آخر المشاركات
         :: Central venous line placement-CVP (آخر رد :juba8)      :: Module: Basic Mechanical Ventilation (آخر رد :juba8)      :: تجربتى فى العلاج من فيروس سى هارفونى -2018 (آخر رد :juba8)      :: تفريغات دكتور فيصل في الباثولوجي (آخر رد :Abdullah Wahas)      :: لتفعيل عضويتك في المنتدي كي تستطيع المشاركة (آخر رد :محمود علي عامر)      :: أنواع المخدرات وأشكالها حتى أصبح من الصعب حصرها (آخر رد :محمود علي عامر)      :: Medicinal Chemistry of Bioactive Natural Products (آخر رد :محمود علي عامر)      :: { حصص الفارما لدكتور احمد عبد الرحمن 2009 .....على اكثر من سيرفر وروابط جديدة } (آخر رد :محمود علي عامر)      :: شرائح الهستولوجى كامله على رابط واحد (آخر رد :محمود علي عامر)      :: كل ما تحتاجة لسنة رابعة على رابط واحد على المديافير (آخر رد :محمود علي عامر)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > التعليم الطبي الأساسي > الجامعات المصريـة > طب اسكندرية

إضافة رد
 
أدوات الموضوع انواع عرض الموضوع
قديم 08-29-2009, 01:17 AM   #1
محمد القاضي
هوالله قبلك حاسس بيك
Allteb
 
الصورة الرمزية محمد القاضي
 
تاريخ التسجيل: Apr 2009
العمر: 31
المشاركات: 1,396
Question السنة الجديدة هاتبدأ ..... ناوووي على ايه؟؟ ادخل شارك....

بسم الله الرحمن الرحيم

السلام عليكم ورحمة الله وبركاته

ازيكم يا دكاترة طب اسكندرية

محدش بيشوفكم كتيييييييير ليه

الصيام بقى

كل سنة ونتوا طيبين

رمضان كريم

نظرا للكساد الاقتصادي اللي موجود في المنتدى بتاعنا

قلت اعمل الموضوع دا ............. اهو ننشط الناس تكتب شوية

وتـــــــــــــــــــشـــــــــــــــارك

علشان ميبقوش زي البصاص يبص من الشبابيك ومحدش شايفة ........ لا بيدخل يسلم ولا يتكلم

بس المصيبة انوا كله شايفة ابقى بص تحت كده

تحت نهاية الموضوع

شايف الناس اللي بتتفرج على الموضوع اهو اسمك فيهم يعني بصاص ومكشوف كمان

انا كنت بقى عايز اعمل موضوع تعذيبي بقى ونمسك الناس دي نعلقها من رجلها في المنتدي مكان كل الطب اللي فوق دي

علشان يكونوا عبرة لكل من يدخل المنتدى

بس طبعا لما كلمت الادارة لقينا المكان مش هياخد فلغينا الفكرة دي

بس انا قلت نديهم فرصة كمان يمكن يشيلوا ايديهم من على الماوس ويبدأوا ينقروا على لوحة المفاتيح

ان شاالله كلمة شكر للناس اللي بتتعب وبتجبلهم الحاجة لحد عندهم

اللي فات دا كله المقدمة

ندخل في الموضوع

مقدمة الموضوع...

الموضوع دا احياء لموضوع كنت عامله في المنتدى القديم ايام زمااان

كان اسمه طموحك وامالك للسنة اللي جاية

كنا بندخل ونقول نفسنا في ايه واحلامنا وطموحنا

طبعا كانت احلام خيالية جدا

ومعظمنا محققهاش

فانا بقى .... بدأنا ندخل في الموضوع

انا بقى قررت اعيد الموضوع وللفرق كلها واغير فكرته



الموضوع هايكون انك تكتب ............... حاسس انك هتقابلك مشاكل؟؟ طيب ايه هي؟؟ هتقابلها ازاي؟؟

يعني هاتقولنا على المشاكل اللي المفروض تصلحها او تقاومها

عيوب في نفسك

عيوب في الدراسة

عيوب في نظامك

اخطاء السنة اللي فاتت

وناوووي بإذن الله السنة دي تصلحها ولا لا؟

وهتصلحها ازاي؟؟


فهمنا يمكن نكون تايهين

وانتا تدلنا

فكرنا يمكن نكون ناسيين او مش واخدين بالنا

بس ارجوكم عايز الناس كلها تشارك

اللي عنده خبرة ولو بسيطة ميبخلش بيها على اخواته في الله

ان كنتم احجار ............. فكونوا من الحجارة التي يشقق منها الماء

مش انا بس اللي هاستنى


طلاب طب اسكندرية كلهم اللي هايبدأوا عما قريب عايزين يفهموا............


وربنا يجعله في ميزان حسناتكم .......يمكن بكلمتك تحل مشكلة مستقبلية لدكتور لسة داخل طب

يفتكرك ساعتها ............ يدعيلك

انا مش عارف اقول ايه اكتر من كده

كفاية كده

__________________
نقرتين لعرض الصورة في صفحة مستقلة
محمد القاضي غير متواجد حالياً   رد مع اقتباس
قديم 08-29-2009, 02:59 AM   #2
Kholoud
loda سابقا
 
الصورة الرمزية Kholoud
 
تاريخ التسجيل: Feb 2009
العمر: 32
المشاركات: 89
افتراضي Re: السنة الجديدة هاتبدأ ..... ناوووي على ايه؟؟ ادخل شارك....

السلام عليكم ورحمة الله وبركاته
اقتباس:
اللي فات دا كله المقدمة

يااااااااه كل دي مقدمة
ده حضرتك شايل مننا اوي

اقتباس:
انا كنت بقى عايز اعمل موضوع تعذيبي

ربنا ستر ..والحمد لله ان عرض حضرتك اترفضنقرتين لعرض الصورة في صفحة مستقلة

اقتباس:
الموضوع هايكون انك تكتب ............... حاسس انك هتقابلك مشاكل؟؟ طيب ايه هي؟؟ هتقابلها ازاي؟؟


موضوع كويس بيقلب عليا المواجع
خطط كل سنة الي بتكون في اغلب الوقت فاشلة بكل اسف
مش عارفة ليه
يلا ربنا يعدي السنة دي علي خير

اول خطة
ان شاء الله...اشد حيلي نقرتين لعرض الصورة في صفحة مستقلةواجيب امتياز
السنة دي انا جبت 84% نقرتين لعرض الصورة في صفحة مستقلة

هقابل مشاكل
اه كتييير
اولا و طبعا الوقت الي بيضيع في المواصلات اكتر من 3 ساعات في اليوم
تانيا انا من النوع الي بخاف من التعامل في الزحام يعني ما بحبش اتعامل مع الدكتور او اسأل او اتسأل
وسط ناس كتير..الشفوي مثلا لو معايا حد في اللجنة يبقي النهايه...وده اكتر حاجة رعباني السنة دي
بالاخص الكلينيكال كتير
الكتب مش عارفة هنزاكر منين..


اخطائي السنة الي فاتت
تضيع الوقت.......تضيع الوقت ........تضيع الوقت
بناااااااام كتير اوينقرتين لعرض الصورة في صفحة مستقلة
ان شاء الله السنة دي احاول اضبط الحاجات دي

********************

ومستنين رأي حضرتك
وجزاك الله خيرا علي الموضوع الرائع ده
نقرتين لعرض الصورة في صفحة مستقلة





__________________
الهي انت تعلم كيف حالي ...... فهل يا سيدي فرج قريب
Kholoud غير متواجد حالياً   رد مع اقتباس
قديم 08-29-2009, 03:18 AM   #3
د أحمد سمير
 
الصورة الرمزية د أحمد سمير
 
تاريخ التسجيل: Feb 2009
العمر: 35
المشاركات: 2,692
افتراضي رد: السنة الجديدة هاتبدأ ..... ناوووي على ايه؟؟ ادخل شارك....

وعليكم السلام ورحمة الله وبركاته

طيب الناس اللى خلاص خلصت تشارك ازاى فى الموضوع دهنقرتين لعرض الصورة في صفحة مستقلة
__________________
نقرتين لعرض الصورة في صفحة مستقلة
د أحمد سمير غير متواجد حالياً   رد مع اقتباس
قديم 08-29-2009, 03:34 AM   #4
محمد القاضي
هوالله قبلك حاسس بيك
Allteb
 
الصورة الرمزية محمد القاضي
 
تاريخ التسجيل: Apr 2009
العمر: 31
المشاركات: 1,396
افتراضي رد: السنة الجديدة هاتبدأ ..... ناوووي على ايه؟؟ ادخل شارك....

اقتباس:
المشاركة الأصلية كتبت بواسطة د أحمد سمير مشاهدة المشاركة
وعليكم السلام ورحمة الله وبركاته

طيب الناس اللى خلاص خلصت تشارك ازاى فى الموضوع ده:cryoutloud:
انتا بالذات يا دكتور احمد اللي عايزينك تتكلم

قلنا على الصعوبات اللي هاتواجهنا وقلنا نواجهها ازاي

وبرده قلنا ايه اللي هايحصل بعد الامتياز علشان اخر معلوماتنا الواضخة لحد الامتياز

بعد كده معلومات مضطربة
__________________
نقرتين لعرض الصورة في صفحة مستقلة
محمد القاضي غير متواجد حالياً   رد مع اقتباس
قديم 08-29-2009, 04:06 AM   #5
dr_semsemaaa
هنعيشها صح ...
 
الصورة الرمزية dr_semsemaaa
 
تاريخ التسجيل: Aug 2009
المشاركات: 100
Arrow رد: السنة الجديدة هاتبدأ ..... ناوووي على ايه؟؟ ادخل شارك....

السلام عليكم ورحمة الله وبركاته
بما انى مستجدة معاكم فانا حاسة انى هقابل مشاكل لا حصر لها اقولكم تعالوا نبدا من اول خروجى من بيتنا واتجاهى نحو الاسكندرية ......الطريق طويل ....تحبوا تمشوه معايا .....اقولكم ....تعالوا واتفرجوا
احم احم
نوم قلق بشكل غير عادى لحد ما اسافر .....صحينا من النوم اللى مننهوش ....اتوضينا وصلينا وتوكلنا على الله ....اخنا ورقنا ومستلزماتنا وركبنا كام موصلة كدا بتاع 3 مواصلاات لحد ما ننزل فى الموقف ......ولسه بقى مواصلات اسكندرية لحد الكلية ......كل دا ما علينا منه
بس ما علينا منه ليييييييييه ......بعيد عنكم انا ببقى همووووووووووووووووت من التعب لانى بكره التنقلات الكتير والسفر المتشحطط واخدين بال حضراتكم يا دكاترة من الكلمة .....ما علينا برده منها
بعد الاجراءات والذى منه اللى بتطلع عين الواحد لاء مش الواحد تطلع عين الواحدة ....وخلاص قدمت ...الحمد لله ....
نيجى بقى للمدينة الجامعية اللى بيقولوا عنها انها كلها حرامية وانا حصالى الرعب من الحتة ديه ...(رعب من مجرد كلام فما بالنا بالواقع بقى )
طبعا شتان شتان ...بيت حياة البيت المستقرة ....وحياة المدينة اللى بس كفاية فيها مجرد احساسك بعدم الاستقرار والغربة وانك مسئول عن كل صغيرة وكبيرة وشايل هم كل حاجة ولها خوفك على نفسك بدرجة 1000% خاصة طبعا لو بنت .....!!
المدينة الجامعية والواسطة والاكل والنوم والشرب وحكم قرقوش اللى فيها وازاى تزاكر وازاى ....وازاى ...وازاى ........طبعا دا يعمل حالة من عدم الامان اصلا .....ورغم دا كله ما علينا والله المستعان ...

سيبكم سيبكم من المدينة الجامعية ... وننتقل سريعا سريعا ....الى الكلية ....
من الحاجات بقى اللى متصوراها انها هتقابلنى فى الكلية نفسها واللى قابلتكم كلكم ....واللى بتمنى تعدى على خير ....يارب واقدر اتغلب عليها
اولا :العدد الكبير من الطلبة اللى متعودناش عليه .....وازاى فى وسط كل الناس دى تقدر تعمل لنفسك مكانة ......الطموح موجود بس ادعولنا بالتوفيق فى التنفيذ ....يارب سترك ورضاك
ثانيا :اللغة الطبية انجليزى انجليزى يعنى ......مش الانجليزى الصعيدى اللى درسناه ......والله رغم انى بعرف اتكلم انجليزى كويس كويس الحمدلله وعندى فو ناتكس الحمد لله كويسة بس برده .....والله المستعان
ثالثا:المشــــــــــــــــ وما ادراك ما هى ــــــــــــرحة بيقولولنا هتتعودا بس انا بخاف من الصدمات اوى وعمرى فى حياتى ما مسكت حتى فرخة مدبوحة .....دانا اضحية العيد ......بعيط عليها .......ربنا يستر واتمالك نفسى لما اشوف جثث وميتين
رابعا :الكتب والادوات ونعمل ايه ونجيب منين وفين وكل دا .......وبرده ما علينا منه بكره مع الوقت كله يبقى كويس يارب

نيجى للحياة فى الكلية بين الطلبة
اول مشكلة :هحتاج صحبة صالحة اوى تعينى وفى الزمان دا يقول الشاعر
احذر صديقك مرة واحذر عدوك الف مرة فلربما انقلب الصديق عدوا فكان اعلم بالمضرة
فربنا يكرمنا بصحبة كويسة ونقدر نثق فى بعض وصحبتنا تكون دافع لينا ع الاجتهاد وطاعة ربنا ......قولوا آمييييييين
مشكلة كمان نفساوية عندى هى مش مشكلة اوى يعنى متعقدوناش
الا وهى الثقة فى الآخرين كتيييييييير اديتها لناس متسهلهاش علشان كدا .....مبقتش بثق فى حد اوى اوى وبقيت حريصة زيادة عن اللزوم ....والموضوع صعب عليا اوى انى اتعامل مع حد بسوء الظن والشك ........ياااااااااااااااااارب رحماك

سيبكم من التوهان دا
تعالوا معايا للحياة الطلابية بقى
طبعا نظام مختلف بكل المقاييس
بنات وولاد واختلااط لدرجة كبيرة
وطرق التفكير والاستايل والتغيير الجذرى اللى بيحصل
البنات ووتبرجهم الشكلى والاخلاقى والصحوبية ........اللهم احفظ جميع بنات المسلمين
والشباب الولاد .....اللى بتجهوا اتجهات انحرافية تمام اوى تلاقيه دكتور وف ايده سيجارة وياريته سجارة بس دى بيبقى فيها بلاوى .....والصحوبية .....والاغانى الللى مالين بها ودانهم .....والصياعة اللى على حق .....بالرغم انهم فى ارقى كليات فى الجمهورية .....بس نقول ايه ...ربنا يهدى بقى

كفااية جولة انهارده .....علشان انا مسافرة واديى وجعتنى من الكتابة .....دعواتكم الينا والقاكم بتصورات اخرى عن حياة لم تاتى بعد

معلش يا جماعة المشوار طويييييييييييييل احنا لسه فى الاول واللى زهق يقول ......

وبالرغم من كل اللى فات ....
"ـــــــــــــــــــــــــــــــــــــــــــــــــ ــ"




"ـــــــــــــــــــــــــــــــــــــــــــــــــ "





"ـــــــــــــــــــــــــــــــــــــــــــــــــ ـ"






"ـــــــــــــــــــــــــــــــــــــــــــــــــ ــــــ"



وبالرغم من الطريق الطويل ...








هنعيشها صح .......ونقول يارب ..




تحياتى اليكم جميعا .....دمت متميزا يا دكتور محمد
نقرتين لعرض الصورة في صفحة مستقلة
dr_semsemaaa غير متواجد حالياً   رد مع اقتباس
قديم 08-29-2009, 04:22 AM   #6
محمد القاضي
هوالله قبلك حاسس بيك
Allteb
 
الصورة الرمزية محمد القاضي
 
تاريخ التسجيل: Apr 2009
العمر: 31
المشاركات: 1,396
افتراضي رد: السنة الجديدة هاتبدأ ..... ناوووي على ايه؟؟ ادخل شارك....

ما شاء الله يا دكتورة اسماء

عاجبني اووي شعارك .هانعشها صح

بس ممكن يكون الصح صعب شوية فلازم تتمسكي بمبدأك ومتغيرهيوش

اما بالنسبة للمدينة

كله هايبقى تمام متقلقيش
بس انتي بس احسني التصرف

يعني متحطيش نفسك في دوامة المقارنة بين البيت والمدينة ودوامة امسكي كل صغيرة وكبيرة وعلقي عليها في المدينة

عادي

اعتبري نفسك سافرتي بره تتعلمي

يعني استحملي واستقري وذاكري

المدينة امان جدا ومتخافيش هي مسئولية بس البنت اللي تطلع من مدينة او الولد بيكون راجل وقد المسئولية

كفاية انك بتاخدي فلوسك وتنظمي نفسك وتصرفي بطريقتك بحيث تكملي الاسبوع ونتي مستريحة

المواصلات بقى ....... ربنا يعينك بس انصحك بقى استقري في المدينة

يعني روحي كل اسبوعين

علشان تتعودي

اخر نصيحة لكل واحد داخل جديد بالنسبة للمدينة.......... استحمل ...المدينة مش فندق 5 نجوم ......خد حقك براحة

الكلية بقى العدد عندكم قليل

800 طالب تقريبا احنا بقى نعمل ايه 1400 طالب

انتوا متقسمين 3 مجموعات كل مجموعة مش عارف كام سكشن

احنا يعيني كنا مجموعتين كل مجموعة 3 سكاشن

يعني كان ذل

المشرحة .......... تذكري دايما انك رايحة تتعلمي وانك عايزة تفيدي الناس

وفيه مقولة كده كانت مكتوبة كده على حائط المشرحة ..(في المشرحة... الميت يعلم الحي)

الناس عاملين زي التماثيل الفخارية

هتلاقي ريحة الفورمالين

هتلاقي اذرع مفصولة هتلاقي رؤوس مفصولة هتلاقي صدر هتلاقي كل حاجة

الموضوع مش فيلم رعب ولا تمثيل بالخلق

بس انتي عايزة تتعلمي ولازم تتعاملي مع الحاجة دي على انها وسيلة تعليمية

وفي نفس الوقت عبرة ايمانية ............. ازاي ان الانسان ملوش قيمة كده

يعني الواحد كان بيستحقر نفسه ان كدب او غلط غلطة وهو شايف الناس دي

يعني الراجل المقطع دا كان عامل ازاي قبل ما يموت

المهم انتي هاتتعودي فعلا والدكاترة هايخلوكم تحبوا الموضوع وتجروا انتوا على العينات علشان تشوفي ازاي العصب دا ماشي

وازاي العضلة دي واصلة وازاي الشريان دا متقسم

حاجة حلوة


ربنا يقويكم .......... كويس عايزين تفاعل
__________________
نقرتين لعرض الصورة في صفحة مستقلة
محمد القاضي غير متواجد حالياً   رد مع اقتباس
قديم 08-29-2009, 04:57 AM   #7
محمد القاضي
هوالله قبلك حاسس بيك
Allteb
 
الصورة الرمزية محمد القاضي
 
تاريخ التسجيل: Apr 2009
العمر: 31
المشاركات: 1,396
افتراضي رد: السنة الجديدة هاتبدأ ..... ناوووي على ايه؟؟ ادخل شارك....

الدكتورة loda

اهلا بيكي في الموضوع

اشكرك على مشاركتك معانا

ويا رب تكون النسة دي افضل انا جيب برضه 84% نقرتين لعرض الصورة في صفحة مستقلة

بس هاعوض بإذن الله السنة دي ويكون المشروع (نحو القمة) محفز لينا

بس انا عايز اقولك ان اول خطوة علشان التغيير انك تشيلي الواد اللي بيتاوب دا

كل مبشوفة ببقى عايز اناااااااام نقرتين لعرض الصورة في صفحة مستقلة

بالتوفيق ان شاء الله
__________________
نقرتين لعرض الصورة في صفحة مستقلة
محمد القاضي غير متواجد حالياً   رد مع اقتباس
قديم 08-29-2009, 05:10 AM   #8
فاطمة خالد
عضو شرف
Allteb
 
الصورة الرمزية فاطمة خالد
 
تاريخ التسجيل: Jul 2009
المشاركات: 1,694
افتراضي رد: السنة الجديدة هاتبدأ ..... ناوووي على ايه؟؟ ادخل شارك....

اقتباس:
المشاركة الأصلية كتبت بواسطة محمد القاضي مشاهدة المشاركة








حاسس انك هتقابلك مشاكل؟؟
ايوة
طيب ايه هي؟؟
نفسي اكون احسن واعلي ترتيبي او بمعنى اصح يكون ليا ترتيب بس خايفة من موضوع سيطرة الاستف في الكلينيكال وانا كمان ساكنة مدينة والموضوع دا بيضيعلي وقت عظيم...وبيتعبني جدا ايام الامتحانات ومشاكل البنات ورغيهم ...كلها حاجات تضيع الوقت وماتشجعش الواحد انه يكون احسن...
هتقابلها ازاي؟؟
ان شاء الله-وادعولي بجد كلكم اقدر اوصل للي في بالي-هحاول اشد حيلي وابطل تضييع لوقتي ...مشكلتي اني بحب النوم وياما بفوت محاضرات وكمان مش بذاكر أوي لاني بتعب بسرعة فآخري في اليوم لو كنت فظيعة يعني وقمة الانجاز 3 ساعات ....ادعولي يتضاعفوا كتييير وابعد عن اي مصدر للازعاج واجتهد من اول السنة ...عشان انا بزنق نفسي في آخر السنة واروح بيتنا ايام الامتحانات وبتعب جدا في المذاكرة والسفر في كل مادة....ادعولي اجتهد من الاول واوصل...ان شاء الله...

يعني هاتقولنا على المشاكل اللي المفروض تصلحها او تقاومها

عيوب في نفسك

منا قلتها النوم وتضييع الوقت في الحكاوي والاصحاب ومشاكلهم وحساسيات مالهاش لزوم...

عيوب في الدراسة
تعدد المصادر في رابعة في معظم المواد ودا تشتيت وتضييع وقت...وسيطرة الاستف وجعل ابناءهم بس في المراكز الاولى والتقديرات...

عيوب في نظامك
طبعا عدم تنظيمي لوقتي

اخطاء السنة اللي فاتت
حساسة جدددا وبضيع وقتي ويومي كله لو حصلت مشكلة لأي حد عزيز عليا ودي مشكلتي في كل سنة فبتضيع وقتي في المدينة والبيت..

وناوووي بإذن الله السنة دي تصلحها ولا لا؟
يارب ادعولي بجد(رمضان فرصة)

وهتصلحها ازاي؟؟
هحاول اطنش شوية واذاكر كويس باذن الله وابعد عن اي مصدر مشاكل او ازعاج ..



طلاب طب اسكندرية كلهم اللي هايبدأوا عما قريب عايزين يفهموا............
على فكرة ...انا طب اسيوط ومعلش لو كنت رزلت او طولت بس الموضوع جميل وشدني...وكلنا هنا اخوة في المنتدى ونفيد بعض.....ويبقى ادعولي دعوة مسلم لمسلم عن ظهر الغيب....ادعولي بجد ان ربنا يحقق لي مرادي..


مشكور يادكتور محمد ع الموضوع... جزاكم الله خيرا
__________________
نقرتين لعرض الصورة في صفحة مستقلة









نقرتين لعرض الصورة في صفحة مستقلة







يارب أرزقني من حيث لا أحتسب
أسألكم الدعاء
فاطمة خالد غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 03:25 PM.


Powered by vBulletin Version 3.8.12 by vBS
Copyright ©2000 - 2020, Jelsoft Enterprises Ltd
Translation by Support-ar