آخر المشاركات
         :: تبليغ عن مشاركة بواسطة عائد لله (آخر رد :عائد لله)      :: عنصر الرشاقة عنصر الكروم ( الكروميم , الكروماكس و الهاي-كروم ) (آخر رد :sasaasso)      :: جراحــــه عامه (آخر رد :علي الفيتوري)      :: كل مايهمك عن الزمالة البريطانية (آخر رد :EgyMD)      :: تفريغات الشافعى كاملة فى الباطنة (آخر رد :EgyMD)      :: Life Support sites (آخر رد :دكتور أشرف)      :: Critical Care sites & journals (آخر رد :دكتور أشرف)      :: Anesthesia & Pain journals (آخر رد :دكتور أشرف)      :: Anesthesia useful sites & links (آخر رد :دكتور أشرف)      :: خاطرة حول ما يحدث من قتل و إبادة لإخواننا المسلمين في بعض الدول (آخر رد :دكتور أشرف)     


العودة   كل الطب أكبر منتديات طبية عربية 10 أعوام من العطاءAllteb 10 Years of Donation > التعليم الطبي الأساسي > الجامعات المصريـة > طب اسكندرية

إضافة رد
قديم 12-14-2009, 04:05 PM   #1
د أحمد سمير
 
الصورة الرمزية د أحمد سمير
 
تاريخ التسجيل: Feb 2009
العمر: 34
المشاركات: 2,692
Red face فرص العمل المتاحة للطبيب بعد التخرج

بسم الله الرحمن الرحيم
السلام عليكم و رحمة الله و بركاته


أطباء الامتياز الجدد
ازيكم و عاملين ايه ؟؟

مع تانى موضعاتنا ليكم السنة دى
و اللى كنت ناوى يكون عن
ازاى تتعلم فى الامتياز ؟

بس نظرا لإنى لقيت كل الناس اللى بشوفها
و اللى بتيجى تحضر معانا بتسأل على ال private
و ازاى نشتغل و كده
فحبيت أعملكم الموضوع ده
عن أهم 3 وظائف
ممكن تشتغلهم و انتا فى الامتياز


أولا الشغل فى المستوصفات و المستشفيات

طبيعة العمل
بتشتغل دكتور
فى المستوصف بتكون لوحدك
مفيش معاك غير دكتور أسنان
فى المستشفى عادة بتكون ماسك الاستقبال
أغلب شغلك بيكون حالات طوارىء
و معظم الحالات طبعا باطنة و أطفال
و بتكون فيه أوضة لحالات الجراحة
اللى غالبا بتكون غرز أو غيار أو فتح خراج


ازاى تشتغل فيها
عادى دى شغلها كتير و احنا اللى مطلوبين
بتقول لأى حد من صحابك أو حد أكبر منك
إنك عايز تشتغل
فممكن الاول تروح مكان أى حد
و بعدين صاحب المستوصف هياخد نمرتك
و لو فيه أى شيفتات فاضية هيكلموك
يعنى تبقه on call
و ممكن بعد كده تبقه ثابت فى المكان


المقابل المادى
عادة الشيفتات بتكون 3
شيفت Morning
من 10 إلى 5 تقريبا
شيفت evening
من 5 إلى 11 تقريبا
و ده اللى بيسموه شيفت العيادة
شيفت Night
من 10 بالليل إلى 8 الصبح

أغلب الأماكن بيكون ليك مينمم
المينمم ده فى شيفتات النهار
20
و فى بعض الأماكن 15
و فى بعض الأماكن الراقية جداا ممكن يكون
أكتر بس ده rare
و شيفت السهر
بيكون 30
و بعض الأماكن 40

و فيه ناس بتاخد ال 24 ساعة على بعض
غالبا بتكون ب70
و بعض الأماكن بتوصل ل100

المينمم ده معناه أقل حاجة هتاخدها
يعنى لو المينمم 20
لو مجالكش و لا حالة يبقه هتاخد 20
طيب لو عملت 30
تاخد ال 20 برده
طيب لو عملت 40
تاخد ال 20 برده
طيب لو عملت 50
تاخد 25
و لو عملت 100
تاخد 50
و هكذا

مع العلم إن فى أغلب الأماكن بيكون الكشف ب10
و فى أماكن بيكون أقل
ب5 أو 8
و فيه أماكن بيكون ب10 بالنهار
و 15 بالليل


المميزات
أولا
الفائدة العلمية
هيكون ليك حالاتك اللى هتشوفها لوحدك
و بالتالى هتستفاد أكتر و تاخد خبرة
ثانيا
الثقة بالنفس
هتحس إنك واثق من نفسك أكتر
و ممكن تشتغل من غير سنيور
ثالثا
الفائدة المادية
تحوشلك قرشين حلوين
عشان لما تخطب و تتجوز
و ممكن لو تعبت من المواصلات
على آخر الامتياز تحوش مبلغ كويس
و تقدر تشترى موتوسيكل
رابعا
تقضى وقتك فى حاجة مفيدة
فى الأقسام اللى مبيكونش فيها حضور كتير للامتياز
بدل ما تنحرف مثلا و تشرب مخدرات
أو تروح تتمشى على البحر و تعاكس بنات
خامسا
مش بتتطلب إنك تروح كل يوم زى الصيدلية
يعنى ممكن يبقه ليك شيفت او اتنين فى الاسبوع بس
و ممكن لو عندك ظروف
تبعت اى حد من صحابك


العيوب
أولا
إن ده مش مسموح قانونيا
لإنك لسه معكش تصريح ممارسة المهنة
و لو عيان اشتكاك و اتمسكت
هتكون عقوبتك
غرامة 200 جنيه
و حبس سنتين
ثانيا
إنك بتتحمل المسئولية لوحدك
و بالتالى بيكون فيه stress عليك
مع بعض الحالات الصعبة
و ده لإنك بتشتغل لوحدك من غير سينيور
ثالثا
أكيد هتواجه حالات مش عارفها بالضبط
فممكن تتعود تكتب أى حاجة
و تفهم المريض إنك مشخص حالته بدقة
و كاتبله العلاج اللى بيجيب من الآخر
و بالتالى هتطلع دكتور نصااااب
رابعا
الملل
لإن أغلب الأماكن ال rate فيها قليل
فهتعد أغلب الوقت مبتعملش أى حاجة


ثانيا الشغل فى الصيدليات

طبيعة العمل
بتشتغل أكنك صيدلى يعنى تقف فى صيدلية
و تصرف روشتات
و طبعا بتشتغل OTC كمان
يعنى بطلع أدوية للمريض كده من غير ما يكشف

ازاى تشتغل فيها
ياما بتروح تسأل فى الصيدليات لو محتاجين حد
و دى طريقة لا أفضلها
يإما عن طريق ناس صحابك و زمايلك
يإما عن طريق النت
عن طريق موقع النقابة
و دى طريقة مجربة و كويسة
و ناس كتير من صحابى اشتغلت عن طريقها

المقابل المادى
الساعة ب 70 جنيه
طبعا الساعة فى الشهر
و لو أقل من كده متوافقش
و فيه أماكن أكتر
لو فى منطقة راقية
ممكن توصل ل100 و 110


المميزات
أولا
هتتعلم الأدوية كويس جداا
و تعرف الأسماء التجارية و الأسعار و الأصناف الناقصة
و ده هيفيدك جداا بعد كده فى شغلك كطبيب
ثانيا
ممكن تفتح كلام مع العيان و تعرف منه حالته
و بالتالى تستفاد من الروشتة اللى مكتوبة ليه
بالذات لو انتا فى صيدلية قريبة من دكاترة كبيرة
استشاريين و أساتذة
ثالثا
فائدة مادية
هيكون ليك دخل مادى ثابت
بغض النظر الصيدلية شغالة و لا لأ


العيوب
أولا
عايزة يكون عندك معاد ثابت فاضى كل يوم
و ده صعب تحقيقه مع الامتياز
ثانيا
هتحس إنك بياع
تعد تدور للزبون على فكة
و تلف الأدوية
و أسوأ حاجة فى رأيى
إنك بتبيع كمان البامبرز و الشامبوهات ...
ثالثا
الملل
هتقضى ساعات طويلة مبتعملش حاجة
لو الصيدلية مش شغالة

ثالثا الشغل Medical Rip
مندوب شركة أدوية

طبيعة العمل
هتشتغل مندوب شركة أدوية
يعنى تبقه مسئول عن تلت أربع أدوية
و مسئول عن توزيعهم فى منطقة معينة
و كل يوم بتنزل ساعتين تلاتة تلف على الدكاترة
فى المنطقة دى و تكلمهم عن الأدوية بتاعتك
و تديهم عينات مجانية

ازاى تشتغل فيها
دى الشغل فيها صعب شوية
بس بتسأل فى كذا شركة
و الشركة لما تكون عايزة بتروح تقدم
و بيعملولك interview
بعدها لو وافقوا عليك بيتصلوا بيك
طبعا لو ليك واسطة يكون أفضل
بس من غير واسطة عادى
فيه ناس بتتقبل برده


المقابل المادى
كبير بالنسبة لأى حاجة تانية
بيوصل ل700 و 800
و ممكن أكتر
حسب الشركة


الممزيات
أولا
المقابل المادى الكبير
اللى صعب تلاقيه فى أى شغل تانى
ثانيا
الراحة
شغل وقت قليل
و بيخلص بسرعة
و مجرد بتلف فى عيادات و مستشفيات
تتكلم عن دوا
ثالثا
مفيش stress
و لا تحمل مسئولية
و لا تعامل مع عيانين
رابعا
فيه ناس بتكمل فيها
و تبقه supervisor
و بالتالى بيبقه ليها مرتب كبير
و عربية


العيوب
أولا
إنك بتتخلى عن وظيفتك لطبيب
و لو لوقت محدد
و بتفقد مكانتك الاجتماعية
ثانيا
ممكن دكاترة تكلمك وحش
أو تخليك تستنى كتييير
ثالثا
لو انتا بتشتغل فى شركة من اللى بتدى هدايا للدكتور
عشان يكبت الدوا بتاعها
فطبعا ده حرام و بكده هتكون مشارك فى الإثم
أما الحاجات البسيطة زى الأقلام و المذكرات
فالشيخ مصطفى العدوى أفتى إنها جائزة
إذا كان عليها اسم الدواء و على سبيل الدعاية


بس كده
و أتمنى الموضوع يكون مفيد ليكم
و اللى عنده أى استفسار يتفضل
و السلام عليكم و رحمة الله و بركاته
من مواضيع د أحمد سمير في المنتدى

التوقيع
نقرتين لعرض الصورة في صفحة مستقلة
د أحمد سمير غير متواجد حالياً   رد مع اقتباس
قديم 12-14-2009, 04:47 PM   #2
Dr M.M
ThanK GoD
Allteb
 
الصورة الرمزية Dr M.M
 
تاريخ التسجيل: Jan 2009
العمر: 30
المشاركات: 1,845
افتراضي رد: فرص العمل المتاحة للطبيب بعد التخرج

جزاك الله خيرا جزيلا دكتور أحمد ..
بجد مجهود رائع من حضرتك ..
ودائما بتفيدنا بمواضيعك المتميزه دي ...
جعلها الله في ميزان حسناتك ونفع بك

من مواضيع Dr M.M في المنتدى

Dr M.M غير متواجد حالياً   رد مع اقتباس
قديم 12-14-2009, 08:27 PM   #3
د/ خالد صديق
مشرف قسم " علاج الأورام "
Allteb
 
الصورة الرمزية د/ خالد صديق
 
تاريخ التسجيل: Jan 2009
العمر: 33
المشاركات: 1,213
افتراضي رد: فرص العمل المتاحة للطبيب بعد التخرج

جزاكم الله كل خير يا دكتور أحمد

كنت سألت معيد عندنا في النسا عن شغل المستوصفات , قالي ان ده بيعتمد على الشخص نفسه وانه هوه عمره ما نزل مستوصفات ,, فهل حضرتك شايف ان عدم الشغل في المستوصفات يعتبر تقصير مني كدكتور .... وهل فيه زمايلك ما نزلوش مستوصفات
يعني بنسبة كام تقريبا ؟؟؟؟

ولو افترضنا ان الشغل في المستوصفات كويس ومطلوب ..... امتى بالظبط ممكن ننزل .. بعد شهر ولا اتنين ولا عشر شهور من بداية الإمتياز

وايه رأيك في اللي يحضر في أكتر من rotation في الميري في الوقت اللي الشيفت بتاعه موجود في قسم مافيهوش شغل زي اللي انت قولت عليه قبل كدة ..........

هل ده حيعوض الجانب العلمي اللي بندور عليه في المستوصف

وسؤال تاني .... لو اشتغلت في صيدلية مش شغالة أوي ........ازاي تتحقق المعرفة والإلمام بالأدوية المختلفة
ولا في الحالة دي حيكون الهدف الرئيسي الفلوس
من مواضيع د/ خالد صديق في المنتدى

التوقيع
بدأت الجيش ..... دعواتكم معانا :))

التعديل الأخير تم بواسطة د/ خالد صديق ; 12-14-2009 الساعة 08:41 PM
د/ خالد صديق غير متواجد حالياً   رد مع اقتباس
قديم 12-14-2009, 09:29 PM   #4
د/محمد عزت
Banned
 
تاريخ التسجيل: Feb 2009
العمر: 34
المشاركات: 2,010
افتراضي رد: فرص العمل المتاحة للطبيب بعد التخرج

اقتباس:
ثالثا
الفائدة المادية
تحوشلك قرشين حلوين
عشان لما تخطب و تتجوز
و ممكن لو تعبت من المواصلات
على آخر الامتياز تحوش مبلغ كويس
و تقدر تشترى موتوسيكل


هههههههه

معندكش مستوصف أشتغل فيه يادكتور أحمد أصل أنا عايز أجيب موتوسيكل

عايز أضيف على الكلام الدكتور أحمد - بعد أذنك طبعا يازعيم -

رابعا : لو بتحب العلم والمذاكرة ومتقدرش تستغنى عنهم تدى دروس

المميزات :

1- هتراجع المادة العلمية اللى بتدرسها كويس علشان دماغك متصديش زى مادماغى صدت من قلة القراية

2- وجاهة اجتماعية بين الطلبة ( أنا باخد درس عن الدكتور فلان )

3- لو جتلك مجموعة كويسة هتحوشلك قرشين بجد مش

زى المستوصفات وتقدر فعلا تجيب الموتوسيكل بس صينى

4- ممكن تبقى بداية ليك أنك تكمل فى المجال ده وتتشهر وينزل شرحك على كل الطب

وطلاب جامعة هارفارد يدور على شرايطك علشان يسمعوها

العيوب :

1- هتبعد عن التطبيق وهتتعلم مهارات أقل من زمايلك اللى شاغلين برافيت وده فى نظرى أهم عيب

2- ممكن مفيش حد يعبرك ويجى ياخد عندك درس فلو هتبدأ لازم يكون ليك حد معرفة يجيب أصحابه معاه

وهتبقى طبعا أقل سعر فى السوق

على فكرة الحكاية منتشرة جدا فى الزقازيق وأعرف ناس ربنا فتحها عليهم كتير بسبب موضوع الدروس ده

وانا كنت هبدأ دروس جراحة السنة اللى فاتت وعملت ورق فعلا لكنى تراجعت لأسباب خاصة

ربنا يوفقكم جميعا
من مواضيع د/محمد عزت في المنتدى

د/محمد عزت غير متواجد حالياً   رد مع اقتباس
قديم 12-15-2009, 03:04 AM   #5
د أحمد سمير
 
الصورة الرمزية د أحمد سمير
 
تاريخ التسجيل: Feb 2009
العمر: 34
المشاركات: 2,692
افتراضي رد: فرص العمل المتاحة للطبيب بعد التخرج

اقتباس:المشاركة الأصلية كتبت بواسطة dr m.m مشاهدة المشاركة
جزاك الله خيرا جزيلا دكتور أحمد ..
بجد مجهود رائع من حضرتك ..
ودائما بتفيدنا بمواضيعك المتميزه دي ...
جعلها الله في ميزان حسناتك ونفع بك

جزانى و إياكم كل خير يا دكتور
و دايما انتا اللى بتنور مواضيعى بردودك الجميلة
بارك الله فيك
م
من مواضيع د أحمد سمير في المنتدى

التوقيع
نقرتين لعرض الصورة في صفحة مستقلة
د أحمد سمير غير متواجد حالياً   رد مع اقتباس
قديم 12-15-2009, 03:12 AM   #6
محب الدين
اللهم أعنـّا
Allteb
 
الصورة الرمزية محب الدين
 
تاريخ التسجيل: Jan 2009
المشاركات: 2,957
افتراضي رد: فرص العمل المتاحة للطبيب بعد التخرج

اقتباس:
و أسوأ حاجة فى رأيى
إنك بتبيع كمان البامبرز و الشامبوهات ...
ثالثا
الملل
هتقضى ساعات طويلة مبتعملش حاجة
لو الصيدلية مش شغالة


ههههه
جيت ع الجرح يا دكتور احمد
فعلا
الشغل في صيدليه على اد ماهو مفيد
على اد ماهو مقرف
موضوع رائع
ويشغل ناس كتير جدا
جزاكم الله خيرا
من مواضيع محب الدين في المنتدى

التوقيع
نقرتين لعرض الصورة في صفحة مستقلة
محب الدين غير متواجد حالياً   رد مع اقتباس
قديم 12-15-2009, 03:21 AM   #7
د أحمد سمير
 
الصورة الرمزية د أحمد سمير
 
تاريخ التسجيل: Feb 2009
العمر: 34
المشاركات: 2,692
افتراضي رد: فرص العمل المتاحة للطبيب بعد التخرج

جزاكم الله كل خير يا دكتور أحمد
جزانى و إياكم كل خير يا د صديق
كنت سألت معيد عندنا في النسا عن شغل المستوصفات , قالي ان ده بيعتمد على الشخص نفسه وانه هوه عمره ما نزل مستوصفات ,, فهل حضرتك شايف ان عدم الشغل في المستوصفات يعتبر تقصير مني كدكتور .... وهل فيه زمايلك ما نزلوش مستوصفات
يعني بنسبة كام تقريبا ؟؟؟؟
لأ عادى فيه نسبة كبيرة مش بتنزل
فيه ناس بتشتغل فى حاجات تانية و فيه ناس مش محتاج شغل أصلا
بس أنا مش شايف إن شغل المستوصفات عيب و لا حاجة
و فيه ناس كتير صحابى ليهم نيابات ببوست و بيشتغلوا
و أغلب النواب كانوا بيشتغلوا و بيحكولنا تجاربهم دلوقتى
أما إنه تقصير هوا متقدرش تقول كده
بس فى رأيى تجربة لازم تخوضها و هتديك خبرات علمية و حياتية كمان

ولو افترضنا ان الشغل في المستوصفات كويس ومطلوب ..... امتى بالظبط ممكن ننزل .. بعد شهر ولا اتنين ولا عشر شهور من بداية الإمتياز
من وجهة نظرى بعد 4-6 شهور
بحيث إنك تكون خلصت الأطفال و الاستقبال
أو تكون خلصت الباطنة و الجراحة
مع إن فى ناس بتشتغل من قبل الامتياز و ناس بتشتغل و هيا فى الكلية
بس من وجهة نظرى ده مش صح
أنا عن نفسى مشتغلتش إلا فى الشهر الخامس

وايه رأيك في اللي يحضر في أكتر من rotation في الميري في الوقت اللي الشيفت بتاعه موجود في قسم مافيهوش شغل زي اللي انت قولت عليه قبل كدة ..........
ده شىء كويس طبعا أحسن ما الواحد يضيع وقته
أنا كنت بعمل كده فى أول السنة

هل ده حيعوض الجانب العلمي اللي بندور عليه في المستوصف
أصل هيا الفكرة مش كده أنا هديك مثال
أنا فى أول الامتياز كان نفسى أتعلم أفتح abscess
روحت حضرتك فى عيادة الجراحة فى الكلية
جات حالة النايب نفسه هوا اللى فتحها و كان معاه
أكتر من 5 امتياز من زمايلنا
و ساب بنت تحط الفتيل بالعافية
لما أشتغلت private بقه الحالات دى بقيت بتجيلى كتير
و أنا اللى بفتح لوحدى و باخد فلوس كمان
مش عارف فاهم قصدى و لا لأ ؟؟
الكلية فيها حالات و فيها علم مش هتلاقيه فى أى مكان تانى
بس إحساسك إن فيه دكاترة أكبر منك
و إنك مش مسئول عن الحالات مش بيخليك تتعلم زى ال private
هديك مثال تانى
أنا ال ECG اتعلمته مخصوص عشان ال private
بسبب إنى لاقيت حالات بتجيلى و أنا اللى بعملها ال ECG
و المفروض أقرر دى عندها ايه و احولها و لا لأ
زى الحالة اللى كنت منزلها فى المنتدى
أيام طوارىء الباطنة كانت الحالات دى بتجيلنا كتير جداا
بس مكنتش بهتم أوى لإنى مشغول فى ال dirty
و مش أنا المسئول أصلا

وسؤال تاني .... لو اشتغلت في صيدلية مش شغالة أوي ........ازاي تتحقق المعرفة والإلمام بالأدوية المختلفة
ولا في الحالة دي حيكون الهدف الرئيسي الفلوس
لأ عادى أنا كنت بدرب فى صيدلية مش شغالة اوى و استفدت جداا برده
هقولك ازاى
طول الوقت اللى بتكون فيه فاضى تمسك مثلا الدولاب بتاع حرف ال A
الاول كل الأدوية اللى موجودة تعلم عليها فى الماستر
ده هيفيدك بعد كده لما تكتب ادوية عشان فيه ادوية كتيييرة فى الماستر
و مش موجودة فى الصيدليات
تانى حاجة كل دوا تحاول تشوف المادة الفعالة و بيستخدم فى ايه و جرعته ايه
و لو معرفتش ممكن تقرأ البامفليت بتاعته
و لما تروح تراجعهم لنفسك تانى فى البيت
و تقرأ كمان شوية فى الفارما بتاعتهم
و بعدين تانى يوم تعد تسمع لنفسك و هكذا لحد ما تحفظهم
و ربنا يوفقكم
من مواضيع د أحمد سمير في المنتدى

التوقيع
نقرتين لعرض الصورة في صفحة مستقلة
د أحمد سمير غير متواجد حالياً   رد مع اقتباس
قديم 12-15-2009, 03:33 AM   #8
د أحمد سمير
 
الصورة الرمزية د أحمد سمير
 
تاريخ التسجيل: Feb 2009
العمر: 34
المشاركات: 2,692
افتراضي رد: فرص العمل المتاحة للطبيب بعد التخرج

[QUOTE ] هههههههه

معندكش مستوصف أشتغل فيه يادكتور أحمد أصل أنا عايز أجيب موتوسيكل
[/QUOTE]

د محمد بلاش التواضع ده

ده أنا كنت عايز أقولك لو ممكن يعنى

تسيبنى أتعقم فى أى عملية مع سيادتك نقرتين لعرض الصورة في صفحة مستقلة

اقتباس:
رابعا : لو بتحب العلم والمذاكرة ومتقدرش تستغنى عنهم تدى دروس


تصدق فكرة جميلة

أنا واحد صاحبى كده بيدى هيستولوجى تقريبا

اقتباس:
- هتراجع المادة العلمية اللى بتدرسها كويس علشان دماغك متصديش زى مادماغى صدت من قلة القراية

2- وجاهة اجتماعية بين الطلبة ( أنا باخد درس عن الدكتور فلان )

3- لو جتلك مجموعة كويسة هتحوشلك قرشين بجد مش

زى المستوصفات وتقدر فعلا تجيب الموتوسيكل بس صينى

4- ممكن تبقى بداية ليك أنك تكمل فى المجال ده وتتشهر وينزل شرحك على كل الطب

وطلاب جامعة هارفارد يدور على شرايطك علشان يسمعوه


5- هعمل مجموعة للبنات و مجموعة للولاد
عشان أبقه منعت الاختلاط و أخد الثواب

قال قولى يا دكتورنا هوا الموتوسكيل الصينى بيعمل كام دلوقتى ؟؟

اقتباس:
العيوب :

1- هتبعد عن التطبيق وهتتعلم مهارات أقل من زمايلك اللى شاغلين برافيت وده فى نظرى أهم عيب

2- ممكن مفيش حد يعبرك ويجى ياخد عندك درس فلو هتبدأ لازم يكون ليك حد معرفة يجيب أصحابه معاه


نسيت أهم عيب إن لو ليك نيابة فى الكلية و الموضوع وصل للأساتذة
هتتضبط خااالص
السنة اللى فاتت عندنا كان الاول و الثانى بيدوا دروس جراحة و نسا
وكيل الكلية فى قعدة النيابات هددهم لو مبطلوش نقرتين لعرض الصورة في صفحة مستقلة

اقتباس:
وانا كنت هبدأ دروس جراحة السنة اللى فاتت وعملت ورق فعلا لكنى تراجعت لأسباب خاصة


لعل المانع خير
إن شاء الله تبقه معيد كبييير و تدى كورسات كتييير
من مواضيع د أحمد سمير في المنتدى

التوقيع
نقرتين لعرض الصورة في صفحة مستقلة
د أحمد سمير غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 11:40 AM.


Powered by vBulletin Version 3.8.12 by vBS
Copyright ©2000 - 2020, Jelsoft Enterprises Ltd
Translation by Support-ar
Style coding by: BBcolors.com