبل الامتياز ينفع أعيد أمتيازى علشان أنفذ الكلام الجميل ده ربنا يكرمك يادكتور أحمد دايما بأتعلم منك جزاكم الله خيرا |
| | |
| 11-17-2009, 11:56 PM | #6 |
| طـبـيـب تاريخ التسجيل: Feb 2009 العمر: 34 المشاركات: 475 | رد: الاستغلال الأمثل لفترة ما قبل الامتياز تمام يا دكتور أحمد .. جزاك الله خيراً .. |
| | |
| 11-18-2009, 07:25 AM | #7 |
 تاريخ التسجيل: Jul 2009 المشاركات: 132 | رد: الاستغلال الأمثل لفترة ما قبل الامتياز جزااكم الله خيرااااااااا ربنا يكرم حضرتك ان شاااء الله نبدا نطبق النصايح دي من دلوقتي |
| | |
| 11-18-2009, 02:48 PM | #8 | |||||
| تاريخ التسجيل: Feb 2009 العمر: 34 المشاركات: 2,692 | رد: الاستغلال الأمثل لفترة ما قبل الامتياز اقتباس:
و ربنا يوفقكم فى نتيجتكم و فى امتيازكم اقتباس:
لو حضرتك فى رابعة و عايزة تطبقى الكلام ده يبقه فى الإجازة إنما اوعى تسيبى المحاضرات و المذاكرة عشان تروحى تقفى فى المستشفى و إلا هتندمى بعد كده كل مرحلة ليها احتياجاته و متطلباتها و من تعجل الشىء قبل أوانه عوقب بحرمانه و ربنا يوفقك فى الكلية و فى حياتك العملية اقتباس:
يا راجل بطل بكش بقه تلاقيك كنت بتعمل الكلام ده من و انتا فى الكلية اههههههههه ربنا يخليك يا د محمد و أنا اللى بتعلم منك و الله بالمناسبة ابقه افتح الايميل بقه اقتباس:
اقتباس:
و ربنا يعينكم و يوفقكم __________________ | |||||
| | |
 |
« الموضوع السابق | الموضوع التالي »
| أدوات الموضوع | |
| انواع عرض الموضوع | |
العرض العادي
| |
الساعة الآن 10:24 PM.