النصائح

آخر المشاركات
         :: مباراة ليفربول وسوانزي سيتي (آخر رد :lana12)      :: دعاء تيسير الزواج من الحبيب 004917626667716 (آخر رد :مطوعه111)      :: علاج السحر المرشوش المتجدد 004917626667716 (آخر رد :مطوعه111)      :: اسرع طريقة لفك السحر والعين 004917626667716 (آخر رد :مطوعه111)      :: خواتم وقلادات روحانية 004917626667716 (آخر رد :مطوعه111)      :: اسهل طريقة لفك السحر بالقران 004917626667716 (آخر رد :مطوعه111)      :: اقوي علاج للمس الشيطاني 004917626667716 (آخر رد :مطوعه111)      :: اقوي علاج للمس الشيطاني 004917626667716 (آخر رد :مطوعه111)      :: جلب الحبيب كالمجنون 004917626667716 (آخر رد :مطوعه111)      :: زواج البنت المتاخرة عن الزواج 004917626667716 (آخر رد :مطوعه111)     


العودة   كل الطب أكبر منتديات طبية عربية 6 أعوام من العطاءAllteb 6 Years of Donation > التعليم الطبي الأساسي > طب الأسنان > فضفضة طلاب أسنان

فضفضة طلاب أسنان مناقشات وحوارات خاصة بكليات طب الأسنان

إضافة رد
قديم 02-20-2010, 01:02 AM   #9
د/ أحـمـد سـليمان
استَعِينُوا بِاللّهِ وَاصبِروا
Allteb
 
الصورة الرمزية د/ أحـمـد سـليمان
 
تاريخ التسجيل: Jan 2009
العمر: 32
المشاركات: 5,342
Thanks: 82
Thanked 589 Times in 370 Posts
افتراضي رد: مغامرات دكتورة اسنان في التكليف !!

يوميات فاطمه فى الارياف

الجزء الخامس و الأخير

لااااااا ....... حراااااااااااااام ....... حسبنا الله ونعم الوكيييييييييييل

المره دى موقف عجب ....

جرت العاده انى بروح دايما شغلى فى قمة السعاده والامل ( بالعكس طبعا ) ... انما المره دى فى حاجه غريبه ... قمت من النوم قلت لا .... الكلام دا مينفعش ... لازم اعمل حاجه اوقف بيها الروتين دا ... هتقولولى ايه هو الروتين ؟؟؟؟ امممممم ... الروتين هو اننا محكوم علينا بالاعدام فى الوحدات الريفيه ... ايه ؟؟؟؟؟؟ اعداااااااام !!!!!!!

اه والله اعدام ... بصو معايا احنا اتعلمنا فى الكليه كتييييييير اوى ... واشتغلنا برضو كتييييير اوى ... والحمد لله اختكو مسبتش حاجه فى الكتب الا لما عملتها ... فيما عدا الحاجات اللى هى مش بتعالج اى مرض زى تجميل الاسنان وكدا .... المهم مش هدوشكو ... الاعدام جه بسبب اننا محكوم علينا منشتغلش فى الوحدات الريفيه دى حاجات كتيره زى مثلا التركيبات وحشو العصب اللى كانو بيجيبولنا نص مادة الحشو لزيادتها فى المخازن وكانو بيمنعونا من عمله .... برغم اننا عملناه كتير جدا فى الكليه ... كانو يقولو انتو خبرتكو قليله ... ومصرحلكو بالخلع او الحشو العادى ( اذا وجد اصلا ) ...

المهم اليوم دا قلت لا هشتغل بلاش ملل انا زهقت من الخلع والحشو بس .... لازم باذن الله ابددددددع .......

المهم جهزت نفسى واخدت ادواتى الوحده وقلت لما ربنا ييسر بحاله لازم اشتغلها واللى يحصل يحصل .......

ربنا بكرمه مطولش عليا ... الحمد لله

قاعده فى امان الله لقيت ست فلاحه جايبه بنتها بشفتها العلويه وارمه جدا ... طبعا انا شفتها صعبت عليا كالعاده ( انتو عارفين اد ايه انا قلبى رهيف وحساسه ) .... المهم بفتح بقها لقيت السنتين الاماميين مكسورين بقالهم زمان وعاملين خراج ... طبعا مش عاوزه اقولكو على المنظر ...
هى : انا عاوزه اخلع السنتين دول عشان تاعبين البت ؟
انا : يا حاجه ده فى خراج ولازم يتعالج الاول وبعدين دول اسنان اماميه وفى وش البنت ومش هيتبدلو تانى وغلط نخلعهم
هى : امممممم ليه دى البت صغيره ولسه ينفع تبدل
انا : لا يا ستى دى عندها عشر سنين عدت معاد التبديل من زماااااان
هى : امال نعمل آه يا داكتوره ؟؟؟؟؟؟؟
انا : هى عاوزه علاج الاول وبعدين تعملى اشعه ونعملها حشو عصب وبعدين نكملها السنتين بحشو ابيض او نعملها عليهم طربوش ( زى سى السيد كده )
هى : آه !!!!!! كل ده ؟؟؟؟؟ وبعدين بتجولى حشو !!!!! يا خراشى دا الواد عواد .......( مخليتهاش تكمل )
انا : بلا عواد بلا بتاع بقى ارحمونىىىىى ... كل دا احسن ولا لما تبقى من غير سنان ولا تعرف تضحك ولا حاجه وتجيلها روح معنويه
وبعدين دى بنت هتجوزيها ازاى ؟ ( طبعا حكاية الجواز دى هى المدخل الوحيد عشان يوافقوا )
هى : طيب الحاجات دى كلها بكام ؟؟؟
انا : ولا حاجه بتمن التذكره ....يعنى كل مره هاتجى فيها هتقطعى تذكره وبس ...
هى : ماااااااااااشى يا داكتوره طالما كده خلاص بس ما تجيبناش كتير ...
انا : ( هشد فى شعرى ) طيب يا ستى بس دا يعتمد على حالة بنتك ...
هى : طاب يا داكتوره متشكرين

المهم مش عاوزه اقولكو الكلام دا لو كان اتعمل بره فى اى عياده كان اتكلف كام هم كانو السنتين القواطع الاماميه العلويه ... لا يقل باى حال من الاحوال عن 300 او 400 جنيه دا يعنى لو فى عياده شعبيه ... مش فى عيادة من عيادات آكلى لحوم البشر وممصمصين عظامهم ...

المهم الحمد لله البنت اخدت العلاج والخراج خف وبعدها عملنا الاشعه طلع فى تحسن وعملت حشو العصب ... وطبعا حاله زى دى بتاخد وقت كبير جدا فى العصب عشان نتاكد ان الabcess مش هترجع تانى ... المهم الست جت حوالى خمس مرات للحشو على مدد متفرقه جدا ... وخلصت الحمد لله وبدأت بالحشو الابيض عشان نكمل الاسنان

وكنت هعمل السنتين فى يوم واحد لان الست كانت مستغليه اوى الجنيه وشلن بتاع التذكره وكانت اعصابها تعبانه بالذات من الشلن .........!!!!!!!

المهم جت سادس مره وبكده تبقى دفعت سته جنيه و30 قرش ياعينى ( ياليلى ) وطبعا دا مبلغ كبير ومخالف للقوانين فى بلدهم ولازملها عقوبة عواد ابو سويلم بان العيال تجرى وراها فى الشارع وتقولها عواد باع ارضه وكدا ......

هى : الله يخليكى يا دكتوره تخلصينا بقى احنا زهقنا
انا : ( قربت اتجنن يعنى انا بشتغلكو بحجاتى وكمان مش عاجب ) معلش يا حاجه ربنا يسهل باذن الله

ولان حظها هى وبنتها جميييييييييييييل جدا جدا جدا ومش قادره اوصف جمالو وكمان شويه هتغزل فى جماله واكتبلو قصايد ... حشيت اول سنه ولسه بعمل فى التانيه النور قطع .... هيييييييييييييييييييييييييييييييييه

طبعا اختكو طارت من الفرحه لان ضهرى كان اتقسم نصين من الوقفه وهما قاعدين مرتاحين ... ورحت قايله بسهتنه وكانى زعلانه ياخبر لاحول ولا قوة الا بالله معلش يا حاجه النور قطع مش هينفع اكمل بقى ... تبقى تيج.............. وملحقتش اكمل ولقيت الست ركبها عفريت ...............

هى : ومالو يعنى لما النور يقطع ما تكملى للبت هو احنا لسه هنيجى تانى مش كفايه الفلوس اللى دفعناها
انا : اييييييييييييييه .... فلوس ايه يا ستى انتى دفعتى كام انتى عارفه الشغل دا يتكلف كام ؟؟؟؟؟؟؟؟؟؟
هى : مالناش دعوه كملى شغلك ماحناش عاوزين نيجى تانى .....
انا : ياستى النور قطع والجهاز بتاع الحشو دا بالكهربا عاوزانى اعمل ايه يعنى !!!!!!!
هى : مليش دعوه لازم تحشى ياما نستنى هنا لحد ما النور يجى
انا : مينفعش حشو دلوقتى لو عاوزه تستنى استنى انتى حره ( يارب النور ما يجى )
هى : ماشى استنى

واساسا احنا كنا فى اخر اليوم وكان فاضل ساعه وامشى المهم قعدت الساعه والست قاعده بره مستنيه النور ..... وبسبب حظها البمب البمب يعنى النور مجاش ههههههههههههههه ...

اختكو طبعا وقتها خلص وقايمه اروح ... لقيتها قاعده بره ... قلتلها يا حاجه خلاص احنا ماشيين روحى دلوقتى وتعاااا.............. وملحقتش اكمل برضو لقيت سيول من الزعيق نازله عليا !!!!

هى : انتو حرام عليكو بقى نيجى ومتعملولناش حاجه خلصتو فلوسنا على الفاضى ................
انا : ايه ؟؟؟ خلصنا فلوسكو ؟؟؟؟؟؟؟ الله يسامحك .... ياستى انا خلصت حشو العصب وحشيتلها سنه حشو ابيض وكنت هحشى التانيه بس النور قطععععععععععععع
هى : مليش صالح هتحشى يعنى هتحشى
انا : ( فاض بيا الكيل وكنت عاوزه اخنقها واخلص العالم منها ) مش هحشى واعملى ما بدالك
هى : فين مدير المخروبه دى ... بيدفعونا فلوس على الفاضى ومبيعملوش بيها حاجه
انا : شيلو الست دى من قدامى همووووووووووووووووووووتها

المهم اهل الخير شالوها هيلا بيلا على المدير ( طبعا لانهم اهل خير ههههههه ) ... وراحت قالتله اللى فيه النصيب وقعدت تشتم فى الوحده واللى جابها وكدا... وانا شعورى لا يوصف كم كبير من الغضب على الزعل على شوية ملوخيه على باميه .... يعنى خلطه عجب ... ويا سلام لما نحط عليهم شوية فول بالزيت الحار ... اممممم انه لذيذ زبدى وطرى ...

نزل سيادة المدير وده راجل كبير جدا سنا ومكانه وانا والله بعتز بيه جدا جدا ... وبحترمه لابعد الحدود

المدير : خير يا فاطمه مزعله الحاجه ليه ؟؟
انا : انا اللى مزعلاها ...!!! بعد اذنك يا دكتور خليها تطلع بره على ما اكلم حضرتك .......
هى : ليه ... عشان تقوليلو الكلام على مزاجك
انا : برقتلها وعينى بتطق شرار وراحت شراره جايه فيها قسمتها نصين ( كل دا فى دماغى )
المدير : معلش يا حاجه استنى شويه بره
انا : حكيتله كل اللى حصل من طق طق لسلامو عليكو
المدير : قام من على الكرسى بكل احترام كعادته ...
وفجأه ......... راح شايل الكرسى برضو بكل ذوق واحترام وقالى : تسمحى الكرسى يا فاطمه
انا : اتفضل يا دكتور ميغلاش عليك
المدير : يعنى انتو مش محتاجينه فى حاجه
انا : لا يادكتور اتفضلو نبقى نفرش انا والممرضه على الارض فى الفسحه اللى هناك دى .....
المدير : طيب كويس الفسحه بتجيب طراوه وحلوه
وراح طالع بره العياده بتاع الاسنان .... انا قلت يمكن الكرسى عجبه !!!!! دا بقى المدير ومحدش يقدر يكلمه

وفتح الباب بكل رزانه ونادى بصوت هادى واثق من نفسه ... فين الست اللى كانت الدكتوره بتشتغل لبنتها ... راحت الممرضه مشورالو عليها ...

وفجاأأأأأأأأه لقينا الدكتور رفع الكرسى عاليا وطلع يجرى ورا الست فى الوحده .......... ويقولها انا هموتك ..... انا زهقت من البلد دى ..... سنين قاعد باحترامى لما جننتونى .... هتفترو كمان على الغلابه اللى لسه بيبداو حياتهم .... طيب انا وضعت خلاص واللى كان كان .... ارحموووووووووووووووووهم .... يا ظلمممممممممممممه ....

وكالعاده الدكتور المدير دخل المستشفى اللى انا بتعامل معاها .... واتضح انو كان زبون قديم .... ولما رحت ازوره احتجزونى هناك لسوء السير والسلوك .... لان المفروض انى معملش حاجه صح .... لازم كل حاجه تبقى غلط غلط .... وعلى راى القائل الذى قال ( هو كلو ضرب ضرب مفيش شتيمه ) ....

الست الاموره طبعا لما اهل البلد شمت خبر انها حشت لبنتها بهدلوها وحالو العيال الصغيرين يجرو وراها فى البلد ويقولولها المقوله المشهوره بتاعة ( عواد باع ارضه ) برضو .... مع انها مش عواد ولا حاجه دى طلعت بهانه ....

اما البنت الصغيره فلانها كانت بنت محترمه وكانت بتحبنى جدا وكانت بتحب تجيلى .... هربتلها من الصرايا اللى كانو محتجزينى فيها والدكتور المدير بتاعى ساعدنى على الهروب واستشهد فى معركة الهروب .... بالظبط زى فيلم face off .... بالرغم ان المنظر دا مكانش فيه .... بس ما علينا .... المهم هربت وكملت حشو السنه التانيه للبنت .... والبنت دلوقتى اموره وزى العسل والحمد لله العيال معادوش بيضحكو عليها زى زمان ....

انما انا طبعا قبضت عليا ال FBI فى اخر الفيلم وشافو مقدار الاكتئاب اللى انا فيه وانتهزوها فرصه وقالولى احنا مش هنحكم عليكى وهنسيبك تحكمى على نفسك .... وحكمت على نفسى

1- بالاشغال الشاقه المؤبده فى الروتين ....

2- عدم عمل اى شغل يضر بالمصلحة العامه لاهل الريف .... لان زى مانتو عارفين من يوم مارحت عواد باع ارضه والناس شدت فى شعرها لحد ما بقو كلهم من غير شعر .... وطبعا الشعر دا كائن حى ولما نشد فيه بيموت ....

3- وعشان كده حكمت على نفسى كمان بعمل عزاء للشعر المتوفى فى سبيل العلم الفارغ ( زى الكلام الفارغ كدا ) ....


وانا لله وانا اليه راجعون .... والعزاء مقتصر للرجال فى فراشة الحاج عبد الله اللى موجوده فى اول شارع فى البلد شمال جنب زريبة الحاج مرتضى .... ولا عزاء للسيدات ..... لانهم لو راحو هيشدو فى شعورهم وبكده مش هنلاحق نعمل عزا لشعور مين ولا مين .......


وعقبال ما نحضر عزاء الشعور اللى هتتسببو فى وفاتها من الشد ....

اااااااااه يا سفاحيييييييييييييييييييييييين ياحنا
من مواضيع د/ أحـمـد سـليمان في المنتدى

التوقيع
Nephrology
Long Journey
د/ أحـمـد سـليمان غير متواجد حالياً   رد مع اقتباس
قديم 02-20-2010, 04:00 AM   #10
احلى ابتسامه
ويبقى الأمل..
 
الصورة الرمزية احلى ابتسامه
 
تاريخ التسجيل: Sep 2009
المشاركات: 315
Thanks: 0
Thanked 0 Times in 0 Posts
افتراضي رد: مغامرات دكتورة اسنان في التكليف !!

نقرتين لعرض الصورة في صفحة مستقلةنقرتين لعرض الصورة في صفحة مستقلة

موضوع لذيذ يا دكتور .. مع ان من الصعب ان حد بعد ما يتخرج يبقى لسه فيه دماغ يكتب بالاسلوب ده
بجد الدكتوره دي بتحكي مواقف حصلتلي طبق الاصل ..ودى اول مرة اشوف الوجه الفكاهي فيها
بس هيا لسه عايشه .. ولسه عاقله يعنى
الحمـــد لله .. فيه امل !!

شكرا على الموضوع يا دكتور
من مواضيع احلى ابتسامه في المنتدى

التوقيع
نقرتين لعرض الصورة في صفحة مستقلة


نقرتين لعرض الصورة في صفحة مستقلة
احلى ابتسامه غير متواجد حالياً   رد مع اقتباس
قديم 02-20-2010, 09:51 AM   #11
د/محمد عزت
Banned
 
تاريخ التسجيل: Feb 2009
العمر: 32
المشاركات: 2,011
Thanks: 0
Thanked 53 Times in 45 Posts
افتراضي رد: مغامرات دكتورة اسنان في التكليف !!

جزاكم الله خيرا يا أحمد

يوميات جميلة جدا

إن شاء الله لما أروح الوحدة هبقى أكتب يومياتى
من مواضيع د/محمد عزت في المنتدى

د/محمد عزت غير متواجد حالياً   رد مع اقتباس
قديم 02-20-2010, 08:28 PM   #12
ايهاEب
 
الصورة الرمزية ايهاEب
 
تاريخ التسجيل: Feb 2009
المشاركات: 524
Thanks: 0
Thanked 12 Times in 12 Posts
افتراضي Re: مغامرات دكتورة اسنان في التكليف !!

شكرا دكتور سليمان عل النقل الجميل لليوميات الممتعة
فعلا مضحكة بس مفيدة برضه
انا لسه ماشتغلتش كلينيكال بس ادتني فكرة
شكله ظرييييف اوييي!!

شكرا مرة تانية عل الاهتمام
من مواضيع ايهاEب في المنتدى

التوقيع
متقطع التواجد
بشكل منقطع النظير!
ايهاEب غير متواجد حالياً   رد مع اقتباس
قديم 04-05-2010, 09:06 AM   #13
أحمد شعبان 244
عضو شرف
Allteb
 
الصورة الرمزية أحمد شعبان 244
 
تاريخ التسجيل: Nov 2009
المشاركات: 506
Thanks: 391
Thanked 79 Times in 71 Posts
افتراضي رد: مغامرات دكتورة اسنان في التكليف !!

شكرا جدا علي التوبيك الجميل
جزاكم الله خير الجزاء
ورجاء لو سمحت ممكن الموقع اللي حضرتك جبت منه القصه دي
مشكووووووووووور جدا
تقبل مـــــــــــــــــــــــــروري
من مواضيع أحمد شعبان 244 في المنتدى

أحمد شعبان 244 غير متواجد حالياً   رد مع اقتباس
قديم 07-25-2010, 07:52 PM   #14
زهرة 92
صل ع النبي..
Allteb
 
الصورة الرمزية زهرة 92
 
تاريخ التسجيل: Oct 2009
المشاركات: 1,488
Thanks: 288
Thanked 170 Times in 128 Posts
افتراضي رد: مغامرات دكتورة اسنان في التكليف !!

جامدة جدا..ما دكاترة السنان بيتعبو اهو بردو يا جماعة..
ربنا معانا..
وشكرا يادكتور على النقل...
من مواضيع زهرة 92 في المنتدى

التوقيع
[size="5"]يا حي يا قيوم..برحمتك أستغيث..أصلح لي شأني كله ولا تكلني إلى نفسي طرفة عين..!![/SIZE]
زهرة 92 غير متواجد حالياً   رد مع اقتباس
قديم 07-27-2010, 01:21 AM   #15
dr.glucose
نـــوّر دربـى يــارب
 
الصورة الرمزية dr.glucose
 
تاريخ التسجيل: Jun 2009
المشاركات: 809
Thanks: 55
Thanked 13 Times in 10 Posts
افتراضي رد: مغامرات دكتورة اسنان في التكليف !!

يا عينى ...... دى عيانة خالص
ربنا يستر علينا
ونطلع من الكلية دى الأول بعقلنا
وبعدين ربنا يسهل فى الشغل

مشكور يا دكتور على نقل الكوارث اليومية
من مواضيع dr.glucose في المنتدى

التوقيع
الحمد لله حمدا كثيرا طيبا مباركا فيه
حمدا ينبغى لجلال وجهك وعظيم سلطانك


dr.glucose غير متواجد حالياً   رد مع اقتباس
قديم 06-26-2011, 05:10 AM   #16
sky
سبحان الله وبحمده
 
تاريخ التسجيل: Apr 2009
المشاركات: 221
Thanks: 34
Thanked 18 Times in 17 Posts
افتراضي Re: مغامرات دكتورة اسنان في التكليف !!

جميلة أوى وأسلوبها ظريف جدا
من مواضيع sky في المنتدى

sky غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 09:45 PM.


Powered by vBulletin Version 3.8.5
Copyright ©2000 - 2018, Jelsoft Enterprises Ltd
Translation by Support-ar
Style coding by: BBcolors.com