آخر المشاركات
         :: تفريغات دكتور فيصل في الباثولوجي (آخر رد :Abdullah Wahas)      :: لتفعيل عضويتك في المنتدي كي تستطيع المشاركة (آخر رد :محمود علي عامر)      :: أنواع المخدرات وأشكالها حتى أصبح من الصعب حصرها (آخر رد :محمود علي عامر)      :: Medicinal Chemistry of Bioactive Natural Products (آخر رد :محمود علي عامر)      :: { حصص الفارما لدكتور احمد عبد الرحمن 2009 .....على اكثر من سيرفر وروابط جديدة } (آخر رد :محمود علي عامر)      :: شرائح الهستولوجى كامله على رابط واحد (آخر رد :محمود علي عامر)      :: كل ما تحتاجة لسنة رابعة على رابط واحد على المديافير (آخر رد :محمود علي عامر)      :: مسابقة الصور الطبية .. جوائز قيمة جدااااا حصريا علي كل الطب (آخر رد :محمود علي عامر)      :: Leprosy pearls (آخر رد :doomm007)      :: كتاب الـ General Pathology ... تلخيص لكل طلاب تالتة (آخر رد :عبود الخميسي)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > التعليم الطبي الأساسي > الجامعات المصريـة > طب اسكندرية

إضافة رد
 
أدوات الموضوع انواع عرض الموضوع
قديم 09-01-2009, 11:53 PM   #1
"إيمان"
رحماك يا رب
Allteb
 
الصورة الرمزية "إيمان"
 
تاريخ التسجيل: Jan 2009
العمر: 32
المشاركات: 1,244
Red face ஐ▓▒░ نشرة اخبار طب اسكندرية ..الحلقة الاولى1 ░▒▓ஐ

نقرتين لعرض الصورة في صفحة مستقلة


تك تك ..اه شغال ^ _ ^

نقرتين لعرض الصورة في صفحة مستقلة
اخوانى واخواتى الكرام اطباء كلية طب الاسكندرية
حياكم الله


نقرتين لعرض الصورة في صفحة مستقلة

نقدم لكم اول اصدار لـ


نقرتين لعرض الصورة في صفحة مستقلةنشرة اخبار طب الاسكندرية نقرتين لعرض الصورة في صفحة مستقلة
التي هي امتداد لموضوع ... أخر كلام

نشرتنا تتضمن

اخبار طازة وصحيحة باذن الله
من مراسلينا فى كل مكان ياتينا الخبر

من تحت الاكاديمى
ومن بين جثث المشرحة
ومن اى حتة فى الكلية وخلاص ^ _ ^
نقرتين لعرض الصورة في صفحة مستقلة

مع نشرة اخبار طب الاسكندرية

ياتيك الخبر

برا..أو بحر .. أو جوا
او حتى من تحت السرير ...نو بروبلم ^ _ ^

طيب مين مراسلينا دول؟؟

اكيد انتوا ...............يعني

اللي راح الكلية ....... او سمع من حد مضمون

ومعاه خبر

خبر عن جداول ..عن نتايج........ عن نظام دراسي اتغير

عن محاضرة مثلا يوم كذا ..... او مراجعة يوم كذا

قفلوا مدرج 3 و 4 هدوا الاكاديمي بيعذبوا حد مثلا اي خبر مضمون 100%

يجي لو الخبر مستعجل ماسك الميكروفون دا

نقرتين لعرض الصورة في صفحة مستقلة

او لو مش مستعجل دا

نقرتين لعرض الصورة في صفحة مستقلة

والسماعات اهي علشان نسمع كل الناس

نقرتين لعرض الصورة في صفحة مستقلة

تحذير هام
يا ريت يا جماعة لو سمحتوا بلاش الردود التشجيعية والاعجابية او اي ردود خارج الموضوع لأننا هانحذفها فورا.....

لازم تكون المشاركة مفيدة وتبع الموضوع

وجزاكم الله كل خير



نقرتين لعرض الصورة في صفحة مستقلة

نفعنا الله واياكم
ورزقنا الاخلاص فى القول والعمل .



نقرتين لعرض الصورة في صفحة مستقلة



__________________


نقرتين لعرض الصورة في صفحة مستقلة

" ربنا إنك تعلم ما نخفى وما نعلن وما يخفى على الله من شئ فى الأرض ولا فى السماء "
""اللهم ارزقنا وأنت خير الرازقين ""


التعديل الأخير تم بواسطة محمد القاضي ; 09-02-2009 الساعة 05:49 PM
"إيمان" غير متواجد حالياً   رد مع اقتباس
قديم 09-03-2009, 05:51 AM   #2
سحر ابو العلا
الحمد لله
 
تاريخ التسجيل: Aug 2009
العمر: 28
المشاركات: 448
افتراضي رد: ღஐ◄███▓▒░ نشرة اخبار طب اسكندرية ..الحلقة الاولى1 ░▒▓███►ஐღ

السلام عليكم ورحمه الله وبركاته
تحيه طيبه لكل المشاهدين يسعدنا ويشرفنا ان نقدم لكم نشره اخبار طب الاسكندريه وبيانها كالتالى
اكد الدكتور هيثم عبد اللطيف استاذ دكتور ماده التشريح بكليه الطب جامعه الاسكندريه أن انتقال الطلاب الى مبانى مستشفى المواساه لن يكون الا على بدء الترم التانى وذلك لان اعمال التجهيز والترميم فى مبانى المستشفى لم تنتهى كما زعم البعض وان هناك المزيد من الاعمال مازلت قائمه واكد ان فريق التشريح الذى قام بزياره المستشفى وضع ملا حظته والتى اوضحت ان الاماكن غير مجهزه لنقل العينات والجثث والذى منه وقال ان الفريق الخاص بالفسيولوجى ابدى ايضا ملاحظاته التى لم يفصح عنها الدكتور والتى يبدو انها تؤكد ايضا ان مفيش حاجه جاهزه خالص .
واكد كمان ان النظام الجديد المفترض تطبيقه مع بدايه العام الدراسى الجديد واللى مش باينله معالم (دى من عندى ) سيطبق فقط على طلبه الفرقه الاولى اما الباقى فحيمشى على النظام القديم .
وصرح سيادته انه من الصعب جدا ان ينتقل الطلاب فى وسط الدراسه الى مستشفى المواساه وقال : مش معقول نوقف الدراسه اسبوع عشن ننقل المكاتب والمعامل . وبالتالى فمن المفترض ان يكون النقل بعد اجازه نصف العام .
وفى تصريح خاص لكل الطب قال الدكتور ان المبنى الاكاديمى سيتم ترميمه ليكون تابع للمستشفى .
وتحدث سيادته عن النظام الجديد المفترض تنفيذه وقال انه شخصيا من الناس اللى مش عاجبهم النظام اننا حندرس على مدار التلت سنين الاولى التمن مواد بتوع اولى وتانيه وتالته كل المواد فى كل سنه مقسمه على الثلاث سنوات (لو حد فاهم حاجه يبقى يقول مش عارفه اشرحها )
والكلام ده سمعته بودانى ولا حدش قالى عليه لان الدكتور كان موجود معانا امبارح الصبح فى مقر نقابه الاطباء بسموحه بعد ان تفضل سيادته بتلبيه دعوه رابطه انفعهم فى حفل استقبال الطلاب يوم امس .
وقبل ما نختم النشره بتاعتنا نرووووووووح بسرعه على مستشفى المواساه نشوف الوضع هناك ونرجع تانى
يلااااااااااااا بينااااااااااااااااااا



مش عارفه احطلكم الصور خلااااص
المهم فى نهايه نشرتنا الاخباريه تبقى اسئله محيره لان فى الاخر كل اللى بيقولنا خبر بيقول وبرده محدش عارف حاجه بالظبط
يوم 26 \9حنزل من بيتنا اروح فين يعنى اقول للسواق ايه كليه طب ؟ولا مستشفلى المواساه؟كما تفضل احد الدكاتره وقاااااااال امبارح (ده مش كلامى للامانه)
واذا كانوا فعلا ناوين على تعديل استنوا كل ده ليه ؟
طب المبنى متجهزش ونظام الدراسه حيتغير معقول يكون الدكاتره لحقوا يعملوا كتب على النظام الجديد ؟
ولو لأ فنحن فى انتظار كارثه محققه من رأى لان مش حيبقى لينا كتب نذاكرمنها وحنبقى تحت رحمه المحاضرات المسجله واللى يلحق يسجل ؟
يا جماااااااااعه انا بتكلم بجد جروبات طلبه طب الجداد بدأوا على الفيس يجمعوا بعض عشان يعرفوا حيعملوا ايه لان فى اراء بتقول ان فى دكاتره رافضين النظام الجديد (ده كلام قرأته على النت )
بس المعلومه المؤكده هيا كلام الدكتور هيثم
وتبقى علاااااااامه استفهام كبيره ؟؟؟؟؟؟؟؟؟
محتاجين رد
نشكركم على المتابعه والى لقاء اخر
كانت معكم \سحر محمود من امام شاشه الكمبيوتر من بيتنا
والسلام عليكم ورحمه الله وبركاته

التعديل الأخير تم بواسطة محمد القاضي ; 09-04-2009 الساعة 02:11 AM سبب آخر: ازالة التوقيع
سحر ابو العلا غير متواجد حالياً   رد مع اقتباس
قديم 09-04-2009, 01:06 AM   #3
sherif@kamel
غدا.... ستشرق الشمس
 
الصورة الرمزية sherif@kamel
 
تاريخ التسجيل: Aug 2009
العمر: 30
المشاركات: 572
افتراضي رد: ღஐ◄███▓▒░ نشرة اخبار طب اسكندرية ..الحلقة الاولى1 ░▒▓███►ஐღ

قررت د/ هند حنفي رئيس جامعة الاسكندرية بناء علي قرار من د/ هاني هلال وزير التعليم العالي بالغاء أجازة يوم السبت من جميع كليات جامعة الاسكندرية و علي ان يبدأ اليوم الدراسي من الثامنة صباحا ويستمر حتي الساعة الثامنة مساءا وعلي الايزيد عدد الطلبة في المحاضرات عن 300 طالب و ذلك لمواجهة وباء انفلونزا الخنازير
sherif@kamel غير متواجد حالياً   رد مع اقتباس
قديم 09-04-2009, 01:31 AM   #4
mony
 
تاريخ التسجيل: Aug 2009
العمر: 32
المشاركات: 101
افتراضي رد: ღஐ◄███▓▒░ نشرة اخبار طب اسكندرية ..الحلقة الاولى1 ░▒▓███►ஐღ

أكد رئيس اتحاد الطلاب انه لا توجد محاضرة خاصة للفرقة

الخامسة حتى الآن وان ما قبل ذلك محض اشاعات

التعديل الأخير تم بواسطة محمد القاضي ; 09-04-2009 الساعة 02:11 AM سبب آخر: تحويل الكتابة للحروف العربي
mony غير متواجد حالياً   رد مع اقتباس
قديم 09-05-2009, 02:40 AM   #5
fankoosha
عضو جديد
 
تاريخ التسجيل: Aug 2009
المشاركات: 8
افتراضي رد: ღஐ◄███▓▒░ نشرة اخبار طب اسكندرية ..الحلقة الاولى1 ░▒▓███►ஐღ

نقلا عن جروب اليكس ميد على الفيس بوك وايضا medicine 2016

http://www.facebook.com/home.php?ref...27&topic=11383

تحيات فريق اليكس ميد و إليكم المعلومات التي جمعناها لكم عن مبنى مستشفى المواساة و الذي من

المقرر انتقال طلبة السنين الأكاديمي إليه (السنين الثلاث الأولى ) خلال العام الدراسي المقبل علينا (غالبا سيتم إن شاء الله في الترم الثاني ) .

بداية المبنى مقسم لقسمين مما يعنى احتواءه على جزء خاص بالمستشفى التي ستظل تستقبل المرضي أثناء الدراسة .

قديما : كان المبنى يتكون من 6 أدوار منهم الدور الخامس للخدمات و السادس للسكن .

حاليا : يتكون المبنى من 6 أدوار شاملين الدور سفلى ( البدروم )
يحتوى المبنى علي 4 مصاعد و 6 سلالم
كما يحتوي كل دور على حمامات للطلبة منفصلة عن حمامات المحاضرين و الأساتذة العاملين ضمن هيئة التدريس

1-الدور السفلى
يحتوى الدور السفلى على 3 مشارح خاصة بمادة الأناتومى لطلاب السنتين الأولي و الثانية ومشرحة المستشفى و هي لا تخص الطلاب بشئ

2-الدور الأول
يحتوى على 3 مدرجات( منهم مدرجين صغيرين سعة كل منهما من 50-80 طالب و مدرج كبير سعته 100-120 طالب) .
كما يحتوى على أربعة معامل ( معملين صغيرين و معملين كبيرين )

3-الدور الثاني
يحتوى على 3 مدرجات ( منهم مدرجين صغيرين سعة كل منهما من 50-80 طالب و مدرج كبير سعته 100-120 طالب) .
كما يحتوى على 3 معامل (معمل صغير و معملين كبيرين)

4-الدور الثالث
يحتوى على 5 مدرجات صغيرة (تقريبا) و مدرج كبير و مدرج اكبر من السابق ذكرهم
يحتوى علي 3 معامل ( معملين صغيرين و معمل كبير )

5-الدور الرابع
يحتوى على معمل كبير و 3 معامل صغيرة
كما يحتوى على متحف (مقرر تخصيصه لمادة الباثولوجي لطلاب السنة الثالثة)
كما يحتوى على مدرج كبير

6- الدور الخامس
يحتوى على اكبر مدرجات المبنى
كما يحتوى على 4 معامل صغيرة و معملين كبيرين
كما يحتوى على بعض الغرف مجهولة الهوية (كانت فيما سبق غرف للغسيل و مطبخ للمستشفى و يعتقد أنها ستصبح غرف لشؤون الطلبة و الإتحاد و غيرها من الغرف التي تقدم خدمات للطلبة )

في نهاية هذا التقرير نقدم لكم معلومة قد لا تكون مهمة وهى الشركة القائمة بأعمال الترميم هي شركة كرام للمقاولات و الشركة الممولة هي شركة لورد
وقد تم تأسيس المبنى سنة 1932 ولكن الأعمال فيه تجري على قدم و ساق مما يجعله قادرا على تحمل المهمة الموكلة له ان شاء اللهز

نتقدم في نهاية هذا التقرير بخالص الشكر للمهندس / ناصر بكر الذي كان متعاونا مع فريق اليكس ميد الذي ذهب لمعاينة المبنى و تصويره و هو أحد المعاونين الثلاثة للمهندس / عبد الناصر المسئول و المشرف على عمليات الترميم ......

كما نتقدم بالشكر لفريق عمل اليكس ميد الذي ذهب لمعاينة المبنى ....
تامر خطاب * محمود عرب


ملحوظة : عذرا عن أى أخطاء في أعداد المعامل و المدرجات و التي سترجع الى عدم اكتمال التشطيبات في المستشفى و بالتالي عدم الاستقرار على تقسيمات أعداد الغرف (سواء معامل أو مدرجات ) بين الطلبة (أي المخصصة منها للدراسة ) و بين المخصصة لهيئة التدريس (من مكاتب و معامل تجهيز عينات و غيرها من الأغراض)

التعديل الأخير تم بواسطة محمد القاضي ; 09-05-2009 الساعة 03:28 AM سبب آخر: تحويل للحروف العربية
fankoosha غير متواجد حالياً   رد مع اقتباس
قديم 09-05-2009, 11:36 PM   #6
هاجر
عضو شرف
Allteb
 
الصورة الرمزية هاجر
 
تاريخ التسجيل: Jan 2009
المشاركات: 971
افتراضي

أقتراح نظام مواعيد جديد للسنة الدراسية الجديدة


دى رسالة وصلت من الدكتور محمد نصار بيقول فيها

اقتباس:
كل سنة وأنتم طيبين يادكاترة
عرفت الأسبوع اللى فات وأنا مع وكيل الكلية والعميد إن فى نظام جديد للمواعيد الدراسية قيد التنفيذ إن شاء الله
وحيكون مواعيد الدراسة فيه من الساعة 8 صباحا الى 8 مساءا وطبعا الناس مش حتقعد كل ده لا
الدفعة حتتقسم على 3 مجموعات
المجموعة الأولى من 8 الى 12
والمجموعة التانية من 12 الى 4
والمجموعة التالتة من 4 الى 8
وطبعا ان شاء الله حينزل جدول بالمواعيد وكل مجموعة حتتبادل مع التانيين المواعيد يعنى تقريبا كل مجموعة حتبقى يومين من 8 الى 12 ويومين من 12 الى 4 ويومين من 4 الى 8
والنظام ده لتقليل الاعداد فالسكاشن الى 50 طالب كحد أقصى أو زى ملجنة منظمة الصحة مقالت أن يكون فيه فرق طالب مبن كل طالب وطالب فجميع الأتجاهات يعنى تبقى قاعد وفى فرق طالب مبينك وبين اللى جنبك واللى قدامك واللى وراك
بس ليه قيد التنفيذ؟
عشان فى مشكلة واحدة وطبعا مش الطلبة لان الطلبة حيمشوا على المواعيد
المشكلة فالاساتذة انهم مش موافقين على المواعيد دى انهم يروحوا الساعة 8 كل يوم لان ساعتها الاستاذ حيروح كل يوم الساعة 8
بس إن شاء الله قبل العيد الجدول حينزل وحيبان هل حيطبقوا النظام ده ولا لا
بس أكيد لو حتتنقلوا ان شاء الله المواساه يبقى حيطبق
وبالتوفيق إن شاء الله

د. محمد نصــــــــــــــــــــــــــــــــار

التعديل الأخير تم بواسطة محمد القاضي ; 09-06-2009 الساعة 02:32 AM
هاجر غير متواجد حالياً   رد مع اقتباس
قديم 09-06-2009, 04:04 AM   #7
memm
عضو جديد
 
تاريخ التسجيل: Jul 2009
العمر: 31
المشاركات: 10
افتراضي رد: ღஐ◄███▓▒░ نشرة اخبار طب اسكندرية ..الحلقة الاولى1 ░▒▓███►ஐღ

هاااااااااى ازيكوا يا جماعة
بالنسبة لسنة رابعة الكتب نزلت النهاردة ( السبت ) وهى كالاتى :
1- الطب الشرعى والسموم بـ 160 جنية من القسم
2- الكميونتى بـ 160 جنية من القسم
3- الانف والاذن بـ 120 جينة من دار العلم
4- الرمد بـ 150 جنية
بالنسبة للجدول ونظام الدراسة فى تعتيم تااااااااااااام على الموضوع ومحدش عارف حاجة بس اكيد الجدول هينزل قبل بداية الاسبوع الجاى
memm غير متواجد حالياً   رد مع اقتباس
قديم 09-07-2009, 04:58 PM   #8
Talba 3afwak
رَاحِلـــةُ أنْا
 
الصورة الرمزية Talba 3afwak
 
تاريخ التسجيل: Jun 2009
العمر: 31
المشاركات: 144
Red face رد: ஐ▓▒░ نشرة اخبار طب اسكندرية ..الحلقة الاولى1 ░▒▓ஐ

نقلا عن فريق الكس ميد

بداية الدراسة رسميا يوم 26/9 بعد العيد ان شاء الله بالنسبة لسنة رابعة

وبالنسبة لنظام الدراسة فنحن في انتظار رد د.احمد عثمان

والان متوفر في الكلية كتاب مادة الطب الشرعي والسموم وسعره 160 جنيها
وايضا يتم حجز كتابي الرمد وطب المجتمع
وسعر كل منهما 150 جنيها
وكتاب الانف والاذن موجود في دار العلم ولكن نسخة قديمة منه

ظهور جدول الفرقة الرابعة

وسيتم اعلان المجموعات فور ظهور نتيجة الدور الثاني والانتهاء من كشوفات الاسماء

ودى صورة واضحة للجدول

نقرتين لعرض الصورة في صفحة مستقلة

وبالتوفيق للجميع

التعديل الأخير تم بواسطة محمد القاضي ; 09-11-2009 الساعة 06:08 PM
Talba 3afwak غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 06:26 AM.


Powered by vBulletin Version 3.8.12 by vBS
Copyright ©2000 - 2020, Jelsoft Enterprises Ltd
Translation by Support-ar