النصائح

آخر المشاركات
         :: يلا شوت ستورز مورينيو: مواجهة ليفربول أهم من مباراة تشيلسيالشياطين الحمر أمام تشيلسي (آخر رد :manar20000)      :: يلا شوت حصري محمد صلاح يكتسح وست هام (آخر رد :manar20000)      :: حبي لدراسة الطب (آخر رد :ايلينا)      :: مشاهدة مباراة ارسنال ومانشستر سيتي يلا شوت ، في نهائي كأس رابطة المحترفين الإنجليزية. (آخر رد :manar20000)      :: مباراة ارسنال ومانشستر سيتي كورة لايف يلا شوت (آخر رد :yaraa1)      :: مباراة ارسنال ومانشستر سيتي يلا شوت (آخر رد :manar20000)      :: مشاهدة مباراة تشيلسي ومانشستر يونايتد اليوم فى قمة الدوري الانجليزي (آخر رد :manar20000)      :: مباراة تشيلسي اليوم الليلة (آخر رد :manar20000)      :: تشيلسي ومانشستر يونايتد (آخر رد :manar20000)      :: دورة الإدارة الحديثة للمستودعات والمخازن - بروكوالا للتدريب (آخر رد :سمر السعيد)     


العودة   كل الطب أكبر منتديات طبية عربية 6 أعوام من العطاءAllteb 6 Years of Donation > الأطباء بعد التخرج Postgraduate doctors > ° التـخـصـصـات والـمـراجــع الطـبـية ° > General Surgery

General Surgery الجراحة العامة

إضافة رد
قديم 05-23-2010, 09:12 PM   #33
د أحمد سمير
 
الصورة الرمزية د أحمد سمير
 
تاريخ التسجيل: Feb 2009
العمر: 32
المشاركات: 2,692
Thanks: 9
Thanked 54 Times in 38 Posts
افتراضي رد: إلى مُحبى الجراحة ..القواعد العلمية للغرز الجراحية ( الحلقة 1)

بسم الله الرحمن الرحيم

الحمد لله رب العالمين و الصلاة و السلام على أشرف المرسلين
أما بعد ,,,

السلام عليكم و رحمة الله و بركاته

الحلقة الثانية

Decision making
اتخاذ القرار

بعد ما خلصت شوية الكلام الفاضى اللى قولته فوق
هسكت شوية و أعد أفكر
عشان أخد قرار فى الحالة
فيه عندى حاجة اسمها

Reconstructive Ladder

نقرتين لعرض الصورة في صفحة مستقلة

Uploaded with ImageShack.us
ده نظام يساعدنى فى اختيار العلاج
متدرج من الحاجة البسيطة للحاجة المعقدة أكتر
زى سلم و انا بختار
هخلى العيان على السلمة الأولى و لا أطلع بيه
للسلمة التانية و لا التالتة ...

1-secondary intension
يعنى أنا هسيب الجرح مفتوح
و أفضل أغير عليه لحد ما يقفل لوحده

Indications :
wounds beyond golden period
contam. infected wounds
Mammalian animal bite
Contraindications :
absolute
exposed vessel nerve tendon bone
relative
large wound with prolonged
anticipated period
& poor cosmetic result

2-primary closure
يعنى هقفل الجرح فى التو و اللحظة
عادة باستخدام الغرز الجراحية
بشرط
clean wound
closure can be done without undue tension
closure in golden period 1st 6 hours

3-skin grafting عملية الترقيع

4-Local tissue tranfere

5-Distant tissue transfere

6-Free tissue transfere

آخر 4 نقط Grafting & Flaps
مش احنا اللى بنعملهم
بس تبقه عارف انهم موجودين عشان تفهم العيان و تحوله
دول لو ال trauma عملت
جزء فيه defect
بحيث إن مفيش edge على edge اصلا
عشان تجيبهم على بعض
يعنى فيه raw area
بس ال raw area لو مش deep
يعنى لو لسه فاضل جزء من ال dermis
ممكن تكتفى بال dressings
لإن ال epithelisation بيحصل من ال
pilosebaceous system
اللى موجود فى ال dermis


دلوقتى لو استقريت إن المريض ده
عنده جرح و ممكن يتقفل 1ry
بسأل نفسى
3 أسئلة

1- المريض ده هيحتاج للغرز و لا لأ ؟

2-أنا هقدر أخيطه و لا لأ ؟

3-هقدر أخيطه فى المكان اللى أنا فيه ده و لا لأ ؟



نجاوب مع بعض بالراحة على الأسئلة دى

السؤال الأول

المريض ده هيحتاج لغرز و لا لأ ؟
يعنى بمعنى تانى
ازاى أعرف أحدد الجرح اللى قدامى ده
محتاج غرز و لا لأ و لو مش هيحتاج هيكون ايه البديل ؟

عشان نقدر نجاوب على السؤال ده
لازم نجاوب على سؤال تانى
ايه هوا الهدف من الغرز ؟
يعنى أصلا أنا ليه بعملها للعيان ؟
و لما أعرف فايدتها بالتالى أعرف مين اللى هيحتاجها ؟

الغرز ليها 3 أهداف رئيسية
1
الهدف من الغرز إنى أعمل
approximation of edges
till healing occurs
يعنى بقرب بين طرفين الجرح لحد ما يقفل
عشان أساعد إن ال healing
يحصل بشكل أسرع و cosmetic فضل
و عشان
و بالتالى أحول ال 2ry healing
إلى 1ry

2
نوقف ال Hge
الغرز فيها ميزة مهمة جداا
إنها hemostatic
و بالتالى بتوقف النزيف اللى ساعات بيكون كتير جداا
و ممكن يعمل
significant blood loss

3
نمنع ال infection
دلوقتى لما كنا بندرس جلدية كانوا بيقولونا من وظائف الجلد ايه
يمنع الباكتيريا تخش جسم الإنسان
دلوقتى انتا عندك جرح مفتوح و كله دم
و الجلد حواليه مليان باكتيريا
هتقوم الباكتريا تدخل و تعيش حياتها جوه
يبقه أنا بعمل غرز عشان أقفل الجرح
أقوم أمنع الباكتيريا دى تدخل

دلوقتى بعد الكلمتين دول
ازاى أقول الجرح ده هيتخيط و لا لأ لما أشوفه
أكتر حاجة بتحدد حاجتين
gaping
severe Hge
لو فيه حاجة من الاتنين دول = غرز
لو جرح ال edge على ال edge
و فيه Hge بسيط
و superficial
يبقه ممكن نسيبه أو نستخدم طرق تانية
هنتكلم عليها فى الآخر إن شاء الله

و بصفة عامة لو شايف إن غرزك هتعمل trauma
أكتر من ال trauma اللى موجودة يبقه متخيطش

السؤال الثانى
أنا هقدر أخيطه و لا لأ ؟

دى برده نقطة مهمة بالذات فى ال private
لازم لما تشوف الجرح تسأل نفسك أنا هقدر أتعامل معاه
و لا لأ حسب إمكانياتك و مستواك
و مش عيب عيان يجيلك مثلا فى مكان لوحدك بجرح كبير
أو عميق و تحوله
العيب إنك تدخل فيه و تدخل العيان فى مضاعفات خطيرة
بس طبعا متقولش للعيان مش هعرف أخيطك
قله معلش لازم تروح مستشفى
أصلك لازم دكتور جراحة يشوفك و ممكن تحتاج تخدير كلى
كده يعنى أى كلام

السؤال الثالث
ايه الأدوات اللى هحتاجها عشان أخيطه
و الأدوات دى موجودة و لا لأ ؟

طالما قررنا إن الجرح ده محتاج خياطة
و احنا هنخيطه
بنحط فى دماغنا الخطة اللى هنشتغل بيها
هنحتاج أدوات غرز بس و لا أدوات إضافية
زى ما هنبيبن بعد كده إن شاء الله
و نحدد برده نوع الخيط و سمكه
هنقول دلوقتى ازاى
عشان تشوف الحاجات دى موجودة و لا لأ
و تخلى الحكيمة تجهزهم
أو ممكن تكتبهم لل relatives يجيبوهم

فيه موقف هتتعرضله برده
إن يكون العيان اتعور من فترة
فهنسأل نفسنا سؤال
الجرح بعد اد ايه مينفعش يتخيط ؟

مبدأيا الفترة الاولى هيا افضل فترة للغرز
و بيمسوها the golden period
و اللى بتتروح من 8-12 ساعة
بعد كده المفروض منقفلش الجرح
ليه ؟؟
لإن غالبا بيكون حصل colonisation of bacteria
و لو قفلته هيحصل infection
حتى لو انتا شايفه clean
امال هنتصرف ازاى فى الموقف ده ؟
لو جرح صغير
هتمشى معاه بال dressing
لحد ما يقفل بال
2ry intension
لو جرح كبير هتعمل dressing
لمدة يومين تلاتة و تتابعه
لحد ما تتأكد إن مفيش infection
و تقفله و ده اللى بيسموه
delayed 1ry closure

ملحوظة
فى حقيقة الامر لو
clean جرح صغير و و superficial
ممكن تقفله حتى لو عدى اكتر من 12 ساعة
بس لو كان عدى فترة هات مشرط
و قشر كده ال edges شوية
لحد ما تجيب blood
اللى هوا بيسموه
refreshment of edges
عشان يحصل healing كويس
و طبعا تهتم أكتر انك تفسله كويس
و تعمل debridement كويس
عشان تمنع ال infection

اختبار سريع كده على اللى قلته
.JPG.html]نقرتين لعرض الصورة في صفحة مستقلة

.jpg.html]نقرتين لعرض الصورة في صفحة مستقلة

.jpg.html]نقرتين لعرض الصورة في صفحة مستقلة
.jpg.html]نقرتين لعرض الصورة في صفحة مستقلة

دى كلها زى خدوش كده abrasions
مش محتاجة لخياطة

.jpg.html]نقرتين لعرض الصورة في صفحة مستقلة

.jpg.html]نقرتين لعرض الصورة في صفحة مستقلة

دى جروح محتاجة خياطة
بشرط انها تكون fresh و ينفع تقفل من غير tension جامد
و مش بسبب bite


.jpg.html]نقرتين لعرض الصورة في صفحة مستقلة
.jpg.html]نقرتين لعرض الصورة في صفحة مستقلة

.jpg.html]نقرتين لعرض الصورة في صفحة مستقلة

دى جروح فيها tissue loss
هتحتاج grafting او flaps
من مواضيع د أحمد سمير في المنتدى

التوقيع
نقرتين لعرض الصورة في صفحة مستقلة
د أحمد سمير غير متواجد حالياً   رد مع اقتباس
قديم 05-23-2010, 09:21 PM   #34
د أحمد سمير
 
الصورة الرمزية د أحمد سمير
 
تاريخ التسجيل: Feb 2009
العمر: 32
المشاركات: 2,692
Thanks: 9
Thanked 54 Times in 38 Posts
افتراضي رد: إلى مُحبى الجراحة ..القواعد العلمية للغرز الجراحية ( الحلقة 1)

Local anasethesia
التخدير الموضعى

المادة اللى بنستخدمها هيا
Xylocaine
(Lidocaine)



Mechanism of action

بيعمل inhibition of Na channels
of nerve membrane
و بالتالى
nerve cell cant depolarise
و بالتالى بيمنع
transmission of action potential

طيب هل كل الأعصاب الطرفية بتتأثر بيه بنفس الدرجة ؟
لأ
أكتر أعصاب بتتأثر
small unmyelinated
اللى بتنقل
pain temperature

أما الأعصاب اللى بتنقل ال presure fine touch
فدى thick myelinated
عشان كده تأثيره عليها بيكون أقل

الموضوع ده بيمسوه ايه
differential conduction blockade

الحتة دى جميلة اوى و هتخليك تفهم حاجات كتير
لو حد بيلاحظ هتلاقى العيان بعد ما نحقن البنج مثلا
تيجى بعدها تضغط على الجرح عشان تنشف
تلاقى العيان حاسس شوية
تفتكر البنج مش شغال
لأ ده عادى الإحساس اللى بالضغط شغال
إنما جرب و خيط هتلاقى العيان مش حاسس
حتى فى الزايدة العيان بيبقه نايم نصفى
نيجى فى اول العملية نعمل deep palpation
عشان نشوف لو فيه mass
تلاقى العيان بيتألم شوية و رغم كده لما تفتح بالمشرط
و تعمل العملية تلاقيه مش حاسس
و الممرضات عندنا برده عارفين الكلام ده
عشان كده لما يلاقوا العيان خايف يقولوا
متخافش مش هتحس بالإبرة
هتحس بحاجة ماشية عليك كده بس

Side effects

بسبب systemic absorption
إما بسبب
drug overdose
accidental IV inj.

ملحوظة
all side effects are dose dependent
except allergic reactions

و تشمل

-CNS
confusion circumoral numbness
metallic taste tinnitus visual
disturbances
then tremors then convulsions
-PNS
sensory & motor deficit
-CVS
arrthymia hypotension arrest
-Blood
allergic reactions ( very rare )
urticaria bronchospasm hypotension anaphylatic shock

Treatment

-symptomatic supportive
to maintain ventilation & circulation

-conv. : oxygen diazepam 5-15 mg IV ETT
-collapse : inotropes fluids CPR
-anaphylaxis : epinephrine fluids

و زى ما انتوا ملاحظين إن كل الحاجات دى مش موجودة
فى المستوصفات خااالص
عشان كده لازم قبل ما ندى الزيلو
نسمى و ندعى ان متحصلش complications

onset fast 1-2 min

duration 30-60 min
و بعض الكتب بتقول
60-90 min

max. dose 3 mg/kg

و بعض الكتب بتقول
4-5 mg/kg

conc. 0.5-2%

1% means 10 mg/ml

ممكن تحسبها بطريقة المقصات عشان تعرف هتطلع كام
بس من الآخر اعرفها كده
Max. dose = ربع الوزن

يعنى لو مريض 80 كيلو آخرك معاه 20 سم
لو طفل 30 كيلو آخرك معاه 7 و نصف سم

لو العيان عنده جروح كتيرة و كبيرة
بنحفف الزيلو
فى نفس الكمية من السالين
قول للمممرضة مثلا عايز 5 فى 5
دى معناها 5 سم زيلوا فى 5 سم سالين

و ساعات لو الجروح كتيرة اوى و الزيلو مش هيكفى
بينيموا العيان general

ملحوظة
الزيلو تأثيره ضعيف فى أى جرح فيه infection
بسبب وجود ال acidosis
عشان كده فيه ناس بتفتح الخراج من غير زيلو خاالص
لإنه مبيعملش حاجة فى حقيقة الأمر

Nerve block
دى طريقة لو عايزين نخدر منطقة معينة نشوف العصب
اللى بيغذيها و نخدره أشهر مثال ليها
Digital nerve block
بنستخدمها لو فيه جرح فى ال
Fingers & Toes

الاستخدام العملى
نقرتين لعرض الصورة في صفحة مستقلة
الزيلو ده بيبقه موجود فى المستشفيات و المستوصفات
فى برطمان صغير كده
هتقول للمرضة تعبيهولك فى سرنجة
هتسألك عايز اد ايه يا دكتور
ملهاش طريقة معينة فى الحساب
احنا بنطلب على حسب الجرح بالتقريب كده
لو جرح صغير فى الوش مثلا
ممكن نستخدم سرنجة انسولين مش سرنجة عادية
على أساس نقلل الألم بتاع الحقن
و نقلل ال trauma
لو جرح متوسط
هنقول عازين 3 أو 5
لو جرح كبير بنقول عازيين 10
بس غالبا محدش بياخد ال 10 صافى كده
بتقول عايزين 5 فى 5
يعنى 5 سم زيلو مخففين ب 5 سم سالين
بس غير السن قبل ما تحقن عشان متتعبش العيان

بعدين هناخد السرنجة
هدخل فى ال edge بتاعة الجرح
من أولها للآخر خااالص حسب طول السن اللى معايا
مع مراعاة
اعمل stretch كويس للجلد
عشان الابرة تخش معاك بسهولة
بعدين هسحب aspiration
لو طلعلى دم يبقه انا دخلت غلط فى اى blood vessel
اطلع و اخش تانى
مطلعش دم
يبقه أحقن و أفضل أحقن بالراحة و انا بطلع فى نفس الوقت
هلاقى ال edge حصل فيها sweeling
معنى كده انى شغال صح و بحقن
فى ال subcut. tissue
و أفضل أعيد الخطوات دى لحد ما أغطى ال edges
بتاعة الجرح كلها

و يستحسن بدل ما تدخل و تطلع كذا مرة
تدخل مرة من كل ناحية
تحقن مثلا فى ال edge اللى فوق
و بعدين تفضل تطلع بس قبل ما تطلع السن
تدخل تانى تحت و تحقن
يعنى عشان تقلل المرات اللى بتشك فيها العيان

فيه طريقة تانية بدل ما احقن فى الجلد
بدخل فى الجرح ذات نفسه
و اكمل نفس الخطوات
و الطريقة دى بتعمل ألم أقل للعيان

بعد ما تخلص لو انتا راجل حُنين أوى
ممكن تعمل test
تتأكد إن الزيلو اشتغل
تشك العيان كده بسن الإبرة
و تشوفه حاسس و لا لأ
لو لقيته حاسس
اههههههههه

1-اتاكد انك عملت الخطوات اللى قولنا عليها
و حقنت صح
2- استنى 10 دقايق
لما الزايلو ياخد ال full effect بتاعه
3-احقن تانى
لو كان لسه بدرى على ال max dose

عملنا كل ده و برده حاسس
يبقه بيدلع بقه توكل على الله و شوف اتنين تكون صحتهم كويسة
يكتفوه و شوف شغلك

فيديوهات تبين طريقة حقن الزيلو








فيديوهات تبين
Digital block




من مواضيع د أحمد سمير في المنتدى

التوقيع
نقرتين لعرض الصورة في صفحة مستقلة
د أحمد سمير غير متواجد حالياً   رد مع اقتباس
قديم 05-23-2010, 09:23 PM   #35
د أحمد سمير
 
الصورة الرمزية د أحمد سمير
 
تاريخ التسجيل: Feb 2009
العمر: 32
المشاركات: 2,692
Thanks: 9
Thanked 54 Times in 38 Posts
افتراضي رد: إلى مُحبى الجراحة ..القواعد العلمية للغرز الجراحية ( الحلقة 1)

إلى هنا انتهت الحلقة الثانية
أتمنى تكون مفيدة ليكم
و لو حد عايز يسأل فى حاجة يتفضل
و جزاكم الله خيرا
و السلام عليكم و رحمة الله و بركاته
من مواضيع د أحمد سمير في المنتدى

التوقيع
نقرتين لعرض الصورة في صفحة مستقلة
د أحمد سمير غير متواجد حالياً   رد مع اقتباس
قديم 05-23-2010, 10:31 PM   #36
د أحمد سمير
 
الصورة الرمزية د أحمد سمير
 
تاريخ التسجيل: Feb 2009
العمر: 32
المشاركات: 2,692
Thanks: 9
Thanked 54 Times in 38 Posts
افتراضي رد: إلى مُحبى الجراحة ..القواعد العلمية للغرز الجراحية (متجدد)

اقتباس:
ماشاء الله اسلوب رائع
كنت منتظرة حضرتك تبدا الموضوع ده قبل شهرين الجراحة مايخلصوا
في انتظار باقي الحلقات
جزاكم الله خيرا

جزانى و إياكم كل خير
معلش آسف على التأخير يا دكتورة
و إن شاء الله تكونوا اتعلمتوا كويس
و متحتاجوش الموضوع ده
اقتباس:
جزاك الله خيرا
شرح حضرتك مبسط خالص
ياريت تكمل

جزانى و إياكم كل خير
حااضر أنا هكمل إن شاء الله
المهم انتوا متزهقوش و تتابعوا معايا

من مواضيع د أحمد سمير في المنتدى

التوقيع
نقرتين لعرض الصورة في صفحة مستقلة
د أحمد سمير غير متواجد حالياً   رد مع اقتباس
قديم 05-24-2010, 05:23 AM   #37
moooony18
عضو جديد
 
تاريخ التسجيل: May 2009
المشاركات: 3
Thanks: 0
Thanked 0 Times in 0 Posts
افتراضي Re: إلى مُحبى الجراحة ..القواعد العلمية للغرز الجراحية (متجدد)

بارك الله فيك
من مواضيع moooony18 في المنتدى

moooony18 غير متواجد حالياً   رد مع اقتباس
قديم 05-24-2010, 11:31 AM   #38
dr_Heba
 
تاريخ التسجيل: Jan 2010
العمر: 31
المشاركات: 90
Thanks: 11
Thanked 1 Time in 1 Post
افتراضي رد: إلى مُحبى الجراحة ..القواعد العلمية للغرز الجراحية (متجدد)

جزاك الله خيرا يادكتور

جمييييييييييييلة كتيييييييييييير ومفيدة

تحيااااااااااااااااااااااااتى
من مواضيع dr_Heba في المنتدى

dr_Heba غير متواجد حالياً   رد مع اقتباس
قديم 05-24-2010, 04:34 PM   #39
dr_shehab
طبيبه على ما تفرج
 
الصورة الرمزية dr_shehab
 
تاريخ التسجيل: Apr 2009
العمر: 31
المشاركات: 2,029
Thanks: 0
Thanked 4 Times in 3 Posts
افتراضي رد: إلى مُحبى الجراحة ..القواعد العلمية للغرز الجراحية (متجدد)

مجهود رائع يا دكتور

جزاكم الله خيرا

بس عندى استفسار احنا بنشتغل بالكاربول الاحمر والاخضر

الاخضر علشان الاسكالب والاحمر لباقى الجسم هل برده ليهم جرعه معينه زى الزيلو ؟
من مواضيع dr_shehab في المنتدى

التوقيع
نقرتين لعرض الصورة في صفحة مستقلة
dr_shehab غير متواجد حالياً   رد مع اقتباس
قديم 05-25-2010, 12:13 AM   #40
Narnia
 
تاريخ التسجيل: Apr 2009
المشاركات: 57
Thanks: 5
Thanked 1 Time in 1 Post
افتراضي Re: إلى مُحبى الجراحة ..القواعد العلمية للغرز الجراحية (متجدد)

جميلة جدا جدا جدا الف شكر ليك يا د. احمد ربنا يكرمك بجد على المجهود الجميل والشرح الاكثر من رائع بس انا عندي مشكلة مع الفيديو مش ظاهر عندي خالص ياريت لو حضرتك تحط اللينكات للمشاهدة او التحميل والف شكر ليك مرة تانية
من مواضيع Narnia في المنتدى

Narnia غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 03:06 AM.


Powered by vBulletin Version 3.8.5
Copyright ©2000 - 2018, Jelsoft Enterprises Ltd
Translation by Support-ar
Style coding by: BBcolors.com